40. vājīkaraṇavidhiradhyāyaḥ

Adhikarana adhyAyopakramaH · Śloka

অথ ক্রমপ্রাপ্তং বাজীকরণাধ্যাযং ব্রূতে|

Adhikarana vAjIkaraNavidhiradhyAyaH (2) · Śloka 2

অথাতো বাজীকরণবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২||

স০-বাজীবযেন সমর্থঃ ক্রিযতে, তদ্বাজীকরণম্, তস্যাধ্যাযঃ| শেষমাযুষ্কামীযবদ্যোজ্যম্|

Adhikarana vAjIkaraNaM ka icCet? (1) · Śloka 1

বাজীকরণমন্বিচ্ছেত্সততং বিষযী পুমান্| |১|

স০-বিষযী যঃ পুরুষঃ, স সততং বাজীকরণমৌষধমন্বিচ্ছেত্| পুংগ্রহণং স্ত্রীষণ্ঢাদিনিবৃত্ত্যর্থম্, অন্যথা যথা পঞ্চকর্মাণি ঋতুবিধানাদি চ সামান্যোক্তত্বাত্ স্ত্র্যাদীনামপি প্রসজ্জতি, তথেদমপি বিজ্ঞাযতে, তস্মাত্তদ্ব্যবচ্ছেদার্থং পুংগ্রহণম্| সততগ্রহণেনৈতদ্দ্যোতযতি,-যথা রসাযনমুপযুক্তং চিরকালমনুবর্ততে ন তথা বাজীকরণমিতি| অপি তু যস্মিন্নেবাহ্নি প্রযুজ্যতে তস্মিন্নেব কার্যকরণসমর্থং প্রাযেণ স্যাদিতি সততং-অনবরতং, বাজীকরণমন্বিচ্ছেদিত্যুক্তম্| বাজীকরণেন কোঽর্থঃ স্যাত্ ? ইত্যাহ-

Adhikarana vAjIkaraNasya Palam (1-2) · Śloka 2

| তুষ্টিঃ পুষ্টিরপত্যং চ গুণবত্তত্র সংশ্রিতম্||১|| অপত্যসন্তানকরং যত্সদ্যঃ সংপ্রহর্ষণম্| |২|

স০-তত্র বাজীকরণে তুষ্ট্যাদি সংশ্রিতম্| অপত্যং কিম্ভূতম্ ? গুণবত্, ন তু দুরপত্যং কুলাঙ্গাররূপম্| যতোঽপত্য[নাং] সন্তানকরং-অবিচ্ছেদস্থিতিকরং চ, যচ্চ সদ্যঃ-শীঘ্রমেব, সংপ্রহর্ষণং বাজীকরণম্|

Adhikarana vAjIkaraNasya utpattiH (2-3) · Śloka 3

| বাজীবাতিবলো যেন যাত্যপ্রতিহতোঽঙ্গনাঃ||২|| ভবত্যতিপ্রিযঃ স্ত্রীণাং যেন যেনোপচীযতে| তদ্বাজীকরণং তদ্ধি দেহস্যোর্জস্করং পরম্||৩||

স০-যেন বাজীকরণেন তুরঙ্গ ইবাপ্রতিহতসামর্থ্যস্তরূণীঃ সংগচ্ছতি, তথা যেন যোষিতামতিবল্লভঃ স্যাত্, তথা যেনোপচযং প্রাপ্নোপ্তি, তদ্বাজীকরণমুচ্যতে| তদ্ধি শরীরস্যোর্জস্করমতিশযেন| ননু, বাজীকরণমুপাযহেতুর্বিষযাণামিহৈব বন্ধনদর্শনাত্| উক্তং চ তন্ত্রান্তরে-"কোশকারো যথৈবাংশূনুপাদত্তে বন্ধবহান্" ইত্যাদি| তস্মান্নার্থো বাজীকরণেনেত্যাহ-

Adhikarana brahrAcaryasya prashaMsA (4) · Śloka 4

ধর্ম্যং যশস্যমাযুষ্যং লোকদ্বযরসাযনম্| অনুমোদামহে ব্রহ্মচর্যমেকান্তনির্মলম্||৪||

স০-যতো ধর্মাদনপেতং-ধর্ম্যং, ব্রহ্মচর্যং তদনুমোদামহে| তথা যশস্যাদিহেতুঃ| তথা লোকদ্বযে-ইহলোকে পরলোকে চ, রসাযনমিব রসাযনং, সদোপকারত্বাত্| তথা একান্তেনসর্বথা, নির্মলম্| যতো ব্রহ্মচর্যম্| ন তু ব্রহ্মচর্যবত্ স্বদারাদি(রে)ষু পুত্রাদ্যর্থমেব নির্মলম্| অতো হেতোস্তদনুমোদামহে| কিন্ত্বাভ্যুদযিকং মার্গমাশ্রিত্য বাজীকরণোপদেশঃ| দ্বিবিধো হি মার্গঃ,-নৈঃশ্রেযসিক আভ্যুদযিকশ্চ| তত্র নৈঃশ্রেযসিকং মার্গং সমনুসৃত্য ব্রহ্মচর্যোপদেশশ্চ কোশকারদৃষ্টন্তশ্চ ক্লেশনাশকৃচ্চ| আভ্যুদযিকং চ মার্গমাশ্রিত্যাযমুপদেশ ইত্যত্রাহ|

Adhikarana vAjIkaraNaM kimartham? (5) · Śloka 5

অল্পসর্বস্য তু ক্লেশৈর্বাধ্যমানস্য রাগিণঃ| শরীরক্ষযরক্ষার্থং বাজীকরণমুচ্যতে||৫||

স০-স্তোকসত্ত্বস্য পুংসঃ ক্লেশৈর্বিষযোত্থৈঃ পীড্যমানস্য রাগিণঃ-কামিনঃ, শরীরক্ষযরক্ষার্থং বাজীকরণ্মুচ্যতে| অনেন শাস্ত্রকৃতা, অপরৈশ্চ তন্ত্রকারৈঃ|

Adhikarana vAjIkaraNase vino~ahararvyavAyo na vivAryate (6) · Śloka 6

কল্যস্যোদগ্রবযসো বাজীকরণসেবিনঃ| সর্বেষ্বৃতুষ্বহরহর্ব্যবাযো ন নিবার্যতে||৬||

স০-কল্প(ল্য)স্য-সমর্থস্য, তথা যৌবনস্থস্য, বাজীকরণং সততং কুর্বতঃ, তস্য সর্বেষ্বেব ঋতুষু দিনে দিনে ব্যবাযো মৈথুনং, ন নিষিধ্যতে|

Adhikarana vAjIkaraNasevanAt pUrvaM kartavyo vidhiHtataH shukrApatyabalapradA vAjIkarA yogA yojyAH (7-8) · Śloka 8

অথ স্নিগ্ধবিশুদ্ধানাং নিরূহান্ সানুবাসনান্| ঘৃততৈলরসক্ষীরশর্করাক্ষৌদ্রসংযুতান্||৭|| যোগবিদ্যোজযেত্পূর্বং ক্ষীরমাংসরসাশিনাম্| ততো বাজীকরান্ যোগান্ শুক্রাপত্যবলপ্রদান্||৮||

স০-অথ-কৃতমঙ্গলস্য, স্নিগ্ধস্য তথা বিশুদ্ধস্য তথা ক্ষীরাদ্যাশিনো যোগবিত্-বৈদ্যঃ, প্রাঙ্হ্ নিরূহান্ সানুবাসনান্ ঘৃতাদিসংযুক্তান্ কারযেত্| ততঃ-অনন্তরং, বাজীকরান্ যোগান্ যোজযেত্| কিম্ভূতান্ ? শুক্রাদিপ্রদান্|

Adhikarana nirapatyasya narasya nindA (9) · Śloka 9

অচ্ছাযঃ পূতিকুসুমঃ ফলেন রহিতো দ্রুমঃ| যথৈকশ্চৈকশাখশ্চ নিরপত্যস্তথা নরঃ||৯||

স০-অচ্ছাযত্বাদিভির্গুণৈর্যুক্তোঽর্থিনাং যথা তরুরনাশ্রযণীযঃ, তথা তাদৃশো মানবো নিরপত্য ইতি| একবচনেনৈব একার্থস্য লব্ধত্বাদেকগ্রহণং কেবলার্থপ্রতিপত্ত্যর্থম্| একঃ কেবলোমাধবীলতাদিরহিতঃ|

Adhikarana apatyaprashaMsA (10-11) · Śloka 11

স্খলদ্গমনমব্যক্তবচনং ধূলিধূসরম্| অপি লালাবিলমুখং হৃদযাহ্লাদকারকম্||১০|| অপত্যং তুল্যতাং কেন দর্শনস্পর্শনাদিষু কিং পুনর্যদ্যশোধর্মমানশ্রীকুলবর্ধনম্||১১||

স০-স্খলদ্গমনাদিকমপত্যং কেন পদার্থেন দর্শনাদিষু সমানম্| কিং পুনর্যদ্যশাদিবর্ধনাত্ তস্য কেন তুল্যতা ভবেত্ ? অপত্যশব্দস্য পুংস্ত্বমত্র চিন্ত্যম্(?)| তত্কিল নিতরাং সুখপ্রদমিত্যর্থঃ|

Adhikarana shuddhasharIre sharamUladisiddhaghRutayogaH (12) · Śloka 12

শুদ্ধকাযে যথাশক্তি বৃষ্যযোগান্ প্রযোজযেত্| |১২|

স০-শুদ্ধশরীরে পুরুষে যথাগ্নিবলং বৃষ্যযোগান্ প্রযোজযেত্|

Adhikarana vAjIkaro sharamUlAdisiddhaghRutayogaH (12-21) · Śloka 21

তানেবাহ শরেক্ষুকুশকাশানাং বিদার্যা বীরণস্য চ||১২|| মূলানি কণ্টকার্যাশ্চ জীবকর্ষভকৌ বলাম্| মেদে দ্বে দ্বে চ কাকোল্যৌ শূর্পপর্ণ্যৌ শতাবরীম্||১৩|| অশ্বগন্ধামতিবলামাত্মগুপ্তাং পুনর্নবাম্| বীরাং পযস্যাং জীবন্তীমৃদ্ধিং রাস্নাং ত্রিকণ্টকম্||১৪|| মধুকং শালিপর্ণী চ ভাগাংস্ত্রিপলিকান্ পৃথক্| মাষাণামাঢকং চৈতদ্ দ্বিদ্রোণে সাধযেদপাম্||১৫|| রসেনাঢকশেষেণ পচেত্তেন ঘৃতাঢকম্| দত্ত্বা বিদারীধাত্রীক্ষুরসানামাঢকাঢকম্||১৬|| ঘৃতাচ্চতুর্গুণং ক্ষীরং পেষ্যাণীমানি চাবপেত্| বীরাং স্বগুপ্তাং কাকোল্যৌ যষ্টিং ফল্গূনি পিপ্পলীম্||১৭|| দ্রাক্ষাং বিদারীং খর্জূরং মধুকানি শতাবরীম্| তত্সিদ্ধপূতং চূর্ণস্য পৃথক্ প্রস্থেন যোজযেত্||১৮|| শর্করাযাস্তুগাযাশ্চ পিপ্পল্যাঃ কুডবেন চ| মরিচস্য প্রকুঞ্চেন পৃথগর্ধপলোন্মিতৈঃ||১৯|| ত্বগেলাকেসরৈঃ শ্লক্ষ্ণৈঃ ক্ষৌদ্রদ্বিকুডবেন চ| পলমাত্রং ততঃ খাদেত্ প্রত্যহং রসদুগ্ধভুক্||২০|| তেনারোহতি বাজীব কুলিঙ্গ ইব হৃষ্যতি| |২১|

স০-শরাদীনাং মূলানি কণ্টকার্যাশ্চ, তথা জীবকাদীন্, ত্রিপলিকান্ ভাগান্ পৃথক্, মাষাণামাঢকং চ, এতত্সর্বং জলদ্রোণদ্বযে পাচযেত্| তেন রসেনাঢকশেষেণ ঘৃতাঢকং দত্ত্বা বিদার্যাদিরসাদীনাং চ পৃথক্পৃথগাঢকং দত্ত্বা ক্ষীরাঢকচতুষ্টযং চ দত্ত্বা পচেত্| বীরাদীন্ কল্কান্ সামান্যপরিভাষোক্তপ্রমাণান্নিক্ষিপেত্| তত্-ঘৃতং, পক্বং পূতং পৃথক্ শর্করাতুগযোশ্চূর্ণপ্রস্থেন কণাযাঃ পলচতুষ্টযেন মরিচপলেন চ যোজযেত্| ত্বগাদিভিঃ শ্লক্ষ্ণৈঃ পৃথগর্ধপলোন্মিতৈঃ ক্ষৌদ্রস্য কুডবযুগলেন যোজযেত্| ততো মিশ্রিতাত্ পলমাত্রং প্রতিদিনং ভক্ষযেত্, মাংসরসক্ষীরভোজী সন্| তেনোপযুক্তেন তুরঙ্গ ইবারোহতি| চটক ইব হৃষ্যতি|

Adhikarana vAjIkaro vidArIcUrNAdiyogaH kAntAshatagAmI (21-23) · Śloka 23

| বিদারীপিপ্পলীশালিপিযালেক্ষুরকাদ্রজঃ||২১|| পৃথক্ স্বগুপ্তামূলচ্চ কুডবাংশং তথা মধু| তুলার্ধং শর্করাচূর্ণাত্ প্রস্থার্ধং নবসর্পিষঃ||২২|| সোঽক্ষমাত্রমতঃ খাদেত্ যস্য রামাশতং গৃহে| |২৩|

স০-বিদার্যাদীনাং চূর্ণং কপিকচ্ছুমূলাচ্চ চূর্ণং পৃথক্ কুডবমাত্রং, মাক্ষিকস্য চ কুডবঃ, শর্করাপলানি পঞ্চাশত্, প্রত্যগ্রঘৃতস্য পলানি ষোডশ, অতঃ-সংযোজিতাত্, কর্ষমাত্রং স খাদেত্ যস্য ভবনে কান্তাশতমস্তি|

Adhikarana vAjIkaro godhUmAdiyogaH (23-24) · Śloka 24

| সাত্মগুপ্তাফলান্ ক্ষীরে গোধূমান্ সাধিতান্ হিমান্||২৩|| মাষান্ বা সঘৃতক্ষৌদ্রান্ খাদন্ গৃষ্টিপযোঽনুপঃ| জাগর্তি রাত্রিং সকলামখিন্নঃ খেদযন্ স্ত্রিযঃ||২৪||

স০-গোধূমান্ সকপিকচ্ছুফলান্ দুগ্ধে সাধিতান্ হিমান্ মাষান্ বা ঘৃতমাক্ষিকান্বিতান্ খাদন্ গৃষ্টিক্ষীরমনু পিবেদ্যঃ, স সর্বাং রাত্রিমখিন্নো রামা রমযন্ জযতি(জাগর্তি)|

Adhikarana vAjIkaro tilayogaH strIshatagAmI (25) · Śloka 25

বস্তাণ্ডসিদ্ধে পযসি ভাবিতানসকৃত্তিলান্| যঃ খাদেত্সসিতান্ গচ্ছেত্স স্ত্রীশতমপূর্ববত্||২৫||

স০-ছাগলাণ্ডপক্বে ক্ষীরে তিলানসকৃদ্ভাবিতান্ সশর্করান্ যঃ খাদেত্, স কান্তাশতমপূর্ব ইব যাতি|

Adhikarana vAjIkaro vidArIcUrNayogaH strIshatadAmI (26) · Śloka 26

চূর্ণং বিদার্যা বহুশঃ স্বরসেনৈব ভাবিতম্| ক্ষৌদ্রসর্পির্যুতং লীঢ্বা প্রমদাশতমৃচ্ছতি||২৬||

স০-শৃগালিকাযাশ্চূর্ণং বিদারীস্বরসেনৈব বহুশো ভাবিতং মধুঘৃতযুক্তং লীঢ্বা রামাশতং যাতি|

Adhikarana vAjIkaro kRuShNAdhAtrIPalarajoyogaH (27-28) · Śloka 28

কৃষ্ণাধাত্রীফলরজঃ স্বরসেন সুভাবিতম্| শর্করামধুসর্পির্ভির্লীঢ্বা যোঽনু পযঃ পিবেত্||২৭|| স নরোঽশীতিবর্ষোঽপি যুবেব পরিহৃষ্যতি| |২৮|

স০-কৃষ্ণামলকচূর্ণং ধাত্রীস্বরসেন সুভাবিতং শর্করাক্ষৌদ্রঘৃতৈর্লীঢ্বা যোঽনু ক্ষীরং পিবেত্, স পুরুষোঽশীতিবর্ষোঽপি তরুণ ইব হৃষ্যতি|

Adhikarana vAjIkaro madhukacUrNayogo nityaveakArI (28-29) · Śloka 29

| কর্ষং মধুকচূর্ণস্য ঘৃতক্ষৌদ্রসমন্বিতম্||২৮|| পযোঽনুপানং যো লিহ্যান্নিত্যবেগঃ স না ভবেত্| |২৯|

স০-মধুযষ্টিকাচূর্ণস্য কর্ষং ঘৃতক্ষৌদ্রযুতং ক্ষীরানুপানং যো লেঢি, সোঽপ্রণষ্টবেগঃ পুরুষঃ স্যাত্|

Adhikarana vAjIkaro kulIrashRu~ggIkalkayogaH (29-30) · Śloka 30

| কুলীরশৃঙ্গ্যা যঃ কল্কমালোড্য পযসা পিবেত্||২৯|| সিতাঘৃতপযোন্নাশী স নারীষু বৃষাযতে| |৩০|

স০-কর্কটশৃঙ্গ্যাঃ কল্কং ক্ষীরেণালোড্য যঃ পিবেদ্ছর্করাসর্পিঃক্ষীরান্নভুক্, স রামাসু বৃষাযতে|

Adhikarana vAjIkaro payasyAyogaH (30-31) · Śloka 31

| যঃ পযস্যাং পযঃসিদ্ধাং খাদেন্মধুঘৃতান্বিতাম্||৩০|| পিবেদ্বাষ্কযণং চানু ক্ষীরং ন ক্ষযমেতি সঃ| |৩১|

স০-ক্ষীরকাকোলীং ক্ষীরসিদ্ধাম্ মাক্ষিকঘৃতযুতাং যঃ খাদেত্, বষ্কযণীক্ষীরমনুঃ যঃ পিবেত্, স শুক্রক্ষযং ন যাতি|

Adhikarana vAjIkaro svayaMgutpAdicUrNayogaH (31-32) · Śloka 32

| স্বযংগুপ্তেক্ষুরকযোর্বীজচূর্ণং সশর্করম্||৩১|| ধারোষ্ণেন নরঃ পীত্বা পযসা রাসভাযতে| |৩২|

স০-কপিকচ্ছ্বিক্ষুরকবীজচূর্ণং শর্করাসহিতং ধারোষ্ণেন ক্ষীরেণ পীত্বা নরো বালেয ইবাচরতি|

Adhikarana vAjIkaro uccaTAcUrNayogaH,vAjIkaro SatAvarIcUrNayogaH (32) · Śloka 32

| উচ্চটাচূর্ণমপ্যেবং শতাবর্যাশ্চ যোজযেত্||৩২||

স০-উচ্চটাযাঃ শতাবর্যাশ্চ চূর্ণমেবমেব যোজযেত্|

Adhikarana vAjIkaro dadhisArAdiyogaH (33) · Śloka 33

চন্দ্রশুভ্রম্ দধিসরং সসিতাষষ্টিকৌদনম্| পটে সুমার্জিতং ভুক্ত্বা বৃদ্ধোঽপি তরুণাযতে||৩৩||

