19. kuṣṭhacikitsitādhyāyaḥ

Adhikarana adhyAyopakramaH · Śloka

অস্মাদনন্তরং কুষ্ঠচিকিত্সিতমারভ্যতে| সম্বন্ধশ্চাস্য নিদান এবোক্ত ইত্যাহ-

Adhikarana kuShThacikitsitAdhyAyaH (2-3) · Śloka 3

অথাতঃ কুষ্ঠচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| )||৩||

ত্বগ্রক্তমাংসাদিদূষণাত্তত্স্রবণাদামযস্বভাবাচ্চ কাযকার্শ্যং কুষ্ঠিনঃ প্রাযেণাবশ্যং ভাবি| অনেনৈবানুসারেণ বক্ষ্যতি (শ্লো. ১৬)- "স্নেহৈরাপ্যাযযেচ্চৈনং কুষ্ঠঘ্নৈরন্তরাঽন্তরা|" ইত্যাহ-

Adhikarana sarvakuShThe pUrvaM snehapAnam (1) · Śloka 1

কুষ্ঠিনং স্নেহপানেন পূর্বং সর্বমুপাচরেত্| |১|

স০-কুষ্ঠবন্তং নরং সর্বমেব স্নেহপানৈরুপক্রমেত্-শরীরাপ্যাযনার্থং পূর্বমস্য স্নেহোপযোগো যুক্ত ইত্যর্থঃ|

Adhikarana vAtottare kuShThe dashamUlAdisiddhaM tailaM ghRutaM vA (1-2) · Śloka 2

| তত্র বাতোত্তরে তৈলং ঘৃতং বা সাধিতং হিতম্||১|| দশমূলামৃতৈরণ্ডশার্ঙ্গেষ্টামেষশৃঙ্গিভিঃ| |২|

স০-তস্মিন্ বাতোত্তরে কুষ্ঠে দশমূলাদিভিঃ পক্বং তৈলং ঘৃতং বা হিতম্|

Adhikarana pittottare kuShThe tiktakaM ghRutam (2-7) · Śloka 7

| পটোলনিম্বকটুকাদার্বীপাঠাদুরালভাঃ||২|| পর্পটং ত্রাযমাণাং চ পলাংশং পাচযেদপাম্| দ্ব্যাঢকেঽষ্টাংশশেষেণ তেন কর্ষোন্মিতৈস্তথা||৩|| ত্রাযন্তীমুস্তভূনিম্বকলিঙ্গকণচন্দনৈঃ| সর্পিষো দ্বাদশপলং পচেত্তত্তিক্তকং জযেত্||৪|| পিত্তকুষ্ঠপরীসর্পপিটিকাদাহতৃড্ভ্রমান্| কণ্ডুপাণ্ড্বামযান্ গণ্ডান্ দুষ্টনাডীব্রণাপচীঃ||৫|| বিস্ফোটবিদ্রধীগুল্মশোফোন্মাদমদানপি| হৃদ্রোগতিমিরব্যঙ্গগ্রহণীশ্বিত্রকামলাঃ||৬|| ভগন্দরমপস্মারমুদরং প্রদরং গরম্| অর্শোঽস্রপিত্তমন্যাংশ্চ সুকৃচ্ছ্রান্ পিত্তজান্ গদান্||৭||

স০-পটোলাদি পলাংশং দ্ব্যাঢকে পাচযেত্| তেনাষ্টভাগশেষেণ ক্বাথেন তথা কর্ষমাত্রৈস্ত্রাযন্ত্যাদিভির্ঘৃতস্য পলানি দ্বাদশ পচেত্| তদেবং তিক্তকাখ্যং সর্পিঃ পিত্তকুষ্ঠাদীন্ জযেত্| অপরানপি পিত্তজানামযান্ হন্তি| এতৈশ্চ দ্বাদশপলমাত্রং পক্বং প্রকৃষ্টগুণং স্যাদিতি দৃষ্টং তত্ত্বদর্শিভির্মহর্ষিভিঃ|

Adhikarana pittottare kuShThe mahAtiktaM ghRutam (8-11) · Śloka 11

সপ্তচ্ছদঃ পর্পটকঃ শম্যাকঃ কটুকা বচা| ত্রিফলা পদ্মকং পাঠা রজন্যৌ সারিবে কণে||৮|| নিম্বচন্দনযষ্ট্যাহ্ববিশালেন্দ্রযবামৃতাঃ| কিরাততিক্তকং সেব্যং বৃষো মূর্বা শতাবরী||৯|| পটোলাতিবিষামুস্তাত্রাযন্তীধন্বযাসকম্| তৈর্জলেঽষ্টগুণে সর্পির্দ্বিগুণামলকীরসে||১০|| সিদ্ধং তিক্তান্মহাতিক্তং গুণৈরভ্যধিকং মতম্| |১১|

স০-সপ্তচ্ছদাদিভিঃ কল্কৈর্ঘৃতাদষ্টগুণে জলে দ্বিগুণামলকরসে সর্পিঃ পক্বং মহাতিক্তসংজ্ঞং গুণৈশ্চাভ্যধিকং তিক্তান্মতম্, মুনীনামিতি শেষঃ|

Adhikarana kaPottare kuShTheShu nimbAdisiddhaM ghRutam (11-12) · Śloka 12

| কফোত্তরে ঘৃতং সিদ্ধং নিম্বসপ্তাহ্রচিত্রকৈঃ||১১|| কুষ্ঠোষণবচাশালপ্রিযালচতুরঙ্গুলৈঃ| |১২|

স০-কফোত্তরে নিম্বাদিভিঃ কল্কীকৃতৈঃ পক্বংঘৃতং পিবেত্|

Adhikarana sarvakuShTheShu BallAtakAdisnehaH ghRutaM sarvakRumijidAdighRutam (12-13) · Śloka 13

| সর্বেষু চারুষ্করজং তৌবরং সার্ষপং পিবেত্||১২|| স্নেহং ঘৃতং বা কৃমিজিত্পথ্যাভল্লাতকৈঃ শৃতম্| |১৩|

স০-সর্বেষু চ কুষ্ঠেষু ভল্লাতকোত্থং তুবরজং সর্ষপজং বা স্নেহমথবা ঘৃতং কৃমিজিদাদিভিঃ সাধিতং পিবেত্|

Adhikarana sarvakuShTheShu AragvadhamUlaghRutam (13-14) · Śloka 14

| আরগ্বধস্য মূলেন শতকৃত্বঃ শৃতং ঘৃতম্||১৩|| পিবেন্ কুষ্ঠং জযত্যাশু ভজন্ সখদিরং জলম্| |১৪|

স০-কর্ণিকারস্য মূলেন শতবারান্ ঘৃতং পক্বং পিবন্ কুষ্ঠং জযতি খদিরযুতং পানীযং সেবমানঃ|

Adhikarana sarveBireva snehairaBya~jjanam (14) · Śloka 14

| এভিরেব যথাস্বং চ স্নেহৈরভ্যঞ্জনং হিতম্||১৪||

স০-এভিরেব পূর্বোক্তৈঃ স্নেহৈর্যথাযোগমভ্যঞ্জনং হিতম্|

Adhikarana sarvakuShTheShu snigdhasya visarpoktaM shodhanam (15) · Śloka 15

স্নিগ্ধস্য শোধনং যোজ্যং বিসর্পে যদুদাহৃতম্| |১৫|

স০-স্নিগ্ধস্য কুষ্ঠিনঃ শোধনং যোজ্যং যদ্বিসর্পে কথিতম্| তত্র চোক্তম্ (হৃ. চি. অ. ১৮|৩)- "রসেন যুক্তং ত্রাযন্ত্যা দ্রাক্ষাযাঃ" ইত্যাদি|

Adhikarana sarvakuShTheShu lalATahastapAdeShu shirAmokShAH (15-16) · Śloka 16

| ললাটহস্তপাদেষু শিরাশ্চাস্য বিমোক্ষযেত্||১৫|| প্রচ্ছানমল্পকে কুষ্ঠে শৃঙ্গাদ্যাশ্চ যথাযথম্| |১৬|

