22. vātaśōṇitacikitsitadhyāyaḥ

Adhikarana adhyAyopakramaH · Śloka

অস্মাদনন্তরং বাতরক্তচিকিত্সিতমারভ্যতে| যতো বাতশোণিতাখ্যো ব্যাধিঃ প্রাযো বাতব্যাধিরেব| শোণিতযুক্তেন বাযুনা কৃতত্বাদ্বহুবক্তব্যাচ্চ পৃথগস্যোপদেশঃ, ইত্যত আহ-

Adhikarana vAtashoNitacikitsitAdhyAyaH vAtarakte alpAlpaM raktaharaNam (2-1) · Śloka 1

অথাতো বাতশোণিতচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) বাতশোণিতিনো রক্তং স্নিগ্ধস্য বহুশো হরেত্| অল্পাল্পং পালযন্ বাযুং যথাদোষং যথাবলম্||১||

স০-বাতশোণিতিনো নরস্য স্নিগ্ধস্য সতো বহূন্ বারান্ লোহিতমল্পাল্পং হরেদ্বাতকোপভযাত্| অত এবাহ,-পালযন্ বাযুম্, তথা যথাদোষং-দোষানতিক্রমেণ, তথা বলানতিক্রমেণ| যথাদোষমিত্যুপলক্ষণার্থম্, দূষ্যাদ্যনতিক্রমেণাপি রক্তং হরেত্|

Adhikarana vAtarakte rUgrAgAdiyute jalaukoBiH vAtarakte cimacimAdiyute shRu~ggatumbaiH vAtarakte deshAntaragate pracCAnasirABiH (2-3) · Śloka 3

রুগ্রাগতোদদাহেষু জলৌকোভির্বিনির্হরেত্| শৃঙ্গতুম্বৈশ্চিমিচিমাকণ্ডূরুগ্দূযনান্বিতম্||২|| প্রচ্ছানেন সিরাভির্বা দেশাদ্দেশান্তরং ব্রজত্| |৩|

স০-রুগ্রাগাদিষু সত্সু জলৌকোভী রুধিরং হরেত্| চিমিচিমাদ্যন্বিতং রক্তং শৃঙ্গতুম্বৈর্হরেত্| দেশাদ্দেশান্তরং গচ্ছদসৃক্ প্রচ্ছানেন সিরযা বা হরেত্|

Adhikarana vAtarakte a~ggaglAnyAdau raktastrAvaniShedhaH vAtarakte raktakShayAt gamBIrashothAdayaH (3-4) · Śloka 4

| অঙ্গগ্লানৌ তু ন স্রাব্যং রূক্ষে বাতোত্তরে চ যত্||৩|| গম্ভীরং শ্বযথুং স্তম্ভং কম্পং স্নাযুসিরামযান্| গ্লানিমন্যাংশ্চ বাতোত্থান্ কুর্যাদ্বাযুরসৃক্ষযাত্||৪||

স০-অঙ্গগ্লানৌ তু সত্যাং ন সাধ্যং স্যাত্| তথা রূক্ষে বাতোত্তরে চ যদ্রক্তং তদপি ন স্রাব্যম্| রূক্ষে সতি বাতচিকিত্সিতং সেবেত| ননু, কস্মাদ্রক্তস্রাবো ন বিধীযতে ? ইত্যাহ-বাযুরসৃক্ক্ষযাদ্গম্ভীরশোফাদীন্ কুর্যাত্|

Adhikarana vAtarakte virecye snehavirecanam (5) · Śloka 5

বিরেচ্যঃ স্নেহযিত্বা তু স্নেহযুক্তৈর্বিরেচনৈঃ| |৫|

স০-বিরেচনযোগ্যঃ পুরুষঃ স্নেহযিত্বা বিরেচনদ্রব্যেঃ স্নেহযুতৈর্বিরেচনীযঃ|

Adhikarana vAtarakte vAtAdhike purANaM ghRutam (5) · Śloka 5

বাতোত্তরে বাতরক্তে পুরাণং পাযযেদ্ঘৃতম্| ||৫||

বাতোত্তরে বাতরক্তে পুরাণং ঘৃতং পাযযেত্|

Adhikarana vAtarakte vAtAdhike shrAvaNyAdighRutam (6) · Śloka 6

শ্রাবণীক্ষীরকাকোলীক্ষীরিণীজীবকৈঃ সমৈঃ| সিদ্ধং সর্ষভকৈঃ সর্পিঃ সক্ষীরং বাতরক্তনুত্||৬||

স০-শ্রাবণ্যাদিভিঃ ঋষভযুক্তৈঃ কল্কীকৃতৈঃ সিদ্ধং ঘৃতং দুগ্ধযুক্তং বা বাতশোণিতহৃত্|

Adhikarana vAtarakte vAtAdhike drAkShAdighRutam vAtarakte vAtAdhike guDUcIsiddhaN kShIram vAtarakte vAtAdhike tailapayaH sharkarAmishRuNam (7-8) · Śloka 8

দ্রাক্ষামধূকবরিভ্যাং সিদ্ধং বা সসিতোপলম্| ঘৃতং পিবেত্তথা ক্ষীরং গুডূচীস্বরসে শৃতম্||৭|| তৈলং পযঃ শর্করাং চ পাযযেদ্বা সুমূর্চ্ছিতম্| |৮|

স০-দ্রাক্ষামধূকযোঃ ক্বাথে সিদ্ধং বা ঘৃতং সশর্করং পিবেত্| ক্ষীরং চ গুডূচীস্বরসে ক্বথিতং পিবেত্| তৈলাদি বা সম্মিশ্রিতং পাযযেত্|

Adhikarana vAtarakte vAtAdhike balAdikShIram (8-9) · Śloka 9

| বলাশতাবরীরাস্নাদশমূলৈঃ সপীলুভিঃ||৮|| শ্যামৈরণ্ডস্থিরাভিশ্চ বাতার্তিঘ্নং শৃতং পযঃ| |৯|

স০-বলাদিভিঃ শৃতং পযো বাতরুজানাশনং স্যাত্|

Adhikarana vAtarakte vAtAdhike doShanulomanaM kShIram (9) · Śloka 9

| ধারোষ্ণং মূত্রযুক্তং বা ক্ষীরং দোষানুলোমনম্||৯||

স০-ধারোষ্ণং ক্ষীরং গোমূত্রযুক্তং বা দোষানুলোমনং স্যাত্|

Adhikarana vAtarakte pittAdhike shatAvaryAdikvAthaHvAtarakte pittAsvadutiktasiddhaM dhRutaM kShIraM vA (10) · Śloka 10