স০-দধ্নঃ সরং শশিধবলং শর্করাষষ্টিকৌদনযুক্তং বস্ত্রেণ সুভাবি(মার্জি)তং ভুক্ত্বা বৃদ্ধোঽপি তরুণ ইবাচরতি|

Adhikarana vAjIkaro shvadaMShTrAdiyogaH strIshatagAmI (34) · Śloka 34

শ্বদংষ্ট্রেক্ষুরমাষাত্মগুপ্তাবীজশতাবরীঃ| পিবন্ ক্ষীরেণ জীর্ণোঽপি গচ্ছতি প্রমদাশতম্||৩৪||

স০-শ্বদংষ্ট্রাদীন্ ক্ষীরেণ পিবন্ বৃদ্ধোঽপি রামাশতং যাতি|

Adhikarana vRuShyasya lakShaNam (35) · Śloka 35

যত্কিঞ্চিন্মধুরং স্নিগ্ধং বৃংহণং বলবর্ধনম্| মনসো হর্ষণং যচ্চ তত্সর্ব বৃষ্যমুচ্যতে||৩৫||

স০-যত্কিঞ্চিদ্বস্তু মধুরাদিগুণং চিত্তহর্ষজননং চ, তত্সর্বমপি বৃষ্যং কথ্যতে|

Adhikarana evaM vidhairdravyairdarpitaH pramadA vrajet (36) · Śloka 36

দ্রব্যৈরেবংবিধৈস্তস্মাদ্দর্পিতঃ প্রমদাং ব্রজেত্| আত্মবেগেন চোদীর্ণঃ স্ত্রীগুণৈশ্চ প্রহর্ষিতঃ||৩৬||

স০-তস্মাদেবংপ্রকারলির্দ্রব্যৈঃ কৃতদর্পঃ শতং ললনানাং যাযাত্| ন কেবলং বৃষ্যদ্রব্যৈর্দর্পিতো যাবদাত্মবেগেন চোদীর্ণঃ-প্রেরিতঃ| ন তু বাজীকরণং মে যুক্তমিতি যোষিতং গচ্ছেত্| স্ত্রীগুণৈঃ-লাবণ্যকৌমল্যাদিভিঃ , কৃতপ্রহর্ষঃ সন্|

Adhikarana sarvendriyasukhA viShayAH sevyAH (37) · Śloka 37

সেব্যাঃ সর্বেন্দ্রিযসুখা ধর্মকল্পদ্রুমাঙ্কুরাঃ| বিষযাতিশযাঃ পঞ্চ শরাঃ কুসুমধন্বনঃ||৩৭||

স০-তথা বিষযাতিশযাঃ-মনোহরাঃ শব্দস্পর্শরূপরসগন্ধাঃ, সেবনীযাঃ \\\\\ কিম্ভুতাঃ ? সর্বেন্দ্রিযাণাং সুখহেতবঃ, তথা ধর্ম এব কল্পবৃক্ষেঽঙ্কুরা ইবাঙ্কুরাঃ| তথা পুষ্পচাপস্য পঞ্চশিলীমুখা ইতি বাক্যরূপকম্|

Adhikarana strIsharIre sa~gghAsena sthitA viShayAH paraM harShaprItikarAH (38) · Śloka 38

ইষ্টা হ্যেকৈকশোঽপ্যর্থা হর্ষপ্রীতিকরাঃ পরম্| কিং পুনঃ স্ত্রীশরীরে যে সঙ্ঘাতেন প্রতিষ্ঠিতাঃ||৩৮||

স০-যস্মাদেকৈস্কশোঽপি-ব্যস্তা অপি, অর্থাঃ-শব্দাদযঃ সেব্যমানাঃ, পরং হর্ষপ্রীত্যুত্পাদকাঃ| কিমুত স্ত্রিযাঃ শরীরে যে সমুদাযেন ব্যবস্থিতাঃ|

Adhikarana vRuShatvakAriNyAH striyA lakShaNam vRuShatvakAriNyAH striyA lakShaNam (39-40) · Śloka 40

নামাপি যস্যা হৃদযোত্সবায যাং পশ্যতাং তৃপ্তিরনাপ্তপূর্বা| সর্বেন্দ্রিযাকর্ষণপাশভূতা কাণ্তানুবৃত্তিব্রতদীক্ষিতা যা||৩৯|| কলাবিলাসাঙ্গবযোবিভূষা শুচিঃ সলজ্জা রহসি প্রগল্ভা| প্রিযংবদা তুল্যমনঃশযা যা সা স্ত্রী বৃষত্বায পরং নরস্য||৪০||

স০-যস্যাঃ স্ত্রিযা নামাপি হৃদযোত্সবায| যং স্ত্রিযমালোকযতামনাপ্তপূর্বা তৃপ্তিঃ স্যাত্| তথা যাঽশেষাণাং করণানামাকর্ষণপাশঃ| তথা কান্তস্য-ভর্তুঃ, অনুবর্তনং তদেব ব্রতং তত্র যা দীক্ষিতা| ইন্দ্রবজ্রাবৃত্তম্| তথা কলাদয এব বিভূষা যস্যাঃ সৈবম্| তথা শুচিঃ-অন্তর্বহিশ্চ, লজ্জান্বিতা, রহসিসুরতে, প্রৌঢা| তথা সৌম্যবচনা| তথা তুল্যঃ-সমো, মনঃশযো-মনসিজো, যস্যাঃ সৈবং যা, সা স্ত্রী-বামলোচনা, পরং অতিশযেন, পুংসো বৃষত্বায কল্পতে| উপজাতিঃ|

Adhikarana kAmashAstravihitaraticaryAcaraNam (41) · Śloka 41

আচরেচ্চ সকলাং রতিচর্যা কামসূত্রবিহিতামনবদ্যাম্| দেশকালবলশক্ত্যনুরোধা- দ্বৈদ্যতন্ত্রসমযোক্ত্যবিরুদ্ধাম্||৪১||

স০-তথা কামসূত্রে বিহিতা যা সকলা রতিচর্যা তামগর্হ্যাং দেশাদিবশাদাচরেত্| তথা বৈদ্যকশাস্ত্রাচারেঽবিরুদ্ধাম্| স্বাগতাবৃত্তম্|

Adhikarana vAjIkarA aBya~jjanAdayaH (42-45) · Śloka 45

অভ্যঞ্জনোদ্বর্তনসেকগন্ধ- স্রক্চিত্রবস্ত্রাভরণপ্রকারাঃ| গান্ধর্বকাব্যাদিকথাপ্রবীণাঃ সমস্বভাবা বশগা বযস্যাঃ||৪২|| দীর্ঘিকা স্বভবনান্তনিবিষ্টা পদ্মরেণুমধুমত্তবিহঙ্গা| নীলসানুগিরীকূটনিতম্বে কাননানি পুরকণ্ঠগতানি||৪৩|| দৃষ্টিসুখা বিবিধা তরুজাতিঃ শ্রোত্রসুখঃ কলকোকিলনাদঃ| অঙ্গসুখর্তুবশেন বিভূষা চিত্তসুখঃ সকলঃ পরিবারঃ||৪৪|| তাম্বূলমচ্ছমদিরা কান্তা কান্তা নিশা শশাঙ্কাঙ্কা| যদ্যচ্চ কিঞ্চিদিষ্টং মনসো বাজীকরং তত্তত্||৪৫||

স০-তথাঽভ্যঞ্জনাদি বাজীকরণমিতি বক্ষ্যমাণেন সম্বন্ধঃ| গীতাদিকুশলাস্তুল্যস্বভাবা বশগাঃ সহাযাঃ| তথা দীর্ঘিকাক্রীডাপুষ্করিণী, স্বগৃহসমীপে কৃতা| পদ্মরেণুমধুদ্ভ্যাং মত্তা বিহঙ্গা যস্যাং সৈবম্| হরিতসমভূভাগং যত্পর্বতশৃঙ্গং, তস্য নিতম্বঃ, তত্র চ যানি কাননানি, তানি পুরসমীপভূতানি| উপজাতিস্বাগতে বৃত্তে| দৃষ্টিসুখকারিণী তথা নানাপ্রকারা মহীরুহজাতিঃ| কলকণ্ঠকূহিতং শ্রবণসুখকারি| অঙ্গে সুখানুরোধেন ঋত্বনুরোধেন চ ভূষণম্| তথা সকলঃ পরিবারো মনঃসুখহেতুঃ| তথা তাম্বূলাদিকং বাজীকরণম্| ন চ কেবলং তাম্বূলাদিকম্, অপি তু যদ্যচ্চ কিঞ্চিচ্চেতসঃ প্রিযং তত্তত্ বাজীকরণম্| দোধকমুদ্গীতিরার্যা|

Adhikarana kAmasyotpAdakAH padArthAH (46-47) · Śloka 47

মধু মুখমিব সোত্পলং প্রিযাযাঃ কলরণনা পরিবাদিনী প্রিযেব| কুসুমচযমনোরমা চ শয্যা কিসলযিনী লতিকেব পুষ্পিতাগ্রা||৪৬|| দেশে শরীরে চ ন কাচিদর্তি- রর্থেষু নাল্পোঽপি মনোবিঘাতঃ| বাজীকরাঃ সন্নিহিতাশ্চ যোগাঃ কামস্য কামং পরিপূরযন্তি||৪৭||

স০-তথা মার্দ্বীকং সজলজং দযিতাবদনমিব| পরিবাদিনী-বীণা, মধুরক্বণনা বল্লভেব| পুষ্পনিকররমণীযা শয্যাপল্লববতী কুসুমপ্রধানা লতেব| পুষ্পিতাগ্রেতি বৃত্তনামশ্লেষঃ| দেশ ইত্যাদি| এতে পদার্থাঃ কামস্য কামং-ইচ্ছাং পূরযন্তি, কামমুত্পাদযন্তীত্যর্থঃ| পুষ্পিতাগ্রেন্দ্রবজ্রে বৃত্তে|

Adhikarana agryasa~ggrahaH (48-58) · Śloka 58

অধুনাঽগ্র্যসঙ্গ্রহমাহ মুস্তাপর্পটকং জ্বরে, তৃষি জলং মৃদ্ভৃষ্টলোষ্টোদ্ভবং, লাজাশ্ছর্দিষু, বস্তিজেষু গিরিজং, মেহেষু ধাত্রীনিশে| পাণ্ডৌ শ্রেষ্ঠমযোঽভযাঽনিলকফে, প্লীহামযে পিপ্পলী, সন্ধানে কৃমিজা, বিষে শুকতরুর্মেদোনিলে গুগ্গুলুঃ||৪৮|| বৃষোঽস্রপিত্তে, কুটজোঽতিসারে, ভল্লাতকোঽর্শঃসু, গরেষু হেম| স্থূলেষু তার্ক্ষ্যং, ক্রিমিষু কৃমিঘ্নং, শোষে সুরা চ্ছাগপযোঽথ মাংসম্||৪৯|| অক্ষ্যামযেষু ত্রিফলা, গুডূচী বাতাস্ররোগে, মথিতং গ্রহণ্যাম্| কুষ্ঠেষু সেব্যঃ খদিরস্য সারঃ, সর্বেষু রোগেষু শিলাহ্বযং চ||৫০|| উন্মাদং ঘৃতমনবং শোকং মদ্যং, ব্যপস্মৃতিং ব্রহ্মী| নিদ্রানাশং ক্ষীরং জযতি, রসালা প্রতিশ্যাযম্||৫১|| মাংসং কার্শ্যং, লশুনঃ প্রভঞ্জনং, স্তব্ধগাত্রতাং স্বেদঃ| গুডমঞ্জর্যাঃ খপুরো নস্যাত্ স্কন্ধাংসবাহুরুজম্||৫২|| নবনীতখণ্দমর্দিতমৌষ্ট্রং মূত্রং পযশ্চ হন্ত্যুদরম্| নস্যং মূর্ধবিকারান্, বিদ্রধিমচিরোত্থমস্রবিস্রাবঃ||৫৩|| নস্যং কবলো মুখজান্, নস্যাঞ্জনতর্পণানি নেত্ররুজঃ| বৃদ্ধত্বং ক্ষীরঘৃতে, মূর্চ্ছাং শীতম্বুমারুতচ্ছাযাঃ||৫৪|| সমশুক্তার্দ্রকমাত্রা মন্দে বহ্নৌ, শ্রমে সুরা স্নানম্| দুঃখসহত্বে স্থৈর্যে ব্যাযামো, গোক্ষুরুর্হিতঃ কৃচ্ছ্রে||৫৫|| কাসে নিদিগ্ধিকা, পার্শ্বশূলে পুষ্করজা জটা| বযসঃ স্থাপনে ধাত্রী, ত্রিফলা গুগ্গুলুর্ব্রণে||৫৬|| বস্তির্বাতবিকারান্, পৈত্তান্ রেকঃ, কফোদ্ভবান্ বমনম্| ক্ষৌদ্রং জযতি বলাসং, সর্পিঃ পিত্তং, সমীরণং তৈলম্||৫৭|| ইত্যগ্র্যং যত্প্রোক্তং রোগাণামৌষধং শমাযালম্| তদ্দেশকালবলতো বিকল্পনীযং যথাযোগম্||৫৮||

স০-মুস্তাপর্পটকং জ্বরে শ্রেষ্ঠং-রোগোপশমনহেতুঃ| এবং শেষেষ্বপি যোজ্যম্| সন্ধানে-উরঃসন্ধানে, কৃমিজা-লাক্ষা, শ্রেষ্ঠা| শুকতরুঃ-শিরীষঃ| শার্দূলবিক্রীডিতং বৃত্তম্| বৃষাদযো রক্তপিত্তাদিষু শ্রেষ্ঠাঃ| উপজাতিঃ| অক্ষ্যামযাদিষু ত্রিফলাদীনি সেব্যানি| ইন্দ্রবজ্রা| অনবং-পুরাণং, সর্পিঃ কর্তৃভূতমুন্মাদং জযতি| ব্যপস্মৃতিং-অপস্মারং, ব্রাহ্মী জযতি| এবং ক্ষীরাদযো নিদ্রানাশাদীন্ জযন্তীতিযোজ্যম্| গুডমঞ্জরী-কালা শাল্মলী, তস্যাঃ খপুরো-নির্যাসো, নস্যেন স্কন্ধাদিজাং রুজং হন্তি| নবনীতযুক্তং খণ্ডমর্দিতম্| ঔষ্ট্রং পযো মূত্রং চ জঠরং পরাকরোতি| ঔষ্ট্রমিতি চিন্ত্যম্| উষ্ট্রাদ্রুঞি প্রাপ্তে কেচিত্তু তস্যেদমিতি বিবক্ষযা অণ্প্রত্যযঃ কার্য ইত্যাহুঃ| নস্যাদযো মূর্ধবিকারাদীন্ জহতীতি সম্বন্ধঃ| ননু, বৃদ্ধত্বং ক্ষীরঘৃতে হত ইত্যনুপপন্নম্| তথাহি-"একরসাভ্যাসো দৌর্বল্যকরাণাম্|" (চ. সূ. অ. ২৫) ইত্যুক্তম্| দৌর্বল্যকরণং চ কথং বৃদ্ধত্বহৃত্ স্যাত্ ? ব্রূমঃ| উত্সর্গত্বাত্তস্য বচসঃ, অপবাদরূপং ত্বিদং বচনম্| তস্মাত্ ক্ষীরঘৃতাদন্যত্রৈকরসাভ্যাসস্য দৌর্বল্যকরণ্ত্বং বেদ্যম্| গীতযস্তিস্রঃ(পঞ্চ)| কাসেত্যাদি| [ বস্তিরিত্যাদি|] আর্যা| ইতি-উক্তেন প্রকারেণ, যচ্ছ্রেষ্ঠমৌষধমুক্তম্, তদ্ রোগাণাং শমায-শান্ত্যৈ, অলং-সমর্থম্| তচ্চ-অগ্ন্যং, দেশাদীনাং বলেন যথাস্বং কল্পনীযম্| জঘনচপলাঽঽর্যা| এতচ্চ যথাস্বং চিকিত্সিতেষু কথিতং সঙ্ক্ষেপতযা পুনঃ কথিতম্| শাস্ত্রং হি ব্যাসেন সমাসেন চ বিমতযো বিরুন্ধতে| তস্মাত্ পূর্বং ব্যাসেনোপদেশঃ, ইদং(অযং) তু সমাসেনেত্যববুধ্যস্ব|

Adhikarana saMshayAnAgniveshasya prashnaH (59) · Śloka 59

ইত্যাত্রেযাদাগময্যার্থসূত্রং তত্সূক্তানাং পেশলানামতৃপ্তঃ| ভেডাদীনাং সম্মতো ভক্তিনম্রঃ পপ্রচ্ছেদং সংশযানোঽগ্নিবেশঃ||৫৯||

সং-আত্রেযাত্-ভগবতঃ পুনর্বসোঃ, ইতি-উক্তেন প্রকারেণ, অর্থসূত্রং-অভিধেযতত্ত্বং চ, আগময্য-অববুধ্য, অগ্নিবেশঃ সংশযানো-ন তু শাস্ত্রাববোধাহংকৃতঃ, ইদং-বক্ষ্যমাণং, পপ্রচ্ছ| কিম্ভূতঃ ? তস্য-আত্রেযস্য মুনেঃ, সূক্তানি-সুভাষিতানি, যুক্তিযুক্তার্থপ্রতিপাদনাত্তেষাং সূক্তানাং মধুরাণামতৃপ্তঃসাকাঙ্ক্ষঃ| তথা চ কিম্ভূতঃ ? ভেডজাতূকর্ণ্যাদীনাং পুনর্বসুশিষ্যাণাং সম্মতঃ| তথা ভক্তিনম্রো-ন তু জ্ঞানোদ্ধতঃ সন্, স পপ্রচ্ছ| শালিনীবৃত্তম্|

Adhikarana punarvasudattamuttaram (60-62) · Śloka 62

কিং পৃষ্টবান্ ? ইত্যাহ দৃশ্যন্তে ভগবন্ কেচিদাত্মবন্তোঽপি রোগিণঃ| দ্রব্যোপস্থাতৃসম্পন্না বৃদ্ধবৈদ্যমতানুগাঃ||৬০|| ক্ষীযমাণামযপ্রাণা বিপরীতাস্তথাঽপরে| হিতাহিতবিভাগস্য ফলং তস্মাদনিশ্চিতম্||৬১|| কিং শাস্তি শাস্ত্রমস্মিন্ ইতি কল্পযতোঽগ্নিবেশমুখ্যস্য| শিষ্যগণস্য পুনর্বসু- রাচখ্যৌ কার্ত্স্ন্যতস্তত্ত্বম্||৬২||

