Adhikarana yantravidhiradhyAyaH (2) · Śloka 2
অথাতো যন্ত্রবিধিমধ্যাযং ব্যাখ্যাস্যামঃ| ইতি স স্মাদুরাত্রেযাদযো মহর্ষযঃ| (গদ্যসূত্রে|২|
अथातो यन्त्रविधिमध्यायं व्याख्यास्यामः| इति स स्मादुरात्रेयादयो महर्षयः| (गद्यसूत्रे|२|
🔊 Audio coming soon
Adhikarana yantralakShaNam (1-3) · Śloka 3
এতদেব স্পষ্টযন্নাহ নানাবিধানাং শল্যানাং নানাদেশপ্রবাধিনাম্| আহর্তুমভ্যুপাযো যস্তদ্যন্ত্রং যচ্চ দর্শনে||১|| অর্শোভগন্দরাদীনাং শস্ত্রক্ষারাগ্নিযোজনে| শেষাঙ্গপরিরক্ষাযাং তথা বস্ত্যাদিকর্মণি||২|| ঘটিকালাবুশৃঙ্গং চ জাম্ববৌষ্ঠাদিকানি চ| |৩|
एतदेव स्पष्टयन्नाह नानाविधानां शल्यानां नानादेशप्रबाधिनाम्| आहर्तुमभ्युपायो यस्तद्यन्त्रं यच्च दर्शने||१|| अर्शोभगन्दरादीनां शस्त्रक्षाराग्नियोजने| शेषाङ्गपरिरक्षायां तथा बस्त्यादिकर्मणि||२|| घटिकालाबुशृङ्गं च जाम्बवौष्ठादिकानि च| |३|
🔊 Audio coming soon
Adhikarana yantravisheShANAM buddhyA kalpyatvam (3-4) · Śloka 4
যন্ত্রাণাং কিং রূপং কিং |চ] কার্যং স্যাত্? ইত্যাহ- | অনেকরূপকার্যাণি যন্ত্রাণি বিবিধান্যতঃ||৩|| বিকল্প্য কল্পযেদ্বুদ্ধ্যা যথাস্থূলং তু বক্ষ্যতে| |৪|
यन्त्राणां किं रूपं किं |च] कार्यं स्यात्? इत्याह- | अनेकरूपकार्याणि यन्त्राणि विविधान्यतः||३|| विकल्प्य कल्पयेद्बुद्ध्या यथास्थूलं तु वक्ष्यते| |४|
🔊 Audio coming soon
Adhikarana svastikayantrANi svastikAnAM kAryam (4-7) · Śloka 7
অথ যন্ত্রাণ্যাহ | তুল্যানি কঙ্কসিংহর্ক্ষকাকাদিমৃগপক্ষিণাম্||৪|| মুখৈর্মুখানি যন্ত্রাণাং কুর্যাত্তত্সংজ্ঞকানি চ| অষ্টাদশাঙ্গুলাযামান্যাযসানি চ ভূরিশঃ||৫|| মসূরাকারপর্যন্তৈঃ কণ্ঠে বদ্ধানি কীলকৈঃ| বিদ্যাত্স্বস্তিকযন্ত্রাণি মূলেঽঙ্কুশনতানি চ||৬|| তৈর্দৃঢৈরস্থিসংলগ্নশল্যাহরণমিষ্যতে| |৭|
अथ यन्त्राण्याह | तुल्यानि कङ्कसिंहर्क्षकाकादिमृगपक्षिणाम्||४|| मुखैर्मुखानि यन्त्राणां कुर्यात्तत्संज्ञकानि च| अष्टादशाङ्गुलायामान्यायसानि च भूरिशः||५|| मसूराकारपर्यन्तैः कण्ठे बद्धानि कीलकैः| विद्यात्स्वस्तिकयन्त्राणि मूलेऽङ्कुशनतानि च||६|| तैर्दृढैरस्थिसंलग्नशल्याहरणमिष्यते| |७|
🔊 Audio coming soon
Adhikarana kIlabaddhavimuktAgrau saMdaMshau (7-8) · Śloka 8
| কীলবদ্ধবিমুক্তাগ্রৌ সন্দংশৌ ষোডশাঙ্গুলৌ||৭|| ত্বক্শিরাস্নাযুপিশিতলগ্নশল্যাপকর্ষণৌ| |৮|
| कीलबद्धविमुक्ताग्रौ सन्दंशौ षोडशाङ्गुलौ||७|| त्वक्शिरास्नायुपिशितलग्नशल्यापकर्षणौ| |८|
