Adhikarana shirorogapratiShedhAdhyAyaH||24|| vAtaje shirobhitApe vAtavyAdhividhiH (2-1) · Śloka 1
অথৈতচ্চিকিত্সিতং ব্যাখ্যাতুমাহ অথাতঃ শিরোরোগপ্রতিষেধং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে|২|
) শিরোভিতাপেঽনিলজে বাতব্যাধিবিধিং চরেত্|
|১|
View original
अथैतच्चिकित्सितं व्याख्यातुमाह अथातः शिरोरोगप्रतिषेधं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे|२|
) शिरोभितापेऽनिलजे वातव्याधिविधिं चरेत्|
|१|
স০-পবনজে শিরোভিতাপে বাতব্যাধিচিকিত্সিতং কুর্যাত্|
Adhikarana vAtaje shirobhitApe abhyaktashiraso rAtrau ghRutapAnAdi vAtaje shirobhitApe mAShAdInAM bhakShaNam vAtaje shirobhitApe piNDopanAhasvedAH vAtaje shirobhitApe vAtaghnAdisiddhakShIreNa secanam vAtaje shirobhitApe snigdhaM nasyAdikam (1-4) · Śloka 4
|
ঘৃতমক্তশিরা রাত্রৌ পিবেদুষ্ণপযোনুপঃ||১||
মাষান্ কুলত্থান্ মুদ্গান্ বা তদ্বত্খাদেদ্ধৃতান্বিতান্|
তৈলং তিলানাং কল্কং বা ক্ষীরেণ সহ পাযযেত্||২||
পিণ্ডোপনাহস্বেদাশ্চ মাংসধান্যকৃতা হিতাঃ|
বাতঘ্নদশমূলাদিসিদ্ধক্ষীরেণ সেচনম্||৩||
স্নিগ্ধং নস্যং তথা ধূমঃ শিরঃশ্রবণতর্পণম্|
|৪|
View original
|
घृतमक्तशिरा रात्रौ पिबेदुष्णपयोनुपः||१||
माषान् कुलत्थान् मुद्गान् वा तद्वत्खादेद्धृतान्वितान्|
तैलं तिलानां कल्कं वा क्षीरेण सह पाययेत्||२||
पिण्डोपनाहस्वेदाश्च मांसधान्यकृता हिताः|
वातघ्नदशमूलादिसिद्धक्षीरेण सेचनम्||३||
स्निग्धं नस्यं तथा धूमः शिरःश्रवणतर्पणम्|
|४|
স০-অভ্যক্তশিরা রাত্রৌ ঘৃতং পিবেত্| পশ্চাদুষ্ণং ক্ষীরং পিবেত্| মাষাদীন্ ঘৃতান্বিতান্ খাদেত্, তদ্বত্-উষ্ণপযোনুপঃ সন্| তিলানাং তৈলং কল্কং বা ক্ষীরেণ সহ পাযযেত্| পিণ্ডস্বেদা উপনাহস্বেদাশ্চ মাংসযুক্তৈর্ধান্যৈঃ কৃতা হিতাঃ| বাতহরদশমূলাদিনা সিদ্ধেন ক্ষীরেণ সেচনং হিতম্| স্নিগ্ধং চ নস্যাদিকং হিতম্|
Adhikarana vAtaje shirobhitApe varaNAdisiddhaghRutena nasyam vAtaje shirobhitApe varaNAdipakvaghRutasya pAnam (4-6) · Śloka 6
|
বরণাদৌ গণে ক্ষুণ্ণে ক্ষীরমর্ধোদকং পচেত্||৪||
ক্ষীরাবশিষ্টং তচ্ছীতং মথিত্বা সারমাহরেত্|
ততো মধুরকৈঃ সিদ্ধং নস্যং তত্ পূজিতং হবিঃ||৫||
বর্গেঽত্র পক্বং ক্ষীরে চ পেযং সর্পিঃ সশর্করম্|
|৬|
View original
|
वरणादौ गणे क्षुण्णे क्षीरमर्धोदकं पचेत्||४||
क्षीरावशिष्टं तच्छीतं मथित्वा सारमाहरेत्|
ततो मधुरकैः सिद्धं नस्यं तत् पूजितं हविः||५||
वर्गेऽत्र पक्वं क्षीरे च पेयं सर्पिः सशर्करम्|
|६|
স০-বরণসৈর্যেকেত্যাদিগণে(হৃ.সূ.অ. ১৫/২১) জর্জরিতে ক্ষীরমর্ধোদকং পচেত্| তত্ ক্ষীরাবশিষ্টং শীতীভূতং মথিত্বা সারমাহরেত্| অনন্তরং তদ্ধতং মধুরদ্রব্যৈঃ পক্বং নস্যং শ্রেষ্ঠম্| সং-অস্মিন্নেব বরণাদৌ বর্গে ক্ষীরে চ ঘৃতং পক্বং সশর্করং পেযম্|
Adhikarana vAtaje shirobhitApe kArpAsamajjAdinA nasyam vAtaje shirobhitApe pittaraktAnvaye sharkarAdighRutena nasyam (6-7) · Śloka 7
|
কার্পাসমজ্জা ত্বঙ্মুস্তা সুমনঃকোরকাণি চ||৬||
