5. rājayakṣmādicikitsitādhyāyaḥ

Adhikarana adhyAyopakramaH · Śloka

শ্বাসহিধ্মাচিকিত্সিতাদনন্তরং রাজযক্ষ্মচিকিত্সিতারম্ভঃ| যতঃ কাসশ্বাসক্ষযাদীনন্যোন্যভেষজৈরুপাচরেদিত্যুক্তম্| ক্ষযশ্চ রাজযক্ষ্মা| তস্মাদেতদারভ্যতে-

Adhikarana rAjayakShmAdicikitsAtAdhyAyaH yakShimaNaH shodhanam (2-1) · Śloka 1

অথাতো রাজযক্ষ্মাদিচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) বলিনো বহুদোষস্য স্নিগ্ধস্বিন্নস্য শোধনম্| ঊর্ধ্বাধো যক্ষ্মিণঃ কুর্যাত্সস্নেহং যন্ন কর্শনম্||১||

স০-এবংভূতস্য রাজযক্ষ্মিণ ঊর্ধ্বাধঃ শোধনং-বমনং বিরেচনং চ কুর্যাত্, অস্নিগ্ধস্বিন্নস্য শোধনানর্হত্বাত্| স্নিগ্ধস্বিন্নগ্রহণং ত্বতিশযার্থম্| কিম্ভূতং শোধনম্ ? সস্নেহং,-ঈষত্স্নিগ্ধম্, তথা যন্ন কর্শনং-দেহস্য ন ক্ষপণম্| যক্ষ্মণ ইতি "দ্বন্দ্বোপতাপ" ইত্যাদিনা ইনির্মিত্বর্থাংযঃ|

Adhikarana yakShimaNaH vamanam (2-3) · Śloka 3

তত্র বমনমাহ পযসা ফলযুক্তেন মধুরেণ রসেন বা| সর্পিষ্মত্যা যবাগ্বা বা বমনদ্রব্যসিদ্ধযা||২|| বমেত্| |৩|

স০-পযসা-ক্ষীরেণ মদনফলান্বিতেন, রাজযক্ষ্মী বমেত্| এবং তেন বমনং কার্যম্| মধুরেণ বা মাংসরসেন মদনফলযুক্তেন বমেত্| অথবা, যবাগ্বা ঘৃতবত্যা তথা বমনদ্রব্যেণ-মদনফলাদিনা, সিদ্ধযা বমেত্|

Adhikarana yakShimaNaH virecanam (3-4) · Śloka 4

বিরেচনং দদ্যাত্রিবৃচ্ছ্যামানৃপদ্রুমান্| শর্করামধুসর্পির্ভিঃ পযসা তর্পণেন বা||৩|| দ্রাক্ষাবিদারীকাশ্মর্যমাংসানাং বা রসৈর্যুতান্| |৪|

স০-ত্রিবৃদাদীনেকৈকশঃ শর্করামধুসর্পির্যুতান্ বিরেচনং দদ্যাত্| অথবা পযসা ত্রিবৃদাদীন্ দদ্যাত্| তর্পণেন বা সহ ত্রিবৃদাদীন্ বিরেচনং দদ্যাত্| রসৈরিতি বহুবচননির্দেশাদ্ দ্রাক্ষাদীনাং পৃথগ্রসৈরিতি বোধ্যম্|

Adhikarana shuddhasya vidhiH (4-5) · Śloka 5

| শুদ্ধকোষ্ঠস্য যুঞ্জীত বিধিং বৃংহণদীপনম্||৪|| হৃদ্যানি চান্নপানানি বাতঘ্নানি লঘূনি চ| |৫|

স০-শুদ্ধকোষ্ঠস্য সতো যক্ষ্মণো বৃংহণং দীপনং চ বিধিং প্রযুঞ্জীত| তথাঽন্নপানানি হৃদ্যানি-হৃদযপ্রিযাণি তথা বাতঘ্নানি লঘূনি চ যুঞ্জীত| বাহুল্যেনৈতদুক্তম্|

Adhikarana yakShmaghnannapAnam (5-6) · Śloka 6

তথা চাহ | শালিষষ্টিকগোধূমযবমুদ্গং সমোষিতম্||৫|| |লঘুম(চা)চ্যুতবীর্যং চ সুজরং বলকৃচ্চ যত্| ] আজং ক্ষীরং ঘৃতং মাংসং ক্রব্যান্মাংসং চ শোষজিত্| |৬|

স০-তথা শাল্যাদিকং বর্ষোষিতং যুঞ্জীত| আজং ক্ষীরং ঘৃতং মাংসং তথা ক্রব্যান্মাংসং চ ক্ষযজিত্|

Adhikarana kAkAdimAMsaBakShaNopAyaH (6-7) · Śloka 7

কাকোলূকবৃকদ্বীপিগবাশ্বনকুলোরগম্||৬|| গৃধ্রাভাসখরোষ্ট্রং চ হিতং ছদ্মোপসংহিতম্| জ্ঞাতং জুগুপ্সিতং তদ্ধি ছর্দিষে ন বলৌজসে||৭||

স০-কাকোলূকাদিকমেতন্মাংসং হিতম্| কিম্ভূতম্ ? ছদ্মনোপসংহিতম্-কাকাদযস্তিত্তির্যাদিশব্দেন দেযা ইত্যর্থঃ| কিমিত্যেবং ক্রিযতে ? ইত্যাহ-যস্মাত্তত্ জুগুপ্সিতং জ্ঞাতং সত্ ছর্দিষে সম্পদ্যতে, ন বলায ন বৌজসে|

Adhikarana mAMsapAkaprakAraHyUShAH (8-10) · Śloka 10

মৃগাদ্যাঃ পিত্তকফযোঃ পবনে প্রসহাদযঃ| বেসবারীকৃতাঃ পথ্যা রসাদিষু চ কল্পিতাঃ||৮|| ভৃষ্টাঃ সর্পষতৈলেন সর্পিষা বা যথাযথম্| রসিকা মৃদবঃ স্নিগ্ধাঃ পটুদ্রব্যাভিসংস্কৃতাঃ||৯|| হিতা মৌলককৌলত্থাস্তদ্বদ্যূষাশ্চ সাধিতাঃ| |১০|