পৈত্তে পক্ত্বা বরীতিক্তাপটোলত্রিফলামৃতাঃ| পিবেদ্ধৃতং বা ক্ষীরং বা স্বাদুতিক্তকসাধিতম্||১০||

স০-পৈত্তে-পিত্তাধিকে বাতশোণিতে, শতাবর্যাদীন্ পক্ত্বা পিবেত্| স্বাদুতিক্তদ্রব্যৈঃ সাধিতং ঘৃতং ক্ষীরং বা পিবেত্|

Adhikarana vAtarakte pittAbahudoShe virekArtha eraNDatailam (11) · Śloka 11

ক্ষীরেণৈরণ্ডতৈলং চ প্রযোগেণ পিবেন্নরঃ| বহুদোষো বিরেকার্থে জীর্ণে ক্ষীরৌদনাশনঃ||১১||

স০-বহুদোষো নরো বিরেকার্থমেরণ্ডতৈলং ক্ষীরেণ পিবেত্| জীর্ণে তস্মিন্ ক্ষীরৌদনাশী স্যাত্|

Adhikarana vAtarakte pittAdoShe harItakI kaShAyaH,vAtarakte pittAdoShe trivRutAcUrNam (12) · Śloka 12

কষাযমভযানাং বা পাযযেদ্ধৃতভর্জিতম্| ক্ষীরানুপানং ত্রিবৃতাচূর্ণে দ্রাক্ষারসেন বা||১২||

স০-অথবা, হরীতকীনাং ক্বাথং ঘৃতভর্জিতং পাযযেত্| ত্রিবৃতামূলচূর্ণং ক্ষীরানুপানং দ্রাক্ষারসেন বা পাযযেত্|

Adhikarana vAtarakte pittadoShe kShIrabastayaH vAtarakte pittadoShebastiprashaMsA (13-14) · Śloka 14

নির্হরেদ্বা মলং তস্য সঘৃতৈঃ ক্ষীরবস্তিভিঃ| ন হি বস্তিসমং কিঞ্চিদ্বাতরক্তচিকিত্সিতম্||১৩|| বিশেষাত্প্যুপার্শ্বোরুপর্বাস্থিজঠরার্তিষু| |১৪|

স০-অথবা তস্য-বাতরক্তবতো, মলং ক্ষীরবস্তিভির্ঘৃতান্বিতৈর্নির্হরেত্| যস্মাদ্বস্তিতুল্যং নান্যদ্বাতরক্তচিকিত্সিতমস্তি| বিশেষেণ পাথ্বাদিপীডাসু বস্তির্হিতঃ|

Adhikarana vAtarakte kaPAdhike mustAdikathaH (14-15) · Śloka 15

| মুস্তাধাত্রীহরিদ্রাণাং পিবেত্ক্বাথং কফোল্বণে||১৪|| সক্ষৌদ্রং ত্রিফলাযা বা গুডূচীং বা যথাতথা| |১৫|

স০-মুস্তাদীনাং ক্বাথং মাক্ষিকান্বিতং কফোত্তরে বাতশোণিতে পিবেত্| ত্রিফলাযাঃ ক্বাথং বা সমাক্ষিকং পিবেত্| সর্বেণ প্রকারেণ গুডূচীং বা পিবেত্|

Adhikarana vAtarakterakte kaPAdhike triPalAkvAthaH,vAtarakte kaPAdhike guDUcIkvAthAdi vAtarakte kaPAdhike raktesneho vamanaM rUkShaNaM ca vAtarakte tridoShaje shUlAnvite triPalAdikalkaH (15-18) · Śloka 18

| যথার্হস্নেহপীতং চ বামিতং মৃদু রূক্ষযেত্||১৫|| ত্রিফলাব্যোষপত্রৈলাত্বক্ক্ষীরীচিত্রকং বচাম্| বিডঙ্গম্ ং পিপ্পলীমূলং লোমশাং বৃষকং ত্বচম্||১৬|| ঋদ্ধিং লাঙ্গলিকীং চব্যং সমভাগানি পেষযেত্| কল্যে লিপ্ত্বাঽঽযসীং পাত্রীং মধ্যাহ্নে ভক্ষযেদিদম্||১৭|| বাতাস্রে সর্বদোষেঽপি পরং শূলান্বিতে হিতম্| |১৮|

স০-যো যস্যার্হঃ স্নেহস্তং পীতবন্তং কৃতবমনং চ মৃদু কৃত্বা রূক্ষযেত্| স০-ত্রিফলাদীনি সমাংশানি জলেন পেষযেত্| পিষ্ট্বা চ প্রভাতে লৌহীং পাত্রীং লিপ্ত্বা মধ্যাহ্ন ইদং ভক্ষযেত্| এতচ্চ বাতরক্তে সর্বদোষেঽপি পরং শূলান্বিতে হিতম্|

Adhikarana vAtarakte tridoShaje kokilAkShakakvAthaH (18-19) · Śloka 19

| কোকিলাক্ষকনির্যূহঃ পীতস্তচ্ছাকভোজিনা||১৮|| কৃপাভ্যাস ইব ক্রোধং বাতরক্তং নিযচ্ছতি| |১৯|

স০-কোকিলাক্ষভোজিনা কোকিলাক্ষকক্বাথঃ পীতো বাতরক্তং শমযতি| কৃপাভ্যাসঃ ক্রোধং যথা|

Adhikarana vAtarakte tridoShaje lelItakIvasA (19-20) · Śloka 20

| পঞ্চমূলস্য ধাত্র্যা বা রসৈর্লেলীতকীং বসাম্||১৯|| খুডং সুরূঢমপ্যঙ্গে ব্রহ্মচারী পিবন্ জযেত্| |২০|

স০-পঞ্চমূলস্য রসৈরামলকরসৈর্বা লেলীতকীং বসাং ব্রহ্মচারী পিবন্ শরীরে খুডং সুস্থিরীভূতমপি জযেত্|

Adhikarana vAtarakte ityAByantaraM karmaM vAtarakte ataH paraM bAhyam (20) · Śloka 20

| ইত্যাভ্যন্তরমুদ্দিষ্টং কর্মবাহ্যমতঃ পরম্||২০||

স০-ইতি-এবং, অভ্যন্তরং কর্ম-চিকিত্সিতমুক্তম্| স০-অতঃ পরং বাহ্যং কর্মোচ্যতে|

Adhikarana vAtarakte jvaradAhArtau AranAlatailam (21) · Śloka 21

আরনালাঢকে তৈলং পাদসর্জরসং শৃতম্| প্রভূতে খজিতং তোযে জ্বরদাহার্তিনুত্পরম্||২১||

স০-কাঞ্জিকস্যাঢকে তৈলং চতুর্থভাগসর্জরসং পক্বং প্রভূতে জলে মথিতং পরং জ্বরদাহার্তিনুত্|

