13. vidradhivr̥ddhicikitśitādhyāyaḥ

Adhikarana adhyAyopakramaH SArIrasthAnam · Śloka

অস্মাদনন্তরং বিদ্রধিবৃদ্ধিচিকিত্সিতমারভ্যতে, প্রমেহোপদ্রবভূতত্বাদ্বিদ্রধেঃ| ইত্যাহ-

Adhikarana vidradhivRuddhicikitsitAdhyAyaH Ame vidradhau shoPavat upakramaHvAtike vidradhau dhAvanalepanashodhanaropaNAni (2-1) · Śloka 1

অথাতো বিদ্রধিবৃদ্ধিচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) বিদ্রধিং সর্বমেবামং শোফবত্সমুপাচরেত্| প্রততং চ হরেদ্রক্তং পক্বে তু ব্রণবত্ক্রিযা||১||

স০-আমং সর্বমেব বিদ্রধিং শোফবদুপক্রমেত্| অনবরতং চ রক্তমাহরেত্| অনন্তরং পক্বে সতি ব্রণবত্ক্রিযা| বিশেষেণ বিকিত্সিতমাহ-

Adhikarana vAtike vidradhau dhAvanalepanaSodhanaropaNAni (2-3) · Śloka 3

পঞ্চমূলজলৈর্ধৌতং বাতিকং লবণোত্তরৈঃ| ভদ্রাদিবর্গযষ্ট্যাহ্বতিলৈরালেপযেদ্ব্রণম্||২|| বৈরেচনিকযুক্তেন ত্রৈবৃতেন বিশোধ্য চ| বিদারীবর্গসিদ্ধেন ত্রৈবৃতেনৈব রোপযেত্||৩||

স০-বাতিকং ব্রণং-বাতবিদ্রধাবর্থাজ্জাতং, পঞ্চমূলজলৈঃ প্রক্ষালিতং "ভদ্রদারু নতং" (হৃ. সূ. অ. ১৫|৫) ইত্যাদিনা মধুযষ্টিকযা তিলৈশ্চ লবণাদ্যৈ(ধিকৈ)র্লেপযেত্| বৈরেচনিকযুক্তেন-"নিকুম্ভকুম্ভ" (হৃ. সূ. অ. ১৫|২) ইত্যাদিবর্গোক্তেন যুক্তেন, ত্রৈবৃতেন-ত্রৈবৃতাখ্যেন স্নেহেন, বিশোধ্য-শোধযিত্বা, ততো "বিদারিপঞ্চাঙ্গুল" (হৃ. সূ. অ. ১৫|৯) ইত্যাদিদ্রব্যসিদ্ধেন ত্রৈবৃতেনৈব স্নেহেন ব্রণং রোপযেত্|

Adhikarana paittike vidradhau dhAvanalepanaSodhanaropaNAni (4-5) · Śloka 5

ক্ষালিতং ক্ষীরিতোযেন লিম্পেদ্যষ্ট্যমৃতাতিলৈঃ| পৈত্তং ঘৃতেন সিদ্ধেন মঞ্জিষ্ঠোশীরপদ্মকৈঃ||৪|| পযস্যাদ্বিনিশাশ্রেষ্ঠাযষ্টীদুগ্ধৈশ্চ রোপযেত্| ন্যগ্রোধাদিপ্রবালত্বক্ফলৈর্বা|৫|

স০-পৈত্তং ব্রণং ক্ষীরিতোযেন ধৌতম্| ক্ষীরিণো-ন্যগ্রোধাদযঃ| মধুযষ্টিকাগুডূচীতিলৈর্লিম্পেদ্বহিঃ| ঘৃতেনেত্যাদি| মঞ্জিষ্ঠাদিভির্ঘৃতেন সিদ্ধেন রোপযেত্| সামান্যপরিভাষোক্তপ্রমাণেন (হৃ. ক. অ. ৬|১৫) দ্রব্যং ঘৃতং জলং সমক্ষীরং [ চতুর্গুণবিবর্ধিতং ] ইত্যত্র পাকক্রমঃ| ন্যগ্রোধেত্যাদি| প্রবালশ্চ ত্বক্ চ ফলং চ প্রবালত্বক্ফলানি| ন্যগ্রোধাদীনাং (হৃ. সূ. অ. ১৫|৪১) প্রবালত্বক্ফলৈঃ সিদ্ধেন বা ঘৃতেন রোপযেত্|

