Adhikarana adhyAyopakramaH · Śloka
🔊 Audio coming soon
স০ -অন্নরক্ষাধ্যাযাদনন্তরং মাত্রাশিতীযাধ্যাযারম্ভো যুক্তঃ| যতো বিষাদিভ্যো রক্ষিতমন্নপানং হীনমাত্রাতিমাত্রাভ্যবহৃতং জীবিতোপঘাতায সম্পদ্যতে| মাত্রাভ্যবহৃতং প্রাণিনাং প্রাণায|-
8. mātrāśitīyādhyāyō'ṣṭamaḥ
Adhikarana mAtrAshitIyAdhyAyo~aShTamaH (2) · Śloka 2
অথাতো মাত্রাশিতীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২||
View original
अथातो मात्राशितीयमध्यायं व्याख्यास्यामः| इति ह स्माहुरात्रेयादयो महर्षयः| (गद्यसूत्रे||२||
🔊 Audio coming soon
স০-অথেত্যানন্তর্যে| যথা,-"অথাঽতো ধর্মজিজ্ঞাসা|" ইত্যত্র মীমাংসাযাং বেদাধ্যযনাদনন্তরং ধর্মো জিজ্ঞাসিতব্য ইত্যর্থঃ| অত ইতি প্রস্তুতাভিসম্বন্ধে| অশনং-অশিতম্| ভাবে নিষ্ঠা| মাত্রযাঽশিতং-মাত্রাশিতম্, তস্মৈ হিতো মাত্রাশিতীযঃ| শেষং পূর্ববদ্ব্যাখ্যেযম্|
Adhikarana mAtrAshanam (1) · Śloka 1
মাত্রাশী সর্বকালং স্যান্মাত্রা হ্যগ্নেঃ প্রবর্তিকা| মাত্রাং দ্রব্যাণ্যপেক্ষন্তে গুরূণ্যপি লঘূন্যপি||১||
View original
मात्राशी सर्वकालं स्यान्मात्रा ह्यग्नेः प्रवर्तिका| मात्रां द्रव्याण्यपेक्षन्ते गुरूण्यपि लघून्यपि||१||
🔊 Audio coming soon
স০-সর্বকালং-স্বস্থ আতুরো বা, মাত্রাশী স্যাত্-পরিমিতাশী ভবেত্| কুতো হেতোঃ ? হি-যস্মাত্, মাত্রাঽগ্নেঃ প্রবর্তিকা স্বব্যাপারে| অগ্নিপ্রবৃত্তিশ্চ দেহস্থিতিহেতুঃ| তথা চোক্তম্-"অগ্নিমূলং বলং পুংসাং বলমূলং হি জীবিতম্|" ইতি| তস্মান্মাত্রাযাঃ প্রাধান্যম্| অস্মাচ্চ কারণান্মাত্রাযাঃ প্রাধান্যং যতো মাত্রাং দ্রব্যাণ্যপেক্ষন্তে গুরূণ্যপি লঘূনি চ| তত্র গুরূণি-পিষ্টক্ষীরদ্রাক্ষাক্ষোডেক্ষুমাষানূপমাংসাদীনি| লঘূনি-দিব্যোদকরক্তশালিষষ্টিকমুদ্গলাবকপিঞ্জলৈণশশশম্বরাদীনি|
Adhikarana gurUNAM laghUnAM ca mAtrApramANam (2) · Śloka 2
তত্র গুরূণাং কা মাত্রা ? কা(চ) লঘূনাম্ ? ইত্যাহ গুরূণামর্ধসৌহিত্যং লঘূনাং নাতিতৃপ্ততা| মাত্রাপ্রমাণং নির্দিষ্টং সুখং যাবদ্বিজীর্যতি||২||
View original
तत्र गुरूणां का मात्रा ? का(च) लघूनाम् ? इत्याह गुरूणामर्धसौहित्यं लघूनां नातितृप्तता| मात्राप्रमाणं निर्दिष्टं सुखं यावद्विजीर्यति||२||
🔊 Audio coming soon
স০-গুরূণাং দ্রব্যাণামর্ধসৌহিত্যং-অর্ধতৃপ্তিঃ| লঘূনাং নাতিতৃপ্ততা-নাতিতৃপ্তিঃ, কিং তর্হি ? সৌহিত্যমাত্রম্| এতন্মাত্রাপ্রমাণং নির্দিষ্টম্| মাত্রা-হ্রস্বা মধ্যা বৃহতী চ, তস্যাঃ প্রমাণং-মাত্রাপ্রমাণম্| তত্র মাত্রা-পরিমাণং মানম্, তস্যাস্তু প্রমাণং-উন্মানম্| এবং চাত্র মাত্রাশব্দস্যাপৌনরুক্ত্যম্| হি যস্মাত্, যাবত্ পরিমাণমভ্যবহৃতং সুখং-অবিকৃতিং কৃত্বা, জীর্যতি-পরিণমতি|
Adhikarana hInamAtraBojane doShAH (3) · Śloka 3
ভোজনং হীনমাত্রং তু ন বলোপচযৌজসে| সর্বেষাং বাতরোগাণাং হেতুতাং চ প্রপদ্যতে||৩||
View original
भोजनं हीनमात्रं तु न बलोपचयौजसे| सर्वेषां वातरोगाणां हेतुतां च प्रपद्यते||३||
🔊 Audio coming soon
স০-হীনমাত্রং পুনরশনং ন বলায, নোপচযায, ন চৌজসে| সর্বেষাং বাতরোগাণাং হেতুতাং-কারণতাং যাতি|
Adhikarana atimAtre doShAH (4) · Śloka 4
অতিমাত্রং ত্বশনং ত্রীনপি দোষান্ প্রকোপযেত্| |৪|
View original
अतिमात्रं त्वशनं त्रीनपि दोषान् प्रकोपयेत्| |४|
🔊 Audio coming soon
স০-অতিমাত্রং ত্বশনং ত্রীনপি দোষান্ শীঘ্রমেব প্রকোপযতি|
Adhikarana visUcikAlasakayoH samprAptiH (4-6) · Śloka 6
প্রকুপিতাশ্চ ত্রযো দোষা অলসকাখ্যং বিসূচিকাখ্যং বা ব্যাধিং যথা কুর্বন্তি, তথা দর্শযতি | পীড্যমানা হি বাতাদ্যা যুগপত্তেন কোপিতাঃ||৪|| আমেনান্নেন দিষ্টেন তদেবাবিশ্য কুর্বতে| বিষ্টম্ভযন্তোঽলসকং চ্যাবযন্তো বিসূচিকাম্||৫|| অধরোত্তরমার্গাভ্যাং সহসৈবাজিতাত্মনঃ| |৬|
View original
प्रकुपिताश्च त्रयो दोषा अलसकाख्यं विसूचिकाख्यं वा व्याधिं यथा कुर्वन्ति, तथा दर्शयति | पीड्यमाना हि वाताद्या युगपत्तेन कोपिताः||४|| आमेनान्नेन दिष्टेन तदेवाविश्य कुर्वते| विष्टम्भयन्तोऽलसकं च्यावयन्तो विसूचिकाम्||५|| अधरोत्तरमार्गाभ्यां सहसैवाजितात्मनः| |६|
🔊 Audio coming soon
স০-তেনাপক্বেনান্নেন-আহারেণ, দুষ্টেন বতাদ্যা হি-যস্মাত্, পীড্যমানাঃ-বিবধ্যমানাঃ রুদ্ধমার্গত্বাত্, অত এব যুগপত্-এককালং সর্ব এব, কোপিতাস্তদেব-দুষ্টমন্নমাবিশ্য-আশ্রিত্যালসকং কুর্বতে| কিং কুর্বতঃ ? বিষ্টম্ভযতঃ,-তদেব দুষ্টমন্নং স্রোতঃসু রুন্ধানাঃ| তথা, অধরোত্তরমার্গাভ্যাং সহসৈব-অনুচিতে দেশে কালে (চ), চ্যাবযন্তঃ-ঊর্ধ্বমধশ্চ নিষ্কাশযন্তঃ| অজিতাত্মনঃ-অসংযতচেতসঃ পুংসৌ বিসূচিকাং কুর্বতে|
Adhikarana alasakanirvicanam (6-7) · Śloka 7
| প্রযাতি নোর্ধ্বং নাধস্তাদাহারো ন চ পচ্যতে||৬|| আমাশযেঽলসীভূতস্তেন সোঽলসকঃ স্মৃতঃ| |৭|
View original
| प्रयाति नोर्ध्वं नाधस्तादाहारो न च पच्यते||६|| आमाशयेऽलसीभूतस्तेन सोऽलसकः स्मृतः| |७|
🔊 Audio coming soon
স০-ঊর্ধ্বং-মুখেনাহারো ন প্রযাতি, ন চাধস্তাত্-গুদেন প্রযাতি, ন চাহারঃ পচ্যতে, আমশযে-"নাভিস্তনান্তরং জন্তোরামাশয ইতি স্মৃতঃ|" তস্মিন্, অলসীভূত ইবালসীভূতঃ| যথা,-অকর্মশীলঃ পুরুষোঽলস ইত্যুচ্যতে, তথাঽযমাহারোঽলসীভূতস্তিষ্ঠতি| তেন হেতুনা স রোগোঽলসকঃ স্মৃতঃ|