🔊 Audio coming soon
Adhikarana ShaDa~ggulaH saMdaMshaH (8) · Śloka 8
| ষডঙ্গুলোঽন্যো হরণে সূক্ষ্মশল্যোপপক্ষ্মণাম্||৮||
| षडङ्गुलोऽन्यो हरणे सूक्ष्मशल्योपपक्ष्मणाम्||८||
🔊 Audio coming soon
Adhikarana mucuNDI (9) · Śloka 9
মুচুণ্ডী সূক্ষ্মদন্তর্জুর্মূলে রুচকভূষণা| গম্ভীরব্রণমাংসানামর্মণঃ শেষিতস্য চ||৯||
मुचुण्डी सूक्ष्मदन्तर्जुर्मूले रुचकभूषणा| गम्भीरव्रणमांसानामर्मणः शेषितस्य च||९||
🔊 Audio coming soon
Adhikarana ekatAladvitAlake (10) · Śloka 10
দ্বে দ্বাদশাঙ্গুলে মত্স্যতালবত্ দ্ব্যেকলালকে| তালযন্ত্রে স্মৃতে কর্ণনাডীশল্যাপহারিণী||১০||
द्वे द्वादशाङ्गुले मत्स्यतालवत् द्व्येकलालके| तालयन्त्रे स्मृते कर्णनाडीशल्यापहारिणी||१०||
🔊 Audio coming soon
Adhikarana nADIyantraNAM sthUlaM svarupaM kAryaM ca (11-12) · Śloka 12
নাডীযন্ত্রাণি সুষিরাণ্যেকানেকমুখানি চ| স্রোতোগতানাং শল্যানামামযানাং চ দর্শনে||১১|| ক্রিযাণাং সুকরত্বায কুর্যাদাচূষণায চ| তদ্বিস্তারপরীণাহদৈর্ঘ্যং স্রোতোনুরোধতঃ||১২||
नाडीयन्त्राणि सुषिराण्येकानेकमुखानि च| स्रोतोगतानां शल्यानामामयानां च दर्शने||११|| क्रियाणां सुकरत्वाय कुर्यादाचूषणाय च| तद्विस्तारपरीणाहदैर्घ्यं स्रोतोनुरोधतः||१२||
🔊 Audio coming soon
Adhikarana kaNThAntaHshalyAvalokinI nADI (13) · Śloka 13
দশাঙ্গুলাঽর্ধনাহাঽন্তঃকণ্ঠশল্যাবলোকিনী| নাডী|১৩|
दशाङ्गुलाऽर्धनाहाऽन्तःकण्ठशल्यावलोकिनी| नाडी|१३|
🔊 Audio coming soon
Adhikarana catuShkarNavAra~ggasa~ggrahaNI nADI dvikarNa vAra~ggasa~ggrahaNI nADI (13-14) · Śloka 14
| পঞ্চমুখচ্ছিদ্রা চতুষ্কর্ণস্য সঙ্গ্রহে||১৩|| বারঙ্গস্য, দ্বিকর্ণস্য ত্রিচ্ছিদ্রা তত্প্রমাণতঃ| |১৪|
| पञ्चमुखच्छिद्रा चतुष्कर्णस्य सङ्ग्रहे||१३|| वारङ्गस्य, द्विकर्णस्य त्रिच्छिद्रा तत्प्रमाणतः| |१४|
🔊 Audio coming soon
Adhikarana anyA nADyaH (14-15) · Śloka 15
| বারঙ্গকর্ণসংস্থানানাহদৈর্ঘ্যানুরোধতঃ||১৪|| নাডীরেবংবিধাশ্চান্যা দ্রষ্টুং শল্যানি কারযেত্| |১৫|
| वारङ्गकर्णसंस्थानानाहदैर्घ्यानुरोधतः||१४|| नाडीरेवंविधाश्चान्या द्रष्टुं शल्यानि कारयेत्| |१५|
🔊 Audio coming soon
Adhikarana shalyanirghAtinI nADI (15-16) · Śloka 16
| পদ্মকর্ণিকযা মূর্ধ্নি সদৃশী দ্বাদশাঙ্গুলা||১৫|| চতুর্থসুষিরা নাডী শল্যনির্ঘাতিনী মতা| |১৬|