সং-ভগবন্-পুনর্বসো, কেচিন্নরা আত্মবন্তো হিতাহারবিহারা অপি রোগিণঃ প্রত্যক্ষানুমানাদ্যৈরুপলভ্যন্তে| আত্মবন্তোঽপীত্যপিশব্দাদনাত্মবন্তোঽপি| কদাচিত্ শেষপাদত্রযবিকলত্বেন রোগিত্বং স্যাত্, নেত্যাহ-দ্রব্যোপস্থাতৃসম্পন্না বৃদ্ধবৈদ্যমতানুগা ইতি| তথাঽঽমযাশ্চ প্রাণাশ্চামযপ্রাণাঃ, ক্ষীযমাণা আমযপ্রাণা যেষাং ত এবম্, কেচিদ্রোগাদ্বিমুচ্যমানাঃ কেচিচ্চ ম্রিযমাণা ইত্যর্থঃ| বিপরীতাস্তথাঽপর ইতি অনাত্মবন্তো দ্রব্যোপস্থাতৃবিকলা বৃদ্ধবৈদ্যমতাননুসারিণশ্চৈবংভাবা দৃশ্যন্তে| তস্মাত্-অনন্তরোক্তাত্কারণাত্, হিতাহিতবিভাগস্য তন্ত্রোক্তং ফলমনিশ্চিতং-অনৈকান্তিকম্| অনিশ্চিতফলত্বাচ্চ কারণাত্ শাস্ত্রং-আযুর্বেদাখ্যং, কিং শাস্তি ? ন-কিঞ্চিচ্ছিক্ষযতীতি| অতশ্চৈতদারম্ভো নিষ্ফলঃ কাকদন্তপরীক্ষাশাস্ত্রবত্| ইতি বিকল্পযতঃ শিষ্যগণস্য-জাতূকর্ণ্যভেডাদেঃ, ভগবান্ পুনর্বসুস্তত্ত্বং-পরমার্থং, কার্ত্স্ন্যেন-সামস্ত্যেন, জগাদ| কিম্ভূতস্য শিষ্যগণস্য ? অগ্নিবেশো মুখ্যঃ-প্রধানো, যস্য তস্যেতি|

Adhikarana cikitsA~acikitsA cana tulyA (63) · Śloka 63

কিং তদুক্তবান্? ইত্যাহ ন চিকিত্সাঽচিকিত্সা চ তুল্যা ভবিতুমর্হতি| বিনাঽপি ক্রিযযা স্বাস্থ্যং গচ্ছতাং ষোডশাংশযা||৬৩||

স০-চিকিত্সা-চতুষ্পাত্ষোডশগুণযুক্তা, অচিকিত্সা-হিতাহিতবিভাগাপরামর্শে যত্কিঞ্চনকারিতা, সা তুল্যা ভবিতুং নার্হতি| কেষাম্ ? ক্রিযাং বিনা স্বাস্থ্যমপি গচ্ছতাম্| অপিশব্দো ভিন্নক্রমঃ, স্বাস্থ্যমপীঽত্যতোঽনন্তরং দ্রষ্টব্যঃ| কিম্ভূতযা ক্রিযযা ? ষোডশাংশযা| তদযং ভাবঃ,-ষোডশ ভাগযা চিকিত্সযা বিনা যত্র রোগোপশান্তিঃ স্যাত্, তত্রাপি চিকিত্সযা ক্ষিপ্রতরং তত্সাধনং চিকিত্সা বিশিষ্টা| তথা চিকিত্সাসাধ্যানাং রোহিণিকাদীনাং চিকিত্সামন্তরেণ শান্তির্নাস্তি| তদেবমপি চিকিত্সযা তুল্যাঽচিকিত্সা ন ভবিতুমর্হতীতি|

Adhikarana Ata~gkapa~gkamagnAnAM BiShagjitaM hastAlambaH (64) · Śloka 64

আতঙ্কপঙ্কমগ্নানাং হস্তালম্বো ভিষগ্জিতম্| জীবিতং ম্রিযমাণানাং সর্বেষামেব নৌষধাত্||৬৪||

স০-তস্মাদাতঙ্ক এব পঙ্কো দুরুত্তরত্বাত্তস্মিন্ মগ্নানাং তপ্তানাং, ভিষগ্জিতং-তদুপদেশকশাস্ত্রং, উপচারাদেবমুক্তম্| তদ্ভিষগ্জিতং হস্তালম্বো-হস্তালম্বতুল্যম্| ম্রিযমাণানাং সর্বেষামেবাসাধ্যানামপি ভেষজাজ্জীবিতং ন চ ভবতি|

Adhikarana sarve rogA upAyaM nApekShante (65) · Śloka 65

ন হ্যুপাযমপেক্ষন্তে সর্বে রোগা, ন চান্যথা| উপাযসাধ্যাঃ সিধ্যন্তি,নাহেতুর্হেতুমান্ যতঃ||৬৫||

স০-যস্মাত্ সর্বে রোগাঃ-অসাধ্যা অপি, উপাযং-চতুষ্পাদলক্ষণং চিকিত্সিতং, নাপেক্ষন্তে, অসাধ্যরোগাণাং চিকিত্সানিরপেক্ষত্বাত্| যে চোপাযসাধ্যা রোগাঃ-রোহিণ্যাদযঃ, তেঽন্যথা চিকিত্সামন্তরেণ, নৈব সিধ্যন্তি| যতো যোঽহেতুঃ স হেতুমান্ন ভবতি| অপি তু নির্যুক্তিক এবাযং হেতুবাদঃ, যচ্চিকিত্সাখ্যেন হেতুনা বিনৈব রোগোপশান্তির্দ্দশ্য ইতি|

Adhikarana upAyasAdhyA rogAH sidhyanti (66) · Śloka 66

যদুক্তং সর্বসম্পত্তিযুক্তযাঽপি চিকিত্সযা| মৃত্যুর্ভবতি, তন্নৈবং নোপাযেঽস্ত্যনুপাযতা||৬৬||

স০-যত্তূক্তং সর্বসম্পত্তিযুক্তযাঽপি চিকিত্সযা মৃত্যুর্ভবতি| দৃশ্যন্তে ভগবন্ কেচিদাত্মবন্তোঽপি রোগিণঃ| যাবত্ক্ষীযমাণামযপ্রাণাঃ ইত্যাদি| তদেবং ন ভবতি, যথা ত্বং বদসি| যস্মান্ন উপাযেঽনুপাযতাঽস্তি| যো হি যস্য যযা যুক্ত্যোপাযঃ প্রথিতঃ, স ন কদাচিত্তস্যানুপাযঃ| যথা,-ঘটস্য মৃদ্দণ্ডচক্রাদিসামগ্রীবিশেষো ন কদাচিদনুপাযো ভবিতুর্মহতি| তস্মাচ্চতুষ্পাচ্চিকিত্সাসাধ্যস্য রোগস্যোপায এব চিকিত্সা, ন ত্বনুপাযঃ|

Adhikarana upAye~anupAyatA nAsti,daivavaiguNyAt kadAcinna siddhiH (67) · Śloka 67

অপি চোপাযযুক্তস্য ধীমতো জাতুচিত্ ক্রিযা| ন সিধ্যেদ্দৈববৈগুণ্যান্ন ত্বিযং ষোডশাত্মিকা||৬৭||

স০-ধীমতঃ-প্রাজ্ঞস্য নরস্য, উপাযযুক্তস্যাপি দৈবাপরাধাত্ ইযং ষোডশাত্মিকা ক্রিযা কদাচিন্ন সিধ্যতি| ত(য)স্মাদাযুঃ পরীক্ষ্য সাধ্যাসাধ্যবিভাগ্জ্ঞো জ্ঞানপূর্বং চিকিত্সাযাং বৈদ্যঃ প্রবর্ততে তস্মাদ্দৈববৈগুণ্যম্| বিমলবিপুলমত্যা সম্যক্ পরিচ্ছেদাচ্চিকিত্সাযা রোগবিষযে প্রবৃত্তাযাঃ সিদ্ধিরেব স্যান্নাসিদ্ধিঃ| যস্মাদ্যো যত্রোপাযঃ, স তত্রানুপাযো ন ভবতি| মুনিনাঽপ্যুক্তম্ (চ.সূ. অ. ১০/৭)-"সাধ্যাসাধ্যবীভাগজ্ঞো জ্ঞানপূর্বং চিকিত্সকঃ| কালে চারভতে কর্ম যত্তত্সাধযতি ধ্রুবম্||" ইতি|

Adhikarana eteShAmudAharaNAni (68-70) · Śloka 70

এতদেব প্রতিপাদযন্নাহ কস্যাসিদ্ধোঽগ্নিতোযাদিঃ স্বেদস্তম্ভাদিকর্মণি| ন প্রীণনং কর্ষণং বা কস্য ক্ষীরং গবেধুকম্||৬৮|| কস্য মাষাত্মগুপ্তাদৌ বৃষ্যত্বে নাস্তি নিশ্চযঃ| বিণ্মূত্রকরণাক্ষেপৌ কস্য সংশযিতৌ যবে||৬৯|| বিষং কস্য জরাং যাতি মন্ত্রতন্ত্রবিবর্জিতম্| কঃ প্রাপ্তঃ কল্যতাং পথ্যাদৃতে রোহিণিকাদিষু||৭০||

স০-কস্য পুরুষস্য বহ্নিঃ স্বেদকর্মণি, স্তম্ভনকর্মণি চ তোযং, ন সিদ্ধম্| আদিশব্দান্মূর্চ্ছাপগমাদৌ শীতানিলাদিঃ| অপি তু সর্বস্যৈব সিদ্ধোঽন্বযব্যতিরেকাত্| এবং যাবদ্রোহিণিকাদিষ্বিতি ব্যাখ্যেযম্| এবং নিশ্চিতফলা চিকিত্সেতি স্থিতম্|

Adhikarana cikitsA vinA~akAlamaraNaM kathaM vAryatAm? (71) · Śloka 71

অপি চাকালমরণং সর্বসিদ্ধান্তনিশ্চিতম্| মহতাঽপি প্রযত্নেন বার্যতাং কথমন্যথা||৭১||

স০-ন কেবলং পূর্বোক্তাদ্ধেতোশ্চিকিত্সাতন্ত্রং সফলম্| যতশ্চাকালমরণং সর্বসিদ্ধান্তনিশ্চিতম্| তদন্যথা-চিকিত্সাশাস্ত্রমন্তরেণ, পরমেণাপি যত্নেন কথং-কেন প্রকারেণ, নির্বাযতাম্ ? ন কেনচিদিত্যর্থঃ|

Adhikarana jvare la~gghanabRuMhaNaM shAstrAdeva siddhiM gatam (72) · Śloka 72

ন চাকালমৃত্যুরক্ষৈব প্রযোজনমস্য তন্ত্রস্যেত্যাহ চন্দনাদ্যপি দাহাদৌ রূঢমাগমপূর্বকম্| শাস্ত্রাদেব গতং সিদ্ধিং জ্বরে লঙ্ঘনবৃংহণম্||৭২||

স০-দাহাদৌ বিষযে চন্দনাদি চাগমপূর্বকমেব লোকরূঢম্, ন ত্বেবমেব| তথা শাস্ত্রাদেব-চিকিত্সাখ্যাত্, সকললোকপ্রসিদ্ধং জ্বরে লঙ্ঘনবৃংহণং ভক্তচ্ছেদক্ষীরাদি সিদ্ধিমুপগতম্, নান্যস্মাত্|

Adhikarana samyakcikitsite saMshayaM mA kRuthAH (73) · Śloka 73

চতুষ্পাদ্গুণসম্পন্নে সম্যগালোচ্য যোজিতে| মা কৃথা ব্যাধিনির্ঘাতং বিচিকিত্সাং চিকিত্সিতে||৭৩||

স০-তস্মাচ্চতুষ্পাদা[নাং] যে গুণাঃ-আযুষ্কমীযোক্তাঃ (হৃ.সূ.অ. ১/২৭), তৈঃ সম্পন্নে-যুক্তে, তথা সুষ্ঠু নিরূপ্য দেশকালাদীন্ যোজিতে চিকিত্সিতে, ব্যাধিনির্ঘাতং প্রতি বিচিকিত্সাং-সংশযং, মা কৃথাঃ|

Adhikarana akANDe mRutyupAshAnAM dRuDhaCedanametat (74) · Śloka 74

এতদ্ধি মৃত্যুপাশানামকাণ্ডে ছেদনং দৃঢম্| রোগোন্ত্রাসিতভীতানাং রক্ষাসূত্রমসূত্রকম্||৭৪||

স০-যতশ্চাকাণ্ডে-অকালে, মৃত্যুপাশাঃ-জ্বরাদযস্তেষাং এতত্-চিকিত্সাশাস্ত্রং, দৃঢং-সারং, ছেদনম্| তথা সমুত্পন্নেভ্যো জ্বরাদিভ্যস্ত্রস্তানাং শঙ্কযা ভীতানাং সূত্ররহিতং রক্ষাসূত্রকং, তত্কার্যকরণাদিত্যর্থঃ| তস্মাদধ্যেতব্যং চিকিত্সাশাস্ত্রম্|

Adhikarana etaccikitsAshAstraM sAkShAdamRutam,tadevadurBAjanasthaM hAlAhalatvaM yAti (75) · Śloka 75

এতত্তদমৃতং সাক্ষাজ্জগদাযাসবর্জিতম্| যাতি হালাহলত্বং তু সদ্যো দুর্ভাজনস্থিতম্||৭৫||

স০-তথৈতত্-চিকিত্সাশাস্ত্রং, তত্-সকললোকপ্রসিদ্ধং, সাক্ষাত্-স্বরূপেণ, অমৃতং মৃত্যুজযে, ত(য)ত্ লোকপ্রসিদ্ধং জগতঃ সুরাসুররূপস্য, আযাসাদুত্পন্নং ক্ষীরোদমথনকালে, তেন বর্জিতমিদম্| অমৃতমপি দুর্ভাজনস্থিতং সদ্যঃ-শীঘ্রমেব, বিষত্বং যাতি|

Adhikarana BiShagpAshAn dUrAtyajet (76) · Śloka 76

তদেব দুর্ভাজনং দর্শযতি অজ্ঞাতশাস্ত্রসদ্ভাবান্ শাস্ত্রমাত্রপরাযণান্| ত্যজেদ্দূরাদ্ ভিষক্পাশান্ পাশান্ বৈবস্বতানিব||৭৬||

স০-অজ্ঞাতঃ শাস্ত্রসদ্ভাবঃ-পরমার্থো, যৈস্তাংস্তথাবিধান্ ভিষক্পাশান্ দূরতস্ত্যজেত্| তথা শাস্ত্রমাত্রপরাযণান্-শাস্ত্রপাঠমাত্রশরণান্| অত এব বিষসামান্যতঃ শাস্ত্রপাঠমাত্রত্বেন নিষিদ্ধম্| তথা শাস্ত্রপরমার্থানববোধাচ্চ বিষত্বম্| কানিব ? বৈবস্বাতান্-যমসম্বন্ধিনঃ, পাশান্ যথা| ইতি তাবদসম্পূর্ণান্|

Adhikarana sAdhuvRuttAnAM BiShajAM Badram (77) · Śloka 77

সম্যগ্ভিষজঃ শ্লাঘমানো ব্রূতে ভিষজাং সাধুবৃত্তানাং ভদ্রমাগমশালিনাম্| অভ্যস্তকর্মণাং ভদ্রং ভদ্রং ভদ্রাভিলাষিণাম্||৭৭||

স০-সুবৈদ্যানাং সচ্চরিতানামিহ লোকেঽন্যত্র চ সদৈব ভদ্রম্| কিংবিধানাম্ ? আগমেন-গ্রন্থতোঽর্থতঃ, শ্লাঘিতুং শীলং যেষাং তেষাম্| ঈদৃশা অপ্যনভ্যস্তকর্মাণো ন শ্লাঘার্হাঃ স্যুরিত্যাহ, অভ্যস্তং-অসকৃত্তৈললেহাদিপাকাদ্যনুবাসননিরূহাদিযোজনং চ, [কর্ম] যৈস্তেষাং লোকদ্বযেঽপি ভদ্রম্| সর্বসত্ত্বানাং পুত্রমিত্রাদিরূপেণ ভদ্রমিব হিতং সুখং চাভিলষন্তি-ইচ্ছন্তি যে, তেষামপি ভদ্রং-শস্তম্|

Adhikarana aShTA~ggahRudayasya tantrasya sa~ggre hAt pRuthakkaraNe pryojanam (78-80) · Śloka 80

ইতি তন্ত্রগুণৈর্যুক্তং তন্ত্রদোষৈর্বিবর্জিতম্| চিকিত্সাশাস্ত্রমখিলং ব্যাপ্য যত্ পরিতঃ স্থিতম্||৭৮|| বিপুলামলবিজ্ঞানমহামুনিমতানুগম্| মহাসাগরগম্ভীরসঙ্গ্রহার্থোপলক্ষণম্||৭৯|| অষ্টাঙ্গবৈদ্যকমহোদধিমন্থনেন যোঽষ্টাঙ্গসঙ্গ্রহমহামৃতরাশিরাপ্তঃ| তস্মাদনল্পফলমল্পসমুদ্যমানাং প্রীত্যর্থমেতদুদিতং পৃথগেব তন্ত্রম্||৮০||

স০-তন্ত্র্যতে-ধার্যতে শরীরমনেনেতি তন্ত্রম্, তস্য গুণাস্তন্ত্রগুণাঃ,-যৈস্তন্ত্রমলঙ্ক্রিযতে তন্ত্রযুক্ত্যাদযঃ, তৈরেবZংপ্রকারৈর্যুক্তম্| তথা চোক্তং সঙ্গ্রহে (উ. অ.৫০)-"অলঙ্কৃতং যুক্তিপদৈঃ সদ্রত্নৈরিব কাঞ্চনম্| ষট্ত্রিংশতাঽর্থদুর্গেষু ভিষজাং সঙ্ক্রমৈরিব|| তত্রাধিকরণং যোগো হেত্বর্থোঽর্থঃ পদস্য চ| প্রদেশোদ্দেশনির্দেশবাক্যশেষাঃ প্রযোজনম্|| উপদেশাপদেশাতিদেশার্থাপত্তিনির্ণযাঃ| প্রসঙ্গৈকান্তনৈকান্তাঃ সাপবর্গো বিপর্যযঃ|| পূর্বপক্ষবিধানানুমতব্যাখ্যানসংশযাঃ| অতীতানাগতাপেক্ষাস্বসংজ্ঞোহ্যসমুচ্চযাঃ|| নিদর্শনং নির্বচনং নিযোগোঽথ বিকল্পনম্| প্রত্যুত্সারস্তথোদ্ধারঃ সম্ভবস্তন্ত্রযুক্তযঃ||" ইতি|

Adhikarana tantrayuktayaH ShaTtrIshat 1 adhikaraNasya lakShaNam · Śloka

তত্র ১ অধিকরণং নাম,-যদধিকৃত্য প্রবর্ততে শাস্ত্রং স্থানমধ্যাযঃ প্রকরণং বাক্যং বা| তত্র শাস্ত্রাধিকরণং-যদধিকৃত্য শাস্ত্রং প্রবর্ততে| যথা-অষ্টাবঙ্গান্যধিকৃত্য হৃদযাখ্যং সর্বং শাস্ত্রং প্রবৃত্তম্| যথোক্তম্ (হৃ.সূ. অ. ১/৫)-"কাযবাল" ইত্যাদি| স্থানাধিকরণং যথা (হৃ.সূ.অ. ৩০/৫৩)-"অত্রার্থাঃ সূত্রিতাঃ সূক্ষ্মাঃ প্রতন্যন্তে হি সর্বতঃ|" ইতি| অধ্যাযোঽপি যদধিকৃত্য প্রবর্ততে তদধ্যাযাধিকরণং| যথা (হৃ. সূ. অ . ২)_"অথাতো দিনচর্যাধ্যাযং ব্যাখ্যাস্যামঃ|" ইতি| প্রকরণং যদধিকৃত্য প্রবর্ততে তত্ প্রকরণাধিকরণম্| যথা (হৃ.শা. অ.৩/১৮)-"দশ মূলসিরা হৃত্স্থাস্তাঃ সর্বং সর্বতো বপুঃ|" ইত্যাদি যাবত্ "ইত্যবেধ্যবিভাগার্থং প্রত্যঙ্গং বর্ণিতাঃ সিরাঃ|" ইত্যাদি| এবং বাক্যমপি যদধিকৃত্য প্রবর্ততে তদ্বাক্যাধিকরণং বেদ্যম্|

