Adhikarana sandhisitAsitAsitarogapratiShedhAdhyAyaH||11|| (2-3) · Śloka 3
অস্মাদনন্তরং সন্ধিসিতাসিতরোগপ্রতিষেধ উচ্যতে অথাতঃ সন্ধিসিতাসিতরোগপ্রতিষেধং ব্যাখ্যাস্যামঃ| ইতি হ স্মাহুরাত্রেযদযো মহর্ষযঃ| (গদ্যসূত্রে|২| )||৩||
अस्मादनन्तरं सन्धिसितासितरोगप्रतिषेध उच्यते अथातः सन्धिसितासितरोगप्रतिषेधं व्याख्यास्यामः| इति ह स्माहुरात्रेयदयो महर्षयः| (गद्यसूत्रे|२| )||३||
🔊 Audio coming soon
Adhikarana upanAhe bhedanalekhanAdi (1-2) · Śloka 2
জলাস্রাবকফাস্রাবযোরসাধ্যত্বাদুপনাহচিকিত্সামাহ উপনাহং ভিষক্ স্বিন্নং ভিন্নং ব্রীহিমুখেন চ| লেখযেন্মণ্ডলাগ্রেণ ততশ্চ প্রতিসারযেত্||১|| পিপ্পলীক্ষৌদ্রসিন্ধূত্থৈর্বধ্নীযাত্পূর্ববত্ততঃ| পটোলপত্রামলকক্বাথেনাশ্চ্যোতযেচ্চ তম্||২||
जलास्रावकफास्रावयोरसाध्यत्वादुपनाहचिकित्सामाह उपनाहं भिषक् स्विन्नं भिन्नं व्रीहिमुखेन च| लेखयेन्मण्डलाग्रेण ततश्च प्रतिसारयेत्||१|| पिप्पलीक्षौद्रसिन्धूत्थैर्बध्नीयात्पूर्ववत्ततः| पटोलपत्रामलकक्वाथेनाश्च्योतयेच्च तम्||२||
🔊 Audio coming soon
Adhikarana parvaNyAM chedanapratisAraNAdi (3-4) · Śloka 4
পর্বণী বডিশেনাত্তা বাহ্যসন্ধিত্রিভাগতঃ| বৃদ্ধিপত্রেণ বর্ধ্যাঽর্ধে স্যাদশ্রুগতিরন্যথা||৩|| চিকিত্সা চার্মবত্ক্ষৌদ্রসৈন্ধবপ্রতিসারিতা| |৪|
पर्वणी बडिशेनात्ता बाह्यसन्धित्रिभागतः| वृद्धिपत्रेण वर्ध्याऽर्धे स्यादश्रुगतिरन्यथा||३|| चिकित्सा चार्मवत्क्षौद्रसैन्धवप्रतिसारिता| |४|
🔊 Audio coming soon
Adhikarana pUyAlase sirAvyadhAdi (4-5) · Śloka 5
| পূযালসে সিরাং বিধ্যেত্ততস্তমুপনাহযেত্||৪|| কুর্বীত চাক্ষিপাকোক্তং সর্বং কর্ম যথাবিধি| |৫|
| पूयालसे सिरां विध्येत्ततस्तमुपनाहयेत्||४|| कुर्वीत चाक्षिपाकोक्तं सर्वं कर्म यथाविधि| |५|
🔊 Audio coming soon
Adhikarana pUyAlase cUrNA~jjanaM rasakriyA ca (5-6) · Śloka 6
| সৈন্ধবার্দ্রককাসীসলোহতাম্রৈঃ সুচূর্ণিতৈঃ||৫|| চূর্ণঞ্জনং প্রযুঞ্জীত সক্ষৌদ্রৈর্বা রসক্রিযাম্| |৬|
| सैन्धवार्द्रककासीसलोहताम्रैः सुचूर्णितैः||५|| चूर्णञ्जनं प्रयुञ्जीत सक्षौद्रैर्वा रसक्रियाम्| |६|
🔊 Audio coming soon
