20. śvitrakr̥micikitsitādhyāyaḥ

Adhikarana adhyAyopakramaH · Śloka

অস্মাদনন্তরং শ্বিত্রকৃমিচিকিত্সিতং ব্যাখ্যাযতে| চিকিত্সাসাম্যমিত্যাহ-

Adhikarana shvitrakRumicitsitAdhyAyaH shvitre shIghracikitsAyAhetuH (2-1) · Śloka 1

অথাতঃ শ্বিত্রকৃমিচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) কুষ্ঠাদপি বীভত্সং যচ্ছীঘ্রতরং চ যাত্যসাধ্যত্বম্| শ্বিত্রমতস্তচ্ছান্ত্যৈ যতেত দীপ্তে যথা ভবনে||১||

স০-যত্-যস্মাত্, কুষ্ঠাদপি বীভত্সং-জুগুপ্সিতং নিন্দ্যং, তথা শীঘ্রতরমসাধ্যত্বং শ্বিত্রং যাতি| অতঃ-অস্মাদ্ধেতোঃ, তস্য-শ্বিত্রস্য শমায, যত্নং কুর্যাত্| যথা জ্বলিতে গৃহে| আর্যা|

Adhikarana shvitre pUrvaM saMshodhanaM shvitre virikte pipAsite ca peyA (2-3) · Śloka 3

সংশোধনং বিশেষাত্প্রযোজযেত্পূর্বমেব দেহস্য| শ্বিত্রে স্রংসনমগ্র্যং মলযূরস ইষ্যতে সগুডঃ||২|| তং পীত্বাঽভ্যক্ততনুর্যথাবলং সূর্যপাদসন্তাপম্| সেবেত নিরিক্ততনুস্ত্র্যহং পিপাসুঃ পিবেত্পেযাম্||৩||

স০-প্রথমমেব শরীরস্য সংশোধনং বিশেষেণ প্রযোজযেত্| তদেবাহ-শ্বিত্রে মলযূরসো-বাকুচীক্বাথঃ, সহ গুডযা-স্নুহ্যা, সগুডো বিরেচনমিষ্যতে| মুখচপলা| তং-ক্বাথং, পীত্বাঽব্যক্তশরীরঃ সন্ যথাশক্তি সূর্যকিরণসন্তাপং ভজেত্| বিরিক্তশ্চ সন্ পিপাসিতঃ পেযাং ত্রীণি দিনানি পিবেত্|

Adhikarana shvitre kaNTakena sPoTaBedanaM shvitre nistrutasPoTe malayvAdikvAthaH shvitre nistru pAlAshakShAraH (4-5) · Śloka 5

শ্বিত্রেঽঙ্গে স্ফোটা জাযন্তে কণ্টকেন তান্ভিন্দ্যাত্| স্ফোটেষু নিঃস্রুতেষু প্রাতঃ প্রাতঃ পিবেত্ ত্রিদিনম্||৪|| মলযূমসনং প্রিযঙ্গূং শতপুষ্পাং চাম্ভসা সমুত্ক্বাথ্য| পালাশং বা ক্ষারং যথাবলং ফাণিতোপেতম্||৫||

স০-শ্বিত্রে সাভ্যঙ্গে যে স্ফোটা উদ্ভবন্তি, তান্-স্ফোটকান্, কণ্টকেন ভিন্দ্যাত্| স্ফোটেষু নিঃস্রুতেষু সত্সু প্রাতঃ প্রাতস্ত্রীণি দিনানি মলয্বাদীনি সমুত্ক্বাথ্য পিবেত্| পালাশং বা ক্ষারং ফাণিতযুক্তং যথাশক্তি পিবেত্| তিস্র আর্যাঃ|

Adhikarana shvitre sPoTodBave PalgvAdi kvAthAdi (6) · Śloka 6

ফল্গ্বক্ষবৃক্ষবল্কলনির্যূহেণেন্দুরাজিকাকল্কম্| পীত্বোষ্ণস্থিতস্য জাতে স্ফোটে তক্রেণ ভোজনং নির্লবণম্||৬||

