6. dūtādivijñānīyōdhyāyaḥ

Adhikarana adhyAyopakramaH · Śloka

বিকৃতিবিজ্ঞানীযাধ্যাযাদনন্তরং দূতাদিবিজ্ঞানীযাধ্যাযারম্ভেঽযং সম্বন্ধঃ| উক্তমাযুঃপ্রমাণং স্বস্থাতুরাণাং রূপেন্দ্রিযস্বরচ্ছাযাদিবিকৃতিলক্ষণৈঃ প্রতিনিযতবিশিষ্টব্যাধিলক্ষণৈরপি| অযং পুনরধ্যাযো দূতাদ্যাশ্রযৈঃ শুভাশুভনিমিত্তৈঃ শুভাশুভং সূচযিতুমারভ্যতে _

Adhikarana dUtAdivij~jAnIyo~adhyAyaH (2) · Śloka 2

অথাতো দূতাদিবিজ্ঞানীযং শারীরং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসূত্রে||২||

দূতঃ-স্ত্রীপুরুষাদির্য আতুরেণ প্রেষ্যতে স কথ্যতে| দূত আদির্যেষাং তে দূতাদযঃ| আদিগ্রহণাদ্বৈদ্যস্য গৃহান্নির্গচ্চতঃ পথি গচ্চতো যাবদাতুরগৃহে প্রবেশঃ, প্রবিষ্টস্যাপি যানি শুভা শুভসূচকানি নিমিত্তানি দৃশ্যন্তে শ্রূযন্তে চ, তেষাং পরিগ্রহঃ| দূতাদীনাং বিজ্ঞানং দূতাদিবিজ্ঞানম্| যথৈতে দূতাদযঃ শুভা এতেঽশুভা ইতি বিশিষ্টং-নিশ্চিতং, জ্ঞানং-অববোধঃ, পরিচ্চেদ ইত্যর্থঃ| তস্মৈ হিতো দূতাদিবিজ্ঞানীযঃ| শেষং পূর্ববদ্ব্যাখ্যেযম্|

Adhikarana pAKaNDAdidUtAnAM SuBASuBasUcakatvam (1) · Śloka 1

পাখণ্ডাশ্রমবর্ণানাং সবর্ণাঃ কর্মসিদ্ধযে| ত এব বিপরীতাঃ স্যুর্দূতাঃ কর্মবিপত্তযে||১||

পাখণ্ডঃ-ষণ্ণবতিভেদভিন্নো ব্রাত্যবিশেষঃ| আশ্রমাঃ-ব্রহ্মচারিগৃহস্থভিক্ষুবৈখানসভেদেন চত্বারঃ| বর্ণাঃ-ব্রাহ্মণক্ষত্রিযবিট্শূদ্রাশ্চত্বারঃ| তে চ প্রতিলোমানুলোমতো বহবঃ| তেষাং পাখণ্ডাদীনাং যে সবর্ণাঃ-সমানবর্ণাস্তুল্যজাতযো, দূতাস্তে চ কর্মসিদ্ধযে-কর্মসিধ্দ্যর্থং ভবন্তি, কর্মসিদ্ধিং সূচযন্তীত্যর্থঃ যথা-পাখণ্ডস্য পাখাণ্ডো দূতঃ, ব্রহ্মচারিণো ব্রহ্মচারী, গৃহস্থস্য গৃহস্থো, বানপ্রস্থস্য বানপ্রস্থো, ভিক্ষোর্ভিক্ষুঃ যাবচ্চূদ্রস্য শূদ্রঃ শুভ ইতি| ত এব-পাখণ্ডাদযো, বিপরীতাঃ-বিজাতীযাঃ সবর্ণা যে ন ভবন্তি তে, কর্মবিপত্তযে-চিকিত্সানৈষ্ফল্যাযভবন্তি, চিকিত্সানৈষ্ফল্যং সূচযন্তীত্যর্থঃ|

Adhikarana dInAdidUtA niShiddhAH (2-5) · Śloka 5

দীনং ভীতং দ্রুতং ত্রস্তং রূক্ষামঙ্গলবাদিনম্| শস্ত্রিণং দণ্ডিনং ষণ্ঢং মুণ্ডশ্মশ্রুজটাধরম্||২|| অমঙ্গলাহ্বযং ক্রূরকর্মাণং মলিনং স্ত্রিযম্| অনেকং ব্যাধিতং ব্যঙ্গং রক্তমাল্যানুলেপনম্||৩|| তৈলপঙ্কাঙ্কিতং জীর্ণবিবর্ণার্দ্রৈকবাসসম্| খরোষ্ট্রমহিষারূঢং কাষ্ঠলোষ্টাদিমর্দিনম্||৪|| নানুগচ্চেদ্ভিষগ্দূতমাহ্বযন্তং চ দূরতঃ| |৫|

সবর্ণমপি দূতং দীনভীতাদিবিশেষণবিশিষ্টং যাবত্কাষ্ঠলোষ্টাদিমর্দিনং ভিষগ্ দৃষ্ট্বা নানুগচ্চেচ্চিকিত্সানৈষ্ফল্যাদিতি| রূক্ষবাদিনং-পরুষভাষিণম্| অমঙ্গলবাদিনং-মরিষ্যত্যসৌ পতিষ্যতি ন জীবতীত্যাদ্যভঙ্গলবাদী, তম্| তথা, ষণ্ঢং-নপুংসকম্| তথা, মুণ্ডং-কৃতবপনং, শ্মশ্রু-মুখব্যঞ্জনং, যস্য স এবম্| মুণ্ডশ্মশ্রুশ্চাসৌ জটাধরশ্চ তম্| তথা, অমঙ্গলঃ-অকল্যাণঃ, আহ্বযো-নাম, যস্য তম্| ব্যঙ্গং-হীনাঙ্গম্| তৈলপঙ্কাভ্যামঙ্কিতং-দিগ্ধম্| তথা, জীর্ণাদিকং বাসো যস্য তম্| তথা, দূরাদাহ্বযন্তং-আকারযন্তং, নানুযাযাত্|

Adhikarana aSastacintAvacanAdau vaidye dUtAgamanaM mRutyusUcakam (5-7) · Śloka 7

| অশস্তচিন্তাবচনে নগ্নে চিন্দতি ভিন্দতি||৫|| জুহ্বানে পাবকং পিণ্ডান্ পিত্তৃভ্যো নির্বপত্যপি| সুপ্তে মুক্তকচেঽভ্যক্তে রুদত্যপ্রযতে তথা||৬|| বৈদ্যে দূতা মনুষ্যাণামাগচ্চন্তি মুমূর্ষতাম্| |৭|

চিন্তা চ বচনং চ চিন্তাবচনে, অশস্তে চিন্তাবচনে যস্যেতি মত্বর্থে বহুব্রীহিঃ| বৈদ্যেঽশস্তচিন্তাং কুর্বতি, অশস্ত বচনং চোচ্চারযতি| মনুষ্যাণাং মুমূর্ষতাং-আসন্নমৃত্যূনাং, সম্বন্ধিনো দূতা আযান্তি| মুমূর্ষতামিতি "আশঙ্কাযামুপসঙ্খ্যানম্ (যাং সন্ বক্তব্যঃ) " ইতি সন্| "ম্রিযতের্লুঙ্হ্লিঙোশ্চ" ইতি নিযমাদাত্মনেপদাভাবঃ| তথা চ কিম্ভূতে ? নগ্নে-বিবস্ত্রে, চিন্দতি ভিন্দতি কিঞ্চিত্| তথা, পাবকং-অগ্নিং জুহ্বানে, পিতৃভ্যশ্চ পিণ্ডান্ নির্বপতি-অনুপ্রযচ্চতি, যাবদপ্রযতেঅশুচৌ| মনুষ্যাণামিত্যুপলক্ষণম্, স্ত্র্যাদযোঽপীহ গৃহ্যন্ত এব|

Adhikarana deSaviSeShAdAvagato dUto~aSuBaH (7-8) · Śloka 8

| বিকারসামান্যগুণে দেশে কালেঽথবা ভিষক্||৭|| দূতমভ্যাগতং দৃষ্ট্বা নাতুরং তমুপাচরেত্| |৮|

