Adhikarana adhyAyopakramaH · Śloka
🔊 Audio coming soon
স০-কাসনিদানাদনন্তরং শ্বাসনিদানারম্ভোঽযং সম্বন্ধঃ| কাসাদুপেক্ষযা শ্বাসো ভবতি| তথাঽনন্তরমুক্তম্ (হৃ. নি. অ. ৩|৩৮) - "কাসাচ্ছ্বাসক্ষযচ্ছর্দি" ইত্যাদি| তস্মাচ্ছ্বাসনিদানারম্ভো যুক্তঃ| শ্বাসেন তু সহৈকীকৃত্য হিধ্মাযাঃ কথনে যুক্ত্যা তন্ত্রকৃত্ কারণং বক্ষ্যতি (শ্লো. ১৮) - "শ্বাসৈকহেতুপ্রাগ্রূপ" ইত্যাদিনা|
Adhikarana shvAsahidhmAnidAnAdhyAyaH (2) · Śloka 2
অথাতঃ শ্বাসহিধ্মানিদানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসূত্রে|২|
अथातः श्वासहिध्मानिदानं व्याख्यास्यामः| इति ह स्माहुरात्रेयादयो महर्षयः| गद्यसूत्रे|२|
🔊 Audio coming soon
স০-পূর্ববদেতদ্ব্যাখ্যেযম্|
Adhikarana shvAsasya nidAnam (1-2) · Śloka 2
অথ শ্বাসস্য নিদানানি লক্ষযতি - - - - কাসবৃদ্ধ্যা ভবেচ্ছ্বাসঃ পূর্বৈর্বা দোষকোপনৈঃ| আমাতিসারবমথুবিষপাণ্ডুজ্বরৈরপি||১|| রজোধূমানিলৈর্মর্মঘাতাদতিহিমাম্বুনা| |২|
अथ श्वासस्य निदानानि लक्षयति - - - - कासवृद्ध्या भवेच्छ्वासः पूर्वैर्वा दोषकोपनैः| आमातिसारवमथुविषपाण्डुज्वरैरपि||१|| रजोधूमानिलैर्मर्मघातादतिहिमाम्बुना| |२|
🔊 Audio coming soon
স০-কাসাধিক্যেন শ্বাসো জাযতে, ইত্যেতদস্য প্রধানং নিদানম্| তথা, পূর্বৈর্বা-সর্বরোগনিদানোক্তৈঃ, বাতাদিদোষকোপনৈঃ-তিক্তোষণাদিভিঃ| ন কেবলমেতৈর্যাবদামাতিসারাদিভিঃ| আমাতিসারেণ বমথুনা বিষেণ পাণ্ডুরোগেণ জ্বরেণ চ|
Adhikarana shvAsabhedAH (2) · Śloka 2
| ক্ষুদ্রকস্তমকশ্ছিন্নো মহানূর্ধ্বশ্চ পঞ্চমঃ||২||
| क्षुद्रकस्तमकश्छिन्नो महानूर्ध्वश्च पञ्चमः||२||
🔊 Audio coming soon
স০-শ্বাসঃ ক্ষুদ্রকাদিত্বেন পঞ্চবিধো ভবেত্|
Adhikarana shvAsasaMprAptiH (3-4) · Śloka 4
অধুনা শ্বাসস্য পঞ্চবিধস্যাপি সম্প্রাপ্তিমাহ - - - - কফোপরুদ্ধগমনঃ পবনো বিষ্বগাস্থিতঃ| প্রাণোদকান্নবাহীনি দুষ্টঃ স্রোতাংসি দূষযন্||৩|| উরঃস্থঃ কুরুতে শ্বাসমামাশযসমুদ্ভবম্| |৪|
अधुना श्वासस्य पञ्चविधस्यापि सम्प्राप्तिमाह - - - - कफोपरुद्धगमनः पवनो विष्वगास्थितः| प्राणोदकान्नवाहीनि दुष्टः स्रोतांसि दूषयन्||३|| उरःस्थः कुरुते श्वासमामाशयसमुद्भवम्| |४|
🔊 Audio coming soon
স০-কফেনোপরুদ্ধং-স্থগিতং, গমনং-মার্গো, যস্য স এবম্| তথা, বিষ্বগাস্থিতঃ-সমন্তাদ্দেহং ব্যাপ্য স্থিতঃ, শ্বাসং কুরুতে| কিং কুর্বন্ ? প্রাণাশ্চোদকং চান্নং চ, তানি বোঢুং শীলং যেষাং তানি স্রোতাংসি দূষযন্-দুষ্টানি বিদধত্| যতো দুষ্টঃ-কুপিতঃ| তথা, উরসি তিষ্ঠতীত্যুরঃস্থঃ| কিম্ভূতং শ্বাসম্ ? আমাশযসমুদ্ভবম্| আমাশযাত্ সমুদ্ভবো-জন্ম, যস্য তমাশযসমুদ্ভবম্| শাস্ত্রকারশ্চৈবংবিধাং সম্প্রাপ্তিং দর্শযন্ যদৌষধং বাতজিত্ পাচনদীপনং তদত্র শস্তমিতি দ্যোতযতি| এবং সর্বরোগাণামপি সম্প্রাপ্ত্যনুরূপমৌষধং রোগোপশান্ত্যৈ ইতি বেদ্যম্| পবনো বিষ্বগাস্থিত ইত্যনেনৈবোরঃস্থত্বে লব্ধে উরঃস্থগ্রহণং প্রকর্ষার্থম্; অতিশযেনোরঃস্থিতঃ শ্বাসং করোতীত্যর্থঃ|
