22. gaṇḍūṣādividhiradhyāyaḥ

Adhikarana adhyAyopakramaH · Śloka

ইদানীং ধূমপানাদনন্তরং গণ্ডূষবিধিরেব যুক্তঃ| তদর্থমাহ

Adhikarana gaNDUShAdividhiradhyAyaH (2-3) · Śloka 3

অথাতো গণ্ডূষাদিবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| )||৩||

স০-গণ্ডূষাদযো বিধীযন্তেঽস্মিন্নিতি গণ্ডূষাদিবিধিঃ| আদিশব্দেন কবলাদিপরিগ্রহঃ|

Adhikarana gaNDUShabhedAH (1) · Śloka 1

চতুষ্প্রকরো গণ্ডূষঃ স্নিগ্ধঃ শমনশোধনৌ| রোপণশ্চ|১|

স০-স্নিগ্ধাদিভেদেন চত্বারঃ প্রকারাঃ-ভেদাঃ, যস্য স চতুষ্প্রকারো গণ্ডূষো ভবতি|

Adhikarana gaNDUShANAM doShabhedena viShayaH (1-2) · Śloka 2

| ত্রযস্তত্র ত্রিষু যোজ্যাশ্চলাদিষু||১|| অন্ত্যো ব্রণঘ্নঃ| |২|

স০-তত্র-তেষু গণ্ডূষেষু মধ্যে, যথাসঙ্খ্যং পবনপিত্তশ্লেষ্মসু ত্রযঃ স্নিগ্ধাদযো গণ্ডূষা যোজ্যাঃ| তত্র বাতে স্নিগ্ধো গণ্ডূষঃ, পিত্তে শমনঃ, কফে শোধন ইত্যর্থঃ| অন্ত্যো-রোপণাখ্যো ব্রণঘ্নো-ব্রণসাধন উপযুজ্যতে|

Adhikarana snigdhasya dravyANi (2) · Śloka 2

ইদানীমেষাং লক্ষণানি বক্তুমাহ স্নিগ্ধোঽত্র স্বাদ্বম্লপটুসাধিতৈঃ| স্নেহৈঃ|২|

স০- অত্র-এষু গণ্ডূষেষু মধ্যে, স্নিগ্ধো মধুরাদিসাধিতৈঃ স্নেহৈর্ভবতি|

Adhikarana shamanasya dravyANi (2) · Śloka 2

| সংশমনস্তিক্তকষাযমধুরৌষধৈঃ||২||

স০-শমনস্তিক্তাদিভিরৌষধৈঃ-পটোলারিষ্টজম্ব্বাম্রামধুকক্বাথশর্করোদকক্ষৌদ্রাদিভিঃ স্যাত্|

Adhikarana shodhanasya dravyANi (3) · Śloka 3

শোধনস্তিক্তকট্বম্লপটূষ্ণৈঃ| |৩|

স০-শোধনো গণ্ডূষস্তিক্তকট্বম্লাদিভিরৌষধৈর্ভবতি|

Adhikarana ropaNasya dravyANi (3) · Śloka 3

রোপণঃ পুনঃ| কষাযতিক্তকৈঃ|৩|

স০-রোপণস্তু গণ্ডূষঃ কষাযতিক্তকৈঃ স্যাত্|

Adhikarana gaNDUShArthaM dravyANi (3-4) · Śloka 4

ননু, দ্রব্যাণাং শুষ্কত্বাদ্গণ্ডূষানুপপত্তিরিতি চেত্তত্রাহ | তত্র স্নেহঃ ক্ষীরং মধূদকম্||৩|| শুক্তং মধ্যং রসো মূত্রং ধান্যাম্লং চ যথাযথম্| কল্কৈর্যুক্তং বিপক্বং বা যথাস্পর্শং প্রযোজযেত্||৪||

