16. pāṇḍurōgacikitsitādhyāyaḥ

Adhikarana adhyAyopakramaH · Śloka

অস্মাদনন্তরং পাণ্ডুরোগচিকিত্সিতং ব্যাখ্যাতুমুপক্রম্যতে| সম্বন্ধশ্চাস্য নিদান এবোক্তঃ|

Adhikarana pANDurogacikitsitAdhyAyaH pANDuroge Adau kalyANakA sarpiH pAnam (2-1) · Śloka 1

অথাতঃ পাণ্ডুরোগচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) পাণ্ড্বামযী পিবেত্সর্পিরাদৌ কল্যাণকাহ্বযম্| পঞ্চগব্যং মহাতিক্তং শৃতং বাঽঽরগ্বধাদিনা||১||

স০-পাণ্ড্বাতুরঃ কল্যাণকাখ্যং (হৃ. উ. অ. ৬|২৭) , সর্পিরাদৌ পিবেত্| আদাবিত্যনেনৈতদ্গমযতি,-অস্মিন্ ব্যাধৌ প্রাধান্যেন পিত্তচিকিত্সা কার্যা, তদনু বাতকফযোঃ| তথা চ পিত্তস্যৈবৈতদ্ব্যাধিকর্তৃত্বে প্রাধান্যম্| অত এব চ নিদানেঽধ্যগীষ্ট (হৃ. নি. অ. ১৩|১)- "পিত্তপধানাঃ কুপিতাঃ" ইত্যাদি| তস্মাত্ পিত্তস্যোপশান্ত্যৈ সর্পিঃপানং যুক্তম্| পঞ্চগব্যং ঘৃতং-অপস্মারপ্রতিষেধোক্তম্ (হৃ. উ. অ. ৭|২০)| মহাতিক্তং-কুষ্ঠচিকিত্সিতোক্তম্ (হৃ. চি. অ. ১৯|৮)| আরগ্বধাদিগণেন (হৃ. সূ. অ. ১৫|১৭) বা পক্বং ঘৃতং পিবেত্|

Adhikarana pANDuroge dADimAdisiddhaM ghRutam pANDurogesnehite vamanam (2-4) · Śloka 4

দাডিমাত্কুডবো ধান্যাত্কুডবার্ধং পলং পলম্| চিত্রকাচ্ছৃঙ্গবেরাচ্চ পিপ্পল্যর্ধপলং চ তৈঃ||২|| কল্কিতৈর্বিংশতিপলং ঘৃতস্য সলিলাঢকে| সিদ্ধং হৃত্পাণ্ডুগুল্মার্শঃপ্লীহবাতকফার্তিনুত্||৩|| দীপনং শ্বাসকাসঘ্নং মূঢবাতানুলোমনম্| দুঃখপ্রসবিনীনাং চ বন্ধ্যানাং চ প্রশস্যতে||৪||

স০-দাডিমস্য কুডবম্, ধান্যকাত্কুডবার্ধম্, চিত্রকশুণ্ঠ্যোঃ প্রত্যেকং পলম্, পিপ্পল্যা দ্বৌ কর্ষৌ, তৈঃ পিষ্ঠৈর্ঘৃতস্য পলানি বিংশতিং তোযাঢকে পচেত্| তচ্চ সিদ্ধং হৃদযাদ্যর্তিজিত্, দীপনাদিগুণযুক্তং চ| দুঃখপ্রসবিনীনাং স্ত্রীণাং বন্ধ্যানাং-অপ্রসবিনীনাং চ, শস্যতে|

Adhikarana pANDurogepunaH snigdhe virecanam (5) · Śloka 5

স্নেহিতং বামযেত্তীক্ষ্ণৈঃ পুনঃ স্নিগ্ধং চ শোধযেত্| পযসা মূত্রযুক্তেন বহুশঃ কেবলেন বা||৫||

স০-স্নেহিতং পাণ্ডুরোগিণং তীক্ষ্ণৈর্বামযেত্| পুনরপি স্নিগ্ধং চ বহুশঃ ক্ষীরেণ শোধযেত্| কেবলেন বা পযসা শোধযেত্|

