25. yantravidhiradhyāyaḥ

Adhikarana adhyAyopakramaH · Śloka

অথেদানীং পঞ্চবিংশাধ্যাযারম্ভো যন্ত্রবিধানপ্রদর্শনার্থঃ| যতো বস্তিনস্যাঞ্হ্জনক্ষারাদীনি যন্ত্রাশ্রযণ্যেবেত্যাহ-

Adhikarana yantravidhiradhyAyaH (2) · Śloka 2

অথাতো যন্ত্রবিধিমধ্যাযং ব্যাখ্যাস্যামঃ| ইতি স স্মাদুরাত্রেযাদযো মহর্ষযঃ| (গদ্যসূত্রে|২|

স০-যন্ত্রস্য বিধির্যন্ত্রবিধিঃ শেষং পূর্ববত্| অর্শোভগন্দরাদিষু নিরুজেঽঙ্হ্গে যম্যতে-নিযম্যতে শস্ত্রক্ষারাগ্নিকর্মেতি যন্ত্রম্|

Adhikarana yantralakShaNam (1-3) · Śloka 3

এতদেব স্পষ্টযন্নাহ নানাবিধানাং শল্যানাং নানাদেশপ্রবাধিনাম্| আহর্তুমভ্যুপাযো যস্তদ্যন্ত্রং যচ্চ দর্শনে||১|| অর্শোভগন্দরাদীনাং শস্ত্রক্ষারাগ্নিযোজনে| শেষাঙ্গপরিরক্ষাযাং তথা বস্ত্যাদিকর্মণি||২|| ঘটিকালাবুশৃঙ্গং চ জাম্ববৌষ্ঠাদিকানি চ| |৩|

স০-অনেকপ্রকারাণি যানি শল্যানি-শস্ত্রবেণুপাষাণাদিরূপাণি, বিবিধেষু শরীরপ্রদেশেষু নিবিশন্তে, তেষামাহরণে আকৃষ্টুং, যোঽভ্যুপাযস্তদ্যন্ত্রম্| 'উচ্যতে' ইতি শেষঃ| তথা, অর্শোভগন্দরনাডীব্রণাদীনাং শস্ত্রাদিযোজনে সতি শেষস্য-নিরুজস্যাঙ্গস্য, পরিরক্ষাযাং-রক্ষানিমিত্তম্, স্বস্থস্যাঙ্গস্য শস্ত্রাদ্যাবাধানিবৃত্ত্যর্থমিত্যর্থঃ| তথা, বস্তিনস্যাদিকর্মণি য উপাযস্তচ্চ যন্ত্রম্| তথা ঘটিকাদি চ যন্ত্রং পবনাকর্ষণায রক্তাদ্যাকর্ষণায চ| জাম্ববৌষ্ঠসন্দংশাদীনি চ যন্ত্রাণি|

Adhikarana yantravisheShANAM buddhyA kalpyatvam (3-4) · Śloka 4

যন্ত্রাণাং কিং রূপং কিং |চ] কার্যং স্যাত্? ইত্যাহ- | অনেকরূপকার্যাণি যন্ত্রাণি বিবিধান্যতঃ||৩|| বিকল্প্য কল্পযেদ্বুদ্ধ্যা যথাস্থূলং তু বক্ষ্যতে| |৪|

স০-রূপাণি চ কার্যাণি চ রূপকার্যাণি| অনেকানি বিচিত্রাণি, রূপকার্যাণি তেষাং তানি যন্ত্রাণি নানাপ্রকারাণি| তত্র রূপং-কঙ্কমুখস্বস্তিকাদ্যাকারত্বম্| কার্যং-অস্থ্যাদিলগ্নশল্যহরণাদিকম্| যতশ্চৈবং যন্ত্রাণাং নানাবিধত্বম্, অতস্তানি বুদ্ধ্যা বিকল্প্য কার্যানুরোধাত্ কল্পযেত্| ননু, যন্ত্রাণাং দিঙ্মাত্রেঽপ্যনভিজ্ঞঃ কথমিব কল্পনাং কর্তুং পারযেত্ ? ইত্যাহ- সং-যানি যানি স্থূলানি যথাস্থূলম্| "যথা সাদৃশ্যে" ইত্যব্যযীভাবঃ| যথাস্থূলযন্ত্রকরণেন ব্যুত্পন্নমতিঃ শেষাণামপি যন্ত্রাণামুত্পাদনে বিকল্পং কর্তুং সমর্থো ভবেদিতি ভাবঃ|

Adhikarana svastikayantrANi svastikAnAM kAryam (4-7) · Śloka 7

অথ যন্ত্রাণ্যাহ | তুল্যানি কঙ্কসিংহর্ক্ষকাকাদিমৃগপক্ষিণাম্||৪|| মুখৈর্মুখানি যন্ত্রাণাং কুর্যাত্তত্সংজ্ঞকানি চ| অষ্টাদশাঙ্গুলাযামান্যাযসানি চ ভূরিশঃ||৫|| মসূরাকারপর্যন্তৈঃ কণ্ঠে বদ্ধানি কীলকৈঃ| বিদ্যাত্স্বস্তিকযন্ত্রাণি মূলেঽঙ্কুশনতানি চ||৬|| তৈর্দৃঢৈরস্থিসংলগ্নশল্যাহরণমিষ্যতে| |৭|