স০-তত্র-তেষু পূর্বোক্তেষু গণ্ডূষেষু মধ্যে, স্নেহাদিকং কল্কৈর্যথাস্বং যুক্তং বিপক্বং বা, যথাস্পর্শং-শীতমুষ্ণং বা, প্রযোজযেত্|

Adhikarana dantaharShAdau gaNDUShaH (5-6) · Śloka 6

দন্তহর্ষে দন্তচালে মুখরোগে চ বাতিকে| সুখোষ্ণমথবা শীতং তিলকল্কোদকং হিতম্||৫|| গণ্ডূষধারণে| |৬|

স০-দন্তহর্ষাদৌ কবোষ্ণমথবা শীতং দোষবশাত্ তিলকল্কোদকং হিতম্|

Adhikarana svasthe gaNDUShaH (6) · Śloka 6

নিত্যং তৈলং মাংসরসোঽথবা| |৬|

স০-গণ্ডূষধারণে নিত্যং তৈলং মাংসরসো বা হিতঃ|

Adhikarana UShAdAhamukhapAkAdau gaNDUShaH (6-7) · Śloka 7

| ঊষাদাহান্বিতে পাকে ক্ষতে চাগন্তুসম্ভবে||৬|| বিষে ক্ষারাগ্নিদগ্ধে চ সর্পির্ধার্যং পযোঽথবা| |৭|

স০-ঊষাদিযুক্তে পাকে ক্ষতে চাগন্তুজে, তথা বিষে ক্ষারাগ্নিভ্যাং দগ্ধে চ, সর্পির্গণ্ডূষে হিতং ক্ষীরং বা|

Adhikarana mukhapaicchilyAdau gaNDUShaH (7-8) · Śloka 8

| বৈশদ্যং জনযত্যাশু সন্দধাতি মুখে ব্রণান্||৭|| দাহতৃষ্ণাপ্রশমনং মধুগণ্ডূষধারণম্| |৮|

স০-মাক্ষিকগণ্ডূষধারণং মুখে বৈশদ্যং-অপৈচ্ছিত্যং, জনযতি, মুখব্রণাংশ্চ সন্দধাতি| তথা, দাহং তৃষ্ণাং চ প্রশমযতি|

Adhikarana mukhavairasyAdau gaNDUShaH (8) · Śloka 8

| ধান্যাম্লমাস্যবৈরস্যমলদৌর্গন্ধ্যনাশনম্||৮||

স০-ধান্যাম্লং গণ্ডূষ উপযুক্তং বদনবৈরস্যং তথা মলং দৌর্গন্ধ্যং চাপনযতি|

Adhikarana mukhashoShe gaNDUShaH (9) · Śloka 9

তদেবালবণং শীতং মুখশোষহরং পরম্| |৯|

স০-তদেব-কাঞ্জিকং, অলবণং শীতং পরং-অতিশযেন, আস্যশোষহরম্|

Adhikarana shleShmasa~jcaye gaNDUShaH (9) · Śloka 9

| আশু ক্ষারাম্বুগণ্ডূষো ভিনত্তি শ্লেষ্মণশ্চযম্||৯||

স০-ক্ষারেণ-স্বর্জিকাদিনা, যুক্তং জলং কফস্য চযমাশু ভিনত্তি|

Adhikarana mukhagaurave gaNDUShaH (10) · Śloka 10

সুখোষ্ণোদকগণ্ডূষৈর্জাযতে বক্ত্রলাঘবম্| |১০|

স০-কোষ্ণপানীযগণ্ডূষৈর্বদনলাঘবং সম্পদ্যতে|

Adhikarana gaNDUShavidhiH (10-11) · Śloka 11

| নিবাতে সাতপে স্বিন্নমৃদিতস্কন্ধকন্ধরঃ||১০|| গণ্ডূষমপিবন্ কিঞ্চিদুন্নতাস্যো বিধারযেত্| |১১|