নস্যমুষ্ণাম্বুপিষ্টানি সর্বমূর্ধরুজাপহম্|
শর্করাকুঙ্কুমশৃতং ঘৃতং পিত্তাসৃগন্বযে||৭||
View original
|
कार्पासमज्जा त्वङ्मुस्ता सुमनःकोरकाणि च||६||
नस्यमुष्णाम्बुपिष्टानि सर्वमूर्धरुजापहम्|
शर्कराकुङ्कुमशृतं घृतं पित्तासृगन्वये||७||
স০-কার্পাসমজ্জাদীন্যুষ্ণজলেন পিষ্টানি সর্বমূর্ধরুজাঘ্নং নস্যম্| স০-শর্করাকুঙ্কুমশৃতং সর্পিঃ পিত্তাসৃগুত্থে [নস্যং] হিতম্|
Adhikarana vAtaje shirobhitApe kuShThAdibhiH pralepaH vAtaje shirobhitApe atra raktasrAvo na kAryaH vAtaje shirobhitApe ityashAntau cale kaphe ca dAhaH ardhAvabhedake~apyeShA kriyA (8-9) · Śloka 9
প্রলেপঃ সঘৃতৈঃ কুষ্ঠকুটিলোত্পলচন্দনৈঃ|
বাতোদ্রেকভযাদ্রক্তং ন চাস্মিন্নবসেচযেত্||৮||
ইত্যশান্তৌ চলে দাহঃ কফে চেষ্টো যথোদিতঃ|
অর্ধাবভেদকেঽপ্যেষা তথা দোষান্বযাত্ক্রিযা||৯||
View original
प्रलेपः सघृतैः कुष्ठकुटिलोत्पलचन्दनैः|
वातोद्रेकभयाद्रक्तं न चास्मिन्नवसेचयेत्||८||
इत्यशान्तौ चले दाहः कफे चेष्टो यथोदितः|
अर्धावभेदकेऽप्येषा तथा दोषान्वयात्क्रिया||९||
স০-কুষ্ঠাদিভিঃ সঘৃতৈঃ প্রলেপঃ| কুটিলং-তগরম্ স০-অস্মিংশ্চ বাতোদ্রেকভযাল্লোহিতং নাবসেচযেত্| স০-এবমপ্যনুপশমে বাযৌ দাহ ইষ্টঃ| কফে চ যথোক্তমুষ্ণমিষ্টম্| স০-অর্ধাবভেদকেঽপ্যেষা এব ক্রিযা দোষান্বযাত্-দোষানুরোধাচ্চা, যথাস্বং কার্যা|
Adhikarana ardhAvabhedake shirIShabIjAdinasyam ardhAvabhedake prapunnATAdilepaH sUryAvarte~apyeShA kriyA raktasrAvashca (10-11) · Śloka 11
শিরীষবীজাপামার্গমূলং নস্যং বিডান্বিতম্|
স্থিরারসো বা, লেপে তু প্রপুন্নাটোঽম্লকল্কিতঃ||১০||
সূর্যোবর্তেঽপি তস্মিংস্তু সিরযাঽপহরেদসৃক্|
|১১|
View original
शिरीषबीजापामार्गमूलं नस्यं बिडान्वितम्|
स्थिरारसो वा, लेपे तु प्रपुन्नाटोऽम्लकल्कितः||१०||
सूर्योवर्तेऽपि तस्मिंस्तु सिरयाऽपहरेदसृक्|
|११|
স০-শিরীষবীজাদিভির্নস্যং স্যাত্| শালিপর্ণীক্বাথো বা নস্যম্| প্রপুন্নাটবীজমম্লেন পিষ্টং লেপঃ| স০-সূর্যাবর্তেঽপ্যেষ এবোপক্রমঃ| তস্মিংশ্চ সিরযা রক্তং স্রাবযেত্|
Adhikarana pittaje shirobhitApe sirAvyadhaH ardhAvabhedake shItAH shiromukhAlepAdayaH ardhAvabhedake jIvanIyaghRutakShIrayoH pAnaM nasyaM ca raktaje shirobhitApe~apyeShA kriyA sha~gkhake pratyAkhyAyaiShA kriyA (11-13) · Śloka 13
|
শিরোভিতাপে পিত্তোত্থে স্নিগ্ধস্য ব্যধযেত্সিরাম্||১১||
শীতাঃ শিরোমুখালেপসেকশোধনবস্তযঃ|
জীবনীযশৃতে ক্ষীরসর্পিষী পাননস্যযোঃ||১২||
কর্তব্যং রক্তজেঽপ্যেতত্ প্রত্যাখ্যায চ শঙ্খকে|
|১৩|
View original
|
शिरोभितापे पित्तोत्थे स्निग्धस्य व्यधयेत्सिराम्||११||
शीताः शिरोमुखालेपसेकशोधनबस्तयः|
जीवनीयशृते क्षीरसर्पिषी पाननस्ययोः||१२||
कर्तव्यं रक्तजेऽप्येतत् प्रत्याख्याय च शङ्खके|
|१३|
স০-মূর্ধাভিতাপে পিত্তসম্ভবে স্নিগ্ধস্য সতঃ সিরাং মোক্ষযেত্| তথা শিরোমুখালেপাদযঃ শীতা হিতাঃ| জীবনীযৈঃ শৃতে ক্ষীরঘৃতে পাননস্যযোর্হিতে| স০-রক্তেজেঽপ্যেতচ্চিকিত্সিতং কার্যম্| শঙ্খকে চ প্রত্যাখ্যাযৈষ এবোপক্রমঃ কার্যঃ|
