1. āyuṣkāmīyādhyāyaḥ

Adhikarana adhyAyopakramaH · Śloka

স০ - শ্রী মহাগণপতযে কুরুতে নমঃ| শ্রীআনন্দিনীমঠায নমঃ| দীপ্ত্যা যস্যেন্দ্রনীলোপলশকলরজোনীলযা নীলিতাভাং লক্ষ্মীমুত্তপ্তভাস্বত্কনকরুচিমপি স্পর্শরোমাঞ্চিতাঙ্গীম্| কালীত্যাশঙ্কমানঃ স্ফুরদধরপুটশ্চক্রপাণিঃ কিলাভূদ্ভর্তা লোকস্য শশ্বত্স ভবতু ভবতাং ভূতযে পদ্মনাভঃ|| ১|| কো মত্সরিণি লোকেঽস্মিন্বিদ্বান্কিঞ্চিচ্চিকীর্ষতি| কিন্তু কশ্চিদ্ভবেত্সাধুস্ততোঽযং মত্পরিশ্রমঃ|| ২|| শ্রীমন্মৃগাঙ্কতনযষ্টীকামষ্টাঙ্গহৃদযস্য| শ্রীমানরুণঃ কে সম্যগ্দ্রষ্টুঃ পদার্থবোধায|| ৩|| ইহ হি শাস্ত্রারম্ভে শাস্ত্রপরিসমাপ্তযে সর্ব এব সভাভূষণভূতা নিখিলজনজনিতপ্রমোদসংদোহা রুচিররুচিরচিতবচনচংদনচর্চিতপ্রবংধাঃ প্রবংধবিরচনপ্রবরা ইষ্টদেবতানমস্কারং তন্ত্রকারা বিদধুঃ| তদযমপি তন্ত্রকারোঽভীষ্টদেবতানমস্কারপুরঃসরং তন্ত্রমারিরিপ্সুরিদমাহ-

Adhikarana ma~ggalAcaraNam (1) · Śloka 1

রাগাদিরোগান্ সততানুষক্তানশেষকাযপ্রসৃতানশেষান্| ঔত্সুক্যমোহারতিদাঞ্জঘান যোঽপূর্ববৈদ্যায নমোস্তু তস্মৈ|১|

স০ - রাগ আদির্যেষাং তে রাগাদযঃ| আদিশব্দেন দ্বেষলোভাদিপরিগ্রহঃ| রুজন্তীতি রোগাঃ| দেহমনসী সন্তাপযন্তীত্যর্থঃ| ননু মনঃস্থিতত্বান্মন এব তে রুজন্তীতি বক্তুং যুক্তম্| মৈবম্| দেহমনোলক্ষণযোর্বস্তুনোরাধারাধেযভাবেন স্থিতত্বাদ্দ্বযোরপি সন্তাপো যুক্তঃ| যথা আধেযেনাযোগোলকেন সন্তপ্তেন তদাধারস্য কটাহাদেঃ সন্তাপঃ| আধারেণ চ কটাহাদিনা সন্তপ্তেনাধেযস্য ঘৃতাদেঃ সন্তাপঃ| তদেবং রাগাদযো দ্বযং রুজন্তীতি ন্যায্যমেতত্| তথা সততানুষক্তাঃ সর্বকালং প্রসৃতাঃ, সহজা ইত্যর্থঃ| অশেষকাযপ্রসৃতা অশেষশ্চাসৌ কাযশ্চাশেষকাযঃ| তত্র প্রসৃতা অনুগতাঃ| যদ্বাঽশেষাশ্চ তে কাযাশ্চাশেষকাযাঃ| সর্বাণি শরীরাণি গজতুরগোরগাদিসম্বম্ধীনি তানি প্রকর্ষেণ সৃতা গতাঃ| তথা অশেষাঃ ন বিদ্যতে শেষো যেষাং তেঽশেষাঃ সর্বে সমূলাঃ| সবীজা ইত্যর্থঃ| তথৌত্সুক্যমোহারতিদাঃ| ঔত্সুক্যং বিষযোত্কণ্ঠা গতোঽভিলাষঃ| মোহঃ কার্যাকার্যানভিজ্ঞত্বম্| অরতিরনবস্থিতিঃ| স্থানাসনাদিষু| ঔত্সুক্যং চ মোহশ্চারতিশ্চ তা দদতি যে রাগাদযস্ত এবম্| তানেবংবিধান্ যো ভগবান্ জঘান তস্মৈ তথাভূতাযাপূর্ববৈদ্যায নমোঽস্তু| তং পূজযামীত্যর্থঃ| অত এবাসাবপূর্ব আশ্চর্যভূতো বৈদ্যঃ| অন্যো হি যো বৈদ্যঃ স জ্বরাদীনপ্যচিরোত্থিতান্ রোগানেতদ্বিশেষণৈউরপরামৃষ্টান্ন তথা হর্তুং সমর্থঃ| কিমুত রাগাদীনসাধ্যলক্ষণলক্ষিতান্| তথা চাসাধ্যলক্ষণম্|(অস্মিন্নেবাধ্যাযে শ্লো. ৩২)"অনুপক্রম এব স্যাত্ স্থিতোঽত্যন্তবিপর্যযে| ঔত্সুক্যমোহারতিকৃদ্" ইতি| যদ্বা ন বিদ্যতে পূর্বো যস্মাদসাবপূর্বঃ| পূর্বেভ্যঃ প্রথম ইত্যর্থঃ| অপূর্বশ্চাসৌ বৈদ্যোঽপূর্ববৈদ্য ইত্যর্থঃ| এবংবিধং চাভিমতনমস্কারশ্লোকং বিরচযন্ গ্রন্থকৃদ্গ্রন্থস্য রোগোপশাংতিঃ প্রযোজনমিতি প্রতিপাদযতি| তথা চাহ চরকমুনিঃ (সূ. অ. ১|৫২)"ধাতুসাম্যক্রিযা চোক্তা তন্ত্রস্যাস্য প্রযোজনম্" ইতি| এবং চ ধাতুসাম্যেন প্রযোজনেন প্রযোজনবদিদং তন্ত্রম্| তথা তত্পাঠাত্তদর্থাববোধাত্তদ্বিধ্যনুষ্ঠানাচ্চ আরোগ্যাখ্যস্যোপেযস্য তথাভিমতস্যাযুষঃ পরস্য পুরুষার্থস্য মোক্ষাখ্যস্য চ পরমার্থত ইদমেব তন্ত্রমুপাযঃ| অস্মাচ্চোপাযোপেযলক্ষণসম্বধাত্ সম্বন্ধবদিদং তন্ত্রম্| তথা হেতুলিঙ্গৌষধ্যাখ্যস্কন্ধত্রযমস্যাভিধেযং তেনাভিধেযেনাভিধেযবত্তন্ত্রম্| এবং চ গ্রন্থকৃতাত্র প্রযোজনসন্বন্ধাভিধেযা যুক্ত্যৈবোক্তাঃ| ইন্দ্রবজ্রোপেন্দ্রবজ্রাবিরচিতত্বাদুপজাতিবৃত্তম্| যথা, "অনন্তরাপাদিতলক্ষ্মশোভৌ পাদৌ ভবেতাং বিবিধৈর্বিকল্পৈঃ| যাসামিমাবন্যযতিপ্রপঞ্চৌ স্মৃতাঃ স্মৃতিজ্ঞৈরুপজাতযস্তাঃ||" ইতি| সর্বত্রৈব চাত্র তন্ত্রেঽনুষ্টুভা সমানীপ্রমাণীবিতানাদিভেদভিন্নতযা বিরচনম্| যত্পুনরবসরান্তরে বৃত্তান্তরবিরচনমিহ তত্সলক্ষণং ব্যঞ্জযিষ্যামঃ|

Adhikarana AyuShkAmIyAdhyAyaH prathamaH (1-2) · Śloka 2

ইদানীমিষ্টদেবতাং নমস্কৃত্য শাস্ত্রকারস্তন্ত্রমারিরিপ্সুরিদমাহ অথাত আযুষ্কামীযমধ্যাযং ব্যাখ্যাস্যামঃ| (গদ্যসূত্রম্)||১|| ইতি হ স্মাহুরাত্রেযাদযো মহর্ষযঃ| (গদ্যসূত্রম্)|২|

স০- অথেতি| অথশব্দোঽস্মিন্মঙ্গলাধিকারানন্তর্যেষু দ্রষ্টব্যঃ| মঙ্গলাদীনাং হি শাস্ত্রাণাং তদধ্যেতৄণাং নিষ্প্রতিবন্ধা প্রবৃত্তিরভিপ্রেতার্থসাধনায জাযতে| অথশব্দশ্চাযং মঙ্গলার্থঃ| তথা চোক্তম্-"ওঙ্কারশ্চাথশব্দশ্চ দ্বাবেতৌ ব্রহ্মণঃ পুরা| কণ্ঠং ভিত্বা বিনির্যাতৌ তেনেমৌ মঙ্গলৌ স্মৃতৌ||"ইতি| অতোঽধিকারে| আযুষ্কামীযং শাস্ত্রমধিক্রিযতে যাবদত ঊর্ধ্বং প্রতন্যতে আতন্ত্রপরিসমাপ্তেস্তত্সর্বমাযুষ্কামীযং বেদিতব্যম্| অত আনন্তর্যে চ| নমস্কারাদনন্তরমাযুষ্কামহিতং ব্যাখ্যাস্যাম ইতি| কথং পুনরেকস্যৈব তন্ত্রকারস্য ব্যাখ্যাস্যাম ইতি বহুবচনং যুজ্যতে| ব্রূমঃ| "অস্মদো দ্বযোশ্চ" ইত্যেকত্বেঽপি বহুবচনবিধানাদভিলষন্তীতি| যুক্তমেবাত্রৈকস্মিন্নপি বহুবচনম্| আযুঃ শরীরেন্দ্রিযসত্বাত্মসংযোগঃ| তথা চ মুনিঃ (চ. সূ. অ. ১|৪১)-| "শরীরেন্দ্রিযসত্ত্বাত্মসংযোগো ধারি জীবিতম্| নিত্যগং চানুবদ্ধং চ পর্যাযৈরাযুরুচ্যতে||" ইতি| এতীত্যাযুঃ| সন্ততং যাতীত্যর্থঃ| এবংবিধং গত্বরস্বভাবমপি হিতাহারবিহারসেবাদিভিরহিতবর্জনেন চ কথমেতত্ স্থিরীভবেদিত্যেবং কামযন্তে যে তে আযুষ্কামাঃ| তেভ্যো হিত আযুষ্কামীযঃ| স পুনরাযুর্বেদাগমাদিপ্রকরণসমুদায আযুষ্কামযমানেনেত্যাদিকঃ| আযুষ্কামীয ইতি ইসুসোঃ সামর্থ্যে ইতি ষাদেশঃ| তস্মৈ হিতমিতি ছঃ| আযুষ্কামীযশব্দোঽধ্যাযবিশেষণার্থো নীলোত্পলদলবত্| বহুষ্বধ্যাযেষু সত্সু কতমমধ্যাযং ব্যাখ্যাস্যাম আযুষ্কামীযমিতি| অধিকৃতোঽধ্যাযনাযেত্যধ্যাযস্তং ব্যাখ্যাস্যামঃ বিবিধপ্রকারেণ বিশেষেণ বা কথযিষ্যামঃ| আযুষ্কামৈঃ পূর্বং দৃষ্টত্বাদস্যাধ্যাযস্যাযুষ্কাম ইতি সংজ্ঞা| অর্থগতিমধিকৃত্যাধ্যায ইতি নাম| তথা চোক্তম্| (চ. সূ. অ. ৩০|৬৫)- "অধিকৃত্যেযমধ্যাযনামসংজ্ঞা প্রতিষ্ঠিতা" ইতি| তত্র পদসমুদাযো বাক্যং বাক্যসমুদাযঃ প্রকরণং, প্রকরণসমুদাযো যঃ, সোঽধ্যাযঃ, অধ্যাযসমুদাযঃ স্থানং, স্থানসমুদাযস্তন্ত্রমিতি| বিশব্দো নানার্থঃ| আঙভিবিধৌ| উত্তরাখ্যশ্চাযমলঙ্কারঃ| তস্য হি লক্ষণম্| (কাব্যালঙ্কারে অ, ৭|৯৩)- "উত্তরবচনশ্রবণাদুন্নযনং যত্র পূর্ববচনানাং ক্রিযতে তদুত্তরং স্যাত্" ইত্যাদি| ততোঽনেন বাক্যেন শিষ্যবচনমীদৃশমুন্নীযতে| সংসারেঽস্মিন্নমী প্রাণিনো নানারোগানীকাভিভূতাস্ত্রাতারমলভমানাশ্চতুর্বর্গাদ্ ভ্রশ্যন্তে| তত্কো নু ভগবন্নত্রোপাযঃ স্যাদিতি কৃতপ্রশ্নো গুরুঃ প্রতিজজ্ঞে, অথাত আযুষ্কামীযমধ্যাযং ব্যাখ্যাস্যাম ইতি| অথ শিষ্যবচনানন্তরম্| অতো হেতোর্যস্মাদযং শিষ্যঃ শ্রুতকুলশীলাদিসংপন্নো ধীমেধাগুণভূষণভূতশ্চ| বি বিবিধৈঃ প্রকারৈঃ আ শিষ্যবোধোত্পত্তেঃ| আযুষ্কামীযমধ্যাযং ব্যাখ্যাস্যামো বর্ণযিষ্যামঃ| ননু কীদৃশং তদ্বিবিধপ্রকারমাখ্যানম্| ব্রূমঃ| পদতঃ, তদর্থতঃ, প্রযোজনতঃ, চোদ্যতঃ, পরিহারতঃ, সম্বন্ধাভিধেযতশ্চ| পদতো যথা, আযুরিতীদং পদম্| তদর্থতো যথা এতীত্যাযুঃ| প্রযোজনতো যথা, অত্রৈব ধর্মার্থসুখসাধনম্| চোদ্যতো যথা, ননু কথমেতত্কেবলং ধর্মার্থসুখসাধনমিতি বক্তুং পার্যতে| যতোঽস্যাযুষঃ কর্মৈব কেবলং ধর্মসাধনমিতি বক্তুং নো পার্যতে| যতোঽস্যাযুষঃ পরিপালনার্থং বিশস্তাঃ কাকগৃধ্রভাসাদযো রাজযক্ষ্মচিকিত্সিতে ভোজ্যা ইত্যুক্তম্| অভক্ষ্যাশ্চৈতে| শ্রুতিস্মৃত্যোরভক্ষ্যত্বেনোক্তত্বাত্| এবমভক্ষ্যভক্ষণাদ্ধিংসযা চ পাপযোগঃ| তদ্যোগাচ্চাধর্মসাধনং ন ধর্মসাধনমিতি| পরিহারতো যথা, অত্রৈবং পরিহারো যজ্ঞাধিকারিশরীরনিমিত্তং কাকাদীনাং বিশসনং ভক্ষণং বিধীযমানং নাধর্মায| ইতরথা ক্রীডার্থং ক্রিযমাণমধর্মাযৈব| তথা চ কাকাদযোঽপি তত্সাধনোপযোগাদ্ধর্মেণ তত্ফলেন সম্বধ্যন্তে যজ্ঞিযা ইব পশবঃ| তদেবমাযুষো ধর্মসাধনত্বং স্থিতম্| সম্বন্ধাভিধেযৌ তূক্তাবেব| ননু সন্ত্যেবান্যান্যপি মহর্ষিপ্রণীতান্যাযুর্বেদতন্ত্রাণি, কিমনেন তন্ত্রেণ কৃতেনেতি| অত্র ব্রূমঃ| অপরতন্ত্রাণাং সাবদ্যত্বাদিদমুচ্যতে| অন্যানি হি তন্ত্রাণি সদোষাণি| তথা হি| যদেতত্তাবদ্ভগবতা চরকমুনিনা প্রণীতং তন্ত্রং রত্নাকর ইব গন্ভীর্যাতিশযযোগাদ্দুর্বোধম্| তস্যাপি সদোষতাং প্রকটযন্তি বাচাটাঃ| তথা হ্যাদৌ তত্সূত্রম্| অথাতো দীর্ঘঞ্জীবিতীযমধ্যাযং ব্যাখ্যাস্যাম ইতি| অত্র দীর্ঘঞ্জীবিতীয ইতি শাস্ত্রাদাবযুক্তম্| যতো (চ. সূ. অ. ১ শ্লো. ৩) দীর্ঘং জীবিতমন্বিচ্ছন্নিত্যস্যানুকরণং দীর্ঘঞ্জীবিতমিতি| সোঽস্মিন্নধ্যাযেঽস্তীতি ছঃ| তস্যাধ্যাযানুবাকযোর্লুকি সতি দীর্ঘঞ্জীবিতমিতি প্রাপ্নোতি| তদিদমবিদিতপরমার্থশব্দস্বরূপাণাং বচনম্| তথাহি| অধ্যাযানুবাকযোরিত্যাদৌ সূত্রে বিকল্পেন চাযং লুগিষ্যত ইতি জগাদ জযাদিত্যঃ| তেন লুকঃ পাক্ষিকত্বাদত্র লুক্ ন ভবতীত্যেবং যুক্তমুক্তমিদম্| দীর্ঘশব্দেন গুণোঽভিধীযতে জীবিতশব্দেনাপি গুণ এব| তস্মাদ্দ্বযোরপি গুণত্বাদাধারাধেযভাবো ন যুক্তঃ, যতো গুণাশ্রযো নোক্ত ইতি| তথা চ বৈশেষিকাঃ| নির্গুণা গুণা ইতি| অথ কালশব্দং লুপ্তস্বরূপং নির্দিশ্য দীর্ঘজীবিতীযশব্দো নির্দিশ্যতে তদা যুক্তমেবৈতত্| তথা ইন্দ্রিযোপক্রমণীযেঽধ্যাযে ছপ্রত্যযোত্পত্তিঃ কথমেবং বিধীযতাং যতোঽস্মিন্নধ্যায ইন্দ্রিযোপক্রমণশব্দো নাস্ত্যেব| এবমপামার্গতণ্ডুলীযেঽপামার্গতণ্ডুলশব্দস্যাভাবাচ্চ প্রত্যযোত্পত্তির্দুর্লভা| তথা দিব্যাম্ভসো গাঙ্গসমুদ্রভেদঃ পরীক্ষা চ নোক্তা| প্রত্যুত তত্র পঠ্যতে| (চ. সূ. অ. ২৭|১৯১)- "জলমেকবিধং সর্বং পতত্যৈন্দ্রং নভস্তলাত্| তত্পতত্পতিতং চৈব দেশকালাবপেক্ষতে" ইতি| তথা নালিকেরোদকস্য গুণা নোক্তাঃ| তথা, অপক্বক্বথিতক্ষীরস্য স্বরূপবিশেষো নোক্তঃ| তথা কষাযে কিযদৌষধং কিমবশেষং ক্বথনীযমিত্যাদি চ নোক্তম্| মিশ্রকে স্নেহ এবমভ্যধাদসৌ| "ত্রিবৃত্তাং ত্রিফলাং দন্তীং দশমূলং পলোন্মিতম্| চতুর্গুণং জলং দত্ত্বা" ইত্যাদি| তদেষামৌষধানাং কিযন্মানমপি সলিলেনৈতাবতা কীদৃশং কিমুত ক্বাথনির্যাসাবিতি| তথা ক্বথিতশীততোযমপি কিযতা পাকেন পথ্যং ভবতীতি নোক্তম্| মুদ্গো গ্রাহীতি চ নোক্তম্| তথা চ তত্পাঠঃ (চ. সূ. অ. ২৭|২২)-"কষাযমধুরো রূক্ষঃ শীতঃ পাকে কটুর্লঘুঃ| বিশদঃ শ্লেষ্মপিত্তঘ্নো মুদ্গাঃ সূপ্যোত্তমো মতঃ||" ইতি| তথা বাস্তুকাদীনাং লঘুত্বং নোক্তম্| তথাচ তত্পাঠঃ (চ. সূ. অ. ২৭|৮৫)- "পাঠাসুষাসঠীশাকং বাস্তুকং সুনিষণ্ণকম্| বিদ্যাদ্গ্রাহি ত্রিদোষঘ্নং ভিন্নবর্চস্তু বাস্তুকম্||" ইতি| তথেক্ষুবর্গে, (চ. সূ. অ. ২৭|২৩৪)- " শৈত্যাত্মসাদান্মাধুর্যাত্পৌণ্ড্রকাদ্বাংশিকো বরঃ" ইত্যসাবভ্যধাত্| পৌণ্ড্রকশ্চ বাংশিকাদ্বর ইতি সুপ্রসিদ্ধমেতত্| অত্র মতিবৈভবাদ্ভট্টারকহরিশ্চন্দ্রৌ ব্যাখ্যাবিশেষমবোচতাম্| যথা পৌণ্ড্রকাদ্বাংশিকোঽবর ইতি| এবং চৈতদুপপন্নমেব| তদেবমাত্রেযস্যাপি তন্ত্রে যতো বহবো দোষা উদ্ভাব্যন্তে, ততঃ কা গণনা তন্ত্রান্তরাণাম্| তথা বেদোত্পত্তিরিতি সংজ্ঞা তন্ত্রেঽস্মিন্সদোষত্বান্ন কৃতা| তথা হি| আযুষো বেদ আযুর্বেদঃ, তস্যোত্পত্তিরাযুর্বেদোত্পত্তিরিতি ভবিতব্যম্| অত্র কেচিদাহুঃ| আযুঃশব্দলোপং কৃত্বেহ নির্দেশঃ কৃতঃ| এবমপি সতি লোপস্তাবদমঙ্গলঃ| সোঽপ্যাযুষঃ স চ শাস্ত্রাদৌ| ইত্যন্যায্যৈবৈষা সংজ্ঞা| কিংচ বেদোত্পত্তিরিত্যেতদপি তাবদ্বক্তুং ন যুজ্যতে, নিত্যত্বাদস্য বেদস্য| নিত্যো হ্যযমাযুর্বেদঃ| আযুঃসন্তানাদিনিত্যত্বাত্| তথা হ্যাযুঃসংতানঃ| সর্বপ্রাণিসংবেদ্যশরীরাপরশরীরগো মনঃপ্রবন্ধনিত্যতযা নিত্যঃ| অস্য নিত্যত্বাদাযুর্বেদোঽপি নিত্যঃ| নিত্যত্বাচ্চাস্যোত্পত্তিমত্ত্বং বক্তুমযুক্তম্| নন্বববোধোপদেশাভ্যামুত্পত্তিরস্যোপলভ্যতে| যতঃ প্রাগুপদেশান্নাসাবুপলভ্যতে| অত উপদেশানন্তরমুপদেশদ্বারেণোপলভ্যতে| তস্মাদববোধোপদেশাবস্যোত্পত্তিকারণত্বেন কল্পযিত্বোত্পত্তিমত্ত্বমস্যোচ্যত ইতি কৈশ্চিদূচে| নৈতদ্যুক্তম্| যতঃ সতো বোধোপদেশৌ স্তো নাসতঃ| তথা চাচষ্টে লোকঃ| অমুনা গুরুণা ছাত্রাযোপদিষ্টং শাস্ত্রমিদমিতি| সত এবোপদেশাববোধৌ স্তঃ| তস্মান্নাববোধোপদেশাবস্যোত্পত্তিকারণমিত্যতোঽপি হেতোর্বেদোত্পত্তিসংজ্ঞেত্যযুক্তা| ইতি সংজ্ঞানাং সাবদ্যত্বং নিরূপ্য নিরবদ্যাযুষ্কামীযসংজ্ঞা হি তন্ত্রে কৃতা| যযোচ্চারিতমাত্রযৈবাঽশেষস্তন্ত্রার্থঃ প্রকাশ্যতে| প্রতিস্থানং চ যোঽধ্যাযঃ প্রথমস্তত্সংজ্ঞযা স্থানার্থঃ| অন্যে চ যেঽধ্যাযাস্তন্ত্রেঽস্মিংস্তত্সংজ্ঞাভির্যথাস্বতন্ত্রমর্থজাতং প্রকাশযন্ত ইতি| ইদমিদানীং পৃছ্যতে তন্ত্রকারঃ| যদস্মিংস্তন্ত্রে কিংচিদুচ্যতে স্ম ভবদ্ভিস্তত্স্ববুদ্ধিপরিকল্পিতমুত নেত্যাহ| স০ - ইতিশব্দ এবমর্থে| যথা ইতি হ স্ম, তানাহ| হশব্দোঽনুকম্পাযাম্| ব্রূধাতোঃ স্ম উপপদে ভূতানদ্যতনপরোক্ষে 'লট্ স্মে' ইতি লট আহাদেশঃ| অত্রেরপত্যমাত্রেযঃ| 'ইতশ্চানিঞঃ' ইতি ঢক্| আত্রেয আদির্যেষাং ধন্বন্তরিপ্রভৃতীনাং ত এবম্| মহান্তশ্চ তে ঋষযশ্চ মহর্ষযঃ| মহত্বং তজ্জ্ঞানাতিশযযোগাত্| তেনাযমর্থোঽনেন কারণেনানুকম্পযা, ন তু ফলাকাঙ্ক্ষযা, ভগবন্ত আত্রেযাদযো মহর্ষযোঽব্রুবন্| নাস্মাভিঃ স্বমতিপরিকল্পিতং কিঞ্চিদপ্যত্রোক্তম্| কেবলং দূতসন্দেশবচনন্যাযেন যুগানুরূপঃ ক্রমমাত্রোঽন্যথা কৃত ইত্যর্থঃ| তথা চাস্যৈবসঙ্গ্রহে- (সূ. অ. ১) "ন মাত্রামাত্রমপ্যত্র কিঞ্চিদাগমবর্জিতম্| তেঽর্থাঃ স গ্রন্থসন্দর্ভঃ সংক্ষেপায ক্রমোঽন্যথা" ইতি| তদেবমাগমপ্রামাণ্যমস্য তন্ত্রস্যেত্যুক্তং ভবতি|