স০-মৃগাদ্যাঃ-মৃগবিষ্কিরপ্রতুদা[দয]ঃ, পিত্তকফযোর্হিতাঃ| বাতে [প্রসহাদযঃ-] প্রসহমহামৃগাপূচরাদযো, হিতাঃ| কিম্ভূতাঃ ? বেসবারীকৃতাঃ-পিষ্টাঃ, পথ্যাঃ| তথা, রসাদযো-মাংসরসাদযঃ কল্পিতাঃ| তথা, সর্ষপতৈলেন ভৃষ্টাঃ, সর্পিষা বা দেশকালাদ্যপেক্ষযা যথাযথং ভৃষ্টাঃ| তথা, রসিকাঃ-প্রশস্তরসবন্তঃ, প্রশংসাযাং হ্যেষ মত্বর্থীযঃ| মৃদবো-ন তীক্ষ্ণাঃ| তথা স্নিগ্ধাঃ সৈন্ধবাদিভিঃ কৃতসংস্কারা হিতাঃ| তদ্বত্-তথৈব, মূলকাদিকৃতা যূষাঃ|

Adhikarana AjamAMsarasaH (10-11) · Śloka 11

| সপিপ্পলীকং সযবং সকুলত্থং সনাগরম্||১০|| সদাডিমং সামলকং স্নিগ্ধমাজং রসং পিবেত্| তেন ষড্বিনিবর্তন্তে বিকারাঃ পীনসাদযঃ||১১||

স০-পিপ্পল্যাদিভিঃ সংস্কৃতমাজং মাংসরসং ঘৃতাদিস্নেহেন স্নিগ্ধং পিবেত্, ইত্যত্র মাংসানামবশ্যং স্নিগ্ধত্বেঽপি স্নিগ্ধগ্রহণমেষাং ঘৃতাদিস্নেহেন স্নিগ্ধত্বং কার্যমিতি প্রতিপাদযতি| তেন রসেন পীতেন, ষট্ বিকারাঃ পীনসাদযঃ-"পীনসশ্বাসকাসাং সমূর্ধস্বররুজঃ" (হৃংই.অ.৫/১৩), শাম্যন্তি|

Adhikarana madyam pAnIyacatuShkam pAnIyamidamannapAke~api yojyam (12-14) · Śloka 14

পিবেচ্চ সুতরাং মদ্যং জীর্ণং স্রোতোবিশোধনম্| পিত্তাদিষু বিশেষেণ মধ্বরিষ্টাচ্ছবারুণীঃ||১২|| সিদ্ধং বা পঞ্চমূলেন তামলক্যাঽথবা জলম্| পর্ণিনীভিশ্চতসৃভির্ধান্যনাগরকেণ বা||১৩|| কল্পযেচ্চানুকূলোঽস্য তেনান্নং শুচি যত্নবান্| |১৪|

স০-অতিতরাং জীর্ণং পুরাণং, চ মদ্যং স্রোতোবিশুদ্ধিকরং পিবেত্| পিত্তাদিষু পিত্তকফবাতেষু, যথাযুক্ত্যা মধ্বাদীন্ বিশেষেণ পিবেত্| অথবা, পঞ্চমূলেন-হ্রস্বেন, সিদ্ধং জলং পিবেত্| তামলক্যা বা জলং পর্ণিনীভিশ্চতসৃভির্বা জলং পক্বং পিবেত্| ধান্যনাগরকাভ্যাং বা শৃতং পিবেত্| অস্য চ-যক্ষ্মিণঃ, অনুকূলো যত্নবান্ পরিচারকোঽন্নং শুচি তেন-পঞ্চমূলাদিজলেন, কল্পযেত্| অনুকূলাদিগ্রহণমত্রাতিশযার্থম্|

Adhikarana balAgarBaM ghRutaM pa~jcaprakAram (14-15) · Śloka 15

| দশমূলেন পযসা সিদ্ধং মাংসরসেন বা||১৪|| বলাগর্ভং ঘৃতং যোজ্যং ক্রব্যান্মাংসরসেন বা| সক্ষৌদ্রং পযসা সিদ্ধং সর্পির্দশগুণেন বা||১৫||

স০-দশমূলক্বাথেন তথা পযসাঽথবা মাংসরসেন বলাকল্কেন সাধিতং ঘৃতং যোজ্যম্| ক্রব্যান্মাংসরসেন বা বলাগর্ভং পক্বং ঘৃতং যোজ্যম্| ক্ষীরেণ বা দশগুণেন বলাগর্ভং সিদ্ধং ঘৃতং সক্ষৌদ্রং যোজ্যম্|

Adhikarana jIvantyAdighRutam (16-17) · Śloka 17

জীবন্তীং মধুকং দ্রাক্ষাং ফলানি কুটজস্য চ| পুষ্করাহ্বং শঠীং কৃষ্ণাং ব্যাঘ্রীং গোক্ষুরকং বলাম্||১৬|| নীলোত্পলং তামলকীং ত্রাযমাণাং দুরালভাম্| কল্কীকৃত্য ঘৃতং পক্বং রোগরাজহরং পরম্||১৭||

স০-জীবন্ত্যাদীন্ কল্কীকৃত্য ঘৃতং চতুর্গুণে জলে পক্বং রোগরাজহরং পরম্|

Adhikarana kharjUrAdighRutam (18) · Śloka 18

ঘৃতং খর্জূরমৃদ্বীকামধুকৈঃ সপরূষকৈঃ| সপিপ্পলীকং বৈস্বর্যকাসশ্বাসজ্বরাপহম্||১৮||

স০-কল্কীকৃত্য পক্বমিত্যনুবর্ততে| খর্জূরাদিভিঃ কল্কীকৃত্য ঘৃতং পক্বং পিপ্পলীচূর্ণেন যুক্তং বৈস্বর্যাদিহরম্|

Adhikarana dashamUlAdighRutam (19-20) · Śloka 20

দশমূলশৃতাত্ক্ষীরাত্সর্পির্যদুদিযান্নবম্| সপিপ্পলীকং সক্ষৌদ্রং তত্পরং স্বরবোধনম্||১৯|| শিরঃপার্শ্বাংসশূলঘ্নং কাসশ্বাসজ্বরাপহম্| পঞ্চভিঃ পঞ্চমূলৈর্বা শৃতাদ্যদুদিযাদ্ধৃতম্||২০||

