34. guhyarōgapratiṣēdhādhyayaḥ

Adhikarana guhyarogapratiShedhAdhyAyaH --------- upadaMshe nave meDhramadhye sirAvyadhAdi (2) · Śloka 2

অথৈতচ্চিকিত্সাং ব্রূতে অথাতো গুহ্যরোগপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)|২| মেঢ্রমধ্যে সিরাং বিধ্যেদুপংদশে নবোত্থিতে| শীতাং কুর্যাত্ ক্রিযাং শুদ্ধিং বিরেকেণ বিশেষতঃ||১|| তিলকল্কঘৃতক্ষৌদ্রৈর্লেপঃ পক্বে তু পাটিতে| |২|

স০- উপদংশেঽচিরোদ্ভূতে লিঙ্গস্য মধ্যে সিরাং মোক্ষযেত্| শিশিরাং চ চিকিত্সাং লেপসেকাদিভিঃ কুর্যাত্| বিশেষেণ বিরেচনেন শুদ্ধিং বিদধীত| পক্বে পাটিতে চ তিলকল্কাজ্যমধুভির্লেপঃ|

Adhikarana upadaMshe jambvAdikvAthena kShAlanam, upadaMshe jambvAditailena ropaNam (2-4) · Śloka 4

| জম্ব্বাম্রসুমনোনীপশ্বেতকাম্বোজিকাঙ্কুরান্||২|| শল্লকীবদরীবিল্বপলাশতিনিশোদ্ভবাঃ| ত্বচঃ ক্ষীরিদ্রুমাণাং চ ত্রিফলাং চ পচেজ্জলে||৩|| স ক্বাথঃ ক্ষালনং, তেন পক্বং তৈলং চ রোপণম্| |৪|

স০- জম্ব্বাদ্যঙ্কুরান্ শল্লক্যাদীনাং ত্বচঃ ক্ষীরিবৃক্ষাণাং চ ত্বচস্ত্রিফলাং চ জলে পচেত্| স ক্বাথঃ ক্ষালনং হিতম্| তেন চ ক্বাথেন তৈলং পক্বং রোপণং স্যাত্|

Adhikarana upadaMshe tutthAdilepo vraNaharaH (4-5) · Śloka 5

| তুত্থগৈরিকলোধ্রৈলামনোহ্বালরসাঞ্জনৈঃ||৪|| হরেণুপুষ্পকাসীসসৌরাষ্ট্রীলবণোত্তমৈঃ| লেপঃ ক্ষৌদ্রযুতৈঃ সক্ষ্মৈরুপদংশব্রণাপহঃ||৫||

স০- তুত্থাদিভির্মাক্ষিকদ্রুতৈঃ সূক্ষ্মীকৃতৈর্লেপ উপদংশব্রণহরঃ|

Adhikarana upadaMshe triphalAmaShIleporopaNam (6) · Śloka 6

কপালে ত্রিফলা দগ্ধা সঘৃতা রোপণং পরম্| |৬|

স০-কর্পরে ত্রিফলা দগ্ধা ঘৃতান্বিতা পরং রোপণম্|

Adhikarana upadaMshe pratidoShaM shoPavat cikitsitam (6) · Śloka 6

| সামান্যং সাধনমিদং প্রতিদোষং তু শোফবত্||৬||

স০- সামান্যমেতত্ সাধনম্| স০- প্রতিদোষং তু শোফতুল্যং চিকিত্সিতং জ্ঞেযম্|

Adhikarana upadaMshe pAkaM yathAna yAti tathA~atiyatnaH kAryaH (7) · Śloka 7

ন চ যাতি যথা পাকং প্রযতেত তথা ভৃশম্| পক্বৈঃ স্নাযুসিরামাংসৈঃ প্রাযো নশ্যতি হি ধ্বজঃ||৭||

স০-যথা চ পাকং ন যাতি তথাঽতিযত্নঃ কার্যঃ| যতঃ পক্বৈঃ স্নায্বাদিভিঃ প্রাযেণ মেঢ্রো নশ্যতি|

Adhikarana arshaHsu CinnadagdheShu upadaMSavat kriyA (8) · Śloka 8

অর্শসাং ছিন্নদগ্ধানাং ক্রিযা কার্যোপদংশবত্| |৮|

স০- অর্শসাং ছিন্নানাং দগ্ধানাং চোপদংশতুল্যা ক্রিযা কার্যা|

Adhikarana sarShapikAsu leKanaM kaShAyairavacUrNanAdi (8-9) · Śloka 9

| সর্ষপা লিখিতাঃ সূক্ষ্মৈঃ কষাযৈরবচূর্ণযেত্||৮|| তৈরেবাভ্যঞ্জনং তৈলং সাধযেত্ ব্রণরোপণম্| |৯|

