2. bālāmayapratiśēdhādhyāyaḥ

Adhikarana bAlAmayapratiShedhAdhyAyaH bAlastrividhaH (2-1) · Śloka 1

অথাতো বালামযপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসূত্রে|২| ত্রিবিধঃ কথিতো বালঃ ক্ষীরান্নোভযবর্তনঃ| স্বাস্থ্যং তাভ্যামদুষ্টাভ্যাং দুষ্টাভ্যাং রোগসম্ভবঃ|১|

অস্মাদনন্তরং বালস্যোপচর্যমাণস্য যে রোগাস্তচ্চিকিত্সার্থো বালামযপ্রতিষেধ উচ্যতে- স০-বালস্ত্রিপ্রকারঃ কথিতো মুনিভিঃ| ক্ষীরবর্তনোঽন্নবর্তন উভযবর্তনঃ-ক্ষীরান্নাভ্যাং যো বর্ততে| তাভ্যাং-অন্নক্ষীরাভ্যাং, অদুষ্টাভ্যাং স্বাস্থ্যং ভবতি| দুষ্টাভ্যাং তু ক্ষীরান্নাভ্যাং রোগোদ্ভূতিঃ| শুদ্ধং ক্ষীরং লক্ষযতি|

Adhikarana bAlAmayapratiShedhAdhyAyaH bAlastrividhaH (2-1) · Śloka 1

শুদ্ধং ক্ষীরং লক্ষযতি অথাতো বালামযপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসূত্রে|২| ত্রিবিধঃ কথিতো বালঃ ক্ষীরান্নোভযবর্তনঃ| স্বাস্থ্যং তাভ্যামদুষ্টাভ্যাং দুষ্টাভ্যাং রোগসম্ভবঃ||১||

অস্মাদনন্তরং বালস্যোপচর্যমাণস্য যে রোগাস্তচ্চিকিত্সার্থো বালামযপ্রতিষেধ উচ্যতে- স০-বালস্ত্রিপ্রকারঃ কথিতো মুনিভিঃ| ক্ষীরবর্তনোঽন্নবর্তন উভযবর্তনঃ-ক্ষীরান্নাভ্যাং যো বর্ততে| তাভ্যাং-অন্নক্ষীরাভ্যাং, অদুষ্টাভ্যাং স্বাস্থ্যং ভবতি| দুষ্টাভ্যাং তু ক্ষীরান্নাভ্যাং রোগোদ্ভূতিঃ|

Adhikarana vAtaduShTastanyasya lakShaNam (2-3) · Śloka 3

| বাতাদ্দুষ্টং তু প্লবতেঽম্ভসি||২|| কষাযং ফেনিলং রূক্ষং বর্চোমূত্রবিবন্ধকৃত্| |৩|

স০-বাতদুষ্টং ক্ষীরং জলে প্লবতে-তরতীব নৈকতাং গচ্ছতি| কষাযাদিগুণযুক্তং চ স্যাত্|

Adhikarana pittaduShTasya lakShaNam (3) · Śloka 3

| পিত্তাদুষ্ণাম্লকটুকং পীতরাজ্যপ্সু দাহকৃত্||৩||

স০-পিত্তাদ্দুষ্টং ক্ষীরমুষ্ণাম্লকটুকম্, তথা তোযে প্রক্ষিপ্তং পীতরাজি স্যাত্ দাহকরং চ|

Adhikarana kaphaduShTasya lakShaNam (4) · Śloka 4

কফাত্সলবণং সান্দ্রং জলে মজ্জতি পিচ্ছিলম্| |৪|

স০-কফাত্ ক্ষীরং দুষ্টং সলবণং ঘনং চ স্যাত্| অপ্সু চ মজ্জতি|

Adhikarana dvidoShaduShTasya lakShaNam tridoShaduShTasya lakShaNam tattadduShTaM stanyaM yathAsvaM vyAdhijanakam (4-5) · Śloka 5

| সংসৃষ্টলিঙ্গং সংসর্গাত্ত্রিলিঙ্গং সান্নিপাতিকম্||৪|| যথাস্বলিঙ্গাংস্তদ্ব্যাধীন্ জনযত্যুপযোজিতম্| |৫|

স০-সংসর্গাদ্ দুষ্টং ক্ষীরং সংসৃষ্টলিঙ্গং স্যাত্| সান্নিপাতিকং ক্ষীরং ত্রিলিঙ্গং স্যাত্| স০-তচ্চ ক্ষীরমুপযোজিতং বালস্য চ যথাস্বলিঙ্গান্ ব্যাধীন্ জনযতি|

Adhikarana rodanAt pIDAj~jAnam (5) · Śloka 5

| শিশোস্তীক্ষ্ণমভীক্ষ্ণং চ রোদনাল্লক্ষযেদ্রুজম্||৫||

স০-বালস্য তীক্ষ্ণং-খরং, অভীক্ষ্ণং চ রুজং-পীডাং, রোদনাল্লক্ষযেত্,- অতিরোদনেন কিঞ্চিদ্রোদনেন চ যথাযোগং রুজং বিদ্যাদিত্যর্থঃ|

Adhikarana pIDAsthAnaj~jAnam (6) · Śloka 6

স যং স্পৃশেদ্ভৃশং দেশং যত্র চ স্পর্শনাক্ষমঃ| তত্র বিদ্যাদ্রুজং|৬|

স০-যং দেহদেশং স ভৃশং স্পৃশেত্ যত্র চ দেহদেশে স্পর্শনাক্ষমঃ স্যাত্ তত্র দেশে রুজং বিদ্যাত্|