Adhikarana vAtarakte rUjAyAM piNDatailam (22) · Śloka 22

সমধূচ্ছিষ্টমঞ্জিষ্ঠং সসর্জরসসারিবম্| পিণ্ডতৈলং তদভ্যঙ্গাদ্বাতরক্তরুজাপহম্||২২||

স০-পূর্বোক্তং তৈলং পক্বং সহ মধূচ্ছিষ্টমঞ্জিষ্ঠাসর্জরসসারিবাভিরাবাপরূপাভির্বর্ততে যত্তদেবভূতং সত্পিণ্ডতৈলমুচ্যতে| তচ্চাভ্যঙ্গাদ্বাতরক্তরুজাহরম্|

Adhikarana vAtarakte rUjAyAM dashamUlashRutakShIreNa pariShekaH,vAtarakte rUjAyAM koShNasarpiShA (23) · Śloka 23

দশমূলশৃতং ক্ষীরং সদ্যঃ শূলনিবারণম্| পরিষেকোঽনিলপ্রাযে তদ্বত্কোষ্ণেন সর্পিষা||২৩||

স০-দশমূলেন ক্ষীরং সিদ্ধং শীঘ্রমেব শূলহৃত্, পরিষেকেণেত্যর্থাদবগম্যতে| অত এবাহ-পরিষেকোঽনিলপ্রাযে| তথেব কোষ্ণেন সর্পিষা-ঘৃতেন, হিতঃ|

Adhikarana vAtarakte stamBAdyArte madhurasiddhasnehaiH pariShekaH (24) · Śloka 24

স্নেহৈর্মধুরসিদ্ধৈর্বা চতুর্ভিঃ পরিষেচযেত্| স্তম্ভাক্ষেপকশূকার্তং কোষ্ণৈর্দাহে তু শীতলৈঃ||২৪||

স০-অথবা স্তম্ভাদিভিরার্তং নরং চতুর্ভির্মধুরদ্রব্যসাধিতৈঃ স্নেহৈঃ কোষ্ণৈঃ পরিষেচযেত্| দাহে পুনস্তৈরেব শীতৈঃ পরিষেচযেত্|

Adhikarana vAtarakte stamBAdyArtegavyAdikShIraiH (25) · Śloka 25

তদ্বদ্গব্যাবিকচ্ছাগৈঃ ক্ষীরৈস্তৈলবিমিশ্রিতৈঃ| |২৫|

অথবা, গব্যাবিকচ্ছাগৈঃ ক্ষীরৈস্তৈলবিমিশ্রিতৈঃ কোষ্ণৈঃ স্তম্ভাক্ষেপকশূলার্তং তদ্বত্-প্রাগ্বত্, পরিষেচযেত্| দাহে পুনরেতৈরেব ক্ষীতৈঃ পরিষেচযেত্|

Adhikarana vAtarakte stamBAdyArtejIvanIyakvAthaiHvAtarakte stamBAlaghupa~jcamUlakvAthaiH (25) · Śloka 25

| নিঃক্বাথৈর্জীবনীযানাং পঞ্চমূলস্য বা লঘোঃ||২৫||

স০-জীবনীযানাং দ্রব্যাণাং নিঃক্বাথৈর্লঘোর্বা পঞ্চমূলস্য ক্বাথৈঃ কোষ্ণৈঃ স্তম্ভাদ্যার্তং পরিষেচযেত্| দাহে তু শীতলৈঃ|

Adhikarana vAtarakte stamBadyArtedrAkShekShurasAdyaiH (26) · Śloka 26

দ্রাক্ষেক্ষুরসমদ্যানি দধিমস্ত্বম্লকাঞ্জিকম্| সেকার্থং তণ্ডুলক্ষৌদ্রশর্করাম্ভশ্চ শস্যতে||২৬||

স০-দাহে দ্রাক্ষারস ইক্ষুরস মদ্যানি দধিমস্ত্বম্লকাঞ্জিকং সেকার্থং শস্যতে| তথা, তণ্ডুলাম্ভঃ ক্ষৌদ্রাম্ভঃ শর্করাম্ভশ্চ সেকার্থং শস্যতে|

Adhikarana vAtarakte dAharUklkameShu priyanArIsparshaH (27) · Śloka 27

প্রিযাঃ প্রিযংবদা নার্যশ্চন্দমার্দ্রকরস্তনাঃ| স্পর্শশীতাহ্ সুখস্পর্শা ঘ্নন্তি দাহং রুজং ক্লমম্||২৭||

স০-নার্যঃ প্রিযাঃ-বল্লভাঃ, প্রিযবচসশ্চন্দনোনার্দ্রাঃ করাঃ স্তনাশ্চ যাসাং তাং এবংবিধাঃ স্পর্শেন শীতাঃ সুখস্পর্শাশ্চ্ দাহং [ রুজং ] ক্লমং চ ঘ্নন্তি|

Adhikarana vAtarakte sarAgAdike prapauNDarIkAdilepaH (28-29) · Śloka 29

সরাগে সরুজে দাহে রক্তং হৃত্বা প্রলেপযেত্| প্রপৌণ্ডরীকমঞ্জিষ্ঠাদার্বীমধুকচন্দনৈঃ||২৮|| সিতোপলৈরকাসক্তুমসূরোশীরপদ্মকৈঃ| লেপো রুগ্দাহবীসর্পরাগশোফনিবর্হণঃ||২৯||

স০-দাহে সরাগে সতি রক্তং হৃত্বা প্রপৌণ্ডরীকাদিভির্লেপঃ কার্যঃ| স চ লেপো রুগ্দাহাদিনিবর্হণঃ| দার্বী-দারুহরিদ্রা| মধুকং-যষ্টীমধু| সিতোপলা-শর্করা| এরকাসক্তুঃ-এরকাবীজসক্তুঃ|

Adhikarana vAtarakte shUle vArandhasiddhaH kRusharo upanAhanam (30) · Śloka 30

বাতঘ্নৈঃ সাধিতঃ স্নিগ্ধঃ কৃশরো মুদ্গপাযসঃ| তিলসর্ষপপিণ্ডৈশ্চ শূলঘ্নমুপনাহনম্||৩০||