স০- সর্ষপিকাঃ শস্ত্রেণ লিখিতাঃ কষাযদ্রব্যৈর্জম্ব্বাদিভিঃ পূর্বোক্তৈঃ সূক্ষ্মচূর্ণৈরবচূর্ণযেত্| তৈরেব কষাযৈস্তৈলং পচেত্| তদভ্যঞ্জনং ব্রণরোপণং স্যাত্|

Adhikarana avamanthe~apIyaM kriyA (9) · Śloka 9

| ক্রিযেযমবমন্থেঽপি রক্তং স্রাব্যং তথোভযোঃ||৯||

স০-এতচ্চিকিত্সিতমবমন্থেঽপি কার্যম্| তথৈত(থোভ)-যোঃ-সর্ষপাবমন্থযোঃ, অস্রং স্রাব্যম্|

Adhikarana kumbhIkAyAM raktamokShaNaM tinukAdibhirlepastailaM ca (10) · Śloka 10

কুম্ভীকাযাং হরেদ্রক্তং পক্বাযাং শোধিতে ব্রণে| তিন্দুকত্রিফলারোধ্রৈলেপস্তৈলং চ রোপণম্||১০||

স০-কুম্ভীকাযাং লোহিতং মোক্ষযেত্| পক্বাযাং তু ব্রণে শোধিতে সতি তিন্দুকাদিভির্লেপঃ| তিন্দুকাদিভিরেব সিদ্ধং তৈলং রোপণং স্যাত্|

Adhikarana alajyAmayameva kriyAkramaH (11) · Śloka 11

অলজ্যাং স্রুতরক্তাযামযমেব ক্রিযাক্রমঃ| |১১|

স০-অলজ্যাং স্রুতশোণিতাযামেষ এবোপক্রমঃ|

Adhikarana uttamAyAM chedanaM kaShAyakalkacUrNairUpakramashca (11-12) · Śloka 12

| উত্তমাখ্যাং তু পিটিকাং সঞ্চ্ছিদ্য বডিশোদ্ধৃতাম্||১১|| কল্কৈশ্চূর্ণৈঃ কষাযাণাং ক্ষৌদ্রযুক্তৈরুপাচরেত্| |১২|

স০-উত্তমাখ্যাং পিটিকাং বডিশোদ্ধৃতাং সম্যক্ ছেদযিত্বা কষাযাণাং কল্কৈশ্চূর্ণৈঃ ক্ষৌদ্রযুক্তৈরুপক্রমেত্|

Adhikarana puShkarikAsaMvyUDhayostvakpAke sparshahAnyAM ca pittavisarpoktaH kramaH (12-13) · Śloka 13

| ক্রমঃ পিত্তবিসর্পোক্তঃ পুষ্করব্যূঢযোর্হিতঃ||১২|| ত্বক্পাকে স্পর্শহান্যাং চ সেচযেদ্| |১৩|

স০-পুষ্করিকাযাং সংব্যূঢে চ পিত্তবিসর্পবিহিতং চিকিত্সিতং হিতম্| সং-ত্বক্পাকস্পর্শহান্যোঃ সেচনম্|

Adhikarana mRudite balAtailena secanaM madhurairupanAhanaM ca (13) · Śloka 13

মৃদিতং পুনঃ| বলাতৈলেন কোষ্ণেন মধুরশ্চোপনাহযেত্||১৩||

স০- মৃদিতং নাম লিঙ্গরোগং বক্ষ্যমাণেন (শ্লো.৪২) বলা তৈলেন সেচযেত্| তথা মধুরৈর্দ্রব্যৈঃ কল্কিতৈঃ সুখোষ্ণৈর্ঘৃতস্নিগ্ধৈরুপনাহশ্চ কার্যঃ|

Adhikarana aShThIlikAyAM rakte hRute shleShmagranthivadupakramaH (14) · Śloka 14

অষ্ঠীলিকাং হৃতে রক্তে শ্লেষ্মগ্রন্থিবদাচরেত্| |১৪|

স০- অষ্ঠীলিকাং রক্তে হৃতে কফগ্রন্থিমিবোপক্রমেত্|

Adhikarana nivRutte dhRutAbhya~jjanAdi (14-16) · Śloka 16

| নিবৃত্তং সর্পিষাঽভ্যজ্য স্বেদযিত্বোপনাহযেত্||১৪|| ত্রিরাত্রং পঞ্চরাত্রং বা সুস্নিগ্ধৈঃ শাল্বলাদিভিঃ| স্বেদযিত্বা ততো ভূযঃ স্নিগ্ধং চর্ম সমানযেত্||১৫|| মণিং প্রপীড্য শনকৈঃ প্রবিষ্টে চোপনাহনম্| মণৌ পুনঃপুনঃ স্নিগ্ধং ভোজনং চাত্র শস্যতে||১৬||

