23. āścātanāñjanavidhiradhyāyaḥ

Adhikarana adhyAyopakramaH · Śloka

ত্রযোবিংশাধ্যাযারম্ভো জত্রূর্ধ্বরোগপ্রস্তাবাল্লোচনরোগপ্রতিষেধার্থমাহ

Adhikarana AshcotanA~jjanavidhiradhyAyaH (2-3) · Śloka 3

অথাত আশ্চোতনাঞ্জনবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| )||৩||

স০-আশ্চোতনং চাঞ্জনং চ, তযোর্বিধির্যস্মিন্নধ্যাযে স এবম্| শেষং পূর্ববত্|

Adhikarana Ashcotanasya viShayaH (1) · Śloka 1

সর্বেষামক্ষিরোগাণামাদাবাশ্চোতনং হিতম্| রুক্তোদকণ্ডূঘর্ষাশ্রুদাহরাগনিবর্হণম্||১||

স০-সকলানামপি নযনামযানাং প্রথমমাশ্চোতনং-পরিষেকো, হিতম্| যতস্তদাশ্চোতনমুপযুক্তং রুজাদিঘ্নং স্যাত্| সঙ্গ্রহে চোক্তম্ (সূ.অ.৩২)-"অব্যক্তেষ্বেব রুজাদিষু তুল্যগুণং পক্ষ্মপরিহারেণাশ্চোতনেনৈবাক্ষিকোশালেপনম্| তচ্চ বিডালকসংজ্ঞম্|" ইতি|

Adhikarana Ashcotanasya doShabhedenoShNatvAdi AshcotanavidhiH (2) · Śloka 2

উষ্ণং বাতে, কফে কোষ্ণং, তচ্ছীতং রক্তপিত্তযোঃ| |২|

স০-তত্-আশ্চোতনং, মরুত্যুষ্ণং, কফে কিঞ্চিদুষ্ণং, রক্তে পিত্তে চ শীতং, হিতম্|

Adhikarana AshcotanavidhiH (2-4) · Śloka 4

সম্প্রত্যাশ্চোতনস্য বিধিমাহ | নিবাতস্থস্য বামেন পাণিনোন্মীল্য লোচনম্||২|| শুক্তৌ প্রলম্বযাঽন্যেন পিচুবর্ত্যা কনীনিকে| দশ দ্বাদশ বা বিন্দূন্ দ্ব্যঙ্গুলাদবসেচযেত্||৩|| ততঃ প্রমৃজ্য মৃদুনা চৈলেন, কফবাতযোঃ| অন্যেন কোষ্ণপানীযপ্লুতেন স্বেদযেন্মৃদু||৪||

স০-নিবাতস্থানস্থিতস্যাতুরস্য বৈদ্যো বামেন পাণিনোন্মীল্য লোচনমপাঙ্গদেশে ভাজনং নিধয, অন্যেন-দক্ষিণকরেণ, পিচুবর্ত্যা শুক্ত্যাং প্রলম্বযা দশ দ্বাদশ বা বিন্দূন্ দ্ব্যঙ্গুলাত্-নাতিনিকটান্নাতিদূরাত্, কনীনিকেঽবসেচযেত্| তত ইতি অনন্তরং, কোমলেন বস্ত্রখণ্ডেন প্রমৃজ্য-শোধযিত্বা, অন্যেন-শোধনাত্, চৈলেন কোষ্ণজলপ্লুতেনাক্ষি মৃদু স্বেদযেত্-নাতিশযেন| কযোর্দোষযোঃ? বাতকফযোঃ,-ন তু পিত্তরক্তযোরিত্যর্থঃ|

Adhikarana atyuShNatIkShNAsyAshcotanasya doShaH atishItasyAtimAtrasya ca doShaH atyalpasya doShaH aparisrutasya doShaH (5-6) · Śloka 6

অত্যুষ্ণতীক্ষ্ণং রূগ্রাগদৃঙ্নাশাযাক্ষিসেচনম্| অতিশীতং তু কুরুতে নিস্তোদস্তম্ভবেদনাঃ||৫|| কাষাযবর্ত্মতাং ঘর্ষং কৃচ্ছ্রাদুন্মেষণং বহু| বিকারবৃদ্ধিমত্যল্পং সংরম্ভমপরিস্রুতম্||৬||