বিকারেণ-জ্বরাদিনা, সামান্যঃ-তুল্যো, গুণো যস্যাসৌ বিকারসামান্যগুণঃ, তস্মিংস্তথাবিধে, দেশে কালে বা দূতমভ্যাগতং-সম্মুখমাগচ্চন্তং, দৃষ্ট্বা ভিষক্তমাতুরং-দূতস্য প্রেষকং, নোপচরেত্| যথা,-কফজে জ্বরাদাবামযে ঘৃতোদকাদিদ্রবসমীপে দেশেঽনূপে বা কালে বা প্রত্যুষস্যাগতো দূতোঽশুভঃ| পিত্তামযে বহ্ন্যাদিনা সন্তপ্তে দেশে কালে মধ্যাহ্নে দূতোঽশুভঃ| বাররোগে পরুষরূক্ষসিকতাপাষাণশর্করাদিবিশিষ্টে দেশে কালে সাযাহ্নে দূতোঽশুভঃ| বিপরীতস্তু শুভঃ| চর্দিমেহাতীসারাদিষু সেতুভঙ্গোঽশুভঃ| এষ্বেব সেতুবন্ধঃ শুভঃ|

Adhikarana vaidyasya pUrvadarSane mariShyato dUtAnAM vyApArAH (8-11) · Śloka 11

| স্পৃশন্তো নাভিনাসাস্যকেশরোমনখদ্বিজান্||৮|| গুহ্যপৃষ্ঠস্তনগ্রীবাজঠরানামিকাঙ্গুলীঃ| কার্পাসবুসসীসাস্থিকপালমুশলোপলম্||৯|| মার্জনীশূর্পচৈলান্তভস্মাঙ্গারদশাতুষান্| রজ্জূপানত্তুলাপাশমন্যদ্বা ভগ্নবিচ্যুতম্||১০|| তত্পূর্বদর্শনে দূতা ব্যাহরন্তি মরিষ্যতাম্| |১১|

তদিত্যনেন বৈদ্যঃ পরামৃশ্যতে| তস্য পূর্বদর্শনং-প্রথমদর্শনং, তস্মিন্ সতি তত্কাল এব, মরিষ্যতাং-আসন্নমরণানাং, সম্বন্ধিনো দূতা নাভ্যাতি স্পৃশন্তো ব্যাহরন্তি| "লক্ষণহেত্বোঃ ক্রিযাযাঃ" ইতি হেতাবত্র শতৃপ্রত্যযঃ| নাভ্যাদিস্পর্শনং হি মুমূর্ষুদূতব্যাহরণস্য হেতুঃ| মুমূর্ষোর্বযং দূতা ইতি প্রতিপাদযন্তীত্যর্থঃ| অনামিকাঙ্গুলিঃ-কনীযসীনিকটস্থিতা| দশা-বস্ত্রবর্তিঃ| উপানত্-চর্মপাদুকা| তুলা-মানবিশেষঃ| ন কেবলং নাভ্যাদি স্পৃশন্তোঽপরমপি চ ভগ্নবিচ্যুতং চ স্পৃশন্ত ইতি যোজ্যম্|

Adhikarana ardharAtrAdAgacCanto~aSuBAH (11-12) · Śloka 12

| তথাঽর্ধরাত্রে মধ্যাহ্নে সন্ধ্যযোঃ পর্ববাসরে||১১|| ষষ্ঠীচতুর্থীনবমীরাহুকেতূদযাদিষু| ভরণীকৃত্তিকাঽঽশ্লেষাপূর্বাঽঽর্দ্রাপৈত্র্যনৈৠতে||১২||

নাভ্যাদিকমস্পৃশন্তোঽপ্যর্ধরাত্রাদিষ্বাগচ্চন্তো মরিষ্যতাং দূতা ব্যাহরন্তি| অর্ধরাত্র ইতি "অহঃসর্বৈকদেশ" ইত্যত্র চকারাদচ্ সমাসান্তঃ| আগচ্চন্ত ইত্যত্রাপি যোজ্যম্| পৈত্র্যনৈৠত ইতি মঘামূলাখ্যে নক্ষত্রে| আদিশব্দেনোত্পাতদর্শনকৃষ্ণচতুর্দশ্যাদযো গৃহ্যন্তে| সঙ্গ্রহেঽপ্যুক্তম্ (শ. অ.১২)- "মধ্যাহ্নোভযসন্ধ্যার্ধরাত্রচতুর্থীষষ্ঠীনবমীপর্বদিনেষু গ্রহোপরাগোত্পাতদর্শনভরণীকৃত্তিকার্দ্রাঽঽশ্লেষামঘামূলপূর্বাসু চাশুভঃ|" ইতি|

Adhikarana pratibaddhaM bruvati dUte nimitte cASuBe taM vaidyo nAnuvrajet (13) · Śloka 13

যস্মিংশ্চ দূতে ব্রুবতি বাক্যমাতুরসংশ্রযম্| পশ্যেন্নিমিত্তমশুভং তং চ নানুব্রজেদ্ভিষক্||১৩||

যস্মিন্ দূতে আতুরসংশ্রযং-আতুরপ্রতিবদ্ধং, বাক্যং ব্রুবতি সত্যশুভং নিমিত্তং ভিষক্ পশ্যেত্| তং-দূতমাতুরচিকিত্সার্থমাগতং, নানুব্রজেত্|

Adhikarana aSuBAni nimittAni (14-16) · Śloka 16

কিম্ তদশুভং নিমিত্তম্ ? ইত্যাহ তদ্যথা বিকলঃ প্রেতঃ প্রেতালঙ্কার এব বা| চিন্নং দগ্ধং বিনষ্টং বা তদ্বাদীনি বচাংসি বা||১৪|| রসো বা কটুকস্তীব্রো গন্ধো বা কৌণপো মহান্| স্পর্শো বা বিপুলঃ ক্রূরো যদ্বাঽন্যদপি তাদৃশম্||১৫|| তত্সর্বমভিতো বাক্যং বাক্যকালেঽথবা পুনঃ| দূতমভ্যাগতং দৃষ্ট্বা নাতুরং তমুপাচরেত্||১৬||

তদ্যথাশব্দোঽশুভনিমিত্তসংদর্শনসম্বন্ধার্থঃ| বিকলঃ-অঙ্গহীনঃ কাণকুণ্ঠাদিকঃ| প্রেতো-মৃত এব| প্রেতালঙ্কারো যো মৃতস্যানুলেপনবস্ত্রাদিনাঽলঙ্কারো বিধীযতে| চিন্নং-রজ্জ্বাদিকম্| দগ্ধং-বস্ত্রাদিকম্| বিনষ্টং বা-ঘটভাজনাদিকম্| তদ্বাদীনি-চিন্নদগ্ধবিনষ্টবাচকানি, বচাংসি-বচনানি, শ্রোত্রেণ শ্রূযন্তে| রসো বা কটুকস্তীব্র ইত্যনেন রসাধারং দ্রব্যমনাহারপ্রতিবদ্ধমুপলক্ষযতে| রসো হি রসনেন্দ্রিযগ্রহ্য এব| তস্মাত্ কটুকরসাধিষ্ঠিতং দ্রব্যং মরিচাদি কটুকরসশব্দেনেহ গৃহ্যতে| লোকেঽপি রসেন দ্রব্যং ব্যপদিশ্যত এব| যথা-ইদং মধুরং দ্রব্যমিদমম্লমিতি| তদেবমুত্কটকটুকরসাধিষ্ঠিতং দ্রব্যং যদা চক্ষুষা গৃহ্যতে বৈদ্যেন, তদা ন শুভম্| তীব্রগ্রহণাদতীব্রস্য কুঠেরকাদের্নিরাসঃ| গন্ধশ্চ কৌণপো-মহান্ দুর্গন্ধোঽতিশযেন, তত্কাল এব ঘ্রাণেন্দ্রিযেণ গৃহ্যতে, স্পর্শো বা বিস্তীর্ণঃ ক্রূরঃ-অতিদুঃসহঃ, তত্কাল এবাগ্ন্যাদিসম্বন্ধী স্পর্শনেন্দ্রিযেণ গৃহ্যতে, সোঽশুভঃ| যদ্বেতি| অথবাঽপরমপি যত্তাদৃশংবিকলাদ্যশুভনিমিত্তসদৃশমনির্দিষ্টমপি রক্তকরবীরকুসুমাদিকং, তত্সর্বং বাক্যমভিতঃ-আতুরাশ্রযাদ্বাক্যাদগ্রে, অথবা বাক্যকালে-আতুরাশ্রযাবাক্যমধ্যে বিকলাদ্যশুভনিমিত্তং তদানীমপ্যশুভসূচকত্বাত্ তস্মিন্ কালে, দূতমভ্যাগতং-আভিমুখ্যেন তত্কালমেবাগতং, দৃষ্ট্বা যেনাসৌ প্রেষিতো দূতস্তমাতুরং নোপাচরেত্|

