3. vamanavirēcanavyāpatsiddhiradhyāyaḥ

Adhikarana adhyAyopakramaH · Śloka

অথ বমনবিরেচনকল্পাভ্যামনন্তরং তদ্ব্যাপত্সিদ্ধিং ব্রূতে-

Adhikarana vamanavirecanavyApatsiddhiradhyAyaH (2) · Śloka 2

অথাতো বমনবিরেচনব্যাপত্সিদ্ধিং ব্যাখ্যাস্যামঃ| ইতি হ স্মাহুরাত্রেদযো মহর্ষযঃ| (গদ্যসূত্রে)|২|

স০-বমনবিরেচনযোর্ব্যাপত্-অযথাশাস্ত্রমনুষ্ঠীযমানযোর্গদোত্পত্তিঃ, তস্যা বমনবিরেচনব্যাপদঃ সিদ্ধিঃ-সাধনং চিকিত্সিতং, তাং বর্ণযিষ্যামঃ|

Adhikarana vamanasya pratikUlA gatiH (1-2) · Śloka 2

বমনং মৃদুকোষ্ঠেন ক্ষুদ্বতাঽল্পকফেন বা| অতিতীক্ষ্ণহিমস্তোকমজীর্ণে দুর্বলেন বা||১|| পীতং প্রযাত্যধস্তস্মিন্নিষ্টহানির্মলোদযঃ| বামযেত্তং পুনঃ স্নিগ্ধং স্মরন্ পূর্বমতিক্রমম্||২||

স০-এবংবিধেন পুরুষেণৈবংবিধং বমনং পীতমধঃ প্রযাতি| তস্মিন্-বমনেঽধস্তাত্প্রযাতে সতি, ইষ্টহানিঃ-অভিপ্রেতস্য বমনকার্যস্যানিষ্পত্তিঃ| তথা মলস্য-বমনসাধ্যস্য শ্লেষ্মণঃ কেবলস্যান্যদোষযুক্তস্য বা, উদযঃ-স্বস্থানস্থস্যৈবামযকরণং প্রতিচলপ্রবলকে চ| তং-পুরুষং পীতবমনমপ্যবান্তং, পুনঃ স্নিগ্ধং বামযেত্| পূর্বং স্নিগ্ধমপীতি পুনঃ শব্দস্যার্থঃ| কথং বামযেত্ ? স্মরন্ পূর্বমতিক্রমম্, যতোঽতিক্রমাত্ পীতবমনোঽপ্যসৌ পুরুষো বমনকর্মণঃ ফলং নাপ্তবান্| তমতিক্রমং-অপরাধং, স্মরন্ চেতসি কুর্বাণো, ন ত্বেবমেব, বামযেত্|

Adhikarana virecanasya pratikUlA gatiH (3-5) · Śloka 5

অজীর্ণিনঃ শ্লেষ্মবতো ব্রজত্যূর্ধ্বং বিরেচনম্| অতিতীক্ষ্ণোষ্ণলবণমহৃদ্যমতিভূরি বা||৩|| তত্র পূর্বোদিতা ব্যাপত্সিদ্ধিশ্চ, ন তথাঽপি চেত্| আশযে তিষ্ঠতি ততস্তৃতীযং নাবচারযেত্||৪|| অন্যত্র সাত্ম্যাদ্ধৃদ্যাদ্বা ভেষজান্নিরপাযতঃ| |৫|