স০-দশমূলক্বথিতাত্ ক্ষীরাদ্যত্সর্পিরুদিযাত্-উদ্গচ্ছেত্, তত্-প্রত্যগ্রং, পিপ্পলীক্ষৌদ্রান্বিতমতিশযেন স্বরবোধনং শিরঃপার্শ্বাংসশূলঘ্নং কাসাদিহরম্| অথবা, পঞ্চভিঃ পঞ্চমূলৈঃ শৃতাত্ক্ষীরাত্ যদুদ্ভবেদ্ধৃতং তত্পূর্বগুণম্|

Adhikarana pa~jcapa~jcamUlAdighRutam (21) · Śloka 21

পঞ্চানাং পঞ্চমূলানাং রসে ক্ষীরচতুর্গুণে| সিদ্ধং সর্পির্জযত্যেতদ্যক্ষ্মণঃ সপ্তকং বলম্||২১||

স০-পঞ্চানাং পঞ্চমূলানাং রসে ক্ষীরচতুর্গণে পক্বমেতদ্যক্ষ্মণঃ সপ্তকং বলং-পীনসাদিকং, এতদ্ধৃতং জযেত্|

Adhikarana ShaTpalaM ghRutam (22-23) · Śloka 23

পঞ্চকোলযবক্ষারষট্পলেন পচেদ্ধৃতম্| প্রস্থোন্মিতং তুল্যপযঃ স্রোতসাং তদ্বিশোধনম্||২২|| গুল্মজ্বরোদরপ্লীহগ্রহণীপাণ্ডুপীনসান্| শ্বাসকাসাগ্নিসদনশ্বযথূর্ধ্বানিলঞ্জযেত্||২৩||

স০-পঞ্চকোলাদিনা ষট্পলেন কল্কেন ঘৃতপ্রস্থং তুল্যক্ষীরং পচেত্| তত্স্রোতসাং বিশোধনং স্যাত্| অত্র চানুক্তমপি জলং স্নেহাচ্চতুর্গুণং ত্রিগুণং বা দেযং পূর্বোক্তন্যাযাত্| তথা গুল্মাদীন্ জযেত্|

Adhikarana rAsnAdighRutam (24) · Śloka 24

রাস্নাবলাগোক্ষুরকস্থিরাবর্ষাভুবারিণি| জীবন্তীপিপ্পলীগর্ভং সক্ষীরং শোষজিদ্ধৃতম্||২৪||

স০-রাস্নাদিক্বাথে জীবন্তীপিপ্পলীকল্কং ক্ষীরসহিতং পক্বং ঘৃতং শোষজিত্|

Adhikarana ashvagandhaghRutam (25) · Śloka 25

অশ্বগন্ধাশৃতাত্ক্ষীরাদ্ধৃতং চ সসিতাপযঃ| |২৫|

স০-অশ্বগন্ধযা শৃতাত্ ক্ষীরাদুদ্ভূতং ঘৃতং শর্করাক্ষীরযুতং পূর্বোক্তগুণম্|

Adhikarana mAMsaghRutam (25-27) · Śloka 27

| সাধারণামিষতুলাং তোযদ্রোণদ্বযে পচেত্||২৫|| তেনাষ্টভাগশেষেণ জীবনীযৈঃ পলোন্মিতৈঃ| সাধযেত্সর্পিষঃ প্রস্থং বাতপিত্তামযাপহম্||২৬|| মাংসসর্পিরিদং পীতং যুক্তং মাংসরসেন বা| কাসশ্বাসস্বরভ্রংশশোষহৃত্পার্শ্বশূলজিত্||২৭||

স০-সাধারণস্য-বিলেশযপ্রসহানাং মাংসস্য, তুলাং-পলশতং জলদ্রোণদ্বযে পচেত্| তেনাষ্টভাগশেষেণ ক্বাথেন জীবনীযৈঃ পালিকৈঃ সর্পিষঃ প্রস্থং পচেত্| মাংসসর্পিঃসংজ্ঞমেতত্ কেবলং পীতং মাংসরসেন বা যুক্তং পীতং বাতপিত্তঘ্নং কাসাদিজিত্|

Adhikarana elAdileharasAyanam (28-32) · Śloka 32

এলাজমোদাত্রিফলাসৌরাষ্ট্রীব্যোষচিত্রকান্| সারানরিষ্টগাযত্রীশালবীজকসম্ভবান্||২৮|| ভল্লাতকং বিডঙ্গং চ পৃথগষ্টপলোন্মিতম্| সলিলে ষোডশগুণে ষোডশাংশস্থিতং পচেত্||২৯|| পুনস্তেন ঘৃতপ্রস্থং সিদ্ধে চাস্মিন্পলানি ষট্| তবক্ষীর্যাঃ ক্ষিপোত্র্নিংশত্সিতাযা দ্বিগুণং মধু||৩০|| ঘৃতাত্র্নিজাতাত্র্নিপলং ততো লীঢং খজাহতম্| পযোনুপানং তত্প্রাহ্ণে রসাযনমযন্ত্রণম্||৩১|| মেধ্যং চক্ষুষ্যমাযুষ্যং দীপনং হন্তি চাচিরাত্| মেহগুল্মক্ষযব্যাধিপাণ্ডুরোগভগন্দরান্||৩২||

স০-এলাদি প্রত্যেকমষ্টপলপ্রমাণং ষোডশগুণে জলে ষোডশাং শস্থিতং-ষোডশাংশাবশেষিতং যথাস্যাত্তথা, পচেত্| তেন-ক্বাথেন, পুনর্ঘ্রুতপ্রস্থং পচেত্| সিদ্ধে চাস্মিন্ ঘৃতে তুগাক্ষীর্যাঃ পলানি ষট্, সিতাযাস্ত্রিংশত্পলানি, মাক্ষিকং ঘৃতাদ্দ্বিগুণং-প্রস্থৌ দ্বাবিত্যর্থঃ, ত্রিজাতকাত্ পলত্রযং তদেতস্মিন্ ক্ষিপেত্| খজাহতং সমীকরণায দর্ব্যাঽঽলোডিতং, পূর্বাহ্ণে লীঢং পযোনুপানং রসাযনমযন্ত্রণং মেধ্যাদিগুণং চ স্যাত্| আশ্বেব গুল্মাদীন্ হন্তি|

