19. bastividhiradhyāyaḥ

Adhikarana bastividhiradhyAyaH (2) · Śloka 2

মলহরণার্থং পূর্বাধ্যায উক্তঃ| বস্তিনাঽপি মলো নির্হ্রিযত ইতি বমনবিরেচনবিধেরনন্তরং বস্তিবিধেরুপদেশো যুক্ত ইত্যাহ - - - - অথাতো বস্তিবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২|

Adhikarana basterviShayaH, basteH sarvopakramashreShThatvam, bastibhedAH (1-2) · Śloka 2

বাতোল্বণেষু দোষেষু বাতে বা বস্তিরিষ্যতে| উপক্রমাণাং সর্বেষাং সোঽগ্রণীস্ত্রিবিধস্তু সঃ||১|| নিরূহোঽন্বাসনং বস্তিরুত্তরঃ| |২|

Adhikarana nirUhasya visheShato viShayaH (2-3) · Śloka 3

তেন সাধযেত্| গুল্মানাহখুডপ্লীহশুদ্ধাতীসারশূলিনঃ||২|| জীর্ণজ্বরপ্রতিশ্যাযশুক্রানিলমলগ্রহান্| বর্ধ্মাশ্মরীরজোনাশান্ দারুণাংশ্চানিলামযান্||৩||

Adhikarana aniruhyAH (4-6) · Śloka 6

অনাস্থাপ্যাস্ত্বতিস্নিগ্ধঃ ক্ষতোরস্কো ভৃশং কৃশঃ| আমাতিসারী বমিমান্ সংশুদ্ধো দত্তনাবনঃ||৪|| শ্বাসকাসপ্রসেকার্শোহিধ্মাধ্মানাল্পবহ্নযঃ| শূনপাযুঃ কৃতহারো বদ্ধচ্ছিদ্রোদকোদরী||৫|| কুষ্ঠী চ মধুমেহী চ মাসান্ সপ্ত চ গর্ভিণী| |৬|

Adhikarana anuvAsanasya visheShato viShayAH (6-7) · Śloka 7

| আস্থাপ্যা এব চান্বাস্যা বিশেষাদতিবহ্নযঃ||৬|| রূক্ষাঃ কেবলবাতার্তাঃ| |৭|

Adhikarana nAnuvAsyAH (7-9) · Śloka 9

নানুবাস্যাস্ত এব চ| যেঽনাস্থাপ্যাস্তথা পাণ্ডুকামলামেহপীনসাঃ||৭|| নিরন্নপ্লীহবিড্ভেদিগুরুকোষ্ঠকফোদরাঃ| অভিষ্যন্দিভৃশস্থূলকৃমিকোষ্ঠাঢ্যমারুতাঃ||৮|| পীতে বিষে গরেঽপচ্যাং শ্লীপদী গলগণ্ডবান্| |৯|

Adhikarana nirUhAnvAsanayantrasya lakShaNam (9-10) · Śloka 10

| নিরূহান্বাসনযোর্যন্ত্রস্য লক্ষণমাহ - ] - - - | তযোস্তু নেত্রং হেমাদিধাতুদার্বস্থিবেণুজম্||৯|| গোপুচ্ছাকারমচ্ছিদ্রং শ্লক্ষ্ণর্জু গুলিকামুখম্| |১০|

Adhikarana yantrapramANam (10-12) · Śloka 12

অথাস্য প্রমাণমাহ - - - - | ঊনেঽব্দে পঞ্চ, পূর্ণেঽস্মিন্নাসপ্তভ্যোঽঙ্গুলানি ষট্||১০|| সপ্তমে সপ্ত, তান্যষ্টৌ দ্বাদশে, ষোডশে নব| দ্বাদশৈব পরং বিংশাদ্বীক্ষ্য বর্ষান্তরেষু চ||১১|| বযোবলশরীরাণি প্রমাণমভিবর্দ্ধযেত্| |১২|

Adhikarana yantrasthaulyam (12) · Śloka 12

| স্বাঙ্গুষ্ঠেন সমং মূলে স্থৌল্যেনাগ্রে কনিষ্ঠযা||১২||

Adhikarana yantracchidrapramANam (13-14) · Śloka 14

অধুনা ছিদ্রদ্বারেণ নেত্রস্থৌল্যপ্রমাণমধিকমপি দর্শযন্নাহ - - - - পূর্ণেঽব্দেঽঙ্গুলমাদায তদর্দ্ধার্দ্ধপ্রবর্দ্ধিতম্| ত্র্যঙ্গুলং পরমং ছিদ্রং মূলেঽগ্রে বহতে তু যত্||১৩|| মুদ্গং মাষং কলাযং চ ক্লিন্নং কর্কন্ধুকং ক্রমাত্| |১৪|

