8. chardihr̥drōgatr̥ṣṇācikitsitam

Adhikarana atha CardihRudrogatRuShNAcikitsitannAmAShTamo~adhyAyaH adhyAya pratij~jA (1) · Śloka 1

অথাতো ছর্দিহৃদ্রোগতৃষ্ণাচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

ক্রমপ্রাপ্তং ছর্দ্যাদিকস্য চিকিত্সাপ্রদর্শনার্থমধ্যাযারম্ভঃ||১||

Adhikarana la~gghanam (2) · Śloka 2

আমাশযোত্ক্লেশভবাঃ প্রাযশ্ছর্দ্যো হিতং যতঃ| লঙ্ঘনং প্রাগৃতে বাযোঃ .....................||২||

সর্বাসু ছর্দিষু প্রথমং সর্বং লঙ্ঘনমিষ্যতে| বাযুপ্রভবাং ছর্দিং বর্জযিত্বা| যতঃ প্রাযেণ ছর্দয আমাশযে যো দোষাণামুত্ক্লেশঃ তত্প্রাভবাঃ||২||

Adhikarana Sodhanam (3) · Śloka 3

.........................বমনং তত্র যোজযেত্| বলিনো বহুদোষস্য লভতঃ প্রততং বহু| ততো বিরেকং ক্রমশো হৃদ্যং মদ্যং ফলাম্বুভিঃ| ক্ষীরৈর্বা সহ স হ্যূর্ধ্বং গতং দোষং নযত্যধঃ| শমনং চৌষধং রূক্ষদুর্বলস্য তদেব তু||৩||

বমনং তত্রেত্যাদিনাঽবস্থাবিশেষেষু লঙ্ঘনবিশেষা উচ্যন্তে| তত ইতি বমনে যোজিতে| স হীতি বিরেকৈঃ| রূক্ষদুর্বলস্য তদেব শমনমেব| ন তু বলিন উক্তং শোধনম্| বলবতস্তু||৩||

Adhikarana annam (4) · Śloka 4

পরিশুষ্কং প্রিযং সাত্ম্যমন্নং লঘু চ শস্যতে| উপবাসস্তথা যূষা রসাঃ কাম্বলিকাঃ খডাঃ| শাকানি লেহা ভোজ্যানি রাগষাডবপানকাঃ| ভক্ষ্যাঃ শুষ্কাঃ বিচিত্রাশ্চ ফলানি স্নানঘর্ষণম্| গন্ধাঃ সুগন্ধযো গন্ধফলপুষ্পান্নপানজাঃ| ভুক্তমাত্রস্য সহসা মুখে শীতাম্বুসেচনম্||৪||

পরিশুষ্কং দ্রবরহিতম্| রসাদীনাং লক্ষণং কৃতান্ন উক্তম্| ঘর্ষণং যেন চূর্ণেনাঙ্গমুদ্ঘৃষ্যতে| গন্ধাঃ সুগন্ধযঃ সুরভয এব গন্ধাদিজাঃ| গন্ধশব্দেন গন্ধদ্রব্যাণ্যুচ্যন্তে||৪||

Adhikarana vAtajAyAM CardyAm (5) · Śloka 5

হন্তি মারুতজাং ছর্দিং সর্পিঃ পীতং সসৈন্ধবম্| কিঞ্চিদুষ্ণং বিশেষেণ সকাসহৃদযদ্রবাম্| ব্যোষং ত্রিলবণাঢ্যং বা সিদ্ধং বা দাডিমাম্বুনা| সশুণ্ঠীদধিধান্যেন পীতং তুল্যাম্বু বা পযঃ| ব্যক্তসৈন্ধবসর্পির্বা ফলাম্লো বৈষ্কিরো রসঃ| স্নিগ্ধং চ ভোজনং শুণ্ঠীদধিদাডিমসাধিতম্| কোষ্ণং সলবণং চাত্র হিতং স্নেহবিরেচনম্||৫||

বাতজাং ছর্দিং সসৈন্ধবং সর্পির্হন্তি| তদ্ধি সকাসাদিকাং ছর্দিং বিশেষেণ হন্তি| দাডিমক্বাথেন সশুণ্ঠ্যাদিকেন সর্পিঃ| তুল্যাম্বু বা পযঃ পীতং মারুতজাং ছর্দিং হন্তি| ব্যক্তং প্রভূতং সৈন্ধবং সর্পিশ্চ যস্মিন্ বৈষ্কিরে রসে| কোষ্ণং সলবণং চেতি ভোজনবিশেষণম্| অত্র চ বাতজাযাং ছর্দ্যাং স্নেহবিরেচনং হিতম্||৫||