স০-ললাটাদিষু চাস্যাতুরস্য বলাপেক্ষী বৈদ্যো শিরাং বিমোক্ষযেত্| অত্যল্পে কুষ্ঠে প্রচ্ছানং স্যাত্| যথাযথং-যথাস্বং, শৃঙ্গাদ্যাশ্চ স্যুঃ|

Adhikarana sarvakuShTheShu antarA~antarA snehairApyAyanaM tatkAraNaM ca (16-17) · Śloka 17

| স্নেহৈরাপ্যাযযেচ্চৈনং কুষ্ঠঘ্নৈরন্তরাঽন্তরা||১৬|| মুক্তরক্তবিরিক্তস্য রিক্তকোষ্ঠস্য কুষ্ঠিনঃ| প্রভঞ্জনস্তথা হ্যস্য ন স্যাদ্দেহপ্রভঞ্জনঃ||১৭||

স০-অন্তরাঽন্তরা স্রুতরক্তং কৃতবিরেকং চ কুষ্ঠঘ্নৈঃ স্নেহৈরেনং-কুষ্ঠিনং, আপ্যাযযেত্| এবং কৃতে সত্যস্য-কুষ্ঠিনো, মুক্তরক্তস্য তথা বিরিক্তস্যাত এব রিক্তকোষ্ঠস্য প্রভঞ্জনো দেহস্য প্রভঞ্জনো-বিঘাতকো, ন স্যাত্|

Adhikarana sarvakuShTheShu vajrakaghRutam (18) · Śloka 18

বাসামৃতানিম্ববরাপটোল- ব্যাঘ্রীকরঞ্জোদককল্কপক্বম্| সর্পির্বিসর্পজ্বরকামলাস্র- কুষ্ঠাপহং বজ্রকমামনন্তি||১৮||

স০-বাসাদিভিঃ সিদ্ধং সর্পির্বিসর্পাদিঘ্নম্| এতচ্চ বজ্রকসংজ্ঞং ঘৃতং বদন্তি| ইন্দ্রবজ্রাবৃত্তম্|

Adhikarana sarvakuShTheShu mahAvajrakaghRutam (19-20) · Śloka 20

ত্রিফলাত্রিকটুদ্বিকণ্টকারী- কটুকাকুম্ভনিকুম্ভরাজবৃক্ষৈঃ| সবচাতিবিষাগ্নিকৈঃ সপাঠৈঃ পিচুভাগৈর্নববজ্রদুগ্ধমুষ্ট্যা||১৯|| পিষ্টৈঃ সিদ্ধং সর্পিষঃ প্রস্থমেভিঃ ক্রূরে কোষ্ঠে স্নেহনং রেচনং চ| কুষ্ঠশ্বিত্রপ্লীহবর্ধ্মাশ্মগুল্মান্ হন্ত্যাত্কৃচ্ছ্রাংস্তন্মহাবজ্রকাখ্যম্||২০||

স০-ত্রিফলাদিভিঃ কার্ষিকৈঃ প্রত্যগ্রস্রুহীক্ষীরপলেন সহ পিষ্টৈরেভিরৌষধৈর্ঘৃতপ্রস্থং চতুর্গুণজলসিদ্ধং ক্রূরকোষ্ঠে স্নেহনং স্যাত্ রেচনং চ| তথা, কুষ্ঠাদীন্ দারুণান্ হন্যাত্| তচ্চ মহাবজ্রকং নাম| ঔপচ্ছন্দসিকশালিন্যৌ বৃত্তে|

Adhikarana sarvakuShTheShu UrdhvAMdhaH shodhanaM dantIghRutam (21) · Śloka 21

দন্ত্যাঢকমপাং দ্রোণে পক্ত্বা তেন ঘৃতং পচেত্| ধামার্গবপলে পীতং তদূর্ধ্বাধো বিশুদ্ধিকৃত্||২১||

স০-দন্ত্যাশ্চতুঃষষ্টিপলানি জলদ্রোণে পচেত্| তেন ক্বাথেন রাজকোশাতকীপলে ঘৃতং পচেত্| তত্পীতমূর্ধ্বাধো বিশুদ্ধিকরম্|

Adhikarana sarvakuShTheShu AvartakIghRutam (22-23) · Śloka 23

আবর্তকীতুলাং দ্রোণে পচেদষ্টাংশশেষিতম্| তন্মূলৈস্তত্র নির্যূহে ঘৃতপ্রস্থং বিপাচযেত্||২২|| পীত্বা তদেকদিবসান্তরিতং সুজীর্ণে ভুঞ্জীত কোদ্রবমসংস্কৃতকাঞ্জিকেন| কুষ্ঠং কিলাসমপচীং চ বিজেতুমিচ্ছন্ ইচ্ছন্ প্রজাং চ বিপুলাং গ্রহণং স্মৃতিং চ||২৩||

স০-আবর্তক্যাঃ শতং দ্রোণেঽপামষ্টাংশশেষিতং পচেত্| ত্ত্রক্বাথে, তস্যা মূলৈঃ কল্কীকৃতৈর্ঘৃতপ্রস্থং বিপাচযেত্| তদ্ধৃতমেকদিবসান্তরিতং পীত্বা সুষ্ঠু জীর্ণে চ ঘৃতে কোদ্রবমসংস্কৃতেন কাঞ্জিকেন সহ ভুঞ্জীত| কুষ্ঠাদীন্ বিজিগীষুঃ, প্রজাং চ বিস্তীর্ণামিচ্ছন্, গ্রহণং স্মৃতিং চাভিলষন্| বসন্ততিলকাবৃত্তম্|

Adhikarana sarvakuShTheShu lelItakavasA (24) · Śloka 24

যতের্লেলীতকবসা ক্ষৌদ্রজাতীরসান্বিতা| কুষ্ঠঘ্নী সমসর্পির্বা সগাযর্ত্র্যসনোদকা||২৪||

স০-যতেঃ-ব্রহ্মচর্যাস্থিতস্য, লেলীতকবসা মাক্ষিকজাতীরসযুতা কুষ্ঠঘ্নী স্যাত্| লেলীতকবসা-সৌবর্চললবণতৈলম্, গন্ধকমেকে| জাতীরসো-বোলঃ| অথবা, সমঘৃতা খদিরাসনোদকসহিতা কুষ্ঠঘ্নী স্যাত্|

Adhikarana sarvakuShTheShu hitamannapAnaM sarva tyAjyaM amlalavaNAdi (25-27) · Śloka 27

শালযো যবগোধূমাঃ কোরদূষাঃ প্রিযঙ্গবঃ| মুদ্গা মসূরাস্তুবরী তিক্তশাকানি জাঙ্গলম্||২৫|| বরাপটোলখদিরনিম্বারুষ্করযোজিতম্| মদ্যান্যৌষধগর্ভাণি মথিতং চেন্দুরাজিমত্||২৬|| অন্নপানং হিতং কুষ্ঠে, ন ত্বম্ললবণোষণম্| দধিদুগ্ধগুডানূপতিলমাষাংস্ত্যজেত্তরাম্||২৭||

স০-শাল্যাদিকমন্নপানং চ বরাদিভির্যোজিতং কুষ্ঠে হিতম্| ইন্দুরাজিঃ-বাকুচী| অম্লাদিকমন্নপানং ন হিতং কুষ্ঠে স্যাত্| তথা দধ্যাদীনতিশযেন বর্জযেত্| প্রতিরোগং চ যন্নিদানবর্জনং তচ্চিকিত্সিতমেবেত্যবগন্তব্যম্|

Adhikarana sarvakuShTheShu paTolamUlAdikvAthasya ShaDrAtraprayogaH (28-30) · Śloka 30

