7. annarakṣādhyāyaḥ

Devanagari IAST (Roman)Telugu Tamil Malayalam Kannada Gujarati Bengali Gurmukhi

Adhikarana adhyAyopakramaH · Śloka

🔊 Audio coming soon

annapānasvarūpaṁ śarīrasandhāraṇārthaṁ prāguktam| pathyamapi cānnapānaṁ viṣādyupahataṁ rōgāya mr̥tyavē vā sampadyatē, atastadrakṣārthamadhyāyō'yamārabhyatē-

Adhikarana annarakShAdhyAyaH saptamaH (2-3) · Śloka 3

athātō'nnarakṣādhyāyaṁ vyākhyāsyāmaḥ| iti ha smāhurātrēyādayō maharṣayaḥ| (gadyasūtrē||2|| )||3||

View original

अथातोऽन्नरक्षाध्यायं व्याख्यास्यामः| इति ह स्माहुरात्रेयादयो महर्षयः| (गद्यसूत्रे||२|| )||३||

🔊 Audio coming soon

sa0-annasya rakṣā-annarakṣā| sōpadiṣṭā yatrādhyāyē, sō'pyupacārādannarakṣētyucyatē| yathā, śiśupālavadhaḥ kāvyamiti| śēṣaṁ vyākhyānamatra pūrvavatkāryam|

Adhikarana rAjanikaTe vaidyasthitiH (1) · Śloka 1

rājā rājagr̥hāsannē prāṇācāryaṁ nivēśayēt| sarvadā sa bhavatyēvaṁ sarvatra pratijāgr̥viḥ||1||

View original

राजा राजगृहासन्ने प्राणाचार्यं निवेशयेत्| सर्वदा स भवत्येवं सर्वत्र प्रतिजागृविः||१||

🔊 Audio coming soon

sa0-rājā-nr̥paḥ, prāṇācāryaṁ-vaidyaṁ, rājagr̥hāsannē nivēśayēt-āvāsayēt| ēvaṁ sati yō guṇaḥ syāttamāha-sarvadētyādi| sarvadā-sarvakālaṁ rātridivasamēva, nr̥pabhavanasamīpasthitaḥ saḥ-vaidyaḥ sarvatra-annapānaśayanamālyādau, pratijāgr̥viḥ-dattāvadhānō bhavati|

Adhikarana vaidyena rAj~jo~annapAnaM viShAdrakShyam (2) · Śloka 2

nanu, kimēvaṁ kriyatē? ityāha- annapānaṁ viṣādrakṣēdviśēṣēṇa mahīpatēḥ| yōgakṣēmau tadāyattau dharmādyā yannibandhanāḥ||2||

View original

ननु, किमेवं क्रियते? इत्याह- अन्नपानं विषाद्रक्षेद्विशेषेण महीपतेः| योगक्षेमौ तदायत्तौ धर्माद्या यन्निबन्धनाः||२||

🔊 Audio coming soon

sa0-mahīpatēḥ sambandhyannapānaṁ viṣāt-viṣasaṁsparśāt, viśēṣēṇa-atiśayēna rakṣēt| annapānamityupalakṣaṇam| śayanavastragandharatnamālyādīnāmapi parirakṣyatvāt| nanu, kimiti, nr̥pānnapānādi viśēṣēṇa rakṣēt ? ityāha-yōgētyādi| yōgaḥ-annavastrādibhiḥ sambandhaḥ| kṣēmaḥ-tēṣāmannādīnāṁ caurādyupadravarakṣaṇāt| dvāvapyētau tadāyattau-nr̥pāyattau syātām| kṣēmaśabdō'rdharcādiḥ| dharmādyā iti dharmārthakāmamōkṣāḥ| yannibandhanāḥ-yōgakṣēmanibandhanāḥ|

Adhikarana saviShAnnalakShaNam (3-4) · Śloka 4

samprati viṣaduṣṭasya bhaktasya lakṣaṇamāha ōdanō viṣavān sāndrō yātyavistrāvyatāmiva| cirēṇa pacyatē pakvō bhavētparyuṣitōpamaḥ||3|| mayūrakaṇṭhatulyōṣmā mōhamūrchhāprasēkakr̥t| hīyatē varṇagandhādyaiḥ klidyatē candrikācitaḥ||4||

View original

सम्प्रति विषदुष्टस्य भक्तस्य लक्षणमाह ओदनो विषवान् सान्द्रो यात्यविस्त्राव्यतामिव| चिरेण पच्यते पक्वो भवेत्पर्युषितोपमः||३|| मयूरकण्ठतुल्योष्मा मोहमूर्छाप्रसेककृत्| हीयते वर्णगन्धाद्यैः क्लिद्यते चन्द्रिकाचितः||४||

🔊 Audio coming soon

sa0-viṣavānōdanaḥ sāndrō-vilēpyākāraḥ| tathā, visrāvayituṁ śakyō-visrāvyaḥ, naivaṁ yō'sau-avisrāvyaḥ, tasya bhāvaḥ, avisrāvyatāmiva yāti| cirēṇa kālēna pacyatē| pakvaśca paryuṣitabhaktamupamā yasya sa paryuṣitōpamō bhavēt, nirūṣmā stabdhaśca sadyō'vatāritō'pi syādityarthaḥ| tasya ca bhaktasya sambandhī mayūrakaṇṭhatulyōṣmā mōhādīn karōti| mayūrakaṇṭhēna tulyō nānāvarṇō mayūrakaṇṭhatulyaḥ, sa cāsāvūṣmā cēti| ūṣmā-bāṣpaḥ| tathā, asāvōdanō varṇagandhādyairhīyatē| ādi (dya) śabdēna rasādīnāṁ grahaṇam| klidyatē-praklinnō bhavati| tathā, jalamadhyakṣiptatailabindusadr̥śaiścandrikairācitō bhavati| iti cakṣurādibhiḥ parīkṣā|

Adhikarana vya~jjanAdInAM parIkShA (5-6) · Śloka 6

vyañjanānāṁ parīkṣāmāha vyañjanānyāśu śuṣyanti dhyāmakvāthāni tatra ca| hīnā'tiriktā vikr̥tā chhāyā dr̥śyēta naiva vā||5|| phēnōrdhvarājīsīmantatantubudbudasambhavaḥ| vicchinnavirasā rāgāḥ khāṇḍavāḥ śākamāmiṣam||6||

View original

व्यञ्जनानां परीक्षामाह व्यञ्जनान्याशु शुष्यन्ति ध्यामक्वाथानि तत्र च| हीनाऽतिरिक्ता विकृता छाया दृश्येत नैव वा||५|| फेनोर्ध्वराजीसीमन्ततन्तुबुद्बुदसम्भवः| विच्छिन्नविरसा रागाः खाण्डवाः शाकमामिषम्||६||

🔊 Audio coming soon

sa0-vyañjanāni-vārtākādīni dadhitakradāḍimādisaṁskr̥tāni, āśu-kṣipraṁ śuṣyanti| tathā, dhyāmō-malinaḥ kvāthō yēṣāṁ tānyēvam| tatra ca-tēṣu vyañjanavatsu kvāthēṣu, hīnā-bhujādihīnā, adhikā, vikr̥tā-śirōvirahādilakṣaṇavikārōpētā cātmīyā chāyā-pratibimbaṁ, dr̥śyatē| naiva vā-kīdr̥śyapi chāyā na dr̥śyatē| na cēdamariṣṭam, sanimittatvāt| tēṣvēva vyañjanēṣu phēnādīnāṁ sambhavaḥ| tatrēti prakr̥tavyañjanōpalakṣitēṣu sarvadravēṣvēva| viśēṣēṇa punarlavaṇōlbaṇadravē phēnamālā| ūrdhvarājīsambhavaṁ tu rasakādiṣu svayaṁ darśayiṣyati| vicchinnavirasā rāgā iti| rāgāḥ-drākṣādikr̥tāḥ, r̥tucaryōktalakṣaṇāḥ, vicchinnā virasāśca bhavanti| kvacidrāgō dr̥śyatē kvacinnēti vicchinnatvam| kvacidrasō dr̥śyatē kvacinnēti virasatvam| ēvaṁ khāṇḍavō'pi| śākamāmiṣaṁ ca vicchhinnaṁ-sthānē sthānē truṭitam, virasaṁ ca|

Adhikarana mAMsarasAdidraveShu reShA visheShaH,phaleShupAkavisheShaH mAlyavastradhAtvAdiShu visheShaH (7-12) · Śloka 12

yatra dravē yādr̥śī rājī sambhavati, tāṁ viśēṣatō darśayannāha nīlā rājī rasē, tāmrā kṣīrē, dadhani dr̥śyatē| śyāvā''pītāsitā takrē, ghr̥tē pānīyasannibhā||7|| mastuni syātkapōtābhā, rājī kr̥ṣṇā tuṣōdakē| kālī madyāmbhasōḥ, kṣaudrē harittailē'ruṇōpamā||8|| pākaḥ phalānāmāmānāṁ pakvānāṁ parikōthanam| dravyāṇāmārdraśuṣkāṇāṁ syātāṁ mlānivivarṇatē||9|| mr̥dūnāṁ kaṭhinānāṁ ca bhavētsparśaviparyayaḥ| mālyasya sphuṭitāgratvaṁ mlānirgandhāntarōdbhavaḥ||10|| dhyāmamaṇḍalatā vastrē, śadanaṁ tantupakṣmaṇām| dhātumauktikakāṣṭhāśmaratnādiṣu malāktatā||11|| snēhasparśaprabhāhāniḥ saprabhatvaṁ tu mr̥ṇmayē| |12|

View original

यत्र द्रवे यादृशी राजी सम्भवति, तां विशेषतो दर्शयन्नाह नीला राजी रसे, ताम्रा क्षीरे, दधनि दृश्यते| श्यावाऽऽपीतासिता तक्रे, घृते पानीयसन्निभा||७|| मस्तुनि स्यात्कपोताभा, राजी कृष्णा तुषोदके| काली मद्याम्भसोः, क्षौद्रे हरित्तैलेऽरुणोपमा||८|| पाकः फलानामामानां पक्वानां परिकोथनम्| द्रव्याणामार्द्रशुष्काणां स्यातां म्लानिविवर्णते||९|| मृदूनां कठिनानां च भवेत्स्पर्शविपर्ययः| माल्यस्य स्फुटिताग्रत्वं म्लानिर्गन्धान्तरोद्भवः||१०|| ध्याममण्डलता वस्त्रे, शदनं तन्तुपक्ष्मणाम्| धातुमौक्तिककाष्ठाश्मरत्नादिषु मलाक्तता||११|| स्नेहस्पर्शप्रभाहानिः सप्रभत्वं तु मृण्मये| |१२|