Adhikarana yantraprAnte karNikAsthApanam, yantrAgracchidraM vartyA pidheyam, karNikAdvayamadhye dvya~ggulamantaram (14-15) · Śloka 15

| মূলাচ্ছিদ্রপ্রমাণেন প্রান্তে ঘটিতকর্ণিকম্||১৪|| বর্ত্যাঽগ্রে পিহিতং, মূলে যথাস্বং হ্যঙ্গুলান্তরম্| কর্ণিকাদ্বিতযং নেত্রে কুর্যাত্|১৫|

Adhikarana karNikAdvaye bastibandhanam (15-17) · Śloka 17

অত এবাহ - - - - | তত্র চ যোজযেত্||১৫|| অজাবিমহিষাদীনাং বস্তিং সুমৃদিতং দৃঢম্| কষাযরক্তং নিশ্ছিদ্রগ্রন্থিগন্ধশিরং তনুম্||১৬|| গ্রথিতং সাধু সূত্রেণ সুখসংস্থাপ্যভেষজম্| |১৭|

Adhikarana tadalAbhe caritArthatA (17) · Śloka 17

| বস্ত্যভাবেঽঙ্কপাদং বান্যসেদ্বাসোঽথবা ঘনম্||১৭||

Adhikarana nirUhauShadhamAtrA (18-19) · Śloka 19

নিরূহমাত্রা প্রথমে প্রকুঞ্চো বত্সরে পরম্| প্রকুঞ্চবৃদ্ধিঃ প্রত্যব্দং যাবত্ষট্প্রসৃতাস্ততঃ||১৮|| প্রসৃতং বর্দ্ধযেদূর্ধ্বং দ্বাদশাষ্টাদশস্য তু| আসপ্ততেরিদং মানং, দশৈব প্রসৃতাঃ পরম্||১৯||

Adhikarana anuvAsanauShadhamAtrA (20) · Śloka 20

এবং সাংবত্সরীকাদারভ্য যাবদ্বর্ষশতিকস্তাবন্নিরূহমাত্রামভিধায, অনুবাসনমাত্রামধিকৃত্যাহ - - - - যথাযথং নিরূহস্য পাদো মাত্রাঽনুবাসনে| |২০|

Adhikarana nirUhyasyAnuvAsanam, anuvAsanakAlaH, anuvasanIyasya pUrvakartavyam (20-24) · Śloka 24

| আস্থাপ্যং স্নেহিতং স্বিন্নং শুদ্ধং লব্ধবলং পুনঃ||২০|| অন্বাসনার্হং বিজ্ঞায পূর্বমেবানুবাসযেত্| শীতে বসন্তে চ দিবা রাত্রৌ কেচিত্ততোঽন্যদা||২১|| অভ্যক্তস্নাতমুচিতাত্পাদহীনং হিতং লঘু| অস্নিগ্ধরূক্ষমশিতং সানুপানং দ্রবাদি চ||২২|| কৃতচঙ্ক্রমণং মুক্তবিণ্মূত্রং শযনে সুখে| নাত্যুচ্ছ্রিতে ন চোচ্ছীর্ষে সংবিষ্টং বামপার্শ্বতঃ||২৩|| সঙ্কোচ্য দক্ষিণং সক্থি প্রসার্য চ ততোঽপরম্| |২৪|

Adhikarana anuvAsane vaidyakRutyam (24-26) · Śloka 26

| অথাস্য নেত্রং প্রণযেত্স্নিগ্ধে স্নিগ্ধমুখং গুদে||২৪|| উচ্ছ্বাস্য বস্তের্বদনে বদ্ধে হস্তমকম্পযন্| পৃষ্ঠবংশং প্রতি ততো নাতিদ্রুতবিলম্বিতম্||২৫|| নাতিবেগং ন বা মন্দং সকৃদেব প্রপীডযেত্| সাবশেষং চ কুর্বীত বাযুঃ শেষে হি তিষ্ঠতি||২৬||

Adhikarana vaidyakRutyasya phalam, shIghranivRuttau punaranuvAsanam (27-29) · Śloka 29