Adhikarana kaphaje shirobhitApe vamanam kaphaje rUkShAdidravyaiH svedAdayaH kaphaje upavAsaH sannipAtaje shirobhitApe mishraH kramaH (13-14) · Śloka 14
|
শ্লেষ্মাভিতাপে জীর্ণাজ্যস্নেহিতঃ কটুকৈর্বমেত্||১৩||
স্বেদপ্রলেপনস্যাদ্যা রূক্ষতীক্ষ্ণোষ্ণভেষজৈঃ|
শস্যন্তে চোপবাসোঽত্র নিচযে মিশ্রমাচরেত্||১৪||
View original
|
श्लेष्माभितापे जीर्णाज्यस्नेहितः कटुकैर्वमेत्||१३||
स्वेदप्रलेपनस्याद्या रूक्षतीक्ष्णोष्णभेषजैः|
शस्यन्ते चोपवासोऽत्र निचये मिश्रमाचरेत्||१४||
স০-শ্লেষ্মণা শিরোভিতাপে পুরাণঘৃতেন স্নেহিতঃ কটুকৈর্বমেত্| স্বেদাদযো রূক্ষাদিদ্রব্যৈঃ শস্যন্তে| উপবাসশ্চাত্র হিতঃ| স০-সন্নিপাতে মিশ্রমাচরেত্|
Adhikarana kRumije sannipAtaje shirobhitApe shoNitena nasyam kRumije kRuminirharaNam kRumije viDa~ggAdisiddhena sarShapAditailena nasyam (15-17) · Śloka 17
কৃমিজে শোণিতং নস্যং তেন মূর্চ্ছন্তি জন্তবঃ|
মত্তাঃ শোণিতগন্ধেন নির্যান্তি ঘ্রাণবক্ত্রযোঃ||১৫||
সুতীক্ষ্ণনস্যধূমাভ্যাং কুর্যান্নির্হরণং ততঃ|
বিডঙ্গস্বর্জিকাদন্তীহিঙ্গুগোমূত্রসাধিতম্||১৬||
কটুনিম্বেঙ্গুদীপীলুতৈলং নস্যং পৃথক্ পৃথক্|
|১৭|
View original
कृमिजे शोणितं नस्यं तेन मूर्च्छन्ति जन्तवः|
मत्ताः शोणितगन्धेन निर्यान्ति घ्राणवक्त्रयोः||१५||
सुतीक्ष्णनस्यधूमाभ्यां कुर्यान्निर्हरणं ततः|
विडङ्गस्वर्जिकादन्तीहिङ्गुगोमूत्रसाधितम्||१६||
कटुनिम्बेङ्गुदीपीलुतैलं नस्यं पृथक् पृथक्|
|१७|
স০-কৃমিজে শোণিতং নস্যং দেযম্| তেন-শোণিতনস্যেন, জন্তবো মূর্চ্ছন্তি| রক্তগন্ধেন চ মত্তা ঘ্রাণেন বক্ত্রেণ চ নির্গচ্ছন্তি| অনন্তরং তীক্ষ্ণনস্যধূমাভ্যাং নির্হরণং কুর্যাত্| স০-বিডঙ্গাদিভিঃ সাধিতং সর্ষপতৈলং নিম্বতৈলমিঙ্গুদীতৈলং পীলুতৈলং বা পৃথক্ পৃথক্ নস্যং হিতম্|
Adhikarana kRumije kRumijjinnasyam kRumije nasyabheShajairdhUmaH (17-18) · Śloka 18
|
অজামূত্রদ্রুতং নস্যং কৃমিজিত্ কৃমিজিত্পরম্||১৭||
পূতিমত্স্যযুতৈঃ কুর্যাদ্ ধূমং নাবনভেষজৈঃ|
|১৮|
View original
|
अजामूत्रद्रुतं नस्यं कृमिजित् कृमिजित्परम्||१७||
पूतिमत्स्ययुतैः कुर्याद् धूमं नावनभेषजैः|
|१८|
স০-অজামূত্রদ্রুতং হিঙ্গু নস্যং পরং কৃমিঘ্নম্| স০-পূতিমত্স্যান্বিতৈর্নস্যদ্রব্যৈর্ধূমং কুর্যাত্|
Adhikarana kRumije raktaM na nirharet shiraHkampe vAtAbhitApakramaH (18-19) · Śloka 19
|
কৃমিভিঃ পীতরক্তত্বাদ্রক্তমত্র ন নির্হরেত্||১৮||
বাতাভিতাপবিহিতঃ কম্পে দাহাদ্বিনা ক্রমঃ|
|১৯|
View original
|
कृमिभिः पीतरक्तत्वाद्रक्तमत्र न निर्हरेत्||१८||
वाताभितापविहितः कम्पे दाहाद्विना क्रमः|
|१९|
স০-অত্র চ রক্তং ন বিস্রাবযেত্| কুতো হেতোঃ ? ইত্যাহকৃমিভিঃ পীতরক্তত্বাত্| স০-কম্পে বাতাভিতাপোক্তো বিধির্দাহাদ্বিনা|
Adhikarana upashIrShake nave vAtavyAdhikriyA upashIrShake pakve vidradhikriyA vidradhau,piTikAyAM , arbude ca Amapakve yathAyogyaM karma (19-20) · Śloka 20