🔊 Audio coming soon

sa0-rasē-māṁsarasē viṣavati, nīlā-nīlavarṇā, rājī dr̥śyata iti prakr̥tēna sambandhaḥ| ēvaṁ cāgrē'pi rājī dr̥śyata iti yōjyam| kṣīrē-kṣīramadhyē, tāmrā-tāmravarṇā| dadhani-dadhniśyāvā| takrē āpītāsitā-ānīlapītā| ghr̥tē salilanibhā| mastuni kapōtābhā| tuṣōdakē-kāñjikē, rājī kr̥ṣṇā| madyē'mbhasi ca kālī| mākṣikē haridvarṇā| tailē'ruṇōpamā-īṣallōhitavarṇā| udāharaṇamātraṁ tvētat, tēna vasāgandhasya ca tailē sambhavaḥ, dravauṣadhasya kapilā, iti| tathā, āmānāṁ phalānāṁ pākaḥ| pakvānāṁ parikōthanaṁ-śātanaṁ bhavati| ārdraśuṣkāṇāṁ yathā saṁkhyaṁ mlānatā-śuṣkābhāsatvam, tathā vivarṇatā-śyāvatvādi lakṣaṇā| mr̥dūnāṁ kaṭhinatvam, kaṭhinānāṁ mr̥dutvam, ayaṁ sparśaviparyayaḥ| mālyasya-puṣpasya, sphuṭitaṁ-viśīrṇaṁ, agraṁ-prāntō yasya tatsphuṭitāgram, tasya bhāvastattvam| tathā, mlānyudbhavō-mlānatā, gandhāntarōdbhavaḥ-svagandhanāśō'nyagandhasambhavaśca| dhyāmāni-malināni, maṇḍalāni-vr̥ttāni, tēṣāṁ bhāvō dhyāmamaṇḍalatā, vastrē-āstaraṇaprāvaraṇādirūpē syāt| śadanaṁ-śātaḥ pātaḥ syāt| kēṣām ? tantupakṣmaṇām,-tantūnāṁ-sūtrāṇāṁ pakṣmaṇāṁ ca pārśvavartināṁ, vastrasambandhināmēva| dhātuḥ-suvarṇādiḥ mauktikaṁ-muktā, kāṣṭhaṁ-dāru, aśmā-pāṣāṇaḥ, ratnāni-vajramarakatādīni, ādiśabdēna śaṅkhaśuktyādiparigrahaḥ, tēṣu malāktatā-paṅkamalōpadigdhatā| snēhahāniḥ-tēṣāmēva dhātvādīnāṁ snēhasya vyapagamaḥ| ēvaṁ sparśaprabhāhāniḥ| mr̥ṇmayē tu bhāṇḍē saviṣē niṣprabhē'pi saprabhatvam|

Adhikarana viShadAtRulakShaNam (12-13) · Śloka 13

idānīṁ yō viṣaṁ dadāti, tasya lakṣaṇamāha | viṣadaḥ śyāvaśuṣkāsyō vilakṣō vīkṣatē diśaḥ||12|| svēdavēpathumāṁstrastō bhītaḥ skhalati jr̥mbhatē| |13|

View original

इदानीं यो विषं ददाति, तस्य लक्षणमाह | विषदः श्यावशुष्कास्यो विलक्षो वीक्षते दिशः||१२|| स्वेदवेपथुमांस्त्रस्तो भीतः स्खलति जृम्भते| |१३|

🔊 Audio coming soon

sa0-viṣaṁ dadātīti-viṣadō naraḥ, śyāvaṁ-śyāmaṁ śuṣkamāsyaṁmukhaṁ, yasyāsau śyāvaśuṣkāsyaḥ,-śyāmaśuṣkavadanaḥ| kiṁ karōti? vilakṣō vīkṣatē diśaḥ,- diśa iti samantādityarthaḥ, vilakṣa iti lajjāvān, vīkṣatē-avalōkayati| kiñca, svadōṣaśaṅkayā svēdavān, vēpathumān, trastaḥ-śarīrēṇa jātakampatvāt, bhītaḥ-cittēna sōdvēgatayōpalakṣyamāṇatvāt| stambhakuḍyādibhirātmānamantardhāpayitumicchannitastatō gacchaṁśca skhalitagatirbhavati, tata āha-skhalati| punaḥpunaśca jr̥mbhāṁ karōti, tēnāha jr̥mbhatē| upalakṣṇaṁ cēdaṁ tattatkālabhāvinīnāṁ kriyāṇām| tadyathā (saṅgrahē sū.a.8)-"asthānahāsī, pr̥ṣṭō'sambaddhamuttaraṁ dadāti naiva vā dadāti, vivakṣurmuhyati, aṅgulīḥ sphōṭayati, śiraḥ kaṇḍūyatē, ōṣṭhau lēḍhi, bhuvaṁ vilikhati, kriyāsu tvaratē, viparītamācarati, svabhūmau ca nāvatiṣṭhatē|" iti|

Adhikarana saviShasyAnnasyAgnikShepAdinA parIkShA (13-14) · Śloka 14

idānīṁ saviṣayasyāgniprakṣēpaṇādikamupadiśannāha | prāpyānnaṁ saviṣaṁ tvagnirēkāvartaḥ sphuṭatyati||13|| śikhikaṇṭhābhadhūmārciranarcirvōgragandhavān| |14|

View original

इदानीं सविषयस्याग्निप्रक्षेपणादिकमुपदिशन्नाह | प्राप्यान्नं सविषं त्वग्निरेकावर्तः स्फुटत्यति||१३|| शिखिकण्ठाभधूमार्चिरनर्चिर्वोग्रगन्धवान्| |१४|

🔊 Audio coming soon

sa0-saviṣamannaṁ prāpyā'gniḥ sphuṭatyati-caṭacaṭāyatē, atiśayēnētyarthaḥ| ēkāvarta iti ēka ēvāvartō yasya, saṁhatasarvajvālatvādasāvēkāvartaḥ| śikhikaṇṭhābhadhūmārciḥ,-śikhī-mayūraḥ, tasya kaṇṭhaḥ-indrāyudhavadanēkavarṇaḥ, tasyēvābhā yayōrdhūmārciṣōstē śikhikaṇṭhābhē, tē tādr̥śē dhūmārciṣī yasyāgnērasau śikhikaṇṭhābhadhūmarciḥ indrāyudhavadanēkavarṇadhūmajvāla iti yāvat| anarcirvā-ajvāla iti vā| ugragandhavāniti kuṇapagandhavān| nidarśanaṁ cēdam| dhūmō'pyasya prasēkarōmaharṣaśirōvēdanāpīnasadr̥ṣṭyā kulatā apyutpādayati|

Adhikarana makShikAkAkAdiBiH parIkShA saviShAnnatyAgaprakAraH (14-18) · Śloka 18

snēhalavaṇayōgādapyagnirēvaṁ syāt, ataḥ pakṣimr̥gairapi parīkṣāprakārāntaraṁ darśayannāha | mrīyantē makṣikāḥ prāśya kākaḥ kṣāmasvarō bhavēt|14| utkrōśanti ca dr̥ṣṭvaitacchukadātyūhasārikāḥ| haṁsaḥ praskhalati, glānirjīvañjīvasya jāyatē||15|| cakōrasyā'kṣivairāgyaṁ, krauñcasya syānmadōdayaḥ| kapōtaparabhr̥ddakṣacakravākā jahatyasūn||16|| udvēgaṁ yāti mārjāraḥ śakr̥nmuñcati vānaraḥ| hr̥ṣyēnmayūrastadr̥ṣṭyā mandatējō bhavēdviṣam||17|| ityannaṁ viṣavajjñātvā tyajēdēvaṁ prayatnataḥ| yathā tēna vipadyērannapi na kṣudrajantavaḥ||18||

View original

स्नेहलवणयोगादप्यग्निरेवं स्यात्, अतः पक्षिमृगैरपि परीक्षाप्रकारान्तरं दर्शयन्नाह | म्रीयन्ते मक्षिकाः प्राश्य काकः क्षामस्वरो भवेत्|१४| उत्क्रोशन्ति च दृष्ट्वैतच्छुकदात्यूहसारिकाः| हंसः प्रस्खलति, ग्लानिर्जीवञ्जीवस्य जायते||१५|| चकोरस्याऽक्षिवैराग्यं, क्रौञ्चस्य स्यान्मदोदयः| कपोतपरभृद्दक्षचक्रवाका जहत्यसून्||१६|| उद्वेगं याति मार्जारः शकृन्मुञ्चति वानरः| हृष्येन्मयूरस्तदृष्ट्या मन्दतेजो भवेद्विषम्||१७|| इत्यन्नं विषवज्ज्ञात्वा त्यजेदेवं प्रयत्नतः| यथा तेन विपद्येरन्नपि न क्षुद्रजन्तवः||१८||

🔊 Audio coming soon

sa0-saviṣamannamityanuvartatē| makṣikāḥ saviṣamannaṁ prāpyamriyantē-makṣikāḥ saviṣē'nnē na nilīyantē, nilīnāstu sadyō vipadyantē| viṣaduṣṭāhārāt kākaḥ kṣāmasvarō bhavēt| utkrōśanti-uccaiḥ kūjanti, darśanādēva śukadātyūhasārikāḥ| viṣadarśanamātrādēva ca haṁsagatiḥ skhalati| glānirjīvañjīvasya jāyatē| upalakṣaṇaṁ cēdam| maraṇamapi kasyacinna glānirēva, ēvaṁ jīvañjīvakasya| cakōrasya akṣiviraktatā| 'dr̥ṣṭvaitat' iti sarvatra yōjanīyam| krauñcasya madōdayō-madōtpattiḥ syāt| kapōtaparabhr̥dddakṣacakravākāstyajantyasūn-prāṇānvimuñcanti, cātyarthaṁ maraṇaduḥkhābhyāhatāḥ| udvijatē'tyarthaṁ mārjāraḥ| vānarastu śakr̥tpurīṣaṁ muñcati| upalakṣaṇaṁ cēdam| pr̥ṣṭhatōmukhō rōditi ca| tathā, hr̥ṣyēnmayūrastaddr̥ṣṭvā| taditi saviṣānnaparāmarśaḥ| dr̥ṣṭvētyanuvartamānē'pi punardr̥ṣṭvēti vacanaṁ sarvatra madhyē sampratyayārtham, ādyantābhyaṁ gr̥hītatvāt| viṣaṁ cāsya darśanādēva mandatējaskaṁ bhavati| iti-ēvaṁ pūrvōktābhiḥ parīkṣābhiḥ, annaṁ-bhaktādi, viṣavat-viṣasaṁsr̥ṣṭaṁ, jñātvā tyajēdētat| katham? prayatnataḥ-prayatnēna| tamēva prayatnaṁ darśayannāha-yathā-yēna prakārēṇa tyajyamānēna, kṣudrajantavō-makṣikādayō'pi, tēna-viṣēṇa, na vipadyēran na naśyēyuḥ tathā tyajēt| kṣudrajantavō'pi kiṁ punarmahāntaḥ, ityapi śabdārthaḥ|

Adhikarana saviShasyAnnasyAgnikShepAdinA parIkShA (13-14) · Śloka 14

idānīṁ saviṣayasyāgniprakṣēpaṇādikamupadiśannāha | prāpyānnaṁ saviṣaṁ tvagnirēkāvartaḥ sphuṭatyati||13|| śikhikaṇṭhābhadhūmārciranarcirvōgragandhavān| ||14||

View original

इदानीं सविषयस्याग्निप्रक्षेपणादिकमुपदिशन्नाह | प्राप्यान्नं सविषं त्वग्निरेकावर्तः स्फुटत्यति||१३|| शिखिकण्ठाभधूमार्चिरनर्चिर्वोग्रगन्धवान्| ||१४||

