4. marmavibhāgaśārīrō'dhyāyaḥ

Adhikarana adhyAyopakramaH · Śloka

অঙ্গবিভাগাদন্তরং মর্মবিভাগং শারীরং প্রারভ্যতে| মর্মণামঙ্গাশ্রিতত্বাত্| যতো মর্মাণ্যঙ্গপ্রত্যঙ্গসমাশ্রিতানি, অতস্তত্রৈব ব্যাখ্যাতুং যুক্তানি, বহুবক্তব্যত্বাত্পৃথগুচ্যন্তে| তস্মাদস্যৈবাধ্যাযস্যারম্ভো যুক্ত ইত্যাহ-

Adhikarana marmaviBAgaSArIro~adhyAyaH (2) · Śloka 2

অথাতো মর্মবিভাগং শারীরং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসূত্রে||২||

ম্রিযতেঽস্মিন্নঙ্গ উপহত ইতি মর্ম| বিভজনং-বিভাগঃ, মর্মণাং বিভাগো মর্মবিভাগঃ| সোঽস্মিন্নধ্যাযেঽস্তীতি মর্মবিভাগঃ| অর্শাদিত্বাদচ্| শারীরস্থান প্রতিবদ্ধত্বাচ্চ শারীরঃ| শেষং পূর্ববত্|

Adhikarana marmaNAM saMKyA (1) · Śloka 1

সুখগ্রহণাদ্যর্থং চ পূর্বং মর্মণাং সঙ্খ্যাং বক্তুমাহ সপ্তোত্তরং মর্মশতম্| |১|

সপ্তোত্তরাণি-অধিকানি, যস্মিন্-শতে, তদেবম্|

Adhikarana teShAM sthAnAni (1-2) · Śloka 2

তেষামেকাদশাদিশেত্| পৃথক্সক্থ্নোস্তথা বাহ্বোস্ত্রীণি কোষ্ঠে নবোরসি||১|| পৃষ্ঠে চতুর্দশোর্ধ্বং তু জত্রোস্ত্রিংশচ্চ সপ্ত চ| |২|

তেষাং-মর্মণাং মধ্যে, পৃথক্-প্রত্যেকং কৃত্বা, সক্থ্নোর্দ্বযোর্বাহ্ণোশ্চ দ্বযোরেকাদশাদিশেত্, এবং চতুশ্চত্বারিংশন্মর্মাণি শাকাসু বিদ্যাত্| কোষ্ঠে-জঠরে, ত্রীণি মর্মাণি| উরসি-বক্ষসি, নবসঙ্খ্যানি| পৃষ্ঠে চতুর্দশ| জত্রোরূর্ধ্বং-জত্রুণ উপরিষ্টাত্, ত্রিংশত্তথা সপ্ত, এবং সপ্তত্রিংশদিত্যর্থঃ| জত্রোরিতি পুংস্ত্বমত্র চিন্ত্যম্| অথবা 'অনিত্যমাগমশাসনম্' ইত্যত্র নুম্ ন কৃতঃ|

Adhikarana talahRunmarmaNaH sthAnaM karma ca (2-3) · Śloka 3

ইদানীমেষাং মর্মণামাপাদতলান্মস্তকং যাবদ্বিশিষ্টদেশসমাশ্রযেণ বিশিষ্টসংজ্ঞান্তরাণি বিশিষ্টকর্মাণি মর্মাণি দর্শযিতুমাহ | মধ্যে পাদতলস্যাহুরভিতো মধ্যমাঙ্গুলিম্||২|| তলহৃন্নাম রুজযা তত্র বিদ্ধস্য পঞ্চতা| |৩|

পাদতলস্য মধ্যে-মধ্যপ্রদেশে, মধ্যমাঙ্গুলিমভিতো-মধ্যমাঙ্গুলেঃ পাদসম্বন্ধিন্যা আভিমুখ্যেন, যত্পাদতলং-পাদপৃষ্ঠং, তত্র তলহৃন্নাম মর্মাহুঃ, পূর্বাচার্যা ইতি শেষঃ| মধ্যমাঙ্গুলিমিতি "আবিতঃ [ পরিতঃ সমযানিকষাহাপ্রতিযোগেঽপি" ইতি ] শব্দপ্রযোগে দ্বিতীযা| তত্র-তস্মিন্, বিদ্ধস্য-আহতস্য, পঞ্চতা-মরণং, ভবতি| কযা? রুজযা,-বেদনযা|

Adhikarana kShiprasya sthAnaM karma ca (3) · Śloka 3

| অঙ্গুষ্ঠাঙ্গুলিমধ্যস্থং ক্ষিপ্রমাক্ষেপমারণম্||৩||

অঙ্গুষ্ঠশ্চাঙ্গুলিশ্চ, তযোর্মধ্যস্থং-অঙ্গুষ্ঠাঙ্গুলিমধ্যস্থিতং, ক্ষিপ্রংনাম মর্ম| তদ্বিদ্ধমাক্ষেপমারণং-আক্ষেপকাখ্যেন বাতব্যাধিনা মারযতি|

Adhikarana kUrcasya sthAnaM karma ca (4) · Śloka 4

তস্যোর্ধ্বং দ্ব্যঙ্গুলে কূর্চঃ পাদভ্রমণকম্পকৃত্| |৪|

তস্যোর্ধ্বং-তস্য ক্ষিপ্রাখ্যস্য মর্মণ উপরিষ্টাত্, দ্ব্যঙ্গুলে-দ্ব্যঙ্গুলং বিমুচ্য, কূর্চো নাম মর্ম| তদ্বিদ্ধং পাদস্য ভ্রমণং কম্পং চ করোতি|

Adhikarana kUrchaSirasaH sthAnaM karma ca (4) · Śloka 4

| গুল্ফসন্ধেরধঃ কূর্চশিরঃশোফরুজাকরম্||৪||

গুল্ফসন্ধেরধঃ কূর্চশিরো নাম মর্ম| তদ্বিদ্ধং শোফরুজাকরম্|

Adhikarana gulPasya sthAnaM karma ca (5) · Śloka 5

জঙ্ঘাচরণযোঃ সন্ধৌ গুল্ফো রুক্স্তম্ভমান্দ্যকৃত্| |৫|

জঙ্ঘাচরণযোঃ সন্ধৌ-সন্ধিপ্রদেশে, গুল্ফো নাম মর্ম| তদ্বিদ্ধং রুক্ চ স্তম্ভশ্চ মান্দ্যং চ, তানি করোতি| স্তম্ভঃ স্তব্ধত্বমিবাঙ্গস্য|

Adhikarana indrabasteH sthAnaM karma ca (5) · Śloka 5

| জঙ্ঘান্তরে ত্বিন্দ্রবস্তির্মারযত্যসৃজঃ ক্ষযাত্||৫||

জঙ্ঘন্তরে-জঙ্ঘামধ্যে পার্ষ্ণিপ্রভৃতিদ্বাদশভিরঙ্গুলৈঃ, ইন্দ্রবস্তির্নাম মর্ম| তদ্বিদ্ধং রক্তক্ষযান্মারযতি, নান্যথা| তস্মাদ্রক্তস্তম্ভনে যতিতব্যমিতি প্রতিপাদনার্থমসৃক্ক্ষযাদিতি হেতুরুপন্যস্তঃ| এষ এব ন্যাযোঽন্যত্রাপ্যনুসর্তব্যঃ| তেন যত্র যদ্ধেতুকং মারণাদিকং কর্ম ব্যধে কথিতং, তত্র তচ্চিকিত্সাযাং যতিতব্যমিতি|

Adhikarana jAnunaH sthAnaM karma ca (6) · Śloka 6

জঙ্হ্ঘোর্বোঃ সঙ্গমে জানু খঞ্জতা তত্র জীবতঃ| |৬|

জঙ্ঘোর্বোঃ সঙ্গমে-সন্ধৌ, জানুনাম মর্ম| তত্র-জানুনি বিদ্ধে, পুরুষো ম্রিযত এব| অথ জীবতি ততোঽস্য জীবতঃ পুংসঃ খঞ্জতা স্যাদিতি| অর্থাত্ প্রাযেণ মরণং পুরুষস্যেতি বোধযতি|

Adhikarana ANImarmaNaH sthAnaM karma ca (6) · Śloka 6

| জানুনস্ত্র্যঙ্গুলাদূর্ধ্বমাণ্যূস্তম্ভশোফকৃত্||৬||

জানুনঃ-জানুসন্ধেঃ, ত্র্যঙ্গুলাদূর্ধ্বমাণীনাম মর্ম| তদ্বিদ্ধমূরুস্তম্ভশোফকরম্|

Adhikarana urvImarmaNaH sthAnaM karma ca (7) · Śloka 7

উর্ব্যূরুমধ্যে তদ্বেধাত্সক্থিশোষোঽস্রসঙ্ক্ষযাত্| |৭|

উর্বী নাম মর্ম ঊরুমধ্যে| তদ্বেধাত্-তদভিঘাতাত্, সক্থিশোষঃ-ঊরুকার্শ্যম্| সক্থিশোষোঽস্রসঙ্ক্ষযাত্,স্যাত্ নান্যথা ব্যধে সত্যপি|

Adhikarana lohitAkShasya sthAnaM karma ca (7) · Śloka 7

| ঊরুমূলে লোহিতাক্ষং হন্তি পক্ষমসৃক্ক্ষযাত্||৭||

ঊরুমূলে- উর্ব্যাস্তূর্ধ্বং বঙ্ক্ষণসন্ধেরধস্তাল্লোহিতাক্ষং নাম মর্ম| তদ্বিদ্ধং পক্ষং হত্যসৃক্ক্ষযাত্ ব্যধে সত্যপি|

Adhikarana viTapasya sthAnaM karma ca (8) · Śloka 8

মুষ্কবঙ্ক্ষণযোর্মধ্যে বিটপং ষণ্ঢতাকরম্| |৮|

মুষ্কবঙ্ক্ষণযোর্মধ্যে বিটপং নাম মর্ম| তদ্বিদ্ধং পুংসঃ ষণ্ঢতাকরং-নিরপত্যতাকরম্|

Adhikarana iti sakthnoH pratyekamekAdaSa marmANi ,tathA bAhvoH pratyekamekAdaSa ,atra maNibandha kUrparakakShAdhRu~gmarmaNAM sthAnaM karma , (8-9) · Śloka 9

| ইতি সক্থ্নোস্তথা বাহ্ণোর্মণিবন্ধোঽত্র গুল্ফবত্||৮|| কূর্পরং জানুবত্কৌণ্যং তযোর্বিটপবত্পুনঃ| কক্ষাক্ষমধ্যে কক্ষাধৃক্ কুণিত্বং তত্র জাযতে||৯||

ইতি-এবমনেন প্রকারেণ, সক্থ্নোর্দ্বযোঃ প্রত্যেকমেকাদশ মর্মাণি ভবন্তি| তথা বাহ্বোঃ-তেনৈব প্রকারেণ বাহ্বোঃ, তলহৃদাদীন্যেকাদশ মর্মাণি ভবন্তি| অথ কিঞ্চিন্মাত্রমত্র বিশেষমাহমণীত্যাদি| অত্র-বাহুমর্মসু, গুল্ফেন তুল্যো মণিবন্ধঃ, সংজ্ঞামাত্রভেদঃ, জানুতুল্যং কূর্পরম্| তযোঃ-মণিবন্ধকূর্পরাখ্যযোর্বাহুমর্মণোঃ, বিদ্ধযোঃ কৌণ্যং-পাণিপাণ্যঙ্গুলীকুব্জত্বম্| বিটপেত্যাদি| কক্ষা চাক্ষশ্চ কক্ষাক্ষৌ, তযোর্মধ্যে বিটপেন তুল্যং কক্ষাধৃক্সংজ্ঞং মর্ম| তত্র বিদ্ধে সতি কুণিত্বং-বাহুপাণ্যঙ্গুলিকুব্জতা, জাযতে|

Adhikarana gudamarmaNaH sthAnaM karma ca (10) · Śloka 10

ইতি শাখাসু মর্মাণি চতুশ্চত্বারিংশদুক্ত্বা, অন্তরাধৌ কথযতি স্থূলান্ত্রবদ্ধঃ সদ্যোঘ্নো বিড্বাতবমনো গুদঃ| |১০|

স্থূলান্ত্রসূক্ষ্মান্ত্রভেদাত্ দ্বিধাঽন্ত্রম্| তত্র স্থূলান্ত্রবদ্ধো গুদো নাম মর্মবিশেষঃ| স চ বিড্বাতৌ-বাতবর্চসী, বমতিউদ্গিরতি, ইতি বিড্বাতবমনঃ| বাহুলকাত্কর্তরি ল্যুট্| স গুদঃ সদ্যঃ-তত্ক্ষণাদেব, হন্তি| সদ্যোঘ্ন ইতি "অমনুষ্যকর্তৃকে চ" ইতি ঠক্| গুদশব্দস্যাত্র পুংস্ত্বং চিন্ত্যম্, ন চার্ধর্চাদিষ্বযমস্তি|

Adhikarana bastimarmaNaH sthAnaM karma ca (10-12) · Śloka 12

অধুনা বস্ত্যাখ্যমাহ | মূত্রাশযো ধনুর্বক্রো বস্তিরল্পাস্রমাংসগঃ||১০|| একাধোবদনো মধ্যে কট্যাঃ সদ্যো নিহন্ত্যসূন্| ঋতেঽশ্মরীব্রণাদ্বিদ্ধস্তত্রাপ্যুভযতশ্চ সঃ||১১|| মূত্রস্নাব্যেকতো ভিন্নে ব্রণো রোহেচ্চ যত্নতঃ| |১২|

মূত্রস্যাশয আধারো মূত্রাশযো-যত্র মূত্রং তিষ্ঠতি, স ধনুর্বক্রঃ-চাপবত্ কুটিলঃ| অনেনাস্য সংস্থানমুক্তম্| স চ বস্তিনাম মর্মবিশেষঃ| অস্রং চ মাংসং চাস্রমাংসে, অল্পে অস্রমাংসে গচ্ছতি| "অন্যেভ্যোঽপি দৃশ্যতে" ইতি ডঃ| তত্রাস্থো ন বহুরক্তমাংসপ্রদেশ ইত্যর্থঃ| তথা, একমধোবদনং যস্যাসাবেকাধোবদনঃ| কট্যা মধ্য ইতি স্থাননির্দেশঃ| কট্যা মধ্যপ্রদেশেঽসাববতিষ্ঠতে| স বিদ্ধঃ সদ্যঃ-তত্ক্ষণাদেব, অসূন্-প্রাণান্, নিহন্তি| ঋতেঽশ্মরীব্রণাত্-অশ্মর্যাহরণার্থং যো ব্রণঃ ক্রিযতে তং ব্রণং বর্জযিত্বা| তত্রাপি-অশ্মরীব্রণে, উভযতঃ-উভযপার্শ্বতশ্চ, স বিদ্ধস্তদাঽসৌ সদ্যোঽসূন্নিহন্তি| তস্মিন্ বস্তাবেক [তঃ-এক]পার্শ্বতো, ভিন্নে-বিদ্ধে সতি, মূত্রস্রাবী ব্রণঃ স্যাত্| স চ যত্নতঃ-আদরেণোপক্রান্তো, রোহতি নান্যথা|

Adhikarana nABimarmaNaH sthAnaM karma ca (12-13) · Śloka 13

| দেহামপক্বস্থানানাং মধ্যে সর্বসিরাশ্রযঃ||১২|| নাভিঃ সোঽপি হি সদ্যোঘ্নো| |১৩|

আমং চ পক্বং চামপক্বে, স্থানং চ স্থানং চ স্থানে, আমপক্বযোঃ স্থানে আমপক্বস্থানে, দেহশ্চামপক্বস্থানে চ দেহামপক্বস্থানানি, তেষাং মধ্যে| তত্রৈকত্বাদ্দেহস্য দেহমধ্যপ্রদেশে, তথোভযোরামপক্বাশযযোর্মধ্যে-অন্তরালে, নাভির্নাম মর্ম| স সর্বাসাং সিরাণাং-সকলশরীরগানাং আশ্রযঃ-আধারঃ| সোঽপি হি সদ্যোঘ্নঃ| অপিঃ সমুচ্চযে| হির্যস্মাদর্থে| ন কেবলং গুদবস্তী সদ্যোঘ্নৌ যাবন্নাভিরপি বিদ্ধঃ সদ্যোঘ্নঃ| নাভিশব্দস্য পুংস্তবং চিন্ত্যম্|

Adhikarana hRudayamarmaNaH sthAnaM karma ca (13) · Śloka 13

দ্বারমামাশ্যস্য চ| সত্বাদিধাম হৃদযম্ স্তনোরঃ কোষ্ঠমধ্যগম্||১৩||

হৃদযং নাম যন্মর্ম তদপি সদ্যোঘ্নম্| তচ্চামাশযস্য দ্বারংমুখম্| তেন হি দ্বারেণান্নপানমামাশযে প্রবিশতি| তচ্চ সত্বাদীনাং-সত্বরজস্তমসাং, তথা বিজ্ঞানস্য-ইন্দ্রিযাণাং চার্থপঞ্চকস্য, তথাঽঽত্মনঃ-চেতসঃ, ধাম-স্থানম্| তচ্চ স্তনোরঃ কোষ্ঠমধ্যগম্| স্তনৌ চোরশ্চ কোষ্ঠশ্চ স্তনোরঃকোষ্ঠং, তস্য মধ্যং তত্র গচ্ছতি-স্থিতিং বধ্নাতি, কোষ্ঠবক্ষসোঃ স্তনযোশ্চ মধ্যে স্থিতমিত্যর্থঃ|

