25. vranapratiśēdhādhyāyaḥ

Adhikarana adhyAyopakramaH · Śloka

অথ ক্রমপ্রাপ্তং ব্রণপ্রতিষেধং ব্যাচিখ্যাসুরাহ-

Adhikarana vraNapratishedhAdhyAyaH vraNasya dvaividhyam (2) · Śloka 2

অথাতো ব্রণপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) ব্রণো দ্বিধা নিজাগন্তুদুষ্টশুদ্ধবিভেদতঃ| নিজো দোষৈঃ শরীরোত্থৈরাগন্তুর্বাহ্যহেতুজঃ||১|| দোষৈরধিষ্ঠিতো দুষ্টঃ শুদ্ধস্তৈরনধিষ্ঠিতঃ| |২|

স০-ব্রণো দ্বিপ্রকারো-নিজাগন্তুভেদাদ্ দুষ্টশুদ্ধভেদাচ্চ| নিজো ব্রণঃ শারীরৈদোষৈর্ভবতি| আগন্তুর্বাহ্যহেতূদ্ভবঃ| দোষৈরধিষ্ঠিতো দুষ্টঃ| শুদ্ধো যো দোষৈরনধিষ্ঠিতঃ|

Adhikarana duShTavraNasya lakShaNam (2-5) · Śloka 5

| সংবৃতত্বং বিবৃততা কাঠিন্যং মৃদুতাঽতি বা||২|| অত্যুত্সন্নাবসন্নত্বমত্যৌষ্ণ্যমতিশীততা| রক্তত্বং পাণ্ডুতা কার্ষ্ণ্যং পূতিপূযপরিস্রুতিঃ||৩|| পূতিমাংসসিরাস্নাযুচ্ছন্নতোত্সঙ্গিতাঽতিরুক্| সংরম্ভদাহশ্বযথুকণ্ড্বাদিভিরুপদ্রুতঃ||৪|| দীর্ঘকালানুবন্ধশ্চ বিদ্যাদ্দুষ্টব্রণাকৃতিম্| |৫|

স০-সংবৃতত্বাদির্যো ব্রণস্তং দুষ্টব্রণাকৃতিং বিদ্যাত্|

Adhikarana vraNaH pa~jcadashaprakAraH (5) · Śloka 5

| স পঞ্চদশধা দোষৈঃ সরক্তৈঃ|৫|

স০-স চ পঞ্চদশপ্রকারো রক্তসহিতৈর্দোষৈঃ স্যাত্| তত্র পৃথগ্ দোষৈস্ত্রযঃ, সংসর্গজাস্ত্রযঃ, সন্নিপাতেনৈক ইতি [সপ্ত]| এবংভূতা রক্তসহিতৈঃ সপ্ত| এবং চতুর্দশ| রক্তেন কেবলেনৈক ইতি পঞ্চদশ| ননু, প্রাগভ্যধাযি (হৃ.সূ.অ.২৯/৬)-"শূলংনর্তেঽনিলাদ্দাহঃ পিত্তাচ্ছোফঃ কফোদযাত্| রাগো রক্তাচ্চ পাকঃস্যাত্" ইত্যাদি| তদিহৈকদোষজত্বং দ্বিদোষজত্বং রক্তরহিতত্বং চোচ্যমানং পূর্বাপরব্যাহতং স্যাত্| অত্রোচ্যতে| কাসসম্প্রাপ্তিবদত্র ন্যাযো বোধ্যঃ| তথা হ্যেকদোষজেঽপি কাসে দোষান্তরস্যানুবন্ধত্বমুররীকৃত্য দ্বিদোষজানুসারেণ যথোপক্রমস্তথেহাপীতি নাত্র পুর্বাপরব্যাহতত্বম্|

Adhikarana 1 vAtajasya vraNasya lakShaNam (5-7) · Śloka 7

| তত্র মারুতাত্||৫|| শ্যাবঃ কৃষ্ণোঽরুণো ভস্মকপোতাস্থিনিভোঽপি বা| মস্তুমাংসপুলাকাম্বুতুল্যতন্বল্পসংস্রুতিঃ||৬|| নির্মাংসস্তোদভেদাঢ্যো রূক্ষশ্চটচটাযতে| |৭|

স০-তেষু মধ্যে মারুতাত্ শ্যাবাদিগুণো মস্ত্বাদিতুল্যতন্বল্পবিস্রাবস্তথা নির্মাংসাদিগুণঃ স্যাত্|

Adhikarana 2 pittajasya vraNasya lakShaNam (7-8) · Śloka 8

| পিত্তেন ক্ষিপ্রজঃ পীতো নীলঃ কপিলপিঙ্গলঃ||৭|| মূত্রকিংশুকভস্মাম্বুতৈলাভোষ্ণবহুস্রুতিঃ| ক্ষারোক্ষিতক্ষতসমব্যথো রাগোষ্মপাকবান্||৮||