Adhikarana mUrdhAdau pIDAj~jAnam (6-8) · Śloka 8

| মূর্ধ্নি রুজং চাক্ষিনিমীলনাত্||৬|| হৃদি জিহ্বৌষ্ঠদশনশ্বাসমুষ্টিনিপীডনৈঃ| কোষ্ঠে বিবন্ধবমথুস্তনদংশান্ত্রকূজনৈঃ||৭|| আধ্মানপৃষ্ঠনমনজঠরোন্নমনৈরপি| বস্তৌ গুহ্যে চ বিণ্মূত্রসঙ্গোত্ত্রাসদিগীক্ষণৈঃ||৮||

স০-শিরসি পীডামক্ষিনিমীলনাদ্বিদ্যাত্| বিনাশহেতুমত এব জিহ্বৌষ্ঠদশনাদিভির্হৃদি পীডাং বিদ্যাত্| বিবন্ধাদিভিরাধ্মানাদিভিশ্চ কোষ্ঠে রুজং বিদ্যাত্| বস্তৌ গুহ্যে চ পীডাং বিট্সঙ্গাদিভির্বিদ্যাত্|

Adhikarana dhAtryAScikitsitam (9) · Śloka 9

অথ ধাত্র্যাঃ ক্রিযাং কুর্যাদ্যথাদোষং যথামযম্| |৯|

স০-অথ-অনন্তরং, এবং জ্ঞাত্বা ধাত্র্যা বৈদ্যো যথাদোষং যথারোগং ক্রিযাং কুর্যাত্|

Adhikarana vAtaduShTe stanye daSamUlAdi (9-10) · Śloka 10

| তত্র বাতাত্মকে স্তন্যে দশমূলং ত্র্যহং পিবেত্||৯|| অথবাঽগ্নিবচাপাঠাকটুকাকুষ্ঠদীপ্যকম্| সভার্গীদারুসরলবৃশ্চিকালীকণোষণম্||১০||

স০-তত্র-তেষু, বাতেন দুষ্টে স্তন্যে ত্রীণি দিনানি দশমূলং পিবেত্| অথবা চিত্রকাদীনি ক্বথিতানি ত্র্যহং পিবেত্|

Adhikarana vAtaduShTe vAtavyAdhiharaM ghRutAdi (11-12) · Śloka 12

ততঃ পিবেদন্যতমং বাতব্যাধিহরং ঘৃতম্| অনু চাচ্ছসুরামেবং স্নিগ্ধাং মৃদু বিরেচযেত্||১১|| বস্তিকর্ম ততঃ কুর্যাত্স্বেদাদীংশ্চানিলাপহান্| |১২|

স০-অনন্তরং বাতব্যাধিচিকিত্সিতোক্তং ঘৃতং পিবেত্| পশ্চাদচ্ছসুরাং পিবেত্| এবং স্নিগ্ধাং সতীং মৃদু বিরেচযেত্-আরগ্বধেন| অনন্তরং বস্তিকর্ম কুর্যাত্| স্বেদাদীংশ্চ মারুতাপহান্| আদিশব্দেনাভ্যঙ্গাদের্গ্রহঃ|

Adhikarana vAtaduShTe bAlArthaM rAsnAdighRutam (12-13) · Śloka 13

| রাস্নাজমোদাসরলদেবদারুরজোন্বিতম্||১২|| বালো লিহ্যাদ্ ঘৃতং তৈর্বা বিপক্বং সসিতোপলম্| |১৩|

স০-রাস্নাদিচূর্ণান্বিতং শিশুঃ সর্পির্লিহ্যাত্| অথবা তৈঃ সিদ্ধং সশর্করং ঘৃতং লিহ্যাত্|

Adhikarana pittaduShTe stanye bAladhAtryoramRutAdikvAthAH ghRutAdIni ca (13-16) · Śloka 16

| পিত্তদুষ্টেঽমৃতাভীরুপটোলীনিম্বচন্দনম্||১৩|| ধাত্রী কুমারশ্চ পিবেত্ ক্বাথযিত্বা সসারিবম্| অথবা ত্রিফলামুস্তভূনিম্বকটুরোহিণীঃ||১৪|| সারিবাদিং পটোলাদিং পদ্মকাদিং তথা গণম্| ঘৃতান্যেভিশ্চ সিদ্ধানি পিত্তঘ্নং চ বিরেচনম্||১৫|| শীতাংশ্চাভ্যঙ্গলেপাদীন্ যুঞ্জ্যাত্| |১৬|

স০-পিত্তদুষ্টে গুডূচ্যাদীনি ক্বাথযিত্বা বালঃ পিবেত্ ধাত্রী চ| অথবা ত্রিফলাদীন্ পিবেত্| অথবা সারিবাদিগণং(গণাদ্যন্যতমং) পিবেত্ সং-অথবা সারিবাদিভির্গণৈঃ পৃথক্ পৃথক্ সিদ্ধানি ঘৃতানি লিহ্যাত্| বিরেচনদ্রব্যং চ পিত্তঘ্নং কুর্যা(যুঞ্জ্যা)ত্| অভ্যঙ্গাদীংশ্চ শীতান্ যুঞ্জ্যাত্|

Adhikarana SleShmaduShTe stanye yaShTyAdi ghRutam SleShmaduShTe stanayorubhayoroShThayoScalepaH (16-18) · Śloka 18

