Adhikarana adhyAyapratij~jA (1) · Śloka 1
অথাতঃ কাসচিকিত্সিতং ব্যাখ্য়াস্যামঃ| ইতি হ স্মাহুরাত্রেযাদযো মহর্ষযঃ||১||
अथातः कासचिकित्सितं व्याख्य़ास्यामः| इति ह स्माहुरात्रेयादयो महर्षयः||१||
🔊 Audio coming soon
ক্রমপ্রাপ্তস্য কাসস্য চিকিত্সাং প্রদর্শযিতুমধ্যায আরভ্যতে|
Adhikarana vAtajakAsacikitsA tatrAdau kiryAkramaH (2) · Śloka 2
কেবলানিলজং কাসং স্নেহৈরাদাবুপাচরেত্| বাতঘ্নসিদ্ধৈঃ স্নিগ্ধৈশ্চ পেযাযূষরসাদিভিঃ| লেহৈর্ধূমৈস্তথাভ্যঙ্গস্বেদসেকাবগাহনৈঃ| বস্তিভির্বদ্ধবিড্বাতং সপিত্তং ত্বৌর্ধ্বভক্তিকৈঃ| ঘৃতৈঃ ক্ষীরৈশ্চ সকফং জযেত্ স্নেহবিরেচনৈঃ||২||
केवलानिलजं कासं स्नेहैरादावुपाचरेत्| वातघ्नसिद्धैः स्निग्धैश्च पेयायूषरसादिभिः| लेहैर्धूमैस्तथाभ्यङ्गस्वेदसेकावगाहनैः| बस्तिभिर्बद्धविड्वातं सपित्तं त्वौर्ध्वभक्तिकैः| घृतैः क्षीरैश्च सकफं जयेत् स्नेहविरेचनैः||२||
🔊 Audio coming soon
নিদানোক্তক্রমস্যাশ্রযণাত্ প্রথমং কেবলেত্যাদিনা বাতকাসচিকিত্সোচ্যতে| স্নেহৈঃ ঘৃতাদিভির্যথাযোগ্যম্| বাতঘ্নানি শোধনাদিগণপঠিতানি ভদ্রদারূনতকুষ্ঠাদীনি| পেযাদিভিরবগাহান্তৈর্ঘৃতাদিরযোগাত্ স্নিগ্ধৈঃ| অভ্যঙ্গস্যাবিষযপ্রদর্শনার্থং বিশেষণম্| বিড্বদ্ধা কঠিনা| বাতো বিবদ্ধ অসম্যগ্বাহী| ঘৃতৈরেবৌর্ধ্বভক্তিকৈঃ ক্ষীরৈরিতি সামান্যেন| সপিত্তং সকফং চেত্যনিলজকাসবিশেষণম্||
Adhikarana guDUcyAdighRutam (3) · Śloka 3
গুডূচীকণ্টকারীভ্যাং পৃথক্ ত্রিংশত্পলাদ্রসে| প্রস্থঃ সিদ্ধো ঘৃতাদ্বাতকাসনুদ্বিহ্নিদীপনঃ||৩||
गुडूचीकण्टकारीभ्यां पृथक् त्रिंशत्पलाद्रसे| प्रस्थः सिद्धो घृताद्वातकासनुद्विह्निदीपनः||३||
🔊 Audio coming soon
গুডূচীকণ্টকার্যোঃ ষষ্টিঃ পলানি ততো নিষ্পীডিতো রসো যথাসম্ভবং তস্যালাভে ক্বাথকল্পনযা ক্বাথঃ|| ৩||
Adhikarana kShAraghRutam (4) · Śloka 4
ক্ষাররাস্নাবচাহিঙ্গুপাঠাযষ্ট্যাহ্বধান্যকৈঃ| দ্বিশণৈঃ সর্পিষঃ প্রস্থং পঞ্চকোলযুতৈঃ পচেত্| দশমূলস্য নির্যূহে পীতো মণ্ডানুপাযিনা| সকাসশ্বাসহৃত্পার্শ্বগ্রহণীরোগগুল্মনুত্||৪||
क्षाररास्नावचाहिङ्गुपाठायष्ट्याह्वधान्यकैः| द्विशणैः सर्पिषः प्रस्थं पञ्चकोलयुतैः पचेत्| दशमूलस्य निर्यूहे पीतो मण्डानुपायिना| सकासश्वासहृत्पार्श्वग्रहणीरोगगुल्मनुत्||४||
🔊 Audio coming soon
ক্ষারাদীনাং পঞ্চকোলানাং প্রত্যেকমর্ধকর্ষঃ| দশমূলক্বাথে ঘৃতাচ্চতুর্গুণঃ| সহ শ্বাসেন বর্ততে যঃ কাসঃ স তথোক্তঃ|| ৪||
Adhikarana kAshmaryAdighRutam (5) · Śloka 5
কাশ্মর্যত্রিফলাব্যোষশঠীদ্রাক্ষাপরূষকম্| দ্বে পাঠে দেবদার্বর্দ্ধিস্বগুপ্তাগ্নিকগোক্ষুরম্| ব্যাঘ্রীতামলকীমেদাকাকনাসাশতাবরীঃ| বিদারী চ ঘৃতপ্রস্থঃ কর্ষাংশৈস্তৈর্বিপাচিতঃ| ক্ষীরেণ চ জযত্যাশু জ্বরকাসহলীমকান্| গুল্মারুচিযকৃত্প্লীহশিরোহৃত্পার্শ্ববেদনাঃ| কামিলার্শোনিলাষ্ঠীলাক্ষতশোফক্ষযাংশ্চ সঃ||৫||
काश्मर्यत्रिफलाव्योषशठीद्राक्षापरूषकम्| द्वे पाठे देवदार्वर्द्धिस्वगुप्ताग्निकगोक्षुरम्| व्याघ्रीतामलकीमेदाकाकनासाशतावरीः| विदारी च घृतप्रस्थः कर्षांशैस्तैर्विपाचितः| क्षीरेण च जयत्याशु ज्वरकासहलीमकान्| गुल्मारुचियकृत्प्लीहशिरोहृत्पार्श्ववेदनाः| कामिलार्शोनिलाष्ठीलाक्षतशोफक्षयांश्च सः||५||
🔊 Audio coming soon
কাশ্মর্যাদিভিঃ কর্ষাশৈর্ঘৃতপ্রস্থং তদ্বত্ সমেন ক্ষীরেণ যুক্তং পচেত্| অত্র ঘৃতসমং জলমিচ্ছন্তি| অগ্নিকঃ চিত্রকঃ| তামলকী তালী| কাকনাসা কাকতুণ্ডফলা| শোষো মাংসক্ষযঃ| ক্ষযো রাজযক্ষ্মা|| ৫||
Adhikarana rAsnAdighRutam (6) · Śloka 6
দ্রোণেঽপাং সাধযেদ্রাস্নাদশমূলশতাবরীঃ| পলোন্মিতা দ্বিকুডবং কুলত্থং বদরং যবম্| তুলার্ধং চাজমাংসস্য তেন সাধ্যং ঘৃতাঢকম্| সমক্ষীরং পলাশৈশ্চ জীবনীযৈঃ সমীক্ষ্য তত্| প্রযুক্তং বাতরোগেষু পাননাবনবস্তিভিঃ| পঞ্চকাসান্ শিরঃ কম্পং যোনিবংক্ষণবেদনাম্| সর্বাঙ্গৈকাঙ্গরোগাংশ্চ সপ্লীহোর্ধ্বানিলাঞ্জযেত্||৬||
द्रोणेऽपां साधयेद्रास्नादशमूलशतावरीः| पलोन्मिता द्विकुडवं कुलत्थं बदरं यवम्| तुलार्धं चाजमांसस्य तेन साध्यं घृताढकम्| समक्षीरं पलाशैश्च जीवनीयैः समीक्ष्य तत्| प्रयुक्तं वातरोगेषु पाननावनबस्तिभिः| पञ्चकासान् शिरः कम्पं योनिवंक्षणवेदनाम्| सर्वाङ्गैकाङ्गरोगांश्च सप्लीहोर्ध्वानिलाञ्जयेत्||६||
🔊 Audio coming soon
রাস্নাদীনাং দ্বাদশপলাণি কুলত্থাদীনাং প্রত্যেকমষ্টৌ পলানি আজমাংসস্য পলানি পঞ্চাশদিতি পানীযপলশতপঞ্চকেন সদ্বাদশপলেন সাধযেত্| তেনেতি সিদ্ধেন সাধিতপ্রযোগাত্ মাংসবত্ মাংসপাকাবিধিরস্য সিদ্ধতা| চরকে তু পঠিতং-পাদশেষেণ তেন চেতি| জীবনীযা উক্তাঃ| তৈঃ পলাংশৈঃ সমেন ক্ষীরেণ যুক্তং ঘৃতাঢকং পচেত্| সমীক্ষ্যেতি বৃংহণীযত্বং সম্যগ্বিকল্য সর্বাঙ্গরোগা নানাবিধা বাতব্যাধযঃ| ঊর্ধ্বং প্রবৃত্তোঽনিল ঊর্ধ্বানিলঃ| সহশব্দেন তাবপি জযেদিত্যুক্তম্|| ৬||