দত্তে তূত্তানদেহস্য পাণিনা তাডযেত্স্ফিজৌ| তত্পার্ষ্ণিভ্যাং তথা শয্যাং পাদতশ্চ ত্রিরুত্ক্ষিপেত্||২৭|| ততঃ প্রসারিতাঙ্হ্গস্য সোপধানস্য পার্ষ্ণিকে| আহন্যান্মুষ্টিনাঽঙ্হ্গং চ স্নেহেনাভ্যজ্য মর্দযেত্||২৮|| বেদনার্তমিতি স্নেহো ন হি শীঘ্রং নিবর্ততে| যোজ্যঃ শীঘ্রং নিবৃত্তেঽন্যঃ স্নেহোঽতিষ্ঠন্নকার্যকৃত্||২৯||

Adhikarana mandAgnimanAgatasnehaM ca sAyaM na bhojayet (30) · Śloka 30

দীপ্তাগ্নিং ত্বাগতস্নেহং সাযাস্নে ভোজযেল্লঘু| |৩০|

Adhikarana anuvAsanasya nivRuttikAlaH, anivRuttau upekShA pratIkArashca (30-31) · Śloka 31

| নিবৃত্তিকালঃ পরমস্ত্রযো যামাস্ততঃ পরম্||৩০|| অহোরাত্রমুপেক্ষেত, পরতঃ ফলবর্তিভিঃ| তীক্ষ্ণৈর্বা বস্তিভিঃ কুর্যাদ্যত্নং স্নেহনিবৃত্তযে||৩১||

Adhikarana pratIkArasyApavAdaH, snehasheShapAkArthamauShadham (32-33) · Śloka 33

অতিরৌক্ষ্যাদনাগচ্ছন্ন চেজ্জাড্যাদিদোষকৃত্| উপেক্ষেতৈব হি ততোঽধ্যুষিতশ্চ নিশাং পিবেত্||৩২|| প্রাতর্নাগরধান্যাম্ভঃ কোষ্ণং, কেবলমেব বা| |৩৩|

Adhikarana punaranuvAsanasya kAlaH (33-34) · Śloka 34

| অন্বাসযেত্তৃতীযেঽহ্নি পঞ্চমে বা পুনশ্চ তম্||৩৩|| যথা বা স্নেহপক্তিঃ স্যাদতোঽত্যুল্বণমারুতান্| ব্যাযামনিত্যান্ দীপ্তাগ্নীন্ রূক্ষাংশ্চ প্রতিবাসরম্||৩৪||

Adhikarana anuvasanAnantaraM nirUhaH, anuvAsanaM vinaiva niruhaH (35) · Śloka 35

ইতি স্নেহৈস্ত্রিচতুরৈঃ স্নিগ্ধে স্রোতোবিশুদ্ধযে| নিরূহং শোধনং যুঞ্জ্যাদস্নিগ্ধে স্নেহনং তনোঃ||৩৫||

Adhikarana nirUhavidhiH (36-38) · Śloka 38

পঞ্চমেঽথ তৃতীযে বা দিবসে সাধকে শুভে| মধ্যাহ্নে কিঞ্চিদাবৃত্তে প্রযুক্তে বলিমঙ্গলে||৩৬|| অভ্যক্তস্বেদিতোত্সৃষ্টমলং নাতিবুভুক্ষিতম্| অবেক্ষ্য পুরুষং দোষভেষজাদীনি চাদরাত্||৩৭|| বস্তিং প্রকল্পযেদ্বৈদ্যস্তদ্বিদ্যৈর্বহুভিঃ সহ| |৩৮|

Adhikarana nirUhadravyANAM mAtrA (38-41) · Śloka 41

অথ নিরূহকল্পনামাহ - - - - | ক্বাথযেদ্বিংশতিপলং দ্রব্যস্যাষ্টৌ ফলানি চ||৩৮|| ততঃ ক্বাথাচ্চতুর্থাংশং স্নেহং বাতে প্রকল্পযেত্| পিত্তে স্বস্থে চ ষষ্ঠাংশমষ্টমাংশং কফেঽধিকে||৩৯|| সর্বত্র চাষ্টমং ভাগং কল্কাদ্ভবতি বা যথা| নাস্যচ্ছসান্দ্রতা বস্তেঃ পলমাত্রং গুডস্য চ||৪০|| মধুপট্বাদিশেষং চ যুক্ত্যা| |৪১|