Adhikarana stanarohitasya sthAnaM karma ca,stanamUlasya sthAnaM karma ca (14) · Śloka 14

স্তনরোহিতমূলাখ্যে দ্ব্যঙ্গুলে স্তনযোর্বদেত্| ঊর্ধ্বাধোঽস্রকফাপূর্ণকোষ্ঠো নশ্যেত্তযোঃক্রমাত্||১৪||

স্তনরোহিতং চ মূলং চ প্রকৃতত্বাত্স্তনস্যৈব, তে| স্তনরোহিতস্তনমূলে আখ্যে-সংজ্ঞে, যযোস্তে স্তনরোহিতমূলাখ্যে দ্বে মর্মণী বদেত্| ক্ব প্রদেশে ? স্তনযোঃ| ক্রমাদিতি বক্ষ্যমাণমিহাপি সম্বধ্যতে| তেন স্তনযোরূর্ধ্বং দ্ব্যঙ্গুলে স্তনরোহিতে| স্তনযোরধো দ্ব্যঙ্গুলে স্তনমূলে| তযোঃ-স্তনরোহিতস্তনমূলাখ্যযোর্মর্মণোর্বিদ্ধযোঃ, পুরুশোঽস্রকফাপূর্ণকোষ্ঠঃ ক্রমাত্-যথাক্রমং, নশ্যেত্| তেন স্তনরোহিতে বিদ্ধে সত্যসৃজা পূর্ণকোষ্ঠে নরো নশ্যেত্, স্তনমূলে বিদ্ধে কফেন পূর্ণকোষ্ঠো নশ্যেত্|

Adhikarana apastamBamarmaNoH sthAnaM karma ca (15) · Śloka 15

অপস্তম্ভাবুরঃপার্শ্বে নাড্যাবনিলবাহিনী| রক্তেন পূর্ণকোষ্ঠোঽত্র শ্বাসাত্কাসাচ্চ নশ্যতি||১৫||

উরসঃ পার্শ্বে দ্বে নাড্যাবপস্তম্ভাখ্যে মর্মণী| অনিলবাহিনী-বাতবহে| অত্র মর্মদ্বযে বিদ্ধে রক্তেন পূর্ণকোষ্ঠঃ শ্বাসকাসাভ্যাং বিপদ্যতে|

Adhikarana apalApamarmaNoH sthAnaM karma ca (16-17) · Śloka 17

পৃষ্ঠবংশোরসোর্মধ্যে তযোরেব চ পার্শ্বযোঃ| অধোংঽসকূটযোর্বিদ্যাদপালাপাখ্যমর্মণী||১৬|| তযোঃ কোষ্ঠেঽসৃজা পূর্ণে নশ্যেদ্যাতেন পূযতাম্| |১৭|

পৃষ্ঠবংশস্য তথোরসঃ, অনযোর্মধ্যে-অন্তরালে, তযোরেব চপৃষ্টোরসোঃ, যে পার্শ্বে, তযোরুপরিভাগযোরংসকূটযোরধঃ, অপালাপাখ্যে দ্বে মর্মণী বিদ্যাত্| তযোর্বিদ্ধযো রক্তেন কোষ্ঠে পূর্ণে, পূযতাং যাতেন-গতেন, লোহিতেন নশ্যেত্| যাবদ্রক্তং পূযতাং ন যাতং তাবজ্জীবতি| ন তু রক্তকোষ্ঠপূরণমাত্রাদেব ম্রিযত ইতি ভাবঃ|

Adhikarana kaTIkataruNayoHsthAnaM karma ca (17-18) · Śloka 18

ইদানীং পৃষ্ঠে বক্তি | পার্শ্বযোঃ পৃষ্ঠবংশস্য শ্রোণীকর্ণৌ প্রতি স্থিতে||১৭|| বংশাশ্রিতে স্ফিজোরূর্ধ্বং কটীকতরুণো স্মৃতে| তত্র রক্তক্ষযাত্পাণ্ডুর্হীনরূপো বিনশ্যতি||১৮||

পৃষ্ঠবংশস্য পার্শ্বযোঃ-উভযতঃ, প্রতিশ্রোণীকর্ণৌ স্থিতে| বংশাশ্রিতে-বংশপ্রতিবদ্ধে, স্ফিজোরূর্ধ্বং-উপরিষ্টাত্, দ্বেঽস্থিনী কটীকতরুণে-এতত্সংজ্ঞে দ্বে মর্মণী, স্মৃতে-উক্তে| তত্র-তস্মিন্মর্মদ্বযে বিদ্ধে, রক্তক্ষ্যাত্পাণ্ডুর্হীনরূপো-বিগতকান্তিঃ সন্, নরো বিনশ্যতি|

Adhikarana kukundarayoH sthAnaM karma ca (19-20) · Śloka 20

পৃষ্ঠবংশং হ্যুভযতো যৌ সন্ধী কটীপার্শ্বযোঃ| জঘনস্য বহির্ভাগে মর্মণী তৌ কুকুন্দরৌ||১৯|| চেষ্টাহানিরঘঃকাযে স্পর্শাজ্ঞানং চ তদ্ব্যধাত্| |২০|

পৃষ্ঠবংশস্যোভযোঃ কটিপার্শ্বযোর্যৌ সন্ধী জঘনস্য বহির্ভাগেনান্তঃ, তৌ কুকুন্দরৌ নিম্রাকারৌ সন্ধিমমর্ণী| তদ্ব্যধাত্-তযোর্ব্যধাত্, অধঃশরীরে চেষ্টাহানিঃ-গমনাকুঞ্চনপ্রসারণাদাবধঃকাযোঽশক্তঃ সম্পদ্যত ইত্যর্থঃ| তথা, স্পর্শাজ্ঞানং-স্পর্শাসংবিত্তির্ভবতি| পৃষ্ঠবংশমুভযত ইতি "উভসর্বতসোঃ" ইত্যাদিনাদ্বিতীযা|

Adhikarana nitambamarmaNoH sthAnaM karma ca (20-21) · Śloka 21

| পার্শ্বান্তরনিবদ্ধৌ যাবুপরি শ্রোণিকর্ণযোঃ||২০|| আশযচ্চাদনৌ তৌ তু নিতম্বৌ তরুণাস্থিগৌ| অধঃশরীরে শোফোঽত্র দৌর্বল্যং মরণং ততঃ||২১||

পার্শ্বান্তরে-পার্শ্বমধ্যে, নিবদ্ধৌ-প্রতিবদ্ধৌ লগ্নৌ, পার্শ্বান্তরনিবদ্ধৌ যৌ, তথা শ্রোণিকর্ণযোরুপরি-উপরিষ্টাত্, মূত্রাদীনাং য আশযাঃ-অধারা বস্ত্যাদযঃ, তেষাং ছাদনৌ, নিতম্বৌ-নিতম্বসংজ্ঞৌ মর্মবিশেষৌ| তৌ চ তরুণাস্থিগৌ-তরুণসংজ্ঞেঽস্থ্নি স্থিতাবিত্যর্থঃ| অত্র-অস্মিন্মর্মদ্বযে বিদ্ধে সতি, অধঃকাযে শোফো ভবতি| তথা, দৌর্বল্যং প্রকৃতত্বাদধঃশরীর এব| দৌর্বল্যং-অল্পবলত্বং স্বব্যাপারাক্ষমত্বম্| ততো-দৌর্বল্যাদনন্তরং, মরণং ভবতি|

Adhikarana pArSvasandhimarmaNoH sthAnaM karma ca (22-23) · Śloka 23

পার্শ্বান্তরনিবদ্ধৌ চ মধ্যে জঘনপার্শ্বযোঃ| তির্যগূর্ধ্বং চ নির্দিষ্টৌ পার্শ্বসন্ধী তযোর্যধাত্||২২|| রক্তপূরিতকোষ্ঠস্য শরীরান্তরসম্ভবঃ| |২৩|

পার্শ্বযোরন্তরং-মধ্যং, তত্র নিবদ্ধৌ-সংশ্লিষ্টৌ, সন্ধী মর্মবিশেষৌ পার্শ্বসন্ধী ইতি নির্দিষ্টৌ| ততশ্চৈকস্মিন্ পার্শ্বান্তর একঃ সন্ধির্দ্বিতীযস্মিন্ পার্শ্বান্তরে দ্বিতীযঃ সন্ধিঃ| ক্ব স্থিতৌ কথম্ ? জঘনস্য পার্শ্বে জঘনপার্শ্বে, তযোর্মধ্যে তির্যগূর্ধ্বং চ| এবমেকস্মিন্ জঘনপার্শ্বমধ্য একঃ সন্ধির্দ্বিতীযস্মিন্ দ্বিতীযঃ স্থিত ইতি| তযোর্ব্যধাত্ পুংসো রক্তপূরিতকোষ্ঠস্য শরীরান্তরসম্ভবঃ-অপরশরীরোত্পত্তিঃ, মরণমিত্যর্থঃ|

Adhikarana bRuhatImarmaNoH sthAnaM karma ca (23-24) · Śloka 24

| স্তনমূলার্জবে ভাগে পৃষ্ঠবংশাশ্রযে সিরে||২৩|| বৃহত্যৌ, তত্র বিদ্ধস্য মরণং রক্তসঙ্ক্ষযাত্| |২৪|

স্তনযোর্মূলং-স্তনমূলং তস্যার্জবে ভাগে-স্পষ্ট উদ্দেশে, পৃষ্ঠবংশাশ্রযে সিরে-পৃষ্ঠবংশস্যোভযপার্শ্বপ্রতিবদ্ধে সিরে, বৃহত্যৌ-এতত্সংজ্ঞে মর্মণী| তত্র-মর্মদ্বযে, বিদ্ধস্য মরণং ভবতি রক্তসঙ্ক্ষযাত্, নান্যথা|

Adhikarana aMsaPalakamarmaNoH sthAnaM karma ca (24-25) · Śloka 25

| বাহুমূলাভিসম্বদ্ধে পৃষ্ঠবংশস্য পার্শ্বযোঃ||২৪|| অংসযোঃ ফলকে বাহুস্বাপশৌষৌ তযোর্ব্যধাত্| |২৫|

বাহ্বোর্মূলে বাহুমূলে,-যত্র বাহূ প্রতিষ্ঠিতৌ| মূলে হি প্রতিষ্ঠা, বৃক্ষমূলবত্| পৃষ্ঠবংশস্য পার্শ্বদ্বযে বাহুমূলযোরাভিমুখ্যেন সম্বদ্ধে-সংশ্লিষ্টে| কে তে ? অংসযোঃ ফলকে| অসমাসনির্দেশশ্চন্দোনুরোধাত্| ফলকস্য চ নপুংসকত্বং লোকাশ্রযত্বাল্লিঙ্গস্যেতি| অংসফলকাখ্যে দ্বে মর্মণী| তযোর্ব্যধাত্ বাহুস্বাপশোষৌ ভবতঃ| স্বাপ ইব স্বাপঃ, যথা সুপ্তস্য নিশ্চেতনমঙ্গং ভবতি তথা বাহূ অংসফলকে বিদ্ধে ভবতঃ|

Adhikarana aMsamarmaNoH sthAnaM karma ca (25-26) · Śloka 26

| গ্রীবামুভযতঃ স্নাব্নী গ্রীবাবাহুশিরোন্তরে||২৫|| স্কন্ধাংসপীঠসম্বন্ধাবংসৌ বাহুক্রিযাহরৌ| |২৬|

গ্রীবাযা উভযোঃ পার্শ্বযোঃ স্নাব্নী দ্বে অংসাবুচ্যেতে| ক্ব স্থিতৌ ? গ্রীবাবাহুশিরোন্তরে| গ্রীবাযাস্তথা বাহ্নোঃ শিরসশ্চ মধ্যে তেষামন্তরালে স্থিতৌ| কিং প্রযোজনৌ? স্কন্ধেত্যাদি| অংসযোঃ পীঠ ইব পীঠে,-প্রতিষ্ঠানে, যত্রাংসৌ তিষ্ঠতঃ| স্কন্ধে চাংসপীঠে চ, তেষাং সম্বন্ধঃ-প্রযোজনং, যযোস্তাবেবাংসৌ বিদ্ধৌ বাহ্বোঃ ক্রিযা-আকুচ্চনপ্রসারণাদিকা, তাং হরতঃ, তৌ বাহুক্রিযাহরৌ|

Adhikarana nIlAmarmaNoH sthAnaM karma ca,manyAmarmaNoH sthAnaM karma ca (26-27) · Śloka 27

| কণ্ঠনাডীমুভযতঃ সিরা হনুসমাশ্রিতাঃ||২৬|| চতস্রস্তাসু নীলে দ্বে মন্যে দ্বে মর্মণী স্মৃতে| স্বরপ্রণাশবকৃত্যং রসাজ্ঞানং চ তদ্ব্যধে||২৭||

কণ্ঠনাড্যাঃ পার্শ্বযোর্দ্বযোঃ সিরা যাশ্চতস্রো হন্বোঃ সমাশ্রিতাঃ, তাসু মধ্যে দ্বে সিরে নীলে নাম দ্বে মর্মণী, মন্যে নাম দ্বে মর্মণি স্মৃতে, তন্ত্রকৃদ্ভিরিতি শেষঃ| তাসাং ব্যধস্তদ্বযধঃ, তস্মিন্ তদ্ব্যধে স্বরপ্রণাশাদযো জাযন্তে| স্বরস্য প্রণাশঃ স্বরপ্রাণাশঃ,-স্বরহানিঃ| অথবা বৈকৃত্যম্, তচ্চ প্রকৃত্ত্বাত্স্বরস্যৈব, স্বরভাবান্যথাত্বমিত্যর্থঃ| রসাজ্ঞানং-রসানববোধঃ|

Adhikarana mAtRukAmarmaNAM sthAnaM karma ca (28) · Śloka 28

কণ্ঠনাডীমুভযতো জিহ্বানাসাগতাঃ সিরাঃ| পৃথক্ চতস্রস্তাঃ সদ্যো ঘ্নন্ত্যসূন্মাতৃকাহ্বযাঃ||২৮||

কণ্ঠনাড্যা উভযপার্শ্বযোঃ সিরা জিহ্বাগতাস্তথা নাসাগতাঃ পৃথক্-প্রত্যেকং, একস্মিন্ পার্শ্বে চতস্রঃ দ্বিতীযে পার্শ্বে চতস্রঃ| তা মাতৃকাহ্বযাঃ-মাতৃকাসংজ্ঞাঃ, বিদ্ধাঃ সদ্যোঽসূন্ ঘ্নন্তি| এতানি মাতৃকাখ্যানি সিরামর্মাণি|

Adhikarana kRukATikAmarmaNoH sthAnaM karma ca (29) · Śloka 29

কৃকাটিকে শিরোগ্রীবাসন্ধৌ, তত্র চলং শিরঃ| |২৯|

শিরশ্চ গ্রীবা চ, তযোঃ সন্ধানে যৌ সন্ধী পার্শ্বদ্বযে কৃকাটিকাখ্যে তে দ্বে মর্মণী| তত্র-তস্মিন্মর্মদ্বযে বিদ্ধে, চলং-সকম্পং, শিরো ভবতি|

Adhikarana vidhuramarmaNoH sthAnaM karma ca (29) · Śloka 29

| অধস্তাত্কর্ণযোর্নিম্নে বিধুরে শ্রুতিহারিণী||২৯||

অধস্তাত্কর্ণযোঃ-কর্ণপৃষ্ঠযোরধো, নিম্নে-নোন্নতে, বিধুরাখ্যে দ্বে মর্মণী| তে চ বিদ্ধে সতী শ্রুতিং-শব্দশ্রবণং, হরতঃ, শ্রুতিহারিণী|

Adhikarana PaNamarmaNoH sthAnaM karma ca (30) · Śloka 30

ফণাবুভযতো ঘ্রাণমার্গং শ্রোত্রপথানুগৌ| অন্তর্গলস্থিতৌ বেধাদ্গন্ধবিজ্ঞানহারিণৌ||৩০||

ফণৌ নাম মর্মবিশেষৌ ঘ্রাণমার্গস্যোভযোঃ পাড়্শ্বযোঃ শ্রোত্রপথানুগৌ-শ্রোত্রমার্গপ্রাপ্তৌ| অন্তর্গলস্থিতৌ-গলাভ্যন্তরে স্থিতৌ| ফণাবিব সংস্থানং রূপমনযোঃ ফণাবিতি নাম| তৌ বেধাদ্গন্ধ বিজ্ঞানং-গন্ধোপলব্ধিঃ, তদ্ধরতস্তৌ গন্ধবিজ্ঞানহারিণৌ|

Adhikarana apA~ggamarmaNoH sthAnaM karma ca (31) · Śloka 31

নেত্রযোর্বাহ্যতোঽপাঙ্গৌ ভ্রুবোঃ পুচ্ছান্তযোরধঃ| তথোপরি ভ্রুবোর্নিম্নাবাবর্তাবান্ধ্যমেষু তু||৩১||