স০-যেন পার্শ্বেন শল্যমুদ্ধ্রিযতে তদ্যন্ত্রাণাং মুখং বেদ্যম্| কঙ্কাদীনাং পক্ষিমৃগাণাং মুখৈস্তুল্যানি যন্ত্রাণাং মুখানি কুর্যাত্| আদিশব্দেন গৃধ্রহংসহরিণাদিপরিগ্রহঃ| তানি তত্সংজ্ঞকানি| চ এবার্থে, তানি যন্ত্রাণি তন্নামান্যেব| যথা,-কঙ্কুমুখং সিংহমুখমিত্যাদি| অষ্টাদশাঙ্গুলেত্যাদি, স্বস্তিকাখ্যানি যন্ত্রাণি বিদ্যাত্| কীদৃশানি ? অষ্টাদশাঙ্গুলদৈর্ঘ্যাণি, ভূরিশো-বাহুল্যেন, আযসানি-শস্ত্রমযানি| দন্তাদিমযানামপি ক্বচিদ্দর্শনাত্ ভূরিশ ইত্যুক্তম্| তথা, কণ্ঠপ্রদেশে কীলকৈর্বদ্ধানি| কীদৃশৈঃ কীলকৈঃ ? মসূরাকারাঃ পর্যন্তা যেষাং তৈঃ| যত্র প্রদেশে যন্ত্রাণাং হস্তগ্রহস্তত্র তন্মূলম্| তত্রাঙ্কুশবন্নতানি-পরিণতানি| তৈঃ-কঙ্কমুখাদিভিঃ, অস্থিসংলগ্নশল্যস্য-কাণ্ডফলাদেঃ, আহরণং-আকর্ষণমিষ্যতে|

Adhikarana kIlabaddhavimuktAgrau saMdaMshau (7-8) · Śloka 8

| কীলবদ্ধবিমুক্তাগ্রৌ সন্দংশৌ ষোডশাঙ্গুলৌ||৭|| ত্বক্শিরাস্নাযুপিশিতলগ্নশল্যাপকর্ষণৌ| |৮|

স০-কীলেন-মসূরাকারপর্যন্তেন, বদ্ধং তথা বিমুক্তমগ্রং- মুখং, যযোস্তৌ কীলবদ্ধবিমুক্তাগ্রৌ সন্দংশৌ ভবতঃ| কীদৃশৌ ? ষোডশাঙ্গুলপ্রমাণৌ| ক্বোপযোগ এতযোঃ স্যাত্ ? ইত্যাহ-ত্বগিত্যাদি| ত্বগাদীনাং দ্বন্দ্বঃ| ত্বক্শিরাস্ত্রাযুপিশিতলগ্নং চ তচ্ছল্যং চ, তস্যাপকর্ষ্ণে-আহরণে, তাবুপযুজ্যেতে|

Adhikarana ShaDa~ggulaH saMdaMshaH (8) · Śloka 8

| ষডঙ্গুলোঽন্যো হরণে সূক্ষ্মশল্যোপপক্ষ্মণাম্||৮||

স০-ষোডশাঙ্গুলসন্দংশদ্বযাদন্যঃ সন্দংশঃ (ষডঙ্গুলপ্রমাণঃ) সূক্ষ্মশল্যানাং-নাসারোমাদীনাং, হরণে-আকর্ষণে, তথা, উপপক্ষ্মণাং বর্ত্মাদিভবানাং হরণে যুজ্যতে|

Adhikarana mucuNDI (9) · Śloka 9

মুচুণ্ডী সূক্ষ্মদন্তর্জুর্মূলে রুচকভূষণা| গম্ভীরব্রণমাংসানামর্মণঃ শেষিতস্য চ||৯||

স০-সা চ মুচুণ্ডীসংজ্ঞা| কিম্ভূতা মুচুণ্ডী? সূক্ষ্মা দন্তা যস্যাঃ সা সূক্ষ্মদন্তা, তথা, ঋজুঃ-অবক্রা, ন চ সন্দংশবদ্বক্রা দ্বিবাহুরিত্যার্থঃ| তথা, মূলে-হস্তগ্রহণস্থানে, রুচকং-অঙ্গুলীযকরূপং, ভূষণং যস্যাঃ সা রুচকভূষণা| রুচকপীডনেন সা কর্ম করোতীত্যর্থঃ| গম্ভীরশ্চাসৌ ব্রণশ্চ গম্ভীরব্রণস্তস্মিন্ মাংসানি-তস্যাধিমাংসং, এতদ্বিষয আহরণে| অর্মণশ্চ শেষিতস্য চ্ছিন্নশেষস্যাহরণে মুচুণ্ডী|

Adhikarana ekatAladvitAlake (10) · Śloka 10

দ্বে দ্বাদশাঙ্গুলে মত্স্যতালবত্ দ্ব্যেকলালকে| তালযন্ত্রে স্মৃতে কর্ণনাডীশল্যাপহারিণী||১০||