স০-বাতরহিতে রবিকরালোকে স্থানে| স্কন্ধৌ চ কন্ধরা চ স্কন্ধকন্ধরম্| পূর্বং খিন্নং পশ্চান্মৃদিতং স্কন্ধকন্ধরং যস্য স এবম্| তথা গণ্ডূষমপিবন্, তথা কিঞ্চিদুন্নতং মুখং যস্য স এবংবিধঃ সন্, গণ্ডূষং ধারযেত্|

Adhikarana gaNDUShadhAraNAvadhiH (11) · Śloka 11

কিযন্তং কালং ? ইত্যাহ | কফপূর্ণাস্যতা যাবত্স্রবদ্ঘ্রাণাক্ষতাঽথবা||১১||

স০-কফেন পূর্ণং কফপূর্ণমাস্যং যস্য স কফপূর্ণাস্যঃ, তস্য ভাবঃ কফপূর্ণাস্যতা,-কফপূর্ণমুখতা, যাবদ্ভবেত্| অথবা স্রবদ্ঘ্রাণাক্ষি যস্য স স্রবদ্ঘ্রাণাক্ষঃ, "বহুব্রীহৌ সক্থ্যক্ষ্ণোঃ" ইতি ষচ্| তস্য ভাবঃ স্রবদ্ঘ্রাণাক্ষতা যাবত্স্যাত্, তাবদ্গণ্ডূষান্ ধারযেত্| এবং গণ্ডূষাঃ পঞ্চ সপ্ত বা ধারযিতব্যাঃ, যাবত্স্বাস্থ্যং স্যাত্|

Adhikarana gaNDUShakavalayorbhaidaH (12) · Śloka 12

অসঞ্চার্যো মুখে পূর্ণে গণ্ডূষঃ, কবলোঽন্যথা| |১২|

স০-মুখে পূর্ণে সতি যঃ সঞ্চারযিতুমশক্যঃ স্যাত্ স গণ্ডূষ উচ্যতে| অন্যথা-মুখেঽপূর্ণে সতি যঃ সঞ্চারযিতুং শক্যতে, স কবল উচ্যতে|

Adhikarana kavalasya viShayaH (12) · Śloka 12

মন্যাশিরঃকর্ণমুখাক্ষিরোগাঃ প্রসেককণ্ঠামযবক্ত্রশোষাঃ| হৃল্লাসতন্দ্রারুচিপীনসাশ্চ সাধ্যা বিশেষাত্কবলগ্রহেণ||১২||

স০-মন্যাদীনাং রোগেণ সম্বন্ধঃ| প্রসেকাদীনাং দ্বন্দ্বঃ| আমযশব্দস্য কণ্ঠেন সম্বন্ধো বিবিধকণ্ঠরোগসূচনার্থঃ| মন্যারোগাদযো বিশেষেণ কবলধারণেন সাধ্যাঃ-চিকিত্স্যাঃ|

Adhikarana pratisAraNam (13) · Śloka 13

| কল্কো রসক্রিযা চূর্ণস্ত্রিবিধং প্রতিসারণম্||১৩||

স০-কল্কাদিভেদেন প্রতিসারণং ত্রিধা স্যাত্| কল্কো-জলদিপিষ্টঃ| মাক্ষিকাদিনা যদ্রবীক্রিযতে দ্রব্যং সা রসক্রিযা| চূর্ণং তু-প্রথিতমেব|

Adhikarana pratisAraNasya viShayo dravyANi ca (1) · Śloka 1

যুঞ্জ্যাত্তত্ কফরোগেষু গণ্ডূষবিহিতৌষধৈঃ| ||১||

স০-তত্-প্রতিসারণং, শ্লেষ্মরোগেষু গণ্ডূষোক্তৈরৌষধৈর্যোজ্যম্| সামান্যোক্তাবপি কফযোগবিষযত্বাত্ শোধনগণ্ডূষোক্তৈরৌষধৈরিতি বেদ্যম্|