স০-ফল্গোরক্ষেস্য চ ত্বচো যো নির্যূহঃ-ক্বাথঃ, তেন [ইন্দুরাজিকাযাঃ-] বাকুচ্যাঃ, কল্কং পীত্বা উষ্ণে-আতপে, স্থিতস্য স্ফোটেষু জাতেষু সত্সু তক্রেণ সহ ভোজনং নির্লবণং হিতম্| আর্যা গীতিঃ (?)|

Adhikarana shvitre gomUtrAriShTam (7) · Śloka 7

গব্যং মূত্রং চিত্রকব্যোষযুক্তং সর্পিঃকুম্ভে স্থাপিতং ক্ষৌদ্রমিশ্রম্| পক্ষাদূর্ধ্বং শ্বিত্রিণা পেযমেতত্ কার্যং চাস্মৈ কুষ্ঠদৃষ্টং বিধানম্||৭||

স০-গোমূত্রং চিত্রকাদিযুক্তং মাক্ষিকান্বিতং ঘৃতকুম্ভে স্থাপিতং পক্ষং যাবত্ পক্ষাদূর্ধ্বং শ্বিত্রবতৈতত্পেযম্| অস্মৈ চ-শ্বিত্রিণে, কুষ্ঠোক্তং বিধানম্| অস্মৈ ইতি ক্রিযাগ্রহণাত্সম্প্রদানত্বম্| [শালিনীবৃত্তম্| ]

Adhikarana shvitre mArkavaM BuktvA bIjakaShRutaM dugdham (8) · Śloka 8

মার্কবমথবা স্বাদেদ্ভৃষ্ঠং তৈলেন লোহপাত্রস্থম্| বীজকশৃতং চ দুগ্ধং তদনু পিবোচ্ছ্বিত্রনাশায||৮||

স০-ভৃঙ্গরাজং বা তৈলেন ভৃষ্টং লোহপাত্রস্থং খাদেত্| ভুক্ত্বা চ পশ্চাদ্বীজকশৃতং ক্ষীরং শ্বিত্রশান্ত্যৈ পিবেত্| আর্যা|

Adhikarana shvitre pUtIkapallavAdilepaH (9) · Śloka 9

পূতিকার্কব্যাধিঘাতস্নুহীনাং মুত্রে পিষ্টাঃ পল্লবা জাতিজাশ্চ| ঘ্নন্ত্যালেপাচ্ছ্বিত্রদুর্নামদদ্রূ- পামাকোঠান্ দুষ্টনাডীব্রণাংশ্চ||৯||

স০-পূতিকাদীনাং পল্লবা গোমূত্রে পিষ্টাস্তথা জাতিপল্লবা গোমূত্রে পিষ্টাঃ প্রলেপেন শ্বিত্রাদীন্ ঘ্নন্তি|

Adhikarana shvitre dagdhadvIpicarmalepaH (10) · Śloka 10

দ্বৈপং দগ্ধং চর্ম মাতঙ্গজং বাশ্বিত্রে লেপস্তৈলযুক্তো বরিষ্ঠঃ| |১০|

স০-দ্বীপসম্বন্ধি চর্ম দগ্ধং হস্তিজং চ চর্ম দগ্ধং তৈলান্বিতো লেপঃ শ্বিত্রেঽতিশযেন বরঃ|

Adhikarana shvitre pUtiH kITalepaH (10) · Śloka 10

| পূতিঃকীটো রাজবৃক্ষোদ্ভবেন ক্ষারেণাক্তঃ শ্বিত্রমেকোঽপি হন্তি||১০||

স০-পূতিঃকীটো রাজবৃক্ষজেন ক্ষারেণ লেপত এক এব শ্বিত্রং হন্তি| পূতিঃকীটো-বর্ষাকালোদ্ভবঃ পিলিন্দিকেতি লোকে প্রসিদ্ধঃ| শালিন্যৌ বৃত্তে|

Adhikarana shvitre BallAtakalepaH (11) · Śloka 11

রাত্রৌ গোমূত্রে বাসিতান্ জর্জরাঙ্গা- নহ্নি চ্ছাযাযাং শোষযেত্স্ফোটহেতূন্| এবং বারাংস্ত্রীংস্তৈস্ততঃ শ্লক্ষ্ণপিষ্টৈঃ স্নুহ্যাঃ ক্ষীরেণ শ্বিত্রনাশায লেপঃ||১১||