|
নবে জন্মোত্তরং জাতে যোজযেদুপশীর্ষকে||১৯||
বাতব্যাধিক্রিযাং, পক্বে কর্ম বিদ্রধিচোদিতম্|
আমপক্বে যথাযোগ্যং বিদ্রধীপিটিকার্বুদে||২০||
View original
|
नवे जन्मोत्तरं जाते योजयेदुपशीर्षके||१९||
वातव्याधिक्रियां, पक्वे कर्म विद्रधिचोदितम्|
आमपक्वे यथायोग्यं विद्रधीपिटिकार्बुदे||२०||
স০-উপশীর্ষকে নবে জন্মোত্তরং জাতে বাতব্যাধিচিকিত্সিতং কুর্যাত্| পক্বে চ বিদ্রধিবিহিতং কর্ম কুর্যাত্| স০-আমে পক্বে চ বিদ্রধৌ পিটিকাযামর্বুদে চ যথাস্বং কর্ম কুর্যাত্|
Adhikarana arUMShikAyAM raktasrAvaH arUMShikAyAM ashvashakRudrasairlepaH arUMShikAyAM paTolAdipatrairlepaH (21-22) · Śloka 22
অরুংষিকা জলৌকোভির্হৃতাস্রা নিম্ববারিণা|
সিক্তা প্রভূতলবণৈর্লিম্পেদশ্বশকৃদ্রসৈঃ||২১||
পটোলনিম্বপত্রৈর্বা সহরিদ্রৈঃ সুকল্কিতৈঃ|
গোমূত্রজীর্ণপিণ্যাককৃকবাকুমলৈরপি||২২||
View original
अरुंषिका जलौकोभिर्हृतास्रा निम्बवारिणा|
सिक्ता प्रभूतलवणैर्लिम्पेदश्वशकृद्रसैः||२१||
पटोलनिम्बपत्रैर्वा सहरिद्रैः सुकल्कितैः|
गोमूत्रजीर्णपिण्याककृकवाकुमलैरपि||२२||
স০-অরুংষিকা জলৌকোভির্নিঃস্রুতরক্তা নিম্বজলেন সিক্তা বাজিশকৃদ্রসৈঃ প্রভূতলবণৈর্লিম্পেত্| পটোলনিম্বপত্রৈর্নিশান্বিতৈঃ সুপিষ্টৈর্বা গোমূত্রাদিভির্বা| কৃকবাকুঃ-কুক্কুটঃ|
Adhikarana arUMShikAyAM kapAlabhRuShTakuShThalepaH arUMShikAyAM indralupte ca mAlatyAditailenAbhya~ggaH (23-24) · Śloka 24
কপালভৃষ্টং কুষ্ঠং বা চূর্ণিতং তৈলসংযুতম্|
রূংষিকালেপনং কণ্ডূক্লেদদাহার্তিনাশনম্||২৩||
মালতীচিত্রকাশ্বঘ্ননক্তমালপ্রসাধিতম্|
চাচারূংষিকযোস্তৈলমভ্যঙ্গঃ ক্ষুরঘৃষ্টযোঃ||২৪||
View original
कपालभृष्टं कुष्ठं वा चूर्णितं तैलसंयुतम्|
रूंषिकालेपनं कण्डूक्लेददाहार्तिनाशनम्||२३||
मालतीचित्रकाश्वघ्ननक्तमालप्रसाधितम्|
चाचारूंषिकयोस्तैलमभ्यङ्गः क्षुरघृष्टयोः||२४||
স০-কুষ্ঠং চূর্ণিতং কপালভৃষ্টং তৈলসংযুতং রূংষিকালেপনং কণ্ড্বাদিহিতম্| স০-মালত্যাদিপ্রসাধিতং তৈলং চাচারুংষিকযোঃ ক্ষুরঘৃষ্টযোরভ্যঙ্গঃ|
Adhikarana arUMShikAyAM ashAntau vamanAdibhiH shiraHshuddhiH dAruNake shirAvedhaH dAruNake mRujAnasyamUrddhabastInAM shIlanam dAruNake priyAlAdibhirlAkShAdibhishca lepaH dAruNake kodravakShArajalena prakShAlanam (25-27) · Śloka 27
অশান্তৌ শিরসঃ শুধ্দ্যৈ যতেত বমনাদিভিঃ|
বিধ্যেচ্ছিরাং দারুণকে লালাট্যাং, শীলযেন্মৃজাম্||২৫||
নাবনং মূর্দ্ধবস্তিং চ, লেপযেচ্চ সমাক্ষিকৈঃ|
প্রিযালভিজমধুককুষ্ঠমাষৈঃ সসর্ষপৈঃ||২৬||
লাক্ষাশম্যাকপত্রৈডগজধাত্রীফলৈস্তথা|
কোরদূষতৃণক্ষারবারিপ্রক্ষালনং হিতম্||২৭||
View original
अशान्तौ शिरसः शुध्द्यै यतेत वमनादिभिः|
विध्येच्छिरां दारुणके लालाट्यां, शीलयेन्मृजाम्||२५||
नावनं मूर्द्धबस्तिं च, लेपयेच्च समाक्षिकैः|
प्रियालभिजमधुककुष्ठमाषैः ससर्षपैः||२६||
लाक्षाशम्याकपत्रैडगजधात्रीफलैस्तथा|
कोरदूषतृणक्षारवारिप्रक्षालनं हितम्||२७||
