19. bastividhiradhyāyaḥ

Adhikarana adhyAyopakramaH · Śloka

মলহরণার্থং পূর্বাধ্যায উক্তঃ| বস্তিনাঽপি মলো নির্হ্রিযত ইতি বমনবিরেচনবিধেরনন্তরং বস্তিবিধেরুপদেশো যুক্ত ইত্যাহ-

Adhikarana bastividhiradhyAyaH (2) · Śloka 2

মলহরণার্থং পূর্বাধ্যায উক্তঃ| বস্তিনাঽপি মলো নির্হ্রিযত ইতি বমনবিরেচনবিধেরনন্তরং বস্তিবিধেরুপদেশো যুক্ত ইত্যাহ - - - - অথাতো বস্তিবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২|

স০-বস্তিনা দীযত ইত্ বস্তিঃ, তস্য বিধিঃ| শেষং পূর্ববদ্ব্যাখ্যেযম্|

Adhikarana basterviShayaH, basteH sarvopakramashreShThatvam, bastibhedAH (1-2) · Śloka 2

বাতোল্বণেষু দোষেষু বাতে বা বস্তিরিষ্যতে| উপক্রমাণাং সর্বেষাং সোঽগ্রণীস্ত্রিবিধস্তু সঃ||১|| নিরূহোঽন্বাসনং বস্তিরুত্তরঃ| |২|

স০-বাত উল্বণঃ-অধিকো, যেষাং দোষাণাং তেষু বস্তিরিষ্যতে| আচার্যৈরিতি শেষঃ| তত্র বাতপিত্তে বাতশ্লেষ্মণ্যথবা কেবলে বাযৌ বস্তিরিষ্যতে| উপক্রমাণাং-চিকিত্সিতানাং, সর্বেষাং সঃ-বস্তিঃ, অগ্রণীঃ-প্রধানতমঃ| স চ ত্রিপ্রকারঃ| তদেব ত্রৈবিধ্যমাহ-নিরূহোঽন্বাসনং বস্তিরুত্তর ইতি| গুদাদুত্তরেণ মার্গেণ মেঢ্রাদিনা দীযত ইত্যুত্তরবস্তিঃ|

Adhikarana nirUhasya visheShato viShayaH (2-3) · Śloka 3

তেন সাধযেত্| গুল্মানাহখুডপ্লীহশুদ্ধাতীসারশূলিনঃ||২|| জীর্ণজ্বরপ্রতিশ্যাযশুক্রানিলমলগ্রহান্| বর্ধ্মাশ্মরীরজোনাশান্ দারুণাংশ্চানিলামযান্||৩||

স০-তেনেত্যনেন নিরূহঃ পরামৃশ্যতে| কথমিতি চেত্ ? ব্রূমঃ| "অনাস্থাপ্যাস্তু" ইত্যধীতে| তত্র কে নিরূহ্যা ইত্যাধিগতে সতি, অনিরূহ্যাঃ পুনরিমে ইতি বক্তুং যুজ্যতে| অপি চ, "আস্থাপ্যা এব চান্বাস্যাঃ" ইতি পঠতি| কে আস্থাপ্যা ইতি নাধিগম্যেত যদীহ নিরূহো ন পরামৃশ্যেত| তস্মাত্তেনেত্যনেন নিরূহস্য গ্রহণং ন্যায্যম্| তেন-নিরূহেণ, গুল্মাদীংস্তথা জীর্ণজ্বরাদীন্ কৃচ্ছ্রান্ বাতরোগাশ্চং সাধযেত্-উপক্রমেত্| গুল্মাদীনাং শূলান্তানাং দ্বন্দ্বেনী কার্যৌ| শুক্রাদীনাং গ্রহেণ সম্বন্ধঃ| শুক্রগ্রহো-রেতোবিবন্ধঃ| অনিলগ্রহো-বাযোরসঞ্চারঃ| মলগ্রহো-মূত্রবিশোর্বিবন্ধঃ| রজোনাশঃ-স্ত্রিযাঃ পুষ্পবিনাশঃ|

Adhikarana aniruhyAH (4-6) · Śloka 6

অনাস্থাপ্যাস্ত্বতিস্নিগ্ধঃ ক্ষতোরস্কো ভৃশং কৃশঃ| আমাতিসারী বমিমান্ সংশুদ্ধো দত্তনাবনঃ||৪|| শ্বাসকাসপ্রসেকার্শোহিধ্মাধ্মানাল্পবহ্নযঃ| শূনপাযুঃ কৃতহারো বদ্ধচ্ছিদ্রোদকোদরী||৫|| কুষ্ঠী চ মধুমেহী চ মাসান্ সপ্ত চ গর্ভিণী| |৬|

স০-অতিস্নিগ্ধাদযঃ সপ্তমমাসগর্ভিণ্যন্তা অনাস্থাপ্যাঃ-অনিরূহ্যাঃ| বমিমান্-প্রসক্তচ্ছর্দিঃ| বদ্ধাদীনামুদরেণ সম্বন্ধঃ| তত ইনির্মত্বর্থীযঃ| শুদ্ধাতিসারিণ আস্থাপ্যা ইত্যনেনৈবামাতিসারিণোঽনাস্থাপ্যত্বে লব্ধে পুনর্বচনং নিযমার্থম্, তেনামাতিসারিণো ন কথঞ্চিদাস্থাপ্যা ইতি| তত্রাতিস্নিগ্ধস্য দোষানুত্ক্লেশ্য নিরূহঃ শ্বযথুমুদরং চ জনযেত্| ক্ষতোরস্ককৃশযোঃ ক্ষোভব্যাপন্নং শরীরমাশু পীডযেত্| আমাতিসারিণো দোষস্য সম্যগনির্হরণাদ্দেহস্য ক্ষোভাদতিপীডাং কুর্যাত্| প্রসক্তচ্ছর্দিষো দোষোত্ক্লেশো নিরূহমূর্ধ্বং নযেত্| কৃতবমনবিরেকযোস্তু রিক্তং দেহং ক্ষতং ক্ষার ইব দহেত্| কৃতনস্যস্য বিবৃতোর্ধ্বস্রোতস্তযা বিভ্রংশং কুর্যাত্| শ্বাসাদীনামুত্ক্লিষ্টদোষত্বান্নিরূহ ঊর্ধ্বং ব্রজেত্| অর্শঃপ্রভৃতীনাং ভৃশতরমাধ্মানং মৃত্যুর্ত্বা স্যাত্| অল্পাগ্ন্যাদীনাং স্তম্ভজাড্যাদীনাবহেত্| গর্ভিণ্যাঃ পূর্বোক্তা এব দোষাঃ|

Adhikarana anuvAsanasya visheShato viShayAH (6-7) · Śloka 7

| আস্থাপ্যা এব চান্বাস্যা বিশেষাদতিবহ্নযঃ||৬|| রূক্ষাঃ কেবলবাতার্তাঃ| |৭|

স০-য এবাস্থাপ্যাস্ত এবানুবাস্যাঃ| আঙ্পূর্বাত্তিষ্ঠতের্ণিজন্তাদনুপূর্বাচ্চ বসতেরর্হার্থে ণ্যত্| বিশেষেণাতিবহ্ন্যাদযোঽনুবাস্যাঃ|

Adhikarana nAnuvAsyAH (7-9) · Śloka 9

নানুবাস্যাস্ত এব চ| যেঽনাস্থাপ্যাস্তথা পাণ্ডুকামলামেহপীনসাঃ||৭|| নিরন্নপ্লীহবিড্ভেদিগুরুকোষ্ঠকফোদরাঃ| অভিষ্যন্দিভৃশস্থূলকৃমিকোষ্ঠাঢ্যমারুতাঃ||৮|| পীতে বিষে গরেঽপচ্যাং শ্লীপদী গলগণ্ডবান্| |৯|

স০-ত এব চেতি যেঽনাস্থাপ্যাঃ-অনিরূহ্যাঃ, তে চাপি নানুবাস্যাঃ| তথা, পাণ্ড্বাদযো নানুবাসনার্হাঃ| এতেষাং হি দোষানুত্ক্লেশ্য স্নেহবস্তিরুদরং জনযেত্| নিরন্নস্যানুবাসনাত্ স্নেহবিপত্তিঃ| তথা চোক্তং খরনাদেন-"অভুক্তদত্তস্য তথা স্নেহবস্তির্বিপদ্যতে|" ইতি| প্লীহাদীনাং স্তম্ভজাড্যাদীনাবহেত্| কৃমিকোষ্ঠস্যানুবাসনাদযঃ পূর্বমনির্হৃতৈঃ কৃমিভিরথবাঽতিবহুত্বাদ্দোষাপনিঃসরণেন হৃদযমতিকর্ষদ্ভিশ্চ্ছর্দিং কুর্যুঃ| আঢ্যমারুতস্য সম্যগ্দোষানির্হরণাদামযবৃদ্ধিঃ| পীতে বিষে গরে চ নানুবাস্যা ইতি যোজ্যম্| অপচী-উত্তরে (অ. ২৯|২৫) বক্ষ্যমাণা| শ্লীপদীতীনিঃ, গলগণ্ডবানিতি মতুপ্| অপচ্যাদযো নানুবাস্যা ইতি| সঙ্গ্রহে চোক্তম্ (সূ. অ. ২৮) - "অভুক্তে রিক্তকোষ্ঠস্য প্রযুক্তমনুবাসনম্| সরদূরগসূক্ষ্মত্বৈঃ ক্ষিপ্রমূর্ধ্বং প্রপদ্যতে|| তেন বাযোর্জযো ন স্যাদ্বাতধামন্যতিষ্ঠতা| কাযাগ্নেরাশু নাশশ্চ বিশেষাদনির্বর্তিনা|| স্নেহঃ সদ্যোঽশিতাহাররুদ্ধে ত্বামাশযেঽনিলম্| পক্বস্থং হন্তি পক্বস্থশ্চ্যবতে চান্নপাকতঃ|| নিরূহশ্চ সমীরশ্চ তীক্ষ্ণবেগাবুভাবপি| তাবন্নমূর্চ্ছিতৌ তীক্ষ্ণাবধোঽন্নন সহাগতৌ|| ঊর্ধ্বং বা শকৃতা সার্দ্ধং সংস্থিতৌ কোষ্ঠ এব বা| সমলাহারবিষ্টব্ধৌ হরেতামাশু জীবিতম্|| ভুক্তবাননুবাস্যোঽস্মান্ন নিরূহ্যোঽত্র ভুক্তবান্|" ইতি|

Adhikarana nirUhAnvAsanayantrasya lakShaNam (9-10) · Śloka 10

| নিরূহান্বাসনযোর্যন্ত্রস্য লক্ষণমাহ - ] - - - | তযোস্তু নেত্রং হেমাদিধাতুদার্বস্থিবেণুজম্||৯|| গোপুচ্ছাকারমচ্ছিদ্রং শ্লক্ষ্ণর্জু গুলিকামুখম্| |১০|

স০-তযোঃ-নিরূহান্বাসনযোর্নেত্রং ভবতি| নীযতে-প্রাপ্যতে স্নেহকল্কাদ্যপানমিতি নেত্রম্| নেত্রেতি "দাম্নীশস" ইতি ণেঃ ষ্ট্রন্ঽঽপ্রত্যযঃ| কিম্ভূতং নেত্রম্ ? হেমাদীতি| আদিশব্দঃ প্রকারে| তেন রূপ্যরীতিকাযঃকাংস্যত্রপুসীসাদযো গৃহ্যন্তে| হেমাদযশ্চ তে ধাতবশ্চেতি কর্মধারযঃ| দারু-শিংশিপাদিকাষ্ঠম্, অস্থি-গজাদেঃ, বেণুঃ-বংশঃ, এতেষাং দ্বন্দ্বঃ| এভ্যো জাতং তযোঃ-নিরূহান্বাসনযোঃ, নেত্রং ভবতি| কিম্ভূতম্ ? গোপুচ্ছাকারম্, গোপুচ্ছ ইবাকারো যস্য তত্| তথা, অচ্ছিদ্রং-নির্বিবরম্| তথা, শ্লক্ষ্ণং-কোমলম্| তথা, ঋজু-অবক্রম্| গুলিকাসদৃশমতীক্ষ্ণাগ্রং মুখং যস্য তদেবম্|

Adhikarana yantrapramANam (10-12) · Śloka 12

অথাস্য প্রমাণমাহ - - - - | ঊনেঽব্দে পঞ্চ, পূর্ণেঽস্মিন্নাসপ্তভ্যোঽঙ্গুলানি ষট্||১০|| সপ্তমে সপ্ত, তান্যষ্টৌ দ্বাদশে, ষোডশে নব| দ্বাদশৈব পরং বিংশাদ্বীক্ষ্য বর্ষান্তরেষু চ||১১|| বযোবলশরীরাণি প্রমাণমভিবর্দ্ধযেত্| |১২|

