29. granthyarbudaślīpadāpacīnāḍīvijñānīyādhyāyaḥ

Adhikarana adhyAyopakramaH · Śloka

গ্রন্থ্যাদিবিজ্ঞানমুচ্যতে-

Adhikarana granthyarbushlIdApacInADIvij~jAnIyAdhyAyaH grantheH samprAptirniruktishca (2-1) · Śloka 1

অথাতো গ্রথ্যর্বুদশ্লীপদাপচীনাডীবিজ্ঞানীযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) কফপ্রধানাঃ কুর্বন্তি মেদোমাংসাস্রগা মলাঃ| বৃত্তোন্নতং যং শ্বযথুং স গ্রন্থির্গ্রথনাত্স্মৃতঃ||১||

সং-মেদোমাংসরক্তস্থিতাঃ কফপ্রধানা দোষা বৃত্তোন্নতং যং শ্বযথুং, কুর্বন্তি, স গ্রথনাদ্ গ্রন্থিঃ স্মৃতঃ|

Adhikarana grantheH navavidhatvam (2) · Śloka 2

দোষাস্রমাংসমেদোস্থিসিরাব্রণভবা নব| তে|২|

সং-তে চ-গ্রন্থযো, দোষাদ্যাত্মকত্বাত্ নবসঙ্খ্যাঃ স্যুঃ|

Adhikarana 1 vAtajasya grantherlakShaNam (2-3) · Śloka 3

| তত্র বাতাদাযামতোদম্ভেদান্বিতোঽসিতঃ||২|| স্থানাত্স্থানান্তরগতিরকস্মাদ্ধানিবৃদ্ধিমান্| মৃদুর্বস্তিরিবানদ্ধো বিভিন্নোঽচ্ছং স্রবত্যসৃক্||৩||

সং-তেষু মধ্যে বাতাদাযামাদিগুণঃ শ্বযথুঃ স্যাত্| স চ বিভিন্নো লোহিতমচ্ছং স্রবতি|

Adhikarana 2 pittajasya grantherlakShaNam (4) · Śloka 4

পিত্তাত্সদাহঃ পীতাভো রক্তো বা, পচ্যতে দ্রুতম্| ভিন্নোঽস্রমুষ্ণং স্রবতি|৪|

সং-পিত্তেন দাহযুতঃ পীতচ্ছবিরথবা রক্তঃ| শোফঃ শীঘ্রং পচ্যতে| ভিন্নঃ স উষ্ণমসৃক্ স্রবতি|

Adhikarana 3 kaPajasya grantherlakShaNam (4-5) · Śloka 5

| শ্লেষ্মণা নীরুজো ঘনঃ||৪|| শীতঃ সবর্ণঃ কণ্ডূমান্, পক্বঃ পূযং স্রবেদ্ঘনম্| |৫|

সং-কফেন নীরুজো ঘনঃ শোফঃ শীতস্পর্শঃ শরীরসমানবর্ণঃ কণ্ডূযুতশ্চ স্যাত্| স পক্বঃ পূযং ঘনং স্রবেত্|

Adhikarana 4 raktajasya grantherlakShaNam (5-6) · Śloka 6

| দোষৈর্দুষ্টেঽসৃজি গ্রন্থির্ভবেন্মূর্চ্ছত্সু জন্তুষু||৫|| সিরামাংসং চ সংশ্রিত্য সস্বাপঃ পিত্তলক্ষণঃ| |৬|

সং-দোষৈর্দুষ্টে লোহিতে সতি গ্রন্থির্ভবেত্| জন্তুষু-কৃমিষু, বৃদ্ধিং গচ্ছত্সু সিরামাংসং চ সংশ্রিত্য স্বাপান্বিতঃ শোফঃ পিত্তসমানলক্ষণঃ স্যাত্|

Adhikarana 5 mAMsajasya grantherlakShaNam (6-7) · Śloka 7

| মাংসলৈর্দূষিতং মাংসমাহারৈর্গ্রন্থিমাবহেত্||৬|| স্নিগ্ধং মহান্তং কঠিনং সিরানদ্ধং কফাকৃতিম্| |৭|