স০-পিত্তেন ব্রণঃ ক্ষিপ্রোদ্ভবঃ পীতাদুগুণো মূত্রাদিসদৃশবহুস্রাবঃ ক্ষারোক্ষিততুল্যরুজো রাগোষ্মপাকবান্|

Adhikarana 3 kafajasya vraNasya lakShaNam (9) · Śloka 9

কফেন পাণ্ডুঃ কণ্ডূমান্ বহুশ্বেতঘনস্রুতিঃ| স্থূলোষ্ঠঃ কঠিনঃ স্নাযুসিরাজালততোঽল্পরুক্||৯||

স০-কফেন পাণ্ডুঃ কণ্ডূযুতো বহুশুক্লঘনস্রাবঃ স্থূলৌষ্ঠঃ কঠিনস্তথা স্রাযুসিরাজালততোঽল্পরুজঃ|

Adhikarana 4 raktajasya vraNasya lakShaNam (10) · Śloka 10

প্রবালরক্তো রক্তেন সরক্তং পূযমুদ্গিরেত্| বাজিস্থানসমো গন্ধে যুক্তো লিঙ্গৈশ্চ পৈত্তিকৈঃ||১০||

স০-রক্তেন বিদ্গুমলোহিতঃ সরক্তং পূযং স্রবেত্| তুরগস্থানতুল্যো গন্ধেন| তথা পৈত্তিকৈর্লিঙ্গৈর্যুতঃ|

Adhikarana 5-10 dvidoShajasya vraNasya lakShaNam,11-14 tridoShajasya vraNasya lakShaNam 15 sarvajasya vraNasya lakShaNam (11) · Śloka 11

দ্বাভ্যাং ত্রিভিশ্চ সর্বৈশ্চ বিদ্যাল্লক্ষণসঙ্করাত্| |১১|

স০-দ্বাভ্যাং ত্রিভিঃ সর্বৈশ্চ লক্ষণানাং সঙ্করাত্ সংসর্গজাদীন্ বিদ্যাত্|

Adhikarana shuddhavraNasya lakShaNam (11-12) · Śloka 12

| জিহ্বাপ্রভো মৃদুঃ শ্লক্ষ্ণঃ শ্যাবৌষ্ঠপিটিকঃ সমঃ||১১|| কিঞ্চিদুন্নতমধ্যো বা ব্রণঃ শুদ্ধোঽনুপদ্রবঃ| |১২|

স০-জিহ্বাপ্রভাদিগুণো ব্রণোঽনুপদ্রবঃ শুদ্ধঃ স্যাত্|

Adhikarana tcagAdInAM vraNAshrayAnAmuttarottaraM duHsAdhyatvam (12-13) · Śloka 13

| ত্বগামিষসিরাস্নাযুসন্ধ্যস্থীনি ব্রণাশযাঃ||১২|| কোষ্ঠো মর্ম চ তান্যষ্টৌ দুঃসাধ্যান্যুত্তরোত্তরম্| |১৩|

স০-ত্বগাদীনি ব্রণাশ্রযাস্তথা কোষ্ঠো মর্ম চেত্যষ্টাবৃত্তরোত্তরং দুঃসাধ্যানি|

Adhikarana vraNAnAM susAdhyatvam (13-14) · Śloka 14

| সুসাধ্যঃ সত্ত্বমাংসাগ্নিবযোবলবতি ব্রণঃ||১৩|| বৃত্তো দীর্ঘস্ত্রিপুটকশ্চতুরস্রাকৃতিশ্চ যঃ| তথা স্ফিক্পাযুমেঢ্রোষ্ঠপৃষ্ঠান্তর্বক্ত্রগণ্ডগঃ||১৪||

স০-সত্ত্বাদিমতি ব্রণঃ সুসাধ্যঃ| বৃত্তাদিগুণস্তথা স্ফিগাদিষু চ সুসাধ্যঃ|

Adhikarana vraNAnAM kRucchrasAdhyatvam (15) · Śloka 15

কৃচ্ছ্রসাধ্যোঽক্ষিদশননাসিকাপাঙ্গনাভিষু| সেবনীজঠরশ্রোত্রপার্শ্বকক্ষাস্তনেষু চ||১৫||