Adhikarana kaPaje vidradhau dhAvanalepanaSodhanaropaNAni (5-7) · Śloka 7

| কফজং পুনঃ||৫|| আরগ্বধাদিনা ধৌতং সক্তুকুম্ভনিশাতিলৈঃ| লিম্পেত্কুলত্থিকাদন্তীত্রিবৃচ্ছ্যামাগ্নিতিল্বকৈঃ||৬|| সসৈন্ধবৈঃ সগোমূত্রৈস্তৈলং কুর্বীত রোপণম্| |৭|

স০-কফজং তু ব্রণমারগ্বধাদিনা (হৃ. সূ. অ. ১৫|১৭) ধৌতং সক্ত্বাদিভির্লিম্পেত্| কুলত্থিকাদিভির্দ্রব্যৈস্তৈলং রোপণং কুর্বীত|

Adhikarana raktAgantuje vidradhau pittajavat (7) · Śloka 7

| রক্তাগন্তূদ্ভবে কার্যা পিত্তবিদ্রধিবত্ক্রিযা||৭||

স০-রক্তোদ্ভবে তথাঽঽগন্তুজে ক্ষতোদ্ভবে চ বিদ্রধৌ পিত্তবিদ্রধিতুল্যা ক্রিযা কার্যা|

Adhikarana shleShmAtisAregantuje vidradhau pittajavat antarvidradhau kvAthaH (8) · Śloka 8

বরুণাদিগণক্বাথমপক্বেঽভ্যন্তরোত্থিতে| ঊশকাদিপ্রতীবাপং পূর্বাহ্ণে বিদ্রধৌ পিবেত্||৮||

স০-আন্তরে বিদ্রধৌ বরুণাদি (হৃ. সূ. অ. ১৫|২৯) গণক্বাথমূষকাদি (হৃ. সূ. অ. ১৫|২৩) প্রতীবাপং পূর্বাহ্ণে পিবেত্|

Adhikarana antarvidradhau ghRutam antarvidradhau nirUhasnehabastI (9) · Śloka 9

ঘৃতং বিরেচনদ্রব্যৈঃ সিদ্ধং তাভ্যাং চ পাযযেত্| নিরূহং স্নেহবস্তিং চ তাভ্যামেব প্রকল্পযেত্||৯||

স০-বিরেচনদ্রব্যৈর্যথাদোষং চ ঘৃতং সিদ্ধং তথা তাভ্যাং-বরুণাদিগণোষকাদিগণাভ্যাং, সিদ্ধং ঘৃতমপক্বাভ্যন্তরোত্থিতে বিদ্রধৌ পাযযেত্| তাভ্যামেব গণাভ্যাং নিরূহান্বাসনে নিরূপযিতব্যে|

Adhikarana vidradhigulmAdau trAyanAdi kvAthaH (10) · Śloka 10

পানভোজনলেপেষু মধুশিগ্রু প্রযোজিতঃ| দত্তাবাপো যথাদোষমপক্বং হন্তি বিদ্রধিম্||১০||

স০-পানাদিষু মধুশিগ্রুঃ প্রযোজিতো দত্তাবাপো-বিতীর্ণকল্কঃ, সামর্থ্যাত্তত্ক্বাথঃ পক্বং বিদ্রধিং হন্তি|

Adhikarana vidradhigulmAdau trAyamANA ghRutam (11-15) · Śloka 15

ত্রাযন্তীত্রিফলানিম্বকটুকামধুকং সমম্| ত্রিবৃত্পটোলমূলাভ্যাং চত্বারিংঽশাঃ পৃথক্ পৃথক্||১১|| মসূরান্নিস্তুষাদষ্টৌ তত্ক্বাথঃ সঘৃতো জযেত্| বিদ্রধীগুল্মবীসর্পদাহমোহমদজ্বরান্||১২|| তৃণ্মূর্চ্ছাচ্ছর্দিহৃদ্রোগপিত্তাসৃক্কুষ্ঠকামলাঃ| কুডবং ত্রাযমাণাযাঃ সাধ্যমষ্টগুণেঽম্ভসি||১৩|| কুডবং তদ্রসাদ্ধাত্রীস্বরসাত্ক্ষীরতো ঘৃতাত্| কর্ষাংশং কল্কিতং তিক্তাত্রাযন্তীধন্বযাসকম্||১৪|| মুস্তাতামলকীবীরাজীবন্তীচন্দনোত্পলম্| পচেদেকত্র সংযোজ্য তদ্ঘৃতং পূর্ববদ্গুণৈঃ||১৫||