Adhikarana 2 yogasya lakShaNam · Śloka

২ যোগো নাম,-যোজনা, উদ্দেশনির্দেশযোঃ সূত্রভাষ্যর্যোর্বা| যথা (হৃ.শা. অ.৩)-"অথাতোঽঙ্গবিভাগং শারীরং ব্যাখ্যাস্যামঃ|" ইত্যুদ্দিশ্যাঙ্গানি বিভজতে-"শিরোঽন্তরাধির্দ্বৌ বাহূ সক্থিনী চ সমাসতঃ| ষডঙ্গম্" ইত্যাদি| যুক্তির্বা যোগঃ, প্রতিজ্ঞা হেতুর্দৃষ্টান্ত উপনযো নিগমনমিতি পঞ্চবিধঃ| যথা-অগ্নিঃ শরীরস্থিতের্মূলমিতি প্রতিজ্ঞা| অগ্নিপক্বাহারে সতি তস্ত্থিতেরিতি হেতুঃ, "তত্রাগ্নির্হেতুরাহারান্ন হ্যপক্বাদ্রসাদযঃ|" (হৃ.শা. অ.৩/৫৪) ইতি বচনাত্| যথা-শাল্যঙ্কুরস্য বীজমিতি দৃষ্টান্তঃ| উপনযো যথা-চিকিত্সাশাস্ত্রস্য প্রযোজনত্বসাধনায বহুধা দৃষ্টান্তোপনযং কৃতবাংস্তন্ত্রকৃত্, "কস্যাসিদ্ধোঽগ্নিতোযাদিঃ" (হৃ.উ. অ.৪০/৬৮) ইত্যাদযঃ| তস্মাত্ সপ্রযোজনমেব চিকিত্সাশাস্ত্রং প্রত্যক্ষফলত্বাদিত্যুপনযঃ| তস্মাদারম্ভণীযমিতি প্রমাণপদোপদর্শনমুখেন নিগমনম্| যথোক্তম্(হৃ.উ. অ. ৪০/৭৩)-চতুষ্পাদ্গুণসম্পন্নে সম্যগালোচ্য যোজিতে| মা কৃথা ব্যাধিনির্ঘাতং বিচিকিত্সাং চিকিত্সিতে||" সাধ্যব্যাধিচিকিত্সাযাং সংশযানুপপত্ত্যা প্রতিপাদিতযা প্রমাণফলোপসংহারকরণম্|

Adhikarana 3 hetvardhasya lakShaNam · Śloka

৩ হেত্বর্থো নাম,-যদন্যপ্রস্তাবোক্তমন্যত্রাপি তথৈবোপপদ্যতে| যথা (হৃ. শা. অ.৩/২০)-"তত্রৈকৈকং চ শাখাযাং শতং তস্মিন্ন বেধযেত্| সিরাং জালন্ধরাং নাম তিস্রশ্চাভ্যন্তরাশ্রিতাঃ||" ইত্যাদি| তথা (হৃ.শা.অ.৩/৩৪)-"অবেধ্যাঃ সঙ্কীর্ণা গ্রথিতাঃ ক্ষুদ্রাঃ ইত্যাদি| তদেতেভ্যো বিশেষবচনেভ্যোঽনুমীযতে শেষা বেধ্যা ইতি| অন্যথৈতানি বচাংসি নিরর্থকানি স্যুরিতি|

Adhikarana 4 padArthasya lakShaNam (80) · Śloka 80

৪||৮০||

৪ পদার্থো নাম,-পদেনার্থো গম্যতে| যথা-দ্রব্যমিতি পদম্, তস্যার্থো ভূজলাদিঃ| গুণ ইতি পদম্, তস্যার্থো গুর্বাদিঃ|

Adhikarana 5 pradeshasya lakShaNam · Śloka

৫ প্রদেশো নাম,-যেষামর্থানামতিবহুত্বাত্ সাকল্যেনাভিধানস্যাশক্যত্বাত্ স্তোকমুচ্যতে| যথোক্তম্ (হৃ.সূ.অ.৫/৮৪)-"ইতি দ্রবৈকদেশোঽযং যথাস্থূলমুদাহৃতঃ|" ইতি|

Adhikarana 6 uddeshasya lakShaNam (80) · Śloka 80

৬|৮০|

৬ উদ্দেশো নাম,-সঙ্ক্ষেপাভিধানম্| যথা (হৃ. সূ. অ. ১/৬)-"বাযুঃ পিত্তং কফশ্চেতি ত্রযো দোষাঃ সমাসতঃ| ইত্যাদি|

Adhikarana 7 nirdeshasya lakShaNam (80) · Śloka 80

৭|৮০|

৭ নির্দেশো নাম,-তস্যৈব বিস্তারোক্তিঃ| যথোক্তম্ (হৃ.সূ. অ. ১/১১)-"তত্র রূক্ষো লঘুঃ শীতঃ খরঃ সূক্ষ্মশ্চলোঽনিলঃ|" ইতি|

Adhikarana 8 prayojanasya lakShaNam (80) · Śloka 80

৮|৮০|

৮ বাক্যশেষো নাম,-যস্মিন্ সূত্রে লাঘবিকেনার্থাদ্গম্য মানমনুক্তপূরণার্থমধ্যাহ্রিযতে| যথা (হৃ.শা. অ.৩/৩)-"তত্র খাত্ খানি দেহেঽস্মিন্" 'ভবন্তি' ইতি বাক্যশেষঃ| "আপ্যা জিহ্বারসকলেদাঃ" (হৃ.শা. অ.৩/৪) ইত্যুত্তরত্র ভবার্থে তদ্ধিতশ্রবণাত্|

Adhikarana 9 vAkyasheShasya lakShaNam (80) · Śloka 80

৯|৮০|

৯ প্রযোজনং নাম,-যদর্থং শাস্ত্রাদি প্রবর্ততে| যথা (হৃ.উ. অ. ৪০/৬৪)-"আতঙ্কপঙ্কমগ্নানাং হস্তালম্বো ভিষগ্জিতম্|" ইতি| অনেন প্রযোজনেন চিকিত্সাশাস্ত্রমধ্যেযমিত্যাদি|

Adhikarana 10 upadeshasya lakShaNam (80) · Śloka 80

১০|৮০|

১০ উপদেশো নাম,-আপ্তবচনম্| যথা(হৃ.সূ. অ.১৭/২৯)-"স্নেহক্লিন্নাঃ কোষ্ঠগা ধাতুগা বা স্রোতোলীনা যে চ শাখাস্থিসংস্থাঃ| দোষাঃ স্বেদৈস্তে দ্রবীকৃত্য কোষ্ঠং নীতাঃ সম্যক্শুদ্ধিভ্Vইর্নির্হ্রিযন্তে||" ইত্যাদি|

Adhikarana 11 apadeshasya lakShaNam (80) · Śloka 80

১১|৮০|

১১ অপদেশো নাম,-যদাচার্যঃ কিঞ্চিদর্থং প্রতিজ্ঞায হেতুমুপদিশতি| যথা (হৃ.উ. অ.৪০/৬৪)-"জীবিতং ম্রিযমাণানাং সর্বেষামেব নৌষধাত্|" ইতি প্রতিজ্ঞায হেতুমাহ(হৃ.উ. অ. ৪০/৬৪)-"ন হ্যপাযযপেক্ষন্তে সর্বে রোগাঃ" সর্বরোগাণামুপাযাপেক্ষাভাবাত্|

Adhikarana 12 atideshasya lakShaNam (80) · Śloka 80

১২|৮০|

১২ অতিদেশো নাম,-যত্ কিঞ্চিদেবার্থজাতমুক্ত্বাঽনুক্তার্থসাধনায এবমন্যদপি প্রত্যেতব্যমিতি পরিভাষাযাং স্থাপযতি| যথোক্তং কর্ণরোগপ্রতিষেধে (হৃ.উ. অ. ১৮/৪)-"মহতঃ পঞ্চমূলস্য কাষ্ঠাত্ ক্ষৌমেণ বেষ্টিতাত্| তৈলসিক্তাত্প্রদীপ্তাগ্রাত্ স্নেহঃ সদ্যো রুজাপহঃ|| যোজ্যশ্চৈবং ভদ্রকাষ্ঠাত্ কুষ্ঠাত্ কাষ্ঠাচ্চ সারলাত্|" ইত্যাদি|

Adhikarana 13 arthApatterlakShaNam (80) · Śloka 80

১৩|৮০|

১৩ অর্থাপত্তির্নাম,-যোঽন্যেনার্থেনোক্তেন ততোঽপরোঽপ্যর্থো গদিত ইব জ্ঞাযতে| যথা (হৃ.সূ. অ.৫/৩১)-"নৈবাদ্যান্নিশি নৈবোষ্ণম্" ইত্যুক্তম্, ন তূক্তং দিবা ভুঞ্জীতেতি| এতচ্চার্থাপত্ত্যা গম্যতে| [ননু,] কঃ পুনরর্থঃ ? কা চাস্যাপত্তিঃ ? ব্রূমঃ| দধ্যভ্যবহারোঽর্থস্তত্র তন্ত্রকৃতা 'নৈবাদ্যান্নিশি' ইতি কালো নিষিদ্ধো ন তু দধিভক্ষণম্| ততো যোঽযমপ্রতিষিদ্ধোঽর্থঃ, সআপদ্যতে দিবা দধিভোজনার্থঃ, রাত্রিপ্রতিষেধে দিনব্যতিরেকেণ কালান্তরাভাবাত্| সর্বথা অনভ্যবহরণীযস্যাহারপ্রস্তাবে প্রতিষেধানুপপত্তেঃ| এবমন্যত্রাপি ব্যাখ্যেযম্|

Adhikarana 14 nirNayasya lakShaNam (80) · Śloka 80

১৪|৮০|

১৪ নির্ণযো নাম,-যন্নিবারিতস্যার্থস্য প্রতিষ্ঠাপনম্| যথা(হৃ.উ. অ.৪০/৬০)-"দৃশ্যন্তে ভগবন্ কেচিদাত্মবন্তোঽপি রোগিণঃ|" ইত্যাদিনা চিকিত্সাশাস্ত্রফলং প্রতি সংশযকরণে পশ্চান্নির্ণযার্থমুক্তম্| যথা (হৃ.উ. অ.৪০/৬৩)-"ন চিকিত্সাঽচিকিত্সা চ তুল্যা ভবিতুমর্হতি|" ইত্যাদি|

Adhikarana 15 prasa~ggasya lakShaNam (80) · Śloka 80

১৫|৮০|

১৫ প্রসঙ্গো নাম,-পূর্বাভিহিতস্যার্থস্য কেনচিত্ সম্বন্ধান্তরেণ পুনরভিধানম্| যথোক্তং সিরাব্যধবিধৌ (হৃ.সূ. অ. ২৭/২)-"লোহিতং প্রবদেচ্ছুদ্ধং তনোস্তেনৈব চ স্থিতিঃ|" ইত্যুক্ত্বা পুনঃ শারীরে শুদ্ধার্তবপ্রসঙ্গেনোক্তম্ (হৃ. শা. অ.১/১)-"শুদ্ধে শুক্রার্তবে সত্ত্বঃ স্বকর্মক্লেশচোদিতঃ| গর্ভঃ সম্পদ্যতে যুক্তিবশাদগ্নিরিবারণৌ||" ইতি| ন চ পুনরুক্ততা তস্য| যস্মাত্ সিরাব্যধে শরীরপ্রভবত্বমেব রক্তস্যোক্তম্, ন তু ক্রমো বর্ণিতঃ| শারীরে তু যযাঽঽনুপূর্ব্যা শরীরহেতুঃ স্যাত্ তদ্বিস্তরেণোক্তম্| যথা(হৃ.শা. অ.১/২)-"বীজাত্মকৈর্মহাভূতৈঃ সূক্ষ্মৈঃ সত্ত্বানুগৈশ্চ সঃ| মাতুশ্চাহাররসজৈঃ ক্রমাত্ কুক্ষৌ বিবর্ধতে||" ইতি|

Adhikarana 16 ekAntasya lakShaNam (80) · Śloka 80

১৬|৮০|

১৬ একান্তো নাম,-য একমেব পক্ষমব্যভিচারেণ শ্রযতি নান্যম্| তদ্যথা (হৃ.সূ. অ. ৪/৩১)-"যে ভূতবিষবায্বগ্নিক্ষতভঙ্গাদিসম্ভবাঃ| রোগদ্বেষভযাদ্যাশ্চ তে স্যুরাগন্তবো গদাঃ||" ইতি|

Adhikarana 17 naikAntasya lakShaNam (80) · Śloka 80

১৭|৮০|

১৭ নৈকান্তো নাম,-অন্যতরপক্ষানবধারণাত্| যথা (হৃ.সু. অ.৪০/৬৪)-"জীবিতং ম্রিযমাণানাং সর্বেষামেব নৌষধাত্|" একান্তেন (হৃ.উ. অ. ৪০/৬৪)-"ন হ্যুপা যমপেক্ষন্তে সর্বে রোগাঃ" ইত্যাদি|

Adhikarana 18 apavargasya lakShaNam (80) · Śloka 80

১৮|৮০|

১৮ অপবর্গো নাম,-সাকল্যেনোত্সৃষ্টস্য যত্পুনস্তদেকদেশাপকর্ষণম্| যথা (হৃ.সূ. অ.২৭/৪)-"শীতোষ্ণস্নিগ্ধরূক্ষাদ্যৈরুপক্রান্তাশ্চ যে গদাঃ| সম্যক্ সাধ্যা ন সিধ্যন্তি তে চ রক্তপ্রকোপজাঃ|| তেষু স্রাবযিতুং রক্তমুদ্রিক্তং ব্যধযেত্সিরাম্|" ইত্যুত্সর্গমভিধায একদেশেঽপবাদং বক্তি (হৃ.সূ. অ. ২৭/৬)-"ন তূনষোডশাতীতসপ্তত্যব্দস্রুতাসৃজাম্|" ইত্যাদি|

Adhikarana 19 viparyayasya lakShaNam (80) · Śloka 80

১৯|৮০|

১৯ বিপর্যযো নাম,-যথোপদিষ্টবিপর্যযেণ লক্ষণাদিকরণম্| যথোক্তম্ (হৃ.সূ. অ.১৬/৩০)-"বাতানুলোম্যং দীপ্তোঽগ্নির্বর্চঃ স্নিগ্ধমসংহতম্| স্নেহোদ্বেগঃ ক্লমঃ সম্যক্ স্নিগ্ধে, রূক্ষে বিপর্যযঃ||" ইতি|

Adhikarana 20 pUrvapakShasya lakShaNam (80) · Śloka 80

২০|৮০|

২০ পূর্বপক্ষো নাম,-প্রতিজ্ঞাতার্থসংদূষণং বাক্যম্| যথা হিতাহিতবিভাগং প্রত্যাচিখ্যাসন্নাহ| যথা (হৃ.উ. অ.৪০/৬০)-"দৃশ্যন্তে ভগবন্ কেচিত্" ইত্যারভ্য যাবত্ "হিতাহিতবিভাগস্য ফলং তস্মাদনিশ্চিতম্|" ইত্যাদি|

Adhikarana 21 vidhAnasya lakShaNam (80) · Śloka 80

২১|৮০|

২১ বিধানং নাম,-যত্প্রকরণানুপূর্বং বিধানমাবেক্ষ্যতে|

Adhikarana 22 anumatasya lakShaNam (80) · Śloka 80

|৮০|

২২ অনুমতং নাম,(হৃ.সূ. অ.৯-১০)-"উষ্ণং শীতং দ্বিধৈবান্যে বীর্যমাচক্ষতেঽপি চ| নানাত্মকমপি দ্রব্যমগ্নীষোমৌ মহাবলৌ||" ইত্যাদিনা হ্যনুমতম্, ন বিঘাতঃ কৃতঃ|

Adhikarana 23 vyAkhyAnasya lakShaNam (80) · Śloka 80

২৩|৮০|

২৩ ব্যাখ্যানং নাম,-যন্মাদৃশেভ্যো বিশিষ্টতরবুদ্ধিগম্যম্| যথা (হৃ.শা. অ. ১/৩৭)-"সপ্তহাত্ কললীভবেত্|" (হৃ.শা. অ. ১/৪৯)-"দ্বিতীযে মাসি কললাত্ ঘনঃ পেশ্যথবার্বুদম্| পুংস্ত্রীক্লীবাঃ ক্রমাত্" ইতি| ন হ্যত্র গর্ভস্যাবর্তমানা ভাবাঃ শক্যা বিজ্ঞাতুং যোগিদৃষ্টিং মুক্ত্বা|

Adhikarana 24 saMshayasya lakShaNam (80) · Śloka 80

২৪|৮০|

২৪ সংশযো নাম,-সাকাঙ্ক্ষত্বমনিশ্চিতবস্তুবিজ্ঞানম্| যথা (হৃ. শা. অ. ৫/১২৮)-"সংশযং প্রাপ্তমাত্রযো জীবিতং তস্য মন্যতে|" ইত্যাদি|

Adhikarana 25 atItApekShaNasya lakShaNam (80) · Śloka 80

২৫|৮০|

২৫ অতীতাপেক্ষণং নাম,-যদতিক্রান্তমপেক্ষ্য প্রস্তুতস্য সাধনমুচ্যতে| যথোক্তং হৃদ্রোগচিকিত্সিতে (হৃ.চি. অ.৬/৩৯)-"রাস্নাজীবক" ইত্যাদি যাবত্ "মহাস্নেহং বিপাচযেত্||" ইতি| অত্র চ ন জ্ঞাযতে কতমো মাহাস্নেহ ইতি| তদেতদতিক্রান্তমপেক্ষ্য প্রসাধ্যতে স্নেহবিধ্যুক্তম্| যথা (হৃ.সূ. অ. ১৬/৪)-"দ্বাভ্যাং ত্রিভিশ্চতুর্ভিস্তৈর্যমকস্ত্রিবৃতো মহান্|" ইত্যপেক্ষ্য ব্যাখ্যাযতে|

Adhikarana 27svasaMj~jAyAH lakShaNam (80) · Śloka 80

২৬|৮০|

২৬ [অনাগতাপেক্ষা নাম,-] ............................ ২৭ স্বসংজ্ঞা নাম,-যা তন্ত্রকারৈঃ স্বতন্ত্রসংব্যবহারার্থং প্রণিতা সতী পরতন্ত্রেষু ন ব্যবহরতি| যথা (হৃ.সূ. অ.১২/৪৪)-"শাখা রক্তাদযস্ত্বক্ চ" ইতি|

Adhikarana 28UhrAsya lakShaNam (80) · Śloka 80

২৮|৮০|

২৮ ঊহ্যং নাম,-যদপ্রতিবদ্ধং গ্রন্থে স্বযং প্রজ্ঞযা তর্কযিত্বা যোজ্যম্| যথোক্তম্ (হৃ.সূ. অ.১৫/৪৬)-"ত্রযস্ত্রিংশদিতি প্রোক্তা বর্গাস্তেষু ত্বলাভতঃ| যুঞ্জ্যাত্তদ্বিধমন্যচ্চ দ্রব্যং জহ্যাদযৌগিকম্||' [ইতি|]

Adhikarana 29samuccayasya lakShaNam (80) · Śloka 80

২৯|৮০|

২৯ সমুচ্চযো নাম,-যথা(হৃ.সূ. অ.১৮/২৯)-"পেযাং বিলেপীমকৃতং কৃতং চ যূষং রসং" চ সমুচ্চিনোতি, তথা-"ত্রীনুভযং তথৈকম্| ক্রমেণ সেবেত নরোঽন্নকালান্ প্রধানমধ্যাবরশুদ্ধিশুদ্ধঃ||" ইতি|

