14. liṅganāśapratiṣēdhādhyāyaḥ

Adhikarana li~gganAshapratiShedhAdhyAyaH||14|| kaphaje li~gganAshe sujAte vyadhaH (2-1) · Śloka 1

অথাতো লিঙ্গনাশপ্রতিষেধং ব্যাখ্যাস্যামঃ| ইতি হ স্মাহুরাত্রযাদযো মহর্ষযঃ| (গদ্যসূত্রে|২| ) বিধ্যেত্সুজাতং নিঃপ্রেক্ষ্যং লিঙ্গনাশং কফোদ্ভবম্| আবর্তক্যাদিভিঃ ষড্ভির্বিবর্জিতমুপদ্রবৈঃ||১||

লিঙ্গনাশস্তিমিরপ্রতিষেধাত্পৃথগুচ্যতে, বহুবক্তব্যত্বাত্| স০-সুজাতং-সুষ্ঠু ঘনীভূতং, লিঙ্গনাশং নিঃপ্রেক্ষ্যং কফোদ্ভবং বিধ্যেত্| শেষাস্তু লিঙ্গনাশা অসাধ্যা ইতি ন তান্ বিধ্যেত্| তথাঽঽবর্তক্যাদিভির্বক্ষ্যমাণৈঃ ষড্ভিরুপদ্রবৈর্বিবর্জিতম্|

Adhikarana kaphaje li~gganAshe vyadhahetuH (2-3) · Śloka 3

সুজাতং কস্মাদ্বিধ্যেত্ ? ইত্যাহ সোঽসঞ্জাতো হি বিষমো দধিমস্তুনিভস্তনুঃ| শলাকযাঽবকৃষ্টোঽপি পুনরূর্ধ্বং প্রপদ্যতে||২|| করোতি বেদনাং তীব্রাং দৃষ্টিং চ স্থগযেত্পুনঃ| শ্লেষ্মলৈঃ পূর্যতে চাশু সোঽন্যৈঃ সোপদ্রবশ্চিরাত্||৩||

স০-স লিঙ্গনাশো যস্মাদসঞ্জাতো বিষমো-ন সমসংস্থানঃ, তথা দধিমস্তুসদৃশস্তথা তনুঃ-ন ঘনঃ, শলাকযাঽবকৃষ্টোঽপি সন্ পুনরূর্ধ্বম্ প্রবর্ততে| তীব্রাং রুজং করোতি| পুনরপি-কৃতব্যধোঽপি সন্ ভূযোঽপি, দৃষ্টিমাচ্ছাদযেত্| শ্লেষ্মলৈরাহারৈরাশু পূর্যতে| সোঽপরৈশ্চ-অশ্লেষ্মলৈরাহারৈঃ, সোপদ্রবৈ(ব)শ্চিরাত্পূর্যতে|

Adhikarana kaphajali~gganAshasya lakShaNam vAtapittali~gganAshasya lakShaNam (4) · Śloka 4

শ্লৈষ্মিকো লিঙ্গনাশো হি সিতত্বাচ্ছ্লেষ্মণঃ সিতঃ| তস্যান্যদোষাভিভবাদ্ভবত্যানীলতা গদঃ|৪|

স০-যস্মাচ্ছ্লৈষ্মিকো লিঙ্গনাশঃ শ্লেষ্মণশ্চ শুক্লত্বাচ্ছুক্লঃ|তস্য-লিঙ্গনাশস্য, অন্যদোষেণ-বাতাদিনা, অভিভবাদানীলতা ভবতি গদঃ|

Adhikarana kaphajali~gganAshasya lakShaNam vAtapittali~gganAshasya lakShaNam (4) · Śloka 4

শ্লৈষ্মিকো লিঙ্গনাশো হি সিতত্বাচ্ছ্লেষ্মণঃ সিতঃ| তস্যান্যদোষাভিভবাদ্ভবত্যানীলতা গদঃ||৪||

স০-যস্মাচ্ছ্লৈষ্মিকো লিঙ্গনাশঃ শ্লেষ্মণশ্চ শুক্লত্বাচ্ছুক্লঃ|তস্য-লিঙ্গনাশস্য, অন্যদোষেণ-বাতাদিনা, অভিভবাদানীলতা ভবতি গদঃ|