Adhikarana AyurvedotpattiH (2) · Śloka 2

আযুঃকামাযমানেন ধর্মার্থসুখসাধনম্| আযুর্বেদোপদেশেষু বিধেযঃ পরমাদরঃ||২||

স০- আযুর্বেদযতি জ্ঞাপযতি প্রকৃতিজ্ঞানরসাযনদূতারিষ্টাদ্যুপদেশাদিত্যাযুর্বেদঃ| তস্যোপদেশা আযুর্বেদোপদেশাঃ| উপদিশ্যন্ত আযুর্বেদার্থা উপপত্তিভিরিত্যুপদেশা আযুর্বেদতন্ত্রাণি| তেষু পরমাদরঃ পাঠাববোধানুষ্ঠানরূপ উত্কৃষ্টো যত্নঃ কার্যঃ| আযুর্বেদোপদেশেষ্বিতি বহুবচননির্দেশাদযমর্থো বোধ্যতে| বহুষ্বাযুর্বেদতন্ত্রেষু যত্নঃ কার্যঃ| অনেকাযুর্বেদাবলোকনাদ্ধি চিকিত্সাযাং বৈদ্যস্য ন মনাগপি সন্দেহো জাযতে| কিং কুর্বতা পুরুষেণ-আযুঃ কামযমানেন জীবিতমভিলষতা| কিম্ভূতমাযুঃ, ধর্মার্থসুখসাধনম্| ধ্রিযতে লোকোঽনেনেতি ধর্মঃ| অর্থ্যতে যাচ্যত ইত্যর্থঃ| সুখং দ্বিবিধম্, তাদাত্ত্বিকমাত্যন্তিকং চ| তাদাত্বিকং কিযত্কালান্তরাস্থাযিত্বাত্সুখাবভাসং, ন পরমার্থতঃ সুখম্| তথা চোক্তম্- (চ. সূ. অ. ২৮/৩৭) 'তাদাত্বসুখসংজ্ঞেষু ভাবেষ্বজ্ঞোঽনুরজ্যতে'| ইতি| তদেতত্সংজ্ঞামাত্রেণ সুখং ন ত্বত্যন্তমিতি প্রদর্শযিতুং সুখসংজ্ঞেষ্বিতি মুনিনোক্তম্| আত্যন্তিকং সুখং মোক্ষাখ্যং, যত্র ন দুঃখানাং শ্লেষঃ| তেষাং সাধনমুপাযো ধর্মার্থসুখসাধনম্|

Adhikarana AgamashuddhiH (3-4) · Śloka 4

অথাস্যাযুর্বেদস্য গৌরবোত্পাদনাযাগমশুদ্ধিং দর্শযতি ব্রহ্মা স্মৃত্বাঽঽযুষো বেদং প্রজাপতিমজিগ্রহত্| সোঽশ্বিনৌ তৌ সহস্রাক্ষং সোঽত্রিপুত্রাদিকান্মুনীন্||৩|| তেঽগ্নিবেশাদিকাংস্তে তু পৃথক্ তন্ত্রাণি তেনিরে| |৪|

স০- ব্রহ্মেত্যাদি| ব্রহ্মা আযুষো বেদং স্মৃত্বা প্রজাপতিং দক্ষমজিগ্রহদ্ অবাবোধযত্| স্মৃত্বেত্যনেনৈতদ্গমযতি ব্রহ্মণঃ স্মর্তৃত্বমেবাত্র ন কর্তৃত্বম্| নিত্যত্বাদাযুর্বেদস্য| নিত্যত্বং চাস্য প্রাক্ প্রত্যপাদি| গ্রহের্ণ্যন্তস্যাত্র বুদ্ধ্যর্থত্বাত্ প্রজাপতিশব্দস্য গতিবুদ্ধীত্যাদিনা কর্মসংজ্ঞা| স প্রজাপতিরশ্বিনাবজিগ্রহত্| তৌ সহস্রাক্ষমিন্দ্রমজিগ্রহতামিতি বচনবিপরিণামেন সম্বন্ধঃ| স শক্রোঽত্রিপুত্রাদিকান্ মুনীন্ বোধযামাস| অত্রিপুত্র আত্রেয আদির্যেষাং ধন্বন্তরিনিমিকাশ্যপাদীনাং ত এবম্| তে চাত্রেযাদযোঽগ্নিবেশাদিকানজিগ্রহন্| তে ত্বগ্নিবেশাদযঃ ষট্ পৃথক্ প্রত্যেকং তন্ত্রাণি শাস্ত্রাণ্যগ্নিবেশভেডজাতূকর্ণপরাশরহারীতক্ষারপাণিনামাভিধেযানি তন্ত্রাণি তেনিরে বিস্তারিতবন্তশ্চক্রুঃ| তন্ত্র্যন্তে ধার্যন্ত আযুর্বেদার্থা এভিরিতি তন্ত্রাণি|

Adhikarana aShTA~ggahRudayopayogaH (4-5) · Śloka 5

ননু যদি তৈস্তন্ত্রাণি পুনর্যুগানুরূপসন্দর্ভৈঃ সঙ্গৃহীতানি| তত্কিমিদানীমনেন শাস্ত্রেণ কৃতেনেত্যাহ | তেভ্যোঽতিবিপ্রকীর্ণেভ্যঃ প্রাযঃ সারতরোচ্চযঃ||৪|| ক্রিযতেঽষ্টাঙ্গহৃদযং নাতিসংক্ষেপবিস্তরম্| |৫|

স০- তেভ্য ইতি| তেভ্যো গ্রন্থেভ্যোঽতিবিপ্রকীর্ণেভ্যো বিক্ষিপ্তেভ্য উচ্চাবচোক্তার্থতযৈবেতশ্চেতশ্চ গতেভ্যঃ| অত এব কশ্চিদেবার্থঃ কস্মাদেব তন্ত্রান্তরাজ্জ্ঞাযতে| যথা শল্যচিকিত্সা সুশ্রুতপ্রণীতাত্তন্ত্রাদেবাবগম্যতে ন তথাগ্নিবেশাদিকাত্| ঊর্ধ্বাঙ্গচিকিত্সা চ জনকপ্রণীতাত্তন্ত্রাদ্যথাবগম্যতে ন তথা সুশ্রুতপ্রণীতাত্| অতঃ প্রাযো বাহুল্যেন সারতরোচ্চযঃ ক্রিযতে| উচ্চীযন্তে সঙ্গৃহ্যন্তে বিক্ষিপ্তাঃ পদার্থা অনেনেত্যুচ্চযঃ| যথা বা যবাদীনাং বহুক্ষেত্রজাতানামেকস্মিন্ স্থানে উচ্চযো রাশীকৃত্য স্থাপনং বিধীযতে তথেহ সারতরাণামুচ্চযঃ| সারতরগ্রহণেনৈতদ্দ্যোতযতি, সঙ্গ্রহেণৈব সারাণামুচ্চযঃ কৃতঃ| অনেন তথা সারতরাণাং প্রদেশানামুচ্চযঃ ক্রিযত ইতি| কিং নাম অষ্টাঙ্গহৃদযম্| এতচ্চ সান্বযার্থমস্য নাম| যথা শরীরস্য সর্বাবযবেভ্যঃ প্রধানদেশো হি হৃদযম্, তথেদমষ্টাঙ্গাযুর্বেদস্য প্রধানভূতত্বাদ্ হৃদযমিব হৃদযম্| তথা চ তন্ত্রান্তে বক্ষ্যতি (উ. অ. ৪০|৮৮)- হৃদযমিব হৃদযমেতদিত্যাদি| অষ্টৌ চ তান্যঙ্গান্যষ্টাঙ্গানি, তেষাং প্রত্যেকং হৃদযং, সারতরসঙ্গ্রহণাত্| কীদৃশমষ্টাঙ্গহৃদযম্| নাতিসংক্ষেপবিস্তরম্| সংক্ষেপশ্চ বিস্তরশ্চ সংক্ষেপবিস্তরৌ, অতিশযেন সংক্ষেপবিস্তরৌ যত্র ন, তন্নাতিসংক্ষেপবিস্তরম্| অতিশব্দস্যাত্র প্রত্যেকং সম্বন্ধঃ| অতিসংক্ষেপং কিঞ্চিত্তন্ত্রং যথা সিদ্ধসারাদি, কিঞ্চিচ্চাতিবিস্তরং যথা সঙ্গ্রহাদি| ইদং তু তন্ত্রং নাতিসংক্ষেপবিস্তরম্| অতিসংক্ষেপোক্তং স্বল্পধিযাং নোপকৃতযে| তেষাং হি যথোক্তাগমমাত্রং শ্রেযঃ, ন তু বাক্যার্থপর্যালোচনাদধিকঃ পরামর্শঃ| অতিবিস্তীর্ণং তু পাঠাববোধানুষ্ঠানৈস্তেষাং দুঃশক্যং স্যাত্| তস্মাদল্পমধ্যোত্ত্কৃষ্টবুদ্ধিশিষ্যহিতার্থং তন্ত্রমেতদুদ্দিষ্টম্|

Adhikarana aShTA~ggAni (5-6) · Śloka 6

কানি পুনস্তান্যষ্টাঙ্গানীত্যাহ | কাযবালগ্রহোর্ধ্বাঙ্গশল্যদংষ্ট্রাজরাবৃষান্||৫|| অষ্টাবঙ্গানি তস্যাহুশ্চিকিত্সা যেষু সংশ্রিতা| |৬|

