6. unmādapratiṣēdhādhyāyaḥ

Adhikarana unmAdapratiShedhAdhyAyaH||6|| (2-3) · Śloka 3

অথাত উন্মাদপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| )||৩||

ভূতপ্রতিষেধাদনন্তরমুন্মাদাপস্মারপ্রতিষেধ উচ্যতে, চিকিত্সাসামান্যাত্| তত্রাপ্যপস্মারাদুন্মাদস্য পূর্বমুপন্যাসো বহুবক্তব্যত্বাদিত্যাহ- স০-উন্মাদস্য প্রতিষেধ-চিকিত্সিতং, ভণিষ্যামঃ|

Adhikarana unmAdAH ShaT (1) · Śloka 1

উন্মাদাঃ ষট্ পৃথগ্দোষনিচযাধিবিষোদ্ভবাঃ| |১|

স০-প্রত্যেকং দোষৈস্ত্রযঃ সান্নিপাতিক আধিজো বিষজশ্চেতি|

Adhikarana unmAdasya svarUpam (1) · Śloka 1

| উন্মাদো নাম মনসো দোষৈরুন্মার্গগৈর্মদঃ||১||

স০-উন্মাদো দোষৈঃ-বাতপিত্তকফৈঃ, উন্মার্গগৈঃ-অপথপ্রস্থিতৈঃ, মনসো যো মদঃ স উন্মাদো নাম রোগ উচ্যতে|

Adhikarana unmAdasya nidAnam unmAdasya samprAptiH unmAdasya sAmyAnyaM lakShaNam (2-6) · Śloka 6

অধুনা বিস্তরেণোত্পত্তিক্রমমুন্মাদানামাহ শারীরমানসৈর্দুষ্টৈরহিতাদন্নপানতঃ| বিকৃতাসাত্ম্যসমলাদ্বিষমাদুপযোগতঃ||২|| বিষণ্ণস্যাল্পসত্ত্বস্য ব্যাধিবেগসমুদ্গমাত্| ক্ষীণস্য চেষ্টাবৈষম্যাত্ পূজ্যপূজাব্যতিক্রমাত্||৩|| আধিভিশ্চিত্তবিভ্রংশাদ্ বিষেণোপবিষেণ চ| এভির্হি হীনসত্ত্বস্য হৃদি দোষাঃ প্রদূষিতাঃ||৪|| ধিযো বিধায কালুষ্যং হত্ব মার্গান্ মনোবহান্| উন্মাদং কুর্বতে, তেন ধীবিজ্ঞানস্মৃতিভ্রমাত্||৫|| দেহো দুঃখসুখভ্রষ্টো ভ্রষ্টসারথিবদ্রথঃ| ভ্রমত্যচিন্তিতারম্ভঃ|৬|

স০-শারীরমানসৈর্দোষৈর্দুষ্টৈর্যাবদুপবিষেণ চেতি| এভিঃ-অমীভির্হেতুভিঃ, দোষা হৃদযে প্রদূষিতাঃ সন্তো হীনসত্ত্বস্য পুংসো বুদ্ধেঃ কালুষ্যং কৃত্বা তথা চিত্তবহানি স্রোতাংসি হত্বোন্মাদং কুর্বতে| তেন-উন্মাদেন, দেহো বুদ্ধিভ্রমান্নষ্টসুখদুঃখো ভ্রষ্টসারথিরিব রথো ভ্রমতি| অচিন্তিতঃ-অনিরূপিতক্রিযঃ, আরম্ভঃ-উদ্যমো, যস্য স এবম্|

Adhikarana 1 vAtonmAdasya lakShaNam (6-10) · Śloka 10

ইতি সামান্যলক্ষণমুন্মাদস্যোক্ত্বা পবনাদিজস্য বিশিষ্টং লক্ষণমাহ | তত্র বাতাত্কৃশাঙ্গতা||৬|| অস্থানে রোদনাক্রোশহসিতস্মিতনর্তনম্| গীতবাদিত্রবাগঙ্গবিক্ষেপাস্ফোটনানি চ||৭|| অসাম্না বেণুবীণাদিশব্দানুকরণং মুহুঃ| আস্যাত্ফেনাগমোঽজস্রমটনং বহুভাষিতা||৮|| অলঙ্কারোঽনলঙ্কারৈরযানৈর্গমনোদ্যমঃ| গৃদ্ধিরভ্যবহার্যেষু তল্লাভে চাবমানতা||৯|| উত্পিণ্ডিতারুণাক্ষিত্বং জীর্ণে চান্নে গদোদ্ভবঃ| |১০|