স০-অজীর্ণিনস্তথা বহুশ্লেষ্মিণো বিরেচনমতিতীক্ষ্ণোষ্ণলবণহৃদ্যমতিপ্রভূতং চ পীতমূর্ধ্বং যাতি| তত্র-তস্মিন্নূর্ধ্বং ব্রজতি, পূর্বোক্তা(দিতা) ব্যাপত্-ইষ্টহানির্মলোদয ইতি| তত্র তথৈব সিদ্ধিঃ-চিকিত্সিতম্| তথা, অনন্তরং বিরেচনস্যোর্ধ্বগমনাদবিরিক্তং পুনঃ স্নিগ্ধং বিরেচযেত্| তথৈব পূর্বং বিরেচনাতিক্রমং স্মরন্নিতোঽপরাধাত্পূর্বং বিরেচনে ন বিরিক্তস্তমতিক্রমং পরিহরন্ বিরেচযেদিত্যর্থঃ| তথাঽপি-এবমনুষ্ঠীযমানে তদ্বিরেচনৌষধং পীতং, যদ্যাশযে-কোষ্ঠলক্ষণে, ন তিষ্ঠতি-তত্র স্থিতিং ন বধ্নাতি ঊর্ধ্বমেব পুনরেতি, ততস্তৃতীযং বিরেচনৌষধং-আরগ্বধাদি, নাবচারযেত্| যদি তু সাত্ম্যং হৃদ্যং নিরপাযং বা ভেষজং তদা তৃতীযমপ্যবচারযেত্|

Adhikarana grathitatvapAkagauravANi (5-8) · Śloka 8

| অস্নিগ্ধস্বিন্নদেহস্য পুরাণং রূক্ষমৌষধম্||৫|| দোষানুত্ক্লেশ্য নির্হর্তুমশক্তং জনযেদ্গদান্| বিভ্রংশং শ্বযথুং হিধ্মাং তমসো দর্শনং তৃষম্||৬|| পিণ্ডীকোদ্বেষ্টনং কণ্ডূমূর্বোঃ সাদং বিবর্ণতাম্| স্নিগ্ধস্বিন্নস্য বাঽত্যল্পং দীপ্তাগ্নের্জীর্ণমৌষধম্||৭|| শীতৈর্বা স্তব্ধমামে বা সমুত্ক্লেশ্যাহরন্মলান্| তানেব জনযেদ্রোগানযোগঃ সর্ব এব সঃ||৮||

স০-অস্নিগ্ধস্বিন্নশরীরস্য পুরাণং রূক্ষং বিরেচনৌষধমুপযুক্তং দোষানুত্ক্লেশ্য-প্রচ্যাব্য, নির্হর্তুমশক্তং বিভ্রংশাদিকান্ গদান্ জনযেত্| অথবা, স্নিগ্ধস্বিন্নস্য চৌষধমত্যল্পং-মাত্রাহীনং, দীপ্তাগ্নের্জীর্ণং-পরিণতং, স্যাত্| শীতৈর্বা স্তব্ধভেষজমামে বা স্তব্ধং সত্ [মলান্-] দোষান্, উত্ক্লেশ্যানির্হরত্ পূর্বোক্তানেব রোগান্ জনযেত্| সঃ-এবংভূতঃ, সর্ব এবাযোগঃ|

Adhikarana teShAM pratIkAraH (9-10) · Śloka 10

তং তৈললবণাভ্যক্তং স্বিন্নং প্রস্তরসঙ্করৈঃ| নিরূঢং জাঙ্গলরসৈর্ভোজযিত্বাঽনুবাসযেত্||৯|| ফলমাগধিকাদারুসিদ্ধতৈলেন মাত্রযা| স্নিগ্ধং বাতহরৈঃ স্নেহৈঃ পুনস্তীক্ষ্ণেন শোধযেত্||১০||

স০-তং-উত্ক্লিষ্টদোষং, তৈললবণাভ্যক্তং প্রস্তরসঙ্করাখ্যৈঃ স্বেদৈঃ স্বিন্নং তথা নিরূঢং জাঙ্গলরসৈর্ভোজযিত্বা ফলাদিসিদ্ধতৈলেন মাত্রযাঽনুবাসযেত্| বাতহরৈঃ স্নেহৈঃ স্নিগ্ধং পুনস্তীক্ষ্ণেন বিরেচনেন বিশোধযেত্|