Adhikarana pANDurogedantIPalAsAdayo virecanayogAH (6-7) · Śloka 7

দন্তীফলরসে কোষ্ণে কাশ্মর্যাঞ্জলিমাসুতম্| দ্রাক্ষাঞ্জলিং বা মৃদিতং তত্ পিবেত্ পাণ্ডুরোগজিত্||৬|| মূত্রেণ পিষ্টাং পথ্যাং বা তত্সিদ্ধং বা ফলত্রযম্| |৭|

স০-দন্তীফলরসে কোষ্ণে কাশ্মর্যাঞ্জলিমাসুতং পিবেত্, তদেতদুভযমপি পাণ্ডুরোগঘ্নম্| গোমূত্রেণ পিষ্টাং হরিতকীং বা পিবেত্| তেন-গোমূত্রেণ, সিদ্ধং-ক্বথিতং, ফলত্রযং বা পিবেত্|

Adhikarana pANDurogesvarNakShIryAdayaH (7-8) · Śloka 8

| স্বর্ণক্ষীরীত্রিবৃচ্ছ্যামাভদ্রদারুমহৌষধম্||৭|| গোমূত্রাঞ্জলিনা পিষ্টং শ্রৃতং তেনৈব বা পিবেত্| সাধিতং ক্ষীরমেভির্বা পিবেদ্দোষানুলোমনম্||৮||

স০-স্বর্ণক্ষীর্যাদিকং গোমূত্রাঞ্জলিনা পিষ্টমথবা তেনৈব-গোমূত্রেণ, শ্রৃতং পিবেত্| এভির্বা স্বর্ণক্ষীর্যাদিভির্দ্রব্যৈঃ ক্ষীরং সাধিতং দোষানুলোমকরং পিবেত্|

Adhikarana pANDurogegomUtraBAvitamayorajaH (9) · Śloka 9

মূত্রে স্থিতং বা সপ্তাহং পযসাঽযোরজঃ পিবেত্| জীর্ণে ক্ষীরেণ ভুঞ্জীত রসেন মধুরেণ বা||৯||

স০-গোমূত্রে সপ্তাহং স্থিতং লোহচূর্ণং ক্ষীরেণ পিবেত্| জীর্ণে তস্মিন্ দুগ্ধেন সহান্নং ভুঞ্জীত| মাংসরসেন বা মধুরেণ-ন ত্বম্লেন|

Adhikarana pANDuroge shodhite pathyA (10) · Śloka 10

শুদ্ধশ্চোভযতো লিহ্যাত্পথ্যাং মধুঘৃতদ্রুতাম্| |১০|

স০-শুদ্ধশ্চোভযতঃ-পাযুতো মূর্ধতশ্চ, হরীতকীং মধ্ঘৃতদ্রুতাং লিহ্যাত্|

Adhikarana pANDuroge vishAlAdi cUrNam (10-12) · Śloka 12

| বিশালাকটুকামুস্তাকুষ্ঠদারুকলিঙ্গকাঃ||১০|| কর্ষাংশা দ্বিপিচুর্মূর্বা কর্ষার্ধাংশা ঘুণপ্রিযা| পীত্বা তচ্চূর্ণমম্ভোভিঃ সুখৈর্লিহ্যাত্ততো মধু||১১|| পাণ্ডুরোগং জ্বরং দাহং কাসং শ্বাসমরোচকম্| গুল্মানাহামবাতাংশ্চ রক্তপিত্তং চ তজ্জযেত্||১২||

স০-বিশালাদয, ষট্ কর্ষমাত্রাঃ, মূর্বা দ্বিকর্ষপ্রমাণা, অর্ধকর্ষদ্ঘ্নী অতিবিষা তদেতচ্চূর্ণং কোষ্ণাম্বুনা পীত্বা মাক্ষিকং লিহ্যাত্| এতচ্চ পাণ্ডুরোগাদীন্ হন্তি|

Adhikarana pANDuroge vAsAdikvAthaH (13) · Śloka 13

বাসাগুডূচীত্রিফলাকট্বীভূনিম্বনিম্বহঃ| ক্বাথঃ ক্ষৌদ্রযুতো হন্তি পাণ্ডুপিত্তাস্রকামলাঃ||১৩||