স০-নিবৃত্তসংজ্ঞং লিঙ্গরোগং ঘৃতেনাভ্যজ্য স্বেদযিত্বা চোপনাহযেত্ ত্রিরাত্রং পঞ্চরাত্রং বা সুস্নিগ্ধৈঃ শাল্বলাদিভিঃ| ততো ভূযঃ স্বেদযিত্বা স্নিগ্ধং চর্ম মণিং সমানযেত্| কিং কৃত্বা ? মণিং শনৈঃ প্রপীড্য| প্রবিষ্টে মণৌ চোপনাহং পুনঃপুনঃ কুর্যাত্| ভোজনং চাত্র স্নিগ্ধং হিতম্|

Adhikarana avapATyAmapyayameva kramaH (17) · Śloka 17

অযমেব প্রযোজ্যঃ স্যাদবপাট্যামপি ক্রমঃ| |১৭|

স০- অযমেব ক্রমোঽবপাটিকাযাং যোজ্যঃ স্যাত্|

Adhikarana niruddhamaNau nADyA snehasi~jcanAdi,niruddhamaNau evamasiddhau shastreNa pATanAdi (17-19) · Śloka 19

| নাডীমুভযতোদ্বারাং নিরুদ্ধে জতুনা সৃতাম্||১৭|| স্নেহাক্তাং স্রোতসি ন্যস্য সিঞ্চেত্স্নেহৈশ্চলাপহৈঃ| ত্র্যহাত্ত্র্যহাত্স্থূলতরাং ন্যস্য নাডীং বিবর্ধযেত্||১৮|| স্রোতোদ্বারমসিদ্ধৌ তু বিদ্বান্ শস্ত্রেণ পাটযেত্| সেবনীং বর্জযন্ যুঞ্জ্যাত্ সদ্যঃক্ষতবিধিং ততঃ||১৯||

স০- নিরুদ্ধে-নিরুদ্ধাখ্যে নিরুদ্ধমণৌ, নাডীং দ্বিদ্বারাং জতুনা সৃতাং লিপ্তাঃ স্নেহাক্তাং লিঙ্গে ন্যস্য লিঙ্গং বলাতৈলাদিভিঃ স্নেহৈঃ সিঞ্চেত্| ত্র্যহাত্ত্র্যহাত্ স্থূলতরাং নাডীং ক্ষিপ্ত্বা স্রোতোদ্বারং বৃদ্ধিং নযেত্| এবমপ্যসিদ্ধৌ ধীমান্ বৈদ্যঃ সেবনীং পরিহরন্ শস্ত্রেণ পাটযেত্| ততঃ-পাটনাদনন্তরং, সদ্যঃক্ষতবিধানং যুঞ্যাত্|

Adhikarana grathite svedanamupanAhashca (20) · Śloka 20

গ্রন্থিতং স্বেদিতং নাড্যা স্নিগ্ধোষ্ণৈরুপনাহযেত্| |২০|

স০-গ্রন্থিতসংজ্ঞং নাড্যা স্বেদিতং স্নিগ্ধোষ্ণৈরুপনাহযেত্|

Adhikarana Sataponake lekhanaM kaShAyairlepaSca (20) · Śloka 20

| লিম্পেত্কষাযৈঃ সক্ষৌদ্রৈর্লিখিত্বা শতপোনকম্||২০||

স০- শতপোনকং লিঙ্গরোগং লিখিত্বা কষাযদ্রব্যচূর্ণৈঃ সমাক্ষিকৈর্লিম্পেত্|

Adhikarana raktArbude raktavidradhivat (21) · Śloka 21

রক্তবিদ্রধিবত্কার্যা চিকিত্সা শোণিতার্বুদে| |২১|

স০-শোণিতার্বুদে রক্তবিদ্রধিবচ্চিকিত্সা কর্তব্যা|

Adhikarana sarveShu yathAvasthaM vraNopacAraH (21) · Śloka 21

| ব্রণোপচারং সর্বেষু যথাবস্থং প্রযোজযেত্||২১||

স০-সর্বেষু লিঙ্গরোগেষু যথাবস্থং-অবস্থাবশাত্, ব্রণোপচারান্-অন্তঃশুদ্ধিকষাযলেপঘৃততৈলরসক্রিযাচূর্ণাংশ্ছোধনরোপণান্, প্রযোজযেত্|

Adhikarana yonivyApaccikitsA ------- yonivyApatsu BUyiShThaM vAtajit karma, tatra hetuSca,vAtajAsu visheShataH snehanAdi (22-23) · Śloka 23

