18. visarpacikitsitādhyāyaḥ

Adhikarana adhyAyopakramaH · Śloka

অস্মাদনন্তরং বিসর্পচিকিত্সিতমুত্সেধসামান্যাচ্চিকিত্সাসাদৃশ্যাচ্চ ব্যাখ্যাযতে-

Adhikarana visarpacikitsitAdhyAyaH visarpe pUrvaM la~gghanaM raktAvaseko shuddhiSca (2-1) · Śloka 1

অথাতো বিসর্পচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) আদাবেব বিসর্পেষু হিতং লঙ্ঘনরূক্ষণম্| রক্তাবসেকো বমনং বিরেকঃ, স্নেহনং ন তু||১||

স০-বিসর্পেষু পূর্বমেব লঙ্ঘনাদি হিতম্| স্নেহনং তু ন হিতম্|

Adhikarana visarpe madanaPalAdi vamanam (2) · Śloka 2

প্রচ্ছর্দনং বিসর্পঘ্নং সযষ্টীন্দ্রযবং ফলম্| পটোলপিপ্পলীনিম্বপল্লবৈর্বা সমন্বিতম্||২||

স০-বমনং বিসর্পঘ্নং মদনফলং মধুযষ্টিকেন্দ্রযবান্বিতং হিতম্| পটোলাদিভির্যুতং বা মদনফলং হিতম্|

Adhikarana visarpe trivRuccUrNAdi virecanam,visarpe koShThage doShe visheSheNa shodhanam (3-4) · Śloka 4

রসেন যুক্তং ত্রাযন্ত্যা দ্রাক্ষাযাস্ত্রৈফলেন বা| বিরেচনং ত্রিবৃচ্চূর্ণং পযসা সর্পিষাঽথবা||৩|| যোজ্যং, কোষ্ঠগতে দোষে বিশেষেণ বিশোধনম্| |৪|

স০-ত্রিবৃচ্চূর্ণং ত্রাযন্ত্যা রসেন যুক্তং দ্রাক্ষারসেন বা ত্রিফলারসেন বা বিরেচনং যোজ্যম্, ক্ষীরেণ ঘৃতেন বা ত্রিবৃচ্চূর্ণং যুক্তম্| কোষ্ঠগতে দোষে বিশেষেণ শোধনং যোজ্যম্|

Adhikarana visarpe alpe doShe shamanAH candanotpalAdikvAthAH (4-5) · Śloka 5

| অবিশোধস্য দোষেঽল্পে শমনং চন্দনোত্পলম্||৪|| মুস্তনিম্বপটোলং বা পটোলাদিকমেব বা| সারিবামলকোশীরমুস্তং বা ক্বথিতং জলে||৫||

স০-অশোধনার্হস্য পুংসোঽল্পে দোষে শমনং চন্দনোত্পলং যোজ্যম্| মুস্তনিম্বপটোলং বা যোজ্যম্| 'পটোলকটুরোহিণী' (হৃ. সূ. অ. ১৫|১৫) ইত্যাদিকং বা যোজ্যম্| সারিবাদিকং বা জলে ক্বথিতম্|

Adhikarana visarpe tRuShNAyAM durAlaBAdi kvAthaH visarpe tRuShNAyAM dArvyAdikvAthaH (6-7) · Śloka 7

দুরালভাং পর্পটকং গুডূচীং বিশ্বভেষজম্| পাক্যং শীতকষাযং বা তৃষ্ণাবীসর্পবান্ পিবেত্||৬|| দার্বীপটোলকটুকামসূরত্রিফলাস্তথা| সনিম্বযষ্টীত্রাযন্তীঃ ক্বথিতা ঘৃতমূর্চ্ছিতাঃ||৭||

স০-দুরালভাদিকং ক্বথিতং শীতকষায বা তৃষ্ণাদিমান্ পিবেত্| তথা দার্ব্যাদীন্ নিম্বাদিভিঃ সহ ক্বথিতান্ সর্পির্বিমিশ্রিতান্ পিবেত্|

Adhikarana visarpe shAkhAduShTe rakte raktaharaNam (8) · Śloka 8

শাখাদুষ্টে তু রুধিরে রক্তমেবাদিতো হরেত্| ত্বঙ্মাংসস্নাযুসংক্লেদো রক্তক্লেদাদ্ধি জাযতে||৮||