Adhikarana krimigranthau bhedanalekhanAdi (6-7) · Śloka 7
| কৃমিগ্রন্থিং করীষেণ স্বিন্নং ভিত্ত্বা বিলিখ্য চ||৬|| ত্রিফলাক্ষৌদ্রকাসীসসৈন্ধবৈঃ প্রতিসারযেত্| |৭|
| कृमिग्रन्थिं करीषेण स्विन्नं भित्त्वा विलिख्य च||६|| त्रिफलाक्षौद्रकासीससैन्धवैः प्रतिसारयेत्| |७|
🔊 Audio coming soon
Adhikarana shuktyAM pittAbhiShyandavat (7) · Śloka 7
| পিত্তাভিষ্যন্দবচ্ছুক্তিং|৭|
| पित्ताभिष्यन्दवच्छुक्तिं|७|
🔊 Audio coming soon
Adhikarana balasagrathitapiShTakayoH kaphAbhiShyandavat vyoShAdya~jjanaM ca (7-8) · Śloka 8
| বলাসাহ্বযপিষ্টকে||৭|| কফাভিষ্যন্দবন্মুক্ত্বা সিরাব্যধমুপাচরেত্| বীজপূররসাক্তং চ ব্যোষকট্ফলমঞ্জনম্||৮||
| बलासाह्वयपिष्टके||७|| कफाभिष्यन्दवन्मुक्त्वा सिराव्यधमुपाचरेत्| बीजपूररसाक्तं च व्योषकट्फलमञ्जनम्||८||
🔊 Audio coming soon
Adhikarana balasagrathitapiShTakayoH jAtImukulAdivartiH (9) · Śloka 9
জাতীমুকুলসিন্ধূত্থদেবদারুমহৌষধৈঃ| পিষ্টৈঃ প্রসন্নযা বর্তিঃ শোফকণ্ডূঘ্নমঞ্জনম্||৯||
जातीमुकुलसिन्धूत्थदेवदारुमहौषधैः| पिष्टैः प्रसन्नया वर्तिः शोफकण्डूघ्नमञ्जनम्||९||
🔊 Audio coming soon
Adhikarana sirotpAtasirAharShasirAjAlArjuneShu raktasyandavat (10) · Śloka 10
রক্তস্যন্দবদুত্পাতহর্ষজালার্জুনুক্রিযা| |১০|
रक्तस्यन्दवदुत्पातहर्षजालार्जुनुक्रिया| |१०|
🔊 Audio coming soon
Adhikarana sirotpAte ghRutamAkShikA~jjanam sirAharShe rasA~jjanam arjune AshcyotanA~jjanAdi (10-12) · Śloka 12
| সিরোত্পাতে বিশেষেণ ঘৃতমাক্ষিকমঞ্জনম্||১০|| সিরাহর্ষে তু মধুনা শ্লক্ষ্ণঘৃষ্টং রসাঞ্জনম্| অর্জুনে শর্করামস্তুক্ষৌদ্রৈরাশ্চযোতনং হিতম্||১১|| স্ফটিকঃ কুঙ্কুমং শঙ্খো মধুকং মধুনাঽঞ্জনম্| মধুনা চাঞ্জনং শঙ্খঃ ফেনো বা সিতযা সহ||১২||
| सिरोत्पाते विशेषेण घृतमाक्षिकमञ्जनम्||१०|| सिराहर्षे तु मधुना श्लक्ष्णघृष्टं रसाञ्जनम्| अर्जुने शर्करामस्तुक्षौद्रैराश्चयोतनं हितम्||११|| स्फटिकः कुङ्कुमं शङ्खो मधुकं मधुनाऽञ्जनम्| मधुना चाञ्जनं शङ्खः फेनो वा सितया सह||१२||
🔊 Audio coming soon
Adhikarana armaNi shukravat (13) · Śloka 13