স০-কৃশরঃ-তিলমুদ্গাদিকৃতো, বাতঘ্নৈঃ সাধিতো মুদ্রপাযসো-মুদ্রক্ষীরে যো মিশ্রিতঃ, তিলসর্ষপপিণ্ডৈশ্চৈতদুপনাহনং শূলঘ্নম্|

Adhikarana vAtarakte stamBAdike audakAdivesavArAH vAtarakte stamBAaudakAdivasA (31-32) · Śloka 32

ঔদকপ্রসহানূপবেসবারাঃ সুসংস্কৃতাঃ| জীবনীযৌষধৈঃ স্নেহযুক্তাঃ স্যুরুপনাহনে||৩১|| স্তম্ভতোদরুগাযামশোফাঙ্গগ্রহনাশনাঃ| জীবনীযৌষধৈঃ সিদ্ধা সপযস্কা বসাঽপি বা||৩২||

স০-ঔদকাদ্যা জীবনীযৌষধৈঃ সাধিতাঃ স্নেহযুক্তাঃ সুসংস্কৃতা উপনাহেন স্তম্ভাদিনাশনাঃ স্যুঃ| অথবা, ঔদকাদীনাং বসা জীবনীযৌষধৈঃ সিদ্ধা সপযস্কা স্তম্ভাদিনাশনা স্যাত্|

Adhikarana vAtarakte stamBAdyArte ghRutAdilepaH vAtarakte stamBA BRuShTatilalepaH (33) · Śloka 33

ঘৃতং সহচরান্মূলং জীবন্তী ছাগলং পযঃ| লেপঃ পিষ্টাস্তিলাস্তদ্বদ্ভৃষ্টাঃ পযসি নিবৃতাঃ||৩৩||

স০-সহচরজীবন্তীমূলকল্কো ঘৃতচ্ছাগপযোমিশ্রো লেপ উপযোগী ভবতি| পিষ্টাস্তিলা ভৃষ্টাঃ-ভজিতাঃ, পযসি-ক্ষীরে, নিবৃতাঃ-প্রক্ষিপ্তাঃ, তদ্বত্-প্রাগ্বত্ প্রলেপে যোজ্যাঃ|

Adhikarana vAtarakte vAtAdhikedhike shUle umairaNDlepau (34) · Śloka 34

ক্ষারপ্রিষ্টক্ষুমাং লেপমেরণ্ডস্য ফলানি বা| কুঘার্চ্ছূলনিবৃত্ত্যর্থং শতাহ্বাং বাঽনিলেঽধিকে||৩৪||

স০-ক্ষুমাং-অতসীং, ক্ষীরেণ পিষ্টামধিকেঽনিলে শূলনিবৃত্যর্থং লেপং কুর্যাত্| যদ্বা, এরণ্ডস্য ফলানি ক্ষীরপিষ্টানি শূলনিবৃত্ত্যর্থং লেপং কুর্যাত্| যদ্বা, শতপুষ্পাং ক্ষীরে পিষ্ট্বা শূলনিবৃত্ত্যর্থং লেপং কুর্যাত্|

Adhikarana vAtarakte vAtAdhikemUtrAdipavkaM ghRutaM amya~jjanam (35) · Śloka 35

মূত্রক্ষারসুরাপক্বং ঘৃতমভ্যঞ্জনে হিতম্| |৩৫|

স০-মূত্রাদিভিঃ সিদ্ধং ঘৃতমধিকেঽনিলেঽভ্যঞ্জনে হিতম্|

Adhikarana vAtarakte vAtAdhike siddhaM shuktaM sekABya~gge (36) · Śloka 36

| সিদ্ধং সমধু শুক্তং বা সেকাভ্যঙ্গে|৩৫| |৩৬|

স০-শুক্তং-চুক্রং, সিদ্ধং সমাক্ষিকং সেকে পরিষেকেঽভ্যঙ্গে চ হিতম্||৩৬||

Adhikarana vAtarakterakte kaPottare shUle gRuhadhUmAdilepaH (35-36) · Śloka 36

| কফোত্তরে||৩৫|| গৃহধূমো বচা কুষ্ঠং শতাহ্বা রজনীদ্বযম্| প্রলেপঃ শূলনুদ্বাতরক্তে|৩৬|

স০-কফোত্তরে বাতরক্তে গৃহধূমাদিপ্রলেপো হিতো ভবতি| শতাহ্বা-শতপুষ্পা| রজনীদ্বযং-হরিদ্রে দ্বে|

Adhikarana vAtarakte vAtaraktekaPottare madhushiprubIjalepaH (36-37) · Śloka 37

| বাতকফোত্তরে||৩৬|| মধুশিগ্রোর্হিতং তদ্বদ্বীজং ধান্যাম্লসংযুতম্| |৩৭|

স০-বাতকফোত্তরে বাতরক্তে মধুশিগ্রোর্বীজং কাঞ্জিকসংযুক্তং তদ্বত্-প্রলেপে হিতম্|

Adhikarana vAtarakte vAtarakte amlaiH secanam (37) · Śloka 37

| মুহূর্তলিপ্তমম্লৈশ্চ সিঞ্চেদ্বাতকফোত্তরে||৩৭||

স০-বাতকফোত্তরে বাতরক্তে মুহূর্তলিপ্তমর্থাদেব কাঞ্জিকপিষ্টমধুশিগ্রুবীজেন লিপ্তমম্লৈঃ-শুক্তাদিভিঃ, সিঞ্চেত্|

Adhikarana vAtarakte uttAne lepAdayaH (38) · Śloka 38

উত্তানং লেপনাভ্যঙ্গপরিষেকাবগাহনৈঃ| |৩৮|

স০-উত্তানং বাতরক্তং লেপাদিভিরাচরেত্-চিকিত্সেত্|

Adhikarana vAtarakte gamBIre lepAdayaH (38) · Śloka 38

| বিরেকাস্থাপনস্নেহপানৈর্গম্ভীরমাচরেত্||৩৮||

স০-গম্ভীরং বাতশোণিতং বিরেকাদিভিরাচরেত্|

Adhikarana vAtarakte vAtarakteShleShmottare koShNA lepAdyAH shItalepanAdyaurvidAhAdivRuddhi (39) · Śloka 39

বাতশ্লেষ্মোত্তরে কোষ্ণা লেপদ্যাস্তত্র শীতলৈঃ| বিদাহশোফরুক্কণ্ডূবিবৃদ্ধিঃ স্তম্ভনাদ্ভবেত্||৩৯||