স০-ষণ্মাসে বালেঽধিকে বা অপূর্ণবর্ষে নেত্রস্য পঞ্চাঙ্গুলানি| আতুরাঙ্গুলপ্রমাণমিতি গম্যতে| দৈর্ঘ্যেণ চেত্যেতদপ্যনুক্তং গম্যতে| বক্ষ্যতি হি (শ্লো. ১২) - "স্বাঙ্গুষ্ঠেন সমং মূলে স্থৌল্যেন" ইতি| আসপ্তভ্যঃ-সপ্তবর্ষাণি মর্যাদীকৃত্য, ষডঙ্গুলানি প্রমাণম্| আঙত্র মর্যাদাযাম্, নাভিবিধৌ| তেন ষড্বর্ষে বালে ষডঙ্গুলানি নেত্রম্| অন্যথা সপ্তবর্ষস্যাপি ষডেবেতি প্রাপ্নোতি| বক্ষ্যতি তু-"সপ্তমে সপ্ত" ইতি| এবং চ পূর্বাপরং ব্যাহতং স্যাত্| তস্মান্মর্যাদাযামাঙিত্যেবেহি| সপ্তমে বর্ষে সপ্তাঙ্গুলানি| দ্বাদশে বত্সরে তানি-অঙ্গুলান্যষ্টৌ নেত্রম্| দ্বাদশানাং পূরণ ইতি " তস্য পূরণে ডট্" ইতি ডট্| এবং ষোডশ ইত্যত্র| ষোডশে সংবত্সরে নবাঙ্গুলানি নেত্রম্| বিংশাদ্বত্সরাদূর্ধ্বমেকবিংশপ্রভৃতিবর্ষেষু দ্বাদশাঙ্গুলানি নেত্রম্| নাতোঽপ্যধিকানীত্যেবশব্দার্থঃ| বিংশতিশব্দাত্ পূরণে ডটি তিবিংশতোর্ডিতীতি তিলোপাদ্বিংশশব্দঃ| বর্ষান্তরেষু-অন্তরালস্থিতেষু বর্ষেষু নবমদশমাদিষু, বীক্ষ্য-পর্যালোচ্য, নেত্রস্য প্রমাণমভিবর্দ্ধযেত্| চশব্দো ভিন্নক্রমঃ| ন কেবলং বর্ষান্তরেষু প্রমাণমভিবর্দ্ধযেত্| যাবদ্বযোবলাদীনি চ নিরূপ্য প্রমাণং বৃদ্ধিং নযেত্|

Adhikarana yantrasthaulyam (12) · Śloka 12

| স্বাঙ্গুষ্ঠেন সমং মূলে স্থৌল্যেনাগ্রে কনিষ্ঠযা||১২||

স০-স্থৌল্যেন-পরিণাহেন, স্বাঙ্গুষ্ঠেন তুল্যং মূলে নেত্রম্| তথা, অগ্রং-প্রান্তঃ, তস্মিন্ কনিষ্ঠযাঽঙ্গুল্যা সমং নেত্রং স্যাত্| খরনাদেঽপ্যুক্তম্-"বস্তিনেত্রমৃজু শ্লক্ষ্ণং সুবৃত্তং গুলিকামুখম্| ভবেদ্গোপুচ্ছসংস্থানং সুপ্রবাহং ত্রিকর্ণিকম্|| যা ত্রিভাগপ্রণযনে মর্যাদা কর্ণিকা ভবেত্| দ্বে কর্ণিকে চোপরিষ্টাদ্বস্ত্যাধারে যথান্তরে|| স্বাঙ্গুষ্ঠকপরীণাহং মূলং নেত্রস্য শস্যতে| মধ্যং ত্বনামিকাতুল্যমগ্নং তুল্যকনিষ্ঠিকম্|| স্বেনাঙ্গুলিপ্রমাণেন দৈর্ঘ্যং স্যাদ্দ্বাদশাঙ্গুলম্| কর্কন্ধুপ্রংবহং ছিদ্রং শ্রেষ্ঠমন্যদ্যথাবযঃ|| বিংশদ্বাদশষড্বর্ষে দ্বাদশাষ্টষডঙ্গুলম্| কর্কন্ধুকসতীনাগ্রমুদ্গছিদ্রবহং স্মৃতম্||" ইত্যাদি| মুনিরপ্যবোচত্ (চ. সি. অ. ৩|৬) - "ষড্দ্বাদশাষ্টাঙ্গুলসম্মিতানি ষড্বিংশতিদ্বাদশবর্ষজানাম্| স্যুর্মুদ্গকর্কন্ধুসতীনবাহিচ্ছিদ্রাণি বর্ত্যা পিহিতানি চৈব|| যথাবযোঽঙ্গুষ্ঠকনিষ্ঠিকাভ্যাং মূলাগ্রযোঃ স্যুঃ পরিণাহবন্তি|" ইতি|

Adhikarana yantracchidrapramANam (13-14) · Śloka 14

অধুনা ছিদ্রদ্বারেণ নেত্রস্থৌল্যপ্রমাণমধিকমপি দর্শযন্নাহ - - - - পূর্ণেঽব্দেঽঙ্গুলমাদায তদর্দ্ধার্দ্ধপ্রবর্দ্ধিতম্| ত্র্যঙ্গুলং পরমং ছিদ্রং মূলেঽগ্রে বহতে তু যত্||১৩|| মুদ্গং মাষং কলাযং চ ক্লিন্নং কর্কন্ধুকং ক্রমাত্| |১৪|

স০-বর্ষে পূর্ণে সত্যঙ্গুলমাদায স্বাঙ্গুলাত্প্রভৃতি ক্রমেণ ত্র্যঙ্গুলং ছিদ্রং মূলে নেত্রস্য ভবতি| কিম্ভূতং ছিদ্রম্ ? অর্দ্ধস্যার্দ্ধমর্দ্ধার্দ্ধম্| তস্য-অঙ্গুলস্যার্দ্ধার্দ্ধং তদর্দ্ধার্দ্ধম্, তেন প্রবর্দ্ধিতম্| তত্র প্রথমে বর্ষেঽঙ্গুলমাত্রং ছিদ্রম্, যাবদ্বর্ষাণি ষট্| সপ্তমে বর্ষে সপাদমঙ্গুলম্, যাবদেকাদশ বর্ষাণি| দ্বাদশে বর্ষে সার্দ্ধমঙ্গুলম্, যাবত্ষোডশ বর্ষাণি| ষোডশবর্ষস্য তু পাদোনমঙ্গুলদ্বযম্| সপ্তদশে বর্ষেঽঙ্গুলদ্বযম্| অষ্টাদশে বর্ষে সপাদমঙ্গুলদ্বযম্| একোনবিংশতিবর্ষস্য সার্দ্ধমঙ্গুলদ্বযম্| বিংশতিবর্ষস্য পাদোনমঙ্গুলত্রযম্| একবিংশতিবর্ষস্য ত্র্যঙ্গুলং ছিদ্রমিতি ক্রমো বেদ্যঃ| পরমমিত্যনেনৈতদ্গমযতি,-পরমং-উত্কর্ষমাশ্রিত্যেদং মূলচ্ছিদ্রম্| মধ্যমং তু মূলচ্ছিদ্রং "স্বাঙ্গুষ্ঠেন" ইত্যনেনোক্তম্| ঊনবর্ষস্য ত্বর্দ্ধাঙ্গুলং ছিদ্রমেতদপেক্ষযা কল্প্যম্| অগ্রে তু ছিদ্রং তদ্ভবতি যন্মুদ্গাদি বহতি| তত্র বার্ষিকস্য মুদ্গবাহি, যাবত্ষড্বর্ষম্| সপ্তবর্ষস্য মাষবাহি, যাবদেকাদশোঽব্দঃ| দ্বাদশবর্ষস্য কলাযবাহি, ষোডশবর্ষস্য ক্লিন্নকলাযবাহি, একবিংশতিবর্ষস্য কর্কন্ধুবাহি, ইতি ক্রমাদ্বযঃপ্রমাণম্| ঊনবর্ষস্য চ ন মুদ্গবাহি কল্প্যম্| অগ্রচ্ছিদ্রপ্রমাণং চৈতত্ "অগ্রে কনিষ্ঠযা" ইত্যত্রাপি সঙ্গচ্ছত এব| দৈর্ঘ্যপ্রমাণং চাত্র পক্ষে পূর্বমেব যোজ্যম্| "স্বাঙ্গুষ্ঠেন সমং মূলে স্থৌল্যেন" ইত্যনেন (ইত্যত্র) ছিদ্রপ্রমাণং স্বমত্যা ভিষজা প্রকল্প্যম্| তথা, "ত্র্যঙ্গুলং পরমং ছিদ্রং" ইত্যত্র চ স্থৌল্যপ্রমাণং স্বধিযৈব নিরূপ্যম্| তন্ত্রকৃতা তু গ্রন্থগৌরবভযাদুক্তপ্রাযত্বাচ্চেহ নোক্তম্|

Adhikarana yantraprAnte karNikAsthApanam, yantrAgracchidraM vartyA pidheyam, karNikAdvayamadhye dvya~ggulamantaram (14-15) · Śloka 15

| মূলাচ্ছিদ্রপ্রমাণেন প্রান্তে ঘটিতকর্ণিকম্||১৪|| বর্ত্যাঽগ্রে পিহিতং, মূলে যথাস্বং হ্যঙ্গুলান্তরম্| কর্ণিকাদ্বিতযং নেত্রে কুর্যাত্|১৫|

স০-মূলে যচ্ছিদ্রমুক্তং তত্প্রমাণেন প্রান্তে ঘটিতা-সম্পাদিতা, কর্ণিকা-ছত্রাকারা গুদাধিকান্তঃপ্রবেশরোধিনী, যস্মিংস্তদেবম্| তথা, বর্ত্যা-দশাদিকৃতযা, প্রান্তে (অগ্রে) পিহিতং-স্থগিতম্| যথাস্বং-ঊনবর্ষাদিকস্য তদঙ্গুলপ্রমাণেন, দ্ব্যঙ্গুলান্তরং কর্ণিকাযুগলং মূলপ্রদেশে নেত্রে বিদধীত বস্তিপুটযোজনার্থম্|

Adhikarana karNikAdvaye bastibandhanam (15-17) · Śloka 17

অত এবাহ - - - - | তত্র চ যোজযেত্||১৫|| অজাবিমহিষাদীনাং বস্তিং সুমৃদিতং দৃঢম্| কষাযরক্তং নিশ্ছিদ্রগ্রন্থিগন্ধশিরং তনুম্||১৬|| গ্রথিতং সাধু সূত্রেণ সুখসংস্থাপ্যভেষজম্| |১৭|

স০-তস্মিংশ্চ কর্ণিকাদ্বিতযেঽজাদীনাং বস্তিং যোজযেত্| আদিশব্দেন গোহরিণবরাহাণাং গ্রহণম্| অজাদীনামিত্যেবং নির্দেশেঽপ্যবিমহিষগ্রহণে লব্ধে সাক্ষাদেতযোর্গ্রহণমন্যজেভ্যো বস্তিভ্য এতদ্বস্তের্যোগ্যতরত্বপ্রতিপাদনার্থম্| কিম্ভূতং বস্তিম্ ? সুমৃদিতং,-সস্নেহং মুহুঃ সুষ্ঠু মর্দিতম্| তথা, দৃঢম্| তথা কষাযেণ-হরীতক্যাদিনা, রক্তম্| তথা, ছিদ্রং চ গ্রন্থিশ্চ গন্ধশ্চ শিরশ্চ, তাঃ নির্গতাঃ-ন সন্তি, যস্য তন্নিশ্ছিদ্রগ্রন্থিগন্ধশিরম্| তথা, তনুং-ন স্থূলম্| তথা, সাধু-সম্যক্, সূত্রেণ গ্রথিতং-বদ্ধম্| তথা, সুখেন-অকৃচ্ছ্রেণ, সংস্থাপনীযমৌষধং যত্র তদেবম্|

Adhikarana tadalAbhe caritArthatA (17) · Śloka 17

| বস্ত্যভাবেঽঙ্কপাদং বান্যসেদ্বাসোঽথবা ঘনম্||১৭||

স০-বস্তেরভাবে সতি, অঙ্কপাদং বা-চরণাদ্যবযববিশেষং বা, ন্যসেত্-নেত্রে যোজযেত্| অথবা, বস্ত্রং ঘনং ন্যসেত্|

