11. sandhisitasitarōgapratiṣēdhādhyāyaḥ

Adhikarana sandhisitAsitAsitarogapratiShedhAdhyAyaH||11|| (2-3) · Śloka 3

অস্মাদনন্তরং সন্ধিসিতাসিতরোগপ্রতিষেধ উচ্যতে অথাতঃ সন্ধিসিতাসিতরোগপ্রতিষেধং ব্যাখ্যাস্যামঃ| ইতি হ স্মাহুরাত্রেযদযো মহর্ষযঃ| (গদ্যসূত্রে|২| )||৩||

স০-প্রতিষিধ্যতে নিরাক্রিযতে চিকিত্স্যত ইতি প্রতিষেধঃ,-চিকিত্সা| শেষং পূর্ববত্|

Adhikarana upanAhe bhedanalekhanAdi (1-2) · Śloka 2

জলাস্রাবকফাস্রাবযোরসাধ্যত্বাদুপনাহচিকিত্সামাহ উপনাহং ভিষক্ স্বিন্নং ভিন্নং ব্রীহিমুখেন চ| লেখযেন্মণ্ডলাগ্রেণ ততশ্চ প্রতিসারযেত্||১|| পিপ্পলীক্ষৌদ্রসিন্ধূত্থৈর্বধ্নীযাত্পূর্ববত্ততঃ| পটোলপত্রামলকক্বাথেনাশ্চ্যোতযেচ্চ তম্||২||

স০-বৈদ্যো মণ্ডলাগ্রেণোপনাহং সন্ধিরোগং লেখযেত্| কিম্ভূতম্ ? স্বিন্নং বর্ত্মরোগপ্রতিষেধোক্তেন প্রকারেণ পোটলিকযোষ্ণোদকপ্লুতযেতি| তথা ব্রীহিমুখেন ভিন্নম্| ততঃ পিপ্পল্যাদিভিঃ প্রতিসারযেত্| [ ততঃ-] অনন্তরং, পূর্ববত্-প্রক্ষাল্যোষ্ণেন বারিণা ঘৃতেন সিক্তমভ্যক্তং মধুসর্পিষা ঊর্ধ্বাধঃ কর্ণযোশ্চ যবসক্তুভিঃ পিণ্ডীং দত্ত্বা, বধ্নীযাদিতি| তথা পটোলপত্রামলকক্বাথেন চাশ্চ্যোতযেত্|

Adhikarana parvaNyAM chedanapratisAraNAdi (3-4) · Śloka 4

পর্বণী বডিশেনাত্তা বাহ্যসন্ধিত্রিভাগতঃ| বৃদ্ধিপত্রেণ বর্ধ্যাঽর্ধে স্যাদশ্রুগতিরন্যথা||৩|| চিকিত্সা চার্মবত্ক্ষৌদ্রসৈন্ধবপ্রতিসারিতা| |৪|

স০-পর্বণী বাহ্যসন্ধিত্রিভাগে বডিশেন গৃহীতা সতী বৃদ্ধি পত্রেণ বর্ধ্যা-ছেদনীযা| কুত্র ভাগে বর্ধ্যা ? ইত্যাহ-অর্ধে| অতোঽন্যথা-অধিকচ্ছেদনাত্, অশ্রুগতিঃ স্যাত্| চিকিত্সা চেযমর্মবত্| তত্র চৈবমুক্তম্ (শ্লো. ২০)-"সম্যক্ ছিন্নং মধুব্যোষসৈন্ধবপ্রতিসারিতম্| উষ্ণেন সর্পিষা সিক্তমভ্যক্তং মধুসর্পিষা|| বধ্নীযাত্সেচযেন্মুক্ত্বা তৃতীযাদিদিনেষু চ| করঞ্জবীজসিদ্ধেন ক্ষীরেণ' ইতি|

Adhikarana pUyAlase sirAvyadhAdi (4-5) · Śloka 5

| পূযালসে সিরাং বিধ্যেত্ততস্তমুপনাহযেত্||৪|| কুর্বীত চাক্ষিপাকোক্তং সর্বং কর্ম যথাবিধি| |৫|

স০-পূযালসে সিরাং বিধ্যেত্| অনন্তরমুপনাহযেত্| অক্ষিপাকোক্তং চাশেষং কর্ম যথাবিধি কুর্বীত|