Adhikarana visUcikAnirvacanam (7-8) · Śloka 8
বিসূচিকাযা নির্বচনমাহ | বিবিধৈর্বেদনোদ্ভেদৈর্বায্বাদিভৃশকোপতঃ||৭|| সূচীভিরিব গাত্রাণি বিধ্যতীতি বিসূচিকা| |৮|
View original
विसूचिकाया निर्वचनमाह | विविधैर्वेदनोद्भेदैर्वाय्वादिभृशकोपतः||७|| सूचीभिरिव गात्राणि विध्यतीति विसूचिका| |८|
🔊 Audio coming soon
স০-বায্বাদীনাং ত্রযাণামত্যন্তপ্রকোপাত্ নানাপ্রকারৈর্বেদনোদ্ভেদৈঃ-পীডোত্পাদৈঃ, যস্মাদ্গাত্রাণি সূচিভিরিব বিধ্যতি, তস্মাদ্বিসূচিকেত্যুচ্যতে| বিবিধানাং বিকারাণাং সূচিকা-বিসূচিকেত্যুচ্যতে|
Adhikarana visUcikAlakShaNam (8-9) · Śloka 9
| তত্র শূলভ্রমানাহকম্পস্তম্ভাদযোঽনিলাত্||৮|| পিত্তাজ্জ্বরাতিসারান্তর্দাহতৃট্প্রলযাদযঃ| কফাচ্ছর্দ্যঙ্গগুরুতাবাক্সঙ্গষ্ঠীবনাদযঃ||৯||
View original
| तत्र शूलभ्रमानाहकम्पस्तम्भादयोऽनिलात्||८|| पित्ताज्ज्वरातिसारान्तर्दाहतृट्प्रलयादयः| कफाच्छर्द्यङ्गगुरुतावाक्सङ्गष्ठीवनादयः||९||
🔊 Audio coming soon
স০-বাতাদধিকাত্ শূলাদযো ভবন্তি| আদিশব্দেনাঙ্গোদ্বেষ্টনমুখশোষাদিপরিগ্রহঃ| পিত্তাদ্দৃদ্ধাত্ জ্বরাদ্যাঃ স্যুঃ| প্রলযো-মূর্চ্ছাপ্রাযঃ| আদিশব্দেন মদাদিপরিগ্রহঃ| কফাদধিকাত্ ছর্দ্যাদযো ভবন্তি| আদিশব্দেন ক্ষবথ্বাদীনাং গ্রহণম্|
Adhikarana alasakalakShaNam (10-12) · Śloka 12
বিশেষাদ্দুর্বলস্যাল্পবহ্নের্বেগবিধারিণঃ| পীডিতং মারুতেনান্নং শ্লেষ্মণা রুদ্ধমন্তরা||১০|| অলসং ক্ষোভিতং দোষৈঃ শল্যত্বেনৈব সংস্থিতম্| শূলাদীন্ কুরুতে তীব্রাংশ্ছর্দ্যতীসারবর্জিতান্||১১|| সোঽলসঃ| |১২|
View original
विशेषाद्दुर्बलस्याल्पवह्नेर्वेगविधारिणः| पीडितं मारुतेनान्नं श्लेष्मणा रुद्धमन्तरा||१०|| अलसं क्षोभितं दोषैः शल्यत्वेनैव संस्थितम्| शूलादीन् कुरुते तीव्रांश्छर्द्यतीसारवर्जितान्||११|| सोऽलसः| |१२|
🔊 Audio coming soon
স০-দুর্বলত্বাদিযুক্তস্য যন্মারুতেন বিশেষাদন্নং পীডিতম্, অন্তরা-আমাশযমধ্য এব, শ্লেষ্মণা রুদ্ধং-অলসীভূতম্, তথা দোষৈঃ ক্ষোভিতং-আকুলিতম্, অত এবাতিপীডাকারিত্বাচ্ছল্যরূপতযৈব স্থিতম্, তীব্রান্-দুঃসহান্, শূলাদীন্ ছর্দ্যাদিবর্জিতান্ কুরুতে| ছর্দ্যতীসারাভ্যাং হি বিসূচিকোক্তা| সোঽলসসংজ্ঞো রোগঃ| দুর্বলো হ্যনুপচিতধাতুঃ, স ন কদাচিদাহারং সোঢুং শক্তঃ| অল্পাগ্নিশ্চাহারং ন সম্যক্ জরযতি| যতো বেগধারণশীলস্য প্রতিহতো বাযুর্বিমার্গগঃ পিত্তকফাবপি বিমার্গগৌ কুরুতে, ইত্যেতদ্বিশেষেণ নির্দেশঃ|
Adhikarana daNDakAlasakalakShaNam (12-13) · Śloka 13
দণ্ডকালসকং লিলক্ষযিষুরাহ- অত্যর্থদুষ্টাস্তু দোষা দুষ্টামবদ্ধখাঃ| যান্তস্তির্যক্তনুং সর্বাং দণ্ডবত্স্তম্ভযন্তি চেত্||১২|| দণ্ডকালসকং নাম তং ত্যজেদাশুকারিণম্| |১৩|
View original
दण्डकालसकं लिलक्षयिषुराह- अत्यर्थदुष्टास्तु दोषा दुष्टामबद्धखाः| यान्तस्तिर्यक्तनुं सर्वां दण्डवत्स्तम्भयन्ति चेत्||१२|| दण्डकालसकं नाम तं त्यजेदाशुकारिणम्| |१३|
🔊 Audio coming soon
স০-চেদ্যদ্যর্থে| অতিশযেন দুষ্টা দোষাঃ, তথা দুষ্টামেন বদ্ধানি-পূর্ণানি, খানি-স্রোতাংসি, যৈস্তে দুষ্টামবদ্ধখাঃ, তথা তির্যগ্গচ্ছন্তঃ, তনুং সর্বাং-শরীরং সকলং, দণ্ডবদ্যদি স্তম্ভযন্তি-প্রসারণাকুঞ্চনরহিতং কুর্বন্তি, তদা দণ্ডকালসকো নাম রোগো ভবতি| তং-দণ্ডকালসকং, ত্যজেত্-নোপক্রমেত্| যত আশুকারিণম্,-আশু-শীঘ্রং স্বকর্ম মারণং করোতীত্যাশুকারী, ক্ষিপ্রং হন্তীত্যর্থঃ|
Adhikarana AmaviShalakShaNam (13-14) · Śloka 14
সম্প্রত্যামবিষং নির্দিশতি | বিরুদ্ধাধ্যশনাজীর্ণশীলিনো বিষলক্ষণম্||১৩|| আমদোষং মহাঘোরং বর্জযেদ্বিষসংজ্ঞকম্| বিষরূপাশুকারিত্বাদ্বিরুদ্ধোপক্রমত্বতঃ||১৪||
View original
सम्प्रत्यामविषं निर्दिशति | विरुद्धाध्यशनाजीर्णशीलिनो विषलक्षणम्||१३|| आमदोषं महाग़ोरं वर्जयेद्विषसंज्ञकम्| विषरूपाशुकारित्वाद्विरुद्धोपक्रमत्वतः||१४||
🔊 Audio coming soon
স০-বিরুদ্ধং-প্রাগুক্তম্, "বিরুদ্ধমম্লং" (হৃ.সূ.অ. ৭|৩১) ইত্যাদিনা| "বিদ্যাদধ্যশনং" (হৃ.সূ.অ. ৮|৩৪) ইত্যাদিনা-অধ্যশনম্| অজীর্ণং চ-ত্রিবিধং বক্ষ্যতি| এতানি শীলিতুং শীলং যস্য তস্য পুংসো য, আমদোষো বিষলক্ষণঃ-লালাদিলক্ষণযুক্তো, মহাঘোরো-অতিকষ্টো বিষাখ্যো যো ভবতি, তং ন চিকিত্সেত্| কুতঃ ? বিষরূপত্বাদাশুকারিত্বাদ্বিরুদ্ধোপক্রমত্বাচ্চ| বিষসদৃশস্বরূপত্বাদ্বিষে শীতোপক্রমো যুক্তঃ, আমে চোষ্ণোপক্রমো যুক্তঃ, ইতি বিরুদ্ধোপক্রমত্বম্|
Adhikarana alasakacikitsA (15-16) · Śloka 16
অথামমলসীভূতং সাধ্যং ত্বরিতমুল্লিখেত্| পীত্বা সোগ্রাপটুফলং বার্যুষ্ণং যোজযেত্ততঃ||১৫|| স্বেদনং ফলবর্তিং চ মলবাতানুলোমনীম্| নাম্যমানানি চাঙ্গানি ভৃশং স্বিন্নানি বেষ্টযেত্||১৬||
View original
अथाममलसीभूतं साध्यं त्वरितमुल्लिख़ेत्| पीत्वा सोग्रापटुफलं वार्युष्णं योजयेत्ततः||१५|| स्वेदनं फलवर्तिं च मलवातानुलोमनीम्| नाम्यमानानि चाङ्गानि भृशं स्विन्नानि वेष्टयेत्||१६||
🔊 Audio coming soon