স০- কাযেতি| কাযশ্চ বালশ্চ গ্রহশ্চোর্ধ্বাঙ্গং চ শল্যং চ দংষ্ট্রা চ জরা চ বৃষশ্চেতীতরেতরদ্বন্দ্বঃ| ননু সর্বস্যাশ্চিকিত্সাযাঃ কাযাশ্রিতত্বাত্ কাযশব্দোঽর্থাদাক্ষিপ্ত এব| তত্কিমর্থং কাযশব্দ উপাদীযতে| ব্রূমঃ| প্রকর্ষার্থম্| যথা পুরুষায অভিরূপায কন্যা দেযেত্যত্রাভিরূপগ্রহণাদভিরূপতমাযেতি প্রতিপাদ্যতে, তথেহাপি প্রকৃষ্টো যঃ কাযঃ সম্পূর্ণধাতুঃ প্রকৃষ্টা চ যাবস্থা, তথা যুক্তঃ| তত্সঙ্গ্রহার্থঃ কাযশব্দ উপাত্তঃ| তথা 'চিঞ্ চযনে' ইত্যস্মাদ্ধাতোর্ব্যুত্পাদিতঃ কাযশব্দঃ| চীযতে প্রশস্তদোষধাতুমলৈরিতি কাযঃ| তদেবং সর্বশরীরোপতাপকানামামপক্বাশযস্থনোদ্ভবানাং জ্বররক্তপিত্তাতিসারাদীনাং রোগাণাং যত্রোপশমযোগো নিগদ্যতে, তত্কাযচিকিত্সানামাঙ্গম্| বলসত্ত্বসম্পূর্ণধাতুত্বাদ্ যৌবনাবস্থকাযস্য প্রথমনির্দেশঃ| বালদেহেঽসম্পূর্ণবলধাতুত্বাদপ্রকৃষ্টবযোবস্থাপ্রভাবাত্ তচ্চিকিত্সাঙ্গং পৃথঙ্নির্দিষ্টম্| তথা বালৌপযিকভেষজং ধাত্রীদুগ্ধলক্ষণং দুগ্ধোদ্ভবব্যাধিপ্রশমাদিনির্দেশাচ্চ| নন্বেবং বৃদ্ধস্য প্রকৃষ্টবযোবস্থাযা অভাবাত্তদ্দেহে কাযচিকিত্সেতি কথং ব্যপদেশঃ স্যাত্| অত্র ব্রূমঃ| ভূতপূর্বগত্যা বৃদ্ধদেহেন হি প্রকৃষ্টবযোবস্থা পূর্বমনুভূতা| অতো ভূতপূর্বগত্যা তত্র কাযচিকিত্সোপদেশো যুক্তঃ| এবং গ্রহচিকিত্সা নাম, যত্র দেবাদিগ্রহগৃহীতানাং প্রাণিনাং শান্তিকর্ম বিধীযতে| যত্রোর্ধ্বজত্রুগতানাং রোগাণাংনেত্রকর্ণঘ্রাণাদিসংশ্রিতানামাশ্চোতনশলাকাদিনোপশমো বর্ণ্যতে তদূর্ধ্বাঙ্গচিকিত্সানামাঙ্গম্| অত্র চ জন্মনঃ প্রভৃতি বিচারোপদেশাদ্বালচিকিত্সৈব প্রাগ্বক্তুং যুক্তা| কিন্তু কাযচিকিত্সা প্রাধান্যাত্প্রাগুপন্যস্তা| ততোঽনন্তরং বালচিকিত্সা| বালস্য চ গ্রহসম্বন্ধাদ্ গ্রহচিকিত্সা| ততঃ শরীরস্য মূলরক্ষার্থমূর্ধ্বাঙ্গচিকিত্সা শালাক্যং নাম| ততঃ শস্ত্রসাধনসামান্যেন শল্যচিকিত্সা| পীডাকরণসমানত্বাত্ দংষ্ট্রাচিকিত্সা| দংষ্ট্রা বিষাত্মিকা| বিষেণাশু চ মরণে সম্ভাব্যমানে রসাযনোপযোগো যুক্ত ইতি রসাযনচিকিত্সা| অথবা বিষস্য রসাযনজেযত্বাদ্রসাযনকথনপ্রস্তাবঃ| ততোঽনন্তরং বাজীকরণস্য ভরণেন প্রস্তাবঃ| তথা চাধীতে গ্রন্থকৃত্ (উ.অ.৪০|১)- "বাজীকরণমন্বিচ্ছেত্সততং বিষযী পুমান্ " ইতি| রসাযনস্য পশ্চাদিত্যর্থঃ| যত্রাল্পদুষ্টরেতসাং তদাপ্যাযনপ্রসাদোপজননরূপা চিকিত্সা ক্রিযতে তদ্বাজীকরণম্| এবমেতানি কাযাদীনি, তস্যাযুর্বেদস্য, অষ্টাবঙ্গান্যাহুর্বদন্তি| ব্রহ্মাঽঽত্রেযাদয ইতি শেষঃ| যেষু কাযাদিষু চিকিত্সা সংশ্রিতা ব্যবস্থিতা| (চ.সূ.অ.৯|৫)- " চতুর্ণাং ভিষগাদীনাং শস্তানাং ধাতুবৈকৃতে| প্রবৃত্তির্ধাতুসাম্যার্থা চিকিত্সেত্যভিধীযতে|" ইতি মুনিপ্রোক্তলক্ষণং নেহ তন্ত্রকৃদ্ব্যধত্ত| চিকিত্সাশব্দাদেবাস্যার্থস্য লব্ধত্বাত্| তথা চ নির্দেষ্টুমাহ| নিন্দাক্ষমাব্যাধিপ্রতীকারবিচারণাসু সা নিষ্পদ্যত ইতি| কিতের্ধাতোর্ব্যাধিপ্রতীকার এবাস্য ব্যুত্পাদিতত্বাত্|

Adhikarana doShAH (6) · Śloka 6

কাযস্য দোষধাতুমলসমুদাযত্বাত্তানেব দোষাদীন্ নির্দিদিক্ষুরাহ | বাযুঃ পিত্তং কফশ্চেতি ত্রযো দোষাঃ সমাসতঃ||৬||

স০- বাযুরিতি| চ সমুচ্চযে| কফো দোষমধ্যে সমুচ্চীযতে| ইত্যনেন প্রকারেণ, সমাসতঃ সংক্ষেপাত্, ত্রযো দোষাঃ| ননু প্রস্তুতত্বাদিহ ধাতুসংজ্ঞযা বাতাদযো নির্দেষ্টুং ন্যায্যাঃ, ন দোষসংজ্ঞযা| অস্ত্যেবৈতত্| কিন্তু রসাদিদূষণপূর্বকমেষাং বিকারকরণে সামর্থ্যমিতি প্রদর্শনার্থং দোষসংজ্ঞযা তে নির্দিষ্টাঃ , ন ধাতুসংজ্ঞযা| ন হ্যেতে ধাতুরূপা জাতু বিরুদ্ধত্বং কুর্বতে দেহধারণবর্ধকত্বাত্| এতে মুনিনাপি চরকেণ পূর্বং দোষসংজ্ঞযৈব নির্দিষ্টাঃ| তথা চ তদ্গ্রন্থঃ (সূ.অ.১/৫৬)- "বাযুঃ পিত্তং কফশ্চোক্তঃ শারীরো দোষসঙ্গ্রহঃ " ইতি| 'বাতপিত্তকফা দোষাস্ত্রয এব সমাসতঃ ' ইত্যেবং নির্দেশে কর্তব্যে যদেষাং পৃথগ্বিভক্ত্যা নির্দেশঃ কৃতঃ , স প্রধানত্বখ্যাপনার্থঃ| বহুবচনাদেব ত্রিত্বে লব্ধে ত্রিগ্রহণং নিযমার্থম্| ত্রয এব দোষাঃ , ন চতুর্থোঽস্তীতি| তন্ত্রান্তরীযা হি চতুর্থং দোষমীহন্তে| তেষাং হ্যযমভিপ্রাযঃ| যথা দোষাণাং স্থানলক্ষণকার্যবিকারচিকিত্সাদ্যুপদেশস্তথা রক্তস্যাপি| তত্র স্থানং , সর্বদেহব্যাপিত্বেঽপি প্লীহযকৃতী| লক্ষণং চ, পদ্মেন্দ্রগোপহেমাদীত্যাদি| কার্যং, দেহস্যোত্পত্তিস্থিতী| বিকারঃ, বিসর্পপ্লীহাদি| চিকিত্সা, সিরাব্যধাদিকং কর্মেতি| তদেতদসারম্| বাতাদযো হ্যস্য দূষ্যস্য সতঃ কথং দোষত্বং কর্তুং পারযন্তি| যতঃ প্রাধান্যাদন্বর্থনামত্বাচ্চ বাতাদীনামেব দোষত্বং, ন রসাদীনাম্| বাতাদযো হি স্বাতন্ত্র্যাত্প্রধানাঃ| দূষযন্তীতি দোষা ইতি তেষামেব চানুগতার্থা সংজ্ঞা প্রবৃত্তা| রসাদ্যাস্তু পারতন্ত্র্যাদপ্রধানাঃ| তে চ বাতাদিভির্দূষ্যন্ত ইতি দূষ্যাঃ| তস্মাদ্রক্তস্য দূষ্যত্বম্, ন দোষত্বম্| যদ্যেবং বাতাদীনামন্যোন্যদূষণাদ্ দূষ্যত্বং স্যাত্| পিত্তেন হি শ্লেষ্মা দূষ্যত ইতি দৃশ্যতে| যথা পাণ্ডুরোগনিদানে (নি.অ.১৩) পিত্তপ্রধানা ইত্যারভ্য যাবত্ শ্লেষ্মত্বগ্রক্তমাংসানি প্রদূষ্যেত্যাদি| তদত্র শ্লেষ্মা পিত্তেন দূষ্যতে| তথা শ্লেষ্মবদ্রক্তস্যাপি দোষত্বপ্রসঙ্গ ইতি যো মন্যেত, তং প্রতি ব্রূমঃ| বিষম উপন্যাসঃ| বাতাদযো হি সর্বদৈব রসাদীন্ দূষযন্তি, ন তু রসাদযঃ কদাচিদপি বাতাদীন্ দূষ্যন্তি| বাতাদীনাং তু মধ্যাদ্যদি কশ্চিদ্দূষ্যতে, স তেষামন্যতমেন| তথা চ প্রকৃতিলক্ষণে বাতপ্রকৃতেঃ পিত্তপ্রকৃতেঃ, শ্লেষ্মপ্রকৃতেশ্চ যথা লক্ষণং দৃশ্যতে, নৈবং রক্তপ্রকৃতেঃ| তথা চ তন্ত্রকারেণ জ্বরাদযো বাতাদিবিশেষণবিশিষ্টা এবোক্তাঃ| যথা বাতজ্বরোঽযং পিত্তজ্বরোঽযং শ্লেষ্মজ্বরোঽযম্, ন তু রক্তজ্বরোঽযমিতি নির্দিষ্টঃ| যেঽপি রক্তজা বিকারা বিসর্পাদযস্তেষ্বপি ঘৃতদগ্ধন্যাযেন ব্যপদেশো বোধ্যঃ| যথা ঘৃতস্যান্তর্হিতেনাগ্নিনা দগ্ধো ঘৃতদগ্ধ ইত্যুচ্যতে, তদ্বদ্রক্তস্থৈর্বাতাদিভির্দোষৈর্জাতো রক্তজোঽযমিত্যুচ্যতে| যত্র ক্বচিদ্রক্তস্য দোষসংজ্ঞা কুষ্ঠচিকিত্সিতাদৌ দৃশ্যতে, সা সংজ্ঞামাত্রেণৈব, নাসাবনুগতার্থা| তস্য দূষ্যত্বেনৈব প্রবৃত্তেঃ| তথা চৈবং পুরীষাদীনামপি সংজ্ঞামাত্রেণ ব্যবহারো দৃশ্যতে| যথা (হৃ.চি.অ.১৮|৩৮)- "ন ঘৃতং বহুদোষায দেযং যন্ন বিরেচনম্| তেন দোষো হ্যুপস্তব্ধঃ" ইত্যাদি| অত্র পুরীষস্য দোষত্বমুক্তম্| তথোদরচিকিত্সিতে চরকস্য, জ্বরচিকিত্সিতে বা অস্য, (হৃ.চি.অ.১|১০)- "দোষেণ ভস্মনেবাগ্নৌ ছন্নেঽন্নং ন বিপচ্যতে| তস্মাদাদোষপচনাজ্জ্বরিতানুপবাসযেত্||" ইতি| অত্র আমস্যাপি দোষত্বমুক্তম্| তদেবং বাতাদযস্ত্রয এব দোষাঃ, ন রক্তমিতি স্থিতমেতত্ সমাসতঃ| বিস্তরতস্তু সংসর্গসন্নিপাতক্ষযসমতাভেদভিন্নাস্তারতম্যপরিকল্পনযা চ কল্প্যমানা আনন্ত্যং যান্তি|

Adhikarana doShAvasthAdvayam (7) · Śloka 7

বিকৃতাবিকৃতা দেহং ঘ্নন্তি তে বর্তযন্তি চ| |৭|

স০-বিকৃতাঃ স্বভাবপ্রচ্যুতাঃ, দেহং ঘ্নন্তি| দেহপদমত্র জীবিতোপলক্ষণার্থম্| জীবিতেন বিনা কুর্বন্তীত্যর্থঃ| অবিকৃতাঃ পুনর্দেহং বর্তযন্তি যাপযন্তি| বিকৃতানাং দোষাণাং প্রাগুপন্যাসঃ, তেষাং প্রকৃত্যবস্থানে নিত্যং ভিষজা যত্নবতা ভাব্যমিতি সূচনার্থম্| অন্যথা মহান্প্রত্যবাযঃ স্যাত্|

Adhikarana doShasthAnAni (7) · Śloka 7

ইদানীমেষাং ব্যাপিনামপি বিশিষ্টস্থানং বিবক্ষুরাহ | তে ব্যাপিনোঽপি হৃন্নাভ্যোরধোমধ্যোর্ধ্বসংশ্রযাঃ||৭||

স০- অধশ্চ মধ্যশ্চোর্ধ্বং চাধোমধ্যোর্ধ্বানি, তানি সংশ্রয আশ্রযো যেষাং তেঽধোমধ্যোর্ধ্বসংশ্রযাঃ| হৃচ্চ নাভিশ্চ হৃন্নাভী, তযোর্হৃন্নাভ্যোঃ| তে বাতাদযো যাপিনোঽপি সর্বশরীরচরা অপি হৃন্নাভ্যোরধোমধ্যোর্ধ্বসংশ্রযাঃ| বিশেষেণেতি বাক্যশেষঃ| ননু কিমিদং বাক্যশেষত্বং নাম| উচ্যতে| যস্মিন্ খলু পদেঽনুচ্চার্যমাণেঽর্থগতিং পশ্যন্ত্যাচার্যাঃ, তচ্ছেষমিতি| উচ্চারণকালে তেন বিনাঽভিধেযসিদ্ধেঃ| ব্যাখ্যাকালে তু মন্দবুদ্ধিব্যুত্পত্তযে ব্যাচক্ষতে| তত্র নাভেরধো বাযোঃ স্থানম্| হৃন্নাভ্যোর্মধ্যে পিত্তস্য| হৃদযাদূর্ধ্বং কফস্য| ননু হৃন্নাভ্যোরিতি কথং নির্দেশো যাবতা প্রাণ্যঙ্গত্বাদেকবদ্ভাবে সনপুংসকমিতি নপুংসকত্বে হৃন্নাভি ইতি প্রাপ্নোতি| অত্র ব্রূমঃ| প্রাণ্যঙ্গানাং সমাহার এব দ্বন্দ্ব ইত্যস্য প্রাযিকত্বান্নৈকবদ্ভাবঃ| তদভাবাচ্চ তদাশ্রযং নপুংসকত্বং ন ভবতি| তথা চোক্তম্| সর্বোঽপি দ্বন্দ্বো বিভাষৈকবদ্ভবতীতি| দৃশ্যতে চান্যত্রাপি| তথা চ রুদ্রভট্টঃ (রুদ্রটঃ কাব্যালঙ্কারে অ.৭/৮১)- - "কৌটিল্যং কচনিচযে করচরণাধরদলেষু রাগস্তে" ইত্যাদি| তথা, অস্যৈব গ্রন্থকৃতঃ (নি.অ.৭/১৯) "শিরঃপৃষ্ঠোরসাং শূলং" ইতি| তথা, (নি.অ.১৬|৬) "জানুজঙ্ঘোরুকট্যংসহস্তপাদাঙ্গসন্ধিষু" ইতি| তথা, "বাযুঃ সন্ধ্যস্থিমজ্জসু" ইত্যাদি| তস্মাদ্ধৃন্নাভ্যোরিতি প্রযোগো ন্যায্য এব|

Adhikarana doShakAlAH (8) · Śloka 8

অথৈষাং সকলকালব্যাপিনামপি নিযতকালত্বং দর্শযন্নাহ বযোহোরাত্রিভুক্তানাং তেঽন্তমধ্যাদিগাঃ ক্রমাত্| |৮|