স০-বাসাদিক্বাথো মধুযুতঃ পাণ্ড্বাদীন্ হন্তি|

Adhikarana pANDuroge vyoShAdi cUrNam (14-15) · Śloka 15

ব্যোষাগ্নিবেল্লত্রিফলামুস্তৈস্তুল্যমযোরজঃ| চূর্ণিতং তক্রমধ্বাজ্যকোষ্ণাম্ভোভিঃ প্রযোজিতম্||১৪|| কামলাপাণ্ডুহৃদ্রোগকুষ্ঠার্শোমেহনাশনম্| |১৫|

স০-ব্যোষাদিভিস্তুল্যমযোরজশ্চূর্ণিতং তক্রাদিভিরুপযোজিতং কামলাদিনাশনম্|

Adhikarana pANDuroge guDAdi guTikA (15-16) · Śloka 16

| গুডনাগরমণ্ডূরতিলাংশান্ মানতঃ সমান্||১৫|| পিপ্পলীদ্বিগুণান্ দদ্যাদ্গুটিকাং পাণ্ডুরোগিণে| |১৬|

স০-গুডাদিকান্ সমভাগান্ পিপ্পলীদ্বিগুণানিমাং গুটিকাং পাণ্ডুরোগিণে দদ্যাত্|

Adhikarana pANDuroge maNDUravaTakAH (16-20) · Śloka 20

| তাপ্যং দার্ব্যাস্ত্বচং চব্যং গ্রন্থিকং দেবদারু চ||১৬|| ব্যোষাদিনবকং চৈতচ্চূর্ণযেদ্ দ্বিগুণং ততঃ| মণ্ডূরং চাঞ্জননিভং সর্বতোঽষ্টগুণেঽথ তত্||১৭|| পৃথগ্বিপক্বে গোমূত্রে বটকীকরণক্ষমে| প্রক্ষিপ্য বটকান্ কুর্যাত্তান্ খাদেত্তক্রভোজনঃ||১৮|| এতে মণ্ডূরবটকাঃ প্রাণদাঃ পাণ্ডুরোগিণাং| কুষ্ঠান্যজরকং শোফমূরুস্তম্ভরোচকম্||১৯|| অর্শাংসি কামলাং মেহান্ প্লীহানং শমযন্তি চ| |২০|

স০-তাপ্যাদিকং ব্যোষাদিনবকং চ-পূর্বোক্তং, চূর্ণযেত্| ততঃ-তেভ্যো, দ্বিগুণং মণ্ডূরমঞ্জনসদৃশং সর্বেভ্যোঽষ্টগুণে মূত্রে পৃথক্ বিপক্বে চ বটকীকরণক্ষমে-ঘনে সতি, প্রক্ষিপ্য বটকান্ কুর্যাত্| তাংশ্চ তক্রপ্রধানভোজনঃ সন্ প্রাশ্র্নীযাত্| এতে মণ্ডূরবটকাঃ পাণ্ড্বামযিনাং প্রাণাদাস্তথা কুষ্ঠাদীন্ ঘ্নন্তি|

Adhikarana pANDuroge tApyAdicUrNam (20-23) · Śloka 23

| তাপ্যাদ্রিজতুরৌপ্যাযোমলাঃ পঞ্চপলাঃ পৃথক্||২০|| চিত্রকত্রিফলাব্যোষবিডঙ্গৈঃ পালিকৈঃ সহ| শর্করাষ্টপলোন্মিশ্রাশ্চূর্ণিতা মধুনা দ্রুতাঃ||২১|| পাণ্ডুরোগং বিষং কাসং যক্ষ্মাণং বিষমং জ্বরম্| কুষ্ঠান্যজরকং মেহং শোফং শ্বাসমরোচকম্||২২|| বিশেষাদ্ধন্ত্যপস্মারং কামলাং গুদজানি চ| |২৩|

স০-তাপ্যাদযঃ পৃথক্ পঞ্চপলাশ্চিত্রকাদিভিঃ পালিকৈঃ সহ শর্করাষ্টপলযুতাশ্চূর্ণীকৃতা মধুনা দ্রবীকৃতাঃ পাণ্ডুরোগাদীন্ ঘ্নন্তি| বিশেষেণাপস্মারাদীংশ্চ|