| पद्मकर्णिकया मूर्ध्नि सदृशी द्वादशाङ्गुला||१५|| चतुर्थसुषिरा नाडी शल्यनिर्घातिनी मता| |१६|
🔊 Audio coming soon
Adhikarana arshauyantraM dvicchidram arshauyantraM ekacchidram (16-18) · Śloka 18
| অর্শসাং গোস্তনাকারং যন্ত্রকং চতুরঙ্গুলম্||১৬|| নাহে পঞ্চাঙ্গুলং পুংসাং প্রমদানাং ষডঙ্গুলম্| দ্বিচ্ছিদ্রং দর্শনে ব্যাধেরেকচ্ছিদ্রং তু কর্মণি||১৭|| মধ্যেঽস্য ত্র্যঙ্গুলং ছিদ্রমঙ্গুষ্ঠোদরবিস্তৃতম্| অর্ধাঙ্গুলোচ্ছ্রিতোদ্বৃত্তকর্ণিকং চ তদূর্ধ্বতঃ||১৮||
| अर्शसां गोस्तनाकारं यन्त्रकं चतुरङ्गुलम्||१६|| नाहे पञ्चाङ्गुलं पुंसां प्रमदानां षडङ्गुलम्| द्विच्छिद्रं दर्शने व्याधेरेकच्छिद्रं तु कर्मणि||१७|| मध्येऽस्य त्र्यङ्गुलं छिद्रमङ्गुष्ठोदरविस्तृतम्| अर्धाङ्गुलोच्छ्रितोद्वृत्तकर्णिकं च तदूर्ध्वतः||१८||
🔊 Audio coming soon
Adhikarana ashauyantraM shamyAkhyam (19) · Śloka 19
শম্যাখ্যং তাদৃগচ্ছিদ্রং যন্ত্রমর্শঃপ্রপীডনম্| |১৯|
शम्याख्यं तादृगच्छिद्रं यन्त्रमर्शःप्रपीडनम्| |१९|
🔊 Audio coming soon
Adhikarana bhagandarayantraM dvicchidram bhagandarayantraM ekacchidram (19) · Śloka 19
| সর্বথাঽপনযেদোষ্ঠং ছিদ্রাদূর্ধ্বং ভগন্দরে||১৯||
| सर्वथाऽपनयेदोष्ठं छिद्रादूर्ध्वं भगन्दरे||१९||
🔊 Audio coming soon
Adhikarana ghrANArshorbudayantram (20) · Śloka 20
ঘ্রাণার্বুদার্শসামেকচ্ছিদ্রা নাড্যঙ্গুলদ্বযা| প্রদেশিনীপরীণাহা স্যাদ্ভগন্দরযন্ত্রবত্||২০||
घ्राणार्बुदार्शसामेकच्छिद्रा नाड्यङ्गुलद्वया| प्रदेशिनीपरीणाहा स्याद्भगन्दरयन्त्रवत्||२०||
🔊 Audio coming soon
Adhikarana a~ggulitrANakam (21) · Śloka 21
অঙ্হ্গুলিত্রাণকং দান্তং বার্ক্ষং বা চতুরঙ্গুলম্| দ্বিচ্ছিদ্রং গোস্তনাকারং তদ্বক্ত্রবিবৃতৌ সুখম্||২১||
अङ्ह्गुलित्राणकं दान्तं वार्क्षं वा चतुरङ्गुलम्| द्विच्छिद्रं गोस्तनाकारं तद्वक्त्रविवृतौ सुखम्||२१||
🔊 Audio coming soon
Adhikarana yonivraNekShaNam (22-23) · Śloka 23
যোনিব্রণেক্ষণং মধ্যে সুষিরং ষোডশাঙ্গুলম্| মুদ্রাবদ্ধং চতুর্ভিত্তমম্ভোজমুকুলাননম্||২২|| চতুঃশলাকমাক্রান্তং মূলে তদ্বিকসেন্মুখে| |২৩|
योनिव्रणेक्षणं मध्ये सुषिरं षोडशाङ्गुलम्| मुद्राबद्धं चतुर्भित्तमम्भोजमुकुलाननम्||२२|| चतुःशलाकमाक्रान्तं मूले तद्विकसेन्मुखे| |२३|
🔊 Audio coming soon
Adhikarana nADIvraNAbhya~jjanam (23-24) · Śloka 24
