26. sadyōvranapratiṣēdhādhyāyaḥ

Adhikarana adhyAyopakramaH · Śloka

ব্রণপ্রক্রমাত্ সদ্যোব্রণপ্রতিষেধং ব্যাচিখ্যাসুরাহ-

Adhikarana sadyovraNapratiShedhAdhyAyaH,sadyovraNAnAM kAraNam (2-1) · Śloka 1

অথাতঃ সদ্যোব্রণপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) সদ্যোব্রণা যে সহসা সম্ভবন্ত্যভিঘাততঃ| অনন্তৈরপি তৈরঙ্গমুচ্যতে জুষ্টমষ্টধা||১||

স০-অভিঘাতাত্সহসৈব যে সদ্যোব্রণা জাযন্তে, অসঙ্খ্যৈরপি তৈর্ব্রণৈঃ শরীরং জুষ্টমষ্টধা কথ্যতে|

Adhikarana sadyo aShTau bhedA dhRuShTAdayaH (2) · Śloka 2

তানেবাষ্টৌ প্রকারানাহ ঘৃষ্টাবকৃত্তবিচ্ছিন্নপ্রবিলম্বিতপাতিতম্| বিদ্ধং ভিন্নং বিদলিতং|২|

স০-ঘৃষ্টেত্যাদি|

Adhikarana 1 dhRuShTasya lakShaNam 2 avakRuttasya lakShaNam 3 vicchinnasya lakShaNam 4 pravilambitasya lakShaNam 5 pAtitasya lakShaNam 6 viddhasya lakShaNam 7 bhinnasya lakShaNam 8 vidalitasya lakShaNam (2-5) · Śloka 5

অথৈষামেব লক্ষণান্যাহ | তত্র ঘৃষ্টং লসীকযা||২|| রক্তলেশেন বা যুক্তং সপ্লোষং ছেদনাত্ স্রবেত্| অবগাঢং ততঃ কৃত্তং, বিচ্ছিন্নং স্যাত্ততোঽপি চ||৩|| প্রবিলম্বি সশেষেঽস্থ্নি, পতিতং পাতিতং তনোঃ| সূক্ষ্মাস্যশল্যবিদ্ধং তু বিদ্ধং কোষ্ঠবিবর্জিতম্||৪|| ভিন্নমন্যদ্বিদলিতং মজ্জরক্তপরিপ্লুতম্| প্রহারপীডনোত্পেষাত্ সহাস্থ্না পৃথুতাং গতম্||৫||

স০-তেষু মধ্যে ঘৃষ্টং লসীকযা রক্তলেশেন বা যুক্তং স্রবেত্, ছেদনাত্ সপ্লোষম্| তস্মাদবগাঢমবকৃত্তং স্যাত্| ততোঽপ্যবগাঢতরং বিচ্ছিন্নং স্যাত্| প্রবিলম্বি সশেষাস্থি যত্| পতিতং যচ্ছরীরাত্ তত্ পাতিতং স্যাত্| সূক্ষ্মমুখশল্যবিদ্ধং যত্তত্ বিদ্ধং ক্থ্যতে কোষ্ঠবিবর্জিতম্| অন্যত্ কোষ্ঠে যদ্বিদ্ধং তদ্ভিন্নমুচ্যতে| বিদলিতং তদ্ গদ্যতে যন্মজ্জরক্তপরিপ্লুতং প্রহারাদিভিঃ সহাস্থ্না পৃথুতাং গতম্|

Adhikarana sadyovraNacikitsA sadyovraNe tIvramyahe yaShTIShTa tena secanam sadyo balAtailena vA punaH punaH secanam (6) · Śloka 6

সদ্যঃ সদ্যোব্রণং সিঞ্চেদথ যষ্ট্যাহ্বসর্পিষা| তীব্রব্যথং কবোষ্ণেন বলাতৈলেন বা পুনঃ||৬||

স০-অথ এবং ব্রণস্বরূপতাং জ্ঞাত্বা, সদ্য এবেতি সদ্যোব্রণং তীব্রব্যথং মধুযষ্টীঘৃতেন কোষ্ণেন সিঞ্চেত্| বলাতৈলেন (হৃ.শা.অ. ২/৪৭) বা কোষ্ণেন পুনঃ পুনঃ সিঞ্চেত্|