স০-বযশ্চ অহশ্চ রাত্রিশ্চ ভুক্তং চ বযোহোরাত্রিভুক্তানি তেষাং, ক্রমাদ্যথাসংখ্যং, তে বাতাদযঃ, অন্তমধ্যাদিগা ভবন্তি| অন্তশ্চ মধ্যশ্চাদিশ্চান্তমধ্যাদযস্তেষু গচ্ছন্তীত্যন্তমধ্যাদিগাঃ| অন্যত্রাপি দৃশ্যত ইতি ডঃ| তেনাযমর্থঃ, বযসঃ মনুষ্যাযুষঃ, অন্তঃ পশ্চিমো ভাগঃ, বাযোঃ কোপকালঃ| মধ্যো ভাগঃ পিত্তস্য| আদ্যো ভাগঃ কফস্য| এবমহ্নো রাত্রেশ্চ যোজ্যম্| ভুক্তমাহারঃ, তস্যান্তে জঠরাগ্নিসংযোগবশাদ্রসানাং জীর্ণপ্রাযাবস্থা, বাযোঃ কোপকালঃ| মধ্যো বিদাহাবস্থা, পিত্তস্য| আদ্যাবস্থা তু যস্যাং মধুরীভাব আহারস্য, তত্র কফস্য কোপকালঃ| যদ্যপি চাহারস্য জঠরাগ্নিসংযোগবশাদ্বহ্ব্যোঽপি সূক্ষ্মা অবস্থাঃ সম্ভাব্যন্তে, তথাপ্যেতাসামেব সুতরামুপযোগিত্বাদিহ নির্দেশঃ| তথা এতা এব তিস্রোঽবস্থাঃ স্বকর্ম দর্শযন্তি| বক্ষ্যতি হি (শা.অ.৩/৫৭)- - "আদৌ ষড্রসমপ্যন্নং মধুরীভূতমীরযেত্| ফেনীভূতং কফং, যাতং বিদাহাদম্লতাং ততঃ| পিত্তমামাশযাত্কুর্যাচ্চ্যবমানং, চ্যুতং পুনঃ| অগ্নিনা শোষিতং পক্বং পিণ্ডিতং কটু মারুতম্" ইতি|

Adhikarana agnisvarUpam (8) · Śloka 8

অধুনাঽগ্নিস্বরূপং প্রস্তৌতি | তৈর্ভবেদ্বিষমস্তীক্ষ্ণো মন্দশ্চাগ্নিঃ সমৈঃ সমঃ||৮||

স০- তৈশ্চ বাতাদিভিঃ পুংসো যথাক্রমেণাগ্নির্বিষমস্তীক্ষ্ণো মন্দশ্চ ভবেত্| বাতাদযশ্চ সমুদিতা এব শরীরজননে সমর্থাঃ, ইত্যবশ্যং সর্বৈরেব ভবিতব্যম্| ইহ তু য একস্য ব্যপদেশস্তত্রোত্কর্ষো দ্রষ্টব্যঃ| বাতোত্কর্ষেণ বিষমঃ, পিত্তোত্কর্ষেণ তীক্ষ্ণঃ, কফোত্কর্ষেণ মন্দ ইতি| সমৈর্হান্যুত্কর্ষবর্জিতৈঃ সমঃ| লক্ষণমেষামঙ্গবিভাগে শারীরে বক্ষ্যতি (শা. অ. ৩/৭৪)- যঃ পচেত্সম্যগেবান্নমিত্যারভ্য যাবচ্চিরাত্পচেদিতি| যত্র তু দ্বযোর্দোষযোরুত্কর্ষত্বং, তত্র সদ্বৈদ্যেন স্বধিযা কল্প্যম্| যথা, বাতপিত্তযোরুত্কর্ষে বাযোর্যোগবাহিত্বাত্তীক্ষ্ণঃ| এবং বাতকফযোরুত্কর্ষে মন্দঃ| কফপিত্তযোস্তূত্কর্ষে আহারবিশেষবশাত্কদাচিত্তীক্ষ্ণঃ কদাচিন্মন্দ ইতি|

Adhikarana koShThacAturvidhyam (9) · Śloka 9

অগ্নিচাতুর্বিধ্যমুক্ত্বা তদাশ্রযস্য কোষ্ঠস্য চাতুর্বিধ্যং বিবক্ষুরাহ কোষ্ঠঃ ক্রূরো মৃদুর্মধ্যো মধ্যঃ স্যাত্তৈঃ সমৈরপি| |৯|

স০-তৈর্বাতাদিভিঃ, যথাক্রমং ক্রূরমৃদুমধ্যলক্ষণঃ কোষ্ঠো ভবতি| বাতোত্কর্ষেণ ক্রূরঃ| পিত্তোত্কর্ষেণ মৃদুঃ| কফোত্কর্ষেণ মধ্যঃ| সমৈঃ পুনরেতৈর্হান্যুত্কর্ষবর্জিতৈর্মধ্য এব কোষ্ঠঃ| ক্রূরাদীনাং তু লক্ষণং বমনবিরেচনবিধৌ (সূ.অ.১৮/৩৪) বক্ষ্যতি| ননু সমৈর্বাতাদিভিঃ কথং মধ্যকোষ্ঠতা স্যাদিতি| ব্রূমঃ| সমানাং বাতাদীনাং মধ্যে দ্বযোর্বাতপিত্তযোঃ স্বং স্বং ক্রূরকোষ্ঠত্বমৃদুকোষ্ঠত্বলক্ষণাখ্যং চ বিরুদ্ধং কর্ম যুগপত্কর্তুং ন ঘটতে| তৃতীযস্তু সম এব কফঃ| সোঽনযোর্মধ্যে মধ্যমাং বৃত্তিমাশ্রিত্য স্থিতো নৈকেনাপি সহ বিরুধ্যতে| অত এব তত্কার্যং মধ্যকোষ্ঠতালক্ষণং তে বাতপিত্তে নিষেদ্ধুং নৈব ঘটেতে| এবং চ তেনাবশ্যমাত্মীযং মধ্যকোষ্ঠতালক্ষণং কর্ম কর্তব্যম্, যতো বাতকর্মণঃ ক্রূরকোষ্ঠতালক্ষণস্য পিত্তকর্মণো মৃদুকোষ্ঠতালক্ষণস্য চ বিরুদ্ধত্বাত্| অতো মধ্যকোষ্ঠতৈব সমৈর্বাতাদিভির্ন্যায্যা| ইত্যাংস্তু বিশেষঃ| পূর্বো যো মধ্যকোষ্ঠঃ সোঽবশ্যং প্রমাণাধিকেন কফেন জন্যতে| মধ্যঃ স্যাত্তৈঃ সমৈরপীতি সমগ্রহণলিঙ্গাত্| ইতরস্তু মধ্যকোষ্ঠঃ সমদোষমধ্যস্থিতেন সমেনৈব স্বপ্রমাণস্থিতেন শ্লেষ্মণা ভবতীত্যনযা রীত্যা হেতুভেদাদন্যত্বম্| তথা মধ্যকোষ্ঠযোর্লক্ষণভেদোঽপি দৃশ্যতে| যথা (চ.সি.অ.১/৮)- "শ্লেষ্মাধিকশ্ছর্দযতে হ্যদুঃখং বিরিচ্যতে মন্দকফস্তু সম্যক্" ইতি| তদযমত্রার্থঃ| শ্লেষ্মাধিকে মধ্যকোষ্ঠে ন সম্যগ্ বিরেচিত্বং, সমকফে তু মধ্যকোষ্ঠে সুবিরেচিত্বমিতি|

Adhikarana dehajanma prakRutisvarUpam (9-10) · Śloka 10

ইদানীং প্রকৃতিস্বরূপং প্রস্তৌতি শুক্রার্তবস্থৈর্জন্মাদৌ বিষেণেব বিষক্রিমেঃ||৯|| তৈশ্চ তিস্রঃ প্রকৃতযো হীনমধ্যোত্তমাঃ পৃথক্| সমধাতুঃ সমস্তাসু শ্রেষ্ঠা নিন্দ্যা দ্বিদোষজাঃ||১০||

স০-তৈশ্চ বাতাদিভিস্তিস্রঃ প্রকৃতযঃ পৃথগ্ভবেযুর্হীনমধ্যোত্তমাঃ| প্রকৃতিঃ শরীরস্বরূপম্| শুক্রার্তবস্থৈরিতি, শুক্রং পিতুর্দ্বিত্রিবিন্দুকাবস্থং রেতঃ| ঋতৌ ভবমার্তবম্, মাতুর্দ্বিত্রিবিন্দুকাবস্থং শোণিতম্| শুক্রং চার্তবং চ শুক্রার্তবে, তত্র তিষ্ঠন্তীতি শুক্রার্তবস্থাঃ, তৈস্তথাবিধৈর্জন্মাদৌ গর্ভাধানকালে জন্মপ্রারম্ভে গর্ভাদাবিত্যর্থঃ| ননু চ যদা বাতাদযোঽধিকাঃ শুক্রার্তবে তিষ্ঠন্তি, তদা কুতঃ শরীরস্য নিষ্পত্তির্ভবতীতি| যতশ্চ যো দোষাণামধিকো ভাবঃ সৈব বিকৃতিঃ| তত্কথং দোষা আধিক্যং প্রাপ্তাঃ প্রকৃতেঃ কারণতামুত্সহন্তে, বিকৃতত্বাত্| ন হি বিকৃতিঃ কদাচিত্প্রকৃতেঃ কারণমিতি বক্তুং যুজ্যতে| কারণসদৃশেন চ কার্যেণ ভবিতব্যমিত্যাশংক্য সপরিহারং দৃষ্টান্তমাহ| বিষেণেব বিষক্রিমেরিতি| যথা বিষেণ জীবিতনাশহেতুনাস্য বিষক্রিমের্জন্ম প্রকৃতেঃ সম্ভবো দৃশ্যতে| তথা এতৈর্দূষণস্বভাবৈরপি প্রমাণাধিকৈর্দোষৈঃ শুক্রার্তবস্থৈরেব জন্মাদৌ শরীরস্য নিষ্পত্তির্ভবতীতি| বাতোত্কর্ষেণ হীনা| পিত্তোত্কর্ষেণ মধ্যমা| কফোত্কর্ষেণোত্তমা| সর্বাসু প্রকৃতিষু মধ্যে যা সমধাতুঃ প্রকৃতিঃ, সা সমা শ্রেষ্ঠোত্তমা চতুর্থী| সমা ধাতবো যস্যাঃ| ধাতুশব্দোঽত্র দোষপর্যাযঃ, "ধারণাদ্ধাতবঃ" ইতি (সং.সূ.অ.২০) বচনাত্| যা বাতপিত্তজা বাতশ্লেষ্মজা পিত্তশ্লেষ্মজা ইতি মিশ্রদোষজাস্তিস্রঃ প্রকৃতযস্তা নিন্দ্যা গর্হণীযাঃ, অনারোগ্যাস্পদত্বাত্|

Adhikarana tridoShaguNAH (11-12) · Śloka 12

তত্র রূক্ষো লঘুঃ শীতঃ খরঃ সূক্ষ্মশ্চলোঽনিলঃ| পিত্তং সস্নেহতীক্ষ্ণোষ্ণং লঘু বিস্রং সরং দ্রবম্||১১|| স্নিগ্ধঃ শীতো গুরুর্মন্দঃ শ্লক্ষ্ণো মৃত্স্নঃ স্থিরঃ কফঃ|১২|

স০-তত্রেতি নির্ধারণে| তত্র তেষু দোষেষু মধ্যে, অনিলো বাযুঃ, রূক্ষো, লঘুঃ, শীতঃ, খরোঽমৃদুঃ, সূক্ষ্মঃ স্রোতঃপ্রচারিত্বাত্, চলো গমনশীলো নৈকত্র তিষ্ঠতীতি| নন্বনুষ্ণাশীতো বাযুঃ কাণাদৈঃ পঠিতঃ| ইহাপি যোগবাহ্যনুজ্ঞানাদনুষ্ণাশীত এবেষ্যত ইতি| তথা চোক্তম্ (চ.চি.অ.৩/৩৮)- "যোগবাহী পরং বাযুঃ সংযোগাদুভযার্থকৃত্| দাহকৃত্তেজসা যুক্তঃ শীতকৃত্সোমসংশ্রযা" ইতি| তথা (হৃংই.অ.২/৪৮)- "পবনে যোগবাহিত্বাচ্ছীতং শ্লেষ্মযুতে ভবেত্| দাহঃ পিত্তযুতে" ইতি| উচ্যতে| সত্যমেতদনুষ্ণাশীত এব বাযুঃ| তস্য যোগবাহিত্বেঽপি তাবন্মাত্রাদ্দাহোদযাচ্ছৈত্যং স্বাভাবিকং ন বিনশ্যতি| শীতগুণব্যাবর্ণনে চেদং প্রযোজনমুষ্ণেনাযমুপশাম্যতীতি প্রতিপত্ত্যর্থম্| স০-সস্নেহমীষত্স্নিগ্ধম্| সশব্দ ঈষদর্থে| যথা (চ.সূ.অ.২৭/২৩৭)- "সতিক্তা যা সশর্করা"| এবমীষত্স্নেহো যস্য তত্সস্নেহম্| তীক্ষ্ণং শীঘ্রকারি মন্দবিপরীতং সূচীব ভিনত্তি| উষ্ণম্| লঘু| বিস্রং দুর্গন্ধি মত্স্যামগন্ধি| সরং ব্যাপ্তিশীলং সরণশীলমূর্ধ্বাধঃ প্রবর্ততে ন স্থিরমাস্তে, শকৃদ্বিস্রংসি বা| দ্রবং চ| স০-স্নিগ্ধগুণযোগাত্স্নিগ্ধঃ| শীতোঽনুষ্ণঃ| গুরুর্লঘুর্ন ভবতি| মন্দশ্চিরকারী, তীক্ষ্ণবিপরীতঃ| শ্লক্ষ্ণোঽপরুষঃ| মৃত্স্নো মৃদ্যমানোঽঙ্গুলিগ্রাহী পিচ্ছিলগুণযুক্তঃ চকচকাযমানঃ| স্থিরোঽব্যাপ্তিশীলঃ| এবং তদ্গুণযোগাত্ গুণগুণিনোরভেদোপচারাদ্বাতাদযো গুণতো নির্দিষ্টাঃ|

Adhikarana saMsargaH sannipAtashca (12) · Śloka 12

এষাং চ মিশ্রীভূতানাং তন্ত্রব্যবহারার্থং সংজ্ঞাদ্বযমাহ | সংসর্গঃ সন্নিপাতশ্চ তদ্দ্বিত্রিক্ষযকোপতঃ||১২||

স০-এতদুক্তং ভবতি| দ্বযোঃ স্বপ্রমাণাধিকযোঃ ক্ষীণযোর্বা সংযোগঃ সংসর্গঃ| ত্রযাণাং দোষাণাং বৃদ্ধানাং ক্ষীণানাং বা সংযোগঃ সন্নিপাতঃ|

Adhikarana dhAtavaH (13) · Śloka 13

দোষানুক্ত্বা ধাতব উচ্যন্তে রসাসৃঙ্মাংসমেদোঽস্থিমজ্জশুক্রাণি ধাতবঃ| সপ্ত দূষ্যাঃ|১৩|

স০-রসাদযঃ সপ্ত ধাতুসংজ্ঞাঃ শরীরধারণাদ্ধাতবঃ| তে চ দূষ্যাঃ, বাতাদিভির্দূষ্যন্ত ইতি দূষ্যাঃ| যস্মাদ্বাতাদীনাং দূষণস্বভাবত্বাদ্যা দোষসংজ্ঞা, সান্বর্থসংজ্ঞা| দূষযন্তীতি দোষাঃ| অতোঽবশ্যং তে দূষ্যমপেক্ষন্তে| কর্ম বিনা কর্তুঃ ক্রিযাযা অসম্ভবাত্| কর্তারং বিনা কর্মণো ন কর্মত্বম্| এবং দোষৈর্বিনা রসাদীনাং দূষ্যনাম ন ঘটতে| তৈর্বিনাঽপি বাতাদীনাং দোষনাম| তস্মাত্পরস্পরাপেক্ষত্বাদনযোর্দূষ্যদোষযোর্দূষ্যত্বেন দোষত্বেন চ সংজ্ঞালাভঃ|

Adhikarana malAH (13) · Śloka 13

মলা মূত্রশকৃত্স্বেদাদযোঽপি চ||১৩||

স০- মূত্রশকৃদাদযো মলা উচ্যন্তে| অপিচেতিশব্দাদ্ দূষ্যাশ্চেতি| ন কেবলং রসাদয এব দূষ্যাঃ, যাবন্মলাস্তেঽপি বাতাদিভির্দূষ্যন্ত ইতি দূষ্যাঃ| এবং চ রসাদীনাং দূষ্যসংজ্ঞা ধাতুসংজ্ঞা চ| তথা বিণ্মূত্রাদীনাং মলসংজ্ঞা দূষ্যসংজ্ঞা চ| ইতি দোষধাতুমলনির্দেশেন দেহো ব্যাখ্যাতঃ| তথা চোত্তরগ্রন্থে (সূ.অ.১১/১)- "দোষধাতুমলা মূলং সদা দেহস্য" ইতি| তস্য চ দেহস্য যথা সন্ততং কেনচিদুপাযেন পরিপালনং নিষ্পদ্যতে, তমুপাযং দর্শযিতুমাহ-

