3. r̥tucaryādhyāyaḥ

Adhikarana adhyAyopakramaH · Śloka

স০-দিনচর্যাধ্যাযানন্তরমৃতুচর্যাধ্যাযস্য উপোদ্ঘাতঃ| পূর্বাধ্যাযে সামান্যেন দিনচর্যোপদিষ্টা|

Adhikarana RutucaryAdhyAyastRutIyaH (2) · Śloka 2

ঋতুবিশেষবশাচ্চাহারবিহারসেবনপ্রতিপাদনার্থমৃতুচর্যাযা আরম্ভ ইত্যাহ অথাত ঋতুচর্যাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২|

স০- পূর্ববদ্ব্যাখ্যেযম্|

Adhikarana ShaDRutavaH ,uttarAyaNam (1-2) · Śloka 2

অথ ক ঋতবঃ ? ইত্যাহ মাসৈর্দ্বিসংখ্যৈর্মাঘাদ্যৈঃ ক্রমাত্ ষডৃতবঃ স্মৃতাঃ| শিশিরোঽথ বসন্তশ্চ গ্রীষ্মো বর্ষাশরদ্ধিমাঃ||১|| শিশিরাদ্যাস্ত্রিভিস্তৈস্তু বিদ্যাদযনমুত্তরম্| আদানং চ, তদাদত্তে নৃণাং প্রতিদিনং বলম্||২||

স০-মাসৈরিত্যাদিনা কালোপবর্ণনমাহ| ননু, কালোপবর্ণনং দিনচর্যাযাং কস্মান্ন কৃতম্ ? উচ্যতে| ঋতুগৌরবোদ্ভাবনার্থম্| ঋতবো হি বিশেষেণোপযোগিনঃ, বিপ্রতিপত্তেশ্চ| যথা- একে চাতুর্মাসিকমৃতুং কৃত্বা শীতোষ্ণবৃষ্টিলক্ষণান্ হেমন্তগ্রীষ্মবর্ষাখ্যাংস্ত্রীনৃতূনিচ্ছন্তি| অপরে তু দ্বিমাসিকান্ শিশিরবসন্তগ্রীষ্মবর্ষাশরদ্ধেমন্তলক্ষণান্ ষডৃতূনিতি| দ্বে সংখ্যে যেষাং তে দ্বিসংখ্যাঃ, তৈর্দ্বিসংখ্যৈঃ| মাঘ আদ্যো যেষাং ফাল্গুনাদীনাং ত এবম্| তৈর্দ্বিসংখ্যৈর্মাঘাদ্যৈর্মাসৈঃ ক্রমাত্- পরিপাঠ্যা ষডৃতব স্মৃতাঃ| কে তে ? ইত্যাহ- শিশিরাদ্যাঃ- শিশিরবসন্তগ্রীষ্মবর্ষাশরদ্ধেমন্তাঃ| উপচারাদেব ষট্ত্বে লব্ধে ষড্গ্রহণং পরমতক্ষেপার্থম্| তথা হি- কেচিত্ ত্রয এব ঋতব ইতি মন্যন্তে| তৈস্তু ঋতুভিস্ত্রিভিঃ শিশিরাদিভিরুত্তরাযণং বিদ্যাত্- জানীযাত্| অযনমুত্তরং- সবিতুরুত্তরমার্গপ্রতিপত্তিঃ, উত্তরাযণম্ আদানং জানীযাত্| আদানমিতি চান্বর্থং নাম ইতি প্রতিপাদযতি| তদা- তস্মিন্ কালে, নৃণাং প্রতিদিনং- অন্বহং, বলমাদত্তে- সারং গৃহ্ণাতি| কোঽসৌ ? প্রকৃতত্বাদাদিত্যঃ|

Adhikarana balAdAne yuktiH (3-4) · Śloka 4

কযা যুক্ত্যা বলমাদত্তে ? ইত্যাহ তস্মিন্ হ্যত্যর্থতীক্ষ্ণোষ্ণরূক্ষা মার্গস্বভাবতঃ| আদিত্যপবনাঃ সৌম্যান্ ক্ষপযন্তি গুণান্ ভুবঃ||৩|| তিক্তঃ কষাযঃ কটুকো বলিনোঽত্র রসাঃ ক্রমাত্| তস্মাদাদানমাগ্নেযম্|৪|

স০-আদিত্যশ্চ পবনাশ্চাদিত্যপবনাঃ, তে তস্মিন্ কালে যস্মাত্সৌম্যান্গুণান্ ভুবঃ সম্বন্ধিনঃ ক্ষপযন্তি- বিনাশযন্তি| কীদৃশাস্তে ? অত্যর্থং- অতিশযেন তীক্ষ্ণাশ্চোষ্ণাশ্চ রূক্ষাশ্চাত্যর্থ- তীক্ষ্ণোষ্ণরূক্ষাঃ| কস্মাদেবংবিধাস্তে ? ইত্যাহ- মার্গস্বভাবতঃ- বর্ত্মস্বাভাব্যাত্| ন চ স্বভাবঃ পর্যনুযোগমর্হতি| মার্গঃ- উষ্ণাংশোরুত্তরদিগ্গমনম্| যতশ্চাদিত্যপবনা রূক্ষাস্ততস্তিক্তাদযো রসা বলিনো ভবন্তি| ক্রমাদিত্যনেন যথাসংখ্যমত্র বোধযতি| তেন তিক্তঃ শিশিরে, বসন্তে কষাযো, গ্রীষ্মে কটুকো, বলীত্যবতিষ্ঠতে, ন সর্বে তিক্তাদয একৈকস্মিন্নৃতাবিতি| তিক্ত ইত্যাদ্যসমাসকরণং জ্ঞাপনার্থম্| তিক্তাদিরেকৈকো বলী ভবতি| দ্বৌ তু স্বপ্রমাণাবস্থিতৌ| নৈবর্তৌ পৃথগ্ভূয তিক্তাদের্বলবত্ত্বমিত্যর্থঃ| যত এবং ভূমেঃ সৌম্যগুণহানির্বর্ধনং চ রূক্ষাণাং রসানাম্, তস্মাত্কারণাদাদানমাগ্নেযম্|

Adhikarana dakShiNAyanam (4-5) · Śloka 5

| ঋতবো দক্ষিণাযনম্||৪|| বর্ষাদযো বিসর্গশ্চ| |৫|

স০-ত্রযো বর্ষাদয ঋতবো দক্ষিণাযনং ভগবতো দিবাকরস্য দক্ষিণদিগ্গমনম্| স চ কালো বিসর্গাখ্যঃ|

Adhikarana balavisargai yuktiH (5-6) · Śloka 6

যদ্বলং বিসৃজত্যযম্| সৌম্যত্বাদত্র সোমো হি বলবান্ হীযতে রবিঃ||৫|| মেঘবৃষ্ট্যনিলৈঃ শীতৈঃ শান্ততাপে মহীতলে| স্নিগ্ধাশ্চেহাম্ললবণমধুরা বলিনো রসাঃ||৬||

স০-যত্- যস্মাত্, বলমযং কালো বিসৃজতি- দদাতি দক্ষিণাযনাখ্যঃ, তস্মাদ্বিসর্গোঽন্বর্থসংজ্ঞঃ কালঃ| হি- যস্মাত্, অত্র- বিসর্গাখ্যে কালে, সৌম্যত্বাত্- সোমভূযিষ্ঠত্বাত্, সোমো বলবান্, তদাশ্রিতরাত্রিবৃদ্ধিদর্শনাত্| হীযতে রবিঃ- তদাশ্রিতদিনহান্যুপলব্ধের্হীনশক্তিঃ সম্পদ্যতে| কদা ? মহীতলে- ভূপৃষ্ঠে, শান্ততাপে সতি| কৈঃ ? মেঘবৃষ্ট্যনিলৈঃ শীতৈঃ| শীতৈরিত্যুপলক্ষণার্থম্, বিসর্গকালত্বান্মৃদুভিঃ স্নিগ্ধৈরপীতি| অত এব স্নিগ্ধা রসা অম্ললবণমধুরা বলিনো ভবন্তি| অত্রাপি ক্রমাদিত্যনুবর্ততে| পূর্ববচ্চ ব্যাখ্যেযম্|

Adhikarana shItAdau balavicAraH (7) · Śloka 7

শীতেঽগ্র্যং বৃষ্টিধর্মেঽল্পং বলং মধ্যং তু শেষযোঃ| |৭|

স০-শীতস্বভাবে কালে হেমন্তশিশিরাখ্যে নৃণামগ্র্যং বলং ভবতি| বৃষ্টিশ্চ ঘর্মশ্চ তস্মিন্বৃষ্টিঘর্মে- বর্ষাগ্রেএষ্মাখ্যে কালেঽল্পম্| তুরবধারণে| শেষযোঃ- শরদ্বসন্তযোরৃত্বোর্মধ্যমেব বলম্| ননু, বসন্তে আদানকালত্বাদত্যর্থতীক্ষ্ণোষ্ণরূক্ষৈরাদিত্যপবনৈঃ শোষ্যমাণেষু বলবৃদ্ধিহেতুষু ভুবঃ সৌম্যেষু গুণেষু, কথং মধ্যবলত্বমিতি ? অত্র ব্রূমঃ| বর্ষাদিষু ত্রিষ্বৃতুষু বলমুপচিতং ক্রমেণৈবাপচীযতে| যথা- কৄষ্ণপক্ষে চন্দ্রঃ| তস্মাদ্দীর্ঘকালানুবৃত্তং বলমুপচিতং বসন্তে ক্রমেণৈবাপচীযতে, ইতি মধ্যবলত্বং যুক্তম্| অনেনৈব হেতুনা শিশিরেঽগ্র্যবলত্বম্| যতঃ সকলেন বিসর্গিণা কালেন যদুপচিতমতিশযেন বলং তত্ শিশিরে প্রারম্ভমাত্রাদানকালেঽপচীযমানমপি বলং ন হীনং লক্ষ্যতে| যথা- কৃষ্ণপক্ষাদৌ চন্দ্রঃ ক্ষীযমাণঃ, ইতি যুক্তমুক্তং শীতেঽগ্র্যং বলং বসন্তে চ মধ্যং বলমিতি|

Adhikarana hemante~analasya prabalyam hemantacaryA svAdvamlAdisevanam (7-8) · Śloka 8

অত এবাহ শাস্ত্রকৃত্ | বলিনঃ শীতসংরোধাদ্ধেমন্তে প্রবলোঽনলঃ||৭|| ভবত্যল্পেন্ধনো ধাতূন্ স পচেদ্বাযুনেরিতঃ| অতো হিমেঽস্মিন্সেবেত স্বাদ্বম্ললবণাত্রসান্||৮||