Adhikarana shvAsapUrvarUpam (4-5) · Śloka 5
| প্রাগ্রূপং তস্য হৃত্পার্শ্বশূলং প্রাণবিলোমতা||৪|| আনাহঃ শঙ্খভেদশ্চ| |৫|
| प्राग्रूपं तस्य हृत्पार्श्वशूलं प्राणविलोमता||४|| आनाहः शङ्खभेदश्च| |५|
🔊 Audio coming soon
স০-তস্য পঞ্চবিধস্যাপি শ্বাসস্য পূর্বরূপং হৃচ্ছূলাদিকং শঙ্খভেদাবসানম্|
Adhikarana kShudrashvAsasya lakShaNam (5) · Śloka 5
তত্রাযাসাতিভোজনৈঃ| প্রেরিতঃ প্রেরযেত্ ক্ষুদ্রং স্বযং সংশমনং মরুত্||৫||
तत्रायासातिभोजनैः| प्रेरितः प्रेरयेत् क्षुद्रं स्वयं संशमनं मरुत्||५||
🔊 Audio coming soon
স০-তত্র-পঞ্চসু শ্বাসেষু মধ্যে, মরুত্-পবনঃ, আযাসাতিভোজনৈঃ ক্ষুদ্রাখ্যং শ্বাসং করোতি| আযাসো-ব্যাযামাদিরূপঃ, তেন তথাঽতিভোজনেন প্রেরিতঃ-প্রকর্ষেণেরিত উন্মার্গগামীকৃতঃ, কোপিত ইত্যর্থঃ| কিম্ভূতং শ্বাসম্ ? স্বযং সংশমনং,-চিকিত্সাং বিনা কিঞ্চিত্কালাতিবাহনেন শাম্যতীত্যর্থঃ, অচিরকালাবস্থাযিত্বাত্| স্বযং সংশমনাদল্পবলত্বাচ্চ ক্ষুদ্রসংজ্ঞোঽযম্|
Adhikarana tamakashvAsasya lakShaNam (6-10) · Śloka 10
অথ তমকং লক্ষযতি - - - - প্রতিলোমং সিরা গচ্ছন্নুদীর্য পবনঃ কফম্| পরিগৃহ্য শিরোগ্রীবমুরঃ পার্শ্বে চ পীডযন্||৬|| কাসং ঘুর্ঘুরকং মোহমরুচিং পীনসং তৃষম্| করোতি তীব্রবেগং চ শ্বাসং প্রাণোপতাপিনম্||৭|| প্রতাম্যেত্তস্য বেগেন নিষ্ঠ্যূতান্তে ক্ষণং সুখী| কৃচ্ছ্রাচ্ছযানঃ শ্বসিতি নিষণ্ণঃ স্বাস্থ্যমৃচ্ছতি||৮|| উচ্ছ্রিতাক্ষো ললাটেন স্বিদ্যতা ভৃশমর্তিমান্| বিশুষ্কাস্যো মুহুঃশ্বাসী কাঙ্ক্ষত্যুষ্ণং সবেপথুঃ||৯|| মেঘাম্বুশীতপ্রাগ্বাতৈঃ, শ্লেষ্মলৈশ্চ বিবর্দ্ধতে| স যাপ্যস্তমকঃ, সাধ্যো নবো বা বলিনো ভবেত্||১০||
अथ तमकं लक्षयति - - - - प्रतिलोमं सिरा गच्छन्नुदीर्य पवनः कफम्| परिगृह्य शिरोग्रीवमुरः पार्श्वे च पीडयन्||६|| कासं घुर्घुरकं मोहमरुचिं पीनसं तृषम्| करोति तीव्रवेगं च श्वासं प्राणोपतापिनम्||७|| प्रताम्येत्तस्य वेगेन निष्ठ्यूतान्ते क्षणं सुखी| कृच्छ्राच्छयानः श्वसिति निषण्णः स्वास्थ्यमृच्छति||८|| उच्छ्रिताक्षो ललाटेन स्विद्यता भृशमर्तिमान्| विशुष्कास्यो मुहुःश्वासी काङ्क्षत्युष्णं सवेपथुः||९|| मेघाम्बुशीतप्राग्वातैः, श्लेष्मलैश्च विवर्द्धते| स याप्यस्तमकः, साध्यो नवो वा बलिनो भवेत्||१०||
🔊 Audio coming soon