স০-অক্ষ্যাদিষু স্থিতঃ কৃচ্ছ্রসাধ্যঃ|

Adhikarana vraNAnAM asAdhyatvam (16-22) · Śloka 22

ফেনপূযানিলবহঃ শল্যবানূর্ধ্বনির্বমী| ভগন্দরোঽন্তর্বদনস্তথা কট্যস্থিসংশ্রিতঃ||১৬|| কুষ্ঠিনাং বিষজুষ্টানাং শোষিণাং মধুমেহিনাম্| ব্রণাঃ কৃচ্ছ্রেণ সিধ্দ্যন্তি যেষাং চ স্যুর্ব্রণে ব্রণাঃ||১৭|| নৈব সিধ্দ্যন্তি বীসর্পজ্বরাতীসারকাসিনাম্| পিপাসূনামনিদ্রাণাং শ্বাসিনামবিপাকিনাম্||১৮|| ভিন্নে শিরঃকপালে বা মস্তুলুঙ্গস্য দর্শনে| স্নাযুক্লেদাত্সিরাচ্ছেদাদ্গাম্ভীর্যাত্কৃমিভক্ষণাত্||১৯|| অস্থিভেদাত্সশল্যত্বাত্সবিষত্বাদতর্কিতাত্| মিথ্যাবন্ধাদতিস্নেহাদ্রৌক্ষ্যাদ্রোমাদিঘট্টনাত্||২০|| ক্ষোভাদশুদ্ধকোষ্ঠত্বাত্সৌহিত্যাদতিকর্শনাত্| মদ্যপানাদ্দিবাস্বপ্নাদ্ববাযাদ্রাত্রিজাগরাত্||২১|| ব্রণো মিথ্যোপচারাচ্চ নৈব সাধ্যোঽপি সিধ্যতি| |২২|

স০-ফেনাদিবহঃ শল্যুক্ত ঊর্ধ্বনির্বমী তথা ভগন্দরোঽন্তর্মুখস্তথা কঠ্যস্থিসংশ্রিতস্তথা কুষ্ঠ্যাদীনাং ব্রণাঃ কৃচ্ছ্রেণ সিধ্দ্যন্তি| তথা যেষাং ব্রণে ব্রণাঃ স্যুস্তে চ দুঃসাধ্যাঃ| স০-বিসর্পজ্বরাদিমতাং ব্রণা নৈব সিদ্ধ্যন্তি| শিরঃকপালে চ ভিন্নে মস্তুলুঙ্গদর্শনে [বা] ব্রণো ন সিদ্ধ্যতি| স০-স্রাযুক্লেদাদেঃ কারণাত্ সাধ্যোঽপি ব্রণো ন সিদ্ধ্যতি|

Adhikarana rohasya lakShaNam (22-23) · Śloka 23

| কপোতবর্ণপ্রতিমা যস্যান্তাঃ ক্লেদবর্জিতাঃ||২২|| স্থিরাশ্চিপিটিকাবন্তো রোহতীতি তমাদিশেত্| |২৩|

স০-যস্য কপোতবর্ণাভাঃ প্রক্লেদবর্জিতা অন্তাঃ, তথা চিপিটিকান্বন্তো-ম্লানপ্রাযাঃ, তং-ব্রণং, রোহতীতি নির্দিশেত্|

Adhikarana vraNacikitsA vraNashophe vishodhanam (23-24) · Śloka 24

| অথাত্র শোফাবস্থাযাং যথাসন্নং বিশোধনম্||২৩|| যোজ্যং শোফো হি শুদ্ধানাং ব্রণশ্চাশু প্রশাম্যতি| |২৪|

স০-অত্র চ-ব্রণে, শোফাবস্থাযাং সত্যাং যথাসন্নং-ঊর্ধ্বমধো বা, শোধনং-বমনং বিরেচনং বা, যোজ্যম্| শুদ্ধানাং হি শোফো ব্রণশ্চ শীঘ্রং শাম্যতি|

Adhikarana vraNashItopacAraH (24-25) · Śloka 25

| কুর্যাচ্ছীতোপচারং চ শোফাবস্থস্য সন্ততম্||২৪|| দোষাগ্নিরগ্নিবত্তেন প্রযাতি সহসা শমম্| |২৫|

স০-শোফাবস্থস্য সততং শীতোপচারং কুর্যাত্| তেন-শীতোপচারেণ কৃতেন সতা, দোষাগ্নিরগ্নিরিব সহসৈব শমং যাতি|

Adhikarana shophe vraNe ca kaThinAdiyukte raktaharaNam (25-26) · Śloka 26

| শোফে ব্রণে চ কঠিনে বিবর্ণে বেদনান্বিতে||২৫|| বিষযুক্তে বিশেষেণ জলজাদ্যৈর্হরেদসৃক্| দুষ্টাস্রেঽপগতে সদ্যঃ শোফরাগরুজাং শমঃ||২৬||

স০-শোফে ব্রণে চ কঠিনাদিগুণে বিশেষেণ জলৌকঃপ্রভৃতিভিরস্রং হরেত্| যতো দুষ্টরক্তেঽপনীতে সদ্য এব শোফাদিশমঃ স্যাত্|

Adhikarana shophe punaH punaH srAvitarakte shIradravyairlepaH (27-28) · Śloka 28

হৃতে হৃতে চ রুধিরে সুশীতৈঃ স্পর্শবীর্যযোঃ| সুশ্লক্ষ্ণৈস্তদহঃপিষ্টৈঃ ক্ষীরেক্ষুস্বরসদ্রবৈঃ||২৭|| শতধৌতঘৃতোপেতৈর্মুহুরন্যৈরশোষিভিঃ| প্রতিলোমং হিতো লেপঃ সেকাভ্যঙ্গাশ্চ তত্কৃতাঃ||২৮||