Adhikarana pittajAyAM CardyAm (6) · Śloka 6

পিত্তজাযাং বিরেকার্থঃ দ্রাক্ষেক্ষুস্বরসৈস্ত্রিবৃত্| সর্পির্বা তৈল্বকং যোজ্যং বৃদ্ধঞ্চ শ্লেষ্মধামগম্| ঊর্ধ্বমেব হরেত্পিত্তং স্বাদুতিক্তৈর্বিশুদ্ধিমান্| পিবেন্মন্থং যবাগূং বা লাজৈঃ সমধুশর্করৈঃ| মুদ্গজাঙ্গলজৈরদ্যাদ্ব্যঞ্জনৈঃ শালিষষ্টিকম্||৬||

পিত্তজাযাং সুবোধম্| বৃদ্ধং শ্লেষ্মস্থানাশ্রিতং স্বাদুভিস্তিক্তৈশ্চৌষধৈঃ পিত্তমূর্ধ্বমেব হরেদ্বামযেদেব ন তু বিরেচযেত্| যশ্চৈবং বিশুদ্ধঃ স তদহর্লাজৈঃ সমধুশর্করৈর্মন্থং যবাগূং বা পিবেত্| সুবোধম্||৬||

Adhikarana pittajAyAM pAnaviSeShaH (7) · Śloka 7

মৃদ্ভৃষ্টলোষ্টপ্রভবং সুশীতং সলিলং পিবেত্| মুদ্গোশীরকণাধান্যৈঃ সহ বা সংস্থিতং নিশাম্| দ্রাক্ষারসং রসং চেক্ষোগুডূচ্যম্বু পযোঽপি বা||৭||

তপ্তমৃল্লোষ্টৈস্তাপযিত্বা শীতীকৃতম্| মুদ্গাদিভির্বা সহ নিশাং স্থিতং সলিলং দ্বিতীযোঽহ্নি পেযম্||৭||

Adhikarana jambvAmrAdikaShAyaH (8) · Śloka 8

জম্ব্বাম্র্পল্লবোশীরবটাশ্বত্থাঙ্কুরোদ্ভবঃ| ক্বাথঃ ক্ষৌদ্রযুতঃ পীতঃ শীতো বা বিনিযচ্ছতি| ছর্দিং জ্বরমতীসারং মূর্চ্ছাং তৃষ্ণাং চ দুর্জযাম্||৮||

জম্ব্বাম্রাদিভিশ্চ ক্বাথো বা শীতকষাযো বা পীতঃ ছর্দ্যাদীন্ বিনিযচ্ছতি নাশযতি||৮||

Adhikarana mudgadalAmbupAnam (9) · Śloka 9

ধাত্রীরসেন শীতং বা পিবেন্মুদ্গদলাম্বু বা||৯||

Adhikarana kolAdilehAH (10) · Śloka 10

কোলমজ্জাসিতালাজমাক্ষিকাবিট্কণাঞ্জনম্| কোলাস্থিমজ্জাস্রোতোজলাজোত্পলরজাংসি বা| লিহ্যাত্ক্ষৌদ্রেণ পথ্যাং বা দ্রাক্ষাং বা বদরাণি বা||১০||

Adhikarana SItAmbunA peyam (11) · Śloka 11

পিবেচ্ছীতাম্বুনা শালিস্বর্ণগৈরিকজং রজঃ| পিষ্টং বা চন্দনং দ্রাক্ষামাংসী সেব্যাম্বুগৈরিকম্||১১||

একোঽপি প্রযোগঃ ক্ষৌদ্রেণ দ্বিতীযেঽপি| সুবোধম্| চন্দনাদিকং পিষ্টং শীতাম্বুনা পিবেত্||১১||

Adhikarana madhUkAdipeyAni (12) · Śloka 12

শালিতণ্ডুলতোযেন পিবেদ্বা সসিতামধু| মধূকমধুকদ্রাক্ষাকমলামলকাম্বুদম্| সশারিবাপরূষাক্ষং মূর্বাং বা মক্ষিকান্বিতাম্| মধুকং সাত্মগুপ্তং বা শীতং ধাত্রীরসেন বা||১২||

মধূকাদিকং সসিতামধু শালিতণ্ডুলপ্রক্ষালনাম্বুনা মূর্বাযাঃ সমাক্ষিকঃ প্রযোগঃ| মধুকং সাত্মগুপ্তং মক্ষিকান্বিতাম্| শীতং চন্দনং ধাত্রীফলরসেন||১২||

Adhikarana kaPajAyAM vamanopavAsau (13) · Śloka 13

কফজাযাং বমেন্নিম্বকৃষ্ণাপিণ্ডীতসর্ষপৈঃ| যুক্তেন কোষ্ণতোযেন দুর্বলং চোপবাসযেত্||১৩||