Adhikarana nirUhadravyANAM saMskAraH (41-43) · Śloka 43

সর্বং তদেকতঃ| উষ্ণাম্বুকুম্ভীবাষ্পেণ তপ্তং খজসমাহতম্||৪১|| প্রক্ষিপ্য বস্তৌ প্রণযেত্পাযৌ নাত্যুষ্ণশীতলম্| নাতিস্নিগ্ধং ন বা রূক্ষং নাতিতীক্ষ্ণং ন বা মৃদু||৪২|| নাত্যচ্ছসান্দ্রং নোনাতিমাত্রং নাপটু নাতি চ| লবণং তদ্বদম্লং চ|৪৩|

Adhikarana matAntareNa svasthaviShayaM mAnam (43-45) · Śloka 45

সাম্প্রতমন্যমতমভিধত্তে - - - - পঠন্ত্যন্যে তু তদ্বিদঃ||৪৩|| মাত্রাং ত্রিপলিকাং কৃর্যাত্স্নেহমাক্ষিকযোঃ পৃথক্| কর্ষার্দ্ধং মাণিমন্থস্য স্বস্থে কল্কপলদ্বযম্||৪৪|| সর্বদ্রবাণাং শেষাণাং পলানি দশ কল্পযেত্| |৪৫|

Adhikarana nirUhadravyANAM melanakramaH (45-46) · Śloka 46

সম্প্রতি নিরূহাবযবানাং মাক্ষিকাদীনাং সংযোজনবিধিমাহ - - - - | মাক্ষিকং লবণং স্নেহং কল্কং ক্বাথমিতি ক্রমাত্||৪৫|| আবপেত নিরূহাণামেষ সংযোজনে বিধিঃ| |৪৬|

Adhikarana datte nirUhe rogiNaH kRutyam (46-47) · Śloka 47

| উত্তানো দত্তমাত্রে তু নিরূহে তন্মনা ভবেত্||৪৬|| কৃতোপধানঃ সঞ্জাতবেগশ্চোত্কটকঃ সৃজেত্| |৪৭|

Adhikarana nirUhasya nivRuttikAlaH, anivRuttau pratIkAraH (47-49) · Śloka 49

| আগতৌ পরমঃ কালো মুহূর্তো মৃত্যবে পরম্||৪৭|| তত্রানুলোমিকং স্নেহক্ষারমূত্রাম্লকল্পিতম্| ত্বরিতং স্নিগ্ধতীক্ষ্ণোষ্ণং বস্তিমন্যং প্রপীডযেত্||৪৮|| বিদদ্যাত্ফলবর্তিং বা স্বেদনোত্রাসনাদি চ| |৪৯|

Adhikarana asamyagyogAtpunaH punardAnam (49-50) · Śloka 50

| স্বযমেব নিবৃত্তে তু দ্বিতীযো বস্তিরিষ্যতে||৪৯|| তৃতীযোঽপি চতুর্থোঽপি যাবদ্বা সুনিরূঢতা| |৫০|

Adhikarana samyagyogAdilakShaNam (50) · Śloka 50

কানি পুনঃ সম্যঙ্নিরূঢলিঙ্গানি ? ইত্যাহ - - - - | বিরিক্তবচ্চ যোগাদীন্বিদ্যাত্|৫০|

Adhikarana samyagyoge snAnaM bhojanaM ca (50-51) · Śloka 51

| যোগে তু ভোজযেত্||৫০|| কোষ্ণেন বারিণা স্নাতং তনুধন্বরসৌদনম্| |৫১|

Adhikarana snAnabhojanayoH phalam (51-52) · Śloka 52

| বিকারা যে নিরূঢস্য ভবন্তি প্রচলৈর্মলৈঃ||৫১|| তে সুখোষ্ণাম্বুসিক্তস্য যান্তি ভুক্তবতঃ শমম্| |৫২|

Adhikarana vAtArditasya nirUhadina evAnuvAsanam (52) · Śloka 52

| অথ বাতার্দিতং ভূযঃ সদ্য এবানুবাসযেত্||৫২||

Adhikarana anuvAsanasya samyagyogAdi lakShaNam (53) · Śloka 53

সম্যগ্ঘীনাতিযোগাশ্চ তস্য স্যুঃ স্নেহপীতবত্| |৫৩|

Adhikarana visheShaM samyagyogalakShaNam (53-54) · Śloka 54

অন্যদপ্যনুবাসনস্য সম্যগ্যোগলক্ষণমাহ - - - - | কিঞ্চিত্কালং স্থিতো যশ্চ সপুরীষো নিবর্ততে||৫৩|| সানুলোমানিলঃ স্নেহস্তত্সিদ্ধমনুবাসনম্| |৫৪|