স০-অথেত্যানন্তর্যে| পূর্বোক্তং সাধ্যাসাধ্যমবগম্যানন্তরমামং সাধ্যমদুষ্টং সন্তং ত্বরিতং-দ্রাক্, আতুর উল্লিখেত্-উদ্বমেদিত্যর্থঃ| কিংবিধমামম্ ? অলসীভূতম্,-অলসলক্ষণতাং গতম্| কথমুল্লিখেত্ ? ইত্যাহ-পীত্বেত্যাদি| জলমুষ্ণং পীত্বা বচালবণমদনফলযুক্তং, বমেদিত্যর্থঃ| ততোঽনন্তরং স্বেদনং যোজযেত্| তথা-"বিপাচ্য মূত্রাম্লমধূনি দন্তীপিণ্ডীতকৃষ্ণাবিডধূমকুষ্ঠৈঃ| বর্তিং করাঙ্গুষ্ঠনিভাং ঘৃতাক্তাং গুদে রুজানাহহরীং বিদধ্যাত্||" ইত্যাদি ফলবর্তীং চ মলবাতানুলোমনীং যোজযেত্| তত্রামদোষে দোষবশাদঙ্গানি চ নাম্যমানানি-সঙ্কোচ্যমানানি সন্তি, অত্যর্থং স্বিন্নানি বস্ত্রাদিনা বেষ্টযেত্|
Adhikarana visUcikAcikitsA (17) · Śloka 17
বিসূচ্যামতিবৃদ্ধাযাং পার্ষ্ণ্যোর্দাহঃ প্রশস্যতে| তদহশ্চোপবাস্যৈনং বিরিক্তবদুপাচরেত্||১৭||
View original
विसूच्यामतिवृद्धायां पार्ष्ण्योर्दाहः प्रशस्यते| तदहश्चोपवास्यैनं विरिक्तवदुपाचरेत्||१७||
🔊 Audio coming soon
স০-বিসূচ্যাং-পূর্বোক্তলক্ষণাযাম্, অতিবৃদ্ধাযাং সত্যাং পার্ষ্ণ্যোঃ-খুরিকযোঃ, অযঃশলাকাদিনা দাহঃ প্রশস্যতে| তদহঃ-বিসূচিকারম্ভদিবস এব, এনং-বিসূচিকাবন্তং, উপবাস্য-লঙ্ঘযিত্বা, বিরক্তবত্-পেযাদিক্রমেণোপাচরেত্| সুশ্রুতে (?) চোক্তম্ (সঙ্গ্রহে সূ.অ.১১)-"সুচ্ছর্দিতবিরিক্তস্য গাত্রাযামেঽতিদারুণে| ভল্লাতকমধূচ্ছিষ্টজীর্ণপিণ্যাকনাগরৈঃ|| ঘৃততৈলং পচেত্ সাম্লৈস্তচ্চ খল্লীঘ্নমুত্তমম্|| ত্বক্পত্ররাস্নাগুরুশিগ্রুকুষ্ঠৈরম্লপ্রতিষ্ঠৈঃ সবচাশতাহ্বৈঃ| উদ্বর্তনং খল্লিবিসূচিকাঘ্নং তৈলং বিপক্বং চ তদর্থকারি|| শিরীষনক্তাহ্বফণিজ্জবীজত্রাযন্ত্যপামার্গফলানি বর্তিঃ| বস্তস্য মূত্রেণ বিসূচিকাঘ্নী প্রলেপনস্যাঞ্জনধূমযোগৈঃ||" ইতি|
Adhikarana AmadoShiNaH shamanauShadhaniShedhaH (18-19) · Śloka 19
অজীর্ণিনো ভেষজং নিষেধতি তীব্রার্তিরপি নাজীর্ণী পিবেচ্ছূলঘ্নমৌষধম্| আমসন্নোঽনলো নালং পক্তুং দোষৌষধাশনম্||১৮|| নিহন্যাদপি চৈতেষাং বিভ্রমঃ সহসাঽঽতুরম্| |১৯|
View original
अजीर्णिनो भेषजं निषेधति तीव्रार्तिरपि नाजीर्णी पिबेच्छूलघ्नमौषधम्| आमसन्नोऽनलो नालं पक्तुं दोषौषधाशनम्||१८|| निहन्यादपि चैतेषां विभ्रमः सहसाऽऽतुरम्| |१९|
🔊 Audio coming soon
স০-অজীর্ণী-অজীর্ণবান্, তীব্রশূলোঽপি সন্ শূলহরমৌষধং ন পিবেত্| বমনকরমুষ্ণোদকং চ প্রাগুপদিষ্টমেব পিবেদিত্যর্থঃ| শূলঘ্নমিত্যুপলক্ষণার্থম্| ছর্দ্যতীসারঘ্নমপি বিসূচিকাযাং ন পিবেত্| যত আমেন সন্নো-মন্দীভূতোঽগ্নির্দোষৌষধাশনং পক্তুং ন সমর্থঃ| এতেষাং চ-দোষৌশধাশনানাং, ত্রযাণাং সম্বন্ধী যো বিভ্রমো-ব্যাপত্তিঃ, সহসা-কালমনপেক্ষ্যৈব, আতুরং হন্যাত্| ন কেবলমিদং গুণায সম্পদ্যতে, প্রত্যুত দোষং করোতীতি সূচনার্থমপি চেতি কৃতম্|
Adhikarana AmadoShiNo~avasthAvisheShe auShadham (19-20) · Śloka 20
কদা ঔষধং যুঞ্জীত ? ইত্যাহ- | জীর্ণাশনে তু ভৈষজ্যং যুঞ্জ্যাত্ স্তব্ধগুরূদরে||১৯|| দোষশেষস্য পাকার্থমগ্নেঃ সন্ধুক্ষণায চ| |২০|
View original
कदा औषधं युञ्जीत ? इत्याह- | जीर्णाशने तु भैषज्यं युञ्ज्यात् स्तब्धगुरूदरे||१९|| दोषशेषस्य पाकार्थमग्नेः सन्धुक्षणाय च| |२०|
🔊 Audio coming soon
স০-জীর্ণমশনং যস্য তস্মিন্নৌষধং যুঞ্জ্যাদ্বৈদ্যঃ| কীদৃশি ? স্তব্ধং-অচলং, গুরূদরং-কোষ্ঠো, যস্য তস্মিন্| কিমর্থমৌষধং যুঞ্জ্যাত্ ? ইত্যাহ-দোষেত্যাদি| গতার্থম্|
Adhikarana AmadoShasAmAnyacikitsA (20-21) · Śloka 21
কীদৃশমৌষধং যোজ্যমিত্যাহ | শান্তিরামবিকারাণাং ভবতি ত্বপতর্পণাত্||২০|| ত্রিবিধং ত্রিবিধে দোষে তত্সমীক্ষ্য প্রযোজযেত্| |২১|
View original
कीदृशमौषधं योज्यमित्याह | शान्तिरामविकाराणां भवति त्वपतर्पणात्||२०|| त्रिविधं त्रिविधे दोषे तत्समीक्ष्य प्रयोजयेत्| |२१|
🔊 Audio coming soon
স০-তুরবধারণে| যস্মাদতর্পণাদেবামজানাং বিকারাণাং-আলস্যজাড্যাগ্নিমান্দ্যাদীনাম্, শান্তিঃ-উপশমো, ভবতি| তস্মাদতর্পণং যোজযেত্| বক্ষ্যতি হি (হৃ.সূ.অ. ১৪|১০)-"মেহামদোষাতিস্নিগ্ধ" ইত্যারভ্য যাবত্ "লঙ্ঘযেন্নিত্যম্" ইতি| তস্মাদতর্পণং সমীক্ষ্য-দেশকালাগ্ন্যাদীন্ পর্যালোচ্য, ত্রিপ্রকারং ত্রিপ্রকারে দোষে বৈদ্যঃ প্রযোজযেত্|
Adhikarana alpamadhyapraBUtadoShacikitsA (21-22) · Śloka 22
সম্প্রত্যেতদেব যথাযোগ্যমাহ- | তত্রাল্পে লঙ্ঘনং পথ্যং, মধ্যে লঙ্হ্ঘনপাচনম্||২১|| প্রভূতে শোধনং, তদ্ধি মূলাদুন্মূলযেন্মলান্| |২২|
View original
सम्प्रत्येतदेव यथायोग्यमाह- | तत्राल्पे लङ्घनं पथ्यं, मध्ये लङ्ह्घनपाचनम्||२१|| प्रभूते शोधनं, तद्धि मूलादुन्मूलयेन्मलान्| |२२|
🔊 Audio coming soon
স০-তত্র-তেষু ত্রিষু মধ্যে, অল্পে দোষে, লঙ্ঘনং-উপবাসাখ্যং, পথ্যম্| তেন হ্যনলানিলবৃধ্দ্যাঽল্পো দোষঃ শীঘ্রং সংশোষ্য জীযতে| মধ্যে দোষে লঙ্ঘনং পাচনং চ পথ্যম্| অগ্নিঃ পচতি, তস্য পচতো যে বিবন্ধহেতবঃ, তান্নিষিধ্য পাটবং পক্তুরাদধতঃ পচেতি প্রযুঙ্ক্ত ইব তত্ পাচযতীতি পাচনমুচ্যতে| হেতুমণ্ণিজন্তাত্পচের্বাহুলকাত্কর্তরি ল্যুট্| যদুপযুক্তমন্নপানৌষধমপক্বানাং সামানাং ধাতূনাং পাচনে সমর্থং তত্ পাচনমিত্যর্থঃ| প্রভূতে শোধনং পথ্যম্| শোধনং তু কাযাদ্বহির্দোষানীরযতি| বক্ষ্যতি হি (হৃ.সূ.অ. ১৪|৫)-"যদীরযেদ্বহির্দোষান্ পঞ্চধা শোধনং তু তত্|" ইত্যাদি| কুতঃ প্রভূত আমদোষে শোধনং হিতম্ ? ইত্যাহ-তদ্ধীত্যাদি| হি-যস্মাত্, তত্-শোধনম্, মূলান্মলান্নাশযেত্| সঙ্গ্রহেঽপ্যুক্তম্ (সূ.অ. ১১)-বহুদোষাণাং পুনর্দোষাবসেচনমেব কার্যম্| ন হ্যস্রাবিতে পল্বলোদকৌঘে শাল্যাদিপুষ্টির্ভবতি|" ইতি|
Adhikarana evamanyavyAdhicikitsA,hetuvyAdhiviparyayacikitsA (22-23) · Śloka 23