নিম্বাদিরসযুক্তেন কোষ্ণতোযেন কফজাযাং ছর্দাং বমেত্| দুর্বলস্যোপবাসো ন বমনম্||১৩||

Adhikarana sauShadhamannam (14) · Śloka 14

আরগ্বধাদের্নির্যূহং শীতং ক্ষৌদ্রযুতং পিবেত্| ত্রিফলাগণচব্যাদ্বা পেযাং পত্রৈঃ করঞ্জজৈঃ| মন্থান্যবৈর্বা বহুশশ্ছর্দিঘ্নৌষধভাবিতৈঃ| কফঘ্নমন্নং হৃদ্যঞ্চ রাগাঃ সার্জকভূস্তৃণাঃ||১৪||

আরগ্বধাদের্নির্যূহঃ কষাযঃ সুশীতঃ| ত্রিফলাদিকানাং নির্যূহঃ| করঞ্জপত্রৈঃ পেযা ছার্দিঘ্নান্যৌষধানি| জালাম্লবদরদাডিমযবষষ্টিকমাতুলুঙ্গসেব্যানি| জব্বাম্রপল্লবানি চ বমিনিগ্রহণানি মৃত্স্না চ| এষাং ক্বাথেন যবাঃ শুষ্কাঃ শুষ্কাঃ ভাবযন্তে| তৈঃ সক্তবঃ ক্রিযন্তে| আর্জকং কুঠেরকম্| সূক্ষ্মৈঃ পত্রৈর্ভূস্তৃণম্||১৪||

Adhikarana vividhAH lehAH (15) · Śloka 15

লীঢং মনঃশিলাকৃষ্ণমরিচং বীজপূরকাত্| স্বরসেন কপিত্থাচ্চ সক্ষৌদ্রেণ বমিং জযেত্| সমুস্তাং মধুনা শৃঙ্গং কোলাম্লং বা সজাম্ববম্| তদ্বদ্বিডঙ্গত্রিফলাক্রিমিঘ্নপরিপেলবম্| তদ্বদ্দুরালভাং খাদেত্ কপিত্থং ত্র্যূষণেন বা||১৫||

মনঃশিলাদিকং কপিত্থবীজপূরস্বরসমাক্ষিকৈঃ| কোলাম্লং সজাম্ববং মধুনা| তদ্বদিতি মধুনা বিডঙ্গং ত্রিফলা চৈকঃ প্রযোগঃ| দ্বিতীযো বিডঙ্গঃ পরিবেলবাভ্যাম্| দুরালভাং তদ্বদিতি মধুনা| ত্র্যূষণেন সহ কপিত্থং খাদেত্||১৫||

Adhikarana dviShTArthajA krimijA ca CardiH (16) · Śloka 16

অনুকূলোপচারেণ যাতি দ্বিষ্টার্থজা শমম্| ক্রিমিজা ক্রিমিহৃদ্রোগগদিতৈশ্চ ভিষগ্জিতৈঃ||১৬||

সুবোধম্||১৬||

Adhikarana pariSiShTASCardayaH (17) · Śloka 17

যথাস্বং পরিশিষ্টাশ্চ তত্কৃতাশ্চ তথামযাঃ||১৭||

পরিশেষাঃ ছর্দযস্তৃষ্ণামদৌর্হৃদজাস্তা যথাস্বং বাতাদ্যৌষধেন চ শমং যান্তি| তত্কৃতাস্তৃষ্ণা ছর্দ্যাদিকৃতা আমযা যথাস্বমৌষধৈঃ শমং যান্তি||১৭||

Adhikarana CardistvarayA jeyA (18) · Śloka 18

ত্বরমাণো জযেচ্ছর্দি প্রসক্তামনুবন্ধিনীম্| কোষ্ঠাশ্রযমহামর্মপীডকরতরা হি সা||১৮||

প্রসক্তাং গৃহীতানুবন্ধাং ছর্দিং ত্বরমাণো জযেদ্যতঃ সা চ্ছর্দির্মহামর্মণো হৃদযস্য কোষ্ঠাশ্রযত্বাত্ পীডাকরতরা ভবতি||১৮||

Adhikarana ativamathau shIghramupakramAH (19) · Śloka 19

ন চান্নেন বিনা কাযস্তন্মযো বর্ততেঽপি চ| ধাতুক্ষযোঽতিবমথৌ সমীরণসমীরণাত্| নিযতং জাযতে তস্মাদ্দ্রুতং তত্র প্রযোজযেত্| প্রচ্ছর্দনাতিযোগোক্তং ক্রমস্তম্ভনবৃংহণম্| সর্পির্গুডান্রসান্ ক্ষীরং ঘৃতং কল্যাণজীবনম্| ধান্বন্তরং ত্র্যূষণং বা দোষদেহানুরোধতঃ||১৯||

অন্নস্য চ বমনাত্তন্মযঃ কাযো ন চ বর্ততে| অপি চেতি সমুচ্চযে| সুবোধম্| তত্র বমথৌ বমনাতিযোগোক্তং ক্রমং দৃতং শীঘ্রং যোজযেত্| সুবোধম্||১৯||