নেত্রেযোর্দ্বযোর্বাহ্যতঃ-বহির্ভাগে, ভ্রুবোঃ পুচ্ছান্তযোঃ-অবসানযোঃ, অধঃ, অপাঙ্গৌ নাম মর্মবিশেষৌ প্রসিদ্ধাবেব| তথোপরীতি তেনৈবাপাঙ্গোদ্দিষ্টেন ন্যাযেন ভ্রুবোঃ পুচ্ছান্তযোরুপরি নিম্রাবাবর্তসংজ্ঞৌ| এষু তু-অপাঙ্গাবর্তাখ্যেষু চতুর্ষু, বিদ্ধস্য নরস্যান্ধ্যং ভবতি|

Adhikarana Sa~gKamarmaNoH sthAnaM karma ca (32) · Śloka 32

অনুকর্ণং ললাটান্তে শঙ্খৌ সদ্যোবিনাশনৌ| |৩২|

অত্রাপি ভ্রুবোঃ পুচ্ছান্তযোরুপতি ললাটাবসানেঽনুকর্ণংকর্ণসমীপে, শঙ্খৌ মর্মবিশেষৌ| তৌ বিদ্ধৌ পুরুষস্য সদ্যোবিনাশনৌ ভবতঃ|

Adhikarana utkShepamarmaNoH sthAnaM karma ca ,sthapanImarmaNaH sthAnaM karma ca (32-33) · Śloka 33

| কেশান্তে শঙ্খযোরূর্ধ্বমুত্ক্ষেপৌ, স্থপনী পুনঃ||৩২|| ভ্রুবোর্মধ্যে, ত্রযেঽপ্যত্র শল্যে জীবেদনুদ্ধৃতে| স্বযং বা পতিতে পাকাত্সদ্যো নশ্যতি তূদ্ধৃতে||৩৩||

কেশাবসানে শঙ্খযোরূর্ধ্বং-উপরি, উত্ক্ষেপৌ মর্মণী| স্থপনী পুনর্মর্ম ভ্রুবোর্মধ্যে| ত্রযেঽপ্যত্র-অস্মিন্ মর্মত্রযে দ্বাবুত্ক্ষেপাবেকা স্থপনী এবংভূতে, বিদ্ধে পুরুষোঽনুদ্ধৃতে শল্যে জীবেত্| কালান্তরেণ পাকাত্-পাকেন হেতুনা, স্বযং বা পতিতে শল্যে সতি,-ন তূদ্ধরণহেতুনা, জীবেত্ পুরুষঃ| সদ্য ইত্যাদি| উদ্ধৃতে তু শল্যে সদ্য এব নরো নশ্যতি, বাযুকোপাদিতি ভাবঃ|

Adhikarana SRu~ggATakamarmaNAM sthAnaM karma ca (34-35) · Śloka 35

জিহ্বাক্ষিনাসিকাশ্রোত্রখচতুষ্টযসঙ্গমে| তালুন্যাস্যানি চত্বারি স্রোতসাং, তেষু মর্মসু||৩৪|| বিদ্ধঃ শৄঙ্গাটকাখ্যেষু সদ্যস্ত্যজতি জীবিতম্| |৩৫|

জিহ্বা চাক্ষিণী চ নাসিকা চ শ্রোত্রে চ তদেবম্| তস্য খানি, তেষাং চতুষ্টযং-চত্বারি স্রোতাংসি, তেষাং সঙ্গমঃ-সন্নিপাতঃ, তস্মিংস্তালুনি-যত্র জিহ্বাদীনাং তর্পণানি স্রোতাংসি সন্নিপত্যাবতিষ্ঠন্তে, জিহ্বাদিস্রোতসাং চত্বার্যাস্যানি শৃঙ্গাটকাখ্যানি| তেষু মর্মসু বিদ্ধঃ পুরুষঃ সদ্যস্ত্যজতি জীবিতং-বিদ্ধমাত্র এব প্রাণৈর্বিযুজ্যতে|

Adhikarana sImantamarmaNAM sthAnaM karma ca (35-36) · Śloka 36

| কপালে সন্ধযঃ পঞ্চ সীমন্তাস্তির্যগূর্ধ্বগাঃ||৩৫|| ভ্রমোন্মাদমনোনাশৈস্তেষু বিদ্ধেষু নশ্যতি| |৩৬|

শিরঃ সম্বন্ধিনঃ পঞ্চ সন্ধযঃ| পঞ্চানাং কপালখণ্ডানাং সংশ্লেষা যে শিরস্যবতিষ্ঠন্তে তির্যগূর্ধ্বগাঃ, ত এব সীমন্তাখ্যা মর্মবিশেষাঃ| তেষু-সীমন্তাখ্যেষু, বিদ্ধেষু ভ্রমেণ তথোন্মাদেন তথা মনোনাশেন-চিত্তবিস্মৃত্যা চ, নশ্যতি|

Adhikarana AdhipamarmaNAM sthAnaM karma ca (36-37) · Śloka 37

| আন্তরো মস্তকস্যোর্ধ্বং সিরাসন্ধিসমাগমঃ||৩৬|| রোমাবর্তোঽধিপো নাম মর্ম সদ্যো হরত্যসূন্| |৩৭|

মস্তকস্যাভ্যন্তরতো যঃ স্থিতঃ, তথোর্ধ্বং-প্রকৃতত্বান্মস্তকস্যৈবোপরি, সিরাসন্ধিসমাগমঃ-সিরাসন্ধীনাং সন্নিপাতো, রোমাবর্তলক্ষণঃ সোঽধিপো নাম মর্মবিশেষঃ| মর্মণামধিপো যথার্থনামা, তদাযত্তানি হি সর্বাণি মর্মাণীত্যর্থঃ| সোঽধিপো বিদ্ধো নরস্য সদ্যোঽসূন্ হরতি-পুরুষং মারযতীত্যর্থঃ|

Adhikarana sAmAnyaM marmalakShaNam (37) · Śloka 37

ইতি সপ্তোত্তরস্য মর্মশতস্য লক্ষণান্যুক্ত্বা, সামান্যেন যন্মর্মলক্ষণং তদাখ্যাতুমাহ | বিষমং স্পন্দনং যত্র পীডিতে রুক্ চ মর্ম তত্||৩৭||

যত্র-যস্মিন্ দেহদেশে, বিষমং স্পন্দনং-স্ফুরণং, তন্মর্ম| যত্র চ দেহদেশে পীডিতে সতি রুক্ চ বিষমা ভবতি, তচ্চ মর্ম| অত্রাপি বিষমমিতি সম্বধ্যতে| বিষমং চ বিষমা চ বিষমম্, "নপুংসকমনপুংসকেনৈকবচ্চ" ইতি নপুংসকশেষঃ| তদেবং মর্মলক্ষণং দ্বিধা মন্তব্যম্,-কস্যচিন্মর্মণঃ সিরাধমন্যাদিকস্য বিষমং স্পন্দনং প্রাযো লক্ষণম্, মাংসাস্থিজাতীযস্য মর্মণঃ পীডনাত্ প্রাযঃ পীডোত্পত্তির্লক্ষণমিতি| সঙ্গ্রহে চ মর্মবিদ্ধস্য লক্ষণমুক্তম্| যথা (শা. অ. ৭)- "দেহপ্রসুপ্তির্গুরুতা সম্মোহঃ শীতকামিতা| স্বেদো মূর্চ্ছা বমিঃ শ্বাসো মর্মবিদ্ধস্য লক্ষণম্||" ইতি| মরণকারিত্বান্মর্ম, মরণাসদৃশদুঃখদাযিত্বাদ্বা| ইদানীং মর্মণাং সুপ্রভেদং লক্ষণং ষট্প্রকারমাহ-

Adhikarana mAMsadInAM ShaNNAM samAgamo marma (38) · Śloka 38

মাংসাস্থিস্নাযুধমনীসিরাসন্ধিসমাগমঃ| স্যান্মর্মেতি চ তেনাত্র সুতরাং জীবিতং স্থিতম্||৩৮||

মাংসাদীনাং সন্ধ্যন্তানাং স্বজাত্যপেক্ষো যঃ সমাগমঃ-সন্নিপাতঃ, স মর্মাখ্যঃ, তন্মর্মেতি তস্যৈব নাম| তদেবং মাংসপেশীসমাগমো মাংসমর্ম, অস্থ্নাং সমাগমোঽস্থিমর্ম, স্নাযূনাং সমাগমঃ স্নাযুমর্ম, ধমনীনাং সমাগমো ধমনীমর্ম, সিরাণাং সমাগমঃ সিরামর্ম, সন্ধীনাং সমাগমঃ সন্ধিমর্মেতি| যতো মাংসাদীনাং যঃ সমাগমঃ স এব মর্মেত্যুচ্যতে, তেন হেতুনা, অত্র সুতরাং জীবিতং স্থিতং-প্রাণা ব্যবস্থিতাঃ| ননু, যদি মাংসাদীনাং সমাগমো মর্মেত্যভিধীযতে, তদানীমনেকসঙ্খ্যাকানি মর্মাণি শরীরে সম্ভব্যেরন্| মাংসপেশ্যাদিভাবানামনেকসঙ্খ্যাশ্রযত্বাত্| তথা চ,-মাংসপেশীশতানি পঞ্চ পুংসামুক্তানি স্ত্রীণাং তু বিশত্যধিকানি (হৃ. শা. অ. ৩/১৭)| এবমস্থ্যাদীন্যপ্যনেকান্যুক্তানি| ততশ্চ মর্মণামসঙ্খ্যেযত্বং প্রাপ্নোতি| এবং চ "সপ্তোত্তরং মর্মশতম্" (শ্লো ১) ইতি বিরুধ্যত ইত্যাহ-

Adhikarana evaM marmakalpanA ShoDhA,ekaiva vA marmakalpanA (39) · Śloka 39

বাহুল্যেন তু নির্দেশঃ ষোঢৈবং মর্মকল্পনা| প্রাণাযতনসামান্যদৈক্যং বা মর্মণাং মতম্||৩৯||

সপ্তোত্তরমেব মর্মণাং শতমিত্যেব ন| কিং তর্হি ? পূর্বোক্তেন ন্যাযেন বহূনি মর্মাণি| "সপ্তোত্তরং মর্মশতম্" ইত্যযং তু যো নির্দেশঃ স বাহুল্যেন-ভূযসা, যেষাং মর্মণাং মর্মত্বেন প্রসিদ্ধিস্তদ্বিষয এব| এবং-অনেন প্রকারেণ মাংসাস্থ্যাদীনাং সমাগমো মর্মেতি, মর্মণাং-ষোঢা-ষড্বিধা, কল্পনা ভবতি| কল্পনাশব্দেনৈতত্প্রতি পাদযতি,-তদেবং মনুষ্যস্য প্রসিদ্ধিতো জীবিতধামত্বেন মর্মণাং কল্পনা-নিরূপণা| প্রাণেত্যাদি| অথবা ন মর্মণাং ষোঢা কল্পনা| কিং তর্হি ? প্রাণাযতনসামান্যাত্-জীবিতস্যাধিষ্ঠানমিত্যেবংলক্ষণাত্, ঐক্যং-একত্বং, মর্মণাং মতং-ন ষট্ত্বম্| এবমেকৈব মর্মকল্পনা| এবং সঙ্ক্ষেপবিস্তরকৌশলং মর্মসু দর্শিতম্| মাংসাদীনাং সন্ধ্যন্তানাং যথাস্বং প্রতিনিযতনি মর্মাণি সঙ্খ্যযাঽভিধাতুমাহ-

Adhikarana mAMsAdInAM marmaNAM saMKyayA~aBidhAnam ,mAMsajAni daSamarmANi asthnyaShTau (40) · Śloka 40

মাংসাদীনাং সন্ধ্যন্তানাং যথাস্বং প্রতিনিযতনি মর্মাণি সঙ্খ্যযাঽভিধাতুমাহ মাংসজানি দশেন্দ্রাখ্যতলহৃত্স্তনরোহিতাঃ| |৪০|

জঙ্ঘযোরিন্দ্রাখ্যে দ্বে মর্মণী, বাহ্বোর্দ্বে এব, তলহৃদাখ্যানি চত্বারি-পাদযোর্দ্বে হস্তযোর্দ্বে ইতি, স্তনরোহিতে দ্বে-প্রত্যেকং স্তনে একৈকম্, এবং দশ মংসজানি|

Adhikarana mAMsajAni daSamarmANi asthnyaShTau (40-41) · Śloka 41

| শঙ্খৌ কটীকতরুণে নিতম্বাবংসযোঃ ফলে||৪০|| অস্থ্ন্যষ্টৌ| |৪১|

অস্থ্ন্যষ্টৌ মর্মাণি| শঙ্খৌ দ্বে মর্মণী, কটীকতরুণে দ্বে, নিতম্বৌ দ্বে, অংসযোঃ ফলকে দ্বে, ইত্যেবমষ্টৌ মর্মাণি|

Adhikarana snAvamarmANi trayoviMSatiH (41) · Śloka 41

স্নাবমর্মাণি ত্রযোবিংশতিরাণযঃ| কূর্চকূর্চশিরোঽপাঙ্গক্ষিপ্রোত্ক্ষেপাংসবস্তযঃ||৪১||

স্নাবমর্মাণি ত্রযোবিংশতিঃ| কথম্ ? আণযশ্চত্বারি-প্রত্যেকমূরুমধ্যে একৈকং বাহ্বোঃ প্রত্যেকমেকৈকম্, এবং চত্বার্যাণযঃ কূর্চাখ্যানি চত্বারি-হস্তর্যোদ্বে পাদযোর্দ্বে| কূর্চশিরঃসংজ্ঞানি চত্বারি-পাদযোর্দ্বে হস্তযোর্দ্বে ইতি চত্বারি| অপাঙ্গাখ্যে দ্বে-"নেত্রযোর্বাহ্যতঃ (শ্লো.৩১) ইত্যাদিনা নির্দিষ্টে দ্বে| ক্ষিপ্রাখ্যানি চত্বারি-"অঙ্গুষ্ঠাঙ্গুলিমধ্যস্থং ক্ষিপ্রং" (শ্লো.৩) ইতি, তচ্চ পাদদ্বযে দ্বিবিধং হস্তদ্বযে চ| উত্ক্ষোপৌদ্বৌ-"কেশান্তে শঙ্খযোরূর্ধ্বমুত্ক্ষেপৌ" (শ্লো.৩২) ইতি| অংসাখ্যে দ্বে-"স্কন্ধাংসপীঠসম্বন্ধাবংসৌ" (শ্লো ২৬) ইতি| বস্তিরেকো-"মূত্রাশযো" (শ্লো.১০) ইত্যাদিনোক্তঃ| এবং স্নাবমর্মাণি ত্রযোবিংশতিঃ|

Adhikarana dhamanyASritAni nava (42) · Śloka 42

গুদাপস্তম্ভবিধুরশৃঙ্গাটানি নবাদিশেত্| মর্মাণি ধমনীস্থানি|৪২|

গুদঃ-স্থূলান্ত্রবদ্ধ একঃ| অপস্তম্ভাখ্যে দ্বে-"অপস্তম্ভাবুরঃপার্শ্বে নাড্যাবনিলবাহিনী|" (শ্লো.১৫)ইতি, বিধুরাখ্যে দ্বে-"অধস্তাত্কর্ণযোর্নিম্নে বিধুরে" (শ্লো.২৯) ইতি| শৃঙ্গাটকাখ্যানি চত্বারি-"জিহ্বাক্ষিনাসিকা" (শ্লো.৩৪) ইত্যাদিনোক্তানি| এবং ধমনীস্থানি-ধমন্যাশ্রিতানি, নব মর্মাণি|

Adhikarana sirASritAni saptatriMSat (42-44) · Śloka 44

| সপ্তত্রিংশত্সিরাশ্রযাঃ||৪২|| বৃহত্যৌ মাতৃকা নীলে মন্যে কক্ষাধরৌ ফণৌ| বিটপে হৃদযং নাভিঃ পার্শ্বসন্ধী স্তনাধরে||৪৩|| অপালাপৌ স্থপন্যুর্ব্যশ্চতস্রো লোহিতানি চ| |৪৪|