অর্মোক্তং পঞ্চধা তত্র তনু ধূমাবিলং চ যত্| রক্তং দধিনিভং যচ্চ শুক্রবত্তস্য ভেষজম্||১৩||
अर्मोक्तं पञ्चधा तत्र तनु धूमाविलं च यत्| रक्तं दधिनिभं यच्च शुक्रवत्तस्य भेषजम्||१३||
🔊 Audio coming soon
Adhikarana armaNi shastracikitsA vidhiH (14-19) · Śloka 19
অথার্মণঃ শস্ত্রচিকিত্সামাহ উত্তানস্যেতরত্ স্বিন্নং সসিন্ধূত্থেন চাঞ্জিতম্| রসেন বীজপূরস্য নিমীল্যাক্ষি বিমর্দযেত্||১৪|| ইত্থং সংরোষিতাক্ষাস্য প্রচলেঽর্মাধিমাংসকে| ধৃতস্য নিশ্চলং মূর্ধ্নি বর্ত্মনোশ্চ বিশেষতঃ||১৫|| অপাঙ্গমীক্ষমাণস্য বৃদ্ধ্ঽর্মণি কনীনকাত্| বলী স্যাদ্যত্র তত্রার্ম বডিশেনাবলম্বিতম্||১৬|| নাত্যাযতং মুচুণ্ড্যা বা সূচ্যা সূত্রেণ বা ততঃ| সমন্তান্মণ্ডলাগ্রেণ মোচযেদথ মোক্ষিতম্||১৭|| কনীনকমুপানীয চতুর্ভাগাবশেষিতম্| ছিন্দ্যাত্কনীনকং রক্ষেদ্বাহিনীশ্চাশ্রুবাহিনীঃ||১৮|| কনীনকব্যধাদশ্রু নাডী চাক্ষ্ণি প্রবর্ততে| বৃদ্ধেঽর্মণি তথাঽপাঙ্গাত্পশ্যতোঽস্য কনীনকম্||১৯||
अथार्मणः शस्त्रचिकित्सामाह उत्तानस्येतरत् स्विन्नं ससिन्धूत्थेन चाञ्जितम्| रसेन बीजपूरस्य निमील्याक्षि विमर्दयेत्||१४|| इत्थं संरोषिताक्षास्य प्रचलेऽर्माधिमांसके| धृतस्य निश्चलं मूर्ध्नि वर्त्मनोश्च विशेषतः||१५|| अपाङ्गमीक्षमाणस्य वृद्ध्ऽर्मणि कनीनकात्| वली स्याद्यत्र तत्रार्म बडिशेनावलम्बितम्||१६|| नात्यायतं मुचुण्ड्या वा सूच्या सूत्रेण वा ततः| समन्तान्मण्डलाग्रेण मोचयेदथ मोक्षितम्||१७|| कनीनकमुपानीय चतुर्भागावशेषितम्| छिन्द्यात्कनीनकं रक्षेद्वाहिनीश्चाश्रुवाहिनीः||१८|| कनीनकव्यधादश्रु नाडी चाक्ष्णि प्रवर्तते| वृद्धेऽर्मणि तथाऽपाङ्गात्पश्यतोऽस्य कनीनकम्||१९||
🔊 Audio coming soon
Adhikarana armaNi bandhanavidhiH (20-22) · Śloka 22
সম্যক্ ছিন্নং মধুব্যোষসৈন্ধবপ্রতিসারিতম্| উষ্ণেন সর্পিষা সিক্তমভ্যক্তং মধুসর্পিষা||২০|| বধ্নীযাত্সেচযেন্মুক্ত্বা তৃতীযাদিদিনেষু চ| করঞ্জবীজসিদ্ধেন ক্ষীরেণ ক্বথিতৈস্তথা||২১|| সক্ষৌদ্রৈর্দ্বিনিশারোধ্রপটোলীযষ্টিকিংশুকৈঃ| কুরণ্টমুকুলোপেতৈর্মুঞ্চেদেবাহ্নি সপ্তমে||২২||