Adhikarana hRudrogacikitsitam tatra vAtaje tailam (20) · Śloka 20

হৃদ্রোগং বাতজে তৈলং মস্তুসৌবীরতক্রবত্| পিবেত্সুখোষ্ণং সবিডং গুল্মানাহার্তিজিচ্চ তত্| তৈলং চ লবণৈঃ সিদ্ধং সমূত্রাম্লং তথাগুণম্||২০||

হৃদ্রোগ ইত্যাদিনা হৃদ্রোগচিকিত্সা| বাতজে মস্ত্বাদিযুক্তং তৈলং পিবেত্| তচ্চ গুল্মাদিজিদ্ভবতি| গোমূত্রেণাম্লেন চ কাঞ্জিকাদিনা সর্বৈশ্চ লবণৈঃ পক্বং পূর্বগুণম্| পৃথক্সেহসমং কুর্যাত্| পঞ্চপ্রভৃতি তু দ্রবম্||২০||

Adhikarana bilvAdi tailam (21) · Śloka 21

বিল্বং রাস্নাং যবান্ কোলং দেবদারূ পুনর্নবম্| কুলত্থান্ পঞ্চমূলঞ্চ পক্ত্বা তস্মিঞ্জলে পচেত্| তৈলং তন্নাবনে পানে বস্তৌ চ বিনিযোজযেত্||২১||

বিল্বাদীনাং ক্বাথে তৈলচতুর্গুণে সিদ্ধং তৈলং হৃদ্রোগবতো নাবনাদিষু প্রযোজযেত্||২১||

Adhikarana shuNThyAdighRutam (22) · Śloka 22

শুণ্ঠীবযস্থালবণকাযস্থাহিঙ্গুপৌষ্করৈঃ| পথ্যযা চ শৃতং পার্শ্বহৃদ্রুজা গুল্মজিদ্ঘৃতম্||২২||

শুণ্ঠ্যাদিনাং কল্কেনানুক্তেনাপি জলেন স্নেহসমেন পক্বং ঘৃতং পার্শ্বহৃদ্রুজা গুল্মজিত্||২২||

Adhikarana sauvarcalAdighRutam (23) · Śloka 23

সৌবর্চলস্য দ্বিপলে পথ্যা পঞ্চাশদন্বিতে| ঘৃতস্য সাধিতঃ প্রস্থো হৃদ্রোগশ্বাসগুল্মনুত্||২৩||

Adhikarana dADimAdicUrNam (24) · Śloka 24

দাডিমং কৃষ্ণলবণং হিঙ্গুশুণ্ঠ্যম্লবেতসম্| অপতন্ত্রকহৃদ্রোগশ্বাসঘ্নং চূর্ণমুত্তমম্||২৪||

সুবোধম্||২৪||

Adhikarana puShkarAdikalkaH (25) · Śloka 25

পুষ্করাহ্বশঠীশুণ্ঠীবীজপূরজটাভযাঃ| পীতাঃ কল্কীকৃতাঃ ক্ষারঘৃতাম্ললবণৈর্যুতাঃ| বিকর্তিকাঃ শূলহরাঃ .......................||২৫||

পুষ্করমূলাদীনাং কল্কঃ ক্ষারাদিযুতো বিকর্তিকা শূলহরঃ| বিকর্তিকা বিকর্তনমিব জঠরে||২৫||

Adhikarana yavAnyAdikvAthaH (26) · Śloka 26

.....................ক্বাথঃ কোষ্ণশ্চ তদ্গুণঃ| যবানীলবণক্ষারবচাজাজ্যৌষধৈঃ কৃতঃ| সপিতদারূবীজাহ্বপলাশশঠিপৌষ্করৈঃ||২৬||

যবান্যাদীনাং পৌষ্করান্তানাং ক্বাথঃ কোষ্ণস্তদ্গুণাঃ||২৬||

Adhikarana pa~jcakolAdikalkaH (27) · Śloka 27

পঞ্চকোলশঠীপথ্যাগুডবীজাহ্বপৌষ্করম্| বারুণীকল্কিতং ভৃষ্টং যমকে লবণাচিতম্| হৃত্পার্শ্বযোনিশূলেষু খাদেত্ গুল্মোদরেষু চ||২৭||

Adhikarana upakramAntaram (28) · Śloka 28

স্নিগ্ধাশ্চেহ হিতাঃ স্বেদাঃ সংস্কৃতানি ঘৃতানি চ| লঘুনা পঞ্চমূলেন শুণ্ঠ্যা বা সাধিতং জলম্| বারুণীদধিমণ্ডং বা ধান্যাম্লং বা পিবেত্তৃষি| সাযামস্তম্ভশূলাভে হৃদি মারুতদূষিতে| ক্রিযৈষা.................................||২৮||