Adhikarana mukhAlepabhedAH (14) · Śloka 14

| মুখালেপস্ত্রিধা দোষবিষহা বর্ণকৃচ্চ|১৪|

স০-মুখালেপস্ত্রিপ্রকারঃ, দোষঘ্নো বিষঘ্নো বর্ণকরশ্চ|

Adhikarana vAtaghnakaphaghnAvuShNau kAryau, pitttaghnaviShanghavarNyAH shItAH kAryAH (14-15) · Śloka 15

| সঃ||১৪|| উষ্ণো বাতকফে শস্তঃ, শেষেষ্বন্যর্থশীতলঃ| |১৫|

স০-স চ-মুখালেপো, বাতশ্লেষ্মণ্যুষ্ণো হিতঃ| শেষেষু পিত্তে বিষে (বর্ণে) চ, অতিশযেন শিশিরো হিতঃ|

Adhikarana mukhAlepapramaNam (15) · Śloka 15

| ত্রিপ্রমাণশ্চতুর্ভাগত্রিভাগার্দ্ধাঙ্গুলোন্নতিঃ||১৫||

স০-চতুর্ভাগত্রিভাগার্দ্ধাঙ্গুলোন্নতিঃ| উন্নতিঃ-উত্সেধঃ|

Adhikarana mukhAlepAvadhiH,mukhAlepApanayanam (16) · Śloka 16

অশুষ্কস্য স্থিতিস্তস্য, শুষ্কো দূষযতি চ্ছবিম্| তমার্দ্রযিত্বাঽপনযেত্তদন্তেঽভ্যঙ্গমাচরেত্||১৬||

স০-তস্য-মুখালেপস্য, অশুষ্কস্য স্থিতিঃ| শুষ্কস্তু মুখালেপশ্ছবিং-ত্বচং, দূষযতি| তং-মুখালেপং, আর্দ্রযিত্বা-তীমযিত্বা, অপসারযেত্| তস্যান্তে-তস্মিন্নপনীতে, অভ্যঙ্গং কুর্যাত্|

Adhikarana mukhAlepavarjyAni (17) · Śloka 17

বিবর্জযেদ্দিবাস্বপ্নভাষ্যাগ্ন্যাতপশুক্ক্রুধঃ| |১৭|

স০-মুখালেপী চ দিবাস্বপ্নাদি বর্জযেত্| অহঃস্বপ্নাদিসেবনাত্ কণ্ডূত্বকূশোষপীনসদৃষ্ট্যুপঘাতাদিভযং স্যাত্|

Adhikarana pInasAdau mukhAlepaniShedhaH (17-18) · Śloka 18

| ন যোজ্যঃ পীনসেঽজীর্ণে দত্তনস্যে হনুগ্রহে||১৭|| অরোচকে জাগরিতে| |১৮|

স০-পীনসাদৌ মুখলেপো ন যোজ্যাঃ|

Adhikarana mukhAlepasya phalam (18) · Śloka 18

স তু হন্তি সুযোজিতঃ| অকালপলিতব্যঙ্গবলীতিমিরনীলিকাঃ||১৮||

স০-স চ-মুখালেপঃ, সুযোজিতো-বিধিনা সেবিতঃ, অকালপলিতাদীন্ পরাকরোতি|

Adhikarana kolamajjAdayaH ShaNmukhAlepA,hemantAdiShu ShaDRutuShu yojyAH (19-22) · Śloka 22

কোলমজ্জা বৃষান্মূলং শাবরং গৌরসর্ষপাঃ| সিংহীমূলং তিলাঃ কৃষ্ণা দার্বীত্বঙ্নিস্তুষা যবাঃ||১৯|| দর্ভমূলহিমোশীরশিরীষমিশিতণ্ডুলাঃ| কুমুদোত্পলকহ্লারদূর্বামধুকচন্দনম্||২০|| কালীযকতিলোশীরমাংসীতগরপদ্মকম্| তালীসগুন্দ্রাপুণ্ড্রাহ্বযষ্টীকাশনতাগুরু||২১|| ইত্যার্দ্ধার্দ্ধোদিতা লেপা হেমন্তাদিষু ষট্ স্মৃতাঃ| |২২|