Adhikarana nirUhauShadhamAtrA (18-19) · Śloka 19

নিরূহমাত্রা প্রথমে প্রকুঞ্চো বত্সরে পরম্| প্রকুঞ্চবৃদ্ধিঃ প্রত্যব্দং যাবত্ষট্প্রসৃতাস্ততঃ||১৮|| প্রসৃতং বর্দ্ধযেদূর্ধ্বং দ্বাদশাষ্টাদশস্য তু| আসপ্ততেরিদং মানং, দশৈব প্রসৃতাঃ পরম্||১৯||

স০-নিরূহস্য মাত্রা প্রথমে বর্ষে কষাযস্নেহসহিতস্য প্রকুঞ্চঃ-পলপ্রমাণম্| ষণ্মাসাদৌ ত্বেতদনুসারেণার্ধপলাদি কল্প্যম্| বর্ষাত্পরং প্রকুঞ্হ্চেন বৃদ্ধিঃ প্রতিসংবত্সরং কার্যা, যাবত্ ষট্প্রসৃতাঃ-দ্বাদশ পলানি| তত ঊর্ধ্বং প্রসৃতং বর্দ্ধযেত্| প্রত্যব্দমিত্যনুবর্ততে| ততো দ্বাদশবর্ষস্যৈবং দ্বাদশ পলানি| অনন্তরং ত্রযোদশবর্ষাদিষু প্রতিবর্ষং পলদ্বযং নিরূহমাত্রাযা বর্দ্ধযিতব্যং ক্রমেণৈব যাবত্সপ্তদশবর্ষাণি| অষ্টাদশবর্ষস্য তু দ্বাদশ প্রসৃতাঃ-চতুর্বিংশতিপলানি| ইদং-এতত্, মানং-প্রমাণং, সপ্ততিবর্ষাণি যাবত্| পরং-সপ্ততেরূর্ধ্বং, দশৈব প্রসৃতা মানম্, নাধিকম্|

Adhikarana anuvAsanauShadhamAtrA (20) · Śloka 20

এবং সাংবত্সরীকাদারভ্য যাবদ্বর্ষশতিকস্তাবন্নিরূহমাত্রামভিধায, অনুবাসনমাত্রামধিকৃত্যাহ - - - - যথাযথং নিরূহস্য পাদো মাত্রাঽনুবাসনে| |২০|

স০-যথাযথং-যথাস্বং বার্ষিকস্যৈকবিংশতিবত্সরাদের্বা, নিরূহস্য পাদঃ-চতুর্ভাগমাত্রঃ, অনুবাসনে-অনুবাসনবিষযে, মাত্রা| যস্য পলং নিরূহস্তস্য কর্ষপ্রমাণমনুবাসনমিত্যর্থঃ| এবং সর্বত্র কল্প্যম্|

Adhikarana nirUhyasyAnuvAsanam, anuvAsanakAlaH, anuvasanIyasya pUrvakartavyam (20-24) · Śloka 24

| আস্থাপ্যং স্নেহিতং স্বিন্নং শুদ্ধং লব্ধবলং পুনঃ||২০|| অন্বাসনার্হং বিজ্ঞায পূর্বমেবানুবাসযেত্| শীতে বসন্তে চ দিবা রাত্রৌ কেচিত্ততোঽন্যদা||২১|| অভ্যক্তস্নাতমুচিতাত্পাদহীনং হিতং লঘু| অস্নিগ্ধরূক্ষমশিতং সানুপানং দ্রবাদি চ||২২|| কৃতচঙ্ক্রমণং মুক্তবিণ্মূত্রং শযনে সুখে| নাত্যুচ্ছ্রিতে ন চোচ্ছীর্ষে সংবিষ্টং বামপার্শ্বতঃ||২৩|| সঙ্কোচ্য দক্ষিণং সক্থি প্রসার্য চ ততোঽপরম্| |২৪|

স০-আস্থাপ্যং-নিরূহণার্হং, স্নিগ্ধং, তথা স্বিন্নং, তথা শুদ্ধং-ঊর্ধ্বাধঃ, তথা ভূযোঽপি লব্ধবলং, তথাঽনুবাসনযোগ্যং, বিদিত্বা পূর্বমেব নিরূহাদনুবাসযেত্| শীতে-হেমন্তশিশিরযোঃ ঋত্বোঃ, তথা বসন্তে, দিবাঽনুবাসযেত্| অন্যদা-শীতাদ্বসন্তাচ্চান্যস্মিন্ গ্রীষ্মপ্রাবৃট্শরদাখ্যে ঋতৌ, রাত্রাবনুবাসযেত্| কেচিদিতি ভিন্নক্রমঃ, ততোঽন্যদেত্যতোঽনন্তরং দ্রষ্টব্যম্| ইতি কেচিত্ "আহুঃ" ইতি বাক্যশেষঃ| ধান্বন্তরাস্তু সর্বথৈব রাত্রাবনুবাসনং নেচ্ছন্তি| ধন্বন্তরিমতমেবোররীকৃত্য সঙ্গ্রহেঽধিজগে (সূ. অ. ২৮)- "ন রাত্রৌ প্রণযেদ্বস্তিং দোষোত্ক্লেশো হি রাত্রিজঃ| স্নেহবীর্যযুতঃ কুর্যাদাধ্মানং গৌরবং জ্বরম্||" ইতি| তদেতদ্দেশান্তরাদিবশাত্ প্রমাণযিতব্যম্| কিম্ভূতং নরম্ ? অভ্যক্তস্নাতং,-পূর্বমভ্যক্তঃ পশ্চাত্স্নাতঃ, তম্| পূর্বকালেতি সমাসঃ| উচিতাত্পাদহীনং-যেন যদ্ভোজনমভ্যস্তং তস্মাচ্চতুর্থভাগহীনমশিতম্| তথা, হিতং-লঘুগুণযুক্তম্| তথা, কিঞ্চিত্ স্নিগ্ধরূক্ষম্| তথা, সানুপানং দ্রবাদি চ| আদিশব্দেন দ্রবোষ্ণমনভিষ্যন্দীত্যাদিবিশিষ্টং ভুক্তবন্তমিতি গমযতি| উক্তং চ সঙ্গ্রহে (সূ. অ. ২৮)- "অতিস্নিগ্ধাশিনো হ্যুভযমার্গসংসর্গাত্ স্নেহো মদমূর্চ্ছাগ্নিসাদহৃল্লাসাদীন্ জনযতি| রূক্ষাশিনো বিষ্টম্ভং বলবর্ণহানিং চ| অল্পমাত্রদ্রবাশিনো বিসৃষ্টবিণ্মূত্রস্য চানাবৃতো ন তদাবরণাদ্ব্যাপদম্|" ইতি| কিম্ভূতম্ ? কৃতচঙ্ক্রমণং-বিহিতগমনমাত্রম্| তথা, ব্যক্তমূত্রপুরীষম্| তথা, শযনে-শযনীযে, সুখাবহে সংবিষ্টং-স্থিতম্| কিম্ভূতে ? নাত্যুচ্ছ্রিতে,-নাত্যুন্নতে, ন চোচ্ছীর্ষে-ন চোন্নতশিরোধরে| কথং সংবিষ্টম্ ? বামপার্শ্বতঃ,-বামপার্শ্বেন| সঙ্কোচ্য দক্ষিণং সক্থি বামসক্থ্ন উপরীতি বৃদ্ধবৈদ্যাঃ| ততো-দক্ষিণসক্থ্নঃ, অপরং-বামং সক্থি, প্রসার্য| সঙ্গ্রহে চোক্তম্ (সূ. অ. ২৮) - "শযনে নাত্যুচ্ছ্রিতে স্বাস্তৃত ঈষদুন্নতপাদদেশে বামপার্শ্বেন প্রাক্ঽঽশিরসং সংবেশযেত্|" ইতি|

Adhikarana anuvAsane vaidyakRutyam (24-26) · Śloka 26

| অথাস্য নেত্রং প্রণযেত্স্নিগ্ধে স্নিগ্ধমুখং গুদে||২৪|| উচ্ছ্বাস্য বস্তের্বদনে বদ্ধে হস্তমকম্পযন্| পৃষ্ঠবংশং প্রতি ততো নাতিদ্রুতবিলম্বিতম্||২৫|| নাতিবেগং ন বা মন্দং সকৃদেব প্রপীডযেত্| সাবশেষং চ কুর্বীত বাযুঃ শেষে হি তিষ্ঠতি||২৬||

স০-অস্য-এবংভূতাবস্থস্যাতুরস্য, গুদে স্নিগ্ধে ঘৃতেন কৃতে নেত্রং [ স্নিগ্ধপ্রান্তং প্রণযেত্| ] বস্তের্বদন উচ্ছ্বাস্য-বাতং নিঃসার্য, বদ্ধে সতি, নাতিশীঘ্রং, নাতিবিলম্বিতং, নাতিবেগেন, ন চ মন্দং কৃত্বা, তথা পৃষ্ঠবংশাভিমুখমেকবারমেব নেত্রং প্রপীডযেত্| কথং প্রপীডযেত্ ? হস্তমকম্পযন্| অতিদ্রুতাদিপীডনদোষা বস্তিব্যাপত্সিদ্ধৌ (হৃ. ক. অ. ৫) বক্ষ্যমাণাঃ| সাবশেষং চ স্নেহং কুর্বীত| কুতো হেতোঃ ? ইত্যাহ-যস্মাত্ শেষে স্নেহে বাযুস্তিষ্ঠতি|

Adhikarana vaidyakRutyasya phalam, shIghranivRuttau punaranuvAsanam (27-29) · Śloka 29

দত্তে তূত্তানদেহস্য পাণিনা তাডযেত্স্ফিজৌ| তত্পার্ষ্ণিভ্যাং তথা শয্যাং পাদতশ্চ ত্রিরুত্ক্ষিপেত্||২৭|| ততঃ প্রসারিতাঙ্হ্গস্য সোপধানস্য পার্ষ্ণিকে| আহন্যান্মুষ্টিনাঽঙ্হ্গং চ স্নেহেনাভ্যজ্য মর্দযেত্||২৮|| বেদনার্তমিতি স্নেহো ন হি শীঘ্রং নিবর্ততে| যোজ্যঃ শীঘ্রং নিবৃত্তেঽন্যঃ স্নেহোঽতিষ্ঠন্নকার্যকৃত্||২৯||

স০-দত্তে চ বস্তিস্নেহে সতি, উত্তানগাত্রস্য তু তস্য স্ফিজৌ হস্তেনাহন্যাত্| তথা-তেনৈব প্রকারেণ, তত্পার্ষ্ণিভ্যাং স্ফিজৌ তাডযেত্| শয্যাং-খট্বাং চ, পাদতঃ-চরণদেশাত্, ত্রীন্ বারানুত্ক্ষিপেত্, ন তু মূর্ধতঃ| ততঃ-শয্যোত্ক্ষেপাদনন্তরং, প্রসারিতশরীরস্য দত্তগণ্ডুকস্য পার্ষ্ণিকে-পার্ষ্ণী, মৃষ্ট্যাঽঽহন্যাত্| অঙ্গং-শরীরং চ, স্নেহেন-তৈলাদিনা, অভ্যজ্য মর্দযেত্| কিমেবং ক্রিযতে ? ইত্যাহ-অঙ্গং বেদনার্তং-পীডাতুরং, ইতি-হেতোর্যস্মাদাশু স্নেহো ন নিবর্ততে| শীঘ্রমপযাতে চ স্নেহে সত্যপরঃ স্নেহো দেযঃ| কস্মাদেবং বিধীযতে ? ইত্যাহ-স্নেহঃ শরীরাভ্যন্তরেঽতিষ্ঠন্ নৈব কার্যকৃত্-ন স্নেহনে সমর্থ ইত্যর্থঃ|

Adhikarana mandAgnimanAgatasnehaM ca sAyaM na bhojayet (30) · Śloka 30

দীপ্তাগ্নিং ত্বাগতস্নেহং সাযাস্নে ভোজযেল্লঘু| |৩০|

স০-দীপ্তাগ্নিং তু পুরুষং নিবৃত্তস্নেহং সন্তং [ সাযাহ্নে ] লঘু-মাত্রযা স্বভাবতশ্চ, আশযেত্|

Adhikarana anuvAsanasya nivRuttikAlaH, anivRuttau upekShA pratIkArashca (30-31) · Śloka 31

| নিবৃত্তিকালঃ পরমস্ত্রযো যামাস্ততঃ পরম্||৩০|| অহোরাত্রমুপেক্ষেত, পরতঃ ফলবর্তিভিঃ| তীক্ষ্ণৈর্বা বস্তিভিঃ কুর্যাদ্যত্নং স্নেহনিবৃত্তযে||৩১||