Adhikarana pANDuroge kauTajAdiguDAH (23-29) · Śloka 29

| কৌটজত্রিফলানিম্বপটোলঘননাগরৈঃ||২৩|| ভাবিতানি দশাহানি রসৈর্দ্বিত্রিগুণানি বা| শিলাজতুপলান্যষ্টৌ তাবতী সিতশর্করা||২৪|| ত্বক্ঽঽক্ষীরীপিপ্পলীধাত্রীকর্কটাখ্যাঃ পলোন্মিতাঃ| নিদিগ্ধ্যাঃ ফলমূলাভ্যাং পলং যুক্ত্যা ত্রিজাতকম্||২৫|| মধুত্রিপলসংযুক্তান্ কুর্যাদক্ষসমান্ গুডান্| দাডিমাম্বুপযঃ পক্ষিরসতোযসুরাসবান্||২৬|| তান্ ভক্ষযিত্বাঽনু পিবেন্নিরন্নো ভুক্ত এব বা| পাণ্ডুকুষ্ঠজ্বরপ্লীহতমকার্শোভগন্দরম্||২৭|| হৃন্মূত্রপূতিশুক্রাগ্নিদোষশোষগরোদরম্| কাসাসৃগ্দরপিত্তাসৃক্শোফগুল্মগলামযান্||২৮|| মেহবর্ধ্মভ্রমান্ হন্যুঃ সর্বদোষহরাঃ শিবাঃ| |২৯|

স০-কাটজাদিভির্দ্রব্যৈ রসৈঃ-রসতাং গতঃ, ক্বাথীকৃতৈরিত্যর্থঃ| শিলাজতুপলান্যষ্টৌ দশাহানি দ্বিগুণানি ত্রিগুণানি বা ভাবিতানি| অহঃশব্দো বারোপলক্ষণার্থঃ| তদযমাত্রার্থোঽবতিষ্ঠতে,-শিলাজতুপলাষ্টকং কেবলং জলধৌতং কৌটজাদিকং তত্তুল্যমষ্টগুণিতে জলে ক্বথিতং ততোঽষ্টভাগাবশেষরসং গৃহীত্বা তেন রসেন দশ বারান্ দ্বিগুণান্ ত্রিগুণান্ বা ভাবযেদিতি| তাবতী-অষ্টপলপ্রমাণা সিতশর্করা, ত্বক্ক্ষীর্যাদিকং পলোন্মিতং কণ্টকার্যাঃ ফলমূলযোঃ পলম্| ত্রিজাতকং যুক্ত্যা-যাবতা ত্রিজাতকেনাতিসৌগন্ধ্যং হীনসৌগন্ধ্যং বা ন স্যাত্, এবং ন হীনমাত্রমত্রৈতদ্দেযমব্যাপকত্বাত্, ন বাঽতিমাত্রমপ্যতিব্যাপকত্বেনাযোগার্হত্বাত্| মধুনস্ত্রিভিঃ পলৈঃ সংযুক্তান্ কার্ষিকান্ গুডান্ বিদধ্যাত্| তান্ গুডান্ ভক্ষযিত্বাঽনু-পশ্চাত্, দাডিমজলাদীনি যথাযোগং পিবেত্ নিরন্নঃ কৃতাহারো বা| তে চ বটকাঃ পাণ্ড্বাদীন্ হন্যুঃ| সর্বদোষহরাঃ শিবাশ্চ স্যুঃ|

Adhikarana pANDuroge drAkShAdilehaH (29-31) · Śloka 31

| দ্রাক্ষাপ্রস্থং কণাপ্রম্থং শর্করার্ধতুলাং তথা||২৯|| দ্বিপলং মধুকং শুণ্ঠীং ত্বক্ষীরীং চ বিচূর্ণিতম্| ধাত্রীফলরসদ্রোণে তত্ক্ষিপ্ত্বা লেহবত্পচেত্||৩০|| শীতান্মধুপ্রস্থযুতাদ্ লিহ্যাত্পাণিতলং ততঃ| হলীমকং পাণ্ডুরোগং কামলাং চ নিযচ্ছতি||৩১||

স০-দ্রাক্ষাযাঃ ষোডশপলানি পিপ্পল্যাশ্চ| শর্করাযাঃ পলানি পঞ্চশত্| যষ্ঠ্যাদিকং রজীকৃতং দ্বিপলপ্রমাণম্| ধাত্রীফলরসস্য দ্রোণে সর্বমেতত্ক্ষিপ্ত্বা লেহমিব পচেত্| তস্মাল্লেহাচ্ছীতাত্সতো মধুনঃ প্রস্থযুতাত্ পাণিতলং-কর্ষমাত্রং, লিহ্যাত্| স চ লেহো হলীমকাদীন্নিযচ্ছতি-পরাকরোতি|