Adhikarana SarkarAyAH lakShaNam (5) · Śloka 5

| শর্করাঽর্কপযোলেশনিচিতেব ঘানাতি চ||৫||

সং-শর্করাঽর্কক্ষীরলবনিচিতেব তথাঽতিঘন স্যাত্|

Adhikarana rAjImatyAH lakShaNam (6) · Śloka 6

রাজীমতী দৃঙ্নিচিতা শালিশূকাভরাজিভিঃ| |৬|

স০-রাজীমতী দৃষ্টিঃ শালিশূকসদৃশীভী রাজীভির্নিচিতা স্যাত্|

Adhikarana chinnAMshukAyAH lakShaNam (6) · Śloka 6

| বিষমচ্ছিন্নদগ্ধাভা সরুক্ ছিন্নাংশুকা স্মৃতা||৬||

স০-বিষমা ছিন্নদগ্ধাভা তথা সরুজা ছিন্নাংশুকা দৃষ্টিঃ স্মৃতা|

Adhikarana candrakyAH lakShaNam (7) · Śloka 7

দৃষ্টিঃ কাংস্যসমচ্ছাযা চন্দ্রকী চন্দ্রকাকৃতিঃ| |৭|

স০-চন্দ্রকী দৃষ্টিঃ কাংস্যতুল্যচ্ছাযা চন্দ্রকাকারা স্যাত্|

Adhikarana chatrakyAH lakShaNam (7) · Śloka 7

| ছত্রাভা নৈকবর্ণা চ ছত্রকী নাম নীলিকা||৭||

স০-ছত্রাভাঽনেকবর্ণা চ ছত্রকী নাম নীলিকা স্যাত্|

Adhikarana asirArhAdInAM na vyadhaH (8) · Śloka 8

ন বিধ্যেদসিরার্হাণাং ন তৃট্পীনসকাসিনাম্| নাজীর্ণভীরুবমিতশিরঃকর্ণাক্ষিশূলিনাম্||৮||

স০-অসিরার্হাদীনাং নরাণাং লিঙ্গনাশং ন বিধ্যেত্|

Adhikarana vyadhavidhiH (9-13) · Śloka 13

অথ সাধারণে কালে শুদ্ধসম্ভোজিতাত্মনঃ| দেশে প্রকাশো পূর্বাহ্ণে ভিষগ্জানূচ্চপীঠগঃ||৯|| যন্ত্রিতস্যোপবিষ্টস্য স্বিন্নাক্ষস্য মুখানিলৈঃ| অঙ্গুষ্ঠমৃদিতে নেত্রে দৃষ্টৌ দৃষ্ট্বোত্প্লুতং মলম্||১০|| স্বাং নাসাং প্রেক্ষমাণস্য নিষ্কম্পং মূর্ধ্নি ধারিতে| কৃষ্ণাদর্ধাঙ্গুলং মুক্ত্বা তথাঽর্ধার্ধমপাঙ্গতঃ||১১|| তর্জনীমধ্যমাঙ্গুষ্ঠৈঃ শলাকাং নিশ্চলং ধৃতাম্| দৈবচ্ছিদ্রং নযেত্পার্শ্বাদূর্ধ্বমামন্থযন্নিব||১২|| সব্যং দক্ষিণহস্তেন নেত্রং সব্যেন চেতরত্| বিধ্যেত্|১৩|

