22. gaṇḍūṣādividhiradhyāyaḥ

Adhikarana gaNDUShAdividhiradhyAyaH (2-3) · Śloka 3

অথাতো গণ্ডূষাদিবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| )||৩||

Adhikarana gaNDUShabhedAH (1) · Śloka 1

চতুষ্প্রকরো গণ্ডূষঃ স্নিগ্ধঃ শমনশোধনৌ| রোপণশ্চ|১|

Adhikarana gaNDUShANAM doShabhedena viShayaH (1-2) · Śloka 2

| ত্রযস্তত্র ত্রিষু যোজ্যাশ্চলাদিষু||১|| অন্ত্যো ব্রণঘ্নঃ| |২|

Adhikarana snigdhasya dravyANi (2) · Śloka 2

ইদানীমেষাং লক্ষণানি বক্তুমাহ স্নিগ্ধোঽত্র স্বাদ্বম্লপটুসাধিতৈঃ| স্নেহৈঃ|২|

Adhikarana shamanasya dravyANi (2) · Śloka 2

| সংশমনস্তিক্তকষাযমধুরৌষধৈঃ||২||

Adhikarana shodhanasya dravyANi (3) · Śloka 3

শোধনস্তিক্তকট্বম্লপটূষ্ণৈঃ| |৩|

Adhikarana ropaNasya dravyANi (3) · Śloka 3

রোপণঃ পুনঃ| কষাযতিক্তকৈঃ|৩|

Adhikarana gaNDUShArthaM dravyANi (3-4) · Śloka 4

ননু, দ্রব্যাণাং শুষ্কত্বাদ্গণ্ডূষানুপপত্তিরিতি চেত্তত্রাহ | তত্র স্নেহঃ ক্ষীরং মধূদকম্||৩|| শুক্তং মধ্যং রসো মূত্রং ধান্যাম্লং চ যথাযথম্| কল্কৈর্যুক্তং বিপক্বং বা যথাস্পর্শং প্রযোজযেত্||৪||

Adhikarana dantaharShAdau gaNDUShaH (5-6) · Śloka 6

দন্তহর্ষে দন্তচালে মুখরোগে চ বাতিকে| সুখোষ্ণমথবা শীতং তিলকল্কোদকং হিতম্||৫|| গণ্ডূষধারণে| |৬|

Adhikarana svasthe gaNDUShaH (6) · Śloka 6

নিত্যং তৈলং মাংসরসোঽথবা| |৬|

Adhikarana UShAdAhamukhapAkAdau gaNDUShaH (6-7) · Śloka 7

| ঊষাদাহান্বিতে পাকে ক্ষতে চাগন্তুসম্ভবে||৬|| বিষে ক্ষারাগ্নিদগ্ধে চ সর্পির্ধার্যং পযোঽথবা| |৭|

Adhikarana mukhapaicchilyAdau gaNDUShaH (7-8) · Śloka 8

| বৈশদ্যং জনযত্যাশু সন্দধাতি মুখে ব্রণান্||৭|| দাহতৃষ্ণাপ্রশমনং মধুগণ্ডূষধারণম্| |৮|

Adhikarana mukhavairasyAdau gaNDUShaH (8) · Śloka 8

| ধান্যাম্লমাস্যবৈরস্যমলদৌর্গন্ধ্যনাশনম্||৮||

Adhikarana mukhashoShe gaNDUShaH (9) · Śloka 9

তদেবালবণং শীতং মুখশোষহরং পরম্| |৯|

Adhikarana shleShmasa~jcaye gaNDUShaH (9) · Śloka 9

| আশু ক্ষারাম্বুগণ্ডূষো ভিনত্তি শ্লেষ্মণশ্চযম্||৯||

Adhikarana mukhagaurave gaNDUShaH (10) · Śloka 10

সুখোষ্ণোদকগণ্ডূষৈর্জাযতে বক্ত্রলাঘবম্| |১০|

Adhikarana gaNDUShavidhiH (10-11) · Śloka 11

| নিবাতে সাতপে স্বিন্নমৃদিতস্কন্ধকন্ধরঃ||১০|| গণ্ডূষমপিবন্ কিঞ্চিদুন্নতাস্যো বিধারযেত্| |১১|