পটোলমূলত্রিফলাবিশালাঃ পৃথক্ত্রিভাগাপচিতত্রিশাণাঃ| স্যুস্ত্রাযমাণা কটুরোহিণী চ| ভাগার্ধিকে নাগরপাদযুক্তে||২৮|| এতত্পলং জর্জরিতং বিপক্বং জলে পিবেদ্দোষবিশোধনায| জীর্ণে রসৈর্ধন্বমৃগদ্বিজানাং পুরাণশাল্যোদনমাদদীত||২৯|| কুষ্ঠং কিলাসং গ্রহণীপ্রদোষ- মর্শাংসি কৃচ্ছ্রাণি হলীমকং চ| ষড্রাত্রযোগেন নিহন্তি চৈতদ্ হৃদ্বস্তিশূলং বিষমজ্বরং চ||৩০||

স০-পৃথক্-প্রত্যেকং, ত্রিভাগেনাপচিতো-ন্যূনঃ, তৃতীযঃ শাণো যেষাং তে পটোলাদযঃ পঞ্চ পৃথক্ত্রিভাগাপচিতত্রিশাণাঃ| লোকেঽপি চৈবং প্রযুক্তা এব| যথা,-ত্রিভাগোনাস্ত্রযো দ্রম্মা দেযা ইতি| অত্র হি দ্বৌ দ্রম্মৌ তৃতীযশ্চ দ্রম্মস্ত্রিভাগেন হীন ইতি গম্যতে| তদেবং পটোলস্য শাণৌ দ্বৌ ধানকাশ্চ চতস্রো ভবন্তি| ষড্ধানকো হি শাণঃ| এবং পটোলমূলাদিদ্রব্যাণাং পঞ্চানাং প্রত্যেকং ষোডশধানকাঃ স্যুঃ| স্যাত্ত্রাযমাণা কটুরোহিণী চ ভাগার্ধিকে| কিম্ভূতে ? নাগরপাদযুক্তে সত্যৌ, ন তু কেবলে| তদযমর্থঃ,-ত্রাযন্ত্যা ধানকাঃ ষট্, কটুকাযা ধানকাঃ ষট্, নাগরস্য ধানকাশ্চতস্রঃ| ষোডশধানকা হ্যত্র মূলদ্রব্যভাগঃ| তদেবং পটোলাদীনাং পঞ্চানামশীতির্ধানকাঃ, ত্রাযন্তীকটুকযোঃ শুণ্ঠীপাদযুতযোঃ ষোডশধানকাঃ, ইতি ষণ্ণবতিধানকাভিঃ পলং ভবতি| তদিদং পলং জর্জরিতং কিঞ্চিচ্চূর্ণিতং জলে বিপক্বং দোষবিশুদ্ধ্যর্থং পিবেত্| জীর্ণে সত্যৌষধে জাঙ্গলমৃগপক্ষিণাং মাংসরসৈঃ সহ পুরাণশাল্যোদনমশ্র্নীযাত্| উপজাতী বৃত্তে| এতচ্চ পীতং ষড্রাত্রযোগেন-ষড্দিনান্যুপযুক্তং, কুষ্ঠাদীন্ হন্তি| ইন্দ্রবজ্রাবৃত্তম্|

Adhikarana sarvakuShTheShu mANiBadrasiddho yogaH (31-32) · Śloka 32

বিডঙ্গসারামলকাভযানাং পলত্রযং, ত্রীণি পলানি কুম্ভাত্| গুডস্য চ দ্বাদশ, মাসমেষ জিতাত্মনাং হন্ত্যুপযুজ্যমানঃ||৩১|| কুষ্ঠশ্বিত্রশ্বাসকাসোদরার্শো- মেহপ্লীহগ্রন্থিরুগ্জন্তুগুল্মান্| সিদ্ধং যোগং প্রাহ যক্ষো মুমুক্ষো- র্ভিক্ষোঃ প্রাণান্ মাণিভদ্রঃ কিলেমম্||৩২||

স০-বিডঙ্গসারাদীনাং সমুদিতানাং পলত্রযম্, ত্রীণি পলানি কুম্ভাত্-ত্রিবৃতাযাস্ত্রীণি পলানি, গুডস্য চ দ্বাদশপলানি| এষ প্রযোগো জিতেন্দ্রিযাণাং মাসমুপযুজ্যমানো বক্ষ্যমাণান্ গদান্ হন্তি| "উপেন্দ্রবজ্রা তু জতৌ জগৌ গঃ|" মাসশব্দোপাদানাচ্চ প্রত্যহমস্মাদ্যোগাদর্ধপলং ধানকানবরক্তিকাত্রযসহিতমভ্যবহরণীযত্বেনাত্রাবতিষ্ঠতে| অন্যত্রাপি প্রদেশে য এবংবিধো নির্দেশস্তত্র পরিমাণকল্পনাযামযমেব ন্যাযোঽনুমন্তব্যঃ| মণিভদ্রাখ্যো যক্ষো ভিক্ষোঃ প্রাণান্ মুমুক্ষোঃ-জীবিতং জিহাসোঃ, ইমং সিদ্ধং যোগং প্রাণকরং প্রাহ,-জগাদেত্যর্থঃ| অত্র ভূতে কালে প্রাহেতি, তথা সাধু কিলেত্যাগমিকত্বং চ সূচযতি| শালিনীবৃত্তম্|

Adhikarana sarvakuShTheShu BUnimbAdi cUrNam (33-35) · Śloka 35

ভূনিম্বনিম্বত্রিফলাপদ্মকাতিবিষাকণাঃ| মূর্বাপটোলীদ্বিনিশাপাঠাতিক্তেন্দ্রবারুণীঃ||৩৩|| সকলিঙ্গবচাস্তুল্যা দ্বিগুণাশ্চ যথোত্তরম্| লিহ্যাদ্দন্তীত্রিবৃদ্ব্রাহ্মীশ্চূর্ণিতা মধুসর্পিষা||৩৪|| কুষ্ঠমেহপ্রসুপ্তীনাং পরমং স্যাত্তদৌষধম্|৩৫|

স০-ভূনিম্বাদযস্তুল্যা দন্ত্যাদযশ্চ যথোত্তরং দ্বিগুণাশ্চূর্ণিতা মধুসর্পিষা লিহ্যাত্| কুষ্ঠাদীনামেতত্ পরমং ভেষজম্|

Adhikarana sarvakuShTheShu triphalAdicUrNam (35) · Śloka 35

| বরাবিডঙ্গকৃষ্ণা বা লিহ্যাত্তৈলাজ্যমাক্ষিকৈঃ||৩৫||

স০-ত্রিফলাদীন্ বা তৈলঘৃতমাক্ষিকৈর্লিহ্যাত্|

Adhikarana sarvakuShTheShu vRukShakakvAthaH (36) · Śloka 36

কাকোদুম্বরিকাবেল্লনিম্বাব্দব্যোষকল্কবান্| হন্তি বৃক্ষকনির্যূহঃ পানাত্সর্বাংস্ত্বগামযান্||৩৬||

স০-কাকোদুম্বরিকাদিকল্কবান্ বৃক্ষকক্বাথঃ পানাত্সর্বান্ ত্বগ্রোগান্ হন্তি| কাকোদুম্বরিকা-ফল্গুঃ| বৃক্ষকো-বত্সকঃ|

Adhikarana sarvakuShTheShu kuTajAdisiddhaharItakIcUrNam (37) · Śloka 37

কুটজাগ্নিনিম্বনৃপতরুখদিরাসনসপ্তপর্ণনির্যূহে| সিদ্ধা মধুঘৃতযুক্তাঃ কুষ্ঠঘ্নীর্ভক্ষযেদভযাঃ|৩৭|

স০-কুটজাদিক্বাথে সিদ্ধাঃ পক্বা হরীতকীর্মধুঘৃতসংযুক্তাঃ কুষ্ঠনুদো ভক্ষযেত্| আর্যাবৃত্তম্|

Adhikarana sarvakuShTheShu dArvyAditvakkvAthaH (37) · Śloka 37

দার্বীখদিরনিম্বানাং ত্বক্ক্বাথঃ কুষ্ঠসূদনঃ| ||৩৭||

স০-দার্ব্যাদীনাং ত্বক্ক্বাথঃ কুষ্ঠনাশনঃ স্যাত্|

Adhikarana sarvakuShTheShu nishAdeH kvAtho ghRutaM ca sarva khadirAdeH pRuthak ghRutaM ca (38-39) · Śloka 39