Adhikarana pANDuroge pAnaBojane hRusvapa~jjamUlajalam pANDuroge kAmAlAyAM hRusvadrakShAmalakarasaH (32) · Śloka 32

কনীযঃপঞ্চমূলাম্বু শস্যতে পানভোজনে| পাণ্ডূনাং, কামলার্তানাং মৃদ্বীকামলকাদ্রসঃ||৩২||

স০-পানে ভোজনে চ শস্যতে হ্রস্বপঞ্চমূলজম্| মৃদ্বীকারস আমলকরসশ্চ পাণ্ডুরোগিণাং কামলার্তানাং চ শস্যতে|

Adhikarana pANDuroge sAmAnyamauShadham (33) · Śloka 33

ইতি সামান্যতঃ প্রোক্তং পাণ্ডুরোগে ভিষগ্ঽঽজিতম্| বিকল্প্য যোজ্যং বিদুষা পৃথগ্দোষবলং প্রতি||৩৩||

স০-ইতি-এবং, পাণ্ডুরোগে সামান্যেন ভিষগজিতং-ঔষধং, প্রোক্তম্| ভিষজ্ধাতুঃ কণ্ড্বাদৌ ভিষজ্যতে স্মক্তঃ ভিষগ্জিতম্| তদভিজ্ঞেন বৈদ্যেন বিকল্প্য-নিরূপ্য, পৃথগ্দোষবলং লক্ষণীকৃত্য যোজ্যম্|

Adhikarana pANDuroge vAtaje snehaprAyam pANDuroge pittaje tiktashItam pANDuroge kaPaje kaTurUkShoShNam pANDuroge tridoShaje miSram (34) · Śloka 34

স্নেহপ্রাযং পবনজে তিক্তশীতং তু পৈত্তিকে| শ্লৈষ্মিকে কটুরূক্ষোষ্ণং বিমিশ্রং সান্নিপাতিকে||৩৪||

স০-পবনজে পাণ্ডৌ স্নেহপ্রাযং-স্নেহভূযিষ্ঠং, ভেষজম্| তিক্তশীতপ্রাযং তু পৈত্তিকে| শ্লৈষ্মিকে তু কটুরূক্ষোষ্ণভূযিষ্ঠম্| সন্নিপাতিকে বিমিশ্রং চিকিত্সিতম্|

Adhikarana pANDuroge mRuttikAje tIkShNaM virecanam pANDuroge mRutti shuddhakoShThe ghRutani (35) · Śloka 35

মৃদং নির্যাপযেত্কাযাত্তীক্ষ্ণৈঃ সংশোধনৈঃ পুরঃ| বলাধানানি সর্পীংষি শুদ্ধে কোষ্ঠে তু যোজযেত্||৩৫||

স০-কাযাত্-শরীরাত্, মৃদং-শল্যভূতস্থিতাং, তীক্ষ্ণৈঃ সংশোধনৈঃ-স্নুহীক্ষীরাদিভিঃ, নির্হরেত্ পুরঃ-পূর্বম্| শুদ্ধে তু কোষ্ঠে বলাধানানি ঘৃতানি যোজযেত্| তান্যেবাহ-

Adhikarana pANDuroge mRuttikAje vyoShAdighRutam (36-37) · Śloka 37

ব্যোষবিল্বদ্বিরজনীত্রিফলাদ্বিপুনর্নবম্| মুস্তান্যযোরজঃ পাঠা বিডঙ্গং দেবদারু চ||৩৬|| বৃশ্চিকালী চ ভার্গী চ সক্ষীরেস্তৈঃ শৃতং ঘৃতম্| সর্বান্ প্রশমযত্যাশু বিকারান্ মৃত্তিকাকৃতান্||৩৭||

স০-ব্যোষাদিভির্ঘৃতাচ্চতুর্থাংশৈহ্ শৃতানি সমেন ক্ষীরেণ তচ্চতুর্গুণজলেন ঘৃতং সর্বান্ বিকারান্ মৃত্তিকাকৃতান্ শমযতি|