যোনিব্যাপত্সু ভূযিষ্ঠং শস্যতে কর্ম বাতজিত্| স্নেহনস্বেদবস্ত্যাদি বাতজাসু বিশেষতঃ||২২|| ন হি বাতাদৃতে যোনির্বনিতানাং প্রদুষ্যতি| অতো জিত্বা তমন্যস্য কুর্যাদ্দোষস্য ভেষজম্||২৩||

স০- যোনিব্যাপত্সু বিষযে প্রাযেণ পবনবিজযি চিকিত্সিতং যুক্তম্| স্নেহনাদি বাতোত্থাসু ব্যাপত্তিষু বিশেষেণ শস্যতে| সং-যতো বাতমন্তরেণ যোষিতো যোনির্ন দুষ্যতি| তস্মাত্তং মারুতং, জিত্বা পরস্য দোষস্যৌষধং কুর্যাত্|

Adhikarana vAtajAsu balAtailAdipAnam, duHsthitAdiyoneH samatvAdikaraNam, tatra hetushca (24-26) · Śloka 26

পাযযেত(ত্তাং) বলাতৈলং মিশ্রকং সুকুমারকম্| স্নিগ্ধস্বিন্নাং তথা যোনিং দুঃস্থিতাং স্থাপযেত্সমাম্||২৪|| পাণিনা নমযেজ্জিহ্যাং সংবৃতাং ব্যধযেত্ পুনঃ| প্রবেশযেন্নিঃসৃতাং চ বিবৃতাং পরিবর্তযেত্||২৫|| স্থানাপবৃত্তা যোনির্হি শল্যভূতা স্ত্রিযো মতা| |২৬|

স০- তাং-স্ত্রিযং, বলাতৈলং (চি. অ.২১/৭৩), মিশ্রকাখ্যং(চি. অ.১৪/৮৯), বা, সুকুমারকাহ্বযং (চি. অ.১৩/৪১), পাযযেত্| তথা যোনিং স্নিগ্ধাং স্বিন্নাং চ দুঃস্থিতাং সমাং স্থাপযেত্| জিহ্যাং-কুটিলাং যোনিং, হস্তেন নমযেত্| সংবৃতাং তু ব্যধযেত্-প্রসারযেদিত্যর্থঃ| নিঃসৃতাং চ প্রবেশযেত্| বিবৃতাং তু সতীং পরিবর্তযেত্| যতঃ স্থানাদ্ ভ্রষ্টা যোনিঃ স্ত্রিযঃ শল্যরূপা ভবেত্|

Adhikarana vAtajAsu strIShu mRudUni vamanAdikarmANi, strIShu shuddhAsu bastyAdi karma (26-27) · Śloka 27

| কর্মভির্বমনাদ্যৈশ্চ মৃদুভির্যোজযেত্স্ত্রিযম্||২৬|| সর্বতঃ সুবিশুদ্ধাযাঃ শেষং কর্ম বিধীযতে| বস্ত্যভ্যঙ্গপরীষেকপ্রলেপপিচুধারণম্||২৭||

স০- বমনাদীনি চ কর্মাণি মৃদূনি-অখরাণি, স্ত্রী(স্ত্রিযা) কারযিতব্যা(নি)| সর্বতঃ-অধ উপরিষ্টাচ্চ, বিশুদ্ধাযা নার্যাঃ পরিশিষ্টং কর্ম-বস্ত্যাদিকং, ক্রিযতে|

Adhikarana vAtajAsu kAshmaryAdighRutaM paraM garbhadam (28-29) · Śloka 29

কাশ্মর্যত্রিফলাদ্রাক্ষাকাসমর্দনিশাদ্বযৈঃ| গুডূচীসৈর্যকাভীরুশুকনাসাপুনর্নবৈঃ||২৮|| পরূষকৈশ্চ বিপচেত্প্রস্থমক্ষসমৈর্ঘৃতাত্| যোনিবাতবিকারঘ্নং তত্পীতং গর্ভদং পরম্||২৯||

স০- কাশ্মর্যাদিভিঃ কল্কিতৈঃ কার্ষিকৈর্ঘৃতাত্প্রস্থং পচেত্| তত্-ঘৃতং, পীতং যোনিবাতবিকারহরং সুষ্ঠু গর্ভদং চ|

Adhikarana vAtajAsu vacAdicUrNaM yonipArshvArtyAdinAshakam (30-31) · Śloka 31

বচোপকুঞ্চিকাজাজীকৃষ্ণাবৃষকসৈন্ধবম্| অজমোদাযবক্ষারশর্করাচিত্রকান্বিতম্||৩০|| পিষ্ট্বা প্রসন্নযাঽঽলোড্য খাদেত্তদ্ঘৃতভর্জিতম্| যোনিপার্শ্বার্তিহৃদ্রোগগুল্মার্শোবিনিবৃত্তযে||৩১||