স০-দ্বে তালযন্ত্রে ভবতঃ| কিংপ্রমাণে ? দ্বাদশাঙ্গুলে| সংস্থানমাহ-মত্স্যতালবত্ মীনগলতালবত্, দ্বিতালকং-একং দ্বযোঃ পার্শ্বযোর্মত্স্যমুখসদৃশম্, অপরমেকতালকং-একপার্শ্বে মত্স্যমুখাকারমেব| তে দ্বে তালযন্ত্রে ভবতঃ| কর্ণেত্যাদি| কর্ণনাডী শল্যমপহরতঃ-কর্ণনাডীশল্যাপহারিণী|

Adhikarana nADIyantraNAM sthUlaM svarupaM kAryaM ca (11-12) · Śloka 12

নাডীযন্ত্রাণি সুষিরাণ্যেকানেকমুখানি চ| স্রোতোগতানাং শল্যানামামযানাং চ দর্শনে||১১|| ক্রিযাণাং সুকরত্বায কুর্যাদাচূষণায চ| তদ্বিস্তারপরীণাহদৈর্ঘ্যং স্রোতোনুরোধতঃ||১২||

স০-নাডীযন্ত্রাণি বস্তিনেত্রাদিবত্ সুষিরাণি স্যুঃ| একং চানেকং চৈকানেকং মুখং যেষাম্| তনি চ কানিচিদেকমুখানি একদ্বারাণি, কানিচিদনেকমুখানি-অনেকদ্বারাণি| এতত্কর্মাচষ্টে-স্রোত ইত্যাদি| তানি চ কর্ণাদিস্রোতোগতানাং শল্যানাং দর্শননিমিত্তং বিদধীত| তথা, কণ্ঠাদিস্রোতোগতানাং রোগাণাং দর্শনে-দর্শননিমিত্তং, বিদধীত| তথা, ক্রিযাণাং-শস্ত্রক্ষারাগ্নিপ্রক্ষালনৌষধপ্রণিধানাদীনাং, সুকরত্বার্থম্| তথা, বিষিদিগ্ধাঙ্গাদীনামাচূষণায বিদধীত| তদ্বিস্তারেত্যাদি| তেষাং-নাডীযন্ত্রাণাং, বিস্তারশ্চ পরীণাহশ্চ দৈর্ঘ্যং চ, তানি স্রোতোবশাত্ ভবন্তি| যথা,-অনুবাসনোত্তরবস্তিনস্যনাডিকাদিষু নির্দিষ্টম্|

Adhikarana kaNThAntaHshalyAvalokinI nADI (13) · Śloka 13

দশাঙ্গুলাঽর্ধনাহাঽন্তঃকণ্ঠশল্যাবলোকিনী| নাডী|১৩|

স০-কণ্ঠে শল্যং কণ্ঠশল্যম্| কণ্ঠাভ্যন্তরশল্যাবলোকনার্থং দশাঙ্গুলা নাডী| অর্ধনাহা-পঞ্চাঙ্গুলপরিণাহা|

Adhikarana catuShkarNavAra~ggasa~ggrahaNI nADI dvikarNa vAra~ggasa~ggrahaNI nADI (13-14) · Śloka 14

| পঞ্চমুখচ্ছিদ্রা চতুষ্কর্ণস্য সঙ্গ্রহে||১৩|| বারঙ্গস্য, দ্বিকর্ণস্য ত্রিচ্ছিদ্রা তত্প্রমাণতঃ| |১৪|

স০-পঞ্চমুখানি ছিদ্রাণি যস্যাঃ সা| চতুষ্কর্ণস্য বারঙ্গস্য সঙ্গ্রহে-সঙ্গ্রহণনিমিত্তমিদং যন্ত্রম্| চত্বারঃ কর্ণা যস্য বারঙ্গস্যেতি সমাসঃ| তত্র শরাদিদণ্ডপ্রবেশঃ শিখাকারঃ কীলকো বারঙ্গ উচ্যতে| দ্বিকর্ণস্য বারঙ্গস্য ত্রিচ্ছিদ্রা নাডী স্যাত্| ত্রীণি ছিদ্রাণি যস্যাঃ সা ত্রিচ্ছিদ্রা| ছিদ্রশব্দস্যোপলক্ষণর্থত্বাত্ ত্রিমুখেত্যেতদপি দ্রষ্টব্যম্| তস্য বারঙ্গস্য প্রমাণং তত্প্রমাণং তস্মাদ্বারঙ্গপ্রমাণতঃ-তদনুসারেণ নাডীপ্রমাণং জ্ঞেযম্|

Adhikarana anyA nADyaH (14-15) · Śloka 15

| বারঙ্গকর্ণসংস্থানানাহদৈর্ঘ্যানুরোধতঃ||১৪|| নাডীরেবংবিধাশ্চান্যা দ্রষ্টুং শল্যানি কারযেত্| |১৫|

স০-তথা, কর্ণশ্চ সংস্থানং চানাহশ্চ দৈর্ঘ্যং চ তান্যেবম্| বারঙ্গস্য কর্ণসংস্থানানাহদৈর্ঘ্যাণি, তেষামনুরোধস্তস্মাত্, এবংপ্রকারা অন্যা অপি নাডীঃ শল্যানি শরীরান্তর্গতানি দ্রষ্টুং কারযেত্|