স০-কোলমজ্জাদযোঽর্দ্ধশ্লোকোক্তাঃ ষট্ মুখালেপাঃ ষট্সু হেমান্তাদিষু ৠতুষু স্মৃতাঃ| মুনীন্দ্রৈরিতি শেষঃ| তত্র বদরমজ্জাদযো হেমন্তে, ব্যাঘ্র্যাদযঃ শিশিরে, দর্ভমূলাদযো বসন্তে, কুমুদাদযো গ্রীষ্মে, কালীযকাদযঃ প্রাবৃষি, তালীসাদযঃ শরদি, ইতি|

Adhikarana varNyamukhAlepashIlanasya phalam (22-23) · Śloka 23

| মুখালেপনশীলানাং দৃঢং ভবতি দর্শনম্||২২|| বদনং চাপরিম্লানং শ্লক্ষ্ণং তামরসোপমম্| |২৩|

স০-মুখালেপাভ্যাসবতাং নরাণাং দর্শনং-দৃষ্টিঃ, দৃঢং স্যাত্| মুখং চ বিকসিতমিব তথা কোমলং পদ্মতুল্যং ভবতি-জাযতে|

Adhikarana mUrddhatailabhedAH (23-24) · Śloka 24

| অভ্যঙ্গসেকপিচবো বস্তিশ্চেতি চতুর্বিধম্||২৩|| মূর্দ্ধতৈলম্| |২৪|

স০-অভ্যঙ্গাদিভেদাত্ চতুর্ধা শিরসি তৈলং স্যাত্|

Adhikarana abhya~ggAdInAM tAratamyam (24) · Śloka 24

বহুগুণং তদ্বিদ্যাদুত্তরোত্তরম্| |২৪|

স০-তচ্চোত্তরোত্তরং বহুগুণং বিদ্যাত্| অভ্যঙ্ঘাত্ সেকো বহুগুণাঃ, ততোঽপি পিচুঃ, তস্মাদপি বস্তিঃ, ইতি ক্রমেণ|

Adhikarana abhya~ggasya viShayaH (24) · Śloka 24

| তত্রাভ্যঙ্গঃ প্রযোক্তব্যো রৌক্ষ্যকণ্ডূমলাদিষু||২৪||

স০-তত্র-তেষু মধ্যে, রৌক্ষ্যাদীষ্বভ্যঙ্গঃ প্রযোজ্যঃ|

Adhikarana sekasya viShayaH (25) · Śloka 25

অরূংষিকাশিরস্তোদদাহপাকব্রণেষু তু| পরিষেকঃ|২৫|

স০-অরূংষিকাদিষু পরিষেকঃ|

Adhikarana picorviShayaH (25-26) · Śloka 26

| পিচুঃ কেশশাতস্ফুটনধূপনে||২৫|| নেত্রস্তম্ভে চ| |২৬|

স০-কেশশাতাদিষু পিচুঃ প্রযোক্তব্যঃ|

Adhikarana basterviShayaH (26) · Śloka 26

বস্তিস্তু প্রসুপ্ত্যর্দিতজাগজে| নাসাস্যশোষে তিমিরে শিরোরোগে চ দারুণে||২৬||

স০-বস্তিঃ পুনঃ প্রসুপ্ত্যাদৌ যোজ্যঃ|

Adhikarana shirobastividhiH (27-30) · Śloka 30

বিধিস্তস্য নিষণ্ণস্য পীঠে জানুসমে মৃদৌ| শুদ্ধাক্তস্বিন্নদেহস্য দিনান্তে গব্যমাহিষম্||২৭|| দ্বাদশাঙ্গুলবিস্তীর্ণং চর্মপট্টং শিরঃসমম্| আকর্ণবন্ধনস্থানং ললাটে বস্ত্রবেষ্টিতে||২৮|| চৈলবেণিকযা বদ্ধ্বা মাষকল্কেন লেপযেত্| ততো যথাব্যাধি শ্রুতং স্নেহং কোষ্ণং নিষেচযেত্||২৯|| ঊর্ধ্বং কেশভুবো যাবদঙ্গুলম্| |৩০|