Adhikarana sadyo kShatoShmaNaH shAntaye kaShAyAdayolepAdayaH (7) · Śloka 7

ক্ষতোষ্মণো নিগ্রহার্থং তত্কালং বিসৃতস্য চ| কষাযশীতমধুরস্নিগ্ধা লেপাদযো হেতাঃ||৭||

স০-ক্ষতোষ্মণশ্চ শান্তযে তত্কালনির্গতস্য চ কষাযাদযো লেপাদ্যাঃ শস্যন্তে|

Adhikarana sadyo Ayate sandhAnArthaM madhusarpiH,sadyo Ayate pittandhIshcha shItAH kriyAH (8) · Śloka 8

সদ্যোব্রণেষ্বাযতেষু সন্ধানার্থং বিশেষতঃ| মধুসর্পিশ্চ যুঞ্জীত পিত্তঘ্নীশ্চ হিমাঃ ক্রিযাঃ||৮||

স০-সদ্যোব্রণেষ্বাযতেষু সন্ধানাড়্থং বিশেষেণ মাক্ষিকং সঘৃতং যুঞ্জীত| তথা পিত্তঘ্নীশ্চ শীতাঃ ক্রিযা হিতাঃ|

Adhikarana sadyo sasaMramme shodhanAdi dhRuShTe (9) · Śloka 9

সসংরম্ভেষু কর্তব্যমূর্ধ্বং চাধশ্চ শোধনম্| উপবাসো হিতং ভুক্তং প্রততং রক্তমোক্ষণম্||৯||

স০-সসংরম্ভেষু ব্রণেষূর্ধ্বমধশ্চ শোধনং কার্যম্| তথোপবাসো বিধাতব্যঃ| অবস্থাবশাত্ পূর্বোক্তং ভোজনং হিতম্| তথা প্রততং রক্তস্রাবণং হিতম্|

Adhikarana eSha vidhiH (10) · Śloka 10

ঘৃষ্টে বিদলিতে চৈষ সুতরামিষ্যতে বিধিঃ| তযোর্হ্যল্পং স্রবত্যস্রং পাকস্তেনাশু জাযতে||১০||

স০-ঘৃষ্টে বিদলিতে চ এষা পূর্বোক্তা চিকিত্সা ইষ্যতে| যস্মাত্তযোঃ-ঘৃষ্টবিদলিতযোঃ, অস্রমল্পং স্রবতি| তেন চ কারেণেন তযোরাশু শীঘ্রং পাকো জাযতে|

Adhikarana anyatra vikShate snehapAnAdi (11-12) · Śloka 12

অত্যর্থমস্রং স্রবতি প্রাযশোঽন্যত্র বিক্ষতে| ততো রক্তক্ষযাদ্বাযৌ কুপিতেঽতিরুজাকরে||১১|| স্নেহপানপরীষেকস্বেদলেপোপনাহনম্| স্নেহবস্তিং চ কুর্বীত বাতঘ্নৌষধসাধিতম্||১২||

স০-অন্যত্র বিক্ষতে বাহুল্যেন বহু রক্তং স্রবতি| ন চ পাকং যাতি| অনন্তরমত্যন্তরক্তস্রাবাত্ পবনে কুপিতেঽতিরুজাকরে সতি স্নেহপানাদিকং স্নেহবস্তিং চ বাতহরৌষধসাধিতং কুর্বীত|

Adhikarana sadyovraNe iti sAptAhikovidhiH ,sadyo anantaraM pUrvoktovidhiH (13) · Śloka 13

ইতি সাপ্তাহিকঃ প্রোক্তঃ সদ্যোব্রণহিতো বিধিঃ| সপ্তাহাদ্গতবেগে তু পূর্বোক্তং বিধিমাচরেত্||১৩||

স০-ইতি-এবং, সাপ্তাহিকঃ সদ্যোব্রণহিতো বিধিরুক্তঃ| সপ্তাহেন নিবৃত্ত ইতি "প্রাগ্বহতেষ্ঠক্" ইতি ঠক্| সপ্তাহাদূর্ধ্বং গতক্ষোভে সতি পূর্বোক্তং বিধিং-ব্রণপ্রতিষেধোক্তং, কুর্যাত্|

Adhikarana sadyo idaM sAmAnyakarmaM (14) · Śloka 14

প্রাযঃ সামান্যকর্মেদং বক্ষ্যতে তু পৃথক্পৃথক্| |১৪|

স০-প্রাযো বাহুল্যেন সদ্যোব্রণ এতত্সামান্যং কর্ম| স০-পৃথক্পৃথগ্ বিশেষেণ কর্ম ভণিষ্যতে|