স০-অত্যর্থমুষ্ণমতিতীক্ষ্ণং বাঽঽশ্চোতনং রুজে-রোগায, রাগায-লোহিতিম্রে, দৃগ্বিনাশায চ স্যাত্| অতিশীতং ত্বক্ষিসেচনং নিস্তোদাদীন্ বিধত্তে| নিস্তোদঃ-সূচ্যব ব্যধঃ| স্তম্ভঃ অক্ষ্ণঃ স্তম্ভনমিব| বেদনা-শূলম্| কষাযবর্ত্মত্বং কুরুতে| ঘর্ষো-বর্ত্মনোঃ পরস্পরং সংশ্লেষঃ| বহু-অতিমাত্রং, আশ্চোতনং কৃচ্ছ্রেণোন্মেষণং বিধত্তে| অত্যল্পমক্ষিসেচনং বিকারবৃদ্ধিং কুরুতে| অপরিস্রুতমক্ষিসেচনং সংরম্ভং-বেত্রক্ষোভং, বিধত্তে|

Adhikarana Ashcotanasya phalam (7) · Śloka 7

কযা যুক্ত্যা নেত্রে প্রযুক্তমৌষধং দোষানপযতি ? ইত্যাহ গত্বা সন্ধিশিতোঘ্রাণমুখস্রোতাংসি ভেষজম্| ঊর্ধ্বগান্নযনে ন্যস্তমপবর্তযতে মলান্||৭||

স০-সন্ধ্যাদীনাং দ্বন্দ্বঃ| ততঃ স্রোতঃশব্দেন ষষ্ঠীসমাসঃ| সন্ধিশব্দেনেহাক্ষিকোশসম্বন্ধিনঃ সন্ধযো গৃহ্যন্তে| তেন-অক্ষিকোশসন্ধিস্রোতাংসি শিরাস্রোতাংসি মুখস্রোতাংসি গত্বা নযনে ক্ষিপ্তভৌষধমূর্ধ্বগান্ মলানপবর্তযতে|

Adhikarana a~jjanasya viShayaH (8-9) · Śloka 9

অথাঞ্জনং শুদ্ধতনোর্নেত্রমাত্রাশ্রযে মলে| পক্বলিঙ্গেঽল্পশোফাতিকণ্ডূপৈচ্ছিল্যলক্ষিতে||৮|| মন্দঘর্ষাশ্রুরাগেঽক্ষিণ প্রযোজ্যং ঘনদূষিকে| আর্তি পিত্তকফাসৃগ্ভির্মারুতেন বিশেষতঃ||৯||

স০-অথ-আশ্চোতনাদনন্তরং, অঞ্জনং প্রযোক্তব্যম্| কীদৃশস্যাতুরস্য? শুদ্ধা তনুর্যস্য সঃ, তস্য| মলে নেত্রমাত্রাশ্রযে-ন ত্বধিকশরীরব্যাপিনি| তথা, পক্বলিঙ্গে| পক্বলিঙ্গতা কথং বেদ্যা? ইতি বিশেষণদ্বারেণাহ-অল্পশোফেনাতিকণ্ড্বা পৈচ্ছিল্যেন চ লক্ষিতে-অবগতে, 'পক্বলিঙ্গে সতি| কীদৃশেঽক্ষিণ? মন্দাঃ-অল্পাঃ, ঘর্ষাশ্রুরাগা যস্য তস্মিন্| তথা, ঘনা দূষিকা-নেত্রমলো, যস্মিন্নযনে তস্মিন্| এতদপি পক্বলিঙ্গমেব| পিত্তেন কফেন রক্তেন চাতুরে, মারুতেন চাতুরে বিশেষেণাঞ্জনং প্রযোজ্যম্|

Adhikarana a~jjanasya bhedAH (10) · Śloka 10

লেখনং রোপণং দৃষ্টিপ্রসাদনমিতি ত্রিধা| অঞ্হ্জনম্|১০|

স০-অঞ্জনং চ লেখনাদিভেদেন ত্রিধা| লিখ্যতে-শস্ত্রেণেব, শুক্রার্মাদীনীতি লেখনম্| রোপ্যতে-সংরোহ্যতে, অভিষ্যন্দাদীনীতি রোপণম্| প্রসাদ্যতে-নির্মলীক্রিযতে, অনেনেতি প্রসাদনম্| দৃষ্টেঃ প্রসাদনং দৃষ্টিপ্রসাদনম্| সঙ্গ্রহে যত্ স্নেহনমঞ্জনং কথিতং তদিহ রোপণদৃষ্টিপ্রসাদনযোরেবান্তর্ভূতত্বাত্ পৃথঙ্নোক্তম্|

