8. vartmarōgavijñānīyādhyāyaḥ

Adhikarana vartmarogavij~jAnIyAdhyAyaH||8|| (2-3) · Śloka 3

প্রাধান্যাত্ পূর্বমুপন্যাস ইত্যাহ অথাতো বর্ত্মরোগবিজ্ঞানীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| )|৩|

অপস্মারাদনন্তরং শালাক্যমুপক্রম্যতে| যথৈব হৃদযাখ্যমহামর্মাশ্রিতৈরপস্মারো জন্যতে তথৈব মুর্ধাখ্যমহামর্মাশ্রিতৈরূর্ধ্বজত্রূত্থা রোগা জন্যন্তে| তেষামপি চ মধ্যে চক্ষূরোগাণাং স০-বর্ত্মনি রোগা বর্ত্মরোগাঃ,-কৃচ্ছ্রোন্মীলাদযঃ, তেষাং বিজ্ঞানং-বোধঃ, স বিদ্যতে যস্মিন্নিতি ছঃ, তস্য পূর্ববল্লুক্|

Adhikarana nayanarogANAM samprAptiH (1-3) · Śloka 3

সর্বরোগনিদানোক্তৈরহিতৈঃ কুপিতা মলাঃ| অচক্ষুষ্যৈর্বিশেষেণ প্রাযঃ পিত্তানুসারিণঃ||১|| শিরাভিরূর্ধ্বং প্রসৃতা নেত্রাবযবমাশ্রিতাঃ| বর্ত্ম সন্ধিং সিতং কৃষ্ণং দৃষ্টিং বা সর্বমক্ষি বা||২|| রোগান্ কুর্যুঃ| |৩|

স০-সর্বরোগনিদানে উক্তানি-অভিহিতানি যথাযোগং তিক্তোষণাদীনি, তৈরাহারবিহারৈঃ প্রকুপিত মলা রোগান্ কুর্যুঃ| বিশেষাদচক্ষুষ্যৈরাহারবিহারৈঃ কুপিতা মলাঃ প্রাযো-বাহুল্যেন, পিত্তানুসারিণস্তথা শিরাদিভিঃ করণভূতাভিরূর্ধ্বং জত্রুণঃ প্রসৃতাস্তথা নেত্রস্য সম্বন্ধিনমবযবং-বক্ষ্যমাণং বর্ত্মাদিকং, আশ্রিতাঃ| বর্ত্মেত্যাদি| বাশব্দঃ প্রত্যেকং যুজ্যতে, বর্ত্ম বা সন্ধিং বা সিতং বাঽসিতং বা দৃষ্টিং বা সকলং লোচনমাশ্রিতাঃ| ইতি সামান্যেন নযনরোগাণাং সম্প্রাপ্তিঃ|

Adhikarana 1 kRucchronmIlasya lakShaNam (3-4) · Śloka 4

চলস্তত্র প্রাপ্য বর্ত্মাশ্রযাঃ সিরাঃ| সুপ্তোত্থিতস্য কুরুতে বর্ত্মস্তম্ভং সবেদনম্||৩|| পাংশুপূর্ণাভনেত্রত্বং কৃচ্ছ্রোন্মীলনমশ্রু চ| বিমর্দনাত্ স্যাচ্চ শমঃ কৃচ্ছ্রোন্মীলং বদন্তি তত্||৪||

স০-তত্র-তেষু বর্ত্মাদ্যাশ্রিতেষু মধ্যে, বর্ত্মাশ্রযাঃ সিরা বাযুঃ প্রাপ্য সুপ্তোত্থিতস্য নরস্য বর্ত্মস্তম্ভং কুরুতে, রুজযা সহ| তথা পংশুপূর্ণাভনযনত্বং কৃচ্ছ্রেণোন্মীলনমশ্রু চ কুরুতে| বিমর্দনাত্-মলনাচ্চ, শমঃ স্যাত্| তং-ঈদৃক্স্বরূপং, কৃচ্ছ্রোন্মীলাখ্যং নেত্রেরোগং বদন্তি|