স০-রক্তে চ শাখাদুষ্টে সতি প্রথমং রুধিরমেব হরেত্| কুতঃ ? ইত্যাহ-ত্বঙ্মাংসেত্যাদি| যস্মাত্ ত্বগাদিক্লেদো রক্তক্লেদাজ্জাযতে, [ তস্মাদ্রক্তং নির্হরেত্| ]

Adhikarana visarpe vAtapittottare nirAme tiktAdighRutAni (9) · Śloka 9

নিরামে শ্লেষ্মণি ক্ষীণে বাতপিত্তোত্তরে হিতম্| ঘৃতং তিক্তং মহাতিক্তং শৃতং বা ত্রাযমাণযা||৯||

স০-নিরামে পুংসি তথা বাতপিত্তাধিকে কফে চ ক্ষীণে ঘৃতং তিক্তকাদিকং হিতম্| পূর্বং সামান্যেন বিসর্পিণঃ স্নেহনং নিষিদ্ধম্, অবস্থাবিশেষেণ চ স্নেহনমিদমুক্তম্, ইতি পূর্বাপরব্যাহতত্বমত্র নাশঙ্কনীযম্|

Adhikarana visarpe vishuddhe~antardauShe lepAdyAH kriyAH (10) · Śloka 10

নির্হৃতেঽস্রে বিশুদ্ধেঽন্তর্দোষে ত্বঙ্মাংসসন্ধিগে| বহিঃক্রিযাঃ প্রদেহাদ্যাঃ সদ্যো বীসর্পশান্তযে||১০||

স০-রক্তে নির্হৃতেঽন্তর্বিশুদ্ধে দোষে ত্বঙ্মাংসাশ্রিতে সতি প্রলেপসেকাদ্যা বহিঃক্রিযাঃ-পরিমার্জনে বিধেযাঃ, শীঘ্রমেব বিসর্পশান্তযে স্যুঃ|

Adhikarana vAtaje visarpe shatAhvAlepaH (11) · Śloka 11

শতাহ্বমুস্তবারাহীবংশার্তগলধান্যকম্| সুরাহ্বা কৃষ্ণগন্ধা চ কুষ্ঠং চালেপনং চলে||১১||

স০-শতপুষ্পাদিকং চলে-বাতবিসর্পে, প্রলেপনং হিতম্| আর্তগলো-নীলঃ সহচরঃ|

Adhikarana pittaje visarpe nyagrodhAdilepAH (12) · Śloka 12

ন্যগ্রোধাদিগণঃ পিত্তে তথা পদ্মোত্পলাদিকম্| |১২|

স০-ন্যগ্রোধাদিগণঃ (হৃ. সূ. অ. ১৫|৪৯) পিত্তবিসর্পে প্রলেপো হিতঃ| তথা পিত্তবিসর্পে পদ্মোত্পলাদিকং-দশগ্রন্থ্যাখ্যং (সঙ্গ্রহাখ্য) তন্ত্রদবধার্যম্| যথা,- ষড্ধরণাখ্যো যোগঃ (সং. চি. অ. ২১)| সঙ্গ্রহে চৈবং পঠ্যতে (চি. অ. ২০)- "পদ্মোত্পলশৈবালপঙ্কদূর্বামৃণালশৃঙ্গাটককসেরুকশর্করাহ্রীবেরচন্দনমুক্তামণিগৈরিকপযস্যাপ্রপৌণ্ডরীকমধুকপদ্মকঘৃতক্ষীরাণি|" ইতি|

Adhikarana pittaje visarpe nyagrodhapAdAdilepAH (12-14) · Śloka 14

ন্যগ্রোধপাদাস্তরুণাঃ কদলীগর্ভসংযুতাঃ||১২|| বিসগ্রন্থিশ্চ লেপঃ স্যাচ্ছতধৌতঘৃতাপ্লুতঃ| পদ্মিনীকর্দমঃ শীতঃ পিষ্টং মৌক্তিকমেব বা||১৩|| শঙ্খঃ প্রবালং শুক্তির্বা গৈরিকং বা ঘৃতান্বিতম্| |১৪|

স০-ন্যগ্রোধস্য পাদাস্তরুণাঃ-অভিনবাঃ, কদলীগর্ভান্বিতা বিসগ্রন্থিশ্চ লেপোঽযং শতধৌতঘৃতালোডিতঃ| তথা, পদ্মিনীপঙ্কঃ শিশিরঃ, মৌক্তিকং বা জলপিষ্টম্, শঙ্খো বা পিষ্টো বিদ্রুমো বা শুক্তির্বা, অথবা গৈরিকং ঘৃতযুক্তং, লেপো হিতঃ|