স০- পবনঃ প্রতিলোমং-বিপর্যযং কৃত্বা, শিরাঃ-স্রোতাংসি, গচ্ছন্ শ্বাসং করোতি| তথা কফমুদীর্য-ঊর্ধ্বং প্রের্য, তথা শিরো গ্রীবাং চ পরিগৃহ্য-সমন্তাদ্গৃহীত্বা, তথোরঃ পার্শ্বে চ পীডযন্-নির্মন্থযন্, কাসাদীন্ শ্বাসং চ তীব্রবেগং তথা প্রাণোপতাপিনং করোতি| প্রাণাখ্যো বাযুরুপতপ্যতে যেন তচ্ছীলত্বাদসৌ প্রাণোপতাপী শ্বাসঃ| তস্য-তমকস্য, বেগেন-বলেন, পুরুষঃ প্রতাম্যেত্-দুঃখী সম্পদ্যতে, শ্লেষ্মণা রুদ্ধমার্গত্বাত্| অত এবাহ-নিষ্ঠ্যূতান্তে ক্ষণং সুখীতি| স চ তমকশ্বাসী শযানঃ-শয্যামাসীনঃ, কৃচ্ছ্রাত্-দুঃখেন, শ্বাসিতি-শ্বাসং মুঞ্চতি| নিষণ্ণঃ-উপবিষ্টঃ সন্, স্বাস্থ্যমৃচ্ছতি-নীরুক্ঽঽত্বং প্রাপ্নোতি| উচ্ছ্রিতেঽক্ষিণী যস্য স উচ্ছ্রিতাক্ষঃ, "বহুব্রীহৌ সক্থ্যক্ষণোঃ" ইতি ষচ্| উচ্ছ্রিতাক্ষঃ-ঊর্ধ্বদৃক্| ললাটেন স্বিদ্যতা-স্বেদযুক্তেনোপলক্ষিতঃ ভৃশং-অতিশযেন, অর্তিমান্-পীডাবান্| তথা বিশুষ্কমাস্যং যস্য স এবম্| মুহুঃ-পুনঃপুনঃ, শ্বাসো যস্য স মুহুঃশ্বাসী| উষ্ণং কাঙ্ক্ষতি-অভিলষতি| তথা, সবেপথুঃ-কম্পবান্| স চ তমকো মেঘাদিভিঃ পৃথক্ তথা শ্লেষ্মলৈঃ-গুডাদিভিঃ, বর্দ্ধতে-বৃদ্ধিং যাতি| মেঘশব্দেনাত্রোভযং গৃহ্যতে, মেঘোন্নমনং বর্ষণং চ| তেন মেঘোন্নমনেন বর্দ্ধতে তদুপলক্ষিতেন কালেন বর্ষাখ্যেন চ বর্দ্ধতে| এবং শীতশব্দেনাপি দ্বযং গৃহ্যতে,-শীতলক্ষণঃ কালো হেমন্তশিশিরাখ্যঃ, শীতগুণযুক্ত ঔষধাহারবিহারাদিঃ, তেনোভযেনাপি বিবর্দ্ধতে| স তমকঃ শ্বাসো যাপ্যো-নাসৌ সুখসাধ্যঃ, কৃচ্ছ্রসাধ্যো বা দুর্বলস্য পুংসঃ| স এবাভিনবোত্পন্নো বলবতঃ পুংসঃ সাধ্যো বা ভবেত্| সম্ভাবনাযাং লিঙ্, সাধ্যত্বেন সম্ভাব্যত ইত্যর্থঃ|
Adhikarana pratamakashvAsasya lakShaNam (11) · Śloka 11
জ্বরমূর্ছাযুতঃ শীতৈঃ শাম্যেত্প্রতমকস্তু সঃ| |১১|
ज्वरमूर्छायुतः शीतैः शाम्येत्प्रतमकस्तु सः| |११|
🔊 Audio coming soon
স০-স এব-তমকাখ্যো জ্বরমূর্চ্ছাযুতো যদা ভবতি, শীতৈশ্চোষধাহারবিহারৈঃ শাম্যেত্-শমং যাতি ন তমকবত্ বর্দ্ধতে, তদা স চ প্রতমক উচ্যতে| অযং চ তমকস্যৈব ভেদ ইতি ষট্ত্বং শ্বাসানাং নাশঙ্ক্যম্|
Adhikarana chinnashvAsasya lakShaNam (11-13) · Śloka 13
অথ ছিন্নং লক্ষযতি - - - - | ছিন্নাচ্ছ্বসিতি বিচ্ছিন্নং মর্মচ্ছেদরুজার্দিতঃ||১১|| সস্বেদমূর্চ্ছঃ সানাহো বস্তিদাহনিরোধবান্| অধোদৃগ্বিপ্লুতাক্ষশ্চ মুহ্যন্ রক্তৈকলোচনঃ||১২|| শুষ্কাস্যঃ প্রলপন্ দীনো নষ্টচ্ছাযো বিচেতনঃ| |১৩|
अथ छिन्नं लक्षयति - - - - | छिन्नाच्छ्वसिति विच्छिन्नं मर्मच्छेदरुजार्दितः||११|| सस्वेदमूर्च्छः सानाहो बस्तिदाहनिरोधवान्| अधोदृग्विप्लुताक्षश्च मुह्यन् रक्तैकलोचनः||१२|| शुष्कास्यः प्रलपन् दीनो नष्टच्छायो विचेतनः| |१३|