सम्यक् छिन्नं मधुव्योषसैन्धवप्रतिसारितम्| उष्णेन सर्पिषा सिक्तमभ्यक्तं मधुसर्पिषा||२०|| बध्नीयात्सेचयेन्मुक्त्वा तृतीयादिदिनेषु च| करञ्जबीजसिद्धेन क्षीरेण क्वथितैस्तथा||२१|| सक्षौद्रैर्द्विनिशारोध्रपटोलीयष्टिकिंशुकैः| कुरण्टमुकुलोपेतैर्मुञ्चेदेवाह्नि सप्तमे||२२||
🔊 Audio coming soon
Adhikarana armaNi hInAticchedaje sekA~jjanAdi (23) · Śloka 23
সম্যক্ ছিন্নে ভবেত্স্বাস্থ্যং হীনাতিচ্ছেদজান্ গদান্| সেকাঞ্জনপ্রভৃতিভির্জযেল্লেখনবৃংহণৈঃ||২৩||
सम्यक् छिन्ने भवेत्स्वास्थ्यं हीनातिच्छेदजान् गदान्| सेकाञ्जनप्रभृतिभिर्जयेल्लेखनबृंहणैः||२३||
🔊 Audio coming soon
Adhikarana armaNi sitAdya~jjanam (24-25) · Śloka 25
সিতামনঃশিলৈলেযলবণোত্তমনাগরম্| অর্ধকর্ষোন্মিতং তার্ক্ষ্যং পলার্ধং চ মধুদ্রুতম্||২৪|| অঞ্জনং শ্লেষ্মতিমিরপিল্লশুক্রার্মশেষজিত্| |২৫|
सितामनःशिलैलेयलवणोत्तमनागरम्| अर्धकर्षोन्मितं तार्क्ष्यं पलार्धं च मधुद्रुतम्||२४|| अञ्जनं श्लेष्मतिमिरपिल्लशुक्रार्मशेषजित्| |२५|
🔊 Audio coming soon
Adhikarana armaNi triphalAdya~jjanAni (25-27) · Śloka 27
| ত্রিফলৈকতমদ্রব্যত্বচং পানীযকল্কিতাম্||২৫|| শরাবপিহিতাং দগ্ধ্বা কপালে চূর্ণযেত্ততঃ| পৃথক্শেষৌষধরসৈঃ পৃথগেব চ ভাবিতা||২৬|| সা মষী শোষিতা পেষ্যা ভূযো দ্বিলবণান্বিতা| ত্রিণ্যেতান্যঞ্জনান্যাহ লেখনানি পরং নিমিঃ||২৭||
| त्रिफलैकतमद्रव्यत्वचं पानीयकल्किताम्||२५|| शरावपिहितां दग्ध्वा कपाले चूर्णयेत्ततः| पृथक्शेषौषधरसैः पृथगेव च भाविता||२६|| सा मषी शोषिता पेष्या भूयो द्विलवणान्विता| त्रिण्येतान्यञ्जनान्याह लेखनानि परं निमिः||२७||
🔊 Audio coming soon
Adhikarana sirAjAle kaThinasirAsu armavat (28) · Śloka 28
সিরাজালে সিরা যাস্তু কঠিনা লেখনৌষধৈঃ| ন সিদ্ধ্যন্ত্যর্মবত্তাসাং পিটিকানাং চ সাধনম্||২৮||
सिराजाले सिरा यास्तु कठिना लेखनौषधैः| न सिद्ध्यन्त्यर्मवत्तासां पिटिकानां च साधनम्||२८||
🔊 Audio coming soon
Adhikarana shukreShu triphalAdi (29) · Śloka 29
দোষানুরোধাচ্ছুক্রেষু স্নিগ্ধরূক্ষা বরা ঘৃতম্| তিক্তমূর্ধ্বমসৃক্স্রাবো রেকসেকাদি চেষ্যতে||২৯||