Adhikarana 2 nimeShasya lakShaNam (5) · Śloka 5

চালযন্ বর্ত্মনী বাযুর্নিমেষোন্মেষণং মুহুঃ| করোত্যরুঙ্ নিমেষোঽসৌ|৫|

স০-বাযুর্বত্মনী চালযন্ নিমেষোন্মেষণং পীডারহিতং পুনঃ পুনঃ করোতি| অসৌ নিমেষাখ্যো রোগো জ্ঞেযঃ|

Adhikarana 3 vAtahatasya lakShaNam (5-6) · Śloka 6

| বর্ত্ম যত্তু নিমীল্যতে||৫|| বিমুক্তসন্ধি নিশ্চেষ্টং হীনং বাতহতং হি তত্| |৬|

স০-যত্পুনর্বর্ত্ম বিমুক্তসন্ধি তথা নিশ্চেষ্টং হীনম্ চ নিমীল্যতে তং বাতহতাখ্যং রোগং বদন্তি, 'মুনযঃ' ইতি শেষঃ|

Adhikarana 4 kumbhipiTikAyAH lakShaNam (6-7) · Śloka 7

| কৃষ্ণাঃ পিত্তেন বহ্ব্যোঽন্তর্বর্ত্ম কুম্ভীকবীজবত্||৬|| আধ্মাযন্তে পুনর্ভিন্নাঃ পিটিকাঃ কুম্ভিসংজ্ঞিতাঃ| |৭|

স০-পিত্তেন কৃষ্ণবর্ণাঃ পিটিকা বহ্ব্যো বর্ত্মনোর্মধ্যে কুম্ভীকবীজতুল্যাস্তথা ভিন্নাঃ সত্যঃ পুনরধ্মাযন্তে, তাঃ কুম্ভীসংজ্ঞাঃ|

Adhikarana 5 pittotkliShTasya lakShaNam (7-8) · Śloka 8

| সদাহক্লেদনিস্তোদং রক্তাভং স্পর্শনাক্ষমম্||৭|| পিত্তেন জাযতে বর্ত্ম পিত্তোত্ক্লিষ্টমুশন্তি তত্| |৮|

স০-পিত্তেন সদাহক্লেদনিস্তোদং তথা রক্তাকারং স্পর্শনাক্ষমং বর্ত্ম জাযতে, তত্ পিত্তোত্ক্লিষ্টমুশন্তি-কথযন্তি|

Adhikarana 6 pakShmashAtasya lakShaNam (8-9) · Śloka 9

| করোতি কণ্ডূং দাহং চ পিত্তং পক্ষ্মান্তমাস্থিতম্||৮|| পক্ষ্মণাং শাতনং চানু পক্ষ্মশাতং বদন্তি তম্| |৯|

স০-পিত্তং পক্ষ্মান্তমাস্থিতং কণ্ডূম্ দাহং চ করোতি| অনুপশ্চাত্, পক্ষ্মাণাং শাতং করোতি| তং পক্ষ্মশাতং বর্ণযন্তি|

Adhikarana 7 pothakyAH lakShaNam (9-10) · Śloka 10

| পোথক্যঃ পিটিকাঃ শ্বেতাঃ সর্ষপভা ঘনাঃ কফাত্||৯|| শোফোপদেহরুক্কণ্ডূপিচ্ছিলাশ্রুসমন্বিতাঃ| |১০|

স০-কফাত্ পিটিকাঃ সিতাঃ সর্ষপোপমা ঘনাঃ-নিবিডাঃ, শোফাদিযুতাঃ পোথকীসংজ্ঞাঃ|

Adhikarana 8 kaphotkliShTasya lakShaNam (10) · Śloka 10

| কফোত্ক্লিষ্টং ভবেদ্বর্ত্ম স্তম্ভক্লেদোপদেহবত্||১০||

স০-স্তম্ভাদিযুতং বর্ত্ম যদ্ ভবেত্ তত্কফোত্ক্লিষ্টং নাম|

Adhikarana 9 lagaNasya lakShaNam (11) · Śloka 11

গ্রন্থিঃ পাণ্ডুররুক্পাকঃ কণ্ডূমান্ কঠিনঃ কফাত্| কোলমাত্রঃ স লগণঃ কিঞ্চিদল্পস্ততোঽথ বা||১১||

স০-কফাত্ যো গ্রন্থিঃ কোলমাত্রঃ, অথবা ততঃ-তস্মাত্ কোলাত্কিঞ্চিদল্পঃ, পাণ্ডুঃ পীডাপাকরহিতঃ কণ্ডূমান্ কঠিনশ্চ স্যাত্, স লগণাখ্যঃ|