Adhikarana kaPaje visarpe triPalAdilepaH (14-15) · Śloka 15

| ত্রিফলাপদ্মকোশীরসমঙ্গাকরবীরকম্||১৪|| নলমূলান্যনন্তা চ লেপঃ শ্লেষ্মবিসর্পহা| |১৫|

স০-ত্রিফলাদিভির্লেপঃ শ্লেষ্মবিসর্পহৃত্|

Adhikarana kaPaje visarpe dhavAdilepAH (15-17) · Śloka 17

| ধবসপ্তাহ্বখদিরদেবদারুকুরণ্টকম্||১৫|| সমুস্তারগ্বধং লেপো বর্গো বা বরুণাদিকঃ| আরগ্বধস্য পত্রাণি ত্বচঃ শ্লেষ্মাতকোদ্ভবাঃ||১৬|| ইন্দ্রাণিশাকং কাকাহ্বা শিরীষকুসুমানি চ| |১৭|

স০-ধবাদিকং "বরুণসৈর্যক" (হৃ. সূ. অ. ১৫|২১) ইত্যাদির্বা কর্ণিকারস্য বা পত্রাণি শ্লেষ্মাতকত্বচো বা ইন্দ্রাণ্যাদযো বা লেপঃ|

Adhikarana kaPaje visarpe eBirevauShadhaiH sekavraNABya~ggAdayaH vAtaje visarpe ghRutAdhikA lepAH (17-18) · Śloka 18

| সেকব্রণাভ্যঙ্গহবির্লেপচূর্ণান্ যথাযথম্||১৭|| এতৈরেবৌষধৈঃ কুর্যাদ্বাযৌ লেপা ঘৃতাধিকাঃ| |১৮|

স০-এভিরেব শ্লেষ্মবিসর্পলেপৌষধৈঃ সেকাদীন্ কুর্যাত্| ব্রণাভ্যাঙ্গায হবিরিতি 'অশ্বঘাসবত্' সমাসঃ| বাযৌ যে লেপা উক্তাস্তে ঘৃতাধিকাঃ কার্যাঃ| অধিকশব্দনির্দেশাচ্চেদং গমযতি,-অন্যত্রাপি পিত্তবিসর্পে কফবিসর্পে চ যে লেপা উক্তাস্তেঽপি স ঘৃতাঃ কার্যাঃ, ন ত্বঘৃতা ইত্যর্থঃ|

Adhikarana vAtaje sAme ashItoShNA rUkShASca raktapitte ghRutAnvitA atyartha shItAdayaSca lepAH (18-20) · Śloka 20

| কফস্থানগতে সামে পিত্তস্থানগতেঽথবা||১৮|| অশীতোষ্ণা হিতা রূক্ষা রক্তপিত্তে ঘৃতান্বিতাঃ| অত্যর্থশীতাস্তনবস্তনুবস্ত্রান্তরাস্থিতাঃ||১৯|| যোজ্যাঃ ক্ষণে ক্ষণেঽন্যে মন্দবীর্যাস্ত এব চ| |২০|

স০-কফস্থানগতে সামে বাযৌ কিঞ্চিচ্ছীতোষ্ণরূক্ষাশ্চ প্রলেপা হিতাঃ, পিত্তস্থানগতে চ| রক্তপিত্তে তু ঘৃতান্বিতা গত্যন্তশীতাস্তনবস্তথা তনুবস্ত্রান্তরাস্থিতাঃ ক্ষণে ক্ষণেঽপরেঽপরে যোজ্যাঃ| চ-শব্দো যস্মাদর্থে| যস্মাত্ত এব পুনঃ পুনঃ প্রযুজ্যমানা মন্দবীর্যাঃ স্যুঃ|

Adhikarana saMsRuShTadoShe saMsRuShTametatkarmaM (20) · Śloka 20

| সংসৃষ্টদোষে সংসৃষ্টমেতত্কর্ম প্রশস্যতে||২০||

স০-সংসৃষ্টদোষে বিসর্পে-উভযরূপে চ সংসর্গাখ্যে সন্নিপাতাখ্যে চ, এতত্কর্ম-ইদং চিকিত্সিতম্, যত্প্রতিদোষমুক্তং তদেব যথাযথং সংসৃষ্টং কৃত্বা তত্র প্রশস্যতে| ইতি সামান্যেন সংসৃষ্টদোষচিকিত্সিতমুক্ত্বা বাতপিত্তজাদিষ্বগ্নিবিসর্পাদিষূপক্রমমাহ-