স০- বচাদিকং পিষ্ট্বা প্রসন্নযাঽঽলোড্য ঘৃতভর্জিতং খাদেত্ যোনিপার্শ্বার্ত্যাদিশান্তযে|

Adhikarana vAtajAsu vRuShakAdicUrNaM tathaiva (32) · Śloka 32

বৃষকং মাতুলুঙ্গস্য মূলানি মদযন্তিকাম্| পিবেন্মদ্যৈঃ সলবণৈস্তথা কৃষ্ণোপকুঞ্চিকে||৩২||

স০- বৃষকাদীনি মদ্যৈঃ সলবণৈঃ পিবেত্| তথা পিপ্পলী স্থূলজীরকে বা মদ্যৈঃ সলবণৈঃ পিবেত্|

Adhikarana vAtajAsu rAsnAdishRutaM payaH shUlaharam (33) · Śloka 33

রাস্নাশ্বদংষ্ট্রাবৃষকৈঃ শৃতং শূলহরং পযঃ| |৩৩|

স০- রাস্নাদিভিঃ শৃতং পযঃ শূলঘ্নম্|

Adhikarana vAtajAsu guDUcyAdikvAthaiH secanam (33) · Śloka 33

| গুডূচীত্রিফলাদন্তীক্বাথৈশ্চ পরিষেচনম্||৩৩||

স০- গুডূচ্যাদিভিঃ ক্বাথৈঃ পরিষেচনং সুখোষ্ণং হিতম্, প্রকৃতত্বাদ্যোনেঃ|

Adhikarana vAtajAsu natAdisAdhitatailapicuH shUlaghnaH (34) · Śloka 34

নতবার্তাকিনীকুষ্ঠসৈন্ধবামরদারুভিঃ| তৈলাত্প্রসাধিতাদ্ধার্যঃ পিচুর্যোনৌ রুজাপহঃ||৩৪||

স০- নতাদিভিস্তৈলাত্ পক্বাত্ পিচুর্যোনৌ ধৃতো রুজাঘ্নঃ|

Adhikarana pittalAsu shItAH yonisekAdayaH (35) · Śloka 35

পিত্তলানাং তু যোনীনাং সেকাভ্যঙ্গপিচুক্রিযাঃ| শীতাঃ পিত্তজিতঃ কার্যাঃ স্নেহনার্থং ঘৃতানি চ||৩৫||

স০- পিত্তলানাং চ যোনীনাং শীতাদিকাঃ ক্রিযাঃ সেকাদ্যাঃ কার্যাঃ| স্নেহনার্থং ঘৃতানি চ দেযানি|

Adhikarana pittalAsu shatAvaryAdilehaH (36-40) · Śloka 40

শতাবরীমূলতুলাচতুষ্কাত্ ক্ষুণ্ণপীডিতাত্| রসেন ক্ষীরতুল্যেন পাচযেত ঘৃতাঢকম্||৩৬|| জীবনীযৈঃ শতাবর্যা মৃদ্বীকাভিঃ পরূষকৈঃ| পিষ্টৈঃ প্রিযালৈশ্চাক্ষাংশৌর্দ্বিবলামধুকান্বিতৈঃ||৩৭|| সিদ্ধশীতে তু মধুনঃ পিপ্পল্যাশ্চ পলাষ্টকম্| শর্করাযা দশপলং ক্ষিপেল্লিহ্যাত্পিচুং ততঃ||৩৮|| যোন্যসৃক্শুক্রদোষঘ্নং বৃষ্যং পুংসবনং পরম্| ক্ষতং ক্ষযমসৃক্পিত্তং কাসং শ্বাসং হলীমকম্||৩৯|| কামলাং বাতরুধিরং বিসর্পং হৃচ্ছিরোগ্রহম্| অপস্মারার্দিতাযামমদোন্মাদাংশ্চ নাশযেত্||৪০||

স০- শতাবরীমূলতুলাচতুষ্টযাত্ ক্ষুণ্ণপীডিতাদ্ রসেন দুগ্ধসমেন সর্পিষ আঢকং পচেজ্জীবনীযাদিভিঃ কর্ষাংশৈঃ কল্কীকৃতৈঃ| পক্বে শীতে চ মাক্ষিকপলাষ্টকং, কণাষ্টপলং, সিতাপলানি চ দশ, ক্ষিপেত্| তস্মাচ্চ কর্ষমাত্রং লিহ্যাত্ যোন্যাদিদোষঘ্নং বৃষ্যাদিগুণং চ|