Adhikarana sarveShAM vRuddikShayau (14) · Śloka 14

বৃদ্ধিঃ সমানৈঃ সর্বেষাং বিপরীতৈর্বিপর্যযঃ| |১৪|

স০- সর্বেষাং দোষধাতুমলাদীনাং শরীরাশ্রিতানাং, সমানৈস্তুল্যসদ্ভাবৈঃ, বৃদ্ধিঃ স্বপ্রমাণাধিক্যম্| বিপরীতৈর্বিশিষ্টতযা ব্যবস্থিতৈঃ, বিপর্যযঃ ক্ষযঃ| অযনং অযঃ গতিঃ, বিপরীতা গতির্বিপর্যযোঽপচযঃ| সামান্যবিশেষৈর্দ্রব্যগুণকর্মভেদেন ত্রিপ্রকারোঽধিগচ্ছতি| তথা চাহুঃ- "সর্বেষাং সর্বদা বৃদ্ধিস্তুল্যদ্রব্যগুণক্রিযৈঃ| ভাবৈর্ভবতি ভাবানাং বিপরীতৈর্বিপর্যযঃ"| দ্রব্যতো যথোক্তম্ (সং.সূ.অ.১৯)- "রক্তমাপ্যায্যতে রক্তেন, মাংসং মাংসেন, মেদো মেদসা, অস্থি তরুণাস্থ্না, মজ্জা মজ্না, শুক্রং শুক্রেণ, তথা গর্ভশ্চামগর্ভেণ"| তত্র রক্তেন রক্তমিত্যুভযমপ্যৌদকম্| মাংসেন মাংসমিতি পার্থিবম্| তথা, সলিলাত্মকং পযস্তদাত্মকমেব শ্লেষ্মাণমভিবর্ধযতি| তদ্বত্ক্ষীরজাতং ঘৃতং শুক্রম্| তথা জীবন্তীকাকোল্যাদযঃ সোমাত্মানো দ্রব্যবিশেষাঃ সৌম্যধাত্বেককারণানি স্নেহবলপুংস্ত্বৌজাংসি| মরীচপঞ্চকোলভল্লাতকাদযো বুদ্ধিমেধাগ্ন্যাদীন্ সংবর্ধযন্তি| গুণতঃ- চোচমোচখর্জূরাণি পার্থিবানি দ্রব্যতো নির্দিষ্টান্যপি শ্লেষ্মাণমুদকাত্মকমভিবর্ধযন্তি, স্নিগ্ধগুরুশীতাদিগুণসামান্যাত্| কর্মাপি ত্রিবিধং কাযবাঙ্মনোব্যাপারাত্মকম্| তত্র কাযিকানি- ধাবনলঙ্ঘনপ্লবনাদীনি চলত্বসামান্যাদ্বাযোর্বৃদ্ধযে| বাচিকানি--ভাষ্যাধ্যযনগেযাদীনি, মানসানি-মনোব্যাপারাশ্চিন্তাকামশোকভযানি, তান্যপি মনসঃ ক্ষোভণহেতুত্বাদ্বাযোর্বৃদ্ধিকরাণি| তথা সন্তাপকৃত্ত্বসামান্যাত্ক্রোধের্ষ্যাদি পিত্তস্য| স্বপ্নালস্যশয্যাসুখাদীনি স্থৈর্যসামান্যাত্কফস্যেতি| বিপর্যযস্তু ক্ষযায| যথাহ| দ্রব্যতঃ (সং.সূ.অ.১৪, চ.সূ.অ.২৫)- "গবেধুকান্নং কর্শনীযানাম্"| তত্র বাতাত্মিকযা গবেধুকযা পার্থিবানাং মাংসাদীনাং ক্রশিমা ক্রিযতে| তথা তৈজসেন ক্ষারেণ শ্লেষ্মণঃ| গুণতো যথা- আরনালমৌদকং শ্লেষ্মাণং তদ্বিপরীতৈর্লঘুরূক্ষোষ্ণতীক্ষ্ণবিশদগুণৈঃ ক্ষপযতি| কর্মতঃ- নিদ্রালস্যসৌমনস্যানি সপরিস্পন্দং বাতমপরিস্পন্দস্বভাবতযাঽপচিন্বন্তি| তথা পরিস্পন্দরূপাশ্চিন্তাব্যবাযব্যাযামা মন্দপরিস্পন্দবৈপরীত্যাত্কফমিতি|

Adhikarana rasAH (14-15) · Śloka 15

বর্ণিতমেব বৃদ্ধিঃ সমানৈঃ, ক্ষযো বিপরীতৈরিতি| তৌ তু বৃদ্ধিক্ষযৌ যতো বায্বাদীনাং ভবতঃ, তত্প্রখ্যাপনার্থমাহ রসাঃ স্বাদ্বম্ললবণতিক্তোষণকষাযকাঃ||১৪|| ষড্ দ্রব্যমাশ্রিতাস্তে চ যথাপূর্বংবলাবহাঃ| |১৫|

স০- স্বাদ্বাদযঃ ষড্রসাঃ, রসনেন্দ্রিযগ্রাহ্যত্বাদ্রসাঃ| তে চ রসা দ্রব্যং পঞ্চভূতাত্মকমাশ্রিতাঃ, যথাপূর্বং চ বলাবহাঃ| যো যঃ পূর্বো যথাপূর্বং, বলাবহা বলপ্রাপকাঃ| বলমাবহন্তি প্রাপযন্তীতি যাবত্| তস্মাত্সর্বেভ্যো রসেভ্যো মধুরো রসঃ প্রকর্ষেণ দেহিনাং বলকরঃ| কষাযস্তু সর্বেভ্যো জঘন্যবলাবহঃ| তত্র স্বাদুর্মধুরো ঘৃতগুডাদিঃ| অম্লোঽম্লিকামাতুলুঙ্গাদিঃ| লবণঃ সৈন্ধবাদিঃ| তিক্তো ভূনিম্বাদিঃ| ঊষণঃ কটুকো মরীচাদিঃ| কষাযো হরীতক্যাদিঃ| স্বাদুর্মধুরপর্যাযঃ| ঊষণঃ কটুকপর্যাযঃ| যথা ত্র্যূষণং ত্রিকটুকমুচ্যতে| কষায এব কষাযকঃ, যথা কটুরেব কটুকঃ| ষডিতি ষডেব, ন ন্যূনা অধিকা বা| যদ্যপি তে রসা গুণাঃ স্বাদ্বাদিভেদতস্তথা সংসর্গতস্তথাঽনুরসতস্তারতম্যপরিকল্পনাবশতোঽপি ভিদ্যমানরূপা অপি ষট্ত্বং নাতিবর্তন্তে|

Adhikarana rasAnAM guNAH (15-16) · Śloka 16

| তত্রাদ্যা মারুতং ঘ্নন্তি ত্রযস্তিক্তাদযঃ কফম্||১৫|| কষাযতিক্তমধুরাঃ পিত্তমন্যে তু কুর্বতে| |১৬|

স০- তত্র তেষু রসেষু মধ্যে, আদ্যাস্ত্রযঃ স্বাদ্বম্ললবণাঃ, মারুতং ঘ্নন্তি শমযন্তি| অন্যে তু তিক্তোষণকষাযাস্তমেব চানিলং কুর্বতে কোপযন্তি| তিক্তাদযস্ত্রযস্তিক্তোষণকষাযাঃ কফং ঘ্নন্তি প্রশমযন্তি| অন্যে তু মধুরাম্ললবণাস্তমেব কফং কুর্বতে| কষাযতিক্তমধুরাঃ পিত্তং ঘ্নন্তি| অন্যে ত্বম্ললবণকটুকাস্তদেব পিত্তং কুর্বতে| এতেনেদমুক্তং ভবতি| মধুরো বাতপিত্তঘ্নঃ শ্লেষ্মকরঃ| অম্লো বাতং হন্তি, কফপিত্তে তু জনযতি| লবণো মারুতং হন্তি, কফপিত্তে তু কুরুতে| তিক্তঃ কফপিত্তে নাশযতি, বাতং তু জনযতি| ঊষণঃ কফং নাশযতি, বাতপিত্তে তু জনযতি| কষাযঃ কফপিত্তে হন্তি, বাতং তু করোতীতি|

Adhikarana rasAshrayadravyasya triprakAratvam prabhAvabhedAH (16) · Śloka 16

এষাং চ রসানামাশ্রযো দ্রব্যং, তচ্চ ত্রিপ্রকারমিত্যাহ শমনং কোপনং স্বস্থহিতং দ্রব্যমিতি ত্রিধা||১৬||

স০- ইতি অনেন প্রকারেণ শমনাদিভেদেন, ত্রিধা ত্রিপ্রকারং, দ্রব্যম্| অন্যেন প্রকারেণ দ্বিধা অথবা অনেকধা| ইতিশব্দঃ প্রকারার্থেঽভিহিতঃ| যত্ কুপিতান্ বাতাদীন্ দোষান্ শমযতি, তচ্ছমনম্| যথা- তৈলং ঘৃতং মাক্ষিকম্| তত্র তৈলং স্নেহৌষ্ণ্যগৌরবযোগাদ্বাতং তদ্বিপরীতগুণং শমযতি| সর্পির্মাধুর্যশৈত্যমান্দ্যগুণযোগাত্তদ্বিপরীতগুণং পিত্তম্| মধু চ রৌক্ষ্যতৈক্ষ্ণ্যকষাযযোগাত্তদ্বিপরীতগুণং কফম্| যদ্বাতাদীন্ দোষান্ রসাদীন্ধাতূন্ মূত্রাদীন্মলাংশ্চ কোপযতি, তত্কোপনম্| যথা- যবকপাটলভাষমত্স্যামমূলকসার্ষপমন্দকদধিকিলাটবিরুদ্ধমত্স্যপযঃ প্রভৃতি| দোষাদীনাং মলপর্যন্তানাং স্বপ্রমাণস্থিতানাং সাম্যানুবৃত্তিহেতুর্যদ্দ্রব্যং তত্ স্বস্থেভ্যো হিতম্| যচ্চ স্বাস্থ্যানুবৃত্তিং করোতি, ঋতুচর্যাধ্যাযে সেব্যত্বেনোক্তম্| তথা মাত্রাশিতীযাধ্যাযে রক্তশালিষষ্টিকযবগোধূমজাঙ্গলমাংসজীবন্তীশাকদিব্যোদকক্ষীরাদি| তথা যদূর্জস্করং রসাযনবাজীকরণং সর্বদা শীলনীযত্বেন নির্দিষ্টম্|

Adhikarana vIryadvaividhyam (17) · Śloka 17

তস্য বীর্যমাহ উষ্ণশীতগুণোত্কর্ষাত্তত্র বীর্যং দ্বিধা স্মৃতম্| |১৭|

স০- তত্র তস্মিন্ দ্রব্যে, বীর্যং দ্বিবিধম্| বিংশতের্গুণানাং মধ্যাদ্দ্বাবুষ্ণশীতৌ, তদুত্কর্ষাদ্বীর্যমিতি সর্বাযুর্বেদপ্রসিদ্ধৌ, দ্বাবেব গুণৌ শীতোষ্ণৌ বীর্যকরণহেতূ| বীর্যং শক্তিঃ| উষ্ণগুণোত্কর্ষ উষ্ণগুণাতিশয এব কশ্চিদুষ্ণবীর্যাখ্যাং লভতে| তথা শীতগুণোত্কর্ষঃ শীতগুণাতিশয এব শীতবীর্যাখ্যাম্| যদ্যপি নানাত্মকমপি দ্রব্যং, তথাপ্যগ্নীষোমাত্মকত্বাজ্জগতো দ্বিধৈব বীর্যম্|

Adhikarana vipAkatraividhyam (17) · Śloka 17

দ্রব্যবিপাকমাহ | ত্রিধা বিপাকো দ্রব্যস্য স্বাদ্বম্লকটুকাত্মকঃ||১৭||

স০- বিপাকস্ত্রিবিধঃ, সর্বদ্রব্যাণাং পরিণামকালভাবী কার্যানুমেযো জাঠরাগ্নিসম্বন্ধাদ্রসস্য স্বরূপান্তরপ্রাদুর্ভাবঃ| স ত্রিধৈব, রসষট্ত্বেঽপি ন ষোঢা| তেন কিঞ্চিত্স্বাদুপাকং, কিঞ্চিদম্লবিপাকং, কিঞ্চিত্কটুবিপাকং, দ্রব্যম্| তত্র মধুরলবণযোর্মধুরো বিপাকঃ| অম্লস্যাম্লঃ| তিক্তকটুকষাযাণাং কটুকঃ| স চ কার্যানুমেযঃ| তথা চ বক্ষ্যতি (সূ.অ.৯/২০)- 'জাঠরেণাগ্নিনা যোগাদ্যদুদেতি রসান্তরম্| রসানাং পরিণামান্তে স বিপাক ইতি স্মৃতঃ' ইতি| অত এব সোপসর্গঃ পাকশব্দ উপাত্তঃ| বিশিষ্টঃ পাকো বিপাকঃ, ন পাকমাত্রস্বরূপঃ| তথা চ ভট্টারকচরকমুনী (চ.সূ.অ.২৬/৬৮)-'রসো নিপাতে দ্রব্যাণাং বিপাকঃ কর্মনিষ্ঠযা| বীর্যং যাবদধীবাসান্নিপাতাচ্চোপলভ্যতে' ইতি| এবং কর্মনিষ্ঠানুমিত একরূপাবস্থো জাঠরাগ্নিসংযোগাদ্যো রসানাং রসান্তরোদ্ভবঃ, স এব বিপাকঃ| ন তু যো জাঠরাগ্নিসংযোগমাত্রাদ্রসানামনেকাবস্থঃ, প্রাঙ্মধুরোঽনন্তরং স এব পচ্যমানোঽম্লস্ততো বিপচ্যমানঃ স এব কটুর্বিপাকঃ|

Adhikarana guNAH viMshatiH (18) · Śloka 18

দ্রব্যস্য গুণানাহ গুরুমন্দহিমস্নিগ্ধশ্লক্ষ্ণসান্দ্রমৃদুস্থিরাঃ| গুণাঃ সসূক্ষ্মবিশদা বিংশতিঃ সবিপর্যযাঃ||১৮||

স০- তত্র দ্রব্যে গুর্বাদযো দশ গুণাঃ সবিপর্যযা বিংশতির্বেজ্ঞেযাঃ| এষাং ক্রমাদ্বিপরীতা লঘুতীক্ষ্ণোষ্ণরূক্ষখরদ্রবকঠিনসরস্থূলপিচ্ছিলাঃ| গুরুস্তদ্বিপর্যযো লঘুঃ| মন্দস্তদ্বিপর্যযস্তীক্ষ্ণঃ| হিমস্তদ্বিপর্যয উষ্ণঃ| স্নিগ্ধস্তদ্বিপর্যযো রূক্ষঃ| শ্লক্ষ্ণস্তদ্বিপর্যযঃ খরঃ| সান্দ্রস্তদ্বিপর্যযো দ্রবঃ| মৃদুস্তদ্বিপর্যযঃ কঠিনঃ| স্থিরস্তদ্বিপর্যযঃ সরঃ| সূক্ষ্মস্তদ্বিপর্যযঃ স্থূলঃ| বিশদস্তদ্বিপর্যযঃ পিচ্ছিলঃ|

Adhikarana rogArogyakAraNam (19) · Śloka 19

রোগকারণমাহ কালার্থকর্মণাং যোগো হীনমিথ্যাতিমাত্রকঃ| সম্যগ্যোগশ্চ বিজ্ঞেযো রোগারোগ্যৈককারণম্||১৯||

স০- কালঃ শীতোষ্ণবর্ষলক্ষণস্ত্রিবিধঃ| অর্থাঃ শব্দস্পর্শরূপরসগন্ধা মহাভূতগুণাঃ| তথা চাগমঃ (চ.শা.অ.১/২৯)- "অর্থাঃ শব্দাদযো জ্ঞেযা গোচরা বিষযা গুণাঃ" ইতি| কর্ম ক্রিযা, কাযবাঙ্মনশ্চেষ্টা| কালশ্চার্থশ্চ কর্ম চ তানি কালার্থকর্মাণি, তেষাং যোগঃ সম্বন্ধঃ, কালার্থকর্মণাং যোগঃ| কিম্ভূতঃ, হীনমিথ্যাতিমাত্রকস্তথা সম্যগ্যোগশ্চেতি| যে কালাদীনাং যোগা হীনমিথ্যাতিমাত্রকাঃ, তে রোগৈককারণম্| তেষামেব যঃ সম্যগ্যোগঃ, স আরোগ্যৈককারণং প্রধানকারণমিতি| একশব্দঃ প্রধানবচনঃ| যথা- 'একঃ পার্থো ধনুর্ধরঃ' ইতি| কালস্য হীনযোগঃ স্বরূপহানিঃ| মিথ্যাযোগঃ স্বরূপাদ্বৈপরীত্যম্| অতিযোগঃ স্বরূপাতিশযঃ| যথা- হীনশীততা হীনোষ্ণতা হীনবর্ষতা হীনযোগে| শীতকালাবসরেঽত্যৌষ্ণ্যমুষ্ণকালাবসরে শীতং বর্ষাকালেঽবৃষ্টির্মিথ্যাযোগে| অতিশৈত্যমত্যৌষ্ণ্যমতিবর্ষণমতিযোগে| এতদ্যোগত্রযং রোগকারণম্| সম্যগ্যোগো যথাস্বরূপস্থিতিরারোগ্যকারণম্| অর্থানাং পুনঃ স্বেন স্বেনার্থেনেন্দ্রিযস্য হীনঃ সংযোগো হীনযোগঃ| পুরুষানভিমতাদিনার্থজাতেনেন্দ্রিযস্য যোগো মিথ্যাযোগঃ| অত্যন্তসংযোগোঽতিযোগঃ| এতে ত্রযো রোগকারণম্| যথাস্বং সম্যগ্যোগ আরোগ্যকারণম্| কাযাদিকর্মণো হীনপ্রবৃত্তির্হীনযোগঃ| বেগোদীরণাদিকং সামিভুক্তভাষণাদিকং রাগদ্বেষাদিকং চ যথাস্বমুত্তরত্র (সূ.অ.১২/৪০) বক্ষ্যমাণং মিথ্যাযোগঃ| অতিপ্রবৃত্তিরতিযোগঃ| সর্বেষাং সমা প্রবৃত্তিঃ সমযোগঃ| তেন হীনাদযো যোগাস্ত্রযো রোগকারণম্| সম্যগ্যোগস্ত্বারোগ্যকারণম্|