শ্লেষ্মাত্মকে পুনঃ| যষ্ট্যাহ্বসৈন্ধবযুতং কুমারং পাযযেদ্ ঘৃতম্||১৬|| সিন্ধূত্থপিপ্পলীমদ্বা, পিষ্টৈঃ, ক্ষৌদ্রযুতৈরথ| রাঠপুষ্পৈঃ স্তনৌ লিম্পেচ্ছিশোশ্চ দশনচ্ছদৌ||১৭|| সুখমেবং বমেদ্বালঃ| |১৮|

স০-শ্লেষ্মদুষ্টে স্তন্যে মধুযষ্টীসৈন্ধবযুক্তং ঘৃতং বালং পাযযেত্| সৈন্ধবপিপ্পলিযুক্তং ঘৃতং বা পাযযেত্| মদনকুসুমৈর্মাক্ষিকযুক্তৈঃ স্তনৌ লিম্পেত্| বালস্য চোষ্ঠৌ লিম্পেত্| এবং কৃতে সতি বালঃ সুখং বমেত্|

Adhikarana SleShmaduShTe dhAtryA vamanAdi (18) · Śloka 18

তীক্ষ্ণৈর্ধাত্রীং তু বামযেত্| |১৮|

স০-ধাত্রীং তীক্ষ্ণৈর্বমনৈর্বামযেত্|

Adhikarana tridoShaduShTe stanye kShIrAlasakarogotpattiH (18-19) · Śloka 19

| অথাচরিতসংসর্গী মুস্তাদিং ক্বথিতং পিবেত্||১৮|| তদ্বত্তগরপৃথ্বীকাসুরদারুকলিঙ্গকান্| অথবাঽতিবিষামুস্তষড্গ্রন্থাপঞ্চকোলকম্||১৯||

স০-অনন্তরং কৃতে সংসর্গে সতি মুস্তাদিং ক্বথিতং পিবেত্| তগরাদীন্ বা অতিবিষাদীন্ বা পিবেত্|

Adhikarana tridoShaduShTe dhAtrIbAlayorvamanam (20-23) · Śloka 23

স্তন্যে ত্রিদোষমলিনে দুর্গন্ধ্যামং জলোপমম্| বিবদ্ধমচ্ছং বিচ্ছিন্নং ফেনিলং চোপবেশ্যতে||২০|| শকৃন্নানাব্যথাবর্ণং, মূত্রং পীতং সিতং ঘনম্| জ্বরারোচকতৃট্ছর্দিশুষ্কোদ্গারবিজৃম্ভিকাঃ||২১|| অঙ্গভঙ্গোঽঙ্গবিক্ষেপঃ কূজনং বেপথুর্ভ্রমঃ| ঘ্রাণাক্ষিমুখপাকাদ্যা জাযন্তেঽন্যেঽপি তং গদম্||২২|| ক্ষীরালসকমিত্যাহুরত্যযং চাতিদারুণম্ তত্রাশু ধাত্রীং বালং চ বমনেনোপপাদযেত্||২৩||

স০-ত্রিদোষদুষ্টে স্তন্যে দুর্গন্ধ্যাদিগুণং শকৃদুপবেশ্যতে, তথা নানাব্যথাবর্ণম্| মূত্রং চ পীতং সিতং ঘনং-স্ত্যানং, চ স্যাত্| তথা জ্বরাদযঃ, অন্যেঽপি-এবংপ্রকারা রোগাঃ, জাযন্তে| তং-ঈদৃশং, গদং ক্ষীরালসকমিতি কথযন্তি| অত্যযং-বিনাশহেতুম্, অত এবাতিদারুণম্ স০-তত্র-ক্ষীরালসকে, শীঘ্রমেব ধাত্রীং বালং চ বমনেনোপক্রমেত্|

Adhikarana tridoShaduShTe tato vacAdigaNAdyauShadham (24) · Śloka 24

বিহিতাযাং চ সংসর্গ্যাং বচাদিং যোজযেদ্গণম্| নিশাদিং বাঽথবা মাদ্রীপাঠাতিক্তাঘনামযান্||২৪||

স০-[ বিহিতাযাং ] সংসর্গ্যাং-পেযাদিকে ক্রমে কৃতে, বচাদিং নিশাদিং বা গণং প্রযোজযেত্| মাদ্র্যাদীন্ বা যোজযেত্|

Adhikarana stanyadoShaharAH pATAdayaH (25) · Śloka 25

পাঠাশুণ্ঠ্যমৃতাতিক্ততিক্তাদেবাহ্বসারিবাঃ| সমুস্তমূর্বেন্দ্রযবাঃ স্তন্যদোষহরাঃ পরম্||২৫||

স০-পাঠাদয উপযুক্তাঃ পরং স্তন্যদোষহরাঃ| তিক্তঃ কিরাততিক্তঃ|

Adhikarana anubandhe yathArogaM cikitsitam (26) · Śloka 26

অনুবন্ধে যথাব্যাধি প্রতিকুর্বীত কালবিত্| |২৬|

স০-অনুবন্ধে তু সতি যথারোগং চিকিত্সিতং কুর্যাদ্বৈদ্যঃ|

Adhikarana dantodbhedo sarvarogANAM hetuH (26-27) · Śloka 27

| দন্তোদ্ভেদশ্চ রোগাণাং সর্বেষামপি কারণম্||২৬|| বিশেষাজ্জবরবিড্ভেদকাসচ্ছর্দিশিরোরুজাম্| অভিষ্যন্দস্য পোথক্যা বিসর্পস্য চ জাযতে||২৭||