Adhikarana pANDuroge mRuttikAje kesarAdi ghRutam (38) · Śloka 38

তদ্বত্কেসরযষ্ট্যাহ্বপিপ্পলীক্ষীরশাড্বলৈঃ| |৩৮|

স০-কেসরাদিভিঃ পক্বং সর্পিস্তদ্বত্-পূর্বগুণম্|

Adhikarana pANDuroge mRuddheShaNaya vellAdiBAvitA mRut (38-39) · Śloka 39

| মৃদ্দ্বেষণায তল্লোল্যে বিতরেদ্ভাবিতাং মৃদম্||৩৮|| বেল্লাগ্নিনিম্বপ্রসবৈঃ পাঠযা মূর্বযাঽথবা| |৩৯|

স০-মৃদ্দ্বেষণার্থে তস্যাং মৃদি লৌল্যে-লোলুপত্বে সতি, বেল্লাদিভির্ভাবিতাং মৃদং দদ্যাত্|

Adhikarana pANDuroge mRuddhedoShAnunugamAdBeShajam (39) · Śloka 39

| মৃদ্ভেদভিন্নদোষানুগমাদ্যোজ্যং চ ভেষজম্||৩৯||

স০-মৃদো ভেদো-বিশেষঃ কৃষ্ণপাণ্ডুরাদিঃ, তেন ভিন্নো-বিশেষিতো, যো দোষস্তস্য বাতাদের্জ্ঞানাত্| "মৃত্কষাযাঽনিলং পিত্তমূষরা মধুরা কফম্| দূষযিত্বা" (হৃ. নি. অ. ১৩|১৩) এবং লক্ষণাদ্দোষানুগমদ্ভেষজং যোজ্যম্| নৈবমেব মৃদ্ভক্ষণমাত্রবিজ্ঞানেন মৃন্নির্হরণৌষধং চৈতদ্ধেতুবিপরীতমেবেত্যবেহি| যতো মৃদা হেতুভূতযা যঃ পাণ্ডুরোগ উদভূত তস্য মৃন্নির্হরণং বিপরীতমেব|

Adhikarana pANDuroge kAmalAyAM pittaghnam (40) · Śloka 40

কামলাযাং তু পিত্তঘ্নং পাণ্ডুরোগাবিরোধি যত্| |৪০|

স০-কামলাযাং পিত্তহরমৌষধং যত্ পাণ্ডুরোগাবিরোধি তদ্দেযম্|

Adhikarana pANDuroge pathyAghRutam (40-41) · Śloka 41

| পথ্যাশতরসে পথ্যাবৃন্তার্ধশতকল্কিতঃ||৪০|| প্রস্থঃ সিদ্ধো ঘৃতাদ্গুল্মকামলাপাণ্ডুরোগনুত্| |৪১|

স০-পথ্যাশতক্বাথে পথ্যাবৃন্তঞ্চাশত্কল্কীকৃতো ঘৃতপ্রস্থঃ পক্বঃ কামলাদিঘ্নঃ|

Adhikarana pANDuroge AragvadhayogaH (41-42) · Śloka 42

| আরগ্বধং রসেনেক্ষোর্বিদার্যামলকস্য বা||৪১|| সত্র্যূষণং বিল্বমাত্রং পাযযেত্কামলাপহম্| |৪২|

স০-ইক্ষো রসেন বিদার্যা রসেনামলকরসেন বা সহত্রিকটুকং পলপ্রমাণমারগ্বধং কামলাপহং পাযযেত্|

Adhikarana pANDuroge dantIkalkaH pANDuroge dravantIcUrNam (42-43) · Śloka 43

| পিবেন্নিকুম্ভকল্কং বা দ্বিগুডং শীতবারিণা||৪২|| কুম্ভস্য চূর্ণং সক্ষৌদ্রং ত্রৈফলেন রসেন বা| |৪৩|

স০-নিকুম্ভকল্কং বা পলদ্বযপ্রমাণং শিশিরজলেন পিবেত্| কুম্ভচূর্ণং ক্ষৌদ্রসহিতং বা ত্রৈফলেন ক্বাথেন পিবেত্|

Adhikarana pANDuroge triPalAdirasaH (43-44) · Śloka 44

| ত্রিফলাযা গুডূচ্যা বা দার্ব্যা নিম্বস্য বা রসম্||৪৩|| প্রাতঃ প্রাতর্মধুযুতং কামলার্তায যোজযেত্| |৪৪|