স০-কিল বিসর্গাভিবর্দ্ধিতবলত্বাত্পুমান্ বলী ভবতি| তস্য বলিনঃ পুংসো হেমন্তে কালে শীতসংরোধাদ্ধেতোরনলোঽগ্নির্বলী ভবতি| যতঃ সর্বতঃ স্রোতোরোধাজ্জাঠরোঽগ্নিরান্তরৈরেব স্বেরর্চির্ভিরভিবর্ধতে| বর্ধিতশ্চাসৌ যুক্তমাহারং সম্যক্পচতি| পক্বাচ্চাহারাদ্বলমভ্যাধিকং জাযতে| হেমন্তে ইত্যনেন এতত্ দ্যোতযতি, অস্মিন্নেব কালে শীতসংরোধাত্ প্রবলোঽগ্নির্ভবতি, ন তু ঋত্বন্তরোপজনিতশীতসংরোধাত্| তথা হি- অন্যর্তুজেন শীতেনাগ্নিসাদো ভবতি, যথা- বর্ষাসু| তত্র হি বৃষ্টিবাতাভ্যাং ভবতি শীতম্, ন চাগ্নিদীপ্তিঃ| তথা চাষ্টাঙ্গসঙ্গ্রহে (সূ.অ.৪)- "বৃষ্টিবাতাকুলে ত্বহ্নি ভোজনং ক্লেদবাতজিত্| পরিশুষ্কং লঘুস্নিগ্ধমুষ্ণাম্ললবণং ভজেত্" ইতি| ইহ পুনরনেকরূপং গৌরবযুক্তং ভোজনং শস্যতে| বক্ষ্যতি হি- "অতো হিমেঽস্মিন্" ইত্যারভ্য যাবত্ "রসান্ স্নিগ্ধান্পলং পুষ্টম্" ইত্যাদি| তথোক্তম্- "ঊষ্মা বহিঃ প্রতিহতো হিমশীতবাতৈরন্তঃ শরীরবিবরং প্রতিপদ্যমানঃ| স্বস্থানপিণ্ডিতবপুর্ভবতি প্রচণ্ডঃ শীতেঽনিলানলহরো বিধিরিষ্যতেঽতঃ" ইতি| তথা, যদ্যপি "তত্র সত্ত্বশরীরোত্থং" ইত্যারভ্য যাবত্ "তথোর্জস্করযোগজম্" ইত্যাদিনা (হৃ.শা.অ.৩/৭৮) গ্রন্থেনাহারো যুক্তজস্যৈকস্যৈব বলস্য হেতুরিত্যুক্তো গ্রন্থকৃতা| তথাঽপি যুক্ত্যা নিরূপ্যমাণঃ সহজকালজযোরপি বলযোরাহার এব হেতুঃ, অনুবৃত্তিহেতুত্বাত্| তথা হ্যাহারং বিনা শরীরমেব ন স্যাত্| তদনযা যুক্ত্যা ত্রিবিধমপি বলমাহারজমিতি বোদ্ধব্যম্| ননু, যদি প্রবলোঽনলো ভবতি, ততঃ কিম্ ? ইত্যাহ- অল্পেন্ধন ইত্যাদি| অল্পমিন্ধনমাহারাখ্যং যস্য সোঽল্পেন্ধনঃ সন্, সোঽনলো, ধাতূন্- রসাদীন্ পচেত্| কীদৃশঃ ? বাযুনেরিতঃ- বাতোদ্দীপিতঃ| অতঃ- অস্মাদনন্তরোক্তাদ্ধেতোরল্পেন্ধনত্বে সতি ধাতুপাকাখ্যাত্| অস্মিন্ হিমে শীতে স্বাদ্বম্ললবণাখ্যান্ রসান্ সেবেত| নান্যর্তুসম্ভবে হিম ইত্যস্যার্থস্য দ্যোতনায (অস্মিন্) হিম ইত্যুক্তম্|

Adhikarana bubhukShitasya prAtareva bhojanam vAtaghnatailAbhya~ggAdi (9-10) · Śloka 10

দৈর্ঘ্যান্নিশানামেতর্হি প্রাতরেব বুভুক্ষিতঃ| অবশ্যকার্যং সম্ভাব্য যথোক্তং শেএলযেদনু||৯|| বাতঘ্নতৈলৈরভ্যঙ্গং মূর্ধ্নি তৈলং বিমর্দনম্| নিযুদ্ধং কুশলৈঃ সার্ধং পাদাঘাতং চ যুক্তিতঃ||১০||

স০-এতর্হি- এতস্মিন্কালে, বুভুক্ষিতঃ প্রাতরেব- প্রত্যুষসি, নান্যকালে যত্কিঞ্চিদ্দিনাতিক্রান্তৌ সত্যাম্, অবশ্যকার্যং- মূত্রোত্সর্গাদিকং দিনচর্যোক্তং, সম্ভাব্য- সম্পাদ্য, যথোক্তং- যথানির্দিষ্টম্, অনু- পশ্চত্, বাতঘ্নতৈলাভ্যঙ্গাদিকং শীলযেত্| যদ্যপি "বুভুক্ষিতঃ, অবশ্যকর্যং সম্ভাব্য যথোক্তং শীলযেদনু" ইত্যুক্তম্, তথাপি বুভুক্ষিতেন ন তথান্যত্কার্যং কার্যম্, যথা ভোজনম্| তথা চোক্তম্- "আহারকালে সম্প্রাপ্তে যো ন ভুঙ্ক্তে বুভুক্ষিতঃ| তস্য সীদতি কাযাগ্নির্নিরিন্ধন ইবানলঃ||" ইতি| তস্মাদৌচিত্যাদ্বুভুক্ষিতেনাহারঃ কার্য ইতি বেদ্যম্| নন্বন্যস্মিন্নপি কালে বুভুক্ষিতস্যৈবাহারানুজ্ঞানাদিহ বুভুক্ষিতগ্রহণং ন কার্যম্| যুক্তমাহ ভবান্| কিন্ত্বস্মিন্কালে জাঠরাগ্নিরত্যগ্নিচ্ছাযানুকারী ভবতি| ততোঽস্য জাঠরাগ্নেরত্যগ্নেরিবোপচারো যুক্তঃ| যথা (চরকে চি.অ.১৫/২১৯, হৃদযে চি.অ.১০/৮৪)- "মুহুর্মুহুরজীর্ণেঽপি ভোজ্যান্যস্যোপহারযেত্| নিরিন্ধনোঽন্তরং লব্ধ্বা যথৈনং ন বিপাদযেত্||" ইতি| অবুভুক্ষিতস্যৈব ভোজনাধিকারিত্বমিতি ভ্রান্তিনিরাসাযেহ বুভুক্ষিতগ্রহণম্| নিশানাং দৈর্ঘ্যাদিতি বিশিষ্টকালোপলক্ষণার্থং কৃতম্| যদাঽত্র হেমন্তে শর্বর্যো দীর্ঘা জাযন্তে, তদৈষ বিধিঃ সর্বোনুষ্ঠেযো ন প্রারব্ধমাত্র এবাস্মিন্নিতি| নন্বত্র সেবেত শীলযেদ্ভজেদিত্যেকার্থাভিধাযীনি বহূনি ক্রিযাপদানি কিং নির্দিষ্টানি ? একেনৈবার্থাধিগতেঃ| অত্র ব্রূমঃ| কার্যান্তরসূচনার্থমেতত্পদত্রযং কৃতম্| তথা হি- "অতো হিমেঽস্মিন্সেবেত" ইত্যত্র যঃ সেবেতশব্দঃ স ইদং দ্যোতযতি- স্বাদ্বম্ললবণরসাঃ পবনবিজযার্থমস্মিন্ কালে নিতরামুপযোক্তব্যাঃ| ন কাদাচিত্ক এষামস্মিন্নৃতাবুপযোগো বিধেয ইতি| অত এব বাতঘ্নতৈলাভ্যঙ্গাদেঃ পৃথগেষাং রসানামুপন্যাসঃ| তথা, "যথোক্তং শীলযেত্" ইত্যত্র যঃ শীলযেদিত্যেষ শব্দঃ স বাতঘ্নতৈলাদেঃ সর্বস্য তুল্যকক্ষতাং দ্যোতযতি| তথা, "প্রাবারাজিন" ইত্যাদৌ যো ভজেচ্ছব্দঃ স সকলস্যাহারবিহারশীলনস্য শযনবিধেশ্চ তুল্যতাং প্রথযতি| তথা চ বক্ষ্যতি (সূ.অ.৭/৫১)- "আহারশযনাব্রহ্মচর্যৈর্যুক্ত্যা প্রযোজিতৈঃ| শরীরং ধার্যতে নিত্যমাগারমিব ধারণৈঃ||" ইতি| বাতঘ্নতৈলৈরভ্যঙ্গং শীলযেত্| তৈলস্য সর্বস্যৈব বাতঘ্নত্বাদ্বাতঘ্নেতি বিশেষণমতিশযপ্রতিপাদনার্থম্, তেন বলাতৈলাদিভিরিতি বোধ্যম্| মূর্ধ্নি তৈলং-শিরোভ্যঙ্গাদি| বিমর্দনং- শরীরসংবাহনম্, এতদৌচিত্যাদভ্যক্তঃ সন্ শীলযেত্| কুশলৈঃ- তদ্বিদ্ভিঃ সার্ধং, নিযুদ্ধং- বাহুযুদ্ধং, শীলযেত্| পাদাঘাতং- পাদেন বিমর্দনম্, যুক্তিত ইত্যনেনার্ধশক্ত্যৈব শীলনং দ্যোতযতি| বাহুযুদ্ধপাদাঘাতযোশ্চানভ্যক্তস্যৈব শীলনং যুক্তম্|

Adhikarana snAnAdi, mAMsAdisevanam (11-14) · Śloka 14

কষাযাপহৃতস্নেহস্ততঃ স্নাতো যথাবিধি| কুঙ্কুমেন সদর্পেণ প্রদিগ্ধোঽগুরুধূপিতঃ||১১|| রসান্ স্নিগ্ধান্ পলং পৃষ্টং গৌডমচ্ছসুরাং সুরাম্| গোধূমপিষ্টমাষেক্ষুক্ষীরোত্থবিকৃতীঃ শুভাঃ||১২|| নবমন্নং বসাং তৈলং, শৌচকার্যে সুখোদকম্| প্রাবারাজিনকৌশেযপ্রবেণীকৌচবাস্তৃতম্||১৩|| উষ্ণস্বভাবৈর্লঘুভিঃ প্রাবৃতঃ শযনং ভজেত্| যুক্ত্যাঽর্ককিরণান্ স্বেদং পাদত্রাণং চ সর্বদা||১৪||