Adhikarana anuvAsanAvRuttau doShabhedena sa~gkhyAniyamaH madhyemadhye nirUhaH (54-55) · Śloka 55

| একং ত্রীন্ বা বলাসে তু স্নেহবস্তীন্ প্রকল্পযেত্||৫৪|| পঞ্চ বা সপ্ত বা পিত্তে, নবৈকাদশ বাঽনিলে| পুনস্ততোঽপ্যযুগ্মাংস্তু পুনরাস্থাপনং ততঃ||৫৫||

Adhikarana atra doShabhedena yUShAdibhirbhojanam (56) · Śloka 56

কফপিত্তানিলেষ্বন্নং যূষক্ষীররসৈঃ ক্রমাত্| |৫৬|

Adhikarana vAte nirUhaM prati visheShaH (56-57) · Śloka 57

| বাতঘ্নৌষধনিষ্ক্বাথত্রিবৃতাসৈন্ধবৈর্যুতঃ||৫৬|| বস্তিরেকোঽনিলে স্নিগ্ধঃ স্বাদ্বম্লোষ্ণো রসান্বিতঃ| |৫৭|

Adhikarana pitte nirUhaM prati visheShaH (57-58) · Śloka 58

| ন্যগ্রোধাদিগণক্বাথপদ্মকাদিসিতাযুতৌ||৫৭|| পিত্তে স্বাদুহিমৌ সাজ্যক্ষীরেক্ষুরসমাক্ষিকৌ| |৫৮|

Adhikarana kaphe nirUhaM prati visheShaH (58-59) · Śloka 59

| আরগ্বধাদিনিষ্ক্বাথবত্সকাদিযুতাস্ত্রযঃ||৫৮|| রূক্ষাঃ সক্ষৌদ্রগোমূত্রাস্তীক্ষ্ণোষ্ণকটুকাঃ কফে| |৫৯|

Adhikarana sannipAte ta eva trayaH (59) · Śloka 59

| ত্রযস্তে সন্নিপাতেঽপি দোষান্ ঘ্নন্তি যতঃ ক্রমাত্||৫৯||

Adhikarana uktaniyamasya matAntaratvam, na hi doShashcaturtho~asti (60) · Śloka 60

ত্রিভ্যঃ পরং বস্তিমতো নেচ্ছন্ত্যন্যে চিকিত্সকাঃ| ন হি দোষশ্চতুর্থোঽস্তি পুনর্দীযেত যং প্রতি||৬০||

Adhikarana tribhyo nyUnatA~api na kAryA (61) · Śloka 61

উত্ক্লেশনং শুদ্ধিকরং দোষাণাং শমনং ক্রমাত্| ত্রিধৈব কল্পযেদ্বস্তিমিত্যন্যেঽপি প্রচক্ষতে||৬১||

Adhikarana matayorviShayavyavasyA (62) · Śloka 62

| তত্র কিং ক্রিযতাম্ ? ইত্যাহ - - - -] দোষৌষধাদিবলতঃ সর্বমেতত্প্রমাণযেত্| |৬২|

Adhikarana svamatamAha (62) · Śloka 62

অথ সর্বমতানুগ্রাহি স্বমতমাহ - - - - | সম্যঙ্নিরূঢলিঙ্গং তু নাসম্ভাব্য নিবর্তযেত্||৬২||

Adhikarana karmabastiH (63) · Śloka 63

ইদানীং কর্মকালযোগাখ্যান্ বস্তিবিশেষানাহ - - - - প্রাক্স্নেহ একঃ পঞ্চান্তে দ্বাদশাস্থাপনানি চ| সান্বাসনানি কর্মৈবং বস্তযস্ত্রিংশদীরিতাঃ||৬৩||

Adhikarana kAlabastiH (64) · Śloka 64

কালঃ পঞ্চদশৈকোঽত্র প্রাক্ স্নেহোঽন্তে ত্রযস্তথা| ষট্ পঞ্চবস্ত্যন্তরিতাঃ|৬৪|

Adhikarana yogabastiH (64-65) · Śloka 65

| যোগোঽষ্টৌ বস্তযোঽত্র তু||৬৪|| ত্রযো নিরূহাঃ স্নেহাশ্চ স্নেহাবাদ্যন্তযোরুভৌ| |৬৫|