Adhikarana vidAryAdighRutam (7) · Śloka 7
বিদার্যাদিগণক্বাথকল্কসিদ্ধং চ কাসজিত্||৭||
विदार्यादिगणक्वाथकल्कसिद्धं च कासजित्||७||
🔊 Audio coming soon
বিদার্যাদিগণস্য ক্বাথঃ স্নেহাচ্চতুর্গুণঃ কল্কশ্চতুর্থাশঃ| ইদং চ ঘৃতং বাতপিত্তকাসে বিধেযম্|| ৭||
Adhikarana ashokabIjAdighRutam (8) · Śloka 8
অশোকবীজক্ষবকজন্তুঘ্নাঞ্জনপদ্মকৈঃ| সবিডৈশ্চ ঘৃতং সিদ্ধং তচ্চূর্ণং বা ঘৃতাদ্যুতম্| লিহ্যাত্পযশ্চানু পিবেদাজং কাসাভিপীডিতঃ||৮||
अशोकबीजक्षवकजन्तुघ्नाञ्जनपद्मकैः| सविडैश्च घृतं सिद्धं तच्चूर्णं वा घृताद्युतम्| लिह्यात्पयश्चानु पिबेदाजं कासाभिपीडितः||८||
🔊 Audio coming soon
অশোকবীজাদীনি ঘৃতাচ্চতুর্থাংশানি| পানীযং চাত্র ঘৃতসমমিচ্ছন্তি| তদিত্যশোকবীজাদিপরামর্শঃ|| ৮||
Adhikarana viDa~ggAdicUrNam (9) · Śloka 9
বিডঙ্গং নাগরং রাস্না পিপ্পলী হিঙ্গুসৈন্ধবম্| ভার্ঙ্গীক্ষারশ্চ তচ্চূর্ণং পিবেদ্বা ঘৃতমাত্রযা| সকফেঽনিলজে কাসে শ্বাসহিধ্মাহতাগ্নিষু||৯||
विडङ्गं नागरं रास्ना पिप्पली हिङ्गुसैन्धवम्| भार्ङ्गीक्षारश्च तच्चूर्णं पिबेद्वा घृतमात्रया| सकफेऽनिलजे कासे श्वासहिध्माहताग्निषु||९||
🔊 Audio coming soon
বিডঙ্গাদিচূর্ণোপযোগে ঘৃতে মাত্রাশব্দঃ স্তোকপর্যাযঃ| তচ্চ বিডঙ্গাদিচূর্ণং বাতকাসে সশ্লেষ্মণি হিতং শ্বাসাদিষু চ|| ৯||
Adhikarana avalehacUrNAdikam (10) · Śloka 10
দুরালভাং শৃঙ্গিবেরং শঠী রাস্না সিতোপলাম্| লিহ্যাত্কর্কটশৃঙ্গঞ্চ কাসে তৈলেন বাতজে| দুঃস্পর্শাং পিপ্পলীং মুস্তং ভার্ঙ্গী কর্কটকীং শঠীম্| পুরাণগুডতৈলাভ্যাং চূর্ণিতান্যবলেহযেত্| তদ্বত্সকৃষ্ণাং শুণ্ঠীং চ সভার্ঙ্গী তদ্বদেব চ| পিবেত্কৃষ্ণাঞ্চ কোষ্ণেন সলিলেন সসৈন্ধবাম্| মস্তুনা সসিতাং শুণ্ঠীং দধ্না বা কণরেণুকাঃ| পিবেদ্বদরমজ্জ্ঞৌ বা মদিরাদধিমস্তুভিঃ| অথবা পিপ্পলীকল্কং ঘৃতভৃষ্টং সসৈন্ধবম্||১০||
दुरालभां शृङ्गिवेरं शठी रास्ना सितोपलाम्| लिह्यात्कर्कटशृङ्गञ्च कासे तैलेन वातजे| दुःस्पर्शां पिप्पलीं मुस्तं भार्ङ्गी कर्कटकीं शठीम्| पुराणगुडतैलाभ्यां चूर्णितान्यवलेहयेत्| तद्वत्सकृष्णां शुण्ठीं च सभार्ङ्गी तद्वदेव च| पिबेत्कृष्णाञ्च कोष्णेन सलिलेन ससैन्धवाम्| मस्तुना ससितां शुण्ठीं दध्ना वा कणरेणुकाः| पिबेद्बदरमज्ज्ञौ वा मदिरादधिमस्तुभिः| अथवा पिप्पलीकल्कं ग़ृतभृष्टं ससैन्धवम्||१०||
🔊 Audio coming soon
দুরালভাদীন্ কর্কটশৃঙ্গীসহিতাংস্তৈলেন লিহ্যাদিতি কৃষ্ণাশুণ্ঠ্যোঃ পুরাণগুডতৈলাভ্যাং প্রযোগঃ| তদ্বদেব ভার্ঙ্গীশুণ্ঠ্যোঃ| সৈন্ধবপিপ্পল্যোরুষ্ণোদকেন প্রযোগঃ| সিতাশুণ্ঠ্যোর্মস্তুনা| দধ্না কণরেণুকাঃ পিপ্পলীবীজানি| তথা বদরমজ্জ্ঞৌ রেণুকাঃ মদিরযা বা দধ্না ব মস্তুনা ব| পিপ্পলীনাং কল্কো জলপিষ্টঃ সৈন্ধবযুক্তেনজ্ ঘৃতেন ভৃষ্টঃ ক্রিযতে|| ১০||
Adhikarana dhUmapAnam (11) · Śloka 11
কাসী সপীনসো ধূমং স্নৈহিকং বিধিনা পিবেত্| হিধ্মাশ্বাসোক্তধূমাংশ্চ ক্ষীরমাংসরসাশনঃ||১১||
कासी सपीनसो धूमं स्नैहिकं विधिना पिबेत्| हिध्माश्वासोक्तधूमांश्च क्षीरमांसरसाशनः||११||
🔊 Audio coming soon
স্নৈহিকং ধূমবিধাবুক্তম্| হিধ্মাশ্বাসে যে ধূমা বক্ষ্যন্তে তান্ সেবেত ক্ষীরমাংসরসাশনঃ সন্|| ১১||
Adhikarana saMskRutAH rasAH (12) · Śloka 12
গ্রাম্যানূপৌদকৈঃ শালিযবগোধূমষষ্টিকান্| রসৈর্মাষাত্মগুপ্তানাং যূষৈর্বা ভোজযেদ্ধিতান্||১২||
ग्राम्यानूपौदकैः शालियवगोधूमषष्टिकान्| रसैर्माषात्मगुप्तानां यूषैर्वा भोजयेद्धितान्||१२||
🔊 Audio coming soon
গ্রাম্যাদিমাংসকৃতৈঃ রসৈর্মাষাত্মগুপ্তাকৃতৈর্বা যূষৈঃ শালিযবাদীন্ হিতান্ পথ্যান্ ভোজযেত্|| ১২||
Adhikarana saMskRutAH peyAH (13) · Śloka 13
যবানীপিপ্পলীবিল্বমধ্যনাগরচিত্রকৈঃ| রাস্নাজাজীপৃথক্পর্ণীপলাশশঠিপৌষ্করৈঃ| সিদ্ধাং স্নিগ্ধাম্ললবণাং পেযামনিলজে পিবেত্| কটীহৃত্পার্শ্বকোষ্ঠার্তিশ্বাসহিধ্মাপ্রণাশিনীম্| দশমূলরসে তদ্বত্ পঞ্চকোলগুডান্বিতাম্| পিবেত্সমতিলাং পেযাং ক্ষৈরেযীং বা সসৈন্ধবাম্| মাত্স্যকৌক্কুটবারাহৈর্মাংসৈর্বা সাজ্যসৈন্ধবাম্|১৩|
यवानीपिप्पलीबिल्वमध्यनागरचित्रकैः| रास्नाजाजीपृथक्पर्णीपलाशशठिपौष्करैः| सिद्धां स्निग्धाम्ललवणां पेयामनिलजे पिबेत्| कटीहृत्पार्श्वकोष्ठार्तिश्वासहिध्माप्रणाशिनीम्| दशमूलरसे तद्वत् पञ्चकोलगुडान्विताम्| पिबेत्समतिलां पेयां क्षैरेयीं वा ससैन्धवाम्| मात्स्यकौक्कुटवाराहैर्मांसैर्वा साज्यसैन्धवाम्|१३|