🔊 Audio coming soon

Adhikarana vaktrage viShe lAlAdayaH teShAmauShadham (21-22) · Śloka 22

lālā jihvōṣṭhayōrjāḍyamūṣā cimicimāyanam| dantaharṣō rasājñatvaṁ hanustambhaśca vaktragē||21|| sēvyādyaistatra gaṇḍūṣāḥ sarvaṁ ca viṣajiddhitam| |22|

View original

लाला जिह्वोष्ठयोर्जाड्यमूषा चिमिचिमायनम्| दन्तहर्षो रसाज्ञत्वं हनुस्तम्भश्च वक्त्रगे||२१|| सेव्याद्यैस्तत्र गण्डूषाः सर्वं च विषजिद्धितम्| |२२|

🔊 Audio coming soon

Adhikarana AmAshayagate vamanAdayaH pakkAshyagate vamanAdayaH teShAmauShadham (22-26) · Śloka 26

| āmāśayagatē svēdamūrcchhādhmānamadabhramāḥ||22|| rōmaharṣō vamirdāhaścakṣurhr̥dayarōdhanam| bindubhiścācayō'ṅgānāṁ, pakvāśayagatē punaḥ||23|| anēkavarṇaṁ vamati mūtrayatyatisāryatē| tandrā kr̥śatvaṁ pāṇḍutvamudaraṁ balasaṅkṣayaḥ||24|| tayōrvāntaviriktasya haridrē kaṭabhīṁ guḍam| sinduvāritaniṣpāvabāṣpikāśataparvikāḥ||25|| taṇḍulīyakamūlāni kukkuṭāṇḍamavalgujam| nāvanāñjanapānēṣu yōjayēdviṣaśāntayē||26||

View original

| आमाशयगते स्वेदमूर्च्छाध्मानमदभ्रमाः||२२|| रोमहर्षो वमिर्दाहश्चक्षुर्हृदयरोधनम्| बिन्दुभिश्चाचयोऽङ्गानां, पक्वाशयगते पुनः||२३|| अनेकवर्णं वमति मूत्रयत्यतिसार्यते| तन्द्रा कृशत्वं पाण्डुत्वमुदरं बलसङ्क्षयः||२४|| तयोर्वान्तविरिक्तस्य हरिद्रे कटभीं गुडम्| सिन्दुवारितनिष्पावबाष्पिकाशतपर्विकाः||२५|| तण्डुलीयकमूलानि कुक्कुटाण्डमवल्गुजम्| नावनाञ्जनपानेषु योजयेद्विषशान्तये||२६||

🔊 Audio coming soon

sa0-viṣānnē āmāśayaṁ prāptē svēdādayaḥ syuḥ| akṣihr̥dayayōḥ rōdhanaṁ-stambhaḥ| bindubhiḥ-nānāvarṇaiḥ, aṅgānāmācayaḥ-samantāccayanam| pakvāśayagatē tu viṣē'nēkavarṇaṁ vamati, mūtrayati, atisāryatē, tandrādayaśca bhavanti| tayōḥ-āmapakvāśayagatayōrviṣayōḥ, vartamānasya puṁsō yathāyōgaṁ vāntaviriktasya haridrē kaṭabhītyādikamauṣadhaṁ nāvanādiṣu yōjayēt| tatra madanaphalālābukumbhīkōśātakīphalairmadhuyuktairniṣpāvāmbuyuktairvamanam| vāntasya snēhayitvā virēcanam| pakvāśayagatē tvavamitasyaiva nīlinīphalayuktēna ghr̥tēna virēcanamēva|

Adhikarana BuktaviShasyauShadham (27-28) · Śloka 28

viṣabhuktāya dadyācca śuddhāyōrdhvamadhastathā| sūkṣmaṁ tāmrarajaḥ kālē sakṣaudraṁ hr̥dviśōdhanam||27|| śuddhē hr̥di tataḥ śāṇaṁ hēmacūrṇasya dāpayēt| |28|

View original

विषभुक्ताय दद्याच्च शुद्धायोर्ध्वमधस्तथा| सूक्ष्मं ताम्ररजः काले सक्षौद्रं हृद्विशोधनम्||२७|| शुद्धे हृदि ततः शाणं हेमचूर्णस्य दापयेत्| |२८|

🔊 Audio coming soon

sa0-viṣabhuktāya puṁsē ūrdhvamadhaśca śuddhāya kālē sūkṣmaṁ- atiślakṣṇaṁ tāmracūrṇaṁ samākṣikaṁ dadyāt| kimbhūtam? hr̥dviśōdhanaṁ,- hr̥dayaśuddhayē ityarthaḥ| viṣabhuktāyēti 'āhitāgnyāditvāt' paranipātaḥ| kāla ityupalakṣaṇam| dēśasātmyāgnyādīn vyapēkṣētētyarthaḥ| śuddhē hr̥dē-svaliṅgē jñātē, tataḥ-anantaraṁ, hēmacūrṇasya śāṇaṁ-karṣacaturthāṁśaṁ, dāpayēt|

Adhikarana suvarNaprayogaPalam (28-29) · Śloka 29

hēmni dattē sati, yō guṇaḥ syāttamāha | na sajjatē hēmapāṅgē padmapatrē'mbuvadviṣam||28|| jāyatē vipulaṁ cāyurgarē'pyēṣa vidhiḥ smr̥taḥ| |29|

View original

हेम्नि दत्ते सति, यो गुणः स्यात्तमाह | न सज्जते हेमपाङ्गे पद्मपत्रेऽम्बुवद्विषम्||२८|| जायते विपुलं चायुर्गरेऽप्येष विधिः स्मृतः| |२९|

🔊 Audio coming soon

Adhikarana virUddhAhArasya viShagarIpamatvam (29) · Śloka 29

| viruddhamapi cāhāraṁ vidyādviṣagarōpamam||29||

View original

| विरुद्धमपि चाहारं विद्याद्विषगरोपमम्||२९||

🔊 Audio coming soon

sa0-viruddhaṁ cāhāraṁ viṣagarōpamaṁ vidyāt| viṣagaravadviruddhāhārā api vyādhimr̥tyuhētava ityarthaḥ| tathā cōktaṁ saṅhgrahē(sū.a.9)-"visphōṭagulmamadavidradhimēhayakṣmatējōbalasmr̥timatīndrayacittanāśam| kuryādviruddhamaśanaṁ jvaramasrapittamaṣṭau gadāṁśca mahatō viṣavacca mr̥tyum|" iti|

Adhikarana virUddhabhojanam (30-31) · Śloka 31

tadēva viruddhabhōjanamāha ānūpamāmiṣaṁ māṣakṣaudrakṣīravirūḍhakaiḥ| virudhyatē saha bisairmūlakēna guḍēna vā||30|| viśēṣātpayasā matsyā matsyēṣvapi cilīcimaḥ| |31|

View original

तदेव विरुद्धभोजनमाह आनूपमामिषं माषक्षौद्रक्षीरविरूढकैः| विरुध्यते सह बिसैर्मूलकेन गुडेन वा||३०|| विशेषात्पयसा मत्स्या मत्स्येष्वपि चिलीचिमः| |३१|

🔊 Audio coming soon

sa0-āmiṣaṁ-māṁsaṁ, ānūpaṁ-mahāmr̥gavāricaravāriśayākhyaṁ, māṣādibhiḥ saptabhiḥ saha virudhyatē| ānūpēṣvapi madhyē viśēṣāt-atiśayēna, payasā saha matsyā virudhyantē| yatō matsyakṣīrē svādurasavipākitvānmahābhiṣyandinī, śītōṣṇayōgācca parasparavirudvē| mastyēṣvapi cilīcimākhyō matsyaḥ payasā sahātyantaviruddhaḥ| sa punaḥ śakalī lōhitākṣaḥ sarvatō lōhitarājiḥ prāyō bhūmau carati, sō'tyabhiṣyanditamatvātsutarāṁ viruddhaḥ| ēṣa cāhārō'nirdiṣṭavikārakārī yathōktān visphōṭādīn karōti| kālāntarēṇa ca cikitsāṁ vinā prāṇānapi harati| kaścicca viruddhāhārō nirdiṣṭavikārakārī| yathā "upōdakā'tisārāya" iti|

Adhikarana anUpamAMsasya mAShAdibhirvirodhaH payaso~amlAdibhirvirodhaH (31-32) · Śloka 32

viruddhamamlaṁ payasā saha sarvaṁ phalaṁ tathā||31|| tadvatkulatthavarakakaṅguvallamakuṣṭakāḥ|32|

View original

विरुद्धमम्लं पयसा सह सर्वं फलं तथा||३१|| तद्वत्कुलत्थवरककङ्गुवल्लमकुष्टकाः|३२|

🔊 Audio coming soon

sa0-amlaṁ dravyaṁ payasā saha sarvaṁ viruddham| sarvagrahaṇaṁ dravādravagrahaṇārtham| dravaṁ-kāñjikādi, adravaṁ-cukrikādikamityarthaḥ| anyathā payasō dravasamānajātīyatvāt kāñjikādyēva dravadravyaṁ virudhyēta, na cukrikādikamapi| nanu, tr̥tīyayaiva sahārthō labdha ēva| yathā-"vārāhaṁ śvāvidhā nādyāt" ityatra| tataḥ kiṁ sahaśabdēna| satyamētat| sahagrahaṇaṁ tu niyamārtham| sahaikadhyamamlēnōpayujyamānaṁ viruddham| yadā tvamlēna gōrasādinā kṣīraśākasaṁjñavyañjanakaraṇārthaṁ payaḥ saṁskriyatē tadā tasya dravyāntaratvāpattērvirōdhō nāsti| tathā, dadhikṣīrādinā ghr̥taṁ pacyatē tatrā'pyavirōdha ēva, dravyāntaratvāt| pūrvasyā'pi sahaśabdasyaivaṁ prāyamēva prayōjanamabhyūhyamiti| api ca, kṣīrē bhuktē uttarakālamapyamlaṁ na bhōjyamiti pratipādanārthaṁ ca sahagrahaṇam| tathā cōktaṁ saṅgrahē (sū.a.)-"sarvaṁ cāmlaṁ payasā sahaikadhyaṁ taduttaraṁ vā viruddham" iti| phalaṁ tathēti| phalaṁ-akṣōḍādi ca, payasā saha viruddham| sarvaśabdaḥ sarvatra na sambandhanīyaḥ, yatō na sarvaṁ phalaṁ payasā sahābhyavahartuṁ viruddham| api tu kiñcidēva| tathā ca muniḥ parisaṁkhyayaivā'paṭhat(ca.sū.a.26|86)- "tathā''mrāmrātakalakucakaramardamōcadantaśaṭhabadarakōśāmrabhavya jāmbavakapitthatintiḍīkapālēvatākṣōḍapanasanārikēradāḍimāmalakānyēvaṁ prakārāṇi cānyāni" iti| tasmānna sarvaṁ phalaṁ payasā sahābhyavahartuṁ viruddham, kintu munyuktamēva| tadvaditi phalavat, kulatthādayaḥ payasā saha viruddhāḥ| varakō-vrīhibhēdaḥ, "varakōddālaka" iti prāguktēḥ (hr̥.sū.a.6|9)| vallamakuṣṭakau śimbīdhānyaviśēṣau| upalakṣaṇaṁ cēdam| 'māṣaniṣpāvāvapi' hi viruddhau payasā sahēti saṅgrahē (sū.a.9) kathitam|