Adhikarana 10 utsa~ggAyAH lakShaNam (12) · Śloka 12

রক্তা রক্তেন পিটিকা তত্তুল্যপিটিকাচিতা| উত্সঙ্গাখ্যা|১২|

স০-রক্তেন রক্তেবর্ণা পিটিকা তত্তুল্যপিটিকৈরাচিতা উত্সঙ্গাখ্যা|

Adhikarana 11 utkliShTasya lakShaNam (12) · Śloka 12

| তথোত্ক্লিষ্টং রাজিমত্স্পর্শনাক্ষমম্||১২||

স০-তথা-উত্সঙ্গবত্, উত্ক্লিষ্টাখ্যং বর্ত্ম| তচ্চ ন পিটিকারুপম্, কিং তর্হি ? রাজিযুতং স্পর্শনাক্ষমং চ স্যাত্|

Adhikarana 12 arshasaH lakShaNam (13) · Śloka 13

অর্শোঽধিমাংসং বর্ত্মান্তঃ স্তব্ধং স্নিগ্ধং সদাহরুক্| রক্তং রক্তেন তত্স্রাবি ছিন্নং ছিন্নং চ বর্ধতে||১৩||

স০-অধিকমাংসং চ বর্ত্মাভ্যন্তরস্থিতমর্শো নাম রক্তেন স্যাত্| রক্তং বর্ণতঃ, তথা স্তব্ধতাদিগুণং স্যাত্| তথা তত্স্রাবিতদ্রক্তং স্রবত্যভীক্ষ্ণম্| তত্ পুনঃপুনস্ছিন্নমপি বর্ধতে|

Adhikarana 13 a~jjanAyAH lakShaNam (14) · Śloka 14

মধ্যে বা বর্ত্মনোঽন্তে বা কণ্ডূষারুগ্বতী স্থিরা| মুদ্গমাত্রাঽসৃজা তাম্রা পিটিকাঽঞ্জননামিকা||১৪||

স০-অসৃজা তাম্রা পিটিকা মুদ্গপ্রমাণা বর্ত্মনো মধ্যেঽন্তে বা কণ্ড্বাদিমতী স্থিরা চাঞ্জননামিকা স্যাত্|

Adhikarana 14 visavartmanaH lakShaNam (15) · Śloka 15

দোষৈর্বর্ত্ম বহিঃ শূনং যদন্তঃ সূক্ষ্মখাচিতম্| সস্রাবমন্তরুদকং বিসাভং বিসবর্ত্ম তত্||১৫||

স০-দোষৈঃ-বাতাদিভিঃ, বহিঃ শূনং যদ্বর্ত্ম সূক্ষ্মৈঃ খৈঃছিদ্রৈঃ, অন্তরাচিতং সস্রাবং চ তদ্ বিসবর্ত্ম, উদকান্তঃস্থিতসচ্ছিদ্রবিসতুল্যত্বাত্|

Adhikarana 15 utkliShTavartmanaH lakShaNam (16) · Śloka 16

যদ্বর্ত্মোত্ক্লিষ্টমুত্ক্লিষ্টমকস্মান্ম্লানতামিযাত্| রক্তদোষত্রযোত্ক্লেশাদ্ভবত্যুত্ক্লিষ্টবর্ত্ম তত্||১৬||

স০-যদ্বর্ত্ম রক্তোত্ক্লেশাদ্দোষত্রযোত্ক্লেশাচ্চ উত্ক্লিষ্টং-উত্ক্লেশিতং সত্, অকস্মাত্-হেতুং বিনৈব, ম্লানিমিযাত্-শুষ্কত্বং যাযাত্, তদুত্ক্লিষ্টবর্ত্ম স্যাত্|

Adhikarana 16 shyAvavartmanaH lakShaNam (17) · Śloka 17

শ্যাববর্ত্ম মলৈঃ সাস্রৈঃ শ্যাবং রুক্ক্লেদশোফবত্| |১৭|

স০-রক্তসহিতৈস্ত্রিমলৈর্যদ্বর্ত্ম শ্যাবং রুজা ক্লেদেন শোফেন চ যুক্তং ভবতি, তচ্ছ্যাববর্ত্ম|

