Adhikarana sandhisitAsitarogavij~jAnIyAdhyAyaH||10|| (2-3) · Śloka 3
যথোদ্দেশস্তথা নির্দেশ ইতি তানেব তাবত্সন্ধিরোগনাহ অথাতঃ সন্ধিসিতাসিতরোগবিজ্ঞানীযং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে|২|
)||৩||
View original
यथोद्देशस्तथा निर्देश इति तानेव तावत्सन्धिरोगनाह अथातः सन्धिसितासितरोगविज्ञानीयं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे|२|
)||३||
বর্ত্মরোগপ্রতিষেধাদনন্তরং স্থানানুপূর্ব্যা সন্ধিসিতাসিতরোগবিজ্ঞানমারভ্যতে- সং-সন্ধী চ সিতাসিতৌ চ সন্ধিসিতাসিতাঃ, তেষু রোগাঃ, তেষাং বিজ্ঞানম্| শেষং পূর্ববত্|
Adhikarana sandhirogA nava| 1 jalAsravasya lakShaNam (1-2) · Śloka 2
বাযুঃক্রুদ্ধঃ সিরাঃ প্রাপ্য জলাভং জলবাহিনীঃ|
অশ্রু স্রাবযতে বর্ত্মশুক্লসন্ধেঃ কনীনকাত্||১||
তেন নেত্রং সরুগ্রাগশোফং স্যাত্স জলাস্রবঃ|
|২|
View original
वायुःक्रुद्धः सिराः प्राप्य जलाभं जलवाहिनीः|
अश्रु स्रावयते वर्त्मशुक्लसन्धेः कनीनकात्||१||
तेन नेत्रं सरुग्रागशोफं स्यात्स जलास्रवः|
|२|
স০-পবনঃ কুপিতো জলবাহিনীঃ সিরাঃ প্রাপ্য জলাকৃতি অশ্রু স্রাবযতে| কুতঃ ? বর্ত্মশুক্লসন্ধে কনীনকাত্| তেন-জলাভস্রাবেণ, নযনং সরুক্ সরাগং সশোফং চ স্যাত্| স চ জলাস্রবাখ্যো রোগঃ|
Adhikarana 2 kaphAsravasya lakShaNam (2) · Śloka 2
|
কফাত্ কফাস্রবে শ্বেতং পিচ্ছিলং বহলং স্রবেত্||২||
View original
|
कफात् कफास्रवे श्वेतं पिच्छिलं बहलं स्रवेत्||२||
স০-কফাত্ কফাস্রবে সতি শ্বেতং পিচ্ছিলং বহলং চ স্রবেত্|
Adhikarana 3 upanAhasya lakShaNam (3-4) · Śloka 4
কফেন শোফস্তীক্ষ্ণাগ্রঃ ক্ষারবুদ্বুদকোপমঃ|
পৃথুমূলবলঃ স্নিগ্ধঃ সবর্ণো মৃদুপিচ্ছিলঃ||৩||
মহানপাকঃ কণ্ডূমানুপনাহঃ স নীরুজঃ|
|৪|
View original
कफेन शोफस्तीक्ष्णाग्रः क्षारबुद्बुदकोपमः|
पृथुमूलबलः स्निग्धः सवर्णो मृदुपिच्छिलः||३||
महानपाकः कण्डूमानुपनाहः स नीरुजः|
|४|
স০-শ্লেষ্মণা শোফস্তীক্ষ্ণাগ্রাদিগুণঃ| স উপনাহাখ্যো নীরুজঃ স্যাত্|
Adhikarana 4 raktAsravasya lakShaNam (4) · Śloka 4
|
রক্তাদ্ রক্তাস্রবে তাম্রং বহূষ্ণং চাশ্রু সংস্রবেত্||৪||
View original
|
रक्ताद् रक्तास्रवे ताम्रं बहूष्णं चाश्रु संस्रवेत्||४||
স০-রক্তেন রক্তাস্রবো ভবতি| তস্মিংশ্চ তাম্রবর্ণমুষ্ণং চাশ্রু সংস্রবেত্|