Adhikarana lekhanasya dravyaNi (10) · Śloka 10

| লেখনং তত্র কষাযাম্লপটূষণৈঃ||১০||

স০-তত্র-তেষু ত্রিষ্বঞ্জনেষু মধ্যাত্, লেখনমঞ্জনং কষাযাদিভির্দ্রব্যৈঃ শুক্রার্মাদিষু প্রযোজ্যম্|

Adhikarana ropaNasya dravyANi (11) · Śloka 11

রোপণং তিক্তকৈর্দ্রব্যৈঃ| |১১|

স০-রোপণমঞ্জনং তিক্তকৈর্দ্রব্যৈঃ স্যাত্| তিক্তগ্রহণমুপলক্ষণার্থম্| তেন-কষাযদ্রব্যৈঃ সংস্নেহৈঃ রোপণমঞ্জনং বেদ্যম্|

Adhikarana dRuShTiprasAdanasya dravyAni (11-12) · Śloka 12

স্বাদুশীতৈঃ প্রসাদনম্| তীক্ষ্ণাঞ্জনাভিসন্তপ্তে নযনে তত্প্রসাদনম্||১১|| প্রযুজ্যমানং লভতে প্রত্যঞ্জনসমাহ্বযম্| |১২|

স০-স্বাদুশীতৈর্দ্রব্যৈঃ প্রসাদনমঞ্জনং ভবতি| প্রসাদনমেব স্বাদুশীতদ্রব্যৈশ্রূর্ণং তীক্ষ্ণাঞ্জনাভিসন্তপ্তে চক্ষুষি প্রযুজ্যমানং প্রত্যঞ্জনসংজ্ঞাং লভতে|

Adhikarana shalAkAvarNanam (12-13) · Śloka 13

| দশাঙ্গুলা তনুর্মধ্যে শলাকা মুকুলাননা||১২|| প্রশস্তা, লেখনে তাম্রী, রোপণে কাললোহজা| অঙ্গুলী চ, সুবর্ণোত্থা রূপ্যজা চ প্রসাদনে||১৩||

স০-দশাঙ্গুলা রাজমাষস্থূলা শলাকা প্রশস্তা| মধ্যে তনুঃ| তথা, মুকুলাকারে আননে-মুখে দ্বেঽপি, যস্যাঃ সা মুকুলাননা| লেখনাঞ্জনে তাম্রী শলাকা প্রশস্তা| রোপণে চ কাললোহোত্থা(লোহজা)-কৃষ্ণশস্ত্রোদ্ভবা| অঙ্গুলী চ-হস্তাবযববিশেষো, রোপণ এব শস্তঃ| এবং প্রসাদনেঽঞ্জনে সুবর্ণোত্থা কনকোদ্ভবা, রজতোদ্ভবা চ শলাকা প্রশস্তা|

Adhikarana a~jjanakalpanabhedaH, kalpanAtrayasya viShayatrayam (14) · Śloka 14

অঞ্জনকল্পনা ত্রিপ্রকারা স্যাত্| কথম্ ? ইত্যাহ পিণ্ডো রসক্রিযা চূর্ণস্ত্রিধৈবাঞ্জনকল্পনা| গুরৌ মধ্যে লঘৌ দোষে তাং ক্রমেণ প্রযোজযেত্||১৪||

স০-পিণ্ডাদিভেদেন ত্রিপ্রকারাঽঞ্জনকল্পনা স্যাত্| পিণ্ডাদযো বহুদোষাদিষু ক্রমেণ প্রযোজ্যাঃ| গুরৌ দোষে পিণ্ডঃ প্রযোজ্যো, মধ্যে দোষে রসক্রিযা, লঘৌ দোষে চূর্ণ ইত্যর্থঃ|