🔊 Audio coming soon
অনিলজে কাসে যবান্যাদিভিঃ সিদ্ধাং দাডিমাদিভিরম্লাং চ পেযাং পিবেত্| দশমূলরসে পঞ্চকোলগুডসংযুতাং তদ্বত্ কটীরুগাদিনাশিনীমিত্যর্থঃ| সমশালিতিলাং সসৈন্ধবামথবা ক্ষৈরেযীম্| মত্স্যাদিভির্মাংসৈঃ| পেযা ঘৃতসৈন্ধবযুক্তা|| ১৩||
Adhikarana pathyam (13) · Śloka 13
বাস্তুকো বাযসীশাকং কাসঘ্নঃ সুনিষণ্ণকঃ| কণ্টকার্যাঃ ফলং পত্রং বালং শুষ্কং চ মুলকম্| স্নেহাস্তৈলাদযো ভক্ষ্যাঃ ক্ষীরেক্ষুরসগৌডিকাঃ| দধিমস্ত্বারনালাম্মফলাম্বুমদিরাঃ পিবেত্||১৩||
वास्तुको वायसीशाकं कासग़्नः सुनिषण्णकः| कण्टकार्याः फलं पत्रं वालं शुष्कं च मुलकम्| स्नेहास्तैलादयो भक्ष्याः क्षीरेक्षुरसगौडिकाः| दधिमस्त्वारनालाम्मफलाम्बुमदिराः पिबेत्||१३||
🔊 Audio coming soon
বাস্তুকাদিশাকং কাসে পথ্যম্| স্নেহাস্তৈলাদযঃ তৈলপূর্বাঃ| ভক্ষ্যা নানাবিধাঃ ক্ষীরাদীনাং পিবেদিত্যনেন সম্বন্ধঃ| গুডেন কৃতং গৌডিকম্| সুবোধম্|| ১৩||
Adhikarana pittajakAsacikitsA vamanam (14) · Śloka 14
পিত্তকাসে তুসকফে ত্রিবৃতাং মধুরৈর্যুতাম্| যুঞ্জ্যাদ্বিরেকায যুতাং ঘনশ্লেষ্মণি তিক্তকৈঃ||১৪||
पित्तकासे तुसकफे त्रिवृतां मधुरैर्युताम्| युञ्ज्याद्विरेकाय युतां घनश्लेष्मणि तिक्तकैः||१४||
🔊 Audio coming soon
তনুকফে পিত্তকাসে মধুরৈরৌষধৈর্যুক্তাং ত্রিবৃতাম্| ঘনে কফে তু তিক্তকৈর্যুক্তাম্|| ১৪||
Adhikarana saMsarjanam (15) · Śloka 15
হতদোষো হিমং স্নিধং স্বাদু সংসর্জনং ভজেত্| ঘনে কফে তু শিশিরং রূক্ষং তিক্তোপসংহিতম্||১৫||
हतदोषो हिमं स्निधं स्वादु संसर्जनं भजेत्| घने कफे तु शिशिरं रूक्षं तिक्तोपसंहितम्||१५||
🔊 Audio coming soon
তথা চ ত্রিবৃতযা হতদোষঃ সন্ শীতাদিগুণং সংসর্জনং পেযাদিকমং ভজেত্| ঘনকফে পিত্তকাসে শীতরূক্ষাদিকং তিক্তোপসংহিতং মিশ্রিতম্|| ১৫||
Adhikarana lehAH (16) · Śloka 16
পিপ্পলীমুস্তযষ্ট্যাহ্বদ্রাক্ষামূর্বামহৌষধম্| লাজামৃতাফলদ্রাক্ষাত্বক্ক্ষীরীপিপ্পলীসিতাঃ| দুঃস্পর্শাকর্কটীশুণ্ঠীশঠীদ্রাক্ষাসিতাবলাঃ| নিদিগ্ধকামূলফলং বটবীজং রসাঞ্জনম্| খর্জূরং পিপ্পলী বাংশী শ্বদংষ্ট্রা চেতি পঞ্চ তে| ঘৃতক্ষৌদ্রযুতা লেহাঃ শ্লোকার্ধৈঃ পিত্তকাসিনাম্| পযোঽনুপানাং শৃঙ্গীং বা লিহ্যাত্সাজ্যসিতামধুম্||১৬||
पिप्पलीमुस्तयष्ट्याह्वद्राक्षामूर्वामहौषधम्| लाजामृताफलद्राक्षात्वक्क्षीरीपिप्पलीसिताः| दुःस्पर्शाकर्कटीशुण्ठीशठीद्राक्षासिताबलाः| निदिग्धकामूलफलं वटबीजं रसाञ्जनम्| खर्जूरं पिप्पली वांशी श्वदंष्ट्रा चेति पञ्च ते| घृतक्षौद्रयुता लेहाः श्लोकार्धैः पित्तकासिनाम्| पयोऽनुपानां शृङ्गीं वा लिह्यात्साज्यसितामधुम्||१६||
🔊 Audio coming soon
পিপ্পলীলাজদুঃস্পর্শানিদিগ্ধকাখর্জূরাদিভিঃ পঞ্চভিরর্ধশ্লোকৈঃ পঞ্চ ঘৃতক্ষৌদ্রাভ্যাং যুক্তা লেহাঃ পিত্তকাসিনামুক্তাঃ| মহৌষধং শুণ্ঠী| অমৃতাফলমামলকফলম্| কর্কটী কর্কটশৃঙ্গী বাংশী তুকাক্ষীরী| শৃঙ্গ্যা আজ্যসিতা মধুনো দোষাদ্যপেক্ষযা মাত্রা|
Adhikarana apare lehAH (17) · Śloka 17
লেহঃ পৈত্তে সিতাধাত্রীক্ষৌদ্রদ্রাক্ষাহিমোত্পলৈঃ| সকফে সাব্দমরিচঃ সঘৃতঃ সানিলে হিতঃ| মৃদ্বীকার্ধশতং ত্রিংশত্ পিপ্পলীঃ শর্করাপলম্| লেহযেন্মধুনা গোর্বা ক্ষীরপস্য শকৃদ্রসম্| ত্বগেলাব্যোষমৃদ্বীকাপিপ্পলীমূলপৌষ্করৈঃ| লাজমুস্তশঠীরাস্নাধাত্রীফলবিভীতকৈঃ| শর্করাক্ষৌদ্রসর্পিভির্লেহো হৃদ্রোগকাসহা| পিপ্পল্যামলকদ্রাক্ষালাজলাক্ষাসিতোপলাঃ| সঞ্চূর্ণ্য পক্ত্বা পযসা লিহ্যাত্ক্ষৌদ্রাষ্টভাগিকাঃ||১৭||
लेहः पैत्ते सिताधात्रीक्षौद्रद्राक्षाहिमोत्पलैः| सकफे साब्दमरिचः सघृतः सानिले हितः| मृद्वीकार्धशतं त्रिंशत् पिप्पलीः शर्करापलम्| लेहयेन्मधुना गोर्वा क्षीरपस्य शकृद्रसम्| त्वगेलाव्योषमृद्वीकापिप्पलीमूलपौष्करैः| लाजमुस्तशठीरास्नाधात्रीफलबिभीतकैः| शर्कराक्षौद्रसर्पिभिर्लेहो हृद्रोगकासहा| पिप्पल्यामलकद्राक्षालाजलाक्षासितोपलाः| सञ्चूर्ण्य पक्त्वा पयसा लिह्यात्क्षौद्राष्टभागिकाः||१७||
🔊 Audio coming soon
এবং পিত্তকাসে সিতাদিভির্লেহঃ| সকফে পৈত্তে মুস্তমরিচাভ্যাং যুক্তঃ সিতাদিভির্লেহঃ| সানিলে তু পৈত্তে অব্দমরিচাভ্যাং বিনা সঘৃতঃ সিতাদিভির্হিতঃ| মৃদ্বীকাফলানি পঞ্চাশত্ ফলানাং সংখ্যাশব্দেন কেবলেন প্রযোগে উক্তমানং ন নেচ্ছন্তি| পিপ্পলীফলানি ত্রিংশত্| শর্করাযাঃ পলমিত্যেতন্মাক্ষিকেণাবলেহযেত্| অথবা পুঙ্গবস্য ক্ষীরবৃত্তেঃ সম্বন্ধি যঃ শকৃতো রসঃ তং মধুনা লেহযেত্| ত্বগাদীনাং শর্করান্তানাং ক্ষৌদ্রসর্পিভ্যাং লেহো হৃদ্রোগকাসযোর্হন্তা| পিপ্পল্যাদীনাং চূর্ণং ক্ষীরেণ পক্ত্বা আলেহত্বপ্রাপ্তেস্ততশ্চাষ্টভাগং ক্ষৌদ্রং দত্বা লিহ্যাত্|| ১৭||