স০-ত্রাযন্ত্যাদিকং সমং-সমাংশং, ত্রিবৃতাযাশ্চত্বারোংঽশাঃ পটোলমূলাচ্চ, নিস্তুষমসূরাদষ্টাবিত্যেতৈঃ ক্বাথো ঘৃতসহিতো বিদ্রধ্যাদীন্ পরাকুর্যাত্| স০-ত্রাযমাণাযাঃ কুডবমষ্টগুণে জলে সাধ্যম্| তদ্রসাত্-ত্রযামাণাযাঃ ক্বাথাত্ কুডবং, ধাত্রীস্বরসাত্ ক্ষীরাঘৃতাচ্চ প্রত্যেকং কুডবং, কর্ষাংশং প্রত্যেকং কল্কীকৃতং তিক্তাদি, একত্র মিশ্রযিত্বা পচেত্| তদেতদ্ ঘৃতং পূর্বগুণম্|

Adhikarana vidradhigulmAdau drAkShAdighRutam (16-17) · Śloka 17

দ্রাক্ষা মধূকং খর্জূরং বিদারী সশতাবরী| পরূষকাণি ত্রিফলা তত্ক্বাথে পাচযেদ্ঘৃতম্||১৬|| ক্ষীরেক্ষুধাত্রীনির্যাসপ্রাণদাকল্কসংযুতম্| তচ্ছীতং শর্করাক্ষৌদ্রপাদিকং পূর্ববদ্গুণৈঃ||১৭||

স০-দ্রাক্ষাদিভিঃ ক্বাথে ক্ষীরং ইক্ষুরসে ধাত্রীরসে হরীতকীকল্কযুতং ঘৃতং সামান্যপরিভাষযা পচেত্| তদ্ঘৃতং শীতং সচ্ছর্করাক্ষৌদ্রপাদযুতং পূর্বগুণম্| শর্করাক্ষৌদ্রপাদিকমিতি "অত ইনিঠনৌ" ইতি ঠন্

Adhikarana vidradhisamIpe raktaharaNam (18) · Śloka 18

হরেচ্ছৃঙ্গাদিভির্সৃক্ সিরযা বা যথান্তিকম্| |১৮|

স০-শৃঙ্গাদিভী রক্তং হরেত্| সিরযা বা যথাসমীপমস্রং হরেত্|

Adhikarana pacyamAne vidradhau upanAhaH (18-19) · Śloka 19

| বিদ্রধিং পচ্যমানং চ কোষ্ঠস্থং বহিরুন্নতম্||১৮|| জ্ঞাত্বোপনাহযেত্- | |১৯|

স০-বিদ্রধিং কোষ্ঠস্থং কোষ্ঠগতং বহিরুন্নতং পচ্যমানং বুদ্ধ্বোপনাহযেত্-উপনদ্ধং কুর্যাত্|

Adhikarana bahiH pakvasya vidradherlakShaNam bahiH pavkasya BedanaM vraNavadupacAraSca (19-20) · Śloka 20

শূলে স্থিতে তত্রৈব পিণ্ডিতে| তত্পার্শ্বপীডনাত্সুপ্তৌ দাহাদিষ্বল্পকেষু চ||১৯|| পক্বঃ স্যাদ্বিদ্রধিং ভিত্ত্বা ব্রণবত্তমুপাচরেত্| |২০|

স০-তত্রৈব শূলে পিণ্ডিতে স্থিতে যং দোষমাশ্রিত্যোন্নদ্ধস্তিষ্ঠতি তথা তত্পার্শ্বে পীডনেন সুপ্তৌ-স্বপনে, তথা দাহাদিষ্বল্পকেষু, আদিশব্দেনোষাদযো গৃহ্যন্তে, এতেষু সত্সু পক্বো বিদ্রধিঃ স্যাত্| তং ভিত্বা-সঞ্ছেদ্য, ব্রণবদুপক্রমেত্|