Adhikarana agnivisarpe shatadhautaghRutalepaHagni ghRutamaNDAdinA secanam agni pAnalepasekeShu mahA tiktaMghRutam (21-22) · Śloka 22

শতধৌতঘৃতেনাগ্নিং প্রদিহ্যাত্কেবলেন বা| সেচযেদ্ধৃতমণ্ডেন শীতেন মধুকাম্বুনা||২১|| সিতাম্ভসাঽম্ভোদজলৈঃ ক্ষীরেণেক্ষুরসেন বা| পানলেপনসেকেষু মহাতিক্তং পরং হিতম্||২২||

স০-অগ্নিশব্দেনাগ্নিবিসর্প উপলক্ষ্যতে| তস্য চ লক্ষণম্ (হৃ. নি. অ. ১৩|৫০)- "বাতপিত্তাজ্জ্বর" ইত্যাদি যাবত্ "দুষ্প্রবোধোঽশ্রুতে নিদ্রাং সোঽগ্নিবীসর্প উচ্যতে|" ইতি| তমগ্নিবিসর্পং শতধৌতঘৃতেন প্রলেপযেত্| সেচযেদিত্যাদি| অথবা কেবলেন ঘৃতমণ্ডেন সেচযেত্| শিশিরেণ মধুযষ্টীজলেন বা সেচযেত্| এবং শর্করাজলেন মুস্তজলেন ক্ষীরেণেক্ষুরসেন বেতি যোজ্যম্| পানাদিষু মহাতিক্তং (হৃ. চি. অ. ১৯|৮) সুষ্ঠু হিতম্|

Adhikarana granthivisarpe raktapittaghnaM kRutvA kaPAnilaghnaM karma (23) · Śloka 23

গ্রন্থ্যাখ্যে রক্তপিত্তঘ্নং কৃত্বা সম্যগ্যথোদিতম্| কফানিলঘ্নং কর্মেষ্টং পিণ্ডস্বেদোপনাহনম্||২৩||

স০-গ্রন্থবিসর্পে রক্তপিত্তঘ্নং কর্ম কৃত্বা ততঃ কফানিলঘ্নং কর্ম পিণ্ডস্বেদাদিকমিষ্টম্|

Adhikarana granthi shUle dashamUlatailAdinA secanam (24) · Śloka 24

গ্রন্থিবীসর্পশূলে তু তৈলেনোষ্ণেন সেচযেত্| দশমূলবিপক্বেন তদ্বন্মূত্রৈর্জলেন বা||২৪||

স০-গ্রন্থিবীসর্পশূলে সতি দশমূলবিপক্বেনোষ্ণেন তৈলেন সেচযেত্| তথৈব মূত্রৈর্দশমূলবিপক্বৈরিতি বচনবিপরিণামেন সম্বন্ধঃ| জলেন বা দশমূলক্বথিতেন সেচযেত্|

Adhikarana granthi shUle kRuShNagandhAlepaH granthi shUle naktamAlatvaglepaH granthi shUle shuShkamUlakalepaH granthi shUle biBItakalepaH (25) · Śloka 25

সুখোষ্ণযা প্রদিহ্যাদ্বা পিষ্টযা কৃষ্ণগন্ধযা| নক্তমালত্বচা শুষ্কমূলকৈঃ কলিনাঽথবা||২৫||

স০-অথবা, কৃষ্ণগন্ধযা পিষ্টযা সুখোষ্ণযা প্রদিহ্যাত্| অথবা, নক্তমালত্বচা পিষ্টযা সুখোষ্ণযা প্রদিহ্যাত্| শুষ্কমূলকৈঃ পিষ্টৈঃ সুখোষ্ণৈরথবা কলিনা-বিভীতকেন, সুখোষ্ণেন লেপযেত্|