স০-বাতশ্লেষ্মোত্তর উত্তানে বাতশোণিতে লেপাদ্যাঃ কোষ্ণা হিতাঃ| তত্র-তস্মিন্ বাতশ্লেষ্মোত্তরে, শীতলৈর্লেপনৈঃ স্তম্ভনাত্ বিদাহাদীনাং বিবৃদ্ভির্ভবতি|

Adhikarana vAtarakte pittaraktottare himAle pAdyAH uShNaiH lpoShAdayaH (40) · Śloka 40

পিত্তরক্তোত্তরে বাতরক্তে লেপাদযো হিমাঃ| উষ্ণৈঃ প্লোষোষরুগ্রাগস্বেদাবদরণোদ্ভবঃ||৪০||

স০-বাতরক্তে পিত্তরক্তোত্তরে হিমাঃ শীতা লেপাদযো হিতাঃ| তত্র পিত্তরক্তোত্তরে বাতরক্ত উষ্ণৈর্লেপৈঃ প্লেষাদযো ভবন্তি|

Adhikarana vAtarakte madhuyaShTItailam (41-44) · Śloka 44

মধুযষ্ট্যাঃ পলশতং কষাযে পাদশেষিতে| তৈলাঢকং সমক্ষীরং পচেত্কল্কৈঃ পলোন্মিতৈঃ||৪১|| স্থিরাতামলকীদূর্বাপযস্যাভীরুচন্দনৈঃ| লোহহংসপদীমাংসীদ্বিমেদামধুপর্ণিভিঃ||৪২|| কাকোলীক্ষীরকাকোলীশতপুষ্পর্দ্ধিপদ্মকৈঃ| জীবকর্ষভজীবন্তীত্বক্ঽঽপত্রনখবালকৈঃ||৪৩|| প্রপৌণ্ডরীকমঞ্জিষ্ঠাসারিবৈন্দ্রীবিতুন্নকৈঃ| চতুষ্প্রযোগং বাতসৃক্ঽঽপিত্তদাহজ্বরার্তিনুত্||৪৪||

স০-মধুযষ্ট্যাঃ পলশতং ক্বাথকল্পনযা ক্বথিতং তস্মিন্কষাযে পাদশেষিতে চতুর্ভাগাবশিষ্টে তৈলস্যাঢকং সমক্ষীরমাঢকপ্রমাণেন ক্ষীরেণ তুল্যং স্থিরাদিভিঃ পলোন্মিতৈঃ কল্কীকৃতৈর্যুক্তং পচেত্| তত্তৈলং চতুষ্প্রযোগং-পানে নস্যেঽনুবাসনে বস্তৌ চ যোজিতং, বাতাসৃগাদীনামর্তিনুদ্ভবেত্| স্থিরা-শালিপর্ণী| তামলকী-ভূধাত্রী| পযস্যা-অর্কপুষ্পী| অভীরুঃ-শতাবরী| লোহং-অগরু| হংসপদী-কীটমারী| মধুপর্ণী-গুডূচী| ঐন্দ্রী-বিশালা| বিতুন্নকং-পরিপেলবম্|

Adhikarana vAtarakte balAtailam (45-46) · Śloka 46

বলাকষাযকল্কাভ্যাং তৈলং ক্ষীরসমং পচেত্| সহস্রশতপাকং তদ্বাতাসৃগ্বাতরোগনুত্||৪৫|| রসাযনং মুখ্যতমমিন্দ্রিযাণাং প্রসাদনম্| জীবনং বৃহণং স্বর্যং শুক্রাসৃগ্দোষনাশনম্||৪৬||

স০-বলাকষাযেণ কল্কেন চ তৈলং ক্ষীরেণ সমং তুল্যং পচেত্| তত্-তৈলং, সহস্রপাকং শতপাকং বা বাতশোণিতবাতরোগহরম্| তথা, মুখ্যতমং-শ্রেষ্ঠম্, তদ্রসাযনমিন্দ্রিযাণাং-চক্ষুরাদীনাং, প্রসাদনং-প্রসাদজনকম্| জীবনং-প্রাণধারণম্| বৃংহণং-উপচযকরম্| স্বর্যং-স্বরকরম্| শুক্রাসৃগ্দোষাণাং নাশনম্|

Adhikarana vAtarakte mArgasaMrodhAtkupie vAte ADhcavAtoktaM karma, tataH snehanAdi (47-48) · Śloka 48

কুপিতে মার্গসংরোধান্মেদসো বা কফস্য বা| অতিবৃদ্ধ্যাঽনিলে শস্তং নাদৌ স্নেহনবৃংহণম্||৪৭|| কৃত্বা তত্রাঢ্যবাতোক্তং বাতশোণিতিকং ততঃ| ভেষজং স্নেহনং কুর্যাদ্যচ্চ রক্তপ্রসাদনম্||৪৮||

স০-অনিলে-বাতে, মেদসোঽতিবৃদ্ধ্যা কফস্য বাঽতিবৃদ্ধ্যা মার্গসংরোধাত্ কারণাত্ কুপিতে স্নেহনবৃংহণমৌষধমাদৌ ন শস্তম্| তত্র-মেদসাবৃতে কফাবৃতে বা বাতে, আঢ্যবাতোক্তং যচ্চিকিত্সিতমুক্তং তত্কার্যম্| ততঃ-অনন্তরং, বাতশোণিতিকং স্নেহনং ভেষজং কুর্যাত্| যচ্চাপি রক্তস্য প্রসাদনং তদপি কুর্যাত্| বাতশোণিতচিকিত্সিতমুক্ত্বা প্রাণাদিচিকিত্সামাহ-

Adhikarana prANAdyAvRutavAtaraktecikitsA (49) · Śloka 49

প্রাণাদিকোপে যুগপদ্যথোদ্দিষ্টং যথামযম্| যথাসন্নং চ ভৈষজ্যং বিকল্প্যং স্যাদ্যথাবলম্||৪৯||

স০-প্রাণাদীনাং পঞ্চানাং যুগপত্-তুল্যকালং কোপে, যথোদ্দিষ্টং-যথোক্তবাতব্যাধিচিকিত্সানতিক্রমেণ, যথামযং-প্রাণাদিকোপজনিতরোগাদ্যপেক্ষযা, যথাসন্নং-প্রাণাদীনামন্যতমমাসন্নমনতিক্রম্য, যস্মিন্নেব রোগে য এব প্রাণাদীনামন্যতম আসন্নস্তমেব চিকিত্সেত্| যথাবলং-বলানতিক্রমেণ, প্রাণাদীনামন্যতমস্য বলিনঃ পূর্বপ্রতীকারং কুর্যাত্| ইত্যেবমত্র ভৈষজ্যং-ঔষধং, বিকল্প্যং-বিকল্পনীযং, স্যাত্-ভবেত্|