Adhikarana shalyanirghAtinI nADI (15-16) · Śloka 16

| পদ্মকর্ণিকযা মূর্ধ্নি সদৃশী দ্বাদশাঙ্গুলা||১৫|| চতুর্থসুষিরা নাডী শল্যনির্ঘাতিনী মতা| |১৬|

স০-মূর্ধ্নি-মূর্দ্ধভাগে, পদ্মকর্ণিকযা-জলজকর্ণিকযা, সদৃশী| কিযত্প্রমাণা ? দ্বাদশাঙ্গুলা| তথা, চতুর্থঃ-চতুর্ভাগঃ, সুষিরো যস্যাঃ সা, ত্র্যঙ্হ্গুলসুষিরেতি যাবত্| সা নাডী শল্যনির্ঘাতিনী মতা| মুনীনামিতি শেষঃ| অর্শোযন্ত্রং লক্ষযিতুমাহ-

Adhikarana arshauyantraM dvicchidram arshauyantraM ekacchidram (16-18) · Śloka 18

| অর্শসাং গোস্তনাকারং যন্ত্রকং চতুরঙ্গুলম্||১৬|| নাহে পঞ্চাঙ্গুলং পুংসাং প্রমদানাং ষডঙ্গুলম্| দ্বিচ্ছিদ্রং দর্শনে ব্যাধেরেকচ্ছিদ্রং তু কর্মণি||১৭|| মধ্যেঽস্য ত্র্যঙ্গুলং ছিদ্রমঙ্গুষ্ঠোদরবিস্তৃতম্| অর্ধাঙ্গুলোচ্ছ্রিতোদ্বৃত্তকর্ণিকং চ তদূর্ধ্বতঃ||১৮||

স০-অর্শসাং সম্বন্ধি যন্ত্রকং গোস্তনাকৃতি চতুরঙ্গুলং মানতো দৈর্ঘ্যেণ স্যাত্| যন্ত্রকমিত্যাকর্ষকং স্যাত্| নাহে-পরিণাহে, পঞ্চাঙ্গুলম্| যত্পঞ্চাঙ্গুলদীর্ঘেণ সূত্রেণ বেষ্ট্যতে, তত্প্রমাণং স্থৌল্যমিত্যর্থঃ| এতত্ পুংসামেব পঞ্চাঙ্গুলং নাহে স্যাত্| স্ত্রীণাং তু পরিণাহে ষডঙ্গুলং যন্ত্রকং স্যাত্, স্বভাবত এব তাসাং গুদস্য মহত্ত্বাত্| ব্যাধের্দর্শনে দ্বিচ্ছিদ্রং-উভযপার্শ্বচ্ছিদ্রং যন্ত্রম্| কর্মণি-শস্ত্রক্ষারাদ্যবচারণে, একচ্ছিদ্রং যন্ত্রম্| অস্য যন্ত্রস্য মধ্যে ত্র্যঙ্গুলং ছিদ্রম্| অঙ্হ্গুষ্ঠমধ্যতুল্যবিস্তারং, তথা তদূর্ধ্বতোঽর্ধাঙ্গুলোচ্ছ্রিতা উদ্দৃত্তা কর্ণিকা যস্য তদেবম্|

Adhikarana ashauyantraM shamyAkhyam (19) · Śloka 19

শম্যাখ্যং তাদৃগচ্ছিদ্রং যন্ত্রমর্শঃপ্রপীডনম্| |১৯|

স০-শম্যাখ্যং-শমীসংজ্ঞং, তৃতীযং যন্ত্রকং তাদৃগ্-গোস্তনাকারমিত্যাদিলক্ষণলক্ষিতযন্ত্রসদৃশং স্যাত্| অত্র বিশেষমাহ-অচ্ছিদ্রমিত্যাদি| অচ্ছিদ্রং-ছিদ্ররহিতম্, যন্ত্রে ছিদ্রং ন বিধেযমিত্যর্থঃ| ইদং চ যন্ত্রমর্শঃপ্রপীডনং স্যাত্|

Adhikarana bhagandarayantraM dvicchidram bhagandarayantraM ekacchidram (19) · Śloka 19

| সর্বথাঽপনযেদোষ্ঠং ছিদ্রাদূর্ধ্বং ভগন্দরে||১৯||

স০-সর্বথা ভগন্দরে-ভগন্দরযন্ত্রে, ওষ্ঠমপনযেত্| কুতঃ প্রভৃতি ? ছিদ্রাদূর্ধ্বম্,-উপরিষ্টাদর্ধাঙ্গুলমপকর্ষযেদিত্যর্থঃ| কর্ণিকা তু কার্যৈব (?)|

Adhikarana ghrANArshorbudayantram (20) · Śloka 20

ঘ্রাণার্বুদার্শসামেকচ্ছিদ্রা নাড্যঙ্গুলদ্বযা| প্রদেশিনীপরীণাহা স্যাদ্ভগন্দরযন্ত্রবত্||২০||

স০-ঘ্রাণার্বুদে ঘ্রাণার্শসি চৈকচ্ছিদ্রা নাডী দৈর্ঘ্যেণাঙ্গুলদ্বযপ্রমাণা| তথা, প্রদেশিনীতুল্যঃ পরীণাহো যস্যাঃ সৈবম্| সা চ ভগন্দরযন্ত্রতুল্যা স্যাত্, অপনীতৌষ্ঠেত্যর্থঃ|