স০-ত্রিফলাদ্যন্যতমরসং মধুযুতং প্রাতঃ কামলিনে যোজযেত্|

Adhikarana pANDuroge nishAdya~jjanam (44) · Śloka 44

| নিশাগৈরিকধাত্রীভিঃ কামলাপহমঞ্জনম্||৪৪||

স০-নিশাদিভিরঞ্জনং কামলাহৃত্|

Adhikarana pANDuroge tilapiShTaniBemale kaPaharam (45) · Śloka 45

তিলপিষ্টনিভং যস্তু কামলাবান্ সৃজেন্মলম্| কফরুদ্ধপথং তস্য পিত্তং কফহরৈর্জযেত্||৪৫||

স০-যঃ পুনঃ কামলাবান্ মলং তিলপিষ্টসদৃশং মুঞ্চেত্ তস্য কফরুদ্ধমার্গং তস্যাতুরস্য কফঘ্নৈর্দ্রব্যৈঃ পিত্তং জযেত্|

Adhikarana pANDuroge shAkhAshrayakAraNaM li~ggacikitsA ca (46-52) · Śloka 52

রূক্ষশীতগুরুস্বাদুব্যাযামবলনিগ্রহৈঃ| কফসম্মূর্চ্ছিতো বাযুর্যদা পিত্তং বহিঃ ক্ষিপেত্||৪৬|| হারিদ্রনেত্রমূত্রত্বক্ঽঽশ্বেতবর্চস্তদা নরঃ| ভবেত্সাটোপবিষ্টম্ভো গুরুণা হৃদযেন চ||৪৭|| দৌর্বল্যাল্পাগ্নিপার্শ্বার্তিহিধ্মাশ্বাসারুচিজ্বরৈঃ| ক্রমেণাল্পেঽনুষজ্যেত পিত্তে শাখাসমাশ্রিতে||৪৮|| রসৈস্তং রূক্ষকট্বমলিঃ শিখিতিত্তিরিদক্ষজৈঃ| শুষ্কমূলকজৈর্যূষৈঃ কুলত্থোত্থৈশ্চ ভোজযেত্||৪৯|| ভৃশাম্লতীক্ষ্ণকটুকলবণোষ্ণং চ শস্যতে| সবীজপূরকরসং লিহ্যাদ্ব্যোষং তথাঽঽশযম্||৫০|| স্বং পিত্তমেতি তেনাস্য শকৃদপ্যনুরজ্যতে| বাযুশ্চ যাতি প্রশমং সহাটোপাদ্যুপদ্রবৈঃ||৫১|| নিবৃত্তোপদ্রবস্যাস্য কার্যঃ কামলিকো বিধিঃ| |৫২|

স০-রূক্ষাদিভিঃ পবনঃ কুপিতঃ কফেন মিশ্রিতো যদা পিত্তং বহিঃ ক্ষিপেত্ তদা হারিদ্রনেত্রাদিঃ পুরুষো ভবেত্ আটোপাদিমাংশ্চ| হৃদযেন চ গুরুণা যুক্তঃ| দৌর্বল্যাদিভিঃ ক্রমেণ কুপিতো বাযুরল্পে পিত্তে শাখাসমাশ্রিতেঽনুষজ্যেত| অনুষজ্যেতেতি কর্মকর্তরি| তং-তাদৃশং নরং, রসৈ রূক্ষকট্বম্লৈর্মযূরাদিমাংসজৈস্তথা শুষ্কমূলকোদ্ভবৈর্যূষৈস্তথা কুলত্থোত্থৈর্ভোজযেত্| ভৃশাম্লাদিকং চ ভোজনং শস্যতে| তথা বীজপূরকরসসহিতং ব্যোষং লিহ্যাত্| এবং কৃতে সত্যস্য পিত্তং স্বমাশযমেতি, শকৃচ্চানুরজ্যতে, বাযুশ্চ প্রশমং যাত্যাটোপান্ত্রকূজনাদিভিরুপদ্রবৈঃ সহ| অস্য-আতুরস্য, অপগতোপদ্রবস্য সতঃ কামলাবিহিতো বিধিঃ কার্যঃ|