Adhikarana pUyAlase cUrNA~jjanaM rasakriyA ca (5-6) · Śloka 6

| সৈন্ধবার্দ্রককাসীসলোহতাম্রৈঃ সুচূর্ণিতৈঃ||৫|| চূর্ণঞ্জনং প্রযুঞ্জীত সক্ষৌদ্রৈর্বা রসক্রিযাম্| |৬|

স০-সৈন্ধবাদিভিশ্চূর্ণাঞ্জনং প্রযুঞ্জীত| সৈন্ধবাদিভিরেব মাক্ষিকযুতৈ রসক্রিযাং বা|

Adhikarana krimigranthau bhedanalekhanAdi (6-7) · Śloka 7

| কৃমিগ্রন্থিং করীষেণ স্বিন্নং ভিত্ত্বা বিলিখ্য চ||৬|| ত্রিফলাক্ষৌদ্রকাসীসসৈন্ধবৈঃ প্রতিসারযেত্| |৭|

স০-কৃমিগ্রন্থি ত্রিপলাদিভিঃ প্রতিসারযেত্| কিম্ভূতম্ ? করীষেণ-গোমযাদিনা স্বিন্নম্, তথা ব্রীহিমুখাদিভির্ভিত্ত্বা বিলিখ্য চ|

Adhikarana shuktyAM pittAbhiShyandavat (7) · Śloka 7

| পিত্তাভিষ্যন্দবচ্ছুক্তিং|৭|

স০-শুক্ত্যাখ্যং রোগং পিত্তাভিষ্যন্দেন তুল্যমুপাচরেত্|

Adhikarana balasagrathitapiShTakayoH kaphAbhiShyandavat vyoShAdya~jjanaM ca (7-8) · Śloka 8

| বলাসাহ্বযপিষ্টকে||৭|| কফাভিষ্যন্দবন্মুক্ত্বা সিরাব্যধমুপাচরেত্| বীজপূররসাক্তং চ ব্যোষকট্ফলমঞ্জনম্||৮||

স০-বলাসগ্রথিতং পিষ্টকং চ সিরাব্যধং বর্জযিত্বা কফাভিষ্যন্দবদুপাচরেত্| তথা বীজপূরকরসেনাক্তং ব্যোষকট্ফলমঞ্জনং|

Adhikarana balasagrathitapiShTakayoH jAtImukulAdivartiH (9) · Śloka 9

জাতীমুকুলসিন্ধূত্থদেবদারুমহৌষধৈঃ| পিষ্টৈঃ প্রসন্নযা বর্তিঃ শোফকণ্ডূঘ্নমঞ্জনম্||৯||

স০-জাতীমুকুলাদিভিঃ প্রসন্নযা পিষ্টৈর্বর্তিঃ শোফকণ্ডূহরমঞ্জনম্|

Adhikarana sirotpAtasirAharShasirAjAlArjuneShu raktasyandavat (10) · Śloka 10

রক্তস্যন্দবদুত্পাতহর্ষজালার্জুনুক্রিযা| |১০|

স০-সিরোত্পাতসিরাহর্ষসিরাজালার্জুনে ক্রিযা রক্তস্যন্দ ইব কার্যা|

Adhikarana sirotpAte ghRutamAkShikA~jjanam sirAharShe rasA~jjanam arjune AshcyotanA~jjanAdi (10-12) · Śloka 12

| সিরোত্পাতে বিশেষেণ ঘৃতমাক্ষিকমঞ্জনম্||১০|| সিরাহর্ষে তু মধুনা শ্লক্ষ্ণঘৃষ্টং রসাঞ্জনম্| অর্জুনে শর্করামস্তুক্ষৌদ্রৈরাশ্চযোতনং হিতম্||১১|| স্ফটিকঃ কুঙ্কুমং শঙ্খো মধুকং মধুনাঽঞ্জনম্| মধুনা চাঞ্জনং শঙ্খঃ ফেনো বা সিতযা সহ||১২||