সিরাশ্রযা মর্মবিশেষাঃ সপ্তত্রিংশত্| কথম্ ? ইত্যাহ-বৃহত্যাবিত্যাদি| বৃহত্যৌ দ্বে-"স্তনমূলার্জবে ভাগে" (শ্লো ২৩) ইত্যাদিনোক্তে| মাতৃকাখ্যানি-"কণ্ঠনাডীমুভযতো জিহ্বানাসাগতাঃ" (শ্লো.২৮) ইত্যাদিনোক্তান্যষ্টৌ| নীলাখ্যে দ্বে সিরে মন্যাখ্যে [চ] দ্বে-"কণ্ঠনাডীমুভযতঃ সিরাহনুসমাশ্রিতাঃ| চতস্রঃ (শ্লো.২৬) ইত্যাদিনোক্তানি| কক্ষাধরৌ দ্বৌ-যথোক্তম্ (শ্লো.৯) "কক্ষাক্ষমধ্যে কক্ষাধৃক্" ইত্যাদি| ফণৌ দ্বৌ-"ফণাবুভযতো" (শ্লো.৩০) ইত্যাদিনা কৃতলক্ষণৌ| বিটপে দ্বে-"মুষ্কবঙ্ক্ষণযোর্মধ্যে (শ্লো.৮) প্রত্যেকং সক্থ্ন্যেকম্, দ্বিতীযেঽপ্যেবম্| হৃদযমেকমেব, তস্য লক্ষণম্ (শ্লো.১৩)-"দ্বারমামাশযস্য চ" ইত্যাদি| নাভিরেক এব, তল্লক্ষণম্ (শ্লো.১২)- "দেহামপক্বস্থানানাং" ইত্যাদি| পার্শ্বসন্ধী দ্বৌ-"পার্শ্বান্তরনিবদ্ধৌ চ" (শ্লো.২২) ইত্যাদিনোক্তৌ| স্তনাধরে-স্তনযোরধো, দ্বে| অপালাপৌ দ্বাবেব-"পৃষ্ঠবংশোরসোঃ (শ্লো.১৬) ইত্যাদিনোক্তৌ| স্থপনী একৈব, তল্লক্ষণম্, (শ্লো.৩৩)-"ভ্রুবোর্মধ্যে" ইতি| উর্ব্যশ্চতস্রঃ-ঊর্বোর্দ্বযোর্দ্বে বাহ্বোশ্চ, "উর্ব্যূরুমধ্যে" (শ্লো.৭) ইতি তস্যা লক্ষণম্, ইতি সক্থ্নোস্তথা বাহ্বোঃ (শ্লো.৮) ইতি চাতিদেশঃ| লোহিতানীতি লোহিতাক্ষনামানি চত্বারি, "ঊরুমূলে লোহিতাক্ষং" সক্থিবদ্বাহ্বোঃ" (শ্লো.৭-৮) ইতি তল্লক্ষণম্| সম্প্রতি সন্ধিমর্মাণ্যাহ-

Adhikarana sandhimarmANi viMSati (44-45) · Śloka 45

| সন্ধৌ বিংশতিরাবর্তৌ মণিবন্ধৌ কুকুন্দরৌ||৪৪|| সীমন্তাঃ কূর্পরৌ গুল্ফৌ কৃকাট্যৌ জানুনী পতিঃ| |৪৫|

সন্ধৌ বিংশতির্মর্মাণি| আবর্তাখ্যে দ্বে, তযোর্লক্ষণম্ (শ্লো. ৩১)-"তথোপরি ভ্রুবোর্নিম্নাবাবর্তৌ" ইতি| মণিবন্ধৌ দ্বৌ, তল্লক্ষণম্ (শ্লো.৮)-মণিবন্ধোঽত্র গুল্ফবত্" ইতি| কুকুন্দরৌ দ্বৌ, তল্লক্ষণম্ (শ্লো.১৯)-"জঘনস্য বহির্ভাগে মর্মণী তৌ কুকুন্দরৌ|" ইতি| সীমন্তাখ্যানি পঞ্চ, তল্লক্ষণম্ (শ্লো.৩৫)-"কপালসন্ধযঃ পঞ্চ সীমন্তাঃ" ইতি| কূর্পরৌ দ্বৌ, তল্লক্ষণম্ (শ্লো.৯)-"কূর্পরং জানুবত্" ইতি| কূর্পরশব্দ উভযলিঙ্গঃ| গুল্ফৌ দ্বে মর্মণী, তযোর্লক্ষণম্ (শ্লো.৫)-"জঙ্ঘাচরণযোঃ সন্ধৌ গুল্ফঃ" ইতি| কৃকাট্যৌ দ্বে, তল্লক্ষণম্ (শ্লো.২৯)-"কৃকাটিকে শিরোগ্রীবাসন্ধী" ইতি| জানুনী দ্বে, তযোর্লক্ষণম্ (শ্লো.৬)-"জঙ্ঘোর্বোঃ সঙ্গমে জানু" ইতি| পতিঃ-অধিপতির্মর্মণাম্, তচ্চৈকম্, তল্লক্ষণম্ (শ্লো.৩৬)-"আন্তরো মস্তকস্যোর্ধ্বং" ইত্যাদিনোক্তম্| এবং সপ্তোত্তরং মর্মশতং মাংসাদিপরিকল্পনযা কল্পিতম্|

Adhikarana gudakakShAdharAdau anyeShAM matam (45-46) · Śloka 46

| মাংসমর্ম গুদোঽন্যেষাং,স্নাব্নি কক্ষাধরৌ তথা||৪৫|| বিটপৌ বিধুরাখ্যে চ, শৃঙ্গাটানি সিরাসু তু| অপস্তম্ভাবপাঙ্গৌ চ, ধমনীস্থং ন তৈঃ স্মৃতম্||৪৬||

অন্যেষামাচার্যাণং মতেন গুদো মাংসমর্ম-ন ধমনীমর্ম| স্নাব্নীত্যাদি| তেষামেব মতেন কক্ষাধরৌ স্নাবাশ্রিতৌ ন তু সিরাশ্রযৌ| বিটপৌ বিধুরাখ্যে চ স্নাবাশ্রিতৌ| পূর্বমতেন তু বিটপৌ সিরাশ্রিতৌ, বিধুরে চ ধমন্যাশ্রিতে| শৃঙ্গাটকানি চত্বার্যপি সিরাস্বেব, তুরবধারণে, ন তু ধমনীস্থানি, অপস্তম্ভৌ তথাপাঙ্গৌ চ| এতদ্ধমনীস্থমন্যৈরাচর্যৈর্ন স্মৃতম্, অপি তু স্নাবা[দ্যা]শ্রিতমভিহিতম্|

Adhikarana mAMsAdijAnAM marmaNAM vyadhalakShaNam, mAMsaje marmaNi viddhe lakShaNAni (47) · Śloka 47

ইদানীং মাংসাদিজানাং মর্মণাং ব্যধলক্ষণমাহ বিদ্ধেঽজস্রমসৃক্স্রাবো মাংসধাবনবত্তনুঃ| পাণ্ডুত্বমিন্দ্রিযাজ্ঞানং মরণং চাশু মাংসজে||৪৭||

মাংসজে মর্মণি বিদ্ধে সতি,[অজস্রং] অনবরতং, অসৃক্স্রাবো ভবতি মাংসধাবনবত্-মাংসধাবনোদকেন তুল্যঃ| তথা, তনুঃ-অচ্ছো ভবতি, ন বহলঃ| পাণ্ডুত্বং-পীতাভত্বং শরীরস্য| ইন্দ্রিযৈঃ-চক্ষুরাদিভিঃ, স্ববিষযাজ্ঞানং-অনববোধঃ| মরণংচাশু-শীঘ্রং, ভবতি| তদেবমিন্দ্রবস্ত্যাদিমাংসজমর্মব্যধে নিরন্তরস্রাবাদিসর্বলিঙ্গদর্শনানুমানেন মরণমনুমীযমানং বুধ্বা বৈদ্যঃ প্রত্যাখ্যায চিকিত্সাং প্রযোজযেত্| নিযতাযুষাং ক্বচিন্মরণস্য ব্যভিচারাদিতি|

Adhikarana asthimarmaNi viddhe lakShaNAni (48) · Śloka 48

মজ্জান্বিতোঽচ্ছো বিচ্ছিন্নঃ স্রাবো রুক্ চাস্থিমর্মণী| |৪৮|

অস্থিমর্মণি-শঙ্খাদিকে, বিদ্ধে মজ্জান্বিতঃ স্রাবঃ তথাঽচ্ছো-ন ঘনঃ, বিচ্ছ্ন্নো-ন মাংসমর্মব্যধ ইব নিরন্তরো, ভবতি| রুক্চেত্যনেনাত্যন্তং পীডা ভবতীতি প্রতিপাদযতি| রুঙ্মাত্রস্য সর্বমর্মস্বপি সদ্ভাবাত্|

Adhikarana snAvaje marmaNi viddhe lakShaNAni (48-49) · Śloka 49

| আযামাক্ষেপকস্তম্ভাঃ স্নাবজেঽভ্যধিকং রুজা||৪৮|| যানস্থানাসনাশক্তির্বৈকল্যমথবাঽন্তকঃ| |৪৯|

স্নাবজে-কূর্চা(আণ্যা)দিকে মর্মণি, বিদ্ধে আযামাদযো ভবন্তি| আক্ষেপকঃ-আক্ষেপঃ, স্তম্ভো-যথাস্বমঙ্গানাম্, অতিরুজা চ| তথা, যানস্থানাসনাশক্তিঃ-যাতুং স্থাতুমাসিতুং চাসামর্থ্যম্| বৈকল্যং চাঙ্গানাম্| অথবাঽন্তকো-মরণং, ভবতি|

Adhikarana dhamanIsthe viddhe lakShaNAni (49) · Śloka 49

| রক্তং সশব্দফেনোষ্ণং ধমনীস্থে বিচেতসঃ||৪৯||

ধমনীস্থে-[গুদা]পস্তম্ভাদৌ মর্মণি, বিদ্ধে সতি বিচেতসো-মূর্চ্ছিতস্য সতো, রক্তং স্রবেত্| কীদৃশম্ ? সশব্দফেনোষ্ণম্| সশব্দস্যাত্র প্রত্যেকং সম্বন্ধঃ|

Adhikarana sirAmarmavyadhe lakShaNAni (50) · Śloka 50

সিরামর্মব্যধে সান্দ্রমজস্রং বহ্বসৃক্স্রবেত্| তত্ক্ষযাত্তৃড্ভ্রমশ্বাসমোহহিধ্মাভিরন্তকঃ||৫০||

সিরামর্মণো-বৃহত্যাদের্ব্যধে সতি, অসৃক্ সান্দ্রং-ঘনং, অজস্রং-নিরন্তরং, বহু-প্রভূতং, স্রবতি| তত্ক্ষ্যাত্-তস্যাসৃজঃ ক্ষযাত্, তৃড্ভ্রমাদিভিরন্তকো-জীবিতনাশঃ|

Adhikarana sandhije viddhe lakShaNAni (51) · Śloka 51

বস্তু শূকৈরিবাকীর্ণং রূঢে চ কুণিখঞ্জতা| বলচেষ্টাক্ষযঃ শোষঃ পর্বশোফশ্চ সন্ধিজে||৫১||

সন্ধিজেমর্মণি-আবর্তাদৌ, বিদ্ধে বস্তু শূকৈরিবাকীর্ণং ভবতি| বস্তুশব্দেনাধিষ্ঠানং বিদ্ধদেশ উচ্যতে| তচ্ছূকৈঃ-শালিযবাদিসম্বন্ধিভিঃ কিংশারুভিঃ, ব্যাপ্তমিব ভবতি| রূঢে চ সতি তস্মিন্মর্মব্যধে কুণিতা খঞ্জতা বা ভবতি| তথা বলচেষ্টযোঃ ক্ষযঃ, তথা শোষোঽঙ্গস্য, পর্বসু শোফঃ-শ্বযথুশ্চ, সন্ধিজে ভবতি| ইদানীমেষামেব মর্মণাং ব্যধে জীবিতনাশে কালং নিযনযতি-

Adhikarana sadyaH prANaharANyekonaviMSatirmarmANi (52-53) · Śloka 53

নাভিশঙ্খাধিপাপানহৃচ্ছৃঙ্গাটকবস্তযঃ| আষ্টৌ চ মাতৃকাঃ সদ্যো নিঘ্নত্যেকান্নবিংশতিঃ||৫২|| সপ্তাহঃ পরমস্তেষাং কালঃ কালস্য কর্ষণে| |৫৩|

নাভিশঙ্খাদীনি মর্মাণ্যেকান্নবিংশতিঃ সদ্যো ঘ্নন্তি| নাভিরেকঃ, শঙ্খৌ দ্বৌ, অধিপ একঃ, অপানোঽপ্যেকঃ, হৃদেকম্, শৃঙ্গাটকানি চত্বারি, বস্তিরেকঃ, আষ্টৌ মাতৃকাঃ একান্নবিংশতিরেতানি সদ্যঃপ্রাণহরাণি| তেষাং-মর্মণাং, কালস্য-মৃত্যোঃ কর্ষণে-আকর্ষণে, সপ্তাহঃ পরমঃ কালঃ-প্রকৃষ্টোঽবধিঃ| একান্নবিংশতিরিতি ন বিংশতিরিতি সুপ্সুপেতি সমাসঃ, তত একেন ন বিংশতিরিতি তৃতীযেতি যোগবিভাগাত্সমাসঃ, ততঃ "একাদিশ্চৈকস্য" ইত্যাদিনা নঞঃ প্রকৃতিভাব একস্যাদুগাগমশ্চ, ঊনার্থেঽত্র নঞ্, একোনবিংশতিরিত্যর্থঃ|

Adhikarana kAlAntaraprANaharANi trayastriMSat (53-55) · Śloka 55

| ত্রযস্ত্রিংশদপস্তম্ভতলহৃত্পার্শ্বসন্ধযঃ||৫৩|| কটীতরুণসীমন্তস্তনমূলেন্দ্রবস্তযঃ| ক্ষিপ্রাপালাপবৃহতীনিতম্বস্তনরোহিতাঃ||৫৪|| কালান্তরপ্রাণহরা মাসমাসার্দ্ধজীবিতাঃ| |৫৫|

ত্রযস্ত্রিংশদপস্তম্ভাদযঃ কালান্তরপ্রাণহরাঃ| মাসং মাসার্দ্ধং বা জীবিতং যেষু বিদ্ধেষ্বিতি মাসমাসার্দ্ধজীবিতাঃ, মাসেন প্রাণান্ হরন্তি মাসার্দ্ধেন বেত্যর্থঃ| সঙ্গ্রহে তূক্তম্ (শা. অ. ৭)-"সৌম্যাগ্রেযত্বাত্তেষাং পক্ষাভ্যন্তরং কালঃ|" ইতি| ত্রযস্ত্রিংশদিতি "ত্রেস্ত্রযঃ" ইতি ত্রযসাদেশঃ| তত্র, অপস্তম্ভৌ দৌ, তলহৃন্তি চত্বারি, পার্শ্বসন্ধী দ্বৌ, কটীকতরুণে দ্বে, সীমান্তাঃ পঞ্চ, স্তনমূলে দ্বে, ইন্দ্রবস্তযশ্চত্বারো-জঙ্ঘামধ্যযোর্দ্বেবাহুমধ্যযোর্দ্বে, ক্ষিপ্রাণি চত্বারি-হস্তযোর্দ্বে পাদযোর্দ্বে, অপালাপবৃহতীনিতম্বস্তনরোহিতাঃ প্রত্যেকং দ্বৌ দ্বাবিতি|

Adhikarana viSalyaghnAni trINi ,tatra hetuH (55-56) · Śloka 56

| উত্ক্ষেপৌ স্থপনী ত্রীণি বিশল্যঘ্নানি, তত্র হি||৫৫|| বাযুর্মাংসবসামজ্জমস্তুলুঙ্গানি শোষযন্| শল্যাপাযে বিনির্গচ্ছন্ শ্বাসাত্কাসাচ্চ হন্ত্যসূন্||৫৬||

উত্ক্ষেপৌ দ্বৌ স্থপন্যেকা, ইত্যেতানি ত্রীণি বিশল্যঘ্নানি| কোঽত্র হেতুঃ ? ইত্যাহ-তত্র হীত্যাদি| হি-যস্মাত্, তত্র-ব্যধে, শল্যাপাযে বাযুর্বিনির্গচ্ছন্-নির্যান্, মাংসাদীন্ শোষযন্ শ্বাস কাসাভ্যাং প্রাণান্ হন্তি| তত্র চ হেতৌ শতৃপ্রত্য্যাঃ| নির্গমেন হি হেতুনা মাংসাদীনাং শোষণং ভবতি|

Adhikarana vaikalyakarANi catuScatvAriMSat (57-59) · Śloka 59

ফণাবপাঙ্গৌ বিধুরে নীলে মন্যে কৃকাটিকে| অংসাংসফলকাবর্তবিটপোর্বীকুকুন্দরাঃ||৫৭|| সজানুলোহিতাক্ষাণিকক্ষাধৃক্কূর্চকূর্পরাঃ| বৈকল্যমিতি চত্বারি চত্বারিংশচ্চ কুর্বতে||৫৮|| হরন্তি তান্যপি প্রাণান্ কদাচিদভিঘাততঃ| |৫৯|

ফণাদীনি বিটপান্তানি প্রত্যেকং দ্বৌ দ্বৌ, উর্ব্যশ্চতস্রঃ, কুকুন্দরৌ দ্বৌ, জানুনী দ্বে, লোহিতাক্ষাণি চত্বারি, আণযশ্চত্বারঃ, কক্ষাধরৌ দ্বৌ, কূর্চাশ্চত্বারো-হস্তযোর্দ্বৌ পাদযোর্দ্বৌ, কূর্পরৌ দ্বৌ, ইত্যেবং চত্বারি চত্বারিংশচ্চেতি চতুশ্চ্ত্বারিংশন্মর্মাণি বৈকল্যমঙ্গস্য কুর্বতে| কদাচিত্ত্বভিঘাতাত্ তান্যপিচতুশ্চত্বারিংশত্, প্রাণান্ হরন্তি|

Adhikarana rujAkarANyaShTau (59) · Śloka 59

| অষ্টৌ কূর্চশিরোগুল্ফমণিবন্ধা রুজাকরাঃ||৫৯||

অষ্টৌ কূর্চদযো মর্মবিশেষা রুজাকরাঃ| "অগ্নিবাযুসোমগুণবাহুল্যাত্| অগ্নিবাযূ হি বিশেষেণ শূলকরৌ| সোমস্তু প্রাণাবলম্বকঃ (সং.শা. অ.৭)|" ইতি নৈতানি প্রাণহন্তৄণি| তত্র কূর্চশিরাংসি হস্তপাদেষু চত্বারি, গুল্ফৌ দ্বৌ, মণিবন্ধৌ দ্বৌ, ইত্যষ্টৌ| ইদানীম্ মর্মণাং যথাযথং প্রমাণমভিধাতুমাহ-