স০-রোগাণাং চ সর্বেষামপি দন্তোদ্ভেদো হেতুর্জাযতে| বিশেষেণ জ্বরাদীনাং তু হেতুঃ সম্পদ্যতে|

Adhikarana tatra yathAdoShaM cikitsitam (28-29) · Śloka 29

পৃষ্ঠভঙ্গে বিডালানাং বর্হিণাং চ শিখোদ্গমে| দন্তোদ্ভেদে চ বালানাং ন হি কিঞ্চিন্ন দূযতে||২৮|| যথাদোষং যথারোগং যথোদ্রেকং যথাভযম্| বিভজ্য দেশকালাদীংস্তত্র যোজ্যং ভিষগ্জিতম্||২৯||

স০-মার্জারাণাং পৃষ্ঠভঙ্গে সতি, মযূরাণাং চ শিকোদ্ভবে সতি, দন্তোত্থানে চ শিশূনাং, ননেতি দ্বৌ প্রতিষেধৌ প্রকৃতমর্থং গমযতঃ, তেন সর্বং বপুর্বালস্যোত্তপ্তং ভবেত্| ন কিঞ্চিন্ন দূযতে,- অপি তু সর্বাণ্যেবাঙ্গানি পীড্যন্ত ইত্যর্থঃ| স০-তত্র দোষানুসারেণ তথা দোষাদিক্যানুরোধেন তথা রোগানুসারেণ চ দেশকালসত্ত্বসাত্ম্যপ্রকৃতীর্নিরূপ্যাউষধং প্রযোজযেত্|

Adhikarana bAle~alpA bheShajamAtrA (30-31) · Śloka 31

ত এব দোষা দূষ্যাশ্চ জ্বরাদ্যা ব্যাধযশ্চ যত্| অতস্তদেব ভৈষজ্যং মাত্রা ত্বস্য কনীযসী||৩০|| সৌকুমার্যাল্পকাযত্বাত্ সর্বান্নানুপসেবনাত্| |৩১|

স০-যত্-যস্মাত্, ত এব বাতাদযো দোষাঃ, ত এব রসাদযো দূষ্যাঃ, জ্বরাদযশ্চ রোগাঃ পূর্বোক্তাস্ত এব, তস্মাত্ তদেব পূর্বোক্তং ভৈষজ্যম্| অস্য তু-বালস্য, মাত্রা কনীযসী| কুতোঽস্য হ্রস্বতরা মাত্রা ? ইত্যাহ-সৌকুমার্যেত্যাদি|

Adhikarana bAle mRuduvamanam (31-32) · Śloka 32

| স্নিগ্ধা এব সদা বালা ঘৃতক্ষীরনিষেবণাত্||৩১|| সদ্যস্তান্ বমনং তস্মাত্ পাযযেন্মতিমান্ মৃদু| |৩২|

স০-শিশবঃ সর্বদৈব স্নিগ্ধাঃ| কুতঃ ? ঘৃতক্ষীরনিষেবণাত্| যতশ্চৈবং তস্মাত্ তান্-বালান্, সদ্যো বমনং মৃদু ধীমান্ পাযযেত্|

Adhikarana bAle vamanApUrvaM stanyAdinA tRuptiH (32-33) · Śloka 33

| স্তন্যস্য তৃপ্তং বমযেত্ ক্ষীরক্ষীরান্নসেবিনম্||৩২|| পীতবন্তং তনুং পেযামন্নাদং ঘৃতসংযুতাম্| |৩৩|

স০-ক্ষীরসেবিনং তথা ক্ষীরান্নসেবিনং বালং স্তন্যস্য তৃপ্তং সন্তং বামযেত্| স্তন্যস্য তৃপ্তমিতি "অধিকরণবাচিনশ্চ" ইতি ষষ্ঠী| বা(ব)মযেদিতি "গ্লাস্নাবনুবমাং চ" ইতি মিত্ত্ববিকল্পঃ স০-অন্নাদং বালং তনুং-অঘনাং, পেযাং সসর্পিষ্কাং পীতবন্তং বামযেত্|

Adhikarana bAle virekAdisAdhye bastyAdi (33-34) · Śloka 34

| বস্তিং সাধ্যে বিরেকেণ, মর্শেন প্রতিমর্শনম্||৩৩|| যুঞ্জযাদ্বিরেচনাদীংস্তু ধাত্র্যা এব যথোদিতান্| |৩৪|

স০-বিরেকেণ সাধ্যে রোগে বস্তিং যুঞ্জযাত্| মর্শেন সাধ্যে রোগে প্রতিমর্শং যুঞ্জ্যাত্| বিরেচনাদীন্ পুনর্যথোদিতান্ ধাত্র্যা এব যুঞ্জ্যাত্|

Adhikarana stanyadoShaharA mUrvAdayaH (34-35) · Śloka 35

| মূর্বাব্যোষবরাকোলজম্বূত্বক্দারুসর্ষপাঃ||৩৪|| সপাঠা মধুনা লীঢাঃ স্তন্যদোষহরাঃ পরম্| |৩৫|

স০-মূর্বাদযো মধুনা লীঢাঃ সুষ্ঠু স্তন্যদোষহরাঃ|

Adhikarana dantapAlyAH pippalyAdi pratisAraNam (35-36) · Śloka 36

| দন্তপালীং সমধুনা চূর্ণেন প্রতিসারযেত্||৩৫|| পিপ্পল্যা ধাতকীপুষ্পধাত্রীফলকৃতেন বা| |৩৬|