স০-অথেতি মঙ্লার্থঃ| কৃতমঙ্গলস্য শুদ্ধস্য তথা সম্ভোজিতাত্মন আতুরস্য সাধরণে কালে প্রকাশে দেশে পূর্বাহ্ণে জানুতুল্যাসনস্থিতো বৈদ্য আতুরস্য যন্ত্রিতস্যোপবিষ্টস্য, তথা স্বিন্নেঽক্ষিণী যস্য তস্য স্বিন্নাক্ষস্য| কৈঃ ? মুখবাযুভিঃ| তথাঽঙ্গুষ্ঠেন মলিতে নযনে সতি দৃষ্টৌ মলমুত্প্লুতং-উদ্গতং দৃষ্ট্বা, স্বাং নাসিকাং বীক্ষমাণস্য মূর্ধ্নি নিষ্কম্পং ধারিতে সতি কৃষ্ণমণ্ডলাদর্ধাঙ্গুলং হিত্বাঽপাঙ্গাচ্চাঙ্গুলচতুর্ভাগং মুক্ত্বা তর্জনীমধ্যমাঙ্গুষ্ঠৈঃ শলাকাং নিশ্চলং যথা ভবতি তথা ধৃতাং দৈবচ্ছিদ্রস্য পার্শ্বং নযেত্ ঊর্ধ্বমালোডযন্নিব| সব্যং নেত্রং দক্ষিণকরেণ, বামেন চ হস্তেন দক্ষিণমক্ষি, বিধ্যেত্|

Adhikarana suviddhe sAntvanAdi (13-18) · Śloka 18

| সুবিদ্ধে শব্দঃ স্যাদরুক্ চাম্বুলবস্রুতিঃ||১৩|| সান্ত্বযন্নাতুরং চানু নেত্রং স্তন্যেন সেচযেত্| শলাকাযাস্ততোঽগ্রেণ নির্লিখেণ্ণেত্রমণ্ডলম্||১৪|| অবাধমানঃ শনকৈর্নাসাং প্রতি নুদংস্ততঃ| উচ্ছিঙ্ঘনাচ্চাপহরেদ্দৃষ্টিমণ্দলগং কফম্||১৫|| স্থিরে দোষে চলে বাঽতি স্বেদযেদক্ষি বাহ্যতঃ| অথ দৃষ্টেষু রূপেষু শলাকামাহরেচ্ছনৈঃ||১৬|| ঘৃতাপ্লুতং পিচুং দত্ত্বা বদ্ধাক্ষং শাযযেত্ততঃ| বিদ্ধাদন্যেন পার্শ্বেন তমুত্তানং দ্বযোর্ব্যধে||১৭|| নিবাতে শযনেঽভ্যক্তশিরঃপাদং হিতে রতম্| |১৮|

স০-সুবিদ্ধে সতি শব্দঃ স্যাত্| তথাঽরুগ্ জললবস্য চ স্রুতিঃ স্যাত্| সান্ত্বযন্ রোগিণমনু-পশ্চাত্, নেত্রং স্তন্যেন সেচযেত্| ততঃ-অনন্তরং, শলাকাযা অগ্রেণ দৃষ্টিমণ্ডলং নির্লিখেত্| কথম্ ? অপীডযন্| তথা শনৈর্নাসাং প্রতি কফং নুদন্| তত উচ্ছিঙ্ঘনাচ্চ দৃষ্টিমণ্ডলগং কফং হরেত্| দোষে চলে স্থিরে বা সত্যক্ষিবাহ্যতোঽতি স্বেদযেত্| অনন্তরং রূপেষু-বস্তুষু, দৃষ্টেষু সত্সু শনৈঃ শলাকামার্কর্ষেত্| ততো ঘৃতাপ্লুতং পিচুং দত্ত্বা পট্টিকযা বদ্ধাক্ষং বিদ্ধাদন্যেন পার্শ্বেন শাযযেত্| দ্বযোরক্ষ্ণোর্ব্যধে সতি তমুত্তানং নিবাতে শযনেঽভ্যক্তশিরঃ পাদং হিতে রতং শাযযেত্|

Adhikarana suviddhe saptAhaM kShavathvAdiniShedhaH (18-19) · Śloka 19

| ক্ষবথুং কাসমুদ্গারং ষ্ঠীবনং পানমম্ভসঃ||১৮|| অধোমুখস্থিতিং স্নানং দন্তধাবনভক্ষণম্| সপ্তাহং নাচারেত্স্নেহপীতবচ্চাত্র যন্ত্রণা||১৯||