Adhikarana pittalAsu evameva payaH sarpiH (41) · Śloka 41

এবমেব পযঃ সর্পির্জীবনীযোপসাধিতম্| গর্ভদং পিত্তজানাং চ রোগাণাং পরমং হিতম্||৪১||

স০- অনেনৈব ক্রমেণ ক্ষীরং সর্পির্বা জীবনীযৈঃ পক্বং গর্ভপ্রদং পিত্তজানাং চ রোগাণাং পরং হিতম্|

Adhikarana pitta balAdighRutatailaM garbhadam (42-44) · Śloka 44

বলাদ্রোণদ্বযক্বাথে ঘৃততৈলাঢকং পচেত্| ক্ষীরে চতুর্গুণে কৃষ্ণাকাকনাসাসিতান্বিতৈঃ||৪২|| জীবন্তীক্ষীরকাকোলীস্থিরাবীরর্ধিজীবকৈঃ| পযস্যাশ্রাবণীমুদ্গপীলুমাষাখ্যপর্ণিভিঃ||৪৩|| বাতপিত্তামযান্ হত্বা পানাদ্ গর্ভং দধাতি তত্| |৪৪|

স০-বলাযা দ্রোণদ্বযস্য কষাযে ঘৃততৈলযোরাঢকং পচেত্| ক্ষীরে চতুরাঢকে কৃষ্ণাদিভিঃ কল্কিতৈঃ সামান্যপরিভাষযোক্তপ্রমাণৈঃ| তত্-ঘৃতং, পানেন বাতপিত্তরোগান্ হত্বা গর্ভং ধত্তে| মুদ্গাদীনাং পর্ণ্যা প্রত্যেকং সম্বন্ধঃ,- মুদ্গপর্ণী পীলুপর্ণী মাষপর্ণীতি|

Adhikarana raktayonyAM yathAdoShaM raktasthApanamauShadham (44-45) · Śloka 45

| রক্তযোন্যামসৃগ্বর্ণৈরনুবন্ধমবেক্ষ্য চ||৪৪|| যথাদোষোদযং যুঞ্জ্যাদ্ রক্তস্থাপনমৌষধম্| |৪৫|

স০- রক্তযোন্যাং লোহিতং বর্ণৈর্লক্ষযিত্বাঽনুবন্ধং চ যথাদোষোদযং, রক্তস্থাপনং ভেষজং প্রযুঞ্জীত|

Adhikarana raktayonyAM puShyAnugaM cUrNam, shlaiShmikyAM sarvaM rukShoShNamauShadham (45-50) · Śloka 50

| পাঠাং জম্ব্বাম্রযোরস্থি শিলোদ্ভেদং রসাঞ্জনম্||৪৫|| অম্বষ্ঠাং শাল্মলীপিচ্ছাং সমঙ্গাং বত্সকত্বচম্| বাহ্লীকবিল্বাতিবিষারোধ্রতোযদগৈরিকম্||৪৬|| শুণ্ঠীমধূকমাচীকরক্তচন্দনকটূফলম্| কট্বঙ্গবত্সকানন্তাধাতকীমধুকার্জুনম্||৪৭|| পুষ্যে গৃহীত্বা সঞ্চূর্ণ্য সক্ষৌদ্রং তন্দুলাম্ভসা| পিবেদর্শঃস্বতীসারে রক্তং যশ্চোপবেশ্যতে||৪৮|| দোষা জন্তুকৃতা যে চ বালানাং তাংশ্চ নাশযেত্| যোনিদোষং রজোদোষং শ্যাবশ্বেতারুণাসিতম্||৪৯|| চূর্ণং পুষ্যানুগং নাম হিতমাত্রেযপূজিতম্| যোন্যাং বলাসদুষ্টাযাং সর্বং রূক্ষোষ্ণমৌষধম্||৫০||

স০- পাঠাদিকং পুষ্যে গৃহীত্বা সঞ্চূর্ণ্য ক্ষৌদ্রান্বিতং তন্দুলাম্ভসা পিবেত্ অর্শোবিষযাদিষু| যে চ দোষা জন্তুকৃতা বালানাং, তাংশ্চ যোনিদোষাদীন্ হন্তি| পুষ্যানুগসংজ্ঞমেতচ্চূর্ণং হিতমাত্রেযপূজিতং চ| স০- যোন্যাং বলাসেনা দুষ্টাযাং সর্বমেব রূক্ষোষ্ণং হিতম্|

Adhikarana shUnonnatAstabdhApicchilAsrAviNIviplutopaplutAdyAsu yoniShu dhAtakyAditailenAbhya~ggAdikam (51-54) · Śloka 54