Adhikarana marmaNAM pramANenABidhAnam ,a~ggulamAnAni dvAdaSamarmANi (60) · Śloka 60

তেষাং বিটপকক্ষাধৃগুর্ব্যঃ কূর্চশিরাংসি চ| দ্বাদশাঙ্গুলমানানি|৬০|

তেষাং-মর্মণাং মধ্যে, বিটপাদীনি দ্বাদশ মর্মাণ্যঙ্গুলমানানি-অঙ্গুলপ্রমাণানি|

Adhikarana dvya~ggulAni ShaT marmANi (60-61) · Śloka 61

| দ্ব্যঙ্গুলে মণিবন্ধনে||৬০|| গুল্ফৌ চ স্তনমূলে চ| |৬১|

মণিবন্ধনে-মণিবন্ধৌ, দ্ব্যঙ্গুলপ্রমাণৌ| গুল্ফৌ স্তনমূলে চ দ্ব্যঙ্গুলে প্রত্যেকম্| একশ্চশব্দঃ সমুচ্চযার্থো দ্বিতীযঃ পাদপূরণে|

Adhikarana trya~ggulAni catvAri marmANi (61) · Śloka 61

ত্র্যঙ্গুলং জানুকূর্পরম্| |৬১|

ত্র্যঙ্গুলপ্রমাণৌ জানূ কূর্পরৌ চ|

Adhikarana hastatalamAnAnyekonatriMSat (61-62) · Śloka 62

| অপানবস্তিহৃন্নাভিনীলাঃ সীমন্তমাতৃকাঃ||৬১|| কূর্চশৃঙ্গাটমন্যাশ্চ ত্রিংশদেকেন বর্জিতাঃ| আত্মপাণিতলোন্মানাঃ|৬২|

অপানবস্ত্যাদযস্ত্রিংশদেকেন বর্জিতাঃ একোনত্রিংশত্, আত্মপাণিতলোন্মানাঃ-স্বহস্ততলপরিমাণাঃ|

Adhikarana ardhA~ggulAni ShaT pa~jcASat ,anyeShAM mate tilavrIhimAnAni , (62-63) · Śloka 63

| শেষাণ্যর্দ্ধাঙ্গুলং বদেত্||৬২|| পঞ্চাশত্ষট্ চ মর্মাণি, তিলব্রীহিসমান্যপি| ইষ্টানি মর্মাণ্যন্যেষাম্|৬৩|

শেষাণি ষট্পঞ্চাশন্মর্মাণী স্বেনাঙ্গুলপ্রিমাণোনার্দ্ধঙ্গুলপ্রমাণান্যাদিশেত্| অন্যেষাং তন্ত্রকৃতাং তিলপ্রমাণানি ব্রীহিপ্রমাণানি বা মর্মাণীষ্টানি-আভিমতানি| "পরমতংমপ্রতিষিদ্ধমনুমতমেব" ইত্যস্যাপি গ্রন্থকৃত এতদেব মতমিতি বোধ্যম্|

Adhikarana marmABiGAtamaraNe kAraNam (63-66) · Śloka 66

ইদানীং যথা মর্মাভিঘাতে মরণং সম্পদ্যতে তথা দর্শযতি | চতুর্দ্ধোক্তাঃ সিরাস্তু যাঃ||৬৩|| তর্পযন্তি বপুঃ কৃত্স্নং তা মর্মাণ্যাশ্রিতাস্ততঃ| তত্ক্ষতাত্ক্ষতজাত্যর্থপ্রবৃত্তের্ধাতুসঙ্ক্ষযে||৬৪|| বৃদ্ধশ্চলো রুজস্তীব্রাঃ প্রতনোতি সমীরযন্| তেজস্তদুদ্ধৃতং ধত্তে তৃষ্ণাশোষমদভ্রমান্||৬৫|| স্বিন্নস্রস্তশ্লথতনুং হরত্যেনং ততোঽন্তকঃ| |৬৬|

যাঃ সিরাশ্চতুর্দ্ধা উক্তাঃ-প্রাঙ্ক্ষির্দিষ্টা বাতপিত্তকফজুষ্টশুদ্ধরক্তবাহিন্যঃ সপ্তসঙ্খ্যাঃ, কৃত্স্নং-অশেষং, শরীরং তর্পযন্তি প্রীণযন্তি, তা মর্মাণ্যাশ্রিতাঃ-গতাঃ প্রাপ্তাঃ| তত্ক্ষতাদিত্যাদি| যত এবং সর্বাঃ সিরা মর্মাণি প্রাপ্তাঃ, ততঃ কারণাত্-মর্মাশ্রযলক্ষণাত্, তত্ক্ষতাত্-তেষাং মর্মণাং ক্ষতং তত্ক্ষতং, তস্মান্মর্মক্ষতাত্কারণাত্, ক্ষতজস্য-রক্তস্য, অতিপ্রবৃত্তিঃ| তস্মাত্ক্ষতজাত্যর্থপ্রবৃত্তেঃ কারণাত্, যো ধাতুসঙ্ক্ষযঃ-পরম্পরাক্রমাযাতো মাংসাদিধাত্বপচযঃ, তস্মিন্ ধাতুক্ষযে সতি যো বৃদ্ধশ্চলো-বাযুঃ, স তীব্রাঃ-অত্যন্তদুঃখদাযিনীঃ, রুজঃ-শূলবিশেষান্, প্রতনোতি-করোতি| কিং কুর্বন্ ? তেজঃ-পিত্তং, সমীরযন্-উদীরযন্ বৃদ্ধিং নযন্, তত্-তেজঃ, উদ্ধৃতং- বৃহত্সম্পন্নং, তৃষ্ণাদীন্ ধত্তেকরোতি| ততঃ-অনন্তরং তৃষ্ণাদিভ্যঃ, এনং-পুরুষং মর্মবিদ্ধং, অন্তকো হরতি| কিম্ভূতম্ ? স্বিন্না স্রস্তা শ্লথা তনুর্যস্য তম্| তদযমর্থঃ,-মর্মাভিঘতে রক্তবাহিনীনাং সিরাণাং মুখবিকাসো জাযতে| তদ্বিকাসাজ্জীবিতাধিষ্ঠানস্যাসৃজোঽত্যর্থং যা নিঃসৃতির্যাবত্তস্য ক্ষযঃ, তত্ক্ষযাচ্চ জীবিতনাশঃ, অশ্রযাভবাত্|

Adhikarana marmABiGAte cikitsA (66-67) · Śloka 67

| বর্ধযেত্সন্ধিতো গাত্রং মর্মণ্যভিহতে দ্রুতম্||৬৬|| ছেদনাত্সন্ধিদেশস্য সঙ্কুচন্তি সিরা হ্যতঃ| জীবিতং প্রাণিনাং তত্র রক্তে তিষ্ঠতি তিষ্ঠতি||৬৭||

অধুনা মর্মাভিঘাতে চিকিত্সামাহ- মর্মণ্যভিহতে সতি, গাত্রং-শরীরং, আশ্বেব চেদযেত্| কুতঃ ? সন্ধিতঃ,-সন্ধিপ্রদেশাত্| হি-যস্মাত্, সন্ধিদেশস্য চেদনাত্সিরাঃ সঙ্কুচন্তি-সংবৃতমুখা ভবন্তি| বর্দ্ধযেদিতি বর্দ্ধছেদনাদাবিতি চৌরাদিকঃ| অতঃ-সিরাসঙ্কোচাত্কারণাত্, রক্তং ন বহির্নিস্সরতি| তত্র রক্তে তিষ্ঠতি-বহিরবহতি সতি, জীবিতং তিষ্ঠতি|

Adhikarana amarmaNi viddhasya jIvanAdi ,marmasu kShArAdIn varjayet (68-69) · Śloka 69

তদনেন প্রকারেণ মর্মাভিঘাতক্ষতান্মরণম্, ন ত্বমর্মাভিঘাতক্ষতাত্| অত ইদমাহ সুবিক্ষতোঽপ্যতো জীবেদমর্মণি ন মর্মণি| প্রাণঘাতিনি জীবেত্তু কশ্চিদ্বৈদ্যগুণেন চেত্||৬৮|| অসমগ্রাভিঘাতাচ্চ সোঽপি বৈকল্যমশ্নুতে| তস্মত্ক্ষারবিষাগ্ন্যাদীন্ যত্নান্মর্মসু বর্জযেত্||৬৯||

যতো মর্মাভিঘাতক্ষতাত্ প্রাণী ম্রিযতে, নান্যথা ক্ষতমাত্রাত্| অতঃ-অস্মাত্কারণাত্, সুষ্ঠু কৃত্বা বিশেষেণ ক্ষতোঽপিপরশতৈর্বিদ্ধোঽপি, অমর্মণি বিদ্ধো জীবেত্, ন তু মর্মণী বিদ্ধো জীবেত্| কিম্ভূতে ? প্রাণঘাতিনি| দ্বিবিধং হি মর্ম-প্রাণঘাত্যেকমপরং বৈকল্যকরম্| তত্র প্রাণঘাতিনি মর্মণি কুশাগ্রেণাপি বিদ্ধো ন জীবতি| অথ পুণ্যবান্নিযতাযুশ্চ প্রাণঘাতিন্যপি মর্মণি বিদ্ধো বৈদ্যগুণেনাসমগ্রস্য-অসকলস্য, মর্মণোঽভিঘাতাশ্চ কশ্চিদ্যদি বিদ্ধো জীবেত্, সোঽপি বৈকল্যমশ্নুতে-বিকলতাং প্রাপ্য জীবতীত্যর্থঃ| বৈদ্যশব্দঃ প্রাধান্যাদ্রব্যাদিপাদত্রযমুপলক্ষযতি| বৈদ্যগুণেন-পাদত্রযসম্পত্ত্যেত্যর্থঃ| যতশ্চৈবং মর্মাভিঘাতঃ সাপাযঃ প্রাণোপরোধকৃত্, তস্মাত্কারণাত্ মর্মসু ক্ষারাদীন্ যত্নাত্-তাত্পর্যেণ, বর্জযেত্-পরিহরেত্ অগ্ন্যাদীনত্রাদিশব্দেন ভল্লাতকরসকপিকচ্ছুশূকাদীনাং গ্রহণম্|

Adhikarana svalpo~api marmAghAto~ati pIDAkaraH ,marmAshrayA rogA api tadvat (4) · Śloka 4

মর্মাভিঘাতঃ স্বল্পোঽপি প্রাযশো বাধতেতরাম্| রোগা মর্মাশ্রযাস্তদ্বত্প্রক্রান্তা যত্নতোঽপি চ||৭০|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা যামষ্টাঙ্গহৃদযসংহিতাযাং দ্বিতীযে শারীরস্থানে মর্মবিভাগো নাম চতুর্থোঽধ্যাযঃ||৪||

এবং মর্মাভিঘাতো রক্ষ্যঃ| যস্মান্মর্মাভিঘাতঃ সুষ্ট্বতিশযেনাল্পোঽপি প্রাযশো-বাহুল্যেন, বাধতেতরাং-অতিশযেন পীডযতি| ন কেবলং মর্মাভিঘাতো বাধতে যাবদ্রোগা অপি মর্মাশ্রযাস্তদ্বদ্বাধন্তে| যত্নতোঽপি-আদরেণাপি, প্রক্রান্তাঃ-উপক্রান্তাঃ, ইতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টঙ্গহৃদয- টীকাযাং সর্বাঙ্গসুন্দরাখ্যাযাং দ্বিতীযে শারীরস্থানে মর্ম- বিভাগো নাম চতুর্থোঽধ্যাযঃ সমাপ্তঃ|| ৪||

Adhikarana atha garBavyApannAma caturtho~adhyAyaH --pratij~jA (1) · Śloka 1

অথাতো গর্ভব্যাপদং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

অথ প্রকরণাযাতগর্ভব্যাপচ্চিকিত্সিতপ্রদর্শনার্থমধ্যাযারম্ভঃ|| ১||

Adhikarana garBiNyAH sashUle puShpadarshane cikitsAkramaH (2) · Śloka 2

স্ত্রী চেদাপন্নগর্ভা পরিহার্য্যাণ্যাসেবেত| ততশ্চ যস্যাঃ বস্তিপার্শ্বশ্রোণিযোনিমুখেষু শূলং পুষ্পদর্শনং চ স্যাত্ তাং মৃদুসুখশিশিরাস্তরণশযনস্থামীষদবনতশিরসং শীতপ্রদেহপরিষেকাদিভিরুপাচরেত্||২||

আপন্নগর্ভা সম্প্রাপ্তগর্ভা স্ত্রী পরিহার্য্যাণ্যাসেবেত চেত্ ততশ্চ যদ্যস্যাঃ শূলং পুষ্পদর্শনং চ স্যাত্ ততস্তাং মৃদুত্বাদিগুণযুক্তশযনস্থাং শীতৈঃ প্রদেহাভিরুপাচরেত্|| ২||

Adhikarana cikitsAvisheShAH (3) · Śloka 3

তদ্যথা-সহস্রধৌতেন সর্পিষাঽধোনাভেঃ সর্বতঃ প্রদিহ্যাত্| মধুকসিদ্ধসর্পিষা সুশীতেন পিচুমাপ্লাব্য যোনিসমীপে স্থাপযেত্| গব্যেন পযসা মধুকাম্বুনা ন্যগ্রোধাদিকষাযেণ ব পরিষেচযেত্| পরিপীততত্স্বরসানি চ তৈলানি যোনৌ নিধাপযেত্| তচ্ছৃঙ্গসিদ্ধস্য বা ক্ষীরসর্পিষঃ পিচুম্||৩||

সহস্রধৌতং সর্পির্যদনেকশোঽগ্নৌ বিলাপ্য শীতোদকে প্রক্ষিপ্য স্ত্যানীক্রিযতে| মধুকেন সিদ্ধং সর্পিস্তথোক্তম্| তচ্ছৃঙ্গৈর্ন্যগ্রোধাদিশৃঙ্গৈঃ সিদ্ধস্য ক্ষীরসর্পিষঃ পিচুং যোনৌ দদ্যাত্| ক্ষীরমেব প্রমথ্য সম্পাদিতং সর্পিঃ ক্ষীরঘৃতম্|| ৩||

Adhikarana garBiNyAH raktAtisrAve cikitsA (4) · Śloka 4

অতিস্রবতি তু রক্তে তত এব অক্ষমাত্রং প্রাশযেত্| কেব- লাদেব বা ক্ষীরসর্পিষঃ| পদ্মোত্পলকুমুদকিঞ্জল্কং চ সমধুশর্করং লেহযেত্| ধাতকীগৈরিকিসর্জরসাঞ্জনচূর্ণং বা মধুনা| ন্যগ্রোধা- দিত্বক্প্রবালকল্কং বা| শশৈণহরিণরুধিরং বা সক্ষৌদ্রং পাযযেত্| ঋদ্ধিবিদারীজীবন্তীর্বা পযসা| নীলোত্পল- সিতাপক্বলোষ্ঠচন্দনাদি বা| তণ্ডুলাম্বুবাসারসান্য- তরেণ| গন্ধপ্রিযঙ্গুসিতোত্পলশালূকোদুম্বরশলাটুন্য- গ্রোধশৃঙ্গানি বাঽঽজেন পযসা| কশেরুকমৃণালকশৃঙ্গাটককাশ্মর্যপরুষকদ্রাক্ষাসারি- বাপ্রপৌণ্ডরীকানন্তোত্পলকদম্ববীজক্বাথেন বা শর্ক- রামধুমধুরেণ শালিচূর্ণম্| জীবনীযশৃতং বা ক্ষীরম্| বলাতিবলাশালিষষ্টিকেক্ষুমূলকাকোলীশৃতেন পযসা সমধুশর্করেণ রক্তশাল্যোদনং সুশীতং ভোজযেত্| শীত- বীর্য্যজাঙ্গলরসেন বা| রক্তপিত্তক্রিযাশ্চ শোধনবর্জ্যাঃ প্রযুঞ্জীত| সৌম্যাশ্চ মনোঽনুকূলাঃ কথাঃ||৪||