Adhikarana payoharItakayorvirodhaH (32) · Śloka 32

| bhakṣayitvā haritakaṁ mūlakādi payastyajēt||32||

View original

| भक्षयित्वा हरितकं मूलकादि पयस्त्यजेत्||३२||

🔊 Audio coming soon

sa0-bhakṣayitvēti| haritakaṁ mūlakakuṭhērādi bhuktvā payastyajēt, na punaḥ śākaṁ mūlakādi snigdhasvinnaṁ śākasādhanēna sādhitaṁ bhuktvā kṣīraṁ na bhakṣayēt| ētasmādēva ca jñāpakāt mūlakādīnāmubhayarūpatvaṁ vēdyam, haritakatvaṁ śākatvaṁ ca| tathā ca mūlakādīnāṁ yadi śākatvaprasiddhirēvā'bhaviṣyat, tatō "haritakaṁ mūlakādi bhakṣayitvā" iti tantrakr̥nnāvakṣyat| tasmānmūlakasya haritakatvaṁ śākatvaṁ ca jñēyam| laśunēna saha kṣīrasya prayōgō ya uktaḥ (hr̥.ci.a.94|45)-"sādhayēcchuddhuśuṣkasya laśunasya catuḥpalam|" iti| sa na viruddhaḥ, agnyādisamparkādravyāntaratvāpattēḥ|

Adhikarana varAhashvAvidhoH pRuShatakukkuTayordagdhA AmamAMsapittayoH mAShasUpamUlakayoH avikusumbhashAkayoH bisavirUdakayoH lakucaphalasya mAShAdibhiH kadalIphalasya takradibhiH kAkamAcyAH kaNAdibhiH (33-36) · Śloka 36

vārāhaṁ śvāvidhā nādyāddadhnā pr̥ṣatakukkuṭau| āmamāṁsāni pittēna, māṣasūpēna mūlakam||33|| aviṁ kusumbhaśākēna, bisaiḥ, saha virūḍhakam| māṣasūpaguḍakṣīradadhyājyairlākucaṁ phalam||34|| phalaṁ kadalyāstakrēṇa dadhnā tālaphalēna vā| kaṇōṣaṇābhyāṁ madhunā kākamācīṁ guḍēna vā||35|| siddhāṁ vā matsyapacanē pacanē nāgarasya vā| siddhāmanyatra vā pātrē kāmāttāmuṣitāṁ niśām||36||

View original

वाराहं श्वाविधा नाद्याद्दध्ना पृषतकुक्कुटौ| आममांसानि पित्तेन, माषसूपेन मूलकम्||३३|| अविं कुसुम्भशाकेन, बिसैः, सह विरूढकम्| माषसूपगुडक्षीरदध्याज्यैर्लाकुचं फलम्||३४|| फलं कदल्यास्तक्रेण दध्ना तालफलेन वा| कणोषणाभ्यां मधुना काकमाचीं गुडेन वा||३५|| सिद्धां वा मत्स्यपचने पचने नागरस्य वा| सिद्धामन्यत्र वा पात्रे कामात्तामुषितां निशाम्||३६||

🔊 Audio coming soon

sa0-śvāvidhā-sēdhāmāṁsēna saha, vārāhaṁ māṁsaṁ nādyāt| agrē'pi nādyāditi kriyāyōgō yāvattyajēditi kriyāntaram| pr̥ṣatakukkuṭau dadhnā saha nādyāt| āmāni-apakvāni māṁsāni pittēna saha| māṣasūpēna saha mūlakam| āviṁ-mēṣaṁ, kusumbhaśākēna saha| virūḍhakaṁ-aṅkuritadhānyaṁ, bisaiḥ saha| māṣasūpādīnāmanyatamēna saha lakucaphalam| kadalyāḥ phalaṁ takrēṇa saha, dadhnā vā, tālaphalēna vā| kaṇōṣaṇābhyāṁ saha kākamācīm, kēvalēna mākṣikēṇa saha kākamācīm, guḍēna vā saha kākamācīm, matsyāḥ pacyantē yasmin bhāṇḍē tatra vā siddhāṁ kākamācīm, nādyāt| nāgarasya vā pacanē-śuṇṭhīpākabhāṇḍē siddhāṁ kākamācīm, tathā'nyatra vā bhājanē yathārucisiddhāṁ kāmāttāṁ kākamācīṁ, ratrimuṣitāṁ-paryuṣitāṁ, nādyāt|

Adhikarana pippalyAH matsyanistalanasnehena sarShiShaH kAMsye dashAhamuShitasya uShNArUShkarayoH (37) · Śloka 37

matsyanistalasnēhē sādhitāḥ pippalīstyajēt| ` kāṁsyē daśāhamuṣitaṁ sarpiruṣṇaṁ tvaruṣkarē||37||

View original

मत्स्यनिस्तलस्नेहे साधिताः पिप्पलीस्त्यजेत्| ` कांस्ये दशाहमुषितं सर्पिरुष्णं त्वरुष्करे||३७||

🔊 Audio coming soon

sa0- matyānistalyantē- bhr̥jyantē, yēna snēhēna saha- matsyanistalasnēhaḥ, tatra sādhitāḥ pippalīstyajēt, viruddhatvāt| nādyāditi prakr̥tē'pi tyajēditi vacanaṁ na kēvalaṁ nādyāt, lēpādikamapi na kuryāditi pratipādanārtham| uttaratrāpi tyajēdityasyānuvr̥ttāvētadēva tātparyam| kāṁsyapātrē daśarātramuṣitaṁ sarpistyajēt| daśāhādarvāgaviruddhamēva| aruṣkarē- bhallātakaviṣayē, uṣṇaṁ- annapānādikaṁ tyajēt| tathā, "pēyaṁ nōṣṇōpacārēṇa" ityanēna madyasyōṣṇaṁ niṣiddhaṁ| tathā, "uṣṇamuṣṇārtamuṣṇē ca yuktaṁ cōṣṇaiḥ "iti mākṣikasya| tathā, dadhnō-"naivādyānniśinaivōṣṇaṁ vasantōṣṇa" ityādibhiḥ| tasmānmadhumadyadadhibhallātakēṣvapyuṣṇaṁ viruddhamityatrācāryō yuktyā pratyapādayat| saṅgrahē tu spaṣṭaṁ kr̥tvōktaṁ (sū. a. 9)-"madyamadhudadhibhallātakēṣu cōṣṇaṁ|" iti|

Adhikarana BAsasya shUlasaMskArAt kampillasya takrasaMskArAt (38) · Śloka 38

bhāsō virudhyatē śūlyaḥ kampillastakrasādhitaḥ| |38|

View original

भासो विरुध्यते शूल्यः कम्पिल्लस्तक्रसाधितः| |३८|

🔊 Audio coming soon

Adhikarana pAyasAdInAM mithaH saMyogAt (38) · Śloka 38

| ēkadhyaṁ pāyasasurākr̥śarāḥ privarjayēt||38||

View original

| एकध्यं पायससुराकृशराः प्रिवर्जयेत्||३८||

🔊 Audio coming soon

sa0-ēkadhyaṁ-ēkatra, pāyasasurākr̥śarāstyajēt| ēkadhyamiti "ēkāddhō dhyamuñ" iti dhyamuñ|

Adhikarana madhvAdInAM mithaH saMyuktAnAm (39) · Śloka 39

madhusarpirvasātailapānīyāni dviśastriśaḥ| ēkatra vā samāṁśāni virudhyantē parasparam||39||

View original

मधुसर्पिर्वसातैलपानीयानि द्विशस्त्रिशः| एकत्र वा समांशानि विरुध्यन्ते परस्परम्||३९||

🔊 Audio coming soon

sa0-madhvādīni samāṁśāni-tulyapramāṇāni, mithō virudhyantē| katham ? dvē vā, trīṇi vā, ēkatra vā sarvāṇi| yathā-madhusarpiṣī, madhuvasē, madhutailē, madhusarpirvasāḥ, madhusarpirvasātailāni, ityēvamādīni| nanu, yadyēvaṁvidhō virōdha ucyatē tatkathamagastyalēhē (hr̥.ci.a.3|128)-"kuḍavaṁ ca pr̥thagghr̥tāt| tailātsapippalīcurṇātsiddhaśītē ca mākṣikāt||" iti tailaghr̥tamadhūnāṁ tulyāṁśānāṁ prayōgaḥ ? brūmaḥ| kēvalānāṁ madhvādīnāṁ samāṁśānāmupayōgō viruddhaḥ na tu dravyāntarasaṁyuktānām| api tu dravyāntarasaṁyuktānāṁ tēṣāṁ saṁyōgasaṁskārādivaśādviśiṣṭaguṇāntarōtpattirdr̥ṣṭā| tasmādagastyalēhādau dravyāntarasaṁyōgādivaśādaviruddha ēva|

Adhikarana madhvAjyayordivyAnupAnAt madhupuShkarabIjayoH madhumaireyashArkarANAm kShaireyasya manthAnupAnAt hAridrakaTutailayoH (40-41) · Śloka 41

bhinnāṁśē api madhvājyē divyavāryanupānataḥ| madhupuṣkarabījaṁ ca, madhumairēyaśārkaram||40|| manthānupānaḥ kṣairēyō, hāridraḥ kaṭutailavān| |41|

View original

भिन्नांशे अपि मध्वाज्ये दिव्यवार्यनुपानतः| मधुपुष्करबीजं च, मधुमैरेयशार्करम्||४०|| मन्थानुपानः क्षैरेयो, हारिद्रः कटुतैलवान्| |४१|

🔊 Audio coming soon

sa0-bhinnāṁśē api madhvājyē divyavāryanupānēna virudhyētē| tr̥tīyārthē tasipratyayaḥ| apiśabdānna kēvalaṁ samāṁśa ityarthaḥ| madhu-mākṣikaṁ, puṣkarabījaṁ caikadhyaṁ virudhyatē| tathā, madhumārdvīkaṁ, mairēyaṁ-kharjūrāsavaṁ, śārkaraṁ-śarkarayā kr̥taṁ madyaṁ, ētadēkatrōpayuktaṁ virudhyatē| kṣairēyaḥ-pāyasō, manthānupānō viruddhaḥ| manthō'nupānaṁ yasya sa ēvam| kṣairēya iti "kṣīrāḍḍhañ" iti ḍhañ| hāridraḥ-kuprasavaḥ śākaviśēṣaḥ sarpacchatrānukārī pītābhāsaḥ, kaṭutailavān-sarṣapatailabhr̥ṣṭō, viruddhaḥ|

Adhikarana upodakAyAstilakalkasaMskAreNa (41) · Śloka 41

| upōdakā'tisārāya tilakalkēna sādhitā||41||

View original

| उपोदकाऽतिसाराय तिलकल्केन साधिता||४१||

🔊 Audio coming soon

sa0-upōdakā tilakalkēna sādhitā'tisārāya| tādarthyē caturthyatra| arthō-nimittam, tasmai idaṁ-tadartham, tadarthamēvatādarthyam| tēnātīsārakāraṇamityayamarthō jāyatē|

Adhikarana balAkAyA varAhavasABarjanAt (42) · Śloka 42

balākā vāruṇiyuktā kulmāṣaiśca virudhyatē| bhr̥ṣṭā varāhavasayā saiva sadyō nihantyasūn||42||