दोषानुरोधाच्छुक्रेषु स्निग्धरूक्षा वरा घृतम्| तिक्तमूर्ध्वमसृक्स्रावो रेकसेकादि चेष्यते||२९||
🔊 Audio coming soon
Adhikarana kShatashukre trivRuddhRutapAnam (30-32) · Śloka 32
ত্রিস্ত্রিবৃদ্বারিণা পক্বং ক্ষতশুক্রে ঘৃতং পিবেত্| সিরাযাν হরেদ্রক্তং জলৌকোভিশ্চ লোচনাত্||৩০|| সিদ্ধেনোত্পলকাকোলীদ্রাক্ষাযষ্টিবিদারিভিঃ| সসিতেনাজপযসা সেচনং সলিলেন বা||৩১|| রাগাশ্রুবেদনাশান্তৌ পরং লেখনমঞ্জনম্| |৩২|
त्रिस्त्रिवृद्वारिणा पक्वं क्षतशुक्रे घृतं पिबेत्| सिरायाν हरेद्रक्तं जलौकोभिश्च लोचनात्||३०|| सिद्धेनोत्पलकाकोलीद्राक्षायष्टिविदारिभिः| ससितेनाजपयसा सेचनं सलिलेन वा||३१|| रागाश्रुवेदनाशान्तौ परं लेखनमञ्जनम्| |३२|
🔊 Audio coming soon
Adhikarana kShatashukre raktasrutiH (32-33) · Śloka 33
| বর্তযো জাতিমুকুললাক্ষাগৈরিকচন্দনৈঃ||৩২|| প্রসাদযন্তি পিত্তাস্রং ঘ্নন্তি চ ক্ষতশুক্রকম্| |৩৩|
| वर्तयो जातिमुकुललाक्षागैरिकचन्दनैः||३२|| प्रसादयन्ति पित्तास्रं घ्नन्ति च क्षतशुक्रकम्| |३३|
🔊 Audio coming soon
Adhikarana utpalAdisecanaM jAtimukulAdivartiH, dantavartiH,a~jjanAdi (33-38) · Śloka 38
| দন্তৈর্দন্তিবরাহোষ্ট্রগবাশ্বাজখরোদ্ভবৈঃ||৩৩|| সশঙ্খমৌক্তিকাম্ভোধিফেনৈর্মরিচপাদিকৈঃ| ক্ষতশুক্রমপি ব্যাপি দন্তবর্তির্নিবতযেত্||৩৪|| তমালপত্রং গোদন্তশঙ্খফেনোঽস্থি গার্দভম্| তাম্রং চ বর্তির্মূত্রেণ সর্বশুক্রকনাশিনী||৩৫|| রত্নানি দন্তাঃ শৃঙ্গাণি ধাতবস্ত্র্যূষণং ত্রুটিঃ| করঞ্জবীজং লশুনো ব্রণসাদি চ ভেষজম্||৩৬|| সব্রণাব্রণগম্ভীরত্বক্স্থশুক্রঘ্নমঞ্জনম্| নিম্নমুন্নমযেত্স্নেহপাননস্যরসাঞ্জনৈঃ||৩৭|| সরুজং নীরুজং তৃপ্তিপুটপাকেন শুক্রকম্| |৩৮|
| दन्तैर्दन्तिवराहोष्ट्रगवाश्वाजखरोद्भवैः||३३|| सशङ्खमौक्तिकाम्भोधिफेनैर्मरिचपादिकैः| क्षतशुक्रमपि व्यापि दन्तवर्तिर्निवतयेत्||३४|| तमालपत्रं गोदन्तशङ्खफेनोऽस्थि गार्दभम्| ताम्रं च वर्तिर्मूत्रेण सर्वशुक्रकनाशिनी||३५|| रत्नानि दन्ताः शृङ्गाणि धातवस्त्र्यूषणं त्रुटिः| करञ्जबीजं लशुनो व्रणसादि च भेषजम्||३६|| सव्रणाव्रणगम्भीरत्वक्स्थशुक्रघ्नमञ्जनम्| निम्नमुन्नमयेत्स्नेहपाननस्यरसाञ्जनैः||३७|| सरुजं नीरुजं तृप्तिपुटपाकेन शुक्रकम्| |३८|