রক্তে ত্বতিস্রবতি তত এব ন্যগ্রোধাদিসিদ্ধাত্ ক্ষীরসর্পিষোঽক্ষমাত্রং প্রাশযেত্| কেবলাদেব বা ক্ষীরসর্পিষোঽক্ষমাত্রং ন তু ন্যগ্রোধাদিশৃঙ্গসিদ্ধাত্ ক্ষীরসর্পিষঃ| পদ্মাদিকিঞ্জল্কং চ মধুশর্করাভ্যাং যুক্তং লেহযেত্| মধুনা বা ধাতক্যাদিচূর্ণম্| মধুনৈব ন্যগ্রোধাদিত্বচাং শৃঙ্গাণাং চ কল্কম্| সক্ষৌদ্রং ব শশাদ্যন্যতমরুধিরম্| ঋদ্ধ্যাদিকং চ পযস নীলোত্পলাদীনি তণ্ডলাম্বুবাসারসযোরন্যতরেণ| পক্বো মৃল্লোষ্ঠস্তথোক্তঃ| আজেন পযস গন্ধপ্রিযঙ্বাদীনি| কশেরুকাদীনাং কষাযেণ মাধুর্য্যসম্পাদনমাত্রাভ্যাং শর্করামধুভ্যাং মিশ্রেণ শালিচূর্ণং পাযযেত্| জীবনীযৌষধশৃতং ক্ষীরং বা পাযযেত্| বলাতিবলাদিশৃতক্ষীরেণ মধুশর্করাসংযুক্তেন সুশীতং রক্তশাল্যোদনং ভোজযেত্| শীতবীর্য্যাণাং চ জাঙ্গলানাং রসেন বা সুশীতং রক্তশাল্যোদনং ভোজযেত্| শোধনবর্জ্যাশ্চ সর্বা রক্তপিত্তোক্তাঃ ক্রিযাঃ যথাবসরং কুর্বীত|| ৪||

Adhikarana shoNitasrAvaM vinA bastyAdi- shUle cikitsA (5) · Śloka 5

অদৃষ্টশোণিতাং তু মধুকপযস্যাসুরদারুভিঃ সিদ্ধং পযঃ পাযযেত্| তাম্রবল্যশ্মন্তকশতাবরীপযস্যাভির্বা| বিদার্য্যাদিগণেন বা| শ্বদংষ্ট্রাস্বরসক্ষীরসিদ্ধং বা সর্পিঃ| পলাণ্ডুরসসিদ্ধং বা সক্ষৌদ্রম্||৫||

যদা তু শোণিতদর্শনং বিনৈব বস্ত্যাদৌ শূলং কেবলং ভবতি| গর্ভিণ্যাস্তথা তাং মধুকাদিসিদ্ধং পযঃ পাযযেত্| তাম্রবল্যাদিসিদ্ধং বা পযঃ| বিদার্য্যাদিগণসিদ্ধং বা| শ্বদংষ্ট্রাস্বরসক্ষীরাভ্যাং বা সিদ্ধং সর্পিঃ পাযযেত্| পলাণ্ডুরসসিদ্ধং বা ক্ষৌদ্রযুক্তং সর্পিঃ|| ৫||

Adhikarana trimAsaM yAvadasrasrutau garBasyAsAdhyatvam (6) · Śloka 6

অসম্পূর্ণত্রিমাসাযাস্তু পুষ্পদর্শনে গর্ভঃ প্রাযো ন তিষ্ঠ- ত্যসঞ্জাতসারত্বাত্||৬||

প্রথমান্মাসাদারভ্য মাসত্রযং পুষ্পদর্শনে সম্যক্ চিকিত্সিতোঽপি গর্ভঃ কোষ্ঠে ন তিষ্ঠত্যসঞ্জাতসারত্বাত্| স্রবত্যেবেত্যর্থঃ| তেন প্রথমমাসত্রযং পুষ্পদর্শনে প্রাযো গর্ভশ্চিকিত্সযাপি কোষ্ঠে ন তিষ্ঠতি| মাসত্রযাদূর্ধ্বমপি চতুর্থাদিষ্বপি মাসেষ্বকাঠিন্যাত্|

Adhikarana AmAnvaye puShpadarshane cikitsopakramaH (7) · Śloka 7

আমান্বযে চোর্ধ্বমপি বিরুদ্ধোপক্রমত্বাত্| তত্র রূক্ষশী- তানি প্রযুঞ্জীত||৭||

আমান্বযে পুষ্পদর্শনে বিরুদ্ধোপক্রমত্বাদ্গর্ভঃ কোষ্ঠে ন তিষ্ঠতি| আমে হ্যুষ্ণতীক্ষ্ণাদিকা ক্রিযা| সা তু গর্ভে বিপরীতা| অতো বিরুদ্ধোপক্রমত্বম্| যত্র চতুর্থাদিষ্বপি মাসেষ্বামান্বযো নাস্তি, তত্র পুষ্পদর্শনেঽপি গর্ভো বিধারযিতুং সুশক্যতে| তত্র ত্বামান্বযে রূক্ষশীতান্যৌষধানি প্রযুঞ্জীত|| ৭||

Adhikarana tatra cikitsAvidhiH (8) · Śloka 8

তদ্যথা-প্রাগুপবাসং ততো দুরালভামৃতোশীরপর্পটক- ঘনচন্দনাতিবিষাবলাকট্বঙ্গধান্যাকক্বাথপানম্| তৃণধান্যশালিষষ্টিকপেযামশনং চ মুদ্গাদিযূষৈঃ| জিতে ত্বামে স্নিগ্ধশীতানি পূর্ববত্||৮||

তদ্যথেত্যাদিনা তেষামেবোপযোগবিশেষং দর্শযতি| ঔষধাত্ পূর্বমুপবাসঃ দুরালভাদিক্বাথস্য পানম্| তৃণধান্যাদিপেযা মুদ্গাদিযূষৈশ্চাশনং প্রযুঞ্জীতেতি সম্বধ্যতে| এবমামে জিতে প্রথমপুষ্পদর্শনবত্ স্নিগ্ধাদীন্যুপযুঞ্জীত|| ৮||

Adhikarana AmagarBapAte cikitsA (9) · Śloka 9

আমগর্ভে তু পতিতে মদ্যানামন্যতমং সামর্থ্যতঃ পাযযেত্| গর্ভকোষ্ঠবিশুদ্ধ্যর্থমর্তিবিস্মরণার্থঞ্চ| অমদ্যপাং পাচ- নীযদ্রব্যোপহিতাভিঃ স্নেহলবণবর্জ্যাভিঃ সতিলাভি- রুদ্দালকাদিযবাগূভিরুপাচরেদ্ যাবন্তো মাসাস্তাবন্ত্য- হানীতি| ততঃ প্রীণনৈর্বলানুরক্ষিভিরস্নেহৈরাহারৈরাদোষধাতুক্লেদ- শুদ্ধেঃ| আমগর্ভশেষেণ হি পুনঃ পুনরকুশলমনুষজ্যেত| তস্মাত্ তীক্ষ্ণৈরনবশেষযন্নুপাচরেত্| ততঃ পরং স্নেহপানৈ- র্বস্তিভিরাহারৈশ্চ দীপনীযপাচনীযজীবনীযবৃংহণীয- মধুরবাতহরৈরিতি||৯||

আমগর্ভপাতে মদ্যানামন্যতমং গর্ভিণীং পাযযেত্| প্রযোজননির্দেশস্তদ্গুণমন্যত্ প্রদর্শযিতুম্| অমদ্যপা যা কেনচিত্ কারণেন মদ্যং ন পিবতি তাং পাচনীযদ্রব্যসম্মিশ্রাভিরস্নেহলবণাভিঃ সতিলাভিঃ তুণধান্যযবাগূভিরুপাচরেত্| যাবত্ সঙ্খ্যে মাসি গর্ভ পাতস্তাবত্ সঙ্খ্যান্যহানি অযং ক্রমঃ| ততোঽনন্তরমেবাদোষাদিশুদ্ধেঃ প্রীণনাদিগুণৈরাহারৈরুপাচরেত্| কুত ইত্যাহ-আমগর্ভশেষেণেত্যাদি| তদনু চ স্নেহপানৈর্বস্তিভিস্তথা দীপনীযাদিযুক্তৈরাহারৈরিতি|| ৯||

Adhikarana garBasyopaviShTakopashuShkakasamBavahetuH (10) · Śloka 10

যস্যাঃ পুনর্মহতি জাতসারে গর্ভে বর্জ্যানামবর্জনাত্ পুষ্প- দর্শনং স্যাদন্যদ্বা যোনিস্রবণম্| তস্যাস্তন্নিমিত্তং বাযুঃ প্রকুপিতঃ পিত্তশ্লেষ্মাণৌ পরিগৃহ্য গর্ভস্য রসবহাং নাডীং প্রতিপীড্যাবতিষ্ঠতে| ততো নাড্যাং দোষৈঃ কুল্যাযামিব বহনাদ্গর্ভো বৃদ্ধিমনাপ্নুবন্নুপবিশত্যুপশুষ্যতি বা||১০||

মহতি জাতসারে বর্জ্যাবর্জনাদ্যোনিরার্ত্তবমন্যদ্বা কিঞ্চিত্ স্রবতি| তস্যা যোনিস্রুতিনিমিত্তং বাযুঃ কুপিতঃ সন্ পিত্তশ্লেষ্মাণৌ পরিগৃহ্য যা তু নাডী মাতুরাহারসারং রসং গর্ভস্য বহতি তাং নাডীং প্রতিপীড্য তিষ্ঠতি| ততস্তযা তদ্বৃদ্ধযা নাড্যা কুল্যযেব তৃণাদিচ্ছন্নযা কেদারো গর্ভো বৃদ্ধিমপ্রাপ্নুবন্নুপবিশত্যুপশুষ্যতি বা|| ১০||

Adhikarana upaviShTakagarBalakShaNam (11) · Śloka 11

তত্র যস্যাঃ কাদাচিত্কার্ত্তবপরিস্রাবাবল্পৌ চ দৃশ্যেতে সততং চ গর্ভঃ প্রাপ্তাত্ পরিমাণাদপরিহীযমান এব স্ফুরতি| ন চ কুক্ষির্বিবর্ধতে, তমুপবিষ্টকমিত্যা- চক্ষতে||১১||

তত্র দ্বৌ ভেদৌ| একো বৃদ্ধ্যপ্রাপ্তিঃ দ্বিতীয উপশোষঃ| প্রথমে কাদাচিত্কেন স্রাবেণ গর্ভো ন পরিহীযতে| নাপি বর্ধতে| স্ফুরতি চ তমুপবিষ্টকমিত্যাচক্ষত আচাড়্য্যাঃ|| ১১||

Adhikarana upashuShkakagarBalakShaNam (12) · Śloka 12

যদা তু প্রতিমাসমার্ত্তবং প্রত্যহং বা পরিস্রবণং নাত্যল্পং চ তথা পরিহীযমাণো গর্ভশ্চিরাত্ কিঞ্চিত্ স্পন্দতে| কুক্ষিশ্চ বৃদ্ধোঽপি পরিহীযতে| তদুপশুষ্ককং নাগোদরং চ||১২||

দ্বিতীযে ত্বতিস্রাবাদ্দৃদ্ধোঽপি পরিহীযতে| চিরাত্ স্তোকং চ স্পন্দতে| কুক্ষিশ্চ বৃদ্ধোঽপি পরিহীযতে| তং গর্ভমুপশুষ্ককনাগোদরশব্দাভ্যামাচক্ষতে|| ১২|

Adhikarana upaviShTakanAgodarayoH prasavakAlanishcayaH (13) · Śloka 13

তৌ তু মাতুরাহারতেজসাঽল্পেনাপ্যায্যমানৌ যদা পুষ্টৌ স্যাতাং কেশদশনাদিযুক্তৌ| তদা বর্ষগণৈরপি প্রমদা প্রসূযেত এব||১৩||

তৌ চোপবিষ্টকোপশুষ্ককৌ মাতুরাহারতেজস স্বল্পেনাপ্যায্যমানৌ ক্রমেণ যদ পুষ্টৌ স্যাতাং তদ কেশদশনাদিযুক্তৌ বহুভিরপি বর্ষৈঃ প্রমদা প্রসূযেত্|| ১৩||

Adhikarana vAtikopaviShTakanAgodarayorlakShaNAni (14) · Śloka 14

তত্র বাতেনোপবিষ্টকোপশুষ্ককযোর্বাযুঃ প্রতিহন্যতে| সশব্দং ফেনিলং বিচ্ছিন্নং শকৃদুপবেশ্যতে| মূত্রমুপরুধ্যতে| কটীপৃষ্ঠহৃদযেষু বেদনা| জৃম্ভা, নিদ্রানাশোঽভীক্ষ্ণং প্রতিশ্যাযঃ, শুষ্ককাসঃ, সাদঃ, ক্ষ্বেডেতে ইব কর্ণৌ, তুদ্যেতে ইব শঙ্খৌ| পিপীলিকাভিরিব সংসৃজ্যতে শরীরং পরিঋন্তন্নিব বাযুর্ভ্রমতি কুক্ষৌ তম ইব প্রবেশ্যতে| দুঃখেনান্নস্য জরণম্| অহরহঃ পরিহানিঃ| স্ফুটিতবিবর্ণপরুষত্বক্ত্বং চ ভবতি||১৪||

তত্রেত্যাদিনা দোষবিশেষেণ তযোর্লক্ষণমুচ্যতে| তত্রাপথ্যবিশেষসেবযা যদোপবিষ্টকোপশুষ্ককযোর্বাযোরাধিক্যং ভবতি তদা তত্র বাতহেতুকযোরুপবিষ্টকোপশুষ্ককযোঃ কোষ্ঠচরো বাযুস্তাভ্যাং প্রতিহন্যতে| সশব্দতাদিযুক্তং চ সকৃত্ গর্ভিণ্যুপবেশ্যতে| সুবোধমন্যত্|| ১৪||

Adhikarana paittikopaviShTakanAgodararyorlakShaNAni (15) · Śloka 15

পিত্তেন তাম্রহরিতমুপবেশ্যতে| ধূমকোঽম্লকশ্ছর্দিমূর্চ্ছাক্ষিহৃদযদাহঃ| পীতরক্তগোমূত্রাভনেত্রমূত্রনখত্বক্ত্বং কালী দুর্বলা নিত্যশূনা চ নারী ভবতি||১৫||

পিত্তেনোভযোর্গর্ভিণ্যাস্তাম্রহরিতশকৃদুপবেশনাদি সুবোধম্| গোমূত্রবত্ পীতরক্তনেত্রাদিত্বম্|| ১৫||

Adhikarana shlaiShmikopaviShTakanAgodarayorlakShaNAni (16) · Śloka 16

শ্লেষ্মণা মধুরাস্যত্বমুত্ক্লেশঃ শ্লেষ্মোদ্বমনং ভক্তদ্বেষঃ শ্বেতহস্তপাদনেত্রতা কাসঃ শ্বাসশ্চ||১৬||

শ্লেষ্মণা তযোর্গর্ভিণ্যা মধুরাস্যত্বাদিকং ভবতীতি দোষবিশেষলক্ষণম্|| ১৬||

Adhikarana upaviShTakanAgodarayoH sAmAnyA cikitsA (17) · Śloka 17

তযোর্জীবনীযবৃংহণীযমধুরৌষসিদ্ধানাং সর্পিষামুপযোগঃ| তথা পযসাং রসানামামগর্ভাণাং চ গর্ভবৃদ্ধিকরঃ| তথা সম্ভোজনমেতৈরেব চ ঘৃতাদিভিঃ| সুভিক্ষাযা অভীক্ষ্ণং যানবাহনাপবর্জ্জনবৃংহণৈরুপপাদনম্||১৭||

চিকিত্সা তূভযোঃ সামান্যেন জীবনীযাদিশৃতসর্পিরাদিকা| এষামুপযোগো গর্ভবৃদ্ধিকর ইত্যর্থঃ| তথা এতৈরেব সর্পিরাদিভিহ্ সম্ভোজনং সহ ভোজনম্| তৈরেব চ সুভিক্ষাযাস্তৃপ্তাযা গর্ভিণ্যা যানবাহনাদিভিরপবর্জনম্| উপপাদনমুপস্কারঃ দানম্| ইতি সামান্যেনোপবিষ্টকোপশুষ্ককযোর্বিবদ্ধনার্থং চিকিত্সিতম্|| ১৭||

Adhikarana vAtikopaviShTakanAgodara- yoshcikitsA (18) · Śloka 18

অথ বিশেষেণ বাতে পূর্বমেব সৈন্ধবোপহিতং ক্ষীরবস্তিং দত্ত্বা শীতোদকস্নাতাং মৃদু শাল্যোদনং ভোজযেত্| ততো বিদার্য্যাদিগণসাধিতেন সর্পিষাঽনুবাসযেত্| নিবাতং চ সেবেত||১৮||

বাতাদিদোষে বিশেষেণ অথেত্যাদিনা কথযতি-বস্তিদানাদনুভোজনম্| ততোঽনুবাসনম্| সুবোধম্|| ১৮||

Adhikarana paittikopaviShTakanAgodarayoshcikitsA (19) · Śloka 19

পিত্তে মধুকবিদারীনির্য্যূহসিদ্ধং পযঃ পিবেত্| তিস্রঃ স্থূলকুক্কুটীর্নিস্তুষমাষাঢকং চ ক্ষীরোদকেনোলূখলে সংক্ষুদ্য তদ্রসেন সর্পিষা চ তিত্তিরিকপিঞ্জলান্যতররসং সাধযিত্বা পাযযেদুপবিষ্টকবিবর্ধনার্থমুপশুষ্ককবৃংহণার্থং চ| অজাসর্পিষা ক্ষীরেণ জীবনীযৈশ্চ সংস্কৃতাং যবাগূং পিবেত্| পযস্যা কাকোলীদ্বযসুনিষণ্ডককল্কেন পযসা চ সর্পির্বিপাচযেত্| তত্কাল্যং ক্ষীরানুপানমুপযুঞ্জীত| আম- গর্ভরসেন চাশ্নীযাত্| তানেব চ তত্র ভৃষ্টান্ ভক্ষযেত্| জলচরমাংসানি চ||১৯||