View original

बलाका वारुणियुक्ता कुल्माषैश्च विरुध्यते| भृष्टा वराहवसया सैव सद्यो निहन्त्यसून्||४२||

🔊 Audio coming soon

sa0-balākā-pakṣijātiḥ, vāruṇyā-prasannayā yuktā, viruddhā| kulmāṣaiḥ-nātisvinnamudgādibhiśca saha virudhyatē| saiva balākā, varāhavasayā bhr̥ṣṭā sadyaḥ-tatkṣaṇādēva, prāṇān mārayati|

Adhikarana tittiryAdInAM saMskAravisheShAt (43) · Śloka 43

tadvattittiripatrāḍhyagōdhālāvakapiñjalāḥ| ēraṇḍēnāgninā siddhāstattailēna vimūrcchitāḥ||43||

View original

तद्वत्तित्तिरिपत्राढ्यगोधालावकपिञ्जलाः| एरण्डेनाग्निना सिद्धास्तत्तैलेन विमूर्च्छिताः||४३||

🔊 Audio coming soon

sa0-tittiryādaya ēraṇḍēnāgninā siddhāḥ, tattailēna-ēraṇḍatailēna, vimūrcchitāḥ-bahuśō bhr̥ṣṭāḥ, tadvat-balākāvat sadyō jīvitaharāḥ| patrāḍhyō-mayūraḥ|

Adhikarana hArItasya saMskAravisheShAt (44) · Śloka 44

hārītamāṁsaṁ hāridraśūlakaprōtapācitam| haridrāvahninā sadyō vyāpādayati jīvitam||44||

View original

हारीतमांसं हारिद्रशूलकप्रोतपाचितम्| हरिद्रावह्निना सद्यो व्यापादयति जीवितम्||४४||

🔊 Audio coming soon

sa0-hārītasya-pakṣiviśēṣasya, māṁsaṁ hāridraśūlakē prōtaṁ- āsaktaṁ, ca tatpācitaṁ ca hāridrāgninā sadyō jīvitaṁ hanti|

Adhikarana hAritasya BasmAdisaMyogAt (45) · Śloka 45

bhasmapāṁśuparidhvastaṁ tadēva ca samākṣikam| |45|

View original

भस्मपांशुपरिध्वस्तं तदेव च समाक्षिकम्| |४५|

🔊 Audio coming soon

sa0-tadēva-hārītamāṁsaṁ, bhasmapāṁśuparidhvastaṁ samākṣikaṁ viruddham| bhasma ca pāṁśuśca bhasmapāṁśū,-bhūtirēṇū, tābhyāṁ paridhvastaṁ-dhūsaritam| siddhasārē cōktam-"na jātu kaṭutailēna bhr̥ṣṭāmadyādupōdakām| priyaṅgukalkadigdhāṅgaḥ pāyasaṁ na samācarēt||" iti|

Adhikarana virUddhasya sAmAnyalakShaNAm (45-46) · Śloka 46

| yatkiñciddōṣamutklēśya na harēttatsamāsataḥ||45|| viruddhaṁ| |46|

View original

| यत्किञ्चिद्दोषमुत्क्लेश्य न हरेत्तत्समासतः||४५|| विरुद्धं| |४६|

🔊 Audio coming soon

dravyāṇāmānantyāt pratipadōktyā'śēṣaviruddhasaṅgrahaḥ kartumaśakyaḥ, iti tatsaṅgrahārthaṁ vyāpi lakṣaṇamāha- sa0-yatkiñcit-annapānamauṣadhaṁ vā, dōṣamutklēśya-svasthānātsañcalayya, na harēt-bahirna niṣkāsayēt, tatra samāsataḥ saṁkṣēpatō viruddham|

Adhikarana virUddhajavyAdhInAM pratIkAraH (46) · Śloka 46

śuddhiratrēṣṭā śamō vā tadvirōdhibhiḥ| |46|

View original

शुद्धिरत्रेष्टा शमो वा तद्विरोधिभिः| |४६|

🔊 Audio coming soon

sa0-śuddhiratrēṣṭā| atra-virudddhāhārakr̥tē vikārē, śuddhiḥ vamanavirēkādirūpā, iṣṭā-śrēṣṭhā| kupitadōṣasamūhasya vamanādibhirnirharaṇāttannirhārē cārōgyōtpattiḥ| śamō vēti| na kēvalaṁ śuddhiriṣṭā, śamaścēṣṭaḥ| kaiḥ? tēṣāṁ-vairōdhikakōpitadōṣāṇāṁ tatkr̥tānāṁ vā visphōṭādīnāṁ vikārāṇāṁ, virōdhibhiḥ-pratipakṣabhūtairōṣadhaiḥ|

Adhikarana anutpannAnAM pratibandhahetuH pratIkAraH (46) · Śloka 46

na ca śōdhanaśamanarūpa ēvōpakramō'trētyāha- | dravyaistairēva vā pūrvaṁ śarīrasyābhisaṁskr̥tiḥ||46||

View original

न च शोधनशमनरूप एवोपक्रमोऽत्रेत्याह- | द्रव्यैस्तैरेव वा पूर्वं शरीरस्याभिसंस्कृतिः||४६||

🔊 Audio coming soon

sa0-tairēva-vairōdhikakupitadōṣapratipakṣabhūtairdravyaiḥ, pūrvaṁ-prathamaṁ, yā śarīrasyābhisaṁskr̥tiḥ, sā ca viruddhāhārakr̥tē vikārē praśastēti| yathā,-mākṣikaharītakyādinā pittaślēṣmaharaṇauṣadhēna santataśīlanādabhisaṁskr̥tē dēhē pittaślēṣmakaraṁ viruddhamupayuktaṁ sadvikartumaśaktam| ētaduktaṁ bhavati,-viruddhapratipakṣaguṇavatā dravyēṇa dēhastathā dārḍhyaṁ grāhitō yathā viruddhamapi dravyaṁ vikāraṁ kartuṁ nālam|

Adhikarana vyAyAmAdInAmanutpattihetutvam (47) · Śloka 47

vyāyāmasnigdhadīptāgnivayaḥsthabalaśālinām| virōdhdyapi na pīḍāyai sātmyamalpaṁ ca bhōjanam||47||

View original

व्यायामस्निग्धदीप्ताग्निवयःस्थबलशालिनाम्| विरोध्द्यपि न पीडायै सात्म्यमल्पं च भोजनम्||४७||

🔊 Audio coming soon

sa0-vyāyāmō vidyatē yēṣāmiti "arśaāditvāt" ac| vayaḥsthāḥ-taruṇāḥ| balēna śālituṁ-ślāghituṁ śīlaṁ yēṣāṁ tē-balaśālinaḥ| snigdhāḥ snigdhavr̥ṣyāhārasātmyāḥ| vyāyāmināṁ virōdhyapi bhōjanaṁ na pīḍāyai-na rōgōtpattayē| ēvaṁ snigdhādīnāṁ pratyēkaṁ sambandhaḥ kāryaḥ| kēcit "vyāyāmi" iti paṭhanti| tathā, viruddhamapyannaṁ yadabhyāsāt sātmyaṁ-sātmībhūtaṁ, tathā, alpaṁ-alpamātrayā ca yadbhōjanaṁ, tacca viruddhamapi na pīḍāyai iti yōjyam| atha yadyapathyamapi sātmyatāṁ prāptaṁ tatkiṁ tyājyaṁ na vā? kathaṁ ca tyājyaṁ ? kathaṁ ca pathyaṁ bhōjyaṁ? ityāha-

Adhikarana sAtmyIkaraNe kramaH (48) · Śloka 48

pādēnāpathyamabhyastaṁ pādapādēna vā tyajēt| niṣēvēta hitaṁ tadvadēkadvitryantarīkr̥tam||48||

View original

पादेनापथ्यमभ्यस्तं पादपादेन वा त्यजेत्| निषेवेत हितं तद्वदेकद्वित्र्यन्तरीकृतम्||४८||

🔊 Audio coming soon

sa0-apathyaṁ-ahitamannaṁ pānaṁ vā yallaṅghanaplavanajāgaraṇasvapnādikaṁ vā cēṣṭitamahitamabhyastaṁ tat pādēna-caturthāṁśēna tyajēt, ahitaphalatvāt| taddhi śarīrōcitamapyapathyatvādudarkē dōṣāya sampadyatē, na guṇāya| yadi tu tadapathyamabhyastaṁ tathā sātmyībhūtaṁ yasmiṁścaturthāśēnā'pi tyajyamānēna śarīrabādhā śaṅkyatē vahnimāndyādvā, tadā pādapādēna-ṣōḍaśāṁśēna vā tyajēt| iti vāśabdārthaḥ| tēna tulyaṁ vartatē-tadvat,-tēnaiva kramēṇa pādēna pādapādēna vā, hitaṁ niṣēvēta-śīlayēt| kathamētaddvayamapyapathyapathyarūpaṁ tyājyaṁ niṣēvyaṁ ca ? ityāha-ēkētyādi| ēkaśca dvau ca trayaśca tairantarīkr̥tam| ēkadvitribhirannakālairvyavadhānaṁ kr̥tvā [yathā bhavati tathā] apathyaṁ pādēna pādapādēna vā tyajēt| tadvat hitaṁ sēvēta| ēkadvitryantarīkr̥tamiti kriyāviśēṣaṇatvādatra napuṁsakaliṅgatvam| adhunaitadēva spaṣṭīkr̥tyōcyatē| apathyātpāṭalavrīhyādērabhyastātpādamēkaṁ tyaktvā'nucitātpathyādraktaśālyādēstamēva pādaṁ dattvā catuṣpāttvaṁ sampādya yōjyam| ēvamannakālamēkamativāhayēt| ēvaṁ pādēnāpathyamabhyastaṁ tyaktaṁ bhavati| pathyaṁ cānucitaṁ niṣēvitaṁ bhavati| tatō dvitīyē'nnakālē sarvamapathyaṁ yōjanīyam| ēvamēkēnānnakālēnāpathyapādō'ntarīkr̥taḥ| tatastr̥tīyē'pyucitādapathyāt pādadvayamapāsyānucitātpathyāt pādadvayamupayujya, tataścaturthē sarvamapathyaṁ bhōjyaṁ pañcamē ca| ēvamannakāladvayēna pathyapādadvayasahitamapathyapādadvayamantarīkr̥tam| tataḥ ṣaṣṭhē'nnakālē pādamucitādapathyāt pādatrayamanucitātpathyādbhuktvā, saptamāṣṭamanavamānnakālēṣu sarvamapathyaṁ bhōjyam| ēvamannakālatrayēṇāpathyamantarīkr̥tam| tatō daśamē'nnakālē sarvaṁ pathyaṁ sēvanīyam| ēvaṁ pādapādēnāpyayamēva kramaḥ| spaṣṭārthaṁ ca dikpradaśaryatē| yathā-yavakādēḥ ṣōḍaśāṁśaṁ tyaktvā'nucitācchālyādēḥ pathyātṣōḍaśāṁśamēva dattvā catuṣpāttvaṁ sampādya bhōjyam| ēvamapathyamabhyastaṁ pādapādēna tyaktaṁ bhavati pathyaṁ cānucitaṁ niṣēvitaṁ bhavati| dvitīyē'nnakālē sarvamapathyaṁ sēvyam| ēvamēkē (nānnakālē) nāpathyaṣōḍaśāṁśō'ntarīkr̥taḥ| tatastr̥tīyē'pyucitādapathyāt pādapādadvayamapāsyānucitātpathyāt pādapādadvayaṁ dattvā catuṣpāttvaṁ sampādya sēvyam| tataścaturthē pañcamē cānnakālē sarvamapathyaṁ bhōjyam| ēvaṁ kāladvayēna pādapādadvayamapathyasyāntarīkr̥tam| tataḥ ṣaṣṭhē'nnakālē'nucitātpathyāt pādapādatrayamucitādapathyāt pādapādāstrayōdaśēti bhōjyam| tataḥ saptamāṣṭamanavamānnakālēṣu sarvamapathyaṁ bhōjyam| ēvaṁ kālatrayēṇāntarīkr̥tam| tatō daśamē'nnakālē pathyādanucitāt pādapādāścatvāraḥ, apathyapādapādā dvādaśēti bhōjyam| tata ēkādaśē'nnakālē sarvamapathyaṁ bhōjyam| tata ēkēnānnakālēnāntarīkr̥tam| ēvamannakāladvayatrayāntaritaṁ ca tāvadyōjyam, yāvatpathyasya ṣōḍaśapādāḥ sēvyatayā sampadyantē|