Adhikarana 17 kliShTavartmanaH lakShaNam (17) · Śloka 17

| শ্লিষ্টাখ্যং বর্ত্মনী শ্লিষ্টে কণ্ডূশ্বযথুরাগিণী||১৭||

স০-শ্লিষ্টে-একত্র সংলগ্নে, বর্ত্মনী কণ্ড্বাদিযুতে শ্লিষ্টবর্ত্ম নাম|

Adhikarana 18 sikatAvartmanaH lakShaNam (18) · Śloka 18

বর্ত্মনোঽন্তঃ খরা রূক্ষাঃ পিটিকাঃ সিকতোপমাঃ| সিকতাবর্ত্ম|১৮|

স০-বর্ত্মনো মধ্যে বালিকাতুল্যাঃ পিটিকাঃ খরস্পর্শাস্তথা রূক্ষাঃ, তত্ সিকতাংবর্ত্ম|

Adhikarana 19 kardamavartmanaH lakShaNam (18) · Śloka 18

| কৃষ্ণং তু কর্দমং কর্দমোপমম্||১৮||

স০-কর্দমসদৃশং কৃষ্ণং বর্ত্ম কর্দমাখ্যম্|

Adhikarana 20 bahalavartmanaH lakShaNam (19) · Śloka 19

বহলং বহলৈর্মাংসৈঃ সবর্ণৈশ্চীযতে সমৈঃ| |১৯|

স০-বহলৈঃ-ঘনৈঃ, মাংসৈঃ সবর্ণৈঃ সমৈঃ-ন বিষমৈঃ, চীযতে তদ্বহলং নাম|

Adhikarana 21 kukUNasya lakShaNam (19-20) · Śloka 20

| কুকুণকঃ শিশোরেব দন্তোত্পত্তিনিমিত্তজঃ||১৯|| স্যাত্তেন শিশুরুচ্ছ্রনতাম্রাক্ষো বীক্ষণাক্ষমঃ| সবর্ত্মশূলপৈচ্ছিল্যঃ কর্ণনাসাক্ষিমর্দনঃ||২০||

স০-কুকূণকঃ শিশোরেব-ন মহতো, জযতে| যতোঽসৌ দন্তোত্পত্তিহেতুকো ভবতি| তেন-কুকূণকেন, বাল উচ্ছূনতাম্রনযনো বীক্ষণাক্ষমস্তথা বর্ত্মশূলাদিমান্ কর্ণাদিমর্দনশ্চ স্যাত্|

Adhikarana 22 pakShmoparodhasya lakShaNam (21-22) · Śloka 22

পক্ষ্মোপরোধে সঙ্কোচো বর্ত্মনাং জাযতে তথা| খরতাঽন্তর্মুখত্বং চ রোম্ণামন্যানি বা পুনঃ||২১|| কণ্টকৈরিব তীক্ষ্ণাগ্রৈর্ঘৃষ্টং তৈরক্ষি শূযতে| উষ্যতে চানিলাদিদ্বিডল্পাহঃ শান্তিরুদ্ধৃতৈঃ||২২||

স০-পক্ষ্মোপরোধে বর্ত্মনাং সঙ্কোচো ভবতি| তথা খরত্বমন্তর্মুখত্বং চ রোম্ণাম্, অন্যানি ব রোমাণি জাযন্তে| তৈশ্চখরান্তর্মুখৈঃ, অপূর্বৈর্বা রোগস্বভাবাত্তীক্ষ্ণাগ্রৈঃ কণ্টকৈরিব ঘৃষ্টমক্ষিশূযতে| উষ্যতে চ-সান্তর্দাহস্তীব্রোষ্মা স্যাদিত্যর্থঃ| তথা পবনাদিদ্বিট্, আদিশব্দেনানলাতপৌ গৃহ্যেতে| স্তোকান্যহান্যুদ্ধৃতৈঃ-উত্পাটিতৈস্তৈস্তৈঃ, শান্তির্ভবতি|

Adhikarana 23 alajyAH lakShaNam (23) · Śloka 23

কনীনকে বহির্বর্ত্ম কঠিনো গ্রন্থিরুন্নতঃ| তাম্রঃ পক্বোঽস্রপূযস্রুদলজ্যাধ্মাযতে মুহুঃ||২৩||