| যন্ত্রে নাডীব্রণাভ্যঙ্গক্ষালনায ষডঙ্গুলে||২৩|| বস্তিযন্ত্রাকৃতী মূলে মুখেঽঙ্গুষ্ঠকলাযখে| অগ্রতোঽকর্ণিকে মূলে নিবদ্ধমৃদুচর্মণী||২৪||
| यन्त्रे नाडीव्रणाभ्यङ्गक्षालनाय षडङ्गुले||२३|| बस्तियन्त्राकृती मूले मुखेऽङ्गुष्ठकलायखे| अग्रतोऽकर्णिके मूले निबद्धमृदुचर्मणी||२४||
🔊 Audio coming soon
Adhikarana jalodarayantram (25) · Śloka 25
দ্বিদারা নলিকা পিচ্ছনলিকা বোদকোদরে| |২৫|
द्विदारा नलिका पिच्छनलिका वोदकोदरे| |२५|
🔊 Audio coming soon
Adhikarana dhUmabastyAdiyantrANi (25) · Śloka 25
| ধূমবস্ত্যাদিযন্ত্রাণি নির্দিষ্টানি যথাযথম্||২৫||
| धूमबस्त्यादियन्त्राणि निर्दिष्टानि यथायथम्||२५||
🔊 Audio coming soon
Adhikarana shRu~ggayantram (26) · Śloka 26
ত্র্যঙ্গুলাস্যং ভবেচ্ছৃঙ্গং চূষণেঽষ্টাদশাঙ্গুলম্| অগ্রে সিদ্ধার্থকচ্ছিদ্রং সুনদ্ধং চূচুকাকৃতি||২৬||
त्र्यङ्गुलास्यं भवेच्छृङ्गं चूषणेऽष्टादशाङ्गुलम्| अग्रे सिद्धार्थकच्छिद्रं सुनद्धं चूचुकाकृति||२६||
🔊 Audio coming soon
Adhikarana alAbuyantram (27) · Śloka 27
স্যাদ্বাদশাঙ্গুলোঽলাবুর্নাহে ত্বষ্টাদশাঙ্গুলঃ| চতুস্ত্র্যঙ্গুলবৃত্তাস্যো দীপ্তোঽন্তঃ শ্লেষ্মরক্তহৃত্||২৭||
स्याद्वादशाङ्गुलोऽलाबुर्नाहे त्वष्टादशाङ्गुलः| चतुस्त्र्यङ्गुलवृत्तास्यो दीप्तोऽन्तः श्लेष्मरक्तहृत्||२७||
🔊 Audio coming soon
Adhikarana ghaThIyantram (28) · Śloka 28
তদ্বদ্ঘটী হিতা গুল্মবিলযোন্নমনে চ সা| |২৮|
तद्वद्घटी हिता गुल्मविलयोन्नमने च सा| |२८|
🔊 Audio coming soon
Adhikarana shalAkAyantrANi (28-29) · Śloka 29
| শলাকাখ্যানি যন্ত্রাণি নানাকর্মাকৃতীনি চ||২৮|| যথাযোগপ্রমাণানি| |২৯|
| शलाकाख्यानि यन्त्राणि नानाकर्माकृतीनि च||२८|| यथायोगप्रमाणानि| |२९|
🔊 Audio coming soon
Adhikarana eShiNyau shalAke (29) · Śloka 29
তেষামেষণকর্মণী| উভে গণ্ডূপদমুখে|২৯|
तेषामेषणकर्मणी| उभे गण्डूपदमुखे|२९|
🔊 Audio coming soon
Adhikarana shalyahAriNyau shalAke (29-30) · Śloka 30
| স্রোতোভ্যঃ শল্যহারিণী||২৯|| মসূরদলবক্ত্রে দ্বে স্যাতামষ্টনবাঙ্গুলে| |৩০|
| स्रोतोभ्यः शल्यहारिणी||२९|| मसूरदलवक्त्रे द्वे स्यातामष्टनवाङ्गुले| |३०|
🔊 Audio coming soon
Adhikarana sha~gkavaH (30) · Śloka 30
| শঙ্কবঃ ষট্|৩০|
| शङ्कवः षट्|३०|
🔊 Audio coming soon
Adhikarana vyUhanau sha~gkU (30-31) · Śloka 31
| উভৌ তেষাং ষোডশদ্বাদশাঙ্গুলৌ||৩০|| ব্যূহনেঽহিফাণাবক্ত্রৌ| |৩১|