স০-কষাযেণ- রোধ্রাদিনা, অপহৃতঃ- অপনীতঃ, স্নেহো যস্য স এবম্| ততঃ- অনন্তরং, যথাবিধি- শাস্ত্রোদিতেন বিধানেন, স্নাতঃ| কুঙ্কুমেন- কাশ্মীরেণ, প্রদিগ্ধঃ- অনুলিপ্তঃ| দর্পঃ- কস্তূরিকা, তেন সহ বর্ততে যত্কুঙ্কুমং তদেবম্| তথা, অগুরুণা- জোঙ্গকেন ধূপিতঃ| রসান্- মাংসরসান্, স্নিগ্ধান্ ভজেত্| মাংসরসানাং স্নিগ্ধত্বেঽপি স্নিগ্ধানিতি বিশেষণমতিশযদ্যোতনার্থম্| স্নিগ্ধতমান্ রসানিত্যর্থঃ| পলং- মাংসং, পুষ্টং- মেদুরং, ভজেত্| তথা, গুডস্যেদং গৌডং তন্মধ্যম্| তথা, অচ্ছসুরাং- সুরামণ্ডং, সুরাং- মদিরাং, চ ভজেত্| অম্লেনান্নেন কষাযদ্রব্যৈশ্চ যা ক্রিযতে সা সুরা ভণ্যতে| ননু, দ্বিধৈব সুরা সেব্যত্বেনেহাভীষ্টা, তত্সুরাশব্দ এব নির্দেষ্টুং ন্যায্যঃ| তস্মিন্হি সামান্যপদে নির্দিষ্টে দ্বিধৈব সুরা নির্দিষ্টা ভবতি| সত্যমেতত্| কিন্ত্বচ্ছসুরাং নিতরাং ভজেত্, ন তথা সুরামিতি জ্ঞাপনার্থং দ্বযোরুপাদানম্| অত এবাচ্ছসুরামিতি পূর্বং নির্দিষ্টম্| গোধূমেত্যাদি| গোধূমশ্চ পিষ্টং চ মাষশ্চ ইক্ষুশ্চ ক্ষেএরং চ তান্যেবম্| গোধূমপিষ্টমাষেক্ষুক্ষীরেভ্য উত্থানং যাসাং বিকৃতীনাং তা এবম্| উত্পূর্বাত্তিষ্ঠতেঃ সুপেএতি যোগবিভাগাদ্ভাবে কঃ| "উদঃ স্থাস্তম্ভোঃ পূর্বস্য" ইতি সস্য তকারঃ| গোধূমপিষ্টমাষেক্ষুক্ষীরোত্থাশ্চ তা বিকৃতযশ্চ, তাঃ শুভাঃ- রম্যাঃ, ভজেত্| তথা, নবং- অপুরাণমন্নং, তথা বসাংভজেত্| "শুদ্ধমাংসস্য যঃ স্নেহঃ সা বসা পরিকীর্তিতা"| তথা, তৈলং ভজেত্- ভক্ষযেত্| অভ্যঙ্গস্তু প্রাগনুজ্ঞাত এব| শৌচকার্যে- শৌচক্রিযাযাং, সুখোদকং- উষ্ণোদকং, ভজেত্| প্রাবারঃ- কার্পাসো রোমবান্ ঘনঃ পটঃ, স্থূলপটকাদিঃ| অজিনং- সুখস্পর্শরোমচর্ম| কৌশেযং- পট্টবসনম্| প্রবেণী- সূচীবাণাখ্যো বস্ত্রবিশেষঃ| কৌচবং- রাঙ্কববস্ত্রভেদঃ, তবরক ইত্যন্যে| এতৈরাস্তৃতং- দত্তপ্রচ্ছদপটং, শযনং ভজেত্| কীদৃক্ শযনং ভজেত্ ? উষ্ণস্বভাবৈঃ- রোমশিকারল্লিকাপ্রাযৈঃ, প্রাবৃতঃ- প্রকর্ষেণাচ্ছাদিতঃ| তথা, অর্ককিরণান্ভজেত্| কথম্ ? যুক্ত্যা- সম্যগ্যোগলক্ষণযা| অতিসেবিতা হি গ্লান্যাদীন্ কুর্যুঃ| তথা, স্বেদং ভজেত্| যুক্ত্যৈবেত্যত্রাপি যোজ্যম্| অতিসেবিতো হি স্বেদো গ্লান্যাদীন্ জনযেত্| পাদত্রাণং চ- পাদুকাদিকং, সর্বদা ভজেত্|

Adhikarana vilAsinInAM shItaharatvam (15) · Śloka 15

পীবরোরুস্তনশ্রোণ্যঃ সমদাঃ প্রমদাঃ প্রিযাঃ| হরন্তি শীতমুষ্ণাঙ্গ্যো ধূপকুঙ্কুমযৌবনৈঃ||১৫||

স০-ঊরূ চ স্তনৌ চ শ্রোণিশ্চ ঊরুস্তনশ্রোণি| পীবরং- পীনং, ঊরুস্তনশ্রোণি যাসাং তা এবম্ভূতাঃ, প্রমদাঃ- বিলাসিন্যঃ, শীতং হরন্তি- নুদন্তি| পীনত্বেনাতিকার্শ্যমত্র নিষিধ্যতে| তথা চাহ গ্রাম্যধর্মাধিকারে (হৃ.সূ.অ.৭/৬৯)- "ত্যজেদতিকৃশাম্" ইতি| কিম্ভূতাঃ ? সহ মদেন- যৌবনোদ্ভূতেন সুরাদিপানজেন কামোদ্রেককারিণা বা, বর্তন্তে তাঃ সমদাঃ| তথা, প্রিযাঃ- বল্লভাঃ, শীতং হরন্তি| কিম্ভূতাঃ ? উষ্ণাঙ্গ্যো ধূপকুঙ্কুমযৌবনৈঃ- অগুর্বাদিধূপেনোষ্ণাঙ্গ্যঃ, তথা কুঙ্কুমানুলেপনেনোষ্ণাঙ্গ্যঃ, তথা যৌবনোষ্মণা, সহজেনোষ্ণাঙ্গ্য ইতি যোজ্যম্|

Adhikarana nivAtoShNagRuhasevanam (16) · Śloka 16

অঙ্গারতাপসন্তপ্তগর্ভভূবেশ্মচারিণঃ| শীতপারুষ্যজনিতো ন দোষো জাতু জাযতে||১৬||

স০-অঙ্গারাণাং তাপোঽঙ্গারতাপঃ, তেন সন্তপ্তং চ তদ্গর্ভেঽভ্যন্তরে ভূবেশ্ম চ তত্তস্মিংশ্চরতি- তিষ্ঠতি নিত্যং যস্তস্যাঙ্গারতাপসন্তপ্তগর্ভভূবেশ্মচারিণঃ পুংসো যতঃ শীতপারুষ্যজনিতো দোষো- দুঃখং, ন জাতু- কদাচিজ্জাযতে, ততোঽঙ্গারতাপসন্তপ্তগর্ভভূবেশ্মচারী স্যাদিতি ভাবঃ|

Adhikarana shishiracaryA shishire~api pUvoktavidhiH (17) · Śloka 17

অযমেব বিধিঃ কার্যঃ শিশিরেঽপি বিশেষতঃ| তদা হি শেএতমধিকং রৌক্ষ্যং চাদানকালজম্||১৭||

স০-অযমেব- হৈমন্তঃ, বিধিঃ- পূর্বোক্তঃ, শিশিরে চ বিশেষতঃ- অতিশযেন কার্যঃ| কুতঃ ? ইত্যাহ- যস্মাত্তস্মিন্ কালে শীতমধিকং ভবতি, কালস্বাভাব্যাত্| তথা, আদানকালাজ্জাতমাদানকালজং চ রৌক্ষ্যং ভবতি| ততো হেতুদ্বযাদ্বিশেষেণ হৈমন্তিকো বিধিঃ সেব্যঃ| হেমন্তে "রসান্ স্নিগ্ধান্ শীলযেত্" ইত্যুক্তম্| শিশিরে তানতিশযেন শীলযেত্| এবং সর্বোঽপি হৈমন্তিকৌ বিধির্যোজনীযঃ| আদানকালজমিত্যনেনৈতদ্দ্যোতযতি| আদানকাল এব রৌক্ষ্যস্য কারণম্, নান্যত্| অত এব হেমন্তে শীতেঽপি রৌক্ষ্যং নাস্ত্যেবেতি| আদানস্য চ প্রারম্ভমাত্রত্বে এব শিশিরস্য সম্ভব ইতি শিশিরে কিঞ্চিদেব রৌক্ষ্যং বেদ্যম্| ননু, যথা রৌক্ষ্যমাদানকালজং তথৌষ্ণ্যমপি| তথা চোক্তম্- "তস্মিন্ হ্যত্যর্থতীক্ষ্ণোষ্ণরূক্ষাঃ" ইতি| এবং চৌষ্ণ্যসদ্ভাবাচ্ছীতস্য হেমন্ততো হানিঃ প্রাপ্তা, ন ত্বাধিক্যম্| তত্কথমুক্তং "তদা হি শীতমধিকম্" ইতি ? ব্রূমঃ| রৌক্ষ্যস্য দ্বৌ হেতূ| একস্তাবদ্ভগবদ্দিবাকরকরৈর্জগত্স্নেহাদানম্| দ্বিতীযস্ত্বাগ্নেযঃ কালঃ| তদেবং রৌক্ষ্যেণোভযহেতুজেন শিশিরে কালে বাতাঃ শীতস্বভাবা আহিতাধিকশক্তযো জাযন্তে হৈমন্তেভ্যো মারুতেভ্যঃ| তথাবিধাশ্চৌষ্ণ্যেনাদানকালজেনাদানকালপ্রাথম্যাদপ্রাপ্তবলেন শিশিরে নাভিভূযন্তে| অনভিভূতাশ্চ শীতস্বভাবত্বাচ্চ শীতমেব বর্ধযন্তি| অতো যুক্তং শীতাধিক্যং শিশির ইতি|

Adhikarana vasantacaryA shleShmajayaprakArAdi shuNThIkvathitajalapAnAdi (18-23) · Śloka 23

সম্প্রতি বসন্তচর্যাং বিবক্ষুরিদমাহ কফশ্চিতো হি শিশিরে বসন্তেঽর্কাংশুতাপিতঃ| হত্বাঽগ্নিং কুরুতে রোগানতস্তং ত্বরযা জযেত্||১৮|| তীক্ষ্ণৈর্বমননস্যাদ্যৈর্লঘুরূক্ষৈশ্চ ভোজনৈঃ| ব্যাযামোদ্বর্তনাঘাতৈর্জিত্বা শ্লেষ্মাণমুল্বণম্||১৯|| স্নাতোঽনুলিপ্তঃ কর্পূরচন্দনাগুরুকুঙ্কুমৈঃ| পুরাণযবগোধূমক্ষৌদ্রজাঙ্গলশূল্যভুক্||২০|| সহকাররসোন্মিশ্রানাস্বাদ্য প্রিযযাঽর্পিতান্| প্রিযাস্যসঙ্গসুরভীন্ প্রিযানেত্রোত্পলাঙ্কিতান্||২১|| সৌমনস্যকৃতো হৃদ্যান্বযস্যৈঃ সহিতঃ পিবেত্| নির্গদানাসবারিষ্টসীধুমার্দ্বীকমাধবান্||২২|| শৃঙ্গবেরাম্বু সারাম্বু মধ্বম্বু জলদাম্বু চ| |২৩|