Adhikarana 5 parvaNyAH lakShaNam (5) · Śloka 5
বর্ত্মসন্ধ্যাশ্রযা শুক্লে পিটিকা দাহশূলিনী|
তাম্রা মুদ্গোপমা ভিন্না রক্তং স্রবতি পর্বণী||৫||
View original
वर्त्मसन्ध्याश्रया शुक्ले पिटिका दाहशूलिनी|
ताम्रा मुद्गोपमा भिन्ना रक्तं स्रवति पर्वणी||५||
স০-বর্ত্মসন্ধিরাশ্রযো যস্যাঃ সা বর্ত্মসন্ধ্যাশ্রযা, শুক্লে পিটিকা শূলদাহবতী তাম্রবর্ণা মুদ্গসদৄশী পর্বণী ভণ্যতে| সা চ ভিন্না সতী রক্তং স্রবতি| এষা চ রক্তসমুত্থৈব বেদ্যা, রক্তাস্রবাদনন্তরমস্যাঃ পাঠাত্ রক্তস্রাবিত্বাচ্চ|
Adhikarana 6 pUyAsravasya lakShaNam (6) · Śloka 6
পূযাস্রবে মলাঃ সাস্রা বর্ত্মসন্ধেঃ কনীনকাত্|
স্রাবযন্তি মুহুঃ পূযং সাস্রং ত্বঙ্মাংসপাকতঃ||৬||
View original
पूयास्रवे मलाः सास्रा वर्त्मसन्धेः कनीनकात्|
स्रावयन्ति मुहुः पूयं सास्रं त्वङ्मांसपाकतः||६||
স০-পূযাস্রবাখ্যে দোষা রক্তসহিতা বর্ত্মসন্ধেঃ কনীনকাত্ পুনঃ পুনঃ পূযং সাস্রং ত্বঙ্মাংসপাকাদ্ধেতোঃ স্রাবযন্তি|
Adhikarana 7 pUyAlasasya lakShaNam (7) · Śloka 7
পূযালসো ব্রণঃ সূক্ষ্মঃ শোফসংরম্ভপূর্বকঃ|
কনীনসন্ধাবাধ্মাযী পূযাস্রাবী সবেদনঃ||৭||
View original
पूयालसो व्रणः सूक्ष्मः शोफसंरम्भपूर्वकः|
कनीनसन्धावाध्मायी पूयास्रावी सवेदनः||७||
স০-পূযালসো ব্রণ উচ্যতে| কীদৃক্ ? সূক্ষ্মঃ তথা শোফসংরম্ভপূর্বকঃ| ক্বাসৌ স্যাত্ ? কনীনসন্ধৌ| তথাঽঽধ্মাযীআনাহবান্, পূযাস্রাবী সরুক্ চ স্যাত্|
Adhikarana 8 alajyAH lakShaNam (8) · Śloka 8
কনীনস্যান্তরলজী শোফো রুক্তোদদাহবান্|
|৮|
View original
कनीनस्यान्तरलजी शोफो रुक्तोददाहवान्|
|८|
স০-কনীনস্যান্তঃ শোফো রুক্তোদদাহবান্ অলজীত্যুচ্যতে|
Adhikarana 9 kRumigranthe lakShaNam (8-9) · Śloka 9
|
অপাঙ্গে বা কনীনে বা কণ্ডূষাপক্ষ্মপোটবান্||৮||
পূযাস্রাবী কৃমিগ্রন্থির্গ্রন্থিঃ কৃমিযুতোঽর্তিমান্|
|৯|
View original
|
अपाङ्गे वा कनीने वा कण्डूषापक्ष्मपोटवान्||८||
पूयास्रावी कृमिग्रन्थिर्ग्रन्थिः कृमियुतोऽर्तिमान्|
|९|
স০-অপাঙ্গে কনীনে বা কণ্ড্বাদিমাংস্তথা পূযাস্রাবী গ্রন্থিরেব কৃমিযুক্তোঽর্তিমান্ কৃমিগ্রন্থিরুচ্যতে|
Adhikarana sandhirogANAmeteShAM sAdhyAdhyatvam (9-10) · Śloka 10
|
উপনাহকৃমিগ্রন্থিপূযালসকপর্বণীঃ||৯||
শস্ত্রেণ সাধযেত্পঞ্চ সালজীনাস্রবাংস্ত্যজেত্|
|১০|
View original
|