Adhikarana hRuddravAyAmapramohe viSeShaH (29) · Śloka 29

............সদ্রবাযামপ্রমোহে তু হিতা রসঃ| স্নেহাঢ্যাস্তিত্তিরিক্রৌঞ্চশিখিবর্তকদক্ষজাঃ| বলাত্তৈলং সহৃদ্রোগী পিবেদ্বা সুকুমারকম্| যষ্ট্যাহ্বশতপাকং বা মহাস্নেহং তথোত্তমম্| রাস্নাজীবকজীবন্তীবলাব্যাঘ্রীপুনর্নবৈঃ| ভার্ঙ্গীস্থিরাবচাব্যোষৈর্মহাস্নেহং বিপাচযেত্| দধিপাদং তথাম্লৈশ্চ লাভতঃ স নিষেবিতঃ| তর্পণো বৃংহণো বল্যো বাতহৃদ্রোগনাশনঃ||২৯||

সুবোধম্||২৯||

Adhikarana tryUShaNAdighRutam (30) · Śloka 30

ত্র্যূষণত্রিফলাপাঠামধূকং মধুকং ত্রুটী| পঞ্চমূলং লঘু বলে মেদে ঋদ্ধিঃ শতাবরী| কণ্ডূকরীতামলকীজীবকং চাক্ষসম্মিতৈঃ| তৈর্পচেত্সর্পিষঃ প্রস্থং দধ্নঃ প্রথেন মাহিষাত্| যুক্তং সিদ্ধং চ মধুনা তন্নিহন্তি নিষেবিতম্| হৃত্পাণ্ডুগ্রহণীদোষকাসশ্বাসহলীমকান্||৩০||

ত্র্যূষণাদিকং সুবোধম্| তচ্চ সিদ্ধং তন্মধুনা যোজ্যতে||৩০||

Adhikarana avasthAviSeShe pathyApathyaviSeShaH (31) · Śloka 31

দীপ্তেঽগ্নৌ সদ্রবাযামে হৃদ্রোগে বাতিকে হিতম্| ক্ষীরং দধি গুডঃ সর্পিরৌদকানূপমামিষম্| এতান্যেব চ বর্জ্যানি হৃদ্রোগেষু চতুর্ষ্বপি| শেষেষু স্তম্ভজাড্যামসংযুক্তেঽপি চ বাতিকে| কফানুবন্ধে তস্মিংস্তু রূক্ষোষ্ণামাচরেত্ক্রিযাম্||৩১||

Adhikarana paitte Sodhanam (32) · Śloka 32

পৈত্তে দ্রাক্ষেক্ষুনির্যাসসিতাক্ষৌদ্রপরূষকৈঃ| যুক্তো বিরেকো হৃদ্যঃ স্যাত্ক্রমঃ শুদ্ধে চ পিত্তহা| ক্ষতপিত্তজ্বরোক্তং চ বাহ্যন্তঃ পরিমার্জনম্| কট্বীমধুককল্কং চ পিবেত্ সসিতমম্ভসা||৩২||

পৈত্ত ইতি হৃদ্রোগে| বিরেকঃ কল্পে বক্ষ্যমাণে দ্রাক্ষানির্যাসাদিভির্যুক্তো হৃদ্যঃ স্যাত্| ক্ষতোক্তং পিত্তজ্বরোক্তং চ| বাহ্যপরিমার্জনমভ্যঙ্গাদি| অন্তঃপরিশোধনং সুবোধম্||৩২||

Adhikarana ghRutAni (33) · Śloka 33

শ্রেযসীশর্করাদ্রাক্ষাজীকর্ষভকোত্পলৈঃ| বলাখর্জূরকাকোলীমেদাযুগ্মৈশ্চ সাধিতম্| সক্ষীরং মাহিষং সর্পিঃ পিত্তহৃদ্রোগনাশনম্| প্রপৌণ্ডরীকমধুকবিসগ্রন্থিকশেরুকাঃ| সশুণ্ঠীশৈবলাস্তাভিঃ সক্ষীরং বিপচেত্ ঘৃতম্| শীতং সমধু তচ্চেষ্টং স্বাদুবর্গকৃতং চ যত্| বস্তিং চ দদ্যাত্ সক্ষৌদ্রং তৈলং মধুকসাধিতম্||৩৩||

শ্রেযস্যাদিকল্কং সমমাহিষক্ষীরং মাহিষং ঘৃতম্| সুবোধম্| স্বাদুবর্গো মধুরস্কন্ধঃ| মধুযষ্টীকল্কসাধিতং সক্ষৌদ্রং তৈলং বস্তিঃ||৩৩||