স০-স্ফোটহেতূন্-ভল্লাতকান্, জর্জরীকৃতান্ নিশি গোমূত্রে স্থিতান্ দিবসে ছাযাযাং শোষযেত্| এবং ত্রীন্ বারান্ মূত্রস্থিতান্ শোষিতাংশ্চ| ততঃ-অনন্তরং, তৈঃ স্নুহীক্ষীরেণ শ্লক্ষ্ণপিষ্টৈঃ শ্বিত্রশান্ত্যৈ লেপঃ| বৈশ্বদেবী|

Adhikarana shvitre kRuShNasarpamaShIlepaH,shvitre mayUrapittalepaH shvitre dagdhahrIberalepaH (12) · Śloka 12

অক্ষতৈলদ্রুতা লেপঃ কৃষ্ণসর্পোদ্ভবা মষী| শিখিপিত্তং তথা, দগ্ধং হ্রীবেরং বা তদাপ্লুতম্||১২||

স০-কৃষ্ণসর্পজা মষী অক্ষতৈলেন দ্রুতা লেপঃ| মযূরপিত্তং চ লেপঃ পূর্বগুণঃ| অথবা, হ্রীবেরং দগ্ধং তেন-অক্ষতৈলেনালোডিতং, লেপস্তদ্বত্|

Adhikarana shvitre savarNakaro bAkucIbIjAdilepaH (13) · Śloka 13

কুডবোঽবল্গুজবীজাদ্ধরিতালচতুর্থভাগসম্মিশ্রঃ| মূত্রেণ গবাং পিষ্টঃ সবর্ণকরণং পরং শ্বিত্রে||১৩||

স০-বাকুচীবীজং পলচতুষ্টযং হরিতালপলং গোমূত্রেণ পিষ্টং শ্বিত্রে সবর্ণকরং স্যাত্| আর্যা|

Adhikarana shvitre gajapurIShakShArAdilepaH (14-15) · Śloka 15

ক্ষারে সুদগ্ধে গজলিণ্ডজে চ গজস্য মূত্রেণ পরিস্রুতে চ| দ্রোণপ্রমাণে দশভাগযুক্তং দত্ত্বা পচেদ্বীজমবল্গুজানাম্||১৪|| শ্বিত্রং জযেচ্চিক্কণতাং গতেন তেন প্রলিম্পন্ বহুশঃ প্রঘৃষ্টম্| কুষ্ঠং মষং বা তিলকালকং বা যদ্বা ব্রণে স্যাদধিমাংসজাতম্||১৫||

স০-গজপুরীষজে ক্ষারে সুদগ্ধে দ্রোণপ্রমাণে যথাপ্রমাণং গজস্য মূত্রেণ ক্ষারবিধিনা পরীস্রুতেঽস্মিন্ বাকুচীবীজং দত্ত্বা পচেত্| কিম্ভূতম্ ? দশভাগযুক্তম্,-দশভির্ভাগৈঃ প্রকৃতত্বাত্ ক্ষারস্য সম্বন্ধিভির্মিশ্রিতম্| তেন চিক্কণতাং-মদনরূপতাং, গতেন পুরুষো বহুশঃ প্রঘৃষ্টং শ্বিত্রং প্রলিম্পন্ জযেত্, কুষ্ঠাদীংশ্চ| অধিমাংসরূপতো যচ্চ স্যাত্তচ্চ জযেত্| উপজাতী|

Adhikarana shvitre BallAtakAdilepaH (16-17) · Śloka 17

ভল্লাতকং দ্বীপিসুধার্কমূলং গুঞ্জাফলং ত্র্যূষণশঙ্খচূর্ণম্| তুত্থং সকুষ্ঠং লবণানি পঞ্চ ক্ষারদ্বযং লাঙ্গলিকাং চ পক্ত্বা||১৬|| স্নুগর্কদুগ্ধে ঘনমাযসস্থং শলকযা তদ্বিদধীত লেপম্| কুষ্ঠে কিলাসে তিলকালকেষু মষেষু দুর্নামসু চর্মকীলে||১৭||