ধাতক্যামলকীপত্রস্রোতোজমধুকোত্পলৈঃ| জম্ব্বাম্রসারকাসীসরোধ্রকট্ফলতিন্দুকৈঃ||৫১|| সৌরাষ্ট্রিকাদাডিমত্বগুদুম্বরশলাটুভিঃ| অক্ষমাত্রৈরজামূত্রে ক্ষীরে চ দ্বিগুণে পচেত্||৫২|| তৈলপ্রস্থং তদভ্যঙ্গপিচুবস্তিষু যোজযেত্| তেন শূনোন্নতা স্তব্ধা পিচ্ছিলা স্রাবিণী তথা||৫৩|| বিপ্লুতোপপ্লুতা যোনিঃ সিদ্ধ্যেতত্স্ফোটশূলিনী| |৫৪|

স০- ধাতক্যাদিভিঃ কার্ষিকৈশ্ছাগমূত্রে দ্বিগুণে, ক্ষীরে চ দ্বিগুণে, তৈলপ্রস্থং পচেত্| তত্তৈলমভ্যঙ্গাদিষু যোজ্যম্| অনেন তৈলেন শূনাদিগুণা যোনিঃ সিধ্যতি|

Adhikarana shUnonnatAstabdhApicchilAsrAviNIviplutopaplutAdyAsu yoniShu yavAnnAdishIlanam (54-55) · Śloka 55

| যবান্নমভযারিষ্টং সীধু তৈলং চ শীলযেত্||৫৪|| পিপ্পল্যযোরজঃ পথ্যাপ্রযোগাংশ্চ সমাক্ষিকান্| |৫৫|

স০- তথা যবান্নাদিকং শীলযেত্| পিপ্পল্যাদিপ্রযোগাংশ্চ ক্ষৌদ্রান্বিতানভ্যসেত্|

Adhikarana paicchilye kAsIsAdicUrNo vaishadyakArakaH (55-56) · Śloka 56

| কাসীসং ত্রিফলা কাঙ্ক্ষী সাম্রজম্ব্বস্থি ধাতুকী||৫৫|| পৈচ্ছিল্যে ক্ষৌদ্রসংযুক্তশ্চূর্ণো বৈশদ্যকারকঃ| |৫৬|

স০- কাসীসাদিকশ্চূর্ণো মাক্ষিকান্বিতঃ পৈচ্ছিল্যে বিশদত্বকৃত্|

Adhikarana paicchilye durgandhe palAshAdicUrNaH, AragvadhAdikvAthena secanam (56-57) · Śloka 57

| পলাশধাতকীজম্বূসমঙ্গামোচসর্জজঃ||৫৬|| দুর্গন্ধে পিচ্ছিলে ক্লেদে স্তম্ভনশ্চূর্ণ ইষ্যতে| আরগ্বধাদিবর্গস্য কষাযঃ পরিষেচনম্||৫৭||

স০- পলাশাদিজশ্চূর্ণো দুর্গন্ধাদিষু স্তম্ভনমিষ্যতে| আরগ্বধাদিবর্গক্বাথো (হৃ.সূ. অ. ১৫/১৭) দুর্গন্ধাদৌ পরিষেকঃ|

Adhikarana stabdhAsu karkashAsu mArdavakaraM vesavArAdi dhAraNam (58) · Śloka 58

স্তম্ব্ধানাং কর্কশানাং চ কার্যং মার্দবকারকম্| ধারণং বেসবারস্য কৃসরাপাযসস্য চ||৫৮||

সং-স্তম্ব্ধানাং খরস্পর্শানাং চ যোনীনাং মৃদুত্বকরং বেসবারাদিধারণং বিধেযম্| বেসবারঃ-কুট্টিতস্বিন্নসংস্কৃতমাংসবিশেষঃ| কৃসরা চ পাযসং চ কৃসরাপাযসম্|

Adhikarana durgandhAsu yoniShu sarvagandhAnAM kaShAyAdi (59) · Śloka 59

দুর্গন্ধানাং কষাযঃ স্যাত্তৈলং বা কল্ক এব বা| চূর্ণে বা সর্বগন্ধানাং পূতিগন্ধা(ন্ধ্য)পকর্ষণঃ||৫৯||

সং-দুর্গন্ধানাং যোনীনাং সর্বগন্ধদ্রব্যাণাং কষাযঃ-ক্বাথো, হিতঃ| তত্পক্বং তৈলং তত্কল্ক এব বা| অথবা সর্বগন্ধানাং চূর্ণঃ পূতিগন্ধা(ন্ধ্য) পহঃ|

Adhikarana shleShmalAsu kaTuprAyA bastayaH, pitte samadhukakShIrAH bastayaH, vAte tailAmlayutAH bastayaH (60) · Śloka 60