Adhikarana akrameNa sAtmyIkaraNe doShaH (41) · Śloka 41

ēvamanēna kramēṇāpathyadōṣāstyaktāḥ pīḍāyai na bhavanti, pathyaguṇāśca saṁvardhitāḥ sthiratāṁ prāpnuvanti| ityata āha apathyamapi hi tyaktaṁ śīlitaṁ pathyamēva vā| sātmyāsātmyavikārāya jāyatē sahasā'nyathā||41||

View original

एवमनेन क्रमेणापथ्यदोषास्त्यक्ताः पीडायै न भवन्ति, पथ्यगुणाश्च संवर्धिताः स्थिरतां प्राप्नुवन्ति| इत्यत आह अपथ्यमपि हि त्यक्तं शीलितं पथ्यमेव वा| सात्म्यासात्म्यविकाराय जायते सहसाऽन्यथा||४१||

🔊 Audio coming soon

sa0-hi-yasmāt, sahasā-kramamimamanālōcya, anyathā uktavidhyatikramēṇa, apathyamapi tyaktaṁ sātmyavikārāya jāyatē| pathyamēva vā sahasā śīlitamasātmyavikārāya jāyatē| sātmyāsātmyābhyāṁ vikāraḥ-sātmyāsātmyavikāraḥ, tasmai "klRpisampadyamānē" iti caturthī|

Adhikarana krameNa sAtmyIkaraNe guNAH (50) · Śloka 50

kramēṇa tvapathyatyāgapathyaśīlanē vidhīyamānē guṇāya syātāmiti darśayati kramēṇāpacitā dōṣāḥ kramēṇōpacitā guṇāḥ| santō yāntyapunarbhāvamaprakampyā bhavanti ca||50||

View original

क्रमेण त्वपथ्यत्यागपथ्यशीलने विधीयमाने गुणाय स्यातामिति दर्शयति क्रमेणापचिता दोषाः क्रमेणोपचिता गुणाः| सन्तो यान्त्यपुनर्भावमप्रकम्प्या भवन्ति च||५०||

🔊 Audio coming soon

sa0-dōṣāḥ apathyābhyāsajāḥ, kramēṇa-pūrvōktēna, apacitāḥ-kṣayaṁ nītāḥ, guṇāśca-pathyōpayōgajāḥ, kramēṇa-pūrvōktēnaiva, upacitāḥ-vr̥ddhiṁ nītāḥ santaḥ, puruṣāṇāṁ yathāsaṅkhyamapunarbhāvaṁ yānti dōṣāḥ| guṇāścāprakampyāḥ-sthirā bhavanti|

Adhikarana apathyasya sAtmyIkaraNaniShedhaH (51) · Śloka 51

sāmpratamahitāhārasēvanaṁ sadā tyājyamiti sadyuktiṁ darśayati atyantasannidhānānāṁ dōṣāṇāṁ dūṣaṇātmanām| ahitairdūṣaṇaṁ bhūyō na vidvān kartumarhati||51||

View original

साम्प्रतमहिताहारसेवनं सदा त्याज्यमिति सद्युक्तिं दर्शयति अत्यन्तसन्निधानानां दोषाणां दूषणात्मनाम्| अहितैर्दूषणं भूयो न विद्वान् कर्तुमर्हति||५१||

🔊 Audio coming soon

sa0-dōṣāṇāmahitaiḥ-āhārādibhiḥ dūṣaṇaṁ kartuṁ vidvān-paṇḍitō, nārhati-na yujyatē| kimbhūtānām? atyantaṁ-atiśayēna, sannidhānaṁ-nikaṭatvaṁ, yēṣāṁ dōṣāṇāṁ ta ēvaṁ tēṣām| tathā, dūṣaṇātmanāṁ-dūṣaṇasvabhāvānām|

Adhikarana yuktiprayojitairAhArAdiBiH sharIradhAraNam (52) · Śloka 52

ētatprasaṅgēna cēdamāha āhāraśayanābrahmacaryēryuktyā prayōjitaiḥ| śarīraṁ dhāryatē nityamāgāramiva dhāraṇaiḥ||52||

View original

एतत्प्रसङ्गेन चेदमाह आहारशयनाब्रह्मचर्येर्युक्त्या प्रयोजितैः| शरीरं धार्यते नित्यमागारमिव धारणैः||५२||

🔊 Audio coming soon

Adhikarana tatrAhArasyAtideshaH (2) · Śloka 2

āhārō varṇitastatra tatra tatra ca vakṣyatē| ||2||

View original

आहारो वर्णितस्तत्र तत्र तत्र च वक्ष्यते| ||२||

🔊 Audio coming soon

sa0-tatra-tēṣu triṣu madhyāt, āhārō varṇitaḥ-r̥tucaryāyāṁ dravānnasvarūpavijñānīyayōśca| tatra tatra ca-śāstrabhāgē jvaracikitsādau ca, vakṣyatē|

Adhikarana nidrAyattaM sukhaduHkhAdikam (53-54) · Śloka 54

śayanābrahmacaryayōstvihaiva vidhiṁ vaktukāma āha- | nidrāyattaṁ sukhaṁ duḥkhaṁ puṣṭiḥ kārśyaṁ balābalam||53|| vr̥ṣatā klībatā jñānamajñānaṁ jīvitaṁ na ca| |54|

View original

शयनाब्रह्मचर्ययोस्त्विहैव विधिं वक्तुकाम आह- | निद्रायत्तं सुखं दुःखं पुष्टिः कार्श्यं बलाबलम्||५३|| वृषता क्लीबता ज्ञानमज्ञानं जीवितं न च| |५४|

🔊 Audio coming soon

Adhikarana nidrAyAshcaturvidhatvam (54-55) · Śloka 55

sāmprataṁ duṣṭanidrāṁ nirdiśati- | akālē'tiprasaṅgācca na ca nidrā niṣēvitā||54|| sukhāyuṣī parākuryāt kālarātririvāparā| |55|

View original

साम्प्रतं दुष्टनिद्रां निर्दिशति- | अकालेऽतिप्रसङ्गाच्च न च निद्रा निषेविता||५४|| सुखायुषी पराकुर्यात् कालरात्रिरिवापरा| |५५|

🔊 Audio coming soon

sa0-akālē niṣēvitā'ti ca niṣēvitā na ca niṣēvitā nidrā sukhaṁ-ārōgyalakṣṇam, āyuśca-jīvitam, tē sukhāyuṣī parākuryāt-nāśayēt| kēva? aparā kālarātririva|

Adhikarana caturvidhAyAH svarUpam (55-56) · Śloka 56

atha nidrāguṇaprasaṅgēna tatpratipakṣabhūtasya jāgaraṇasyāpi guṇamāha | rātrau jāgaraṇaṁ rūkṣaṁ, snigdhaṁ prasvapanaṁ divā||55|| arūkṣamanabhiṣyandi tvāsīnapracalāyitam| |56|

View original

अथ निद्रागुणप्रसङ्गेन तत्प्रतिपक्षभूतस्य जागरणस्यापि गुणमाह | रात्रौ जागरणं रूक्षं, स्निग्धं प्रस्वपनं दिवा||५५|| अरूक्षमनभिष्यन्दि त्वासीनप्रचलायितम्| |५६|

🔊 Audio coming soon

sa0-apiśabdāvatra sāmarthyalabdhau bōddhavyau| tēna rātrāvapi jāgaraṇaṁ rūkṣam, divā tvāgnēyamatyarthaṁ rūkṣaṁ kālēnāhitabalatvāt| tathā, prasvapanaṁ divā'pi snigdham, rātrau tu saumyē kālē'tiśayēna snigdhamityavatiṣṭhatē| apiśabdābhyāmantarēṇa tu rātrāvēva jāgaraṇaṁ rūkṣam, divā tu snigdhamityarthō jāyatē| vyavacchēdyaphalatvādvākyānām| ēvaṁ divasa ēva snigdhaṁ prasvapanam, rātrau tu rūkṣamiti| na caitadyujyatē| yadi jāgaraṇaṁ sadā rūkṣaṁ nābhaviṣyat, tatkathamidamupapatsyatē ? "bahumēdaḥkaphāḥ svapyuḥ snēhanityāśca nāhani| viṣārtaḥ kaṇṭharōgī ca naiva jātu niśāsvapi||" iti| ēṣāṁ hyāpatarpaṇamēva hitam| yaccāpatarpaṇaṁ tadavaśyaṁ rūkṣam| tasmādētairapatarpaṇasvabhāvaṁ jāgaraṇamēva sēvyam| tathā, "grīṣmē vāyucayādānaraukṣyarātryalpabhāvataḥ| divāsvapnōhitō'nyasmin kaphapittakarō hi saḥ|| mukttvā tu bhāṣyayānādhvamadyastrībhārakarmabhiḥ| krōdhaśōkabhayaiḥ klāntān śvāsahidhmātisāriṇaḥ|| vr̥ddhabālābalakṣīṇakṣatatr̥ṭśūlapīḍitān| ajīrṇyabhihitōnmattān divā svapnōcitānapi||" tadētēṣāṁ santarpaṇārhatvātsantarpaṇamēva hitam| yacca santarpaṇaṁ tadavaśyaṁ snigdham| tasmādētaiḥ santarpaṇasvabhāvamēva sadā prasvapanaṁ sēvyam| ēvaṁ ca pūrvamēva vyākhyānaṁ yuktam| prasvapnajāgaraṇakriyayōradravyayōrapi rūkṣasnigdhatvamupacārādupapannam| yathā,-rūkṣaṁ dravyaṁ guggulvādi kaphamēdaḥprabhr̥tīn saumyān bhāvān kṣapayati, tathaiva yadā jāgaraṇamapi tatkṣapayaddr̥ṣṭaṁ tadā tadrūkṣakāryakaraṇādarūkṣamapi rūkṣamityupacaryatē| tathā, prasvapanādarvāk kaphamēdaḥprabhr̥tīnāṁ sōmyānāṁ bhāvānāṁ svahētōrutpādastathā nōpalabhyatē, yathā prasvapanādanantaram| tasmātprasvapanamasnigdhamapi snigdhamityupacaryatē| pracala ivācaratīti kyaṅantānniṣṭhā| āsīnasya upaviṣṭasya, pracalāyitaṁ-avaghūrṇitaṁ,-āsīnapracalāyitam, na tu prasvapanaṁ sarvasarvikayā| yēna snēhanahētuḥ syāt| rūkṣakāryā karaṇādarūkṣam| anabhiṣyandi tu viśēṣēṇa| āsīnapracalāyitaṁ punarīdr̥grūpamityarthaḥ|