Adhikarana rogArogyayoH svarUpam (20) · Śloka 20

রোগারোগ্যে কে উচ্যেতে ইত্যাহ রোগাস্তু দোষবৈষম্যং, দোষসাম্যমরোগতা| |২০|

স০- দোষাণাং বাতাদীনাং, বৈষম্যং স্বপ্রমাণাদেকস্য দ্বযোস্ত্রযাণাং বা বৃদ্ধিঃ ক্ষযো বা, রুজাকরত্বাদ্রোগ এব| বৈষম্যং বিষমতা স্বরূপাচ্চ্যাবঃ| ততঃ কার্যকারণযোরভেদেন পঠিতো রোগ ইতি| দোষাণাং সাম্যং স্বরূপাদপ্রচ্যুতিঃ সমভাবোঽরোগতা আরোগ্যং, স্বাস্থ্যমিতি যাবত্|

Adhikarana rogadvaividhyam (20) · Śloka 20

| নিজাগন্তুবিভাগেন তত্র রোগা দ্বিধা স্মৃতাঃ||২০||

স০- তত্র তযো রোগারোগ্যযোঃ, রোগা দ্বিধা নিজাগন্তুভেদেন| নিজা বাতাদিদোষজন্মানঃ| আগন্তবো বাহ্যহেতবঃ| তথা চাচার্যবচনম্ (সং.সূ.অ.২২)- "নিজাস্ত্রিদোষোত্থাঃ| বাহ্যহেতুজাস্ত্বাগন্তবঃ"| অনযোরিযান্বিশেষঃ| নিজে রোগে বাতাদযঃ পূর্বং বৈষম্যং গত্বা পশ্চাদ্ব্যথামভিনির্বর্তযন্তি| আগন্তবঃ পুনঃ ব্যথাপূর্বমেবোত্পদ্যন্তে, অনন্তরং তত্র বাতাদযঃ কুপ্যন্তীতি| অনেনোভযস্য নিজাগন্তুভেদভিন্নস্য ব্যাধেশ্চেতঃ সন্তাপকত্বং বোদ্ধব্যম্|

Adhikarana rogAdhiShThAnadvaividhyam (21) · Śloka 21

যত এবং দেহমনসী রোগাধিষ্ঠানত্বেন স্থিতে, ন কেবলো দেহো নাপি কেবলং মনঃ| তস্মাদতোঽনন্তরমিদমাহ- তেষাং কাযমনোভেদাদধিষ্ঠানমপি দ্বিধা| |২১|

স০- তেষাং নিজাগন্তুকানাং বিকারাণাং রোগাণাং, কাযমনোভেদেন দ্বিবিধমধিষ্ঠানং স্থানম্| জ্বরাস্রপিত্তকাসাদীনাং কাযঃ| মদমূর্ছাসন্ন্যাসগ্রহভূতোন্মাদাপস্মাররাগদ্বেষাদীনাং মনঃ| অধিতিষ্ঠন্ত্যস্মিন্নিত্যধিষ্ঠানম্| কাযঃ শরীরম্| মনশ্চেতঃ|

Adhikarana manaso dvau doShau (21) · Śloka 21

ননু কাযিকানাং রোগাণামুত্পত্তৌ হেতবো বাতাদযো দোষাঃ প্রকুপিতা উক্তাঃ| মানসানাং চ রোগাণাং কো হেতুঃ, তদর্থমাহ | রজস্তমশ্চ মনসো দ্বৌ চ দোষাবুদাহৃতৌ||২১||

স০- মনশ্চেতঃ, তস্য রজস্তমসী দোষৌ, উপপ্লবাববিদ্যাসম্ভবৌ| অত্র চ প্রাধান্যাদাদৌ রজো নিক্ষিপ্তম্| চশব্দঃ পবনাদীনামপ্যুপসঙ্গ্রহার্থঃ| যস্মাত্তেঽপি মনঃ সংশ্রিত্য বিকুর্বতে| সঙ্গ্রহে হ্যুক্তম্ (উ.অ.৯)- "ষডুন্মাদা ভবন্তি বাতপিত্তকফসন্নিপাতাঽঽধিবিষনিমিত্তাঃ" ইত্যাদি| উদাহৃতৌ ইত্যুদাহরণমাত্রমুদ্দেশমাত্রং বচনমাত্রম্| অত্রাযুর্বেদশাস্ত্রে, রজস্তমসোর্ন সাকল্যেন ব্যাকরণমনিলাদীনামিব| তে খল্বত্র স্বভাবস্থানাদিভিঃ প্রকারৈরশেষমুক্তাঃ, ন তু রজস্তমসী|

Adhikarana rogiparIkShaNam (22) · Śloka 22

রোগোপহতশরীরজ্ঞানোপাযমাহ দর্শনস্পর্শনপ্রশ্নৈঃ পরীক্ষেত চ রোগিণম্| |২২|

স০- রোগোঽস্যাস্তীতি রোগী ব্যাধিতঃ, তং দর্শনাদিভিঃ পরীক্ষেত| দর্শনেন দৃষ্ট্যা, কাসমেহাদ্যার্তেষু পীতশুক্লবর্ণসংস্থানপ্রমাণোপচযচ্ছাযাবিণ্মূত্রচ্ছর্দিতাদিকম্| স্পর্শনেন হস্তকাযস্পর্শেন, জ্বরগুল্মবিদ্রধ্যাদ্যার্তম্, তথা শীতোষ্ণস্তব্ধস্পন্দশ্লক্ষ্ণখরস্পর্শাদিকং চ| প্রশ্নেন পৃচ্ছযা, শূলারোচকচ্ছর্দিহৃদর্দত্বং সুচ্ছন্দদুশ্ছন্দত্বং মৃদুক্রূরকোষ্ঠতাং স্বপ্নদর্শনমভিপ্রাযং জন্মামযপ্রবৃত্তিনক্ষত্রদ্বিষ্টেষ্টসুখদুঃখানি চ, ইত্যাতুরমুখাত্পরীক্ষেত|

Adhikarana rogavisheShAdhigamopAyaH (22) · Śloka 22

রোগবিশেষাধিগমোপাযমাহ | রোগং নিদানপ্রাগ্রূপলক্ষণোপশযাপ্তিভিঃ||২২||

স০- রোগং নিদানাদিভিঃ পঞ্চভিঃ পরীক্ষেত| নিদানং কারণং হেতুরিত্যনর্থান্তরম্| তচ্চাসন্নবিপ্রকৃষ্টভেদেন দ্বিধা| আসন্নমপি দ্বিবিধম্, আসন্নাত্যাসন্নভেদেন| আসন্নং রূক্ষলঘুশীতাদিদ্রব্যোপযোগঃ| অত্যাসন্নং তু যতঃ সমনন্তরমেব রোগোত্পত্তিঃ| যথা বাতাদযো দোষাঃ ক্রুদ্ধাঃ| বিপ্রকৃষ্টং যত্ আদিকালে রুদ্রকোপাদি জ্বরাদীনাম্| তথা হবিঃপ্রাশাদি মেহকুষ্ঠাদীনাম্| তেনৈবংবিধমর্থজাতমেবংবিধস্য রোগস্য হেতুত্বেনোপদিষ্টম্, এবংবিধশ্চোত্পন্নোঽতো নিদানাজ্ঞ্জ্ঞাযতে রোগঃ| প্রাগ্রূপং পূর্বরূপং ভবিষ্যতো ব্যাধেরপ্রকাশিতদোষবিশেষাধিষ্ঠিতস্য লক্ষণম্, উদ্বুভূষুর্জ্বরাদিরামযো বাতাদিদোষবিশেষেণালিঙ্গিতরূপাভাসো যেনাবভাস্যতে, যথাযথমল্পত্বাদ্যদব্যক্তমস্ফুটং লিঙ্গং তত্প্রাগ্রূপম্| লক্ষণং পুনস্তদেব প্রাগ্রূপাদ্বিলক্ষণম্, যেন সকলদোষবিশেষালিঙ্গিতঃ স্ফুটলিঙ্গো ব্যাধির্দৃশ্যতে লক্ষ্যতে| উপশযঃ সুখানুবন্ধ্যাহারাদ্যুপযোগঃ| এবংবিধেনাহারাদিকেন হি তস্য পীডা নাভূত্, এবংবিধেন চাভূত্, অত উপশযাজ্ঞ্জ্ঞাযতেঽযং রোগ ইতি| স ব্যাধিসাত্ম্যঃ স্বাস্থ্যহেতুঃ সুখাবহঃ| আপ্তির্নির্বৃত্তিঃ সম্প্রাপ্তিরাগতির্জাতিরিত্যনর্থান্তরম্| এবং দুষ্টেনৈবং স্থানস্থিতেনৈবমনুগতেনানযা কল্পনযৈবংমার্গেণ দোষেণেতি পরিকল্পনম্, অত আপ্ত্যা জ্ঞাযতেঽযং রোগ ইতি|

Adhikarana deshadvaividhyam (23) · Śloka 23

উপশযাদিপ্রসঙ্গে চ দেশকালাবপ্যুপযুজ্যেতে| অতস্তাবপি পঠতি ভূমিদেহপ্রভেদেন দেশমাহুরিহ দ্বিধা| |২৩|

স০- ইহাস্মিন্নাযুর্বেদশাস্ত্রে, আচার্যা দ্বিধা দ্বিপ্রকারং, দেশমাহুঃ কথযন্তি| ভূমিভেদেন দেহভেদেন চ|

Adhikarana BUdeshatraividhyam (23-24) · Śloka 24

দেহদেশঃ শিরঃপাণ্যাদিলক্ষণঃ প্রসিদ্ধঃ| ভূমিদেশ উচ্যতে জাঙ্গলং বাতভূযিষ্ঠমনূপং তু কফোল্বণম্||২৩|| সাধারণং সমমলং ত্রিধা ভূদেশমাদিশেত্| |২৪|

স০- ভূদেশং পুনস্ত্রিধা ত্রিপ্রকারম্, আদিশেত্ বদেত্| তত্র জাঙ্গলো দেশোঽল্পোদকতরুপর্বতত্বেন বক্ষ্যমাণলক্ষণঃ, বাতভূযিষ্ঠো বাতপ্রচুরঃ| তত্র জাতা ওষধিখগপুরুষমৃগাদযো বাতপ্রধানা ভবন্তি| প্রচুরোদকবৃক্ষো যো নির্বাতো দুর্লভাতপঃ সোঽনূপ ইতি| স চ কফপ্রধানঃ| তজ্জাশ্চৌষধ্যাদযঃ স্নিগ্ধা ভবন্তি| সাধারণঃ পুনরুভযলক্ষণো মধ্যপতিতো ব্যামিশ্ররূপঃ| স চ সমমলো বাতাদিসমদোষঃ| অত্র দোষা এব মলশব্দেনোক্তাঃ| বক্ষ্যতি হি (সঙ্গ্রহে সূ.অ.২০)| "দেহস্য মলিনীকরণাদাহারমলত্বাচ্চ মলাঃ|"

Adhikarana BeShajakAlaH (24) · Śloka 24

ভেষজস্য সম্যগ্যোগহেতুং কালমাহ ক্ষণাদির্ব্যাধ্যবস্থা চ কালো ভেষজযোগকৃত্||২৪||

স০- কালো দ্বিবিধঃ, ক্ষণাদিলক্ষণো ব্যাধ্যবস্থালক্ষণশ্চ| ভেষজস্যৌষধস্য, যোগং করোতি| তদর্থসম্পাদনসামর্থ্যং করোতীত্যর্থঃ| ভেষজস্য যোগো ভেষজযোগঃ, তং করোতি| ক্ষণাদিঃ প্রসিদ্ধঃ| আদিগ্রহণাল্লবত্রুটিমুহূর্তযামাহোরাত্রপক্ষমাসর্ত্বযনসংবত্সরাণাং পরিগ্রহঃ| ক্ষণাদিকালস্যোদাহরণম্| যথা- "পূর্বাহ্ণে বমনং দেযং মধ্যাহ্নে তু বিরেচনম্| মধ্যাহ্নে কিঞ্চিদাবৃত্তে বস্তিং দদ্যাদ্বিচক্ষণঃ||" ব্যাধ্যবস্থা সামনিরামমৃদুমধ্যতীক্ষ্ণত্বাত্তত্তদ্যোগ্যৌষধবিসৃষ্টিঃ| যথা (চ,চি.অ.৩/১৪০ , হৃ.চি.অ.১/২১)- "লঙ্ঘনং স্বেদনং কালো যবাগ্বস্তিক্তকো রসঃ| মলানাং পাচনানি স্যুর্যথাবস্থং ক্রমেণ বা||" যথা (চ.চি.অ.৩০/২৮৭)- "জ্বরে পেযাঃ কষাযাশ্চ সর্পিঃ ক্ষীরং বিরেচনম্| ত্র্যহং বা ষডহং যুংজ্যাদ্বীক্ষ্য দোষবলাবলম্||" যথা (হৃ.চি.অ.১/৪৪)- "মৃদুর্জ্বরো লঘুর্দেহশ্চলিতাশ্চ মলা যদা| অচিরজ্বরিতস্যাপি ভেষজং যোজযেত্তদা||" অস্যামবস্থাযাং দত্তমৌষধমারোগ্যায ভবতি|

Adhikarana dviprakArakamauShadham (25) · Śloka 25

তচ্চৌষধং দ্বিপ্রকারমাহ শোধনং শমনং চেতি সমাসাদৌষধং দ্বিধা| |২৫|

স০- সমাসাত্সংক্ষেপতঃ, যত্কিঞ্চিজ্জগত্যৌষধং সম্ভবতি, তদনেকপ্রকারং সম্ভবদপি দ্বৈরূপ্যানতিক্রমাচ্ছোধনশমনলক্ষণাত্ দ্বিধেত্যুক্তম্| একং শোধনরূপমপরং শমনরূপমিতি| শোধনং যত্ কুপিতান্ দোষান্ বহির্নিঃসার্য রোগোপশমনং করোতি| শমনং যত্স্বস্থানস্থিতানামেব সাম্যহেতুঃ|

Adhikarana auShadhaviShayaviBAgaH (25-26) · Śloka 26

ঔষধমুক্তম্| তস্য বিষযমাহ | শরীরজানাং দোষাণাং ক্রমেণ পরমৌষধম্||২৫|| বস্তির্বিরেকো বমনং তথা তৈলং ঘৃতং মধু| |২৬|

স০- শরীরজানাং বাতাদীনাং, ক্রমেণ যথাসংখ্যেন পরিপাঠ্যোদ্দেশনির্দেশেন, পরমৌষধং প্রধানৌষধং, বস্ত্যাদিবমনান্তং শোধনরূপং, তৈলাদিমধ্বন্তং শমনরূপম্| তেন বাতস্য বস্তির্গুদপ্রণিধেযস্নেহক্বাথাদি পরমৌষধম্| পিত্তস্য বিরেকো মুখপীতং গুদমার্গেণান্তঃস্থিতস্য দোষস্য নিঃসারণং পরমৌষধম্| কফস্য বমনং মুখেন পীতং তেনৈব দোষস্য নিঃসারণং পরমৌষধম্| ইতি শোধনরূপেণ দোষাণামৌষধম্| তৈলাদি তু শমনস্বরূপেণৌষধম্| তথেতি ক্রমেণৈব| বাতস্য তৈলং, পিত্তস্য ঘৃতং, কফস্য মাক্ষিকং পরমৌষধম্| প্রধানমৌষধমিতি যাবত্|

Adhikarana manodoShauShadham (26) · Śloka 26

কাযাদিদেশমাশ্রিত্য সর্বত্র সর্বমেব শরীরজাতানাং দোষাণাং ক্রমেণ পরমৌষধমুক্তম্| অথ মানসযোর্দোষযোঃ কিং তত্পরমৌষধং স্যাদিতি, তদর্থমাহ | ধীধৈর্যাত্মাদিবিজ্ঞানং মনোদোষৌষধং পরম্||২৬||

স০- মনোদোষযো রজস্তমসোঃ, রোগবিঘ্নকারি ধীধৈর্যাদিকং, পরমৌষধম্| ধীশ্চ ধৈর্যং চাত্মাদিবিজ্ঞানং চ তত্তথাবিধম্| তত্র ধীর্বুদ্ধির্বাহ্যাধ্যাত্মিকানাং ভাবানাং হিতাহিতপরিচ্ছেদবিভাগকারিণী| ধৈর্যং ধৃতিশ্চেতসঃ স্থিরত্বমচাপলম্, যেন প্রতিষিদ্ধেষু ন প্রবর্ততে, হিতেষু চ ন সীদতি| আত্মবিজ্ঞানং যোগাভ্যাসসমাধিনা পরমাত্মস্বরূপবিজ্ঞানম্| আদিগ্রহণাজ্জ্ঞানবিজ্ঞানস্মৃতিদেশকালাদীনাং পরিগ্রহঃ| মনোদোষসমুত্থকামাদিজরোগার্থঃ পরশব্দো বিশেষণত্বেন নির্দিষ্টঃ|

Adhikarana pAdacatuShTayasvarUpam (27) · Śloka 27

এবং তাবদনেন সকলচিকিত্সিতমুক্তম্| তচ্চ পাদচতুষ্টযযুক্তং কার্যকরং, তদর্থমাহ ভিষক্ দ্রব্যাণ্যুপস্থাতা রোগী পাদচতুষ্টযম্| চিকিত্সিতস্য নির্দিষ্টং, প্রত্যেকং তচ্চতুর্গুণম্||২৭||