| उभौ तेषां षोडशद्वादशाङ्गुलौ||३०|| व्यूहनेऽहिफाणावक्त्रौ| |३१|
🔊 Audio coming soon
Adhikarana cAlanau sha~gku (31) · Śloka 31
দ্বৌ দশদ্বাদশাঙ্গুলৌ| চালনে শরপুঙ্খাস্যৌ|৩১|
द्वौ दशद्वादशाङ्गुलौ| चालने शरपुङ्खास्यौ|३१|
🔊 Audio coming soon
Adhikarana AharaNau sha~gkU (31) · Śloka 31
| আহার্যে বডিশাকৃতী||৩১||
| आहार्ये बडिशाकृती||३१||
🔊 Audio coming soon
Adhikarana garbhasha~gkU (32) · Śloka 32
নতোঽগ্রে শঙ্কুনা তুল্যো গর্ভশঙ্কুরিতি স্মৃতঃ| আষ্টাঙ্গুলাযতস্তেন মূঢগর্ভং হরেত্ স্ত্রিযাঃ||৩২||
नतोऽग्रे शङ्कुना तुल्यो गर्भशङ्कुरिति स्मृतः| आष्टाङ्गुलायतस्तेन मूढगर्भं हरेत् स्त्रियाः||३२||
🔊 Audio coming soon
Adhikarana dantapAtanam (33) · Śloka 33
অশ্মর্যাহরণং সর্পফাণাবদ্বক্ত্রমগ্রতঃ| |৩৩|
अश्मर्याहरणं सर्पफाणावद्वक्त्रमग्रतः| |३३|
🔊 Audio coming soon
Adhikarana pramArjanyaH shalAkAH (33-34) · Śloka 34
| শরপুঙ্খমুখং দন্তপাতনং চতুরঙ্গুলম্||৩৩|| কার্পাসবিহিতোষ্ণীষাঃ শলাকাঃ ষট্ প্রমার্জনে| |৩৪|
| शरपुङ्खमुखं दन्तपातनं चतुरङ्गुलम्||३३|| कार्पासविहितोष्णीषाः शलाकाः षट् प्रमार्जने| |३४|
🔊 Audio coming soon
Adhikarana pAyupramArjanyau shalAke (34) · Śloka 34
| পাযাবাসন্নদূরার্থে দ্বে দশদ্বাদশাঙ্গুলে||৩৪||
| पायावासन्नदूरार्थे द्वे दशद्वादशाङ्गुले||३४||
🔊 Audio coming soon
Adhikarana ghrANapramArjanyau shalAke,karNapramArjanyau shalAke (35) · Śloka 35
দ্বে ষট্সপ্তাঙ্গুলে ঘ্রাণে, দ্বে কর্ণেঽষ্টনবাঙুলে| |৩৫|
द्वे षट्सप्ताङ्गुले घ्राणे, द्वे कर्णेऽष्टनवाङुले| |३५|
🔊 Audio coming soon
Adhikarana karNashodhanam (35) · Śloka 35
| কর্ণশোধনমশ্বত্থপত্রপ্রান্তং স্রুবাননম্||৩৫||
| कर्णशोधनमश्वत्थपत्रप्रान्तं स्रुवाननम्||३५||
🔊 Audio coming soon
Adhikarana kShArAgniprayogArthaM tisraH shalakAstrINi ca jAmbavauShThAni (36) · Śloka 36
শলাকাজাম্ববৌষ্ঠানাং ক্ষারেঽগ্নৌ চ পৃথক্ ত্রযম্| যুঞ্জ্যাত্ স্থূলাণুদীর্ঘাণাং|৩৬|
शलाकाजाम्बवौष्ठानां क्षारेऽग्नौ च पृथक् त्रयम्| युञ्ज्यात् स्थूलाणुदीर्घाणां|३६|
🔊 Audio coming soon
Adhikarana annavRuddhidAhArthaM shalAkA (36-37) · Śloka 37
| শলাকামন্ত্রবর্ধ্মনি||৩৬|| মধ্যোর্ধ্ববৃত্তদণ্ডাং চ মূলে চার্ধেন্দুসন্নিভাম্| |৩৭|
| शलाकामन्त्रवर्ध्मनि||३६|| मध्योर्ध्ववृत्तदण्डां च मूले चार्धेन्दुसन्निभाम्| |३७|