স০-পুনঃ পুনঃ স্রাবিতে চ রক্তে সতি স্পর্শবীর্যযোঃ সুষ্ঠু শীতদ্রব্যৈঃ সুশ্লক্ষ্ণৈস্তস্মিন্নেবাহনি পিষ্টৈঃ-ন তু পর্যুষিতৈঃ, তথা ক্ষীরাদিদ্রবৈঃ শতধৌতঘৃতযুক্তৈর্মুহুরপরৈরশোষিভির্লেপো হিতঃ| প্রতিলোমং-ন ত্বনুলোমম্| সেকাভ্যঙ্গাশ্চ পূর্বোক্তৈঃ কৃতা হিতাঃ|

Adhikarana shophe nyagrodhAditvAgbhiH pralepaH (29) · Śloka 29

ন্যগ্রোধোদুম্বরাশ্বত্থপ্লক্ষবেত সবল্কলৈঃ| প্রদেহো ভূরিসর্পিভিঃ শোফনির্বাপণঃ পরম্||২৯||

স০-ন্যগ্রোধাদিত্বগ্ভিঃ প্রদেহো ভূরিঘৃতঃ পরং শোফনির্বাপণঃ|

Adhikarana shophe AnUpavesavArAdyaiH svedaH,shophe dAharUgdharAH somAstilAH (30-31) · Śloka 31

বাতোল্বণানাং স্তব্ধানাং কঠিনানাং মহারুজাম্| স্রুতাস্রুজাং চ শোফানাং ব্রণানামপি চেদ্দশাম্||৩০|| আনূপবেসবারাদ্যৈঃ স্বেদঃ, সোমাস্তিলাঃ পুনঃ| ভৃষ্টা নির্বাপিতাঃ ক্ষীরে তত্পিষ্টা দাহরুগ্ঘরাঃ||৩১||

স০-বাতোল্বণানাং তথা স্তব্ধানাং কঠিনানাং তীব্ররুজাং স্রুতরক্তানাং শোফানাং ব্রণানামপি চেদ্দক্স্বরূপাণাং কুট্টিতঘৃতাদি সংস্কৃতানূপমাংসাদ্যৈঃ স্বেদো হিতঃ| অতসীযুক্তাস্তিলা ভৃষ্টা দুগ্ধে নির্বাপিতাস্তেনৈব ক্ষীরেণ পিষ্টা দাহরুজাঘ্নাঃ|

Adhikarana shophe shthiratvAdiyukte snehaH svedo mardanaM yavAdibhiH pralepashca (32-33) · Śloka 33

স্থিরান্ মন্দরুজঃ শোফান্ স্নেহৈর্বাতকফপহৈঃ| অভ্যজ্য স্বেদযিত্বা চ বেণুনাড্যা শনৈঃ শনৈঃ||৩২|| বিম্লাপনার্থং মৃদ্গীযাত্ তলেনাঙুষ্ঠকেন বা| যবগোধূমমুদ্গৈশ্চ সিদ্ধ পিষ্টৈঃ প্রলেপযেত্||৩৩||

স০-শোফান্ স্থিরানল্পপীডান্ বাতকফঘ্নৈঃ স্নেহৈর্ম্রক্ষাযিত্বা স্বেদযিত্বা চ বংশনাড্যা বিম্লাপনার্থং শনৈঃ শনৈর্মলযেত্| তলেনাঙ্গুষ্ঠকেন বা মলযেত্| যবাদিভিঃ সিদ্ধপিষ্টৈঃ প্রদেহযেত্|

Adhikarana shophe evaM vilayanAbhAve upanAhaH (34) · Śloka 34

বিলীযতে স চেন্নৈবং ততস্তমুপনাহযেত্| অবিদগ্ধস্তথা শান্তিং বিদগ্ধঃ পাকমশ্রুতে||৩৪||

স০-এবং কৃতে যদি শোফো ন বিলীযতে, ততস্তমুপনাহযেত্| তথা কৃতে সত্যবিদগ্ধঃ শোফণ্ সন্ শান্তিং প্রাপ্নোতি| বিদগ্ধস্তু পচ্যতে|

Adhikarana shophe upanAhe saktupiNDikAshreShThA (35) · Śloka 35

সকোলতিলবল্লোমা দধ্যম্লা সক্তুপিণ্ডিকা| সকিণ্বকুষ্ঠলবণা কোষ্ণা শস্তোপনাহনে||৩৫||

স০-বদরাদিযুতা সক্তুপিণ্ডিকাঽম্লদধিযুতা কিণ্বাদ্যন্বিতা কোষ্ণা উপনাহে শ্রেষ্ঠা|

Adhikarana shophe supavkAdiyukte dAraNam (36) · Śloka 36

সুপক্বে পিণ্ডিতে শোফে পীডনৈরুপপীডিতে| দারণং দারণার্হস্য সুকুমারস্য চেষ্যতে||৩৬||

স০-শোফে সুপক্বে গ্রথিতে পীডনৈর্দ্রব্যৈরুপপীডিতে সতি দারণার্হস্য সুকুমারস্য নরস্য দারণমিষ্যতে|