🔊 Audio coming soon
স০-ছিন্নাখ্যাচ্ছ্বাসাত্ বিচ্ছিন্নং কৃত্বা নরঃ শ্বসিতি-ন নিরন্তরম্| মর্মচ্ছেদতুল্যযা রুজযাঽর্দিতঃ| তথা, সহ স্বেদমূর্চ্ছাভ্যাং বর্ততে সস্বেদমূর্চ্ছঃ| তথা, আধ্মান্বান্| দাহশ্চ নিরোধশ্চ দাহনিরোধৌ, বস্তৌ দাহনিরধৌ বস্তিদাহনিরোধৌ, তৌ বিদ্যেতে যস্য স এবম্| অধঃ-অধস্তাত্, দৃক্-দৃষ্টিঃ, যস্য স এবম্| তথা, বিপ্লুতে-একত্রানবস্থিতে, অক্ষিণী যস্য স এবম্| তথা, মুহ্যন্-মোহং গচ্ছন্| তথা, রক্তমেকং লোচনং যস্য স এবম্| তথা, শুষ্কাস্যঃ সন্ দীনং প্রলপন্| তথা, নষ্টকান্তির্বিচেতাশ্চ|
Adhikarana mahAshvAsasya lakShaNam (13-15) · Śloka 15
অধুনা মহদাখ্যং শ্বাসং লক্ষযতি - - - - | মহতা মহতা দীনো নাদেন শ্বসিতি ক্রথন্||১৩|| উদ্ধূযমানঃ সংরব্ধো মত্তর্ষভ ইবানিশম্| প্রণষ্টজ্ঞানবিজ্ঞানো বিভ্রান্তনযনাননঃ||১৪|| বক্ষঃ সমাক্ষিপন্ বদ্ধমূত্রবর্চা বিশীর্ণবাক্| শুষ্ককণ্ঠো মুহুর্মুহ্যন্ কর্ণশঙ্খশিরোতিরুক্||১৫||
अधुना महदाख्यं श्वासं लक्षयति - - - - | महता महता दीनो नादेन श्वसिति क्रथन्||१३|| उद्धूयमानः संरब्धो मत्तर्षभ इवानिशम्| प्रणष्टज्ञानविज्ञानो विभ्रान्तनयनाननः||१४|| वक्षः समाक्षिपन् बद्धमूत्रवर्चा विशीर्णवाक्| शुष्ककण्ठो मुहुर्मुह्यन् कर्णशङ्खशिरोतिरुक्||१५||
🔊 Audio coming soon
স০-মহতা শ্বাসেনার্তঃ পুরুষো মহতা নাদেন-শব্দেন, শ্বসিতি যাবত্কর্ণশঙ্খশিরোতিরুগিতি| ক্রথন্-ক্বণন্| উদ্ধূযমানঃ-উত্কম্প্যমানঃ| সংরব্ধঃ-সঙ্ক্ষুভিতঃ| জ্ঞানং-তত্ত্বাববোধঃ| বিজ্ঞানং-কর্মসু কৌশলম্|
Adhikarana UrdhvashvAsasya lakShaNam (16-17) · Śloka 17
অথোর্ধ্বলক্ষণার্থমাহ - - - - দীর্ঘমূর্ধ্বং শ্বসিত্যূর্ধ্বান্ন চ প্রত্যাহরত্যধঃ| শ্লেষ্মাবৃতমুখস্রোতাঃ ক্রুদ্ধগন্ধবহার্দিতঃ||১৬|| ঊর্ধ্বদৃগ্বীক্ষতে ভ্রান্তমক্ষিণী পরিতঃ ক্ষিপন্| মর্মসু চ্ছিদ্যমানেষু পরিদেবী নিরুদ্ধবাক্||১৭||
अथोर्ध्वलक्षणार्थमाह - - - - दीर्घमूर्ध्वं श्वसित्यूर्ध्वान्न च प्रत्याहरत्यधः| श्लेष्मावृतमुखस्रोताः क्रुद्धगन्धवहार्दितः||१६|| ऊर्ध्वदृग्वीक्षते भ्रान्तमक्षिणी परितः क्षिपन्| मर्मसु च्छिद्यमानेषु परिदेवी निरुद्धवाक्||१७||
🔊 Audio coming soon
স০-ঊর্ধ্বাখ্যাচ্ছ্বাসাত্ দীর্ঘমূর্ধ্বং শ্বসিতি| ঊর্ধ্বং শ্বাসং মুক্ত্বা পুনরধো নিশ্বাসবন্ন তং শ্বাসং প্রত্যাহরতি| যথা,-অন্যেষু শ্বাসেষু নর ঊর্ধ্বং দীর্ঘং শ্বাসং মুক্ত্বা পুনরধঃ প্রত্যাহরতি-পুনরন্তঃ প্রবেশযিতুং শক্নোতি, নৈবমস্মিন্নূর্ধ্বশ্বাস ইত্যর্থঃ| কিম্ভূতো নরোঽত্র স্যাত্ ? ইত্যাহ-শ্লেষ্মেত্যাদি| শ্লেষ্মণাঽঽবৃতানি মুখানি যেষাং তান্যেবম্, শ্লেষ্মাবৃতমুখানি স্রোতাংসি যস্য স এবম্| তথা, ক্রুদ্ধগন্ধবহেন-কুপিতমরুতা, অর্দিতঃ-পীডিতঃ| তথা, ঊর্ধ্ব দৃগ্-দৃষ্টিঃ, যস্য স ঊর্ধ্বদৃক্| তথা, অক্ষিণী পরিতঃ-সমন্তাত্, ক্ষিপন্ ভ্রান্তং কৃত্বা বীক্ষতে| তথা, মর্মসু ছিদ্যমানেষ্বিব পরিদেবী-দুঃখার্তঃ, সম্পদ্যতে| তথা, নিরুদ্ধবাক্-অন্তঃপ্রবিষ্টবাগিত্যর্থঃ|