Adhikarana dhRuShTe vraNe cUrNAni (14) · Śloka 14

| ঘৃষ্টে রুজং নিগৃহ্যাশু ব্রণে চূর্ণানি যোজযেত্||১৪||

স০-ঘৃষ্টে ব্রণে পীডাং প্রাগুপশময্য চূর্ণানি যোজযেত্|

Adhikarana avakRutte vraNe kalkAdIni (15) · Śloka 15

কল্কাদিন্যবকৃত্তে তু| |১৫|

স০-অবকৃত্তে পুনর্ব্রণে কল্কাদীনি যোজযেত্|

Adhikarana vicchinne pravilambini casIvanaMbandhanaMpIDanaM ca (15) · Śloka 15

বিচ্ছিন্নপ্রবিলম্বিনোঃ| সীবনং বিধিনোক্তেন বন্ধনং চানু পীডনম্||১৫||

স০-বিচ্ছিন্নে প্রবিলম্বনি চ ব্রণে সীবনং পূর্বোক্তেন বিধানেন, তথা বন্ধনং পীডনং চ পশ্চাদ্ যোজযেত্|

Adhikarana sphuTitanetrasyAsAdhyatvam,asphuTitalambini netre yathA sthAnAniveshanAdi asphutisarvanetrAbhidhAtajit yaShTacAdivkamAjaM dhRutam (16-18) · Śloka 18

অসাধ্যং স্ফুটিতং নেত্রমদীর্ণং লম্বতে তু যত্| সন্নিবেশ্য যথাস্থানমব্যাবিদ্ধসিরং ভিষক্||১৬|| পীডযেত্ পাণিনা পদ্মপলাশান্তরিতেন তত্| ততোঽস্য সেচনে নস্যে তর্পণে চ হিতং হবিঃ||১৭|| বিপক্বমাজং যষ্ট্যাহ্বজীবকর্ষভকোত্পলৈঃ| সপযস্কৈঃ পরং তদ্বি সর্বনেত্রাভিঘাতজিত্||১৮||

স০-স্ফুটিতং লোচনমসাধ্যম্| অস্ফুটিতং তু যন্নেত্রমবদীর্ণংলম্বতে, তত্ স্বে স্থানে সন্নিবেশ্যাব্যাবিধসিরং পদ্মপত্রান্তরিতেন হস্তেন পীডযেত্| অনন্তরমস্যাতুরস্য ঘৃতং ছাগং সক্ষীরৈর্যষ্ট্যাদিভিঃ কল্কৈঃ পক্বং সেচনাদৌ হিতম্| যতস্তদ্ ঘৃতং পরং সর্বনেত্রাভিঘাতজিত্|

Adhikarana avasanne netre galapIDAdi,avasanne kShatanetrava~jja kriyA (19) · Śloka 19

গলপীডাঽবসন্নেঽক্ষ্ণি বমনোত্কাসনক্ষবাঃ| প্রাণাযমোঽথবা কার্যঃ ক্রিযা চ ক্ষতনেত্রবত্||১৯||

স০-গলপীডনমবসন্নে নেত্রে বমনাদযঃ কার্যাঃ, প্রাণাযামো বা| তথা ক্ষনেত্রক্রিযা চাত্র হিতা|

Adhikarana karNe sthAnAccyute tailena pUraNam (20) · Śloka 20

কর্ণে স্থানাচ্চ্যুতে স্যূতে শ্রোতস্তৈলেন পূরযেত্| |২০|

স০-কর্ণে স্থানাদ্ ভ্রষ্টে স্যূতে সতি তৈলেন শ্রোতঃ পূরযেত্|

Adhikarana kRukATiyAM chinnAyAM sIvanAdi,kRukA Ajena sarpiShA pariShekaHkRukA uShNAno~annAni bhu~jjItakRukA tuyantritaH svapyAt (20-22) · Śloka 22

| কৃকাটিকাযাং ছিন্নাযাং নির্গচ্ছত্যপি মারুতে||২০|| সমং নিবেশ্য বধ্নীযাত্ স্যূত্বা শীঘ্রং নিরন্তরম্| আজেন সর্পিষা চাত্র পরিষেকঃ প্রশস্যতে||২১|| উত্তানোঽন্নানি ভুঞ্জীত, শযীত চ সুযন্ত্রিতঃ| |২২|