Adhikarana 30 nidarshanasya lakShaNam (80) · Śloka 80

৩০|৮০|

৩০ নিদর্শনং নাম,-যন্নিদর্শযিতব্যং সূক্ষ্মমপ্যর্থং স্বধর্মসাদৃশ্যাত্ স্পষ্টীকরোত্যাদর্শ ইব মুখবিধুম্| যথোক্তম্ (হৃ.সূ. অ.১৯/৮৪)-"যথা কুসুম্ভাদিযুতাত্তোযাদ্রাগং হরেত্পটঃ| তথা দ্রবীকৃতাদ্দেহাদ্বস্তির্নির্হরতে মলান্||" ইত্যাদি|

Adhikarana 31 nirvacanasya lakShaNam (80) · Śloka 80

৩১|৮০|

৩১ নির্বচনং নাম,-নির্ণযার্থং বচনং নিরুক্তম্| যথোক্তং বিষবিধানে (হৃ.উ. অ.৩৫/১)-"মথ্যমানে জলনিধাবমৃতার্থং সুরাসুরৈঃ|" যাবত্ "জগদ্বিষণ্ণং তং দৃষ্ট্বা তেনাসৌ বিষসংজ্ঞিতঃ||" ইতি| বিষস্য নির্বচনং জগদ্বিষদনাদ্বিষমিতি|

Adhikarana 32 niyogasya lakShaNam (80) · Śloka 80

৩২|৮০|

৩২ নিযোগো নাম,-যো যস্যানুষ্ঠেযঃ| যথা (হৃ.সূ. অ. ১৬/২৬)-"উষ্ণোদকোপচারী স্যাত্" ইত্যাদি|

Adhikarana 33 vikalpasya lakShaNam (80) · Śloka 80

৩৩|৮০|

৩৩ বিকল্পো নাম,-বিবিধং কল্পনম্, ইদং কার্যমিদং বা কার্যম্| যথোক্তং পূর্বরূপদর্শনে জ্বরাদৌ [বা] হিতং লঘ্বশনমপতর্পণং বা|

Adhikarana 34 pratyutsArasya lakShaNam (80) · Śloka 80

৩৪|৮০|

৩৪ প্রত্যুত্সারো নাম,-যত্রোপপত্তিং দর্শযন্তঃ পরস্পরমতানি নিবারযন্তি| তদ্যথা (হৃ.শা. অ.৩/১৬)-"অস্থ্নাং শতানি ষষ্ঠিশ্চ ত্রীণি দন্তনখৈঃ সহ| ধন্বন্তরিস্তু ত্রীণ্যাহ, সন্ধীনাং চ শতদ্বযম্|| দশোত্তরং, সহস্রে দ্বে নিজগাদাত্রিনন্দনঃ|" ইতি পূর্বমতাত্ ষষ্টিং প্রযুত্সারযতি| ধন্বন্তরেরপি মতং দশোত্তরং সন্ধিশতদ্বযমিতি পুনর্বসুঃ প্রত্যুত্সারযতি সন্ধিসহস্রদ্বযং সাধযন্|

Adhikarana 35 uddhArasya lakShaNam (80) · Śloka 80

৩৫|৮০|

৩৫ উদ্দারো নাম,-শাস্ত্রারম্ভপ্রত্যাখ্যানাদিচোদ্যস্য সমাধানম্| তদ্যথা (হৃ.উ. অ.৪০/৬০)-"দৃশ্যন্তে ভগবন্ কেচিদাত্মবন্তোঽপি রোগিণঃ|" যাবত্ "হিতাহিতবিভাগস্য ফলং তস্মাদনিশ্চিতম্|" ইতি কৃতে চোদ্যে (হৃ.উ. অ.৪০/৬৩)-"ন চিকিত্সাঽচিকিত্সা চ তুল্যা ভবিতুমর্হতি|" ইতি পরিহারঃ|

Adhikarana 36 samBavasya lakShaNam (80) · Śloka 80

৩৬|৮০|

৩৬ সম্ভবো নাম,-উপপত্তির্যস্মিন্নুপপদ্যতে অনুপদিষ্টে| যথা (হৃ.সূ. অ.২৬/৪৭)-"দুষ্টরক্তাপগমনাত্ সদ্যো রাগরুজাং শমঃ|" ইত্যুক্তম্| প্রচ্ছানালাবুজলৌকাশৃঙ্গসিরাব্যধৈর্যথাসম্ভবং রক্তমপনীযতে| যথোক্তম্ (হৃ.সূ. অ.২৬/৫৩)-"প্রচ্ছানেনৈকদেশস্থং গ্রথিতং জলজন্মভিঃ| হরেচ্ছৃঙ্গাদিভিঃ সুপ্তমসৃগ্ব্যাপি সিরাব্যধৈঃ||" ইতি| এবমন্যত্রাপি সম্ভবার্থো যোজ্যঃ|

Adhikarana vyAkhyA 14 pa~jca dashavidhA (80) · Śloka 80

১|৮০|

ব্যাখ্যা অপি তন্ত্রস্য গুণঃ| তাভিরপি তন্ত্রমলঙ্ক্রিযতে| তাশ্চ পঞ্চদশপ্রকারাঃ| তদ্যথা,-পিণ্ডপদপদার্থাধিকরণপ্রকরণার্থকৃচ্ছ্রফলোচ্চিতকন্যাসপ্রযোজনানুলোমপ্রতিলোমাতিসূত্রসমস্তব্যাখ্যাঃ|

Adhikarana 1 piNDavyAkhyAyAH lakShaNam (80) · Śloka 80

১|৮০|

তত্র ১ পিণ্ডব্যাখ্যা নাম,-সঙ্ক্ষেপতযা সূত্ররূপেণাধ্যাযাদিনাং ব্যাখ্যা| যথা (হৃ.শা. অ. ৫/৪)-"রূপেন্দ্রিযস্বরচ্ছযাপ্রতিচ্ছাযাক্রিযাদিষু| অন্যেষ্বপি চ ভাবেষু প্রাকৃতেষ্বনিমিত্ততঃ|| বিকৃতির্যা সমাসেন রিষ্টং তদিতি লক্ষযেত্|" ইত্যনেন সূত্রেণ সকলরিষ্টাধ্যাযসমাস উক্তঃ|

Adhikarana 2 padavyAkhyAyAH lakShaNam (80) · Śloka 80

২|৮০|

২ পদব্যাখ্যা নাম,-যত্পদানাং ছেদং কৃত্বোচ্চারণম্| যথা (হৃ.সূ. অ. ১)-"অথ অতঃ আযুষ্কামীযং অধ্যাযং বি আ খ্যাস্যামঃ|" ইতি সপ্তপদং সূত্রং পূর্বং ব্যাখ্যাতম্|

Adhikarana 3 padArthavyAkhyAyAH lakShaNam (80) · Śloka 80

৩|৮০|

৩ পদাড়্থব্যাখ্যা নাম,-তেষামেব পদানাং বিবরণম্| যথা-অথশব্দ আনন্তর্যে অধিকারে বা, অতঃশব্দো হেতা বিত্যাদি|

Adhikarana 4 adhikaraNavyAkhyAyAH lakShaNam (80) · Śloka 80

৪|৮০|

৪ অধিকরণব্যাখ্যা নাম,-যদ্বস্তুপ্রকৃতমারভ্যতদনুষঙ্গেণ ব্যাখ্যানমারভ্যতে| যথা (হৃ.সূ. অ.২)-"অথাতো দিনচর্যাধ্যাযং ব্যাখ্যাস্যামঃ|" ইতি প্রস্তুত্য "ব্রাহ্মে মুহূর্ত উত্তিষ্ঠেত্স্বস্থো রক্ষার্থমাযুষঃ|" ইত্যাদিনা সৈব দিনচর্যা বিবৃত্য ব্যাখ্যাযতে সবিস্তরা|

Adhikarana 5 prakaraNavyAkhyAyAH lakShaNam (80) · Śloka 80

৫|৮০|

৫ প্রকরণব্যাখ্যা নাম,-যস্মিন্নর্থে সূত্রে বা প্রকৃতেনাপ্রকৃতং সাধ্যতে, যথা-ত্রিলবণাদ্যে চূর্ণে গুণানুক্ত্বাঽভযাখ্যে এবমাহ 'সমানং পূর্বেণ'ইতি| তত্র সমানগুণতা ব্যাখ্যাতা|

Adhikarana 6 arthavyAkhyAyAH lakShaNam (80) · Śloka 80

৬|৮০|

৬ অর্থব্যাখ্যা নাম,-যত্র প্রকরণে সূত্রে বা স্বভাবস্যোপবর্ণনং ক্রিযতে| তদ্যথা,-প্রকৃতিরুচ্যতে স্বভাবঃ| স পুনরাহারৌষধদ্রব্যাণাং স্বাভাবিকো গুর্বাদিগুণযোগঃ| তদ্যথা,-মাষমুদ্গযোঃ সূকরৈণযোশ্চ|

Adhikarana 7 kRuCravyAkhyAyAH lakShaNam (80) · Śloka 80

৭|৮০|

৭ কৃচ্ছ্রব্যাখ্যা নাম,-যত্র লেশত উক্তানামবিস্পষ্টনাং প্রকরণে সূত্রে বা অর্থানাং যত্নত উদ্ভাবনং ক্রিযতে| তদ্যথা (হৃ.সূ. অ. ২/৩০)-"অনুযাযাত্প্রতিপদং সর্বধর্মেষু মধ্যমাম্|" ইতি লেশতো ব্রুবাণঃ শাস্ত্রকারঃ সর্বেষু হেতুলিঙ্গৌষধাদিষু মধ্যমা প্রতিপদাশ্রযণীযেতি সূচযতি|

Adhikarana 8 PalavyAkhyAyAH lakShaNam (80) · Śloka 80

৮|৮০|

৮ ফলব্যাখ্যা নাম,-যত্র বস্তুনি বহুষ্বনিশ্চিতার্থেষ্বেকীযমতেষু প্রস্তুতেষু বস্তুসারভূতং স্বমতং স্বমর্থমুপনিক্ষিপ্যৈকীযমতানি তস্মিন্নেব স্বমতেঽন্তর্ভাবং নযতি| যথা-নিরূহমাত্রাপুটকাদিষ্বিযত্তাযাং সাধ্যাযাং চ নিশ্চিতানি মহর্ষির্ভির্বহূনি মতানি প্রশস্তানি| যথা-"দ্বাদশপ্রসৃতো নিরূহঃ কার্যঃ" ইত্যেকে| "মাত্রাং ত্রিপলিকাং কুর্যাত্ স্নেহমাক্ষিকযোঃ পৃথক্|" (হৃ.সূ. অ.১৯/৪৪) ইত্যাদ্যন্যে| তদেতানি মতানি দোষৌষধবলাপেক্ষযা স্বমতান্তর্ভাবিতানি প্রমাণানি চ| যথোক্তম্ (হৃ.সূ. অ.১৯/৬২)-"দোষৌষধাদিবলতঃ সর্বমেতত্প্রমাণযেত্|" অন্যোন্যবিরুদ্ধমপি "সম্যঙ্নিরূঢলিঙ্গং তু নাসম্ভাব্য নিবর্তযেত্||" ইতি|

Adhikarana 9 uccitakavyAkhyAyAH lakShaNam (80) · Śloka 80

৯|৮০|

৯ উচ্চিতকব্যাখ্যা নাম,-যস্মিন্ সূত্রে নিদর্শনভূতান্যুদাহরণানি তন্ত্রান্তঃ সমকৃষ্যার্থঃ শস্যতে| যথা-পৃথিব্যাদিষু চ মহাভূতসংজ্ঞা স্থাপিতা, রসাদিষু চ ধাতুসংজ্ঞা নিবেশিতা| "রসাসৃঙ্মাংসমেদোস্থিমজ্জশুক্রাণি ধাতবঃ|" (হৃ.সূ. অ. ১/১৩) ইতি| পুনরুচ্যতে (হৃ.শা. অ.৩/৬৫)- "পরস্পরোপসংস্তম্ভাদ্ধাতুস্নেহপরম্পরা|" ইতি| অত্র কিং ধাতোর্গ্রহণেন ভূতান্যপি ধাতুশব্দবান্যানি ভবন্তি ? ইতি|

Adhikarana 10 nyAsavyAkhyAyAH lakShaNam (80) · Śloka 80

১০|৮০|

১০ ন্যাসব্যাখ্যা নাম,-যস্মিন্নধিকারে বর্তমানে তেনাধিকারণার্থেন সহিতং সম্বন্ধমভিবীক্ষ্যান্যস্যার্থো বিনিক্ষিপ্যতে| যথা (হৃ.উ. অ.৪০/৬০)-"দৃশ্যন্তে ভগবন্ কেচিদাত্মবন্তোঽপি রোগিণঃ|" ইতি হিতাহিতবিভাগস্য ফলং প্রতি সংশযমভিবীক্ষ্য "ন চিকিত্সাঽচিকিত্সা তুল্যা ভবিতুমর্হতি|" (হৃ.উ. অ.৪০/৬৩) ইত্যাদিনা উত্তরং দত্ত্বা তেনৈব প্রসঙ্গেনান্যোঽর্থো নিক্ষিপ্যতে| যথা (হৃ.উ. অ. ৪০/৭৫)-"এতত্তদমৃতং সাক্ষাজ্জগদাযাসবর্জিতম্| যাতি হালাহলত্বং তু সদ্যো দুর্ভাজনস্থিতম্||" ইতি| এবমন্যেষামপ্যর্থানাং সম্বন্ধমবধার্য ব্যাখ্যার্থার্হা কল্পনীযা|

Adhikarana 11 prayojanavyAkhyAyAH lakShaNam (80) · Śloka 80

১১|৮০|

১১ প্রযোজনব্যাখ্যা নাম,-যত্সূত্রমভিধীযমানং স্বার্থত্য নিষ্পত্তৌ নিমিত্তভাবমুপৈতি| যথা-উক্তোঽঙ্গবিভাগেঽনেকধাসিরাবিস্তরঃ| ন চ তেন সিরাবিস্তরেণোক্তেন কিঞ্চিদিহোপকারো দৃশ্যতে| যদি প্রকরণাবসরে প্রযোজনমিদং ব্রূযাত্ "ইত্যবেধ্য বিভাগার্থং প্রত্যঙ্গং বর্ণিতাঃ সিরাঃ|" (হৃ.শা. অ. ৩/৩৩) এতদর্থং সিরাবিবরণং প্রবৃত্তম্| কশ্চিদযং বৈদ্যো বেধ্যাবেধ্যবিভাগং সিরাণাং জানীযাদিতি|

Adhikarana kalpanA 7 saptavidhA 1/2 pradhAnakalpanAyA lakShaNam (80) · Śloka 80

১২|৮০|

১২ আনুলোম্যং নাম,-যেন.....তত্র ১-২ প্রধানকল্পনা দ্বিধা,-প্রধানস্য কল্পনা প্রধানেন বা কল্পনা প্রধানকল্পনা| প্রধানস্য কল্পনা যথাসর্পিঃ স্নেহনম্, ক্ষীরং জীবনম্, মধু সন্ধানকৃত্, ইত্যত্র মধ্যে প্রকৃষ্টগুণত্বাত্ সর্পিঃক্ষীরে স্নেহনজীবনে কল্প্যেতে, ন তু তৈলতোযাদিষ্বপি স্নেহনজীবনত্বং নাস্তীতি| মাক্ষিকং চ সন্ধানে প্রধানত্বাত্ সন্ধানকৃদিত্যুক্তম্, ন তু সিক্যকমধুযষ্টিকাদিষ্বপি সন্ধানকৃত্ত্বং নাস্তীতি| প্রধানেন তু কল্পনা যথা-ক্ষীরদধিতক্রমস্তুনবনীতক্ষীরঘৃতপুরাণঘৃতকিলাটাপীযূষকূচীকামোরণাদিবর্গঃ সর্বঃ ক্ষীরবর্গ ইত্যুক্তঃ, ক্ষীরপ্রাধান্যাত্| প্রধানেন কল্পনাব্যপদেশ ইত্যেকোঽর্থঃ|

Adhikarana 3 guNakalpanAyAH lakShaNam (80) · Śloka 80

৩|৮০|

৩ গুণকল্পনা নাম,- যেন ধর্মেণোপেতোঽর্থঃ প্রযুজ্যমানঃ সমর্থো ভবতি, তেন ধর্মেণ যুক্তস্য তস্যাসাবগুণোঽপি গুর্বাদিষ্বপাঠাদ্গুণ ইতি কল্প্যতে| যথোক্তম্ (হৃ.সূ. অ.১/২৬)-"ভিষক্ দ্রব্যাণ্যুপস্থাতা রোগী পাদচতুষ্টযম্| চিকিত্সিতস্য নির্দিষ্টং প্রত্যেকং তচ্চতুর্গুণম্|| ইত্যাদি| দক্ষত্বাদিচতুর্গুণনির্দেশঃ সর্বথা প্রশংসাগুণ ইতি গম্যতে|

Adhikarana 4 leshakalpanAyAH lakShaNam (80) · Śloka 80

৪|৮০|

৪ লেশকল্পনা নাম,-অনুপদিষ্টস্য বিধেঃ কণ্ঠপাঠেন যত্কিঞ্চিসূত্রাবযবান্তরমাশ্রিত্যার্থঃ কল্প্যতে| যথা-নাত্র শাস্ত্রে কালমৃত্যোরকালমৃত্যোর্বা কিঞ্চিল্লক্ষণং প্রণীতম্| তত্তু লেশতোঽনুমীযতে| কথমিতি, যদা হি কালনিযতমাযুঃ ক্ষযং প্রাপ্তং ভবতি, তদা রিষ্টমুত্পদ্যতে, ন বিষমাপরিহারেণ ম্রিযমাণে নরে| উক্তং হি (হৃ.শা. অ. ৫/৬০)-"ভিষগ্ভেষজপানান্নগুরুমিত্রদ্বিষশ্চ যে| বশগাঃ সর্ব এবৈতে বিজ্ঞেযাঃ সমবর্তিনঃ||" ইতি| অত্র বিকৃতিবিজ্ঞানীযে গুরুমিত্রদ্বিষশ্চেতি চশব্দোঽস্মাচ্ছ্লোকাত্ পূর্বকাণি যানি চোত্তরাণি তানি সর্বাণ্যেব সমুচ্চিনোতি| সমবর্তী হি কালো মৃত্যুরিষ্টঃ, ইতরস্ত্বসমবর্তী| অত এব চাচষ্টে তন্ত্রান্তরে-"কালমৃত্যোরেব রিষ্টানি নাকালমৃত্যোঃ|" ইতি স্বাভিপ্রাযপ্রকাশনার্থং তন্ত্রকারঃ শকটোদাহরণং দত্তবান্| যথা-সম এব বাহ্যমানঃ স্বপ্রমাণক্ষযে ভঙ্গপূর্বরূপাণ্যাপ্নোতি| তথা নিযতাযুষঃ স্বপ্রমাণক্ষযে রিষ্টসম্ভবঃ| যথা চ-স এবাতিভারক্রান্তত্বাদ্বিষমপথাশ্রিতত্বাদকালেঽপি ক্ষযমাপ্নোতি| তথা অনিযতাযুষো রিষ্টোত্পত্তিমন্তরেণ মৃত্যুঃ| যদি পুনরনিযতা যুষ্টোঽপি রিষ্টোত্পত্তিপূর্বং মরণং কল্প্যেত, তদা বার্ষিকে ষাণ্মাসিকে বাঽরিষ্টে সমুত্পন্নে শুভহেতুযোগান্ন মৃত্যুঃ স্যাত্| অনিযতাযুষো হি সম্যগুপচারাজ্জীবিতানুবৃত্তিঃ| বিষমহেত্বপরিহারান্মৃত্যুঃ| অত এবানিযতাযুষমধিকৃত্য রসাযনান্যুপদিষ্টনি| তদ্যোগাদযং বহূন্যপি বর্ষাণি জীবেত্| নিযতাযুষস্তু কালমৃত্যুবর্ষশতাত্ পরেণ জীবিতং ন নির্দিষ্টম্| যথোক্তং শারীরে (হৃ.শা.অ. ৫/১৩২)_'মরণং প্রাণিনাং দৃষ্টমাযুঃপুণ্যোভযক্ষযাত্| তযোরপ্যক্ষযাদ্ দৃষ্টং বিষমাপরিহারিণাম্||" ইতি| তস্মাদবিশেষোক্তাবপি নিযতাযুষ এবারিষ্টোত্পত্তিপূর্বং মরণমিতি নিশ্চিতম্| তথা চ "ঋতুচর্যাধ্যাযং ব্যাখ্যাখ্যাস্যামঃ|" (হৃ.সূ. অ.৩) ইতি প্রতিজ্ঞাযাং ষডৃতুবিশেষে প্রতিপত্তির্ভবতি| ন তু "ঋতুস্তু দ্বাদশ নিশাঃ" (হৃ.শা. অ.১/২৬) অস্য ঋতোরিতি|