স০-শিশোর্দন্তপালীং পিপ্পল্যাশ্চূর্ণেন সমাক্ষিকেণ প্রতিসারযেত্| অথবা ধাতকীপুষ্পাদিকৃতেন চূর্ণেন প্রতিসারযেত্|

Adhikarana dantodbhave lAvAdirajaH (36-37) · Śloka 37

| লাবতিত্তিরিবল্লূররজঃ পুষ্পরসদ্রুতম্||৩৬|| দ্রুতং করোতি বালানাং দন্তকেসরবন্মুখম্| |৩৭|

স০-লাবাদিচূর্ণং মাক্ষিকদ্রবীকৃতমুপযুক্তং শিশূনাং শীঘ্রং দন্তকেসরবন্মুখং করোতি| দন্তা এব কেসরং তত্ (রাণি তানি) বিদ্যতে(ন্তে) যস্মিন্নিতি মতুপ্|

Adhikarana dantodbhave vacAdighRutam (37-38) · Śloka 38

| বচাদ্বিবৃহতীপাঠাকটুকাতিবিষাঘনৈঃ||৩৭|| মধুরৈশ্চ ঘৃতং সিদ্ধং সিদ্ধং দশনজন্মনি| |৩৮|

স০-বচাদিভিঃ পক্বং ঘৃতং দন্তোত্থানে সিদ্ধম্,- অব্যাহতশক্তিত্বাত্|

Adhikarana dantodbhave bAlasarvaroge rajanyAdicUrNam (38-40) · Śloka 40

| রজনীদারুসরলশ্রেযসীবৃহতীদ্বযম্||৩৮|| পৃশ্নিপর্ণী শতাহ্বা চ লীঢং মাক্ষিকসর্পিষা| গ্রহণীদীপনং শ্রেষ্ঠং মারুতস্যানুলোমনম্||৩৯|| অতীসারজ্বরশ্বাসকামলাপাণ্ডুকাসনুত্| বালস্য সর্বরোগেষু পূজিতং বলবর্ণদং||৪০||

স০-রজন্যাদিচূর্ণং মাক্ষিকযুক্তেন সর্পিষা লীঢং গ্রহণ্যা দীপনং সুষ্ঠু বাতস্য চানুলোমনম্| তথাঽতীসারাদিজিত্| বালস্য সর্বামযেষু হিতং বলবর্ণদং চ|

Adhikarana dantodbhave sama~ggAdighRutam (41-43) · Śloka 43

সমঙ্গাধাতকীরোধ্রকুটন্নটবলাদ্বযৈঃ| মহাসহাক্ষুদ্রসহামুদ্গবিল্বশলাটুভিঃ||৪১|| সকার্পাসীফলৈস্তোযে সাধিতৈঃ সাধিতং ঘৃতম্| ক্ষীরমস্তুযুতং হন্তি শীঘ্রং দন্তোদ্ভবোদ্ভবান্||৪২|| বিবিধানামযানেতদ্বৃদ্ধকাশ্যপনির্মিতম্| |৪৩|

স০-সমঙ্গাদিভিঃ সামান্যপরিভাষযা তোযে সাধিতং ঘৃতং ক্ষীরমস্তুযুতং পক্বং দন্তোত্থান্ রোগাননেকপ্রকারান্ হন্তি| এতচ্চ বৃদ্ধকাশ্যপেন নির্মিতম্|

Adhikarana dantodbhave nAtiyantraNam (43-44) · Śloka 44

| দন্তোদ্ভবেষু রোগেষু ন বালমতিযন্ত্রযেত্||৪৩|| স্বযমপ্যুপশাম্যন্তি জাতদন্তস্য যদ্গদাঃ| |৪৪|

স০-দন্তোদ্ভবেষু রোগেষু বালং নাতীব যন্ত্রযেত্-পথ্যভোজনাদিনা নাতীব নিযমযেত্, যথাঽন্যরোগিণম্| কিম্ ? ইত্যাহ-যত্-যস্মাত্, স্বযমেব(মপি)-চিকিত্সামন্তরেণাপি, জাতদন্তস্য সতো বালস্য রোগাঃ প্রশাম্যন্তি|

Adhikarana SiSorarocakAdayo rogAH SuShkatvaM ca (44-46) · Śloka 46

| অত্যহঃস্বপ্নশীতাম্বুশ্লৈষ্মিকস্তন্যসেবিনঃ||৪৪|| শিশোঃ কফেন রুদ্ধেষু স্রোতঃসু রসবাহিষু| অরোচকঃ প্রতিশ্যাযো জ্বরঃ কাসশ্চ জাযতে||৪৫|| কুমারঃ শুষ্যতি ততঃ স্নিগ্ধশুক্লমুখেক্ষণঃ| |৪৬|

স০-ভৃশং দিবাস্বপ্নাদিসেবিনোঽর্ভকস্য কফেন রসবাহিষু স্রোতঃসু রুদ্ধেষু সত্সু অরোচকাদযঃ প্রাদুর্ভবন্তি| ততঃ-তেষু জাতেষু, কুমারঃ শুষ্যতি| স্নিগ্ধং শুক্লং বদননযনং যস্য স এবংভূতঃ সন্|

Adhikarana tatra saindhavAdicUrNam (46-47) · Śloka 47

| সৈন্ধবব্যোষশার্ঙ্গেষ্টাপাঠাগিরিকদম্বকান্||৪৬|| শুষ্যতো মধুসর্পির্ভ্যামরুচ্যাদিষু যোজযেত্| ||৪৭||