Adhikarana shophe guggulvAdIni pavkashopha vidAraNAni (37) · Śloka 37

গুগ্গুল্বতসিগোদন্তস্বর্ণক্ষীরীকপোতবিট্| ক্ষৌরৌষধানি ক্ষারাশ্চ পক্বশোফবিদারণম্||৩৭||

স০-গুগ্ল্গুল্বাদীনি, তথা ক্ষারৌষধানি-ক্ষারবিধ্যুক্তানি (হৃ.সূ.অ. ৩০১৮), ক্ষারাশ্চ, পক্বশোফবিদারণং স্যাত্| গোদন্তো-হরিতালম্|

Adhikarana vraNe pUyagarbhAdiyukte pIDanam (38) · Śloka 38

পূযগর্ভানণুদ্বারান্ সোত্সঙ্গান্মর্মগানপি| নিঃস্নেহৈঃ পীডনদ্রব্যৈঃ সমন্তাত্প্রতিপীডযেত্||৩৮||

স০-পূযগর্ভান্ সূক্ষ্মদ্বারান্ সোত্সঙ্গান্ মর্মাশ্রিতান্ স্নেহরহিতৈঃ পীডনদ্রব্যৈঃ পরিতঃ প্রতিপীডযেত্|

Adhikarana vraNe pIDanapralepasya shuShkatve samupekShAdi (39) · Śloka 39

শুষ্যন্তং সমুপেক্ষেত প্রলেপং পীডনং প্রতি| ন মুখে চৈনমালিম্পেত্ তথা দোষঃ প্রসিচ্যতে||৩৯||

স০-পীডনং প্রতি যো লেপস্তং শুষ্যন্তং সমুপেক্ষেত| মুখে চৈনং ব্রণং নালিম্পেত্| তথা চ-এবং, দোষঃ, প্রসিচ্যতে-নির্যাতি|

Adhikarana vraNe kalAyAdiyukte surasAdinA kShAlanAdi (40) · Śloka 40

কলাযযবগোধূমমাষমুদ্গহরেণবঃ| দ্রব্যাণাং পিচ্ছিলানাং চ ত্বঙ্মূলানি প্রপীডনম্||৪০||

স০-কলাযাদযঃ পিচ্ছিলানাং দ্রব্যাণাং ত্বচো মূলানি চ প্রপীডনং স্যাত্|

Adhikarana vraNe avishuddhe paTolInimbavkA thena kShAlanam (41) · Śloka 41

সপ্তসু ক্ষালনাদ্যেষু সুরসারগ্বধাদিকৌ| ভৃশং দুষ্টে ব্রণে যোজ্যৌ মেহকুষ্ঠব্রণেষু চ||৪১||

স০-সপ্তসু ক্ষালনাদিষু-ক্ষালনমালেপো ঘৃতং তৈলং রসক্রিযা চূর্ণো বর্তিশ্চেতি সপ্ত তেষু, সুরসাদিরারগ্বধাদিশ্চেতি (হৃ.সূ.অ. ১৫) দুষ্টে ব্রণে ভৃশং যোজ্যৌ তথা মেহাদিষু চ|

Adhikarana vraNe vishuddhe nyagrodAdivkAhena kShAlanam (42) · Śloka 42

অথবা ক্ষালনং ক্বাথঃ পটোলীনিম্বপত্রজঃ| অবিশুদ্ধে, বিশুদ্ধে তু ব্যগ্রোধাদিত্বগুদ্ভবঃ||৪২||

স০-অথবাঽবিশুদ্ধে ব্রণে পটোলীনিম্বপত্রজঃ ক্বাথঃ ক্ষালনং হিতঃ| বিশুদ্ধে তু ব্রণে ন্যগ্রোধাদিত্বগুদ্ভবঃ ক্বাথঃ ক্ষালনাদৌ হিতঃ|

Adhikarana vraNe paTolyAdilepo vraNashodhanaH (43) · Śloka 43

পটোলীতিলযষ্ট্যাহ্বত্রিবৃদ্দন্তীনিশাদ্বযম্| নিম্বপত্রাণি চালেপঃ সপটুর্ব্রণশোধনঃ||৪৩||

স০-পটোলাদিভির্লেপঃ সৈন্ধবযুতো ব্রণশোধনঃ|

Adhikarana vraNe sUkShmAsyAdiyukte trivRutAdivartyA vishodhanam (44) · Śloka 44

ব্রণান্ বিশোধযেদ্বর্ত্যা সূক্ষ্মাস্যান্ সন্ধিমর্মগান্| কৃতযা ত্রিবৃতাদন্তীলাঙ্গলীমধুসৈন্ধবৈঃ||৪৪||