স০-বাতাদুন্মাদে সতি কৃশাঙ্গাদিলক্ষণং চ জীর্ণে চান্নে গদোদ্ভব ইত্যন্তম্| অস্থানে-অপ্রসঙ্গে, রোদনাদীনি| অসাম্না ঔদ্ধত্যেন, পুনঃপুনঃ বেণুবীণাদিবাদ্যস্যানুকরণম্|

Adhikarana 2 pittonmAdasya lakShaNam (10-11) · Śloka 11

| পিত্তাত্সন্তর্জনং ক্রোধো মুষ্টিলোষ্টাদ্যভিদ্রবঃ||১০|| শীতচ্ছাযোদকাকাঙ্ক্ষা নগ্নত্বং পীতবর্ণতা| অসত্যজ্বলনজ্বালাতারকাদীপদর্শনম্||১১||

স০-পিত্তাদুন্মাদে সতি সন্তর্জনক্রোধাদযঃ স্যুঃ| অসত্যানাং জ্বলনাদীনাং দর্শনম্|

Adhikarana 3 kaphonmAdasya lakShaNam (12-13) · Śloka 13

কফাদরোচকশ্ছর্দিরল্পেহাহারবাক্যতা| স্ত্রীকামতা রহঃপ্রীতির্লালাসিঙ্ঘাণকস্রুতিঃ||১২|| বৈভত্স্যং শৌচবিদ্বেষো নিদ্রা শ্বযথুরাননে| উন্মাদো বলবান্ রাত্রৌ ভুক্তমাত্রে চ জাযতে||১৩||

স০-কফাদুন্মাদে সত্যরোচকাদযঃ স্যুঃ| তথা রাত্রৌ বলবান্ সদ্যো ভুক্তে চ স্যাত্|

Adhikarana 4 sannipAtonmAdasya lakShaNam (14) · Śloka 14

সর্বাযতনসংস্থানসন্নিপাতে তদাত্মকম্| উন্মাদং দারুণং বিদ্যাত্ তং ভিষক্ পরিবর্জযেত্||১৪||

স০-আযতনানি-নিমিত্তানি, সংস্থানানি-লিঙ্গানি, সর্বাণি ত্রিদোষবিষযাণ্যাযতনানি সংস্থানানি চ যস্মিন্ সন্নিপাতে| তদাত্মকং-ত্রিদোষোত্থম্, উন্মাদং দারুণং-মারণাত্মকং, বিদ্যাত্| তং-উন্মাদং, নোপক্রমেত্|

Adhikarana 5 cittajonmAdasya lakShaNam (15-16) · Śloka 16

অথ চিত্তজমুন্মাদং বক্তি ধনকান্তাদিনাশেন দুঃসহেনাভিষঙ্গবান্| পাণ্ডুর্দীনো মুহুর্মুহ্যন্ হাহেতি পরিদেবতে||১৫|| রোদিত্যকস্মান্ম্রিযতে তদ্গুণান্ বহু মন্যতে| শোকক্লিষ্টমনা ধ্যাযন্ জাগরূকো বিচেষ্টতে||১৬||

স০-ধনাদিনাশেন দুঃসহেনাভিষঙ্গবানুন্মাদঃ স্যাত্| তেন পাণ্ড্বাদিকঃ সন্নিদমিদং করোতি| তথা শোকখিন্নচেতাঃ সন্ ধ্যাযন্ জাগরণশীলো বিচেষ্টতে|

Adhikarana 6 viShajonmAdasya lakShaNam (17) · Śloka 17

বিষেণ শ্যাববদনো নষ্টচ্ছাযাবলেন্দ্রিযঃ| বেগান্তরেঽপি সম্ভ্রান্তো রক্তাক্ষস্তং বিবর্জযেত্||১৭||