স০-তস্য-শিরোবস্তের্বিধানমুচ্যতে| নিষণ্ণস্য-উপবিষ্টস্য নরস্য| ক্ব ? পীঠে জানুতুল্যে, তথা মৃদৌ-অকঠিনে| কিম্ভূতস্য নরস্য ? শুদ্ধো-বমনাদিনা, অক্তঃ-তৈলাদিনা, খিন্নঃ-খেদেন, দেহো যস্য তস্য শুদ্ধাক্তখিন্নদেহস্য| কদা ? দিনান্তে,-অপরাহ্নে বিভাবর্যাং বা| চর্মপট্টং-গব্যং মাহিষং বা, তথা দ্বাদশাঙ্গুলবিস্তীর্ণং, তথা শিরস্তুল্যং, তথাঽঽকর্ণং-যাবত্, বন্ধনস্থানং যস্য, তদেবংবিধং চর্মপট্টং চৈলবেণিকযা সংযম্য মাষকল্কেন লেপযেত্| কদা ? ললাটে বস্ত্রবেষ্টিতে| সঙ্গ্রহে তূক্তম্ (সূ.অ.৩১)-"অথ শুদ্ধতনোঃ সাযং রাত্রৌ বা নিবাতস্থস্য স্বভ্যক্তখিন্নস্য সোপাশ্রযাসনোপবিষ্টস্য কেশান্তে শ্লক্ষ্ণং ত্র্যঙ্গুলং মাষপিষ্টেন সুসূক্ষ্মেণ সদ্যঃ সুখাম্বুনা মৃদিতেনোভযতঃ প্রদিগ্ধং বস্ত্রপট্টং বধ্নীযাত্| ততস্তস্যোপরি সন্ধায বস্তিমাকর্ণং বস্তিমূলং চ দৃঢমবলীকং সমং চৈলবেণিকযা বদ্ধ্বা পুনর্মাষপিষ্টেনাপরিস্ত্রাবি কৃত্বা যথাব্যাধিদোষদূষ্যহিতং সিদ্ধমন্যতমং স্নেহং সুখোষ্ণমাসেচযেত্|" ইতি| তত এবং কৃতে সতি ব্যাধিবশেন পক্বং স্নেহং কোষ্ণমুপরিচ্চিদ্রেণাবসেচযেত্| কেশভূমেরুপরিষ্টাদঙ্গুলং যাবত্|

Adhikarana bastidhAraNAvadhiH (30-31) · Śloka 31

স চ স্নেহঃ কিযত্কালং ধার্যঃ ? ইত্যাহ ধারযেচ্চ তম্| আবক্ত্রনাসিকোত্ক্লেদাদ্দশাষ্টৌ ষট্ চলাদিষু||৩০|| মাত্রাসহস্রাণ্যরুজে ত্বেকং| |৩১|

স০-তং চ-স্নেহ, যাবদ্বক্ত্রনাসিকাস্রুতিঃ স্যাত্তাবদ্ধারযেত্| চল আদির্যেষাং তে চলাদযঃ, তেষু যথাসঙ্হ্খ্যং দশাষ্টৌ ষট্ মাত্রাসহস্রাণি যাবত্স্নেহং ধারযেত্| বাতে দশ মাত্রাসহস্রাণি, পিত্তেঽষ্টৌ মাত্রাসহস্রাণি, কফে ষণ্মাত্রাসহস্রাণীত্যর্থঃ| অরুজে তু-স্বস্থবৃতে, একং মাত্রাসহস্রং ধারযেত্|