Adhikarana piNDarasakriyayormAtrA (15) · Śloka 15

হরেণুমাত্রা পিণ্ডস্য বেল্লমাত্রা রসক্রিযা| তীক্ষ্ণস্য, দ্বিগুণং তস্য মৃদুনঃ|১৫|

স০-তীক্ষ্ণদ্রব্যকৃতস্য পিণ্ডস্য হরেণুমাত্রং প্রমাণং কথযন্তি| মৃদুদ্রব্যকৃতস্য পিণ্ডস্য তত্ দ্বিগুণং প্রমাণং-দ্বিহরেণুমাত্রং, বদন্তি| রসক্রিযাযা বিডঙ্গপ্রমাণমাহুঃ| [মৃদুদ্রব্যকৃতাযা রসক্রিযাযা দ্বিবেল্লমাত্রম্|]

Adhikarana cUrNasya mAtrA (15-16) · Śloka 16

| চূর্ণিতস্য চ||১৫|| দ্বে শলাকে তু তীক্ষ্ণ্স্য, তিস্রস্তদিতরস্য চ| |১৬|

স০-চূর্ণে তীক্ষ্ণে দ্বিগুণাং শলাকং, মৃদৌ ত্রিগুণাং শলাকামভিদধুঃ| তন্ত্রান্তরে চোক্তম্-"লেখনমঞ্জনং তাম্ররজতকাংস্যাদ্যন্যতমেষু ধার্যম্| রোপণং সুবর্ণবটশঙ্খান্যতমেষু| প্রসাদনং স্ফটিকপ্লক্ষচন্দনান্যতমেষু ধার্যম্| এবং হ্যঞ্জনমব্যাপন্নগুণং ভবতি| বর্তের্ঘর্ষণার্থং শিলা নিম্রমধ্যাঽনুদ্গারিণী পঞ্চাঙ্গুলাযতা ত্র্যঙ্গুলবিস্তারা|" ইতি|

Adhikarana a~jjanasya kAladvayam (16-17) · Śloka 17

| নিশি স্বপ্নে ন মধ্যাহ্নে ম্লানে নোষ্ণগভস্তিভিঃ||১৬|| অক্ষিরোগায দোষাঃ স্যুর্বর্ধিতোত্পীডিতদ্গুতাঃ| প্রাতঃ সাযং চ তচ্ছান্ত্যৈ ব্যাভ্রের্কেঽতোঽঞ্জযেত্সদা||১৭||

স০-নিশি-রাত্রৌ, অঞ্জনং ন প্রযোজ্যম্| তথা স্বপ্নে-স্বপ্নকালে, অঞ্জনং ন প্রযোজ্যম্| তথা, মধ্যংদিনেঽঞ্জনং ন প্রযোজ্যম্| ন চ ম্লানে লোচনেঽঞ্জনং প্রযোজ্যম্| কেন (কাভিঃ) ম্লানে ? উষ্ণাভির্দীধিতিভিঃ| যস্মাদেষু কালেষ্বঞ্জনেন প্রযুক্তেন দোষা বৃদ্ধিং নীতাঃ, তথাঽন্যস্থানগত্ত্বাদুত্পীডিতাঃ, তথা দ্রুতাঃ- কালস্যোষ্ণত্বাদ্বিলযং গতাঃ, অক্ষিরোগায স্যুঃ| তস্মাদেষু কালেষ্বঞ্জনং ন প্রযোজ্যম্| প্রাতরিত্যাদি| যতঃ পূর্বোক্তেষু কালেষু পূর্বোক্তা দোষাঃ| তস্মাত্ পূর্বাহ্ণেঽপরাহ্ণে চ তচ্ছান্ত্যৈ-তস্যাক্ষিরোগস্যোপশমায, বিতগাভ্রে রবৌ সদৈব নেত্রেঽঞ্জযেত্|

Adhikarana tIkShNA~jjanasya divAniShedhaH niShedhe yuktiH (18) · Śloka 18

বদন্ত্যন্যে তু ন দিবা প্রযোজ্যং তীক্ষ্ণমঞ্জনম্| বিরেকদুর্বলং চক্ষুরাদিত্যং প্রাপ্য সীদতি||১৮||