স০-কৃকাটিকাযাং ছিন্নাযাং বাতেঽপি নির্যাতে সতি সমং স্থাপযিত্বা স্যূত্বা চ নিরন্তরং শীঘ্রং বধ্নীযাত্| অত্রাজেন ঘৃতেন চ পরিষেকঃ শ্রেষ্ঠঃ| উত্তানাঃ সন্ ভোজনং ভুঞ্জীত| সুযন্ত্রিতশ্চ স্বপ্যাত্|

Adhikarana shAkAsu tiryaksthe dhAte sIvanAdi (22-23) · Śloka 23

| ঘাতং শাখাসু তির্যক্স্থং গাত্রে সম্যঙ্নিবেশিতে||২২|| স্যূত্বা বেল্লিতবন্ধেন বধ্নীযাদ্ধনবাসসা| চর্মণা গোষ্ফণাবন্ধঃ কার্যশ্চাসঙ্গতে ব্রণে||২৩||

স০-শাখাসু হতমাতুরং তির্যক্স্থিতং শরীরে সম্যক্স্থাপিতে স্যূত্বা বেল্লিতবন্ধেন ঘনেন বাসসা বধ্নীযাত্| অসঙ্গতে ব্রণে চর্মণা গোষ্ফণাবন্ধো বিধেযঃ|

Adhikarana vilambimuShkasya sIvanAdi (24-25) · Śloka 25

পাদৌ বিলম্বিমুষ্কস্য প্রোক্ষ্য নেত্রে চ বারিণা| প্রবেশ্য বৃষণৌ সীব্যেত্ সেবন্যা তুন্নসংজ্ঞযা||২৪|| কার্যশ্চ গোষ্ফণাবন্ধঃ কট্যামাবেশ্য পট্টকম্| স্নেহসেকং ন কুর্বীত তত্র ক্লিদ্যতি হি ব্রণঃ||২৫||

স০-বিলম্বুমুষ্কস্য পাদৌ নেত্রে চ বারিণা প্রেক্ষ্য বৃষণৌ প্রবেশ্য সীব্যেত্| কথম্ ? তুন্নসংজ্ঞযা সেবন্যা| তথা কট্যাং পট্টকমাসজ্য গোষ্ফণাবন্ধং কুর্যাত্| স্নেহসেকং ন কুর্বীত| যতঃ স্নেহসেকে সত্যস্মিন্ ব্রণঃ ক্লিদ্যতি|

Adhikarana vilambi kAlAnusAryAditailenaropaNam (26) · Śloka 26

কালানুসার্যগুর্বেলাজাতীচন্দনপর্পটৈঃ| শিলাদার্ব্যমৃতাতুত্থৈঃ সিদ্ধং তৈলং চ রোপণম্||২৬||

স০-কালানুসার্যাদিভিঃ কল্কিতৈঃ পক্বং তৈলং বৃষণযো রোপণম্|

Adhikarana niHsheShataH cchinnAyAM shAkhAyAM tailAna dgdhvA koshabandhanAdi (27) · Śloka 27

ছিন্নাং নিঃশেষতঃ শাখাং দগ্ধ্বা তৈলেন যুক্তিতঃ| বধ্নীযাত্ কোশবন্ধেন ততো ব্রণবদাচরেত্||২৭||

স০-নিঃশেষেণ ছিন্নাং শাখাং দগ্ধ্বা তৈলেন যুক্ত্যা কোশবন্ধেন বধ্নীযাত্| অনন্তরং ব্রণমিবাচরেত্|

Adhikarana viddhe shalyAhrate vraNavat kriyA (28) · Śloka 28

কার্যা শল্যাহৃতে বিদ্ধে ভঙ্গাদ্বিদলিতে ক্রিযা| |২৮|

স০-বিদ্ধে শল্যাহৃতে সতি ভঙ্গাদ্বিদলিতে ক্রিযা কার্যা|

Adhikarana vidalite shalye~apahrate vraNavat kriyA,vidalite bha~ggavat kriyA shirasaH shalye~aparate bAlavartipraveshanAdi (28-29) · Śloka 29

| শিরসোঽপহৃতে শল্যে বালবর্তিং প্রবেশযেত্||২৮|| মস্তুলুঙ্গস্রুতেঃ ক্রুদ্ধো হন্যাদেনং চলোঽন্যথা| ব্রণে রোহতি চৈকৈকং শনৈরপনযেত্কচম্||২৯||