| এবমন্যানপি ব্যাধীন্ স্বনিদানবিপর্যযাত্||২২|| চিকিত্সেদনুবন্ধে তু সতি হেতুবিপর্যযম্| ত্যক্ত্বা যথাযথং বৈদ্যো যুঞ্জ্যাদ্ব্যাধিবিপর্যযম্||২৩||
View original
| एवमन्यानपि व्याधीन् स्वनिदानविपर्ययात्||२२|| चिकित्सेदनुबन्धे तु सति हेतुविपर्ययम्| त्यक्त्वा यथायथं वैद्यो युञ्ज्याद्व्याधिविपर्ययम्||२३||
🔊 Audio coming soon
স০-যথা সন্তর্পণোত্থ আমদোষো নিদানবিপর্যযাচ্চিকিত্স্যতে, এবমন্যানপি জ্বরাদীন্ বিকারান্ স্বনিদানবিপর্যযাচ্চিকিত্সেত্| সন্তর্পণোত্থোঽপতর্পণেন, শীতোত্থ উষ্ণেন, ইত্যাদি| যদি ত্বেবমুপক্রম্যমাণো ব্যাধিরনুবধ্যেত-তেনোপশমং ন গচ্ছেত্, ততো হেতুবিপর্যযং ত্যক্ত্বা ব্যাধিবিপর্যযং যুঞ্জ্যাত্| কিম্ভূতম্ ? যথাযথং,-যদ্যস্য জ্বরাদিব্যাধের্ভৈষজ্যং বক্ষ্যমাণং তত্প্রযুঞ্জীতেত্যর্থঃ| যথা, (সঙ্গ্রহে সূ.অ. ১২)-"মুস্তাপর্পটকং জ্বরে, রজনী যবান্নং প্রমেহে" ইতি|
Adhikarana tadarthakArI cikitsA,pakvadoShANAM cikitsA (24) · Śloka 24
ন চ হেতুব্যাধিবিপর্যযযোরেব চিকিত্সাযামুপযোগ ইতি দর্শযন্নাহ তদর্থকারি বা, পক্বে দোষে ত্বিদ্ধে চ পাবকে| হিতমভ্যঞ্জনস্নেহপানবস্ত্যাদি যুক্তিতঃ||২৪||
View original
न च हेतुव्याधिविपर्यययोरेव चिकित्सायामुपयोग इति दर्शयन्नाह तदर्थकारि वा, पक्वे दोषे त्विद्धे च पावके| हितमभ्यञ्जनस्नेहपानबस्त्यादि युक्तितः||२४||
🔊 Audio coming soon
স০-তত্-নিদানব্যাধিবিপর্যযসাধ্যং, অর্থং-রোগোপশমলক্ষণং, কর্তুং শীলং যস্য তত্-তদর্থকারি| তদ্বা যুঞ্জ্যাত্| যথা (সঙ্গ্রহে সূ.অ. ১২)-"মদাত্যযে মদ্যপানম্, অতিসারে বিরেচনম্" ইতি| বাশব্দঃ সমুচ্চযার্থঃ| ইতি ত্রিবিধমৌষধং নির্দিশ্যাঽঽমচিকিত্সামেবানুসরন্নাহ-পক্ব ইতি| পক্বে দোষে-নিরামে, দীপ্তে পাবকে চ| নিরামত্বে দীপ্তাগ্নিত্বে চ সমুচিতমেব হিতমভ্যঙ্গাদিকম্| যুক্তিতো-মাত্রযা, যথাঽগ্নিসাদাদি ন ভবতীতি|
Adhikarana AmAjIrNalakShaNam (25) · Śloka 25
অজীর্ণং লক্ষযিতুমাহ অজীর্ণং চ কফাদামং তত্র শোফোঽক্ষিগণ্ডযোঃ| সদ্যোভুক্ত ইবোদ্গারঃ প্রসেকোত্ক্লেশগৌরবম্||২৫||
View original
अजीर्णं लक्षयितुमाह अजीर्णं च कफादामं तत्र शोफोऽक्षिगण्डयोः| सद्योभुक्त इवोद्गारः प्रसेकोत्क्लेशगौरवम्||२५||
🔊 Audio coming soon
স০-অগ্নিপ্রতিপক্ষত্বেন কফস্যাজীর্ণকরণপ্রাধান্যাদগ্রে নির্দেশঃ| কফাত্সকাশাদজীর্ণমামসংজ্ঞকং ভবতি| তত্র-আমাখ্যেঽজীর্ণে, অক্ষিকূপযোর্গণ্ড্যোশ্চ শোফো ভবতি| সদ্যোভুক্তবদপ্রাপ্তবিদাহাবস্থ উদ্গারঃ| প্রসেকঃ-প্রসক্তং নিষ্ঠীবনম্| উত্ক্লেশো-দোষাণাং স্থানাচ্চলনম্| গৌরবং-গাত্রাণম্|
Adhikarana viShTabdhAjIrNalakShaNam (26) · Śloka 26
বিষ্টব্ধমনিলাচ্ছূলবিবন্ধাধ্মানসাদকৃত্| |২৬|
View original
विष्टब्धमनिलाच्छूलविबन्धाध्मानसादकृत्| |२६|
🔊 Audio coming soon
স০-অনিলাদ্বিষ্টব্ধং নামাজীর্ণং ভবতি| তচ্চ শূলাদিকৃত্|
Adhikarana vidagdhAjIrNalakShaNam (26) · Śloka 26
| পিত্তাদ্বিদগ্ধং তৃণ্মোহভ্রমাম্লোদ্গারদাহবত্||২৬||
View original
| पित्ताद्विदग्धं तृण्मोहभ्रमाम्लोद्गारदाहवत्||२६||
🔊 Audio coming soon
স০-পিত্তাদ্বিদগ্ধং নামাজীর্ণমুত্পদ্যতে| তচ্চ তৃডাদিযুক্তম্|
Adhikarana AmAjIrNAdInAM cikitsA (27) · Śloka 27
ত্রিবিধস্যৈবাস্য চিকিত্সামাহ লঙ্ঘনং কার্যমামে তু, বিষ্টব্ধে স্বেদনং ভৃশম্| বিদগ্ধে বমনং, যদ্বা যথাবস্থং হিতং ভবেত্||২৭||
View original
त्रिविधस्यैवास्य चिकित्सामाह लङ्घनं कार्यमामे तु, विष्टब्धे स्वेदनं भृशम्| विदग्धे वमनं, यद्वा यथावस्थं हितं भवेत्||२७||
🔊 Audio coming soon
স০-তুরবধারণে| আমাখ্যেঽজীর্ণে লঙ্ঘনমেব কার্যম্, ন বমনবিরেচনাদি| বিষ্টব্ধে স্বেদনং ভৃশং কার্যম্| ভৃশশব্দেনৈতত্ দ্যোতযতি,-পূর্বত্রাপি স্বেদনং কার্যমত্র ত্বত্যর্থমিতি| বিদগ্ধে-বিদগ্ধনাম্ন্যজীর্ণে, বমনং কার্যম্| যদ্বা লঙ্ঘনস্বেদনবমনানাং যথাবস্থং-যথাদোষোদ্রেকং, হিতং ভবেত্তদেব কার্যম্| আমাজীর্ণেঽপি স্বেদনবমনে, বিদগ্ধেঽপি লঙ্ঘনস্বেদনে, ইতি|
Adhikarana vilambikAlakShaNaM cikitsA ca (28) · Śloka 28
গরীযসো ভবেল্লীনাদামাদেব বিলম্বিকা| কফবাতানুবদ্ধাঽঽমলিঙ্গা তত্সমসাধনা||২৮||
View original
गरीयसो भवेल्लीनादामादेव विलम्बिका| कफवातानुबद्धाऽऽमलिङ्गा तत्समसाधना||२८||
🔊 Audio coming soon
স০-গরীযসঃ-প্রভূতাত্, আজীর্ণাদেব বিলম্বিকা স্যাত্| কীদৃশাত্ ? লীনাত্-অত্যর্থং স্রোতঃসু শ্লিষ্টত্বাত্| লীনাদিতি লীঙ্ শ্লেষণ ইত্যস্য ক্তপ্রত্যযে স্বাদয ওদিত ইত্যোদিতশ্চেতি নিষ্ঠানত্বম্| সা চ শ্লেষ্মবাযুভ্যামনুবদ্ধা-যুক্তা ভবতি| আমং নাম যদজীর্ণং তত্সদৃশলক্ষণা| যথা-"শোফোঽক্ষিগণ্ডযোঃ| অদ্যো ভুক্ত ইবোদ্গারঃ প্রসেকোত্ক্লেশগৌরবম্||" ইতি| তেন-আমেন, সমং-তুল্যং, সাধনং-চিকিত্সা, যস্যাঃ সৈবম্| "লঙ্ঘনং কার্যমামে" ইতি|
Adhikarana rasasheShalakShaNaM cikitsA ca ajIrNino divAsvaprabhojane cikitsA (29-30) · Śloka 30
জীর্ণেঽপ্যাহারে কদাচিদাহারসারো রসোঽজীর্ণঃ স্যাত্| তল্লক্ষণার্থমাহ অশ্রদ্ধা হৃদ্ব্যথা শুদ্ধেঽপ্যুদ্গারে রসশেষতঃ| শযীত কিঞ্চিদেবাত্র সর্বশ্চানাশিতো দিবা||২৯|| স্বপ্যাদজীর্ণী, সঞ্জাতবুভুক্ষোঽদ্যান্মিতং লঘু| |৩০|
View original