Adhikarana a~ggulitrANakam (21) · Śloka 21

অঙ্হ্গুলিত্রাণকং দান্তং বার্ক্ষং বা চতুরঙ্গুলম্| দ্বিচ্ছিদ্রং গোস্তনাকারং তদ্বক্ত্রবিবৃতৌ সুখম্||২১||

স০-অঙ্গুলিত্রাণকাখ্যং যন্ত্রং দন্তমযং কাষ্ঠমযং বা চতুরঙ্গুলপ্রমাণমর্শসাং যন্ত্রসদৃশং দ্বিচ্ছিদ্রং গোস্তনাকৃতি স্যাত্| তচ্চ বক্ত্রস্য বিবৃতৌ-প্রসারণে, সুখম্| যতো বক্ত্রপ্রসারণে অঙ্গুলের্দন্তেভ্যো রক্ষণাদন্বর্থমঙ্গুলিত্রাণকমিতি নাম|

Adhikarana yonivraNekShaNam (22-23) · Śloka 23

যোনিব্রণেক্ষণং মধ্যে সুষিরং ষোডশাঙ্গুলম্| মুদ্রাবদ্ধং চতুর্ভিত্তমম্ভোজমুকুলাননম্||২২|| চতুঃশলাকমাক্রান্তং মূলে তদ্বিকসেন্মুখে| |২৩|

স০-যোনিব্রণমীক্ষতেঽনেনেতি তত্ যোনিব্রণেক্ষণং যন্ত্রকম্| মধ্যে-মধ্যভাগে, সুষিরম্| তথা, দৈর্ধ্যেণ ষোডশাঙ্গুলম্| তথা মুদ্রিকযা-ঊর্মিকযাঽসঞ্চারিণ্যা, বদ্ধং-যুক্তম্| তথা, চত্বারো (রি) ভিত্তাঃ(ত্তানি)-পত্রাণি, যস্য তচ্চতুর্ভিত্তম্| তথা, জলজমুকুলসদৃশমুখম্| তথা, চতস্রঃ শলাকা যত্র তত্ চতুঃশলাকম্| তথা, তত্-যন্ত্রং, মূল আক্রান্তং-মূলশলাকাক্রমণাত্ মুখে বিকসেত্-প্রসরেত্|

Adhikarana nADIvraNAbhya~jjanam (23-24) · Śloka 24

| যন্ত্রে নাডীব্রণাভ্যঙ্গক্ষালনায ষডঙ্গুলে||২৩|| বস্তিযন্ত্রাকৃতী মূলে মুখেঽঙ্গুষ্ঠকলাযখে| অগ্রতোঽকর্ণিকে মূলে নিবদ্ধমৃদুচর্মণী||২৪||

স০-যন্ত্রে দ্বে ষডঙ্গুলে ভবতঃ| কিমর্থম্ ? নাডীব্রাণাভ্যঙ্গক্ষালনায,-অভ্যঙ্গশ্চ ক্ষালনং চাভ্যঙ্গক্ষালনে তদর্থং, উপযুজ্যেতে| আকরণং-আকৃত্, সম্পদাদিত্বাত্ ক্বিপ্| পূর্ববিহিতস্য বস্তিযন্ত্রস্যেব আকৃত্-আকারো, যযোস্তে বস্তিযন্ত্রাকৃতী,-বৃত্তে গোপুচ্ছাকারে| তথা, যথাসঙ্খ্যং মূলে মুখেঽঙ্গুষ্ঠকলাযখে-মূলেঽঙ্গুষ্ঠতুল্যচ্ছিদ্রে, মুখে কলাযতুল্যচ্ছিদ্রে| অগ্রতোঽকর্ণিকে- কর্ণিকারহিতে, ইতি বস্তিযন্ত্রাদ্বিশেষঃ| মূলে তু কর্ণিকে দ্বেঽপি পুটকযোজনার্থং কার্য এবেত্যগ্রগ্রহণম্| মূলে-মূলদেশে, নিবদ্ধং- যোজিতং, মৃদু চর্ম-বস্তিপুটকাকারং, যযোস্তে নিবদ্ধমৃদুচর্মণী|

Adhikarana jalodarayantram (25) · Śloka 25

দ্বিদারা নলিকা পিচ্ছনলিকা বোদকোদরে| |২৫|

স০-উদকোদরে জলস্রাবণার্থং নলিকা দ্বিদ্বারা-উভযমুখী, স্যাত্| অথবা, পিচ্ছনলিকা-মযূরপিচ্ছজেত্যর্থঃ|

Adhikarana dhUmabastyAdiyantrANi (25) · Śloka 25

| ধূমবস্ত্যাদিযন্ত্রাণি নির্দিষ্টানি যথাযথম্||২৫||

স০-ধূমাদিযন্ত্রাণি যথাস্বং ধূমপানাদ্যধ্যাযেষূক্তানি|

Adhikarana shRu~ggayantram (26) · Śloka 26

ত্র্যঙ্গুলাস্যং ভবেচ্ছৃঙ্গং চূষণেঽষ্টাদশাঙ্গুলম্| অগ্রে সিদ্ধার্থকচ্ছিদ্রং সুনদ্ধং চূচুকাকৃতি||২৬||