Adhikarana prayoganiyame yuktiH, prayogAtikrame doShaH (65-66) · Śloka 66

| স্নেহবস্তিং নিরূহং বা নৈকমেবাতি শীলযেত্||৬৫|| উত্ক্লেশাগ্নিবধৌ স্নেহান্নিরূহান্মরুতো ভযম্| |৬৬|

Adhikarana niyamatAtparyam (66) · Śloka 66

| তস্মান্নিরূঢঃ স্নেহ্যঃ স্যান্নিরূহ্যশ্চানুবাসিতঃ||৬৬||

Adhikarana prayoganiyamasya phalam (67) · Śloka 67

স্নেহশোধনযুক্ত্যৈবং বস্তিকর্ম ত্রিদোষজিত্| |৬৭|

Adhikarana mAtrAbastilakShaNam (67-68) · Śloka 68

অধুনা মাত্রাবস্তিং লক্ষযতি - - - - | হ্রস্বযা স্নেহপানস্য মাত্রযা যোজিতঃ সমঃ||৬৭|| মাত্রাবস্তিঃ স্মৃতঃ স্নেহঃ| |৬৮|

Adhikarana mAtrAbasterviShayaH, mAtrAbasteH phalam (68-69) · Śloka 69

শীলনীযঃ সদা চ সঃ| বালবৃদ্ধাধ্বভারস্ত্রীব্যাযামাসক্তচিন্তকৈঃ||৬৮|| বাতভগ্নাবলাল্পাগ্নিনৃপেশ্বরসুখাত্মভিঃ| দোষঘ্নো নিষ্পরীহারো বল্যঃ সৃষ্টমলঃ সুখঃ||৬৯||

Adhikarana uttaravastervisheShato viShayaH (70) · Śloka 70

বস্তৌ রোগেষু নারীণাং যোনিগর্ভাশযেষু চ| দ্বিত্রাস্থাপনশুদ্ধেভ্যো বিদধ্যাদ্বস্তিমুত্তরম্||৭০||

Adhikarana uttarabasternetramAnam (71-72) · Śloka 72

অথ নেত্রস্য পরিমাণমাহ - - - - আতুরাঙ্গুলমানেন তন্নেত্রং দ্বাদশাঙ্গুলম্| বৃত্তং গোপুচ্ছবন্মূলমধ্যযোঃ কৃতকর্ণিকম্||৭১|| সিদ্ধার্থকপ্রবেশাগ্রং শ্লক্ষ্ণং হেমাদিসম্ভবম্| কুন্দাশ্বমারসুমনঃপুষ্পবৃন্তোপমং দৃঢম্||৭২||

Adhikarana uttarabastau bastiH, uttarabastermAtrA (73) · Śloka 73

তস্য বস্তির্মৃদুলঘুর্মাত্রা শুক্তির্বিকল্প্য বা| |৭৩|

Adhikarana uttarabastervidhiH (73-76) · Śloka 76

| অথ স্নাতাশিতস্যাস্য স্নেহবস্তিবিধানতঃ||৭৩|| ঋজোঃ সুখোপবিষ্টস্য পীঠে জানুসমে মৃদৌ| হৃষ্টে মেঢ্রে স্থিতে চর্জৌ শনৈঃ স্রোতোবিশুদ্ধযে||৭৪|| সূক্ষ্মাং শলাকাং প্রণযেত্তযা শুদ্ধেঽনুসেবনি| আমেহনান্তং নেত্রং চ নিষ্কম্পং গুদবত্ততঃ||৭৫|| পীডিতেঽন্তর্গতে স্নেহে স্নেহবস্তিক্রমো হিতঃ| |৭৬|

Adhikarana uttarabastyAvRuttau sa~gkhyA, sheShamanuvAsanavat (76-77) · Śloka 77

| বস্তীননেন বিধিনা দদ্যাত্ত্রীংশ্চতুরোঽপি বা||৭৬|| অনুবাসনবচ্ছেষং সর্বমেবাস্য চিন্তযেত্| |৭৭|