जीर्णेऽप्याहारे कदाचिदाहारसारो रसोऽजीर्णः स्यात्| तल्लक्षणार्थमाह अश्रद्धा हृद्व्यथा शुद्धेऽप्युद्गारे रसशेषतः| शयीत किञ्चिदेवात्र सर्वश्चानाशितो दिवा||२९|| स्वप्यादजीर्णी, सञ्जातबुभुक्षोऽद्यान्मितं लघु| |३०|
🔊 Audio coming soon
স০-রসশেষে অশ্রদ্ধা-অন্নানভিলাষঃ| হৃদ্ব্যথা-হৃদযশূলং গৌরবং চ| শুদ্ধেঽপ্যুদ্গারে-অন্নসম্বন্ধিনি| তেনাজীর্ণাদর্থান্তরভূত এবাযং রসশেষঃ| অতশ্চ রসস্য রুধিরাদিহেতোরসম্যক্পরিপাক ইত্যর্থঃ| তচ্চিকিত্সমাহ-শযীতেত্যাদি| অত্র-রসশেষে, কিঞ্চিদেব-স্তোকমাত্রমেব স্বপ্যাত্, নাজীর্ণ ইব প্রভূতম্| সর্বশ্চাজীর্ণী, অনাশিতো দিবা শযীত, আলাঘবাত্| যদা চোত্পন্নক্ষুত্ স্যাত্তদা স্তোকং লঘু চাদ্যাত্| আশঃ কৃতো যেন সঃ-আশিতঃ| ন আশিতো-অনাশিতঃ, অভুক্তবানিত্যর্থঃ| ননু, "অজীর্ণ্যভিহতোন্মত্তান্" ইত্যনেনৈব বাক্যেনাজীর্ণিনাং দিবাস্বপ্নোঽনুজ্ঞাত এব| তত্কিং পুনরুক্তেন ? ব্রূমঃ| বিশেষার্থং বাক্যমিদম্-"অভুক্তো দিবা স্বপ্যাদজীর্ণী" ইতি| তত্র তু সামান্যম্, অশিতানাশিতচিন্তা ন কৃতেতি যুক্তা পুনরিহোক্তিঃ|
Adhikarana ajIrNasAmAnyalakShaNAm (30-31) · Śloka 31
সাম্প্রতমজীর্ণলক্ষণং সামান্যেন ব্রূতে- | বিবন্ধোঽতিপ্রবৃত্তির্বা গ্লানির্মারুতমূঢতা||৩০|| অজীর্ণলিঙ্গং সামান্যং বিষ্টম্ভো গৌরবং ভ্রমঃ| |৩১|
View original
साम्प्रतमजीर्णलक्षणं सामान्येन ब्रूते- | विबन्धोऽतिप्रवृत्तिर्वा ग्लानिर्मारुतमूढता||३०|| अजीर्णलिङ्गं सामान्यं विष्टम्भो गौरवं भ्रमः| |३१|
🔊 Audio coming soon
স০-বিবন্ধো-মূত্রপুরীষযোরপ্রবৃত্তিলক্ষণঃ| অতিপ্রবৃত্তিঃ-তযোরেব| গ্লানিঃ-শরীরস্য ম্লানতা| মারুতমূঢতা-বাতস্য প্রতিলোমতা| বিষ্টম্ভঃ-কুক্ষেরাধ্মানম্| গৌরবং-গুরুগাত্রত্বম্| ভ্রমো-মোহঃ| এতত্সামান্যমজীর্ণলক্ষণম্| উক্তং চ-"সীদত্যঙ্গং ভ্রমো মোহঃ কোষ্ঠে মুহ্যতি মারুতঃ| সর্বেষামপ্যজীর্ণানামবিসংবাদি লক্ষণ্ম্||" ইতি|
Adhikarana ajIrNasyAnyakAraNAni (31-33) · Śloka 33
সাম্প্রতমজীর্ণস্যান্যান্যপি কারণান্যাহ- | ন চাতিমাত্রমেবান্নমামদোষায কেবলম্||৩১|| দ্বিষ্টবিষ্টম্ভিদগ্ধামগুরুরূক্ষহিমাশুচি| বিদাহি শুষ্কমত্যম্বুপ্লুতং চান্নং ন জীর্যতি||৩২|| উপতপ্তেন ভুক্তং চ শোকক্রোধক্ষুদাদিভিঃ| |৩৩|
View original
साम्प्रतमजीर्णस्यान्यान्यपि कारणान्याह- | न चातिमात्रमेवान्नमामदोषाय केवलम्||३१|| द्विष्टविष्टम्भिदग्धामगुरुरूक्षहिमाशुचि| विदाहि शुष्कमत्यम्बुप्लुतं चान्नं न जीर्यति||३२|| उपतप्तेन भुक्तं च शोकक्रोधक्षुदादिभिः| |३३|
🔊 Audio coming soon
স০-অতিমাত্রমেব ভুক্তমন্নং ন কেবলমামদোষায, কিং তর্হি ? দ্বিষ্টাদি চান্নং ন জীর্যতি| দ্বিষ্টং-অপ্রিযম্| বিষ্টম্ভি-কুক্ষ্যাধ্মানকারি| হিমং-অতিশীতম্| অশুচি-উচ্ছিষ্টং কেশাদিদূষিতং চ, এতচ্চাচিন্ত্যপ্রভাবত্বাদামদোষহেতুঃ| বিদাহি-প্রাগুক্তম্| শুষ্কং-অদ্রবপ্রাযম্| অত্যম্বুপ্লুতং-অতিজলেন প্লাবিতম্| চঃ সমুচ্চযে| ন কেবলং দ্বিষ্টাদ্যন্নং ভুক্তং ন জীর্যতি, যাবত্ শোকাদিভিশ্চোপতপ্তেন ভুক্তং ন জীর্যতি| শোকঃ-ইষ্টবিপত্ত্যাদিনা মনোদৌস্থ্যম্| ক্রোধো-রোষঃ| ক্ষুত্-বুভুক্ষা| আদিশব্দেন লোভভযাদিপরিগ্রহঃ|
Adhikarana samashanalakShaNam adhyashanalakShaNam viShamAshanalakShaNam samashanAdInAM doShaH (33-35) · Śloka 35
সম্প্রত্যপরমপ্যন্নমামক্ষোভকরমাহ- | মিশ্রং পথ্যমপথ্যং চ ভুক্তং সমশনং মতম্||৩৩|| বিদ্যাদধ্যশনং ভূযো ভুক্তস্যোপরি ভোজনম্| অকালে বহু চাল্পং বা ভুক্তং তু বিষমাশনম্||৩৪|| ত্রীণ্যপ্যেতানি মৃত্যুং বা ঘোরান্ ব্যাধীন্সৃজন্তি বা| |৩৫|
View original
सम्प्रत्यपरमप्यन्नमामक्षोभकरमाह- | मिश्रं पथ्यमपथ्यं च भुक्तं समशनं मतम्||३३|| विद्यादध्यशनं भूयो भुक्तस्योपरि भोजनम्| अकाले बहु चाल्पं वा भुक्तं तु विषमाशनम्||३४|| त्रीण्यप्येतानि मृत्युं वा घोरान् व्याधीन्सृजन्ति वा| |३५|
🔊 Audio coming soon
স০-পথ্যং-শাল্যাদি| অপথ্যং-যবকাদি| তন্মিশ্রং-একীকৃত্য, ভুক্তং সমশনং মতম্, অস্মিন্বৈদ্যকতন্ত্রে| বিদ্যাদিত্যাদি| ভুক্তস্য-অভ্যবহৃতস্যোপরি যদন্যদ্ভোজনং তদধ্যশনং জানীযাত্| ননু, এবং প্রাতরাশে কৃতে যঃ সাযমাশঃ, তস্যাধ্যশনত্বং প্রসজ্যেত্| অধ্যশনং চ বিবর্জ্যমেব| যতোঽনন্তরমেব পঠিষ্যতি-"ত্রীণ্যপ্যেতানি মৃত্যুং বা" ইত্যাদি| বৈদ্যকতন্ত্রেষু চ নরাণাং দ্বিরাহার উপদিষ্টঃ| ভগবান্ ব্যাসোঽপ্যবোচত্-"সাযংপ্রাতর্মনুষ্যাণাং ভোজনং বিধিনির্মিতম্|" ইতি| তস্মাদধ্যশনস্যৈবং তদসমীচীনং লক্ষণম্| অত্র সঞ্চক্ষ্মহে| প্রাগ্ভুক্তস্যোপরি সমনন্তরেমেব বহ্নাববিভক্তে যদশনং তদেবাধ্যশনম্, নান্যত্| অত এব সুশ্রুতো ব্রূতে (সূ.অ. ৪৬|৪৯১)-"প্রাগ্ভুক্তে ত্ববিভক্তেঽগ্নৌ দ্বিরন্নং ন সমাচরেত্|" ইতি| তস্মাত্ প্রাতরাশে কৃতে সত্যগ্নৌ বিভক্তে যঃ সাযমাশঃ স ন পরিহার্যঃ, অপি তু কার্য এব, গুণাবহত্বাত্| এতদেব প্রতিপাদযিতুং সঙ্গ্রহেঽধ্যগীষ্ট (সূ.অ. ১১)-"প্রাতরাশে ত্বজীর্ণেঽপি সাযমাশো ন দুষ্যতি| অজীর্ণে সাযমাশে তু প্রাতরাশো হি দুষ্যতি|| দিবা প্রবোধ্যতেঽর্কেণ হৃদযং পুণ্ডরীকবত্| তস্মিন্বিবুদ্ধে স্রোতাংসি স্ফুটত্বং যান্তি সর্বশঃ|| ব্যাযামাচ্চ বিচারাচ্চ বিক্ষিপ্তত্বাচ্চ চেতসঃ| ন ক্লেদমুপগচ্ছন্তি দিবা তেনাস্য ধাতবঃ|| অক্লিন্নেষ্বন্নমাসক্তমন্যত্তেষু ন দুষ্যতি| অবিদগ্ধেষ্বিব পযঃস্বন্যত্সম্মিশ্রিতং পযঃ|| রাত্রৌ তু হৃদযে ম্লানে সংবৃতেষ্বযনেষু চ| পরিক্লেদং যান্তি কোষ্ঠে সংবৃতে দেহধাতবঃ|| ক্লিন্নেষ্বন্যদপক্বেষু তেষ্বাসিক্তং প্রদুষ্যতি| বিদগ্ধেষু পযঃস্বন্যত্ পযস্তপ্তেষ্বিবার্পিতম্|| নৈশে তস্মাদজীর্ণেঽন্নে নান্যদ্ভুঞ্জীত ভোজনম্|" ইতি| অধিশব্দোঽত্রোপরিশব্দার্থঃ| যথা-'প্রাসাদমধিরোহতি|' ইতি| অকালে বহু চাল্পং বা ভুক্তং ত্বশনং বিষমাশনসংজ্ঞং বিদ্যাত্| কঃ পুনরকালো ভোজনস্য ? ইতি চেত্, ব্রূমঃ| "প্রসৃষ্টে বিণ্মূত্রে" (শ্লো. ৫৫) ইত্যাদিনাঽঽহারকালং বক্ষ্যতি| তদ্বৈপরীত্যেনাকালো বেদ্যঃ| ত্রীণ্যপ্যেতানি-সমশনাধ্যশনবিষমাশনানি, মৃত্যুং বা সৃজন্তি-জনযন্তি, ঘোরান্ ব্যাধীন্-গুল্মাদীন্ বা|