স০-শিরসঃ শল্যে নিপতিতে সতি বালবর্তিং প্রবেশযেত্| অন্যথা-বালবর্তেরপ্রবেশাত্, মস্তুলুঙ্গস্রাবাদ্বাযুঃ ঋদ্ধঃ এনং- ব্রণিনং, হন্যাত্| ব্রণে রোহতি সত্যেকৈকং কচং শনৈর্নযেত্|

Adhikarana mastulu~ggastrutou mastiShkabhakShaNam (30) · Śloka 30

আচরমোচ্ছ্বাসাদাতুরং সমুপাচরেদিতি বচনান্মস্তুলুঙ্গস্রুতাবপ্যুপক্রমমাহ মস্তুলুঙ্গস্রুতৌ খাদেন্মস্তিষ্কানন্যজীবজান্| |৩০|

স০-মস্তুলুঙ্গস্য-মজ্জাখ্যস্য, স্রুতাবন্যজীবজান্ মস্তিষ্কান্ খাদেত্|

Adhikarana hratashalye~a~gge snehavartiH (30) · Śloka 30

| শল্যে হৃতেঽঙ্গাদন্যস্মাত্স্নেহবর্তিং নিধাপযেত্||৩০||

স০-অঙ্গাদন্যস্মাচ্ছল্যে হৃতে সতি তত্র ব্রণে স্নেহবর্তিং নিধাপযেত্|

Adhikarana vraNe dUrAvagADhAdau cakratai lena secanam (31) · Śloka 31

দূরাবগাঢাঃ সূক্ষ্মাস্যা যে ব্রণাঃ স্রুতশোণিতাঃ| সেচযেচ্চক্রতৈলেন সূক্ষ্মনেত্রার্পিতেন তান্||৩১||

স০-যে ব্রণা দূরাবগাঢাদিগুণাস্তাংশ্চক্রতৈলেন-কোহ্লকাদ্যুদ্ভবেন তৈলেন, সেচযেত্| কিম্ভূতেন ? সূক্ষ্মনেত্রেণার্পিতেন-ক্ষিপ্তেন|

Adhikarana bhinnakoShThasya raktapUrNasya lakShaNam (32-33) · Śloka 33

ভিন্নে কোষ্ঠেঽসৃজা পূর্ণে মূর্চ্ছাহৃত্পার্শ্ববেদনাঃ| জ্বরো দাহস্তৃডাধ্মানং ভক্তস্যানভিনন্দনম্||৩২|| সঙ্গো বিণ্মূত্রমরুতাং শ্বাসঃ স্বেদোঽক্ষিরক্ততা| লোহগন্ধিত্বমাস্যস্য স্যাদ্ গাত্রে চ বিগন্ধতা||৩৩||

স০-ভিন্নে কোষ্ঠে রক্তেন পূর্ণে সতি মূর্চ্ছাদ্যাঃ স্যুঃ|

Adhikarana bhinnakoShThasya AmAshayastharudhirasya (34) · Śloka 34

আমাশযস্থে রুধিরে রুধিরং ছর্দযত্যপি| আধ্মানেনাতিমাত্রেণ শূলেন চ বিশস্যতে||৩৪||

স০-আমাশযস্থে রুধিরে রক্তমুদ্বমত্যপ্যাধ্মানেনাতিমাত্রেণ শূলেন চ বিশস্যতে-ব্যাপদ্যতে|

Adhikarana bhinnakoShThasya pakvAshayastha rudhirasya lakShaNam (35) · Śloka 35

পক্বাশযস্থে রুধিরে সশূলং গৌরবং ভবেত্| নাভেরধস্তাচ্ছীতত্বং খেভ্যো রক্তস্য চাগমঃ||৩৫||

স০-পক্বাশযস্থে লোহিতে শূলসহিতং গৌরবং ভবেত্| নাভেরধোভাগে শৈত্যম্| ছিদ্রেভ্যো রুধিরস্যৈবাগমনম্|

Adhikarana abhinnAshayasyApi raktena pUrNatvam (36) · Śloka 36

অভিন্নোঽপ্যাশযঃ সূক্ষ্মৈঃ স্রোতোভিরভিপূর্যতে| অসৃজা স্যন্দমানেন পার্শ্বে মূত্রেণ বস্তিবত্||৩৬||