Adhikarana doSholkeshabhRushAdhmAne, tayoH pratIkAraH (11-14) · Śloka 14

বহুদোষস্য রূক্ষস্য মন্দাগ্নেরল্পমৌষধম্| সোদাবর্তস্য চোত্ক্লেশ্য দোষান্ মার্গান্ নিরুধ্য তৈঃ||১১|| ভৃশমাধ্মাপযেন্নাভিং পৃষ্ঠপার্শ্বশিরোরুজম্| শ্বাসং বিণ্মূত্রবাতনাং সঙ্গং কুর্যাচ্চ দারুণম্||১২|| অভ্যঙ্গস্বেদবর্ত্যাদি সনিরূহানুবাসনম্| উদাবর্তহরং সর্বং কর্মাধ্মাতস্য শস্যতে||১৩|| পঞ্চমূলযবক্ষারবচাভূতিকসৈন্ধবৈঃ| যবাগূঃ সুকৃতা শূলবিবন্ধানাহনাশনী||১৪||

স০-বহুদোষস্য রূক্ষস্য তথা মন্দাগ্নেরল্পমৌষধং যোজিতং তথোদাবর্তবতো দোষানুত্ক্লেশ্য মার্গান্ নিরুধ্য তৈশ্চ দোষৈর্ভৃশং নাভিমাধ্মাপযেত্| তথা পৃষ্ঠাদিরুজাদীন্ কুর্যাত্| আধ্মাতস্য নরস্যাভ্যঙ্গাদিকং কর্ম উদাবর্তহরং সর্বং শস্যতে| পঞ্চমূলাদিভিঃ সুকৃতা যবাগূঃ শূলাদিনাশনী|

Adhikarana pravAhikAditraye BeShajam (15-16) · Śloka 16

পিপলীদাডিমক্ষারহিঙ্গুশুণ্ঠ্যম্লবেতসান্| সসৈন্ধবান্ পিবেন্মদ্যৈঃ সর্পিষোষ্ণোদকেন বা||১৫|| প্রবাহিকাপরিস্রাববেদনাপরিকর্তনে| |১৬|

স০-পিপ্পল্যাদীন্ মদ্যেন সর্পিষোষ্ণাম্বুনা বা পিবেত্ প্রবাহিকাদিষু|

Adhikarana hRudgrahaH (16-21) · Śloka 21

| পীতৌষধস্য বেগানাং নিগ্রহান্মারুতাদযঃ||১৬|| কুপিতা হৃদযং গত্বা ঘোরং কুর্বন্তি হৃদ্গ্রহম্| হিধ্মাপার্শ্বরুজাকাসদৈন্যলালাক্ষিবিভ্রমৈঃ||১৭|| জিহ্বাং খাদতি নিঃসংজ্ঞো দন্তান্ কটকটাযযন্| ন গচ্ছেদ্বিভ্রমং তত্র বামযেদাশু তং ভিষক্||১৮|| মধুরৈঃ পিত্তমূর্চ্ছার্তং কটুভিঃ কফমূর্চ্ছিতম্| পাচনীযৈস্ততশ্বাস্য দোষশেষং বিপাচযেত্||১৯|| কাযাগ্নিং চ বলং চাস্য ক্রমেণাভিপ্রবর্ধযেত্| |২০| ঘ্|২১|

স০- পীতৌষধস্য বেগানাং নিগ্রহাদ্বাতাদযঃ কুপিতা হৃদযং গত্বা ঘোরং হৃদ্গ্রহং কুর্বন্তি| হিধ্মাদিযুক্তঃ স চ হৃদ্গ্রহাদিমান্ জিহ্বাং খাদতি নিঃসংজ্ঞঃ সন্| তথা দন্তান্ কটকটাযতে| তত্র তস্মিন্নবস্থাবিশেষে, ভিষগাশ্বেব তং-রোগিণং, সংশযং হিত্বা বামযেত্| মধুরৈঃ পিত্তমূর্চ্ছার্তং বামযেত্| কফমূর্চ্ছিতং কটুভির্বামযেত্| বামযিত্বা চাস্য দোষশেষং পাচনীযৈর্দ্রব্যৈর্বিপাচযেত্| কাযাগ্নিং বলং চ ক্রমেণাস্যাভিপ্রবর্ধযেত্|