Adhikarana Bojanasya samyagyogaprakAraH (35-38) · Śloka 38
| কালে সাত্ম্যং শুচি হিতং স্নিগ্ধোষ্ণং লঘু তন্মনাঃ||৩৫|| ষড্রসং মধুরপ্রাযং নাতিদ্রুতবিলম্বিতম্| স্নাতঃ ক্ষুদ্বান্ বিবিক্তস্থো ধৌতপাদকরাননঃ||৩৬|| তর্পযিত্বা পিতৄন্ দেবানতিথীন্ বালকান্ গুরূন্| প্রত্যবেক্ষ্য তিরশ্চোঽপি প্রতিপন্নপরিগ্রহান্||৩৭|| সমীক্ষ্য সম্যগাত্মানমনিন্দন্নব্রুবন্ দ্রবম্| ইষ্টমিষ্টৈঃ সহাশ্র্নীযাচ্ছুচিভক্তজনাহৃতম্||৩৮||
View original
| काले सात्म्यं शुचि हितं स्निग्धोष्णं लघु तन्मनाः||३५|| षड्रसं मधुरप्रायं नातिद्रुतविलम्बितम्| स्नातः क्षुद्वान् विविक्तस्थो धौतपादकराननः||३६|| तर्पयित्वा पितॄन् देवानतिथीन् बालकान् गुरून्| प्रत्यवेक्ष्य तिरश्चोऽपि प्रतिपन्नपरिग्रहान्||३७|| समीक्ष्य सम्यगात्मानमनिन्दन्नब्रुवन् द्रवम्| इष्टमिष्टैः सहाश्र्नीयाच्छुचिभक्तजनाहृतम्||३८||
🔊 Audio coming soon
স০-কালে-বক্ষ্যমাণে| তন্মনাঃ-ভোজনগতচিত্তঃ| ক্ষুদ্বান্-বুভুক্ষিতঃ| বিবিক্তস্থঃ-একান্তস্থিতঃ| তথা, প্রক্ষালিতচরণ্হস্তমুখঃ| অনিন্দন্-ভোজনমগর্হমাণঃ| অব্রুবন্-অভাষমাণঃ| ইষ্টং-মনোরুচিতং ভোজনম্| তথা, দ্রবং-দ্রবপ্রাযম্| ইষ্টৈঃ-প্রিযৈঃ, সহাশ্নীযাত্| 'ক্ষুদ্বান্' ইত্যত্র প্রশংসাযাং মতুপ্, উত্পন্নপ্রশস্তবুভুক্ষঃ| তেন কিঞ্চিদপি যদা দুষ্টবুভুক্ষা স্যাত্তদা নাদ্যাদিত্যর্থঃ| দুষ্টবুভুক্ষাযা লক্ষণম্ (সঙ্গ্রহে সূ.অ. ১১)- "দোষোপনদ্ধং যদি লীনমন্নং পিত্তোদ্ধতস্যাবৃণুযান্ন বহ্নিম্| জাযেত দুষ্টা তু তদা বুভুক্ষা যা মন্দবুদ্ধীন্ বিষবন্নিহন্তি||" ইতি| কিম্ভূতং ভোজনম্ ? সাত্ম্যম্| তচ্চ সাত্ম্যং দ্বিধা,-একং স্বল্পকালাভ্যস্তং সুখাবহম্, অন্যচ্চ জন্মনঃ প্রভুতি সহাত্মনাভ্যস্তং সুখাবহং চ| এতদেবৈকং সাত্ম্যমুচ্যতে| তথা, শুচি-অনুচ্ছিষ্টং কেশাদ্যনুপহতং চ| হিতং-পথ্যম্| স্নিগ্ধং চ তদুষ্ণং চ-স্নিগ্ধোষ্ণম্| তথা, লঘু-লঘুপ্রাযম্. ন তু লঘ্বেব| অত এবেদমুপপন্নম্ "ষড্রসং মধুরপ্রাযম্" ইতি| মধুররসো হি গুরুঃ| তথা চ বক্ষ্যতি (হৃ.সূ.অ. ১০|৩৮)- "পটোঃ কষাযস্তস্মাচ্চ মধুরঃ পরমং গুরুঃ|" ইতি| তদ্যদি লঘ্বেব স্যাত্ (তর্হি) মধুরপ্রাযমিতি ন ঘটতে| তস্মাল্লঘুপ্রাযমিতি ব্যাখ্যেযম্| কথমদ্যাত্ ? তদাহ-নাতিদ্রুতবিলম্বিতম্| কিং কৃত্বা ? পিত্রাদীংস্তর্পযিত্বা| তথা, তিরশ্চোঽপি-অশ্ববৃষাদীন্, প্রতিপন্নপরিগ্রহান্-কৃতস্বীকারান্, প্রত্যবেক্ষ্য-তদাহারচিন্তাং কৃত্বেত্যর্থঃ| তথা, আত্মানং সমীক্ষ্য-যথা মমেদং সাত্ম্যমিদমসাত্ম্যমিতি নিত্যমপ্রমত্তঃ সন্ পর্যালোচ্য| খরনাদেনোক্তম্-"অতিদ্রুতাশী ত্বাহারগুণদোষান্ন বিন্দতি| উন্মুহ্যত্যল্পমশ্নাতি চ্ছর্দযেদ্বাঽনবস্থিতঃ|| বিলম্বিতং তু ভুঞ্জানো ন তৃপ্তিমধিগচ্ছতি| খাদন্ বহ্বপি শীতত্বাদ্যাতি ভোজ্যমহৃদ্যতাম্|| জল্পতো হসতশ্চাপি ভুঞ্জানস্যান্যচেতসঃ| ত এব দোষা মন্তব্যা যে বিলম্বিতভোজনে||" ইত্যাদি|
Adhikarana tRuNAdijuShTaBojanatyAgaH (39) · Śloka 39
ভোজনং তৃণকেশাদিজুষ্টমুষ্ণীকৃতং পুনঃ| শাকাবরান্নভূযিষ্ঠমত্যুষ্ণলবণং ত্যজেত্||৩৯||
View original
भोजनं तृणकेशादिजुष्टमुष्णीकृतं पुनः| शाकावरान्नभूयिष्ठमत्युष्णलवणं त्यजेत्||३९||
🔊 Audio coming soon
স০-তৃণাদিজুষ্টং ভোজনং ত্যজেত্| আদিশব্দেন মক্ষিকাদিপরিগ্রহঃ| তথা, ভূয উষ্ণীকৃতম্| তথা, শাকবহুলম্| তথা, অবরান্নং-মাষাদি, তদ্ভূযিষ্ঠম্| তথা, অত্যুষ্ণমতিলবণং চ ত্যজেত্|
Adhikarana kilATAdishIlanam (40-41) · Śloka 41
কিলাটদধিকূচীকাক্ষারশুক্তামমূলকম্| কৃশশুষ্কবরাহাবিগোমত্স্যমহিষামিষম্||৪০|| মাষনিষ্পাবশালূকবিসপিষ্টবিরূঢকম্| শুষ্কশাকানি যবকান্ ফাণিতং চ ন শীলযেত্||৪১||
View original
किलाटदधिकूचीकाक्षारशुक्ताममूलकम्| कृशशुष्कवराहाविगोमत्स्यमहिषामिषम्||४०|| माषनिष्पावशालूकबिसपिष्टविरूढकम्| शुष्कशाकानि यवकान् फाणितं च न शीलयेत्||४१||
🔊 Audio coming soon
স০-তথা, কিলাটাদীন্ন শীলযেত্-নাভ্যসেত্, ন কাদাচিত্কোঽভ্যবহার এষাং নিষিধ্যতে| মুনিনা তু (চ. সূ. অ. ৫|৭)- "নাভ্যসেদ্গৌরবাত্" ইতি যথা হেতুরুপন্যস্তঃ, তথেহ নোক্তঃ, অযুক্তত্বাত্| তথা হি-এষামনভ্যবহারে যদি গুরুত্বমেব হেতুঃ স্যাত্| ততো গুডযবাদীনামপি বহুতরাণাং দ্রব্যাণাং শীলনমযুক্তং স্যাত্| তস্মাদেষামশীলনেঽন্যদপি কারণং চিন্ত্যম্, ন তু গুরুত্বমাত্রমেব| যথা-কিলাটকূচিকযোর্দোষলত্বং, দধ্নস্তু জ্বরাদিকর্তৃত্বং তথা স্রোতোলেপঃ, স্রোতোলেপত্বাচ্চানেকরোগহেতুত্বম্, ক্ষারস্য পুংস্ত্বহানিকৃত্ত্বম্, শুক্তস্য দৃষ্টিহন্তৃত্বাদি| তস্মাদেষামপথ্যত্বাচ্ছীলননিষেধো বোধ্যঃ|