স০-অন্যে ত্বাচার্যা এবং বদন্তি| যত্ তীক্ষ্ণমঞ্জনং দিবা ন প্রযোজ্যম্| কুতঃ ? যস্মাচ্চক্ষুরাদিত্যং প্রাপ্য সীদতি| কিম্ভূতং ? বিরেকদুর্বলম্, তীক্ষ্ণাঞ্জনেন বিরেচিতত্বাত্| তস্মাদ্দিবসে তীক্ষ্ণমঞ্জনং ন প্রযোজ্যম্|

Adhikarana tIkShNasya rAtriprayoge yuktiH (19) · Śloka 19

অত এবাহ স্বপ্নেন রত্রৌ কালস্য সৌ ম্যত্বেন চ তর্পিতা| শীতসাত্ম্যা দৃগাগ্নেযী স্থিরতাং লভতে পুনঃ||১৯||

স০-যস্মাত্স্বপ্নেন রাত্রৌ তর্পিতা, তথা কালস্য-রাত্র্যাখ্যস্য, সৌ ম্যত্বেন তর্পিতা দৃষ্টিঃ পুনহ্ স্থৈর্যং প্রাপ্নোতি, তীক্ষ্ণাঞ্জনক্ষোভিতাঽপি| কীদৃগ্দৃষ্টিঃ ? আগ্নেযী,- অগ্ন্যুত্কটভূতসম্ভবা, তথা শীতসাত্ম্যা| তস্মাদ্রাত্রাবঞ্জনং প্রযোজ্যম্| আগ্নেযীতি "সর্বত্রাগ্নিকলিভ্যাং ঢগ্বক্তব্যঃ" ইতি ঢক্| শীতং সাত্ম্যং যস্যাঃ, পৈত্তিকজ্বরস্যেব|

Adhikarana rogavisheShe divA~api tIkShNaM yojyam (20) · Śloka 20

তদেতদন্যমতমব্যাপকমিতি দূষযন্নাহ অত্যুদ্রিক্তে বলাসে তু লেখনীযেঽথবা গদে| কামমহ্য্নপি নাত্যুষ্ণে তীক্ষ্ণমক্ষ্ণি প্রযোজযেত্||২০||

স০-অত্যুত্কৃষ্টে কফে, অথবা লেখনার্হে-শুক্রার্মাদৌ, রোগে দিনেঽপি নাত্যুষ্ণে তীক্ষ্ণমঞ্জনং প্রযোজযেত্| কামং-অনুমতমেতত্| কালস্যাত্যৌষ্ণ্যাদঞ্জনস্য তৈক্ষ্ণ্যাচ্চাতিযোগেন দৃষ্ট্যুপঘাতঃ স্যাত্|

Adhikarana netrasya kathaM tejasopadhAtaH (21) · Śloka 21

অত এবাহ অশ্মনো জন্ম লোহস্য তত এব চ তীক্ষ্ণতা| উপঘাতোঽপি তেনৈব তথা নেত্রস্য তেজসঃ||২১||

স০-অশ্মনঃ-পাষাণাত্, শস্ত্রস্যোত্পত্তিঃ| তস্মাদেব চাশ্মনঃ শ্লক্ষ্ণতাদিযোগাত্তীক্ষ্ণতা| উপঘাতোঽপি-কুণ্ঠত্বাদিকঃ, তেনৈব-পাষাণেন, ন কেবলং তৈক্ষ্ণ্যম্| তথা-তেনৈবাশ্মশস্ত্রন্যাযেন, নেত্রস্য তেজসঃ-অগ্নেরশ্মস্থানীযাজ্জন্ম| রবিসংজ্ঞাত্তেজসঃ সকাশাত্তীক্ষ্ণতা-দর্শনপটুত্বম্| অত্যুষ্ণেন তু তেন তস্যোপঘাতঃ| তস্মাত্ যদন্যে বদন্তি সামান্যেনৈব দিবাঽঞ্জনং ন প্রযোজ্যমিতি, তদসদেব|

Adhikarana rAtrAvapi tIkShNA~jjananiShedhaH, tatprayoge doShaH (22) · Śloka 22

অপি চ ন রাত্রাবপি শীতেঽতি নেত্রে তীক্ষ্ণাঞ্জনং হিতম্| দোষমস্রাবযেত্স্তব্ধং কণ্ডূজাড্যাদিকারি তত্||২২||