Adhikarana kaPaje hRudroge (34) · Śloka 34

কফোদ্ভবে বমেত্স্বিন্নঃ পিচুমন্দবচাম্ভসা| কুলত্থধন্বোত্থরসস্তীক্ষ্ণমদ্যযবাশনঃ| পিবেচ্চূর্ণং বচাহিঙ্গুলবণদ্বযনাগরাত্| সৈলা যবানককণা যবক্ষারাত্সুখাম্বুনা| ফলধান্যাম্লকৌলত্থযূষমাত্রাসবৈস্তথা| পুষ্করাহ্বাভযাশুণ্ঠীমাদ্রীপীতদ্রুকট্ফলাত্| ক্বাথে তথাঽভযাশুণ্ঠীমাদ্রীপীতদ্রুকট্ফলাত্| ক্বাথে রৌহীতকাশ্বত্থ খদিরোদুম্বরার্জুনে| সপলাশবটে ব্যোষত্রিবৃচ্চূর্ণান্বিতে কৃতঃ| সখোদকানুপানঃ স্যাল্লেহঃ কফবিকারহা| শ্লেষ্মগুল্মোদিতাজ্যানি ক্ষারাংশ্চ বিবিধান্ পিবেত্| প্রযোজযেচ্ছিলাহ্বং বা ব্রাহ্যং চাত্র রসাযনম্| তথামলকলেহং বাপ্রাশং বাঽগস্ত্যনির্মিতম্||৩৪||

কফোদ্ভবেতু হৃদ্রোগে স্বিন্নঃ সন্ বচাদীনাং চূর্ণং সুখাম্বুফলধান্যাদীনামন্যতমেন পিবেত্| একঃ পুষ্করাদীনাং ক্বাথো দ্বিতীযোঽভযাদীনাম্| মাদ্রী অতিবিষা| রৌহীতকাদিক্বাথে ত্রিকটুত্রিবৃচ্চূর্ণান্বিতে কৃতো লেহঃ সখোদকানুপানস্য সতঃ শ্লেষ্মবিকারহা| সুবোধম্| শিলাহ্বব্রাহ্মৌ রসাযনবিধী বক্ষ্যেতে| আমলকলেহশ্চ্যবনপ্রাশঃ||৩৪||

Adhikarana AvasthikaM cikitsitam (35) · Śloka 35

স্যাচ্ছূলং যস্য ভুক্তেঽপি জীর্যত্যল্পং জরাং গতে| শাম্যেত্ সকুষ্ঠকৃমিজিল্লবণদ্বযতিল্বকৈঃ| সদেবদার্বতিবিষৈশ্চূর্ণমুষ্ণাম্বুনা পিবেত্| যস্য জীর্ণেঽধিকং স্নেহৈঃ সঃ বিরেচ্যঃ ফলৈঃ পুনঃ| জীর্যত্যন্নে তথা মূলৈস্তীক্ষ্ণৈঃ শূলে সদাধিকে| প্রাযোঽনিলো রুদ্ধগতিঃ কুপ্যত্যামাশযে যতঃ| তস্যানুলোমনং কার্যং শুদ্ধিলঙ্ঘনপাচনৈঃ| কৃমিঘ্নমৌষধং সর্বং কৃমিজে হৃদযামযে||৩৫||

যস্য ভুক্তেঽপি শূলং জীর্যত্যন্নে মন্দীভবতি জরাং গতে শাম্যতি স পুরুষঃ কুষ্ঠাদিভিশ্চূর্ণমুষ্ণাম্বুনা পিবেত্| যস্য জীর্ণে শূলমধিকং সঃ স্নেহৈরেরণ্ডাদিভিঃ| জীর্যত্যন্তেঽধিকে শূলে হরীতক্যাদিভির্বিরেচ্যঃ| সদাধিকে শূলে তীক্ষ্ণৈর্মূলৈর্বিরেচ্যঃ||৩৫||

Adhikarana tRuShNAcikitsitam tatrAdau cikitsAkramaH (36) · Śloka 36

তৃষ্ণাসু বাতপিত্তঘ্নো বিধিঃ প্রাযেণ শস্যতে| সর্বাসু শীতো বাহ্যন্তস্তথা শমনশোধনঃ||৩৬||

তৃষ্ণাস্বিত্যাদি সুবোধম্||৩৬||

Adhikarana siddhajalAni (pAnArthe) (37) · Śloka 37

দিব্যাম্বু শীতং সক্ষৌদ্রং তদ্বদ্ভৌমং চ তদ্গুণম্| নির্বাপিতং তপ্তলোষ্টকপালসিকতাদিভিঃ| সশর্করং বা ক্বথিতং পঞ্চমূলেন বা জলম্||৩৭||

তপ্তলোষ্টাদিভির্নির্বাপিতং যত্র তে মগ্নাঃ| দর্ভপূর্বেণ পঞ্চমূলেন ক্বথিতং সশর্করম্||৩৭||

Adhikarana manthayavAgvAdiBojanam (38) · Śloka 38

দর্ভপূর্বেণ মন্থশ্চ প্রশস্তো লাজসক্তুভিঃ| বাট্যশ্চামযবৈঃ শীতঃ শর্করামাক্ষিকান্বিতঃ| যবাগূঃ শালিভিস্তদ্বত্ কোদ্রবৈশ্চ চিরন্তনৈঃ| শীতেন শীতবীর্যৈশ্চ দ্রব্যৈঃ সিদ্ধেন ভোজনম্| হিমাম্বুপরিষিক্তস্য পযসা সসিতামধু| রসৈশ্চানম্ললবণৈর্জাঙ্গলৈর্ঘৃতভর্জিতৈঃ| মুদ্গাদীনাং তথা যূষৈর্জীবনীযরসান্বিতৈঃ||৩৮||