Adhikarana bastyante kRutyam (31) · Śloka 31

স্কন্ধাদি মর্দযেত্| মুক্তস্নেহস্য|৩১|

স০-মুক্তস্নেহস্য-অপনীতশিরোবস্তেঃ, স্কন্ধশিরোগ্রীবাদি মর্দযেত্| স্নেহবস্তির্হি স্নেহশব্দেনাত্র গৃহ্যতে| ততঃ "উষ্ণোদকোপচারী স্যাত্ " ইত্যাদিকমাচরেত্| তত্র হ্যবোচত্ (হৃ.সূ.অ.১৬|২৮)-"সর্বকর্মস্বযং প্রাযো ব্যাধিক্ষীণেষু চ ক্রমঃ|" ইতি|

Adhikarana bastyAvRuttyavadhiH (31) · Śloka 31

| পরমং সপ্তাহং তস্য সেবনম্||৩১||

স০-তস্য চ-স্নেহবস্তেঃ, পরমঃ সেকঃ সপ্ত দিনানি| তস্মাত্ত্রীণি পঞ্চ সপ্ত বাঽহানি কার্যঃ শিরোবস্তিরিত্যবতিষ্ঠতে|

Adhikarana karNapUraNevidhirmAnaM ca mAtrAlakShaNam (32) · Śloka 32

ধারযেত্পূরণং কর্ণে কর্ণমূলং বিমর্দযন্| রুজঃ স্যান্মার্দবং যাবন্মাত্রাশতমবেদনে||৩২||

স০-কর্ণে পূরণং ধারযেত্| কিং কুর্বন্ ? কর্ণমূলং বিমর্দযন্| কিযন্তং কালম্ ? যাবত্পীডাযা মার্দবং ভবেত্| স্বস্থবৃতে তু মাত্রাশতং যাবদ্বিভৃযাত্|

Adhikarana mAtrAlakShaNam (33) · Śloka 33

অথ মাত্রাযাঃ কিং প্রমাণং ? ইত্যাহ যাবত্পর্যেতি হস্তাগ্রং দক্ষিণং জানুমণ্ডলম্| নিমেষোন্মেষকালেন সমং মাত্রা তু সা স্মৃতা||৩৩||

স০-দক্ষিণং হস্তাগ্রং কর্তৃ যাবত্ দক্ষিণং জানুমণ্ডলং পর্যেতি-পরিবর্ততে| দক্ষিণশব্দোঽত্র কাকাক্ষিগোলকন্যাযেন দ্বযোরপি যুজ্যতে| কিযত্কালেন ? ইত্যাহ-নিমেষোন্মেষমাত্রেণ সমং,-ন তু বিশ্রম্য| সা মাত্রা স্মৃতেতি| মুনিভিরিতি শেষঃ|

Adhikarana mUrddhatailashIlanasya phalam (22) · Śloka 22

কচসদনসিতত্বপিঞ্জরত্বং পরিফুটনং শিরসঃ সমীররোগান্| জযতি, জনযতীন্দ্রিযপ্রসাদং স্বরহনুমূর্দ্ধবলং চ মূর্দ্ধতৈলম্||৩৪|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে গণ্ডূষাদিবিধির্নাম দ্বাবিংশোঽধ্যাযঃ||২২||

স০-কচানাং সদনাদিভিঃ সম্বন্ধঃ| পরিফুটনং-কচানামেব, প্রকৃতত্বাত্| শিরসো মরুদামযাংশ্চ হন্তি| ইন্দ্রিযাণাং-চক্ষুরাদীনাং, প্রসাদং জনযতি| তথা, স্বরাদিবলং চ মূর্দ্ধতৈলং জনযতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিটযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে গণ্ডূষাদিবিধির্নাম দ্বাবিংশতিতমোঽধ্যাযঃ সমাপ্তঃ|| ২২||