Adhikarana anyAnyapyaSuBAni nimittAni (17-23) · Śloka 23

অথান্যদপ্যশুভং নিমিত্তমাহ হাহাক্রন্দিতমুত্ক্রুষ্টমাক্রুষ্টং স্খলনং ক্ষুতম্| বস্ত্রাতপত্রপাদত্রব্যসনং ব্যসনীক্ষণম্||১৭|| চৈত্যধ্বজানাং পাত্রাণাং পূর্ণানাং চ নিমজ্জনম্| হতানিষ্টপ্রবাদাশ্চ দূষণং ভস্মপাংসুভিঃ||১৮|| পথঃচ্চেদোঽহিমার্জারগোধাসরঠবানরৈঃ| দীপ্তাং প্রতি দিশং বাচঃ ক্রূরাণাং মৃগপক্ষিণাম্||১৯|| কৃষ্ণধান্যগুডোদশ্বিল্লবণাসবচর্মণাম্| সর্ষপাণাং বসাতৈলতৃণপঙ্কেন্ধনস্য চ||২০|| ক্লীবক্রূরশ্বপাকানাং জালবাগুরযোরপি| চর্দিতস্য পুরীষস্য পূতিদুর্দর্শনস্য চ||২১|| নিঃসারস্য ব্যবাযস্য কার্পাসাদেররেরপি| শযনাসনযানানামুত্তানানাং তু দর্শনম্||২২|| ন্যুব্জানামিতরেষাং চ পাত্রাদীনামশোভনম্| |২৩|

হাহাক্রন্দিতমিত্যাদিকমশোভনমিতি বক্ষ্যমাণেন সম্বন্ধঃ| হাহেতি ক্রন্দিতং-রুদিতং ক্বণনং হাহাক্রন্দিতম্| তথা, উত্ক্রুষ্টং উচ্চৈঃ কৃত্বা ক্রুষ্টং, আক্রুষ্টং-আক্রোশঃ| স্খলনং-পতনং, বৈদ্যস্যাঽন্যস্য বা| ক্ষুতং-চিক্কা| বস্ত্রাদীনাং-বৈদ্যস্য সম্বন্ধিনাং, ব্যসনং-বিনাশঃ| ব্যসনিনাং-আপদ্গতানাং, ঈক্ষ্ণং-আলোকনং, ন শোভনমিতি সর্বত্র যোজ্যম্| চৈত্যাদীনাং নিমজ্জনং-পতনং ব্রুডনং চ| তথা, হত ইত্যেবংরুপাণামনিষ্টানাং-অমঙ্গলানাং, প্রবাদাঃ-উচ্চৈরুচ্চরিতানি বাক্যানি| দূষণং ভস্মপাংসুভিঃ-বৈদ্যস্যৈব পথি গচ্চতো ভস্মনা পাংসুনা ব বিকিরণমশোভনম্, কর্মসিদ্ধ্যভাবাদাতুরস্যাপি মরণসূচকত্বাত্| এবমন্যত্রাপ্যুভযোরশোভনত্বং যোজ্যম্| পথঃচ্চেদ ইতি মার্গস্য চেদঃ| কৈঃ ? সর্পমার্জারাদিভিঃ| সরঠঃ-সর্পসদৃশী রক্তবর্ণাদিমুখী প্রাণিজাতিশ্চক্রলণ্ড ইত্যপরপর্য়াযঃ| যস্যাং দিশি সূর্যঃ স্থিতঃ সা দীপ্তা ভণ্যতে| তথা চোক্তম্ "অঙ্গারিণ্যর্কনির্মুক্তা, দীপ্তা তস্যাং দিবাকরঃ| প্রধূমিতৈষ্যর্সূর্যা বৈ, শান্তাঃ পঞ্চেতরা দিশঃ||" ইতি| দীপ্তাং দিশং প্রতি যা বাচো-বাণ্যঃ, ক্রূরাণাং-ক্রব্যভুজাং, মৃগাণাং-দ্বীপিশৃগালাদীনাং, পক্ষিণাং-গৃধ্রশ্যেনাদীনাং, তা অশোভনা ইতি লিঙ্গবিপরিণামেন সম্বন্ধঃ| কৃষ্ণধান্যাদীনাং যদ্দর্শনং বৈদ্যস্য পথি গচ্ছত আতুরগৃহে প্রবিশতো বা তদশোভনম্, অশুভসূচকত্বাত্| উদশ্বিত্-তক্রম্| সর্ষপো-রক্তাভাসঃ| ক্রূরো-নিষ্ঠ্রুরবাদী| শ্বপাকঃ-চাণ্দালঃ| জালং-আনাযঃ| বাগুরা-মৃগবন্ধনী| পূতিঃ-দুর্গন্ধিঃ| দুর্দর্শনঃ-করালাকৃতিঃ| নিঃসারস্য-ব্যপেতসারস্য বস্তুনঃ| ব্যবাযস্য-মৈথুনস্য| কার্পাসাদেরিত্যাদিশব্দেন কার্পাসবুসসীসাদের্দূতচিন্তানির্দিষ্টস্য (শ্লো. ৯) গ্রহণম্| কার্পাসাদেঃ পদার্থস্য দর্শনং পথি গচ্চত আতুরগৃহং প্রবিশতো বাঽশোভনম্| অরের্দর্শনমশোভনম্| প্রকৃতত্বাদ্বৈস্দ্যস্যাত্মশত্রুদর্শনম্| তথা, শযনাদীনামুত্তানানাং-ঊর্ধ্বমুখস্থিতপাদানাং দর্শনম্, তথেতরেষাং-পাত্রাদীনাং ঘটশরাবোদঞ্চনাদীনামধোমুখানাং, দর্শনমশোভনম্|

Adhikarana pakShiNaH SuBASuBAH (23-24) · Śloka 24

| পুংসংজ্ঞাঃ পক্ষিণো বামাঃ স্ত্রীসংজ্ঞা দক্ষিণাঃ শুভাঃ||২৩|| প্রদক্ষিণং খগমৃগা যন্তো, নৈবং শ্বজম্বুকাঃ| |২৪|

পুংসংজ্ঞাঃ-পুংনামানঃ, পক্ষিণো-বর্তকাদযো, বামস্থিতাঃ প্রশস্তাঃ| স্ত্রীনামানো-বলাকাসারিকাদযো, দক্ষিণস্থিতাঃ শুভাঃ| প্রদক্ষিণমিতি বামাদ্দক্ষিণং গচ্ছন্তঃ খগমৃগাঃ শুভাঃ| খগাঃ-কাকাপারাবতাদযঃ| মৃগাঃ-হরিণৈণাদযঃ| যান্তো নৈবং শ্বজম্বুকাঃ,-কিন্তর্হি ? দক্ষিণাদ্বামং গচ্চন্তঃ শুভা ইত্যর্থঃ|

Adhikarana KagamRugAdayaH SuBASuBAH (24-25) · Śloka 25

| অযুগ্মাশ্চ মৃগাঃ শস্তাঃ শস্তা নিত্যং চ দর্শনে||২৪|| চাষভাসভরদ্বাজনকুলচ্চাগবর্হিণঃ| |২৫|

অযুগ্মাঃ-পঞ্চসপ্তা পি(দযো), মৃগাঃ শুভাঃ| চাষাদযো মযূরান্তা নিত্যং দর্শনে-বামতো দক্ষিণতো বা, শস্তাঃ|

Adhikarana ulUkAdayo darSane~aSuBAH (25) · Śloka 25

| অশুভং সর্বথোলূকবিডালসরঠেক্ষণম্||২৫||

সর্বথা-সর্বেণ প্রকারেণ বামতো দক্ষিণতো বা যুগ্মানাম যুগ্মানাং বা, উলূকাদীনাং দর্শনমশুভম্| কীর্তনে তু প্রশস্তা ইত্যেকে|

Adhikarana kolAdayaH kIrtane SuBAH darSane virute cASuBAH,vAnararkShAvato~anyathA (26) · Śloka 26

প্রশস্তাঃ কীর্তনে কোলগোধাহিশশজাহকাঃ| ন দর্শনে ন বিরুতে, বানরর্ক্ষাবতোঽন্যথা||২৬||

Adhikarana aindraM dhanuraBimuKamaSuBamanyataH SuBam ,agnipUrNAdIni pAtrANyaSuBAni (27) · Śloka 27

ধনুরৈন্দ্রং চ লালাটমশুভং, শুভমন্যতঃ| অগ্নিপূর্ণানি পাত্রাণি ভিন্নানি বিশিখানি চ||২৭||