স০-আশযোঽভিন্নোঽপি সূক্ষ্মৈঃ স্রোতোভির্লোহিতেন স্যন্দমানেনাভিপূর্যতে| পার্শ্বে মূত্রেণ বস্তিরিব|

Adhikarana tatrAntarlohitAderasAdhyatvam (37) · Śloka 37

তত্রান্তর্লোহিতং শীতপাদোচ্ছ্বাসকরাননম্| রক্তাক্ষং পাণ্ডুবদনমানদ্ধং চ বিবর্জযেত্||৩৭||

স০-তেষু মধ্যেঽন্তর্লোহিতং ব্রণিনং শীতপাদং শীতোচ্ছ্বাসং শিশিরকরং শীতবক্রং লোহিতাক্ষং পাণ্ডুবদনমানদ্ধং চ বর্জযেত্|

Adhikarana AmAshayasthe rakte vamanam,pavkAshayasthe rakte vireko nirUhashcha (38) · Śloka 38

অমাশযস্থে বমনং হিতং, পক্বাশযাশ্রিতে| বিরেচনং নিরূহং চ নিঃস্নেহোষ্ণৈর্বিশোধনৈঃ||৩৮||

স০-আমাশযস্থে রক্তে বমনং হিতম্| পক্বাশযগতে বিরেচনং নিরূহং চ বিগতস্নেহৈরুষ্ণৈশ্চ বিশোধনৈর্হিতম্|

Adhikarana pakvAshaya annabhakShaNaprakAraH (39) · Śloka 39

যবকোলকুলত্থানাং রসৈঃ স্নেহবিবর্জিতৈঃ| ভুঞ্জীতান্নং যবাগূং বা পিবেত্সৈন্ধবসংযুতাম্||৩৯||

স০-যবাদীনাং রসৈঃ স্নেহরহিতৈরন্নং ভক্ষযেত্| পেযাং সৈন্ধবান্বিতাং বা পিবেত্|

Adhikarana atiniH strutarakte rudhirapAnam (40) · Śloka 40

অতিনিঃস্রুতরক্তস্তু ভিন্নকোষ্ঠঃ পিবেদসৃক্| |৪০|

স০-অতিনিঃস্রুতলোহিতো ভিন্নকোষ্ঠো রুধিরং পিবেত্|

Adhikarana koShThabhedanasya dvaividhyam kliShTAntre mUrcchAdayo~alpAH chinnAntre mUrcchAatibAdhakAH kliShTacchinnAntrayoH saMshayAsAdhyatvam (40-41) · Śloka 41

| ক্লিষ্টচ্ছিন্নান্ত্রভেদেন কোষ্ঠভেদো দ্বিধা স্মৃতঃ||৪০|| মূর্চ্ছাদযোঽল্পাঃ প্রথমেদ্বিতীযে ত্বতি বাধকাঃ| ক্লিষ্টান্ত্রঃ সংশযী দেহী ছিন্নান্ত্রো নৈব জীবতি||৪১||

স০-ক্লিন্নান্ত্রভেদেন ভিন্নান্ত্রভেদেন চ কোষ্ঠভেদো দ্বিপ্রকার উক্তঃ| প্রথমে-ক্লিন্নান্ত্রাখ্যে, মূর্চ্ছদযোঽল্পাঃ-কিঞ্চিদেব, স্যুঃ| দ্বিতীযে-ভিন্নান্ত্রাখ্যে, অতিশযেন বাধকাঃ স্যুঃ| ক্লিন্নান্ত্রো দেহী সংশযী স্যাদ্ জীবনে| ভিন্নান্ত্রো ন জাতু জীবতি|

Adhikarana bhinnakoShTasya sAdhyalakShaNam (42) · Śloka 42

যথাস্বং মার্গমাপন্না যস্য বিণ্মূত্রমারুতাঃ| ব্যুপদ্রবঃ স ভিন্নেঽপি কোষ্ঠে জীবত্যসংশযম্||৪২||

স০-যস্য বিণ্মূত্রমারুতা যথাযথং মার্গং প্রাপ্তাঃ বিগতোপদ্রবশ্চ স নরো ভিন্নকোষ্ঠোঽপি সন্ জীবতি|