স০- চিকিত্সিতস্য রোগোপশমলক্ষণস্য, পাদচতুষ্টযমঙ্গচতুষ্টযমুক্তম্| প্রত্যেকং তচ্চতুর্গুণমেবং ষোডশগুণং চিকিত্সিতং ভেষজং ভিষজো ভাষন্তে| ভিষগ্বৈদ্যঃ, তস্য প্রাধান্যাদগ্রে নির্দেশঃ| তথা চাগমঃ (চরকে সূ.অ.৯/১০)- "যোক্তা প্রযোক্তা শাস্তা চ প্রধানো ভিষগত্র তু||" তথা সঙ্গ্রহেঽপি (সূ.অ.২)- "যদ্বৈদ্যে বিগুণে পাদা গুণবন্তোঽপ্যনর্থকাঃ| স পাদহীনানপ্যার্তান্ গুণবান্ যচ্চ যাপযেত্|| চিকিত্সাযাস্তমেবাতঃ প্রধানং কারণং বিদুঃ|" দ্রব্যাণ্যৌষধানি| উপস্থাতা পরিচারকঃ| রোগী আতুরঃ| এতত্পাদচতুষ্টযং নির্দিষ্টমাচার্যেণ|

Adhikarana BiShakcaturguNAH (28) · Śloka 28

উদ্দেশক্রমেণ তেষাং গুণানাহ দক্ষস্তীর্থাত্তশাস্ত্রার্থো দৃষ্টকর্মা শুচির্ভিষক্| |২৮|

স০- দক্ষঃ- কর্মণি চতুরঃ| তীর্থাদুপাধ্যাযাদ্বিদিতাগমাদাত্তো গৃহীতঃ শাস্ত্রার্থো যেন স তীর্থাত্তশাস্ত্রার্থঃ, "অনেকমন্যপদার্থে" ইতি তৃতীযার্থে বহুব্রীহিঃ, আগমপ্রাপ্তশাস্ত্রস্বরূপঃ| বহুশো দৃষ্টং কর্ম যেন চিকিত্সালক্ষণং স দৃষ্টকর্মা-অভ্যস্তকর্মা শতশশ্চিকিত্সিতরোগঃ| শুচিঃ- কাযবাঙ্মনোব্যাপারৈর্মলীমসৈরপরামৃষ্টঃ, অলিপ্সাবান্ অর্থোপজীবিকাহেতোর্ন করোতি পরং ধর্মোপার্জনেনেতি শুচিঃ|

Adhikarana auShadhacaturguNAH (28) · Śloka 28

| বহুকল্পং বহুগুণং সম্পন্নং যোগ্যমৌষধম্||২৮||

স০- বহবঃ কল্পাঃ যস্মিন্ সম্ভবন্তি স্বরসক্বাথচূর্ণাদ্যাস্তদ্বহুকল্পং-ব্যাধীনাং নিবারণক্ষমং ন তু লবণবদেককল্পম্| তদ্ধি সুখমুপযুজ্যতে| নানাশক্তযো হি সত্ত্বাঃ| বহবো গুণা যস্য গুরুমন্দাদযস্তদ্বহুগুণম্, অথবা যদনেকরোগবিনাশনসমর্থম্| সম্পন্নং-সম্পত্তিযুক্তং, ন বিপন্নম্, প্রশস্তভূমিদেশজাতাদিগুণযুক্তম্| তথা চ গ্রন্থঃ (হৃদযে ক.অ.১/১)- "ধন্বে সাধারণে দেশে সমে সন্মৃত্তিকে শুচৌ| শ্মশানচৈত্যাযতনশ্বভ্রবল্মীকবর্জিতে|" ইতি| অথবা পাকসংস্কারাদিযুক্তম্| যোগ্যং-দাতুং যদ্যত্রার্হতি তচ্চ তত্র যোগ্যম্| ব্যাধিদেশকালদোষদূষ্যদেহবযোবলাদীন্ জ্ঞাত্বা, যুজ্যতে দীযত ইতি তদ্যোগ্যং, রোগস্য রোগিণশ্চ|

Adhikarana upasthAtRucaturguNAH (29) · Śloka 29

উপস্থাতাপি চতুর্বিধঃ- অনুরক্তঃ শুচির্দক্ষো বুদ্ধিমান্ পরিচারকঃ| |২৯|

স০- অনুরক্তো-দৃঢভক্ত আতুরস্য| শুচিঃ- কাযবাঙ্মনোব্যাপারৈর্দুষ্টৈরপরামৃষ্টঃ| দক্ষঃ- সর্বচেষ্টাসু চতুরঃ| বুদ্ধিমান্- বিশিষ্টযা বুদ্ধ্যা যুক্তঃ, প্রবীণ ইতি যাবত্|

Adhikarana rogicaturguNAH (29) · Śloka 29

রোগ্যপি চতুর্বিধঃ | আঢ্যো রোগী ভিষগ্বশ্যো জ্ঞাপকঃ সত্ত্ববানপি||২৯||

স০- আঢ্যো-ধনবান্| ভিষগ্বশ্যো-বৈদ্যাযত্তঃ, তদুক্তকারী| জ্ঞাপকো-নিদানাবস্থাদীনামাবেদকঃ, বৈদ্যং রোগাহারবিহারাদীনামন্বযব্যতিরেকং বোধযিতুং সমর্থঃ| সত্ত্ববান্-ধৈর্যযুতো মোহবর্জিতঃ, ধৈর্যেণ প্রাযশ্চিত্তবচ্চিকিত্সাং করোতি| অপি সমুচ্চযে|

Adhikarana sukhasAdhyavyAdhilakShaNam (19) · Śloka 31

সুখসাধ্যাদিকস্য ব্যাধিচতুষ্টযস্য লক্ষণমুচ্যতে (সাধ্যোঽসাধ্য ইতি ব্যাধির্দ্বিধা, তৌ তু পুনর্দ্বিধা| সুসাধ্যঃ কৃচ্ছ্রসাধ্যশ্চ, যাপ্যো যশ্চানুপক্রমঃ||১|| ) সর্বৌষধক্ষমে দেহে যূনঃ পুংসো জিতাত্মনঃ| অমর্মগোঽল্পহেত্বগ্ররূপরূপোঽনুপদ্রবঃ||৩০|| অতুল্যদূষ্যদেশর্তুপ্রকৃতিঃ পাদসম্পদি| গ্রহেষ্বনুগুণেঽষ্বেকদোষমার্গো নবঃ সুখঃ||৩১||

স০- সর্বৌষধক্ষমে দেহ উত্পন্নো ব্যাধিঃ সুখসাধ্যঃ সুখোপাযঃ, তথা কালেনাল্পেন সাধ্যতে| সর্বাণ্যৌষধানি যঃ ক্ষমতে সহতে তীক্ষ্ণ্মধ্যমৃদুরূপাণি নানাদেশজানি শমনানি তথা শোধনরূপাণি তথা বিষক্ষারাদীনি| যূনঃ- বযস্যস্য, তরুণস্যেত্যর্থঃ| পুংসো- ন স্ত্রিযাঃ| পুংগ্রহণং স্ত্রীনিবৃত্ত্যর্থম্| যতস্তস্যাঃ সর্বদা ভীরুত্বমবুদ্ধিমত্ত্বং চ, অতো যথোক্তানুরূপগুণাভাবঃ| সা তু যস্মাত্তীক্ষ্ণোষ্ণৌষধানি ন সহতে, সৌকুমার্যাদিযোগাত্| জিতাত্মনোঽলোলুপস্য, জিত আত্মা যেন, বিষযাভিলাষং পরিহরতঃ| অমর্মগো- ন মর্মস্থঃ, মর্মাণি- শিরোহৃদযবস্তিপ্রভৃতীনি, তেষু গচ্ছতীতি মর্মগঃ, ন মর্মগোঽমর্মগঃ, হৃত্কণ্ঠাদিপীডাকরণাসমর্থঃ| অল্পহেত্বগ্ররূপরূপ ইতি| হেতুশ্চাগ্ররূপং চ রূপং চ তানি হেত্বগ্ররূপরূপাণি, অল্পানি হেত্বগ্ররূপরূপাণি যস্য স তথাবিধঃ| হেতুর্নিদানম্, অগ্ররূপং- পূর্বরূপম্, রূপং- লক্ষণম্, এতান্যল্পানি যস্য| অনুপদ্রব ইতি| ন বিদ্যতে উপদ্রবো যস্য, উত্পন্নস্য ব্যাধেরনন্তরং জাযতে যোঽন্যো ব্যাধিঃ, ন তল্লক্ষণভূতোঽপ্রধানঃ, ন যথাস্বলক্ষণঃ, তদুপক্রমনিরোধকঃ, স উপদ্রবঃ| তথা চাগমঃ- "ব্যাধেরুপরি যো ব্যাধির্ভবত্যুত্তরকালজঃ| উপক্রমবিঘাতী চ স হ্যুপদ্রব উচ্যতে||" ইতি| অতুল্যদূষ্যদেশর্তুপ্রকৃতিরিতি| দূষ্যশ্চ দেশশ্চ ঋতুশ্চ প্রকৃতিশ্চ তা দূষ্যদেশর্তুপ্রকৃতযঃ, অতুল্যা দূষ্যদেশর্তুপ্রকৃতযো যস্য| অতুল্যাঃ- ন সদৃশাঃ| যথা- দূষ্যে মেদোমজ্জাদৌ, অনূপদেশে, শীতর্তৌ, আতুরো বাতপ্রকৃতিঃ, তস্য কুপিতং পিত্তং সুখসাধ্যমিতি| অতুল্যদূষ্যো যথা- শ্লেষ্মণা শীতেন রক্তমুষ্ণং দূষিতম্| অতুল্যদেশো ব্যাধির্যথা- অনূপদেশে পিত্তসম্ভূতঃ| অতুল্যর্তুর্যথা- শরদি কফোদ্ভবঃ| অতুল্যপ্রকৃতির্যথা- পিত্তপ্রকৃতেঃ শ্লেষ্মোদ্ভবো ব্যাধিঃ| নন্বতুল্যদূষ্যদেশর্তুপ্রকৃতিত্বাদসৌ কৃচ্ছ্রসাধ্যো যাপ্যো বা প্রাপ্তঃ, ন সুখসাধ্যঃ, অনেকসুখোপক্রমসাধ্যত্বাত্| যতো দূষ্যাদীনামতুল্যত্বাত্পরস্পরমন্য এবোপক্রমঃ| একসুখোপক্রমঃ সুখসাধ্যো ব্যাধিঃ| অত এব সাধ্যযাপ্যপরিত্যাজ্যা মেহাঃ শ্লেষ্মপিত্তবাতোত্থাঃ (হৃংই.অ.১০/৬)- "সমাসমক্রিযতযা মহাত্যযতযাপি চ" ইত্যেবং নির্দিশতি| অত্রোচ্যতে| তথাপ্রভাবত্বাত্প্রমেহাখ্যস্য ব্যাধেঃ, যদুত শ্লেষ্মপ্রমেহঃ সমক্রিযত্বাত্সাধ্যঃ, পিত্তপ্রমেহো বিষমক্রিযত্বাদ্যাপ্যঃ, মহাত্যযত্বাচ্চ বাতপ্রমেহঃ প্রত্যাখ্যেযঃ| কিঞ্চ তুল্যদূষ্যদেশর্তুপ্রকৃতিত্বান্মহারম্ভো নিষ্প্রত্যনীকো ব্যাধির্জাযতে, অতোঽসৌ ন সুখসাধ্যঃ| কুত্রচিদ্ব্যাধৌ তুল্যদূষ্যাদিরপি সুখসাধ্যত্বেন জ্যাযান্| তথা চ গ্রন্থঃ- "জ্বরে তুল্যর্তুদোষত্বং প্রমেহে তুল্যদূষ্যতা| রক্তগুল্মে পুরাণত্বং সুখসাধ্যত্বহেতবঃ||" পাদসম্পদীতি| ভিষগাদীনাং চতুর্ণাং পাদানাং সম্পত্সমৃদ্ধিঃ, তস্যাং সত্যাং, অঙ্গচতুষ্টযে পরিপূর্ণে সতি| গ্রহেষ্বনুগুণেষ্বিতি| গ্রহাঃ- সূর্যাদযঃ, তেষ্বনুগুণেষ্বনুকূলরাশিস্থিতেষু শোভনস্থানগতেষু সত্সু| একদোষমার্গ ইতি| দোষশ্চ মার্গশ্চ দোষমার্গম্, একং দোষমার্গং যস্য স তথোক্তঃ| দোষো- বাতাদিঃ| মার্গস্ত্রিবিধঃ শাখাদির্বক্ষ্যমাণো বাহ্যাভ্যন্তরমধ্যভেদেন| তেনৈকেন বাতাদীনামন্যতমেন দোষেণ যো জাতো ন দ্বাভ্যাং ত্রিভির্বা, তথৈকেনাপি মার্গেণ বাহ্যেন মধ্যেনাভ্যন্তরেণ বা জাতঃ| নবো- ন জরঠঃ, অচিরোত্পন্ন ইত্যর্থঃ| যস্মাদ্বত্সরাতীতা ব্যাধযোঽসাধ্যাঃ| স তথাবিধো ব্যাধিঃ সুখঃ- সুখেন সাধ্যতে| তথা চ গ্রন্থঃ (সং.সূ.অ.২, চংই.অ.৮)- "সুখসাধ্যঃ সুখোপাযঃ কালেনাল্পেন সাধ্যতে" ইতি|

Adhikarana kRucCrasAdhyo vyAdhiH (32) · Śloka 32

কৃচ্ছ্রসাধ্যং ব্যাধিমাহ শস্ত্রাদিসাধনঃ কৃচ্ছ্রঃ সঙ্করে চ ততো গদঃ| |৩২|

স০- যো গদো রোগঃ, শস্ত্রাদিসাধনঃ শস্ত্রাদিভিঃ সাধ্যতে, স কৃচ্ছ্রসাধ্যঃ কৃচ্ছ্রপ্রতীকারো মহদ্ভিরুপাযৈঃ সাধ্যতে তথা চিরেণ| তথা চ গ্রন্থঃ (সং.সূ.অ.২)- "কৃচ্ছ্রৈরুপাযৈঃ কৃচ্ছ্রস্তু মহদ্ভিশ্চ চিরেণ চ||" আদিগ্রহণেন ক্ষারাগ্নিকর্মবিষলেপাদযো গৃহ্যন্তে| তথা, সঙ্করে চ- ততঃ পূর্বোক্তাত্সাধ্যলিঙ্গাত্সঙ্কীর্ণত্বে সতি- যো গদ উপ্তন্নঃ, সোঽপি কৃচ্ছ্রসাধ্যঃ| চশব্দঃ সমুচ্চযে| ততস্তস্মাদুক্তসাধ্যলক্ষণাদ্যঃ সঙ্করে দ্বিত্রিবিপর্যযে সতি স্থিতঃ| তথা চ- যুবা আতুরঃ কিন্তু ন বিজিতাত্মা| বিজিতাত্মা বা কিন্তু রোগো মর্মস্থানগঃ| সর্বৌষধক্ষমে দেহে জাতঃ কিন্তু বৃদ্ধঃ| কদাচিদ্যুবা ন সর্বৌষধক্ষমো দেহঃ| এবমনযা দিশা সর্বমপ্যূহ্যম্|

Adhikarana yApyo vyAdhiH (32) · Śloka 32

যাপ্যোঽত উচ্যতে | শেষত্বাদাযুষো যাপ্যঃ পথ্যাভ্যাসাদ্বিপর্যযে||৩২||

স০- বাহুল্যেন বিপর্যযে সাধ্যলক্ষণবিপরীতত্বে সত্যাযুষো জীবিতস্য শেষত্বাদক্ষীণত্বান্মারযিতুমসমর্থঃ, পথ্যৈরাহারবিহারৈর্যাপ্যো যাপনীযঃ, নাসৌ প্রত্যাখ্যেযঃ| এতাবানেবাস্য প্রত্যাখ্যেযাদ্ব্যাধের্বিশেষো যদাযুঃশেষত্বং, যাপ্যস্য ব্যাধেরাযুঃশেষমাত্রং বর্জযিত্বা যদন্যত্তত্সর্বং সমানং প্রাযেণাস্য চ প্রত্যাখ্যেযস্য ব্যাধেঃ| কস্য বিপর্যযে সতি ? প্রকৃতত্বাত্সুখসাধ্যস্য| পথ্যৈরাহারবিহারৈরভ্যসনমভ্যাসঃ পুনঃ পুনঃ করণম্, তস্মাদ্ধিতাহারবিহারসেবনাদ্যাপ্যঃ| স চ চিকিত্সাযামল্পং সুখং দত্ত্বা পুনঃ সোঽল্পেনৈব হেতুনা প্রতন্যতে| তথা চ গ্রন্থঃ (সং.সূ.অ.২)- "দত্ত্বাল্পং সুখমল্পেন হেতুনা স প্রতন্যতে| যাতি নাশেষতাং রোগঃ কর্মজো নিযতাযুষঃ| প্রপতন্নিব বিষ্কম্ভৈর্ধার্যতেঽত্রাতুরো হিতৈঃ"|

Adhikarana pratyAkhyeyo vyAdhiH (33) · Śloka 33

প্রত্যাখ্যেয উচ্যতে অনুপক্রম এব স্যাত্স্থিতোঽত্যন্তবিপর্যযে| ঔত্সুক্যমোহারতিকৃদ্ দৃষ্টরিষ্টোঽক্ষনাশনঃ||৩৩||