স০-তস্যারোচকাদিষু সৈন্ধবাদীন্ সমধুঘৃতান্ যোজযেত্|

Adhikarana tatra pa~jcakolAdicUrNam (47-48) · Śloka 48

| অশোকরোহিণীযুক্তং পঞ্চকোলং চ চূর্ণিতম্||৪৭|| বদরীধাতকীধাত্রীচূর্ণং বা সর্পিষা দ্রুতম্| |৪৮|

স০-তথা পঞ্চকোলং রজীকৃতমশোককটুকাভ্যাং যুক্তং যোজযেত্| অথবা বদর্যাদিচূর্ণং সর্পিষা দ্রবীকৃতং যোজযেত্|

Adhikarana tatra badaryAdicUrNam tatra sthirAdighRutaM srotaHSodhanam (48-50) · Śloka 50

| স্থিরাবচাদ্বিবৃহতীকাকোলীপিপ্পলীনতৈঃ||৪৮|| নিচুলোত্পলবর্ষাভূভার্গীমুস্তৈশ্চ কার্ষিকৈঃ| সিদ্ধং প্রস্থার্ধমাজ্যস্য স্রোতসাং শোধনং পরম্||৪৯|| সিম্হ্যশ্বগন্ধাসুরসাকণাগর্ভং চ তদ্গুণম্| |৫০|

স০-স্থিরাদিভিঃ কার্ষিকৈর্ঘৃতস্য প্রস্থার্ধং সিদ্ধং পরং স্রোতসাং বিশোধনম্| স০-সিম্হ্যাদিভির্ঘৃতং পূর্বগুণম্|

Adhikarana tatra yaShTyAdighRutaM shoShajit (50-51) · Śloka 51

| যষ্ট্যাহ্বপিপ্পলীরোধ্রপদ্মকোত্পলচন্দনৈঃ||৫০|| তালীসসারিবাভ্যাং চ সাধিতং শোষজিদ্ঘৃতম্| |৫১|

স০-মধুযষ্টিকাদিভিঃ সাধিতং সর্পিঃ শোষজিত্|

Adhikarana tatra SRu~ggyAdighRutaM puShTikRut (51-53) · Śloka 53

| শৃঙ্গীমধূলিকাভার্গীপিপ্পলীদেবদারুভিঃ||৫১|| অশ্বগন্ধাদ্বিকাকোলীরাস্নর্ষভকজীবকৈঃ| শূর্পপর্ণীবিডঙ্গৈশ্চ কল্কিতৈঃ সাধিতং ঘৃতম্||৫২|| শশোত্তমাঙ্গনির্যূহে শুষ্যতঃ পুষ্টিকৃত্পরম্| |৫৩|

স০-শৃঙ্গ্যাদিভিঃ কল্কিতৈঃ শশস্য শিরঃক্বাথেন সাধিতং ঘৃতং শুষ্যতো বালস্যাতিপুষ্টিকরম্|

Adhikarana tatra abhya~jjane vacAditailam (53-54) · Śloka 54

| বচাবযঃস্থাতগরকাযস্থাচোরকৈঃ শৃতম্||৫৩|| বস্তমূত্রসুরাভ্যাং চ তৈলমভ্যঞ্জনে হিতম্| |৫৪|

স০-বচাদিভিশ্ছাগমূত্রসুরাভ্যাং চ সিদ্ধং তৈলমভ্যঙ্গে হিতম্|

Adhikarana tatra lAkShAditailam (54-57) · Śloka 57

| লাক্ষারসসমং তৈলপ্রস্থং মস্তু চতুর্গুণম্||৫৪|| অশ্বগন্ধানিশাদারুকৌন্তীকুষ্ঠাব্দচন্দনৈঃ| সমূর্বারোহিণীরাস্নাশতাহ্বামধুকৈঃ সমৈঃ||৫৫|| সিদ্ধং লাক্ষাদিকং নাম তৈলমভ্যঞ্জনাদিদম্| বল্যং জ্বরক্ষযোন্মাদশ্বাসাপস্মারবাতনুত্||৫৬|| যক্ষরাক্ষসভূতঘ্নং গর্ভিণীনাং চ শস্যতে| |৫৭|

স০-লাক্ষারসতুল্যং তৈলপ্রস্থং মস্তুচতুর্গুণমশ্বগন্ধাদিভিঃ সামান্যপরিভাষোক্তপ্রমাণৈঃ সিদ্ধং লাক্ষাদিকসংজ্ঞম্| এতত্তৈলমভ্যঙ্গাদ্ বল্যং জ্বরাদিজিত্ যক্ষ্মাদিঘ্নং গর্ভিণীভ্যশ্চ হিতম্|

Adhikarana kAsajvarAdAvativiShAdilehaH (57-58) · Śloka 58

| মধুনাঽতিবিষাশৃঙ্গীপিপ্পলীর্লেহযেচ্ছিশুম্||৫৭|| একাং বাঽতিবিষাং কাসজ্বরচ্ছর্দিরুপদ্রুতম্| |৫৮|

স০-অতিবিষাদীন্ মধুনা কাসাদিপীডিতং শিশুং-বালং, লেহযেত্| অথবা, অতিবিষামেকাং লেহযেত্|