নিশোত্তমানিম্বপটোলমূল- তিক্তাবচালোহিতযষ্টিকাভিঃ| কৃতঃ কষাযঃ কফপিত্তকুষ্ঠং সুসেবিতো ধর্ম ইবোচ্ছিনত্তি||৩৮|| এভিরেব চ শৃতং ঘৃতমুখ্যং ভেষ্জৈর্জযতি মারুতকুষ্ঠম্| কল্পযেত্খদিরনিম্বগুডূচী- দেবদারুরজনীঃ পৃথগেবম্||৩৯||

স০-নিশাদিভিঃ কষাযঃ কৃতঃ কফপিত্তজং কুষ্ঠমুদ্দলযতি| সুষ্ঠু সেবিতো যথা ধর্মঃ| এভিরেব-পূর্বোক্তৈরৌষধৈঃ, পক্বং বরং ঘৃতং বাতকুষ্ঠং জযতি| এবং-অনযৈব কল্পনযা, পৃথক্ খদিরাদীন্ কল্পযেত্| উপজাতিস্বাগতে বৃত্তে|

Adhikarana sarvakuShTheShu pAThAdiBirmUtramuShNajalaM vA (72)) · Śloka 40

পাঠাদার্বীবহ্নিঘুণেষ্টাকটুকাভি- মূত্রং যুক্তং শক্রযবৈশ্চোষ্ণজলং বা| কুষ্ঠী পীত্বা মাসমরুক্ স্যাদ্গুদকীলী মেহীশোফী পাণ্ডুরজীর্ণী কৃমীমাংশ্চ||৪০||

স০-পাঠাদিভিরিন্দ্রযবৈশ্চ গোমূত্রং যুক্তমথবোষ্ণজলং মাসং পীত্বা কুষ্ঠী নীরুক্ স্যাত্| অর্শসাদিশ্চ| "বেদৈ রন্ধ্রৈর্ম্তৌ যসগা মত্তমযূরম্|" (বৃ. র. অ. ৩|৭২)|

Adhikarana sarvakuShTheShu lAkShAdicUrNam (41) · Śloka 41

লাক্ষাদন্তীমধুরসবরাদ্বীপিপাঠাবিডঙ্গ- প্রত্যক্ঽঽপুষ্পীত্রিকটুরজনীসপ্তপর্ণাটরূষম্| রক্তা নিম্বং সুরতরু কৃতং পঞ্চমূল্যৌ চ চূর্ণং পীত্বা মাসং জযতি হিতভুগ্গব্যমূত্রেণ কুষ্ঠম্||৪১||

স০-লাক্ষাদিচূর্ণং গোমূত্রেণ মাসং পীত্বা হিতভোজী সন্ কুষ্ঠং জযতি| রক্তা-মঞ্জিষ্ঠা| সুরতরুশব্দস্য নপুংসকত্বমৌষধবাচিত্বাল্লোকাশ্রযত্বাল্লিঙ্গস্যেতিবা| পঞ্চমূল্যৌ-দেশমূলমিত্যর্থঃ| "মন্দাক্রান্তা মভনততগা গঃ সমুদ্রর্তুলোকৈঃ|"

Adhikarana sarvakuShTheShu nishAdeScUrNa paTakA vA (42) · Śloka 42

নিশাকণানাগরবেল্লতৌবরং সবহ্নিতাপ্যং ক্রমশো বিবর্ধিতম্| গবাম্বুপীতং বটকীকৃতং তথা নিহন্তি কুষ্ঠানি সুদারুণান্যপি||৪২||

স০-নিশাদিকং ক্রমেণ বিবর্ধিতং গোমূত্রেণ পীতমথবা বটকীকৃতং কুষ্ঠানি সুকৃচ্ছ্রাণ্যপি নিহন্তি| "উশন্তি বংশস্থমিদং জতৌ জরৌ|"

Adhikarana sarvakuShTheShu trikaTvAdiguTikA (43) · Śloka 43

ত্রিকটূত্তমাতিলারু- ষ্করাজ্যমাক্ষিকসিতোপলাবিহিতা| গুলিকা রসাযনং কু- ষ্ঠজিচ্চ বৃষ্যা চ সপ্তসমা||৪৩||

স০-ত্রিকটুকাদিভির্গুলিকা বিহিতা রসাযনং কুষ্টহৃদ্ বৃষ্যা চ স্যাত্| এবং চ সপ্তসমাখ্যা| ত্রিকটুকত্রিফলে হ্যত্র সমুদাযরূপত্বাদ্ দ্বে এব কল্পিতে| "আর্যা বিপুলা তু যাঽন্যথা পাদভাক্|"

Adhikarana sarvakuShTheShu candraSakalAdi vaTakAH (44) · Śloka 44

চান্দ্রশকলাগ্নিরজনী- বিডঙ্গতুবরাস্থ্যরুষ্করত্রিফলাভিঃ| বটকা গুডাংশক্ল্ড়্প্তাঃ সমস্তকুষ্ঠানি নাশযন্ত্যভ্যস্তাঃ||৪৪||

স০-চন্দ্রশকলাদিভির্বটকা গুডাংশেন ক্ল্ড়্প্তাঃ-শীলিতাঃ, নিঃশেষকুষ্ঠানি ঘ্নন্তি| চন্দ্রশকলা-বাকুচী| আর্যাগীতিঃ|

Adhikarana sarvakuShTheShu viDa~ggAdipiNDI (45) · Śloka 45

বিডঙ্গভল্লাতকবাকুচীনাং সদ্বীপিবারাহিহরীতকীনাম্| সলাঙ্গলীকৃষ্ণতিলোপকুল্যা গুডেন পিণ্ডী বিনিহন্তি কুষ্ঠম্||৪৫||

স০-বিডঙ্গাদীনাং চূর্ণেন গুডেন পিণ্ডী লাঙ্গলিকাদ্যন্বিতা কুষ্ঠং বিজযতে|

Adhikarana sarvakuShTheShu shashA~gkalekhAdilehaH (46) · Śloka 46

শশাঙ্কলেখা সবিডঙ্গসারা সপিপ্পলীকা সহুতাশমূলা| সাযোমলা সামলকা সতৈলা কুষ্ঠানি কৃচ্ছ্রাণি নিহন্তি লীঢা||৪৬||

স০-শশাঙ্কলেখা বিডঙ্গাদিভিঃ সহ তৈলেন লীঢা কৃচ্ছ্রাণি কুষ্ঠানি বিনাশযতি| উপজাতিবৃত্তম্(ত্তে)|

Adhikarana sarvakuShTheShu pathyAdipiNDI,sarvakuShTheShu guDAdipiNDI (47) · Śloka 47

পথ্যাতিলগুডৈঃ পিণ্ডী কুষ্ঠং সারুষ্করৈর্জযেত্| গুডারুষ্করজন্তুঘ্নসোমরাজীকৃতাঽথবা||৪৭||

স০-পথ্যাদিভিঃ সভল্লাতকৈঃ পিণ্ডী কুষ্ঠং জযেত্| গুডাদিভির্বা কৃতা পিণ্ডী কুষ্ঠং হন্তি|

Adhikarana sarvakuShTheShu khadiracUrNam (48) · Śloka 48

বিডঙ্গাদ্রিজতুক্ষৌদ্রসর্পিষ্মত্খাদিরং রজঃ| কিটিভশ্বিত্রদদ্রুঘ্নং খাদেন্মিতহিতাশনঃ||৪৮||

স০-খদিরচূর্ণং বিডঙ্গাদিযুতং মিতহিতভোজনঃ কিটিভাদিঘ্নং খাদেত্|

Adhikarana sarvakuShTheShu sitAdilehaH (49) · Śloka 49

সিতাতৈলকৃমিঘ্নানি ধাত্র্যযোমলপিপ্পলীঃ| লিহানঃ সর্বকুষ্ঠানি জযত্যতিগুরূণ্যপি||৪৯||