স০-শিশিরে মধুরস্নিগ্ধাদিনা আহারেণ কালস্বাভাব্যাচ্চ শ্লেষ্মা সঞ্চিতোঽতিশযেন স্ত্যানত্বাদতিকুপিতো বসন্তে ঋতাবর্কাংশুতাপিতঃ- সূর্যপ্রভাভির্বিলাযিতো, দ্রবস্বরূপত্বাজ্জলমিব বিপরীতং জাঠরাগ্নিং হত্বা, হি- যস্মাত্, রোগান্- বিকারান্, কুরুতে- জনযতি| অতঃ- অস্মাত্কারণাত্, তং- কফং, ত্বরযা- শীঘ্রমেব, জযেত্| দোষানিতি কেচিত্পঠন্তি| অর্কতাপিত ইত্যনেনৈব সিদ্ধে অংশুশব্দোঽত্র রশ্মীনাং পটিমানং সূচযতি, ন তথা শীতে| তত্র হি (সং.সূ.অ.৪)- "ধূমধূম্ররজোমন্দাস্তুষারাবিলমণ্ডলাঃ| দিগাদিত্যাঃ" ইত্যধিজগে| কৈর্জযেত্? তীক্ষ্ণৈর্বমননস্যবিরেকাদিভিরুপক্রমেত্| তথা, লঘূনি রূক্ষাণি চ যানি ভোজনানি, তৈশ্চ| তথা, ব্যাযামশ্চোদ্বর্তনং চ আঘাতশ্চ তৈশ্চ কফং জযেদিতি| চশব্দো লুপ্তনির্দিষ্টঃ| ততঃ কফমুল্বণং- উদ্ধতং, জিত্বাঽনন্তরং স্নাতোঽনুলিপ্তঃ- সমালিপ্তঃ কর্পূরচন্দনাগুরুকুঙ্কুমৈঃ| তথা, পুরাণং চ তদ্যবগোধূমং চ, তথা, ক্ষৌদ্রং- মাক্ষিকং, তথা জাঙ্গলং চ তচ্ছূল্যং চ- "শূলেন সংস্কৃতং মাংসং শূল্যম্" ভটিত্রং চ, তত্তানি ভুঙ্ক্তে পুরাণযবগোধূমক্ষৌদ্রজাঙ্গলশূল্যভুক্| শূল্য ইতি "শূলোখাদ্যত্" ইতি যত্| এবংবিধঃ সন্ বযস্যৈঃ- মিত্রৈঃ সহিত আসবাদীন্ পিবেত্| কিম্ভূতান্? নির্গদান্- নিবৃত্তগদান্নির্দোষান্, পিবেদিতি বক্ষ্যমাণেন সম্বন্ধোঽত্র দীপকত্বাত্| আসবো- যো দ্রব্যাণ্যাসুত্য ক্রিযতে| উক্তং চ- "মদ্যাকরাধিকদ্রব্যমদিরাদ্যৈঃ কৃতস্তু যঃ| সোঽরিষ্টঃ স্যাদাসবস্তু দ্রব্যাণ্যাসুত্য যঃ কৃতঃ||" ইতি| সীধুঃ- ইক্ষুরসোদ্ভবঃ| মার্দ্বীকং- মৃদীকারসোদ্ভবম্| মাধবো- মধুনা সংস্কৃতঃ| কিম্ভূতানাসবাদীন্? সহকাররসোন্মিশ্রান্- অধিবাসিতান্| তথা, প্রিযযা- দযিতযা, আস্বাদ্য- কিঞ্চিত্পীত্বা, অর্পিতান্- ঢৌকিতান্| তথা, প্রিযাস্যসঙ্গেন সুরভীন্,-সুগন্ধীন্| তথা, প্রিযানেত্রাণ্যেবোত্পলানি তৈরঙ্কিতান্-সঞ্জাতশোভান্| তথা, সৌমনস্যকৃতঃ- চিত্তপ্রসাদকৃতঃ| তথা, হৃদ্যান্- হৃদযায হিতান্| তথা, শৃঙ্গবেরাম্বু- শুণ্ঠীক্বথিতজলং পিবেত্| তথা, সারঃ-অসনচন্দনাদিজঃ, তেন ক্বথিতমম্বু পিবেত্| তথা, মধুনা যুক্তমম্বু মধ্বম্বু| জলদেন- মুস্তযা চ ক্বথিতমম্বু পিবেত্| চেতি সমুচ্চযে|

Adhikarana madhyAhne udyAnasevanam (23-25) · Śloka 25

| দক্ষিণানিলশীতেষু পরিতো জলবাহিষু||২৩|| অদৃষ্টনষ্টসূর্যেষু মণিকুট্টিমকান্তিষু| পরপুষ্টবিঘুষ্টেষু কামকর্মান্তভূমিষু||২৪|| বিচিত্রপুষ্পবৃক্ষেষু কাননেষু সুগন্ধিষু| গোষ্ঠীকথাভিশ্চিত্রাভির্মধ্যাহ্নং গমযেত্সুখী||২৫||

স০-কাননেষু- উপবনেষু, স্থিতো মধ্যাহ্নং গমযেত্- অতিবাহযেত্| অহ্নো মধ্যো মধ্যাহ্নঃ| "সংখ্যাবিসা" ইত্যাদিজ্ঞাপকাত্পূর্বাপরেত্যাদিনা একদেশিসমাসঃ| "অহ্নোঽহ্ন এতেভ্যঃ" ইত্যহ্নাদেশঃ| কথম্ ? গোষ্ঠ্যাং- ক্রীডাযাং কথা গোষ্টীকথাস্তাভিঃ, চিত্রাভিঃ- কমনীযাভিঃ, ন ত্বর্থব্যবহারসম্বন্ধিনীভিঃ| কীদৃশঃ সন্ ? সুখী- রাগদ্বেষাদিরহিতঃ| কিম্ভূতেষু কাননেষু ? দক্ষিণদিক্প্রবৃত্তৈরনিলৈঃ শীতানি, তেষু দক্ষিণানিলশীতেষু| তথা, পরিতঃ- সমন্তাজ্জলং নিত্যং বহন্তি যানি তেষু| আভীক্ষ্ণ্যে ণিনিঃ| তথা, ক্বচিত্প্রদেশে অদৃষ্টঃ- ঈষদ্দৃষ্টঃ, ক্বচিদতিঘনত্বাত্ নষ্টঃ- ন দৃশ্যতে, সূর্যো যেষূপবনেষু তান্যেবং তেষু| তথা, মণীনাং- বজ্রমরকতাদীনাং, কুট্টিমানি- বিশিষ্টা ভুবঃ, তাভিঃ কান্তিঃ- শোভ, যেষাং তান্যেবং তেষু| তথা, পরপুষ্টৈঃ- কোকিলৈঃ বিঘুষ্টেষু- কৃতশব্দেষু| তথা, কামস্য কর্মান্তাঃ কামকর্মান্তাঃ- মদনব্যাপারাঃ| অন্তশব্দোঽত্র প্রশংসাবচনে| যথোদ্ভটস্য (কাব্যালঙ্কারসঙ্গ্রহে প্রথমসর্গে) বচনম্- "বনান্তদেবতাবেণ্যঃ" ইতি) কামকর্মান্তনিমিত্তং ভূমযো যেষাং বনানাং তান্যেবং তেষু| বিচিত্রাণি- নানারূপাণি, পুষ্পাণি যেষাং তে তথাবিধা বৃক্ষা যেষাং তান্যেবং তেষু| সুষ্ঠু গন্ধো যেষাং তেষু| "গন্ধস্যেত্" ইতীত্সমাসান্তঃ|

Adhikarana gurushItAdityAgaH (26) · Śloka 26

গুরুশীতদিবাস্বপ্নস্নিগ্ধাম্লমধুরাংস্ত্যজেত্| |২৬|

স০-অস্মিন্কালে কফোপচযদোষভযাত্ গুরুশীতাদীংস্ত্যজেত্| ননু, লবণমপি শ্লেষ্মাণং করোতি, তত্কস্মাদিহ ন নিষিদ্ধম্ ? অতো ব্রূমঃ| লবণঃ পূর্বং কফমম্লমধুরাবিব ন করোতি| কিং তর্হি ? নিধনে চিরন্তনসঞ্চিতং স্রুতিরূপং শ্লেষ্মাণং বিধত্তে, বিষ্যন্দিত্বাত্| ন চ লবণস্য মধুরাদেরিব বহুতরস্য প্রযোগঃ প্রসিদ্ধঃ, কিং তর্হি ? অল্পস্যৈব| তস্মাল্লবণস্যাত্রানিষেধ এব ন্যায্যঃ|

Adhikarana grIShmacaryA paTvAdityAgaH (26-27) · Śloka 27

অধুনা গ্রীষ্মচর্যামুপদিদিক্ষুরাহ | তীক্ষ্ণাংশুরতিতীক্ষ্ণাংশুর্গ্রীষ্মে সংক্ষিপতীব যত্||২৬|| প্রত্যহং ক্ষীযতে শ্লেষ্মা তেন বাযুশ্চ বর্ধতে| অতোঽস্মিন্পটুকট্বম্লব্যাযামার্ককরাংস্ত্যজেত্||২৭||

স০-যত্- যস্মাত্, তীক্ষ্ণাংশুঃ- ভাস্করঃ, অতিতীক্ষ্ণা অংশবঃ- করাঃ, যস্য স এবংভূতঃ সন্, গ্রীষ্মে সংক্ষিপতীব জগত্স্নেহমিত্যত্রানুক্তমপ্যর্থাল্লভ্যতে| কেচিত্তু "স্নেহমর্কোঽতিতীক্ষ্ণাংশুঃ" ইতি পঠন্তি| স্নেহস্তেজো বলং সারমিত্যেকোঽর্থঃ| তং স্নেহমর্কঃ সংক্ষিপতীব- যত্সম্বন্ধাত্ সংহরতীব পিবতীব| ইবশব্দেনৈতত্সূচযতি- হেতুপ্রত্যযপরতন্ত্রেষু সর্বভাবেষু ন কশ্চিত্ক্বচিত্ তদ্বুদ্ধিপূর্বকং সংহরতি| অতঃ- অস্মাত্কারণাত্, অস্মিন্- গ্রীষ্মকালে, পট্বাদীস্ত্যজেত্| পরমার্থতো বলহানিকৃত্ত্বাদেষাম্|

Adhikarana madhurAnnAdisevanam (28) · Śloka 28

কিমত্র সেব্যম্ ? ইত্যাহ ভজেন্মধুরমেবান্নং লঘু স্নিগ্ধং হিমং দ্রবম্| |২৮|

স০-মধুরমেবান্নং ভজেত্- বাহুল্যেন মধুরমন্নং সেব্যম্, ন তথাঽন্যরসাঘ্রাতম্, ইত্যেবকারাল্লভ্যতে| তথা, লঘু স্নিগ্ধং হিমং দ্রবং চেতি| চশ্ব্দো লুপ্তনির্দিষ্টো দ্রষ্টব্যঃ|

Adhikarana saktusharkarAdilehaH (28) · Śloka 28

সামান্যেন ভোজনমুক্ত্বা বিশেষেণাহ | সুশীততোযসিক্তাঙ্গো লিহ্যাত্সক্তূন্ সশর্করান্||২৮||

স০-সক্তূন্ সশর্করান্ লিহ্যাত্| সুষ্ঠু শীতং সুশীতং চ তত্তোযং চ, তেন সিক্তং- আপ্লুতং, অঙ্গং- কাযো, যস্য স এবংভূতঃ সন্|

Adhikarana madyapAnaniShedhaH (29) · Śloka 29

মদ্যং ন পেযং, পেযং বা স্বল্পং, সুবহুবারি বা| |২৯|

স০-অস্মিন্কালে মদ্যং ন পেযম্| পেযং বা স্বল্পমিতি বাতশ্লেষ্মপ্রকৃতিনা শ্লেষ্মবাতক্ষযার্থমন্যর্তুবদ্বহু ন পেযম্, কিংতর্হি ? স্বল্পমেব পাতব্যম্| সুবহুবারি বেতি পিত্তশ্লেষ্মপ্রকৃতিনা মদ্যোচিতেন শ্লেষ্মক্ষযার্থং পিত্তপ্রতীকারমপীচ্ছতা সুবহুবারি তন্মদ্যং পেযম্| ইত্যত্রানুক্তোঽপ্যেবমর্থাদ্বিষযবিভাগো বোধ্যঃ| অন্যথা নিষেধবিধ্যোর্বিরোধঃ স্যাত্|

Adhikarana uktavidhyatikrame doShaH (29) · Śloka 29

উক্তবিধ্যতিক্রমে দোষমাহ | অন্যথাশোষশৈথিল্যদাহমোহান্ করোতি তত্||২৯||

স০-তত্- মদ্যম্, অন্যেন প্রকারেণ পীতং সত্ শোফাদীন্ করোতি| শোফঃ- শ্বযথুঃ| শৈথিল্যং- অঙ্গানামনৈষ্ঠুর্যম্| দাহঃ- সর্বাঙ্গীণস্তাপঃ| মোহঃ- অজ্ঞানং জন্তোঃ|

Adhikarana mAMsaiH saha shuklashAliBakShaNam (30) · Śloka 30

কুন্দেন্দুধবলং শালিমশ্নীযাজ্জাঙ্গলৈঃ পলৈঃ| |৩০|

স০-কুন্দঃ- পুষ্পবিশেষঃ, ইন্দুঃ- চন্দ্রঃ, তযোর্দ্বন্দ্বঃ| কুন্দেন্দুবদ্ধবলং- শুক্লং শালিং জাঙ্গলৈঃ পলৈঃ- মাংসৈঃ সহাশ্নীযাত্- অদ্যাত্| "ক্ষুণ্ণঃ সিতঃ স্মৃতঃ শালী রক্তো ব্রীহিরুদাহৃতঃ"|