Adhikarana gaNDUShadhAraNAvadhiH (11) · Śloka 11

কিযন্তং কালং ? ইত্যাহ | কফপূর্ণাস্যতা যাবত্স্রবদ্ঘ্রাণাক্ষতাঽথবা||১১||

Adhikarana gaNDUShakavalayorbhaidaH (12) · Śloka 12

অসঞ্চার্যো মুখে পূর্ণে গণ্ডূষঃ, কবলোঽন্যথা| |১২|

Adhikarana kavalasya viShayaH (12) · Śloka 12

মন্যাশিরঃকর্ণমুখাক্ষিরোগাঃ প্রসেককণ্ঠামযবক্ত্রশোষাঃ| হৃল্লাসতন্দ্রারুচিপীনসাশ্চ সাধ্যা বিশেষাত্কবলগ্রহেণ||১২||

Adhikarana pratisAraNam (13) · Śloka 13

| কল্কো রসক্রিযা চূর্ণস্ত্রিবিধং প্রতিসারণম্||১৩||

Adhikarana pratisAraNasya viShayo dravyANi ca (1) · Śloka 1

যুঞ্জ্যাত্তত্ কফরোগেষু গণ্ডূষবিহিতৌষধৈঃ| ||১||

Adhikarana mukhAlepabhedAH (14) · Śloka 14

| মুখালেপস্ত্রিধা দোষবিষহা বর্ণকৃচ্চ|১৪|

Adhikarana vAtaghnakaphaghnAvuShNau kAryau, pitttaghnaviShanghavarNyAH shItAH kAryAH (14-15) · Śloka 15

| সঃ||১৪|| উষ্ণো বাতকফে শস্তঃ, শেষেষ্বন্যর্থশীতলঃ| |১৫|

Adhikarana mukhAlepapramaNam (15) · Śloka 15

| ত্রিপ্রমাণশ্চতুর্ভাগত্রিভাগার্দ্ধাঙ্গুলোন্নতিঃ||১৫||

Adhikarana mukhAlepAvadhiH,mukhAlepApanayanam (16) · Śloka 16

অশুষ্কস্য স্থিতিস্তস্য, শুষ্কো দূষযতি চ্ছবিম্| তমার্দ্রযিত্বাঽপনযেত্তদন্তেঽভ্যঙ্গমাচরেত্||১৬||

Adhikarana mukhAlepavarjyAni (17) · Śloka 17

বিবর্জযেদ্দিবাস্বপ্নভাষ্যাগ্ন্যাতপশুক্ক্রুধঃ| |১৭|

Adhikarana pInasAdau mukhAlepaniShedhaH (17-18) · Śloka 18

| ন যোজ্যঃ পীনসেঽজীর্ণে দত্তনস্যে হনুগ্রহে||১৭|| অরোচকে জাগরিতে| |১৮|

Adhikarana mukhAlepasya phalam (18) · Śloka 18

স তু হন্তি সুযোজিতঃ| অকালপলিতব্যঙ্গবলীতিমিরনীলিকাঃ||১৮||

Adhikarana kolamajjAdayaH ShaNmukhAlepA,hemantAdiShu ShaDRutuShu yojyAH (19-22) · Śloka 22

কোলমজ্জা বৃষান্মূলং শাবরং গৌরসর্ষপাঃ| সিংহীমূলং তিলাঃ কৃষ্ণা দার্বীত্বঙ্নিস্তুষা যবাঃ||১৯|| দর্ভমূলহিমোশীরশিরীষমিশিতণ্ডুলাঃ| কুমুদোত্পলকহ্লারদূর্বামধুকচন্দনম্||২০|| কালীযকতিলোশীরমাংসীতগরপদ্মকম্| তালীসগুন্দ্রাপুণ্ড্রাহ্বযষ্টীকাশনতাগুরু||২১|| ইত্যার্দ্ধার্দ্ধোদিতা লেপা হেমন্তাদিষু ষট্ স্মৃতাঃ| |২২|

Adhikarana varNyamukhAlepashIlanasya phalam (22-23) · Śloka 23

| মুখালেপনশীলানাং দৃঢং ভবতি দর্শনম্||২২|| বদনং চাপরিম্লানং শ্লক্ষ্ণং তামরসোপমম্| |২৩|