Adhikarana 5 vidyAkalpanAyAH lakShaNam (80) · Śloka 80

৫|৮০|

৫ বিদ্যাকল্পনা নাম,-যথা সর্ববিদ্যানুগতার্থনির্দেশে শাস্ত্রকারস্য সর্ববিদ্যাস্থানানুপ্রবেশ ইহ শাস্ত্রে হিত ইতি বচনাদ্বিনাঽপীষ্যতে| তত্র "আর্দ্রসন্তানতাত্যাগঃ" (হৃ.সূ. অ. ২/৪৫) ইত্যাদিনা বাক্যেন বুদ্ধিবচনবিষয অধ্যাত্মবিদ্যাসঙ্গ্রহ ইঙ্গ্যতে| "অর্চযেদ্দেবগোবিপ্র" (হৃ.সূ. অ. ২/২৩) ইত্যাদিনা ধর্মশাস্ত্রোপদেশসঙ্গ্রহঃ| তথা "জগদ্বিষণ্ণং তং দৃষ্ট্বা তেনাসৌ বিষসংজ্ঞিতঃ|" (হৃ.উ. অ. ৩৫/২) ইত্যাদিনা পদব্যুত্পাদনান্নিরুক্তকরণাচ্চ শব্দবিদ্যাযা নিরক্তেশ্চোপসঙ্গ্রহঃ| "সাধকেঽহনি" (হৃ.শা. অ. ১/৭৩) সূতিকাং গৃহং প্রবেশযেত্| তথা-"ভরণীকৃত্তিকাশ্লেষাপূর্বার্দ্রাপিতৃনৈর্রূতে|" ইতি জ্যোতিঃশাস্ত্রোপরোধঃ| বিচিত্রভূষিতশাস্ত্রস্যোত্প্রেক্ষণীযম্|

Adhikarana 6 BkShyakalpanAyAH lakShaNam (80) · Śloka 80

৬|৮০|

৬ ভক্ষ্যকল্পনা নাম,-"এতত্তদমৃতং সাক্ষাত্" (হৃ.উ. অ. ৪০/৭৫) ইত্যাদি|

Adhikarana 7 Aj~jAkalpanAyAH lakShaNam (80) · Śloka 80

৭|৮০|

৭ আজ্ঞাকল্পনা নাম,-যস্যানুষ্ঠানে হেতুঃ সম্যগবন্তুং ন শক্যঃ, কেবলমাপ্তবচনং প্রমাণীকৃত্যানুষ্ঠীযতে| যথা-"নছিন্দ্যাত্তৃণম্, ন ভুবং লিখেত্|" ইতি| ন হ্যত্র হেতুর্বক্তুং শক্যতে, এতদনুষ্ঠেযমিতি|

Adhikarana saptavidhA kalpanAviMshatyAshrayA (80) · Śloka 80

ইযম্১|৮০|

ইযং সপ্তবিধা কল্পনা বিংশত্যাশ্রযা ভবতি| যথা-১ আদিলোপঃ, ২ মধ্যলোপঃ, ৩ অন্তলোপঃ, ৪ উভযপদলোপঃ, ৫ আদিমধ্যান্তলোপঃ, ৬ বর্ণোপজননম্, ৭ ঋষিক্লিষ্টম্, ৮ তন্ত্রশীলম্, ৯ তন্ত্রসংজ্ঞা, ১০ প্রাকৃতম্, ১১ সমানতন্ত্রপ্রত্যযঃ, ১২ পরতন্ত্রপ্রত্যযঃ, ১৩ হেতুহেতুকধর্মঃ, ১৪ কার্যকারণধর্মঃ, ১৫ আদ্যন্তবিপর্যযঃ, ১৬ শব্দান্তরম্, ১৭,প্রত্যযঃ ১৮ উপনযঃ ১৯ সম্ভবঃ ২০ বিভবঃ, [ইতি|]

Adhikarana 1 Adilopasya lakShaNam (80) · Śloka 80

২|৮০|

তত্র ১ আদিলোপো [নাম],-যথা (হৃ.সূ. ২|অ.৬/৩২)-"বৃংহণঃ প্রীণনো বৃষ্যশ্চক্ষুষ্যো ব্রণহা রসঃ|" ইত্যত্রমাংসশব্দলোপেন| তথা চ (হৃংই. অ. ১/১৪)-"ধারণোদীরণনিশা" ইত্যাদৌ ধারণং-বেগধারণম্, উদীরণং-বেগোদীরণমিতি|

Adhikarana 2 madhyalopasya lakShaNam (80) · Śloka 80

২|৮০|

২ মধ্লোপো [নাম],- যথা(হৃ.সূ. অ. ৫)-"দ্রবদ্রব্যবিজাজানীযমধ্যাযং ব্যাখ্যাস্যামঃ|" ইত্যত্র দ্রবদ্রব্যস্বরূপ বিজ্ঞানীযো দ্রবদ্রব্যবিজ্ঞানীয ইত্যুক্তঃ, অনন্তরং "অন্নস্বরূপবিজ্ঞানীযঃ" (হৃ.সূ. অ.৬) ইত্যত্র স্বরূপশব্দশ্রবণাত্|

Adhikarana 3 antalopasya lakShaNam (80) · Śloka 80

৩|৮০|

৩ অন্তলোপো নাম,-যথা (হৃ.শা. অ. ৩/৩৭)-"কফং পুনঃ| গৌর্যঃ স্নিগ্ধাঃ শিরাঃ শীতা বহন্তে" ইত্যত্রাস্রশব্দস্য লোপো দ্রষ্টব্যঃ, পূর্বত্রাস্রশব্দস্য প্রকৃতত্বাত্| যথোক্তম্ (হৃ.শা. অ.৩/৩৬)-"তত্র শ্যাবারুণাঃ সূক্ষ্মাঃ পূর্ণরিক্তাঃ ক্ষণাত্ সিরাঃ| প্রস্পন্দিন্যশ্চ বাতাস্রম্" ইতি| এবমিহাপি কফাস্রং বহন্ত ইত্যনুমেযম্, তুল্যজাতীযত্বাত্|

Adhikarana 4 uBayapadalopasya lakShaNam (80) · Śloka 80

৪|৮০|

৪ উভযপদলোপো [নাম],-যথা (হৃ.শা. অ. ৩/৫৭)-"আদৌ ষড্রসমপ্যন্নং মধুরীভূতমীরযেত্|" ইতি বচনে 'মধ্যে' "বিধাহাদম্লতাং ততঃ|| পিত্তমামাশযাত্কুর্যাচ্চ্যবমানং চ্যুতং পুনঃ|" 'অন্তে' অগ্নিনা শোষিতং পক্বং পিণ্ডিতং কটু মারুতম্||" ইতি| আদিশব্দশ্রবণাত্ মধ্যান্তশব্দাবত্র লুপ্তনির্দিষ্টৌ দ্রষ্টব্যৌ|

Adhikarana 5 AdimadhyAntalopasya lakShaNam (80) · Śloka 80

৫|৮০|

৫ আদিমধ্যান্তলোপো [নাম], যথা(হৃ.শা. অ.৩/৫৫)-"অন্নং কালেঽভ্যবহৃতং" আদৌ "কোষ্ঠং প্রাণানিলাহৃতম্|" মধ্যে, অন্তে চ "দ্রবৈঃ" ইত্যাদি|

Adhikarana 6 varNopajanasya lakShaNam (80) · Śloka 80

৬|৮০|

৬ বর্ণোপজননং নাম,- যত্রানুক্তো গ্রন্থে বর্ণ আচার্যেণ পশ্চাদ্ ব্যাখ্যাকাল উপজন্যার্থোঽভিধীযতে| [যথা] (হৃ.শা. অ. ৩/৩)-"তত্র খাত্খানি দেহেঽস্মিন্ শ্রোত্রং শব্দো বিবিক্ততা|" তথা-"বাতাত্স্পর্শত্বগুচ্ছ্বাসা বহ্নের্দৃগ্রূপপক্তযঃ||" 'ভবন্তি' ইতি বর্ণত্রযমুপজন্য ব্যাখ্যা করণীযা| "আপ্যা জিহ্বারসকলেদা ঘ্রাণগন্ধাস্থি পার্থিবম্|" ইতি দ্বযোর্ভূতযোর্ভবার্থে তদ্ধিতপ্রত্যযশ্রবণাত্| বাক্যশেষোঽপ্যযমেবংপ্রায এব|

Adhikarana 7 RuShikliShTasya lakShaNam (80) · Śloka 80

৭|৮০|

৭ ঋষিক্লিষ্টং নাম,-যদৃষী ঋষিপুত্রো বাঽসমাহিতচিত্ততযাঽশক্ত্যা বা কিঞ্চিত্পদজাতম(জাতং)ভ্রষ্টমুচ্চারিতবান্ তথৈব তল্লোকে প্রযুঞ্যতে| যথা-'রোম লোম' ইত্যাদি|

Adhikarana 8 tantrashIlasya lakShaNam (80) · Śloka 80

৮|৮০|

৮ তন্ত্রশীলং নাম,-যা তন্ত্রকারাণাং প্রকৃতিঃস্বভাব ইত্যর্থঃ| যথা-কিঞ্চিচ্ছষ্যানুগ্রহার্থং বিস্তীর্ণং সঙ্ক্ষিপন্তি, যথা (হৃ.শা. অ. ৩/১৬)-"অস্থ্নাং শতানি ষষ্টিশ্চ ত্রীণি দন্তনখৈঃ সহ|" ইতি ন তান্যঙ্গুলিহস্তপাদমণিবন্ধাদিবিভাগেন বিস্তারিতানি| কিঞ্চিদ্বিস্তারযন্তি, যথা-তত্রৈবাঙ্গবিভাগে সিরা বিস্তারিতাঃ (হৃ.শা. অ. ৩/৩৩)-"ইত্যবেধ্যবিভাগার্থং প্রত্যঙ্গং বর্ণিতাঃ সিরাঃ|" ইতি বচনাদিতি|

Adhikarana 9 tantrasaMj~jAyAH lakShaNam (80) · Śloka 80

৯|৮০|

৯ তন্ত্রসংজ্ঞা নাম,-যত্কস্মিংশ্চিদর্থে মধ্যে ব্যাখ্যাযমানে স্বতন্ত্রসিদ্ধোদাহরণং তত্প্রমাণার্থমুচ্যতে| যথা-নবজ্বরে কষাযা অপক্বেষু দোষেষু বর্জনীযা উক্তাঃ, (হৃ.চি. অ.১/৩৯)- "ততঃ পক্বেষু দোষেষু লঙ্ঘনাদ্যৈঃ প্রশস্যতে| কষাযো দোষশেষস্য পাচনঃ শমনোঽথবা||" ইতি বিশেষবচনাত্তত্র স্বরসাদেঃ পঞ্চবিধস্য কষাযস্য প্রতিষেধঃ প্রসক্তঃ| ততঃ স্বরন্ত্রসংজ্ঞযা বিশেষঃ প্রতিষিধ্যতে (হৃ.চি. অ. ১/৪০)-"তিক্তঃ পিত্তে বিশেষেণ প্রযোজ্যঃ, কটুকঃ কফে|" ইত্যাদি| তস্মাত্ স্বতন্ত্রসংজ্ঞযা তিক্তকটুকষযৌ নিষিদ্ধৌ পঞ্চবিধযা স্বরসাদিকল্পনযা|

Adhikarana 10 prAkRutasya lakShaNam (80) · Śloka 80

১০|৮০|

১০ প্রাকৃতং নাম,-"ঊষকস্তুত্থকং হিঙ্গু কাসীসদ্বযসৈন্ধবম্|" (হৃ.সূ. অ. ১৫/২৩) ইত্যৌষধাধিকারাত্ সৈন্ধবংলবণম্, ন ত্বশ্বাদিকম্||

Adhikarana 11 samAnatantrapratyayasya lakShaNam (80) · Śloka 80

১১|৮০|

১১ সমানতন্ত্রপ্রত্যযো নাম,-যত্সাধ্যস্য কস্যচিদর্থস্য সাধনাযানুপলভ্যমানে স্বন্ত্রাত্ প্রত্যযে সমানেভ্যস্তন্ত্রেভ্যঃ প্রত্যয ইতি| উদাহরণং যথা (হৃ.সূ. অ. ২/৩১)- "নীচলোমনখশ্মশ্রুঃ" ইত্যাচারেষূক্তম্| ইযদ্ভিরিযদ্ভির্দিনৈঃ কেশনখশ্মশ্রুণ্যবতার্য নীচলোমাদিনা ভবিতব্যমিতি নোক্তম্| ততো ব্যাখ্যাকারাঃ ক্ষারপাণিপ্রভৃতযঃ প্রসিদ্ধ্যা দশরাত্রেণ কেশাদিণাং সংহরণমিতি নিশ্চিন্বন্তি| মুনিস্ত্ববাদীত্ (চ.সূ. অ. ৮/১৮)-"ত্রিঃ পক্ষস্য কেশশ্মশ্রুলোমনখান্ সংহারযেত্|" ইতি|

Adhikarana 12 paratantrapratyayasya lakShaNam (80) · Śloka 80

১২|৮০|

১২ পরতন্ত্রপ্রত্যযো নাম,-যস্যার্থস্য প্রসিদ্ধিতো ন স্বকীযমুদাহরণং শক্যমভিধাতুং নাপ্যন্যেভ্যো ভিষক্তন্ত্রেভ্যঃ| ততস্তস্মিন্ দ্বযে পরতন্ত্রাদুদাহরণং কল্প্যতে| যথা (হৃ.সূ. অ. ১/১৯)-"কালার্থকর্মণাং যোগো হীনমিথ্যাতিমাত্রকঃ| সম্যগ্যোগশ্চ বিজ্ঞেযো রোগারোগ্যৈককারণম্||" ইত্যুক্তম্| যোগস্য চ লক্ষণং নোক্তং তন্ত্রে অন্যত্র বা ভিষক্তন্ত্রে| তত্র বৌদ্ধতন্ত্রপ্রত্যযেন নিশ্চীযতে-"স্বহেতুভ্যঃ শীতোষ্ণাদিলক্ষণেন কালস্যোত্পত্তিরেব যোগঃ|" ইতি|

Adhikarana 13 hetu hetukadharmasya lakShaNam (80) · Śloka 80

১৩|৮০|

১৩ হেতুহেতুকধর্মৌ নাম,-যো হেতুহেতুকেন ধর্মো জ্ঞাযতে| যথা-পিত্তাতিসারিণঃ পিত্তলাতিসেবনাত্ পিত্তমুদ্রিক্তং রক্তাতিসারায ন চিরাদস্য ভবিষ্যতীত্যনুমীযতে, সমর্থস্য হেতোঃ স্বকার্যস্যাব্যভিচারাত্|

Adhikarana 14 kAryakAraNadharmasya lakShaNam (80) · Śloka 80

১৪|৮০|

১৪ কার্যকারণধর্মো নাম,-যত্র কার্যসংজ্ঞযা কারণং নির্দিশ্যতে কারণসংজ্ঞযা বা কার্যম্, তত্র কার্যসংজ্ঞযা তাবত্কারণং নির্দিশ্যতে| যথা-দোষা অপি রোগশব্দং লভন্তে| তত্র দোষাঃ কারণম্, "সর্বেষামেব রোগাণাং নিদানং কুপিতা মলাঃ|" (হৃংই. অ.১/১২) ইতি বচনাত্| স চেদানীং দোষো রোগ ইতি ব্যপদিশ্যমানঃ কারণে দোষে কার্যং রোগ উপচরিতো ভবতি| এবং কার্যং কারণসংজ্ঞযা নির্দিশ্যতে|

Adhikarana 15 Adyantaviparyayasya lakShaNam (80) · Śloka 80

১৫|৮০|

১৫ আদ্যন্তবিপর্যযো নাম,-যথা-অন্নস্বরূপবিজ্ঞানং প্রাপ্তুমুজ্ঝিত্বা পানমেব প্রথমমুক্তং দ্রবদ্রব্যবিজ্ঞানং কুর্বতা, তোযাদীনাং পঞ্চানাং বর্গাণামল্পবক্তব্যত্বাত্| সমুদ্রোপমতযা শাস্ত্রস্যানুপূর্বসুখাবগাহনার্থম্, পূর্বং হ্যল্পং সুখেনাবগাহ্যতে পশ্চাত্প্রভূতমিতি ন্যাযাত্|

Adhikarana 16 shabdAnyatvasya lakShaNam (80) · Śloka 80

১৬|৮০|

১৬ শব্দান্যত্বং নাম, যদর্থং পর্যাযশব্দং বর্ণযন্তি শাস্ত্রকৃতঃ| যথা (হৃংই. অ. ১/১)-"রোগঃ পাপ্মা জ্বরোব্যাধির্বিকারো দুঃখমামযঃ| যক্ষ্মাতঙ্কগদাবাধাঃ শব্দাঃ পর্যাযবাচিনঃ||' ইত্যাদি|

Adhikarana 17 pratyayadharmasya lakShaNam (80) · Śloka 80

১৭|৮০|

১৭ প্রত্যযধর্মো নাম,-যো ন চ হেতুর্হেতুধর্মোপপত্তিমাত্রেণ চ কেনচিদ্ধেতুত্বেন ব্যপদিশ্যতে| যথা-দেবদানবগন্ধর্বাদ্যুন্মাদাপস্মারাদিবিচিত্রগ্রহবিকারা উক্তাঃ| যথোক্তম্ (হৃ.উ. অ.৪/১৩)-"ফুল্লপদ্মোপমমুখং সৌ-ম্যদৃষ্টিমকোপনম্|" যাবত্ "অনিদ্রমপ্রধৃষ্যং চ বিদ্যাদ্দেববশীকৃতম্||" ইত্যাদি| নচৈতে পরমার্থতো হেতবঃ, কিং তর্হি ? প্রজ্ঞাপরাধঃ| তথা চোক্তম্ (হৃ.উ. অ. ৪/৩)-"হেতুস্তদনুষক্তৌ তু সদ্যঃ পূর্বকৃতোঽথবা| প্রজ্ঞাপরাধঃ সুতরাম্" ইতি|