Adhikarana antaH pakvasya vidradherlakShaNam (20) · Śloka 20

| অন্তর্ভাগস্য চাপ্যেতচ্চিহ্নং পক্বস্য বিদ্রধেঃ||২০||

স০-অন্তর্ভাগস্য চ বিদ্রধেরেতদেব চিহ্নম্|

Adhikarana antaH pakvasya svayaMpravRuttasya pUyasyopekShaNam antaH asamyagvahati srAve varuNAdicUrNam antaH asamadhushigrucUrNam (21-23) · Śloka 23

পক্বঃ স্রোতাংসি সম্পূর্য স যাত্যূর্ধ্বমধোঽথবা| স্বযং প্রবৃত্তং তং দোষমুপেক্ষেত হিতাশিনঃ||২১|| দশাহং দ্বাদশাহং বা রক্ষন্ ভিষগুপদ্রবান্| অসম্যগ্বহতি ক্লেদে বরুণাদিং সুখাম্ভসা||২২|| পাযযেন্মধুশিগ্রুং বা যবাগূং তেন বা কৃতাম্| |২৩|

স০-তদাঽসৌ পক্বঃ সন্ স্রোতাংসি ক্লেদযিত্বোর্ধ্বং প্রযাত্যধো বা, তং দোষং স্বযং প্রবৃত্তং-পতন্তং, হিতাশিন উপেক্ষেত-ন কিঞ্চিদুপক্রমান্তরং কুর্বীত| দশাহং দ্বাদশাহং বা বৈদ্য উপদ্রবান্রক্ষেত্| ক্লেদে চ যথাবদবহতি সতি বরুণাদিমুষ্ণাম্বুনা পাযযেত্, বৈদ্য ইতি শেষঃ| দশাহমিতি দশানামহ্নাং সমাহার ইতি সমাসে "রাজাহঃসখিভ্যষ্টচ্" ইতি টচ্| "ন সঙ্খ্যাদেঃ সমাহারে" ইত্যহ্নাদেশনিষেধঃ| " নস্তদ্ধিতে" ইতি টিলোপঃ| "স নপুংসকম্" ইতি নপুংসকত্বম্| "কলাধ্বনোঃ" ইতি দ্বিতীযা| অথবা মধুশিগ্রুং পাযযেত্| তেন বা-মধুশিগ্রুণা, কৃতাং পেযাং পাযযেত্|

Adhikarana antaH asamyagvahati srAve saMskRutA yavAgUH,antaHasayavAdiyUShairannam (23) · Śloka 23

| যবকোলকুলত্থোত্থযূষৈরন্নং চ শস্যতে||২৩||

স০-যবাদিজৈর্যূষৈঃ সহান্নং চ শস্যতে|

Adhikarana antaH asamyagvahati srAve dashAhAdUrdhvaM trAyantyAdidhRutena shodhanam shuddhe tiktakaM ghRutam (24) · Śloka 24

ঊর্ধ্বং দশাহাত্ত্রাযন্তীসর্পিষা তৈল্বকেন বা| শোধযেদ্বলতঃ, শুদ্ধঃ সক্ষৌদ্রং তিক্তকং পিবেত্||২৪||

স০-দশাহাদনন্তরং ত্রাযন্তীঘৃতেন-"কুডবং ত্রাযমাণাযাঃ" (শ্লো. ১৩) ইত্যাদিনা, অথবা তৈল্বকেন-"শম্যাকেন ত্রিবৃতযা" (হৃ. চি. অ. ৩|১৫২) ইত্যাদিনা, শোধযেদ্যথাবলম্| শুদ্ধঃ সন্ ক্ষৌদ্রেণ সহ তিক্তকং পিবেত্|

Adhikarana vidradhIShu gulmacikitsA~api (25) · Śloka 25

সর্বশো গুল্মবচ্চৈনং যথাদোষমুপাচরেত্| |২৫|

স০-সর্বেণ প্রকারেণগুল্মবদেনং-বিদ্রধিং, যথাদোষমুপক্রমেত্|

Adhikarana vidradhIShu sarvAsthAsu guggulushilAjatu ca (25-26) · Śloka 26

| সর্বাবস্থাসু সর্বাসু গুগ্গুলুং বিদ্রধীষু চ||২৫|| কষাযৈর্যৌগিকৈর্যুঞ্জ্যাত্স্বৈঃস্বৈস্তদ্বচ্ছিলাজতু| |২৬|