उपनाहकृमिग्रन्थिपूयालसकपर्वणीः||९||
शस्त्रेण साधयेत्पञ्च सालजीनास्रवांस्त्यजेत्|
|१०|
স০-উপনাহাদীংশ্চ্তুরঃ শস্ত্রেণ সাধযেত্| আস্রবান্-জলাস্রবাদীংশ্চতুরঃ, অলজীং চেতি পঞ্চ ত্যজেত্|
Adhikarana sitarogAstrayodaSa| 1SuktikAyA lakShaNam (10-11) · Śloka 11
এবং সন্ধিগতান্নব রোগানাখ্যায সিতভাগস্থান্ রোগানাহ |
পিত্তং কুর্যাত্সিতে বিন্দূনসিতশ্যাবপীতকান্||১০||
মলাক্তাদর্শতুল্যং বা সর্বং শুক্লং সদাহরুক্|
রোগোঽযং শুক্তিকসংজ্ঞঃ সশকৃদ্ভেদতৃড্জ্বরঃ||১১||
View original
एवं सन्धिगतान्नव रोगानाख्याय सितभागस्थान् रोगानाह |
पित्तं कुर्यात्सिते बिन्दूनसितश्यावपीतकान्||१०||
मलाक्तादर्शतुल्यं वा सर्वं शुक्लं सदाहरुक्|
रोगोऽयं शुक्तिकसंज्ञः सशकृद्भेदतृड्ज्वरः||११||
স০-সিতে নেত্রদেশে পিত্তং কর্তৃ বিন্দূন্ কৃষ্ণশ্যাবপীতান্ কুর্যাত্| মললেপদিগ্ধদর্পণসমানং বা সর্বম্ শুক্লম্| এবমুভযপ্রকারোঽপ্যযং সদাহরুক্ শুক্তিকসংজ্ঞো রোগঃ, শকৃদ্ভেদেন তৃষা জ্বরেণ চ যুক্তঃ|
Adhikarana 2 shuklArmaNaH lakShaNam (12) · Śloka 12
কফাচ্ছুক্লে সমং শ্বেতং চিরবৃদ্ধ্যধিমাংসকম্|
শুক্লার্ম|১২|
View original
कफाच्छुक्ले समं श्वेतं चिरवृद्ध्यधिमांसकम्|
शुक्लार्म|१२|
স০-কফাচ্ছুক্লভাগে সমং-ন তু বিষমম্, তথা শ্বেতবর্ণমধিমাংসকং চিরবৃদ্ধি, তত্ শুক্লার্ম|
Adhikarana 3 balAsagrathitasya lakShaNam (12-13) · Śloka 13
|
শোফস্ত্বরুজঃ সবর্ণো বহলোঽমৃদুঃ||১২||
গুরুঃ স্নিগ্ধোঽম্বুবিন্দ্বাভো বলাসগ্রথিতম্ স্মৃতম্|
|১৩|
View original
|
शोफस्त्वरुजः सवर्णो बहलोऽमृदुः||१२||
गुरुः स्निग्धोऽम्बुबिन्द्वाभो बलासग्रथितम् स्मृतम्|
|१३|
স০-শোফস্তু নীরুজঃ সমানবর্ণো বহলাদিস্তথা জলবিন্দুসমো বলাসগ্রথিতং স্মৃতম্|
Adhikarana 4 piShTakasya lakShaNam (13) · Śloka 13
|
বিন্দুভিঃ পিষ্টধবলৈরুত্সন্নৈঃ পিষ্টকং বদেত্||১৩||
View original
|
बिन्दुभिः पिष्टधवलैरुत्सन्नैः पिष्टकं वदेत्||१३||
স০-বিন্দুভিঃ পিষ্টবত্সিতৈরুত্সন্নৈঃ পিষ্টকং নামার্ম বদেত্
Adhikarana 5 sirotpAtasya lakShaNam (14) · Śloka 14
রক্তরাজীততং শুক্লমুষ্যতে যত্সবেদনম্|
অশোফাশ্রূপদেহং চ সিরোত্পা তঃ স শোণিতাত্||১৪||
View original
रक्तराजीततं शुक्लमुष्यते यत्सवेदनम्|
अशोफाश्रूपदेहं च सिरोत्पा तः स शोणितात्||१४||