স০-সিরোত্পাতে বিশেষেণ ঘৃতমাক্ষিকমঞ্জনং হিতম্| সিরাহর্ষে মাক্ষিকেণ শ্লক্ষ্ণঘৃষ্টং রসাঞ্জনম্| অর্জুনে শর্করামস্তুক্ষৌদ্রেণাশ্চ্যোতনং হিতম্| স্পাটিকাদি মাক্ষিকেণাঞ্জনমথবা সৌবীরাঞ্জনং মধুনা হিতম্| শঙ্খো বা সমুদ্রফেনো বা শর্করযা সহ হিতঃ|

Adhikarana armaNi shukravat (13) · Śloka 13

অর্মোক্তং পঞ্চধা তত্র তনু ধূমাবিলং চ যত্| রক্তং দধিনিভং যচ্চ শুক্রবত্তস্য ভেষজম্||১৩||

স০-অর্ম পঞ্চপ্রকারমুক্তম্| তেষু মধ্যে যত্তনু ধূমবদাবিলং চ, তথা রক্তং-রক্তবর্ণং, দধিসদৃশং চ যত্, তস্যার্মণঃ শুক্রসদৃশমৌষধম্|

Adhikarana armaNi shastracikitsA vidhiH (14-19) · Śloka 19

অথার্মণঃ শস্ত্রচিকিত্সামাহ উত্তানস্যেতরত্ স্বিন্নং সসিন্ধূত্থেন চাঞ্জিতম্| রসেন বীজপূরস্য নিমীল্যাক্ষি বিমর্দযেত্||১৪|| ইত্থং সংরোষিতাক্ষাস্য প্রচলেঽর্মাধিমাংসকে| ধৃতস্য নিশ্চলং মূর্ধ্নি বর্ত্মনোশ্চ বিশেষতঃ||১৫|| অপাঙ্গমীক্ষমাণস্য বৃদ্ধ্ঽর্মণি কনীনকাত্| বলী স্যাদ্যত্র তত্রার্ম বডিশেনাবলম্বিতম্||১৬|| নাত্যাযতং মুচুণ্ড্যা বা সূচ্যা সূত্রেণ বা ততঃ| সমন্তান্মণ্ডলাগ্রেণ মোচযেদথ মোক্ষিতম্||১৭|| কনীনকমুপানীয চতুর্ভাগাবশেষিতম্| ছিন্দ্যাত্কনীনকং রক্ষেদ্বাহিনীশ্চাশ্রুবাহিনীঃ||১৮|| কনীনকব্যধাদশ্রু নাডী চাক্ষ্ণি প্রবর্ততে| বৃদ্ধেঽর্মণি তথাঽপাঙ্গাত্পশ্যতোঽস্য কনীনকম্||১৯||

স০-উত্তানস্য পুংসো বামদক্ষিণযোরিতরত্-একমক্ষি, স্বিন্নংকৃতস্বেদং চ, তথা বীজপূররসেন সৈন্ধবান্বিতেনাঞ্জিতং নিমীল্যস্থগযিত্বা, বিমর্দযেত্-মলযেত্| অনেন প্রকারেণ সংরোষিতাক্ষস্যসতোঽর্মাধিমাংসে প্রচলে সতি মূর্ধ্নি নিশ্চলং ঘৃতস্য বর্ত্মনোশ্চ বিশেষেণ ঘৃতস্য কনীনকাদর্মণি বৃদ্ধে সত্যপাঙ্গং পশ্যতো যত্র বলী স্যাত্ তত্রার্ম বডিশেনাবলম্বিতং নাত্যাযতং-নাতিদীর্ঘং যথাভবতিতথাঽবলম্বিতম্| ততঃ-অনন্তরং, মুচুণ্ড্যা সূচ্যা সূত্রেণ বা মোচযেত্| অথ মোক্ষিতং চ বিচ্ছেদিতং চ সত্ কনীনকমুপানীয চতুর্ভাগাবশেষিতং মণ্ডলাগ্রেন ছিন্দ্যাত্| ব্যবহিতানামপি পদানামর্থযোগ্যতাবশাদেব সম্বন্ধোঽত্র যোজ্যঃ| কনীনকং রক্ষেত্| কনীনকব্যধাদশ্রু নাডী চাক্ষ্ণি প্রবর্ততে| অপাঙ্গপ্রদেশাচ্চার্মণি বৃদ্ধে তথা কনীনকং বীক্ষমাণস্য ছিন্দ্যাত্|