স০-শৃঙ্গং ত্র্যঙ্গুলমুখম্| দুষ্টবাতবিষরক্তাম্বুদুষ্টস্তন্যাদেশ্চূষণে-চূষণনিমিত্তং, অষ্টাদশাঙ্গুলং স্যাত্| অষ্টাদশেতি ""হ্যষ্টন" ইত্যাদিনাঽঽকারাদেশঃ| তথা, অগ্রে-প্রান্তে, সর্ষপপ্রমাণচ্ছিদ্রম্| যঃ প্রদেশশ্চূষণায শরীরে যোজ্যতে তদগ্রম্| তথা, সুষ্ঠু নদ্ধং-সম্যগ্বদ্ধম্| চূচুকস্য-স্ত্রীকুচাগ্রস্যেব, আকৃতিঃ-আকারো, যস্য তদেবম্|

Adhikarana alAbuyantram (27) · Śloka 27

স্যাদ্বাদশাঙ্গুলোঽলাবুর্নাহে ত্বষ্টাদশাঙ্গুলঃ| চতুস্ত্র্যঙ্গুলবৃত্তাস্যো দীপ্তোঽন্তঃ শ্লেষ্মরক্তহৃত্||২৭||

স০-অলাবুঃ-তুম্বঃ, দ্বাদশাঙ্গুলো দৈর্ঘ্যেণ স্যাত্| পরিণাহেঽষ্টাদশাঙ্গুলঃ| চত্বারি বা ত্রীণি বাঽঙ্হ্গুলানি যস্য তচ্চতুস্ত্র্যঙ্গুলম্, তত্তাদৃশং বৃতং-বর্তুলং, আস্যং-মুখং, যস্য স এবম্| তথা, অন্তঃ-মধ্যে, দীপ্তো-জ্বলিতঃ, পিচুর্ভূর্জাদি গর্ভ ইত্যর্থঃ| স ঈদৃশো দুষ্টকফরক্তহরঃ স্যাত্|

Adhikarana ghaThIyantram (28) · Śloka 28

তদ্বদ্ঘটী হিতা গুল্মবিলযোন্নমনে চ সা| |২৮|

স০-তদ্বত্-তেনালাবুনা তুল্যদৈর্ঘ্যানাহাদিঃ, তুল্যকার্যাকারা চ, ঘটী স্যাত্| সা চ গুল্মস্য বিলয উন্নমনে চ হিতা, ন কেবলং কফরক্তহৃদিতি চার্থঃ|

Adhikarana shalAkAyantrANi (28-29) · Śloka 29

| শলাকাখ্যানি যন্ত্রাণি নানাকর্মাকৃতীনি চ||২৮|| যথাযোগপ্রমাণানি| |২৯|

স০-শলাকাসংজ্ঞানি যন্ত্রাণি বিবিধকর্মাণি বিবিধাকারাণি যথাযোগপ্রমাণানি স্যুঃ|

Adhikarana eShiNyau shalAke (29) · Śloka 29

তেষামেষণকর্মণী| উভে গণ্ডূপদমুখে|২৯|

স০-তেষাং মধ্য উভে গণ্ডূপদতুল্যাস্য এষণকর্মণী|

Adhikarana shalyahAriNyau shalAke (29-30) · Śloka 30

| স্রোতোভ্যঃ শল্যহারিণী||২৯|| মসূরদলবক্ত্রে দ্বে স্যাতামষ্টনবাঙ্গুলে| |৩০|

স০-তথা স্রোতোভ্যঃ শল্যহারিণী শলাকাযন্ত্রে ভবতঃ| কিম্ভূতে ? মসূরেত্যাদি| মসূরদলমিব বক্ত্রং যযোস্তে, মসূরদলমুখে দ্বে শলাকেঽষ্টাঙ্গুলে নবাঙ্গুলে বা স্যাতাম্|

Adhikarana sha~gkavaH (30) · Śloka 30

| শঙ্কবঃ ষট্|৩০|

স০-শঙ্কবঃ ষট্ স্যুঃ|

Adhikarana vyUhanau sha~gkU (30-31) · Śloka 31

| উভৌ তেষাং ষোডশদ্বাদশাঙ্গুলৌ||৩০|| ব্যূহনেঽহিফাণাবক্ত্রৌ| |৩১|

স০-তেষাং মধ্যে দ্বৌ ষোডশাঙ্গুলদ্বাদশাঙ্গুলৌ ভবতঃ| ব্যূহনে-ন্যূহনকর্মণি, সর্পফণামুখৌ|

Adhikarana cAlanau sha~gku (31) · Śloka 31

দ্বৌ দশদ্বাদশাঙ্গুলৌ| চালনে শরপুঙ্খাস্যৌ|৩১|

স০-দ্বৌ শঙ্কূ দশাঙ্গুলদ্বাদশাঙ্গুলৌ ভবতঃ| চালনে কাণ্ডবাজ ইব মুখং যযোস্তৌ শরপুঙ্খাস্যৌ ভবতঃ|