স০-রক্তরাজীততং শুক্লং-শুক্লভাগং, উষ্যতে| যত্সবেদনং শোফাশ্রূপলেপরহিতং স শোণিতাত্ সিরোত্পাতঃ|
Adhikarana 6 sirAharShasya lakShaNam (15) · Śloka 15
উপেক্ষিতঃ সিরোত্পাতো রাজীস্তা এব বর্ধযন্|
কুর্যাত্সাস্রং সিরাহর্ষং তেনাক্ষ্যুদ্বীক্ষণাক্ষমম্||১৫||
View original
उपेक्षितः सिरोत्पातो राजीस्ता एव वर्धयन्|
कुर्यात्सास्रं सिराहर्षं तेनाक्ष्युद्वीक्षणाक्षमम्||१५||
স০-সিরোত্পাতোঽচিকিত্সিতস্তা এব-রক্তা এব, রাজীর্বর্ধযন্ সিরাহর্ষং সাস্রং কুর্যাত্| তেন-সিরাহর্ষেণ, লোচনং বীক্ষণাক্ষমং স্যাত্|
Adhikarana 7 sirAjAlasya lakShaNam (16) · Śloka 16
সিরাজালে সিরাজালং বূহদ্রক্তং ঘনোন্নতম্|
|১৬|
View original
सिराजाले सिराजालं बूहद्रक्तं घनोन्नतम्|
|१६|
স০-সিরাজালে বৃহত্তথা রক্তং ঘনমুন্নতং চ যদ্ ভবতি, তত্সিরাজালং নাম|
Adhikarana 8 shoNitArmaNaH lakShaNam (16) · Śloka 16
|
শোণিতার্ম সমং শ্লক্ষ্ণং পদ্মাভমধিমাংসকম্||১৬||
View original
|
शोणितार्म समं श्लक्ष्णं पद्माभमधिमांसकम्||१६||
স০-সমং-নতু বিষমং, তথা শ্লক্ষ্ণং যদধিমাংসকং তচ্ছোণিতার্ম|
Adhikarana 9 arjunasya lakShaNam (17) · Śloka 17
নীরুক্ শ্লক্ষ্ণোঽর্জুনং বিন্দুঃ শশলোহিতলোহিতঃ|
|১৭|
View original
नीरुक् श्लक्ष्णोऽर्जुनं बिन्दुः शशलोहितलोहितः|
|१७|
স০-নীরুজঃ শ্লক্ষ্ণো বিন্দুঃ শশলোহিততাম্রোঽর্জুনং নাম|
Adhikarana 10 prastAryarmaNaH lakShaNam (17-18) · Śloka 18
|
মৃদ্বাশুবৃদ্ধ্যরুড্মাংসং প্রস্তারি শ্যাবলোহিতম্||১৭||
প্রস্তার্যর্ম মলৈঃ সাস্রৈঃ|
|১৮|
View original
|
मृद्वाशुवृद्ध्यरुड्मांसं प्रस्तारि श्यावलोहितम्||१७||
प्रस्तार्यर्म मलैः सास्रैः|
|१८|
স০-মাংসং প্রস্তারিতং তথা মৃদু তথা আশুবৃদ্ধি তথা নীরুক্ শ্যাবলোহিতং প্রস্তার্যর্মেত্যুচ্যতে| তচ্চ ত্রিভির্দোষৈঃ সশোণিতৈঃ স্যাত্|
Adhikarana 11 snAvArmaNaH lakShaNam (18) · Śloka 18
স্নাবার্ম স্নাবসন্নিভম্|
|১৮|
View original
स्नावार्म स्नावसन्निभम्|
|१८|
স০-স্নাবসদৃশং তু স্নাবার্মেত্যুচ্যতে|
Adhikarana 12 adhimAMsArmaNaH lakShaNam (18-19) · Śloka 19
|
শুষ্কসৃক্পিণ্ডবচ্ছ্যাবং যন্মাংসং বহলং পৃথু||১৮||
অধিমাংসার্ম তদ্|
|১৯|
View original
|
शुष्कसृक्पिण्डवच्छ्यावं यन्मांसं बहलं पृथु||१८||
अधिमांसार्म तद्|
|१९|