Adhikarana vAte sAme svedAdayaH (50) · Śloka 50

নীতে নিরামতাং সামে স্বেদলঙ্ঘনপাচনৈঃ| রূক্ষৈশ্চালেপসেকাদ্যৈঃ কুর্যাত্কেবলবাতনুত্||৫০||

স০-সামে বাতে স্বেদাদিভিস্তথা রূক্ষৈঃ সেকলেপাদিভির্নিরামতাং নীতে পশ্চাত্ কেবলবাতনুত্-শুদ্ধবাতচিকিত্সিতং, কুর্যাত্|

Adhikarana shoShAdayo vAtarakterogA navAH sAdhyAH (51-53) · Śloka 53

শোষাক্ষেপণসঙ্কোচস্তম্ভস্বপনকম্পনম্| হনুস্রংসোঽর্দিতং খাঞ্জ্যং পাঙ্গুল্যং খুডবাততা||৫১|| সন্ধিচ্যুতিঃ পক্ষবধো মেদোমজ্জাস্থিগা গদাঃ| এতে স্থানস্য গাম্ভীর্যাত্সিধ্যেযুর্যত্নতো নবাঃ||৫২|| তস্মাজ্জযেন্নবানেতান্ বলিনো নিরুপদ্রবান্| |৫৩|

স০-শোষঃ-অঙ্গশোষঃ| আক্ষেপণং-আযামঃ| সঙ্কোচঃ-অঙ্গাবযবানাম্| স্তম্ভো-দণ্ডবত্ স্তব্ধতা| স্বপনং-অচৈতন্যম্| কম্পনং-বেপথুঃ| হনুস্রংসো-হনুভ্রংশঃ| অর্দিত্তং-বাযুনা বক্রীকৃতং বক্রার্ধম্| খাঞ্জ্যং-খঞ্জতা| পাঙ্গুল্যং-পঙ্গুতা| খুডবাতো-বাতশোণিতম্| সন্ধিচ্যুতিঃ-স্থানাদ্ভ্রংশঃ| পক্ষবধঃ-পক্ষাঘাতঃ| তথা, যে গদাঃ-রোগাঃ, মেদআদিস্থানস্থা ভবন্তি ত এতে স্থানস্য গাম্ভীর্যভাবেন জাতা নবাঃ-অচিরকালোত্পন্নাঃ, যত্নতঃ সিধ্যেযুঃ, বলিনঃ পুংসঃ| তস্মাদেতান্ শোষাদীন্ নিরুপদ্রবান্ [ নবান্- ] শীঘ্রজন্মনো, জযেত্-চিকিত্সেত্|

Adhikarana vAte pittAvRute paryAyeNa shItoShNA kriyA vAte pittAvRute jIvanIyaM sarpiH dhanvamAMsAdi ca (53-54) · Śloka 54

| বাযৌ পিত্তাবৃতে শীতামুষ্ণাং চ বহুশঃ ক্রিযাম্||৫৩|| ব্যত্যাসাদ্যোজযেত্সর্পির্জীবনীযং চ পাযযেত্| ধন্বমাংসং যবাঃ শালির্বিরেকঃ ক্ষীরবান্ মৃদুঃ||৫৪||

স০-বাযৌ পিত্তাবৃতে ব্যত্যাসাত্-পর্যাযেণ, শীতামুষ্ণাং চ ক্রিযাং বঃউশঃ-শতশো, যোজযেত্| তথা, জীবনীযং সর্পিস্তমাতুরং পাযযেত্| অত্র চ পিত্তাবৃতে বাযৌ ধন্বমাংসং-জাঙ্গলং পিশিতং, যোজ্যম্| যবাঃ শালযশ্চ, তথা ক্ষীরবান্-ক্ষীরযুক্তো, মৃদুর্বিরেকো যোজ্যঃ|

Adhikarana vAtarakte pittA sakShIrA bastayo~anu vAsanaM ca (55) · Śloka 55

সক্ষীরা বস্তযঃ ক্ষীরং পঞ্চমূলবলাশৃতম্| কালেঽনুবাসনং তৈলৈর্মধুরৌষধসাধিতৈঃ||৫৫||

স০-অত্রাপি পিত্তাবৃতে বাযৌ বস্তযঃ সক্ষীরা যোজ্যাঃ| পঞ্চমূলং-মহত্, তেন বলাসহিতেন শৃতং ক্ষীরং প্রযোক্তব্যম্| কালে-যথাবসরমনুবাসনযোগ্যে, মধুরৌষধসাধিতৈস্তৈলৈরনুবাসনং দেযম্|

Adhikarana vAtarakte pittA madhuyaShTItailAdinA secanam (56) · Śloka 56

যষ্টীমধুবলাতৈলঘৃতক্ষীরৈশ্চ সেচনম্| পঞ্চমূলকষাযেণ বারিণা শীতলেন বা||৫৬||

স০-মধুযষ্টিতৈলেন বলাতৈলেন ঘৃতেন ক্ষীরেণ চ সেচনং হিতম্| পঞ্চমূলস্য কষাযেণ-ক্বাথেন, বা শীতলেন বারিণা পিত্তাবৃতে বাতে সেচনং যোজ্যম্|

Adhikarana vAtaraktekaPAvRute yavAnnAdi svedanirUhAdayaH purANa ghRutAdi ca (57-58) · Śloka 58

কফাবৃতে যবান্নানি জাঙ্গলা মৃগপক্ষিণঃ| স্বেদাস্তীক্ষ্ণা নিরূহাশ্চ বমনং সবিরেচনম্||৫৭|| পুরাণসর্পিস্তৈলং চ তিলসর্ষপজং হিতম্| |৫৮|

স০-কফাবৃতে যবান্নানি হিতানি| জাঙ্গলা মৃগাঃ পক্ষিণশ্চ তথা স্বেদা হিতাঃ| তীক্ষ্ণা নিরূহাঃ-আস্থাপনবিশেষাশ্চ| তীক্ষ্ণং বমনং সবিরেচনং হিতম্| পুরাণং চ সর্পিঃ, তিলসর্ষপজং চ তৈলং হিতম্|

Adhikarana vAte kaphAvRute Adau pittajayaH (58) · Śloka 58

| সংসৃষ্টে কফপিত্তাভ্যাং পিত্তমাদৌ বিনির্জযেত্||৫৮||

স০-কফপিত্তাভ্যাং দ্বাভ্যাং সংসৃষ্টে বাত আদাবেব পিত্তং বিনির্হরেত্| পশ্চাত্ কফং বাতযুক্তং জযেত্|