Adhikarana AharaNau sha~gkU (31) · Śloka 31

| আহার্যে বডিশাকৃতী||৩১||

স০-আহার্যে-আকর্ষণে, বডিশাকারৌ| ষট্শঙ্হ্কূনাখ্যায গর্ভশঙ্কুমাহ-

Adhikarana garbhasha~gkU (32) · Śloka 32

নতোঽগ্রে শঙ্কুনা তুল্যো গর্ভশঙ্কুরিতি স্মৃতঃ| আষ্টাঙ্গুলাযতস্তেন মূঢগর্ভং হরেত্ স্ত্রিযাঃ||৩২||

স০-নতোঽগ্রে-অগ্রভাগে, তথা শঙ্কুনা সমঃ-কীলকাকারঃ, অষ্টাঙ্গুলদীর্ঘঃ স গর্ভশঙ্কুরিতি স্মৃতঃ, 'মুনিভিঃ' ইতি শেষঃ| তেন-গর্ভশঙ্কুনা, মূঢগর্ভ-অনিঃসরন্তং, হরেত্|

Adhikarana dantapAtanam (33) · Śloka 33

অশ্মর্যাহরণং সর্পফাণাবদ্বক্ত্রমগ্রতঃ| |৩৩|

স০-অশ্মর্যাকর্ষণে সর্পফণাবদগ্রে বক্ত্রং স্যাত্| সর্পফণাখ্যমেব চৈতদ্যন্ত্রম্|

Adhikarana pramArjanyaH shalAkAH (33-34) · Śloka 34

| শরপুঙ্খমুখং দন্তপাতনং চতুরঙ্গুলম্||৩৩|| কার্পাসবিহিতোষ্ণীষাঃ শলাকাঃ ষট্ প্রমার্জনে| |৩৪|

স০-শরপুঙ্খমুখাখ্যং যন্ত্রং চতুরঙ্গুলং দন্তপাতনং স্যাত্| অনেন হি দন্তাশ্চলন্তঃ পাত্যন্তে কৃম্যাদিভক্ষিতা বা| সং-প্রমার্জনে-ক্ষালনে ক্ষারক্লেদাদেঃ, ষট্ শলাকাঃ স্যুঃ| কিম্ভূতাঃ ? কার্পাসেন বিহিতমুষ্ণীষং-শিরোবেষ্টনমিব, যাসাং তাস্তথোক্তাঃ|

Adhikarana pAyupramArjanyau shalAke (34) · Śloka 34

| পাযাবাসন্নদূরার্থে দ্বে দশদ্বাদশাঙ্গুলে||৩৪||

স০-পাযাবাসন্নদূরার্থে দশদ্বাদশাঙ্গুলে দ্বে ভবতঃ| আসন্নার্থে দশাঙ্গুলা, দূরার্থে দ্বাদশাঙ্গুলেত্যর্থঃ|

Adhikarana ghrANapramArjanyau shalAke,karNapramArjanyau shalAke (35) · Śloka 35

দ্বে ষট্সপ্তাঙ্গুলে ঘ্রাণে, দ্বে কর্ণেঽষ্টনবাঙুলে| |৩৫|

স০-ঘ্রাণে ষট্সপ্তাঙ্গুলে দ্বে ভবতঃ| 'আসন্নদূরার্থে' ইত্যত্রাপ্যনুবর্ততে| তথৈব কর্ণেঽষ্টনবাঙ্গুলে ভবতঃ|

Adhikarana karNashodhanam (35) · Śloka 35

| কর্ণশোধনমশ্বত্থপত্রপ্রান্তং স্রুবাননম্||৩৫||

স০-কর্ণশোধনাখ্যং যন্ত্রম্| অশ্বত্থপত্রস্যেব প্রান্তো যস্য তত্তথা| তথা, স্রুবস্যেবাননং যস্য তদেবম্|

Adhikarana kShArAgniprayogArthaM tisraH shalakAstrINi ca jAmbavauShThAni (36) · Śloka 36

শলাকাজাম্ববৌষ্ঠানাং ক্ষারেঽগ্নৌ চ পৃথক্ ত্রযম্| যুঞ্জ্যাত্ স্থূলাণুদীর্ঘাণাং|৩৬|

স০-শলাকাশ্চ জাম্ববৌষ্ঠানি চ তেষাং পৃথক্ ত্রযং ক্ষারে ক্ষারপাতনে, [ আগ্নৌ-] আগ্নিদাহকরণে চ যুঞ্জ্যাত্| কিম্ভূতানাং শলাকাজাম্ববৌষ্ঠানাম্ ? স্থূলাণুদীর্ঘাণাং,-স্থূলাশ্চাণবশ্চ দীর্ঘাশ্চ, তেষাম্| তত্র শলাকাস্তিস্ত্রো জাম্ববৌষ্ঠানি চ ত্রীণি, ক্ষারে তথা দাহনে, এবং দ্বাদশৈতানি শলাকাখ্যানি যন্ত্রাণীতি|

Adhikarana annavRuddhidAhArthaM shalAkA (36-37) · Śloka 37

| শলাকামন্ত্রবর্ধ্মনি||৩৬|| মধ্যোর্ধ্ববৃত্তদণ্ডাং চ মূলে চার্ধেন্দুসন্নিভাম্| |৩৭|