Adhikarana kShatakAsoktasarpirguDAtideshaH (33) · Śloka 33

যে চ সর্পির্গুডাঃ প্রোক্তাঃ ক্ষতে যোজ্যাঃ ক্ষযেঽপি তে| |৩৩|

স০-যে চ ক্ষতে সর্পির্গুডা গদিতাস্তে চ ক্ষযেঽপি যোজ্যাঃ|

Adhikarana tvagAdi (sitopala) cUrNam (33-34) · Śloka 34

| ত্বগেলাপিপ্পলীক্ষীরীশর্করা দ্বিগুণাঃ ক্রমাত্||৩৩|| চূর্ণিতা ভক্ষিতাঃ ক্ষৌদ্রসর্পিষা বাঽবলেহিতাঃ| স্বর্যাঃ কাসক্ষযশ্বাসপার্শ্বরুক্কফনাশনাঃ||৩৪||

স০-ত্বগেলাদযঃ ক্রমেণ দ্বিগুণাশ্চূর্ণিতা ভুক্তা মাক্ষিকসর্পির্ভ্যাং বাঽবলেহিতাঃ স্বর্যাঃ-স্বরায হিতাঃ স্যুঃ, কাসাদিঘ্নাশ্চ|

Adhikarana asya svarasAde nasyadhUmAdi (35) · Śloka 35

অথ স্বরসাদচিকিত্সিতম্| বিশেষাত্স্বরসাদেঽস্য নস্যধূমাদি যোজযেত্| |৩৫|

স০-অস্য-ক্ষযিণঃ, স্বরসাদে বিশেষেণ নস্যধূমাদি যোজ্যম্|

Adhikarana vAtaje svarasAde kAsamardAdighRutam vAtaje svarasAde ArtagalaghRutam (35-36) · Śloka 36

| তত্রাপি বাতজে কোষ্ণং পিবেদৌত্তরভক্তিকম্||৩৫|| কাসমর্দকবার্তাকীমার্কবস্বরসৈর্ঘ্রুতম্| সাধিতং কাসজিত্স্বর্যং সিদ্ধমার্তগলেন বা||৩৬||

স০-[তত্র]-তেষু চ স্বরসাদেষু মধ্যে, বাতজে স্বরসাদে কাসমর্দাদিস্বরসৈঃ সাধিতমৌত্তরভক্তিকং-ভক্তাদূর্ধ্বং, ঘৃতং পিবেত্| মার্কবো-ভৃঙ্গরাজঃ| তচ্চ সর্পিঃ কাসজিত্ স্বর্যং চ স্যাত্| উত্তরভক্তাদিতি "মযূরব্যংসকাদিত্বাত্" সমাসঃ, ততশ্চ "অধ্যাত্মাদিত্বাত্" ঠঞ্| অথবা, আর্তগলেন-নীলপুষ্পসহচরেণ, সিদ্ধং ঘৃতমেবং পিবেত্|

Adhikarana vAtaje svarasAde badarIpatrakalkaH (37) · Śloka 37

বদরীপত্রকল্কং বা ঘৃতভৃষ্টং সসৈন্ধবম্| |৩৭|

স০-অথবা বদর্যাঃ পত্রকল্কং ঘৃতভৃষ্টং সসৈন্ধবং যোজযেত্|

Adhikarana vAtaje svarasAde madhukAditailanasyam (37-38) · Śloka 38

তৈলং বা- | মধুকদ্রাক্ষাপিপ্পলীকৃমিনুত্ফলৈঃ||৩৭|| হংসপাদ্যাশ্চ মূলেন পক্বং নস্তো নিষেচযেত্| |৩৮|

স০-অথবা তৈলং মধুকাদিভিঃ পক্বং নস্তোঽবসেচযেত্| কৃমিঘ্নং(নুত্)-বিডঙ্গম্| ফলং-মদনফলম্| হংসপাদী-কীটমারিকা| নস্ত ইতি "নস্নাসিকাযা যত্তস্ক্ষুদ্রেষু" ইত্যনেন তসি নসাদেশঃ|

Adhikarana vAtaje svarasAde guDaudanam,vAtaje svarasAde snigdhaH svedaH (38-39) · Śloka 39

| সুখোদকানুপানং চ সসর্পিষ্কং গুডৌদনম্||৩৮|| অশ্র্নীযাত্পাযসং চৈবং স্নিগ্ধং স্বেদং নিযোজযেত্| |৩৯|

স০-তথা গুডৌদনং সর্পিষা সহ সুখোদকানুপানমশ্নীযাত্| পাযসং চৈবং সসর্পিষ্কং সুখোদকানুপানমদ্যাত্| স্বেদং চ স্নিগ্ধং যোজযেত্|

Adhikarana pittaje svarasAde kShIrivRukShA~gkurasiddhaM ghRutam pittaje sayaShTImadhukaM pAyasamannam (39-40) · Śloka 40

| পিত্তোদ্ভবে পিবেত্সর্পিঃ শৃতশীতপযোনুপঃ||৩৯|| ক্ষীরিবৃক্ষাঙ্কুরক্বাথকল্কসিদ্ধং সমাক্ষিকম্| অশ্নীযাচ্চ সসর্পিষ্কং যষ্টীমধুকপাযসম্||৪০||

স০-পিত্তোদ্ভবে সর্পিঃ সমাক্ষিকং ক্ষীরিবৃক্ষাঙ্কুরাদিক্বাথকল্কসিদ্ধং শৃতশীতক্ষীরানুপঃ পিবেত্| মধুযষ্টিকান্বিতং পাযসং সসর্পিষ্কং ভুঞ্জীত|

Adhikarana pittaje balAdidhRutaM nasyam (41) · Śloka 41

বলাবিদারিগন্ধাভ্যাং বিদার্যা মধুকেন চ| সিদ্ধং সলবণং সর্পির্নস্যং স্বর্যমনুত্তমম্||৪১||

স০-বলাদিভিঃ সিদ্ধং সর্পিঃ সসৈন্ধবং পরং স্বর্যং স্যান্নস্যম্| বিদারিগন্ধা-শালিপর্ণী|

Adhikarana pittaje prapauNDarIkAdighRutaM nasyam (42) · Śloka 42

প্রপৌণ্ডরীকং মধুকং পিপ্পলী বৃহতী বলা| সাধিতং ক্ষীরসর্পিশ্চ তত্স্বর্যং নাবনং পরম্||৪২||