Adhikarana vAte raktAvRute vAtarakteshoNitikIkriyA (59) · Śloka 59

কারযেদ্রক্তসংসৃষ্টে বাতশোণিতিকীং ক্রিযাম্| |৫৯|

স০-রক্তসংসৃষ্টে বাতে বাতশোণিতিকীং ক্রিযাং কারযেত্|

Adhikarana vAtarakte mAMsAvRute svedAdayaH (59) · Śloka 59

| স্বেদাভ্যঙ্গরসাঃ ক্ষীরং স্নেহো মাংসাবৃতে হিতম্||৫৯||

স০-মাংসাবৃতে স্বেদাভ্যঙ্গমাংসরসাঃ ক্ষীরং স্নেহশ্চ যথাযোগমেতদ্ধিতম্|

Adhikarana vAtarakte asthimjjasthe svedAdayaH,vAtarakte retasAvRute shukrasthavAtoktam (60) · Śloka 60

প্রমেহমেদোবাতঘ্নমাঢ্যবাতে ভিষগ্জিতম্| মহাস্নেহোঽস্থিমজ্জস্থে পূর্বোক্তং রেতসাঽঽবৃতে||৬০||

স০-আঢ্যবাতে-মেদসাঽঽবৃতে বাযৌ, প্রমেহনং মেদোঘ্নং বাতঘ্নং চ ভিষগ্জিতং-ঔষধং, হিতম্| স০-অস্থিমজ্জস্থে বাতে মহস্নেহো-ঘৃতমজ্জাবসাতৈলৈঃ সিদ্ধো, যদ্বা নারাযণাদির্হিতঃ| রেতসাঽঽবৃতে পূর্বোক্তং-বাতব্যাধৌ শুক্রস্তবাতোক্তং (হৃ. চি. অ. ২১|২০) , হিতম্|

Adhikarana vAtarakte annAvRute pAcanIyAdi (61) · Śloka 61

অন্নাবৃতে পাচনীযং বমনং দীপনং লঘু| |৬১|

স০-অন্নেনাবৃতে পাচনীযমৌষধং বমনং হিতম্| দীপনীযং-আগ্নেযং, যদৌষধং লঘু চ-প্রকৃত্যা, তত্সর্বং হিতম্|

Adhikarana vAtarakte mUtrAvRute mUtralAdi (61) · Śloka 61

| মূত্রাবৃতে মূত্রলানি স্বেদাশ্চোত্তরবস্তযঃ|৬১|

স০-মূত্রেণাবৃতে বাতে মূত্রলানি-ত্রপুসাদীনি, স্বেদাশ্চোত্তরবস্তযোঃ হিতাঃ|

Adhikarana vAtarakte purIShAvRute eraNDatailAdi (61) · Śloka 61

এরণ্ডতৈলং বর্চঃস্থে বস্তিস্নেহাশ্চ মেদিনঃ| ||৬১||

স০-বর্চসাঽঽবৃতে বাত এরণ্ডতৈলং বস্তযশ্চ স্নেহাশ্চ মেদিনো হিতাঃ|

Adhikarana vAtarakte vAte sarvakuShTheShu sthAnAvRute kaPApittAvirUddhaM vAtAdhikenulomanaM strotaH shuddhikaraM bastivirecanaM rasAyanAni shilAjatu ityAdi (62-66) · Śloka 66

| কফপিত্তাবিরুদ্ধং যদ্যশ্চ বাতানুলোমনম্||৬২|| সর্বস্থানাবৃতেঽপ্যাশু তত্কার্যং মাতরিশ্বনি| অনভিষ্যন্দি চ স্নিগ্ধং স্রোতসাং শুদ্ধিকারণম্||৬৩|| যাপনা বস্তযঃ প্রাযো মধুরাঃ সানুবাসনাঃ| প্রসমীক্ষ্য বলাধিক্যং মৃদু কার্যং বিরেচনম্||৬৪|| রসাযনানাং সর্বেষামুপযোগঃ প্রশস্যতে| শিলাহ্বস্য বিশেষেণ পযসা শুদ্ধগুগ্গুলোঃ||৬৫|| লেহো বা ভার্গবস্তদ্বদেকাদশসিতাশিতঃ| |৬৬|

স০-সর্বস্থানাবৃতে মাতরিশ্বনি-বাযৌ, আশু-শীঘ্রমেব, যদৌষধং কফপিত্তযোরবিরুদ্ধং বাতস্য চানুলোমনং তত্কার্যম্|স০-তস্মিন্ সর্বধাত্বাবৃতে মাতরিশ্বনি যদনভিষ্যন্দি স্নিগ্ধং স্রোতসাং যচ্ছুদ্ধিকরং তত্সর্বমন্নপানৌষধং যোজ্যম্| যাপনসংজ্ঞা বস্তযো বাহুল্যেন মধুরাঃ সানুবাসনাঃ-স্নেহবস্তযশ্চ, হিতাঃ| বলস্যাধিক্যং প্রসমীক্ষ্য-বুদ্ধ্বা, মৃদু বিরেচনং হিতম্| সর্বেষাং রসাযনপ্রযোগাণামুপযোগঃ প্রশস্যতে| তথা শুদ্ধস্য গুগ্গুলোঃ প্রযোগঃ, ভার্গবো লেহো-ব্রাহ্মরসাযনোক্তশ্চ্যবনপ্রাশো বা, তদ্বদেকাদশসিতাশিতো-ব্রাহ্মরসাযনোক্তঃ (?), প্রশস্যতে|

Adhikarana vAtarakte apAne AvRute dIpanAdi (66-67) · Śloka 67

| অপানে ত্বাবৃতে সর্বং দীপনং গ্রাহি ভেষজম্||৬৬|| বাতানুলোমনং কার্যং মূত্রাশযবিশোধনম্| |৬৭|

স০-অপানে বাযৌ যেনকেনচিদাবৃতে সর্বং ভেষজং দীপনং-অগ্নেঃ, গ্রাহি-সঙ্গ্রহণং, বাতস্যানুলোমনং মূত্রাশযস্য-বস্তেঃ, বিশোধনং তত্সর্বং কার্যম্|

Adhikarana vAtarakte prANAdAvAvRutte sarvakuShTheShu M vicArya (67-68) · Śloka 68

| ইতি সঙ্ক্ষেপতঃ প্রওক্তমাবৃতানাং চিকিত্সিতম্||৬৭|| প্রাণাদীনাং ভিষক্কুর্যাদ্বিতর্ক্য স্বযমেব তত্| |৬৮|