স০-সিতাদীনি লিহানোঽশেষকুষ্ঠানি কৃচ্ছ্রাণ্যপি জযতি|

Adhikarana sarvakuShTheShu mustAdicUrNam (50-52) · Śloka 52

মুস্তং ব্যোষং ত্রিফলা মঞ্জিষ্ঠা দারু পঞ্চমূলে দ্বে| সপ্তচ্ছদনিম্বত্বক্ সবিশালা চিত্রকো মূর্বা||৫০|| চূর্ণং তর্পণভাগৈর্নবভিঃ সংযোজিতং সমধ্বংশম্| নিত্যং কুষ্ঠনিবর্হণমেতত্প্রাযোগিকং খাদন্||৫১|| শ্বযথুং সপাণ্ডুরোগং শ্বিত্রং গ্রহণীপ্রদোষমর্শাংসি| বর্ধভগন্দরপিডকাকণ্ডূকোঠাপচীর্হন্তি||৫২||

স০-মুস্তাদিকং সমভাগং সক্তুভাগৈর্নবভিঃ সংযোজিতং মধ্বংশেন যুতমেতচ্চূর্ণং প্রাযোগিকং-প্রযোগযোগ্যং, কুষ্ঠঘ্নং সততং খাদেত্| আর্যাস্তিস্রঃ|

Adhikarana sarvakuShTheShu tuvarAsthyAdirasAyanAni (137)) · Śloka 53

রসাযনপ্রযোগেণ তুবরাস্থীনি শীলযেত্| ভল্লাতকং বাকুচিকাং বহ্নিমূলং শিলাহ্বযম্||৫৩||

স০-রসাযনোক্তেন বিধিনা তুবরাস্থীনি (হৃ. ঊ. অ. ৩৯|৮৪) , শীলযেত্| ভল্লাতকং বা (হৃ. উ. অ. ৩৯|৭৫) , সোমরাজীং বা (হৃ. উ. অ. ৩৯|১০৭) , চিত্রকমূলং বা (হৃ. উ. অ. ৩৯|৬৩) , শিলাজতু বা (হৃ. উ. অ. ৩৯|১৩৭)|

Adhikarana sarvakuShTheShu ityantadauShe vijite bahi pralepAdi hitam (54) · Śloka 54

ইতি দোষে বিজিতেঽন্তস্- ত্বক্স্থে শমনং বহিঃ প্রলেপাদি হিতম্| তীক্ষ্ণালেপোত্ক্লিষ্টং কুষ্ঠং হি বিবৃদ্ধিমেতি মলিনে দেহে||৫৪||

স০-ইতি-এবংপ্রকারেণ, অন্তর্বিজিতে দোষেঽত এব ত্বক্স্থে বহিঃ প্রলেপাদি হিতম্| আদিশব্দেন স্নানাদিপরিগ্রহঃ| ননু, বহির্ভাগস্থং কুষ্ঠং কিমিতি পূর্বমেব প্রলেপাদিনা ন জীযতে ? ইত্যাহ-তীক্ষ্ণেত্যাদি| যস্মাত্তীক্ষ্ণেন লেপেনোত্ক্লিষ্টং-উত্ক্লেশং প্রাপিতং, কুষ্ঠং মলিনে-সদোষে, কাযে বিবৃদ্ধিং যাতি| তস্মাদন্তঃশুদ্ধে কাযে প্রলেপাদিকং হিতম্| আর্যাগীতিঃ|

Adhikarana sarvakuShTheShu sthirakaThiNamaNDaleShu poTalaiH svedaH (55) · Śloka 55

স্থিরকঠিনমণ্ডলানাং কুষ্ঠানাং পোটলৈর্হিতঃ স্বেদঃ| স্বিন্নোত্সনং কুষ্ঠং শস্ত্রৈর্লিখিতং প্রলেপনৈর্লিম্পেত্||৫৫||

স০-স্থিরাণি কঠিনানি চ মণ্ডলানি যেষাং কুষ্ঠানাং তেষাং পোটলৈঃ স্বেদো হিতঃ| স্বিন্নোত্সন্নং কুষ্ঠং শস্ত্রৈর্লিখিতং প্রলেপৈর্লিম্পেত্| গীতিরার্যা|

Adhikarana sarvakuShTheShu svinnotsanneShu lekhanaM lepanaM ca sarvakuShTheShu sparshaindriyanASaneShu kShAraH (56) · Śloka 56

যেষু ন শস্ত্রং ক্রমতে স্পর্শেন্দ্রিযনাশনেষু কুষ্ঠেষু| তেষু নিপাত্যঃ ক্ষারো রক্তং দোষং চ বিস্রাব্য||৫৬||

স০-যেষু কুষ্ঠেষু স্পর্শেন্দ্রিযনাশনেষু শস্ত্রং ন ক্রমতে, তেষু রক্তং দোষং চ বিস্রাব্য ক্ষারো নিপাতনীযঃ| ক্রমত ইতি "বৃত্তিসর্গ" ইত্যাদিনা তড্|

Adhikarana sarvakuShTheShu atikaThinaparuShApurANaMtvAdiyukteShu viShairagadaSca kramAllepaH (57) · Śloka 57

লেপোঽতিকঠিনপুরুষে সুপ্তে কুষ্ঠে স্থিরে পুরাণে চ| পীতাগদস্য কার্যো বিষৈঃ সমন্ত্রোঽগদৈশ্চানু||৫৭||

স০-পাষাণবত্কঠিনে তথা পরুষস্পর্শে তথা সুপ্তে স্থিরীভূতে তথা পুরাণে চ কুষ্ঠে সত্যাতুরস্যোপযুক্তাগদস্য বিষৈর্মন্ত্রসহিতৈর্লে(তো লে)পঃ কার্যঃ| অনু-পশ্চাত্, অগদৈশ্চ লেপঃ|

Adhikarana sarvakuShTheShu stabdhatvAdiyukteShu ghRuShTvA lepaH (58) · Śloka 58

স্তব্ধানি সুপ্তসুপ্তান্যস্বেদনকণ্ডুলানি কুষ্ঠানি| ঘৃষ্টানি শুষ্কগোমযফেনকশস্ত্রৈঃ প্রদেহ্যানি||৫৮||

স০-কুষ্ঠানি স্তব্ধানি তথাঽতিসুপ্তানি তথাঽস্বেদনানি কণ্ডূবন্তি চ শুষ্কগোমযাদিভিঘৃষ্টান্যনন্তরং প্রলেপ্যানি|

Adhikarana sarvakuShTheShu mustAdikaShAyaH siddhAthaikaM snAnam sarvakuShTheShu mustA vamanaM virecanaM tvagdoShAdi nAshakaSca (59-60) · Śloka 60

মুস্তা ত্রিফলা মদনং করঞ্জ আরগ্বধঃ কলিঙ্গযবাঃ| সপ্তাহ্বকুষ্ঠফলিনীদার্ব্যঃ সিদ্ধার্থকং স্নানম্||৫৯|| এষ কষাযো বমনং বিরেচনং বর্ণকস্তথোদ্ধর্ষঃ| ত্বগ্দোষকুষ্ঠশোফপ্রবাধনঃ পাণ্ডুরোগঘ্নঃ||৬০||

স০-মুস্তাদযঃ স্নানং স্যাত্| এষ এব কষাযো বমনং [বিরেচনং] বর্ণকরস্তথোদ্ধর্ষস্ত্বগ্দোষাদিপ্রবাধনঃ পাণ্ডুরোগহৃচ্চ স্যাত্|

Adhikarana sarvakuShTheShu karavIramUlAdikvAthalepaH (61) · Śloka 61

করবীরনিম্বকুটজাচ্ছম্যাকাচ্চিত্রকাচ্চ মূলানাম্| মূত্রে দর্বীলেপী ক্বাথো লেপেন কুষ্ঠঘ্নঃ||৬১||