স০-স্নেহস্য ত্রযঃ প্রহরাঃ পরো নিবৃত্তিকালঃ| ততঃ-প্রহরত্রযাত্ পরতো, রাত্রিংদিবমুপেক্ষেত-ন তদাকৃষ্টৌ যত্নং কুর্যাত্| পরতঃ-অহোরাত্রাত্, ফলবর্তিভিঃ-অর্শশ্চিকিত্সিতোক্তাভিঃ, অথবা তীক্ষ্ণৈর্বস্তিকল্পোক্তৈর্বস্তিভিঃ স্নেহাগমনার্থং যতেত|

Adhikarana pratIkArasyApavAdaH, snehasheShapAkArthamauShadham (32-33) · Śloka 33

অতিরৌক্ষ্যাদনাগচ্ছন্ন চেজ্জাড্যাদিদোষকৃত্| উপেক্ষেতৈব হি ততোঽধ্যুষিতশ্চ নিশাং পিবেত্||৩২|| প্রাতর্নাগরধান্যাম্ভঃ কোষ্ণং, কেবলমেব বা| |৩৩|

স০-অতিরৌক্ষ্যাদনাগচ্ছন্ স্নেহো যদি জাড্যাগ্নিসাদাদিদোষান্ন বিধত্তে, তত উপেক্ষেতৈব-ন তন্নিষ্কাসনে যতেতেত্যর্থঃ| অধ্যুষিতো রাত্রিং যদি স্নেহস্ততঃ পরিণতত্বাত্ রসাদিধাতুসমতাং গতঃ প্রাতঃ-প্রভাতে, শুণ্ঠীধান্যকাম্বু কদুষ্ণং পিবেত্| কেবলমেব বা-নগরধান্যকরহিতং, কোষ্ণং জলং পিবেত্|

Adhikarana punaranuvAsanasya kAlaH (33-34) · Śloka 34

| অন্বাসযেত্তৃতীযেঽহ্নি পঞ্চমে বা পুনশ্চ তম্||৩৩|| যথা বা স্নেহপক্তিঃ স্যাদতোঽত্যুল্বণমারুতান্| ব্যাযামনিত্যান্ দীপ্তাগ্নীন্ রূক্ষাংশ্চ প্রতিবাসরম্||৩৪||

স০-তমাতুরং ভূযস্তৃতীযে দিবসে পঞ্চমে বাঽনুবাসযেত্| অথবা যথা স্নেহপাকো ভবেদিত্যগ্ন্যপেক্ষযা সপ্তরাত্রেঽধিকে ন্যূনে বা ত্রিরাত্রে বা যথাযোগমনুবাসযেত্| অতঃ-অস্মাদেব হেতোঃ, অধিকপবনান্ ব্যাযামশীলান্ পটুতরদহনান্ রূক্ষাংশ্চ পুরুষান্ প্রত্যহমনুবাসযেত্|

Adhikarana anuvasanAnantaraM nirUhaH, anuvAsanaM vinaiva niruhaH (35) · Śloka 35

ইতি স্নেহৈস্ত্রিচতুরৈঃ স্নিগ্ধে স্রোতোবিশুদ্ধযে| নিরূহং শোধনং যুঞ্জ্যাদস্নিগ্ধে স্নেহনং তনোঃ||৩৫||

স০-ইতি-পূর্বোক্তেন প্রকারেণ, স্নেহৈস্ত্রিভিশ্চতুর্ভির্বা স্নিগ্ধে সতি স্রোতোবিশোধনার্থং নিরূহং শোধনং প্রযোজযেত্| অস্নিগ্ধে সতি তনোঃ-শরীরস্য, স্নেহনং প্রযোজযেত্| ত্রযো বা চত্বারো বা ত্রিচতুরাঃ| সঙ্খ্যযাব্যযেতি সমাসঃ| চতুরোঽচ্প্রকরণে ত্র্যুপাভ্যামুপসঙ্খ্যানমিত্যচ্ সমাসান্তঃ|

Adhikarana nirUhavidhiH (36-38) · Śloka 38

পঞ্চমেঽথ তৃতীযে বা দিবসে সাধকে শুভে| মধ্যাহ্নে কিঞ্চিদাবৃত্তে প্রযুক্তে বলিমঙ্গলে||৩৬|| অভ্যক্তস্বেদিতোত্সৃষ্টমলং নাতিবুভুক্ষিতম্| অবেক্ষ্য পুরুষং দোষভেষজাদীনি চাদরাত্||৩৭|| বস্তিং প্রকল্পযেদ্বৈদ্যস্তদ্বিদ্যৈর্বহুভিঃ সহ| |৩৮|

স০-অথ-অনুবাসনাদনন্তরং, পঞ্চমে তৃতীযে বা বাসরে মধ্যাহ্নে কিঞ্চিত্-মনাক্, আবৃত্তে-অতিক্রান্তে, তথা বলিমঙ্গলে বিহিতে সতি, পুরুষং কৃতাভ্যক্তস্বেদিতং ত্যক্তমলং কিঞ্চিদ্বুভুক্ষিতং তথা প্রকৃত্যাদিভির্জ্ঞাত্বা দোষাদীনি বিদিত্বা| আদিশব্দেন সাত্ম্যবলাদিপরিগ্রহঃ| ইত্যেবং সর্বমবগম্য বৈদ্যো বস্তিং প্রকল্পযেত্| ননু, "দূষ্যং দেশং" (হৃ. সূ. অ. ১২|৬৭) ইত্যাদিনা সর্বমুক্তমেবৈতত্| তত্কিমনেন ? ইতি| ব্রূমঃ| নিরূহমপি সাপাযং পশ্যতেতদাচার্যেণ পুনরুক্তম্| দূষ্যদেশাদিমহতা যত্নেনালোচনীযমিতি প্রতিপাদনার্থম্| "নিরূহমাত্রা প্রথমে" ইত্যাদি চ সর্বমত্রালোচ্যম্| কথং প্রকল্পযেত্ ? ইত্যাহ-তদ্বিদ্যৈঃ-বৈদ্যকশাশ্ত্রজ্ঞৈর্বহুভিঃ সহ-সার্দ্ধম্|

Adhikarana nirUhadravyANAM mAtrA (38-41) · Śloka 41

অথ নিরূহকল্পনামাহ - - - - | ক্বাথযেদ্বিংশতিপলং দ্রব্যস্যাষ্টৌ ফলানি চ||৩৮|| ততঃ ক্বাথাচ্চতুর্থাংশং স্নেহং বাতে প্রকল্পযেত্| পিত্তে স্বস্থে চ ষষ্ঠাংশমষ্টমাংশং কফেঽধিকে||৩৯|| সর্বত্র চাষ্টমং ভাগং কল্কাদ্ভবতি বা যথা| নাস্যচ্ছসান্দ্রতা বস্তেঃ পলমাত্রং গুডস্য চ||৪০|| মধুপট্বাদিশেষং চ যুক্ত্যা| |৪১|

স০-দ্রব্যস্য-বস্তিকল্পোক্তস্য, নিরূহকল্পনার্থং বিংশতিপলানি, তথাঽষ্টৌ ফলানি-মদনফলানি, সামান্যপরিভাষযা ষোডশগুণং জলং দত্ত্বা ক্বাথযেত্| চতুর্ভাগাবশেষশ্চ গ্রাহ্যঃ| ততঃ-তস্মাদেবংকৃতাত্, ক্বাথাচ্চতুর্থাংশং স্নেহং বাতে প্রকল্পযেত্| দ্বাদশপ্রসৃতো হি নিরূহঃ| তত্র স্নেহং ষট্পলিকং কল্পযেদিত্যর্থঃ| পিত্তেঽধিকে স্বস্থে চ পুরুষে ষষ্ঠাংশং স্নেহং-চতুষ্পলিকং, প্রকল্পযেদিতি প্রকৃতম্| কফেঽধিকে অষ্টমাংশং স্নেহং-ত্রিপলিকং, প্রকল্পযেত্| ননু, স্বস্থস্য দোষচালনং প্রতিষিদ্ধং তন্ত্রান্তরীযৈঃ| তদ্গ্রন্থো হি-"যো হি সঞ্চালযেত্সুপ্তং বনে সিংহং করাদিভিঃ| স দোষাংশ্চালযেত্ স্বস্থান্ প্রচ্ছর্দনবিরেচনৈঃ||" ইতি| তস্মাত্ স্বস্থবৃত্তে নিরূহকল্পনা ন যুক্তেতি| তদেতদসত্| যস্মাত্ প্রাগভিহিতম্ (হৃ. সূ. অ. ৪|৩৫)- "শীতোদ্ভবং দোষচযং বসন্তে বিশোধযন্ গ্রীষ্মজমভ্রকালে| ঘনাত্যযে বার্ষিকমাশু সম্যক্ প্রাপ্নোতি রোগানৃতুজান্ন জাতু||" ইতি| তস্মাদাচার্যবচনাজ্জ্ঞাযতে স্বস্থবৃত্তেঽপি শুদ্ধিবিধানং সম্মতমিতি তন্ত্রকৃতঃ| তন্ত্রান্তরীযং মতং ত্বসদেব, শিষ্টব্যবহারবিরুদ্ধত্বাত্| সর্বত্র-বাতে পিত্তে কফে স্বস্থে চ, কল্কাত্-পেষ্যদ্রব্যাত্, অষ্টমং ভাগং-ত্রীণি পলানি, কল্পযেত্| ভবতি বেত্যাদি| যথা বা বস্তিরত্যচ্ছোঽতিসান্দ্রো-অতিঘনো [ বা ] ন ভবতি তথা কল্কঃ কল্পযিতব্যঃ| পলমাত্রং গুডস্য চেতি পলান্নাধিকোন ইতি জ্ঞাপনার্থং মাত্রগ্রহণম্| মধুপট্বাদিশেষং চ যুক্ত্যা প্রকল্পযেত্| তত্রেযং যুক্তিঃ,-মাক্ষিকস্য পলচতুষ্টযং সৈন্ধবস্য চ কর্ষঃ, আদিগ্রহণাত্ ক্বচিদ্যবক্ষারস্য কর্ষঃ, তথা মাংসরসসুরাসবসুক্তক্ষীরকাঞ্জিকানাং গ্রহণম্|

Adhikarana nirUhadravyANAM saMskAraH (41-43) · Śloka 43

সর্বং তদেকতঃ| উষ্ণাম্বুকুম্ভীবাষ্পেণ তপ্তং খজসমাহতম্||৪১|| প্রক্ষিপ্য বস্তৌ প্রণযেত্পাযৌ নাত্যুষ্ণশীতলম্| নাতিস্নিগ্ধং ন বা রূক্ষং নাতিতীক্ষ্ণং ন বা মৃদু||৪২|| নাত্যচ্ছসান্দ্রং নোনাতিমাত্রং নাপটু নাতি চ| লবণং তদ্বদম্লং চ|৪৩|

স০-তত্-এতত্, সর্বমৌষধমেকতঃ-একস্মিন্ কৃত্বা, ভেষজপাকাতিক্রান্তিপরিহারার্থমুষ্ণাম্বুকুম্ভীবাষ্পেণ তপ্তং, খজেন-দধ্যাহননকাষ্ঠেন, সমাহতং-আলোডিতং, তথা "ব্রহ্মদক্ষ" ইত্যাদিনা চাভিমন্ত্রিতং, বস্তৌ প্রক্ষিপ্য পাযৌ-গুদে, প্রণযেত্| নাত্যুষ্ণং, নাতিশীতলং, নাতিস্নিগ্ধং, ন বা রূক্ষং, নাতিতীক্ষ্ণং, ন বা মৃদু, নাত্যচ্ছং নাতিসান্দ্রং-নাতিঘনং, নোনমাত্রং, ন চাতিমাত্রং, নাপটু-নালবণং, নাতিলবণং, তদ্বদম্লং চেতি নানম্লং, নাত্যম্লম্| অতিশব্দপ্রযোগাদত্র মধ্যমাবস্থানুগমঃ|

Adhikarana matAntareNa svasthaviShayaM mAnam (43-45) · Śloka 45

সাম্প্রতমন্যমতমভিধত্তে - - - - পঠন্ত্যন্যে তু তদ্বিদঃ||৪৩|| মাত্রাং ত্রিপলিকাং কৃর্যাত্স্নেহমাক্ষিকযোঃ পৃথক্| কর্ষার্দ্ধং মাণিমন্থস্য স্বস্থে কল্কপলদ্বযম্||৪৪|| সর্বদ্রবাণাং শেষাণাং পলানি দশ কল্পযেত্| |৪৫|