স০-ইতি-অনন্তরোক্তেন প্রকারেণ, আবৃতানাং সঙ্ক্ষেপতশ্চিকিত্সিতং-ঔষধং, প্রোক্তম্| যত্ প্রাণাদীনাং পঞ্চানামাবৃতানাং চিকিত্সিতং তত্-পূর্বোক্তং, ভিষক্ স্বযমেব বিতর্ক্য-বিচার্য, কুর্যাত্|

Adhikarana vAtarakte udAne AvRute UrdhvaM yojayetvAtarakte apAne AvRute anulomanam vAtarakte samAne avRute shamanam vAtarakte vyAne AvRute ridhAyojayet vAtarakte prANavAyoScaturBo rakShaNIyatvam vAtarakte evamAvRutavAtAdhikenAM svasthAnanayanama (68-70) · Śloka 70

| উদানং যোজযেদূর্ধ্বমপানং চানুলোমযেত্||৬৮|| সমানং শমযেদ্বিদ্বাংস্ত্রিধা ব্যানং তু যোজযেত্| প্রাণো রক্ষ্যশ্চতুর্ভ্যোঽপি তত্স্থিতৌ দেহসংস্থিতিঃ||৬৯|| স্বং স্বং স্থানং নযেদেবং বৃতান্ বাতান্ বিমার্গগান্| |৭০|

স০-উদানাখ্যং বাযুমূর্ধ্বমেব যোজযেত্-যতোঽসৌ সদৈবোর্ধ্বগামী, তথা প্রযতেত যথোর্ধ্বগামী ভবতি| অপানাখ্যং চানিলমনুলোমযেত্-অধোগতির্হ্যযং সদৈব সমীরণস্তস্মাদধোগমনং যথাঽস্য সম্পদ্যেত তথা চিকিত্সিতং কার্যমিত্যর্থঃ| সমানাখ্যং বাযুং বিদ্বান্ বৈদ্যো বাতঘ্নৈরৌষধৈঃ শমযেত্| অযমভিপ্রাযো গ্রন্থকৃতঃ-কিল নাস্যোর্ধ্বগামিতা নৈবাধোগামিতা যথা সম্পদ্যতে তথা চিকিত্সিতং হিতম্, কিং তর্হি স্বস্থানপ্রতিপত্তিরেবেত্যেবং চিকিত্সা কার্যেতি| ব্যানাখ্যং তু বাযুং ত্রিধা যোজযেত্-ঊর্ধ্বাধোমধ্যগমনং যথাঽস্য শরীরে সম্পদ্যতে তথা চিকিত্সা কার্যেতি| তথা, প্রাণো বাযুশ্চতুর্ভ্যোঽপি-উদানাপানসমানব্যানেভ্যোঽপি, সর্বপ্রযত্নেন রক্ষ্যঃ-য্থোদানাদিভির্নাস্য বাধা সম্পদ্যতে তথা চিকিত্সা কার্যেত্যর্থঃ| যতস্তস্য-প্রাণস্য, স্থিতৌ সত্যাং দেহস্য-শরীরস্য, সংস্থিতিঃ-জীবনং ভবতি, প্রাণং বিনা ন জীবতীত্যথঃ| এবং-অনেন প্রকারেণ, বাতান্ বিমার্গগানাবৃতান্ স্বং স্বং স্থানং নযেত্|

Adhikarana vAtarakte sarvAvareNe pittaraktavarjite lashunarasAyanam (70-71) · Śloka 71

| সর্বং চাবরণং পিত্তরক্তসংসর্গবর্জিতম্||৭০|| রসাযনবিধানেন লশুনো হন্তি শীলিতঃ| |৭১|

স০-সর্বমেবাবরণং বাতানাং পিত্তরক্তসংসর্গবর্জিতং রসাযনবিধিনা শীলিতো লশুনো হন্তি| এতেন পিত্তরক্তসংসৃষ্টমাবরণং বর্জযিত্বা সর্বাবরণান্যন্যানি লশুনঃ কেবল এব নিহন্তি|

Adhikarana vAtarakte pittAvRute pittaharAde (71) · Śloka 71

| পিত্তাবৃতে পিত্তহরং মরুতশ্চানুলোমনম্||৭১||

স০-পিত্তাবৃত উদানাদৌ পিত্তহরং পবনস্য চানুলোমনং হিতম্|

Adhikarana vAtarakte raktAvRute tadvat khuDoktaM ca (72) · Śloka 72

রক্তাবৃতেঽপি তদ্বচ্চ খুডোক্তং যচ্চ ভেষজম্| রক্তপিত্তানিলহরং বিবিধং চ রসাযনম্||৭২||

স০-রক্তাবৃতে তদ্বত্-পিত্তহরং তথৈব মারুতানুলোমনং, হিতম্| যচ্চ খুডোক্তং-বাতশোণিতোক্তং, ভেষজং তথা পিত্তরক্তানিলহরং চ হিতম্, বিবিধং রসাযনং চ| বিবিধং-নানাপ্রকারং, সর্বদোষদূষ্যাদিকং চালোক্য যথাযোগং বিধেযম্|

Adhikarana evam ccikitsitasthAnaM AyurvedaPalaBUtam (73) · Śloka 73

যথানিদানং নির্দিষ্টমিতি সম্যক্ চিকিত্সিতম্| আযুর্বেদফলং স্থানমেতত্সদ্যোঽর্তিনাশনাত্||৭৩||

স০-ইতি-অনেন প্রকারেণ, যথানিদানং-নিদানানতিক্রমেণ, যথোদ্দেশস্তথা নির্দেশঃ| অনযা রীত্যা সর্বমেব চিকিত্সিতং নির্দিষ্টম্| এতচ্চাযুর্বেদফলভূতং স্থানম্, এতদুপদেশেন সদ্যোঽর্তিনাশনাদ্ধেতোঃ|

Adhikarana auShadhasya paryAyAH iti cikitsitasthAnam (22) · Śloka 22

চিকিত্সিতং হিতং পথ্যং প্রাযশ্চিত্তং ভিষগ্জিতম্| ভেষজং শমনং শস্তং পর্যাযৈঃ স্মৃতমৌষধম্||৭৪|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে বাতশোণিতচিকিত্সিতং নাম দ্বাবিংশোঽধ্যাযঃ||২২||

স০-চিকিত্সিতাদয ঔষধস্য পর্যাযাঃ স্মৃতা ইতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে বাতশোণিতচিকিত্সিতং নাম দ্বাবিংশোঽধ্যাযঃ সমাপ্তঃ|| ২২||