স০-পিত্তজে স্বরসাদে প্রপৌণ্ডরীকাদিসাধিতং ক্ষীরোদ্ভবং সর্পিঃ শ্রেষ্ঠং নস্যম্|

Adhikarana pittaje madhuradravyA cUrNa lehaH (43) · Śloka 43

লিহ্যান্মধুরকাণাং চ চূর্ণং মধুঘৃতাপ্লুতম্| |৪৩|

স০-মধুরকাণাং চ-মধুররসদ্রব্যাণাং, চূর্ণং মধুঘৃতান্বিতং লিহ্যাত্|

Adhikarana kaPaje kaTudravyANAm mUtreNa pAnam kaPaje rUkShamannam kaPaje kaTPalAdilehaH kaPaje vyoShAdilehaH (43-44) · Śloka 44

| পিবেত্কটূনি মূত্রেণ কফজে রূক্ষভোজনঃ||৪৩|| কটূফলামলকব্যোষং লিহ্যাত্তৈলমধুপ্লুতম্| ব্যোষক্ষারাগ্নিচবিকাভার্গীপথ্যামধূনি বা||৪৪||

স০-কফোদ্ভবে কটূনি-কটুকরসানি দ্রব্যাণি, মূত্রেণ পিবেত্| রূক্ষভোজনশ্চ স্যাত্| তথা, কটূফলাদিকং তৈলমধুপ্লুতং লিহ্যাত্| ব্যোষাদীনি বা এবং লিহ্যাত্|

Adhikarana kaPaje yavAnAM yavAgUH kaPaje BojanAnte pippalIshuNThyau kaPaje kiMvA tIkShNaM vamanam (2) · Śloka 2

যবৈর্যবাগূং যমকে কণাধাত্রীকৃতাং পিবেত্| ভুক্ত্বাঽদ্যাত্পিপ্পলীং শুণ্ঠীং তীক্ষ্ণং বা বমনং ভজেত্||২||

স০-যবৈরুপাদানৈর্যমকে-স্নেহদ্বযে, কণাধাত্রীকৃতাং-এতত্ক্বাথে সিদ্ধাং, যবাগূং পিবেত্| তথা, ভুক্ত্বা পিপ্পলীং শুণ্ঠীং বাঽদ্যাত্| অথবা, তীক্ষ্ণং বমনং ভজেত্|

Adhikarana uccaBAShaNakRutasvarasAde madhuradravyasiddaM payaH (46-47) · Śloka 47

শর্করাক্ষৌদ্রমিশ্রাণি শৃতানি মধুরৈঃ সহ| পিবেত্পযাংসি যস্যোচ্চৈর্বদতোঽভিহতঃ স্বরঃ||৪৬|| ইতি স্বরসাদচিকিত্সিতম্|৪৭|

স০-যস্যোচ্চৈর্ভাষমাণস্য স্বরোঽভিহতঃ স মধুরৈঃ-জীবনীযৈঃ সহ, শৃতানি শর্করামাক্ষিকমিশ্রাণি পযাংসি পিবেত্|

Adhikarana arocake sAmAnyacikitsA (47-49) · Śloka 49

অথারোচকচিকিত্সিতম্| বিচিত্রমন্নমরুচৌ হিতৈরুপহিতং হিতম্| বহিরন্তর্মৃজা চিত্তনির্বাণং হৃদ্যমৌষধম্||৪৭|| দ্বৌ কালৌ দন্তপবনং ভক্ষযেন্মুখধাবনৈঃ| কষাযৈঃ ক্ষালযেদাস্যং ধূমং প্রাযোগিকং পিবেত্||৪৮|| তালীসচূর্ণবটকাঃ সকর্পূরসিতোপলাঃ| শশাঙ্ককিরণাখ্যাশ্চ ভক্ষ্যা রুচিকরাঃ পরম্||৪৯||

স০-অরোচকে বিচিত্রং-নানাবিধমন্নং, হিতং-পথ্যম্| কিম্ভূতম্ ? হিতৈঃ-পথ্যৈঃ, উপহিতং-মিশ্রিতম্| এবমরুচ্যাখ্যো ব্যাধিবিশেষঃ সর্বব্যাধিভ্যো গরীযান্| যেনাপথ্যমপি যদন্নং তস্মৈ তদপি দেযং প্রাণসন্ধারণার্থম্, "অন্নমেব প্রাণিনাং প্রাণাঃ" ইত্যাহুঃ| এবং চ সর্বব্যাধিষ্বরুচিরেব পূর্বং জেতব্যা, ততো জ্বরাদয ইত্যর্থাদুক্তং ভবতি| বহির্মৃজা-বহিঃশুদ্ধিঃ স্নানাদিনা বহিঃ পরিমার্জনম্| অন্তর্মৃজা-অন্তঃশুদ্ধিঃ| তথা, চিত্তনির্বাণমরুচৌ হিতং হ্রুদ্যমৌষধং চ| তথা, দ্বৌ কালৌ-সাযংপ্রাতরাখ্যৌ, দন্তধাবনং ভক্ষযেত্| তথা, মুখধাবনৈঃ কষাযৈরাস্যং ক্ষালযেত্| প্রাযোগিকং-স্নৈহিকং, ধূমং পিবেত্| তথা, তালীসচূর্ণবটকাশ্চ| তথা, সকর্পূরশর্করাঃ শশাঙ্ককিরণাখ্যা ভক্ষ্যাঃ পরং-অতিশযেন, রুচিকরাঃ|

Adhikarana vAtaje arocake auShadham vAtaje arocake vamanam (50-51) · Śloka 51

সামান্যেনারুচৌ চিকিত্সিতান্যুক্ত্বা বিশেষমাহ বাতাদরোচকে তত্র পিবেচ্চূর্ণং প্রসন্নযা| হরেণুকৃষ্ণাকৃমিজিদ্দ্রাক্ষাসৈন্ধবনাগরাত্||৫০|| এলাভার্গীযবক্ষারহিঙ্গুযুক্তাদ্ধৃতেন বা| ছর্দযেদ্বা বচাম্ভোভিঃ|৫১|