স০-বিষেণোন্মাদে শ্যাববদনঃ স্যাত্| তং বর্জযেত্-নোপক্রমেত্|

Adhikarana vAtonmAde cikitsA (18) · Śloka 18

অথানিলজ উন্মাদে স্নেহপানং প্রযোজযেত্| পূর্বমাবৃতমার্গে তু সস্নেহং মৃদু শোধনম্||১৮||

স০-অথেদৃশ্যুন্মাদলক্ষণেঽবগতে সতি পবনজো য উন্মাদস্তস্মিন্ স্নেহপানং পূর্বং কারযেত্| আবৃতবর্ত্মনি ত্বনিলে সস্নেহং মৃদু শোধনং পূর্বং স্নেহপানাত্ কারযেত্|

Adhikarana kaphapittonmAdayoH cikitsA (19-20) · Śloka 20

কফপিত্তভবেঽপ্যাদৌ বমনং সবিরেচনম্| সস্নিগ্ধস্বিন্নস্য বস্তিং চ শিরসঃ সবিরেচনম্||১৯|| তথাঽস্য শুদ্ধদেহস্য প্রসাদং লভতে মনঃ| |২০|

স০-কফভবে পিত্তভবে চোন্মাদে স্নিগ্ধস্বিন্নস্য নরস্য যথাসঙ্খ্যং বমনং বিরেচনং চ কারযেত্| অপিশব্দান্ন কেবলং পবনজেস্নেহপানমাদৌ, যাবত্ কফপিত্তোত্থেঽপি কার্যমিতি গমযতি| তথা চ মুনিঃ(?)-"উন্মাদং স্নেহপানেন পূর্বং সর্বমুপাচরেত্|" ইতি| বস্তিং শিরসঃ সবিরেচনং ত্রিষ্বপ্যুন্মাদেষু কারযেত্| তথা চ-এবং, শুদ্ধশরীরস্য সতো মনঃ প্রসীদতি|

Adhikarana evamapyanuvRuttau nAvanA~jjanAdi (20-22) · Śloka 22

| ইত্থমপ্যনুবৃত্তৌ তু তীক্ষ্ণং নাবনমঞ্জনম্||২০|| হর্ষণাশ্বাসনোত্ত্রাসভযতাডনতর্জনম্| অভ্যঙ্গোদ্বর্তনালেপধূপান্ পানং চ সর্পিষঃ||২১|| যুঞ্জ্যাত্তানি হি শুদ্ধস্য নযন্তি প্রকৃতিং মনঃ| |২২|

স০-এবমপ্যুপক্রান্ত উন্মাদেঽস্যানুবন্ধে সতি তীক্ষ্ণং নাবনাঞ্জনং যুঞ্জ্যাত্, হর্ষণাদি চ| কুতঃ ? যস্মাদেতানি কৃতানি শুদ্ধদেহস্য চিত্তং প্রকৃতিং প্রাপযন্তি|

Adhikarana unmAdAdiharaM hiMgvAdighRutam (22-23) · Śloka 23

| হিঙ্গুসৌবর্চলব্যোষৈর্দ্বিপলাংশৈর্ঘৃতাঢকম্||২২|| সিদ্ধং সমূত্রমুন্মাদভূতাপস্মারনুত্পরম্| |২৩|

স০-হিঙ্গ্বাদিভির্দ্বিপলিকৈর্ঘৃতস্যাঢকং গোমূত্রেণ সহ পচেত্| তচ্চোপযুক্তং পরমমুন্মাদাদিজিত্|

Adhikarana unmAdAdiharaM brAhmIghRutam (23-26) · Śloka 26

| দ্বৌ প্রস্থৌ স্বরসাদ্ ব্রাহযা ঘৃতপ্রস্থং চ সাধিতম্||২৩|| ব্যোষশ্যামাত্রিবৃদ্দন্তীশঙ্খপুষ্পীনৃপদ্রুমৈঃ| সসপ্তলাকৃমিহরৈঃ কল্কিতৈরক্ষসম্মিতৈঃ||২৪|| পলবৃদ্ধ্যা প্রযুঞ্জীত পরং মাত্রা চতুষ্পলম্| উন্মাদকুষ্ঠাপস্মারহরং বন্ধ্যাসুতপ্রদম্||২৫|| বাক্স্বরস্মৃতিমেধাকৃদ্ ধন্যং ব্রাহ্মীঘৃতং স্মৃতম্| |২৬|