স০-বিদ্রধীষু সর্বাসু সর্বাবস্থাস্বেবং গুগ্গুলুং যৌগিকৈঃ স্বৈঃস্বৈর্যোগ্যৈঃ কষাযৈর্যুঞ্জ্যাত্| তদ্বত্-তথৈব কষাযৈঃ সহ, শিলাজতু যুঞ্জ্যাত্|

Adhikarana vidradhIShu yatnena pAkavAraNam vidradhIShu tasya hetuH (26-27) · Śloka 27

| পাকং চ বারযেদ্যত্নাত্সিদ্ধিঃ পক্বে হি দৈবিকী||২৬|| অপি চাশু বিদাহিত্বাদ্বিদ্রধিঃ সোঽভিধীযতে| |২৭|

স০-পাকং চ যত্নেন বারযেত্| হি-যস্মাত্, পক্বে সতি দৈবিকী সিদ্ধিঃ-ন তু ভিষগ্বশানুগেত্যর্থঃ| আশু চ বিদাহিত্বাত্ সঃ-অযং রোগো, বিদ্রধিরিত্যুচ্যতে| তস্মাত্তস্য পাকরক্ষাযাং যতিতব্যমিত্যর্থঃ|

Adhikarana vidradhIShu mehe sati mehacikitsA (27) · Śloka 27

| সতি চালোচযেন্মেহে প্রমেহাণাং চিকিত্সিতম্||২৭||

স০-মেহে চ সতি প্রমেহাণাং চিকিত্সিতমালোচযেত্| চশব্দাদ্বিদ্রধিচিকিত্সিতোক্তমপি কুর্যাত্|

Adhikarana stanavidradhau sarvaM vraNavat stanashastrakarmaNi stanyavAhinyAipAlanam (28-1) · Śloka 1

স্তনজে ব্রণবত্সর্বং ন ত্বেনমুপনাহযেত্| পাটযেত্পালযন্ স্তন্যবাহিনীঃ কৃষ্ণচূচুকৌ||২৮|| সর্বাস্বামাদ্যবস্থাসু নির্দুহীত চ তত্স্তনম্| |২৯| ইতি বিদ্রধিচিকিত্সিতম্||১||

স০-স্তনজে বিদ্রধাবুপনাহং বর্জযিত্বা সর্বমেব ব্রণক্রিযাক্রমং কুর্যাত্| বিদ্রধিশব্দঃ পুংস্ত্রীলিঙ্গঃ| স্তনবিদ্রধিং চ পাটযেদ্বৈদ্যঃ| স্তন্যবাহিনীঃ সিরাঃ কৃষ্ণচূচুকৌ চ পালযন্| সর্বাসু চামাদ্যবস্থাসু তস্য-বিদ্রধেঃ সম্বন্ধিনং, স্তনং নির্দুহীত| আদিশব্দঃ পচ্যমানপাকাবস্থযোর্গ্রহণার্থঃ| ইতি বিদ্রধিচিকিত্সিতমুক্ত্বা বৃদ্ধিচিকিত্সিতমাহ-

Adhikarana vAtaje vRuddhau trivRutA snehanam vAtaje vRuddhau kaushAmrAdiBirvirecanam (90)) · Śloka 30

অথ বৃদ্ধিচিকিত্সিতম্| শোধযেত্ত্রিবৃতা স্নিগ্ধং বৃদ্ধৌ স্নেহৈশ্চলাত্মকে||২৯|| কৌশাম্রতিল্বকৈরণ্ডসুকুমারকমিশ্রকৈঃ| |৩০|

স০-চলাত্মকে বৃদ্ধৌ সতি বৃদ্ধ্যামযিনং ত্রিবৃতাখ্যেন স্নেহেনাসমন্তাত্ স্নিগ্ধং সন্তং শোধযেত্| অত্র চ সামান্যোক্তাবপ্যপক্বস্য ত্রৈবৃতস্য ন তথা প্রযোগঃ প্রশস্যত ইতি পূর্বোক্তযা রীত্যা (শ্লো. ৩) বিদারিবর্গসিদ্ধস্যোপযোগঃ কার্য ইতি কেচিন্মন্যন্তে| কৈঃ স্নেহৈঃ ? কৌশাম্রাদিভিঃ সিদ্ধৈঃ| সুকুমারকং-অত্রৈব বক্ষ্যমাণম্ (শ্লো. ৪১) , মিশ্রকং চ-গুল্মচিকিত্সিতে (শ্লো. ৮৯|৯০)|