Adhikarana vidAryAdInAM pAnam (18) · Śloka 18
বিদারীক্ষুমৃণালানাং রসান্ ক্ষীরং সিতোপলাম্| পিবেত্ ক্ষৌদ্রেণ সংযোজ্য পিত্তকাসমপোহতি||১৮||
विदारीक्षुमृणालानां रसान् क्षीरं सितोपलाम्| पिबेत् क्षौद्रेण संयोज्य पित्तकासमपोहति||१८||
🔊 Audio coming soon
বিদার্যাদীনাং রসান্ ক্ষীরং সিতোপলাং চ সমভাগানি দোষাদ্যপেক্ষমাত্রেণ ক্ষৌদ্রেণ সংযোজ্য পিবেত্| তত্ পিত্তকাসমপোহতি|
Adhikarana pathyam (19) · Śloka 19
মধুরৈর্জাঙ্গলরসৈর্যবশ্যামাককোদ্রবাঃ| মুদ্গাদিযূষৈঃ শাকৈশ্চ তিক্তকৈর্মাত্রযা হিতাঃ||১৯||
मधुरैर्जाङ्गलरसैर्यवश्यामाककोद्रवाः| मुद्गादियूषैः शाकैश्च तिक्तकैर्मात्रया हिताः||१९||
🔊 Audio coming soon
তত্র চ পিত্তকাসে যবাদযো জাঙ্গলানাং মাংসানং রসৈর্মধুরৈরম্লরহিতৈঃ সহমাত্রযা হিতাস্তথা মুদ্গাদীনাং যূষৈঃ শাকৈশ্চ পটোলাদিভিস্তিক্তকৈঃ|| ১৯||
Adhikarana tanukaPayorvisheShaH (20) · Śloka 20
ঘনশ্লেষ্মণি লেহাশ্চ তিক্তকা মধুসংযুতাঃ| শালযঃ স্যুস্তনুকফে ষষ্টিকাশ্চ রসাদিভিঃ| শর্করাম্ভোঽনুপানার্থং দ্রাক্ষেক্ষুস্বরসঃ পযঃ||২০||
घनश्लेष्मणि लेहाश्च तिक्तका मधुसंयुताः| शालयः स्युस्तनुकफे षष्टिकाश्च रसादिभिः| शर्कराम्भोऽनुपानार्थं द्राक्षेक्षुस्वरसः पयः||२०||
🔊 Audio coming soon
ঘনশ্লেষ্মণি পিত্তকাসে তিক্তকৈর্দ্রব্যৈর্মধুসহিতা লেহাশ্চ হিতাঃ| তনুকফে পৈত্তে শালযঃ ষষ্টিকাশ্চ রসযূষশাকাদিভিঃ| সুবোধম্|| ২০||
Adhikarana siddharasayUShAdikam (21) · Śloka 21
কাকোলীবৃহতীমেদাদ্বযৈঃ সবৃষনাগরৈঃ| পিত্তকাসে রসক্ষীরপেযাযূষান্ প্রকল্পযেত্||২১||
काकोलीबृहतीमेदाद्वयैः सवृषनागरैः| पित्तकासे रसक्षीरपेयायूषान् प्रकल्पयेत्||२१||
🔊 Audio coming soon
কাকোল্যাদীনাং ক্বাথেন পিত্তকাসিনো মাংসরসাদীন্ কল্পযেত্| কল্পযেদিত্যনেন চূর্ণিতৈরপি সংযুক্তা রসাদয ইষ্যন্তে|| ২১||
Adhikarana drAkShAkShIrAdikam (22) · Śloka 22
দ্রাক্ষাং কণাং পঞ্চমূলং তৃণাখ্যং চ পচেজ্জলে| তেন ক্ষীরং শৃতং শীতং পিবেত্ সমধুশর্করম্| সাধিতাং তেন পেযাং বা সুশীতাং মধুনান্বিতাম্||২২||
द्राक्षां कणां पञ्चमूलं तृणाख़्यं च पचेज्जले| तेन क्षीरं शृतं शीतं पिबेत् समधुशर्करम्| साधितां तेन पेयां वा सुशीतां मधुनान्विताम्||२२||
🔊 Audio coming soon
দ্রাক্ষাদিক্বাথেন সমং ক্ষীরং শৃতং শীতং সন্মধুশর্করাভ্যাং সহ পিবেত্| তেন বা দ্রাক্ষাদিক্বথিতজলেন সাধিতাং পেযাং কেবলেন মধুনান্বিতাং পিবেত্|| ২২||
Adhikarana saghRutaM siddhajalam (23) · Śloka 23
শঠী হ্নীবেরবৃহতীশর্করাবিশ্বভেষজম্| পিষ্ট্বা রসং পিবেত্পূতং বস্ত্রেণ ঘৃতমূর্চ্ছিতম্||২৩||
शठी ह्नीबेरबृहतीशर्कराविश्वभेषजम्| पिष्ट्वा रसं पिबेत्पूतं वस्त्रेण घृतमूर्च्छितम्||२३||
🔊 Audio coming soon
জলেন শঠ্যাদিকং তদ্রসং বস্ত্রপূতং ঘৃতমিশ্রিতং পিবেত্|
Adhikarana pa~jcasamaM sarpiH (24) · Śloka 24
মহিষ্যজাবীগোক্ষীরধাত্রীফলরসৈঃ সমৈঃ| সর্পিঃ সিদ্ধং পিবেত্ .......................||২৪||
महिष्यजावीगोक्षीरधात्रीफलरसैः समैः| सर्पिः सिद्धं पिबेत् .......................||२४||
🔊 Audio coming soon
মহিষ্যাদীনাং ক্ষীরাণি ধাত্রীফলানাং চ রস ইতি পঞ্চসমানি তাবচ্চ সর্পির্বিপক্বং সিদ্ধং পিবেত্ পিত্তকাসে|| ২৪||
Adhikarana madhuragaNasiddhaM sarpiH (25) · Śloka 25
.................................তদ্বন্মধুরেণ গণেন বা| ক্বাথীকৃতেনেক্ষুরসে ক্ষীরযুক্তেন সাধিতম্| সশর্করং পিবেত্প্রাতর্লিহ্যাদ্বা মাক্ষিকান্বিতম্||২৫||
.................................तद्वन्मधुरेण गणेन वा| क्वाथीकृतेनेक्षुरसे क्षीरयुक्तेन साधितम्| सशर्करं पिबेत्प्रातर्लिह्याद्वा माक्षिकान्वितम्||२५||
🔊 Audio coming soon
তথা মধুরগণস্য ক্বাথেন স্নেহসমেন ক্ষীরেণ চ স্নেহসমেন স্নেহাচ্চতুর্গুণ ইক্ষুরসে সর্পিঃ সাধিতং শর্করযা সহ প্রাতঃ পিবেত্| মধুরো গণো রসভেদীযোক্তো মধুরস্কন্ধঃ| অথবৈতত্ সর্পিঃ সশর্করমেব প্রাতর্মাক্ষিকান্বিতং লিহ্যাত্ স্ত্যানং সত্|
Adhikarana kShIrivrukShA~gkuraghRutam (26) · Śloka 26
ক্ষীরিবৃক্ষাঙ্কুরক্বাথে পক্বং ক্ষীরসমং ঘৃতম্| পাযযেত্ পিত্তকাসার্তং মধুনা বাঽবলেহযেত্||২৬||
क्षीरिवृक्षाङ्कुरक्वाथे पक्वं क्षीरसमं घृतम्| पाययेत् पित्तकासार्तं मधुना वाऽवलेहयेत्||२६||
🔊 Audio coming soon
ক্ষীরিবৃক্ষাঙ্কুরক্বাথঃ স্নেহাচ্চতুর্গুণঃ| সর্বসর্পীষি স্ত্যানানি লেহ্যযোগীনি ভবন্তি|| ২৬||