স০-ব্রাহ্মীস্বরসাত্প্রস্থদ্বযং ঘৃতস্য প্রস্থং ব্যোষাদিভিঃ কার্ষিকৈ রজীকৃতৈঃ পক্বং পলবৃদ্ধ্যা-পলং প্রথমেঽহ্নি দ্বিপলং দ্বিতীযেঽহ্নি ত্রিপলং তৃতীযেঽহ্নি চতুষ্পলং চতুর্থেঽহ্নে ততঃ পরং চতুষ্পলমিত্যেবং, প্রযুঞ্জীত| তচ্চোন্মাদাদিজিদ্বন্ধ্যাসুতপ্রদং বাগাদিকৃচ্ছিবং চ ব্রাহ্মীঘৃতং স্মৃতম্|

Adhikarana unmAdAdiharaM kalyANakaM ghRutam (26-31) · Śloka 31

| বরাবিশালাভদ্রৈলাদেবদার্বেলবালুকৈঃ||২৬|| দ্বিসারিবাদ্বিরজনীদ্বিস্থিরাফলিনীনতৈঃ| বৃহতীকুষ্ঠমঞ্জিষ্ঠানাগকেসরদাডিমৈঃ||২৭|| বেল্লতালীসপত্রৈলামালতীমুকুলোত্পলৈঃ| সদন্তীপদ্মকহিমৈঃ কর্ষাংশৈঃ সর্পিষঃ পচেত্||২৮|| প্রস্থং ভূতগ্রহোন্মাদকাসাপস্মারপাপ্মসু| পাণ্ডুকণ্ডূবিষে শোষে মোহে মেহে গরে জ্বরে||২৯|| অরেতস্যপ্রজসি বা দৈবোপহতচেতসি| অমেধসি স্খলদ্বাচি স্মৃতিকামেঽল্পপাবকে||৩০|| বল্যং মঙ্গল্যমাযুষ্যং কান্তিসৌভাগ্যপুষ্টিদম্| কল্যাণকমিদং সর্পিঃ শ্রেষ্ঠং পুংসবনেষু চ||৩১||

স০-বরাদিভিঃ কর্ষপ্রমাণৈর্ঘৃতপ্রস্থং পচেত্| তচ্চোপযুক্তং ভূতগ্রহাদিষু শ্রেষ্ঠং বল্যাদিগুণং চ| কল্যাণকাখ্যমেতত্সর্পিঃ পুংসবনেষু চ বরম্| অত্র চ ভদ্রৈলা-স্থূলৈলা|

Adhikarana unmAdAdiharaM mahAkalyANakaM ghRutam (32-34) · Śloka 34

এভ্যো দ্বিসারিবাদীনি জলে পক্ত্বৈকবিংশতিম্| রসে তস্মিন্ পচেত্সর্পির্গৃষ্টিক্ষীরচতুর্গুণম্||৩২|| বীরাদ্বিমেদাকাকোলীকপিকচ্ছূবিষাণিভিঃ| শূর্পপর্ণীযুতৈরেতন্মহাকল্যাণকং পরম্||৩৩|| বৃংহণং সন্নিপাতঘ্নং পূর্বস্মাদধিকং গুণৈঃ| |৩৪|