শ্লেষ্মলানাং কটুপ্রাযাঃ সমূত্রা বস্তযো হিতাঃ| পিত্তে সমধুকক্ষীরা বাতে তৈলাম্লসংযুতাঃ||৬০||

স০- শ্লেষ্মলানাং যোনীনাং কটুপ্রাযা গোমূত্রযুতাশ্চ বস্তযো হিতাঃ| পিত্তে মধুযষ্টীক্ষীরযুক্তা বস্তযঃ| বাতে তৈলাম্লযুতা বস্তযো হিতাঃ|

Adhikarana sannipAtajAyAM sAdhAraNaM karma (61) · Śloka 61

সন্নিপাতসমুত্থাযাঃ কর্ম সাধারণং হিতম্| |৬১|

স০-সন্নিপাতোত্থাযাঃ সাধারণং কর্ম হিতম্|

Adhikarana evaM yoniShu shuddhAsu garbhadhAraNam (61-62) · Śloka 62

| এবং যোনিষু শুদ্ধাসু গর্ভং বিন্দন্তি যোষিতঃ||৬১|| অদুষ্টে প্রাকৃতে বীজে জীবোপক্রমণে সতি| |৬২|

স০- এবং-অনেন প্রকারেণ, যোনিষু বিশুদ্ধাসু সতীষু স্ত্রিযো গর্ভং লভন্তে| প্রাকৃতে বীজেঽদুষ্টে সতি তথা জীবস্যোপক্রমণে ক্ষেপে সতি|

Adhikarana puruShasyApi duShTaM shukraM parIkShyopakramaH (62-63) · Śloka 63

| পঞ্চকর্মবিশুদ্ধস্য পুরুষস্যাপি চেন্দ্রিযম্||৬২|| পরীক্ষ্য বর্ণৈর্দোষাণাং দুষ্টং তদ্ঘ্নৈরুপাচরেত্| |৬৩|

স০- নরস্য পঞ্চভিঃ কর্মভিঃ শুদ্ধস্য, ইন্দ্রিযং,শুক্রং, দোষাণাং বর্ণৈর্দুষ্টং পরীক্ষ্য তদ্ঘ্নৈঃ-দোষঘ্নৈঃ, উপক্রমেত্|

Adhikarana phalasarpiH yonishukradoSheShu shastamAyuShyAdikaraM ca (63-34) · Śloka 34

| মঞ্জিষ্ঠাকুষ্ঠতগরত্রিফলাশর্করাবচাঃ||৬৩|| দ্বে নিশে মধুকং মেদাং দীপ্যকং কটুরোহিণীম্| পযস্যাহিঙ্গুকাকোলীবাজিগন্ধাশতাবরীঃ||৬৪|| পিষ্ট্বাঽক্ষাংশা ঘৃতপ্রস্থং পচেত্ক্ষীরচতুর্গুণম্| যোনিশুক্রপ্রদোষেষু তত্সর্বেষু প্রশস্যতে||৬৫|| আযুষ্যং পৌষ্টিকং মেধ্যং ধন্যং পুংসবনং পরম্| ফলসর্পিরিতি খ্যাতং পুষ্পে পীতং ফলায যত্||৬৬|| ম্রিযমাণপ্রজানাং চ গর্ভিণীনাং চ পূজিতম্| এতত্পরং চ বালানাং গ্রহঘ্নং দেহবর্ধনম্||৬৭|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে গুহ্যরোগপ্রতিষেধো নাম চতুস্ত্রিংশোঽধ্যাযঃ||৩৪||

সং-মঞ্জিষ্টাদিভিঃ কার্ষিকৈঃ পিষ্টৈর্ঘৃতপ্রস্থং ক্ষীরচতুর্গুণং পচেত্| তদ্ধৃতং সর্বেষু যোনিশুক্রপ্রদোষেষু শস্যতে| আযুষ্যাদি গুণং পরং পুংসবনং ম্রিযমাণগর্ভাণাং গর্ভিণীনাং চ হিতম্| ফলসর্পিরিতি নাম্না প্রসিদ্ধম্| কুতঃ ? যস্মাত্ পুষ্পে-আর্তবসমযে, পীতং ফলায জাযতে| তথা পরং বালানাং গ্রহঘ্নং শরীরবৃদ্ধিকরং চেতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয টীকাযাং সর্বাঙ্গসুন্দরাখ্যাযাং ষষ্ঠ উত্তরস্থানে গুহ্যরোগ প্রতিষেধো নাম চতুস্ত্রিংশোঽধ্যাযঃ সমাপ্তঃ|| ৩৪|| ইতি শল্যতন্ত্রং নাম পঞ্চমমঙ্গং সমাপ্তম্|