Adhikarana antrakoShThasya matadvayam (43-44) · Śloka 44

অভিন্নমন্ত্রং নিষ্ক্রান্তং প্রবেশ্যং ন ত্বতোঽন্যথা| উত্পঙ্গিলশিরোগ্রস্তং তদপ্যেকে বদন্তি তু||৪৩|| প্রক্ষাল্য পযসা দিগ্ধং তৃণশোণিতপাংসুভিঃ| প্রবেশযেত্ক্লৃপ্তনখো ঘৃতেনাক্তং শনৈঃ শনৈঃ||৪৪||

স০-অন্ত্রমভিন্নং নিষ্ক্রান্তং প্রবেশনীযমন্তরে| ন ত্বতোঽন্যথা-ভিন্নমিত্যর্থঃ| অন্যে ত্বেবমাচক্ষতে,-উত্পঙ্গিলশিরসামর্কোটশীর্ষেণ, গ্রস্তং ভিন্নমপ্যন্ত্রং প্রবেশ্যম্| সং-অন্ত্রং নিষ্ক্রান্তং তৃণাদিভির্দিগ্ধং পযসা প্রক্ষাল্য সর্পিষাঽভ্যক্তং ক্লৃপ্তনখঃ শনৈঃ শনৈঃ প্রবেশযেত্|

Adhikarana annapravEshavidhiH (45-46) · Śloka 46

ক্ষীরেণার্দ্রীকৃতং শুষ্কং ভূরিসর্পিঃপরিপ্লুতম্| অঙ্গুল্যা প্রমৃশেত্কণ্ঠং জলেনোদ্বেজযেদপি||৪৫|| তথাঽন্ত্রাণি বিশন্ত্যন্তস্তত্কালং পীডযন্তি চ| |৪৬|

স০-শুষ্কমন্ত্রং ক্ষীরেণার্দ্রীকৃতং বহুঘৃতপরিপ্লুতমঙ্গুল্যা গলং প্রমৃশেত্ জলেনোদ্বেজযেত্| তথা-এবং, অন্ত্রাণ্যন্তঃ প্রবিশন্তি তত্কালং চ পীডযন্তি|

Adhikarana yathAsthAnaM syite~antre vraNaM sIvyet ,sthAnAcyute~antre maraNam kupite~antre paTTena veShTayetvA dhRutena paripecayet kupite tatashchitrAtailapayasA pAnam kupite vraNayantraNAM varShamanuvarteta (46-50) · Śloka 50

| ব্রণসৌক্ষ্ম্যাদ্বহুত্বাদ্বা কোষ্ঠমন্ত্রমনাবিশত্||৪৬|| তত্প্রমাণেন জঠরং পাটযিত্বা প্রবেশযেত্| যথাস্থানং স্থিতে সম্যগন্ত্রে সীব্যেদনু ব্রণম্||৪৭|| স্থানাদপেতমাদত্তে জীবিতং কুপিতং চ তত্| বেষ্টযিত্বাঽনু পট্টেন ঘৃতেন পরিষেচযেত্||৪৮|| পাযযেত ততঃ কোষ্ণং চিত্রাতৈলযুতং পযঃ| মৃদুক্রিযার্থং শকৃতো বাযোশ্চাধঃপ্রবৃত্তযে||৪৯|| অনুবর্তেত বর্ষং চ যথোক্তাং ব্রণযন্ত্রণাম্| |৫০|

স০-ব্রণসূক্ষ্মাত্বাদন্ত্রস্য বহুত্বাত্ [বা] কোষ্ঠমনাবিশদন্ত্রং জঠরং তত্প্রমাণেন পাটযিত্বা প্রবেশযেত্| যথাস্থানং স্থিতে সম্যগন্ত্রে সতি পশ্চাদ্ ব্রণং সীব্যেত্| স্থানাচ্চ্যুতমন্ত্রং জীবিতং হরতি| কুপিতং চ তত্-অন্ত্রং, পট্টেন বেষ্টযিত্বা পশ্চাদ্ঘৃতেন পরিষেচযেত্| অনন্তরং চিত্রাতৈলান্বিতং কোষ্ণং ক্ষীরং পিবেত্| শকৃতো ম্ড়ৃদূকরণায পবমানস্য চ প্রবর্তনায| যথোক্তাং চ ব্রণযন্ত্রণাং সংবত্সরং যাবদনুবর্তেত|