স০-তদ্বিদো-বস্তিবিদঃ, এবং পঠন্তি| যথা,-"মাত্রাং ত্রিপলিকাং কুর্যাত্ " ইত্যাদি|

Adhikarana nirUhadravyANAM melanakramaH (45-46) · Śloka 46

সম্প্রতি নিরূহাবযবানাং মাক্ষিকাদীনাং সংযোজনবিধিমাহ - - - - | মাক্ষিকং লবণং স্নেহং কল্কং ক্বাথমিতি ক্রমাত্||৪৫|| আবপেত নিরূহাণামেষ সংযোজনে বিধিঃ| |৪৬|

স০-মাক্ষিকাদি ক্রমাত্ আবপেত-মর্দযিত্বা মিশ্রযেত্| কুণ্ডকে মাক্ষিকং প্রথমং প্রক্ষিপ্য মর্দযেত্| ততস্তত্রৈব লবণং ক্ষিপ্ত্বা মেলযেত্| এবং স্নেহং, ততোঽনু কল্কং, ততঃ ক্বাথং, ইতি-অনেন, ক্রমেণ মিশ্রযেদিত্যর্থঃ| এবং যোজিতানি দ্রব্যাণি সমরসতাং যান্তি| সমরসভাবেন চ নিরূহস্য সম্যগ্যোগো ভবতি| নিরূহাণাং সংযোজনে-মিশ্রণে, এষ বিধিঃ-এতদ্বিধানম্|

Adhikarana datte nirUhe rogiNaH kRutyam (46-47) · Śloka 47

| উত্তানো দত্তমাত্রে তু নিরূহে তন্মনা ভবেত্||৪৬|| কৃতোপধানঃ সঞ্জাতবেগশ্চোত্কটকঃ সৃজেত্| |৪৭|

স০-নিরূহে দত্তমাত্রে সতি উত্তানঃ সন্ তন্মনাঃ-নিরূহবেগে দত্তাবধানঃ, তথা কৃতোপধানঃ সন্ তিষ্ঠেত্| সমুদ্ভূতবেগশ্চোত্কটকঃ সন্ ত্যজেত্ 'বেগং' ইতি শেষঃ|

Adhikarana nirUhasya nivRuttikAlaH, anivRuttau pratIkAraH (47-49) · Śloka 49

| আগতৌ পরমঃ কালো মুহূর্তো মৃত্যবে পরম্||৪৭|| তত্রানুলোমিকং স্নেহক্ষারমূত্রাম্লকল্পিতম্| ত্বরিতং স্নিগ্ধতীক্ষ্ণোষ্ণং বস্তিমন্যং প্রপীডযেত্||৪৮|| বিদদ্যাত্ফলবর্তিং বা স্বেদনোত্রাসনাদি চ| |৪৯|

স০-আগতৌ-প্রত্যাগমনে, কালঃ পরমো মুহূর্তঃ| অপরঃ-তস্মান্মুহূর্তাদন্যো, বিস্রব্ধাগমনকালো মৃত্যবে-মরণায| তত্র-তস্মিন্ মুহূর্তাত্পরমনাগমনে নিরূহস্য, ত্বরিতমপরং বস্তিং-নিরূহং, প্রপীডযেদিতি সম্বন্ধঃ| কিম্ভূতং নিরূহম্ ? আনুলোমিকং-অনুলোমকরম্| স্নেহঃ, তথা ক্ষারো-যবক্ষারাদিঃ, তথা মূত্রং-গোমূত্রং, অম্লং-কাঞ্জিকাদি, তৈঃ কল্পিতং-নিরূপিতম্| তথা, স্নিগ্ধং তীক্ষ্ণমুষ্ণং চ| স্নেহযোগাদেব স্নিগ্ধত্বে সিদ্ধে স্নিগ্ধগ্রহণং নিরূহস্য স্নিগ্ধেতরত্বপ্রতিপাদনার্থম্| আনুলোমিকমিতি "অধ্যাত্মাদিত্বাত্" ঠঞ্| অথবা ফলবর্তিং বিদদ্যাত্| ফলেন-মদনফলেন যুক্তা বর্তিঃ| সা চার্শশ্চিকিত্সিতে (হৃ. চি. অ. ৮|১৩৭) বক্ষ্যমাণা| স্বেদনোত্ত্রাসনাদি চ| স্বেদনং-স্বেদঃ| উত্ত্রাসনং-খড্গহস্তযোধদর্শনাদিনা কুপিতনৃপচ্ছদ্মখড্গব্যগ্রাগ্রবাহুদর্শনাকুলকরণাদি, কুর্যাত্|

Adhikarana asamyagyogAtpunaH punardAnam (49-50) · Śloka 50

| স্বযমেব নিবৃত্তে তু দ্বিতীযো বস্তিরিষ্যতে||৪৯|| তৃতীযোঽপি চতুর্থোঽপি যাবদ্বা সুনিরূঢতা| |৫০|

স০-স্বযমেব-ফলবর্ত্যাদ্যাযাসং বিনাঽপি, নিবৃত্তে নিরূহে সতি দ্বিতীযো বস্তিঃ-নিরূহঃ, ইষ্যতে| যত্নবিশেষেণ তু নিরূহে নিবৃত্তে সতি নান্যং বস্তিং প্রপীডযেত্, ইত্যুক্তং ভবতি| তৃতীযোঽপীত্যপিঃ সমুচ্চযে| এবং চতুর্থোঽপীতি| যাবদ্বেতি| পঞ্চমাদযোঽপি বস্তযো দেযাঃ, যাবত্ সম্যঙ্নিরূঢত্বং স্যাত্|

Adhikarana samyagyogAdilakShaNam (50) · Śloka 50

কানি পুনঃ সম্যঙ্নিরূঢলিঙ্গানি ? ইত্যাহ - - - - | বিরিক্তবচ্চ যোগাদীন্বিদ্যাত্|৫০|

স০-নিরূহে বিরিক্ত ইব যোগাদীন্ বিদ্যাত্| তত্র চোক্তম্- (হৃ. সূ. অ. ১৮|৩৮) - "হৃত্কুক্ষ্যশুদ্ধিঃ" ইত্যারভ্য যাবত্ "ভবন্ত্যতিবিরিক্তস্য তথাঽতিবমনামযাঃ|" ইতি|

Adhikarana samyagyoge snAnaM bhojanaM ca (50-51) · Śloka 51

| যোগে তু ভোজযেত্||৫০|| কোষ্ণেন বারিণা স্নাতং তনুধন্বরসৌদনম্| |৫১|

স০-যোগে তু-নিরূহস্য সম্যগ্যোগে সতি, সুখোষ্ণজলস্নাতং সন্তং ভোজযেত্| কিম্ ? ধন্বরসৌদনম্, ধন্বরসো-জাঙ্গলরসশ্চৌদনং চ তদ্ধন্বরসৌদনম্| কিম্ভূতম্ ? তনু-অঘনম্| ননু, "যূষক্ষীররসৈঃ ক্রমাত্" ইতি (শ্লো. ৫৬) বক্ষ্যতি| তত্কথমিহেদমুপপদ্যতে ? ব্রূমঃ| বাতবিকারশমনার্থো হি নিরূহঃ প্রাযেণেষ্যতে| তস্মিংশ্চ রসকৌদনমেব পথ্যং শ্রেযঃ| অগ্রে চ দোষাপেক্ষযা পথ্যং বিশেষেণোপদেক্ষ্যতে| অতো নাত্র কিঞ্চিদনুপপন্নম্| ননু, দোষনির্হরণং বমনবিরেকাভ্যামিবানেন ক্রিযতে| তত্র চ যথা পেযাদিক্রমো যুক্তঃ, তথেহাপি যুক্তঃ স্যাত্| নৈবম্| বিরেকবমনাভ্যাং হি বহ্নিস্থানমাচ্ছাদ্যতে, তেনাগ্নিমান্দ্যং ভবতি| নিরূহস্তু নাভেরুর্ধ্বমগচ্ছন্নেব দোষনির্হরণং করোতি, তেন তত্র নাগ্নিমান্দ্যাপত্তিঃ| তস্মান্নাত্র পেযাদিক্রমঃ| অপি চ, বাতবিকারবিষযত্বাচ্চাত্র রসৌদনপ্রাযমেব পথ্যং যুক্তম্|

Adhikarana snAnabhojanayoH phalam (51-52) · Śloka 52

| বিকারা যে নিরূঢস্য ভবন্তি প্রচলৈর্মলৈঃ||৫১|| তে সুখোষ্ণাম্বুসিক্তস্য যান্তি ভুক্তবতঃ শমম্| |৫২|

স০-প্রকর্ষেণ চলৈর্দোষৈর্যে বিকারা ভবন্তি, তে কোষ্ণসলিলৈঃ স্নাতস্য কৃতভোজনস্য সতঃ শমং গচ্ছন্তি| অত এব তত্কার্যমিতি ভাবঃ|

Adhikarana vAtArditasya nirUhadina evAnuvAsanam (52) · Śloka 52

| অথ বাতার্দিতং ভূযঃ সদ্য এবানুবাসযেত্||৫২||

স০-অথ-নিরূহাদনন্তরং, বাতপীডিতং পুরুষং সদ্য এব-তস্মিন্নেব দিনে, অনুবাসযেত্|

Adhikarana anuvAsanasya samyagyogAdi lakShaNam (53) · Śloka 53

সম্যগ্ঘীনাতিযোগাশ্চ তস্য স্যুঃ স্নেহপীতবত্| |৫৩|

স০-তস্য-অনুবাসনস্য, স্নেহপীতস্যেব সম্যগ্যোগাদযঃ স্যুঃ| স্নেহপীতস্যেব স্নেহপীতবত্, ষষ্ঠ্যন্তাদ্বতিঃ| তত্র (হৃ. সূ. অ. ১৬|৩০)- "বাতানুলোম্যং" ইত্যাদি "ঘ্রাণবক্ত্রগুদস্রবাঃ" ইত্যন্তং স্নেহপানস্য সম্যগ্যোগাতিযোগলক্ষণম্|

Adhikarana visheShaM samyagyogalakShaNam (53-54) · Śloka 54

অন্যদপ্যনুবাসনস্য সম্যগ্যোগলক্ষণমাহ - - - - | কিঞ্চিত্কালং স্থিতো যশ্চ সপুরীষো নিবর্ততে||৫৩|| সানুলোমানিলঃ স্নেহস্তত্সিদ্ধমনুবাসনম্| |৫৪|

স০-চশব্দঃ পূর্বোক্তং সম্যগ্যোগলক্ষণং সমুচ্চিনোতি| কিঞ্চিত্-অল্পমাত্রং, কালং কোষ্ঠাভ্যন্তরে স্থিতঃ সন্ সবিট্কঃ সানুগুণপবনো নিবর্ততে-নিঃসরতি, যঃ স এবংভূতশ্চ স্নেহঃ, তত্সিদ্ধং-অভিমতকারি, অনুবাসনম্| উক্তং ব্যস্তং সমস্তং চেদং সিদ্ধানুবাসনলক্ষণম্|

Adhikarana anuvAsanAvRuttau doShabhedena sa~gkhyAniyamaH madhyemadhye nirUhaH (54-55) · Śloka 55

| একং ত্রীন্ বা বলাসে তু স্নেহবস্তীন্ প্রকল্পযেত্||৫৪|| পঞ্চ বা সপ্ত বা পিত্তে, নবৈকাদশ বাঽনিলে| পুনস্ততোঽপ্যযুগ্মাংস্তু পুনরাস্থাপনং ততঃ||৫৫||

স০-স্নেহবস্তীন্-অনুবাসনানি, একং ত্রীন্ বা শ্লেষ্মবিকারে প্রকল্পযেত্| কার্যে কারণোপচারাদেবমুক্তম্| এবমগ্রেঽপি চিন্ত্যম্| পিত্তে পঞ্চ স্নেহবস্তীনথবা সপ্ত দদ্যাত্| নব একাদশ বা বাযৌ দদ্যাত্| ততঃ পুনরপ্যযুগ্মান্-বিষমানেব, স্নেহবস্তীন্ দদ্যাত্| ততঃ পুনরপ্যাস্থাপনং দদ্যাত্| অযুগ্মবচনং চেদং বাহুল্যেনাযং ব্যবহারো যুক্ত ইতি প্রতিপাদযিতুম্| বাতোত্তরস্য তু যুগ্মা অপি দেযা এব| তথা চাধুনৈবাভ্যধাযি (শ্লো. ৩৪) - "অতোঽত্যুল্বণমারুতান্| ব্যাযামনিত্যান্ দীপ্তাগ্নীন্ রূক্ষাংশ্চ প্রতিবাসরম্||" ইতি|

Adhikarana atra doShabhedena yUShAdibhirbhojanam (56) · Śloka 56

কফপিত্তানিলেষ্বন্নং যূষক্ষীররসৈঃ ক্রমাত্| |৫৬|

স০-কৃতাস্থাপনস্য চ পথ্যং শ্লেষ্মপিত্তপবনেষু যথাসঙ্খ্যং যূষাদিভিঃ সহান্নমুপযোক্তব্যম্|