🔊 Audio coming soon
Adhikarana shuddhashukre nishAdisecanam (38-39) · Śloka 39
| শুদ্ধশুক্রে নিশাযষ্টীসারিবাশাবরাম্ভসা||৩৮|| সেচনং রোধ্রপোটল্যা কোষ্ণাম্ভোমগ্নযাঽথবা| |৩৯|
| शुद्धशुक्रे निशायष्टीसारिवाशाबराम्भसा||३८|| सेचनं रोध्रपोटल्या कोष्णाम्भोमग्नयाऽथवा| |३९|
🔊 Audio coming soon
Adhikarana shuddhashukre bRuhatyAdidhUpanam (39-41) · Śloka 41
| বৃহতীমূলযষ্ট্যাহ্বতাম্রসৈন্ধবনাগরৈঃ||৩৯|| ধাত্রীফলাম্বুনা পিষ্টৈর্লেপিতং তাম্রভাজনম্| যবাজ্যামলকীপত্রৈর্বহুশো ধূপযেত্ততঃ||৪০|| তত্র কুর্বীত গুটিকাস্তা জলক্ষৌদ্রপেষিতাঃ| মহানীলা ইতি খ্যাতাঃ শুদ্ধশুক্রহরাঃ পরম্||৪১||
| बृहतीमूलयष्ट्याह्वताम्रसैन्धवनागरैः||३९|| धात्रीफलाम्बुना पिष्टैर्लेपितं ताम्रभाजनम्| यवाज्यामलकीपत्रैर्बहुशो धूपयेत्ततः||४०|| तत्र कुर्वीत गुटिकास्ता जलक्षौद्रपेषिताः| महानीला इति ख्याताः शुद्धशुक्रहराः परम्||४१||
🔊 Audio coming soon
Adhikarana shuddhashukre mahAnIlA guTikA (42) · Śloka 42
স্থিরে শুরে ঘনে চাস্য বহুশোঽপহরেদ্রসৃক্| শিরঃকাযবিরেকাংশ্চ পুটপাকাংশ্চ ভূরিশঃ||৪২||
स्थिरे शुरे घने चास्य बहुशोऽपहरेद्रसृक्| शिरःकायविरेकांश्च पुटपाकांश्च भूरिशः||४२||
🔊 Audio coming soon
Adhikarana shuddhashukre sthire ghane shukre raktasrutiH (43) · Śloka 43
কুর্যান্মরিচবৈদেহীশিরীষফলসৈন্ধবৈঃ| হর্ষণং ত্রিফলাক্বাথপীতেন লবণেন বা||৪৩||
कुर्यान्मरिचवैदेहीशिरीषफलसैन्धवैः| हर्षणं त्रिफलाक्वाथपीतेन लवणेन वा||४३||
🔊 Audio coming soon
Adhikarana shuddhashukre maricAdinA harShaNam (44-45) · Śloka 45
কুর্যাদঞ্জনযোগৌ বা শ্লোকার্ধগদিতাবিমৌ| শঙ্খকোলাস্থিকতকদ্রাক্ষামধুকমাক্ষিকৈঃ||৪৪|| সুরাদন্তার্ণবমলৈঃ শিরীষকুসুমান্বিতৈঃ| |৪৫|
कुर्यादञ्जनयोगौ वा श्लोकार्धगदिताविमौ| शङ्खकोलास्थिकतकद्राक्षामधुकमाक्षिकैः||४४|| सुरादन्तार्णवमलैः शिरीषकुसुमान्वितैः| |४५|
🔊 Audio coming soon
Adhikarana shuddhashukre shukraharShaNAnya~jjanAni (45-46) · Śloka 46
| ধাত্রীফণিজ্জকরসে ক্ষারো লাঙ্গলিকোদ্ভবঃ||৪৫|| উষিতঃ শোষিততশ্চূর্ণঃ শুক্রহর্ষণমঞ্জনম্| |৪৬|