Adhikarana medAdisarpiH (27) · Śloka 27
মেদাং বিদারীং কাকোলীং স্বযংগুপ্তাফলং বলাম্| শর্করাং জীবকং মুদ্গমাষপর্ণ্যৌ দুরালভাম্| কল্কীকৃত্য পচেত্সর্পিঃ ক্ষীরেণাষ্টগুণেন তত্| পানভোজনলেহেশু প্রযুক্তং পিত্তকাসজিত্||২৭||
मेदां विदारीं काकोलीं स्वयंगुप्ताफलं बलाम्| शर्करां जीवकं मुद्गमाषपर्ण्यौ दुरालभाम्| कल्कीकृत्य पचेत्सर्पिः क्षीरेणाष्टगुणेन तत्| पानभोजनलेहेशु प्रयुक्तं पित्तकासजित्||२७||
🔊 Audio coming soon
মেদাদীনি স্নেহাচ্চতুর্থাংশেন| জলমৌষধস্য বীর্যগ্রহণায স্নেহসমমষ্টগুণেন ক্ষীরেণ সর্পিঃ পচেত্| তত্ পক্বং পানাদিষু প্রযুক্তং পিত্তকাসানুত্|| ২৭||
Adhikarana cUrNayogAH kaShAyayogAshca (28) · Śloka 28
লিহ্যাদ্বা চূর্ণমেতেষাং কশাযমথবা পিবেত্||২৮||
लिह्याद्वा चूर्णमेतेषां कशायमथवा पिबेत्||२८||
🔊 Audio coming soon
এতেষাং বানন্তরোক্তানাং ঘৃতদ্রব্যাণাং চূর্ণং লিহ্যান্মধুনেত্যর্থাল্লভ্যতে| অথবা যৈরেব দ্রব্যৈর্ঘৃতান্যুক্তানি তেশাং কষাযং পিবেদিতি পিত্তকাসঃ|| ২৮||
Adhikarana kaPajakAsacikitsA virecanam (29) · Śloka 29
কফকাসী পিবেদাদৌ সুরকাষ্ঠাত্প্রদীপিতাত্| স্নেহং পরিস্রুতং ব্যোষযবক্ষারাবচূর্ণিতম্| স্নিগ্ধং বিরেচযেদূর্ধ্বমধো মূর্ধ্নি চ যুক্তিতঃ| তীক্ষ্ণৈর্বিরেকৈর্বলিনম্..........................||২৯||
कफकासी पिबेदादौ सुरकाष्ठात्प्रदीपितात्| स्नेहं परिस्रुतं व्योषयवक्षारावचूर्णितम्| स्निग्धं विरेचयेदूर्ध्वमधो मूर्ध्नि च युक्तितः| तीक्ष्णैर्विरेकैर्बलिनम्..........................||२९||
🔊 Audio coming soon
কফকাসীত্যাদি সুবোধম্| সুরকাষ্ঠং দেবদারু স্নিগ্ধমিত্যনেনৈব স্নেহেন ত্রিভির্ভাগৈর্যুক্ত্যা বাতরক্ষদিরূপযা| বিরেচযেত্ ঊর্ধ্বমিতি বমনেন| অধ ইতি বিরেচনে| মূর্ধ্নীতি নস্যেন| তীক্ষ্ণৈঃ পুনদ্রব্যৈ-স্ত্রিধাপি বলিনমেব বিরেচযেত্| অবলন্তু মৃদুভিবিরেকৈরিত্যর্থঃ|| ২৯||
Adhikarana saMsargIkramaH (30) · Śloka 30
.............................সংসর্গী চাস্য যোজযেত্| যবমুদ্গকুলত্থান্নৈরুষ্ণরূক্ষৈঃ কটূত্কটৈঃ| কাসমর্দকবার্তাকব্যাঘ্ড়ীক্ষারকণান্বিতৈঃ| ধান্ববৈলরসৈঃ স্নেহৈস্তিলসর্ষপনিম্বজৈঃ||৩০||
.............................संसर्गी चास्य योजयेत्| यवमुद्गकुलत्थान्नैरुष्णरूक्षैः कटूत्कटैः| कासमर्दकवार्ताकव्याघ्ऱीक्षारकणान्वितैः| धान्वबैलरसैः स्नेहैस्तिलसर्षपनिम्बजैः||३०||
🔊 Audio coming soon
অস্য চ বিরিক্তস্য কাসিনঃ সংসর্গী পেযাদিক্রমাখ্যাং যোজযেত্| কেনেত্যাহ-যবাদ্যন্নৈঃ| কিম্ভূতৈরূষ্ণৈ রূক্ষৈশ্চ তথা কটুভির্মরিচ্যাদিভিরুত্কটৈঃ কাসমর্দাদিভির্নানাবিধেন প্রকারেণান্বিতৈস্তথা ধন্বৈর্জাঙ্গলৈ রসৈর্বলৈশ্চ বিলেশযপ্রভাবৈস্তিলাদিজৈশ্চ স্নেহৈঃ|| ৩০||
Adhikarana pAnIyam (31) · Śloka 31
দশমূলাম্বু ধর্মাম্বু মদ্যং মধ্বম্বু বা পিবেত্| মূলৈঃ পৌষ্করশম্যাকপটোলৈরন্বিতং নিশাম্| পিবেদ্বাতি সহ ক্ষৌদ্রং কালেষ্বন্নস্য বা ত্রিষু||৩১||
दशमूलाम्बु धर्माम्बु मद्यं मध्वम्बु वा पिबेत्| मूलैः पौष्करशम्याकपटोलैरन्वितं निशाम्| पिबेद्वाति सह क्षौद्रं कालेष्वन्नस्य वा त्रिषु||३१||
🔊 Audio coming soon
তৃষিতশ্চ দশমূলাম্ব্বাদিকং পিবেত্| ঘর্মাম্বূষ্ণোদকম্| পৌষ্করাদিমূলৈঃ সকলাং রাত্রিং সমন্বিতং বারি শ্বোভূতেষু ত্রিষু কালেষ্বন্নস্য পিবেত্| ভোজনস্যারম্ভমধ্যপর্যবসানেষ্বিত্যর্থঃ| পূর্বপ্রযোগাপেক্ষযা বিকল্পঃ|| ৩১||
Adhikarana kaphakAsaghnAH lehAH (32) · Śloka 32
পিপ্পলীপিপ্পলীমূলং শৃঙ্গিবেরং বিভীতকম্| দেবদার্বভযা মুস্তং পিপ্পলীবিশ্বভেষজম্| গুডূচী পিপ্পলীভার্ঙ্গীশৃর্ঙীকর্কটকস্য চ| ব্যোষদারুবিডঙ্গানি ত্রিফলাশর্করাবলাঃ| নিদিগ্ধিকাযা মূলত্বঙ্মরিচৈঃ সহ যোজিতা| শিখিকুক্কুটপিচ্ছানাং মষী ক্ষারো যবোদ্ভবঃ| বিশালাপিপ্পলীমূলং ত্রিবৃতা চ মধুদ্রবাঃ| কফকাসহরা লেহাঃ সপ্তশ্লোকার্ধযোজিতাঃ| মধুনা মরিচং লিহ্যান্মধুনৈব চ জোঙ্গকম্| পৃথগ্রসাম্শ্চ মধুনা ব্যাঘ্রীবার্তাকভৃঙ্গজান্| কাসঘ্নস্যাশ্বশকৃতঃ সুরসস্যাসিতস্য চ||৩২||
पिप्पलीपिप्पलीमूलं शृङ्गिवेरं बिभीतकम्| देवदार्वभया मुस्तं पिप्पलीविश्वभेषजम्| गुडूची पिप्पलीभार्ङ्गीशृर्ङीकर्कटकस्य च| व्योषदारुविडङ्गानि त्रिफलाशर्करावलाः| निदिग्धिकाया मूलत्वङ्मरिचैः सह योजिता| शिखिकुक्कुटपिच्छानां मषी क्षारो यवोद्भवः| विशालापिप्पलीमूलं त्रिवृता च मधुद्रवाः| कफकासहरा लेहाः सप्तश्लोकार्धयोजिताः| मधुना मरिचं लिह्यान्मधुनैव च जोङ्गकम्| पृथग्रसाम्श्च मधुना व्याघ्रीवार्ताकभृङ्गजान्| कासघ्नस्याश्वशकृतः सुरसस्यासितस्य च||३२||