স০-ব্রণান্ সূক্ষ্মমুখান্ সন্ধিমর্মাশ্রিতান্ বর্ত্যা ত্রিবৃতাদিভিঃ কৃতযা বিশোধযেত্|

Adhikarana vraNe vAtAbhIbhUtAdau yavAjyAdibhirdhUpanam (45) · Śloka 45

বাতাভিভূতান্ সাস্রাবান্ ধূপযেদুগ্রবেদনান্| যবজ্যভূর্জমদনশ্রীবেষ্টকসুরাহ্বযৈঃ||৪৫||

স০-বাতাভিভূতান্ সাস্রাবান্ দারুণবেদনান্ যবাদিভির্ধূপযেত্|

Adhikarana pittadyulbaNe shItatairnirvApaNam (46) · Śloka 46

নির্বাপযেদ্ ভৃশং শীতৈঃ পিত্তরক্তবিষোল্বণান্| |৪৬|

স০-পিত্তা[দ্য]ধিকান্ শীতৈর্ভৃশং নির্বাপযেত্|

Adhikarana pittashuShkAlpamAMsAdau nyagrodhAdibhirutsAdanaM mAMsAdamAMsAnAM bhakShaNaM ca (46-48) · Śloka 48

| শুষ্কাল্পমাংসে গম্ভীরে ব্রণ উত্সাদনং হিতম্||৪৬|| ন্যগ্রোধপদ্মকাদিভ্যামশ্বগন্ধাবলাতিলৈঃ| অদ্যান্মাংসাদমাংসানি বিধিনোপহিতানি চ||৪৭|| মাংসং মাংসাদমাংসেন বর্ধতে শুদ্ধচেতসঃ| |৪৮|

স০-ব্রণে শুষ্কাল্পমাংসে গম্ভীর উত্সাদনং হিতং ব্যগ্রোধাদিভিঃ| তথা মাংসাদীনাং প্রাণিনাং মাংসানি সুষ্ঠু সংস্কৃতানি ভক্ষযেত্| যতঃ শুদ্ধমনসো মাংসাদমাংসেন পিশিতং বর্ধতে|

Adhikarana pitta utsannamRudumAMse jAtyAdibhiravasAdanam (48-49) · Śloka 49

| উত্সন্নমৃদুমাংসানাং ব্রণানামবসাদনম্||৪৮|| জাতীমুকুলকাসীসমনোহ্বালপুরাগ্নিকৈঃ| |৪৯|

স০-ব্রণানামুত্সন্নমৃদুমাংসানাং জাতীমুকুলাদিভিরবসাদনং হিতম্|

Adhikarana pitta utsannamAMsAdau kShArakarmaNA shodhanam (49-50) · Śloka 50

| উত্সন্নমাংসান্ কঠিনান্ কণ্ডূযুক্তাংশ্চিরোত্থিতান্||৪৯|| ব্রণান্ সুদুঃখশোধ্যাংশ্চ শোধযেত্ ক্ষারকর্মণা| |৫০|

স০-উত্সন্নমাংসাদিকা ব্রণাস্তথা যে তু সুষ্ঠু দুর্বিশোধ্যাস্তান্ ক্ষারকর্মণা বিশোধযেত্|

Adhikarana phitta ashmaryAdau agnikarmaNA sAdhanam (50-51) · Śloka 51

| স্রবন্তোঽশ্মরিজা মূত্রং যে চান্যে রক্তবাহিনঃ||৫০|| ছিন্নাশ্চ সন্ধযো যেষাং যথোক্তৈর্যে চ শোধনৈঃ| শোধ্যমানা ন শুধ্দ্যন্তি শোধ্যাঃ স্যুস্তেঽগ্নিকর্মণা||৫১||

স০-অশ্মরিজা ব্রণা মূত্রং স্রবন্তো, যে চান্যে রক্তবাহিনো, যেষাং চ সন্ধযস্ছিনাঃ, যে চ যথোক্তৈঃ শোধনৈঃ শোধ্যমানা ন শুদ্ধ্যন্তি, তেঽগ্নিকর্মণা শোধ্যাঃ স্যুঃ|

Adhikarana phitta shuddhautsAdanadravyeNa ropaNam (52) · Śloka 52

শুদ্ধানাং রোপণং যোজ্যমুত্সাদায যদীরিতম্| |৫২|

স০-যদুত্সাদার্থং দ্রব্যং কথিতং তদেব শুদ্ধানাং ব্রণানাং রোপণং যোজ্যম্|

Adhikarana pitta ashvagandhAdikaM paramaM ropaNam (52-53) · Śloka 53

| অশ্বগন্ধা রুহা রোধ্রং কট্ফলং মধুযষ্টিকা||৫২|| সমঙ্গা ধাতকীপুষ্পং পরমং ব্রণরোপণম্| |৫৩|