Adhikarana stanyavaminAshakA lehAH (58-60) · Śloka 60

| পীতং পীতং বমতি যঃ স্তন্যং তং মধুসর্পিষা||৫৮|| দ্বিবার্তাকীফলরসং পঞ্চকোলং চ লেহযেত্| পিপ্পলীপঞ্চলবণং কৃমিজিত্পারিভদ্রকম্||৫৯|| তদ্বল্লিহ্যাত্তথা ব্যোষং মষীং বা রোমচর্মণাম্| লাভতঃ শল্যকশ্বাবিদ্গোধর্ক্ষশিখিজন্মনাম্||৬০||

স০- যো বালঃ পীতং পীতং স্তন্যং বমেত্ তং বৃহতীদ্বযস্য ফলস্বরসং পঞ্চকোলং চ ঘৃতমাক্ষিকাভ্যাং লেহযেত্| অথবা পিপ্পল্যাদিকং তদ্বত্-পূর্ববত্ মধুসর্পিষা, বালো লিহ্যাত্| ব্যোষং তথা-মধুসর্পিষা, লিহ্যাত্| [ অথবা ] শল্যকাদিজন্মনাং রোম্ণাং চর্মণাং চ যথালাভং মষীং মধুঘৃতাভ্যাং লিহ্যাত্|

Adhikarana stanyavaminAshakaM ghRutam (61) · Śloka 61

খদিরার্জুনতালীসকুষ্ঠচন্দনজে রসে| সক্ষীরং সাধিতং সর্পির্বমথুং বিনিযচ্ছতি||৬১||

স০-খদিরাদিরসে সক্ষীরং সর্পিঃ পক্বমুপযুক্তং বমিং শমযতি|

Adhikarana tAlukaNTakasya lakShaNam (63-65) · Śloka 65

| তালুমাংসে কফঃ ক্রুদ্ধঃ কুরুতে তালুকণ্টকম্||৬৩|| তেন তালুপ্রদেশস্য নিম্নতা মূর্ধ্নি জাযতে| তালুপাতঃ স্তনদ্বেষঃ কৃচ্ছ্রাত্পানং শকৃদ্দ্রবম্||৬৪|| তৃডাস্যকণ্ড্বক্ষিরুজা গ্রীবাদুর্ধরতা বমিঃ| |৬৫|

স০-কফো মধুরাদ্যৈস্তালুমাংসে প্রকুপিতস্তালুকণ্টকং কুর্যাত্| তেন-তালুকণ্টকেন, শিরসি তালুপ্রদেশে নিম্নতা স্যাত্| তথা তালুনঃ পতনং স্তনদ্বেষঃ কৃচ্ছ্রেণ স্তনপানং শকৃচ্চ দ্রবং স্যাত্| তথা তৃডাদ্যাঃ স্যুঃ|

Adhikarana tAlukaNTakasya cikitsA (65-66) · Śloka 66

| তত্রোত্ক্ষিপ্য যবক্ষারক্ষৌদ্রাভ্যাং প্রতিসারযেত্||৬৫|| তালু তদ্বত্কণাশুণ্ঠীগোশকৃদ্রসসৈন্ধবৈঃ| |৬৬|

স০-তত্র তালূত্ক্ষিপ্য যবক্ষারক্ষৌদ্রাভ্যাং প্রতিসারযেত্| তথৈব কণাদিভিঃ প্রতিসারযেত্

Adhikarana tAlukaNTakasya SRu~ggaberAdipuTapAkarasaH (66-67) · Śloka 67

| শৃঙ্গবেরনিশাভৃঙ্গং কল্কিতং বটপল্লবৈঃ||৬৬|| বধ্বা গোশকৃতা লিপ্তং কুকূলে স্বেদযেত্ততঃ| রসেন লিম্পেত্তাল্বাস্যং নেত্রে চ পরিষেচযেত্||৬৭||

স০-তথা শুণ্ঠ্যাদিকং কল্কিতং বটপল্লবৈর্বধ্বা গোশকৃতা লিপ্তং ততঃ কুকূলে স্বেদযেত্| অনন্তরং রসেন চ-ততঃ স্রুতেন, তালু আস্যং চ লিম্পেত্| তথা নেত্রে পরিষেচযেত্|

Adhikarana tAlukaNTakasya harItakyAdikalkaH (68) · Śloka 68

হরীতকীবচাকুষ্ঠকল্কং মাক্ষিকসংযুতম্| পীত্বা কুমারঃ স্তন্যেন মুচ্যতে তালুকণ্টকাত্||৬৮||

স০-হরীতক্যাদিকং মাক্ষিকযুক্তং স্তন্যেন শিশুঃ পীত্বা তালুকণ্টকাদ্বিমুচ্যতে

Adhikarana ahipUtanasya lakShaNam ahipUtanasya cikitsA (69-70) · Śloka 70

মলোপলেপাত্স্বেদাদ্বা গুদে রক্তকফোদ্ভবঃ| তাম্রো ব্রণোঽন্তঃ কণ্ডূমান্ জাযতে ভূর্যুপদ্রবঃ||৬৯|| কেচিত্তং মাতৃকাদোষং বদন্ত্যন্যেঽহিপূতনম্| পৃষ্টারুর্গুদকুট্টং চ কেচিচ্চ তমনামিকম্||৭০||

স০-গুদে রক্তকফোদ্ভবো মলোপলেপাত্ স্বেদাদ্বা তাম্রো ব্রণঃ কণ্ডূমানান্তরো বহূপদ্রবো জাযতে| তং-তথাবিধং, কেচিন্মাতৃকাদোষং কথযন্তি| অপরে চ পূতনসংজ্ঞমিত্যাহুঃ| কেচিত্ পৃষ্টারুরিতি, কেচিত্ গুদকুট্টমিতি, কেচিচ্চ তমনামিকং, ব্রুবতে|