স্থূলাশ্চ তাঃ কুক্কুট্যস্তথোক্তাঃ তেন মাষকুক্কুটীরসেন সর্পিষা মিশ্রিতেন সহ তিত্তিরেঃ কপিঞ্জলস্য বা রসং সাধযিত্বা উপবিষ্টকবিবর্ধনার্থমুপশুষ্ককবৃংহণার্থঞ্চ পাযযেদিতি সম্বন্ধঃ | জীবনীযানাং যথাসংস্কারং মাত্রা| পযস্যাদীনাং চতুর্ণাং কল্কেন তচ্চতুর্গুণং সর্পিঃ পযসা স্নেহসমেন বিপচেত্| পযস্যা ক্ষীরবিদারী| কাল্যং প্রাতঃ| তস্মিন ক্ষীরানুপানে প্রযুক্তে ভোজনকালে আমগর্ভাণাং ত্বচিরকালজাতানাং প্রাণিনাং রসেনাবমশ্নীযাত্| তানেবামগর্ভাংস্তত্রৈব রসে ভৃষ্টান্নিস্তালিতান্ ভক্ষযেত্ তত্তজ্জলচারিণাং হংসাদীনাং মাংসানি চ|

Adhikarana shlaiShmikopaviShTakanA- godarayoshcikitsA (20) · Śloka 20

কফে ত্বানূপৌদকপিশিতোপদংশামচ্ছসুরাং ত্রিরাত্রং পঞ্চরাত্রং সপ্তরাত্রং বা পিবেত্| তিলমুদ্গমাষলবণবিল্বপাত্রৈঃ| পঞ্চভির্ঘৃতপাত্রং সংযোজ্য স্বনুগুপ্তং নিধাপযেত্| ততঃ প্রাতঃ পিণ্ডং বিল্বমাত্রং শৃতশীতচ্ছাগদুগ্ধনুপানং বাঽশ্নীযাত্| অত্রৈব বা বদর- চূর্ণপাত্রমপি নিদধ্যাত্||২০||

পিশিতমুপদংশঃ পানোপাযভোজনং যস্যাঃ সুরাযাস্তাম্| তিলাদীনাং পঞ্চানামেকীকৃত্য চূর্ণস্য পঞ্চপাত্রং ঘৃতস্য পাত্রেণ সংযোজ্য নিধাপযেত্| স্বনুগুপ্তং কৃত্বৈষ ততঃ প্রযোগঃ| অত্রৈব বদরচূর্ণপাত্রপ্রক্ষেপো দ্বিতীযঃ| পাত্রং শুষ্কদ্রব্যস্য চতুষ্ষষ্টিপলানি| ঘৃতস্যাষ্টাবিংশত্যধিকং পলশতম্||২০||

Adhikarana garBasya sarvathA avRuddhau tatpAtanam (21) · Śloka 21

এবমবৃদ্ধৌ তীক্ষ্ণৈর্বিরেচযেদপরাপাতনীযৈশ্চ পাতযেত্||২১||

এবং গর্ভো ন বর্ধতে তদা গর্ভিণীং তীক্ষ্ণৈর্দ্রব্যৈর্বিরেচযেত্ অপরাপাতনীযৈর্বা প্রযোগৈর্গভং পাতযেত্|| ২১||

Adhikarana lInagarBalakShaNam (22) · Śloka 22

যস্যাঃ পুনর্বাতোপসৃষ্টস্রোতসি লীনো গর্ভঃ প্রসুপ্তো ন স্পন্দতে তং লীনমিত্যাহুঃ||২২||

লীনো নাম গর্ভো যো গর্ভিণ্যা বাতোপসৃষ্টস্রোতসি লীনো ন স্পন্দতে|| ২২||

Adhikarana lInagarBacikitsA (23) · Śloka 23

তত্র শ্যেনোত্ক্রোশগোমত্স্যগোধাশিখিকুক্কুটতিত্তিরীণামন্যতমস্য রসেন ভূরিসর্পিষ্কেণ মাষযূষেণ বা ঘৃতাঢ্যেন রক্তশাল্যোদনং ভোজযেত্| সক্তূন্ বা তিলমাষবিল্বশলাটুযুক্তান্ পযস পাযযেত্ মেদ্যমাংসোপদংশং বা মার্দ্বীকম্| তৈলেন চাভীক্ষ্ণমুদরবঙ্ক্ষণোরুকটীপার্শ্বপৃষ্ঠান্যভ্যজ্যাত্| মুহুর্মুহুশ্চৈনাং হর্ষযেত্| পূর্বোক্তং চেক্ষেত||২৩||

তত্র লীনে গর্ভে শ্যেনাদীনামন্যতমস্য রসেন বহুসর্পিষ্কেণাথবা মাষযূষেণ ঘৃতাড্যেন মূলকযূষেণ বা ঘৃতাঢ্যেন রক্তশাল্যোদনং ভোজযেত্| সক্তূন্ বা তিলাদিসংযুক্তান্ ক্ষীরেণ পাযযেত্| বিল্বশলাটু বালবিল্বম্| মেদ্যং মেদুরম্| সুবোধম্| পূর্বোক্তং গর্ভবৃদ্ধিকরোক্তম্|| ২৩||

Adhikarana udAvartacikitsA (24) · Śloka 24

যস্যাঃ পুনরুদাবর্তবিবন্ধঃ স্যাত্তাং বাতহরস্নিগ্ধান্নপানৈরুপাচরেত্| অষ্টমে তু মাসে মধুকসিদ্ধেন তৈলেনানুবাসযেত্| তদসিদ্ধৌ বীরণশালিকুশকাশেক্ষুবালিকাবেতসপরিব্যাধমূলানাং ভূতীকানন্তাকাশ্মর্যপরূষকমধূকমধুকমৃদ্বীকানাং চ পযসাঽর্ধোদকেনোদ্গৃহ্য রসং তেন প্রিযালবিভীতকমজ্জতিলকল্কযুক্তেনেষল্লবণোষ্ণেন নিরূহযেত্| বিগতবিবন্ধাং চ স্নাতাশিতাং সাযং তেনৈব তৈলেনানুবাসযেত্||২৪||

যস্যা ইত্যাদি সুবোধম্| অষ্টমে মাসে ত্বনুবাসনং তেনানুবাসনেনাসিদ্ধৌ বীরণাদীনাং সপ্তানাং মূলানাং ভূতীকাদীনাং যথাসম্ভবং মূলানাং ফলানাং চ ক্ষীরোদকাভ্যাং অনুক্বাথনেন চূর্ণমেলনেন রসমুদ্গৃহ্য তেন রসেন প্রিযালাদিকল্কমিশ্রেণ ঈষল্লবণেনেষদুষ্ণেন চ নিরূহযেত্| বীরণং তৃণবিশেষঃ| ইক্ষুবালিকা করঙ্কশালিরিক্ষুঃ পরিব্যাধো জলবেতসঃ| বিগতোদাবর্তবিবন্ধাং চানুবাসযেত্| তেনৈব মধুকসিদ্ধেন তৈলেন|| ২৪||

Adhikarana udAvartepekShAyAM vyApat (25) · Śloka 25

উদাবর্তো হি সমুপেক্ষিতঃ সহসা সগর্ভাং গর্ভিণীমতিপাতযেত্||২৫||

অবশ্যং চোদাবর্ত্তে চিকিত্সাং কুর্যাত্| যত্ উদাবর্ত উপেক্ষিতঃ সহস শীঘ্রমেব সগর্ভাং গর্ভিণীং হন্যাত্|| ২৫||

Adhikarana AmagarBasrAvahetavaH (26) · Śloka 26

যস্যাঃ পুনরতিমাত্রদোষোপচযাদ্যথোক্তৈর্বা ব্যবাযাদিভিরন্যৈর্বা ব্যাধিভিঃ পূর্বোপচিতেন বা জনন্যপত্যযোঃ কর্মণা বন্ধনান্মুচ্যতে গর্ভঃ ফলমিব বৃন্তাত্সমুক্তবন্ধনো গর্ভশয্যামতিক্রম্য কৃতপ্লীহান্ত্রবিবরৈরবস্রংসমানঃ কোষ্ঠসংক্ষোভমাপাদযতি| ততঃ কোষ্ঠসংক্ষোভাদ্বাযুরপানো মূঢঃ কুক্ষিবস্তিপার্শ্বোদরযোনিশূলানাহবিণ্মূত্রসঙ্গানাপাদ্য গর্ভং চ্যাবযতি তরুণং শোণিতভাবেন| সোঽভিহিতঃ প্রাক্||২৬||

যস্যা ইত্যাদি সুবোধম্| গর্ভস্য বন্ধনং যত্র তত্র মাতুরনুবন্ধো ভবতি পরিপোষার্থম্| বৃন্তাদ্যেন শাখাযাং নিবধ্যতে ফলম্| স ব্যাপন্নো গর্ভ আমঃ সন্ শোণিতভাবেনাপি প্রসূযতে| তত্র চ বিধেযমুক্তম্|| ২৬||

Adhikarana mRutagarBAyA lakShaNam (27) · Śloka 27

বিবৃদ্ধে তু গর্ভে স্তব্ধং স্তিমিতং শীতমশ্মগর্ভমিবোদরমাভাতি| শূলমধিকমুপজাযতে| ন চ স্পন্দতে গর্ভো নাঽঽব্যঃ প্রাদুর্ভবন্তি| ন স্রবতি যোনিরক্ষিণী চাস্যাঃ স্রংস্যেতে| তথা ভৃশমরতিপরীতা ব্যথতেঽন্যথা চেষ্টতে তাম্যতি ভ্রাম্যতি রোদিত্যহর্নিশম্| ন স্বপিতি| পূত্যুচ্ছ্বাসা কৃচ্ছ্রাচ্ছ্বসিত্যতিকষ্টং প্রাণিতি| জক্ষিতীত্যেবংবিধাং স্ত্রিযং মৃতগর্ভাং বিদ্যাত্||২৭||

যদা তু বৃদ্ধো ব্যাপদ্যতে তদা গর্ভিণ্যাঃ স্তব্ধোদরত্বাদিকং করোতি| আব্যো গর্ভপ্রসববেদনাঃ| অক্ষ্ণোঃ স্রংসো বন্ধঃ ভ্রংশঃ| পূতিরুচ্ছ্বাসো যস্যাঃ সা তথোক্তা| অতিকষ্টং প্রাণিতি| কথমপি চেষ্টাসু প্রভবতি| জীবতি বা কষ্টং চ জক্ষিতিভক্ষযতি| স্বপিতি বা ইত্যেবংবিধলক্ষণযুক্তাং স্ত্রিযং মৃতগর্ভাং বিদ্যাত্|

Adhikarana mUDhagarBalakShaNam (28) · Śloka 28

তং তু গর্ভং কদাচিদসম্যগপত্যপথমনেকধা প্রতিপন্নং বিগুণেনেব বাযুনা পীডিতং মোহিতং চ মূঢগর্ভমিত্যাহুঃ| বিগুণানিলপ্রতিপীডনবৈচিত্র্যাদসঙ্খ্যগতিং চ||২৮||

তং গর্ভং কদাচিদ্বাতবশাদসম্যগনার্জবেনাপত্যপথং যোনিমার্গং প্রবৃত্তং বাযুনা পীডিতং মোহিতমস্পন্দং মূঢগর্ভমিত্যাহুরাচার্য্যাঃ| বাযুপীডনবৈচিত্র্যাচ্চ তস্য গর্ভস্যাসঙ্খ্যগতিত্বম্|| ২৮||

Adhikarana mUDhagarBagatayaH sthAnAni ca (29) · Śloka 29

সমাসতস্তু ত্রিবিধা গতিরুর্ধ্বা, তির্য্যঙ্, ন্যুব্জা চ| সংস্থানানি পুনরষ্টৌ| তান্যত্রৈবোত্তরত্র বক্ষ্যন্তে||২৯||

সংক্ষেপেণ ত্রিবিধা গতিরূর্ধ্বাদিভেদেন| ঊর্ধ্বা যস্যামুত্থিতো গর্ভ আযাতি| তিরশ্চীনা গর্ভিণীপার্শ্বযোঃ কৃতপাদশিরসঃ| ন্যুব্জা অধশ্শিরস ঊর্ধ্বপাদস্য| তস্য চ গর্ভস্যাষ্টৌ সংস্থানানি| তানি চ বক্ষ্যন্তে- ১. সক্থিভ্যামাগমনমেকম্| ২. একেন সক্থ্না দ্বিতীযম্| ৩. স্ফিঙ্মূলেন তৃতীযম্| ৪. তির্য্যক্ চতুর্থম্| ৫. পার্শ্ববৃত্তশিরসঃ পঞ্চমম্| ৬. বাহুদ্বযেন ষষ্ঠম্| ৭. বক্রেণ পৃষ্ঠেন পাণিপাদশিরসা যোনিমুখাগমনং সপ্তমম্| ৮. একেন পাদেন যোনিং দ্বিতীযেন গুদমিত্যষ্টমম্|| ২৯||

Adhikarana asAdhyamUDhagarBAlakShaNam (30) · Śloka 30

তেষু সর্বেষ্বপি বিপরীতেন্দ্রিযার্থামাক্ষেপযোনিভ্রংশসংবরণমক্কলশ্বাসভ্রমাভিপন্নাং শীতগাত্রাং পূত্যুদ্গারাং চ বর্জযেত্||৩০||

তেষু সর্বেষ্বপি মূঢগর্ভেষু বিপরীতেন্দ্রিযার্থত্বাদিযুক্তাং গর্ভিণীং বর্জযেত্| ন চিকিত্সেদিত্যর্থঃ|| ৩০||

Adhikarana mRutagarBashalyopekShAyAM vyApat (31) · Śloka 31

ন তু ক্ষণমপ্যুপেক্ষেত গর্ভশল্যম্| তদ্বিনিরুচ্ছবাসীকৃত্যাঽঽশু জননীং হন্যাত্||৩১||

শল্যভূতং গর্ভং মৃতং সন্তং ক্ষণমপি ভিষঙ্নোপেক্ষেত| তদ্ধি গর্ভশল্যং জনন্যা উচ্ছ্বাসরোধং কৃত্ব তাং হন্যাত্|| ৩১||

Adhikarana sacetanamUDhagarBasya Cedane vyApattatrAnuShTheya~jca (32) · Śloka 32

সচেতনশ্চ গর্ভঃ শস্ত্রেণ বিদার্য্যমাণো বিষযমঙ্গানি বিক্ষিপেত্| তস্মাত্ তত্সঙ্গে সূত্যঃ প্রযতেরন্ পুর্বোক্তানি চ মন্ত্রৌষধানি প্রযুঞ্জীত||৩২||

অবিজ্ঞানাচ্চ সচেতনোঽপি গর্ভঃ শস্ত্রেণ বিদার্য্যমাণো বিষমং কৃত্বাঙ্গানি বিক্ষিপন্ নিরুচ্ছ্বাসীকৃত্য জননীং হন্যাদিতি সম্বন্ধঃ| তস্মাত্তস্য জিবতো গর্ভস্য সঙ্গে অপ্রসবে সূত্যো যা অনুভূতানেকপ্রসবাস্তাঃ| প্রসবায নানাবিধৈরুপাযৈঃ প্রযতেরন্|| ৩২||

Adhikarana garBasa~ggasya traividhyam (33) · Śloka 33

ত্রিবিধস্তু সঙ্গো ভবতি| শিরস্যংসে জঘনে বা| তস্য হি সঙ্গস্ত্রিবিধো ভবতি| মূঢগর্ভনির্হরণন্তত্র মতান্তরাণি মূঢগর্ভস্য তু জরাযুপাতনসামান্যং কর্মেত্যেকে| মন্ত্রাদিক- র্মাথর্ববেদবিহিতমিত্যেকে| দৃষ্টকর্মণা শল্যহর্ত্রা শল্যা- হরণমিত্যেকে||৩৩||

যঃ পুনর্মূঢগর্ভস্তস্যৈকে আচার্য্যাঃ অচেতনসামান্যাজ্জরাযুপাতনসদৃশং কর্মেতি কথযন্তি| অন্যে মন্ত্রাদিকং দৈবেহেতোঃ| কেচিদাঽঽহরণমাশুকারিত্বাত্প্রত্যক্ষোপাযত্বাচ্চ|

Adhikarana garBashastrakarmaNaH kaShTatamatvam (34) · Śloka 34

ন ত্বতঃ কষ্টতমমস্তি শস্ত্রকর্ম| যতো যোনিযকৃত্প্লীহান্ত্রগর্ভাশযাদীনাং মধ্যে তাননুপহিংসতাঽস্পর্শবতা শস্ত্রমবচার্য্যমুত্কর্ষণব্যাবর্তনোত্কর্তনচ্ছেদনভেদনপীডনর্জূকরণানি চৈকেন পাণিনা কার্য্যাণি||৩৪||

অতো গর্ভশস্ত্রকর্মণোঽন্যচ্ছস্ত্রকর্ম কষ্টতমং নাস্তি| যতো যোন্যাদীনি রক্ষ্যাণি স্পর্শনেনৈব শস্ত্রমবচার্য্যমদৃষ্টিগোচরত্বাত্| একেনৈব পাণিনোত্কর্ষণাদীনি কার্য্যাণীত্যতিকষ্টম্|| ৩৪||