Adhikarana armaNi bandhanavidhiH (20-22) · Śloka 22

সম্যক্ ছিন্নং মধুব্যোষসৈন্ধবপ্রতিসারিতম্| উষ্ণেন সর্পিষা সিক্তমভ্যক্তং মধুসর্পিষা||২০|| বধ্নীযাত্সেচযেন্মুক্ত্বা তৃতীযাদিদিনেষু চ| করঞ্জবীজসিদ্ধেন ক্ষীরেণ ক্বথিতৈস্তথা||২১|| সক্ষৌদ্রৈর্দ্বিনিশারোধ্রপটোলীযষ্টিকিংশুকৈঃ| কুরণ্টমুকুলোপেতৈর্মুঞ্চেদেবাহ্নি সপ্তমে||২২||

স০-সম্যক্ ছিন্নং মধ্বাদিভিঃ প্রতিসারিতং ঘৃতেনোষ্ণেন সিক্তং মাক্ষিকসর্পিষাঽভ্যক্তং বধ্নীযাত্| তৃতীযাদিদিনেষু চ মুক্ত্বা ক্ষীরেণ করঞ্জবীজসিদ্ধেন সেচযেত্| দ্বিহরিদ্রাদিভিশ্চ ক্বথিতৈঃ শীতৈশ্চ মধুযুতৈঃ সেকং কুর্যাত্| সপ্তমে দিনে মুঞ্চেদেব|

Adhikarana armaNi hInAticchedaje sekA~jjanAdi (23) · Śloka 23

সম্যক্ ছিন্নে ভবেত্স্বাস্থ্যং হীনাতিচ্ছেদজান্ গদান্| সেকাঞ্জনপ্রভৃতিভির্জযেল্লেখনবৃংহণৈঃ||২৩||

স০-সম্যক্ ছিন্নেঽর্মণি স্বাস্থ্যং ভবেত্| হীনাতিচ্ছেদজান্ রোগান্ সেকাঞ্জনাদ্যৈর্যথাযোগং লেখনৈর্বৃংহণৈশ্চ জযেত্|

Adhikarana armaNi sitAdya~jjanam (24-25) · Śloka 25

সিতামনঃশিলৈলেযলবণোত্তমনাগরম্| অর্ধকর্ষোন্মিতং তার্ক্ষ্যং পলার্ধং চ মধুদ্রুতম্||২৪|| অঞ্জনং শ্লেষ্মতিমিরপিল্লশুক্রার্মশেষজিত্| |২৫|

স০-সিতাদিভিরর্ধকর্ষোন্মিতৈ রসাঞ্জনং দ্বিকর্ষোন্মিতং মধুদ্রুতমঞ্জনং শ্লেষ্মতিমিরাদিজিত্

Adhikarana armaNi triphalAdya~jjanAni (25-27) · Śloka 27

| ত্রিফলৈকতমদ্রব্যত্বচং পানীযকল্কিতাম্||২৫|| শরাবপিহিতাং দগ্ধ্বা কপালে চূর্ণযেত্ততঃ| পৃথক্শেষৌষধরসৈঃ পৃথগেব চ ভাবিতা||২৬|| সা মষী শোষিতা পেষ্যা ভূযো দ্বিলবণান্বিতা| ত্রিণ্যেতান্যঞ্জনান্যাহ লেখনানি পরং নিমিঃ||২৭||

স০-ত্রিফলাযা একতমস্য হরীতক্যাদের্দ্রব্যস্য ত্বচং পানীযকল্কিতাং শরাবপিহিতাং কপালে দগ্ধ্বা চূর্ণযেত্| তত এব ত্রিফলাযাঃ পৃথক্ শেষৌষধরসৈঃ পৃথগেব চৈকৈকং ভাবিতা সা মষী শোষিতা পুনঃ পেষ্যা লবণদ্বযযুতা| ত্রীণ্যেতান্যঞ্জনানি পরং লেখনানি তিমিরঘ্নানি নিমির্বক্তি|

Adhikarana sirAjAle kaThinasirAsu armavat (28) · Śloka 28

সিরাজালে সিরা যাস্তু কঠিনা লেখনৌষধৈঃ| ন সিদ্ধ্যন্ত্যর্মবত্তাসাং পিটিকানাং চ সাধনম্||২৮||