স০-বাতেনারুচৌ সত্যাং হরেণ্বাদিভ্যশ্চূর্ণং প্রসন্নযা পিবেত্| এলাভার্গ্যাদিযুক্তঘৃতেন বা পেযম্| বচাজলৈর্বা বমেত্|

Adhikarana pittaje arocake vamanam pittaje arocake sharkarAdi lehaH (51-52) · Śloka 52

| পিত্তাচ্চ গুডবারিভিঃ||৫১|| লিহ্যাদ্বা শর্করাসর্পির্লবণোত্তমমাক্ষিকম্| |৫২|

স০-পিত্তাদরুচৌ গুডবারিণা বমেত্| শর্করাদিকং [বা] লিহ্যাত্|

Adhikarana kaPaje arocake vamanam kaPaje arocake pAnam kaPaje arocake cUrNam (52-53) · Śloka 53

| কফাদ্বমেন্নিম্বজলৈর্দীপ্যকারগ্বধোদকম্||৫২|| পানং সমধ্বরিষ্টাশ্চ তীক্ষ্ণাঃ সমধুমাধবাঃ| পিবেচ্চূর্ণং চ পূর্বোক্তং হরেণ্বাদ্যুষ্ণবারিণা||৫৩||

স০-কফাদরোচকে নিম্বজলৈর্বমেত্| দীপ্যককর্ণিকারযোরুদকং পানং সমাক্ষিকম্| অরিষ্টাশ্চ তীক্ষ্ণাঃ সমার্দ্বীকমাধবাঃ পানম্| হরেণ্বাদিচূর্ণং চ পূর্বোক্তং (শ্লো.৫০)উষ্ণাম্বুনা পিবেত্|

Adhikarana samasharkaraM cUrNam (54-55) · Śloka 55

এলাত্বঙ্নাগকুসুমতীক্ষ্ণকৃষ্ণামহৌষধম্| ভাগবৃদ্ধং ক্রমাচ্চূর্ণং নিহন্তি সমশর্করম্||৫৪|| প্রসেকারুচিহৃত্পার্শ্বকাসশ্বাসগলামযান্| |৫৫|

স০-এলাদিকং চূর্ণং ক্রমেণ ভাগবৃদ্ধং সমশর্করং প্রসেকাদীন্ হন্তি|

Adhikarana yavAnyAdi cUrNam (55-58) · Śloka 58

| যবানীতিত্তিডীকাম্লবেতসৌষধদাডিমম্||৫৫|| কৃত্বা কোলং চ কর্ষাশং সিতাযাশ্চ চতুষ্পলম্| ধান্যসৌবর্চলাজাজীবরাঙ্গং চার্ধকার্ষিকম্||৫৬|| পিপ্পলীনাং শতং চৈকং দ্বে শতে মরিচস্য চ| চূর্ণমেতত্পরং রুচ্যং হৃদ্যং গ্রাহি, হিনস্তি চ||৫৭|| বিবন্ধকাসহৃত্পার্শ্বপ্লীহার্শোগ্রহণীগদান্| |৫৮|

স০-যবানীত্যাদি কোলান্তানি প্রত্যেকং কার্ষিকাণি, শর্করাযাঃ পলানি চত্বারি, ধান্যকাদিকমর্ধকার্ষিকং, শতমেকং পিপ্পলীনাং, দ্বে শতে মরিচস্য চ, চূর্ণমিদং পরং রুচ্যং তথা হৃদযায হিতং গ্রাহি, বিবন্ধাদীন্ হন্তি|

Adhikarana tAlIsAdi cUrNam (58-61) · Śloka 61

| তালীসপত্রং মরিচং নাগরং পিপ্পলী শুভা||৫৮|| যথোত্তরং ভাগবৃদ্ধ্যা ত্বগেলে চার্ধভাগিকে| তদ্রুচ্যং দীপনং চূর্ণং কণাষ্টগুণশর্করম্||৫৯|| কাসশ্বাসারুচিচ্ছর্দিপ্লীহহৃত্পার্শ্বশূলনুত্| পাণ্ডুজ্বরাতিসারঘ্নং মূঢবাতানুলোমনম্||৬০|| ইত্যরোচকচিকিত্সিতম্|৬১|

স০-তালীসপত্রাদযো যথোত্তরং-উত্তরোত্তরং, ভাগবৃদ্ধাঃ কার্যাঃ| ত্বক্ চ এলা চ এতেঽর্ধভাগপ্রমাণে| এতচ্চূর্ণং পিপ্পল্যষ্টগুণশর্করং দীপনং কাসাদিজিচ্চ, পাণ্ড্বাদিঘ্নং মূঢবাতানুলোমনং চ|

Adhikarana upadravANAM cikitsA praseke cikitsA (61-62) · Śloka 62

অর্কামৃতাক্ষারজলে শর্বরীমুষিতৈর্যবৈঃ| প্রসেকে কল্পিতান্সক্তূন্ ভক্ষ্যাংশ্চাদ্যাদ্বলী বমেত্||৬১|| কটুতিক্তৈস্তথা শূল্যং ভক্ষ্যেজ্জাঙ্গলং পলম্| শুষ্কাংশ্চ ভক্ষ্যান্ সুলঘূংশ্চণকাদিরসানুপঃ||৬২||

স০-অর্কাদিজলে রাত্রিস্থিতৈর্যবৈঃ সক্তূন্ কল্পিতান্ ভক্ষ্যাংশ্চ প্রসেকে ভক্ষযেত্| বলবান্ কটুতিক্তকৈর্বমেত্| তথা, শূল্যং জাঙ্গলং মাংসং ভক্ষযেত্| শুষ্কাংশ্চ ভক্ষ্যান্ ভোজযেত্| ভোজ্যবিশেষান্ লঘুতরান্ ভক্ষযেত্| চণকাদিরসমনু-পশ্চাত্, পিবেত্|

Adhikarana praseke cikitsAntaram (63) · Śloka 63

শ্লেষ্মণোঽতিপ্রসেকেন বাযুঃ শ্লেষ্মাণমস্যতি| কফপ্রসেকং তং বিদ্বান্স্নিগ্ধোষ্ণৈরেব নির্জযেত্||৬৩||

স০-বাযুঃ শ্লেষ্মাণং ক্ষিপতি শ্লেষ্মণোঽতিপ্রসেকেন হেতুভূতেন তং কফপ্রসেকং বিদ্বান্ স্নিগ্ধোষ্ণৈরেব নির্জযেত্|