স০-ভল্লাতকাদিকং স্নুগর্কযোর্দুগ্ধে পক্ত্বা ঘনমাযসপাত্রে স্থিতং তত্-এতত্, শলাকযা লেপং কুষ্ঠাদিষু বিদধীত| ইন্দ্রবজ্রোপজাতী|

Adhikarana shvitre kShINapApasya shuddhayAdiBiH shvitraprashamaH (18-1) · Śloka 1

শুদ্ধ্যা শোণিতমোক্ষৈর্বিরূক্ষণৈর্ভক্ষণৈশ্চ সক্তূনাম্| শ্বিত্রং কস্যচিদেব প্রশাম্যতি ক্ষীণপাপস্য||১৮|| ইতি শ্বিত্রচিকিত্সিতম্||১||

শ্বিত্রং কস্যচিদেব নরস্য ক্ষীণকল্মষস্য শুদ্ধ্যাদিভিঃ শাম্যতি| আর্যা| ইতি শ্বিত্রচিকিত্সা| অস্মাদনন্তরং কৃমিচিকিত্সিতং ব্যাখ্যাযতে, চিকিত্সাসামান্যাত্|

Adhikarana kRumiShu snehasvedapUrvakaH surasAdigaNakvAthabastiH, tatastrivRutkalkavirecanam, tataH kaTvAdi kaShAyaiH pariShecanam, tato viDa~ggatailenAnu vAsanam (19-23) · Śloka 23

অথ কৃমিচিকিত্সিতম্| স্নিগ্ধস্বিন্নে গুডক্ষীরমত্স্যাদ্যৈঃ কৃমিণোদরে| উত্ক্লেশিতকৃমিকফে শর্বরীং তাং সুখোষিতে||১৯|| সুরসাদিগণং মূত্রে ক্বাথযিত্বাঽর্ধবারিণি| তং কষাযং কণাগালকৃমিজিত্কল্কযোজিতম্||২০|| সতৈলস্বর্জিকাক্ষারং যুঞ্জ্যাদ্বস্তিং ততোঽহনি| তস্মিন্নেব নিরূঢং তং পাযযেত বিরেচনম্||২১|| ত্রিবৃত্কল্কং ফলকণাকষাযালোডিতং ততঃ| ঊর্ধ্বাধঃশোধিতে কুর্যাত্পঞ্চকোলযুতং ক্রমম্||২২|| কটুতিক্তকষাযাণাং কষাযৈঃ পরিষেচনম্| কালে বিডঙ্গতৈলেন ততস্তমনুবাসযেত্||২৩||

স০-কৃমিণমদুরং যস্যেতি পামাদিত্বান্নপ্রত্যযঃ| তস্মিন্ কৃমিণোদরে নরে স্নিগ্ধস্বিন্নে তথা গুডাদিভিরুত্ক্লেশিতাঃ-স্বস্থানাচ্চ্যাবিতাঃ , কৃমযঃ কফশ্চ যস্য তস্মিংস্তথাভূত উদরে তথা সমুত্ক্লেশিতাদনন্তরং তাং রাত্রিং সুখোষিতে সতি সতৈলস্বর্জিকাক্ষারং বস্তিং যুঞ্জ্যাত্| কথম্ ? ইত্যাহ-সুরসাদিগণং (হৃ. সূ. অ. ১৫|৩০) গোমূত্রেঽর্ধবারিণি ক্বাথযিত্বা ততস্তং কষাযং কণাদীনাং কল্কেন যোজিতং-মিশ্রং কৃত্বা| ততো-নিরূহাদনন্তরং , তস্মিন্নেবাহনি তং-নিরূঢং , বিরেচনং ত্রিবৃত্কল্কং ফলাদিকষাযালোডিতং পাযযেত্| ততঃ-অনন্তরং , ঊর্ধ্বাধঃশোধিতে তস্মিন্ পঞ্চকোলযুতং ক্রমং-পেযাবিলেপ্যাদিকং , কুর্যাত্| ততঃ কট্বাদিভিঃ কষাযৈঃ পরিষেচিতং সমনন্তরং যদা সন্ধুক্ষিতোঽগ্নিস্তদা তস্মিন্ কালে বিডঙ্গতৈলেন তমনুবাসযেত্|