সং-মাংসলৈরাহারৈর্মাংসং দূষিতং গ্রন্থি স্নিগ্ধাদিগুণযুক্তং কফাকারং করোতি|

Adhikarana 6 modojasya grantherlakShaNam (7-9) · Śloka 9

| প্রবৃদ্ধং মেদুরৈর্মেদো নীতং মাংসেঽথবা ত্বচি||৭|| বাযুনা কুরুতে গ্রন্থি ভৃশং স্নিগ্ধং মৃদুং চলম্| শ্লেষমতুল্যাকৃতিং দেহক্ষযবৃদ্ধিক্ষযোদযম্||৮|| স বিভিন্নো ঘনং মেদস্তাম্রাসিতসিতং স্রবেত্| |৯|

সং-মেদুরৈর্ভোজনৈর্মেদঃ প্রবৃদ্ধং বাযুনা মাংসে নীতমথবা ত্বচি নীতং মেদোগ্রন্থিং ভৃশং স্নিগ্ধাদিগুণং শ্লেষ্মসমানাকারং তথা শরীরক্ষযবৃদ্ধিভ্যাং ক্ষযোদযৌ যস্য তং তাদৃশং করোতি| স চ গ্রন্থিভিন্নঃ সন্ ঘনং তাম্রমসিতং সিতং চ মেদঃ স্রবতি|

Adhikarana 7 asthijasya grantherlakShaNam (9-10) · Śloka 10

| অস্থিভাঙ্গাভিঘাতাভ্যামুন্নতাবনতং তু যত্||৯|| সোঽস্থিগ্রন্থিঃ| |১০|

সং-অস্থিভাঙ্গেনাভিঘাতেন বাঽস্থ্ন্যুন্নতমবনতং বা যত্ স্যাত্, সোঽস্থিগ্রন্থিঃ |

Adhikarana 8 sirAjasya grantherlakShaNam (10-11) · Śloka 11

পদাতেস্তু সহসাঽম্ভোবগাহনাত্| ব্যাযামাদ্বা প্রতান্তস্য সিরাজালং সশোণিতম্||১০|| বাযুঃ সম্পীড্য সঙ্কোচ্য বক্রীকৃত্য বিশোষ্য চ| নিঃষ্ফুরং নীরুজং গ্রন্থিং কুরুতে স সিরাহ্বযঃ||১১||

সং-পদাতেঃ সহসৈব জলাবগাহাদ্ ব্যাযামাদ্বা প্রতান্তস্যগ্লানস্য, পবনঃ ক্রুদ্ধঃ সরক্তং সিরাজালং সম্পীড্য তথা সঙ্কোচ্য বক্রীকৃত্য বিশোষ্য চ নিঃষ্ফুরং নীরুজং গ্রন্থিং কুরুতে স সিরাসংজ্ঞঃ| নিঃষ্ফুরমিতি "স্ফুরতিস্ফুলত্যোঃ" ইত্যাদিনা ষত্বম্|

Adhikarana 9 vraNajasya grantherlakShaNam (12-13) · Śloka 13

অরুঢে রূঢমাত্রে বা ব্রণে সর্বরসাশিনঃ| সার্দ্রে বা বন্ধরহিতে গাত্রেঽশ্মাভিহতেঽথবা||১২|| বাতোঽস্রমস্রুতং দুষ্টং সংশোষ্য গ্রথিতং ব্রণম্| কুর্যাত্সদাহঃ কণ্ডূমান্ ব্রণগ্রন্থিরযং স্মৃতঃ||১৩||

সং-অরুঢে ব্রণে তথা রূঢমাত্রে-সদ্যোরূঢে ব্রণে, সর্বরসাশিনো নরস্যাথবা সার্দ্রে ব্রণে বন্ধরহিতে শরীরেঽশ্মাভিহতে বা বাতো রক্তমস্রুতং দুষ্টং সংশোষ্য গ্রথিতং ব্রণং কুর্যাত্| দাহাদিযুত এষ ব্রণগ্রন্থিঃ স্মৃতো মুনিভিঃ|

Adhikarana eteShAM sAdhyAsAdhyatvam (14) · Śloka 14

সাধ্যা দোষাস্রমেদোজাঃ, ন তু স্থূলখরাশ্চলাঃ| মর্মকণ্ঠোদরস্থাশ্চ|১৪|

সং-দোষাস্রমেদোজা গ্রন্থযঃ সাধ্যাঃ| ন পুনঃ স্থূলাঃ খরাশ্চলাস্তথা মর্মস্থাঃ কণ্ঠস্থা উদরস্থাশ্চ গ্রন্থযঃ সাধ্যাঃ |