স০-করবীরমূলাদিনা চতুর্গুণে গোমূত্রে ক্বথিতে দর্বীলেপী ক্বাথো লেপেন কুষ্ঠঘ্নঃ-কুষ্ঠাপহঃ|

Adhikarana sarvakuShTheShu shvetakaravIramulAdi lepaH (62) · Śloka 62

শ্বেতকরবীমূলং কুটজকরঞ্জাত্ফলং ত্বচো দার্ব্যাঃ| সুমনঃপ্রবালযুক্তো লেপঃ কুষ্ঠাপহঃ সিদ্ধঃ||৬২||

স০-সিতকরবীরমূলাদযঃ সুমনঃপল্লবযুতো লেপো নিশ্চিতং কুষ্ঠঘ্নঃ|

Adhikarana sarvakuShTheShu SirIShatvagAdicaturvidholepaH (63) · Śloka 63

শৈরীষী ত্বক্ পুষ্পং কার্পাস্যা রাজবৃক্ষপত্রাণি| পিষ্টা চ কাকমাচী চতুর্বিধঃ কুষ্ঠহা লেপঃ||৬৩||

স০-শিরীষত্বগাদিলেপশ্চতুঃপ্রকারঃ কুষ্ঠজিত্| আর্যা অষ্টৌ|

Adhikarana sarvakuShTheShu vyoShAdi lepaH (64) · Śloka 64

ব্যোষসর্ষপনিশাগৃহধূমৈ- র্যাবশূকপটুচিত্রককুষ্ঠৈঃ| কোলমাত্রগুটিকাঽর্ধবিষাংশা শ্বিত্রকুষ্ঠহরণো বরলেপঃ||৬৪||

স০-ব্যোষাদিভির্দ্রব্যৈঃ সমাংশৈস্তদর্ধবিষোপেতৈঃ কোলপ্রমাণাবটিকা লেপতঃ শ্বিত্রং কুষ্ঠং হন্তি| [ স্বাগতাবৃত্তম্| ]

Adhikarana sarvakuShTheShu nimbAdicUrNasyodvartanam (65-66) · Śloka 66

নিম্বং হরিদ্রে সুরসং পটোলং কুষ্ঠাশ্বগন্ধে সুরদারু শিগ্রুঃ| সসর্ষপং তুম্বরুধান্যবন্যং চণ্ডা চ চূর্ণানি সমানি কুর্যাত্||৬৫|| তৈস্তক্রপিষ্টৈঃ প্রথমং শরীরং তৈলাক্তমুদ্বর্তযিতুং যতেত| তথাঽস্য কণ্ডূঃ পিটিকাঃ সকোঠাঃ কুষ্ঠানি শোফাশ্চ শমং ব্রজন্তি||৬৬||

স০-পূর্বং তৈলাভ্যক্তং শরীরং নিম্বাদিভিঃ সমভাগেন চূর্ণীকৃতৈরুদ্বর্তনার্থং যত্নং কুর্যাত্| তথা-এবং কৃতে, অস্য-আতুরস্য, কণ্ড্বাদযঃ শাম্যন্তি| উদ্বর্তনানন্তরমুষ্ণজলস্নানং কার্যম্|

Adhikarana sarvakuShTheShu mustAdicUrNasyAvacUrNanam (67-68) · Śloka 68

মুস্তামৃতাসঙ্গকটঙ্কটেরী- কাসীসকম্পিল্লককুষ্ঠরোধ্রাঃ| গন্ধোপলঃ সর্জরসো বিডঙ্গং মনঃশিলালে করবীরকত্বক্||৬৭|| তৈলাক্তগাত্রস্য কৃতানি চূর্ণা- ন্যেতানি দদ্যাদবচূর্ণনার্থম্| দদ্রূঃ সকণ্ডূঃ কিটিভানি পামা বিচর্চিকা চেতি তথা ন সন্তি||৬৮||

স০-মুস্তাদীনি সমান্যেতানি চূর্ণানি কৃতানি তৈলভ্যক্তদেহস্যাবচূর্ণনার্থং দদ্যাত্| তথা-এবমবচূর্ণিতে সতি, দদ্রুরিত্যাদযো নশ্যন্তি| চত্বার্যেতান্যুপজাতিসংজ্ঞানি বৃত্তানি|

Adhikarana sarvakuShTheShu sarShapakalkalepaH sarvakuShTheShu manaH shilAdilepaH sarvakuShTheShu kara~jjAlepaH (69-70) · Śloka 70

স্নুগ্গণ্ডে সর্ষপাত্কল্কঃ কুকূলানলপাচিতঃ| লেপাদ্বিচর্চিকাং হন্তি রাগবেগ ইব ত্রপাম্||৬৯|| মনঃশিলালে মরিচানি তৈল- মার্কং পযঃ কুষ্ঠহরঃ প্রদেহঃ| তথা করঞ্জপ্রপুনাটবীজং কুষ্ঠান্বিতং গোসলিলেন পিষ্টম্||৭০||

স০-সর্ষপাণাং কল্কঃ স্রুহ্যা গণ্ডে কুকূলাগ্নৌ পাচিতো লেপেন বিচর্চিকাং হন্তি, রাগবেগো লজ্জাং যথা| মনঃশিলাদযঃ প্রলেপাত্ কুষ্ঠহৃতঃ| তদ্বদেব করঞ্জাদি গোমূত্রপিষ্টম্| উপজাতিবৃত্তম্|

Adhikarana sarvakuShTheShu guggulvAdiBi miSrakatailamishrairlepaH (71-72) · Śloka 72

গুগ্গুলুমরিচবিডঙ্গৈঃ সর্ষপকাসীসসর্জরসমুস্তৈঃ| শ্রীবেষ্টকালগন্ধৈর্মনঃশিলাকুষ্ঠকম্পিল্লৈঃ||৭১|| উভযহরিদ্রাসহিতৈশ্চাক্রিকতৈলেন মিশ্রিতৈরেভিঃ| দিনকরকরাভিতপ্তৈঃ কুষ্ঠং ঘৃষ্টং চ নষ্টং চ||৭২||

স০-গুগ্গুল্বাদিভিরেতৈশ্চক্রজতৈলেন মিশ্রিতৈঃ সূর্যরশ্মিতপ্তৈঘৃষ্টং কুষ্ঠং দ্রাক্ নশ্যতি| চাক্রিকং তৈলং-সদ্যঃপীডিতং চক্রস্থমেবোষ্ণং তৈলম্| কেচিত্তু বহুকালকৃততৈলপীডনাত্ কোল্লু(হৃ)ককাষ্ঠাদ্দেবদারুকাষ্ঠবত্ খণ্ডশঃ পাটিতাদ্যুক্ত্যা যত্তৈলং গৃহ্যতে তচ্চক্রতৈলমিত্যাহুঃ|

Adhikarana sarvakuShTheShu sidhme maricAdilepaH (73-74) · Śloka 74

মরিচং তমালপত্রং কুষ্ঠং সমনঃশিলং সকাসীসম্| তৈলেন যুক্তমুষিতং সপ্তাহং ভাজনে তাম্রে||৭৩|| তেনালিপ্তং সিধ্মং সপ্তাহাদ্ ঘর্মসেবিনোঽপৈতি| মাসান্নবং কিলাসং স্নানেন বিনা বিশুদ্ধস্য||৭৪||

স০-মরিচাদিকং তৈলেন যুক্তং সপ্তদিনানি তাম্রভাজনে স্থিতং তেন চ-মরিচাদিনা, সিধ্মমালিপ্তং ঘর্মসেবিনো নরস্য সপ্তাহেনাপৈতি| মাসাদ্যত্সদ্যোত্থিতং শ্বিত্রং তন্নশ্যতি| স্নানেন বিনা বিশুদ্ধস্য নরস্য| চতস্র আর্যাঃ, আর্যাশ্চ জঘনচপলাঃ|

Adhikarana sarvakuShTheShu sidhme jyotiShmatItailam (75) · Śloka 75

মযূরকক্ষারজলে সপ্তকৃত্বঃ পরিস্রতে| সিদ্ধং জ্যোতিষ্মতীতৈলমভ্যঙ্গাত্সিধ্মনাশনম্||৭৫||