স০-কনীনকে বর্ত্মনোর্বাহ্যতঃ কঠিন উন্নতো গ্রন্থিরলজীত্যুচ্যতে| কিম্ভূতো গ্রন্থিঃ ? তাম্রঃ পক্বশ্চাস্রস্রাবী পূযস্রাবী চ| তথা মুহুর্মুহুঃ স্রুতঃ সন্নাধ্মাযতে|

Adhikarana 24 arbudasya lakShaNam (24) · Śloka 24

বর্ত্মান্তর্মাংসপিণ্ডাভঃ শ্বযথুর্গ্রথিতোঽরুজঃ| স্রাস্রৈঃ স্যাদর্বুদো দোষৈর্বিষমো বাহ্যতশ্চলঃ||২৪||

স০-বর্ত্মনোঽন্তরে মাংসপিণ্ডাকৃতিঃ শ্বযথুঃ সরক্তৈস্ত্রিভির্দোষৈরর্বুদঃ স্যাত্| কিম্ভূতঃ শ্বযথুঃ ? গ্রথিতো নীরুজঃ| স চ বাহ্যতশ্চলো বিষমশ্চ স্যাত্|

Adhikarana evaM vartmasaMshrayAshcaturviMshatiH (25) · Śloka 25

চতুর্বিংশতিরিত্যেতে ব্যাধযো বর্ত্মসংশ্রযাঃ| |২৫|

স০-ইতি-অনেন প্রকারেণ, চতুর্বিংশতিসঙ্হ্খ্যা বর্ত্মাশ্রযা রোগাঃ স্যুঃ|

Adhikarana teShAM sAdhyAsAdhyatvam (25-26) · Śloka 26

| আদ্যোঽত্র ভেষজৈঃ সাধ্যো দ্বৌ ততোঽর্শশ্চ বর্জযেত্||২৫|| পক্ষ্মোপরোধো যাপ্যঃ স্যাচ্ছেষাঞ্ছস্ত্রেণ সাধযেত্| |২৬|

স০-[ অত্র-] এষু মধ্যাত্, আদ্যঃ-কৃচ্ছ্রোন্মীলনাখ্যো, ভেষজৈঃ সাধ্যঃ| ততঃ-অনন্তরং, দ্বৌ-নিমেষবাতহতৌ অর্শশ্চ বর্জযেত্| পক্ষ্মোপরোধো যাপনীযঃ| শেষান্-একোনবিংশতিং, শস্ত্রেণোপচরেত্|

Adhikarana shastrasAdhyeShu kuTTanacchedanAdi (8) · Śloka 8

| কুট্টযেত্পক্ষ্মসদনং ছিন্দ্যাত্তেষ্বপি চার্বুদম্||২৬|| ভিন্দ্যাল্লগণকুম্ভীকাবিসোত্সঙ্গাঞ্জনালজীঃ| পোথকীশ্যাবসিকতাশ্লিষ্টোত্ক্লিষ্টচতুষ্টযম্||২৭|| সকর্দমং সবহলং বিলিখেত্সকুকূণকম্| ২৭ ১/২| ইতি শ্রীবৈদ্যপতিসিংহগুপসূনুশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে বর্ত্মরোগবিজ্ঞানীযো নাম অষ্টমোঽধ্যাযঃ||৮||

স০-তেষ্বপি-শস্ত্রসাধ্যেষু মধ্যে, পক্ষ্মসদনং কুট্টযেত্ সূচীকূর্চেন| অর্বুদং চ ছিন্দ্যাদ্বৃদ্ধিপত্রাদিনা| লগণাদীনি ব্রীহিমুখাদিনা ভিন্দ্যাত্| পোথক্যাদযঃ কুকূণকান্তা একাদশ বিলেখ্যাঃ| উত্ক্লিষ্টচতুষ্টযং-পিত্তোত্ক্লিষ্টং কফোত্ক্লিষ্টং রক্তোত্ক্লিষ্টমুত্ক্লিষ্টবর্ত্মচেতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে বর্ত্মরোগ- বিজ্ঞানীযো নামাষ্টমোঽধ্যাযঃ সমাপ্তঃ|| ৮||