স০-শুষ্করক্তপিণ্ডবচ্ছ্যাবং যন্মাংসং তথা বহলং পৃথু চ স্যাত্, তদধিমাংসার্ম ভণ্যতে|
Adhikarana 13 sirAsaMj~jAnAM lakShaNam (19) · Śloka 19
দাহঘর্ষবত্যঃ সিরাবৃতাঃ|
কৃষ্ণাসন্নাঃ সিরাসংজ্ঞাঃ পিটিকাঃ সর্ষপোপমাঃ||১৯||
View original
दाहघर्षवत्यः सिरावृताः|
कृष्णासन्नाः सिरासंज्ञाः पिटिकाः सर्षपोपमाः||१९||
স০-পিটিকা দাহাদিমত্যস্তথা সিরাচিতাঃ কৃষ্ণভাগাসন্নাঃ সর্ষপসংস্থানাঃ সিরাসংজ্ঞাঃ|
Adhikarana sitarogANAmeteShAM sAdhyAsAdhyatvam (20-21) · Śloka 21
সিতভাগোত্থানামেষাং ত্রযোদশানাং সাধনং সূত্রযতি শুক্তিহর্ষসিরোত্পাতপিষ্টকগ্রথিতার্জুনম্|
সাধযৈদৌষধৈঃ ষট্কং শেষং শস্ত্রেণ সপ্তকম্||২০||
নবোত্থং তদপি দ্রব্যৈঃ|
|২১|
View original
सितभागोत्थानामेषां त्रयोदशानां साधनं सूत्रयति शुक्तिहर्षसिरोत्पातपिष्टकग्रथितार्जुनम्|
साधयैदौषधैः षट्कं शेषं शस्त्रेण सप्तकम्||२०||
नवोत्थं तदपि द्रव्यैः|
|२१|
স০-শুক্ত্যাদীন্ ষডৌষধৈঃ সাধযেত্| শেষান্ সপ্ত শস্ত্রেণ সাধযেত্| নবোত্থিতানেতানপি ভেষজৈরুপক্রমেত্ ন কেবলং পূর্বোক্তং ষট্কমিত্যর্থঃ|
Adhikarana kRuShNarogAH pa~jca| (21-22) · Śloka 22
অর্মোক্তং যচ্চ পঞ্চধা|
তচ্ছেদ্যমসিতপ্রাপ্তং মাংসস্নবসিরাবৃতম্||২১||
চর্মোদ্দালবদুচ্ছ্রাযি দৃষ্টিপ্রাপ্তং চ বর্জযেত্|
|২২|
View original
अर्मोक्तं यच्च पञ्चधा|
तच्छेद्यमसितप्राप्तं मांसस्नवसिरावृतम्||२१||
चर्मोद्दालवदुच्छ्रायि दृष्टिप्राप्तं च वर्जयेत्|
|२२|
স০-যচ্চ পঞ্চপ্রকারমর্মোক্তং-শুক্লার্ম শোণিতার্ম প্রস্তার্যর্ম স্নাবার্মাধিমাংসার্ম, এতচ্ছেদনার্হম্| যত্ কৃষ্ণভাগপ্রাপ্তং মাংসস্নাবসিরাবৃতং চর্মোদ্দালবদুচ্ছ্রাযি তদ্বর্জযেত্-ন চিকিত্সেত্| যচ্চ দৃষ্টিপ্রাপ্তং তদপি বর্জযেত্|
Adhikarana 1 kShatashukrasya trividhaM lakShaNam (22-25) · Śloka 25
অথ কৃষ্ণরোগানাহ |
পিত্তং কৃষ্ণেঽথব দৃষ্টৌ শুক্রং তোদাশ্রুরাগবত্||২২||
ছিত্বা ত্বচং জনযতি তেন স্যাত্কৃষ্ণমণ্ডলম্|
পক্বজম্বূনিভং কিঞ্চিন্নিম্নং চ ক্ষতশুক্রকম্||২৩||
তত্কৃচ্ছ্রসাধ্যং, যাপ্যং তু দ্বিতীযপটলব্যধাত্|
তত্র তোদাদিবাহুল্যং সূচীবিদ্ধাভকৃষ্ণতা||২৪||
তৃতীযপটলচ্ছেদাদসাধ্যং নিচিতং ব্রণৈঃ|
|২৫|
View original
अथ कृष्णरोगानाह |
पित्तं कृष्णेऽथव दृष्टौ शुक्रं तोदाश्रुरागवत्||२२||
छित्वा त्वचं जनयति तेन स्यात्कृष्णमण्डलम्|
पक्वजम्बूनिभं किञ्चिन्निम्नं च क्षतशुक्रकम्||२३||