স০-অশান্তৌ সত্যাং মূর্ধ্নঃ শোধনায বমনাদিভির্যতেত| স০-দারুণকে লালাট্যাং শিরাং বিধ্যেত্| মৃজাং শুদ্ধিং নস্যং মূর্দ্ধবস্তিং চ শীলযেত্| প্রিযালাদিভিঃ সমাক্ষিকৈর্লেপযেচ্চ| লাক্ষাদিভিঃ ক্ষৌদ্রযুতৈর্লেপঃ| কোদ্রবতৃণক্ষারজলেন প্রক্ষালনং হিতম্|
Adhikarana idralupte sirAM vidhvA pracchAya kAsIsAdibhirlepayet idralupte hastidantamaShIlepaH (28-31) · Śloka 31
ইন্দ্রলুপ্তে যথাসন্নং সিরাং বিধ্বা প্রলেপযেত্|
প্রচ্ছায গাঢং কাসীসমনোহ্বাতুত্থকোষণৈঃ||২৮||
বন্যামরতরুভ্যাং বা গুঞ্জামূলফলৈস্তথা|
তথা লাঙ্গলিকামূলৈঃ করবীররসেন বা||২৯||
সক্ষৌদ্রক্ষুদ্রবার্তাকস্বরসেন রসেন বা|
ধত্তূরকস্য পত্রাণাং ভল্লাতকরসেন বা||৩০||
অথবা মাক্ষিকহবিস্তিলপুষ্পত্রিকণ্টকৈঃ|
তৈলাক্তা হস্তিদন্তস্য মষী চাচৌষধং পরম্||৩১||
View original
इन्द्रलुप्ते यथासन्नं सिरां विध्वा प्रलेपयेत्|
प्रच्छाय गाढं कासीसमनोह्वातुत्थकोषणैः||२८||
वन्यामरतरुभ्यां वा गुञ्जामूलफलैस्तथा|
तथा लाङ्गलिकामूलैः करवीररसेन वा||२९||
सक्षौद्रक्षुद्रवार्ताकस्वरसेन रसेन वा|
धत्तूरकस्य पत्राणां भल्लातकरसेन वा||३०||
अथवा माक्षिकहविस्तिलपुष्पत्रिकण्टकैः|
तैलाक्ता हस्तिदन्तस्य मषी चाचौषधं परम्||३१||
স০-ইন্দ্রলুপ্তে যথাসন্নে দেশে সিরাং বিধ্বা [গাঢং-] সুষ্টু, প্রচ্ছায-প্রছানং কৃত্বা, কাসীসাদিভির্লেপযেত্| বন্যদেবদারুভ্যাং বা লেপযেত্| স০-হস্তিদন্তমষী তৈলাক্তা চাচানামৌষধং পরম্|
Adhikarana idralupte shuklaromodgame meShaviShANamaShIlepaH idralupte AromodbhUterjalaseko varjyaH (32) · Śloka 32
শুক্লরোমোদ্গমে তদ্বন্মষী মেষবিষাণজা|
বর্জযেদ্বারিণা সেকং যাবদ্রোমসমুদ্ভবঃ||৩২||
View original
शुक्लरोमोद्गमे तद्वन्मषी मेषविषाणजा|
वर्जयेद्वारिणा सेकं यावद्रोमसमुद्भवः||३२||
স০-সিতরোমোদ্গমে মেষবিষাণজা মষী তৈলাক্তা শ্রেষ্ঠা| সং-জলসেকং চ বর্জযেত্ যাবদ্রোমোদ্ভূতিঃ|
Adhikarana khalatau, palite , valyAM ,harillomni ca shodhanaM nasyavakrashirobhya~ggapradehAshca idralupte bRuhatyAditailena nasyam idralupte nimbatailena nasyam (33-34) · Śloka 34
খলতৌ পলিতে বল্যাং হরিল্লোম্নি চ শোধিতম্|
নস্যবক্ত্রশিরোভ্যঙ্গপ্রদেহৈঃ সমুপাচরেত্||৩৩||
সিদ্ধং তৈলং বৃহত্যাদ্যৈর্জীবনীযৈশ্চ নাবনম্|
মাসং বা নিম্বজং তৈলং ক্ষীরভুঙ্নাবযেদ্যতিঃ||৩৪||
View original
खलतौ पलिते वल्यां हरिल्लोम्नि च शोधितम्|
नस्यवक्त्रशिरोभ्यङ्गप्रदेहैः समुपाचरेत्||३३||
सिद्धं तैलं बृहत्याद्यैर्जीवनीयैश्च नावनम्|
मासं वा निम्बजं तैलं क्षीरभुङ्नावयेद्यतिः||३४||
স০-খলত্যাদিষু শোধিতমাতুরং নস্যাদিভিরুপাচরেত্| স০-বৃহত্যাদিভির্জীবনীযৈশ্চ পক্বং তৈলং নস্যং হিতম্| নিম্বোদ্ভবং বা তৈলং মাসং ক্ষীরভুঙ্নাবযেত্, যতিঃ-সংযমী ব্রহ্মচর্যপরঃ|
Adhikarana palite nIlyAditailena nasyam palite kShIrAditailena nasyam (35-38) · Śloka 38
নীলীশিরীষকোরণ্টভৃঙ্গস্বরসভাবিতম্|
শেল্বক্ষতিলরামাণাং বীজং কাকাণ্ডকীসমম্||৩৫||