এন্দ্রং ধনুর্লালাটং-অভিমুখং, অশুভম্| অন্যতঃ-পুরঃস্থিতং সম্মুখং বর্জযিত্বা তির্যক্ পৃষ্ঠতো বা স্থিতং, শুভম্| লালাটমিতি ভবার্থে অণ্| লালাটশব্দেনেহ ললাটসমীপো দেশো লক্ষ্যতে, সম্মুখমিত্যর্থঃ| পাত্রাণ্যগ্নিপূর্ণান্যশোভনানি| তথা বিন্নানি-ভগ্নানি| তথা, বিশিখানি-অন্তঃশূন্যানি| ন শুভানীতি বচনবিপরিণামেন সম্বন্ধঃ|

Adhikarana AturagRuhAnnirgacCaddadhyakShatAdima~ggalamaSuBam (28) · Śloka 28

বৈদ্যস্যাতুরগৃহপ্রবেশে শুভাশুভসূচকানি নিমিত্তান্যাহ দধ্যক্ষতাদি নির্গচ্ছদ্বক্ষ্যমাণং চ মঙ্গলম্| বৈদ্যো মরিষ্যতাং বেশ্ম প্রবিশন্নেব পশ্যতি||২৮||

আদিশব্দেনেক্ষুনিষ্পাবাদিপরিগ্রহঃ| দধ্যক্ষতাবাদী (তা আদযো) যস্য মঙ্গলস্য তদেবম্| বৈদ্যঃ প্রবিশন্নেব-তত্কাল এব, আতুরগৃহাদ্দধ্যক্ষতাদি-যদ্বক্ষ্যমাণং, তন্নির্গচ্চত্-নিঃসরত্, মরিষ্যতাং-আসন্নমরণানাং, পশ্যতি|

Adhikarana evaM dUtAdyaSuBaM dRuShTvA~a~aturaM na cikitsayet anyathA yatnataH karuNASuddha manasA ca cikitset (29) · Śloka 29

দূতাদ্যসাধু দৃষ্ট্বৈবং ত্যজেদার্তমতোঽন্যথা| করুণাশুদ্ধসন্তানো যত্নতস্তমুপাচরেত্||২৯||

এবং-পূর্বোক্তেন প্রকারেণ, দূতাদ্যসাধু-অশুভং পূর্বনির্দিষ্টং, দৃষ্ট্বা আর্তং-আতুরং, ত্যজেত্-ন চিকিত্সেত্| আদিশব্দেন শকুনাদের্গ্রহণম্| অতোঽন্যথেতি দূতাদি শুভং দৃষ্ট্বা, তং আতুরং, বৈদ্যো যত্নেন সমুপাচরেত্| কিম্ভূতঃ ? করুণাযা শুদ্ধং নির্মলং, সন্তানং-চেতো, যস্য স এবংভূতঃ সন্|

Adhikarana dadhyakShatAdi ma~ggalam etat pathi veSmapraveSe ca SuBam (30-39) · Śloka 39

অথ তদেব দধ্যক্ষতাদ্যাহ দধ্যক্ষতেক্ষুনিষ্পাবপ্রিযঙ্গুমধুসর্পিষাম্| যাবকাঞ্জনভৃঙ্গারঘণ্টাদীপসরোরুহাম্||৩০|| দূর্বার্দ্রমত্স্যমাংসানাং লাজানাং ফলভক্ষযোঃ| রত্নেভপূর্ণকুম্ভানাং কন্যাযাঃ স্যন্দনস্য চ||৩১|| নরস্য বর্ধমানস্য দেবতানাং নৃপস্য চ| শুক্লানাং সুমনোবালচামরাম্বরবাজিনাম্||৩২|| শঙ্খসাধুদ্বিজোষ্ণীষতোরণস্বস্তিকস্য চ| ভূমেঃ সমুদ্ধতাযাশ্চ বহ্নেঃ প্রজ্বলিতস্য চ||৩৩|| মনোজ্ঞস্যান্নপানস্য পূর্ণস্য শকটস্য চ| নৃভির্ধেন্বাঃ সবত্সাযা বডাবায়াঃ স্ত্রিযা অপি||৩৪|| জীবঞ্জীবকসারঙ্গসারসপ্রিযবাদিনাম্| হংসানাং শতপত্রাণাং বদ্ধস্যৈকপশোস্তথা||৩৫|| রুচকাদর্শসিদ্ধার্থরোচনানাং চ দর্শনম্| গন্ধঃ সুসুরভির্বর্ণঃ সুশুক্লো মধুরো রসঃ||৩৬|| গোপতেরনুকূলস্য স্বনস্তদ্বদ্গবামপি| মৃগপক্ষিনরাণাং চ শোভিনাং শোভনা গিরঃ||৩৭|| ছত্রধ্বজপতাকানামুত্ক্ষেপণমভিষ্টুতিঃ| ভেরীমৃদঙ্গশঙ্খানাং শব্দাঃ পুণ্য়াহনিঃস্বনাঃ||৩৮|| বেদাধ্যযনশব্দাশ্চ সুখো বাযুঃ প্রদক্ষিণঃ| পথি বেশ্মপ্রবেশে চ বিদ্যাদারোগ্যলক্ষণম্||৩৯||

দধ্যক্ষতাদীনাং দর্শনং 'পথি বেশ্মপ্রবেশে চ বিদ্যাদারোগ্যলক্ষণম্|' ইতি বক্ষ্যমাণেন সম্বন্ধঃ| অক্ষতাঃ-যবাঃ, অখণ্ডিতাস্তণ্ডুলা ইত্যন্যে, ধান্যমেবাখণ্ডিতমক্ষতশব্দবাচ্যমিত্যপরে| যাবকং-অলক্তকঃ| ভৃঙ্গারঃ-কনকালুকা| অর্দ্রমত্স্যাঃ, আর্দ্রমাংসম্| আর্দ্রগ্রহণমত্র শুষ্কপরিহারার্থম্| ভক্ষংমোদকাদি| পদ্মরাগাদিকং-রত্নম্| ইভো-হস্তী| নরস্যেতি শৌর্যত্যাগপ্রজ্ঞারাজসত্কারাদিভির্বধমানঃ-প্রতিদিনমুপচযং গতঃ, তথাবিধস্য পুরুষস্য দর্শনং শুভম্| শুক্লানাং সুমনঃপ্রভৃতীনাং দর্শনং শুভম্| বালচামরং-কেশপ্রকীর্ণকম্| বাজী-তুরঙ্গঃ| উষ্ণীষং-শিরোবেষ্টনম্| মনোজ্ঞস্য-হৃদযহারিণোঽন্নপানস্য| শকটস্য-রথস্য, নৃভিঃ-নরৈঃ, পূর্ণস্য-সম্ভৃতস্য| ধেন্বা ইত্যাদি| স্ত্রিযা অপীত্যপিশব্দঃ সমুচ্চযে| যথা ধেন্বাঃ সবত্সাযা দর্শনমেবং বডবাযাঃ স্ত্রিযাশ্চ সবত্সাযাঃ-সাপত্যাযা ইতি| রুচিকো-বলযঃ, আভরণবিশেষঃ| সিদ্ধার্থো-গৌরসর্ষপঃ| গন্ধঃ-সুষ্ঠু সুরভিঃ| বর্ণঃ সুষ্ঠু শুক্লঃ-সিতঃ| রসো মধুরঃ| গোপতেঃ-বৃষভস্য, অনুকূলস্য-অকুপিতস্য, স্বনঃশব্দঃ| তদ্বত্-গোপতিনা তুল্যো, গবামপ্যনুকূলানাং শব্দ ইত্যর্থঃ| তথা, শোভিনাং-প্রশস্তানাং মৃগাদীনাং, প্রশস্তা গিরঃ| বিদ্যাদারোগ্যলক্ষণমিতি যোজ্যম্| মৃগপক্ষিনরা হ্যশোভিনোঽপি শৃগালোলূকপুল্কসচাণ্ডালাদযঃ সন্তি, তড্যবচ্চেদনার্থং শোভিনামিতি বিশেষণম্| শোভিনামপি মৃগাদীনাং ক্ষামরোগার্তামিহতানামশোভনা বাচঃ স্যুঃ তত্ত্যাগার্থং শোভনা ইতি বিশেষণম্| চত্রাদীনামুত্ক্ষেপণং-উত্থাপনম্| পতাকা-বৈজযন্তী| অভিষ্টুতিঃ-প্রযাণকালে জনেন স্তুতির্জযজযেত্যাদিশব্দপূর্বাঽভিমুখমুচ্চারিতা| তথা, ভের্যাদীনাং শব্দাঃ, পুণ্যাহনিঃস্বনাঃ-প্রশস্তশব্দা| অরোগ্যায, ন ত্বপ্রশস্তনিঃস্বনাঃ প্রেতপটহাদিজাঃ| বেদাধ্যযনস্য-বেদপাঠস্য, যে শব্দাস্তে চ শুভাঃ| প্রদক্ষিণঃ-অনুকূলো, বাযুঃ সুখঃ-সুখাবহঃ| পথি বেশ্মপ্রবেশে চৈতদারোগ্যলক্ষণং বিদ্যাত্|