বাট্যো যবৌদনঃ| শীতেনেত্যাদি পযসো বিশেষণম্| হিমাম্বুপরিষিক্তস্য পুরুষস্য সসিতা মধু ভোজনম্||৩৮||

Adhikarana nasyam (39) · Śloka 39

নস্যং ক্ষীরঘৃতং সিদ্ধং শীতৈরিক্ষোস্তথা রসঃ| নারীক্ষীরেণ বা ঘৃষ্টমুষ্ট্রাস্থি মসিতং হিতম্||৩৯||

শীতৈরৌষধৈঃ সিদ্ধং ক্ষীরোদ্ভবং ঘৃতং নস্যম্| ইক্ষুরসঃ কেবলঃ একঃ| সুবোধম্||৩৯||

Adhikarana gaNDUShAdyanye upacArAH (40) · Śloka 40

নির্বাপণাশ্চ গণ্ডূষাঃ সূত্রস্থানোদিতা হিতাঃ| দাহজ্বরোক্তা লেপাদ্যা নিরীহত্বং মনোরতিঃ| মহাসরিদ্ধৃদাদীনাং দর্শনস্মরণাদি চ||৪০||

নির্বাপণাঃ সংশমনাঃ| জ্বরঘ্না লেপসেকাদযঃ| নিরীহত্বমাস্যাসুখম্||৪০||

Adhikarana vAtajatRuShNAyAm (41) · Śloka 41

তৃষ্ণাযাং পবনোত্থাযাং সগুডং দধি শস্যতে| রসাশ্চ বৃংহণাঃ শীতা বিদার্যাদিগণাম্বু চ||৪১||

সুবোধম্||৪১||

Adhikarana pittajatRuShNAyAm (42) · Śloka 42

পিত্তজাযাং সিতাযুক্তঃ পক্বোদুম্বরজো রসঃ| তত্ক্বাথোবা হিমস্তদ্বচ্ছারিবাদিগণাম্বু বা| তদ্বিধৈশ্চ গণৈঃ শীতকষাযান্ সসিতামধূন্| মধুরৈরৌষধৈস্তদ্বত্ ক্ষীরিবৃক্ষৈশ্চ কল্পিতান্| বীজপূরকমৃদ্বীকাবটবেতসপল্লবান্| মূলানি কুশকাশানাং যষ্ট্যাহ্বঞ্চ জলে শৃতম্| অপাকশর্করাচ্ছিন্নরূহালোধাঞ্জনাম্বু বা| কার্পাসীফলকল্কং বা সসিতক্ষীরভোজনঃ| জ্বরোদিতং বা দ্রাক্ষাদি পঞ্চসারাম্বু বা পিবেত্||৪২||

তদিত্যুদুম্বরপরামর্শঃ| তদ্বিধা গণাঃ সারিবাদিসমাঃ দাহাদিশমনাঃ| মধুরৈরৌষধৈস্তদ্বদিতি শীতকষাযান্ সসিতামধূন্| ক্ষীরবৃক্ষৈঃ বটাদিভিঃ| বীজপূরপল্লবাদীনাং ক্বাথঃ| সুবোধম্| অপাকশর্করাঃ কুম্ভকারচুল্লীষত্পক্বলোষত্পক্বলোষ্টানি| বালিশা শর্করেত্যন্যে| জ্বরোদিতো দ্রাক্ষাদিঃ শীতকষাযঃ| পঞ্চসারাম্বু মধুখর্জূরাদিরক্তপিত্তপঠিতম্||৪২||

Adhikarana kaPajatRuShNAyAm (43) · Śloka 43

কফোদ্ভবাযাং বমনং নিম্বপ্রসববারিণা| বিল্বাঢকীপঞ্চকোলদর্ভপঞ্চকসাধিতম্| জলং পিবেদ্রজন্যা বা সিদ্ধং সক্ষৌদ্রশর্করম্| মুদ্গযূষং চ সব্যোষপটোলীনিম্বপল্লবম্| যবামং তীক্ষ্ণকবলনস্যলেহাংশ্চ শীলযেত্||৪৩||

কফোদ্ভবাযামিত্যাদি সুবোধম্| বিল্বাদিসাধিতং জলং পিবেত্| আঢকী তুবরী||৪৩||

Adhikarana sannipAtajA kriyA (2) · Śloka 2

সর্বৈরামাচ্চ তদ্ধন্ত্রী ক্রিযেষ্টা বমনং তথা| ত্র্যূষণারুষ্করবচাফলাম্লোষ্ণাম্বুমস্তুভিঃ||২||