तत्कृच्छ्रसाध्यं, याप्यं तु द्वितीयपटलव्यधात्|
तत्र तोदादिबाहुल्यं सूचीविद्धाभकृष्णता||२४||
तृतीयपटलच्छेदादसाध्यं निचितं व्रणैः|
|२५|
স০-পিত্তং কর্তৃ কৃষ্ণভাগে দৃষ্টৌ বা শুক্রং জনযতি| কিম্ভূতম্ ? তোদাশ্রুরাগযুক্তম্| কিং কৃত্বা ? ত্বচং-প্রথমং পটলং ছিত্ত্বা, তেন কৃষ্ণমণ্ডলং পক্বজম্বূসদৃশং নিম্রং চ ক্ষতশুক্রকং স্যাত্| তচ্চ কৃচ্ছ্রসাধ্যম্| দ্বিতীযপটলব্যধাত্তু যাপ্যং স্যাত্| তত্র-দ্বীতীযপটলব্যধে, তোদাদীনাং বাহুল্যং তথা সূচীবিদ্ধোপমকৃষ্ণমণ্ডলত্বং চ| তোদাদিভূযস্ত্বেন সেবনীবিদ্ধোপমকৃষ্ণমণ্ডলতযা চ দ্বিতীযপটলব্যধোঽনুমীযত ইত্যর্থঃ| তৃতীযপটলচ্ছেদাত্ ব্রণৈর্নিচিতমসাধ্যং ক্ষতশুক্রকম্| এবং ক্ষতশুক্রকং ত্রিধাঽভিধায শুদ্ধশুক্রমাচষ্টে|
Adhikarana 2 shuddhashukrasya lakShaNam (25) · Śloka 25
|
শঙ্খশুক্লং কফাত্সাধ্যং নাতিরুক্ শুদ্ধশুক্রকম্||২৫||
View original
|
शङ्खशुक्लं कफात्साध्यं नातिरुक् शुद्धशुक्रकम्||२५||
স০-শঙ্খবচ্ছুক্লং শুদ্ধশুক্রকম্| তচ্চ কফাজ্জাযতে| ন চাতিবেদনম্|
Adhikarana 3 ajakAyAH lakShaNam (26) · Śloka 26
আতাম্রপিচ্ছিলাস্রস্রুদাতাম্রপিটিকাঽতিরুক্|
অজাবিট্সদৃশোচ্ছ্রাযকার্ষ্ণ্যা বর্জ্যাঽসৃজাঽজকা||২৬||
View original
आताम्रपिच्छिलास्रस्रुदाताम्रपिटिकाऽतिरुक्|
अजाविट्सदृशोच्छ्रायकार्ष्ण्या वर्ज्याऽसृजाऽजका||२६||
স০-আতাম্রং-ঈষত্তাম্রবর্ণং, পিচ্ছিলং চাস্রং স্রবতি যাঽসৌ আতাম্রপিচ্ছিলাস্রস্রুত্| তথা আতাম্রপিটিকা তথাঽতিপীডাবতী তথাঽজাবিট্সদৃশে উচ্ছ্রাযকার্ষ্ণ্যে যস্যাঃ সৈবম্| অজকাখ্যা রক্তেন স্যাত্| সা চ বর্জ্যাঽসাধ্যত্বাত্|
Adhikarana 4 sirAshukrasya lakShaNam (27-28) · Śloka 28
সিরাশুক্রং মলৈঃ সাস্রৈস্তজ্জুষ্টং কৃষ্ণমণ্ডলম্|
সতোদদাহতাম্রাভিঃ সিরাভিরবতন্যতে||২৭||
অনিমিত্তোষ্ণশীতাচ্ছঘনাস্রস্রুচ্চ তত্ত্যজেত্|
|২৮|
View original
सिराशुक्रं मलैः सास्रैस्तज्जुष्टं कृष्णमण्डलम्|
सतोददाहताम्राभिः सिराभिरवतन्यते||२७||
अनिमित्तोष्णशीताच्छघनास्रस्रुच्च तत्त्यजेत्|
|२८|
স০-সরক্তৈর্মলৈঃ সিরাশুক্রং স্যাত্| তেন সিরাশুক্রেণ জুষ্টং কৃষ্ণমণ্ডলং সিরাভিরবতন্যতে| কিম্ভূতাভিঃ ? সতোদদাহতাম্রাভিঃ| অনিমিত্তং-অকস্মাত্, অস্মিন্ কদাচিদুষ্ণমচ্ছং ঘনং বাঽস্রং স্রবতি| তচ্চ ত্যজেদসাধ্যত্বাত্|