Adhikarana evaM dUtaSakunakathanAnantaraM svapna kathanam (40) · Śloka 40

ইত্যুক্তং দূতশকুনং স্বপ্নানূর্ধ্বং প্রচক্ষতে| |৪০|

ইত্যেবমর্থে পরিসমাপ্তৌ বা| দূতঃ-স্ত্রীপুরুষাদিঃ, ইত্যাদি প্রাগুক্তম্| তথা, চেতনাচেতনরূপঃ শুভাশুভসূচকো দূতবর্জিতো লোকপ্রসিদ্ধঃ-শকুন উক্তঃ| যথা (শ্লো. ১৭)-"হাহাক্রন্দিতং" ইত্যাদি| ইতি-এবং, উক্তং-অভিহিতম্| অতো দূতশকুনাদূর্ধ্বং-অনন্তরং, স্বপ্নান্ প্রচক্ষতে-সম্যগ্ ভণিষ্যতি, তন্ত্রকার ইতি শেষঃ| স্বপ্নলক্ষণমষ্টঙ্গসঙ্গ্রহে কথিতম্| যথা (সূ. অ. ৯)- "সর্বেন্দ্রিযব্যুপরতৌ মনোঽনুপরতং যদা| বিষযেভ্যস্তদা স্বপ্নং নানারূপং প্রপশ্যতি||" ইতি| তথা (সং. সূ. অ. ৯)- "শ্লেষ্মাবৃতেষু স্রোতঃসু শ্রমাদুপরতেষু চ| ইন্দ্রিযেষু স্বকর্মভ্যো নিদ্রাঽঽবিশতি দেহিনম্||" ইতি নিদ্রালক্ষণম্|

Adhikarana jvareNa SIGraM mariShyataH svapnaH (40-41) · Śloka 41

| স্বপ্নে মদ্যং সহ প্রেতৈর্যঃ বিপন্ কৃষ্যতে শুনা||৪০|| স মর্ত্যৌ মৃত্যুনা শীঘ্রং জ্বররূপেণ নীযতে| |৪১|

যো মর্ত্যঃ-পুরুষঃ, স্বপ্নে-স্বপ্নাবস্থাযাং, প্রেতৈঃ সহ মদ্যং পিবন্ শুনা কৃষ্যতে-আক্রম্যতে, স মৃত্যুনা জ্বররূপেণ শীঘ্রং অহিরাত্ কতিপযৈরেব দিবসৈঃ, নীযতে, লিকান্তরমিতি শেষঃ|

Adhikarana raktapittena SIGraM mariShyataH svapnaH (41-42) · Śloka 42

| রক্তমাল্যবপুর্বস্ত্রো যো হসন্ হ্রিযতে স্ত্রিযা||৪১|| সোঽস্রপিত্তেন| |৪২|

রক্তমাল্যো রক্তবপূ রক্তবস্ত্রশ্চ যো মর্ত্যো হসন্ স্ত্রিযা স্বপ্নে হ্রিযতে-আকৃষ্যত আক্রম্যতে, সোঽস্রপিত্তেন মৃত্যুনা শীঘ্রং নীযতে|

Adhikarana rAjayakShmaNA SIGraM mariShyataH svapnaH (42) · Śloka 42

মহিষশ্বরাহোষ্ট্রগর্দভৈঃ| যঃ প্রযাতি দিশং যাম্যাং মরণং তস্য যক্ষ্মণা||৪২||

যো মহিষাদিভিঃ করণভূতৈর্যাম্যাং দক্ষিণাং দিশং, স্বপ্নে প্রযাতি, তস্য যক্ষ্মণা মরণং ভবতি|

Adhikarana gulmenaSIGraM mariShyataH svapnaH (43) · Śloka 43

লতা কণ্টকিনী বংশস্তালো বা হৃদি জাযতে| যস্য তস্যাশু গুল্মেন|৪৩|

মর্ত্য ইতি প্রথমান্তোঽপীহার্থবশাত্ ষষ্ঠ্যন্তঃ সম্বধ্যতে| যস্য মর্ত্যস্য স্বপ্নে কণ্টকযুক্তা লতা হৃদযে জাযতে, বংশো বা-অথবা তালঃ, তস্য শীঘ্রং গুল্মেন মরণং ভবেত্| সঙ্গ্রহেত্বেবমুক্তম্ (শা. অ. ১২)- "যস্য কণ্টকিনী লতা বংশ স্তালো বা হৃদি জাযতে স গুল্মেন| যস্য তু শিরসি স শিরোরোগেণ শস্ত্রেণ বা শিরঃচ্চেদনেন|" ইতি|

Adhikarana kuShTena SIGraM mariShyataH svapnaH (43-44) · Śloka 44

| যস্য বহ্নিমনর্চিষম্||৪৩|| জুহ্নতো ঘৃতসিক্তস্য নগ্নস্যোরসি জাযতে| পদ্মং স নশ্যেত্কুষ্ঠেন|৪৪|

যস্য মর্ত্যস্য নগ্নস্যাজ্যাভ্যক্তস্য বহ্নিমনর্চিষং-জ্বালারহিতং, জুহ্নত উরসি পদ্মং স্বপ্নে জাযতে, স নরঃ কুষ্ঠেন নশ্যেত্|

Adhikarana prameheNa SIGraM mariShyataH svapnaH (44-45) · Śloka 45

| চণ্ডালৈঃ সহ যঃ পিবেত্||৪৪|| স্নেহং বহুবিধং স্বপ্নে স প্রমেহেণ নশ্যতি| |৪৫|

চণ্ডালৈঃ সহ বহুবিধং-অনেকপ্রকারং, স্নেহং-ঘৃততৈলাদিকং, যো মর্ত্যঃ স্বপ্নে পিবেত্, স প্রমেহেণ নশ্যতি| স্বপ্নে প্রকৃতেঽপি পুনঃ স্বপ্নগ্রহণং কৃতং স্পষ্টার্থম্|

Adhikarana unmAdenaSIGraM mariShyataH svapnaH (45) · Śloka 45

| উন্মাদেন জলে মজ্জেদ্যো নৃত্যন্ রাক্ষসৈঃ সহ||৪৫||

উন্মাদেন স নশ্যতি, যো রাক্ষসৈঃ সহ নৃত্যন্ জলে মজ্জেত্|

Adhikarana apasmAreNa SIGraM mariShyataH svapnaH (46) · Śloka 46

অপস্মারেণ যো মর্ত্যো নৃত্যন্ প্রেতেন নীযতে| |৪৬|

স মর্থ্যোঽপস্মারেণ নশ্যতি, যো নৃত্যন্ প্রেতেন স্বপ্নে নীযতে|

Adhikarana svapne KarAdiBiryAnaM mRutyukArakam (46-47) · Śloka 47

| যানং খরোষ্ট্রমার্জারকপিশার্দূলসূকরৈঃ||৪৬|| যস্য প্রেতৈঃ শৃগালৈর্বা স মৃত্যোর্বর্ততে মুখে| |৪৭|

যস্য নরস্য স্বপ্নে খরাদিভির্যানং ভবতি, স মৃত্যোর্মুখাভ্যন্তরে বর্ততে, অত্যাসন্নবিনাশত্বাত্|

Adhikarana apUpAdiBakShaNam mRutyukArakam (47-48) · Śloka 48

| অপূপশষ্কুলীর্জগ্ধ্বা বিবুদ্ধস্তদ্বিধং বমন্||৪৭|| ন জীবতি| |৪৮|

অপূপান্ শষ্কুলীর্বা জগ্ধ্বা-ভক্ষযিত্বৈবং স্বপ্নে দৃষ্ট্বা, বিবুদ্ধঃ সন্ তদ্বিধং-অপূপশষ্কুলিপ্রাযমেব, বমেত্-উদ্গিরেত্, স ন জীবতি|

Adhikarana akShirogakArakaH svapnaH (48) · Śloka 48

অক্ষিরোগায সূর্যন্দুগ্রহণেক্ষণম্| |৪৮|

সূর্যচন্দ্রযোর্গ্রহণদর্শনমক্ষিরোগায|

Adhikarana drUgvinASakaH svapnaH (48) · Śloka 48

| সূর্যাচন্দ্রমসোঃ পাতদর্শনং দৃগ্বিনাশনম্||৪৮||

স্বপ্নে সূর্যাচন্দ্রমসোঃ পতনদর্শনং মর্ত্যস্য দৃষ্টিবিনাশনম্| সূর্যাচন্দ্রমসোরিতি "দেবতাদ্বন্দ্বে চ" ইত্যানঙাদেশঃ|