স০-রাত্রাবপি নেত্রে কফাধিক্যেনাতিশীতে-কণ্ডূপৈচ্ছিত্যাদ্যনুমিতে, তীক্ষ্ণমঞ্জনং ন প্রযোজ্যম্| যতো নিশি তীক্ষ্ণমঞ্জনমুপযুক্তং কালস্য সৌ ম্যত্বাত্ দোষং-স্রাবণ্যোগ্যং, অস্রাবযেত্| অঞ্জনং স্তব্ধং কণ্ডূজাড্যাদিকৃত্ স্যাত্, ন তু শমকারি| তস্মাত্ "শীতসাত্ম্যা দৃগাগ্নেযী স্থিরতাং লভতে পুনঃ|" ইত্যেতদপ্যসত্| তস্মাত্ পূর্বোক্তমেবানবদ্যমিতি|

Adhikarana bhItAdInAma~jjananiShedhaH (23-24) · Śloka 24

নাঞ্জযেদ্ভীতবমিতবিরিক্তাশিতবেগিতে| ক্রুদ্ধজ্বতিততান্তাক্ষিশিরোরুক্শোকজাগরে||২৩|| অদৃষ্টেঽর্কে শিরঃস্নাতে পীতযোর্ধূমমদ্যযোঃ| অজীর্ণেঽগ্ন্যর্কসন্তপ্তে দিবাসুপ্তে পিপাসিতে||২৪||

স০-ভীতাদীনামক্ষিণী বৈদ্যো নাঞ্জযেত্| অশিতোঽত্র সদ্যোভুক্তো বেদ্যঃ| সদ্যোভুক্তস্য নরস্য নযনে নাঞ্জযেদিত্যর্থঃ| তান্তে-সূক্ষ্মভাসুরাদিদর্শনাদভিঘাতাদ্বা গ্লানে, অক্ষিণী যস্য সঃ, তস্মিন্| অদৃষ্টেঽর্কে, জলদচ্ছন্নত্বাত্| তথা, শিরঃস্নাতাদিষু|

Adhikarana atitIkShNAdi navavidama~jjanaM na prayojanam (25) · Śloka 25

সাম্প্রতং যাদৃশমঞ্জনং ন প্রযোজ্যং তাদৃশং দর্শযতি অতিতীক্ষ্ণমৃদুস্তোকবহ্নচ্ছঘনকর্কশম্| অত্যর্থশীতলং তপ্তমঞ্জনং নাবচারযেত্||২৫||

স০-অতিশব্দস্য তীক্ষ্ণাদিভির্ঘনান্তৈঃ সম্বন্ধঃ| অত্যর্থশীতলমিত্যেতস্মাদত্যর্থশব্দস্তপ্তমিত্যত্রানুবৃত্তিকৃতেন সম্বন্ধেন যোজ্যঃ| অতিতীক্ষ্ণাদিগুণমঞ্জনং ন প্রযোজযেত্| তন্ত্রান্ততে চাঞ্জনবিধিরুক্তঃ-"সুখোপবিষ্টস্যাতুরস্য সুখোপবিষ্টো বৈদ্যো বামাঙ্গুষ্ঠেনোত্তরং বর্ত্মোত্ক্ষিপ্য কৃষ্ণভাগস্যাধঃ কনীনিকাদপাঙ্গং যাবদঞ্জনং নযেত্|" ইতি|

Adhikarana a~jjanAnantaraM kRutyam uktakRutyasya phalam a~jjitasyonmeShAdiniShedhaH (26-27) · Śloka 27

অথানুন্মীলযন্ দৃষ্টিমন্তঃ সঞ্চারযেচ্ছ্হনৈঃ| অঞ্জিতে বর্ত্মনী কিঞ্চিচ্চালযেচ্চৈবমঞ্জনম্||২৬|| তীক্ষ্ণং ব্যাপ্নোতি সহসা, ন চোন্মেষনিমেষণম্| নিষ্পীডনং চ বর্ত্মভ্যাং ক্ষালনং বা সমাচরেত্||২৭||