স০-অপামার্গক্ষারোদকে সপ্তবারান্ পরিস্রুতে সুবর্ণলতাতৈলং পক্বমভ্যঙ্গেন সিধ্মং নাশযতি|

Adhikarana sarvakuShTheShu sidhme kAkaja~gghAmUlAdilepaH (76) · Śloka 76

বাযসজঙ্ঘামূলং বমনীপত্রাণি মূলকাদ্বীজম্| তক্রেণ ভৌমবারে লেপঃ সিধ্মাপহঃ সিদ্ধঃ||৭৬||

স০-কাকজঙ্ঘামূলং বমন্যাঃ পত্রাণি মূলকবীজং চ তক্রেণাঙ্গারকদিনে লেপঃ সিধ্মঘ্নঃ সিদ্ধঃ|

Adhikarana sarvakuShTheShu jIvantyAdighRutatailapAkaH (77-78) · Śloka 78

জীবন্তী মঞ্জিষ্ঠা দার্বী কম্পিল্লকং পযস্তুত্থম্| এষ ঘৃততৈলপাকঃ সিদ্ধঃ সিদ্ধে চ সর্জরসঃ||৭৭|| দেযঃ সমধূচ্ছিষ্টো বিপাদিকা তেন নশ্যতি হ্যক্তা| চর্মৈককুষ্ঠকিটিভং কুষ্ঠং শাম্যত্যলসকং চ||৭৮||

স০-এষ ঘৃততৈলপাকঃ ঘৃততৈলাভ্যাং পাকো যস্য যোগস্য স ঘৃততৈলপাকঃ, গমকত্বাত্সমাসঃ| সিদ্ধো-নিষ্পন্নঃ| সিদ্ধেঽস্মিন্ পাকে সর্জরসো মদনেন সহ দেযঃ| তেন-সিদ্ধেন যোগেন, বিপাদিকাঽভ্যক্তা নশ্যতি| তথা, চর্মৈককুষ্ঠাদিকং চ শাম্যতি| ক্ষীরমূত্রার্কং গ্রাহ্যম্, যৌগিকত্বাদ্বৃদ্ধবৈদ্যব্যবহারাচ্চ| আর্যাস্তিস্রঃ|

Adhikarana sarvakuShTheShu nADIvraNeShu vajrakaM tailam (79-80) · Śloka 80

মূলং সপ্তাহ্বাত্ত্বক্ শিরীষাশ্বমারা- দর্কান্মালত্যাশ্চিত্রকাস্ফোতনিম্বাত্| বীজং কারঞ্জং সার্ষপং প্রাপুনাটং শ্রেষ্ঠা জন্তুঘ্নং ত্র্যূষণং দ্বে হরিদ্রে||৭৯|| তৈলং তৈলং সাধিতং তৈঃ সমূত্রৈ- স্ত্বগ্দোষাণাং দুষ্টনাডীব্রণানাম্| অভ্যঙ্গেন শ্লেষ্মবাতোদ্ভবানাং নাশাযালং বজ্রকং বজ্রতুল্যম্||৮০||

স০-সপ্তপর্ণমূলং শিরীষাদীনাং ত্বক্ করঞ্জাদীনাং বীজং তথা ত্রিফলাদযঃ, এতৈর্গোমূত্রসহিতৈস্তিলতৈলং পক্ত্বা বাতকফোদ্ভবানাং ত্বগ্দোষাণাং তথা দুষ্টনাডীব্রণানামভ্যঙ্গেন নাশায বজ্রকসংজ্ঞমেতদলং-সমর্থম্| তথা বজ্রতুল্যম্, অব্যাহতশক্তিত্বাত্| [ বৈশ্বদেবী শালিনী চ| ]

Adhikarana sarvakuShTheShu nADIvraNeShu mahAvajratailam (81-82) · Śloka 82

এরণ্ডতার্ক্ষ্যঘননীপকদম্বভার্ঙ্গী- কম্পিল্লবেল্লফলিনীসুরবারুণীভিঃ| নির্গুণ্ড্যরুষ্করসুরাহ্বসুবর্ণদুগ্ধা- শ্রীবেষ্টগুগ্গুলুশিলাপটুতালবিশ্বৈঃ||৮১|| তুল্যস্নুগর্কদুগ্ধং সিদ্ধং তৈলং স্মৃতং মহাবজ্রম্| অতিশযিতবজ্রকগুণং শ্বিত্রার্শোগ্রন্থিমালাঘ্নম্||৮২||

স০-এরণ্ডাদিভিস্তুল্যস্নুগর্কদুগ্ধং তৈলং পক্বং মহাবজ্রসংজ্ঞং স্মৃতম্| অতিশযেন বজ্রকগুণং শ্বিত্রাদিঘ্নম্| বসন্ততিলকং আর্যা চ|

Adhikarana sarvakuShTheShu kuShThAditailam (83) · Śloka 83

কুষ্ঠাশ্বমারভৃঙ্গার্কমূত্রস্নুক্ক্ষীরসৈন্ধবৈঃ| তৈলং সিদ্ধং বিষাবাপমভ্যঙ্গাত্ কুষ্ঠজিত্পরম্||৮৩||

স০-কুষ্ঠাদিভিঃ সিদ্ধং তৈলং বিষাবাপমভ্যঙ্গাত্ পরং কুষ্ঠহৃত্|

Adhikarana sarvakuShTheShu pAmAvicarcikayoH kaTutailam (84) · Śloka 84

সিদ্ধং সিক্থকসিন্দূরপুরতুত্থকতার্ক্ষ্যজৈঃ| কচ্ছূং বিচর্চিকাং চাশু কটুতৈলং নিবর্হতি||৮৪||

স০-সিক্থকাদিভিঃ পক্বং সর্ষপতৈলং কচ্ছ্বাদীন্নিহন্তি|

Adhikarana sarvakuShTheShu dadruShu lAkShAdilepaH (85) · Śloka 85

লাক্ষা ব্যোষং প্রাপুনাটং চ বীজং সশ্রীবেষ্টং কুষ্ঠসিদ্ধার্থকাশ্চ| তক্রোন্মিশ্রঃ স্যাদ্ধরিদ্রা চ লেপো দদ্রূষূক্তো মূলকোত্থং চ বীজম্||৮৫||

স০-লাক্ষাদযো নিশা চ তক্রোন্মিশ্রো দদ্রূষু লেপ উক্তঃ| মূলকবীজং চ তক্রমিশ্রং তদ্বত্| শালিনীবৃত্তম্|

Adhikarana sarvakuShTheShu citrakAdayAH ShaT lepAH (86-87) · Śloka 87

চিত্রকসোভাঞ্জনকৌ, গুডূচ্যপামার্গদেবদারূণি| খদিরো ধবশ্চ লেপঃ, শ্যামা দন্তী দ্রবন্তী চ||৮৬|| লাক্ষারসাঞ্জনৈলাঃ, পুনর্নবা চেতি কুষ্ঠিনাং লেপাঃ| দধিমণ্ডযুতাঃ পাদৈঃ ষট্ প্রোক্তা মারুতকফঘ্নাঃ||৮৭||

স০-চিত্রকাদযো দধিমণ্ডান্বিতাঃ পাদৈঃ ষট্ বাতশ্লেষ্মকুষ্ঠঘ্না গদিতাঃ| তত্র চিত্রকসোভাঞ্জনকাবিত্যেকো লেপঃ, গুডূচ্যপামার্গদেবদারূণীতি দ্বিতীযঃ, এবমন্যেঽপি বেদ্যাঃ| আর্যে|

Adhikarana sarvakuShTheShu pittakaPottareShu jalAdilepaH (88) · Śloka 88

জলবাপ্যলোহকেসরপত্রপ্লবচন্দনমৃণালানি| ভাগোত্তরাণি সিদ্ধং প্রলেপনং পিত্তকফকুষ্ঠে||৮৮||