পিষ্ট্বাঽঽজপযসা লোহাল্লিপ্তাদর্কাশুতাপিতাত্|
তৈলং স্রুতং ক্ষীরভুজো নাবনাত্ পলিতান্তকৃত্||৩৬||
ক্ষীরাত্সাহচরাদ্ ভৃঙ্গরজসঃ সৌরসাদ্রসাত্|
প্রস্থৈস্তৈলস্য কুডবঃ সিদ্ধো যষ্টিপলান্বিতঃ||৩৭||
নস্যং শৈলাসনে ভাণ্ডে শৃঙ্গে মেষস্য বা স্থিতঃ|
|৩৮|
View original
नीलीशिरीषकोरण्टभृङ्गस्वरसभावितम्|
शेल्वक्षतिलरामाणां बीजं काकाण्डकीसमम्||३५||
पिष्ट्वाऽऽजपयसा लोहाल्लिप्तादर्काशुतापितात्|
तैलं स्रुतं क्षीरभुजो नावनात् पलितान्तकृत्||३६||
क्षीरात्साहचराद् भृङ्गरजसः सौरसाद्रसात्|
प्रस्थैस्तैलस्य कुडवः सिद्धो यष्टिपलान्वितः||३७||
नस्यं शैलासने भाण्डे शृङ्गे मेषस्य वा स्थितः|
|३८|
স০-নীল্যাদিস্বরসেন ভাবিতং শেল্বাদীনাং বীজং কাকাণ্ডকীতুল্যং ছাগদুগ্ধেন পিষ্ট্বা লোহাল্লিপাদ্ রবিরশ্মিভিস্তাপিত্তাত্তৈলং স্রুতং ক্ষীরাশিনো নস্যং পলিতান্তকরম্| স০-ক্ষীরাত্ প্রস্থেন, সহচররসাত্ প্রস্থেন, ভৃঙ্গরাজরসাত্ প্রস্থেন, সুরসারসাত্ প্রস্থেন, তৈলস্য কুডবঃ পক্বো মধুযষ্টীপলযুতঃ শৈলে ভাণ্ডে বীজসারস্য বা ভাণ্ডে মেষশৃঙ্গে বা স্থিতো নস্যম্|
Adhikarana palite dugdhikAkaravIrakalepaH harillomavalIShu kShIrAdInAM vaktralepaH (38-40) · Śloka 40
|
ক্ষীরেণ শ্লক্ষ্ণপিষ্টৈ বা দুগ্ধিকাকরবীরকৌ||৩৮||
উত্পাট্য পলিতং দেযাবাশযে পলিতাপহৌ|
ক্ষীরং প্রিযালং যষ্ট্যাহ্বং জীবনীযো গণস্তিলাঃ||৩৯||
কৃষ্ণাঃ প্রলেপো বক্ত্রস্য হরিল্লোমবলীহিতঃ|
|৪০|
View original
|
क्षीरेण श्लक्ष्णपिष्टै वा दुग्धिकाकरवीरकौ||३८||
उत्पाट्य पलितं देयावाशये पलितापहौ|
क्षीरं प्रियालं यष्ट्याह्वं जीवनीयो गणस्तिलाः||३९||
कृष्णाः प्रलेपो वक्त्रस्य हरिल्लोमवलीहितः|
|४०|
স০-দুগ্ধিকাকরবীরকৌ ক্ষীরেণ সূক্ষ্মপিষ্টৌ পলিতমুত্পাট্য তত্স্থানে দেযৌ পলিতঘ্নৌ| স০-ক্ষীরাদযো বক্ত্রস্য লেপ ইন্দ্রলুপ্তবলীষু হিতঃ|
Adhikarana keshabRuMhaNara~jjakastilAdInAM mUrddhalepaH keshasaMvardhanAni mAMsyAdIni (40-42) · Śloka 42
|
তিলাঃ সামলকাঃ পদ্মকিঞ্জল্কো মধুকং মধু||৪০||
বৃংহযেদ্রঞ্জযেচ্চৈতত্ কেশান্ মূর্দ্ধপ্রলেপনাত্|
মাংসী কুষ্ঠং তিলাঃ কৃষ্ণাঃ সারিবা নীলমুত্পলম্||৪১||
ক্ষৌদ্রং চ ক্ষীরপিষ্টানি কেশসংবর্ধনং পরম্|
|৪২|
View original
|
तिलाः सामलकाः पद्मकिञ्जल्को मधुकं मधु||४०||
बृंहयेद्रञ्जयेच्चैतत् केशान् मूर्द्धप्रलेपनात्|
मांसी कुष्ठं तिलाः कृष्णाः सारिवा नीलमुत्पलम्||४१||
क्षौद्रं च क्षीरपिष्टानि केशसंवर्धनं परम्|
|४२|
স০-তিলাদিকং শিরঃপ্রলেপনাত্ কেশান্ রঞ্জযেত্ পুষ্ণীযাচ্চ| স০-মাংস্যাদীনি ক্ষীরপিষ্টানি পরং কেশসংবর্ধনানি|
Adhikarana keshara~jjanaM ayorajaAdi keshara~jjanaM mAShakAdiyavAgUH (42-44) · Śloka 44
|
অযোরজো ভৃঙ্গরজস্ত্রিফলা কৃষ্ণমৃত্তিকা||৪২||
স্থিতমিক্ষুরসে মাসং সমূলং পলিতং রজেত্|
মাষকোদ্রবধান্যাম্লৈর্যবাগূস্ত্রিদিনোষিতা||৪৩||
লোহশুক্লোত্কটা পিষ্টা বলাকামপি রঞ্জযেত্|
|৪৪|
View original
|
अयोरजो भृङ्गरजस्त्रिफला कृष्णमृत्तिका||४२||
स्थितमिक्षुरसे मासं समूलं पलितं रजेत्|