Adhikarana mUrddhatailabhedAH (23-24) · Śloka 24

| অভ্যঙ্গসেকপিচবো বস্তিশ্চেতি চতুর্বিধম্||২৩|| মূর্দ্ধতৈলম্| |২৪|

Adhikarana abhya~ggAdInAM tAratamyam (24) · Śloka 24

বহুগুণং তদ্বিদ্যাদুত্তরোত্তরম্| |২৪|

Adhikarana abhya~ggasya viShayaH (24) · Śloka 24

| তত্রাভ্যঙ্গঃ প্রযোক্তব্যো রৌক্ষ্যকণ্ডূমলাদিষু||২৪||

Adhikarana sekasya viShayaH (25) · Śloka 25

অরূংষিকাশিরস্তোদদাহপাকব্রণেষু তু| পরিষেকঃ|২৫|

Adhikarana picorviShayaH (25-26) · Śloka 26

| পিচুঃ কেশশাতস্ফুটনধূপনে||২৫|| নেত্রস্তম্ভে চ| |২৬|

Adhikarana basterviShayaH (26) · Śloka 26

বস্তিস্তু প্রসুপ্ত্যর্দিতজাগজে| নাসাস্যশোষে তিমিরে শিরোরোগে চ দারুণে||২৬||

Adhikarana shirobastividhiH (27-30) · Śloka 30

বিধিস্তস্য নিষণ্ণস্য পীঠে জানুসমে মৃদৌ| শুদ্ধাক্তস্বিন্নদেহস্য দিনান্তে গব্যমাহিষম্||২৭|| দ্বাদশাঙ্গুলবিস্তীর্ণং চর্মপট্টং শিরঃসমম্| আকর্ণবন্ধনস্থানং ললাটে বস্ত্রবেষ্টিতে||২৮|| চৈলবেণিকযা বদ্ধ্বা মাষকল্কেন লেপযেত্| ততো যথাব্যাধি শ্রুতং স্নেহং কোষ্ণং নিষেচযেত্||২৯|| ঊর্ধ্বং কেশভুবো যাবদঙ্গুলম্| |৩০|

Adhikarana bastidhAraNAvadhiH (30-31) · Śloka 31

স চ স্নেহঃ কিযত্কালং ধার্যঃ ? ইত্যাহ ধারযেচ্চ তম্| আবক্ত্রনাসিকোত্ক্লেদাদ্দশাষ্টৌ ষট্ চলাদিষু||৩০|| মাত্রাসহস্রাণ্যরুজে ত্বেকং| |৩১|

Adhikarana bastyante kRutyam (31) · Śloka 31

স্কন্ধাদি মর্দযেত্| মুক্তস্নেহস্য|৩১|

Adhikarana bastyAvRuttyavadhiH (31) · Śloka 31

| পরমং সপ্তাহং তস্য সেবনম্||৩১||

Adhikarana karNapUraNevidhirmAnaM ca mAtrAlakShaNam (32) · Śloka 32

ধারযেত্পূরণং কর্ণে কর্ণমূলং বিমর্দযন্| রুজঃ স্যান্মার্দবং যাবন্মাত্রাশতমবেদনে||৩২||

Adhikarana mAtrAlakShaNam (33) · Śloka 33

অথ মাত্রাযাঃ কিং প্রমাণং ? ইত্যাহ যাবত্পর্যেতি হস্তাগ্রং দক্ষিণং জানুমণ্ডলম্| নিমেষোন্মেষকালেন সমং মাত্রা তু সা স্মৃতা||৩৩||

Adhikarana mUrddhatailashIlanasya phalam (22) · Śloka 22

কচসদনসিতত্বপিঞ্জরত্বং পরিফুটনং শিরসঃ সমীররোগান্| জযতি, জনযতীন্দ্রিযপ্রসাদং স্বরহনুমূর্দ্ধবলং চ মূর্দ্ধতৈলম্||৩৪|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে গণ্ডূষাদিবিধির্নাম দ্বাবিংশোঽধ্যাযঃ||২২||