স০-সিরাজালে যাঃ সিরা কঠিনা লেখনৌষধৈর্ন সিধ্যন্তি তাসামর্মবত্ চিকিত্সা, পিটিকানাং চ|

Adhikarana shukreShu triphalAdi (29) · Śloka 29

দোষানুরোধাচ্ছুক্রেষু স্নিগ্ধরূক্ষা বরা ঘৃতম্| তিক্তমূর্ধ্বমসৃক্স্রাবো রেকসেকাদি চেষ্যতে||২৯||

স০-শুক্রেষু দোষবশাত্ কদাচিত্ রূক্ষা কদাচিত্ স্নিগ্ধা ত্রিফলা হিতা| তথা ঘৃতং তিক্তমূর্ধ্বমসৃক্স্রাবো রেকসেকাদি চেষ্যতে|

Adhikarana kShatashukre trivRuddhRutapAnam (30-32) · Śloka 32

ত্রিস্ত্রিবৃদ্বারিণা পক্বং ক্ষতশুক্রে ঘৃতং পিবেত্| সিরাযাν হরেদ্রক্তং জলৌকোভিশ্চ লোচনাত্||৩০|| সিদ্ধেনোত্পলকাকোলীদ্রাক্ষাযষ্টিবিদারিভিঃ| সসিতেনাজপযসা সেচনং সলিলেন বা||৩১|| রাগাশ্রুবেদনাশান্তৌ পরং লেখনমঞ্জনম্| |৩২|

স০-ত্রিবৃত্ক্বাথেন ত্রীন্ বারান্ ঘৃতং পক্বং ক্ষতশুক্রে পিবেত্| পশ্চাত্সিরযা রক্তং হরেত্| নযনাদ্বা জলৌকোভির্হরেত্| তথাঽঽজদুগ্ধেনোত্পলাদিভিঃ সিদ্ধেন সশর্করেণ সেচনং হিতম্| অথবোত্পলাদিক্বথিতেন জলেন সেচযেত্| রাগাশ্রুবেদনাশান্তৌ সত্যাং লেখনমঞ্জনং হিতম্|

Adhikarana kShatashukre raktasrutiH (32-33) · Śloka 33

| বর্তযো জাতিমুকুললাক্ষাগৈরিকচন্দনৈঃ||৩২|| প্রসাদযন্তি পিত্তাস্রং ঘ্নন্তি চ ক্ষতশুক্রকম্| |৩৩|

স০-জাতিমুকুলাদিভির্বর্তযঃ পিত্তাস্রং প্রসাদযন্তি| ক্ষতশুক্রং চ ঘ্নন্তি|

Adhikarana utpalAdisecanaM jAtimukulAdivartiH, dantavartiH,a~jjanAdi (33-38) · Śloka 38

| দন্তৈর্দন্তিবরাহোষ্ট্রগবাশ্বাজখরোদ্ভবৈঃ||৩৩|| সশঙ্খমৌক্তিকাম্ভোধিফেনৈর্মরিচপাদিকৈঃ| ক্ষতশুক্রমপি ব্যাপি দন্তবর্তির্নিবতযেত্||৩৪|| তমালপত্রং গোদন্তশঙ্খফেনোঽস্থি গার্দভম্| তাম্রং চ বর্তির্মূত্রেণ সর্বশুক্রকনাশিনী||৩৫|| রত্নানি দন্তাঃ শৃঙ্গাণি ধাতবস্ত্র্যূষণং ত্রুটিঃ| করঞ্জবীজং লশুনো ব্রণসাদি চ ভেষজম্||৩৬|| সব্রণাব্রণগম্ভীরত্বক্স্থশুক্রঘ্নমঞ্জনম্| নিম্নমুন্নমযেত্স্নেহপাননস্যরসাঞ্জনৈঃ||৩৭|| সরুজং নীরুজং তৃপ্তিপুটপাকেন শুক্রকম্| |৩৮|