Adhikarana strINAmuttarabastikAlaH (77-78) · Śloka 78

এবম্ পুরুষাণামুত্তরবস্তিবিধানমুক্ত্বা স্ত্রীণাং বক্তি - - - - | স্ত্রীণামার্তবকালে তু যোনির্গৃহ্ণাত্যপাবৃতেঃ||৭৭|| বিদধীত তদা তস্মাদনৃতাবপি চাত্যতে| যোনিবিভ্রংশশূলেষু যোনিব্যাপদ্যসৃগ্দরে||৭৮||

Adhikarana strINAM rogabhedena yantrabhedo mArgabhedashca (79-80) · Śloka 80

অথাত্র তু নেত্রস্য প্রমাণমাহ - - - - নেত্রং দশাঙ্গুলং মুদ্গপ্রবেশং চতুরঙুলম্| অপত্যমার্গে যোজ্যং স্যাদ্ হ্যঙ্গুলং মূত্রবর্ত্মনি||৭৯|| মূত্রকৃচ্ছ্রবিকারেষু, বালানাং ত্বেকমঙ্গুলম্| |৮০|

Adhikarana strINAmuttarabastau mAtrA (80) · Śloka 80

| প্রকুঞ্চো মধ্যমা মাত্রা. বালানাং শুক্তিরেব তু||৮০||

Adhikarana strINAmuttarabastividhiH, strINAmuttarabastAvAvRuttikramaH (81-82) · Śloka 82

অধুনোত্তরবস্ত্যবস্থানং ত্রিবিধাযা অপি স্ত্রিযা বদতি - - - - উত্তানাযাঃ শযানাযাঃ সম্যক্ সঙ্কোচ্য সক্থিনী| ঊর্ধ্বজান্বাস্ত্রিচতুরানহোরাত্রেণ যোজযেত্||৮১|| বস্তীংস্ত্রিরাত্রমেবং চ স্নেহমাত্রাং বিবর্দ্ধযন্| ত্র্যহমেব চ বিশ্রভ্য প্রণিদধ্যাত্পুনস্ত্র্যহম্||৮২||

Adhikarana vamanAdInAmantaram (83) · Śloka 83

যুক্ত্যোক্তমেবামুমর্থং সঙ্ক্ষেপসঙ্গ্রহার্থং পুনরাহ - - - - পক্ষাদ্বিরেকো বমিতে ততঃ পক্ষান্নিরূহণম্| সদ্যো নিরূঢশ্চান্বাস্যঃ সপ্তরাত্রাদ্বিরেচিতঃ||৮৩||

Adhikarana shuddhAshuddhasamparke~ashuddhameva bastirnirharet (84) · Śloka 84

ননু, দোষাণাং ধাতূনাং চ স্নেহস্বেদাভ্যামেকলোলীভাবাত্ কথং বস্তির্দোষানেব নির্হরেত্ ন ধাতূন্ ? ইত্যেতচ্চোদ্যং দৃষ্টান্তদ্বারেণ পরিজিহীর্ষুরিদমাহ - - - - যথা কুসুম্ভাদিযুতাত্তোযাদ্রাগং হরেত্পটঃ| তথা দ্রবীকৃতাদ্দেহাদ্বস্তির্নির্হরতে মলান্||৮৪||

Adhikarana basteH sarvottamatve yuktiH (85-87) · Śloka 87

অধুনা বাযোঃ স্বরূপং প্রথযন্ বস্তিং শ্লাঘযন্নাহ - - - - শাখাগতাঃ কোষ্ঠগতাশ্চ রোগা মর্মোর্ধ্বসর্বাবযবাঙ্গজাশ্চ| যে সন্তি তেষাং ন তু কশ্চিদন্যো বাযোঃ পরং জন্মনি হেতুরস্তি||৮৫|| বিট্শ্লেষ্মপিত্তাদিমলোচ্চযানাং বিক্ষেপসংহারকরঃ স যস্মাত্| তস্যাতিবৃদ্ধংস্য শমায ন্যায- দ্বস্তের্বিনা ভেষজমস্তি কিঞ্চিত্||৮৬|| তস্মাচ্চিকিত্সার্দ্ধ ইতি প্রদিষ্টঃ কৃত্স্না চিকিত্সাঽপি চ বস্তিরেকৈঃ| |৮৭|

Adhikarana shirAvyadho~api bastitulyaH (19) · Śloka 19

| তথা নিজাগন্তুবিকারকারি- রক্তৌষধত্বেন শিরাব্যধোঽপি||৮৭|| ইতি শ্রী বৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে বস্তিবিধির্নামৈকোনবিংতিতমোঽধ্যাযঃ||১৯||