Adhikarana nAtighanarasAdeH pAnam, surabhIkRutajalapAnam (30-32) · Śloka 32

| পিবেদ্রসং নাতিঘনং রসালাং রাগখাণ্ডবৌ||৩০|| পানকং পঞ্চসারং বা নবমৃদ্ভাজনে স্থিতম্| মোচচোচদলৈর্যুক্তং সাম্লং মৃন্মযশুক্তিভিঃ||৩১|| পাটলাবাসিতং চাম্ভঃ সকর্পূরং সুশীতলম্|৩২|

স০-রসং নাতিঘনং পিবেত্| রসশব্দেনাদিলোপাখ্যযা তন্ত্রযুক্ত্যা মাংসরস উচ্যতে| তথা, রসালং- মার্জিকাখ্যাং পিবেত্| তথা, রাগখাণ্ডবৌ পানকং চ পঞ্চসারাখ্যম্| এতেষাং চ লক্ষণং তন্ত্রান্তরে উক্তম্| যথা- "সিতামধ্বাদিমধুরা রাগাস্তত্রাচ্ছকান্তযঃ| তে সাম্লাঃ খাণ্ডবা লেহ্যাঃ পেযাশ্চাংশুকগালিতাঃ|| স্বাদ্বম্লপটুকট্বাদ্যাঃ প্রলেহাস্তত্র খাণ্ডবাঃ| গুডদাডিমমাংসাদ্যা রাগা অংশুকগালিতাঃ|| হৃদ্যা বৃষ্যা রুচিকরা গ্রাহিণো রাগখাণ্ডবাঃ" ইতি| তথা- "দ্রাক্ষামধূকখর্জূরকাশ্মর্যৈঃ সপরূষকৈঃ| তুল্যাংশৈঃ কল্পিতং পূতং শীতং কর্পূরবাসিতম্|| পানকং পঞ্চসারাখ্যং দাহতৃষ্ণানিবর্তকম্|" অন্যত্র চোক্তম্| যথা- "গুডদাডিমাদিযুক্তা বিজ্ঞেযা রাগখাণ্ডবাঃ| ত্রিজাতমরিচাদ্যৈস্তু সংস্কৃতাঃ পানকাস্তথা " ইতি| কীদৃশং পানকং পিবেত্ ? ইত্যাহ- নবং যন্মৃদ্ভাজনং তত্র স্থিতম্| তথা, মোচং- কদলীফলং, চোচং- পনসফলং, তযোর্দলানি, তৈর্যুক্তম্| তথা, সাম্লম্, তিত্তিডীকাদিযোগাত্ খাণ্ডবরসানুগতম্| কেচিত্তু ক্ষীরং ঘৃতপিপ্পলীশশিমাক্ষিকশর্করোপেতং পঞ্চসারং পানকমিত্যাহুঃ| কেন পিবেত্ ? ইত্যাহ- মৃন্মযশুক্তিভিঃ| পাটলযা বাসিতং- সুরভীকৃতং, তথা সকর্পূরং সুশীতলং চাম্ভঃ পিবেত্| মৃন্মযশুক্তিভিরিত্যত্রাপি যোজ্যম্| সুশ্রুতে চোক্তম্- "পরিপেলবযা তুল্যা গুডগুগ্গুলুমুস্তকাঃ| চূর্ণিতাঃ শশিনোপেতা নবভাজনধূপনম্|| কুষ্ঠমুস্তকসংযুক্তৈঃ পেলবোশীরবালকৈঃ| মৃদিতা মৃত্সুপিষ্টৈস্তৈঃ খদিরাঙ্গারপাচিতাঃ|| সহকাররসাভ্যক্তাশ্চম্পকোত্পলবালকৈঃ| পদ্মকুব্জককুন্দৈশ্চ যথালাভাধিবাসিতাঃ|| শ্রেষ্ঠঃ সলিলবাসোঽযং স্মৃতঃ সর্বর্তুকো বুধৈঃ"| ইতি|

Adhikarana rAtrau mAhiShakShIrapAnam (32-33) · Śloka 33

| শশাঙ্ককিরণান্ ভক্ষ্যান্ রজন্যাং ভক্ষযন্ পিবেত্||৩২|| সসিতং মাহিষং ক্ষীরং চন্দ্রনক্ষত্রশীতলম্| |৩৩|

স০-মাহিষং ক্ষীরং সসিতং- সশর্করং, রজন্যাং- রাত্রৌ, পিবেত্| কিম্ভূতম্ ? চন্দ্রেণ নক্ষত্রৈশ্চ শীতলম্| রাত্রাবাকাশে শৈত্যার্থং স্থাপিতমিত্যর্থঃ| কিংকুর্বন্ পিবেত্ ? ভক্ষ্যান্ ভক্ষযন্- ভুঞ্জন্| কীদৃশান্ ? শশাঙ্ককিরণান্- কর্পূরনাডিকাখ্যান্| [ (হৃ.চি.অ.৫/৪৯)- "তালীসচূর্ণবটকাঃ সকর্পূরসিতোপলাঃ| শশাঙ্ককিরণাখ্যাস্তু ভক্ষ্যা রুচিকরাঃ পরম্||"]

Adhikarana svApaprakAraH (33-34) · Śloka 34

| অভ্রঙ্কষমহাশালতালরুদ্ধোষ্ণরশ্মিষু||৩৩|| বনেষু মাধবীশ্লিষ্টদ্রাক্ষাস্তবকশালিষু| |৩৪|

স০-অভ্রং- আকাশং, কষন্তি- উল্লিখন্তি, অত্যুচ্চতযাঽভ্রঙ্কষাঃ| মহান্তশ্চ তে শালাশ্চ তালাশ্চ মহাশালতালাঃ| অভ্রঙ্কষাশ্চ তে মহাশালতালাশ্চ, তৈ রুদ্ধঃ- স্থগিতঃ, উষ্ণরশ্মিঃ- দিনকরো যেষু বনেষু তেষু, মধ্যন্দিনে- মধ্যাহ্নে, অর্কতাপার্তঃ সন্ স্বপ্যাত্- শযীত| মাধব্যো- লতাবিশেষা অতিমুক্তকাখ্যাঃ, তাসু শ্লিষ্টা মাধবীশ্লিষ্টাঃ দ্রাক্ষাযাস্তবকাঃ- গুচ্ছকা দ্রাক্ষাস্তবকাঃ| মাধবীশ্লিষ্টাশ্চ তে দ্রাক্ষাস্তবকাশ্চ, তৈঃ শালিতুং- শ্লাঘিতুং শীলং যেষাং বনানাং তানি মাধবীশ্লিষ্টদ্রাক্ষাস্তবকশালীনি, তেষু বনেষু|

Adhikarana veNvAdinirmitagRuhe svApaH (34-35) · Śloka 35

কস্মিন্ স্বপ্যাত্ ? ইত্যাহ | সুগন্ধিহিমপানীযসিচ্যমানপটালিকে||৩৪|| কাযমানে চিতে চূতপ্রবালফললুম্বিভিঃ| |৩৫|

স০-কাযমানে- বেণ্বাদিনিষ্পাদিতে গৃহবিশেষে| কীদৃশে ? সুগন্ধি চ তদ্ধিমং চ তত্পানীযং চ তত্সুগন্ধিহিমপানীযম্| পটানাং- বস্ত্রাণাং, আলিঃ- পঙ্ক্তিঃ, পটালিঃ| সুগন্ধিহিমপানীযেন সিচ্যমানা পটালির্যস্মিন্নসৌ সুগন্ধিহিমপানীযসিচ্যমানপটালিকঃ, তস্মিন্ তথাবিধে কাযমানে| তথা, প্রবালাঃ- কিসলযানি| ফলানাং লুম্বযঃ- স্তবকাঃ| প্রবালাশ্চ ফললুম্বযশ্চ প্রবালফললুম্বযঃ| চূতানাং প্রবালফললুম্বযস্তাভিঃ, চিতে- পরিতো ব্যাপ্তে|

Adhikarana shayanIyaprakAraH (35-37) · Śloka 37

ঈদৃশে কাযমানে স্থিতো যাদৃশে শযনে শযীত তন্নিরূপযন্নাহ | কদলীদলকহ্লারমৃণালকমলোত্পলৈঃ||৩৫|| কোমলৈঃ কল্পিতে তল্পে হসত্কুসুমপল্লবে| মধ্যংদিনেঽর্কতাপার্তঃ স্বপ্যাদ্ধারাগৃহেঽথবা||৩৬|| পুস্তস্ত্রীস্তনহস্তাস্যপ্রবৃত্তোশীরবারিণি| |৩৭|

স০-কদলীত্যাদি| তল্পে- শযনে, কল্পিতে| কৈঃ ? কদলীদলাদিভিঃ| কদল্যাঃ- রম্ভাযাঃ, দলানি- পত্রাণি, কহ্লারং- সৌগন্ধিকম্, মৃণালং- বিসম্, কমলং- পদ্মম্, উত্পলং- কুমুদম্, এতেষাং দ্বন্দ্বঃ| তৈঃ কদলীদলাদিভিঃ, কোমলৈঃ- সুকুমারস্পর্শৈঃ, কল্পিতে- রচিতে| কিম্ভূতে ? কুসুমানি চ পল্লবাশ্চ কুসুমপল্লবাঃ| হসন্ত ইব কুসুমপল্লবা যত্র তস্মিন্| ধারাগৃহেঽথবা স্বপ্যাদিতি বর্ততে| ধারাগৃহং- অবিরতং যতো জলধারাঃ পতন্তি| কিম্ভূতে ? পুস্তস্ত্রীস্তনহস্তাস্যৈঃ প্রবৃত্তমুশীরবারি যত্র তস্মিন্| পুস্তো- দার্বাদিময্যাঃ স্ত্র্যাদ্যাকৃতেরুপাদানকারণং যদ্বস্তু তদুচ্যতে|

Adhikarana nishAsu saudhapRuShThe sthitiH (37-38) · Śloka 38

| নিশাকরকরাকীর্ণে সৌধপৃষ্ঠে নিশাসু চ||৩৭|| আসনা| |৩৮|

স০-নিশাসু- রাত্রিষু, সৌধপৃষ্ঠে- হর্ম্যতলে, আসনা- স্থিতিঃ| কার্যেত্যধ্যাহার্যম্| তত্রাসীতেত্যর্থঃ| কিম্ভূতে সৌধপৃষ্ঠে ? নিশাকরঃ- শীতাংশুঃ, তস্য করাঃ- গভস্তযঃ, তৈরাকীর্ণে- ব্যাপ্তে|

Adhikarana tAlavRuntasevanaprakAraH (38-41) · Śloka 41

স্বস্থচিত্তস্য চন্দনার্দ্রস্য মালিনঃ| নিবৃত্তকামতন্ত্রস্য সুসূক্ষ্মতনুবাসসঃ||৩৮|| জলার্দ্রাস্তালবৃন্তানি বিস্তৃতাঃ পদ্মিনীপুটাঃ| উত্ক্ষেপাশ্চ মৃদূত্ক্ষেপা জলবর্ষিহিমানিলাঃ||৩৯|| কর্পূরমল্লিকামালা হারাঃ সহরিচন্দনাঃ| মনোহরকলালাপাঃ শিশবঃ সারিকাঃ শুকাঃ||৪০|| মৃণালবলযাঃ কান্তাঃ প্রোত্ফুল্লকমলোজ্জ্বলাঃ| জঙ্গমা ইব পদ্মিন্যো হরন্তি দযিতাঃ ক্লমম্||৪১||