Adhikarana ahipUtanasya dhAttryAH kShIraM Sodhyam (71) · Śloka 71

তত্র ধাত্র্যাঃ পযঃ শোধ্যং পিত্তশ্লেষ্মহরৌষধৈঃ| |৭১|

স০-তত্র-তস্মিন্ননেকনাম্নি রোগে, ধাত্র্যাঃ ক্ষীরং শোধনীযম্ কৈঃ ? পিত্তশ্লেষ্মহৃদ্ভিরৌষধৈঃ|

Adhikarana ahipUtanasya antarapAnakam ahipUtanasya vraNe lepAdi (71-75) · Śloka 75

| শৃতশীতং চ শীতাম্বুযুক্তমন্তরপানকম্||৭১|| সক্ষৌদ্রতার্ক্ষ্যশৈলেন ব্রণং তেন চ লেপযেত্| ত্রিফলাবদরীপ্লক্ষত্বক্ক্বাথপরিষেচিতম্||৭২|| কাসীসরোচনাতুত্থমনোহ্বালরসাঞ্জনৈঃ| লেপযেদম্লপিষ্টৈর্বা চূর্ণিতৈর্বাঽবচূর্ণযেত্||৭৩|| সুশ্লক্ষ্ণৈরথবা যষ্টীশঙ্খসৌবীরকাঞ্জনৈঃ| সারিবাশঙ্খনাভিভ্যামসনস্য ত্বচাঽথবা||৭৪|| রাগকণ্ডূত্কটে কুর্যাদ্রক্তস্রাবং জলৌকসা| সর্বং চ পিত্তব্রণজিচ্ছস্যতে গুদকুট্টকে||৭৫||

স০-সহ ক্ষৌদ্রেণ বর্ততে যত্তত্ সক্ষৌদ্রম্, সক্ষৌদ্রম্ চ তত্ তার্ক্ষ্যশৈলং চ, তেন যুক্তং শীতাম্বু, অন্তরং পানকং চ হিতম্| কিম্ভূতম্ ? শৃতশীতম্| অত্র চ শীতমাত্রস্য শীতত্বেনৈব লব্ধত্বাচ্ছীতাম্বিবত্যতিশযার্থম্| এবং হি পিত্তোপশান্তির্ভবতি| অত এব চ তত্সহিতস্য কফস্য শমনায মাক্ষিকরসাঞ্জনযোগোঽত্র কৃতঃ| তেন চ জলেন ব্রণং লেপযেত্| কিম্ভূতং ব্রণম্ ? ত্রিফলাদিক্বাথেন পরিষেচিতং সন্তং কাসীসাদিভিরম্লপিষ্টৈর্বা লেপযেত্| অথবা, এতৈরেব চূর্ণিতৈর্ব্রণমবচূর্ণযেত্| অথবা মধুকাদিভিঃ সুপিষ্টৈরবচূর্ণযেত্| সারিবাশঙ্খনাভিভ্যামবচূর্ণযেত্| অথবা, অসনত্বচা লিম্পেত্| রাগকণ্ড্বাধিক্যে জলৌকোভিরস্রস্রাবং কুর্যাত্| জলৌকসা "জাতৌ" ইত্যেকবচনাত্ তস্য প্রযোগো ন দোষায, তথা সল্লক্ষস্য দৃষ্তত্বাত্| সর্বং চিকিত্সিতং পিত্তব্রণতুল্যং গুদকুট্টকে শস্যতে|

Adhikarana mRuttikodbhave roge pAThAdighRutam (76-77) · Śloka 77

পাঠাবেল্লদ্বিরজনীমুস্তভার্গীপুনর্নবৈঃ| সবিল্বত্র্যূষণৈঃ সর্পিবৃশ্চিকালীযুতৈঃ শৃতম্||৭৬|| লিহানো মাত্রযা রোগৈর্মুচ্যতে মৃত্তিকোদ্ভবৈঃ| |৭৭|

স০-পাঠাদিভিঃ পক্বং ঘৃতং মাত্রযা লিহন্ মৃত্তিকোদ্ভবৈরামযৈর্মুচ্যতে|

Adhikarana tattadvyAdhinAshakaH stanapralepaH (2) · Śloka 2

ব্যাধের্যদ্যস্য ভৈষজ্যং স্তনস্তেন প্রলেপিতঃ| স্থিতো মুহূর্তং ধৌতোঽনু পীতস্তং তং জযেদ্গদম্||৭৭|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা যামষ্টাঙ্গহৃদযসংহিতাযাং ষষ্ঠে উত্তরস্থানে বালা- মযপ্রতিষেধো নাম দ্বিতীযোঽধ্যাযঃ||২||

স০-যস্য রোগস্য যদৌষধমুক্তং তেনৈবৌষধেন স্তনঃ প্রলেপিতো মুহূর্তমাত্রং-নাডিকাদ্বযং যাবদ্ বিধৃতঃ, স্তনোঽনু ধৌতঃ পশ্চাত্ পীতস্তং তং-অনিযতং রোগং, জযেত্| ইতি শ্রীমৃগাঙ্কদত্তপুত্রশ্রীমদরুণদত্তবিরছিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে বালা মযপ্রতিষেধো নাম দ্বিতীযোঽধ্যাযঃ সমাপ্তঃ|| ২||