স০-অশ্বগন্ধাদিকং ব্রণরোপণং পরম্|

Adhikarana pittaa petapUtimAMsAdau tilakalkaha saMrohaNaH (53-54) · Śloka 54

| অপেতপূতিমাংসানাং মাংসস্থানামরোহতাম্||৫৩|| কল্কং সংরোহণং কুর্যাত্ তিলানাং মধিকান্বিতম্| |৫৪|

স০-অপগতপূতিমাংসানাং মাংসস্থানাং ব্রণানামরোহতাং তিলকল্কং সমধুকং সংরোহণং কুর্যাত্|

Adhikarana pitta sakShaudranimbapatrayuktaH paraM saMshodhanam,pitta sapUrvAbhyAM sarpiShA ca yuktaH shIdhraM ropaNaH (54-55) · Śloka 55

| স্নিগ্ধোষ্ণতিক্তমধুরকষাযত্বৈঃ স সর্বজিত্||৫৪|| স ক্ষৌদ্রনিম্বপত্রাভ্যাং যুক্তঃ সংশোধনং পরম্| পূর্বাভ্যাং সর্পিষা চাসৌ যুক্তঃ স্যাদাশু রোপণঃ||৫৫||

স০-এষ তিলকল্কঃ স্নিগ্ধাদিগুণৈঃ সর্বরোগজিত্| স মাক্ষিকনিম্বপত্রাভ্যাং যুতস্তিলকল্কঃ পরং সংশোধনম্| পূর্বাভ্যাং-ক্ষৌদ্রনিম্বপত্রাভ্যাং, সর্পিষা চাসৌ তিলকল্কো যুতঃ শীঘ্রং সংরোহণঃ স্যাত্|

Adhikarana pitta tilavat yavakalko~api (56) · Śloka 56

তিলবদ্যবকল্কং তু কেচিদিচ্ছন্তি তদ্বিদঃ| |৫৬|

স০-কেচিদ্ ব্রণস্বরূপাভিজ্ঞা যবকল্কং তিলকল্কবদিচ্ছন্তি|

Adhikarana pitta sAstrapittAdau kShIraropaNasiddhadhRutena ropaNam,pitta kaphavAtaje ropaNasiddhatailena ropaNasiddha tailena ropaNam (56-57) · Śloka 57

| সাস্রপিত্তবিষাগন্তুগম্ভীরান্ সোষ্মণো ব্রণান্||৫৬|| ক্ষীররোপণভৈষজ্যশৃতেনাজ্যেন রোপযেত্| রোপণৌষধসিদ্ধেন তৈলেন কফবাতজান্||৫৭||

স০-সাস্রপিত্তাদীন্ ব্রণান্ ক্ষীরযুক্তরোপণদ্রব্যপক্বেন ঘৃতেন রোপযেত্| রোপণদ্রব্যসিদ্ধেন তৈলেন কফবাতোত্থান্ রোপযেত্|

Adhikarana pitta kAcchcAyAdikaM shreShThaM ropaNam (58) · Śloka 58

কাচ্ছীরোধ্রাভযাসর্জসিন্দূরাঞ্জনতুত্থকম্| চূর্ণিতং তৈলমদনৈর্যুক্তং রোপণমুত্তমম্||৫৮||

স০-কাছ্ছ্যাদিকং সূক্ষ্মরজীকৃতং তৈলমদনৈর্যুক্তং রোপণম্|

Adhikarana pitta samAdau cUrNaH (59) · Śloka 59

সমানাং স্থিরমাংসানাং ত্বক্স্থানাং চূর্ণ ইষ্যতে| |৫৯|

সং-সমানাং ব্রণানাং স্থিরমাংসানাং ত্বক্স্থানাং চূর্ণমিষ্টম্|

Adhikarana pitta kakuBAdipralepastvagvishuddhikaraH param (59-60) · Śloka 60

| ককুভোদুম্বরাশ্বত্থজম্বূকট্ফলরোধ্রজৈঃ||৫৯|| ত্বচমাশু নিগৃহ্ণন্তি ত্বক্চূর্ণৈশ্চূর্ণিতা ব্রণাঃ| |৬০|

সং-ককুভাদিজৈশ্চূর্ণৈর্ব্রণাশ্চূর্ণিতাঃ শীঘ্রমেব ত্বচং নিগৃহ্ণনন্তি|

Adhikarana pitta lAkShAdipralepastvagviSuddhikaraH param (60-61) · Śloka 61

| লাক্ষামনোহ্বামঞ্জিষ্ঠাহরিতালনিশাদ্বযৈঃ||৬০|| প্রলেপঃ সঘৃতক্ষৌদ্রস্ত্বগ্বিশুদ্ধিকরঃ পরম্| |৬১|