Adhikarana arbudasya granthito mahatvam,arbuda ShaDUvidhatvam,arbudaM prAyo na pacyate, (14-15) · Śloka 15

| মহত্তু গ্রন্থিতোঽর্বুদম্||১৪|| তল্লক্ষণং চ মেদোন্তৈঃ ষোঢা দোষাদিভিস্তু তত্| প্রাযো মেদঃ কফাঢ্যত্বাস্থিরত্বাচ্চ ন পচ্যতে||১৫||

সং-গ্রন্থের্যন্মহত্ তদর্বুদম্| তস্য চার্বুদস্য লক্ষণং ষট্ প্রকারম্| কথম্ ? দোষৈস্ত্রীণি, রক্তমাংসমেদোভিস্ত্রীণীতি| তচ্চ-অর্বুদং, মেদঃকফবাহুল্যাত্ স্থিরত্বাচ্চ প্রাযঃ পচনং ন যাতি|

Adhikarana 1/2/3/4/5/ vAtajapittajakaPajamAMsajamedojAnAmrbudAnAM lakShaNaM tattadranthilakShaNa tulyaMj~jeyam,6 shoNitArbudasya lakShaNam (16-17) · Śloka 17

সিরাস্থং শোণিতং দোষঃ সঙ্কোচ্যান্তঃ প্রপীড্য চ| পাচযেত তদানদ্ধং সাস্রাবং মাংসপিণ্ডিতম্||১৬|| মাংসাঙ্কুরৈশ্চিতং যাতি বৃদ্ধি চাশু স্রবেত্ততঃ| অজস্রং দুষ্টরুধিরং ভূরি তচ্ছোণিতার্বুদম্||১৭||

সং-সিরাস্থিতং রক্তং দোষো-বাতাদ্যন্যতমঃ, সঙ্কোচ্যান্তঃ অভ্যন্তরে, চ প্রপীড্য পাচযেত্| তত্পক্বং চ সদানদ্ধং সাস্রাবং মাংসপিণ্ডিতং মাংসাঙ্কুরৈশ্চিতং বৃদ্ধিং গচ্ছতি| বৃদ্ধং চ সদাশু সততং দুষ্টং রুধিরং প্রভূতং স্রবতি| তত্-এবংবিধং, শোণিতার্বুদং গদ্যতে| মাংসার্বুদমেদোর্বুদযোশ্চ লক্ষণং তদ্গ্রন্থিলক্ষণেনৈবোক্তপ্রাযত্বান্নেহোক্তম্|

Adhikarana arbudAnAM sAdhyAsAdhyatvam (18) · Śloka 18

তেষ্বসৃঙ্মাংসজে বর্জ্যে, চত্বার্যন্যানি সাধযেত্| |১৮|

সং-তেষু-ষট্স্বর্বুদেষু মধ্যে,শোণিতমাংসজে দ্বে অর্বুদে নোপক্রমেত্| অপরাণি চত্বারি সাধযেত্|

Adhikarana shlIpadasya samprAtpitlakShaNaM ca (18-19) · Śloka 19

| প্রস্থিতা বঙ্ক্ষণোওর্বাদিমধঃকাযং কফোল্বণাঃ||১৮|| দোষা মাংসাস্রগাঃ পাদৌ কালেনাশ্রিত্য কুর্বতে| শনৈঃশনৈর্ঘনং শোফং শ্লীপদং তত্প্রচক্ষতে||১৯||

সং-অধঃকাযং বঙ্ক্ষণোরুপ্রভৃতি দোষা গতাঃ কফোল্বণা মাংসলোহিতগাঃ কালেন পাদৌ সমাশ্রিত্য নিবিডং শ্বযথুং শনৈঃশনৈর্বিদধতি| তদেতদ্ছ্লীপদং প্রচক্ষতে |