Adhikarana SAlyAdiSIlanam (42-43) · Śloka 43
শীলযেচ্ছালিগোধূমযবষষ্টিকজাঙ্গলম্| সুনিষণ্ণকজীবন্তীবালমূলকবাস্তুকম্||৪২|| পথ্যামলকমৃদ্বীকাপটোলীমুদ্গশর্করাঃ| ঘৃতদিব্যোদকক্ষীরক্ষৌদ্রদাডিমসৈন্ধবম্||৪৩||
View original
शीलयेच्छालिगोधूमयवषष्टिकजाङ्गलम्| सुनिषण्णकजीवन्तीबालमूलकवास्तुकम्||४२|| पथ्यामलकमृद्वीकापटोलीमुद्गशर्कराः| घृतदिव्योदकक्षीरक्षौद्रदाडिमसैन्धवम्||४३||
🔊 Audio coming soon
স০-শাল্যাদীন্ শীলযেত্|
Adhikarana nityasevyamauShadham (44) · Śloka 44
ত্রিফলাং মধুসর্পির্ভ্যাং নিশি নেত্রবলায চ| স্বাস্থ্যানুবৃত্তিকৃদ্যচ্চ রোগোচ্ছেদকরং চ যত্||৪৪||
View original
त्रिफलां मधुसर्पिर्भ्यां निशि नेत्रबलाय च| स्वास्थ्यानुवृत्तिकृद्यच्च रोगोच्छेदकरं च यत्||४४||
🔊 Audio coming soon
স০-মধুসর্পির্ভ্যাং সহ ত্রিফলাং চ রাত্রৌ নেত্রবলায শীলযেত্| ন কেবলং শাল্যাদীনেব শীলযেত্| যচ্চ দ্রব্যং স্বাস্থ্যানুবৃত্তিং করোত্যৃতুচর্যাবিধ্যাদ্যুক্তমন্নপানাদিকম্| তথা, রোগোচ্ছেদকরং যত্-কিরাততিক্তকাদিদ্রব্যম্, তচ্চ শীলযেত্|
Adhikarana bhojyakramaH (45-46) · Śloka 46
বিসেক্ষুমোচচোচাম্রমোদকোত্কারিকাদিকম্| অদ্যাদ্দ্রব্যং গুরু স্নিগ্ধং স্বাদু মন্দং স্থিরং পুরঃ||৪৫|| বিপরীতমতশ্চান্তে মধ্যেঽম্ললবণোত্কটম্| |৪৬|
View original
बिसेक्षुमोचचोचाम्रमोदकोत्कारिकादिकम्| अद्याद्द्रव्यं गुरु स्निग्धं स्वादु मन्दं स्थिरं पुरः||४५|| विपरीतमतश्चान्ते मध्येऽम्ललवणोत्कटम्| |४६|
🔊 Audio coming soon
স০-বিসাদিদ্রব্যং গুর্বাদিগুণযক্তং পুরঃ-পূর্বমদ্যাত্| মোদকো-লড্ডুকঃ| উত্কারিকা-লপ্যসিকা| অতঃ-অস্মাচ্চ, বিপরীতং-লঘুরূক্ষকটুতীক্ষ্ণসরপ্রাযম্, অন্তে ভোজনস্য সেবেত| মধ্যে চাম্ললবণোত্কটম্| খরনাদে চোক্তম্-"কটুং লবণমম্লং বা পূর্বমাহারমাহরেত্| আহারো মধুরোঽগ্রে হি গুরুর্বিষ্টভ্য জীর্যতি||" ইতি| তদেতদুক্তমুভযমপি দেশসাত্ম্যাদিবশাত্ প্রমাণযিতব্যম্|
Adhikarana annapAnayorviBAgaH (46-47) · Śloka 47
| অন্নেন কুক্ষের্দ্বাবংশৌ পানেনৈকং প্রপূরযেত্||৪৬|| আশ্রযং পবনাদীনাং চতুর্থমবশেষযেত্| |৪৭|
View original
| अन्नेन कुक्षेर्द्वावंशौ पानेनैकं प्रपूरयेत्||४६|| आश्रयं पवनादीनां चतुर्थमवशेषयेत्| |४७|
🔊 Audio coming soon
স০-কুক্ষেঃ-জঠরস্য, অন্নেন দ্বৌ ভাগৌ প্রপূরযেত্| পানেন-জলাদিনা, একমংশং প্রপূরযেত্| চতুর্থমংশং পবনাদীনামাশ্রযমবশেষযেত্-ন ত্বন্নেন পানেন বা প্রপূরযেত্| অত্র ত্বংশকল্পনা পরিকল্পনেনৈব যুজ্যতে, ন ত্বঙ্গুলমানাদিনা| সুশ্রুতে চাভিহিতম্ (সূ. অ. ৪৬|৪৭৮)- "প্রক্ষালযেদদ্ভিরাস্যং ভুঞ্জানশ্চ মুহুর্মুহুঃ| বিশুদ্ধে রসনে হ্যস্মিন্ রোচতেঽন্নমপূর্ববত্||" ইতি| [রসনা বিদ্যতে যস্য মুখস্য তদ্রসনম্, তস্মিন্ রসনে বিশুদ্ধে রোচতেঽন্নমপূর্ববত্||]
Adhikarana anupAnavibhAgaH,yavagodhUmayoH shItaM jalamityAdi (47-50) · Śloka 50
| অনুপানং হিমং বারি যবগোধূমযোর্হিতম্||৪৭|| দধ্নি মদ্যে বিষে ক্ষৌদ্রে, কোষ্ণং পিষ্টমযেষু তু| শাকমুদ্গাদিবিকৃতৌ মস্তুতক্রাম্লকাঞ্জিকম্||৪৮|| সুরা কৃশানাং পুষ্ট্যর্থং, স্থূলানাং তু মধূদকম্| শোষে মাংসরসো, মদ্যং মাংসে স্বল্পে চ পাবকে||৪৯|| ব্যাধ্যৌষধাধ্বভাষ্যস্ত্রীলঙ্ঘনাতপকর্মভিঃ| ক্ষীণে বৃদ্ধে চ বালে চ পযঃ পথ্যং যথাঽমৃতম্||৫০||
View original
| अनुपानं हिमं बारि यवगोधूमयोर्हितम्||४७|| दध्नि मद्ये विषे क्षौद्रे, कोष्णं पिष्टमयेषु तु| शाकमुद्गादिविकृतौ मस्तुतक्राम्लकाञ्जिकम्||४८|| सुरा कृशानां पुष्ट्यर्थं, स्थूलानां तु मधूदकम्| शोषे मांसरसो, मद्यं मांसे स्वल्पे च पावके||४९|| व्याध्यौषधाध्वभाष्यस्त्रीलङ्घनातपकर्मभिः| क्षीणे वृद्धे च बाले च पयः पथ्यं यथाऽमृतम्||५०||
🔊 Audio coming soon
স০-যবগোধূমযোর্ভুক্তযোরনু-পশ্চাত্, পানং শীতং জলং হিতম্| তথা, দধ্নি মদ্যে বিষে ক্ষৌদ্রে চ হিমং জলমনুপানে হিতম্| পিষ্টমযেষু কোষ্ণং জলং হিতম্| শাকমুদ্গাদিবিকৃতৌ চ মস্ত্বাদিকমনুপানং হিতম্| কৃশানাং পুংসাং সুরা পুষ্ট্যর্থং হিতা| স্থূলানাং পুনঃ কর্শনায মধূদকং হিতম্| শোষে-ক্ষযে, মাংসরসো হিতঃ, পুষ্টিকারিত্বাত্| মাংসে ভুক্তে মদ্যমনুপানং হিতম্| স্বল্পে চ পাবকে মদ্যমেবানুপানং হিতম্| ব্যাধ্যাদিভিঃ ক্ষীণে-ক্ষপিতে, পযো-দুগ্ধং, পথ্যং-হিতম্| ইহ (হিতমিতি) প্রকৃতেঽপি পথ্যগ্রহণং পথ্যতরত্বজ্ঞাপনার্থম্| যথাঽমৃতমিত্যনেনৈতত্ প্রতিপাদযতি,-যথাঽমৃতং বলবর্ণৌজঃকান্ত্যাযুরাদিজনকং তথেদমপীত্যর্থঃ|
Adhikarana anuktAnupAnavibhAgaH (51) · Śloka 51
বিপরীতং যদন্নস্য গুণৈঃ স্যাদবিরোধি চ| অনুপানং সমাসেন, সর্বদা তত্প্রশস্যতে||৫১||
View original
विपरीतं यदन्नस्य गुणैः स्यादविरोधि च| अनुपानं समासेन, सर्वदा तत्प्रशस्यते||५१||
🔊 Audio coming soon
স০-অন্নস্য-ভক্তবটকাদেঃ, যদ্বিপরীতং গুণৈস্তদনুপানং সদা প্রশস্যতে| যথা,-স্নিগ্ধস্য রূক্ষম্, রূক্ষস্য স্নিগ্ধম্, শীতস্যোষ্ণম্, উষ্ণস্য শীতম্, মধুরস্যাম্লম্, অম্লস্য মধুরমিত্যাদি| ননু, এবমুররীক্রিযমাণে ক্ষীরস্য ক্ষৈরেযাদের্বা তক্রচুক্রাদীনামম্লানামনুপানত্বং প্রাপ্তমিত্যাহ-গুণৈরিত্যাদি| বিপরীতগুণমপি যদবিরোধি তদেবানুপানং সদা হিতম্|
Adhikarana anupAnasya phalam (52) · Śloka 52