Adhikarana granthi granthaBedaBedako dantyAdilepaH (26-27) · Śloka 27

দন্তী চিত্রকমূলত্বক্ সৌধার্কপযসী গুডঃ| ভল্লাতকাস্থি কাসীসং লেপো ভিন্দ্যাচ্ছিলামপি||২৬|| বহির্মার্গাশ্রিতং গ্রন্থিং কিং পুনঃ কফসম্ভবম্| দীর্ঘকালস্থিতং গ্রন্থিমেভির্ভিন্দ্যাচ্চ ভেষজৈঃ||২৭||

স০-দন্ত্যাদিভির্দ্রব্যৈর্লেপঃ শিলামপি ভিন্দ্যাত্| কিমুত কফজং বাহ্যমার্গাশ্রিতং গ্রন্থিং লেপো ন ভিন্দ্যাত্| চিরকালাবস্থিতং গ্রন্থিমেভিরেব-পূর্বোক্তৈরৌষধৈঃ, ভিন্দ্যাত্|

Adhikarana granthi dIrghakAlasthiragranthibhedakA yUShAnnauShadhAdayaH (28-31) · Śloka 31

মূলকানাং কুলত্থানাং যূষৈঃ সক্ষারদাডিমৈঃ| গোধূমান্নৈর্যবান্নৈর্বা সসীধুমধুশার্করৈঃ||২৮|| সক্ষৌদ্রৈর্বারুণীমণ্ডৈর্মাতুলুঙ্গরসান্বিতৈঃ| ত্রিফলাযাঃ প্রযোগৈশ্চ পিপ্পল্যাঃ ক্ষৌদ্রসংযুতৈঃ||২৯|| দেবদারুগুডূচ্যোশ্চ প্রযোগৈর্গিরিজস্য চ| মস্তভল্লাতসক্তূনাং প্রযোগৈর্মাক্ষিকস্য চ||৩০|| ধূমৈর্বিরেকৈঃ শিরসঃ পূর্বোক্তৈর্গুল্মভেদনৈঃ| তপ্তাযোহেমলবণপাষাণাদিপ্রপীডনৈঃ||৩১||

স০-মূলকাদিযূষাদিভিঃ সক্ষারদাডিমৈর্গোধূমাদিভোজনৈস্তথা পানৈঃ সসীধুমধুশ(শা)র্করৈস্তথা সক্ষৌদ্রৈর্বারুণীমণ্ডৈর্মাতুলুঙ্গরসান্বিতৈস্তথা "ত্রিফলাযাঃ প্রযোগৈঃ" ইত্যারভ্য যাবত্ "তপ্তাযোহেমলবণপাষাণাদিপ্রপীডনৈঃ|" "দীর্ঘকালস্থিতং গ্রন্থিং ভিন্দ্যাত্" ইত্যনুবর্ত্য যোজ্যম্|

Adhikarana granthi evamapyanupashame granthau dAhaH pATanaM vA (32-33) · Śloka 33

আভিঃ ক্রিযাভিঃ সিদ্ধাভির্বিবিধাভির্বলে স্থিতঃ| গ্রন্থিঃ পাষাণকঠিনো যদি নৈবোপশাম্যতি||৩২|| অথাস্য দাহঃ ক্ষারেণ শরৈর্হেম্নাঽপি বা হিতঃ| পাকিভিঃ পাচযিত্বা বা পাটযিত্বা তমুদ্ধরেত্||৩৩||

স০-আভিঃ-পূর্বোক্তাভিঃ, ক্রিযাভিঃ সিদ্ধাভিঃ-সিদ্ধর্ষিপ্রণীতত্বাদসংবাদিনীভিঃ, তথা বিবিধাভিঃ-অনেকপ্রকারাভিঃ প্রযুক্তাভিঃ, বলে স্থিতো গ্রন্থির্দীর্ঘকালানুবন্ধত্বাদতিপ্রবৃদ্ধঃ অত এব পাষাণকঠিনো যদি নৈবোপশাম্যতি| অথ-অনন্তরং, অস্য দাহঃ ক্ষারেণ হিতঃ, অগ্নিনা শরৈর্হেম্নাঽপি বা হিতঃ| অথবা, পাকিভিরৌষধৈঃ-বাহ্যান্তঃ শোধনৈঃ, পাচযিত্বা পাটযিত্বা তং-গ্রন্থিং, উদ্বরেত্|

Adhikarana granthi utkleshe rakte raktamokShaHgranthi apahRute rakte vAtashleShmAjidauShadham (34) · Śloka 34

মোক্ষযেদ্বহুশশ্চাস্য রক্তমুত্ক্লেশমাগতম্| পুনশ্চাপহৃতে রক্তে বাতশ্লেষ্মজিদৌষধম্||৩৪||