Adhikarana vAtajasya shlIpadasya lakShaNam (20) · Śloka 20

পরিপোটযুতং কৃষ্ণমনিমিত্তরুজং খরম্| রূক্ষং চ বাতাত্|২০|

সং-শ্লীপদং বাতাত্ পরিপোটেন যুক্তং কৃষ্ণবর্ণমহেতুপীডং খরং রূক্ষং চ স্যাত্|

Adhikarana pittajasya shlIpadasya lakShaNam (20) · Śloka 20

| পিত্তাত্তু পীতং দাহজ্বরান্বিতম্||২০||

সং-পিত্তাত্ পীতং দাহজ্বরযুতং চ স্যাত্|

Adhikarana kaPajasya shlIpadasya lakShaNam (21) · Śloka 21

| কফাদ্গুরু স্নিগ্ধমরুক্ চিতং মাংসাঙ্কুরৈর্বৃহত্|২১|

সং-কফেন গুরু স্নিগ্ধং রুজারহিতং মাংসাঙ্কুরৈশ্চিতং মহচ্চ স্যাত্|

Adhikarana shlIpadasya sAdhyAsAdhyatvam (21) · Śloka 21

| তত্ত্যজেদ্বত্সরাতীতং সুমহত্ সুপরিস্রুতি||২১||

সং-তত্-শ্লীপদং, বর্ষাতিক্রান্তং সুমহত্ সুপরিস্রাবং চ ত্যজেত্|

Adhikarana pANyAdiShvapi shlIpadamityeke (22) · Śloka 22

পাণিনাসৌষ্ঠকর্ণেষু বদন্ত্যেকে তু পাদবত্| শ্লীপদং জাযতে তচ্চ দেশেঽনূপে ভৃশং ভৃশম্||২২||

সং-পাণ্যাদিষ্বপি পাদবচ্ছ্লীপদং জাযত ইত্যেকে বদন্তি| তচ্চানূপদেশেঽতিশযেন রোগস্বভাবাজ্জাযতে|

Adhikarana gaNDamAlAyAH samprAtpirlakShaNaM ca (23-25) · Śloka 25

মেদস্থাঃ কণ্ঠমন্যাক্ষকক্ষাবঙ্ক্ষণগা মলাঃ| সবর্ণান্ কঠিনান্ স্নিগ্ধান্ বার্তাকামলকাকৃতীন্||২৩|| অবগাঢান্ বহূন্ গণ্ডাংশ্চিরপাকাংশ্চ কুর্বতে| পচ্যন্তেঽল্পরুজস্তেঽন্যে স্রবন্ত্যন্যেঽতিকণ্ডুরাঃ||২৪|| নশ্যন্ত্যন্যে ভবন্ত্যন্যে দীর্ঘকালানুবন্ধিনঃ| গণ্ডমালাঽপচী চেযং দূর্বেব ক্ষযবৃদ্ধিভাক্|২৫|

সং-মেদস্থাঃ কণ্ঠাদিগা দোষাঃ সবর্ণান্ কঠিনান্ স্নিগ্ধান্ বার্তাকামলকাকারানবগাঢান্ বহূন্ গণ্ডাংশ্চিরপাকাংশ্চ কুর্বতে| তে চ-গণ্ডাঃ স্তোকপীডাঃ পচ্যন্তে| অন্যে চ স্রবন্তি| অপরে চাতিকণ্ডুরাঃ, কণ্ডুং রান্তি দদত ইতি কণ্ডুরাঃ| নশ্যন্ত্যন্যে| অন্যে জাযন্তে দীর্ঘকালানুবন্ধিনঃ| ইযং-ঈদৃশী, গণ্ডমালা অপচী চোচ্যতে| দূর্বেব ক্ষযবৃদ্ধিভাক্|

Adhikarana gaNDA asAdhyalakShaNam (25) · Śloka 25

তাং ত্যজেত্সজ্বরচ্ছর্দিপার্শ্বরুক্কাসপীনসাম্| ||২৫||

সং-তাং-গণ্ডমালাং, জ্বরাদিযুতাং ত্যজেত্| অথ নাডীবিজ্ঞানমাহ--

Adhikarana nADyAH samprAtpirlakShaNaM ca (26-28) · Śloka 28

| অভেদাত্পক্বশোফস্য ব্রণে চাপথ্যসেবিনঃ||২৬|| অনুপ্রবিশ্য মাংসাদীন্ দূরং পূযোঽভিধাবতি| গতিঃ সা দূরগমনান্নাডী নাডীব সংস্রুতেঃ||২৭|| নাড্যেকাঽনৃজুরন্যেষাং সৈবানেকগতির্গতিঃ| |২৮|