স০-স্বস্থচিত্তস্য- রাগাদ্যনুপহতমনসঃ, জলার্দ্রাঃ ক্লমং হরন্তি| এবং তালবৃন্তাদযো যোজ্যাঃ| অন্তর্দীপকত্বাদস্য| তথা চ কীদৃশস্য ? চন্দনার্দ্রস্য- চন্দনেনানুলিপ্তস্য| তথা, মালিনঃ- স্রগ্বিণঃ| তথা, নিবৃত্তং কামতন্ত্রং- পুষ্পধন্বপরিচ্ছদো যস্য| তথা, সুষ্ঠু সূক্ষ্মে তনুনী স্বচ্ছে বাসসী যস্য স এবম্| জলার্দ্রাঃ- পানীযপ্লুতাঃ শাটিকাঃ| তালবৃন্তানি- মযূরপিচ্ছাদিকৃতানি তালবৃন্তাকৃতীনি ব্যজনানি| তথা, বিস্তৃতাঃ- মহান্তঃ, পদ্মিনীপুটাঃ- নলিনীপত্রাণি, বীজনার্থম্| তথা, উত্ক্ষেপাঃ- মযূরপিচ্ছাদিকৃতা ব্যজনবিশেষাঃ| তে চ কিম্ভূতাঃ ? মৃদুরুত্ক্ষেপো যেষু তে মৃদূত্ক্ষেপাঃ| জলবর্ষী হিমোঽনিলো যেষু উত্ক্ষেপেষু তে জলবর্ষিহিমানিলাঃ| শীতজলাভ্যুক্ষিতৈরেতৈর্বাতঃ কার্য ইত্যর্থঃ| কর্পূরেত্যাদি| মালাশব্দঃ প্রত্যেকং যুজ্যতে| স্ফটিককর্পূরগ্রথিতা মালা মল্লিকামালাশ্চেত্যর্থঃ| তথা, হারাঃ- মুক্তাফলদামানি| কিম্ভূতাঃ ? সহ হরিচন্দনেন বর্তন্ত ইতি সহরিচন্দনাঃ| যত্ ছেদে লোহিতমতিসুগন্ধি সুষ্ঠু শীতবীর্যং চ, তদ্ধরিচন্দনমুচ্যতে| মনোহরেত্যাদি| মনোহরো- রম্যঃ, কলো- মধুরঃ, আলাপো যেষাং তে মনোহরকলালাপাঃ| শিশবো- বালকাঃ| তথা, সারিকাঃ- শরারযঃ| শুকাঃ- কীরাঃ| মৃণালেত্যাদি| মৃণালানি- অতিকোমলানি বিসানি, বলযাঃ- কটকানি, যাসাং তাঃ| দযিতাঃ- যোষিতঃ| কিম্ভূতাঃ ? কান্তাঃ- রম্যাঃ| তথা, প্রোত্ফুল্লৈঃ বিকসিতৈঃ, কমলৈরুজ্জ্বলাঃ- শোভিতাঃ| এবম্ভূতাশ্চোত্প্রেক্ষ্যন্তে, জঙ্গমাঃ- সঞ্চারিণ্য ইব পদ্মিন্যঃ| ক্লমং হরন্তীতি যোজ্যম্| স্বস্থচিত্তস্যেতি প্রাধান্যখ্যাপনার্থং প্রাগুপাত্তম্| স্বস্থচিত্তস্যৈবৈতে জলার্দ্রাদযঃ ক্লমং হরন্তি, ন তথোপতপ্তমনসঃ| [তথা হি- চন্দনার্দ্রাদিসকলবিশেষেণ বিশেষিতস্যাপ্যুপতপ্তমনসো ন তথা ক্লমং হরন্তি|] চিত্তাযত্তা হি সর্বভাবানাং শুভাশুভপ্রবৃত্তযঃ| তথা চ স্নিগ্ধমধুরোঽপ্যাহার উপযুক্তঃ, সুখশয্যাদিরপি বিহারঃ সেবিতঃ, শোকাবিষ্টচেতসো ন তথা শরীরস্য পুষ্টিমাদধাতি| অত এব "শোকঃ শোষণানাম্" ইত্যগ্র্যসঙ্গ্রহে (চরকে সূ.অ.২৫/৩৯, সঙ্গ্রহে সূ.অ.১৩) প্রোক্তম্| তথা, রূক্ষোঽপ্যাহারস্তথাবিধো বিহারশ্চ সেবিতো নির্বৃত্তমনসঃ পুষ্টিমেবাদধাতি, ন কার্শ্যম্| তথা চোক্তম্ (চ.সূ.অ.২৫/৩৯, সং.সূ.অ.১৩)- "নির্বৃতিঃ পুষ্টিহেতূনাম্" ইতি| সুশ্রুতে চ ক্লমস্য লক্ষণমুক্তম্ (শা.অ.৪/৫১)- "যোনাযাসঃ শ্রমো দেহে প্রবৃদ্ধঃ শ্বাসবর্জিতঃ| ক্লমঃ স ইতি বিজ্ঞেয ইন্দ্রিযার্থপ্রবাধকঃ" ইতি|

Adhikarana varShAcaryA,varShAsu doShaNAM duShTatvam anyonyadUShiShu vAtAdiShu sAdhAraNanasevanam (42-44) · Śloka 44

ইদানীং বর্ষাচর্যাং নির্দিদিক্ষুরিদমাহ আদানগ্লানবপুষামগ্নিঃ সন্নোঽপি সীদতি| বর্ষাসু দোষৈর্দুষ্যন্তি তেঽম্বুলম্বাম্বুদেঽম্বরে||৪২|| সতুষারেণ মরুতা সহসা শীতলেন চ| ভূবাষ্পেণাম্লপাকেন মলিনেন চ বারিণা||৪৩|| বহ্নিনৈব চ মন্দেন, তেষ্বিত্যন্যোন্যদূষিষু| ভজেত্সাধারণং সর্বমূষ্মণস্তেজনং চ যত্||৪৪||

সং-আদানমুক্তম্, তেনাদানাখ্যেন কালেন গ্লানং-সক্লমং, বপুঃ-শরীরং, যেষাং পুরুষাণাং তে আদানগ্লানবপুষঃ, তেষামপচিতধাতূনামগ্নিরপ্যপচিতঃ সন্নো-মন্দঃ সন্, পুনর্বর্ষাসু সীদতি-হানিং যাতি| অপিশব্দঃ পুনরর্থে, অনেকার্থত্বান্নিপাতানাম্| বর্ষাস্বিতি নিত্যবহুত্বাদ্বহুবচনম্| কেন সীদতি ? ইত্যাহ-কালস্বভাবাদ্দোষৈঃ,-বাতপিত্তশ্লেষ্মভিঃ, দুষ্টৈরিত্যনুক্তমপ্যর্থাদ্গম্যতে| যতোঽগ্নিসাদহেতুত্বমদুষ্টানাং তেষাং ন সম্ভবতি| তস্মাদ্দুষ্টৈর্দোষৈরগ্নিঃ সীদতীত্যর্থাল্লভ্যতে| ননু, কথং বর্ষাসু দোষাণাং দুষ্টত্বং স্যাত্ ? ইত্যাহ-দুষ্যন্তীত্যাদি| তে দোষা দুষ্যন্তি| কদা ? অম্বরে-বিযতি, অম্বুলম্বাম্বুদে-অম্বুনা লম্বা অতিনির্ভরত্বাদম্বুলম্বা ঈদৃশা অম্বুদাঃ-মেঘাঃ, যস্মিন্নেবংবিধে সতি| অনেন চ বিশেষণেনাস্য কালস্য স্বরূপমুপলক্ষযন্ত্যাচার্যাঃ| যদৈবংবিধো বর্ষাকালঃ সম্পদ্যতে, তদৈবৈতে দোষা দুষ্যন্তি-স্বকর্মণ্যযোগ্যাঃ সম্পদ্যন্তে, ন বর্ষাকালমাত্রেঽনাসাদিতস্বরূপে| তথা, সতুষারেণ মরুতা-সজলকণেন পবনেন, তথা, সহসা-গ্রীষ্মতাপসন্তাপাদনন্তরমেব, শীতলেনাভ্যন্তরো বাযুর্দুষ্যতি| তথা, ভুবো বাষ্পঃ-ঊষ্মা ভূবাষ্পস্তেন| তথা, কালস্বাভাব্যাচ্চাম্লপাকেন বারিণা পিত্তং দুষ্যতি| তথা, মলিনেন বারিণা-লূতাদিতন্তুবিণ্মূত্রেত্যাদিকলুষেণ বর্ষাজলেন, কালস্বাভাব্যাচ্চাতিশযেন মন্দত্বং গতেনাগ্নিনা শ্লেষ্মা দুষ্যতি| তদেবমস্মিন্কালে বাতপিত্তশ্লেষ্মাণো যুগপত্কালস্বাভাব্যাদ্দুষ্যন্তি| নন্বিহ ত্রযাণামপি দোষাণাং কোপোঽনুজ্ঞাযতে| বক্ষ্যতি তু (হৃ.সূ.অ. ১২|২৪)-"চযপ্রকোপপ্রশমা বাযোর্গ্রীষ্মাদিষু ত্রিষু" ইতি| তদিমে বচসী পরস্পরং ব্যাঘ্নাতে| অত্রোচ্যতে| নানযোর্বাক্যযোর্মিথো বিরোধঃ সম্ভাব্যতে| যস্মাদিহ দুষ্যন্তীত্যুক্ত্যা স্বস্থানস্থা এব দুষ্টিং প্রাপ্তা বিষাদিস্পৃষ্টদ্রব্যবত্কার্যকরণেঽসমর্থা জাযন্ত ইত্যুক্তম্| চযপ্রকোপপ্রশমা ইত্যত্র প্রকর্ষেণ কোপঃ স্থানান্তরগতিলক্ষণো গদিতঃ| তদেবমস্মিন্ কালে বাযোঃ কদাচিদ্দুষ্টত্বং স্যাত্ কদাচিত্কোপশ্চ, ইতি বচনাভ্যামেতাভ্যাং প্রত্যপাদি| পিত্তশ্লেষ্মণোস্তু দুষ্টত্বমাত্রমেব| ইতি ন কিঞ্চিদত্রাসমঞ্জসম্| তেষ্বিত্যাদি| ইতি-প্রকারে| অন্যোন্যং দূষযিতুং শীলং যেষাং বাতাদীনাং ত এবম্, তেষু-অনেন প্রকারেণ পরস্পরং দূষণস্বভাবেষু সত্সু, ভজেত্সাধারণং সর্বং-যত্কিঞ্চিদ্বাতাদীনাং যুগপত্ প্রশমনং প্রশমনং তত্সর্বং সেবেত| যচ্চোষ্মণো জাঠরাগ্নেঃ, তেজনং-উদ্দীপনং, তদ্ভজেত্| ঊষ্মণস্তেজনস্যাত্র চশব্দপ্রযুক্তস্যোপাদানং প্রাধান্যখ্যাপনার্থম্| অগ্নির্হি সর্বভাবানাং প্রধানম্| তথা চ বক্ষ্যতি (সঙ্গ্রহে শা.অ.৬)- "শান্তেঽগ্নৌ ম্রিযতে, যুক্তে চিরং জীবত্যনামযঃ| রোগী স্যাদ্বিকৃতে, মূলমগ্নিস্তস্মান্নিরুচ্যতে" ইতি| তস্মাদগ্ন্যুত্তেজনার্থং যত্নঃ কার্য ইতি ভাবঃ| ভজেদিতি ক্রিযাপদং আদিদীপকত্বাত্ "ভোজনং ত্বতিদুর্দিনে" ইতি যাবত্সর্বেষু যোজ্যম্|