Adhikarana CardipInasayoH praseka cikitsA (64) · Śloka 64

পীনসেঽপি ক্রমমিমং বমথৌ চ প্রযোজযেত্| |৬৪|

স০-ইমং-কফপ্রসেকোক্তং, ক্রিযাক্রমং পীনসে বমথৌ-ছর্দিষি চ, প্রযোজযেত্|

Adhikarana pInase visheShaH (64-65) · Śloka 65

বিশেষাত্পীনসেঽভ্যঙ্গান্ স্নেহান্ স্বেদাংশ্চ শীলযেত্||৬৪|| স্নিগ্ধানুত্কারিকাপিণ্ডৈঃ শিরঃপার্শ্বগলাদিষু| লবণাম্লকটূষ্ণাংশ্চ রসান্ স্নেহোপসংহিতান্||৬৫||

স০-বিশেষেণ পীনসেঽভ্যঙ্গান্ স্নেহান্ স্বেদাংশ্চ স্নিগ্ধান্ শীলযেত্| কৈঃ ? উত্কারিকাপিণ্ডৈঃ| কেষু ? শিরঃপার্শ্বগলাদিষু| লবণাদীংশ্চ রসান্ স্নেহোপসংহিতান্ শীলযেত্|

Adhikarana shiroMsapArshvashUleShu cikitsA vAtajeShu pArshvashUleShu visheShaH (66-67) · Śloka 67

শিরোংসপার্শ্বশূলেষু যথাদোষবিধিং চরেত্| ঔদকানূপপিশিতৈরুপনাহাঃ সুসংস্কৃতাঃ||৬৬|| তত্রেষ্টাঃ সচতুঃস্নেহাঃ| |৬৭|

স০-শিরোংসপার্শ্বশূলেষু দোষানুসারেণোপক্রমঃ কার্যঃ| তেষ্বৌদকানূপমাংসৈশ্চ্তুঃস্নেহযুতাঃ সুসংস্কৃতা উপনাহা ইষ্টাঃ|

Adhikarana saMsargeShu pArshvashUleShu visheShaH (67-68) · Śloka 68

দোষসংসর্গ ইষ্যতে| প্রলেপো নতযষ্ট্যাহ্বশতাহ্বাকুষ্ঠচন্দনৈঃ||৬৭|| বলারাস্নাতিলৈস্তদ্বত্সসর্পির্মধুকোত্পলৈঃ| পুনর্নবাকৃষ্ণগন্ধাবলাবীরাবিদারিভিঃ||৬৮||

স০-দোষসংসর্গে চ-দ্বন্দ্বে, তগরাদিভিঃ প্রলেপ ইষ্যতে| তথৈব বলাদিভিঃ ঘৃতমধুকোত্পলযুতৈঃ, [তথা] পুনর্নবাদিভিঃ|

Adhikarana nasyAdIni (69) · Śloka 69

নাবনং ধূমপানানি স্নেহাশ্চৌত্তরভক্তিকাঃ| তৈলান্যভ্যঙ্গযোগীনি বস্তিকর্ম তথা পরম্||৬৯||

স০-নস্যং তথা ধূমপানানীষ্যন্তে| তথা, ঔত্তরভক্তিকাশ্চ স্নেহাঃ| তৈলান্যভ্যঙ্গযোগীনি-অভ্যঙ্গযোগপ্রশস্তানি| তথা বস্তিকর্ম-"প্রাক্স্নেহঃ" (হৃ.সূ.অ.১৯/৬৩) ইত্যাদিকম্, পরং-চেষ্টম্|

Adhikarana raktaduShTau visheShaH (70-72) · Śloka 72

শৃঙ্গাদ্যৈর্বা যথাদোষং দুষ্টমেষাং হরেদসৃক্| প্রদেহঃ সঘৃতৈঃ শ্রেষ্ঠঃ পদ্মকোশীরচন্দনৈঃ||৭০|| দূর্বামধুকমঞ্জিষ্ঠাকেসরৈর্বা ঘৃতাপ্লুতৈঃ| বটাদিসিদ্ধতৈলেন শতধৌতেন সর্পিষা||৭১|| অভ্যঙ্গঃ পযসা সেকঃ শস্তশ্চ মধুকাম্বুনা| |৭২|

স০-শৃঙ্গাদ্যৈঃ-শৃঙ্গজলৌকোলাবুভিঃ, যথাদোষং-বাতপিত্তকফদুষ্টং, রক্তমেষাং-যক্ষ্মিণাং, হরেত্| প্রলেপঃ পদ্মকাদিভিঃ সঘ্রুতৈঃ শ্রেষ্ঠঃ, দূর্বাদিভির্বা ঘৃতাপ্লুতৈঃ| বটাদিনা-ন্যগ্রোধাদিনা, সিদ্ধেন তৈলেনাভ্যঙ্গঃ শস্তঃ| শতধৌতেন বা ঘৃতেন তথা ক্ষীরেণ সেকঃ শস্তঃ| মধুযষ্টিকাজলেন বা|

Adhikarana atIsAre cikitsA (72-73) · Śloka 73

| প্রাযেণোপহতাগ্নিত্বাত্সপিচ্ছমতিসার্যতে||৭২|| তস্যাতিসারগ্রহণীবিহিতং হিতমৌষধম্| |৭৩|

স০-বাহুল্যেনোপহতাগ্নিত্বাত্কারণাত্ পিচ্ছযা সহাতিসার্যতে যক্ষ্মী| তস্যাতিসারে গ্রহণ্যাং চ যদুক্তমৌষধং তদ্ধিতম্|

Adhikarana shuShyato yakShmiNaH purISharakShaNam tatra hetuH (73-74) · Śloka 74

| পুরীষং যত্নতো রক্ষেচ্ছুষ্যতো রাজযক্ষ্মিণঃ||৭৩|| সর্বধাতুক্ষযার্তস্য বলং তস্য হি বিড্বলম্| |৭৪|

স০-তথা, রাজযক্ষ্মিণঃ শুষ্যতঃ সতঃ পুরীষং যত্নেন রক্ষেত্| কিমিত্যাহ-যস্মাত্তস্য-শোষিণঃ, সর্বধাতুক্ষযার্তস্য সতো বিড্বলমেব বলং-ন ধাত্বাদিজং বলম্|