শাম্-পক্বশোফস্যাভেদনাদপথ্যসেবিনশ্চ পুংসো ব্রণে পূযো মাংসাদীননুপ্রবিশ্য দূরং ব্রজতি| সা দূরগমনাত্ গতিরিত্যুচ্যতে| নাডীব সংস্রুতের্নাডীত্যুচ্যতে| অন্যেষাং তু তন্ত্রকৃতাং মত একা নাড্যনৃজুঃ-বক্রা, নাডীত্যুচ্যতে| সৈব নাড্যনেকগতির্গতিরিত্যুচ্যত ইতি |

Adhikarana nADcA pa~jcavidhatvam (28) · Śloka 28

| সা দোষৈঃ পৃথগেকস্থৈঃ শল্যহেতুশ্চ পঞ্চমী||২৮||

সং-সা-নাডী, পৃথগ্দোষৈস্ত্রিসঙ্খ্যা, সন্নিপাতেন চতুর্থী, পঞ্চমী শল্যহেতুঃ |

Adhikarana 1 vAtajAyA nADyAH lakShaNam (29) · Śloka 29

বাতাত্ সরুক্সূক্ষ্মমূখী বিবর্ণা ফেনিলোদ্বমা| স্রবত্যভ্যধিকং রাত্রৌ|২৯|

সং-বাতাত্ সরুজাদিগুণা|

Adhikarana 2 pittajAyAH nADyAH lakShaNam (29-30) · Śloka 30

| পিত্তাত্তৃড্জ্বরদাহকৃত্||২৯|| পীতোষ্ণপূতিপূযস্রুদ্দিবা চাতি নিষিঞ্চতি| |৩০|

সং-পিত্তাত্তৃডাদিকৃত্| পীতোষ্ণপূতিপূযস্রাবী| দিবসে চাতিশযেন স্রবতি |

Adhikarana 3 kaphajAyAH nADyAH lakShaNamy (30-31) · Śloka 31

| ঘনপিচ্ছিলসংস্রাবা কণ্ডূলা কঠিনা কফাত্|৩০| নিশি চাভ্যধিকক্লেদা| |৩১|

সং-কফাত্ ঘনপিচ্ছিলস্রাবা কণ্ডূমতী কঠিনা নিশিচাভ্যধিক্লেদা স্যাত্|

Adhikarana 3 kaphajAyAH nADyAH lakShaNamy (30-31) · Śloka 31

| ঘনপিচ্ছিলসংস্রাবা কণ্ডূলা কঠিনা কফাত্||৩০|| নিশি চাভ্যধিকক্লেদা| |৩১|

সং-কফাত্ ঘনপিচ্ছিলস্রাবা কণ্ডূমতী কঠিনা নিশিচাভ্যধিক্লেদা স্যাত্|

Adhikarana 5 shalyajAyAH nADyAH lakShaNam (29) · Śloka 29

অন্তঃস্থিতং শল্যমনাহৃতং তু করোতি নাডীং বহতে চ সাঽস্য| ফেনানুবিদ্ধং তনুমল্পমুষ্ণং সাস্রং চ পূযং সরুজং চ নিত্যম্||৩১|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচি- তাযামষ্টাঙ্গহৃদযসংহিতাযাং ষষ্ঠে উত্তরস্থানে গ্রন্থ্যর্বুদশ্লীপদাপচীনাডীবিজ্ঞানীযং নামৈকোনত্রিংশোঽধ্যাযঃ||২৯||

সং-অন্তরে স্থিতং শল্যমনাকৃষ্টং সন্নাডীং করোতি| অস্য চ-শল্যবতঃ পুংসঃ, সা-নাডী, ফেনিলং তন্বাদিগুণং চ পূযং নিত্যমেব সরুজং বহত ইতি| উপজাতিবৃত্তম্| ইতি শ্রীম্ড়ৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠ উত্তরস্থানে গ্রন্থ্য র্বুদশ্লীপদাপচীনাডীবিজ্ঞানীযং নাম একোনত্রিং- শোঽধ্যাযঃ সমাপ্তঃ|| ২৯||