সং-লাক্ষাদিভির্ঘৃতক্ষৌদ্রসহিতো লেপঃ পরং ত্বগ্বিশুদ্ধিকরঃ|

Adhikarana pitta kAlIyAdilepaH savarNakaraNaH (61-62) · Śloka 62

| কালীযকলতাম্রাস্থিহেমকালারসোত্তমৈঃ||৬১|| লেপঃ সগোমযরসঃ সবর্ণকরণঃ পরম্| |৬২|

স০-কালীযকাদিভির্লেপঃ সগোশকৃদ্রসঃ পরং সবর্ণকরণঃ|

Adhikarana pitta vAraNadantAdilepo romobhdavakaraH ,pittaa catuShpAnnakhAdimaShIlepo (62-63) · Śloka 63

| দগ্ধো বারণদন্তোঽন্তর্ধূমং তৈলং রসাঞ্জনম্||৬২|| রোমসঞ্জননো লেপস্তদ্বত্তৈলপরিপ্লুতা| চতুষ্পান্নখরোমাস্থিত্বক্শৃঙ্গখুরজা মষী||৬৩||

স০-বারণদন্তোঽন্তর্ধূমং দগ্ধস্তৈলং রসাঞ্জনং চ লেপো রোমোদ্ভবকরঃ| তথৈব তৈলপরিপ্লুতা চতুষ্পান্নখাদিজা মষী পূর্বগুণা|

Adhikarana pitta shastrakarmoktaM pathyApathyAnnam (64) · Śloka 64

ব্রণিনঃ শস্ত্রকর্মোক্তং পথ্যাপথ্যান্নমাদিশেত্| |৬৪|

স০-ব্রণিনঃ শস্ত্রকর্মবিধিকথিতং (হৃ.সূ.অ. ২৯/৩৪) পথ্যাপথ্যান্নমাদিশেত্|

Adhikarana vAtaje vraNe dvipa~jjamUlAdiH pittaje vraNe nyagrodhAdiH kaphaje vraNe AragvadhAdiH mishraje vraNe mishraH (64-65) · Śloka 65

| দ্বে পঞ্চমূলে বর্গশ্চ বাতঘ্নো বাতিকে হিতঃ||৬৪|| ন্যগ্রোধপদ্মকাদ্যৌ তু তদ্বত্পিত্তপ্রদূষিতে| আরগ্বধাদিঃ শ্লেষ্মঘ্নঃ কফে, মিশ্রাস্তু মিশ্রজে||৬৫||

স০-দ্বে পঞ্চমূলে তথা বর্গো বাতঘ্নো বাতাধিকে হিতঃ| তথা পৈত্তিকে ন্যগ্রোধাদিপদ্মকাদী(হৃ.সূ.অ. ১৫/৪৯ অ. ১৫/১২) হিতৌ| শ্লৈষ্মিক আরগ্বধাদিঃ (হৃ.সূ.অ. ১৫/১৭) কফঘ্নো হিতঃ| মিশ্রে তু মিশ্র উপক্রমো হিতঃ|

Adhikarana vraNe prakShAlanAdi saptayathAsvaM yojyAH (66) · Śloka 66

এভিঃ প্রক্ষালনং লেপো ঘৃতং তৈলং রসক্রিযা| চূর্ণো বর্তিশ্চ সংযোজ্যা ব্রণে সপ্ত যথাযথম্||৬৬||

স০-এভিঃ-পূর্বোক্তৈঃ, প্রক্ষালনাদযঃ সপ্ত ব্রণে সতি যথাস্বং যোজ্যাঃ|

Adhikarana vraNe sUkShmavadanAdau jAtyAdidhRutena shodhanaM ropaNaM ca (25) · Śloka 25

জাতীনিম্বপটোলপত্রকটুকাদার্বীনিশাসারিবা- মঞ্জিষ্ঠাভযসিক্থতুত্থমধুকৈর্নক্তাহ্ববীজান্বিতৈঃ| সর্পিঃ সাধ্যমনেন সূক্ষ্মবদনা মর্মাশ্রিতাঃ ক্লেদিনো গম্ভীরাঃ সরুজো ব্রণাঃ সগতযঃ শুধ্দ্যন্তি রোহন্তি চ||৬৭|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভট- বিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে ব্রণপ্রতিষেধো নাম পঞ্চবিংশোঽধ্যাযঃ||২৫||

সং-জাত্যাদিভিঃ সর্পিঃ সাধ্যম্| অভযং-উশীরমত্র| অনেন সর্পিষা সূক্ষ্মমুখা মর্মস্থাদযশ্চ ব্রণাঃ শুদ্ধ্যন্তি রোহন্তি চেতি| শার্দূলবিক্রীডিতং বৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে ব্রণপ্রতি- ষেধো নাম পঞ্চবিংশোঽধ্যাযঃ সমাপ্তঃ|| ২৫||