🔊 Audio coming soon
পিপ্পলীদেবদারুগুডূচীব্যোষনিদিগ্ধিকাশিখিপিচ্ছবিশালাদিভিঃ শ্লোকার্ধৈঃ সপ্ত মক্ষিকদ্রবা লেহাঃ কফকাসহরা ভবন্তি| মরিচৈঃ ফলৈঃ সহ যোজিতা নিদিগ্ধিকামূলত্বক্| সুবোধম্| জোঙ্গকং কৃষ্ণাগরু| কাসঘ্নাদীনাং ষষ্ঠ্যন্তানাং পৃথগ্রসো বিজ্ঞেযঃ কাসঘ্নঃ কাসমর্দঃ| অসিত ইতি সুরসবিশেষণম্|| ৩২||
Adhikarana vAtAnuge kaPe lehau (33) · Śloka 33
দেবদারুশঠীরাস্নাকর্কটাখ্যাদুরালভাঃ| পিপ্পলী নাগরং মুস্তং পথ্যা ধাত্রী সিতোপলাঃ| মধুতৈলযুতাবেতৌ লেহৌ বাতনুগে কফে||৩৩||
देवदारुशठीरास्नाकर्कटाख़्यादुरालभाः| पिप्पली नागरं मुस्तं पथ्या धात्री सितोपलाः| मधुतैलयुतावेतौ लेहौ वातनुगे कफे||३३||
🔊 Audio coming soon
দেবদার্বাদিভিঃ পিপ্পল্যাদিভিশ্চ দ্বৌ তৈলমাক্ষিকযুতৌ লেহৌ বাতানুগে কফে কফকাসে ভবতঃ|| ৩৩||
Adhikarana viDa~ggAdicUrNalehaH (34) · Śloka 34
বিডঙ্গং সৈন্ধবং হিঙ্গু কুষ্ঠং ব্যোষং মনঃশিলাম্| কাসে শ্বাসে চ হিধ্মাযাম্ লিহ্যাত্ক্ষৌদ্রঘৃতাদ্যুতম্||৩৪||
विडङ्गं सैन्धवं हिङ्गु कुष्ठं व्योषं मनःशिलाम्| कासे श्वासे च हिध्मायाम् लिह्यात्क्षौद्रघृताद्युतम्||३४||
🔊 Audio coming soon
বিডঙ্গাদিচূর্ণং ক্ষৌদ্রঘৃতাদ্যুতং কাসাদিকে লিহ্যাত্|| ৩৪||
Adhikarana guDAdicUrNam (35) · Śloka 35
গুডক্ষারোষণকণাদাডিমং শ্বাসকাসজিত্| ক্রমাত্পলদ্বযার্ধাক্ষকর্শার্ধাক্ষপলোন্মিতম্| দ্বে পলে দাডিমাদষ্টৌ গুডদ্ব্যোষাত্ পলত্রযম্| রোচনং দীপনং স্বর্যং পীনসশ্বাসকাসজিত্||৩৫||
गुडक्षारोषणकणादाडिमं श्वासकासजित्| क्रमात्पलद्वयार्धाक्षकर्शार्धाक्षपलोन्मितम्| द्वे पले दाडिमादष्टौ गुडद्व्योषात् पलत्रयम्| रोचनं दीपनं स्वर्यं पीनसश्वासकासजित्||३५||
🔊 Audio coming soon
গুডাদিকং ক্রমাত্ পলদ্বযাদিরূপোন্মানমিতং শ্বাসকাসজিত্| গুডস্য পলদ্বযম্| যবক্ষারস্যার্ধকর্ষঃ| মরিচস্য কর্ষঃ| পিপ্পলীনামর্ধকর্ষঃ| দাডিমস্য পলমিতি ক্রমার্থঃ সুবোধম্|| ৩৫||
Adhikarana pAThAdikaM mustAdika~jca cUrNam (36) · Śloka 36
পাঠাশুণ্ঠীশঠীমুর্বাগবাক্ষীপিপ্পলীঘনম্| পিষ্ট্বা ঘর্মাম্বুনা হিঙ্গুসৈন্ধবাভ্যাং যুতং পিবেত্| তদ্বান্মুস্তাশঠীশুণ্ঠীনাগরাতিবিষযাঽভযাঃ||৩৬||
पाठाशुण्ठीशठीमुर्वागवाक्षीपिप्पलीघनम्| पिष्ट्वा घर्माम्बुना हिङ्गुसैन्धवाभ्यां युतं पिबेत्| तद्वान्मुस्ताशठीशुण्ठीनागरातिविषयाऽभयाः||३६||
🔊 Audio coming soon
Adhikarana pAcanAntarANi (37) · Śloka 37
পিবেজ্জ্বরোক্তং পথ্যাদি সশৃঙ্গীকঞ্চ পাচনম্| অথবা দীপ্যকত্রিবৃদ্ধিশালাঘনপৌষ্করম্| সকণং ক্বথিতে মূত্রে কফকাসী জলেঽপি বা||৩৭||
पिबेज्ज्वरोक्तं पथ्यादि सशृङ्गीकञ्च पाचनम्| अथवा दीप्यकत्रिवृद्धिशालाघनपौष्करम्| सकणं क्वथिते मूत्रे कफकासी जलेऽपि वा||३७||
🔊 Audio coming soon
জ্বরোক্তং পথ্যাদি| রুগ্বিবন্ধানিলশ্লেষ্মযুক্তে দীপনপাচনম্| অভযা পিপ্পলীমূলশম্যাককটুকাঘনম্|| তত্ সশৃঙ্গীকং পিবেত্| দীপ্যকাদিকং পিপ্পল্যন্তং গোমূত্রে ক্বথিতং কফকাসী পিবেত্|| ৩৭||
Adhikarana vaidehIkalkaH (38) · Śloka 38
তৈলভৃষ্টঞ্চ বৈদেহীকল্কাক্ষং সসিতোপলাম্| পাযযেত্কফকাসঘ্নং কুলত্থসলিলাদ্যুতম্||৩৮||
तैलभृष्टञ्च वैदेहीकल्काक्षं ससितोपलाम्| पाययेत्कफकासघ्नं कुलत्थसलिलाद्युतम्||३८||
🔊 Audio coming soon
বৈদেহ্যাঃ পিপ্পল্যাঃ কল্কস্যাক্ষং কর্ষং তৈলেন ভর্জিতং সত্ শর্করযা দোষমাত্রযা যুক্তং কুলত্থক্বথিতসলিলেন পাযযেত্| তদ্ভি কফকাসঘ্নম্|| ৩৮||
Adhikarana sauvarcalAdicUrNam (39) · Śloka 39
সৌবর্চলাভযাধাত্রীপিপ্পলীক্ষারনাগরম্| চূর্ণিতং সর্পিষা বাতকফকাসহরং পিবেত্||৩৯||
सौवर्चलाभयाधात्रीपिप्पलीक्षारनागरम्| चूर्णितं सर्पिषा वातकफकासहरं पिबेत्||३९||
🔊 Audio coming soon
সৌবর্চলাদিকং চূর্ণিতং ঘৃতেনালোড্য বাতশ্লেষ্মকাসে পিবেত্||
Adhikarana dashamUlAdighRutam (40) · Śloka 40
দশমূলাঢকে প্রস্থং ঘৃতস্যাক্ষসমৈঃ পচেত্| পুষ্করাহ্বশঠীবিল্বসুরসব্যোষহিঙ্গুভিঃ| পেযানুপানং তত্সর্বং বাতশ্লেষ্মামযাপহম্||৪০||
दशमूलाढके प्रस्थं घृतस्याक्षसमैः पचेत्| पुष्कराह्वशठीबिल्वसुरसव्योषहिङ्गुभिः| पेयानुपानं तत्सर्वं वातश्लेष्मामयापहम्||४०||
🔊 Audio coming soon
দ্রবপাঠাসম্ভবাচ্চ দশমূলরসস্যাঢকো বিজ্ঞেযঃ| দশমূলাঢকঃ পুনর্ঘৃতপ্রস্থেনাভ্যক্ততামেব ন প্রাপ্নোতি| অক্ষসমৈঃ কার্ষিকৈঃ||
Adhikarana nirguNDIghRutam (1) · Śloka 1
নির্গুণ্ডীপত্রনির্যাসসাধিতং কাসজিদ্ ঘৃতম্|১|
निर्गुण्डीपत्रनिर्याससाधितं कासजिद् घृतम्|१|
🔊 Audio coming soon
Adhikarana viDa~ggaghRutam (1) · Śloka 1