माषकोद्रवधान्याम्लैर्यवागूस्त्रिदिनोषिता||४३||
लोहशुक्लोत्कटा पिष्टा बलाकामपि रञ्जयेत्|
|४४|
স০-লোহচূর্ণাদিকমিক্ষুরসে মাসং স্থিতং সমূলং পলিতং রজেত্| স০-মাষাদিভির্যবাগূস্ত্রিদবসোষিতা লোহশুক্লোত্কটা পিষ্টা বলাকামপি রঞ্জযেত্| কিং পুনঃ পলিতং ন নিহন্তি?|
Adhikarana sarvashiroroge palite ca prapauNDarIkAditailam (44-45) · Śloka 45
|
প্রপৌণ্ডরীকমধুকপিপ্পলীচন্দনোত্পলৈঃ||৪৪||
সিদ্ধং ধাত্রীরসে তৈলং নস্যেনাভ্যঞ্জনেন চ|
সর্বান্ মূর্ধগদান্ হন্তি পলিতানি চ শীলিতম্||৪৫||
View original
|
प्रपौण्डरीकमधुकपिप्पलीचन्दनोत्पलैः||४४||
सिद्धं धात्रीरसे तैलं नस्येनाभ्यञ्जनेन च|
सर्वान् मूर्धगदान् हन्ति पलितानि च शीलितम्||४५||
স০-প্রপৌণ্ডরীকাদিভির্ধাত্রীরসে সিদ্ধং তৈলং নাবনেনাভ্যঞ্জনেন চ সর্বান্ শিরোরোগান্ হন্তি| শীলিতং চ পলিতানি হন্তি|
Adhikarana sarvashiroroge palite ca vanyAdiyamakena nasyam (46) · Śloka 46
বরীজীবন্তিনির্যাসপযোভির্যমকং পচেত্|
জীবনীযৈশ্চ তন্নস্যং সর্বজত্রূর্ধ্বরোগজিত্||৪৬||
View original
वरीजीवन्तिनिर्यासपयोभिर्यमकं पचेत्|
जीवनीयैश्च तन्नस्यं सर्वजत्रूर्ध्वरोगजित्||४६||
স০-শতাবরীজীবন্তিক্বাথেন ক্ষীরেণ জীবনীযৈশ্চ যমকং পচেত্| তত্ নস্যেন সর্বজত্রূর্ধ্বরোগজিত্|
Adhikarana sarvashiroroge palite ca mAyUraM ghRutam (47-49) · Śloka 49
মযূরং পক্ষপিত্তান্ত্রপাদবিট্তুণ্ডবর্জিতম্|
দশমূলবলারাস্নামধুকৈস্ত্রিপলৈর্যুতম্||৪৭||
জলে পক্ত্বা ঘৃতপ্রস্থং তস্মিন্ ক্ষীরসমং পচেত্|
কল্কিতৈর্মধুরদ্রব্যৈঃ সর্বজত্রূর্ধ্বরোগজিত্||৪৮||
তদভ্যাসীকৃতং পানবস্ত্যভ্যঞ্জননাবনৈঃ|
|৪৯|
View original
मयूरं पक्षपित्तान्त्रपादविट्तुण्डवर्जितम्|
दशमूलवलारास्नामधुकैस्त्रिपलैर्युतम्||४७||
जले पक्त्वा घृतप्रस्थं तस्मिन् क्षीरसमं पचेत्|
कल्कितैर्मधुरद्रव्यैः सर्वजत्रूर्ध्वरोगजित्||४८||
तदभ्यासीकृतं पानबस्त्यभ्यञ्जननावनैः|
|४९|
স০-মযূরং পক্ষাদিবর্জিতং ত্রিপলপ্রমাণৈর্দশমূলাদিভির্যুতং জলে পক্ত্বা তস্মিন্ জলে কল্কিতৈর্মধুরদ্রব্যৈঃ ক্ষীরসমং ঘৃতপ্রস্থং পচেত্| পানাদিভিরভ্যস্তং-শীলিতং, তত্-ঘৃতং, সর্বজত্রূর্ধ্বরোগজিত্| এতন্মাযূরাখ্যং ঘৃতম্|
Adhikarana sarvashiroroge palite ca mahAmAyUraM ghRutam (49-56) · Śloka 56
|
এতেনৈব কষাযেণ ঘৃতপ্রস্থং বিপাচযেত্||৪৯||
চতুর্গুণেন পযসা কল্কৈরেভিশ্চ কার্ষিকৈঃ|
জীবন্তীত্রিফলামেদামৃদ্বীকর্দ্ধিপরূষকৈঃ||৫০||
সমঙ্গাচবিকাভার্গীকাশ্মরীকর্কটাহ্বযৈঃ|
আত্মগুপ্তামহামেদাতালখর্জূরমস্তকৈঃ||৫১||
মৃণালবিসখর্জূরযষ্টীমধুকজীবকৈঃ|
শতাবরীবিদারীক্ষুবৃহতীসারিবাযুগৈঃ||৫২||
মূর্বাশ্বদংষ্ট্রর্ষভকশৃঙ্গাটককসেরুকৈঃ|
রাস্নাস্থিরাতামলকীসূক্ষ্মৈলাশঠিপৌষ্করৈঃ||৫৩||
পুনর্নবাতবক্ষীরীকাকোলীধন্বযাসকৈঃ|
মধূকাক্ষোটবাতামমুঞ্জাতাভিষুকৈরপি||৫৪||
মহামাযুরমিত্যেতন্মাযূরাদধিকং গুণৈঃ|
ধাত্বিন্দ্রিযস্বরভ্রংশশ্বাসকাসার্দিতাপহম্||৫৫||
যেন্যসৃক্শুক্রদোষেষু শস্তং বন্ধ্যাসুতপ্রদম্|
|৫৬|
View original
|