Adhikarana kRumiShu mUrdhageShu shiroroganiShedhoktamanupraBUtatiktakAdiBojanam (24) · Śloka 24

শিরোরোগনিষেধোক্তমাচরেন্মূর্ধগেষ্বনু| উদ্রিক্ততিক্তকটুকমল্পস্নেহং চ ভোজনম্||২৪||

স০-শিরোরোগপ্রতিষেধে যদুক্তং তন্মূর্ধগেষু কৃমিষ্বাচরেত্| অনু-পশ্চাত্, প্রভূততিক্তকটুকমল্পস্নেহং চ ভোজনমাচরেত্|

Adhikarana kRumiShu takrasAdhitA yavAgUH (25) · Śloka 25

বিডঙ্গকৃষ্ণামরিচপিপ্পলীমূলশিগ্রুভিঃ| পিবেত্সস্বর্জিকাক্ষারৈর্যবাগূং তক্রসাধিতম্||২৫||

স০-তথা বিডঙ্গাদিভিস্তক্রসাধিতাং পেযাং পিবেত্|

Adhikarana kRumiShu shirIShAdInAM pRuthagrasAH (26-27) · Śloka 27

রসং শিরীষকিণিহীপারিভদ্রককেম্বুকাত্| পলাশবীজপত্তরপূতিকাদ্বা পৃথক্ পিবেত্||২৬|| সক্ষৌদ্রং, সুরসাদীন্ বা লিহ্যাত্ক্ষৌদ্রযুতান্ পৃথক্| |২৭|

স০-শিরীষাদিরসং পিবেত্| কিণিহী-গিরিকর্ণিকা| পলাশবীজাদীনাং বা রসং মাক্ষিকান্বিতং পৃথক্ পিবেত্| অথবা , সুরসাদীন্ (হৃ. সূ. অ. ১৫|৩০) ক্ষৌদ্রযুতান্ পৃথগ্ লিহ্যাত্|

Adhikarana kRumiShu ashvaviTcUrNam (27-28) · Śloka 28

| শতকৃত্বোঽশ্ববিট্চূর্ণং বিডঙ্গক্বাথভাবিতম্||২৭|| কৃমিমান্ মধুনা লিহ্যাদ্ভাবিতং বা বরারসৈঃ| |২৮|

স০-অশ্বপুরীষচূর্ণং বহূন্ বারান্ বিডঙ্গক্বাথেন ভাবিতমথবাঽশ্বশকৃচ্চূর্ণং ত্রিফলাক্বাথেন ভাবিতং মধুনা কৃমিমান্ লিহ্যাত্|

Adhikarana kRumiShu tasya pradhamanaM ca (28) · Śloka 28

| শিরোগতেষু কৃমিষু চূর্ণং প্রধমনং চ তত্||২৮||

শিরোগতেষু কৃমিষু তত্-শিরোরোগনিষেধোক্তং, চূর্ণং প্রধমনং-নস্যং , চাচরেত্|

Adhikarana kRumiShu AkhuparNIpallavAdipUpalikA (29-30) · Śloka 30

আখুকর্ণীকিসলযৈঃ সুপিষ্টৈঃ পিষ্টমিশ্রিতৈঃ| পক্ত্বা পূপলিকাং খাদেদ্ধান্যাম্লং চ পিবেদনু||২৯|| সপঞ্চকোললবণমসান্দ্র তক্রমেব বা| |৩০|

স০-তথা, মূষককর্ণীপল্লবৈঃ সূক্ষ্মচূর্ণিতৈঃ শালিচূর্ণমিশ্রিতৈঃ পূপলিকাং পক্ত্বা খাদেত্| তদনু-পশ্চাচ্চ, ধান্যাম্লং পিবেত্| অথবা , তক্রং-মথিতং , পঞ্চকোললবণযুতং পিবেত্|