Adhikarana vAte nirUhaM prati visheShaH (56-57) · Śloka 57

| বাতঘ্নৌষধনিষ্ক্বাথত্রিবৃতাসৈন্ধবৈর্যুতঃ||৫৬|| বস্তিরেকোঽনিলে স্নিগ্ধঃ স্বাদ্বম্লোষ্ণো রসান্বিতঃ| |৫৭|

স০-বস্তিঃ-নিরূহঃ, [অনিলে-বাতবিষযে, বাতঘ্নৌষধানি-দশমূলাদীনি, তেষাং নিষ্ক্বাথঃ ত্রিবৃতাসৈন্ধবৈর্যুতঃ, তথা ] স্নিগ্ধো মধুরাম্লোষ্ণরসযুক্তঃ পবনে হিতঃ|

Adhikarana pitte nirUhaM prati visheShaH (57-58) · Śloka 58

| ন্যগ্রোধাদিগণক্বাথপদ্মকাদিসিতাযুতৌ||৫৭|| পিত্তে স্বাদুহিমৌ সাজ্যক্ষীরেক্ষুরসমাক্ষিকৌ| |৫৮|

স০-পিত্তে মধুরশিশিরৌ সঘৃতদুগ্ধেক্ষুরসমধূ দ্বৌ বস্তী হিতৌ|

Adhikarana kaphe nirUhaM prati visheShaH (58-59) · Śloka 59

| আরগ্বধাদিনিষ্ক্বাথবত্সকাদিযুতাস্ত্রযঃ||৫৮|| রূক্ষাঃ সক্ষৌদ্রগোমূত্রাস্তীক্ষ্ণোষ্ণকটুকাঃ কফে| |৫৯|

স০-তথা, আরগ্বধেন্দ্রযবেত্যাদিকষাযবত্সংকমূর্বেত্যাদিকষাযাভ্যাং (হৃ. সূ. অ. ১৫, শ্লো. ১৭ শ্লো. ৩৩) যুক্তা রূক্ষা মাক্ষিকগোমূত্রাভ্যাং সহিতাস্তীক্ষ্ণাদিগুণযুক্তাস্ত্রযো বস্তযঃ কফে হিতাঃ|

Adhikarana sannipAte ta eva trayaH (59) · Śloka 59

| ত্রযস্তে সন্নিপাতেঽপি দোষান্ ঘ্নন্তি যতঃ ক্রমাত্||৫৯||

স০-সন্নিপাতেঽপি ত্রয এব বস্তযো হিতাঃ| যস্মাত্তে দোষান্-ত্রীন্, ক্রমেণ পরাকুর্বন্তি|

Adhikarana uktaniyamasya matAntaratvam, na hi doShashcaturtho~asti (60) · Śloka 60

ত্রিভ্যঃ পরং বস্তিমতো নেচ্ছন্ত্যন্যে চিকিত্সকাঃ| ন হি দোষশ্চতুর্থোঽস্তি পুনর্দীযেত যং প্রতি||৬০||

স০-অত এব হেতোস্ত্রিভ্যো বস্তিভ্যঃ পরমপরে ভিষজো নিরূহং নেচ্ছন্তি| যতস্ত্রযো দোষাস্ত্রিভির্বস্তিভির্নিবর্তিতা ইতি| চতুর্থো দোষো ন বিদ্যতে, যং লক্ষীকৃত্য ভূযশ্চতুর্থঃ পুটকো দীযতে|

Adhikarana tribhyo nyUnatA~api na kAryA (61) · Śloka 61

উত্ক্লেশনং শুদ্ধিকরং দোষাণাং শমনং ক্রমাত্| ত্রিধৈব কল্পযেদ্বস্তিমিত্যন্যেঽপি প্রচক্ষতে||৬১||

স০-অন্যেঽপি বৈদ্যাস্ত্রিধৈব বস্তিং কল্পযেদিতি জগদুঃ| একং বস্তি দোষাণামুত্ক্লেশনম্, অন্যং দ্বিতীযং বস্তি দোষাণাং শুদ্ধিকরম্, অন্যং তৃতীযং বস্তি দোষাণাং শমনম্| ক্রমাদিতি অনযা যুক্ত্যা ত্রিবিধো বস্তিরিতি মন্যন্তে|

Adhikarana matayorviShayavyavasyA (62) · Śloka 62

| তত্র কিং ক্রিযতাম্ ? ইত্যাহ - - - -] দোষৌষধাদিবলতঃ সর্বমেতত্প্রমাণযেত্| |৬২|

স০-তদত্র দোষভেষজদেশসাত্ম্যাদিবশাত্ সর্বমপ্যেতত্ প্রমাণীকার্যম্|

Adhikarana svamatamAha (62) · Śloka 62

অথ সর্বমতানুগ্রাহি স্বমতমাহ - - - - | সম্যঙ্নিরূঢলিঙ্গং তু নাসম্ভাব্য নিবর্তযেত্||৬২||

স০-সম্যঙ্নিরূঢলক্ষণমসম্ভাব্য-অসম্পাদ্য, ন নিবর্তযেত্,-বস্তিদানং কারযেদেব|

Adhikarana karmabastiH (63) · Śloka 63

ইদানীং কর্মকালযোগাখ্যান্ বস্তিবিশেষানাহ - - - - প্রাক্স্নেহ একঃ পঞ্চান্তে দ্বাদশাস্থাপনানি চ| সান্বাসনানি কর্মৈবং বস্তযস্ত্রিংশদীরিতাঃ||৬৩||

স০-প্রাক্-পূর্বং, একঃ স্নেহবস্তিঃ| অন্তে-অবসানে, পঞ্চ স্নেহাঃ| তথা, নিরূহা দ্বাদশ সহানুবাসনাঃ| ইত্যেবং ত্রিংশদ্বস্তযঃ "কর্ম" ইতি গদিতাঃ|

Adhikarana kAlabastiH (64) · Śloka 64

কালঃ পঞ্চদশৈকোঽত্র প্রাক্ স্নেহোঽন্তে ত্রযস্তথা| ষট্ পঞ্চবস্ত্যন্তরিতাঃ|৬৪|

স০-পঞ্চদশ বস্তযঃ "কালঃ" উচ্যতে| কথম্ ? ইত্যাহ-একঃ পূর্বং স্নেহঃ| তথা, অন্তে ত্রযঃ স্নেহাঃ| তথা, ষট্ স্নেহাঃ পঞ্চভির্বস্তিভিরন্তরিতা ইতি|

Adhikarana yogabastiH (64-65) · Śloka 65

| যোগোঽষ্টৌ বস্তযোঽত্র তু||৬৪|| ত্রযো নিরূহাঃ স্নেহাশ্চ স্নেহাবাদ্যন্তযোরুভৌ| |৬৫|

স০-"যোগঃ" অষ্টৌ বস্তযঃ| কথম্ ? ইত্যাহ-ত্রযো নিরূহাঃ, ত্রীণি চানুবাসনানি, তথাঽঽদ্যন্তযোর্দ্বৌ স্নেহবস্তী, ইতি|

Adhikarana prayoganiyame yuktiH, prayogAtikrame doShaH (65-66) · Śloka 66

| স্নেহবস্তিং নিরূহং বা নৈকমেবাতি শীলযেত্||৬৫|| উত্ক্লেশাগ্নিবধৌ স্নেহান্নিরূহান্মরুতো ভযম্| |৬৬|

স০-স্নেহবস্তিমথবা নিরূহমেকমেব কেবলমতিশযেন ন শীলযেত্| যতঃ স্নেহাদতিসেবিতাত্ উত্ক্লেশাগ্নিমান্দ্যে জাযেতে| নিরূহাদতিসেবিতাত্ পবনাদ্ভযং জাযতে|

Adhikarana niyamatAtparyam (66) · Śloka 66

| তস্মান্নিরূঢঃ স্নেহ্যঃ স্যান্নিরূহ্যশ্চানুবাসিতঃ||৬৬||

স০-তস্মাত্কারণাত্ নিরূঢো নরঃ স্নেহনার্হঃ স্যাত্| অনুবাসিতশ্চ পুরুষো নিরূহণার্হো ভবেত্|

Adhikarana prayoganiyamasya phalam (67) · Śloka 67

স্নেহশোধনযুক্ত্যৈবং বস্তিকর্ম ত্রিদোষজিত্| |৬৭|

স০-এবং-পূর্বোক্তযা, স্নেহশোধনযুক্ত্যা বস্তিকর্ম সেবিতং ত্রীন্ দোষান্ জযতি|

Adhikarana mAtrAbastilakShaNam (67-68) · Śloka 68

অধুনা মাত্রাবস্তিং লক্ষযতি - - - - | হ্রস্বযা স্নেহপানস্য মাত্রযা যোজিতঃ সমঃ||৬৭|| মাত্রাবস্তিঃ স্মৃতঃ স্নেহঃ| |৬৮|

স০-হ্রস্বযা-যামদ্বযজরণলক্ষণযা, স্নেহপানমাত্রযা সমঃ-তুল্যো, যোজিতঃ স্নেহো মাত্রাবস্তিসংজ্ঞঃ স্মৃতঃ, সদ্বৈদ্যৈরিতি শেষঃ| অন্যৈস্ত্বন্যথা স্নেহমাত্রোক্তা| যথা-"ষট্পলা তু ভবেজ্জ্যেষ্ঠা, ত্রিপলা মধ্যমা ভবেত্| কনীযস্যধ্যর্দ্ধপলা ত্রিধামাত্রাঽনুবাসনে||" ইতি|

Adhikarana mAtrAbasterviShayaH, mAtrAbasteH phalam (68-69) · Śloka 69

শীলনীযঃ সদা চ সঃ| বালবৃদ্ধাধ্বভারস্ত্রীব্যাযামাসক্তচিন্তকৈঃ||৬৮|| বাতভগ্নাবলাল্পাগ্নিনৃপেশ্বরসুখাত্মভিঃ| দোষঘ্নো নিষ্পরীহারো বল্যঃ সৃষ্টমলঃ সুখঃ||৬৯||

স০-স চ-মাত্রাবস্তিঃ, বালাদিভিঃ সততমেব শীলযিতব্যঃ| স চ শীলিতো দোষাপহঃ, তথা নিষ্পরীহারঃ-অনিযন্ত্রণো, বলায হিতো, নির্গতপুরীষাদিকঃ, সুখকারী চ|

Adhikarana uttaravastervisheShato viShayaH (70) · Śloka 70

বস্তৌ রোগেষু নারীণাং যোনিগর্ভাশযেষু চ| দ্বিত্রাস্থাপনশুদ্ধেভ্যো বিদধ্যাদ্বস্তিমুত্তরম্||৭০||

স০-বস্তিস্থানে রোগেষু নরাণামিত্যর্থাল্লভ্যতে| "নারীণাং যোনিগর্ভাশযেষু চ" ইত্যুক্তেঃ| দ্বে বা ত্রীণি বা দ্বিত্রাণি, দ্বিত্রাণি চ তান্যাস্থাপনানি চ দ্বিত্রাস্থাপনানি, তৈঃ শুদ্ধা দ্বিত্রাস্থাপনশুদ্ধাঃ, তেভ্যো নরেভ্যঃ স্ত্রীভ্যশ্চোত্তরবস্তিং দদ্যাত্| পুমান্স্ত্রিযেত্যেকশেষঃ| গুদাদুত্তরেণ মার্গেণ দীযত ইত্যুত্তরবস্তিঃ|

Adhikarana uttarabasternetramAnam (71-72) · Śloka 72

অথ নেত্রস্য পরিমাণমাহ - - - - আতুরাঙ্গুলমানেন তন্নেত্রং দ্বাদশাঙ্গুলম্| বৃত্তং গোপুচ্ছবন্মূলমধ্যযোঃ কৃতকর্ণিকম্||৭১|| সিদ্ধার্থকপ্রবেশাগ্রং শ্লক্ষ্ণং হেমাদিসম্ভবম্| কুন্দাশ্বমারসুমনঃপুষ্পবৃন্তোপমং দৃঢম্||৭২||