স০-গজাদ্যুদ্ভবৈর্দন্তৈঃ শঙ্খমুক্তাফেনযুতৈশ্চুতুর্থাংশকমরিচৈঃ ক্ষতশুক্রকমপি ব্যাপি দন্তবর্তিরিযং নিবর্তযেত্| অপিশব্দাচ্ছুদ্ধশুক্রকমপি| স০-তমালপত্রাদিভির্বর্তির্গোমূত্রেণ সর্বশুক্রকহৃত্| স০-রত্ননি-মৌক্তিকাদীনি, দন্তাঃ-গজাদীনাম্, শৃঙ্গাণি ছাগাদীনাম্, ধাতবো-গৈরিকাদ্যাঃ, ত্র্যূষণাদীনি, তথা ব্রণসাদি ভেষজং-স্বর্ণক্ষীর্যাদি, এতদঞ্জনং সব্রণাব্রণগম্ভীরত্বক্স্থশুক্রহরম্| স০-নিম্নং শুক্রকং স্নেহপানাদিভিরুন্নমযেত্| সরুজং নীরুজং চ তর্পণপুটপাকেনোন্নমযেত্|

Adhikarana shuddhashukre nishAdisecanam (38-39) · Śloka 39

| শুদ্ধশুক্রে নিশাযষ্টীসারিবাশাবরাম্ভসা||৩৮|| সেচনং রোধ্রপোটল্যা কোষ্ণাম্ভোমগ্নযাঽথবা| |৩৯|

স০-শুদ্ধশুক্রে হরিদ্রাদিক্বাথেন সেচনং হিতম্| অথবা রোধ্রপোটাল্যা কোষ্ণাম্বুমগ্নযা|

Adhikarana shuddhashukre bRuhatyAdidhUpanam (39-41) · Śloka 41

| বৃহতীমূলযষ্ট্যাহ্বতাম্রসৈন্ধবনাগরৈঃ||৩৯|| ধাত্রীফলাম্বুনা পিষ্টৈর্লেপিতং তাম্রভাজনম্| যবাজ্যামলকীপত্রৈর্বহুশো ধূপযেত্ততঃ||৪০|| তত্র কুর্বীত গুটিকাস্তা জলক্ষৌদ্রপেষিতাঃ| মহানীলা ইতি খ্যাতাঃ শুদ্ধশুক্রহরাঃ পরম্||৪১||

স০- বৃহতীচূর্ণাদিভিরামলকজলেন পিষ্টৈস্তাম্রভাজনং লেপিতং যবাদিভির্ধূপযেত্| অনন্তরং তত্র গুটিকাস্তোযমাক্ষিকপিষ্টাঃ কুর্যাত্| এতাশ্চ মহানীলা ইতি প্রথিতাঃ পরং শুদ্ধশুক্রঘ্নাঃ|

Adhikarana shuddhashukre mahAnIlA guTikA (42) · Śloka 42

স্থিরে শুরে ঘনে চাস্য বহুশোঽপহরেদ্রসৃক্| শিরঃকাযবিরেকাংশ্চ পুটপাকাংশ্চ ভূরিশঃ||৪২||

স০-স্থিরে শুক্রে ঘনে চাতুরস্যাস্য বহুশো রক্তং মোক্ষযেত্| শিরোবিরেকাদীন্ পুটপাকাংশ্চ পুনঃপুনঃ কুর্যাত্|

Adhikarana shuddhashukre sthire ghane shukre raktasrutiH (43) · Śloka 43

কুর্যান্মরিচবৈদেহীশিরীষফলসৈন্ধবৈঃ| হর্ষণং ত্রিফলাক্বাথপীতেন লবণেন বা||৪৩||

স০-মরিচাদিভির্হর্ষণং কুর্যাত্| ত্রিফলাক্বাথপীতেন সৈন্ধবেন বা|

Adhikarana shuddhashukre maricAdinA harShaNam (44-45) · Śloka 45

কুর্যাদঞ্জনযোগৌ বা শ্লোকার্ধগদিতাবিমৌ| শঙ্খকোলাস্থিকতকদ্রাক্ষামধুকমাক্ষিকৈঃ||৪৪|| সুরাদন্তার্ণবমলৈঃ শিরীষকুসুমান্বিতৈঃ| |৪৫|

স০-ইমৌ শ্লোকার্ধৌক্তৌ যোগৌ ঘ(হ)র্ষণায কুর্যাত্| শঙ্খাদিভির্মাক্ষিকান্তৈরেকো যোগঃ, সুরাদিভিঃ কুসুমান্তৈরন্যঃ|