Adhikarana chinnamahordhvashvAsAnAM sAdhyatvAdi (18-1) · Śloka 1
এতে সিদ্ধ্যেযুরব্যক্তা ব্যক্তাঃ প্রাণহরা ধ্রুবম্| |১৮| ইতি শ্বাসনিদানম্||১||
एते सिद्ध्येयुरव्यक्ता व्यक्ताः प्राणहरा ध्रुवम्| |१८| इति श्वासनिदानम्||१||
🔊 Audio coming soon
স০-এতে-তমকাদযঃ শ্বাসাঃ, অব্যক্তাঃ-অস্ফুটরূপাঃ, সিধ্দ্যেযুশ্চিকিত্স্যমানাঃ| ব্যক্তাঃ-স্ফুটলক্ষণাঃ, পুনর্ধ্রুবং-নিশ্চিতং, প্রাণহরাঃ স্যুঃ|
Adhikarana hidhmAyAH shvAsatulyatvam (18-19) · Śloka 19
অথ হিধ্মাস্বরূপং লক্ষযতি - - - - অথ হিধ্মানিদানম্| | শ্বাসৈকহেতুপ্রাগ্রূপসঙ্খ্যাপ্রকৃতিসংশ্রযাঃ||১৮|| হিধ্মাঃ| |১৯|
अथ हिध्मास्वरूपं लक्षयति - - - - अथ हिध्मानिदानम्| | श्वासैकहेतुप्राग्रूपसङ्ख्याप्रकृतिसंश्रयाः||१८|| हिध्माः| |१९|
🔊 Audio coming soon
স০-একশব্দস্তুল্যার্থঃ| শ্বাসানাং তুল্যা হেত্বাদযো যাসাং-হিধ্মানাং, তাঃ শ্বাসৈকহেতুপ্রাগ্রূপসঙ্খ্যাপ্রকৃতিসংশ্রযাঃ| শ্বাসানাং হেতুঃ-"কাসবৃদ্ধ্যা ভবেচ্ছ্বাসঃ" (শ্লো. ১) ইত্যাদিগ্রন্থেন প্রতিপাদিতঃ, স এব হিধ্মানাং হেতুঃ| শ্বাসানাং প্রাগ্রূপং-"হৃত্পার্শ্বশূলং" (শ্লো. ৪) ইত্যাদি, তদেব হিধ্মানাম্| তথা, শ্বাসাঃ পঞ্চ, হিধ্মা অপি পঞ্চ| শ্বাসানাং প্রকৃতিঃ-আসন্নং কারণম্,-"কফোপরুদ্ধগমনঃ" (শ্লো. ৩) ইত্যাদিবিশেষণবিশিষ্টঃ পবনঃ, তাদৃশ এব বাতো হিধ্মানাং প্রকৃতিঃ| শ্বাসানাং সংশ্রযঃ-আশ্রযঃ, যমধিষ্ঠায সম্ভবন্তি শ্বাসাঃ| যথা,-"আমাশযসমুদ্ভবম্" (শ্লো. ৪) ইতি, স এব হিধ্মানাম্| প্রাযিকত্বং বাঽস্য বোধ্যম্| জত্রুমূলাদপ্যুত্পতেঃ ক্ষুদ্রাযাঃ| তদেবং শ্বাসানাং তুল্যা হেত্বাদযো হিধ্মানাম্|
Adhikarana pa~jcAnAM hidhmAnAM nAmAni (19) · Śloka 19
ভক্তোদ্ভবা ক্ষুদ্রা যমলা মহতীতি চ| গম্ভীরা চ|১৯|
भक्तोद्भवा क्षुद्रा यमला महतीति च| गम्भीरा च|१९|
🔊 Audio coming soon
স০-ভক্তোদ্ভবাদ্যাঃ পঞ্চ হিধ্মাঃ| ইতিশব্দো ব্যবচ্ছেদে, চঃ সমুচ্চযে| এবং গম্ভীরা চেত্যত্রাপি|
Adhikarana bhaktodbhavAhidhmAyA lakShaNam (19-21) · Śloka 21
ভক্তোদ্ভবাং লক্ষযিতুমাহ - - - - | মরুত্তত্র ত্বরযাঽযুক্তিসেবিতৈঃ||১৯|| রূক্ষতীক্ষ্ণখরাসাত্ম্যৈরন্নপানৈঃ প্রপীডিতঃ| করোতি হিধ্মামরুজাং মন্দশব্দাং ক্ষবানুগাং||২০|| শমং সাত্ম্যান্নপানেন যা প্রযাতি চ সাঽন্নজা| |২১|