Adhikarana 5 tIvravedanasya lakShaNam (28-30) · Śloka 30
|
দোষৈঃ সাস্রৈঃ সকৃত্কৃষ্ণং নীযতে শুক্লরূপতাম্||২৮||
ধবলাভ্রোপলিপ্তাভং নিষ্পাবর্ধদলাকৃতি|
অতিতীব্ররুজারাগদাহশ্বযথুপীডিতম্||২৯||
পাকাত্যযেন তচ্ছুক্রং বর্জযেত্তীব্রবেদনম্|
|৩০|
View original
|
दोषैः सास्रैः सकृत्कृष्णं नीयते शुक्लरूपताम्||२८||
धवलाभ्रोपलिप्ताभं निष्पावर्धदलाकृति|
अतितीव्ररुजारागदाहश्वयथुपीडितम्||२९||
पाकात्ययेन तच्छुक्रं वर्जयेत्तीव्रवेदनम्|
|३०|
স০-দোষৈঃ সরক্তৈঃ সকৃত্-একহেলযৈব, কৃষ্ণমণ্ডলং শুক্লরূপতাং নীযতে| কিম্ভূতম্ ? ধবলাভ্রোপলিপ্তাভম্| তথা নিষ্পাবার্ধদলস্যেবাকৃতির্যস্য তদেবম্| তথা তীব্রবেদনারাগদাহশ্বযথুভিঃ পীডিতম্| তচ্চ শুক্রং পাকাত্যযেন তীব্ররুজং বর্জযেত্-নোপক্রমেত্|
Adhikarana kRuShNarogANAmeteShAM sAdhyAsAdhyatvam (10) · Śloka 10
|
যস্য বা লিঙ্গনাশোঽন্তঃ শ্যাবং যদ্বা সলোহিতম্||৩০||
অত্যুত্সেধাবগাঢং বা সাশ্রু নাডীব্রণাবৃতম্|
পুরাণং বিষমং মধ্যে বিচ্ছিন্নং যচ্চ শুক্রকম্||৩১||
পঞ্চেত্যুক্তা গদাঃ কৃষ্ণে সাধ্যাসাধ্যবিভাগতঃ|
৩১ ১/২|
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচি- তাযামষ্টাঙ্গহৃদযসংহিতাযাং ষষ্ঠে উত্তরস্থানে সন্ধিসিতাসিতরোগবিজ্ঞ্হানীযো নাম দশমোঽধ্যাযঃ||১০||
View original
|
यस्य वा लिङ्गनाशोऽन्तः श्यावं यद्वा सलोहितम्||३०||
अत्युत्सेधावगाढं वा साश्रु नाडीव्रणावृतम्|
पुराणं विषमं मध्ये विच्छिन्नं यच्च शुक्रकम्||३१||
पञ्चेत्युक्ता गदाः कृष्णे साध्यासाध्यविभागतः|
३१ १/२|
इति श्रीवैद्यपतिसिंहगुप्तसूनुश्रीमद्वाग्भटविरचि- तायामष्टाङ्गहृदयसंहितायां षष्ठे उत्तरस्थाने सन्धिसितासितरोगविज्ञ्हानीयो नाम दशमोऽध्यायः||१०||
স০-যস্য চ শুক্রস্য লিঙ্গনাশঃ-অন্তর্দৃষ্টিবিনাশ ইত্যর্থঃ, যচ্চ শ্যাবমন্তঃ, যচ্চ কিঞ্চিল্লোহিতম্, তথাঽত্যুন্নতমবগাঢং বা, সাশ্রুনাডীব্রণাবৃতং বা, তথা পুরাণং-বত্সরাতীতম্ তথা বিষমসংস্থানম্, তথা মধ্যে বিচ্ছিন্নং যচ্চ শুক্রকং, তত্সর্বং বর্জযেত্| স০-কৃষ্ণমণ্ডলে ইতি-পূর্বোক্তেন প্রকারেণ, পঞ্চ রোগাঃ সাধ্যাসাধ্যবিভাগেনোক্তাঃ| সুখগ্রহণধারণার্থং সঙ্খ্যোপাদানমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গ- হৃদযটীকাযাং সর্বাঙ্গসুন্দরাখ্যাযাং ষষ্ঠে উত্তর- স্থানে সন্ধিসিতাসিরতোগবিজ্ঞানীযো নাম দশমোঽধ্যাযঃ সমাপ্তঃ|| ১০||