Adhikarana sAdhAraNamAsthApanAdi,varShAvisheSheBojanavisheShaH (45-47) · Śloka 47

কিং তত্সাধারণমিতি? তদুদাহরণার্থমাহ আস্থাপনং শুদ্ধতনুর্জীর্ণং ধান্যং রসান্ কৃতান্| জাঙ্গলং পিশিতং যূষান্ মধ্বরিষ্টং চিরন্তনম্||৪৫|| মস্তু সৌবর্চলাঢ্যং বা পঞ্চকোলাবচূর্ণিতম্| দিব্যং কৌপং শৃতং চাম্ভো ভোজনং ত্বতিদুর্দিনে||৪৬|| ব্যক্তাম্ললবণস্নেহং সংশুষ্কং ক্ষৌদ্রবল্লঘু| |৪৭|

স০--শুদ্ধা তনুর্যস্য স এবম্ভূতঃ-কৃতবিরেকাদিঃ সন্, আস্থাপনং-নিরূহং, ভজেত্| তথা, জীর্ণং ধান্যং-পুরাণযবগোধূমাদিকম্| তথা, রসান্-মাংসরসান্| কিম্ভূতান্ ? কৃতান্,- স্নেহশুণ্ঠ্যাদিযুতান্| তথা, জাঙ্গলং পিশিতং-হরিণৈণাদিকং মাংসম্| তথা, যূষান্-মুদ্গদাডিমাদিকৃতান্| তথা, মধু-মার্দ্বীকম্, অরিষ্টম্, দ্বযমপ্যেতত্ চিরন্তনং-পুরাণম্, ন তু নবম্, আগ্নিমান্দ্যভযাত্| মস্তু সৌবর্চলাঢ্যং-অক্ষলবণসংযুক্তম্| বেতি সমুচ্চযে| কিম্ভুতং মস্তু ? পিপ্পলীপিপ্পলীমূলচব্যচিত্রকনাগরাঃ পঞ্চকোলম্, তেনাবচূর্ণিতম্| তথা, দিব্যং আকাশজং, তথা কৌপং, তথা শৃতং-ক্বথিতং, চাম্ভঃ পিবেত্| চঃ সমুচ্চযে| দিবি ভবং দিব্যম্, দিগাদিত্বাদ্যত্| কূপে ভবং কৌপম্, প্রাগ্দীব্যতোঽণ্| অতিদুর্দিনে-বাতবর্ষাকুলেঽহনি, ব্যক্তাঃ-প্রধানাঃ, অম্ললবণস্নেহা যত্র তদ্ভোজনং ভজেত্| তথা, সংশুষ্কং-শুষ্কপ্রাযম্| তথা, ক্ষৌদ্রবত্-সমাক্ষিকম্| তথা, লঘু| ননু, "বাতলং মধু" ইতি (হৃ.সূ.অ. ৫|৫২) বক্ষ্যতি| পবনশ্চাত্র কুপ্যতীত্যুক্তম্| অতো মাক্ষিকস্যাত্রোপযোগো ন যুক্তঃ| অত্রোচ্যতে| দেহধাতবোঽস্মিন্ কালে ক্লেদমুপযান্তি| ততশ্চ ক্লেদসংরক্ষণে এবোপক্ষীণপ্রভবত্বাত্ মধু মরুত্কোপং বিধাতুমসমর্থম্| তস্মান্মধূপযোগো ন্যায্য এব|

Adhikarana puruShavartanaprakAraH (47-48) · Śloka 48

অথাঽত্র কালে যাদৃশঃ পুরুষঃ স্যাত্তং দর্শযতি | অপাদচারী সুরভিঃ সততং ধূপিতাম্বরঃ||৪৭|| হর্ম্যপৃষ্ঠে বসেদ্বাষ্পশীতশীকরবর্জিতে| |৪৮|

স০-পাদাভ্যাং চরতি নিত্যং পাদাচারী, নৈব যঃ সোঽপাদচারী,-যানযাযী স্যাত্| তথা, সুরভিঃ-শোভনগন্ধযোগাত্| "স্নানশীলঃ সুসুরভিঃ" (হৃ.সূ.অ. ২|৩১) ইত্যনেনৈবাস্যার্থস্যোক্তত্বাত্ সুরভিগ্রহণমতিশযার্থম্| তথা, সততং অবিরতং, ধূপিতেঽম্বরে যস্য স এবম্| তথা, হর্ম্যপৃষ্ঠে-ধবলগৃহতলে, বসেত্-তিষ্ঠেত্| কীদৃশে ? বাষ্পশ্চ শীতং চ শীকরশ্চ তৈর্বর্জিতে|

Adhikarana nadIjalAdipa~jcatyAgaH (48) · Śloka 48

| নদীজলোদমন্থাহঃস্বপ্নাযাসাতপাংস্ত্যজেত্||৪৮||

স০-তথা, নদীজলাদীন্ পঞ্চ ত্যজেত্| উদকালোডিতাঃ সক্তবঃ সসর্পিষ্কা উদমন্থবাচ্যা জলাবক্ষীরীসংজ্ঞাঃ| তদত্র কালে সাম্যত্বাত্সক্তবস্তক্রাদিসংযোগান্নাত্যন্তমনিষ্টাঃ| পানীয সংযোগাত্তু বাতলাঃ, প্রকৃষ্টবাতলে কালে নাভীষ্টা এব| মুনিনা ত্বেবমুক্তম্ (চ. সূ.অ. ৬|৩৪)- "উদমন্থং দিবাস্বপ্নমবশ্যাযং নদীজলম্| ব্যাযামমাতপং চৈব ব্যবাযং চাত্র বর্জযেত্" ইতি| অধুনা শরচ্চর্যাং বিবক্ষুরিদমাহ-

Adhikarana sharaccaryA (49-50) · Śloka 50

বর্ষাশীতোচিতাঙ্গানাং সহসৈবার্করশ্মিভিঃ| তপ্তানাং সঞ্চিতং বৃষ্টৌ পিত্তং শরদি কুপ্যতি||৪৯|| তজ্জযায ঘৃতং তিক্তং বিরেকো রক্তমোক্ষণম্| |৫০|

স০-বর্ষাসু শীতং বর্ষাশীতং, তদুচিতং-সাত্ম্যং যস্য, তদেবংবিধমঙ্গং-বপুর্যেষাং তে বর্ষাশীতোচিতাঙ্গা নরাঃ, তেষাং সহসৈব-ঝটিত্যেব, শরদি জাতাযাং, অর্করশ্মিভিঃ-ভানুভাভিস্তপ্তানাং সতাং পিত্তং কুপ্যতি| কিম্ভূতম্ ? বৃষ্টৌ সঞ্চিতং,-বর্ষাসু বৃদ্ধিং গতম্| যতশ্চৈবং ততশ্চ তজ্জযায তিক্তং ঘৃতং-কুষ্ঠচিকিত্সিতোক্তং, যোজ্যমিতি বাক্যশেষঃ| যদি বা, তিক্তৈর্দ্রব্যৈঃ সাধিতম্| তথা, বিরেকো যোজ্যঃ| তথা, রক্তমোক্ষণং চ| সর্বোপক্রমেভ্যঃ পিত্তে বিরেকস্য জ্যাযস্ত্বাদিহ পূর্বমুপন্যাসঃ| তথা হ্যাহ (চরকে সূ.অ. ২৫|৩৯)- "বিরেচনং পিত্তহরাণাম্" ইতি| ততো রক্তমোক্ষণং, পিত্তাধারত্বাদ্রক্তস্য| বিরেচনাঙ্গত্বাচ্চ তজ্জযায ঘৃতং তিক্তমিতি ঘৃতস্য পূর্বমুপন্যাসঃ| ন হ্যস্নিগ্ধস্য বিরেচনপ্রাপ্তিরস্তি| তথা চ বক্ষ্যতি (হৃ. সূ. অ. ১৮|৫৯)- "স্নেহস্বেদাবনভ্যস্য কুর্যাত্সংশোধনং তু যঃ| দারু শুষ্কমিবানামে শরীরং তস্য দীর্যতে" ইতি| তথা, বিরিক্তস্য স্রুতরক্তস্য চ পবনপ্রকোপভযম্| কালস্বাভাব্যাচ্চ পিত্তকোপভযম্| তদেতত্পরিহর্তুং তথা দেহপুষ্ট্যর্থমগ্নিসন্ধুক্ষণার্থং চ তিক্তঘৃতোপযোগঃ কার্যঃ| ইত্যনেককার্যকরণত্বেন প্রাধান্যাচ্চ তিক্তঘৃতস্য পূর্বমুপন্যাসঃ| অসমাসকরণং চ জ্ঞাপনার্থম্| নৈতানি সর্বাণ্যবশ্যং তিক্তঘৃতাদীনি তদা কার্যাণি| কিং তর্হি ? দেশাদ্যনুরোধাত্ কদাচিত্পিত্তবিজযায তিক্তং ঘৃতং, কদাচিদ্বিরেকঃ, কদাচিদ্রক্তমোক্ষঃ, কদাচিদ্দ্বযং, কদাচিত্সকলান্যেবেতি| বিরেকস্তু পিত্তবিজযার্থমবশ্যং শরদি কার্যঃ| যথা-বসন্তে শ্লেষ্মবিজযায বমনম্, বর্ষাসু চ পবনবিজযায বস্তিঃ| অত এব প্রাঙ্নির্দিষ্টং বসন্তে বমনং, বর্ষাসু চাস্থাপনং, শরদি বিরেক ইতি|

Adhikarana kShudhitasya tiktAdiguNayutaBojanAdi (50-51) · Śloka 51

| তিক্তং স্বাদু কষাযং চ ক্ষুধিতোঽন্নং ভজেল্লঘু||৫০|| শালিমুদ্গসিতাধাত্রীপটোলমধুজাঙ্গলম্| |৫১|

স০-ক্ষুধিতোঽন্নং-ভোজনং, তিক্তাদিগুণযুক্তং ভজেত্| ক্ষুধিতগ্রহণমতিবুভুক্ষিতপ্রতিপাদনার্থম্, অক্ষুধিতস্য ভোজনাধিকারাভাবাত্| কিং তত্তিক্তাদিগুণযুক্তম্ ? ইত্যাহ-শালীত্যাদি| শাল্যাদীন্ সপ্ত ভজেত্|

Adhikarana haMsodakam (51-53) · Śloka 53

| তপ্তং তপ্তাংশুকিরণৈঃ শীতং শীতাংশুরশ্মিভিঃ||৫১|| সমন্তাদপ্যহোরাত্রমগস্ত্যোদযনির্বিষম্| শুচি হংসোদকং নাম নির্মলং মলজিজ্জলম্||৫২|| নাভিষ্যন্তি ন বা রূক্ষং পানাদিষ্বমৃতোপমম্| |৫৩|