Adhikarana 18 upanayasya lakShaNam (80) · Śloka 80

১৮|৮০|

১৮ উপনযো নাম,-সূত্রহেতুপ্রস্তাবেন যত্রান্যত্প্রকরণমুপনীযতে| যথা-মাত্রাশিতীযে আহারমাত্রালক্ষণপ্রস্তাবে অতিমাত্রভোজননিমিত্তাযা বিসূচিকাযাশ্চিকিত্সা উপনীতা| মাত্রাযাং হি বিভজ্যমানাযামবশ্যমূনাতিমাত্রেঽপি বিভজনীযে তদপেক্ষযা মাত্রাযাঃ সম্যক্ প্রতিপাদনসৌকর্যাত্ তত্প্রস্তাবেন চ বিসূচিকাযাশ্চিকিত্সা|

Adhikarana 19 samBavasya lakShaNam (80) · Śloka 80

১৯|৮০|

১৯ সম্ভবো নাম,-যত্সূত্রং প্রকরণং বা বিধীযমানমর্থস্য ব্যাপকত্বাত্ সকলেন শাস্ত্রেণ ব্যাখ্যাযতে| যথা (হৃ.সূ. অ. ১/৫)-"কাযবালগ্রহোর্ধ্বাঙ্গশল্যদংষ্ট্রাজরাবৃষান্| অষ্টাবঙ্গানি তস্যাহুশ্চিকিত্সা যেষু সংশ্রিতা||" ইতি| এতান্যষ্টাবঙ্গানি সকলেন শাস্ত্রেণোপদিশ্যন্ত ইত্যাচার্যঃ প্রতিজানীতে|

Adhikarana 20 viBavasya lakShaNam (80) · Śloka 80

২০|৮০|

২০ ভঙ্গ্যা....বিভবকল্পনাযা শ্চাস্যাযং বিশেষঃ| অযং ব্যাখ্যাযা বিভবো ভবতি| স তু বিনৈব ব্যাখ্যাযাঃ পঠ্যমান এবেতি|

Adhikarana tAcCIlyAdIni 17 saptadasha (80) · Śloka 80

সপ্তা দশ১|৮০|

সপ্তদশ তাচ্ছীল্যাদী[নী]ত্যুক্তম্| তদ্যথা-১ তাচ্ছীল্যম্, ২ অবযবঃ, ৩ বিকারঃ, ৪ সামীপ্যম্, ৫ ভূযস্ত্বম্, ৬ প্রকারঃ, ৭ গুণিগুণবিভবঃ, ৮ সংসক্ততা, ৯ তদ্ধর্মতা, ১০ স্থানম্, ১১ তাদর্থ্যম্, ১২ সাহচর্যম্, ১৩ কর্ম, ১৪ গুণনিমিত্ততা, ১৫ চেষ্টানিমিত্ততা, ১৬ মূলসংজ্ঞা, ১৭ তাত্স্থ্যম্, ইতি|

Adhikarana 1 tAcCIlyasya lakShaNam (80) · Śloka 80

তত্র ১........১|৮০|

তত্র ১ তাচ্ছীল্যং নাম,-যত্কেনচিদেব ধর্মসাদৃশ্যেন যুক্তো ভাবস্তাচ্ছীল্যমুচ্যতে| যথা (হৃংই. অ. ১৫/১৫)- "সর্বাঙ্গসংশ্রযস্তোদভেদস্ফুরণভঞ্জনম্| স্তম্ভনাক্ষেপণস্বাপসন্ধ্যাকুঞ্চনকম্পনম্|| কুপিতোঽনিলঃ করোতি|" ইত্যন্তে ন চাঙনি স্বপন্তি| কিং তর্হি ? দেবদত্তঃ স্বপিতি| তদ্ধর্মসাদৃশ্যাদঙ্গানি স্বাপশব্দেনোচ্যন্তে| তদ্যথা-"পুরুষঃ সুপ্তো ন কিঞ্চিদ্বেদযতে| ন চেতযতে| তথাঽঙ্গমপি যত্কিঞ্চিন্ন বেদযতে নখতোদাদি| তত্সুপ্তমিব সুপতমিত্যুচ্যতে|" [ইতি|]

Adhikarana 2 avayavasya lakShaNam (80) · Śloka 80

১|৮০|

২ অবযবো নাম,-যত্রৈকদেশোদাহরণে ক্রিযমাণেঽনুক্তোঽন্যোঽপি তজ্জাতীযকোঽর্থো লভ্যতে| যথা (হৃ.চি. অ.১/৩)_"লঙ্ঘনৈঃ ক্ষপিতে দোষে দীপ্তেঽগ্নৌ লাঘবে সতি| স্বাস্থ্যং ক্ষুত্তৃড্রুচিঃ পক্তির্বলমোজশ্চ জাযতে||" ইত্যনেনৈকদেশোদাহরণেন লঙ্ঘনেন দোষক্ষপণেন লাঘবে সতি স্বাস্থ্যাদ্যুত্পত্তিঃ| তত্প্রতিপক্ষেণ ত্বলঙ্ঘনেন দোষক্ষপণে ন জাতে সত্যস্বাস্থ্যাদযোঽনুক্তা অপি লভ্যন্তে|

Adhikarana 3 vikArasya lakShaNam (80) · Śloka 80

৩|৮০|

৩ বিকারো নাম,-বিপরীতক্রিযা| যথা-বিকারসংজ্ঞযা প্রকৃতিরপি লভ্যতে| প্রকৃতিসংজ্ঞযা চ বিকারঃ| তত্র বিকারসংজ্ঞযা চ প্রকৃতির্যথা (হৃ.সূ. অ. ৬/১১৪)-"পুষ্পে পত্রে ফলে নালে কন্দে চ গুরুতা ক্রমাত্|" [ইতি] শাকমধিকৃত্যোক্তম্| অত্র প্রকৃতিঃ পাঠাশূকা(ষা)দীনাং পত্রাদীনি| তানি হি পাকেন বিক্রিযমাণানি চাবস্থান্তরং প্রতিপদ্যমানানি শাকসংজ্ঞাং লভন্তে| তদযং শাস্ত্রকারস্তেষাং বিকারসংজ্ঞাং, যবাদিমণ্ডদিসংজ্ঞাযা যবাদিকং চোক্তবান্|

Adhikarana 5 BUyastvasya lakShaNam (80) · Śloka 80

১|৮০|

৪ [সমীপ্যং নাম,-] ..................৫ ভূযস্ত্বং নাম,-যদেকস্মিন্ বর্তমানমাধিক্যেন ক্বচিল্লভ্যতে| যথা তন্ত্রে (চ.সূ. অ.২৬/৪২)-"অম্লো ভক্তং রোচযতি" ইত্যুক্তম্, ন চ মধুরাদিরপি ন রোচযতীতি| কস্যচিচ্চাম্লবিদ্বেষিণোঽম্লো রসো ভক্তবিদ্বেষমেব কুর্যাত্| তত্র ভূযস্ত্বমাশ্রিত্যেদমুক্তম্-'অম্লো রোচযতি|' কদাচিত্ কস্যচিদ্বা নাসৌ রোচযেন্ন তাবতা তন্ন রোচনম্|

Adhikarana 6 prakArasya lakShaNam (80) · Śloka 80

৬|৮০|

৬ প্রকারো নাম,-যো যস্য সমানদর্মা স তস্য প্রকারঃ| যথা-"কণ্ঠমেরণ্ডনালেন স্পৃশন্ বমেত্|" ইত্যুক্তম্| ন চ তত্প্রকারাণাং সুবর্চলাশতপুষ্পাদিনালানাং ন গ্রহণম্|

Adhikarana 7 guNigaNaviBavasya lakShaNam (80) · Śloka 80

৭|৮০|

৭ গুণিগুণবিভবো নাম,-ক্বচিত্ গুণীনি গুণশব্দেনোক্তানি| যস্মাদাহ (হৃ.শা. অ. ৩/৬০)-"পার্থিবাঃ পার্থিবানেব" ইতি| ন হি পার্থিবা গুণাঃ সন্তি কেচিত্, যে পঠ্যেরন্| গুণশ্চ গুণিবদ্যথা (হৃ.উ. অ. ৩৯/২৩)-"মেধাস্মৃতিবলোপেতা বভূবুরমিতাযুষঃ|" ইতি| অত্রাযুর্গুণোপেতমমিতত্বম্| নাযুষঃ পরিমাণগুণ আযুর্গুণেনৈব শক্যঃ|

Adhikarana 8 saMsaktatAyAH lakShaNam (80) · Śloka 80

৮|৮০|

৮ সংসক্ততা নাম,-যদেকস্য বহুভিঃ সম্বন্ধঃ| যথাবিদ্যমানেষ্বপি তত্রান্যেষু সম্বন্ধেষু তস্যৈব ব্যপদেশঃ ক্রিযতে| যথা-মধুরস্কন্ধনির্দেশেন মাক্ষিকাদযো গুণিতাঃ কষাযাদিরসোপেতো অপি মধুরপ্রাযত্বান্মধুরসংসক্ততযা|

Adhikarana 9 taddharmatAyAH lakShaNam (80) · Śloka 80

৯|৮০|

৯ তদ্ধর্মতা নাম,-যেন তথাভূতং সত্তদ্ধর্মতামাসাদ্য দর্শনাত্তামেবাখ্যাং লভতে| যথা (হৃ.উ. অ. ৪০/৭৬)-"বিবর্জযেদ্ভিষক্পাশান্ পাশান্ বৈবস্বতানিব|" ইতি| মারণধর্মো হি বৈবস্বতপাশেন সমানো দৃষ্ট ইত্যতস্তেঽপি তথৈবোক্তাঃ|

Adhikarana 10 sthAnasya lakShaNam (80) · Śloka 80

১০|৮০|

১০ স্থানং নাম,-যত্র স্থানিনা স্থানং স্থানেন বা স্থানী ব্যপদিশ্যতে| তত্র স্থানিনা স্থানং যথা-কর্ণনাদঃ শ্রোত্ররোগ ইত্যুক্তঃ| ন চ শ্রোত্রেন্দ্রিযস্যাস্তিনাদঃ, কিং তর্হি ? তদধিষ্ঠানস্য কর্ণস্য| তস্মাদযং শ্রোত্রেণ স্থানিনা কর্ণমধিষ্ঠানমুক্তবান্| স্থানেন স্থানী যথা-জিহ্বা রসং গৃহ্ণাতি| তত্র ন জিহ্বা রসং গৃহ্ণাতি, কিং তর্হি ? রসনা|

Adhikarana 11 tAdarthyasya lakShaNam (80) · Śloka 80

১১|৮০|

১১ তাদর্থ্যং নাম,-যত্প্রযোজনার্থং প্রবর্ততে যো ভাবস্তেনৈব ব্যপদিশ্যতে| যথা (হৃ.সূ. অ. ১৫/১)-"মদনমধুকলম্বা" ইত্যাদীনি ছর্দনানি,-ছর্দনপ্রযোজনানীত্যর্থঃ|

Adhikarana 12 sAhacaryasya lakShaNam (80) · Śloka 80

১২|৮০|

১২ সাহচর্যং নাম,-যো যেন নিত্যং সম্বন্ধ উপলভ্যতে, স তস্মাত্ সম্বন্ধাত্তমেব সম্বন্ধিশব্দং লভতে| তথা-'মথ্যমানাদ্ ধূমং দৃষ্ট্বা জ্বলদ্ভাসুরং বহ্নিদ্রব্যমবশ্যমভ্যুত্থিতো বহ্নিরিত্যেব|

Adhikarana 13 karmaNaH lakShaNam (80) · Śloka 80

১৩|৮০|

১৩ কর্ম নাম,-যত্র কর্মকর্মেতি চোপচর্যতে| যথোচ্যতে "মুনযঃ প্রশমং জগ্মুঃ|" ন চাগ্রামস্থানীযঃ কশ্চিত্প্রশমোঽস্তি| কিং তর্হি ? ইন্দ্রিযাণাং বিষযেভ্যঃ কেবলং শক্তিনিযমঃ প্রশমঃ| অথ চ গতিঃ-কর্মবিষযেভ্যস্তিবন্দ্রিযাণাং ক্রিযানিবৃত্তিঃ| তদেব চ কর্মেত্যুক্তম্|

Adhikarana 14 guNanimittasya lakShaNam (80) · Śloka 80

১৪||৮০||

১৪ গুণনিমিত্তং নাম,-যত্কস্য বিভূতিঃ প্রশংসাদিকা খ্যাপ্যতে| "ধর্ম্যং যশস্যমাযুষ্যং লোকদ্বপরাযণম্| অনুমোদামহে ব্রহ্মচর্যমেকান্তিনির্মলম্||" (হৃ.উ. অ. ৪০/৪) ইতি ব্রহ্মচর্যস্য প্রশংসাবিভূতিঃ খ্যাপ্যতে| ব্রহ্মচর্যস্য হীমে গুণাঃ, নাব্রহ্মচর্যস্যেতি|

Adhikarana 15 ceShTanimittasya lakShaNam (15) · Śloka 15

||১৫||

১৫ চেষ্টানিমিত্তং নাম,-যস্মিন্নামমাত্রং কস্যচিত্ ক্রিযযা ভবতি ভাবস্য| নাত্র প্রস্পন্দক্রিযেষ্টা| যথা-"দীপবদস্য জ্ঞানং জ্বলতি|" ইত্যুচ্যতে| ন চ জ্ঞানস্য প্রদীপস্যেবার্চীংষি সন্তি ঊর্ধ্বগামীনি, দীপবদ্বা সন্নিকৃষ্টানি দ্রব্যান্তরাণি দহন্তি| রূপং বা স্পর্শং বা তৈলাদিকোপাদানম্| কিন্তু প্রকাশক্রিযামাত্রং পরিগৃহ্য জ্বলতীতি প্রশংসাকর্মণি ক্রোধভযশোকলোভহর্ষের্ষ্যামোহাদিভিরুপহতং বিজ্ঞানং মলোপহতদর্পণবদপ্রকাশবৃত্তি ভবেত্|

Adhikarana 16 mUlasaMj~jAyAH lakShaNam (80) · Śloka 80

১৬|৮০|

১৬ মূলসংজ্ঞা নাম,-যা লোকেঽন্যস্মিন্নর্থে প্রসিদ্ধা তন্ত্রে চান্যস্মিন্ [অর্থে] নিবেশিতা| যথা (হৃংই. অ. ১/২)-"নিদানং পূর্বরূপাণি রূপাণ্যুপশযস্তথা| সম্প্রাপ্তিশ্চ" ইতি| রূপং চ লোকে নীলপীতলোহিতাদি প্রসিদ্ধম্, স্বশাস্ত্রে সংজ্ঞযা তু রূপং-লিঙ্গং লক্ষণমিতি|

Adhikarana 17 tAtsthyasya lakShaNam (80) · Śloka 80

১৭|৮০|

১৭ তাত্স্থ্যং নাম,-যদন্যস্যৈবার্থস্য তত্স্থত্বাদন্যস্যৈব কল্প্যতে| তদ্যথা (হৃ. নি. অ.১০/২৩)-"বস্তিমেহনযোঃ শূলম্" ইতি| তত্র পুংসংস্থেন কারণেন বস্তিমেহনযোরিতি কল্প্যতে| চৈতন্যাভাবে বস্তিমেহনযোঃ সতোরপি শূলাভাবাত্ তত্প্রদেশস্থি তত্বাত্তযোরিত্যুচর্যতে|

Adhikarana tantradoShAH 15 pa~jcadasha (80) · Śloka 80

তথ১|৮০|

তথা তন্ত্রদোষৈঃ পঞ্চদশভিরপ্রসিদ্ধশব্দাদিভির্বর্জিতম্| [ তদ্যথা-]১ অপ্রসিদ্ধশব্দম্, ২ দুঃপ্রণীতম্, ৩ অসঙ্গতার্থম্, ৪ অসুখারোহি, ৫ বিরুদ্ধম্, ৬ অতিবিস্তৃতম্, ৭ অতিসংক্ষিপ্তম্, ৮ অপ্রযোজনম্, ৯ ভিন্নক্রমম্, ১০ সংদিগ্ধম্, ১১ পুনরুক্তম্, ১২ নিঃপ্রমাণকম্, ১৩ অসমাপ্তার্থম্, ১৪ অপা(ন)র্থকম্, ১৫ ব্যাহতম্, [ইতি]|

Adhikarana 1 aprasiddhAshabdasya lakShaNam (80) · Śloka 80

তত্র১|৮০|

তত্র ১ অপ্রসিদ্ধশব্দম্ নাম,-যল্লোকে নাতীব প্রসিদ্ধম্| যথা-"উদক্যাগমনলক্ষণমসুখানাম্|" ইতি| যথা বা "আধারস্যাসিপাণিধারেষ্বকুশলযোগতা|" ইতি| অস্যার্থঃ,-অকুনাম বৃক্ষঃ তস্য শলমিতি|

Adhikarana 2 duHpraNItasya lakShaNam (80) · Śloka 80

১|৮০|

২ দুঃপ্রণীতং নাম,- সূত্রভাষ্যপ্রযোজনরহিতম্|

Adhikarana 3 asa~ggatAthaMsya lakShaNam (80) · Śloka 80

৩|৮০|

৩ অসঙ্গতার্থং নাম,- যত্সূত্রেণাসম্বদ্ধম্|

Adhikarana 4 asukhArohipadasya lakShaNam (80) · Śloka 80

৪||৮০||

৪ অসুখারোহি পদং নাম,-যত্পদসন্নিবেশস্য বিষমতযা দুঃখেনোচ্চার্যতে, চর্করীতাদিপ্রাযম্| যথা-"ধাতর্যরিপ্রদম্|" ইতি|

Adhikarana 5 viruddhasya lakShaNam (5) · Śloka 5

৫||৫||

৫ বিরুদ্ধং নাম,-যদ্ দৃষ্টান্তসিদ্ধান্তসমযৈর্বিরুদ্ধম্| যথা কশ্চিদ্বদেন্নিত্যঃ পুরুষোঽকৃতকত্বাদিতি হেতুঃ, ঘট ইতি দৃষ্টান্তবিরুদ্ধম্| তথা-মধুরাম্ললবণাঃ কফং শমযন্তি, কটুতিক্তকষাযা বাতং জযন্তি, ইতি বৈদ্যকসিদ্ধান্তবিরুদ্ধ মেতত্| সমযবিরুদ্ধং নাম,-যথা-যঃ সমযঃ পূর্বাচার্যৈস্তত্ত্বদর্শিভিঃ কৃতস্তং ব্যুত্ক্রম্যাগচ্ছতি| যথা-"ন লোষ্টং বিমৃদ্গীযাত্, ন তৃণং ছিন্দ্যাত্," ইতি| এতত্ তত্ত্বদর্শিভিরুক্তত্বাল্লোষ্টমর্দনাদি ন ক্রিযতে| ন তু হেতুরত্রাস্তি|

Adhikarana 6 ativistRutasya lakShaNam (6-80) · Śloka

৬ অতিবিস্তৃতং নাম,-যথা-মধুরাদিস্কন্ধং ব্রুবন্ যাবন্তি মধুরাণি জগতি সন্তি মধুরপ্রাযাণি মধুরপ্রভবাণি তান্যশেষাণি যদ্যভিদধাতি, তদাঽতিবিস্তৃতত্বং স্যাত্|

Adhikarana 7 atisaMkShitpasya lakShaNam · Śloka

৭ অতিসংক্ষিপ্তং নাম,-যথা-যোগশতকপ্রাযম্| যথা বা-হেতুলিঙ্গৌষধোদ্দেশ এব ক্রিযতে, ন তু তদববোধকবাক্যানামিতি শেষঃ|

Adhikarana 8 aprayojanasya lakShaNam (8-80) · Śloka

৮ অপ্রযোজনং নাম,-যথা (হৃ.সূ. অ. ২/৪৮)-"ইত্যাচারঃ সমাসেন" ইত্যেতাবদ্যদি বদেত্, ন তু ব্রূযাত্ "যং প্রাপ্নোতি সমাচরন্| আযুরারোগ্যমৈশ্বর্যম্" ইত্যাদি, তদা ন কশ্চিদনুতিষ্ঠেদিতি|

Adhikarana 9 Binnakramasya lakShaNam (80) · Śloka 80

৯|৮০|

৯ ভিন্নক্রমং নাম,-পূর্বং যেনানুক্রমেণোক্তং ন তেনৈব নির্দিশ্যতে প্রযোজনান্তরাসম্ভবেঽপি| যথা-বাতপিত্তকফানুদ্দিশ্য "তত্র রূক্ষো লঘুঃ (হৃ.সূ. অ.১/১১) ইত্যাদৌ বাতগুণনির্দেশমকৃত্বৈব পিত্তস্য বিদধীত| এবং ক্রমো ভিন্নো ভবেত্

Adhikarana 10 saMdigdhasya lakShaNam (80) · Śloka 80

১০|৮০|

১০ সংদিগ্ধং নাম,-যথা-'কিমকালমৃত্যুরস্তি উতনাস্তি ?" ইত্যুভযত্র হেত্বাভাসপরিগ্রহাত্ সংশযঃ|

Adhikarana 11 punaruktasya lakShaNam (80) · Śloka 80

১১|৮০|

১১ পুনরুক্তং নাম,-যোঽর্থ উক্তোঽপি পুনরুচ্যতে|

Adhikarana 12 niHpramANasya lakShaNam (80) · Śloka 80

১২|৮০|

১২ নিঃপ্রমাণং নাম,-যথা (হৃ.চি. অ. ১/৪৬)-"পাক্যং শীতকষাযং বা মুস্তাপর্পটকম্" ইতি| .........