Adhikarana udarAnmedovartinirgamane cikitsA (50-54) · Śloka 54

| উদরান্মেদসো বর্তিং নির্গতাং ভস্মনা মৃদা||৫০|| অবকীর্য কষাযৈর্বা শ্লক্ষ্ণৈর্মূলৈস্ততঃ সমম্| দৃঢং বধ্বা চ সূত্রেণ বর্দ্ধযেত্কুশলো ভিষক্||৫১|| তীক্ষ্ণেনাগ্নিপ্রতপ্তেন শস্ত্রেণ সকৃদেব তু| স্যান্দন্যথা রুগাটোপো মৃত্যুর্বা ছিদ্যমানযা||৫২|| সক্ষৌদ্রে চ ব্রণে বদ্ধে সুজীর্ণেঽন্নে ঘৃতং পিবেত্| ক্ষীরং বা শর্করাচিত্রালাক্ষাগোক্ষুরকৈঃ শৃতম্||৫৩|| রুগ্দাহজিত্সযষ্ট্যাহ্বৈঃ পরং পূর্বোদিতো বিধিঃ| মেদোগ্রন্থ্যুদিতং তত্র তৈলমভ্যঞ্জনে হিতম্||৫৪||

স০-জঠরান্মেদসো বর্তিং নির্গতাং ভস্মনা বা মৃদাঽবকীর্যাথবা শ্লক্ষ্ণচূর্ণৈঃ কষাযৈর্মূলৈরবকীর্য ততো মূলেন সমং দৃঢং চ কৃত্বা সূত্রেণ বধ্বা তীক্ষ্ণেন বহ্নিপ্রতপ্তেন শস্ত্রেণ কুশলো বৈদ্যঃ সকৃদেব বর্দ্ধযেত্| অন্যথা ছিন্নযা রুজাঽঽটোপো মৃত্যুর্বা স্যাত্| ততো ব্রণে সমাক্ষিকে বদ্ধেঽন্নে চ সুজীর্ণে সতি ঘৃতং পিবেত্| অথবা শর্করাদিভিঃ শৃতং দুগ্ধং পিবেত্| তচ্চ ঘৃতং ক্ষীরং বা রুজাদাহহৃত্| অনন্তরং পূর্বোক্তো বিধিঃ| তত্র মেদোগ্রন্থিষু কথিতং তৈলমভ্যঞ্জনে হিতম্|

Adhikarana sadyovraNeShu tAlIsAditailaM ropaNam (55-56) · Śloka 56

তালীসং পদ্মকং মাংসীহরেণ্বগুরুচন্দনম্| হরিদ্রে পদ্মবীজানি সোশীরং মধুকং চ তৈঃ||৫৫|| পক্বং সদ্যোব্রণেষূক্তং তৈলং রোপণমুত্তমম্| |৫৬|

স০-তালীসাদিভিঃ কল্কিতৈঃ পক্বং তৈলং সদ্যোব্রণেষু রোপণং পরমুক্তম্|

Adhikarana gUDhaprahArAbhihatAdau vAtAstrajit karma (56-57) · Śloka 57

| গূঢপ্রহারাভিহতে পতিতে বিষমোচ্চকৈঃ||৫৬|| কার্যং বাতাস্রজিত্ তৃপ্তিমর্দনাভ্যঞ্জনাদিকম্| |৫৭|

স০-গূঢপ্রহারেণাভিহতে, তথা বিষমং পতিতে, তথোচ্চকৈঃ পতিতে চ, বাতরক্তহরাদিকং কার্যম্|

Adhikarana vishliShTadehAdau tailadroNyAM vAsayet (26) · Śloka 26

| বিশ্লিষ্টদেহং মথিতং ক্ষীণং মর্মাহতং হতম্||৫৭|| বাসযেত্তৈলপূর্ণাযাং দ্রোণ্যাং মাংসরসাশিনম্| ৫৭ ১/২| ইতি শ্রীবৈদ্যপতিসিংহগুপ্তসূনূশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে সদ্যোব্রণপ্রতিষেধো নাম ষ- ড্বিংশোঽধ্যাযঃ||২৬||

স০-বিশ্লিষ্টদেহাদিকং নরং তৈলদ্রোণ্যাং মাংসরসাশিনং বাসযেদিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামাষ্টাঙ্গহৃদযটী- কাযাং সর্বাঙ্গসুন্দরাখ্যাযাং ষষ্ঠে উত্তরস্থানে সদ্যোব্রণপ্রতি- ষেধো নাম ষড্বিংশোঽধ্যাযঃ সমাপ্তঃ|| ২৬||