🔊 Audio coming soon
Adhikarana nAsArshorbudadAhArthaM shalAkA (37) · Śloka 37
| কোলাস্থিদলতুল্যাস্যা নাসার্শোর্বুদদাহকৃত্||৩৭||
| कोलास्थिदलतुल्यास्या नासार्शोर्बुददाहकृत्||३७||
🔊 Audio coming soon
Adhikarana darvyAkhyAstistraH shalAkAH (38) · Śloka 38
অষ্টাঙ্গুলা নিম্নমুখাস্তিস্রঃ ক্ষারৌষধক্রমে| কনীনীমধ্যমানামীনখমানসমৈর্মুখৈঃ||৩৮||
अष्टाङ्गुला निम्नमुखास्तिस्रः क्षारौषधक्रमे| कनीनीमध्यमानामीनखमानसमैर्मुखैः||३८||
🔊 Audio coming soon
Adhikarana meDhrashodhanAdyAH shalAkAH (39) · Śloka 39
স্বংস্বমুক্তানি যন্ত্রাণি মেঢ্রশুদ্ধ্যঞ্জনাদিষু| |৩৯|
स्वंस्वमुक्तानि यन्त्राणि मेढ्रशुद्ध्यञ्जनादिषु| |३९|
🔊 Audio coming soon
Adhikarana anuyantrANi, anuyantrakarmANi (39-40.5) · Śloka 40
| অনুযন্ত্রাণ্যযস্কান্তরজ্জুবস্ত্রাশ্মমুদ্গরাঃ||৩৯|| বধ্রান্ত্রজিহ্বাবালাশ্চ শাখানখমুখদ্বিজাঃ| কালঃ পাকঃ করঃ পাদো ভযং হর্ষশ্চ, তত্ক্রিযাঃ||৪০|| উপাযবিত্প্রবিভজেদালোচ্য নিপুণং ধিযা||৪০.৫||
| अनुयन्त्राण्ययस्कान्तरज्जुवस्त्राश्ममुद्गराः||३९|| वध्रान्त्रजिह्वाबालाश्च शाखानखमुखद्विजाः| कालः पाकः करः पादो भयं हर्षश्च, तत्क्रियाः||४०|| उपायवित्प्रविभजेदालोच्य निपुणं धिया||४०.५||
🔊 Audio coming soon
Adhikarana yantrakarmANi (41.5) · Śloka
তান্যেব যন্ত্রাণাং কর্মাণ্যাহ নির্ঘাতনোন্মথনপূরণমার্গশুদ্ধি- সংব্যূহনাহরণবন্ধনপীডনানি| আচূষণোন্নমননামনচালভঙ্গ- ব্যাবর্তনর্জুকরণানি চ যন্ত্রকর্ম||৪১.৫||
तान्येव यन्त्राणां कर्माण्याह निर्घातनोन्मथनपूरणमार्गशुद्धि- संव्यूहनाहरणबन्धनपीडनानि| आचूषणोन्नमननामनचालभङ्ग- व्यावर्तनर्जुकरणानि च यन्त्रकर्म||४१.५||
🔊 Audio coming soon
Adhikarana yantreShu ka~gkamukhasya prAdhAnyam (25) · Śloka 25
বিবর্ততে সাধ্ববগাহতে চ গ্রাহ্যং গৃহীত্বোদ্ধরতে চ যস্মাত্| যন্ত্রেষ্বতঃ কঙ্কমুখং প্রধানং স্থানেষু সর্বেষ্বধিকারি যচ্চ| ৪২ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে যন্ত্রবিধির্নাম পঞ্চবিংশতিতমোঽধ্যাযঃ||২৫||
विवर्तते साध्ववगाहते च ग्राह्यं गृहीत्वोद्धरते च यस्मात्| यन्त्रेष्वतः कङ्कमुखं प्रधानं स्थानेषु सर्वेष्वधिकारि यच्च| ४२ १/२| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां सूत्रस्थाने यन्त्रविधिर्नाम पञ्चविंशतितमोऽध्यायः||२५||
🔊 Audio coming soon