Adhikarana vAtaje vRuddhau tato nirUho~anuvAsanaM ca vAtaje vRuddhau vAtaghnAH svedalepAH vAtaje vRuddhau pakve BitvA vraNakriyA (30-31) · Śloka 31

| ততোঽনিলঘ্ননির্যূহকল্কস্নেহৈর্নিরূহযেত্||৩০|| রসেন ভোজিতং যষ্টিতৈলেনান্বাসযেদনু| স্বেদপ্রলোপা বাতঘ্নাঃ পক্বে ভিত্ত্বা ব্রণক্রিযাম্||৩১||

স০-ততঃ-শোধনাদনন্তরং, বাতঘ্নকষাযকল্কস্নেহৈর্নিরূহযেত্| অনু-নিরূহস্য পশ্চাত্, মাংসরসেন ভোজিতং সন্তং মধুযষ্টিকাতৈলেনানুবাসযেত্| স্বেদাঃ প্রলেপাশ্চ বাতঘ্না হিতাঃ| পক্বে বৃদ্ধৌ ভিত্ত্বা-পাটযিত্বা, ব্রণক্রিযাং কুর্যাত্|

Adhikarana pittaraktaje kriyA Amapavke shoPavraNakriyA pittarktaje raktaharaNam (32) · Śloka 32

পিত্তরক্তোদ্ভবে বৃদ্ধাবামপক্বে যথাযথম্| শোফব্রণক্রিযাং কুর্যাত্ প্রততং চ হরেদসৃক্||৩২||

স০-পিত্তরক্তোত্থিতে বৃদ্ধাবামে পক্বে চ [যথাযথং-] যথাস্বং, আমে শোফক্রিযাং কুর্যাত্, পক্বে ব্রণক্রিযাং কুর্যাত্| সততং চ রক্তমাকর্ষেত্|

Adhikarana kaPaje rakta pitadArUkalkaH kaPaje shleShmagranthikramaH kaPaje pavke pATite tailam (33-35) · Śloka 35

গোমূত্রেণ পিবেত্কল্কং শ্লৈষ্মিকে পীতদারুজম্| বিম্লাপনাদৃতে চাস্য শ্লেষ্মগ্রন্থিক্রমো হিতঃ||৩৩|| পক্বে চ পাটিতে তৈলমিষ্যতে ব্রণশোধনম্| সুমনোরুষ্করাঙ্কোল্লসপ্তপর্ণেষু সাধিতম্||৩৪|| পটোলনিম্বরজনীবিডঙ্গকুটজেষু চ| |৩৫|

স০-শ্লৈষ্মিকে বৃদ্ধৌ দার্বীকল্কং গোমূত্রেণ পিবেত্| অস্য চ-শ্লৈষ্মিকবৃদ্ধেঃ, বিম্লাপনমন্তরেণ শ্লেষ্মগ্রন্থিচিকিত্সিতং হিতম্| বিম্লাপনং-তস্তৈর্মর্দনোপাযৈর্বিমর্দনম্| পক্বে পাটিতে সতি সুমনোরুষ্করাদিভিঃ কুটজান্তৈঃ সাধিতং তৈলং ব্রণশোধনমিষ্যতে|

Adhikarana medoje vRuddhau svedanam medoje vRuddhau tato dAraNam medoje vRuddhau pratisAritavraNasya sIvanam medoje vRuddhau aBya~jjanaM tailaM manaHshilAdikRutam medoje vRuddhau snehasvedashIlanam (35-38) · Śloka 38

| মেদোজং মূত্রপিষ্টেন সুস্বিন্নং সুরসাদিনা||৩৫|| শিরোবিরেকদ্রব্যৈর্বা বর্জযন্ ফলসেবনীম্| দারযেদ্বৃদ্ধিপত্রেণ সম্যঙ্মেদসি সূদ্ধৃতে||৩৬|| ব্রণং মাক্ষিককাসীসসৈন্ধবপ্রতিসারিতম্| সীব্যেদভ্যঞ্জনং চাস্য যোজ্যং মেদোবিশুদ্ধযে||৩৭|| মনঃশিলৈলাসুমনোগ্রন্থিভল্লাতকৈঃ কৃতম্| তৈলমাব্রণসন্ধানাত্স্নেহস্বেদৌ চ শীলযেত্||৩৮||