Adhikarana anye~aSuBAH svapnAH (49-58) · Śloka 58

মূর্ধ্নি বংশলতাদীনাং সম্ভবো বযসাং তথা| নিলযো মুণ্ডতা কাকগৃধ্রাদ্যৈঃ পরিবারণম্||৪৯|| তথা প্রেতপিশাচস্ত্রীদ্রবিডান্ধ্রগবাশনৈঃ| সঙ্গো বেত্রলতাবংশতৃণকণ্টকসঙ্কটে||৫০|| শ্বভ্রশ্মশানশযনং পতনং পাংসুভস্মনোঃ| মজ্জনং জলপঙ্কাদৌ শীঘ্রেণ স্রোতসা হৃতিঃ||৫১|| নৃত্ববাদিত্রগীতানি রক্তস্রগ্বস্ত্রধারণম্| বযোঙ্গবৃদ্ধিরভ্যঙ্গো বিবাহঃ শ্মশ্রুকর্ম চ||৫২|| পক্বান্নস্নেহমদ্যাশঃ প্রচ্চর্দনবিরেচনে| হিরণ্যলোহযোর্লাভঃ কলির্বন্ধপরাজযৌ||৫৩|| উপানদ্যুগনাশশ্চ প্রপাতঃ পাদচর্মণোঃ| হর্ষো ভৃশং প্রকুপিতৈঃ পিতৃভিশ্চাবভর্ত্সনম্||৫৪|| প্রদীপগ্রহনক্ষত্রদন্তদৈবতচক্ষুষাম্| পতনং বা বিনাশো বা, ভেদনং পর্বতস্য চ||৫৫|| কাননে রক্তকুসুমে পাপকর্মনিবেশনে| চিতান্ধকারসম্বাধে জনন্যাং চ প্রবেশনম্||৫৬|| পাতঃ প্রাসাদশৈলাদের্মত্স্যেন গ্রসনং তথা| কাষাযিণামসোম্যানাং নগ্নানাং দণ্ডধারিণাং||৫৭|| রক্তাক্ষাণাং চ কৃষ্ণানাং দর্শনং জাতু নেষ্যতে| |৫৮|

জাতু নেষ্যত ইতি বক্ষ্যমাণেন সম্বন্ধঃ| বংশলতাদীনাং মূর্ধ্নি-শিরসি, সম্ভবো-জন্ম, জাতু নেষ্যতে| এবমগ্রেঽপি যোজ্যম্| তথা, বযসাং-পক্ষিণাং, মূর্ধ্নি নিলযো-নিলযনম্| তথা, মুণ্ডতা-কৃতমুণ্ডনত্বম্| কাকাদ্যৈঃ পরিবারণং-পরিবৃতত্বম্| ন কেবলং কাকাদ্যৈঃ, প্রেতাদ্যৈশ্চেতি তথাশব্দস্যার্থঃ| গবাশনাঃ গোমাংসভক্ষাঃ, তৈঃ| বেত্রাদিসঙ্কটে-সংবৃতে, সঙ্গঃ-দ্বারালাভঃ, তত্রৈব নিঃসারমপশ্যতঃ| শ্বভ্রে শ্মশানে চ শযনং-স্বপনম্| পাংসৌ ভস্মনি চ পতনম্| জলপঙ্কাদিকে মজ্জনং-বৃডনম্| আদিশব্দেন কূপকলুষোদকাদি গৃহ্যতে| স্রোতসা শীঘ্রেণ হৃতিঃ-হরণম্| নৃত্যং চ বাদিত্রং চ গীতং চ তানি| তথা, স্রক্ চ বস্ত্রং চ স্রগ্বস্ত্রে, রক্তে চ তে স্রগ্বস্ত্রে চ, তযোর্ধারণম্| বযশ্চাঙ্গং চ, তযোর্বৃদ্ধিঃ| অভ্যঙ্গঃ-অভ্যঞ্জনম্| বিবাহঃ-পরিণযঃ| শ্মশ্রুকর্ম-মুখব্যঞ্জনমুণ্ডনম্| পক্বান্নং-মণ্ডকাদিঃ, স্নেহঃ-তৈলাদিঃ, মদ্যং-সীধ্বাদি, তেষামাশো-ভক্ষণম্| প্রচ্চর্দনং-বমিঃ| বিরেচনং-বিরেকঃ| হিরণ্যস্য-রুক্মাদেঃ, লোহস্য চ লাভঃ| সঙ্গ্রহে তূক্তম্ (শা. অ. ১২)- "লভতে বা হিরণ্যলোহলবণ" ইতি| কলিঃ-অনর্থঃ| বন্ধো-বন্ধনম্| পরাজযঃ-পরিভবঃ| উপানদ্যুগস্য নাশঃ| পাদস্য চর্মণশ্চ প্রকর্ষেণ পতনম্| ভৃশং-অতিশযেন, হর্ষঃ| পিতৃভিঃ প্রকুপিতৈরবভর্ত্সন-সন্তর্জনম্| প্রদীপাদীনাং পতনমথবা বিনাশঃ| পর্বতস্য চ ভেদনম্| কাননে-বনে, রক্তপুষ্পে প্রবেশনমিতি সম্বন্ধঃ| পাপকর্মাণাং-পাপিনাং, নিবেশনে-গৃহে, প্রবেশনম্| চিন্তাযামন্ধকারসম্বাধে-তমঃসঙ্কটে, জনন্যাংমাতরি, চ প্রবেশনম্| প্রাসাদাত্ পর্বতাদ্বা পাতঃ-পতনম্, আদিশব্দেন বৃক্ষগৃহাদের্গ্রহণম্| মত্স্যেন গ্রসনং-নিগরণম্| কষাযেণ রক্তং বস্ত্রং-কাষাযম্, তদ্বিদ্যতে যেষামিতীনিঃ| তেষাং কাষাযিণাং-কাশাযবস্ত্রাবৃতানাং, তথা অসৌম্যানাং-দুর্দর্শানাং, তথা নগ্নানাং-বিবস্ত্রাণাং, তথা দণ্ডধারিণাং-দণ্ডিনাং, তথা রক্তযনানাং কৃষ্ণবর্ণানাং চ নৃণাং জাতু-কদাচিত্, ন দর্শনমিষ্যতে, স্বপ্নেঽশুভহেতুত্বাত্|

Adhikarana svapne kAlaniSA (58-59) · Śloka 59

| কৃষ্ণা পাপাননাচারা দীর্ঘকেশনখস্তনী||৫৮|| বিরাগমাল্যবসনা স্বপ্নে কালনিশা মতা| |৫৯|

এবংবিধা স্ত্রী স্বপ্নে কালনিশা-তদ্বিধা, মতা| কৃষ্ণাকৃষ্ণবর্ণা| তথা, পাপমাননমাচারশ্চ যস্যাঃ সা| তথা, দীর্ঘাঃ কেশা নখাঃ স্তনৌ চ যস্যাঃ সৈবম্| "স্বাঙ্গাচ্চোপসর্জনাত্" ইতি ঙীপ্| মাল্যং চ বসনং চ মাল্যবসনম্| বিগতো রাগো যস্য মাল্যবসনস্য তদেবংভূতং মাল্যবসনং যস্যাঃ সৈবম্|

Adhikarana svapnasaMprAptiH (59-60) · Śloka 60

| মনোবহানাং পূর্ণত্বাত্স্রোতসাং প্রবলৈর্মলৈঃ||৫৯|| দৃশ্যন্তে দারুণাঃ স্বপ্না রোগী যৈর্যাতি পঞ্চতাম্| অরোগঃ সংশযং প্রাপ্য কশ্চিদেব বিমুচ্যতে||৬০||

মনঃ-চেতো, বহন্তি যানি বিশেষেণ হৃদাশ্রিতানি স্রোতাংসি তানি মনোবহানি, তেষাং মনোবহানাং প্রবলৈঃ-অতিবলবদ্ভিঃ, মলৈঃ-মলিনীকরণস্বভবৈর্বাতপিত্তশ্লেষ্মভিঃ, পুর্ণত্বাত্ দারুণাঃ-ঘোরা অপ্রশস্তাঃ, স্পপ্না দৃশ্যন্তে-অনুভূযন্তে| যৈঃস্বপ্নৈর্দৃষ্টৈঃ, রোগী-আতুরঃ, পঞ্চতাং যাতি-মরণং প্রাপ্নোতি, তথা স্বভাবত্বাদৈষাং স্বপ্নানাম্| অরোগ ইত্যাদি| স্বস্থো নরঃ সংশযং-জীবিতসংদেহং, প্রাপ্য কশ্চিদেব-বহূনাং মধ্যাত্পুণ্যবান্নিযতাযুরেব, বিমুচ্যতে, মরণাদিতি, শেষঃ| স্বপ্নভেদানিদানীমাহ-