Adhikarana hRudgrahe bheShajam, hRudgrahavisheShebheShajam (20-21) · Śloka 21

| পবনেনাতিবমতো হৃদযং যস্য পীড্যতে||২০|| তস্মৈ স্নিগ্ধাম্ললবণান্ দদ্যাত্পিত্তকফেঽন্যথা| |২১|

স০-যস্যাতিবমতঃ পবনেন হৃদযং পীড্যতে, তস্মৈ রোগিণে স্নিগ্ধাম্ললবণং দদ্যাত্| পিত্তকফে কুপিতে, অন্যথা-মধুরশীতাদিকং, দদ্যাদিত্যর্থঃ|

Adhikarana sarvagAtraparigrahastadbheShajaM ca (21-23) · Śloka 23

| পীতৌষধস্য বেগানাং নিগ্রহেণ কফেন বা||২১|| রুদ্ধোঽতি বা বিশুদ্ধস্য গৃহ্ণাত্যঙ্গানি মারুতঃ| স্তম্ভবেপথুনিস্তোদসাদোদ্বেষ্টার্তিভেদনৈঃ||২২|| তত্র বাতহরং সর্বং স্নেহস্বেদাদি শস্যতে| |২৩|

স০-পীতভেষজস্য বেগানাং নিগ্রহেণ কফেন বা রুদ্ধোঽতি বিশুদ্ধস্য বা বাযুরঙ্গানি গৃহ্ণাতি স্তম্ভাদিভিঃ| তত্র সর্বং বাতহরং স্নেহস্বেদাদি শস্যতে|

Adhikarana dhAtusravastadbheShajaM ca (23-26) · Śloka 26

| বহুতীক্ষ্ণং ক্ষুধার্তস্য মৃদুকোষ্ঠস্য ভেষজম্||২৩|| হৃত্বাঽঽশু বিট্পিত্তকফান্ ধাতূনাস্রাবযেদ্দ্রবান্| তত্রাতিযোগে মধুরৈঃ শেষমৌষধমুল্লিখেত্||২৪|| যোজ্যোঽতি বমনে রেকো বিরেকে বমনং মৃদু| পরিষেকাবগাহাদ্যৈঃ সুশীতৈঃ স্তম্ভযেচ্চ তম্||২৫|| অঞ্জনং চন্দনোশীরমজাসৃক্শর্করোদকম্| লাজচূর্ণৈঃ পিবেন্মন্থমতিযোগহরং পরম্||২৬||

স০-ক্ষুধার্তস্য মৃদুকোষ্ঠস্য নরস্য বহুতীক্ষ্ণং চ ভেষজং বিট্পিত্তকফান্ শীঘ্রমেব হৃত্বা দ্রবান্ ধাতূনাস্রাবযেত্| তস্মিন্ বিরেচনাতিযোগে মধুরৈর্দ্রব্যৈঃ শেষং বিরেচনদ্রব্যমুদ্ধরেত্| অতিবমনে সতি বিরেকো যোজ্যঃ| অতিবিরেকে চ মৃদু বমনং যোজ্যম্| পরিষেকাদিভিশ্চ শীতৈস্তং-বিরেকং, স্তম্ভযেত্| আদিশব্দো জলার্দ্রশীতমারুতাদিগ্রহণায| অঞ্জনাদিকং লাজচূর্ণৈঃ সহ মন্থং পরং বিরেকাতিযোগহরং পিবেত্|

Adhikarana vamanAtiyoge visheShaH (27-28) · Śloka 28

বমনস্যাতিযোগে তু শীতাম্বুপরিষেচিতঃ| পিবেত্ফলরসৈর্মন্থং সঘৃতক্ষৌদ্রশর্করম্||২৭|| সোদ্গারাযাং ভৃশং ছর্দ্যাং মূর্বাযা ধান্যমুস্তযোঃ| সমধূকাঞ্জনং চূর্ণং লেহযেন্মধুসংযুতম্||২৮||