স০-মেদোজং বৃদ্ধিরোগং গোমূত্রপিষ্টেন সুরসাদিনা গণেন (হৃ. সূ. অ. ১৫|৩০) সুস্বিন্নং শিরোবিরেকদ্রব্যৈর্বা সুস্বিন্নং বৃদ্ধিপত্রেণ সম্যক্ কৃত্বা দারযেত্| কিং কুর্বন্ ? ফলসেবনীং বর্জযন্-পরিহরন্| অনন্তরং মেদসি সূদ্ধৃতে সতি মাক্ষিকাদিভিঃ প্রতিসারিতং ব্রণং সীব্যেত্| অনন্তরমস্যাভ্যঞ্জনং তৈলং মনঃশিলাদিভিঃ কৃতং-সিদ্ধং, মেদোবিশুদ্ধযে যোজ্যম্| ব্রণসন্ধানং যাবত্ স্নেহং স্বেদং চ শীলযেত্|

Adhikarana mUtraje vRuddhau svedanaM veShTanaM vedhanaM sravaNaM vraNabaddhanaM ropaNaM ca (39-40) · Śloka 40

মূত্রজং স্বেদিতং স্নিগ্ধৈর্বস্ত্রপট্টেন বেষ্টিতম্| বিধ্যেদধস্তাত্সেবন্যাঃ স্রাবযেচ্চ যথোদরম্||৩৯|| ব্রণং চ স্থগিকাবদ্ধং রোপযেত্| |৪০|

স০-মূত্রজং বৃদ্ধিং সেবন্যা অধস্তাত্ স্নিগ্ধৈঃ স্বেদিতং তথা বস্ত্রপট্টেন বেষ্টিতং বিধ্যেত্| জলোদরবচ্চ স্রাবযেত্| দ্বিদ্বারনলিকযা পিচ্ছনলিকযা বা ক্রমেণ ব্রণং চ স্থগিকাখ্যেন বন্ধবিশেষেণ বদ্ধং রোপযেত্|

Adhikarana antraje vRuddhau vAtavRuddhivat (40) · Śloka 40

অন্ত্রহেতুকে| ফলকোশমসম্প্রাপ্তে চিকিত্সা বাতবৃদ্ধিবত্||৪০||

স০-অন্ত্রজে বৃদ্ধৌ ফলকোশমসম্প্রাপ্তে সতি বাতবৃদ্ধিসদৃশীং চিকিত্সাং কুর্যাত্|

Adhikarana sukumAraM ghRutam (41-47) · Śloka 47

পচেত্পুনর্নবতুলাং তথা দশপলাঃ পৃথক্| দশমূলপযস্যাশ্বগন্ধৈরণ্ডশতাবরীঃ||৪১|| দ্বিদর্ভশরকাশেক্ষুমূলপোটগলান্বিতাঃ| বহেঽপামষ্টভাগস্থে তত্র ত্রিংশত্পলং গুডাত্||৪২|| প্রস্থমেরণ্ডতৈলস্য দ্বৌ ঘৃতাত্পযসস্তথা| আবপেদ্ দ্বিপলাংশং চ কৃষ্ণাতন্মূলসৈন্ধবম্||৪৩|| যষ্টীমধু(চিত্র)কমৃদ্বীকাযবানীনাগরাণি চ (ক্ষারনাগরম্)| তত্সিদ্ধং সুকুমারাখ্যং সুকুমারং রসাযনম্||৪৪|| বাতাতপাধ্বযানাদিপরিহার্যেষ্বযন্ত্রণম্| প্রযোজ্যং সুকুমারাণামীশ্বরাণং সুখাত্মনাম্||৪৫|| নৃণাং স্ত্রীবৃন্দভর্তৄণামলক্ষ্মীকলিনাশনম্| সর্বকালোপযোগেন কান্তিলাবণ্যপুষ্টিদম্||৪৬|| বর্ধ্মবিদ্রধিগুল্মার্শোযোনিমেঢ্রানিলার্তিষু| শোফোদরখুডপ্লীহবিড্বিবন্ধেষু চোত্তমম্||৪৭||