অনুপানস্য কিং কর্ম ? ইত্যাহ অনুপানং করোত্যূর্জাং তৃপ্তিং ব্যাপ্তিং দৃঢাঙ্গতাম্| অন্নসঙ্ঘাতশৌথিল্যবিক্লিত্তিজরণানি চ||৫২||
View original
अनुपानस्य किं कर्म ? इत्याह अनुपानं करोत्यूर्जां तृप्तिं व्याप्तिं दृढाङ्गताम्| अन्नसङ्घातशौथिल्यविक्लित्तिजरणानि च||५२||
🔊 Audio coming soon
স০-অনুপানমূর্জাদীন্ করোতি| ঊর্জা-মনঃপ্রহর্ষঃ| তৃপ্তিঃ-প্রীণনং শরীরেন্দ্রিযস্য, ক্ষামতাবিপরীতোঽন্নগুণঃ| তথা, ব্যাপ্তিঃদ্রবস্য হি গমনম্, ন কঠিনস্য| দৃঢাঙ্গতা-স্থিরশরীরত্বম্| তথা, অন্নসঙ্ঘাতস্য শৈথিল্যম্| বিক্লিত্তিঃ-বিক্লেদনম্| জরণং-পরিণামঃ| এতানি চ করোতি|
Adhikarana UrdhvajatrugadAdau anupAnaniShedhaH (53) · Śloka 53
এবংগুণমপ্যূর্ধ্বজত্র্বাদিষু ন হিতমিত্যাহ নোর্ধ্বজত্রুগদশ্বাসকাসোরঃক্ষতপীনসে| গীতভাষ্যপ্রসঙ্গে চ স্বরভেদে চ তদ্ধিতম্||৫৩||
View original
एवंगुणमप्यूर्ध्वजत्र्वादिषु न हितमित्याह नोर्ध्वजत्रुगदश्वासकासोरःक्षतपीनसे| गीतभाष्यप्रसङ्गे च स्वरभेदे च तद्धितम्||५३||
🔊 Audio coming soon
স০-ঊর্ধ্বং জত্রুণঃ-ঊর্ধ্বজত্রু, তস্মিন্ যে গদাস্তেষু তত্-অনুপানং, ন হিতম্| তথা, শ্বাসাদিষু ন হিতম্| গীত-ভাষ্যযোঃ প্রকর্ষেণ সঙ্গঃ-সাতত্যেন সম্বন্ধঃ, তস্মিন্| তথা, স্বরভেদে-স্বরসাদে ন তদ্ধিতম্| ঊর্ধ্বজত্রুগদাদীনাং হ্যনুপানং প্রদূষ্যামাশযমুরঃকণ্ঠস্থিতমাহারজং স্নেহমাসাদ্যাভিষ্যন্দাগ্নিসাদচ্ছর্দ্যাদীনামযান্ বিদধ্যাত্|
Adhikarana praklinnadehAdInAM pAnaniShedhaH (54) · Śloka 54
সম্প্রতি যেষাং পানমেব ন শস্যতে, তানাহ প্রক্লিন্নদেহমেহাক্ষিগলরোগব্রণাতুরাঃ| পানং ত্যজেযুঃ|৫৪|
View original
सम्प्रति येषां पानमेव न शस्यते, तानाह प्रक्लिन्नदेहमेहाक्षिगलरोगव्रणातुराः| पानं त्यजेयुः|५४|
🔊 Audio coming soon
স০-প্রক্লিন্নো দেহো যেষাং আমবিসর্পাদ্যার্তানাং তে পানং ত্যজেযুঃ| মেহাদীনামাতুরশব্দেন প্রত্যেকং সম্বন্ধঃ| মেহরোগাদ্যাতুরাঃ পানং-দ্রবরূপং ত্যজেযুঃ, ন কেবলমন্নস্যোপরি যদনুপানম্| খরনাদে চোক্তম্-"মেহী প্লীহী ব্রণী কুষ্ঠী পাণ্ডুর্জঠরপীনসী| শোষাতিসারী মন্দাগ্নিঃ পানীযং মন্দমাচরেত্|| নোর্ধ্বাঙ্গপবনাবিষ্টে বাগ্ব্যাযামহতে ন চ| ক্ষতোরসি শ্বাসকাসহিক্কাবম্যর্দিতে ন চ|| নিরন্নে চোর্ধ্বরোগে চ ন পেযং বারি শীতলম্|" ইতি|
Adhikarana pAnAnantarabhAShyAdiniShedhaH bhojanAntaramAtapAdiniShedhaH (54-55) · Śloka 55
| সর্বশ্চ ভাষ্যাধ্বশযনং ত্যজেত্||৫৪|| পীত্বা, ভুক্ত্বাঽঽতপং বহ্নিং যানং প্লবনবাহনম্| |৫৫|
View original
| सर्वश्च भाष्याध्वशयनं त्यजेत्||५४|| पीत्वा, भुक्त्वाऽऽतपं वह्निं यानं प्लवनवाहनम्| |५५|
🔊 Audio coming soon
স০-চশব্দো লুপ্তনির্দিষ্টোঽত্র| সর্বোঽপি পুরুষঃ-স্বস্থো রোগী চ, পীত্বা ভুক্ত্বা চ ভাষ্যাদীংস্ত্যজেত্| তথা, আতপাদীন্ পঞ্চ ত্যজেত্| ত্যজেদিত্যত্রাপ্যনুবৃত্ত্যা যোজ্যম্| যানং-রথাদি| প্লবনং-তরণম্| বাহনং-অশ্বাদি|
Adhikarana Bojanasya kAlaH (8) · Śloka 8
"কালে সাত্ম্যম্" (শ্লো. ৩৫) ইত্যুক্তম্| ভোজনস্য তু কঃ কালঃ ? ইত্যাহ প্রসৃষ্টে বিণ্মূত্রে হৃদি সুবিমলে দোষে স্বপথগে বিশুদ্ধে চোদ্গারে ক্ষুদুপগমনে বাতেঽনুসরতি| তথাঽগ্নাবুদ্রিক্তে বিশদকরণে দেহে চ সুলঘৌ প্রযুঞ্জীতাহারং বিধিনিযমিতং, কালঃ স হি মতঃ||৫৫|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে মাত্রাশিতীযো নাম অষ্টমোঽধ্যাযঃ||৮||
View original
"काले सात्म्यम्" (श्लो. ३५) इत्युक्तम्| भोजनस्य तु कः कालः ? इत्याह प्रसृष्टे विण्मूत्रे हृदि सुविमले दोषे स्वपथगे विशुद्धे चोद्गारे क्षुदुपगमने वातेऽनुसरति| तथाऽग्नावुद्रिक्ते विशदकरणे देहे च सुलघौ प्रयुञ्जीताहारं विधिनियमितं, कालः स हि मतः||५५|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां सूत्रस्थाने मात्राशितीयो नाम अष्टमोऽध्यायः||८||
🔊 Audio coming soon
স০-আহারং বিধিনা-পূর্বোক্তেন " কালে সাত্ম্যং শুচি হিতম্" ইত্যাদিনা নিযমিতং প্রযুঞ্জীত,-অশ্নীযাদিত্যর্থঃ| কদা ? মূত্রপুরীষে প্রকর্ষেণ সৃষ্টে সতি| ন তু কিঞ্চিদেব ত্যক্ত ইতি প্রশব্দেন দ্যোতযতি| তথা, হৃদযে সুষ্ঠু বিমলে-রসশেষকৃতগৌরবাদিরহিতে| তথা, দোষে-বাতাদৌ, স্বপথগে-স্বমার্গগে, অজীর্ণে হ্যাহারেঽন্নশেষেণ রুদ্ধগতযো বাতাদযঃ স্বস্থানং ন লভরেন্, সুজীর্ণে তু স্বস্থানস্থাঃ স্যুঃ| উদ্গারে চ বিশুদ্ধে-চশব্দোঽনুক্তসমুচ্চযার্থঃ, স্রোতোমুখেষু চ বিশুদ্ধেষ্বিত্যর্থঃ| ক্ষুদুপগমনে-উপগতাযাং ক্ষুধি| বাতেঽনুসরতি-অনুলোমং গচ্ছতি| তথা, অগ্নৌ-কাযাগ্নৌ, উদ্রিক্তে-পাকক্ষমে| তথা, দেহে পট্বিন্দ্রিযে সুষ্টু লঘৌ চ| কালঃ স হি মতঃ| হিশব্দ এবার্থে| স এব কালো ভোজনস্য দৃষ্টঃ, ন ত্বতোঽপ্যূর্ধ্বম্| স হ্যতিকালঃ, তত্র ভুক্তমন্নং বাতবিষ্টব্ধং কৃচ্ছ্রাদ্বিপচ্যতে| তথা চোক্তং তন্ত্রান্তরে-"অতীতকালে ভুঞ্জানো বাযুনোপহতেঽনলে| কৃচ্ছ্রাদ্বিপচ্যতে ভুক্তং দ্বিতীযং ন চ কাঙ্ক্ষতি|| কুক্ষাবাধ্মানমাটোপসাদাংশ্চ কুরুতেঽধিকম্|" ইতি| তস্মাত্পূর্বোক্তে কালে ভোজনমদ্যাদিতি| যমৌ ন্সৌ তঃ সস্যাদ্রসরবিবিরামা ধীরললিতা| ইতি শ্রীমৃগাঙ্কদত্তপুত্র শ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে মাত্রাশিতীযাধ্যাযোঽষ্টমঃ সমাপ্তঃ|| ৮||