Adhikarana mAMsamadyaprayogaH (74-76) · Śloka 76

| মাংসমেবাশ্নতো যুক্ত্যা মার্দ্বীকং পিবতোঽনু চ||৭৪|| অবিধারিতবেগস্য যক্ষ্মা ন লভতেঽন্তরম্| সুরাং সমণ্ডাং মার্দ্বীকমরিষ্টান্সীধুমাধবান্||৭৫|| যথার্হমনুপানার্থং পিবেন্মাংসানি ভক্ষযন্| স্রোতোবিবন্ধমোক্ষার্থ বলৌজঃপুষ্টযে চ তত্||৭৬||

স০-মাংসমেব যুক্ত্যা-দেশকালসাত্ম্যাদিলক্ষণযা, ভক্ষযতো মার্দ্বীকং চ পশ্চাত্ পিবতো বেগমধারযতো যক্ষ্মা অন্তরং-অবকাশং, ন লভতে| তথা, সুরাদীননুপানার্থং পিবেত্| মাংসানি ভক্ষযেত্| তত্-সুরাদ্যনুপানং মাংসভক্ষণং চ, স্রোতোবিবন্ধভোক্ষার্থং বলাযৌজসশ্চ পুষ্টযে|

Adhikarana avagAhAdIni (77-78) · Śloka 78

স্নেহক্ষীরাম্বুকোষ্ঠেষু স্বভ্যক্তমবগাহযেত্| উত্তীর্ণং মিশ্রকৈঃ স্নেহৈর্ভূযোঽভ্যক্তং সুখৈঃ করৈঃ||৭৭|| মৃদ্গীযাত্সুখমাসীনং সুখং চোদ্বর্তযেত্পরম্| |৭৮|

স০-স্নেহাদিকোষ্ঠেষু স্বভ্যক্তং সন্তমবগাহযেত্-নিমগ্নং স্থাপযেত্| ততঃ কোষ্ঠাদুত্তীর্ণং ভূযঃ পুনর্মিশ্রকৈঃ স্নেহৈঃ-গুল্মোক্তৈঃ (হৃ.চি.অ.১৪/৮৯), অভ্যক্তং সুখৈঃ-সুখাবহৈর্ন দুষ্করৈঃ, করৈঃ সুখেন তিষ্ঠন্তং মৃদ্গীযাত্| পরং-অতিশযেন, সুখং যথা ভবতি তথোদ্বর্তযেত্|

Adhikarana udvartanayogaH (78-81) · Śloka 81

| জীবন্তীং শতবীর্যাং চ বিকসাং সপুনর্নবাম্||৭৮|| অশ্বগন্ধামপামার্গং তর্কারীং মধুকং বলাম্| বিদারীং সর্ষপান্ কুষ্ঠং তণ্ডুলানতসীফলম্||৭৯|| মাষাংস্তিলাংশ্চ কিণ্বং চ সর্বমেকত্র চূর্ণযেত্| যবচূর্ণং ত্রিগুণিতং দধ্না যুক্তং সমাক্ষিকম্||৮০|| এতদুদ্বর্তনং কার্যং পুষ্টিবর্ণবলপ্রদম্| |৮১|

স০-জীবন্ত্যাদিকং কিণ্বপর্যন্তং সর্বমেকত্র চূর্ণযেত্| বিকসা-মঞ্জিষ্ঠা| যবচূর্ণং সর্বেভ্যস্ত্রিগুণং দধ্না যুক্তং সমাক্ষিকমেতদুদ্বর্তনং কার্যং পুষ্ট্যাদিপ্রদম্|

Adhikarana snAnIyaM jalaM kalkaSca (81-82) · Śloka 82

| গৌরসর্ষপকল্কেন স্নানীযৌষধিভিশ্চ সঃ||৮১|| স্নাযাদৃতুসুখৈস্তোযৈর্জীবনীযোপসাধিতৈঃ| |৮২|

স০-গৌরসর্ষপাণং কল্কেন স্নানীযৈঃ-স্নানার্হৈর্গন্ধদ্রব্যবিশেষৈঃ, ঔষধিভিশ্চ-সহদেব্যাদিভিঃ, ঋতৌ-হেমন্তাদিকে, সুখাবহৈঃ-উষ্ণাদিভিঃ, তোযৈর্জীবনীযদ্রব্যশৃতৈঃ স্নাযাত্|

Adhikarana anulepanAdIni (82) · Śloka 82

| গন্ধমাল্যাদিকাং ভূষামলক্ষ্মীনাশনীং ভজেত্||৮২||

স০-তথা, গন্ধৈঃ-চন্দনকুঙ্কুমাদিভিঃ, মাল্যৈঃ-কুসুমৈঃ, আদিশব্দেনালঙ্কারাদিগ্রহণং, তৈর্ভূষামলক্ষ্মীঘ্নীং সেবেত|

Adhikarana suhRuddarshanAdIni (5) · Śloka 5

সুহৃদাং দর্শনং গীতবাদিত্রোত্সবসংশ্রুতিঃ| বস্তযঃ ক্ষীরসর্পীষি মদ্যমাংসসুশীলতা||৮৩|| দৈবব্যপাশ্রযং তত্তদথর্বোক্তং চ পূজিতম্| ৮৩ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে রাজযক্ষ্মাদিচিকিত্সিতং নাম পঞ্চমোঽধ্যাযঃ||৫||

স০-তথা, সুহৃদাং-বন্ধূনাং, দর্শনম্| গীতস্য বাদিত্রাণাং তথোত্সবস্য-পুত্রজন্মবিবাহাদেঃ, সংশ্রবণম্| তথা, বস্তযঃ ক্ষীরসর্পীষি-ক্ষীরাণাং ঘৃতানি, মদ্যমাংসানাং সুশীলতা| তথা, দৈবব্যপাশ্রযং-বলিমঙ্গলহোমপ্রাযশ্চিত্তাদিকম্| তথা, অথবোক্তং-অথর্ববেদবিহিতং যাগাদিকং চ, পূজিতং-প্রশস্তমেতদত্রেত্যর্থঃ| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে রাজযক্ষ্মাদিচিকিত্সিতং নাম পঞ্চমোঽধ্যাযঃ সমাপ্তঃ|| ৫||