Adhikarana annAtyayajAyAm (1) · Śloka 1

অন্নাত্যযান্মণ্ডমুষ্ণং হিমং মন্থং চ কালবিত্||১||

Adhikarana SramajAyAm (2) · Śloka 2

তৃষি শ্রমান্মাংসরসং মন্থং যবকোলজসক্তুভিঃ| সর্বণ্যঙ্গানি লিম্পেচ্চ তিলপিণ্যাককাঞ্জিকৈঃ||২||

Adhikarana SItasnAnajAyAm (1) · Śloka 1

শীতস্নানাচ্চ মধ্বাম্বু পিবেত্তৃড্বান্ গুডাম্বু বা||১||

Adhikarana madyajAyAm (44) · Śloka 44

মদ্যাদর্ধজলং মদ্যং স্নাতোঽম্ললবণৈর্যুতম্||৪৪||

সর্বৈঃ সন্নিপাতেন আমাচ্চ যা তৃষ্ণা তস্যাং তদ্ধন্ত্রী সন্নিপাতঘ্ন্যামঘ্নী চ ক্রিযা হিতা| ত্র্যূষণাদিকং ফলাম্লাদ্যন্যতমেন বমনম্| অন্নাত্যযাদন্নস্যাভাবাত্তৃষ্ণা| কালবিদিতি গ্রীষ্মাদিকে পিত্তকফাদিকে বা| সর্বং পঞ্চম্যন্তং তত্র হেতুর্বিজ্ঞেযঃ| সুবোধম্||৪৪||

Adhikarana tRuShNAntarAsu kramaH (45) · Śloka 45

স্নেহতীক্ষ্ণতরাগ্নিস্তু স্বভাবশিশিরং জলম্| স্নেহাদুষ্ণাম্ব্বজীর্ণাত্তু জীর্ণন্মণ্ডং পিপাসিতঃ| পিবেত্ স্নিগ্ধান্নতৃষিতো হিমস্পর্ধি গুডোদকম্| গুর্বাদ্যন্নেন তৃষিতঃ পীত্বোষ্ণাম্বু তদুল্লিখেত্| ক্ষযজাযাং ক্ষযহিতং সর্বং বৃংহণমৌষধম্| কৃশদুর্বলরূক্ষাণাং ক্ষীরং ছাগো রসোঽথবা| ক্ষীরং চ সৌর্ধ্ববাতাযাং ক্ষযকাসহরৈঃ শৃতম্||৪৫||

স্নেহেত্যাদিনা স্নেহাদিসংস্কৃতস্য তৃষ্যুক্তম্| অজীর্ণাত্ স্নেহাত্ পিপাসিত উণাম্বু পিবেত্| জীর্ণান্মণ্ডম্| স্নিগ্ধান্নং মাংসান্ন-ক্ষীরপেযাদি| তদিতি গুর্বাদ্যন্নম্| উল্লিখেদ্বমেত্||৪৫||

Adhikarana rogopasargajAyAM tRuShNAyAm (46) · Śloka 46

রোগোপসর্গজাতাযাং ধান্যাম্বু সসিতামধু| পানে প্রশস্তং সর্বা চ ক্রিযা রোগাদ্যপেক্ষযা||৪৬||

রোগোপসর্গজাতাযাং সসিতামধুধান্যাম্বুপানং সুবোধম্||৪৬||

Adhikarana tRuShNA tvarayA jeyA (47-8) · Śloka 8

তৃষ্ণক্পূর্বামযক্ষীণো ন লভেত জলং যদি| মরণং দীর্ঘরোগং বা প্রাপ্নুযাত্ত্বরিতং ততঃ| সাত্ম্যান্নপানভৈষজ্যৈস্তৃষ্ণাং তস্য জযেত্পুরঃ| তস্যাঞ্জিতাযামন্যোঽপি ব্যাধিঃ শক্যশ্চিকিত্সিতুম্||৪৭|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং চিকিত্সিতস্থানে ছর্দিহৃদ্রোগতৃষ্ণাচিকিত্সিতন্নামাষ্টমোঽধ্যাযঃ||৮||

তত্র হ্যুপসর্গজাতাযাং তৃষ্ণগতিতৃট্ সন্ পূর্বামযেন ক্ষীণো যদুপসর্গাত্তৃডুত্পন্না স যদি জলং ন প্রাপ্নুযাত্ অবশ্যং মরণং দীর্ঘরোগং বাঽপ্নুযাত্| অতস্তস্য তাং তৃষং শীঘ্রমেব সাত্ম্যৈরন্নপানাদিভির্জযেত্| সুবোধম্||৪৭|| ইতি শ্রীমন্মহামহোপাধ্যাযেন্দুবিরচিতাযম্ অষ্টাঙ্গসংগ্রহব্যাখ্যাযাং শশিলেখাযাং চিকিত্সিতস্থানে অষ্টমোঽধ্যাযঃ