স০-এভ্যো-বরাদিভ্যো, মধ্যাদাদ্যানি সপ্ত হিত্বা, দ্বিসারিবাদীন্যেকবিংশতিং জলে ষোডশগুণে স্নেহাপেক্ষযা পচেদ্যাবত্স্নেহাচ্চতুর্গুণঃ ক্বাথঃ| তস্মিন্ স্নেহচতুর্গুণে রসে সর্পির্গৃষ্টিক্ষীরচতুর্গুণং বীরাদিভিঃ স্নেহক্বথিতৈঃ পাদিকৈঃ কল্কীকৃতৈঃ পচেত্| এতন্মহাকল্যাণকং নাম ঘৃতং পূর্বস্মাত্-কল্যাণকাত্, গুণৈরতিরিক্তম্| অত্র দ্বিসারিবাদিনাং পাঠাদেবৈকবিংশতিত্বং চেত্ অতদ্গুণসংবিজ্ঞানোঽযং বহুব্রীহিরিতি কস্যচিদ্ ভ্রান্তিঃ স্যাত্| এবং চ সারিবাদিদ্বযস্য গ্রহণং ন প্রাপ্নুযাদিত্যেকবিংশতিগ্রহণম্

Adhikarana unmAdAdiharaM mahApaishAcikaM ghRutam (34-38) · Śloka 38

| জটিলা পূতনা কেশী চারটী মর্কটী বচা||৩৪|| ত্রাযমাণা জযা বীরা চোরকঃ কটুরোহিণী| বযঃস্থা শূকরী ছত্রা সাতিচ্ছত্রা পলঙ্কষা||৩৫|| মহাপুরুষদন্তা চ কাযস্থা নাকুলীদ্বযম্| কটম্ভরা বৃশ্চিকালী শালিপর্ণী চ তৈর্ঘৃতম্||৩৬|| সিদ্ধং চাতুর্থিকোন্মাদগ্রহাপস্মারনাশনম্| মহাপৈশাচকং নাম ঘৃতমেতদ্যথাঽমৃতম্||৩৭|| বুদ্ধিমেধাস্মৃতিকরং বালানং চাঙ্গবর্ধনম্| |৩৮|

স০-জটিলাদিভির্ঘৃতং পক্বং চাতুর্থিকাদিনাশনম্| জটিলামাংসী| পূতনা-হরীতকী| কেশী-গন্ধমাংসী| চরটী-পদ্মচারিণী| মর্কটী-কপিকচ্ছূঃ| জযা-অরণিকা| বীরা-কাকোলী| চোরকঃ-চণ্ডা| বযঃস্থা-ধাত্রী| শূকরী-বৃদ্ধদারুকঃ| ছত্রা-ধান্যকম্| অতিচ্ছত্রা-শতপুষ্পা| পলঙ্কষা-লাক্ষা| মহাপুরুষদন্তা-শতাবরী| কাযস্থা-ক্ষীরকাকোলী| নাকুলীদ্বযং-সর্পাক্ষী সর্পসুগন্ধা চ| মহাপৈশাচকসংজ্ঞং চাতুর্থিকাদিনাশনম্| তথাঽমৃততুল্যং মহাগুণত্বাত্| বুদ্ধ্যাদিকং শিশূনাং চ সংবর্ধযতি|

Adhikarana unmAdAdiharaM brAhyAdivartiH (38-40) · Śloka 40

| ব্রাহ্মীমৈন্দ্রীং বিডঙ্গানি ব্যোষং হিঙ্গু জটাং মুরাম্||৩৮|| রাস্নাং বিষঘ্নাং লশুনং বিশল্যাং সুরসাং বচাম্| জ্যোতিষ্মতীং নাগবিন্নামনন্তাং সহরীতকীম্||৩৯|| কাঙ্ক্ষীং চ হস্তিমূত্রেণ পিষ্ট্বা ছাযাবিশোষিতা| বর্তির্নস্যাঞ্জনালেপধূপৈরুন্মাদসূদনী||৪০||

স০-ব্রাহ্ম্যাদিভির্গজমূত্রপিষ্টা বর্তিশ্ছাযাযাং বিশোষিতা নস্যাদিভিরুন্মাদহৃত্| বিষঘ্না-অতিবিষা| বিশল্যা-লাঙ্গলী| নাগবিন্না-নাগদন্তী| কাঙ্ক্ষী-সৌরাষ্ট্রিকা|