স০-অস্য-গ্রন্থের্গ্নন্থিবিসর্পবতো, রক্তমুত্ক্লেশমাগতং-বিকারকারণং প্রত্যুন্মুখতাং প্রাপ্তং, বহুশো মোক্ষযেত্| পুনশ্চ রক্তেঽপহৃতে বাতশ্লেষ্মজিদৌষধং তত্র হিতম্|

Adhikarana sarvavisarpe dAhapAkapraklinne vraNavatkriyA sarva vAtottare vraNe dArvyAditailaM sarva kaPapittottare vraNe dUrvAghRutam (35-36) · Śloka 36

প্রক্লিন্নে দাহপাকাভ্যাং বাহ্যান্তর্ব্রণবত্ক্রিযা| দার্বীবিডঙ্গকম্পিল্লৈঃ সিদ্ধং তৈলং ব্রণে হিতম্||৩৫|| দূর্বাস্বরসসিদ্ধং তু কফপিত্তোত্তরে ঘৃতম্| |৩৬|

স০-প্রক্লিন্নে সর্বস্মিন্ বিসর্পে দাহপাকাভ্যাং চোপলক্ষিতে বাহ্যান্তর্ব্রণবত্ক্রিযা স্যাত্| তথা, দার্ব্যাদিভিঃ সিদ্ধং তৈলং ব্রণে হিতম্| বাতপ্রধানে বিসর্প ইত্যর্থাদ্গম্যতে| তথা, কফপিত্তোত্তরে বিসর্পে দূর্বাস্বরসেন পক্বং ঘৃতং হিতম্|

Adhikarana sarvaM sarvacikitsayA raktamokShaNasya tulyatvaM tiraskAraNaM ca (36-37) · Śloka 37

| একতঃ সর্বকর্মাণি রক্তমোক্ষণমেকতঃ||৩৬|| বিসর্পো ন হ্যসংসৃষ্টঃ সোঽস্রপিত্তেন জাযতে| রক্তমেবাশ্রযশ্চাস্য বহুশোঽস্রং হরেদতঃ||৩৭||

স০-একতঃ-একস্মিংশ্চিকিত্সাপক্ষে, সর্বকর্মাণি-যথানির্দিষ্টানি, রক্তমোক্ষণমেকতঃ-একস্মিন্ পক্ষে| এবং বিসর্পোদ্দিষ্টযা সর্বচিকিত্সযা রক্তমোক্ষণস্য চ বিসর্পশমনে তুল্যত্বাত্| ননু, কথমেতত্স্যাত্ ? ইত্যাহ- স০-যস্মাদ্বিসর্পঃ সর্বো রক্তপিত্তেনাসংসৃষ্টঃ-অসম্বদ্ধো, ন জাযতে, ন কদাচিদ্রক্তপিত্তাভ্যামন্তরেণোত্পদ্যত ইত্যর্থঃ| অস্য চ-বিসর্পস্য, রক্তমেবাশ্রযো নান্যঃ| অতঃ-অস্মাত্, বহুশো-বহূন্, রক্তমেব হরেত্|

Adhikarana sarva bahudoShe avirecanaghRutaniShedhaH tatkAraNaM ca (18) · Śloka 18

ন ঘৃতং বহুদোষায দেযং যন্ন বিরেচনম্| তেন দোষো হ্যুপস্তব্ধস্ত্বগ্রক্তপিশিতং পচেত্||৩৮|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে বিসর্পচিকিত্সিতং নামাষ্টাদশোঽধ্যাযঃ||১৮||

স০-বহুদোষায বিসর্পিণে তদ্ধৃতং ন দেযং যদ্বিরেচনং ন ভবতি| পিত্তং হি বিসর্পে প্রাধান্যেন চিকিত্স্যম্| পিত্তস্য চ বিরেচনমুপক্রমপ্রধানমিতি| তেন-ঘৃতেন অবিরেচনেন, যস্মাদুপস্তব্ধঃ-স্তম্ভিতো দোষঃ, ত্বগ্রক্তমাংসানি পচেত্| তস্মাদ্বিরেচনকরমেব ঘৃতং যোজ্যমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে বিসর্পচিকিত্সিতং নামাষ্টাদশোঽধ্যাযঃ সমাপ্তঃ|| ১৮||