| धात्रीफणिज्जकरसे क्षारो लाङ्गलिकोद्भवः||४५|| उषितः शोषिततश्चूर्णः शुक्रहर्षणमञ्जनम्| |४६|
🔊 Audio coming soon
Adhikarana shuddhashukre hRuShTashukranAshinI vartiH (46-48) · Śloka 48
| মুদ্গা বা নিস্তুষাঃ পিষ্টাঃ শঙ্খক্ষৌদ্রসমাযুতাঃ||৪৬|| সারো মধূকান্মধুমান্ মজ্জা বাঽক্ষাত্সমাক্ষিকা| গোখরাশ্বোষ্ট্রদশনাঃ শঙ্খঃ ফেনঃ সমুদ্রজঃ||৪৭|| বর্তিরর্জুনতোযেন হৃষ্টশুক্রকনাশিনী| |৪৮|
| मुद्गा वा निस्तुषाः पिष्टाः शङ्खक्षौद्रसमायुताः||४६|| सारो मधूकान्मधुमान् मज्जा वाऽक्षात्समाक्षिका| गोखराश्वोष्ट्रदशनाः शङ्खः फेनः समुद्रजः||४७|| वर्तिरर्जुनतोयेन हृष्टशुक्रकनाशिनी| |४८|
🔊 Audio coming soon
Adhikarana shuddhashukre utsannAdishukre lekhanam (48) · Śloka 48
| উত্সন্নং বা সশল্যং বা শুক্রং বালাদিভির্লিখেত্||৪৮||
| उत्सन्नं वा सशल्यं वा शुक्रं वालादिभिर्लिखेत्||४८||
🔊 Audio coming soon
Adhikarana sirAshukre vraNashukravat (49) · Śloka 49
সিরাশুক্রে ত্বদৃষ্টিঘ্নে চিকিত্সা ব্রণশুক্রবত্| |৪৯|
सिराशुक्रे त्वदृष्टिघ्ने चिकित्सा व्रणशुक्रवत्| |४९|
🔊 Audio coming soon
Adhikarana sirAshukre puNDrAdivartiH (49-50) · Śloka 50
| পুণ্ড্রযষ্ট্যাহ্বকাকোলীসিংহীলোহনিশাঞ্জনম্||৪৯|| কল্কিতং ছাগদুগ্ধেন সঘৃতৈর্ধূপিতং যবৈঃ| ধাত্রীপত্রৈশ্চ পর্যাযাদ্বর্তিরত্রাঞ্জনং পরম্||৫০||
| पुण्ड्रयष्ट्याह्वकाकोलीसिंहीलोहनिशाञ्जनम्||४९|| कल्कितं छागदुग्धेन सग़ृतैर्धूपितं यवैः| धात्रीपत्रैश्च पर्यायाद्वर्तिरत्राञ्जनं परम्||५०||
🔊 Audio coming soon
Adhikarana ajakAyAM SastraprayogaH (51) · Śloka 51
অশান্তাবর্মবচ্ছস্ত্রমজকাখ্যে চ যোজযেত্| |৫১|
अशान्तावर्मवच्छस्त्रमजकाख्ये च योजयेत्| |५१|
🔊 Audio coming soon
Adhikarana ajakAshukreShu asAdhyeShu snehapAnAdinA vedanopashamAdi (51-52) · Śloka 52
| অজকাযামসাধ্যাযাং শুক্রেঽন্যত্র চ তদ্বিধে||৫১|| বেদনোপশমং স্নেহপানাসৃক্স্রাবণাদিভিঃ| কুর্যাদ্বীভত্সতাং জেতুং শুক্রস্যোত্সেধসাধনম্||৫২||
| अजकायामसाध्यायां शुक्रेऽन्यत्र च तद्विधे||५१|| वेदनोपशमं स्नेहपानासृक्स्रावणादिभिः| कुर्याद्बीभत्सतां जेतुं शुक्रस्योत्सेधसाधनम्||५२||