Adhikarana unmAdAdiharaM avapIDAdayaH (41-42) · Śloka 42

অবপীডাশ্চ বিবিধাঃ সর্ষাপাঃ স্নেহসংযুতাঃ| কটুতৈলেন চাভ্যঙ্গো ধ্মাপযেচ্চাস্য তদ্রজঃ||৪১|| সহিঙ্গুস্তীক্ষ্ণধূমশ্চ সূত্রস্থানোদিতো হিতঃ| |৪২|

স-"কল্কাদ্যৈরবপীডস্তু" (হৃ.সূ.অ. ২০/৭) ইতি কথিতোঽবপীডঃ| তেঽবপীডাঃ সর্ষপতৈলযুতা হিতাঃ| অভ্যঙ্গশ্চ সর্ষপতৈলেন| তথাঽস্য তদ্রজঃ-সর্ষপচূর্ণং, ঘ্রাণে ধ্মাপযেত্| তথা সূত্রস্থানোক্তস্তীক্ষ্ণো ধূমো (অ. ২১/১৭) হিঙ্গুনা সহ হিতঃ|

Adhikarana unmAdAdiharaM shRugAlAdimUtrAdibhirdhUpAdikam (42-43) · Śloka 43

| শৃগালশল্যকোলূকজলৌকাবৃষবস্তজৈঃ||৪২|| মূত্রপিত্তশকৃল্লোমনখচর্মভিরাচরেত্| ধূপধূমাঞ্জনাভ্যঙ্গপ্রদেহপরিষেচনম্||৪৩||

স০-শৃগালাদিমূত্রাদিভির্ধূপাদিকমাচরেত্| অত্র জলৌকাচর্মচটিকা|

Adhikarana vAtakaphAtmake shvagomatsyairdhUpaH (44) · Śloka 44

ধূপযেত্সততং চৈনং শ্বগোমত্স্যৈঃ সুপূতিভিঃ| বাতশ্লেষ্মাত্মকে প্রাযঃ|৪৪|

স০-এনং-চোন্মাদিনং, পুনঃপুনশ্চ গোমত্স্যাদিভিঃ সুষ্ঠু পূতিংগন্ধিভির্ধূপযেত্| বাতশ্লেষ্মাত্মকে বাহুল্যেনৈষ উপক্রমঃ|

Adhikarana pittAtmake tiktakaghRutAdi (44-45) · Śloka 45

| পৈত্তিকে তু প্রশস্যতে||৪৪|| তিক্তকং জীবনীযং চ সর্পিঃ স্নেহশ্চ মিশ্রকঃ| শীতানি চান্নপানানি মধুরাণি লঘূনি চ||৪৫||

স০-পৈত্তিকে তূন্মাদে তিক্তকং সর্পির্জীবনীযং চ শস্যতে| তথা মিশ্রকো-যমকঃ স্নেহঃ, প্রশস্যতে| তথা শিশিরাণি মধুরাণ্যন্নপানানি লঘূনি চ শস্যন্তে|

Adhikarana shirAvyadhAdi (46) · Śloka 46

বিধ্যেচ্ছিরাং যথোক্তাং বা তৃপ্তং মেদ্যামিষস্য বা| নিবাতে শাযযেদেবং মুচ্যতে মতিবিভ্রমাত্||৪৬||

স০-তথা শিরাব্যধবিধ্যুক্তাং শিরাং বিধ্যেত্| মেদুরমাংসস্য তৃপ্তং নিবাতে স্বাপযেচ্চ| এবং কৃতে সতি মতিবিভ্রমাত্ মুচ্যতে|