স০-বমনস্য ত্বতিযোগে শীতাম্বুপরিষেচিতঃ সন্ ফলরসৈর্মন্থং ঘৃতাদিযুক্তং পিবেত্| অতিশযেন সোদ্গারে বমনে সতি মূর্বাদিচূর্ণং লেহযেত্|

Adhikarana vamanaBaiShajyAtiyoge vyApat tadBeShajaM ca (29-38) · Śloka 38

বমতোঽন্তঃ প্রবিষ্টাযাং জিহ্বাযাং কবলগ্রহাঃ| স্নিগ্ধাম্ললবণা হৃদ্যা যূষমাংসরসা হিতাঃ||২৯|| ফলান্যম্লানি খাদেযুস্তস্য চান্যেঽগ্রতো নরাঃ| নিঃসৃতাং তু তিলদ্রাক্ষাকল্কলিপ্তাং প্রবেশযেত্||৩০|| বাগ্গ্রহানিলরোগেষু ঘৃতমাংসোপসাধিতাম্| যবাগূং তনুকাং দদ্যাত্স্নেহস্বেদৌ চ কালবিত্||৩১|| অতিযোগাচ্চ ভৈষজ্যং জীবং হরতি শোণিতম্| তজ্জীবাদানমিত্যুক্তমাদত্তে জীবিতং যতঃ||৩২|| শুনে কাকায বা দদ্যাত্তেনান্নমসৃজা সহ| ভুক্তেঽভুক্তে বদেজ্জীবং পিত্তং বা ভেষজেরিতম্||৩৩|| শুক্লং বা ভাবিতং বস্ত্রমাবানং কোষ্ণবারিণা| প্রক্ষালিতং বিবর্ণং স্যাত্পিত্তে শুদ্ধং তু শোণিতে||৩৪|| তৃষ্ণামূর্চ্ছামদার্তস্য কুর্যাদামরণাত্ক্রিযাম্| রক্তপিত্তাতিসারঘ্নীং তস্যাশু প্রাণরক্ষণীম্||৩৫|| মৃগগোমহিষাজানাং সদ্যস্কং জীবতামসৃক্| পিবেজ্জীবাভিসন্ধানং জীবং তদ্ধ্যাশু গচ্ছতি||৩৬|| তদেব দর্ভমৃদিতং রক্তং বস্তৌ নিষেচযেত্| শ্যামাকাশ্মর্যমধুকদূর্বোশীরৈঃ শৃতং পযঃ||৩৭|| ঘৃতমণ্ডাঞ্জনযুতং বস্তিং বা যোজযেদ্ধিমম্| পিচ্ছাবস্তিং সুশীতং বা ঘৃতমণ্ডানুবাসনম্||৩৮||