Adhikarana shuddhashukre shukraharShaNAnya~jjanAni (45-46) · Śloka 46

| ধাত্রীফণিজ্জকরসে ক্ষারো লাঙ্গলিকোদ্ভবঃ||৪৫|| উষিতঃ শোষিততশ্চূর্ণঃ শুক্রহর্ষণমঞ্জনম্| |৪৬|

স০-ধাত্র্যাদিরসে ক্ষারো লাঙ্গলিকজ উষিতঃ শোষিতশ্চূর্ণঃ শুক্রহর্ষণমঞ্জনম্|

Adhikarana shuddhashukre hRuShTashukranAshinI vartiH (46-48) · Śloka 48

| মুদ্গা বা নিস্তুষাঃ পিষ্টাঃ শঙ্খক্ষৌদ্রসমাযুতাঃ||৪৬|| সারো মধূকান্মধুমান্ মজ্জা বাঽক্ষাত্সমাক্ষিকা| গোখরাশ্বোষ্ট্রদশনাঃ শঙ্খঃ ফেনঃ সমুদ্রজঃ||৪৭|| বর্তিরর্জুনতোযেন হৃষ্টশুক্রকনাশিনী| |৪৮|

স০-শঙ্খমধুযুতা মুদ্গা নিস্তুষাঃ পিষ্টা অথবাঽঞ্জনম্| মধূকাত্সারো মধুযুতোঽঞ্জনম্| অথবা বিভীতকান্মজ্জা মাক্ষিকান্বিতা| সং-গবাদিদন্তাঃ শঙ্খঃ সমুদ্রফেনো বা পার্থজলেন পিষ্টাবর্তিহৃষ্টশুক্রহৃত্|

Adhikarana shuddhashukre utsannAdishukre lekhanam (48) · Śloka 48

| উত্সন্নং বা সশল্যং বা শুক্রং বালাদিভির্লিখেত্||৪৮||

স০-উত্সন্নং বা সশল্যং বা শুক্রং বালশাকপত্রাদিভির্লিখেত্|

Adhikarana sirAshukre vraNashukravat (49) · Śloka 49

সিরাশুক্রে ত্বদৃষ্টিঘ্নে চিকিত্সা ব্রণশুক্রবত্| |৪৯|

স০-সিরাশুক্রে পুনরদৃষ্টিঘ্নে চিকিত্সা ব্রণশুক্র ইব কার্যা|

Adhikarana sirAshukre puNDrAdivartiH (49-50) · Śloka 50

| পুণ্ড্রযষ্ট্যাহ্বকাকোলীসিংহীলোহনিশাঞ্জনম্||৪৯|| কল্কিতং ছাগদুগ্ধেন সঘৃতৈর্ধূপিতং যবৈঃ| ধাত্রীপত্রৈশ্চ পর্যাযাদ্বর্তিরত্রাঞ্জনং পরম্||৫০||

স০-পাণ্ড্রাদিকং ছাগদুগ্ধেন পিষ্টং সসর্পিষ্কৈর্যবৈরামলকপত্রৈশ্চ পর্যাযেণ ধূপিতা বর্তির্নে(র)ত্রাঞ্জনং পরম্|

Adhikarana ajakAyAM SastraprayogaH (51) · Śloka 51

অশান্তাবর্মবচ্ছস্ত্রমজকাখ্যে চ যোজযেত্| |৫১|

স০-অশান্তৌ সত্যামর্মবদজকাখ্যে চ শস্ত্রং প্রযোজযেত্|

Adhikarana ajakAshukreShu asAdhyeShu snehapAnAdinA vedanopashamAdi (51-52) · Śloka 52

| অজকাযামসাধ্যাযাং শুক্রেঽন্যত্র চ তদ্বিধে||৫১|| বেদনোপশমং স্নেহপানাসৃক্স্রাবণাদিভিঃ| কুর্যাদ্বীভত্সতাং জেতুং শুক্রস্যোত্সেধসাধনম্||৫২||

স০-অসাধ্যাযামজকাযাং শুক্রে চান্যত্র রোগে তত্প্রকারেঽসাধ্যে বেদনোপশমং স্নেহপানাদিভির্বিদধীত| বীভত্সতাং-নিন্দ্যতাং, জেতুং শুক্রস্যোত্সেধসাধনং কুর্যাত্|