স০-ক্ষবথ্বাদীন্ সপ্তাহং নাচরেত্| অত্র চ স্নেহপীত ইব যন্ত্রণা|

Adhikarana suviddhe shaktito la~gghanAdi (20-21) · Śloka 21

শক্তিতো লঙ্ঘযেত্সেকো রুজি কোষ্ণেন সর্পিষা| সব্যোষামলকং বাট্যমশ্নীযাত্সঘৃতং দ্রবম্||২০|| বিলেপীং বা ত্র্যহাচ্চাস্য ক্বাথৈর্মুক্ত্বাঽক্ষি সেচযেত্| বাতঘ্নৈঃ সপ্তমে ত্বহ্নি সর্বথৈবাক্ষি মোচযেত্||২১||

স০-শক্ত্যনুসারেণ চ তং লঙ্ঘযেত্| পীডাযাং সত্যাং কোষ্ণেন ঘৃতেন সেকো হিতঃ| তথা ব্যোষামলকযুক্তং বাঠ্যং দ্রবং সঘৃতং ত্র্যহং ভুঞ্জীত বিলেপিকাং বা| ত্র্যহাদন্তরং নযনং মুক্ত্বা ক্বাথৈর্বাতঘ্নৈঃ সেবযেত্| সপ্তমে তু দিনে সর্বথৈবাক্ষি মোচযেত্|

Adhikarana suviddhe sUkShmAdidarshananiShedhaH (22) · Śloka 22

যন্ত্রণামনুরুধ্যেত দৃষ্টেরাস্থৈর্যলাভতঃ| রূপাণি সূক্ষ্মদীপ্তানি সহসা নাবলোকযেত্||২২||

স০-দৃষ্টেশ্চ যন্ত্রণাং কুর্যাত্| অতিসূক্ষ্মভাসুরাদীন্ নেক্ষেতেত্যর্থঃ| স্থৈর্যলাভো যাবদক্ষ্ণি স্যাত্| স্থিরীভূতাযামপি দৃশি সূক্ষ্মণি রূপাণি ভাসুরাণি চ সহসা নাবলোকযেত্|

Adhikarana vedhadoShe~ahitAcaraNe ca shophAdi (23) · Śloka 23

শোফরাগরুজাদীনামধিমন্থস্য চোদ্ভবঃ| অহিতৈর্বেধদোষাচ্চ যথাস্বং তানুপাচরেত্||২৩||

স০-অহিতৈরাচরিতৈস্তথা বেধদোষাচ্চ শোফাদীনামধিমন্থস্য চোদ্ভূতিঃ| তাংশ্চ যথাযোগমুপক্রমেত্|

Adhikarana rujArAgashamane dUrvAdilepaH (24) · Śloka 24

কল্কিতাঃ সঘৃতা দূর্বাযবগৈরিকসারিবাঃ| মুখালেপে প্রযোক্তব্যা রুজারাগোপশান্তযে||২৪||

স০-দূর্বাদযঃ কল্কিতাঃ সঘৃতা মুখালেপে প্রযোক্তব্যা রূগ্রাগশমায|

Adhikarana rujArAgashamane tilAdilepaH (25) · Śloka 25

সসর্ষপাস্তিলাস্তদ্বন্মাতুলুঙ্গরসাপ্লুতাঃ| |২৫|

স০-তিলাঃ সর্ষপযুক্তা বীজপূররসাপ্লুতাঃ পূর্বগুণাঃ|

Adhikarana rujArAgashamane payasyAdilepaH (25-26) · Śloka 26

| পযস্যাসারিবাপত্রমঞ্জিষ্ঠামধুযষ্টিভিঃ||২৫|| অজাক্ষীরযুতৈর্লেপঃ সুখোষ্ণঃ শর্মকৃত্পরম্| |২৬|

স০-পযস্যাদিভিশ্ছাগক্ষীরান্বিতৈঃ সুখোষ্ণো লেপঃ পরং সুখকৃত্|

Adhikarana rujArAgashamane rodhrAdishRutakShIrasyAshcyotanam (26-27) · Śloka 27

| রোধ্রসৈন্ধবমৃদ্বীকামধুকৈশ্ছাগলং পযঃ||২৬|| শৃতমাশ্চ্যোতনং যোজ্যং রুজারাগবিনাশনম্| |২৭|