Adhikarana 13 asamAptArthasya lakShaNam (80) · Śloka 80

১৩|৮০|

১৩ [অসমাপ্তার্থং নাম,-]............অত্র তাবদুচ্যতে| পরতোঽপি চেদিত্যেতত্ততঃ সমাপ্তার্থত্বান্ন জ্ঞাযতে কিমনেন কার্যমিতি|

Adhikarana 14 anarthakasya lakShaNam (1) · Śloka 80

১|৮০|

১৪ অনর্থকং নাম,-যদন্যার্থেনাপি পদেনাপগতাভিধেযম্||১|

Adhikarana 15 vyAhatasya lakShaNam (80) · Śloka 80

১৫||৮০||

১৫ ব্যাহতং নাম,-যথা-পূর্বযা বাক্যযুক্ত্যাঽপরা ব্যাহন্যতে, অপরযা পূর্বা বা| যথা-"অনাস্থাপ্যা মেহিনঃ" (হৃ.সূ. অ. ১৯/৪) ইত্যুক্ত্বা পুনরাস্থাপনমনুজজ্ঞে| মুস্তাদের্নির্যূহে পপাঠ (হৃ.ক. অ. ৪/৪০)-"বাতাসৃক্শোফমেহার্শোগুল্মবিণ্মূত্রসঙ্গ্রহম্|" ইত্যাদি| তদত্র বিধিপ্রতিষেধযোঃ পরস্পরবিরোধাদ্ব্যাহতত্বম্| অত্র সমাধানার্থং বিপুলমতয এবমভিদধুঃ,-প্রমেহিণমাস্থাপ্যনিষেধাদ্বস্তিকল্পে পুনরনুজ্ঞানাত্ তন্ত্রকৃতোঽভিপ্রাযবিশেষ ঈদৃগনুমীযতে,-মেহিনো বাতস্য প্রবলত্বেন বস্তিমন্তরেণ নান্যস্তথাবিধ উপক্রমোঽতি, তস্মাত্তস্যাবস্থাতুরবশাদ্যোজ্যো বস্তিঃ| যদাঽঽর্তমেহিনো দৃশ্যতে পবনস্যাল্পত্বে(ত্বং), তদোপক্রমান্তরেণৈব চিকিত্সিতুং শক্য ইতি, তদা বস্তির্ন যোজ্য ইতি প্রতিপাদযিতুমেবংবিধো বিন্যাসঃ কৃতঃ| ইতি-পূর্বোক্তৈঃ, তন্ত্রগুণৈঃ-তন্ত্রযুক্ত্যাখ্যৈর্যুক্তম্, তন্ত্রদোষৈঃ-অপ্রসিদ্ধশব্দাদিভির্বর্জিতম্, অল্পসমুদ্যমানাং-স্তোকব্যাযামানাং, প্রীত্যর্থং পৃথগেবেদং তন্ত্রমুক্তম্| কিম্ভূতম্ ? চিকিত্সাশাস্ত্রম্,-শতসহস্রং ব্রহ্মপ্রোক্তমগ্নিবেশাদিপ্রণিতং বা, ব্যাপ্য পরিতঃ-সমন্তাত্, স্থিতম্| ন চৈতত্ স্বমনীষানিরূপিতমিত্যাহ-বিপুলেত্যাদি| বিপুলং-বিস্তীর্ণং সমস্তবস্তুবিষযং, অমলং নির্মলমবিপর্যস্তং, বিজানং যেষাং মহামুনীনাং-আত্রেযাদীনাং, ত এবম্| তে চ তে বিপুলামলবিজ্ঞানমহামুনযশ্চ| তেষাং মতং অভিপ্রাযঃ, তদনু গচ্ছতি-অনুবর্ততে, যত্তত্ বিপুলামলবিজ্ঞানমহামুনিমতানুগম্| ননু, সঙ্গ্রহেণৈব মহামুনিতং সঙ্গৃহীতম্| তত্কিমনেন ? ইত্যাহ-মহাসাগর ইব গম্ভীরো যঃ সঙ্গ্রহাখ্যস্তস্যোপলক্ষণং-উপায[ন]ভূতমেতত্| তস্মাত্ পৃথগেতত্ তন্ত্রমুদিতম্| অষ্টাবঙ্গানি যস্য তদেবম্, অষ্টাঙ্গং চ তদ্বৈদ্যকং চ, তদেব মহোদধিরষ্টাঙ্গবৈদ্যকমহোদধিঃ, তস্য মন্থনমিব মন্থনং-পাঠশ্রবণচিন্তনাদিভির্বিক্ষোভণাত্, তেন করণভূতেন| যোঽষ্টাঙ্গসঙ্গ্রহ এব মহানমৃতরাশিরাপ্তঃ| তস্মাত্-অষ্টাঙ্গসঙ্গ্রহমহামৃতরাশেঃ সকাশাত্, পৃথগেতত্তন্ত্রমুদিতম্| কীদৃশম্ ? অনল্পং ফলং-আযুরারোগ্যৈশ্বর্যসুখাদিকং যস্য তদেবং, মহাফলমিত্যর্থঃ| তদযং ভাবঃ,-তন্ত্রস্যাস্যাল্পত্বাত্ পাঠাদিষু স্বল্প এবাযাসো ভবতি মহচ্চ ফলং যতঃ স্যাত্, ততোঽযমাদরণীয ইত্যর্থঃ| বসন্ততিলকং বৃত্তম্|

Adhikarana idaM tantraM mantravatsaM prayoktavyam (81) · Śloka 81

ইদমাগমসিদ্ধত্বাত্প্রত্যক্ষফলদর্শনাত্| মন্ত্রবত্সংপ্রযোক্তব্যং ন মীমাংস্যং কথঞ্চন||৮১||

সং-ইদং-অনন্তরাভিহিতং তন্ত্রং, মন্ত্রবদাচরিতং সংপ্রযোক্তব্যম্| ন কথঞ্চিদপি মীমাংস্যম্,-কিমিদং স্যাদ্বা নবেতি সংশযো ন কার্য ইত্যর্থঃ| কস্মাত্ ? সুবিশুদ্ধজ্ঞানেভ্যো মহামুনিভ্য আগমেন শুদ্ধত্বাত্, তথা প্রত্যক্ষফলস্য-জ্বরচিকিত্সাদিকস্য, দর্শনাত্|

Adhikarana kathattantrasya pAThAvabodhAnuShThAne Palam (82) · Śloka 82

দীর্ঘজীবিতমারোগ্যং ধর্মমর্থং সুখং যশঃ| পাঠাববোধানুষ্ঠানৈরধিগচ্ছত্যতো ধ্রুবম্||৮২||

সং-অতঃ-অষ্টাঙ্গহৃদযাখ্যাত্তন্ত্রাত্, পাঠাববোধানুষ্ঠানৈঃ-রোগচিকিত্সালক্ষণেন, ধ্রুবং-অবশ্যং, দীর্ঘজীবিতাদীন্ প্রাপ্নোতি| ন চ তানেব প্রাপ্নোতি| কিং তর্হি ? পরমপীত্যাহ-

Adhikarana etattantrapaThanasya Palam (83) · Śloka 83

এতত্পঠন্ সঙ্গ্রহবোধশক্তঃ স্বভ্যস্তকর্মা ভিষগপ্রকম্প্যঃ| আকম্পযত্যন্যবিশালতন্ত্র- কৃতাভিযোগান্ যদি তন্ন চিত্রম্||৮৩||

সং-এতত্-অনন্তরোক্তমষ্টাঙ্গহৃদযাখ্যং তন্ত্রং, অধীযানঃ(পঠন্)-কণ্ঠে দধত্, সঙ্গ্রহবোধশক্তঃ-এতদ্গ্রন্থার্থবিশেষ-শেষবস্ত্বববোধার্থম্| তস্মাত্ স্বভ্যস্তকর্মা অত এব পাঠাববোধঃ| স্বভ্যস্তকর্মা-তস্য গুণশতযোগাদষ্টাঙ্গহৃদযস্য ব্যাখ্যানামন্যেষাং ভেষজকর্মজেন সত্স্বভ্যস্তকর্মণা চিকিত্সকঃ, অক্ষোভ্যঃ সন্, অন্যেষু-চরকাদিষু, বিশালতন্ত্রেষু বিহিতাভিযোগান্ বৈদ্যান্ যদি কম্পযতি-ক্ষোভযতি, তন্নাশ্চর্যম্| উপজাতির্বৃতম্| যথা চাকম্পযন্তেঽপরে ভিষজস্তথা দর্শযন্নাহ-

Adhikarana carakAdyekaikaragranthAByAse na samyakj~jAnam (84) · Śloka 84

যদি চরকমধীতে তদ্ ধ্রুবং সুশ্রুতাদি- প্রণিগদিতগদানাং নামমাত্রেঽপি বাহ্যঃ| অথ চরকবিহীনঃ প্রক্রিযাযামখিন্নঃ কিমিব খলু করোতু ব্যাধিতানাং বরাকঃ||৮৪||

সং-যদি কেবলং চরকং পঠতি ততস্তস্মাত্ সুশ্রুতাদিপ্রণিগদিতানাং-বর্ত্মসন্ধিসিতাদিজানাং রোগাণাং, ধ্রুবং সংজ্ঞামাত্রাববোধেঽপি বাহ্যঃ| কিন্তু হেতুলক্ষণোপক্রমেণানভিজ্ঞ ইত্যপিশব্দার্থঃ| অথ চরকবিহীনঃ কেবলং সুশ্রুতপাঠসাধ্যপ্রক্রিযাযাং দোষদূষ্যকালবলশরীরসত্ত্বসাত্ম্যাদিলক্ষণাযাং, অখিন্নঃ সন্ ব্যাধিতানাং-কাসশ্বাসাদ্যভিভূতানাং, কিমিব বরাকঃ-অল্পধীঃ, বিদধাতু ? ন কিঞ্চিদ্বিদধাতুং শক্ত ইত্যর্থঃ| ইহ তু চরকোক্তপ্রক্রিযাযাঃ প্রতিপাদনাত্ সুশ্রুতোক্তামযাভিধানাচ্চ তদধ্যেতা রোগচিকিত্সাযাং প্রবর্তমানো রোগশান্তি ধ্রুবং বিদধাত্যেব| মালিনীবৃত্তম্|

Adhikarana yadyaBiniveshastArhi AdyaM vaidyakaM paThatu (85) · Śloka 85

অথৈব মন্যসে যদ্যপি তত্র তন্ত্রমেতদ্গুণম্, তথাঽপ্যার্ষতন্ত্রাধ্যযনে সমাধানাতিশয ইতি| তত ইদমাহ অভিনিবেশবশাদভিযুজ্যতে সুভণিতেঽপি ন যো দৃঢমূঢকঃ| পঠতু যত্নপরঃ পুরুষাযুষং স খলু বৈদ্যকমাদ্যমনির্বিদঃ||৮৫||

সং-অভিনিবেশো-বস্তুপক্ষপাতঃ, তস্য বশঃ-সামর্থ্যং, তস্মাত্| অন্যত্র গুণদোষাবভিযোক্তা শোভনোক্তেঽপি তন্ত্রে যোনাভিযুজ্যতে-ঋষিপ্রণীতে প্রীতিং করোতি, স নর আদৌ ভবমাদ্যং,-প্রথমপ্রণীতং ব্রহ্মোক্তং শতসাহস্রং, বৈদ্যকং যত্নপরস্তথা অনির্বেদঃ সন্ পুরুষাযুষং-বর্ষশতং, পঠতু| কিলাস্মিন্ কালে হীযমানবুদ্ধিমেধাজীবিতস্য পুরুষস্য শ্রবণচিন্তনাববোধানুষ্ঠানানি সুদূরোত্সারিতান্যেবেত্যর্থঃ| পুরুষাযুষমিত্যচতুরাদিসূত্রে নিপাতিতম্| [ দ্রুতবিলম্বিতং বৃত্তম্| ]

Adhikarana aBidhAtRuvashAd kiM dravyashaktirvishiShyate? (86) · Śloka 86

অথৈবং মন্যসে বক্তৃত্ববিশেষাদবশ্যমেবার্থাতিশযো ভবতি| তস্মাদাদ্যেষু সুকৃতেষ্বেবাভিযোগো যুক্তো, ন ত্বিদানীন্তনকবিকৃতেষ্বিতি, তদেতন্ন বাচ্যম্| কুতঃ ? ইত্যাহ বাতে পিত্তে শ্লেষ্মশান্তৌ চ পথ্যং তৈলং সর্পির্মাক্ষিকং চ ক্রমেণ| এতদ্ ব্রহ্মা ভাষতাং ব্রহজো বা কা নির্মন্ত্রে বক্তৃভেদোক্তিশক্তিঃ||৮৬||

সং-বাতে তৈলং পথ্যং, পিত্তে ঘৃতং পথ্যং, শ্লেষ্মাক্ষিকং পথ্যং, যথাক্রমম্| ইত্যেবং ভগবান্ ব্রহ্মা ভাষতাম্, ব্রহ্মজো বা-সনত্কুমারাদিঃ, ভাণতু| নির্মন্ত্রে-অশব্দস্বভাবে তৈলাদিকে স্বাকরত উত্পন্নে, বাতাদিশমনশক্তের্বক্তৃবিশেষোক্ত্যা শক্তির্ন কাচিদিত্যর্থঃ| শালিনীবৃত্তম্|

Adhikarana ato mAdhyasthyamavalambyatAm (87) · Śloka 87

তদেবোপসংহরন্ স্পষ্টযতি অভিধাতৃবশাত্ কিং বা দ্রব্যশক্তির্বিশিষ্যতে| অতো মত্সরমুত্সৃজ্য মাধ্যস্থ্যমবলম্ব্যতাম্||৮৭||

স০-বক্তৃবশাত্ কিং তৈলাদের্দ্রব্যস্য শক্তির্বিশিষ্যতে ? অপি তু ন কশ্চিদেব বিশেষ উত্পদ্যতে| যতঃ স্বভাবহেতুভ্য এব এতচ্ছক্তিযুক্তাশ্চোত্পন্নাঃ| অতো-বিধাতৃশাদ্ দ্রব্যশক্তিবিশেষলক্ষণাদ্ধেতোঃ, মত্সরমুত্সৃজ্য-বিদ্বেষং বিহায, মাধ্যস্থ্যমাশ্রীযতাম্| মধ্যস্থো হি পুরুষঃ কালবুধ্দ্যাদ্যনুরূপমিদমেব শাস্ত্রমুপকারকং মম, ন ত্বতোঽপরং শাস্ত্রমুপকারকং বুদ্ধ্যা পরামর্শ্যাধ্যেষ্যতে, ন ত্বজ্ঞানাভিনিবেশাগ্রহমেতীত্যর্থঃ|

Adhikarana RuShipraNIte prItiScet BeDAdyAH kiMna paThacante? tasmAtsuBAShitaM grAhrAm (88) · Śloka 88

ননু, কিমস্মাকমুপকারকত্বাদিদ্বারেণ ঋষিপ্রণীতমেব তন্ত্রমনুরাগবশাদধ্যেষ্যম্ ? ইত্যাশঙ্ক্যাহ ঋষিপ্রণীতে প্রীতিশ্চেন্মুক্ত্বা চরকসুশ্রুতৌ| ভেডাদ্যাঃ কিং ন পঠ্যন্তে তস্মাদ্গ্রাহ্যং সুভাষিতম্||৮৮||

স০-যদি ঋষিপ্রণীতে প্রীতিস্ততশ্চরকসুশ্রুতাখ্যৌ হিত্বা ভেডজাতূকর্ণ্যাদিমুনিপ্রণীতানি শাস্ত্রাণি কিমিতি ন পঠ্যন্তে সর্বেণৈব বৈদ্যবৃন্দেন| অপি তু সুভাষিতপ্রিযতযা চরকসুশ্রুতৌ বাহুল্যেন যথা পঠ্যেতে, ন তথা ভেডাদযঃ| তস্মাত্স্থিতমেতত্ সুভাষিতং গ্রাহ্যম্, ন তু মুনিপ্রণীতমেব তন্ত্রম্| অতশ্চরকসুশ্রুতবদনার্ষমপীদং গুণবত্ত্বান্মতিমদ্ভির্গ্রাহ্যমেব|

Adhikarana sarvAyurvedasArabhUtametat hRudayaM kRutvA yacchubhaM prAptaM tena jagataH shubhamastu (89-40) · Śloka 40

হৃদয হৃদযমেতত্সর্বাযুর্বেদবাঙ্মযপযোধেঃ| কৃত্বা যচ্ছুভমাপ্তং শুভমস্তু পরং ততো জগতঃ||৮৯|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে বাজীকরণবিধির্নাম চত্বা- রিংশোঽধ্যাযঃ||৪০||

সং-এতত্-হৃদযাখ্যং তন্ত্রং, হৃদযমিব| কস্য ? সর্বাযুর্বেদবাঙ্মযপযোধেঃ| যথা হৃদযং শরীরস্যৈকদেশমপি দশভির্মূলসিরাভিঃ সকলং কাযং ব্যাপ্নোতি, তথেদমপি ষড্ভিঃ স্থানৈঃ সকলমষ্টাঙ্গাযুর্বেদবাঙ্মযং ব্যাপ্য স্থিতমিতি সাধর্ম্যাত্| তদেবমীদৃশং হৃদযং কৃত্বা-বিধায, যত্কল্যাণং পরং-শ্রেষ্ঠং, প্রাপ্তং [ ততঃ- ] তস্মাচ্ছুভাত্, জগতঃ-ভুবনস্য, মঙ্গলং ভবত্বিতি| আর্যা| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে বাজীকরণ- বিধির্নাম চত্বারিংশোঽধ্যাযঃ সমাপ্তঃ|| ৪০|| ইতি বাজীকরণমষ্টমমঙ্গং সমাপ্তং|