ঘৃতং রসে বিডঙ্গানাং ব্যোষগর্ভং চ সাধিতম্||১||
घृतं रसे विडङ्गानां व्योषगर्भं च साधितम्||१||
🔊 Audio coming soon
Adhikarana punarnavAghRutam (41) · Śloka 41
পুনর্নবশিবাটিকাসরলকাসমর্দামৃতা পটোলবৃহতীফণিজ্ঝকরসৈঃ পযঃসংযুতৈঃ| ঘৃতং ত্রিকটুনা চ সিদ্ধমুপযুজ্য সুজাযতে ন কাসবিষমজ্বরক্ষযগুদাঙ্কুরেভ্যো ভযম্||৪১||
पुनर्नवशिवाटिकासरलकासमर्दामृता पटोलबृहतीफणिज्झकरसैः पयःसंयुतैः| घृतं त्रिकटुना च सिद्धमुपयुज्य सुजायते न कासविषमज्वरक्षयगुदाङ्कुरेभ्यो भयम्||४१||
🔊 Audio coming soon
নির্গুণ্ডীপত্রাণাং স্বরসঃ স্নেহাচ্চতুর্গুণঃ স্নেহাচ্চতুর্থাশঃ| নির্গুণ্ডী শোফালিকা| তস্যা এব পত্রং সুবোধম্|| ৪১||
Adhikarana kaNTakArighRutam (42) · Śloka 42
সমূলফলপত্রাযাঃ কণ্টকার্যা রসাঢকে| ঘৃতপ্রস্থং বলাব্যোষবিডঙ্গশঠিদাডিমৈঃ| সৌবর্চলযবক্ষারমূলামলকপৌষ্করৈঃ| বৃশ্চীববৃহতীপথ্যাযবানীচিত্রকর্ধিভিঃ| মৃদ্বীকাচব্যবর্ষাভূদুরালম্ভাম্লবেতসৈঃ| শৃঙ্গীতামলকীভার্ঙ্গীরাস্নাগোক্ষুরকৈঃ পচেত্| কল্কৈস্তত্সর্বকাসেষু শ্বাসহিধ্মাসু চেষ্যতে||৪২||
समूलफलपत्रायाः कण्टकार्या रसाढके| घृतप्रस्थं बलाव्योषविडङ्गशठिदाडिमैः| सौवर्चलयवक्षारमूलामलकपौष्करैः| वृश्चीवबृहतीपथ्यायवानीचित्रकर्धिभिः| मृद्वीकाचव्यवर्षाभूदुरालम्भाम्लवेतसैः| शृङ्गीतामलकीभार्ङ्गीरास्नागोक्षुरकैः पचेत्| कल्कैस्तत्सर्वकासेषु श्वासहिध्मासु चेष्यते||४२||
🔊 Audio coming soon
কণ্টকার্যা রসো নিষ্পীডিতঃ বলাদীনি স্নেহাচ্চতুর্থাংশানি| মূলং পিপ্পলীমূলম্| আমলকফলানি| পৌষ্করং পুষ্করমূলম্| চরকবিদঃ পঠন্তি-'সৌবর্চলযবক্ষারপিপ্পলীমূলপৌষ্করৈরি'তি| তে হ্যামলকানি ন পঠন্তি|| ৪২||
Adhikarana dvitIyaM kaNTakArIghRutam (43) · Śloka 43
কণ্টকার্যসিতুলাং ক্ষুণ্ণং পক্ত্বা দ্রোণেঽম্ভসঃ পচেত্| তেনাঢকেন ক্বাথস্য ঘৃতপ্রস্থং পিচূন্মিতৈঃ| রাস্নাদুঃস্পর্শষড্গ্রন্থাপিপ্পলীদ্বযচিত্রকৈঃ| সৌবর্চলযবক্ষারকৃষ্ণামূলৈশ্চ তজ্জযেত্| কাসশ্বাসকফষ্ঠীবহিধ্মারোচকপীনসান্||৪৩||
कण्टकार्यसितुलां क्षुण्णं पक्त्वा द्रोणेऽम्भसः पचेत्| तेनाढकेन क्वाथस्य घृतप्रस्थं पिचून्मितैः| रास्नादुःस्पर्शषड्ग्रन्थापिप्पलीद्वयचित्रकैः| सौवर्चलयवक्षारकृष्णामूलैश्च तज्जयेत्| कासश्वासकफष्ठीवहिध्मारोचकपीनसान्||४३||
🔊 Audio coming soon
কণ্টকার্যাঃ পলশতম্| জলদ্রোণং সদ্বাদশপলানি পঞ্চশতনি| ক্বথিতশেষ আঢকমষ্টাবিংশত্যধিকং পলশতম্| রাস্নাদীনি কর্ষোন্মিতানি| ষড্গ্রন্থা শতপর্বিকা| কফষ্ঠীবঃ শ্লেষ্মোদ্গিরণম্|| ৪৩||
Adhikarana kaNTakArIlehaH (44) · Śloka 44
পচেদ্ব্যাঘ্রীতুলাং ক্ষুণ্ণাং বহেঽপামাঢকস্থিতে| ক্ষিপেত্পূতে তু সঞ্চূর্ণ্য ব্যোবরাস্নামৃতাগ্নিকান্| শৃঙ্গীভার্ঙ্গীঘনগ্রন্থিধন্বযাসান্ পলার্ধকান্| সর্পিষঃ ষোডশপলং চত্বারিংশত্পলানি চ| মত্স্যণ্ডিকাযাঃ শুদ্ধাযাঃ পুনশ্চ তদধিশ্রযেত্| দর্বীংলেপিনি শীতে চ পৃথগ্দ্বিকুডবং ক্ষিপেত্| পিপ্পলীনাং তবক্ষীর্যা মাক্ষিকস্যানবস্য চ| লেহোঽযং গুল্মহৃদ্রোগদুর্নামশ্বাসকাসজিত্||৪৪||
पचेद्व्याघ्रीतुलां क्षुण्णां वहेऽपामाढकस्थिते| क्षिपेत्पूते तु सञ्चूर्ण्य व्योवरास्नामृताग्निकान्| शृङ्गीभार्ङ्गीघनग्रन्थिधन्वयासान् पलार्धकान्| सर्पिषः षोडशपलं चत्वारिंशत्पलानि च| मत्स्यण्डिकायाः शुद्धायाः पुनश्च तदधिश्रयेत्| दर्वींलेपिनि शीते च पृथग्द्विकुडवं क्षिपेत्| पिप्पलीनां तवक्षीर्या माक्षिकस्यानवस्य च| लेहोऽयं गुल्महृद्रोगदुर्नामश्वासकासजित्||४४||
🔊 Audio coming soon
ব্যাঘ্র্যাঃ পলশতম্| অপাং জলস্য বহঃ পলসহস্রদ্বযমষ্টচত্বারিংশদধিকম্| পূতং স্রুতম্| গ্রন্থিঃ পিপ্পলীমূলম্| মত্স্যণ্ডিকা খণ্ডাদূনা শর্করা| শুদ্ধা নির্মলা| অধিশ্রযণং পাকায চুল্যামারোহণম্| পিপ্পলীনাং দ্বিকুডবমষ্টৌ পলানি| তদ্বত্তুকাক্ষীর্যাঃ মাক্ষিকস্য দ্বিকুডবং ষোডশপলানি| অনবশব্দেন তদ্বত্সরকৃতং প্রতিষিধ্যতে|| ৪৪||
Adhikarana triPalAdilehaH (45) · Śloka 45
ত্রিফলাপিপ্পলীপাঠাশারিবাবৃহতীদ্বযম্| মরিচং পদ্মকং মুস্তমুশীরং চাক্ষসম্মিতম্| পক্ত্বা জলাঢকে পাদশেষে ক্ষীরপলাষ্টকম্| দত্বা গুডস্য চ পলং পচেদাদর্বিলেপনাত্| লেহঃ কফোল্বণং কাসং সর্বমেব নিযচ্ছতি| সাধিতং ক্ষীরমেভির্বা তিলক্ষৌদ্রযুতং পিবেত্||৪৫||
त्रिफलापिप्पलीपाठाशारिवाबृहतीद्वयम्| मरिचं पद्मकं मुस्तमुशीरं चाक्षसम्मितम्| पक्त्वा जलाढके पादशेषे क्षीरपलाष्टकम्| दत्वा गुडस्य च पलं पचेदादर्विलेपनात्| लेहः कफोल्बणं कासं सर्वमेव नियच्छति| साधितं क्षीरमेभिर्वा तिलक्षौद्रयुतं पिबेत्||४५||
🔊 Audio coming soon