भक्तोद्भवां लक्षयितुमाह - - - - | मरुत्तत्र त्वरयाऽयुक्तिसेवितैः||१९|| रूक्षतीक्ष्णखरासात्म्यैरन्नपानैः प्रपीडितः| करोति हिध्मामरुजां मन्दशब्दां क्षवानुगां||२०|| शमं सात्म्यान्नपानेन या प्रयाति च साऽन्नजा| |२१|
🔊 Audio coming soon
স০-তত্র-তাসু হিধ্মাসু মধ্যে, অন্নজাং হিধ্মামেবংপ্রকারাং মরুত্ করোতি| কিম্ভূতো মরুত্ ? অন্নপানৈঃ প্রপীডিতো-বাধিতঃ| কিম্ভূতৈঃ ? রূক্ষতীক্ষ্ণখরাসাত্ম্যৈঃ, সামর্থ্যাদভ্যবহৃতৈঃ| তথা, ত্বরযা-ক্রমমনপেক্ষ্য, অযুক্ত্যা-যথেচ্ছযা, বা সেবিতৈঃ| কিম্ভূতাং হিধ্মাম্ ? অরুজাং-পীডযা রহিতাং| তথা, মন্দশব্দাং-মন্দবেগাং| তথা, ক্ষবেন-ক্ষুত্যা, অনুগতাং-অনুবদ্ধাম্| ন কেবলমেবংলক্ষণোপেতা যা সাঽন্নজা, যা চ সাত্ম্যেনান্নপানেন শমং যাতি সাঽপ্যন্নজৈব| অত্র চান্নপানৈরিতি হেতুনির্দেশঃ| অরুজং মন্দশব্দাং ক্ষবানুগামিতি লক্ষণনির্দেশঃ| শমং সাত্ম্যান্নপানেনেত্যুপশযনির্দেশঃ|
Adhikarana kShudrAhidhmAyAH lakShaNam (21-22) · Śloka 22
অথ ক্ষুদ্রাখ্যাং লক্ষযিতুমাহ - - - - | আযাসাত্পবনঃ ক্ষুদ্রঃ ক্ষুদ্রাং হিধ্মাং প্রবর্তযেত্||২১|| জত্রুমূলপ্রবিসৃতামল্পবেগাং মৃদুং চ সা| বৃদ্ধিমাযাস্যতো যাতি ভুক্তমাত্রে চ মার্দবম্||২২||
अथ क्षुद्राख्यां लक्षयितुमाह - - - - | आयासात्पवनः क्षुद्रः क्षुद्रां हिध्मां प्रवर्तयेत्||२१|| जत्रुमूलप्रविसृतामल्पवेगां मृदुं च सा| वृद्धिमायास्यतो याति भुक्तमात्रे च मार्दवम्||२२||
🔊 Audio coming soon
স০-আযাসাত্-ব্যাযামাত্, পবনঃ স্বল্পাত্ প্রকোপাত্ ক্ষুদ্রঃ-অল্পঃ, ক্ষুদ্রং হিধ্মাং প্রবর্তযেত্-বিদধ্যাত্| কিম্ভূতাম্ ? জত্রুমূলাত্ প্রকর্ষেণ বিসৃতাং-জাতাম্| অত এব ক্ষুদ্রত্বাদল্পবেগাম্, তথা মৃদুং-নাতিরুজাকরীম্| সা চাযাস্যতঃ-আযাসং কুর্বতো, বৃদ্ধিং যাতি| ভুক্তমাত্রে চ-সদ্যো ভুক্তে, মার্দবং-মৃদুত্বং, যাতি|
Adhikarana yamalAhidhmAyAH lakShaNam (23-25) · Śloka 25
অধুনা যমলাং ব্যাচষ্টে - - - - চিরেণ যমলৈর্বেগৈরাহারে যা প্রবর্ততে| পরিণামোন্মুখে বৃদ্ধিং পরিণামে চ গচ্ছতি||২৩|| কম্পযন্তী শিরোগ্রীবমাধ্মাতস্যাতিতৃষ্যতঃ| প্রলাপচ্ছর্দ্যতীসারনেত্রবিপ্লুতিজৃম্ভিণঃ||২৪|| যমলা বেগিনী হিধ্মা পরিণামবতী চ সা| |২৫|
अधुना यमलां व्याचष्टे - - - - चिरेण यमलैर्वेगैराहारे या प्रवर्तते| परिणामोन्मुखे वृद्धिं परिणामे च गच्छति||२३|| कम्पयन्ती शिरोग्रीवमाध्मातस्यातितृष्यतः| प्रलापच्छर्द्यतीसारनेत्रविप्लुतिजृम्भिणः||२४|| यमला वेगिनी हिध्मा परिणामवती च सा| |२५|
🔊 Audio coming soon