Adhikarana kumBakamalAyAM shilAjatu kumBa mAkShikadhAtuH suvarNaM vA (52-53) · Śloka 53

| গোমূত্রেণ পিবেত্কুম্ভকামলাযাং শিলাজতু||৫২|| মাসং মাক্ষিকধাতুং বা কিট্টং বাঽথ হিরণ্যজম্| |৫৩|

স০-কুম্ভকামলাযাং গোমূত্রেণালোডিতং শিলাজতু পিবেত্| ধাতুমাক্ষিকং বা গোমূত্রেণ আসং যাবত্ পিবেত্| হিরণ্যজং [কিট্টং]-রূপ্যোত্থং মলং বা, গোমূত্রেণ পিবেত্|

Adhikarana halImake guDucIghRutena snehanam halItato trivRutayA viretayA virecatam halIvirikte madhuraM vAtapittandhaM cAdyAt halIdrAkShAleho madhuradhRutAni halIyApanAH kShIrabastayo sAnuvAsanAH halI agnivRuddhaye mArddhIkAriShTayogAH halIaBayAlehAdi sarvaM yathAdoShabalam (53-57) · Śloka 57

| গুডূচীস্বরসক্ষীরসাধিতেন হলীমকী||৫৩|| মহিষীহবিষা স্নিগ্ধঃ পিবেদ্ধাত্রীরসেন তু| ত্রিবৃতাং তদ্বিরিক্তোঽদ্যাত্স্বাদু পিত্তানিলাপহম্||৫৪|| দ্রাক্ষালেহং চ পূর্বোক্তং সর্পীংষি মধুরাণি চ| যাপনান্ ক্ষীরবস্তীংশ্চ শীলযেত্সানুবাসনান্||৫৫|| মার্দ্বীকারিষ্টযোগাংশ্চ পিবেদ্যুক্ত্যাঽগ্নিবৃদ্ধযে| কাসিকং চাভযালেহং পিপ্পলীং মধুকং বলাম্||৫৬|| পযসা চ প্রযুঞ্জীত যথা দোষং যথা বলম্| |৫৭|

স০-হলীমকবান্ গুডূচীস্বরসক্ষীরপক্বেন মহিষীঘৃতেন স্নিগ্ধঃ সন্ ত্রিবৃতাং ধাত্রীরসেন পিবেত্| গুডূচীস্বরসোঽত্র ঘৃতাচ্চতুর্গুণঃ ক্ষীরং ঘৃতসমমিতি পাকক্রমঃ| তযা-ত্রিবৃতযা, বিরিক্তে সতি মধুরং বাতপিত্তঘ্নং চাদ্যাত্| প্রাগুক্তং চ দ্রাক্ষালেহং (শ্লো. ২৯) ভক্ষযেত্| মধুরদ্রব্যসাধিতানি ঘৃতানি চাদ্যাত্| যাপনান্-প্রাণকারিণঃ (হৃ. ক. অ. ৪|৩৭) , ক্ষীরবস্তীংশ্চ শীলযেদনুবাসনসহিতান্| মার্দ্বীকারিষ্টযোগাংশ্চ যুক্ত্যা বহ্নিবৃদ্ধযে পিবেত্| অভযালেহং চ-আগস্ত্যং কাসচিকিত্সিতোক্তং "প্রস্থোন্মিতে যবক্বাথে বিংশতির্বিজযাঃ" ইত্যাদি, শীলযেত্| ক্ষীরেণ চ পিপ্পলীং মধুযষ্টিকাং বলাং চ প্রযুঞ্জীত যথাদোষাদ্বলাচ্চ|

Adhikarana pANDurogeShu shophoktashca kriyAkramaH (16) · Śloka 16

| পাণ্ডুরোগেষু কুশলঃ শোফোক্তং চ ক্রিযাক্রমম্||৫৭|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে পাণ্ডুরোগচিকিত্সিতং নাম ষোডশোঽধ্যাযঃ||১৬||

স০-পাণ্ডুরোগেষু শোফচিকিত্সিতং(তোক্তং) চ ক্রিযাক্রমং সুধীঃ প্রযুঞ্জীত| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে পাণ্ডুরোগচিকিত্সিতং নাম ষোডশোঽধ্যাযঃ সমাপ্তঃ|| ১৬||