Adhikarana ajakAshukreShu nAlikerAdya~jjanam (53-54) · Śloka 54

নালিকেরাস্থিভল্লাততালবংশকরীরজম্| ভস্মাদ্ভিঃ স্রাবযেত্তাভির্ভাবযেত্করভাস্থিজম্||৫৩|| চূর্ণং শুক্রেষ্বসাধ্যেষু তদ্বৈবর্ণ্যঘ্নমঞ্জনম্| সাধ্যেষু সাধনাযালমিদমেব চ শীলিতম্||৫৪||

স০-নালিকেরাস্থ্যাদিজং ভস্ম অদ্ভিঃ স্রাবযেত্| তাভিরদ্ভিঃ করভাস্থিজং চূর্ণং ভাবযেত্| তচ্চূর্ণমঞ্জনমসাধ্যেষু শুক্রেষু বৈবর্ণ্যহরম্| শীলিতং চৈতদেব শুক্রাণাং সাধনাযালং-শ্রেষ্ঠম্|

Adhikarana shukreShu pAnAdau yathAsvaM ghRutam (11) · Śloka 11

অজকাং পাড়্শ্বতো বিধ্বা সূচ্যা বিস্রাব্য চোদকম্| সমং প্রপীড্যাঙ্গুষ্ঠেন বসার্দ্রেণানু পূরযেত্||৫৫|| ব্রণং গোমাংসচূর্ণেন বদ্ধং বদ্ধং বিমুচ্য চ| সপ্তরাত্রাদ্ ব্রণে রূঢে কৃষ্ণভাগে সমে স্থিরে||৫৬|| স্নেহাঞ্জনং চ কর্তব্যং নস্যং চ ক্ষীরসর্পিষা| তথাঽপি পুনরাধ্মানে ভেদচ্ছেদাদিকাং ক্রিযাম্||৫৭|| যুক্ত্যা কুর্যাদ্যথা নাতিচ্ছেদেন স্যান্নিমজ্জনম্| ৫৭ ১/২| নিত্যং চ শুক্রেষু শৃতং যথাস্বং পানে চ মর্শে চ ঘৃতং বিদধ্যাত্| ন হীযতে লব্ধবলা তথাঽন্ত- স্তীক্ষ্ণাঞ্জনৈর্দৃক্ সততং প্রযুক্তৈঃ| ৫৮ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে সন্ধিসিতাসিতরোগপ্রতিষেধো নামৈকাদশোঽধ্যাযঃ||১১||

স০-অজকাং পার্শ্বতঃ সূচ্যা বিধ্বা জলং চ নিঃস্রাব্যানন্তরমঙ্গুষ্ঠেন সমং বসার্দ্রেণ-বসযা দ্রবীকৃত্য, ব্রণং গোমাংসচূর্ণেন পূরযেত্| বদ্ধং বদ্ধং বিমুচ্য স সপ্তরাত্রাদ্ ব্রণে রূঢে সতি তথা কৃষ্ণভাগে সমে স্থিতে সতি স্নেহাঞ্জনং চ কর্তব্যম্| ক্ষীরঘৃতে চ নস্যম্| এবমপি কৃতে পুনরাধ্মানে সতি ভেদচ্ছেদাদিকাং ক্রিযাং যুক্ত্যা কুর্যাত্| যথাঽতিচ্ছেদেন দৃষ্টের্নিমজ্জনং ন স্যাত্| স০-শুক্রেষু চ নিত্যং ঘৃতং যথাযোগং পক্বং পানাদৌ বিদধ্যাত্| কিম্ ? ইত্যাহ-তথা ঘৃতপানসেচনেন লব্ধবলা দৃগন্তঃ প্রততং প্রযুক্তৈস্তীক্ষ্ণাঞ্জনৈর্ন হীযতে-ন হানিং যাযাদিতি| উপজাতির্বৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটী- কাযাং সর্বাঙ্গসুন্দরাখ্যাযাং ষষ্ঠে উত্তরস্থানে সন্ধিসিতা- সিতরোগপ্রতিষেধো নামৈকাদশোঽধ্যাযঃ সমাপ্তঃ|| ১১||