স০-তন্নেত্রং-উত্তরবস্তিযন্ত্রকং, আতুরাঙ্গুলপ্রমাণেন দ্বাদশাঙ্গুলম্, দৈর্ঘ্যেণেত্যর্থাদেব প্রতীযতে| পুরুষাণামেবৈতদিতি বেদ্যম্| স্ত্রীণাং হি বক্ষ্যতি (শ্লো. ৭৯) - "নেত্রং দশাঙ্গুলং মুদ্গপ্রবেশং" ইতি| তচ্চ বৃত্তং-বর্তুলম্| তথা, গোপুচ্ছাকৃতি| তথা, মূলে মধ্যে চোত্পাদিতকর্ণিকম্| তথা, সিদ্ধার্থকঃ প্রবিশত্যস্মিন্নিতি সিদ্ধার্থকপ্রবেশং, তাদৃশমগ্রং-প্রান্তো, যস্য-নেত্রস্য, তত্ সিদ্ধার্থকপ্রবেশাগ্রম্| তথা, শ্লক্ষ্ণং-অতিকোমলম্| তথা, হেমাদিজম্| আদিশব্দেন ধাত্বাদযঃ প্রাগুক্তা (শ্লো. ৯ টী.) গৃহ্যন্তে| তথা, কুন্দকরবীরজাতীপুষ্পবৃন্তসদৃশং দৃঢং চ| অশ্বমারঃ-করবীরঃ|

Adhikarana uttarabastau bastiH, uttarabastermAtrA (73) · Śloka 73

তস্য বস্তির্মৃদুলঘুর্মাত্রা শুক্তির্বিকল্প্য বা| |৭৩|

স০-তথা, তস্য-নেত্রস্য, বস্তির্মৃদুলঘুঃ, 'যোজ্যঃ' ইতি শেষঃ| মাত্রা শুক্তিঃ-কর্ষদ্বযম্, 'স্নেহস্য' ইতি শেষঃ| বিকল্প্য বা-বযোবলদেহসত্ত্বসাত্ম্যাদিবশান্নিরূপ্য বা, মাত্রা কার্যেত্যর্থঃ|

Adhikarana uttarabastervidhiH (73-76) · Śloka 76

| অথ স্নাতাশিতস্যাস্য স্নেহবস্তিবিধানতঃ||৭৩|| ঋজোঃ সুখোপবিষ্টস্য পীঠে জানুসমে মৃদৌ| হৃষ্টে মেঢ্রে স্থিতে চর্জৌ শনৈঃ স্রোতোবিশুদ্ধযে||৭৪|| সূক্ষ্মাং শলাকাং প্রণযেত্তযা শুদ্ধেঽনুসেবনি| আমেহনান্তং নেত্রং চ নিষ্কম্পং গুদবত্ততঃ||৭৫|| পীডিতেঽন্তর্গতে স্নেহে স্নেহবস্তিক্রমো হিতঃ| |৭৬|

স০-অথেতি মঙ্গলে| অস্য-রোগিণো নিরূহবত্কৃতমঙ্গলস্য| তথা, পূর্বং স্নাতঃ পশ্চাদশিতঃ, তস্য| কথমশিতস্য ? স্নেহবস্তিবিধানতঃ| তৃতীযার্থে তসিঃ| স্নেহবস্তৌ যাদৃশ আহারো বিহিতস্তেন কৃতভোজনস্যেত্যর্থঃ| তথা, ঋজোঃ-স্পষ্টং স্থিতস্য| তথা, সুখেনাসীনস্য| ক্ব ? পীঠে,-আসনে| কিম্ভূতে ? জানুতুল্যে| তথা, মৃদৌ-অকঠিনে চ| তথা, শিশ্নে প্রহৃষ্টে-স্তব্ধে, তথা ঋজৌ,-স্পষ্টং কৃত্বা স্থিতে সতি, শনৈঃ-ন ত্বরযা, সূক্ষ্মাং শলাকাং প্রণযেত্-প্রবেশযেত্| স্থূলাযাং তত্র ক্ষতকরণাত্| প্রবেশযোগাত্ তযা-শলাকযা, শুদ্ধে মেঢ্রে সতি, অনুসেবনি-সেবনীমনুলক্ষীকৃত্য, আমেঢ্রান্তং নেত্রং প্রণযেত্| ষডঙ্গুলং প্রাযেণ প্রবেশযেদিত্যর্থঃ| কথম্ ? গুদবন্নিষ্কম্পম্| ততো-নিষ্কম্পস্থাপনাদনন্তরং, পীডিতে পুটকে, স্নেহে চান্তঃপ্রবিষ্টে সতি, অনুবাসনক্রমো হিতঃ-পাণিনা তাডযেত্ স্ফিজৌ| তত্পার্ষ্ণিভ্যাং" ইত্যাদিকঃ|

Adhikarana uttarabastyAvRuttau sa~gkhyA, sheShamanuvAsanavat (76-77) · Śloka 77

| বস্তীননেন বিধিনা দদ্যাত্ত্রীংশ্চতুরোঽপি বা||৭৬|| অনুবাসনবচ্ছেষং সর্বমেবাস্য চিন্তযেত্| |৭৭|

স০-ত্রীন্ চতুরো বা বস্তীননেন বিধানেন দদ্যাত্| শেষং [ সর্বমেব ]-বিধিপরিহারাদি সম্যগ্দত্তব্যাপদাদিকং, অস্য-উত্তরবস্তেঃ, অনুবাসনস্যেব নিরূপযেত্| যদুক্তং খরনাদেন-"যথাশেষং প্রবেশ্যান্তঃ স্নেহস্যার্দ্ধপলং নযেত্| প্রত্যাগতে দ্বিতীযং বা তৃতীযং বা প্রদাপযেত্|| স চেদনুবসেত্তত্র স্যাত্ক্রিযেযং বিশেষতঃ| পিপ্পল্যারগ্বধাগারধূমবত্সকসৈন্ধবৈঃ|| মূত্রাম্লপিষ্টৈর্গুলিকাঃ সর্ষপামাষসন্নিভাঃ| ছাযাসু শুষ্কাস্তাঃ শিশ্নে দদ্যাত্সর্ষপসন্নিভাঃ|| পূর্বং, মাষোপমাঃ পশ্চাত্তাভিঃ স্নেহং সমানযেত্| স্নেহে প্রত্যাগতে চ স্যাদানুবাসনিকো বিধিঃ||" ইতি|

Adhikarana strINAmuttarabastikAlaH (77-78) · Śloka 78

এবম্ পুরুষাণামুত্তরবস্তিবিধানমুক্ত্বা স্ত্রীণাং বক্তি - - - - | স্ত্রীণামার্তবকালে তু যোনির্গৃহ্ণাত্যপাবৃতেঃ||৭৭|| বিদধীত তদা তস্মাদনৃতাবপি চাত্যতে| যোনিবিভ্রংশশূলেষু যোনিব্যাপদ্যসৃগ্দরে||৭৮||

স০-ললনানামৃতুকাল এবার্তবকালঃ-"ঋতুস্তু দ্বাদশ নিশাঃ" (হৃ. শা. অ. ১|২৭) ইত্যাদিনোক্তঃ, তত্র ঋতৌ যোনিঃ কর্তা উত্তরবস্তিস্বভাবং স্নেহং গৃহ্ণাতি| কুতঃ ? অপাবৃতেঃ,-অপাবরণাত্ কারণাত্| অন্যদা তু সংবৃতত্বাত্ ন স্নেহমাদত্তে গর্ভবত্| তস্মাদ্ধেতোস্তদা-ঋতুকালে বিদধীত, প্রকৃতত্বাদুত্তরবস্তিম্| অত্যন্তে-আত্যযিকে ব্যাধৌ, অনৃতাবপি বিদধীত| তমেবাত্যযং দর্শযতি-যোনীত্যাদি| যোনিবিভ্রংশঃ-উত্তরে (অ. ৩৩|৪০) বক্ষ্যমাণঃ, যোনিশূলো-যোনিরুজা, তেষু| তথা, যোনিব্যাপত্তৌ| তথা, অসৃগ্দরে,-রক্তপিত্তং যোনিমুখেনাগচ্ছত্ স্ত্রীণামসৃগ্দরমুচ্যতে| এতেষু রোগেষূত্তরবস্তিমাত্যযিকত্বাদনৃতাবপি দদ্যাত্|

Adhikarana strINAM rogabhedena yantrabhedo mArgabhedashca (79-80) · Śloka 80

অথাত্র তু নেত্রস্য প্রমাণমাহ - - - - নেত্রং দশাঙ্গুলং মুদ্গপ্রবেশং চতুরঙুলম্| অপত্যমার্গে যোজ্যং স্যাদ্ হ্যঙ্গুলং মূত্রবর্ত্মনি||৭৯|| মূত্রকৃচ্ছ্রবিকারেষু, বালানাং ত্বেকমঙ্গুলম্| |৮০|

স০-দশাঙ্গুলপ্রমাণং দৈর্ঘ্যেণ| তথা, মুদ্গঃ প্রবিশত্যস্মিন্নিতি মুদ্গপ্রবেশং তদিবাগ্রং [ মুদ্গ ] প্রবেশাগ্রমিতি বেদ্যম্, অন্তলোপাখ্যযা তন্ত্রযুক্ত্যা| বৃত্তগোপুচ্ছাকারাদি শেষং পূর্বোক্তমত্র বেদ্যম্| পুষ্পবৃন্তোপমত্বং ত্বত্র ন যুজ্যতে| যতো মূত্রস্রোতঃ পরিণাহমেতদ্বিধাতব্যম্| পুরুষে স্ত্রিযাং চৈবপ্রকারম্| যদুক্তং মুনিনা (চ. সি. অ. ৯|৫৪) - "[ পুষ্পনেত্রং চ হৈমং স্যাত্সূক্ষ্মমৌত্তরবস্তিকম্| জাতীপুষ্পস্য বৃন্তেন সমং গোপুচ্ছসংস্থিতম্|| রৌপ্যং বা সর্ষপচ্ছিদ্রং দ্বিকর্ণং দ্বাদশাঙ্গুলম্| ] পুষ্পনেত্রপ্রমাণং তু প্রমদানাং দশাঙ্গুলম্|| মূত্রস্রোতঃপরিণাহং" ইতি| তচ্চতুরঙ্গুলং যাবত্ প্রবেশ্যম্| চতুরঙ্গুলাচ্চোর্ধ্বং কর্ণিকা কার্যা| অধিকপ্রবেশনিবারণার্থম্, ন তু মেহননেত্র ইব মধ্যকর্ণিকেতি| অযমর্থোঽত্র সাক্ষান্নোপাত্তো গম্যমানত্বাত্| অত এব তত্প্রবেশপ্রমাণমাহ-চতুরঙ্গুলমপত্যমার্গে যোজ্যং স্যাদিতি| অপত্যমার্গ ইত্যনেন স্ত্রী গর্ভগ্রহণপ্রসবাদিসমর্থা সূচ্যতে| এবংবিধাযাঃ স্ত্রিযশ্চতুরঙ্গুলং প্রবেশযিতব্যমিতি| মূত্রবর্ত্মনি হ্যঙ্গুলং যোজ্যম্| যা স্ত্রী সুরতব্যবহারগর্ভগ্রহণযোগ্যা, অথবা যা বালা-অপ্রৌঢা, তস্যা যোনিঃ-কেবলং মূত্রস্যেব মার্গঃ, তস্যা নেত্রং হ্যঙ্গুলং প্রবেশ্যম্| অত ঊর্ধ্বং তু প্রবেশাত্তাসাং মাংসক্ষতিঃ স্যাত্| কেষু রোগেষু ? মূত্রকৃচ্ছ্রবিকারেষু| বালানাং তু স্ত্রীণামেকমঙুলং প্রবেশ্যম্|

Adhikarana strINAmuttarabastau mAtrA (80) · Śloka 80

| প্রকুঞ্চো মধ্যমা মাত্রা. বালানাং শুক্তিরেব তু||৮০||

স০-স্ত্রীণামুত্তরবস্তৌ স্নেহস্য প্রকুঞ্চো মধ্যমা মাত্রা,-নোত্তমা কনিষ্ঠা বা| বালানাং তু শক্তিরেব মধ্যমা মাত্রা স্নেহস্য|

Adhikarana strINAmuttarabastividhiH, strINAmuttarabastAvAvRuttikramaH (81-82) · Śloka 82

অধুনোত্তরবস্ত্যবস্থানং ত্রিবিধাযা অপি স্ত্রিযা বদতি - - - - উত্তানাযাঃ শযানাযাঃ সম্যক্ সঙ্কোচ্য সক্থিনী| ঊর্ধ্বজান্বাস্ত্রিচতুরানহোরাত্রেণ যোজযেত্||৮১|| বস্তীংস্ত্রিরাত্রমেবং চ স্নেহমাত্রাং বিবর্দ্ধযন্| ত্র্যহমেব চ বিশ্রভ্য প্রণিদধ্যাত্পুনস্ত্র্যহম্||৮২||