স০- ন বিদ্যত উপক্রমঃ প্রতীকারো যস্য সোঽনুপক্রমোঽচিকিত্স্যঃ, প্রত্যাখ্যেয ইতি যাবত্| কোঽসাবনুপক্রমঃ ? যোঽত্যন্তবিপর্যযে স্থিতঃ| যো গদোঽর্থাদ্যাপ্যলক্ষণাদবশিষ্টাযুঃ শেষরূপাদত্যন্তবিপর্যযে স্থিতঃ, সর্বক্রিযাপথাতিক্রান্তঃ, মজ্জশুক্রাদিগম্ভীরধাতুগতঃ, মর্মসন্ধিসমাশ্রিতঃ, সোঽনুপক্রম এবাচিকিত্স্যঃ, সাধযিতুমশক্যত্বাত্| তথৌত্সুক্যাদিকৃদিতি| ঔত্সুক্যং চ মোহশ্চারতিশ্চ তাঃ করোতীত্যৌত্সুক্যমোহারতিকৃত্| ঔত্সুক্যং বিষযোত্কণ্ঠা, মোহো- বৈচিত্যং চিত্তনাশোঽজ্ঞানম্, অরতিরসুখং ন কুত্রচিদবস্থিতিঃ স্থানাসনাদিষ্বনির্বৃতিশ্চেতসঃ, এতাবতো যঃ করোতি সোঽনুপক্রমঃ| তথা দৃষ্টরিষ্ট ইতি| দৃষ্টং রিষ্টং মরণখ্যাপকং চিহ্নং যস্মিন্ স দৃষ্টরিষ্টঃ, দৃষ্টমরণখ্যাপকলক্ষণোঽনুপক্রম এব| তথাঽক্ষনাশন ইতি| অক্ষাণীন্দ্রিযাণ্যুচ্যন্তে| চক্ষুরাদীন্যপি নাশযতি সোঽক্ষনাশনঃ, ইন্দ্রিযোপরোধী রোগোঽনুপক্রমো যঃ শীঘ্রমিন্দ্রিযবিঘাতকৃত্| এবং পুরা পরীক্ষ্য ব্যাধিচিকিত্সামারভেত| অন্যথাঽবশ্যং স্বার্থাদিহানিমবাপ্নুযাদ্বৈদ্যঃ| তথা চ গ্রন্থঃ (সং.সূ.অ.২)- "ব্যাধিং পুরা পরীক্ষ্যৈবমারভেত ততঃ ক্রিযাম্| স্বার্থবিদ্যাযশোহানিমন্যথা ধ্রুবমাপ্নুযাত্" ইতি|

Adhikarana anupakramaNIyAturasya lakShaNam (34-35) · Śloka 35

সাধ্যলক্ষণযুক্তোঽপ্যাতুরো নোপক্রমণীয ইতি দর্শযতি ত্যজেদার্তং ভিষগ্ভূপৈর্দ্বিষ্টং তেষাং দ্বিষং দ্বিষম্| হীনোপকরণং ব্যগ্রমবিধেযং গতাযুষম্||৩৪|| চণ্ডং শোকাতুরং ভীরুং কৃতঘ্নং বৈদ্যমানিনম্| |৩৫|

স০- এবংবিধমার্তমাতুরমুপক্রম্যমপি ত্যজেত্পরিহরেত্| ভিষগ্ভূপৈর্দ্বিষ্টং- ভিষগ্ভিস্তথা ভূপৈ রাজভির্দ্বিষ্টম্, বৈদ্যা রাজানশ্চ যং দ্বিষন্তি| তথা, তেষাং দ্বিষং-শত্রুং, ভিষগ্ভূপান্যো দ্বেষ্টি, তমপি ত্যজেত্| দ্বিষ্টং-শত্রুং চাত্মনঃ| হীনোপকরণমিতি উপকরণবিকলং হীনচিকিত্সাঙ্গম্| ব্যগ্রং- কার্যবহুলমন্যকার্যাপেক্ষিণং কার্যান্তরাসক্তচেতসম্| অবিধেযং- ভিষজঃ, তদাজ্ঞাং যো ন করোতি, তমপি ত্যজেত্| গতাযুষং- পরিক্ষীণজীবিতম্| চণ্ডং- সহসাপকারকরণবুদ্ধিং ক্রূরকর্মাণম্| শোকাতুরং- স্ত্র্যাদিবিরহোত্থেন শোকেন শুচার্তম্| ভীরুং- সভযম্| কৃতঘ্নং- যঃ কৃতোপকারোঽপ্যপকারং করোতি| বৈদ্যমানিনং- অবৈদ্যোঽপি যো বৈদ্যমিবাত্মানং মন্যতে স্বমতেনৈবৌষধং করোতি মূঢঃ, তমপি ত্যজেত্|

Adhikarana sUtrasthAnAntargatAdhyAyAH (35-39) · Śloka 39

এবং চ প্রথমেঽধ্যাযে সকলতন্ত্রার্ণবস্য তাত্পর্যং ব্যাখ্যাতম্| অনন্তরং সুখস্মরণার্থমধ্যাযসঙ্গ্রহং বিবক্ষুরিদমাহ | তন্ত্রস্যাস্য পরং চাতো বক্ষ্যতেঽধ্যাযসঙ্গ্রহঃ||৩৫|| আযুষ্কামদিনর্ত্বীহারোগানুত্পাদনদ্রবাঃ| অন্নজ্ঞানান্নসংরক্ষামাত্রাদ্রব্যরসাশ্রযাঃ||৩৬|| দোষাদিজ্ঞানতদ্ভেদতচ্চিকিত্সাদ্যুপক্রমাঃ| শুদ্ধ্যাদিস্নেহনস্বেদরেকাস্থাপননাবনম্||৩৭|| ধূমগণ্ডূষদৃক্সেকতৃপ্তিযন্ত্রকশস্ত্রকম্| শিরাবিধিঃ শল্যবিধিঃ শস্ত্রক্ষারাগ্নিকর্মিকৌ||৩৮|| সূত্রস্থানমিমেঽধ্যাযাস্ত্রিংশত্|৩৯|

স০- অস্য- অষ্টাঙ্গহৃদযাখ্যস্য, তন্ত্রস্য- তন্ত্র্যন্তে ধার্যন্তেঽনেনাযুর্বেদার্থা ইতি তন্ত্রম্ তস্য, অধ্যাযসঙ্গ্রহঃ- অধ্যাযানাং সঙ্গ্রহঃ সংক্ষেপ একত্র রাশীকরণম্, অতঃ পরং- অস্মাদূর্ধ্বম্, সুখস্মরণায মযা বক্ষ্যতে| স০-ইমে পূর্বোক্তাস্ত্রিংশদধ্যাযাঃ, সূত্রস্থানমুক্তম্| আযুষ্কামশ্চ দিনর্ত্বীহে চ রোগানুত্পাদনং চ দ্রবশ্চেতি দ্বন্দ্বঃ| ঈহা চর্যা চেষ্টেত্যেকোঽর্থঃ| তেন আযুষ্কামীযো দিনচর্যা ঋতুচর্যা রোগানুত্পাদনীযো দ্রবদ্রব্যবিজ্ঞানীযোঽন্নস্বরূপবিজ্ঞানীযোঽন্নসংরক্ষা মাত্রাশিতীযো দ্রব্যাদিবিজ্ঞানীযো রসভেদীযো দোষাদিবিজ্ঞানীযো দোষভেদীযো দোষোপক্রমণীযো দ্বিবিধোপক্রমণীযঃ শোধনাদিগণসঙ্গ্রহঃ স্নেহবিধিঃ স্বেদবিধির্বমনবিরেচনবিধির্বস্তিবিধির্নস্যবিধির্ধূমবিধির্গণ্ডূষাদিবিধি রাশ্চোতনাঞ্জনবিধিস্তর্পণপুটপাকবিধির্যন্ত্রবিধিঃ শস্ত্রবিধিঃ শিরাব্যধবিধিঃ শল্যাহরণবিধিঃ শস্ত্রকর্মবিধিঃ ক্ষারাগ্নিকর্মবিধিঃ| সূচনাত্সূত্রম্, সূচ্যতেঽনেন সকলতন্ত্রার্থ ইতি সূত্রস্থানম্, সকলস্য তন্ত্রস্য শিরঃস্থানীযম্|

Adhikarana shArIrasthAnAdhyAyAH (39-40) · Śloka 40

অধুনা শারীরমুচ্যতে শারীরমুচ্যতে| গর্ভাবক্রান্তিতদ্ব্যাপদঙ্গমর্মবিভাগিকম্||৩৯|| বিকৃতির্দূতজং ষষ্ঠম্|৪০|

স০- শারীরং শারীরস্থানমুচ্যতে| কিংস্থানমধ্যাযসঙ্গ্রহঃ| কে পুনস্তে ? তানাহ| তত্র গর্ভাবক্রান্তিশারীরম্| তস্য ব্যাপত্ তদ্ব্যাপত্ , তস্যেতি গর্ভপরামর্শঃ, গর্ভব্যাপচ্ছারীরম্| অঙ্গবিভাগং শারীরম্| মর্মবিভাগং শারীরম্| বিকৃতিবিজ্ঞানীযং শারীরম্| দূতাদিবিজ্ঞানীযং শারীরম্| এবমেতে ষডধ্যাযাঃ, শারীরস্থানম্|

Adhikarana nidAnasthAnAdhyAyAH (40-41) · Śloka 41

নিদানমুচ্যতে নিদানং সার্বরোগিকম্| জ্বরাসৃক্শ্বাসযক্ষ্মাদিমদাদ্যর্শোতিসারিণাম্||৪০|| মূত্রাঘাতপ্রমেহাণাং বিদ্রধ্যাদ্যুদরস্য চ| পাণ্ডুকুষ্ঠানিলার্তানাং বাতাস্রস্য চ ষোডশ||৪১||

স০- সর্বরোগনিদানম্| জ্বরনিদানম্| রক্তপিত্তকাসনিদানম্| শ্বাসহিক্কানিদানম্| রাজযক্ষ্মাদিনিদানম্| মদাত্যযাদিনিদানম্| অর্শোনিদানম্| অতীসারগ্রহণীদোষনিদানম্| মূত্রাঘাতনিদানম্| প্রমেহনিদানম্| বিদ্রধিবৃদ্ধিগুল্মনিদানম্| উদরনিদানম্| পাণ্ডুশোফবিসর্পনিদানম্| কুষ্ঠশ্বিত্রকৃমিনিদানম্| বাতব্যাধিনিদানম্| বাতশোণিতনিদানম্| ইত্যেবং ষোডশাধ্যাযাঃ, নিদানস্থানম্|

Adhikarana cikistitasthanAdhyAyAH (42-44) · Śloka 44

চিকিত্সিতমুচ্যতে চিকিত্সিতং জ্বরে রক্তে কাসে শ্বাসে চ যক্ষ্মণি| বমৌ মদাত্যযেঽর্শঃসু, বিশি দ্বৌ, দ্বৌ চ মূত্রিতে||৪২|| বিদ্রধৌ গুল্মজঠরপাণ্ডুশোফবিসর্পিষু| কুষ্ঠশ্বিত্রানিলব্যাধিবাতাস্রেষু চিকিত্সিতম্||৪৩|| দ্বাবিংশতিরিমেঽধ্যাযাঃ|৪৪|

স০- চিকিত্সিতস্থানং দ্বাবিংশতিরধ্যাযাঃ| জ্বরচিকিত্সিতম্| রক্তপিত্তচিকিত্সিতম্| কাসচিকিত্সিতম্| শ্বাসহিক্কাচিকিত্সিতম্| রাজযক্ষ্মচিকিত্সিতম্| ছর্দিহৃদ্রোগতৃষ্ণাচিকিত্সিতম্| মদাত্যযচিকিত্সিতম্| অর্শশ্চিকিত্সিতম্| অতীসারচিকিত্সিতম্| গ্রহণীদোষচিকিত্সিতম্| মূত্রাঘাতচিকিত্সিতম্| প্রমেহচিকিত্সিতম্| বিদ্রধিবৃদ্ধিচিকিত্সিতম্| গুল্মচিকিত্সিতম্| উদরচিকিত্সিতম্| পাণ্ডুরোগচিকিত্সিতম্| শ্বযথুচিকিত্সিতম্| বিসর্পচিকিত্সিতম্| কুষ্ঠচিকিত্সিতম্| শ্বিত্রকৃমিচিকিত্সিতম্| বাতব্যাধিচিকিত্সিতম্| বাতশোণিতচিকিত্সিতম্| ইমে দ্বাবিংশতিরধ্যাযাশ্চিকিত্সিতস্থানম্|

Adhikarana kalpasiddhisthanAdhyAyAH (44-45) · Śloka 45

কল্পসিদ্ধিরতঃ পরম্| কল্পো বমের্বিরেকস্য তত্সিদ্ধির্বস্তিকল্পনা||৪৪|| সিদ্ধির্বস্ত্যাপদাং ষষ্ঠো দ্রব্যকল্পঃ| |৪৫|

স০- অত ঊর্ধ্বং কল্পস্থানম্| অত্র কল্পে বমনকল্পঃ| বিরেচনকল্পঃ| বমনবিরেচনব্যাপত্সিদ্ধিঃ| বস্তিকল্পঃ| বস্তিব্যাপত্সিদ্ধিঃ| ষষ্ঠো ভেষজকল্পঃ| ইত্যেবং ষডধ্যাযাঃ, কল্পসিদ্ধিস্থানম্|

Adhikarana uttaratantrAdhyAyAH (1) · Śloka 1

অত উত্তরম্| বালোপচারে তদ্ব্যাধৌ তদ্গ্রহে, দ্বৌ চ ভূতগে||৪৫|| জন্মাদেঽথ স্মৃতিভ্রংশে, দ্বৌ দ্বৌ বর্ত্মসু সন্ধিষু| দৃক্তমোলিঙ্গনাশেষু ত্রযো, দ্বৌ দ্বৌ চ সর্বগে||৪৬|| কর্ণনাসামুখশিরোব্রণে, ভঙ্গে ভগন্দরে| গ্রন্থ্যাদৌ ক্ষুদ্ররোগেষু গুহ্যরোগে পৃথগ্দ্বযম্||৪৭|| বিষে ভুজঙ্গে কীটেষু মূষকেষু রসাযনে| চত্বারিংশোঽনপত্যানামধ্যাযো বীজপোষণঃ||৪৮|| ইত্যধ্যাযশতং বিংশং ষড্ভিঃ স্থানৈরুদীরিতম্| ৪৮ ১/২| ইতি শ্রীবৈদ্যপতিসিংহগুপ্তসূনুবাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে আযুষ্কামীযো নাম প্রথমোঽধ্যাযঃ||১||

স০- অত উত্তরং, অতোঽস্মাত্কল্পসিদ্ধিস্থানাদূর্ধ্বমুত্তরতন্ত্রম্| বালোপচরণীযঃ| বালামযপ্রতিষেধঃ| বালগ্রহপ্রতিষেধঃ| ভূতবিজ্ঞানীযঃ| ভূতপ্রতিষেধঃ| উন্মাদপ্রতিষেধঃ| অপস্মারপ্রতিষেধঃ| বর্ত্মরোগবিজ্ঞানীযঃ| বর্ত্মরোগপ্রতিষেধঃ| সন্ধিসিতাসিতরোগবিজ্ঞানীযঃ| তিমিরপ্রতিষেধঃ| লিঙ্গনাশপ্রতিষেধঃ| সর্বাক্ষিরোগবিজ্ঞানীযঃ| সর্বাক্ষিরোগপ্রতিষেধঃ| কর্ণরোগবিজ্ঞানীযঃ| কর্ণরোগপ্রতিষেধঃ| নাসারোগবিজ্ঞানীযঃ| নাসারোগপ্রতিষেধঃ| মুখরোগবিজ্ঞানীযঃ| মুখরোগপ্রতিষেধঃ| শিরোরোগবিজ্ঞানীযঃ| শিরোরোগপ্রতিষেধঃ| ব্রণবিজ্ঞানীযপ্রতিষেধঃ| সদ্যোব্রণপ্রতিষেধঃ| ভঙ্গপ্রতিষেধঃ| ভগন্দরপ্রতিষেধঃ| গ্রন্থ্যর্বুদশ্লীপদাদিবিজ্ঞানীযঃ| গ্রন্থ্যর্বুদাদিপ্রতিষেধঃ| ক্ষুদ্ররোগবিজ্ঞানীযঃ| ক্ষুদ্ররোগপ্রতিষেধঃ| গুহ্যরোগবিজ্ঞানীযঃ| গুহ্যরোগপ্রতিষেধঃ| বিষপ্রতিষেধঃ| সর্ববিষপ্রতিষেধঃ| কীটলূতাদিবিষপ্রতিষেধঃ| মূষিকালর্কবিষপ্রতিষেধঃ| রসাযনাধ্যাযঃ| বাজীকরণাধ্যায ইতি| এবমেতে চত্বারিংশদধ্যাযা উত্তরতন্ত্রম্| তদিতি বালস্য পরামর্শঃ| দ্বৌ দ্বাবিতি বর্ত্মনি দ্বৌ, সন্ধৌ দ্বৌ, যথাসংখ্যেন| ত্রয ইতি দৃক্তমোলিঙ্গনাশেষু প্রত্যেকমেকৈকঃ| গ্রন্থ্যাদিক্ষুদ্ররোগগুহ্যরোগেষু পৃথগ্দ্বযং প্রত্যেকং দ্বৌ দ্বৌ| অনপত্যানামপ্রজানাং পুংসাং চত্বারিংশোঽধ্যাযো বীজপোষণঃ শুক্রবৃদ্ধিহেতুরিতি| ইত্যেবমনেন প্রকারেণ, সবিংশমধ্যাযশতং ষড্ভিঃ স্থানৈঃ সূত্রশারীরনিদানচিকিত্সাকল্পসিদ্ধ্যুত্তরতন্ত্রৈরুদীরিতমিতি ভদ্রম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থান আযুষ্কামীযোঽধ্যাযঃ প্রথমঃ|| ১||