স০-পুনর্নবস্য তুলাং জলস্য বহে পচেত্| তথা দশমূলাদীনি পৃথগ্দশপলপ্রমাণানি| পোটগলো-নলঃ| অষ্টভাগশেষে চ তস্মিন্ গুডাত্ত্রিংশত্পলান্যেরণ্ডতৈলাত্ প্রস্থং ঘৃতস্য প্রস্থৌ দ্বৌ ক্ষীরপ্রস্থৌ দ্বৌ ক্ষিপেত্| দ্বিপলপ্রমাণং পিপ্পল্যাদিকম্| তদেতত্পক্বং সুকুমারসংজ্ঞং ঘৃতং রসাযনং সুকুমারম্| অত এব বাতাতপাদিশ্ঘ্নং সর্বকালোপযোগাত্ কান্ত্যাদিদং বর্ধ্মাদ্যার্তিষু শ্রেষ্ঠম্|

Adhikarana vardhmashAntyaBAve dAhaH dAhavidhiH (48-49) · Śloka 49

যাযাদ্বর্ধ্ম ন চেচ্ছান্তিং স্নেহরেকানুবাসনৈঃ| বস্তিকর্ম পুরঃ কৃত্বা বঙ্ক্ষণস্থং ততো দহেত্||৪৮|| অগ্নিনা মার্গরোধার্থং মরুতঃ| |৪৯|

স০-যদি স্নেহাদিভির্বর্ধ্ম শান্তিং ন গচ্ছেত্ ততো বস্তিকর্ম কৃত্বা বঙ্ক্ষণস্থিতং বর্ধ্ম মরুতো মার্গরোধার্থমগ্নিনা দহেত্|

Adhikarana dAhe~anyamatam gulmAdAvayameva vidhiH (13) · Śloka 13

অর্ধেন্দুবক্রিযা| অঙ্গুষ্ঠস্যোপরি স্নাব পীতং তন্তুসমং চ যত্||৪৯|| উত্ক্ষিপ্য সূচ্যা তত্তির্যগ্দহেচ্ছিত্ত্বা যতো গদঃ| ততোঽন্যপার্শ্বেঽন্যে ত্বাহুর্দহেদ্বাঽনামিকাঙ্গুলেঃ||৫০|| গুল্মেঽন্যৈর্বাতকফজে প্লীহ্নি চাযং বিধিঃ স্মৃতঃ| কনিষ্ঠিকানামিকযোর্বিশ্বাচ্যাং চ যতো গদঃ||৫১|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে বিদ্রধিবৃদ্ধিচিকিত্সিতং নাম ত্রযোদশোঽধ্যাযঃ||১৩||

স০-যতো-যস্মিন্পার্শ্বে, গদো বিদ্যতে তত্পার্শ্বস্থস্যাঙ্গুষ্ঠস্যোপরি পৃষ্ঠে স্নাব পীতং যত্তন্তুতুল্যম্| তত্ স্নাবোত্ক্ষিপ্যার্ধেন্দুবক্রিযা সূচ্যা তির্যক্ ছিত্ত্বাঽনন্তরং তদ্দহেদিত্যেকে বদন্তি| অন্য আচার্যা এবমাহুঃ| ততঃ পার্শ্বাত্ যতোঽসৌ গদস্তিষ্ঠতি ততো যদন্যত্পার্শ্বং তস্মিন্ পার্শ্বেঽঙ্গুষ্ঠস্যোপরি যত্স্নাব তথাবিধং যত্তত্পূর্ববত্ দহেদিতি| অন্যে ত্বেবং বদন্তি,-অনামিকাযা অঙ্গুলেরুপরি যত্স্নাব তথারূপং তত্পূর্ববদ্দহেদিতি| অন্যৈরাচার্যৈর্বাতকফজে গুল্মে প্লীহ্নি চ এষঃ (অযং) এব-অনন্তরোক্তো, বিধিঃ স্মৃতঃ| তথা বিশ্বাচ্যাং-বাতব্যাধিবিশেষে, যতো যস্মিন্ পার্শ্বেঽসৌ গদস্তস্মিন্ পার্শ্বে কনিষ্ঠিকানামিকযোরুপরি যত্স্নাব পীতং তন্তুসমং তদুত্ক্ষিপ্য তির্যক্ ছিত্ত্বা দহেদিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে বিদ্রধিবৃদ্ধিচিকিত্সিতং নাম ত্রযোদশোঽধ্যাযঃ সমাপ্তঃ|| ১৩||