Adhikarana asalile kUpe prakShepaNAdi (47-52) · Śloka 52

প্রক্ষিপ্যাসলিলে কূপে শোষযেদ্বা বুভুক্ষযা| আশ্বাসযেত্সুহৃত্তং বা বাক্যৈর্ধর্মার্থসংহিতৈঃ||৪৭|| বৃযাদিষ্টবিনাশং বা দর্শযেদদ্ভুতানি বা| বদ্ধং সর্ষপতৈলাক্তং ন্যসেদ্বোত্তানমাতপে||৪৮|| কপিকচ্ছ্বাঽথবা তপ্তৈর্লোহতৈলজলৈঃ স্পৃশেত্| কশাভিস্তাডযিত্বা বা বদ্ধং শ্বভ্রে বিনিঃক্ষিপেত্||৪৯|| অথবা বীতশস্ত্রাশ্মজনে সংতমসে গৃহে| সর্পেণোদ্ধৃতদংষ্ট্রেণ দান্তৈঃ সিংহৈর্গজৈশ্চ তম্||৫০|| (ত্রাসযেচ্ছস্ত্রহস্তৈর্বা কিরাতারাতিতস্করৈঃ| ) অথবা রাজপুরুষা বহির্নীত্বা সুসংযতম্| ভাপযেযুর্বধেনৈনং তর্জযন্তো নৃপাজ্ঞযা||৫১|| দেহদুঃখভযেভ্যো হি পরং প্রাণভযং মতম্| তেন যাতি শমং তস্য সর্বতো বিপ্লুতং মনঃ||৫২||

স০-অথবা জলবর্জিতে কূপে প্রক্ষিপ্য ক্ষুধা শোষযেত্| অথবা তং-উন্মাদবন্তং, সুহৃত্ ধর্মার্থযুতৈর্বাক্যৈরাশ্বাসযেত্-সান্ত্বযেত্| অথবাঽস্য পুত্রাদের্বিনাশং-বিঘাতং, তং ব্রূযাত্| অদ্ভুতানি বা তং দর্শযেত্| অথবা কটুতৈলেনাভ্যক্তং বধ্বা তমুত্তানং কৃত্বাঽঽতপে ন্যসেত্| কপিকচ্ছ্বা, অথবা তপ্তৈর্লোহাদিভিঃ| অথবা চর্মকশাভিরহত্য বদ্ধং সন্তমবটে বিনিঃক্ষিপেত্| শস্ত্রাদিবর্জিতে ত্বগারে(ঽন্ধকারে) ভবনে বা বধ্বা বিনিক্ষিপেত্| ননু চ, একস্য শূন্যগৃহে স্থিতিরুন্মাদস্য নিদানমুক্তম্| যচ্চ যস্য নিদানং তদেব তস্য কথং চিকিত্সিতং স্যাত্ ? নৈষদোষঃ| তদর্থকারিভেষজত্বাত্| তদর্থকারিণি হি ভেষজেযদেব নিদানং তদেবৌষধম্| যথা,-তুচ্ছদগ্ধেঽগ্নিপ্রতপনম্, মদাত্যযে মদ্যপানমিতি| তদ্বদিহাপ্যবগন্তব্যম্| অথবা সমুত্পাটিতদংষ্ট্রেণ সর্পেণ ভাপযেত্, দান্তৈর্গজাদিভির্বা| রাজপুরুষা বহির্নীত্বা তং সুষ্টু যন্ত্রিতং কৃত্বা রাজাজ্ঞযা তর্জযন্তো বধেন ভাপযেযুঃ| যতো দেহদুঃখভযেভ্যঃ সকাশাত্ পরং-অতিশযেন, প্রাণভযং মতম্| তেন-ভযেন, ইতশ্চেতশ্চিত্তং বিপ্লুতমুন্মাদিনঃ শমমেতি|

Adhikarana siddhA kriyA prayojyA (53) · Śloka 53

সিদ্ধা ক্রিযা প্রযোজ্যেযং দেশকালাদ্যপেক্ষযা| |৫৩|

স০-ইযং ক্রিযা দেশাদ্যপেক্ষযা সিদ্ধা প্রযোজনীযা

Adhikarana iShTavinAshe tatsadRushaprAptyAdi (53-54) · Śloka 54

| ইষ্টদ্রব্যবিনাশাত্তু মনো যস্যোপহন্যতে||৫৩|| তস্য তত্সদৃশপ্রাপ্তিসান্ত্বাশ্বাসৈঃ শমং নযেত্| |৫৪|

স০-ইষ্টদ্রব্যবিনাশাদ্ যস্য মানসমুপহন্যতে তস্য তত্সদৃশা-তুল্যা, প্রাপ্তিঃ কার্যা| তথা সান্ত্বনৈশ্চাশ্বাসনৈশ্চ শমমুন্মাদিনং নযেত্|