স০-ছর্দযতোঽভ্যন্তরে জিহ্বাযাং প্রবিষ্টাযাং সত্যাং কবলগ্রহশ্ছাগমাংসরসাঃ স্নিগ্ধাদিযুক্তা মনঃপ্রিযা হিতাঃ| তথা তস্য-অন্তঃপ্রবিষ্টজিহ্বস্য, অগ্রেঽপরে নরা অম্লানি ফলানি খাদেযুঃ| নিঃসৃতাং চ রসনাং তিলদ্রাক্ষাকল্কেন লিপ্তামন্তঃ প্রবেশযেত্| স০-বাগ্গ্রহাদিষু বাতরোগেষু ঘৃতমাংসোপসাধিতাং স্বচ্ছাং যবাগূং দদ্যাত্| স্নেহস্বেদৌ চ যোজযেত্| স০-অতিযোগেন চ যদ্ভেষজং জীবাখ্যং শোণিতং হরতি তদ্ভৈষজ্যং জীবাদানমিতি গদিতম্, যতস্তজ্জীবিতমাদত্তে| পিত্তরক্তযোর্গন্ধবর্ণানুবৃত্তিত্বসামান্যাত্ কিমিদং রক্তমুত পিত্তম্ ? ইতি সংশযঃ| তত্পরীক্ষার্থমাহ-শুনে কাকায বেত্যাদি| তেন বিরেচনাতিযোগোদ্ভবেন রক্তেন, মিশ্রিতমন্নং শুনে বাযসায বা দদ্যাত্| তস্মিন্ রক্তমিশ্রিতেঽন্নে ভুক্তে সতি জীবং বদেত্| অভুক্তে চ সতি তস্মিন্ বিরেচনাতিযোগেরিতং পিত্তং ব্রূযাত্| শুক্লং বস্ত্রং তেন বিরেচনাতিযোগোদ্ভবেন রক্তেন সংশযরূপেণ ভাবিতং-আর্দ্রীকৃতং, অনন্তরমাবানং-শুষ্কং, কোষ্ণবারিণা প্রক্ষালিতং-প্রকর্ষেণ ধৌতং, পিত্তে সতি বিবর্ণং বস্ত্রং স্যাত্, ন শুদ্ধম্| শোণিতে তু সতি প্রক্ষালিতং বস্ত্রং শুদ্ধং স্যাত্| স০-তৃষ্ণাদ্যার্তস্য শোণিতে স্রবত্যেব তক্রপিত্তাতিসারঘ্নীং প্রাণরক্ষণীং শীঘ্রং ক্রিযাং কুর্যাত্, আমরণাত্| অনেন চ মরণতুলাধিরূঢত্বং দ্যোতযতি| সংশযেঽপি চিকিত্সা কার্যেতি প্রাগভ্যধাযি| তত্র মৃগাদীনাং জীবতাং সদ্যস্কং-তত্ক্ষণোত্পন্নং, রক্তং পিবেত্| কিম্ভূতম্ ? জীবাভিসন্ধানম্| জীবমভিসন্ধীযতেঽত্রেতি জীবাভিসন্ধানম্| হি-যস্মাত্, তত্-রক্তং কর্তৃভূতং, জীবং কর্ম আশু গচ্ছতি-প্রাপ্নোতি| তদেতদ্রক্তং দর্ভমৃদিতং-অভিনবপ্রসূতদর্ভমৃদিতং, বস্তৌ নিষেচযেত্-প্রক্ষিপেত্| শ্যামাদিভির্বা শৃতং পযো ঘৃতমণ্ডাঞ্জনাভ্যাং যুক্তং বস্তিং হিমং-শীতলং, যোজযেত্| অথবা পিচ্ছাবস্তিং-স্বল্পমনুবাসনং, সুশীতং ঘৃতমণ্ডেন-স্বচ্ছেনোর্ধ্বভবেন ঘৃতস্যোপরিভাগস্থিতেন, দেযম্|

Adhikarana gudaBraMshe stamBanam (39) · Śloka 39

অস্যামপ্যতিযোগোদ্ভবাযামবস্থাযাং গুদভ্রংশঃ সম্ভাব্যত ইত্যাহ- গুদং ভ্রষ্টং কষাযৈশ্চ স্তম্ভযিত্বা প্রবেশযেত্| |৩৯|

স০-গুদং ভ্রষ্টং কষাযৈঃ-কষাযরসনিষ্পাদিতৈঃ- ক্বাথৈঃ, স্তম্ভযিত্বা প্রবেশযেত্|

Adhikarana visaMj~jasya sAmavedAdishravaNam (3) · Śloka 3

| বিসংজ্ঞং শ্রাবযেত্সামবেণুগীতাদিনিস্বনম্||৩৯|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা- যামষ্টাঙ্গহৃদযসংহিতাযাং পঞ্চমে কল্পসিদ্ধি- স্থানে বমনবিরেচনব্যাপত্সিদ্ধির্নাম তৃতীযোঽধ্যাযঃ||৩||

স০-বিসংজ্ঞং সম্পন্নং সামবেণুগীতাদীনাং নিস্বনং শ্রাবযেদিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গ- হৃদযটীকাযাং সর্বাঙ্গসুন্দরাখ্যাযাং পঞ্চমে কল্প সিদ্ধিস্থানে বমনবিরেচনব্যাপত্সিদ্ধির্নাম তৃতীযোঽধ্যাযঃ সমাপ্তঃ|| ৩||