স০-রোধ্রাদিভিরজাক্ষীরং শৃতমাশ্চ্যোতনে যোজ্যং রুজাদিহৃত্|

Adhikarana rujArAgashamane madhukAdiSrRutakShIrasyAScyotanam (27) · Śloka 27

| মধুকোত্পলকুষ্ঠৈর্ব দ্রাক্ষালাক্ষাসিতান্বিতৈঃ||২৭||

স০-মধুকাদিভির্বা শৃতমজাক্ষীরমাশ্চ্যোতনং হিতম্|

Adhikarana evamanupashame sirAmokShAdi (28-29) · Śloka 29

বাতঘ্নসিদ্ধে পযসি শৃতং সর্পিশ্চতুর্গুণে| পদ্মকাদিপ্রতীবাপং সর্বকর্মসু শস্যতে||২৮|| সিরাং তথাঽনুপশমে স্নিগ্ধস্বিন্নস্য মোক্ষযেত্| মন্থোক্তাং চ ক্রিযাং কুর্যাদ্বেধে রূঢেঽঞ্জনং মৃদু||২৯||

স০-বাতঘ্নশৃতে ক্ষীরে চতুর্গুণে সর্পিঃ পদ্মকাদিপ্রতীবাপং সর্বকর্মসু শস্যতে| সং-এবমপ্যনুপশান্তৌ স্নিগ্ধস্বিন্নস্য সিরাং মোক্ষযেত্| মন্থোক্তং চোপক্রমং যুঞ্জীত| বেধে রূঢে সতি মৃদ্বঞ্জনং হিতম্|

Adhikarana viddhe~akShNi ADhakyAdivartiH (30) · Śloka 30

আঢকীমূলমরিচহরিতালরসাঞ্জনৈঃ| বিদ্ধেঽক্ষ্ণি সগুডা বর্তির্যোজ্যা দিব্যাম্বুপেষিতা||৩০||

স০-আঢক্যাদিভিঃ সগুডা বর্তির্দিব্যাম্বুপিষ্ঠা বিদ্ধে নযনে যোজ্যা|

Adhikarana viddhe~akShNi jAtyAdi piNDA~jjanam (31-32) · Śloka 32

জাতীশিরীষধবমেষবিষাণিপুষ্প বৈডূর্যমৌক্তিকফলং পযসা সুপিষ্টম্| আজেন তাম্রমমুনা প্রতনু প্রদিগ্ধং সপ্তাহতঃ পুনরিদং পযসৈব পিষ্টম্||৩১|| পিণ্ডাঞ্জনং হিতমনাতপশুষ্কমক্ষ্ণি বিদ্ধে প্রসাদজননং বলকৃচ্চ দৃষ্টেঃ| - |৩২|

স০-জাত্যাদিকমজাক্ষীরেণ শ্লক্ষ্ণপিষ্টমেতেন চ তাম্রং প্রতনু প্রদিগ্ধং সপ্তাহাত্পুনরজাক্ষীরেণ চৈতত্ পিষ্টং পিণ্ডাঞ্জনং ছাযাশুষ্কং বিদ্ধে নযনে প্রসাদনং হিতম্| দৃষ্টেশ্চ বলকৃত্|

Adhikarana viddhe~akShNi srotojAdi piNDA~jjanam (14) · Śloka 14

- | স্রোতোজবিদ্রুমশিলাম্বুধিফেনতীক্ষ্ণৈ- রস্যৈব তুল্যমুদিতং গুণকল্পনাভিঃ||৩২|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা- যামষ্টাঙ্গহৃদযসংহিতাযাং ষষ্ঠে উত্তরস্থানে লিঙ্গনাশপ্রতিষেধো নাম চতু র্দশোঽধ্যাযঃ||১৪||

স০-স্রোতোজাদিভিরজাক্ষীরপিষ্টৈঃ পিণ্ডাঞ্জনং পূর্ববদিতি| বসন্ততিলকং(কে) বৃত্তম্(ত্তে)| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে লিঙ্গনাশপ্রতিষেধো নাম চতুর্দশোঽধ্যাযঃ সমাপ্তঃ|| ১৪||