ত্রিফলাদিকে ত্রিফলাদযঃ কর্ষপ্রমাণাঃ| সুবোধম্|| ৪৫||
Adhikarana dhUmapAnam (46) · Śloka 46
শমনং চ পিবেদ্ধূমং শোধনং বহলে কফে||৪৬||
शमनं च पिबेद्धूमं शोधनं बहले कफे||४६||
🔊 Audio coming soon
সর্বস্মিন্ কফকাসে শমনং ধূমং পিবেত্| শমনঃ প্রাযোগিকো মধ্য ইতি পর্যাযাঃ| যদা তু কফকাসে বহলো ঘনঃ কফো ভবতি তদা শোধনং ধূমং পিবেত্| শোধনো বিরেচনস্তীক্ষ্ণ ইতি পর্যাযাঃ| এতৌ ধূমবিধৌ প্রদর্শিতৌ|| ৪৬||
Adhikarana manaHshilAdidhUmaH (47) · Śloka 47
মনঃশিলালমধুকমাংসীমুস্তেঽঙ্গুদীত্বচঃ| ধূমং কাসঘ্নবিধিনা পীত্বা ক্ষীরং পিবেদনু| নিষ্ঠ্যূতান্তে গুডযুতং কোষ্ণং ধূমো নিহন্তি সঃ| বাতশ্লেষ্মোত্তরন্ কাসনচিরেণ চিরন্তনান্||৪৭||
मनःशिलालमधुकमांसीमुस्तेऽङ्गुदीत्वचः| धूमं कासघ्नविधिना पीत्वा क्षीरं पिबेदनु| निष्ठ्यूतान्ते गुडयुतं कोष्णं धूमो निहन्ति सः| वातश्लेष्मोत्तरन् कासनचिरेण चिरन्तनान्||४७||
🔊 Audio coming soon
মনঃশিলাদীনাং ধূমং কাসঘ্নধূমবিধানেন পীত্বা ক্ষীরং পিবেত্| কাসঘ্নধূমবিধানং তু 'চূর্ণং গুলিকাং বা নির্ধূমদীপস্থিরাঙ্গারপূর্ণে সুসংস্থিতে শরাবে প্রক্ষিপ্যান্যেব নেত্রং, মূর্ধ্নি প্রবৃত্তছিদ্রেণ শরাবেণ পিধায নিধায চ তত্ সোঽতীসমুখেনৈব ধূমং পিবেত্' উরঃপ্রাপ্তং চ মুখেনৈবোদ্বমেত্| প্রশান্তে চ ধূমে পুনঃ পুনঃ ক্ষিপেত্| পিবেচ্চাদোষশুদ্ধের্লাঘবাদ্বেতি| এতচ্চ ধূমবিধৌ ব্যাখ্যাতম্| তত্র চ ক্ষীরং ধূমাত্ নিষ্ঠ্যূতস্য শ্লেষ্মণোঽন্তে গুডযুতমীষ্দুষ্ণং চ পিবেত্|
Adhikarana prapauNDarIkAdidhUmaH (48) · Śloka 48
প্রপৌণ্ডরীকং মধুকং শার্ঙ্গাষ্ঠালং মনঃশিলাম্| মরিচং পিপ্পলীং দ্রাক্ষামেলাং সুরসমঞ্জরীম্| কৃত্ব বর্তি পিবেদ্ধূমং ক্ষৌমচৈলানুবর্তিনীম্| ঘৃতাক্তামনু চ পিবেত্তদ্বদ্গুডাম্বু বা||৪৮||
प्रपौण्डरीकं मधुकं शार्ङ्गाष्ठालं मनःशिलाम्| मरिचं पिप्पलीं द्राक्षामेलां सुरसमञ्जरीम्| कृत्व वर्ति पिबेद्धूमं क्षौमचैलानुवर्तिनीम्| घृताक्तामनु च पिबेत्तद्वद्गुडाम्बु वा||४८||
🔊 Audio coming soon
প্রপৌন্ডরীকাদিভিঃ শ্লক্ষ্ণপিষ্টৈঃ ক্ষৌমচৈলেন সহ বর্তি কৃত্বা তাঞ্চ ঘৃতাক্তাং কৃত্বা তত এব ধূমং পিবেত্| অনু চ ক্ষীরম্| তদ্বদিতি নিষ্ঠ্যূতান্তে গুডযুতং কোষ্ণঞ্চ| অথবা গুডাম্ব্বনু পিবেত্; ন তু তথাবিধং ক্ষীরম্|| ৪৮||
Adhikarana nepAlyAdidhUmaH (49) · Śloka 49
নেপালীতলমরিচলাক্ষাঞ্জনকুটন্নটৈঃ| উশীররোহিষফলদ্রামিকীবংশলেখনৈঃ| পূর্বকল্পেন ধূমোঽযং সানুপানো বিধীযতে| কার্পাসাস্থ্যশ্বগন্ধা চ ধূমঃ কাসবিনাশনঃ| কোশাতকীফলান্মধ্যৈঃ পিবেদ্বা সমনঃশিলৈঃ||৪৯||
नेपालीतलमरिचलाक्षाञ्जनकुटन्नटैः| उशीररोहिषफलद्रामिकीवंशलेखनैः| पूर्वकल्पेन धूमोऽयं सानुपानो विधीयते| कार्पासास्थ्यश्वगन्धा च धूमः कासविनाशनः| कोशातकीफलान्मध्यैः पिबेद्वा समनःशिलैः||४९||
🔊 Audio coming soon
নেপাল্যাদিভিঃ পূর্ববদ্ধূমঃ| নেপালী মনঃশিলা| কুটন্নটং প্লবং ধান্যং বিতুন্নং পরিপেলবম্| রোহিষং ভূতিকম্| ফলং মদনফলম্| দ্রামিকী সূক্ষ্মৈলা| বংশলেখনং বংশশিলা তনুশকলং বদন্তি| সুবোধম্| কোশাতকফলমজ্জা মনঃশিলা চ ধূমম্|
Adhikarana kAse~anubandhAnusAraM cikitsA (50-4) · Śloka 4
তমকঃ কফকাসে তু স্যাচ্চেত্পিত্তানুবন্ধজঃ| পিত্তকাসক্রিযাং তত্র যথাবস্থং প্রযোজযেত্| কফানুবন্ধে পবনে কুর্যাত্কফহরাং কির্যাম্| পিত্তানুবন্ধযোর্বাতকফযোঃ পিত্তনাশিনীম্| বাতশ্লেষ্মাত্মকে শুষ্কে স্নিগ্ধমার্দ্রে বিরুক্ষণম্| কাসে কর্ম সপিত্তে তু কফজে তিক্তসংযুতম্||৫০|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং চিকিত্সিতস্থানে কাসচিকিত্সিতন্নাম চতুর্থোঽধ্যাযঃ||৪||
तमकः कफकासे तु स्याच्चेत्पित्तानुबन्धजः| पित्तकासक्रियां तत्र यथावस्थं प्रयोजयेत्| कफानुबन्धे पवने कुर्यात्कफहरां किर्याम्| पित्तानुबन्धयोर्वातकफयोः पित्तनाशिनीम्| वातश्लेष्मात्मके शुष्के स्निग्धमार्द्रे विरुक्षणम्| कासे कर्म सपित्ते तु कफजे तिक्तसंयुतम्||५०|| इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां चिकित्सितस्थाने कासचिकित्सितन्नाम चतुर्थोऽध्यायः||४||
🔊 Audio coming soon
যত্র তু কফকাসে পিত্তানুবন্ধাত্ তমকাখ্যঃ শ্বাসঃ স্যাত্তত্র কফকাসে পিত্তকাসক্রিযাং যথাবস্থং কুর্যাত্| বাতকাসে তু কফানুবন্ধে কফকাসহরাং ক্রিযাং কুর্যাত্| বাতকফযোর্মিশ্রিতযোরপি পিত্তানুবন্ধে পিত্তকাসক্রিযাং কুর্যাত্| সুবোধম্| তিক্তসংযুতশব্দেন কর্ম সম্বধ্যতে|| ৫০|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহ- ব্যাখ্যাযাং শশিলেখাযাং চিকিত্সিতস্থানে চতুর্থোঽধ্যাযঃ