Adhikarana svapnaH saptavidhaH (7) · Śloka 61

দৃষ্টঃ শ্রুতোঽনুভূতশ্চ প্রার্থিতঃ কল্পিতস্তথা| ভাবিকো দোষজশ্চেতি স্বপ্নঃ সপ্তবিধো মতঃ||৬১||

চঃ সমুচ্চযে| ইতিঃ প্রকারে| দৃষ্টাদিনা প্রকারেণ স্বপ্নঃ সপ্তবিধো মতঃ,-সপ্ত স্বপ্না ইত্যর্থঃ| দৃষ্টঃ স উচ্যতে,-যশ্চক্ষুষা জাগ্রদবস্থাযাং কিঞ্চিদ্বস্তুজাতং দৃষ্ট্বা তদানীং সুপ্তাবস্থাযাং তাদৃশং বস্তুজাতং সংবিত্তিরূপতযাঽনুভুযতে| ১| যশ্চ শব্দমাত্রেণ বস্তুজাতং শ্রোত্রেন্দ্রিযেণ গৃহ্যতে তদানীং সুপ্তাবস্থাযং তাদ্রুক্সংবিত্তিরূপতযাঽনুভূযতে, স শ্রুত উচ্যতে| ২| যস্তু জাগ্রদবস্থাযাং যথাযথমিন্দ্রিযৈরনুভূযতে সুপ্তাবস্থাযাং তাদৃগন্তঃসংবিত্তিরূপতযাঽনুভূযতে, সোঽনুভূত উচ্যতে| ৩| যস্মিন্ দৃষ্টে শ্রুতেঽনুভূতে বা যত্পূর্বং জাগ্রদবস্থাযাং বস্তুজাতং মনসাঽভ্যর্থ্যতে তথৈব চ সুপ্তাবস্থাযামন্তঃসংবিত্তিরূপতযাঽনুভূযতে, স প্রার্থিত উচ্যতে| ৪| যস্তু ষড্ভিঃ প্রত্যক্ষানুমানাদিভির্ন দৃষ্টো নাপি শ্রুতো নাপ্যনুভূতো দৃষ্টশ্রুতানুভূতত্বাভাবাদত এব ন প্রার্থিতঃ, অপি তু কেবলং মনসা যথেচ্চমুত্প্রেক্ষ্য যত্কিঞ্চনরূপাভিঃ কল্পনাভিস্তাভিস্তাভিঃ কল্পিতো জাগ্রদবস্থাযাং বস্তুজাতোঽন্তঃসংবিত্তাবুপারুঢঃ, তদানীং সুপ্তাবস্থাযাং তাদৃগনুভূযতে, স কল্পিত উচ্যতে| ৫| যশ্চ দৃষ্টশ্রুতাদিভ্যঃ স্বপ্নেভ্যোঽন্যো বিলক্ষণস্বপ্নো যথা দৃশ্যতে সুপ্তাবস্থাযামুত্তরকালং তথৈব তত্স্বপ্নদর্শিনা নরেণ তন্মুখাবগততদর্থৈরন্যৈরপি প্রত্যক্ষতো দৃশ্যতে, স ভাবিকঃ| ৬| দোষজঃ স স্বপ্নঃ-যো বাতজঃ পিত্তজঃ কফজো বা যথাযথং দোষগুণানুরূপোঽন্তঃসংবিত্তাবনুভূযত ইতি| ৭|

Adhikarana niShpalAH svapnAH (62) · Śloka 62

তেষ্বাদ্যা নিষ্ফলাঃ পঞ্হ্চ যথাস্বপ্রকৃতির্দিবা| বিস্মৃতো দীর্ঘহ্রস্বোঽতি|৬২|

তেষু স্বপ্নেষুমধ্যাদ্যে পঞ্চাদ্যাঃ-আদৌ পঠিতা দৃষ্টাদযঃ তে নিষ্ফলাঃ-ন তে যথানুরূপং ফলং শুভমশুভং বা দদতি| যথাস্বপ্রকৃতিঃ-যথাদোষজো, যঃ স্বপ্নঃ সোঽপি নিষ্ফলঃ-নাসৌ যথানুরূপং শুভাশুভলক্ষণং ফলং দদাতি| বাতপ্রকৃতের্বাতপ্রকৃত্যনুরূপতঃ স্বপ্নো যাবদ্দ্বন্দ্বপ্রকৃতের্দ্বেন্দ্বপ্রকৃত্যনরূপতঃ সন্নিপাতরূপতো বাঽফলঃ| তথা দিবা দৃষ্টো যঃ স্বপ্নঃ, তথা বিস্মৃতঃ, তথাঽতিদীর্ঘোঽতিহ্রস্বো বা যঃ স্বপ্নঃ, স পঞ্চবিধব্যতিরিক্তোঽপ্যফলঃ|

Adhikarana cireNAlpaPalAH svapnaH (62-63) · Śloka 63

| পূর্বরাত্রে চিরাত্ফলম্||৬২|| দৃষ্টঃ করোতি তুচ্চং চ| |৬৩|

পূর্বরাত্রে দৃষ্টঃ স্বপ্নশ্চিরাত্-চিরেণ কালেন, ফলং তুচ্চং-অল্পং, ন যথাপরিভাষিতং, বিদধাতি| কেচিত্ত্বাহুঃ,-চেতি বিকল্পার্থে, চিরেণ কালেন তুচ্চং বেত্যর্থঃ| পূর্বরাত্র ইতি "অহঃ সর্বৈকদেশ" ইতি সমাসান্তঃ|

Adhikarana tadaharmahatPalAH svapnaH (63) · Śloka 63

গোসর্গে তদহর্মহত্| নিদ্রযা বাঽনুপহতঃ প্রতীপৈর্বচনৈস্তথা||৬৩||

গোসর্গে-গবাং মোক্ষকালে, যো দৃষ্টঃ স্বপ্নঃ স তদহঃ-তস্মিন্নেবাহনি, ফলং মহত্করোতীতি যোজ্যম্| তদহরিত্যহঃশব্দঃ সপ্তম্যর্থবৃত্তিরব্যযঃ| শুভঃ স্বপ্নো দৃষ্টো রাত্রিশেষে নিদ্রযা বা যদ্যনুপহতো-যস্মিন্স্বপ্নে দৃষ্টেঽনন্তরং ন সুপ্যতে, স স্বপ্নো মহত্ ফলং করোতি| অন্যথা স্বল্পম্| প্রতীপৈঃ-অননুকূলৈর্বচনৈশ্চ, অনুপহতঃ-অনভ্যাহতঃ, শুভঃ স্বপ্নো দৃষ্টো মহত্ ফলং করোতি|

Adhikarana dAnAdiBirduHsvapnasyAlpaPalatvam (64) · Śloka 64

এবং শুভং স্বপ্নং প্রত্যুক্ত্বাঽশুভং স্বপ্নং প্রত্যাহ যাতি পাপোঽল্পফলতাং দানহোমজপাদিভিঃ| |৬৪|

পাপঃ-অশুভঃ স্বপ্নঃ, অল্পফলতাং যাতি| কৈঃ ? দানাদিভিঃ| আদিগ্রহণাত্ ধ্যাননিযমাদযো গৃহ্যন্তে|

Adhikarana duHsvapnAnantaraM SuBasvapnadarSane SuBaM Palam (64-65) · Śloka 65

| অকল্যাণমপি স্বপ্নং দৃষ্ট্বা তত্রৈব যঃ পুনঃ||৬৪|| পশ্যেত্সৌম্যং শুভং তস্য শুভমেব ফলং ভবেত্| |৬৫|