Adhikarana mUDhagarBe prANasaMshayerAshu shastramavacAryam (35) · Śloka 35

তস্মাদীশ্বরমাপৃচ্ছ্য পরং চ যত্নমাস্থায তদ্বিদ্যসহিতস্তমুপক্রমেত্| অক্রিযাযাং ধ্রুবং মরণম্| উপক্রমে সংশযঃ| তথোদরাঽশ্মরীপ্রভৃতীনপি||৩৫||

তস্মাদ্ভিষগীশ্বরমাপৃচ্ছ্য যথা মৃতাযামযশসা যোগো ন ভবতীতি| পরং চ যত্নমাস্থায কৃতাভ্যাসৈশ্চ ভিষগ্ভিঃ শস্ত্রেণোপক্রমেত| যস্মাদনাহরণে গর্ভস্য গর্ভিণ্যাশ্চ ধ্রুবমবশ্যং মৃত্যুর্ভবতি| উপক্রমে তু সংশযঃ| প্রসঙ্গাদুদরাদীনামপ্যেবং বিজ্ঞেযম্|

Adhikarana mUDhagarBAharaNavidhiH (36) · Śloka 36

অথোত্তানাযা ব্যাভুগ্নসক্থ্যা বস্ত্রচুম্বলান্নমিতকটিপ্রদেশাযাশ্চ ধন্বনাগবৃন্তিকাশাল্মলীপিচ্ছাঘৃতৈরভ্যজ্য হস্তং যোনিং চ গর্ভমাহরেত্||৩৬||

ব্যাভুগ্নে সঙ্কুচিতে সক্থিনী| বস্ত্রচুম্বলং পট্টমযঃ কোমলপিণ্ডঃ| নাগবৃন্তিকা সল্লকী স্বনামিকা| বা নাগমৃত্তিকেতি পাঠঃ| হস্তং ভিষজঃ| ইত্যুত্তানাযা গর্ভমাহরেত্|| ৩৬||

Adhikarana tatra prakArAntaranirdeshaH (37) · Śloka 37

তত্র সক্থিভ্যামাগতস্যানুলোমমাঞ্ছনমেব| একসক্থিপ্রপন্নস্যেতরং সক্থিং প্রসার্য্য| স্ফিগ্দেশাগতস্য স্ফিগ্দেশং প্রতিষিধ্যোর্ধ্বমুত্ক্ষিপ্য সক্থিনী প্রসার্য্য| তির্য্যগাগতস্য পরিঘস্যেবাপরার্ধমুত্ক্ষিপ্য পূর্বার্ধমপত্যপথং প্রত্যার্জবমানীয| পার্শ্বাপবৃত্তশিরসোংঽসং প্রতিপীড্যোর্ধ্বমুত্ক্ষিপ্য শিরোঽপত্যপথমানীয| বাহুদ্বযপ্রপন্নস্যোর্ধ্বমুত্পীড্যাঽসৌ শিরোমূলমানীয নির্হরেত্||৩৭||

তত্রেত্যাদি আচ্ছানমাত্মদিক্কর্ষণম্| সক্থিনী প্রসার্য্য তন্নির্হরেদিতি সম্বন্ধঃ| স্ফিগ্দেশং যোনিমুখাদন্তৈর্নীত্বা পাদৌ যোনিমুখমানীয| সক্থিনী প্রসার্য গর্ভস্য| পরিঘো দণ্ডাকার আযুধো যোনিমধ্যে হি তত্পরিবর্তনে ছিনত্তীতি| পূর্বার্ধং শিরোভাগঃ| পার্শ্বে বক্রং শিরো যস্য| তস্যাং সম্প্রতিপীড্য শির অপত্যপথমানীয নির্হরেত্|| ৩৭||

Adhikarana shastradAraNArhamUDhagarBalakShaNam (38) · Śloka 38

যস্ত্বাভুগ্নমধ্যঃ পাণিপাদশিরোভির্যোনিং প্রতিপদ্যতে| যশ্চাভুগ্ন একেন পাদেন যোনিং দ্বিতীযেন পাযুম্| তৌ মূঢৌ হস্তেনাহর্তুমশক্যাবিতি শস্ত্রমবচারযেত্||৩৮||

যৌ বা তাভ্যাং সংস্থানাভ্যাং মূঢগর্ভৌ তৌ দ্বাবেব হস্তেনাহর্ত্তুমশক্যত্বাত্ শস্ত্রদারণমর্হতঃ|| ৩৮||

Adhikarana tatra shastrAvadAraNavidhiH (39) · Śloka 39

অথ স্ত্রিযমাশ্বাস্য মণ্ডলাগ্রেণাঙ্গুলিশস্ত্রেণ বা (শিরো) বিদার্য্য শিরাঃ কপালান্যাহৃত্য গর্ভশঙ্কুনা গৃহীত্বা চিবুকে তালুন্যুরসি কক্ষ্যাযাং বাঽপহরেত্| অভিন্নশিরসং চাক্ষিকূটে গণ্ডে বা| তথাসংসক্তস্যাংসদেশে বাহুং ছিত্বা| দৃতেরিবাধ্মাতস্য বাতপূর্ণমুদরমবদার্য্য নিরস্যান্ত্রাণি শিথিলীভূতমাহরেত্| জঘনসক্তস্য জঘনকপালানি দারযিত্বেতি||৩৯||

অথেত্যাদি সুবোধম্| গর্ভশঙ্কুঃ পূর্বোক্তং বক্রবক্ত্রং যন্ত্রম্| গর্ভস্য হি কক্ষ্যাদ্যাসজ্জনে বডিশবত্| যস্য তু যুক্তিবশাত্ কপালান্যবিদারিতানি তস্যাক্ষিকূটে গণ্ডে বা শঙ্ক্বা বডিশবত্ সক্থিঃ|| ৩৯||

Adhikarana api ca- (40) · Śloka 40

যদ্যদ্বাযুবশাদঙ্গং সজ্জেদ্গর্ভস্য খণ্ডশঃ| তত্তচ্ছিত্বা হরেত্সম্যগ্রক্ষেত্রারীং চ যত্নতঃ||৪০||

অপি চেতি সমুচ্চযে| যদিত্যাদি সুবোধম্|| ৪০||

Adhikarana vyapagatagarBashalyAyA upacArAH (41) · Śloka 41

অথাপতন্তীমপরাং পাতযেত্পূর্ববদ্ভিষক্| এবং নির্হৃতশল্যান্তু সিঞ্চেদুষ্ণেন বারিণা| দদ্যাদভ্যক্তদেহাযৈ যোনৌ স্নেহপিচুং ততঃ| যোনির্মৃদুর্ভবত্তেন শূলং চাস্যাঃ প্রশাম্যতি| দীপ্যকাতিবিষারাস্নাহিংগ্বেলাপঞ্চকোলকাত্| চূর্ণং স্নেহেন কল্কং বা ক্বাথং বা পাযযেত্তঃ| কটুকাতিবিষাপাঠাশাকত্বঘিঙ্গুতৈজনীঃ| তদ্বচ্চ দোষস্যন্দার্থং বেদনোপশমায চ| ত্রিরাত্রমেবং সপ্তাহং স্নেহমেব ততঃ পিবেত্| সাযং পিবেদরিষ্টং চ তথা সুকৃতমাসবম্| শিরীষককুভক্বাথপিচূন্যোনৌ চ নিক্ষিপেত্| উপদ্রবাশ্চ যেঽন্যে স্যুস্তান্যথাস্বমুপাচরেত্| পযো বাতহরৈঃ সিদ্ধং দশাহং ভোজনে হিতম্| রসো দশাহং চ পরং লঘুপথ্যাল্পভোজনা| স্নেহাভ্যঙ্গপরা স্নেহান্ বলাতৈলাদিকান্ ভজেত্| ঊর্ধ্বঞ্চতুর্ভ্যো মাসেভ্যঃ স ক্রমেণ সুখানি চ||৪১||

মৃতগর্ভ আহতে যাঽবশিষ্টঽপরা স পূর্বোক্তা| দীপ্যকাদীনাং সমানাং চূর্ণং স্নেহেন ঘৃতাদ্যন্যতমেন যথাযোগ্যং পাযযেত্| তেষামেব কল্কং ব| কল্কো জলপিষ্টদ্রব্যম্| দীপ্যকাদিবত্ কটুকাদীনি| এবমেবৌষধেন ত্রিরাত্রমাসীত দোষস্রাবায বেদনোপশমায চ| দোষো ন বাতাদিঃ| অপিতু রক্তপিচ্ছাদিঃ| ত্র্যহাদূর্ধ্বং স্নেহমেব সপ্তরাত্রং পিবেত্| ঔষধপ্রতিষেধার্থমেবকারঃ| এবং সাযমরিষ্টং প্রাতঃ স্নেহে পীতে| উপদ্রবা জ্বরাদযো ব্যাধযঃ| এবং ত্র্যহমৌষধম্| স্নেহঃ সপ্তরাত্রম্| দশাহং পযঃ| দশাহং মাংসরস ইতি ক্রমঃ| ততোঽনন্তরং স্নেহাভ্যঙ্গপরা সতী বাতব্যাধিনির্দিষ্টান্ বলাতৈলাদিকান্ ভজেত্| আদিশব্দেন তত্স্বরূপাণামন্যেষাং গ্রহণম্| ততশ্চতুর্থমাসান্তং যাবল্লঘুভোজনত্বাদিযুক্তা, পঞ্চমান্মাসাদারভ্য ক্রমেণ ন সহস যথেষ্টানি সুখানি ভজেত্|| ৪১||

Adhikarana balAtailam (42) · Śloka 42

অথ বলাতৈলমুপদেক্ষ্যামঃ| বলামূলাকষাযস্য ভাগাঃ ষট্| তাবন্ত এব পযসো যবকোলকুলত্থদশমূলক- ষাযস্য ভাগো ভাগশ্চতুর্দশস্তৈলস্য| তত্সর্বমৈকধ্যং কৃত্ব শ্লক্ষ্ণপিষ্টানি চাবাপ্য কাকোলীক্ষীরকাকোলী- জীবকর্ষভকমুদ্গপর্ণীমাষপর্ণীমেদাক্ষীরশুক্লামধু- কদেবদারুমঞ্জিষ্ঠাচন্দনশারিবাতগরকুষ্ঠশতাবর্য্যশ্ব- গন্ধাপুনর্নবাশতপুষ্পাবরাপত্ররসসরলশৈলেযৈলাবচা- ঽগরুকালানুসারিসৈন্ধবানি শনৈর্মৃদ্বগ্নিনা সাধযিত্বা সুভাজনেঽনুগুপ্তং নিদধ্যাত্| এষ ভগবতো ধন্বন্তরে- রভিমতস্তৈলরাজো রাজ্ঞাং রাজমাত্রাণাং সূতিকানাং কৃশানাং শিশূনামতীতবযসাং সুকুমারাণাং শূলিনাং মহাগ্রহ- গৃহীতানাং দীর্ঘরোগক্ষপিতবপুষাং মর্মবিদ্ধপতিতাভিহত- ভগ্নবিশ্লিষ্টদেহানাং দৈবোপঘাতাতভিশপ্তমনোজ্বরপরী- তানাং পাননাবনাভ্যঙ্গবস্তিষু প্রযোজ্যঃ| তেন বল- পৌরুষস্মৃতিমতিমেধাগ্নিবীর্য্যৌজাংসি বিবর্ধন্তে| পক্ষা- ঘাতাক্ষেপকার্দ্দিতাদিবিবিধবাতবিকারগুল্মহিক্কাশ্বাস- কাসা নিবর্তন্তে| অহরহশ্চোপযুজ্যমানে ষণ্মাসাদন্ত্র- বৃদ্ধিঃ প্রশাম্যতি চ| বন্ধ্যা চ পুত্রং গুণবন্তমিচ্ছযা লভত ইতি||৪২||

স্নেহান্ ভজেদিত্যুক্তিপ্রসঙ্গেন বলাতৈলমেকমুচ্যতে| দ্বিতীযং তু বলাশতং ছিন্নরুহাপাদমিত্যাদিশব্দযুক্তং বক্ষ্যতে| অথেতি মঙ্গলার্থঃ| বলামূলক্বাথস্য ষড্ ভাগাঃ| ক্ষীরস্য ষডেবং দ্বাদশ| যবাদীনাং ত্রযাণাং চতুর্থস্য দশমূলস্য চৈকীকৃত্য ক্বাথস্যৈকো ভাগঃ| এবং ত্রযোদশ ভাগাঃ ক্বাথস্য| চতুর্দশো ভাগস্তৈলস্য| তৈলাচ্চতুর্থভাগেনাবাপনম্| ক্বাথ্যদ্রব্যাণাং জলাত্ ষোডশাংশং মানম্| ক্বাথদ্রব্যাচ্চতুর্গুণঃ ক্বাথশেষঃ| দশমূলসমুদাযস্য যবাদ্যন্যতমসমত্বম্| কাকোল্যাদীনাং পরস্পরসমত্বম্| ক্ষীরশুক্লা ক্ষীরকাকোলী| পত্রং গন্ধপত্রম্| রসো বোলঃ| কালানুসার্য্যমুশীরম্| এবং দ্বাত্রিংশদাবাপনদ্রব্যাণি|| সুবোধম্|| ৪২||

Adhikarana mRutagarBiNyA jIvadgarBaniShkAsanam (43) · Śloka 43

ভবন্তি চাত্র- বস্তিদ্বারে বিপন্নাযাঃ কুক্ষিঃ প্রস্পন্দতে যদি| জন্মকালে ততঃ শীঘ্রং পাটযিত্বোদ্ধরেচ্ছিশুম্||৪৩||

ভবন্তি চাত্রেতি তন্ত্ররীতিঃ| গর্ভস্য জন্মকালে জীবতো যদি মাতা বিপন্না স্যাত্ততঃ কুক্ষিপ্রস্পন্দনেন জীবন্তং গর্ভং বিদিত্বা ততো বস্তিদ্বারে বিপাট্য তমুদ্ধরেত্|| ৪৩||

Adhikarana garBasrAve mAsAnusAraM garBasthA- pakAH yogAH (44) · Śloka 44

মধুকং শাকবীজং চ পযস্যা সুরদারু চ| অশ্মন্তকঃ কৃষ্ণতিলাস্তাম্রবল্লী শতাবরী| বৃক্ষাদনী পযস্যা চ লতা চোত্পলশারিবা| অনন্তা শারিবা রাস্না পদ্মা চ মধুযষ্টিকা| বৃহতীদ্বযকাশ্মর্য্যক্ষীরিশৃঙ্গত্বচো ঘৃতম্| পৃশ্নিপর্ণীবলাশিগ্রুঃ শ্বদংষ্ট্রামধুপর্ণিকা| শৃঙ্গাটকং বিসং দ্রাক্ষা কশেরুমধুকং বলা| সপ্তৈতান্ পযস যোগানর্ধশ্লোকসমাপনান্| ক্রমাত্ সপ্তসু মাসেষু গর্ভে স্রবতি যোজযেত্||৪৪||

মধুকাদীনি চত্বারি প্রথমে মাসে গর্ভং স্রবতি যোজযেদ্যথাযোগ্যকল্পনযা অশ্মন্তকাদীনি দ্বিতীযে| অশ্মন্তকো ভালুকপর্ণঃ| তাম্রবল্লী রামতরুণী মঞ্জিষ্ঠা বা| বৃক্ষাদন্যাদীনি পঞ্চ তৃতীযে| বৃক্ষাদনী দ্রুমব্যাধিঃ| সৈব বন্দাকঃ| লতা প্রিযঙ্গুঃ| অনন্তাদীনি পঞ্চ চতুর্থে মাসি যোজযেত্| অনন্তা দূর্বা| পদ্মা পদ্মচারিণী| ঘৃতং যথোপযোগম্| ক্ষীরিবৃক্ষাণাং শৃঙ্গত্বচো যথালাভং পঞ্চমে| শৃঙ্গমঙ্কুরম্| পৃশ্নিপর্ণ্যাদীনি ষড্ ষষ্ঠে| শ্বদংষ্ট্রা গোক্ষুরকঃ| মধুপর্ণিকা জীবন্তী| শৃঙ্গাটকাদীনি সপ্তমে|| ৪৪||

Adhikarana aShTamamAsAtpraBRutigarBasyApyAyanAyogAH (45) · Śloka 45

কপিত্থবিল্ববৃহতীপটোলেক্ষুনিদিগ্ধকাত্| মূলৈঃ শৃতং প্রযুঞ্জীত ক্ষীরং মাসে তথাঽষ্টমে| নবমে সারিবানন্তাপযস্যামধুযষ্টিভিঃ| যোজযেদ্দশমে মাসি সিদ্ধং ক্ষীরং পযস্যযা| অথবা যষ্টিমধুকনাগরামরদারুভিঃ||৪৫||

ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং শারীরস্থানে গর্ভ- ব্যাপন্নাম চতুর্থোঽধ্যাযঃ কপিত্থাদীনাং ষণ্ণাং মূলৈঃ শৃতং ক্ষীরমষ্টমে| শারিবাদিচতুষ্টযেন নবমে| পযস্যযা দশমে| অথবা যষ্টিমধুকাদিত্রযেণ দশমে| সর্বং বৃংহণমামান্বযং বিনা জ্ঞেযম্|| ৪৫|| ইতি শ্রীমন্মহামহোপাধ্যাযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযাং শরীরস্থানে চতুর্থোঽধ্যাযঃ