স০-চিরেণ কালেন, আহারে পরিণামোন্মুখে-প্রত্যাসন্নপরিণামে, তথা পরিণামে চাহারস্য, যা বৃদ্ধিং গচ্ছতি, যমলৈশ্চ বেগৈঃ-ন কেবলৈঃ, যা প্রবর্ততে সা যমলবেগপ্রবর্তনাত্-যমলাখ্যা হিধ্মা| কিং কুর্বতী সা প্রবর্ততে ? শিরশ্চ গ্রীবাং চ কম্পযন্তী| কিম্ভূতস্য নরস্য ? আধ্মাতস্য তথাঽতিতৃষ্যতঃ-তৃডার্তস্য, তথা প্রলাপাদিমতঃ| সৈব চ যমলা বেগিনী, সৈব পরিণামবতী, ইত্যেবং সংজ্ঞাত্রযমস্যা বোধ্যম্|
Adhikarana mahAhidhmAyAH lakShaNam (25-27) · Śloka 27
মহাহিধ্মাং ব্যাচিখ্যাসুরাহ - - - - | স্তব্ধভ্রূশঙ্খযুগ্মস্য সাস্রবিপ্লুতচক্ষুষঃ||২৫|| স্তম্ভযন্তী তনুং বাচং স্মৃতিং সংজ্ঞাং চ মুষ্ণতী| রুন্ধতী মার্গমন্নস্য কুর্বতী মর্মঘট্টনম্||২৬|| পৃষ্ঠতো নমনং শোষং মহাহিধ্মা প্রবর্ততে| মহামূলা মহাশব্দা মহাবেগা মহাবলা||২৭||
महाहिध्मां व्याचिख्यासुराह - - - - | स्तब्धभ्रूशङ्खयुग्मस्य सास्रविप्लुतचक्षुषः||२५|| स्तम्भयन्ती तनुं वाचं स्मृतिं संज्ञां च मुष्णती| रुन्धती मार्गमन्नस्य कुर्वती मर्मघट्टनम्||२६|| पृष्ठतो नमनं शोषं महाहिध्मा प्रवर्तते| महामूला महाशब्दा महावेगा महाबला||२७||
🔊 Audio coming soon
স০-স্তব্ধং ভ্রূযুগ্মং শঙ্খযুগ্মং চ যস্য তস্য তথাবিধস্য পুরুষস্য মহাহিধ্মা প্রবর্ততে| তথা, সাস্রে বিপ্লুতে-চলে, চক্ষুষী যস্য তস্য, তথেদমিদং কুর্বাণা প্রবর্ততে| তনুং-দেহং, স্তম্ভযন্তী-নিশ্চলং কুর্বতী, তথা বাচং স্তম্ভযন্তী-মূকত্বং চ কুর্বাণা, স্মৃতিং সংজ্ঞা চ মুষ্ণতী-স্মৃতিসংজ্ঞযোরপহরণং বিদধতী, তথাঽন্নস্য-চতুর্বিধস্যাপি, মার্গং রুন্ধতী, তথা মর্মণাং-হৃদযাদীনাং, ঘট্টনং-চালনং, কুর্বতী, তথা পৃষ্ঠতো নমনং তথা শোষং শরীরস্য কুর্বতী, মহাহিধ্মা প্রবর্তত ইতি যোজ্যম্| তথা, মহত্ মূলং-উত্পত্তৌ কারণং, যস্যাঃ সা মহামূলা| তথা, মহাশব্দা মহাবেগা মহাবলা চেযং ভবতি| এতৈশ্চ বিশেষণৈরস্যাঃ শিঘ্রপ্রাণহারিত্বং দ্যোত্যতে|
Adhikarana gambhIrAhidhmAyAH lakShaNam (28-29) · Śloka 29
অথ গম্ভীরাং লক্ষযতি - - - - পক্বাশযাদ্বা নাভের্বা পূর্ববদ্যা প্রবর্ততে| তদ্রূপা সা মুহুঃ কুর্যাজ্জৃম্ভামঙ্গপ্রসারণম্||২৮|| গম্ভীরেণানুনাদেন গম্ভীরা| |২৯|
अथ गम्भीरां लक्षयति - - - - पक्वाशयाद्वा नाभेर्वा पूर्ववद्या प्रवर्तते| तद्रूपा सा मुहुः कुर्याज्जृम्भामङ्गप्रसारणम्||२८|| गम्भीरेणानुनादेन गम्भीरा| |२९|
🔊 Audio coming soon
স০-পক্বাশযাত্-নাভেরধস্তাত্, অথবা নাভেঃ-নাভিদেশাত্, যা প্রবর্ততে, সা পূর্ববদিতি মহাহিধ্মাবত্| যথা,-মহাহিধ্মা "স্তব্ধভ্রূশঙ্খযুগ্মস্য" (শ্লো. ২৫) ইত্যাদিবিশেষণবিসিষ্টা প্রবর্ততে তথৈবেযং তথাভূতস্য পুরুষস্যেত্যর্থঃ| তথা, তদ্রূপা-তস্যা মহাহিধ্মাযাঃ সদৃশং রূপং-লক্ষণং, যস্যাঃ সা তদ্রূপা| মহাহিধ্মাতোঽস্যা ইদমধিকং লক্ষণম্,-মুহুর্মুহুর্জৃম্ভাং তথা মুহুর্মুহুরঙ্গপ্রসারণং কুর্যাত্| গম্ভীরেণানুনাদেনেতি| অনুনাদঃ-অনুরণনম্, ঘণ্টাদীনামিব| গম্ভীরেণানুনাদেন হেতুনা গম্ভীরাখ্যেযম্|