অকল্যাণমপি-অশুভসূচকত্বাদশুভং [অপি], স্বপ্নং দৃষ্ট্বা তত্রৈব-তস্মিন্নেবাবসরেঽশুভস্বপ্নদর্শনসমনন্তরে কালে, সৌম্যকরংশুভসূচকত্বাচ্চুভং স্বপ্নং যঃ পশ্যেত্তস্য জন্তোস্তস্য বা স্বপ্নস্য শুভমেব-কল্যাণরূপমেব, ফলং ভবেত্, ন পূর্বদৃষ্টমশুভমিত্যেবশব্দার্থঃ| অপিশব্দাত্ কল্যাণং স্বপ্নং দৃষ্ট্বা যস্তত্রৈব বা স্বপ্নমধ্যে সুপ্তোঽশুভং চ স্বপ্নং পশ্যেত্, তস্যাশুভমেব ফলং ভবেত্, ন পূর্বদৃষ্টং শুভমিতি বোধ্যম্| ননু, এবং সতি স্বপ্নানামনিশ্চতফলত্বং প্রাপ্নোতি| ততশ্চ "স্বপ্নে মদ্যং সহ প্রেতৈঃ" (শ্লো.৪০) ইত্যাদিনা যদুক্তং তদন্যথাঽপি স্যাত্| যতোঽশুভলক্ষণোঽপ্যেবং দানাদিভিশ্চান্যথা সম্পদ্যতে| ততশ্চানিশ্চিতফলত্বান্মরণং প্রতি নাসৌ নিশ্চিতো হেতুঃ| এবমন্যেঽপি যে স্বপ্নাঃ প্রতিনিযতা রক্তপিত্তাদীনাং ব্যাধীনাং হেতবো নির্দিষ্টাঃ, তেঽপি তথৈব বোদ্ধব্যাঃ| অত্রাচক্ষ্মহে| নিশ্চিতানিশ্চিতফলস্বভাবত্বাত্ স্বপ্নানামদোষঃ| তথা হি-কেচিত্স্বপ্না নিশ্চিতফলস্বভাবা নির্দিষ্টাঃ| যথা-"স্বপ্নে মদ্যং সহ প্রেতৈঃ" ইত্যাদযঃ| কেচিদনিশ্চিতফলস্বভাবাঃ| যথা-"মূর্ধ্নি বংশলতাদীনাং" (শ্লো-৪৯) ইত্যারভ্য যাবত্ "রক্তাক্ষাণাং চ কৃষ্ণানাং দর্শনং জাতু নেষ্যতে" ইত্যেবমন্তেন গ্রন্থেন যে নির্দিষ্টাঃ| তত্র যে নিশ্চিতফলস্বভাবাস্তেষাং ন কথঞ্চিদপ্যন্যথা কর্তুং পার্যতে| প্রাক্তনস্য কর্মণস্তথারূপস্য বলবত্ত্বাত্| যে ত্বনিশ্চিতফলস্বভাবাঃ "মূর্ধ্নি বংশলতাদীনাং" ইত্যাদযঃ| তেষাং স্পপ্নান্তরদর্শনাদিভিরন্যথা সদ্ভাবঃ সম্ভাব্যত ইতি| "পশ্যেত্সৌম্যং" ইত্যুক্তম্| অত্স্তানেব সৌম্যান্ স্বপ্নান্ দর্শযিতুমাহ-

Adhikarana AyurArogyadravyadAH SuBAH svapnAH (65-71) · Śloka 71

| দেবান্ দ্বিজান্ গোবৃষভান্ জীবতঃ সুহৃদো নৃপান্||৬৫|| সাধূন্ যশস্বিনো বহ্নিমিদ্ধং স্বচ্চান্ জলাশযান্| কন্যাঃ কুমারকান্ গৌরান্ শুক্লবস্ত্রান্সুতেজসঃ||৬৬|| নরাশনং দীপ্ততনুং সমন্তাদ্রুধিরোক্ষিতম্| যঃ পশ্যেল্লভতে যো বা চত্রাদর্শবিষামিষম্||৬৭|| শুক্লাঃ সুমনসো বস্ত্রমমেধ্যালেপনং ফলম্| শৈলপ্রাসাদসফলবৃক্ষসিংহনরদ্বিপান্||৬৮|| আরোহেদ্গোশ্বযানং চ, তরেন্নদহদোদধীন্| পূর্বোত্তরেণ গমনমগম্যাগমনং মৃতম্||৬৯|| সম্বাধান্নিঃসৃতির্দেবৈঃ পিতৃভিশ্চাভিনন্দনম্| রোদনং পতিতোত্থানং দ্বিষতাং চাবমর্দনম্||৭০|| যস্য স্যাদাযুরারোগ্যং বিত্তং বহু চ সোঽশ্নুতে| |৭১|

কুমারকা-বালকাঃ| বিষং-বত্সনাভাদি| আমিষং-মাংসম্| সুমনসঃ-পুষ্পাণি| শুক্লশব্দো বস্ত্রমিত্যত্রাপি সম্বধ্যতে, অর্থবশাচ্চাস্য নপুংসকত্বমেকত্বং চ বোধ্যম্| দেবাদীন্ যঃ পশ্যেত্, যো বা চত্রাদীন্ লভতে, যশ্চ শৈলাদীন্ সমারোহেত্, যশ্চ নদাদীংস্তরেত্, যস্য বা পূর্বোত্তরগমনাদিকং স্যাত্, স পুরুষ আযুরাদীনশ্নুতে-প্রাপ্নোতি|

Adhikarana Arogyasya lakShaNam (71-73) · Śloka 73

"আরোগ্যমশ্নুতে" ইত্যুক্তম্| অতস্তদেবারোগ্যং লক্ষযিতুমাহ | মঙ্গলাচারসম্পন্নঃ পরিবারস্তথাঽঽতুরঃ||৭১|| শ্রদ্ধধানোঽনুকূলশ্চ প্রভূতদ্রব্যসঙ্গ্রহঃ| সত্ত্বলক্ষণসংযোগো ভক্তির্বৈদ্যদ্বিজাতিষু||৭২|| চিকিত্সাযামনির্বেদস্তদারোগ্যস্য লক্ষণম্| |৭৩|

"প্রশস্তাচরণং নিত্যমপ্রশস্তবিসর্জনম্| এতদ্ধি মঙ্গলং প্রোক্তমৃষিভিস্তত্ত্বদর্শিভিঃ||". আচরণং-আচারঃ সদ্দৃত্তানুষ্ঠানম্| মঙ্গলাচারাভ্যাং সম্পন্নো-যুক্তঃ| কঃ ? পরিবারঃ| তথা, আতুরঃ| শ্রদ্ধধানঃ-অবশ্যং মে ব্যাধিরযমনেন ভেষজেন নশ্যতীত্যেবং মন্যমানঃ| তথা চ, পরিবারোঽনুকূলঃ-দক্ষিণঃ| তথা, প্রভূতস্য দ্রব্যস্য সঙ্গ্রহঃ-সঙ্গ্রহণম্| তথা, সত্ত্বলক্ষণযোঃ সংযোগো, বৈদ্যাদিষু ভক্তিঃ, চিকিত্সাযাং-উপক্রমে, অনির্বেদঃ-সোত্সাহতা, তত্-এতত্, আরোগ্যলক্ষণম্|

Adhikarana kasmAdidaM SArIrasthAnam (6) · Śloka 6

কস্মাদিদং স্থানং শারীরমুচ্যতে ? ইত্যস্য নিরুক্তিমাহ | ইত্যত্র জন্মমরণং যতঃ সম্যগুদাহৃতম্||৭৩|| শরীরস্য ততঃ স্থানং শারীরমিদমুচ্যতে| ৭৩ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা- যামষ্টাঙ্গহৃদযসংহিতাযাং দ্বিতীযে শারীরস্থানে দূতাদিবিজ্ঞানীযো নাম ষষ্ঠোঽধ্যাযঃ||৬||

ইতি-পরিসমাপ্তৌ| অত্র-অস্মিন্স্থানে, যতো-যস্মাত্, শরীরস্য জন্ম সম্যক্-অবিপরীতং গর্ভাবক্রান্ত্যাদিভিশ্চতুর্ভিরধ্যাযৈঃ প্রসক্তানুপ্রসক্তিকযা, উদহৃতম্| মরণং-বিকৃতিবিজ্ঞানীযাখ্যেন তথা দূতাদিবিজ্ঞানীযাখ্যেন চ| ততঃ-শরীরস্য জন্মমরণোদাহরণাত্ কারণাত্, ইদং স্থানং শারীরমুচ্যতে| যদ্যপি সর্ব আযুর্বেদাখ্যো গ্রন্থঃ শরীরমধিকৃত্য প্রবৃত্তঃ, তথাঽপীদং স্থানং সাক্ষাজ্জন্মমরণচিন্তনাচ্চরীরস্য প্রাধান্যেন শারীরং স্থানমুচ্যত ইতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিত্তাযামষ্টাঙ্গহৃদয- টীকাযং সর্বাঙ্গসুন্দরাখ্যাযাং দ্বিতীযে শারীরস্থানে দূতা- দিবিজ্ঞানীযো নাম ষষ্ঠোঽধ্যাযঃ সমাপ্তঃ|| ৬||