স০-উত্তানাযাঃ-ন ত্ববাঙ্মুখ্যাঃ পার্শ্বস্থিতাযা বা, শযানাযাঃ-ন ত্বাসীনাযাঃ, তথোর্ধ্বজান্বাঃ, বস্তীন্ ত্রিচতুরানহোরাত্রাত্ যোজযেত্| কিং কৃত্বা ? সক্থিনী সঙ্কোচ্য| অনুবাসনে ত্বেক এব বস্তিরহোরাত্রেণ যোজ্য ইত্যস্য ভেদঃ| এবং ত্র্যহং বস্তিদানং কার্যম্, ন ত্বত্রানুবাসনবত্ ত্র্যহে পঞ্চমে বাঽহনীতি| কিং কুর্বন্ ? স্নেহমাত্রাং যথাস্বমর্ধকর্ষাদিক্রমেণ বর্দ্ধযন্| ত্র্যহমেব চ বিশ্রম্য-ত্রীণি দিনানি বিলম্ব্য চ, পুনঃ-পূর্বোক্তেনৈব প্রকারেণ, [ ত্র্যহং ] প্রণিদধ্যাত্-কুর্যাত্| এষ এব চ ন্যাযো মেঢ্রেঽপি যোজ্যঃ, তজ্জাতীযত্বাদস্যার্থস্য| অত এবান্তেঽযমুপদিষ্ট উভযসম্বন্ধার্থম্|

Adhikarana vamanAdInAmantaram (83) · Śloka 83

যুক্ত্যোক্তমেবামুমর্থং সঙ্ক্ষেপসঙ্গ্রহার্থং পুনরাহ - - - - পক্ষাদ্বিরেকো বমিতে ততঃ পক্ষান্নিরূহণম্| সদ্যো নিরূঢশ্চান্বাস্যঃ সপ্তরাত্রাদ্বিরেচিতঃ||৮৩||

স০-উত্তমশুদ্ধ্যা শুদ্ধে বমিতে পক্ষাদনন্তরং বিরেকঃ কার্যঃ| যস্মাত্ প্রবরযা শুদ্ধ্যা শুদ্ধে সুবমিতে পেযাদিক্রমেণ সপ্তাহাত্ প্রকৃতিভোজনাপত্তিঃ| ততঃ সপ্তাহেনৈকান্তরানুবাসনদানেন স্নিগ্ধস্য বিরেক ইতি পক্ষেণৈব যুজ্যতে| ততঃ-অনন্তরং, পক্ষাত্পরতো নিরূহঃ| যতঃ কৃতবিরেকস্য সপ্তাহাত্ প্রকৃতিভোজনাপত্তৌ স্নেহনার্থমনুবাসনেনৈকান্তরিতেন স্নিগ্ধস্য নিরূহো যুজ্যত ইতি পক্ষেণৈব যুক্তঃ| নিরূঢশ্চ সদ্য এবানুবাস্যঃ| তথা চ প্রাগভ্যধাযি (শ্লো. ৫২) - "অথ বাতার্দিতং ভূযঃ সদ্য এবানুবাসযেত্|" ইতি| বিরেচিতঃ সপ্তরাত্রাদূর্ধ্বমনুবাস্যঃ| যতঃ সপ্তাহেন প্রকৃতিভোজনাপত্তিঃ, ততঃ স্নেহনার্থমনুবাসনং যুক্তম্|

Adhikarana shuddhAshuddhasamparke~ashuddhameva bastirnirharet (84) · Śloka 84

ননু, দোষাণাং ধাতূনাং চ স্নেহস্বেদাভ্যামেকলোলীভাবাত্ কথং বস্তির্দোষানেব নির্হরেত্ ন ধাতূন্ ? ইত্যেতচ্চোদ্যং দৃষ্টান্তদ্বারেণ পরিজিহীর্ষুরিদমাহ - - - - যথা কুসুম্ভাদিযুতাত্তোযাদ্রাগং হরেত্পটঃ| তথা দ্রবীকৃতাদ্দেহাদ্বস্তির্নির্হরতে মলান্||৮৪||

স০-কুসুম্ভকুঙ্কুমাদিযুক্তাজ্জলাদ্যথা পটো-বাসো, রাগং হরেত্-গৃহ্ণীযাত্, ন কুসুম্ভাদিকম্| তথৈব দ্রবীকৃতাত্ কাযাদ্দোষধাতূনামেকলোলীভাবেঽপি বস্তির্দোষান্নির্হরতে, ন ধাতূন্|

Adhikarana basteH sarvottamatve yuktiH (85-87) · Śloka 87

অধুনা বাযোঃ স্বরূপং প্রথযন্ বস্তিং শ্লাঘযন্নাহ - - - - শাখাগতাঃ কোষ্ঠগতাশ্চ রোগা মর্মোর্ধ্বসর্বাবযবাঙ্গজাশ্চ| যে সন্তি তেষাং ন তু কশ্চিদন্যো বাযোঃ পরং জন্মনি হেতুরস্তি||৮৫|| বিট্শ্লেষ্মপিত্তাদিমলোচ্চযানাং বিক্ষেপসংহারকরঃ স যস্মাত্| তস্যাতিবৃদ্ধংস্য শমায ন্যায- দ্বস্তের্বিনা ভেষজমস্তি কিঞ্চিত্||৮৬|| তস্মাচ্চিকিত্সার্দ্ধ ইতি প্রদিষ্টঃ কৃত্স্না চিকিত্সাঽপি চ বস্তিরেকৈঃ| |৮৭|

স০-সক্থিনী দ্বে দ্বৌ বাহূ ইতি শাখাঃ, তাসু গতাঃ-তত উত্পন্নাঃ| এবং কোষ্ঠো-মহাস্রোতঃ, তত্র গতাঃ-কোষ্ঠগতাঃ| তথা, মর্মাণি চ ঊর্ধ্বং চ সর্বে চাবযবাশ্চ মর্মোর্ধ্বসর্বাবযবাঃ, তেষামঙ্গং, তত্র জাতা মর্মোর্ধ্বসর্বাবযবাঙ্গজাঃ| তত্র মর্মাণি-মর্মবিভাগে (হৃ. শা. অ. ৪) বক্ষ্যন্তে| ঊর্ধ্বশব্দেনোর্ধ্বজত্রু গৃহ্যতে, তত্র জাতা ঊর্ধ্বাঙ্গজাঃ,-মুখরোগাদযঃ, সর্বাঙ্গজাঃ-জ্বরাদযঃ, অবযবজাঃ-শ্বিত্রাদযশ্চ, যে রোগা বিদ্যন্তে তেষাং জন্মনি-উত্পত্তৌ, বাযোরপরঃ কশ্চিদপি হেতুর্নাস্তি| কথম্ ? পরং,-অতিশযেন| কিঞ্চিন্মাত্রেণানুবলভাবেন পিত্তশ্লেষ্মাণাবপি হেতূ ভবত এব| যথা,-পামাকণ্ড্বাদীনাম্| অবযবগ্রহণেনৈবোর্ধ্বগ্রহণে লব্ধ ঊর্ধ্বগ্রহণং প্রাধান্যখ্যাপনার্থম্| যথা,-ব্রাহ্মণা আযাতা বসিষ্ঠোঽপ্যাযাত ইতি| এতদেবাধিকৃত্য বক্ষ্যমাণাঃ পঞ্চ বিধযঃ সকলমেবোত্তরং চ তন্ত্রং প্রধানম্| তস্মাত্প্রধানা ঊর্ধ্বাঙ্গজাঃ| ননু, কুতো হেতোর্মরুত এতেষু কারণত্বমিত্যাহ-বিডিত্যাদি| বিট্ চ শ্লেষ্মা চ পিত্তং চ বিট্শ্লেষ্মপিত্তানি, তান্যাদির্যেষাম্| আদিশব্দেন মূত্রস্বেদাদিপরিগ্রহঃ| এতেঽপি হি শরীরমলিনীকরান্মলাঃ, তেষামুচ্চযাঃ-সঞ্চযাঃ, তেষাং স বাযুর্যস্মাদ্বিক্ষেপসংহারকরঃ-বিক্ষেপশ্চ সংহারশ্চ বিক্ষেপসংহারৌ, তৌ করোতীতি| "কৃঞো হেতুতাচ্ছীল্য" ইত্যাদিনা হেতৌ টঃ| বিক্ষেপসংহারকরণহেতুরিত্যর্থঃ| তস্য ক্রিযাবত্ত্বাত্| বাযুশ্চ শেষদোষাভ্যাং ন কদাচিদ্বিক্ষিপ্যতে সংহ্রিযতে বা| তযোর্নিষ্ক্রিযত্বাত্| তস্য চ বাযোঃ প্রবৃদ্ধস্য শমনার্থং বস্তিমন্তরেণাপরং ভেষজং নাস্তি| স্নেহস্বেদাদিকং তু বিদ্যমানমপি ন তথা সমর্থম্, ইত্যগণ্যত্বাত্তদবিদ্যমানমুচ্যতে| তস্মাত্-দোষপ্রধানস্য পবনস্য শমনার্থাত্কারণাত্, বস্তিশ্চিতিত্সার্দ্ধ ইতি কথিতঃ| একৈশ্চাচার্যৈর্নিরবশেষাঽপি চিকিত্সা বস্তিঃ প্রদিষ্টঃ| ননু, " চতুর্ণাং ভিষজাদীনাং" (চ. সূ. অ. ৯|৫) ইত্যাদিলক্ষণা চিকিত্সা| তত্কথং তস্যা ভাগকল্পনা কর্তুং যুজ্যতে ? ন চ সর্বা চিকিত্সা বস্তিরিতি বক্তুং শক্যতে, শেষচিকিত্সাশাস্ত্রবিস্তরস্থানর্থক্যপ্রসঙ্গাত্| তস্মাদেতদযুক্তমিবাভাতি| অত্রোচ্যতে| বাযুবিকারা অশীতিরুক্তাঃ| পিত্তশ্লেষ্মবিকারাশ্চ ষষ্টিরুক্তাঃ| তত্র বাতবিকারাণাং প্রধানোপক্রমো বস্তিঃ, তস্মাচ্চিকিত্সার্ধো বস্তিঃ কার্যদ্বারেণোক্তঃ| অথবা মারুতং পিত্তশ্লেষ্মবিট্সহিতং বস্তিঃ সমূলমেবাপকর্ষতীত্যুক্তত্বাত্ সর্বৈব চিকিত্সা কার্যদ্বারেণ বস্তিরেকৈরুপদিষ্টঃ| অন্যত্রাপি চৈবংপ্রাযো নির্দেশঃ কৃত এবাচার্যৈঃ| তথা চ মুনিঃ (চ. চি. অ. ২৯|১৪০) - "যানীহ কর্মাণ্যুক্তানি বিসর্পবিনিবৃত্তযে| একতস্তানি সর্বাণি রক্তমোক্ষণমেকতঃ||" ইতি| 'চিকিত্সার্দ্ধং' ইত্যযঃ তু পাঠো ন যুক্ত এব| অর্দ্ধশব্দস্য হি সমপ্রবিভাগ এব নপুংসকত্বম্| ন চাত্র সমপ্রবিভাগো গম্যতে| তস্মান্নপুংসকত্বমত্রান্যায্যম্|

Adhikarana shirAvyadho~api bastitulyaH (19) · Śloka 19

| তথা নিজাগন্তুবিকারকারি- রক্তৌষধত্বেন শিরাব্যধোঽপি||৮৭|| ইতি শ্রী বৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে বস্তিবিধির্নামৈকোনবিংতিতমোঽধ্যাযঃ||১৯||

স০-ন কেবলং বস্তিঃ, যাবচ্ছিরাব্যধোঽপি চিকিত্সার্দ্ধঃ সর্বা বা চিকিত্সেত্যুপদিষ্টঃ| কুতঃ ? নিজেত্যাদিনা| নিজাঃ-বাতাদিসমুত্থাঃ, আগন্তবো-বিষবহ্ন্যাদিসমুত্থাঃ, নিজাশ্চাগন্তবশ্চ তে চ তে বিকারাশ্চ নিজাগন্তুবিকারাঃ, তান্কর্তুং শীলং যস্য তন্নিজাগন্তুবিকারকারি, তচ্চ তদ্রক্তং চ নিজাগন্তুবিকারকারিরক্তং, তস্যৌষধত্বেন| তত্র বিসর্পবিদ্রধিপ্রভৃতিরোগবিশেষোপশমকরণাচ্চিকিত্সার্দ্ধঃ শিরাব্যধ উপবিষ্টঃ| তথা, অপরেঽতি যে রোগাঃ শীতোষ্ণস্নিগ্ধরূক্ষাদ্যৈরপ্যুপক্রমৈরনুপশান্তাঃ, তেঽপি শিরাব্যধসাধ্যাঃ| অত এব সর্বাঽপি চিকিত্সা শিরাব্যধ উক্ত ইতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে বস্তিবিধির্নামৈকোনবিংশোঽধ্যাযঃ সমাপ্তঃ|| ১৯||