স০-অন্ত্রবর্ধ্মনি-অন্ত্রবৃদ্ধৌ, শলাকাং যুঞ্জ্যাত্| কীদৃশীম্ ? মধ্যাদূর্ধ্বং বৃত্তো দণ্ডো যস্যাস্তাম্| তথা, মূলে-মূলভাগে, অর্ধেন্দুসন্নিভাং-অর্ধচন্দ্রাকারাম্|

Adhikarana nAsArshorbudadAhArthaM shalAkA (37) · Śloka 37

| কোলাস্থিদলতুল্যাস্যা নাসার্শোর্বুদদাহকৃত্||৩৭||

স০-বদরাস্থিখণ্ডসমং মুখং যস্যাঃ সা কোলাস্থিদলতুল্যাস্যা| সা নাসার্শঃসু নাসার্বুদেষু চ দাহং করোতি|

Adhikarana darvyAkhyAstistraH shalAkAH (38) · Śloka 38

অষ্টাঙ্গুলা নিম্নমুখাস্তিস্রঃ ক্ষারৌষধক্রমে| কনীনীমধ্যমানামীনখমানসমৈর্মুখৈঃ||৩৮||

স০-ক্ষারৌষধক্রমে তিস্রঃ শলাকা নিম্নমুখা অষ্টাঙ্গুলাঃ স্যুঃ| কীদৃশ্যঃ ? কনীনী চ মধ্যমা চানামী চ, তাসাং নখাঃ, তেষাং মানং-প্রমাণং, তেন সমৈঃ-তুল্যৈঃ, মুখৈরুপলক্ষিতাঃ স্যুঃ|

Adhikarana meDhrashodhanAdyAH shalAkAH (39) · Śloka 39

স্বংস্বমুক্তানি যন্ত্রাণি মেঢ্রশুদ্ধ্যঞ্জনাদিষু| |৩৯|

স০-মেঢ্রাদিষু বিষযেষু-উত্তরবস্ত্যাদিষু, স্বংস্বং-যথাস্বং, যন্ত্রাণি গদিতানি| আদিশব্দেন নাবনাদিপরিগ্রহঃ|

Adhikarana anuyantrANi, anuyantrakarmANi (39-40.5) · Śloka 40

| অনুযন্ত্রাণ্যযস্কান্তরজ্জুবস্ত্রাশ্মমুদ্গরাঃ||৩৯|| বধ্রান্ত্রজিহ্বাবালাশ্চ শাখানখমুখদ্বিজাঃ| কালঃ পাকঃ করঃ পাদো ভযং হর্ষশ্চ, তত্ক্রিযাঃ||৪০|| উপাযবিত্প্রবিভজেদালোচ্য নিপুণং ধিযা||৪০.৫||

স০-অযস্কান্তাদীন্যণুযন্ত্রাণি, স্বল্পযন্ত্রকার্যকরণাত্| তেষাং ক্রিযাস্তত্ক্রিযাঃ-নির্ঘাতনাদিকাঃ, বুদ্ধ্যা নিপুণমালোচ্য প্রবিভজেত্,-নির্ঘাতনাদিকর্মাণি প্রবিভজ্য যুঞ্জ্যাদিত্যর্থঃ|

Adhikarana yantrakarmANi (41.5) · Śloka

তান্যেব যন্ত্রাণাং কর্মাণ্যাহ নির্ঘাতনোন্মথনপূরণমার্গশুদ্ধি- সংব্যূহনাহরণবন্ধনপীডনানি| আচূষণোন্নমননামনচালভঙ্গ- ব্যাবর্তনর্জুকরণানি চ যন্ত্রকর্ম||৪১.৫||

স০-নির্ঘাতনাদি যন্ত্রস্য কর্ম| নির্ঘাতনং-তাডনং পরিপাতনম্, উন্মথনং-আলোডনং উন্মূলনম্, এবমন্যদপি চিন্ত্যম্| চঃ সমুচ্চযে, তেন প্রক্ষালনাদীনি সমুচ্চীযন্তে|

Adhikarana yantreShu ka~gkamukhasya prAdhAnyam (25) · Śloka 25

বিবর্ততে সাধ্ববগাহতে চ গ্রাহ্যং গৃহীত্বোদ্ধরতে চ যস্মাত্| যন্ত্রেষ্বতঃ কঙ্কমুখং প্রধানং স্থানেষু সর্বেষ্বধিকারি যচ্চ| ৪২ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে যন্ত্রবিধির্নাম পঞ্চবিংশতিতমোঽধ্যাযঃ||২৫||

স০-বিবর্তনাদিভিশ্চতুর্ভিঃ কারণৈর্যন্ত্রেষু মধ্যে কঙ্কমুখং শ্রেষ্ঠমিতি| যস্মাচ্চ সর্বেষু প্রদেশেষ্বধিকারি-অধিক্রিযতে ইতি| বসন্ততিলকোপজাতী বৃত্তে| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে যন্ত্রবিধির্নাম পঞ্চবিংশোঽধ্যাযঃ সমাপ্তঃ|| ২৫||