Adhikarana kRumiShu mUrdhageShu tadanu dhAnyAmlaM takraM vA kRumiShu mUrdhaviD~ggacUrNamishrABakShyAH (30-31) · Śloka 31

| নীপমার্কবনির্গুণ্ডীপল্লবেষ্বপ্যযং বিধিঃ||৩০|| বিডঙ্গচূর্ণমিশ্রৈর্বা পিষ্টৈর্ভক্ষ্যান্ প্রকল্পযেত্| |৩১|

স০-নীপাদিষ্বযমেব-পূর্বোক্তো মূষককর্ণীপল্লববিধিঃ , কল্প্যঃ| অথবা , পিষ্টৈর্বিডঙ্গচূর্ণমিশ্রিতৈর্ভক্ষ্যান্ প্রকল্পযেত্|

Adhikarana kRumiShu mUrdhageShu pAne bastau ca ArUShkaraM tailam (31-32) · Śloka 32

| বিডঙ্গতণ্ডুলৈর্যুক্তমর্ধাংশৈরাতপে স্থিতম্||৩১|| দিনমারুষ্করং তৈলং পানে বস্তৌ চ যোজযেত্| সুরাহ্বসরলস্নেহং পৃথগেবং চ কল্পযেত্||৩২||

স০-অরুষ্করজং তৈলং পানে বস্তৌ চ যোজযেত্| কিম্ভূতম্ ? অর্ধভাগপ্রমাণৈর্বিডঙ্গতণ্ডুলৈর্মিশ্রিতং তথা দিনমাতপে স্থিতম্| দিনমিত্যত্যন্তসংযোগে দ্বিতীযা| দেবদার্বাদিতৈলং পৃথগেবং-বিডঙ্গতণ্ডুলান্বিতমাতপে স্থিতং , কল্পযেত্|

Adhikarana kRumiShu mUrdhageShu surAhvasaralayoH snehau kRumiShu purIShajeShu basti virecane (33) · Śloka 33

পুরীষজেষু সুতরাং দদ্যাদ্বস্তিবিরেচনে| |৩৩|

স০-পুরীষজেষু কৃমিষু সুতরাং বস্তিং বিরেচনং চ দদ্যাত্|

Adhikarana kRumiShu kaPajeShu nasyaM vamanaM shamanaM ca (33) · Śloka 33

| শিরোবিরেকং বমনং শমনং কফজন্মসু||৩৩||

কফজন্মসু কৃমিষু শিরোবিরেকং-নস্যং , বমনং শমনং চ কুর্যাত্|

Adhikarana kRumiShu raktajeShu kuShThcikitstoktAkriyA (34) · Śloka 34

রক্তজানাং প্রতীকারং কুর্যাত্কুষ্ঠচিকিত্সিতাত্| |৩৪|

স০-রক্তোত্থানাং কৃমীণাং কুষ্ঠচিকিত্সিতাত্ প্রতীকারং বিদধ্যাত্| ল্যব্লোপে পঞ্চমী , কুষ্ঠচিকিত্সিতোক্তপেক্ষ্যেত্যর্থঃ|

Adhikarana kRumiShu romaBojiShu indraluptavidhiH (34) · Śloka 34

| ইন্দ্রলুপ্তবিধিশ্চাত্র বিধেযো রোমভোজিষু||৩৪||

স০-রোমভোজিষু কৃমিষ্বিন্দ্রলুপ্তবিধিঃ (হৃ. উ. অ. ২৪|২৮) কার্যঃ|

Adhikarana kRumiShu kShIrAdIni varjyAni (20) · Śloka 20

ক্ষীরাণি মাংসানি ঘৃতং গুডং চ দধীনি শাকানি চ পর্ণবন্তি| সমাসতোঽম্লান্মধুরান্ রসাংশ্চ কৃমীন্ জিহাসুঃ পরিবর্জযেত্||৩৫|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে শ্বিত্রকৃমিচিকিত্সিতং নাম বিংশোঽধ্যাযঃ||২০||

স০-কৃমীন্ জিহাসুঃ ক্ষীরাদীন্ বর্জযেত্| উপজাতিবৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে শ্বিত্রকৃমিচিকিত্সিতং নাম বিংশোঽধ্যাযঃ সমাপ্তঃ|| ২০||