Adhikarana kAmAdije tatpratidvandvena shamanam (54-55) · Śloka 55

| কামশোকভযক্রোধহর্ষের্ষ্যালোভসম্ভবান্||৫৪|| পরস্পরপ্রতিদ্বন্দ্বৈরেভিরেব শমং নযেত্| |৫৫|

স০-কামাদিজানুন্মাদান্ অন্যোন্যপ্রতিক্ষৈরেভিরেব-কামাদিভিঃ, শমং নযেত্|

Adhikarana bhUtAnubandhe bhUtanirdiShTamauShadham (55-56) · Śloka 56

| ভূতানুবন্ধমীক্ষেত প্রোক্তলিঙ্গাধিকাকৃতিম্||৫৫|| যদ্যুন্মাদে ততঃ কুর্যাদ্ভূতনির্দিষ্টমৌষধম্| |৫৬|

স০-ভূতৈঃ-দেবাদিভিঃ পূর্বোক্তৈঃ, অনুবন্ধঃ-অনুষঙ্গঃ, তমনন্তরোক্ত আগন্তাবুন্মাদে যদীক্ষেত ততো ভূতপ্রতিষেধোক্তমৌষধং কুর্যাত্| ননু, কথমীক্ষণং কর্তুং শক্যতে ? ইতি বিশেষণদ্বারেণ হেতুমাহ-প্রোক্তলিঙ্গাধিকাকৃতিমিতি| প্রোক্তানি পূর্বং ষড্বিধস্যোন্মাদস্য যানি লিঙ্গানি তেভ্যোঽধিকাঽঽকৃতিঃ-লক্ষণং, যস্য-ভূতানুবন্ধস্য, তং তথাবিধম্|

Adhikarana bhUtAnubandhe bhUtanirdiShTamauShadham (56-58) · Śloka 58

| বলিং চ দদ্যাত্পললং যাবকং সক্তুপিণ্ডিকাম্||৫৬|| স্নিগ্ধং মধুরমাহারং তণ্ডুলান্ রুধিরোক্ষিতান্| পক্বামকানি মাংসানি সুরাং মৈরেযমাসবম্||৫৭|| অতিমুক্তস্য পুষ্পাণি জাত্যাঃ সহচরস্য চ| চতুষ্পথে গবাং তীর্থে নদীনাং সঙ্গমেষু চ||৫৮||

স০-তথাঽত্র ভূতানুবন্ধে পললযাবকাদি চ যাবত্ পুষ্পাণি সহচরস্য চেতি বলিং দদ্যাত্| ক্ব ? চতুষ্পথে, তথা গোতীর্থে নদ্যোর্বা সঙ্গমে|

Adhikarana bhUtAnubandhe catuShpathAdau balirdeyaH (59) · Śloka 59

নিবৃত্তামিষমদ্যো যো হিতাশী প্রযতঃ শুচিঃ| নিজাগন্তুভিরুন্মাদৈঃ সত্ববান্ন স যুজ্যতে||৫৯||

স০-যঃ পুরুষো নিবৃত্তমদ্যমাংসো হিতভোজী প্রযতঃ শুচিঃ স্যাত্| স সাত্বিকো নিজাগন্তুভিরুন্মাদৈর্ন যুজ্যতে| তস্মাদীদৃশেন ভাব্যমিতি ভাবঃ|

Adhikarana unmAde pathyam vigatonmAdasya lakShaNam (6) · Śloka 6

প্রসাদ ইন্দ্রিযার্থানাং বুদ্ধ্যাত্মমনসাং তথা| ধাতূনাং প্রকৃতিস্থত্বং বিগতোন্মাদলক্ষণম্||৬০|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে উন্মাদপ্রতিষেধো নাম ষষ্ঠোঽধ্যাযঃ||৬||

স০-ইন্দ্রিযার্থানাং প্রসন্নত্বং তথাবুদ্ধ্যাত্মমনসাং চ, ধাতূনাং প্রকৃতিস্থত্বং চেতি বিগতোন্মাদস্য লক্ষণমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে উন্মা- দপ্রতিষেধো নাম ষষ্ঠোঽধ্যাযঃ সমাপ্তঃ|| ৬||