Adhikarana divAsvapnasyApavAdaH (56-59) · Śloka 59

yadi snigdhatvādabhiṣyandī divāsvapnaḥ, tatkiṁ kadācidapi na kāryaḥ? ityāha- grīṣmē vāyucayādānaraukṣyarātryalpabhāvataḥ||56|| divāsvapnō hitō'nyasmin kaphapittakarō hi saḥ| muktvā tu bhāṣyayānādhvamadyastrībhārakarmabhiḥ||57|| krōdhaśōkabhayaiḥ klāntān śvāsahidhmātisāriṇaḥ| vr̥ddhabālābalakṣīṇakṣatatr̥ṭśūlapīḍitān||58|| ajīrṇyabhihatōnmattān divāsvapnōcitānapi| dhātusāmyaṁ tathā hyēṣāṁ ślēṣmā cāṅgāni puṣyati||59||

View original

यदि स्निग्धत्वादभिष्यन्दी दिवास्वप्नः, तत्किं कदाचिदपि न कार्यः? इत्याह- ग्रीष्मे वायुचयादानरौक्ष्यरात्र्यल्पभावतः||५६|| दिवास्वप्नो हितोऽन्यस्मिन् कफपित्तकरो हि सः| मुक्त्वा तु भाष्ययानाध्वमद्यस्त्रीभारकर्मभिः||५७|| क्रोधशोकभयैः क्लान्तान् श्वासहिध्मातिसारिणः| वृद्धबालाबलक्षीणक्षततृट्शूलपीडितान्||५८|| अजीर्ण्यभिहतोन्मत्तान् दिवास्वप्नोचितानपि| धातुसाम्यं तथा ह्येषां श्लेष्मा चाङ्गानि पुष्यति||५९||

🔊 Audio coming soon

sa0-grīṣmakālē divāsvapnō hitaḥ| yatastasmin kālē pavanaccayō bhavati| ādānasya ca paripuṣṭatvādatiraukṣyaṁ bhavati| rātrayaścanidrāsamāptyayōgyā alpā bhavanti| divāsvapnaśca santarpakaḥ| grīṣmādaparasmin kālē kaphapittakaraḥ| sō'cintyatvāddhētuprabhāvasya| bhāṣyādiklāntādīn muktvā-varjayitvā| tēnaitaduktaṁ bhavati,-grīṣmādaparasminnapi kālē svapna ēṣāṁ hita ēva| yānaṁ aśvādi| kṣataḥ-khaḍgādicchhinnaḥ| abhihatō-laguḍādinā| divāsvapnōcitāḥ-śīlitadivāsvapnāḥ| tatra bhāṣyādiklāntānāṁ pavanakōpāt svapnō'nujñātaḥ| śvāsahidhmādīnāṁ vēgavismaraṇārtham| vr̥ddhādīnāṁ yathāyathaṁ santarpaṇārthaṁ vēgavismaraṇārthaṁ ca| ajīrṇināṁ divāsvapnōcitānāṁ ca dhātuvaiṣamyaparihārārthaṁ divāsvapnō'numatastantrakr̥tā| tathā cōktam-"ucitō hi divāsvapnō yēṣāṁ nityaṁ śarīriṇām| vātādayaḥ prakupyanti tēṣāmasvapatāṁ divā||" iti| nanu, ajīrṇināṁ divāsvapnō na yuktaḥ, divāsvapnasya kaphavr̥ddhikaratvāt| kaphavr̥ddhyā cāgnimāndyam| agnimāndyādajīrṇānnasyāpāka ityanuktastēṣāṁ divāsvapnaḥ| atrōcyatē| divāsvapnēnājīrṇināṁ dhātusāmyaṁ bhavati| dhātusāmyē ca satisvasthānasthitairdōṣairanupahatō vahniḥ pacanakṣamō bhavati| kaphastu vr̥ddhō'pi naitēṣāmagnimāndyaṁ vidhattē| api tvaṅgānāṁ puṣṭimādadhāti| ata ēvānantaramēvōvāca śāstrakāraḥ-"dhātusāmyaṁ tathā hyēṣāṁ ślēṣmā cāṅgāni puṣyati|" iti|

Adhikarana divAsvapnasyAsamyagyogatvam,rAtrisvapnasyApavAdaH (60) · Śloka 60

bahumēdaḥkaphāḥ svapyuḥ snēhanityāśca nāhani| viṣārtaḥ kaṇṭharōgī ca naiva jātu niśāsvapi||60||

View original

बहुमेदःकफाः स्वप्युः स्नेहनित्याश्च नाहनि| विषार्तः कण्ठरोगी च नैव जातु निशास्वपि||६०||

🔊 Audio coming soon

sa0-tathā, bahumēdaḥślēṣmāṇaḥ snigdhāhārādiśīlinaśca grīṣmē'pyahani na svapyuḥ| viṣārtaḥ kaṇṭharōgī ca rātriṣvapi kadācidapi na svapyāt|

Adhikarana akAlashayanAnmohAdayaH (61) · Śloka 61

akālaśayanānmōhajvarastaimityapīnasāḥ| śirōrukśōphahr̥llāsasrōtōrōdhāgnimandatāḥ||61||

View original

अकालशयनान्मोहज्वरस्तैमित्यपीनसाः| शिरोरुक्शोफहृल्लासस्रोतोरोधाग्निमन्दताः||६१||

🔊 Audio coming soon

sa0-akālē śayanaṁ-svapnaḥ,-akālaśayanam, tasmādakālaśayanāt mōhādayaḥ syuḥ| staimityaṁ-gātrāṇāṁ nirutsāhatvam|

Adhikarana tatra cikitsA (62-63) · Śloka 63

atra ca kā cikitsā? ityāha tatrōpavāsavamanasvēdanāvanamauṣadham| yōjayēdatinidrāyāṁ tīkṣṇaṁ pracchhardanāñjanam||62|| nāvanaṁ laṅghanaṁ cintāṁ vyavāyaṁ śōkabhīkrudhaḥ| ēbhirēva ca nidrāyā nāśaḥ ślēṣmātisaṅkṣayāt||63||

View original

अत्र च का चिकित्सा? इत्याह तत्रोपवासवमनस्वेदनावनमौषधम्| योजयेदतिनिद्रायां तीक्ष्णं प्रच्छर्दनाञ्जनम्||६२|| नावनं लङ्घनं चिन्तां व्यवायं शोकभीक्रुधः| एभिरेव च निद्राया नाशः श्लेष्मातिसङ्क्षयात्||६३||

🔊 Audio coming soon

sa0-tatra-tēṣvakālasvapnajēṣu rōgēṣu, upavāsādyauṣadhaṁ yōjayēt| nidrāyāśca bāhulyēna rātriḥ kālaḥ| tathā cōktam (saṅgrahē sū.a.9)-"lōkādisargaprabhavā tamōmūlā tamōmayī| bāhulyāttamasō rātrau nidrā prāyēṇa jāyatē||" iti| atinidrāyāṁ satyāṁ tīkṣṇāni vamanāñjananasyāni yōjayēt, laṅghanādi ca| ēbhirēva ca-tīkṣṇavamanādibhirnidrāyā nāśō bhavati| ślēṣmākhyasya dhātōratiśayēnāpacayāt|

Adhikarana nidrAnAshajanyavikArAH (64) · Śloka 64

samprati nidrānāśajān vikārānācaṣṭē nidrānāśādaṅgamardaśirōgauravajr̥mbhikāḥ| jāḍyaglānibhramāpaktitandrā rōgāśca vātajāḥ||64||

View original

सम्प्रति निद्रानाशजान् विकारानाचष्टे निद्रानाशादङ्गमर्दशिरोगौरवजृम्भिकाः| जाड्यग्लानिभ्रमापक्तितन्द्रा रोगाश्च वातजाः||६४||

🔊 Audio coming soon

sa0-nidrānāśādaṅgamardādayō vātōtthāśca rōgāḥ syuḥ|

Adhikarana yathAkAlaM rAtrau nidrA rAtrAvanidritasya divAsvanpaH (65) · Śloka 65

yathākālamatō nidrāṁ rātrau sēvēta sātmyataḥ| asātmyājjāgarādardhaṁ prātaḥ svapyādabhuktavān||65||

View original

यथाकालमतो निद्रां रात्रौ सेवेत सात्म्यतः| असात्म्याज्जागरादर्धं प्रातः स्वप्यादभुक्तवान्||६५||

🔊 Audio coming soon

sa0-yataśca samyak sēvitāyā nidrāyā asamyak sēvitāyāścā'nantarōktā guṇadōṣāḥ| ataḥ-asmāddhētōḥ, kālānatikramēṇa sātmyatō-yāmadvayaṁ trayaṁ vā, niśi nidrāṁ bhajēt| asātmyājjāgarādarddhēna prātaḥ svapyāt| abhuktavān-abhuktē sati| asātmyagrahaṇēnaitat dyōtayati,-na sarvasya rātrāvasuptasya jāgaraṇakālādardhēna divāsvapna iṣyatē, kiṁ tarhi ? yō yāvantaṁ kālamucitaṁ svapiti tasmātkālādyāvantaṁ kālaṁ niśi jāgr̥yāttāvatō'rdhēnāsau prātaḥ svapyāt| kēciddhi svalpanidrāḥ svabhāvatō bhavanti|

Adhikarana mandanidrasya kShIrAdisevanam (66-68) · Śloka 68

śīlayēnmandanidrastu kṣīramadyarasān dadhi| abhyaṅgōdvartanasnānamūrdhakarṇākṣitarpaṇam||66|| kāntābāhulatāślēṣō nirvr̥tiḥ kr̥takr̥tyatā| manō'nukūlā viṣayāḥ kāmaṁ nidrāsukhapradāḥ||67|| brahmacaryaratērgrāmyasukhaniḥspr̥hacētasaḥ| nidrā santōṣatr̥ptasya svaṁ kālē nātivartatē||68||

View original

शीलयेन्मन्दनिद्रस्तु क्षीरमद्यरसान् दधि| अभ्यङ्गोद्वर्तनस्नानमूर्धकर्णाक्षितर्पणम्||६६|| कान्ताबाहुलताश्लेषो निर्वृतिः कृतकृत्यता| मनोऽनुकूला विषयाः कामं निद्रासुखप्रदाः||६७|| ब्रह्मचर्यरतेर्ग्राम्यसुखनिःस्पृहचेतसः| निद्रा सन्तोषतृप्तस्य स्वं काले नातिवर्तते||६८||