স০-জলাদীনি ভাগোত্তরাণি সিদ্ধঃ পিত্তকফকুষ্ঠে প্রলেপঃ| জলং-বালকম্| বাপ্যং-কুষ্ঠম্| জঘনচপলাঽঽর্যা|

Adhikarana sarvakuShTheShu dAhayukteShu tiktaghRutAdiBiraBya~ggaH sarvakuShTheShu kledaprapAtAdiShu shItalepAdayaH (89-90) · Śloka 90

তিক্তঘৃতৈর্ধৌতঘৃতৈরভ্যঙ্গো দহ্যমানকুষ্ঠেষু| তৈলৈশ্চন্দনমধুকপ্রপৌণ্ডরীকোত্পলযুতৈশ্চ||৮৯|| ক্লেদে প্রপততি চাঙ্গে দাহে বিস্ফোটকে চ চর্মদলে| শীতাঃ প্রদেহসেকা ব্যধনবিরেকৌঘৃতং তিক্তম্||৯০||

স০-তিক্তদ্রব্যসাধিতৈর্ঘৃতৈস্তথা জলেন ধৌতৈর্ঘৃতৈরভ্যঙ্গো দাহযুক্তেষু কুষ্ঠেষু হিতঃ| ক্লেদে চ প্রকর্ষেণ পততি সতি তৈলৈশ্চন্দনাদিযুক্তৈরভ্যঙ্গঃ, চশব্দাদ্ধৃতৈশ্চ, প্রকৃতত্বাদ্ধিতঃ| অঙ্গে দাহাদিমতি শীতপ্রদেহাদ্যাস্তিক্তকং চ ঘৃতং হিতম্| ব্যধনং-সিরাব্যধঃ|

Adhikarana sarvakuShTheShu kRumikuShTheShukhadirAdayaH (91) · Śloka 91

খদিরবৃষনিম্বকুটজাঃশ্রেষ্ঠাকৃমিজিত্পটোলমধুপর্ণ্যঃ অন্তর্বহিঃ প্রযুক্তাঃ কৃমিকুষ্ঠনুদঃ সগোমূত্রাঃ||৯১||

স০-খদিরাদযো গোমূত্রান্বিতা অভ্যন্তরং বাহ্যতশ্চ প্রযুক্তাঃ কৃমিযুতকুষ্ঠহৃতঃ|

Adhikarana sarvakuShTheShu vAtottareShu pUrvaM ghRutaM sarvakuShTheShu kaPottareShu pUrvaM vamanaM sarvakuShTheShu pittottareShu pUrvaM raktamokSho virekaSca (92) · Śloka 92

বাতোত্তরেষু সর্পির্বমনং শ্লেষ্মোত্তরেষু কুষ্ঠেষু| পিত্তোত্তরেষু মোক্ষো রক্তস্য বিরেচনং চাগ্রে||৯২||

স০-বাতাধিকেষু কুষ্ঠেষু ঘৃতমগ্রে-পূর্বং, হিতম্| শ্লেষ্মাধিকেষু চ বমনম্| পিত্তোত্তরেষু রক্তমোক্ষো বিরেচনং চাগ্রে হিতম্|

Adhikarana sarvakuShTheShu nihRutAstradoShAdiShu lepAH siddhidAH (93) · Śloka 93

যে লেপাঃ কুষ্ঠানাং যুজ্যন্তে নির্হৃতাস্রদোষাণাম্| সংশোধিতাশযানাং সদ্যঃ সিদ্ধির্ভবতি তেষাম্||৯৩||

স০-নির্হৃতাস্রদোষাণাং তথা সংশোধিতশযানাং কুষ্ঠানাং যে লেপা যুজ্যন্তে, তেষাং সদ্যঃ-শীঘ্রমেব, সিদ্ধিঃ-আমযনিবৃত্তিঃ, ভবতি| অত এবেদমাহ-

Adhikarana sarvakuShTheShu bahudoSheShu saMshodhanam (94) · Śloka 94

দোষে হৃতেঽপনীতে রক্তে বাহ্যান্তরে কৃতে শমনে| স্নেহে চ কালযুক্তে ন কুষ্ঠমতিবর্ততে সাধ্যম্||৯৪||

স০-দোষে-বাতাদৌ, হৃতে রক্তেঽপনীতে বাহ্যেঽভ্যন্তরে শমনে কৃতে স্নেহে কৃতে চ কালে যুক্তে কুষ্ঠং সাধ্যং নাতিবর্ততে| অপি তূপশাম্যতি| আর্যাঃ ষট্, অন্যত্র জঘনচপলাঃ (?)|

Adhikarana sarvakuShTheShu doShAtiharaNe mRutyuH (95) · Śloka 95

বহুদোষঃ সংশোধ্যঃ কুষ্ঠী বহুশোঽনুরক্ষতা প্রাণান্| দোষে হ্যতিমাত্রহৃতে বাযুর্হন্যাদবলমাশু||৯৫||

স০-বহুদোষঃ কুষ্ঠী প্রাণান্ রক্ষতা ভিষজা পুনঃপুনঃ সংশোধ্যঃ| একবেলযৈব কস্মান্ন শোধ্যতে ? ইত্যাহ-যস্মাদ্দোষেঽতিমাত্রহৃতে সত্যবলং নরং বাতো দ্রাগেব হন্যাত্| আর্যা|

Adhikarana sarvakuShTheShu vamanAdInAM kAlaniyamaH (96) · Śloka 96

পক্ষাত্পক্ষাচ্ছর্দনান্যভ্যুপেযা- ন্মাসান্মাসাচ্ছোধনান্যপ্যধস্তাত্| শুদ্ধির্মূর্ঘ্নি স্যাত্ত্রিরাত্রাত্ত্রিরাত্রাত্ ষষ্ঠে ষষ্ঠে মাস্যসৃড্মোক্ষণং চ||৯৬||

স০-অসৌ কুষ্ঠী পক্ষেণ বমনানি সেবেত| মাসান্মাসাদধঃশোধনানি ভজেত্| শিরসি ত্রিরাত্রে ত্রিরাত্রে শুদ্ধিঃ স্যাত্| ষষ্ঠে ষষ্ঠে রক্তমোক্ষশ্চ স্যাত্|

Adhikarana sarvakuShTheShu kRutyadoShanirharaNam (97) · Śloka 97

যো দুর্বান্তো দুর্বিরিক্তোঽথবা স্যাত্ কুষ্ঠী দোষৈরুদ্ধতৈর্ব্যাপ্যতেঽসৌ| নিঃসন্দেহং যাত্যসাধ্যত্বমেবং তস্মাত্ কৃত্স্নান্নির্হরেদস্য দোষান্||৯৭||

স০-যঃ কুষ্ঠী কৃতাসম্যগ্বমনবিরেচনঃ স্যাত্, অসাবুদ্ধতৈর্দোষৈর্ব্যাপ্যতে| এবং নিশ্চযেনাসাধ্যত্বং যাতি| তস্মাদ্ধেতোরস্য-কুষ্ঠিনঃ, কৃত্স্নান্-নিখিলান্, দোষান্নির্হরেত্| শালিনীবৃত্তম্(ত্তে)|

Adhikarana sarvakuShTheShu vratasevanAdi (19) · Śloka 19

ব্রতদমযমসেবা ত্যাগশীলাভিযোগো দ্বিজসুরগুরুপূজা সর্বসত্ত্বেষু মৈত্রী| শিবশিবসুততারাভাস্করারাধনানি প্রকটিতমলপাপং কুষ্ঠমুন্মূলযন্তি||৯৮|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে কুষ্ঠচিকিত্সিতং নামৈকোনবিংশোঽধ্যাযঃ||১৯||

স০-ব্রতাদিসেবা ত্যাগাদ্যভ্যাসো দ্বিজাদিপূজা সর্বসত্ত্বমৈত্রী শিবাদ্যারাধনানি কুষ্ঠং প্রকটিতমলপাপং নাশযন্তি| মালিনীবৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে কুষ্ঠচিকিত্সিতং নামৈকোনবিংশোঽধ্যাযঃ সমাপ্তঃ|| ১৯||