Adhikarana hidhmAnAM sAdhyatvAdi (29-2) · Śloka 2
তাসু সাধযেত্| আদ্যে দ্বে, বর্জযেদন্ত্যে সর্বলিঙ্গাং চ বেগিনীম্||২৯|| সর্বাশ্চ সঞ্চিতামস্য স্থবিরস্য ব্যবাযিনঃ| ব্যাধিভিঃ ক্ষীণদেহস্য ভক্তচ্ছেদক্ষতস্য বা||৩০|| ইতি হিধ্মানিদানম্||২||
तासु साधयेत्| आद्ये द्वे, वर्जयेदन्त्ये सर्वलिङ्गां च वेगिनीम्||२९|| सर्वाश्च सञ्चितामस्य स्थविरस्य व्यवायिनः| व्याधिभिः क्षीणदेहस्य भक्तच्छेदक्षतस्य वा||३०|| इति हिध्मानिदानम्||२||
🔊 Audio coming soon
স০-তাসু-পঞ্চসু হিধ্মাসু মধ্যে, আদ্যে দ্বে যে হিধ্মে-ভক্তোদ্ভবাক্ষুদ্রাখ্যে, তে সাধযেত্-চিকিত্সেত্, সাধ্যত্বাত্| অন্ত্যে যে দ্বে-মহাহিধ্মাগম্ভীরাখ্যে, তে বর্জযেত্-নোপক্রমেত্, অসাধ্যত্বাত্| আদৌ ভবে আদ্যে, এবমন্ত্যে, "দিগাদিত্বাত্ (দিভ্যো যত্" ইতি) যত্| তথা বেগিনীং চ-যমলাখ্যাং, সর্বলিঙ্গাং যথোক্তলক্ষণাং বর্জযেত্| ন কেবলমেতা এব বর্জযেত্, যাবত্সর্বা অপি হিধ্মা এবংভূতস্য পুরুষস্য জাতা বর্জযেত্| কিম্ভূতস্য ? [সঞ্চিতামস্য-] চিরকালসম্ভৃতামস্য, তথা স্থবিরস্য-বৃদ্ধস্য, তথা ব্যবাযিনঃ-স্ত্রীগমনশীলস্য. [তথা ব্যাধিভিঃ ক্ষীণদেহস্য,] তথা ভক্তস্য ছেদো ভক্তচ্ছেদো,-ভোজননিবৃত্তিঃ, তেন ক্ষতঃ-ক্ষীণো দুর্বলো, ভক্তচ্ছেদক্ষতঃ, তস্য চ বর্জযেত্|
Adhikarana hidhmAshvAsayoH shIghranAshakatvam (4) · Śloka 4
অধুনা হিধ্মাশ্বাসযোঃ শীঘ্রকারিত্বমাহ - - - সর্বেঽপি রোগা নাশায ন ত্বেবং শীঘ্রকারিণঃ| হিধ্মাশ্বাসৌ যথা তৌ হি মৃত্যুকালে কৃতালযৌ||৩১|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং তৃতীযে নিদানস্থানে শ্বাসহিধ্মানিদানং নাম চতুর্থোঽধ্যাযঃ||৪||
अधुना हिध्माश्वासयोः शीघ्रकारित्वमाह - - - सर्वेऽपि रोगा नाशाय न त्वेवं शीघ्रकारिणः| हिध्माश्वासौ यथा तौ हि मृत्युकाले कृतालयौ||३१|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां तृतीये निदानस्थाने श्वासहिध्मानिदानं नाम चतुर्थोऽध्यायः||४||
🔊 Audio coming soon
স০-সর্বে রোগা নাশায-অভাবায, স্যুঃ| ন কেবলং হিধ্মাশ্বাসাবিত্যুপদর্শনার্থোঽপিশব্দঃ| ন পুনরেবং শীঘ্রবিনাশকারিণঃ সর্বে, যথা হিধ্মাশ্বাসৌ শীঘ্রবিনাশকারিণৌ| যস্মাত্তৌ মৃত্যুকালে-মরণাবসরে, কৃতালযৌ-বিহিতবসতী, তস্মিন্ কালে তযোরবশ্যংভাবিত্বাত্| শীঘ্রমারণস্বভাবত্বাদনযোস্তু চিকিত্সাযাং সত্বরং যতিতব্যমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং তৃতীযে নিদানস্থানে শ্বাসহিধ্মানিদানং নাম চতুর্থোঽধ্যাযঃ সমাপ্তঃ|| ৪||