🔊 Audio coming soon

sa0-yō mandanidraḥ sa kṣīrādīn śīlayēt| kāntābāhulatāślēṣādayō nidrāsukhahētavaḥ| kāntābāhulatāślēṣagrahaṇamāślēṣamātramēva nidrāsukhahētuḥ, na tu grāmyadharmasēvēti darśanārtham| ata ēvānantaramāha-"brahmacaryaratērnidrā svaṁ kālaṁ nātivartatē|" iti| brahmacaryaratasyāpyanurāgatō maithunābhilāṣō nidrāṁ nāśayēdityāha-grāmyasukhē niḥspr̥haṁ cētō yasya sa tasya| tathā, santōṣatr̥ptasya|

Adhikarana maithune niShiddhAni (69-72) · Śloka 72

yadā tu grāmyadharmēṇa vinā na ratiḥ, apatyārthitā vā, tadā tadadhikārārthamucyatē grāmyadharmē tyajēnnārīmanuttānāṁ rajasvalām| apriyāmapriyācārāṁ duṣṭasaṅkīrṇamēhanām||69|| atisthūlakr̥śāṁ sūtāṁ garbhiṇīmanyayōṣitam| varṇinīmanyayōniṁ ca gurudēvanr̥pālayam||70|| caityaśmaśānā''yatanacatvarāmbucatuṣpatham| parvāṇyanaṅhgaṁ divasaṁ śirōhr̥dayatāḍanam||71|| atyāśitō'dhr̥tiḥ kṣudvān duḥsthitāṅgaḥ pipāsitaḥ| bālō vr̥ddhō'nyavēgārtastyajēdrōgī ca maithunam||72||

View original

यदा तु ग्राम्यधर्मेण विना न रतिः, अपत्यार्थिता वा, तदा तदधिकारार्थमुच्यते ग्राम्यधर्मे त्यजेन्नारीमनुत्तानां रजस्वलाम्| अप्रियामप्रियाचारां दुष्टसङ्कीर्णमेहनाम्||६९|| अतिस्थूलकृशां सूतां गर्भिणीमन्ययोषितम्| वर्णिनीमन्ययोनिं च गुरुदेवनृपालयम्||७०|| चैत्यश्मशानाऽऽयतनचत्वराम्बुचतुष्पथम्| पर्वाण्यनङ्ह्गं दिवसं शिरोहृदयताडनम्||७१|| अत्याशितोऽधृतिः क्षुद्वान् दुःस्थिताङ्गः पिपासितः| बालो वृद्धोऽन्यवेगार्तस्त्यजेद्रोगी च मैथुनम्||७२||

🔊 Audio coming soon

sa0-grāmyadharmē-strīpuṁsaṁyōgaviṣayē, anuttānaṁ striyaṁ tyajēt, uttānāṁ- bhajēdityarthaḥ| tathā, rajasvalatvādiyutāṁ tyajēt| duṣṭaṁ vyādhimalādibhiḥ, saṅkīrṇaṁ-saṅkaṭaṁ ca, mēhanaṁ-yōniryasyāstām| tathā, varṇinīṁ-brahmacāriṇīm| anyayōniṁ-ajāmahiṣyādiṁ ca tyajēt| gurvityādi| grāmyadharmē nirvartanē sati gurudēvanr̥pālayāṁstyajēt| tathā, caityādīṁstyajēt| tēṣu striyaṁ na saṅgacchhēdityarthaḥ| caityādīnāṁ paryāyā dinacaryāyāmuktāḥ| āyatanaṁ-duṣṭānāṁ nigrahasthānam| parvāṇi-ravisaṅkrāntyādīni tyajēt, tēṣu kāmaṁ na sēvētētyarthaḥ| tathā, anaṅgaṁ,-aṅgaṁ-jaghanam, nāṅgaṁ-anaṅgamaṅgasadr̥śaṁ jaghanakāryanirvartanayōgyaṁ mukhādikamucyatē| dākṣiṇātyā hi mukhēna tat kurvanti, tanniṣidhyatē| divasaṁ ca tyajēt, dinē rataṁ na kurvanti, tanniṣidhyatē| divasaṁ ca tyajēt, dinē rataṁ na kurvītētyarthaḥ| mūrdhavakṣō'bhighātaṁ ca tyajēt| tathā, atyāśitādayaḥ surataṁ tyajēyuḥ| atyāśitaḥatisuhitaḥ| adhr̥tiḥ-durmanāḥ| anyavēgārtaḥ-purīṣādivēgāturaḥ| nanu, kṣudvēgārta ucyatē| tatō'nyavēgārta ityanēnaivāsyārthasya labdhatvāt kiṁ kṣudvānityanēna? satyamētat| atiśayārthaṁ tvētat| yathā kṣudvēgārtaḥ striyaṁ gacchannatiśayēna pīḍayā bādhyatē, na tathā'nyavēgārta iti|

Adhikarana RutuvisheShe samBoganiyamaH (73) · Śloka 73

samprati r̥tuviśēṣēṣu nidhuvanaṁ niyamayati sēvēta kāmataḥ kāmaṁ tr̥ptō vājīkr̥tāṁ himē| tryahādvasantaśaradōḥ pakṣādvarṣānidāghayōḥ||73||

View original

सम्प्रति ऋतुविशेषेषु निधुवनं नियमयति सेवेत कामतः कामं तृप्तो वाजीकृतां हिमे| त्र्यहाद्वसन्तशरदोः पक्षाद्वर्षानिदाघयोः||७३||

🔊 Audio coming soon

sa0-tr̥ptō-vājīkaraṇaiḥ sañjātasantarpaṇaḥ san, kāmatō- yathēcchayā, himē-hēmantartau śiśirē ca, kāmaṁ-yathēcchaṁ, sēvēta| vājīkr̥tāmiti sampadāditvātkvip| tr̥pta iti ktō'dhikaraṇē ca dhrauvyētyādinā'dhikaraṇē ktaḥ| adhikaraṇavācinaścēti ṣaṣṭhī| vasantē śaradi ca tryahāt-trayahamatikramya, maithunaṁ niṣēvēta| varṣāgrīṣmayōḥ pakṣāt kāmaṁ bhajēt|

Adhikarana anyaprakAreNa strIgamane bhramAdayaH (74) · Śloka 74

bhramaklamōrudaurbalyabaladhātvindriyakṣayāḥ| aparvamaraṇaṁ ca syādanyathā gacchataḥ striyam||74||

View original

भ्रमक्लमोरुदौर्बल्यबलधात्विन्द्रियक्षयाः| अपर्वमरणं च स्यादन्यथा गच्छतः स्त्रियम्||७४||

🔊 Audio coming soon

sa0-anyathā-uktādvidhēranyēna prakārēṇa, striyaṁ gacchatō bhramādayaḥ syuḥ| aparvaṇi-akālē maraṇaṁ-aparvamaraṇam|

Adhikarana samyaksamBogAcaraNe Palam (75) · Śloka 75

smr̥timēdhāyurārōgyapuṣṭīndriyayaśōbalaiḥ| adhikā mandajarasō bhavanti strīṣu saṁyatāḥ||75||

View original

स्मृतिमेधायुरारोग्यपुष्टीन्द्रिययशोबलैः| अधिका मन्दजरसो भवन्ति स्त्रीषु संयताः||७५||

🔊 Audio coming soon

sa0-strīṣu saṁyatāḥ-strīḥ samyak sēvamānāḥ, smr̥tyādibhiradhikā alpajarāśca bhavanti|

Adhikarana samBogAvasAne sevyAH (76) · Śloka 76

snānānulēpanahimānilakhaṇḍakhādya śītāmbudugdharasayūṣasurāprasannāḥ| sēvēta cānu śayanaṁ viratau ratasya tasyaivamāśu vapuṣaḥ punarēti dhāma||76||

View original

स्नानानुलेपनहिमानिलखण्डखाद्य शीताम्बुदुग्धरसयूषसुराप्रसन्नाः| सेवेत चानु शयनं विरतौ रतस्य तस्यैवमाशु वपुषः पुनरेति धाम||७६||

🔊 Audio coming soon

sa0-ratāntē yathaucityēna snānādīn sēvēta| khaṇḍdakhādyaṁ khaṇḍakr̥taṁ kaṇikētyādi(?)| rasō-māṁsarasaḥ| cānuśayanamiti| anu-paścācca, svapnaṁ sēvēta| tasya-snānādisēvinaḥ śarīrasya, ēvaṁ-asminkr̥tē, dhāma-tējō, bhūya āgacchati| tmau jau vasantatilakaṁ gurukadvayaṁ ca| saṅgrahē cōktam (sū.a.9)- "snānāṅgarāgavyajanēndupādayūṣāsavakṣīrarasān rasālām| bhakṣyān sitāḍhyān salilaṁ suśītaṁ sēvēta nidrāṁ ca ratāntatāntaḥ||" iti|

Adhikarana vaidyAdhIne deharakShaNe Palam (7) · Śloka 7

ētañca sarvaṁ pūrvōktaṁ hitāhitaṁ vaidya ēva vētti| tasmādvaidyasya sarvathā śarīraṁ rājñā nivēdyamiti darśayannāha śrutacaritasamr̥ddhē karmadakṣē dayālau bhiṣaji niranubandhaṁ dēharakṣāṁ nivēśya| bhavati vipulatējaḥsvāsthyakīrtiprabhāvaḥ svakuśalaphalabhōgī bhūmipālaścirāyuḥ||77|| iti śrīvaidyapatisiṁhaguptasūnuśrīmadvāgbhaṭaviracitāyāmaṣṭāṅgahr̥dayasaṁhitāyāṁ sūtrasthānē'nnarakṣā nāma saptamō'dhyāyaḥ||7||

View original

एतञ्च सर्वं पूर्वोक्तं हिताहितं वैद्य एव वेत्ति| तस्माद्वैद्यस्य सर्वथा शरीरं राज्ञा निवेद्यमिति दर्शयन्नाह श्रुतचरितसमृद्धे कर्मदक्षे दयालौ भिषजि निरनुबन्धं देहरक्षां निवेश्य| भवति विपुलतेजःस्वास्थ्यकीर्तिप्रभावः स्वकुशलफलभोगी भूमिपालश्चिरायुः||७७|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां सूत्रस्थानेऽन्नरक्षा नाम सप्तमोऽध्यायः||७||

🔊 Audio coming soon

sa0-bhiṣaji śarīrarakṣaṇaṁ niranubandhaṁ-nirvikalpamādhāya, pr̥thvīśō bahukālamātmīya śrēṣṭhaphalabhōgavān bhavati| tathā, tējaśca svāsthyaṁ ca kīrtiśca prabhāvaśca, ta ēvam, vipulāḥ vistīrṇāḥ, tējaḥsvāsthyakīrtiprabhāvā yasya sa ēvaṁvidhaḥ| kīdr̥śō bhiṣaji ? śrutaṁ-śāstrāvabōdhaḥ, caritaṁ-ācāraḥ, tābhyāṁ samr̥ddhē-sampūrṇē| tathā, kriyācaturē| tathā, kr̥pālau| vasumuniviratiścēnmālinī nau mayau yaḥ| iti śrīmr̥gāṅkadataputraśrīmadaruṇadattaviracitāyāmaṣṭāṅgahr̥dayaṭīkāyāṁ sarvāṅgasundarākhyāyāṁ sūtrasthānē'nnarakṣādhyāyaḥ saptamaḥ samāptaḥ|| 7||

← 6. annasvarūpavijñānīyādhyāyaḥ 8. mātrāśitīyādhyāyō'ṣṭamaḥ →