স০-অথ-এবমঞ্জনস্বরূপমবেত্য, নেত্রেঽঞ্জিতে সতি দৃষ্টিগোলকমনুন্মীলযন্ মধ্যে শনৈঃ শনৈঃ সঞ্চারযেত্| কিঞ্চিত্ বর্ত্মনী চালযেত্| এবং তীক্ষ্ণাঞ্জনং নেত্রং ব্যাপ্নোতি-অনুপ্রবিশতি| ন চ সহসা-বিধ্যতিক্রমেণ, উন্মেষনিমেষণং কুর্যাত্| চশব্দোঽবধারণে, নৈব সমাচরেদিত্যর্থঃ| বর্ত্মভ্যাং চ নিষ্পীডনং ন সমাচরেত্| বাশব্দোঽবধারণে, ক্ষালনং চ নৈব কুর্যাত্|

Adhikarana kShAlanakAlaH (28) · Śloka 28

অপেতৌষধসংরম্ভং নির্বৃতং নযনং যদা| ব্যাধিদোষর্তুযোগ্যাভিরদ্ভিঃ প্রক্ষালযেত্তদা||২৮||

স০-অপেতঃ-অপগতঃ ঔষধসংরম্ভো-ভেষজক্ষোভো, যস্মান্নেত্রাত্তদেবম্| যতোঽপেতৌষধসংরম্ভমত এব নির্বৃতং-অপেতদুঃখানুবন্ধি, যদা লোচনং স্যাত্, তদা ব্যাধ্যাদিযোগ্যৈর্জলৈঃ প্রক্ষালযেত্| তত্র ব্যাধিঃ-অভিষ্যন্দাদিঃ, দোষো-বাতাদিঃ, ঋতুঃ-বসন্তাদিঃ|

Adhikarana kShAlanAntaraM shodhanam (29) · Śloka 29

দক্ষিণাঙ্গুষ্ঠকেনাক্ষি ততো বামং সবাসসা| ঊর্ধ্ববর্ত্মনি সঙ্গৃহ্য শোধ্যং বামেন চেতরত্||২৯||

স০-ততো-নযনপ্রক্ষালনাদনন্তরং, দক্ষিণাঙ্গুষ্ঠেন সবস্রেণ বামং নযনমূর্ধ্ববর্ত্মনি সম্যগাদায শোধনীযম্| বামেনাঙ্গুষ্ঠেন সবাসসা, ইতরত্-দক্ষিণং, ঊর্ধ্ববর্ত্মনি সঙ্গৃহ্য শোধ্যম্|

Adhikarana kShAlanashodhanAkaraNe doShaH (30) · Śloka 30

কিমিতি শোধ্যম্ ? ইত্যাহ বর্ত্মপ্রাপ্তোঽঞ্জাদ্দোষো রোগান্ কুর্যাদতোঽন্যথা| |৩০|

স০-অতোঽন্যথা-অশোধ্যমানে, বর্ত্মনি প্রাপ্তং চ তদঞ্জনং চ বর্ত্মপ্রাপ্তাঞ্জনং, তস্মাত্ দোষো রোগান্ কুর্যাত্| তস্মাত্তচ্ছোধ্যং নযনম্|

Adhikarana kaNDUjADyayoH pratIkAraH (30) · Śloka 30

| কণ্ডুজাড্যেঽঞ্জনং তীক্ষ্ণং ধূমং বা যোজযেত্ পুনঃ||৩০||

স০-কণ্ডূশ্চ জাড্যং চেতি সমাহারদ্বন্দ্বঃ| তস্মিন্ সতি তীক্ষ্ণাঞ্জনং যোজযেত্| অথবা তীক্ষ্ণং ধূমং যোজযেত্|

Adhikarana tIkShNA~jjanAtiyoge pratIkAraH (23) · Śloka 23

তীক্ষ্ণাঞ্জনাভিতপ্তে তু চূর্ণং প্রত্যঞ্জনং হিমম্||৩০.৫|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থান আশ্চোতনা ঞ্জনবিধির্নাম ত্রযোবিংশোঽধ্যাযঃ||২৩||

স০-পুনস্তীক্ষ্ণেনাঞ্জনেনাভিতপ্তে লোচনে চূর্ণং প্রত্যঞ্জনং পূর্বোক্তং, হিতমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে আশ্চোতনাঞ্জনবিধির্নাম ত্রযোবিংশোঽধ্যাযঃ|| ২৩||