স০-সমন্তাত্-সর্বতঃ, সূর্যপ্রভাভিরহনি তপ্তং-ক্বথিতম্, চন্দ্রকিরণৈর্নিশি শীতীকৃতম্| তথা, অগস্ত্যোদযেন নির্বিষীকৃতম্| তথা, শুচি-পবিত্রম্| বর্ষাসু হ্যশুচীত্যুক্তম্| তচ্চ হংসোপভোগ্যতযা হংসবদতিনৈর্মল্যাদ্ধংসোদকং নাম তন্ত্রকারৈরাযুর্বেদশাস্ত্রে সংজ্ঞিতম্| তথা, নির্মলং-অকলুষম্| তথা, মলান্বাতপিত্তশ্লেষ্মণো, জযতীতি মলজিত্| অগস্ত্যোদযনির্বিষশব্দেন বিশেষণেনৈতত্ প্রতিপাদযতি, যথা-যদন্তরিক্ষপ্রভবং সরস্তডাগাদিস্থং জলং, তদেব প্রাযেণ শরদ্যেবংগুণং বেদ্যম্| ন কূপাদিপ্রভবম্, তস্য সদা নির্বিষত্বাত্| তথা চান্তরিক্ষপ্রভবমেবং পঠ্যতে (হৃ. সূ. অ. ৫|৮)- "লূতাদিতন্তুবিণ্মূত্রবিষসংশ্লেষদূষিতম্" ইতি| তচ্চ নাভিষ্যন্দি-ন স্রুতিরূপশ্লেষ্মকারি, ন বা রূক্ষং-ন বাতপ্রকোপকারি| বাশব্দশ্চ শব্দস্যার্থেঽত্র| যতস্তপ্তাংশুকিরণৈস্তপ্তম্, যতশ্চ শীতাংশুকরৈঃ শীতং-প্রাহ্লাদিতম্, ইত্থং স্নেহরৌক্ষ্যযোরন্তরে বর্তমানং পানাদিষ্বমৃতোপমম্| আদিশব্দেন স্নানাবগাহযোর্গ্রহঃ| কুপিতদোষশমনাদকুপিতদোষসাম্যানুবৃত্তিহেতুত্বাচ্চামৃততুল্যমেতজ্জলং ভজেদিতি যোজ্যম্| অত্রোষ্ণাংশুগ্রহণমগ্নিতাপনিবৃত্ত্যৈ| কিরণগ্রহণং সাক্ষাত্তত্স্পর্শসম্ভাবনার্থম্| তৃণদবপলাশাদিভিরাস্তৃতমপি রবিস্তাপযতি ন তু তত্তথা গুণবত্| অতঃ কিরণগ্রহণেন তদ্ব্যবধানব্যুদাসং করোতি| ননু চ, সর্বং দিনং সূর্যকিরণৈস্তাপঃ সম্ভবতি| চন্দ্রকরৈস্তু সর্বাং রাত্রিং কথমিব স্যাত্ ? যতঃ সকলস্য চন্দ্রমসঃ পৌর্ণমাস্যামেব সর্বস্যাং রাত্র্যাং সম্ভবো নান্যত্র| তস্মাচ্ছীতং চন্দ্রকিরণৈ রাত্র্যামিতি নৈতদ্যুক্তম্| অত্রোচ্যতে| বিমলে ব্যোমনি যথৈব রবিচন্দ্রৌ যথাকালমব্যাহতস্বরূপং প্রাপ্তৌ পথ্যতাং জলস্যাপাদযতস্তদ্বন্নক্ষত্রাণ্যপি| তস্মান্নক্ষত্রৈরপি শীতং চন্দ্রেণেব শ্রেষ্ঠমেব ভবত্যুদকম্| এবং চৈতদবগচ্ছেত্, অন্যথৈতদ্বাক্যমযুক্তমিব স্যাত্| চরকমুনিনাপ্যনেনৈবাঽভিপ্রাযেণ নক্ষত্রগ্রহণং নাকারি| যথা (চ. সূ. অ. ৬|৪৫)- "দিবা সূর্যাংশুসন্তপ্তং নিশি চন্দ্রাংশুশীতলম্|" ইতি| অষ্টাঙ্গসঙ্গ্রহেঽপ্যুক্তম্ (সূ.অ. ৪.)- "দিবা দিবাকরকরৈর্নিশাকরকরৈর্নিশি" ইতি| অত্র হি সকলস্যাহোরাত্রস্য রবিশশিযোগায দিবানিশাগ্রহণম্, অন্যথৈতদনর্থকং স্যাত্, ব্যভিচারাভাবাত্|

Adhikarana pradoShe kaumudIBajanam (53-54) · Śloka 54

| চন্দনোশীরকর্পূরমুক্তাস্রগ্বসনোজ্জ্বলঃ||৫৩|| সৌধেষু সৌধধবলাং চন্দিকাং রজনীমুখে| |৫৪|

স০-চন্দনং চোশীরং চ কর্পূরশ্চ মুক্তাশ্চ স্রজশ্চ বসনানি চ, তৈরুজ্জ্বলঃ-শোভনঃ সন্, সৌধেষু-ধবলগৃহপৃষ্ঠেষু, চন্দ্রিকাং জ্যোত্স্নাং, ভজেত্| কদা ? রজনীমুখে,-প্রদোষে| পরতস্তু নিদাঘ ইব ন সেব্যা, অবশ্যাযভযাত্| অবশ্যাযো হ্যত্র পরিহার্যঃ| তথা চাহ-

Adhikarana tuShArAdidashaparityAgaH (54-55) · Śloka 55

| তুষারক্ষারসৌহিত্যদধিতৈলবসাতপান্||৫৪|| তীক্ষ্ণমদ্যদিবাস্বপ্নপুরোবাতান্ পরিত্যজেত্| ||৫৫||

স০-তুষারাদীন্ দশ পরিত্যজেত্| তুষারো-অবশ্যাযঃ| ক্ষারো-যবক্ষারাদিঃ| সৌহিত্যং-তৃপ্তিঃ| তীক্ষ্ণং চ তন্মদ্যং চ তীক্ষ্ণমদ্যম্| পুরোবাতঃ-পূর্বদিগাগতো বাতঃ|

Adhikarana samAsena RUtucaryA RutuvisheShe~annapAnAdi (56-57) · Śloka 57

ব্যাসেন ঋতুচর্যামুক্ত্বা সমাসেনাহ- | শীতে বর্ষাসু চাদ্যাংস্ত্রীন্ বসন্তেঽন্ত্যান্ রসান্ভজেত্ স্বাদুং নিদাঘে, শরদি স্বাদুতিক্তকষাযকান্| শরদ্বসন্তযো রূক্ষং শীতং ঘর্মঘনান্তযোঃ||৫৬|| অন্নপানং সমাসেন বিপরীতমতোঽন্যদা| |৫৭|

স০-শীতে-হেমন্তশিশিরযোঃ, বর্ষাসু চাদ্যাংস্ত্রীন্-স্বাদ্বম্ললবণাখ্যান্, রসান্ ভজেত্| বসন্তে চান্ত্যাংস্ত্রীন্-তিক্তকটুকষাযান্ ভজেত্| স্বাদুং নিদাঘে-গ্রীষ্মে মধুরং, ভজেত্| শরদি স্বাদুতিক্তকষাযান্ ভজেত্| শরদ্বসন্তযো রূক্ষমন্নপানং সমাসেন ভজেত্| অতো বিপরীতং-স্নিগ্ধম্, অন্যদা-হেমন্তশিশিরগ্রীষ্মবর্ষাসু| শীতমন্নপানং ঘর্মঘনান্তযোর্ভজেত্| অতো বিপরীতং-উষ্ণমন্নপানম্, অন্যদা-হেমন্তশিশিরবসন্তবর্ষাখ্যে কালে, ভজেত্|

Adhikarana upadiShTAhArasyApavAdaH (57) · Śloka 57

সম্প্রতি সেব্যত্বেনোপদিষ্টস্যাহারস্যাপবাদমাহ | নিত্যং সর্বরসাভ্যাসঃ স্বস্বাধিক্যমৃতাবৃতৌ||৫৭||

স০-নিত্যং-সর্বদা, সর্বেষাং-ষণ্ণামপি রসানাং, অভ্যাসঃ-শীলনং, কার্যমিতি বাক্যশেষঃ| "সর্বরসাভ্যাসো বলকরাণাম্" ইতি (সং. সূ. অ. ১৩) বচনাত্| নন্বেবং সতি যথর্তুসেব্যত্বেন রসনিযমো যঃ পূর্বং কৃতঃ স বিরুদ্ধঃ ? নেত্যাহ-স্বস্বেত্যাদি| ঋতাবৃতাবিতি বীপ্সাযাং দ্বিত্বম্| স্বং চ স্বং চ স্বস্বং, তস্যাধিক্য-ভূযস্ত্বং, কার্যমিতি শেষঃ| যথা-শীতে বর্ষাসু চাদ্যাংস্ত্রীনিত্যুক্তম্| তদেতেষু ঋতুষ্বেতে রসা ভূযসোপযোক্তব্যাঃ, ন ত্বেত এবেত্যর্থঃ| তথা, সমধাতুং প্রতি সমে দেশে চৈষ নিযমো বেদ্যঃ| অন্যত্র তু জাঙ্গলেঽনূপে বা দেশে বিষমধাতোশ্চ ধাতুসাম্যোত্পাদনার্থং দেশদেহানুগুণমন্যর্তুবিহিতবিধানমন্যস্মিন্নপ্যৃতাবনুষ্ঠেযমেব|

Adhikarana RutusandhiH Rutusandhau sevanIyaprakAraH sahasA tyAgashIlanAdrogAH (3) · Śloka 3

কিমন্যস্মিন্নৃতৌ প্রাপ্তে, পূর্বর্তুচর্যা সহসৈব ত্যাজ্যাঽন্যা চ সেব্যা ? নেত্যাহ ঋত্বোরন্ত্যাদিসপ্তাহাবৃতুসন্ধিরিতি স্মৃতঃ| তত্র পূর্বো বিধিস্ত্যাজ্যঃ সেবনীযোঽপরঃ ক্রমাত্||৫৮|| অসাত্ম্যজা হি রোগাঃ স্যুঃ সহসা ত্যাগশীলনাত্| ৫৮ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে ঋতুচর্যা নাম তৃতীযোঽধ্যাযঃ||৩||

স০-ঋত্বোঃ-শিশিরবসন্তযোর্গ্রীষ্মপ্রাবৃষোরিত্যাদিকযোঃ, অন্ত্যশ্চাদিশ্চ যৌ সপ্তাহৌ তাবৃতুসন্ধিরিতি স্মৃতঃ-ইত্যুচ্যতে| তত্র-সপ্তাহদ্বযলক্ষণ ঋতুসন্ধৌ, পূর্বঃ-পূর্বর্তুসম্বন্ধী, বিধিস্ত্যাজ্যঃ| অপরঃ-এষ্যদ্দতুসম্বন্ধী, সেবনীযঃ| কথম্ ? ক্রমাত্,-ক্রমেণ, "পাদেনাপথ্যমভ্যস্তম্" (হৃ. সূ. অ. ৭|৪৭) ইত্যাদিনা| সপ্তানামহ্নাং সমাহারঃ সপ্তাহঃ| সপ্তাহশ্চ সপ্তাহশ্চ সপ্তাহৌ| "রাজাহঃসখিভ্যষ্টচ্" ইতি টচ্ সমাসান্তঃ| "ন সংখ্যাদেঃ সমাহারে" ইত্যহ্নাদেশনিষেধঃ| ননু, কিমেবং ত্যাগঃ সেবনং চ ক্রিযতে ? ইত্যাহ-অসাত্ম্যজা ইত্যাদি| যস্মাত্ সহসা ত্যাগশীলনাত্ অসাত্ম্যাত্-অনুচিতাজ্জাতা অসাত্ম্যজা রোগাঃ স্যুঃ| ততঃ সহসা ত্যাগশীলনং ন কার্যমিতি ভাবঃ| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে তৃতীযোঽধ্যাযঃ সমাপ্তঃ|| ৩||