🔊 Audio coming soon
Adhikarana ajakAshukreShu nAlikerAdya~jjanam (53-54) · Śloka 54
নালিকেরাস্থিভল্লাততালবংশকরীরজম্| ভস্মাদ্ভিঃ স্রাবযেত্তাভির্ভাবযেত্করভাস্থিজম্||৫৩|| চূর্ণং শুক্রেষ্বসাধ্যেষু তদ্বৈবর্ণ্যঘ্নমঞ্জনম্| সাধ্যেষু সাধনাযালমিদমেব চ শীলিতম্||৫৪||
नालिकेरास्थिभल्लाततालवंशकरीरजम्| भस्माद्भिः स्रावयेत्ताभिर्भावयेत्करभास्थिजम्||५३|| चूर्णं शुक्रेष्वसाध्येषु तद्वैवर्ण्यघ्नमञ्जनम्| साध्येषु साधनायालमिदमेव च शीलितम्||५४||
🔊 Audio coming soon
Adhikarana shukreShu pAnAdau yathAsvaM ghRutam (11) · Śloka 11
অজকাং পাড়্শ্বতো বিধ্বা সূচ্যা বিস্রাব্য চোদকম্| সমং প্রপীড্যাঙ্গুষ্ঠেন বসার্দ্রেণানু পূরযেত্||৫৫|| ব্রণং গোমাংসচূর্ণেন বদ্ধং বদ্ধং বিমুচ্য চ| সপ্তরাত্রাদ্ ব্রণে রূঢে কৃষ্ণভাগে সমে স্থিরে||৫৬|| স্নেহাঞ্জনং চ কর্তব্যং নস্যং চ ক্ষীরসর্পিষা| তথাঽপি পুনরাধ্মানে ভেদচ্ছেদাদিকাং ক্রিযাম্||৫৭|| যুক্ত্যা কুর্যাদ্যথা নাতিচ্ছেদেন স্যান্নিমজ্জনম্| ৫৭ ১/২| নিত্যং চ শুক্রেষু শৃতং যথাস্বং পানে চ মর্শে চ ঘৃতং বিদধ্যাত্| ন হীযতে লব্ধবলা তথাঽন্ত- স্তীক্ষ্ণাঞ্জনৈর্দৃক্ সততং প্রযুক্তৈঃ| ৫৮ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে সন্ধিসিতাসিতরোগপ্রতিষেধো নামৈকাদশোঽধ্যাযঃ||১১||
अजकां पाऱ्श्वतो विध्वा सूच्या विस्राव्य चोदकम्| समं प्रपीड्याङ्गुष्ठेन वसार्द्रेणानु पूरयेत्||५५|| व्रणं गोमांसचूर्णेन बद्धं बद्धं विमुच्य च| सप्तरात्राद् व्रणे रूढे कृष्णभागे समे स्थिरे||५६|| स्नेहाञ्जनं च कर्तव्यं नस्यं च क्षीरसर्पिषा| तथाऽपि पुनराध्माने भेदच्छेदादिकां क्रियाम्||५७|| युक्त्या कुर्याद्यथा नातिच्छेदेन स्यान्निमज्जनम्| ५७ १/२| नित्यं च शुक्रेषु शृतं यथास्वं पाने च मर्शे च घृतं विदध्यात्| न हीयते लब्धबला तथाऽन्त- स्तीक्ष्णाञ्जनैर्दृक् सततं प्रयुक्तैः| ५८ १/२| इति श्रीवैद्यपतिसिंहगुप्तसूनुश्रीमद्वाग्भटविर- चितायामष्टाङ्गहृदयसंहितायां षष्ठे उत्तर- स्थाने सन्धिसितासितरोगप्रतिषेधो नामैकादशोऽध्यायः||११||
🔊 Audio coming soon