एतेनैव कषायेण घृतप्रस्थं विपाचयेत्||४९||
चतुर्गुणेन पयसा कल्कैरेभिश्च कार्षिकैः|
जीवन्तीत्रिफलामेदामृद्वीकर्द्धिपरूषकैः||५०||
समङ्गाचविकाभार्गीकाश्मरीकर्कटाह्वयैः|
आत्मगुप्तामहामेदातालखर्जूरमस्तकैः||५१||
मृणालबिसखर्जूरयष्टीमधुकजीवकैः|
शतावरीविदारीक्षुबृहतीसारिवायुगैः||५२||
मूर्वाश्वदंष्ट्रर्षभकशृङ्गाटककसेरुकैः|
रास्नास्थिरातामलकीसूक्ष्मैलाशठिपौष्करैः||५३||
पुनर्नवातवक्षीरीकाकोलीधन्वयासकैः|
मधूकाक्षोटवाताममुञ्जाताभिषुकैरपि||५४||
महामायुरमित्येतन्मायूरादधिकं गुणैः|
धात्विन्द्रियस्वरभ्रंशश्वासकासार्दितापहम्||५५||
येन्यसृक्शुक्रदोषेषु शस्तं वन्ध्यासुतप्रदम्|
|५६|
স০-এতেনৈব ক্বাথেন ঘৃতপ্রস্থং বিপাচযেত্| চতুর্গুণেন ক্ষীরেণৈভিঃ-জীবন্ত্যাদিভিঃ, কল্কৈঃ কার্ষিকৈরেতন্মহামাযুরং মাযূরাদ্গুণৈরধিকং ধাত্বাদিভ্রংশঘ্নং চ| যোন্যাদিদোষেষু শস্তম্| বন্ধ্যাসুতপ্রদম্|
Adhikarana sarvashiroroge palite ca mUShakAdibhirevaM kalpayet jatrUrdhvajA ekatriMshacchatadvayamitA vyAdhayaH (56-57) · Śloka 57
|
আখুভিঃ কুক্কুটৈর্হংসৈঃ শশৈশ্চেতি প্রকল্পযেত্||৫৬||
জত্রূর্ধ্বজানাং ব্যাধীনামেকত্রিংশচ্ছতদ্বযম্|
পরস্পরমসঙ্কীর্ণং বিস্তরেণ প্রকাশিতম্||৫৭||
View original
|
आखुभिः कुक्कुटैर्हंसैः शशैश्चेति प्रकल्पयेत्||५६||
जत्रूर्ध्वजानां व्याधीनामेकत्रिंशच्छतद्वयम्|
परस्परमसङ्कीर्णं विस्तरेण प्रकाशितम्||५७||
স০-মূষিকাদিভিরেব কল্পযেত্| স০-জত্রূর্ধ্বজানাং রোগাণাং শতদ্বযমেকত্রিংশদধিকমন্যোন্যমসঙ্কীর্ণং বিস্তরেণ প্রকাশিতম্|
Adhikarana mUlaprahAriNAM rogANAM tvaritamupakramaH (58) · Śloka 58
ঊর্ধ্বমূলমধঃশাখমৃষযঃ পুরুষং বিদুঃ|
মূলপ্রহারিণস্তস্মাদ্ রোগান্ শীঘ্রতরং জযেত্||৫৮||
View original
ऊर्ध्वमूलमधःशाखमृषयः पुरुषं विदुः|
मूलप्रहारिणस्तस्माद् रोगान् शीघ्रतरं जयेत्||५८||
স০-ঊর্ধ্বমূলমধঃশাখং মুনযশ্চ যস্মাত্ পুরুষং জানন্তি, তস্মান্মূলাপহারিণো রোগান্ শীঘ্রতরং জযেত্|
Adhikarana uttamA~ggasya rakShaNe sAvadhAnatA (59-24) · Śloka 24
সর্বেন্দ্রিযাণি যেনাস্মিন্ প্রাণা যেন চ সংশ্রিতাঃ|
তেন তস্যোত্তমাঙ্গস্য রক্ষাযামাদৃতো ভবেত্||৫৯||
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভট- বিরচিতাযামষ্টাঙ্গহৃদযসংহিতাযাং ষষ্ঠে উত্তর- স্থানে শিরোরোগপ্রতিষেধো নাম- চতুর্বিংশোঽধ্যাযঃ||২৪||
View original
सर्वेन्द्रियाणि येनास्मिन् प्राणा येन च संश्रिताः|
तेन तस्योत्तमाङ्गस्य रक्षायामादृतो भवेत्||५९||
इति श्रीवैद्यपतिसिंहगुप्तसूनुश्रीमद्वाग्भट- विरचितायामष्टाङ्गहृदयसंहितायां षष्ठे उत्तर- स्थाने शिरोरोगप्रतिषेधो नाम- चतुर्विंशोऽध्यायः||२४||
সং-যস্মাদস্মিন্-উত্তমাঙ্গে, সর্বেন্দ্রিযাণি, যতশ্চাত্র প্রাণাঃ সংশ্রিতাঃ, তস্মাদুত্তমাঙ্গস্য রক্ষাযাং যত্নবতা ভাব্যমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে শিরোরোগ- প্রতিষেধো নাম চতুর্বিংশোঽধ্যাযঃ সমাপ্তঃ|| ২৪|| ইতি শালাক্যং নাম চতুর্থমূর্ধ্বাঙ্গমঙ্গং সম্পূর্ণম্|