4. kāsacikitsitam

Adhikarana adhyAyapratij~jA (1) · Śloka 1

অথাতঃ কাসচিকিত্সিতং ব্যাখ্য়াস্যামঃ| ইতি হ স্মাহুরাত্রেযাদযো মহর্ষযঃ||১||

Adhikarana vAtajakAsacikitsA tatrAdau kiryAkramaH (2) · Śloka 2

কেবলানিলজং কাসং স্নেহৈরাদাবুপাচরেত্| বাতঘ্নসিদ্ধৈঃ স্নিগ্ধৈশ্চ পেযাযূষরসাদিভিঃ| লেহৈর্ধূমৈস্তথাভ্যঙ্গস্বেদসেকাবগাহনৈঃ| বস্তিভির্বদ্ধবিড্বাতং সপিত্তং ত্বৌর্ধ্বভক্তিকৈঃ| ঘৃতৈঃ ক্ষীরৈশ্চ সকফং জযেত্ স্নেহবিরেচনৈঃ||২||

Adhikarana guDUcyAdighRutam (3) · Śloka 3

গুডূচীকণ্টকারীভ্যাং পৃথক্ ত্রিংশত্পলাদ্রসে| প্রস্থঃ সিদ্ধো ঘৃতাদ্বাতকাসনুদ্বিহ্নিদীপনঃ||৩||

Adhikarana kShAraghRutam (4) · Śloka 4

ক্ষাররাস্নাবচাহিঙ্গুপাঠাযষ্ট্যাহ্বধান্যকৈঃ| দ্বিশণৈঃ সর্পিষঃ প্রস্থং পঞ্চকোলযুতৈঃ পচেত্| দশমূলস্য নির্যূহে পীতো মণ্ডানুপাযিনা| সকাসশ্বাসহৃত্পার্শ্বগ্রহণীরোগগুল্মনুত্||৪||

Adhikarana kAshmaryAdighRutam (5) · Śloka 5

কাশ্মর্যত্রিফলাব্যোষশঠীদ্রাক্ষাপরূষকম্| দ্বে পাঠে দেবদার্বর্দ্ধিস্বগুপ্তাগ্নিকগোক্ষুরম্| ব্যাঘ্রীতামলকীমেদাকাকনাসাশতাবরীঃ| বিদারী চ ঘৃতপ্রস্থঃ কর্ষাংশৈস্তৈর্বিপাচিতঃ| ক্ষীরেণ চ জযত্যাশু জ্বরকাসহলীমকান্| গুল্মারুচিযকৃত্প্লীহশিরোহৃত্পার্শ্ববেদনাঃ| কামিলার্শোনিলাষ্ঠীলাক্ষতশোফক্ষযাংশ্চ সঃ||৫||

Adhikarana rAsnAdighRutam (6) · Śloka 6

দ্রোণেঽপাং সাধযেদ্রাস্নাদশমূলশতাবরীঃ| পলোন্মিতা দ্বিকুডবং কুলত্থং বদরং যবম্| তুলার্ধং চাজমাংসস্য তেন সাধ্যং ঘৃতাঢকম্| সমক্ষীরং পলাশৈশ্চ জীবনীযৈঃ সমীক্ষ্য তত্| প্রযুক্তং বাতরোগেষু পাননাবনবস্তিভিঃ| পঞ্চকাসান্ শিরঃ কম্পং যোনিবংক্ষণবেদনাম্| সর্বাঙ্গৈকাঙ্গরোগাংশ্চ সপ্লীহোর্ধ্বানিলাঞ্জযেত্||৬||

Adhikarana vidAryAdighRutam (7) · Śloka 7

বিদার্যাদিগণক্বাথকল্কসিদ্ধং চ কাসজিত্||৭||

Adhikarana ashokabIjAdighRutam (8) · Śloka 8

অশোকবীজক্ষবকজন্তুঘ্নাঞ্জনপদ্মকৈঃ| সবিডৈশ্চ ঘৃতং সিদ্ধং তচ্চূর্ণং বা ঘৃতাদ্যুতম্| লিহ্যাত্পযশ্চানু পিবেদাজং কাসাভিপীডিতঃ||৮||

Adhikarana viDa~ggAdicUrNam (9) · Śloka 9

বিডঙ্গং নাগরং রাস্না পিপ্পলী হিঙ্গুসৈন্ধবম্| ভার্ঙ্গীক্ষারশ্চ তচ্চূর্ণং পিবেদ্বা ঘৃতমাত্রযা| সকফেঽনিলজে কাসে শ্বাসহিধ্মাহতাগ্নিষু||৯||

Adhikarana avalehacUrNAdikam (10) · Śloka 10

দুরালভাং শৃঙ্গিবেরং শঠী রাস্না সিতোপলাম্| লিহ্যাত্কর্কটশৃঙ্গঞ্চ কাসে তৈলেন বাতজে| দুঃস্পর্শাং পিপ্পলীং মুস্তং ভার্ঙ্গী কর্কটকীং শঠীম্| পুরাণগুডতৈলাভ্যাং চূর্ণিতান্যবলেহযেত্| তদ্বত্সকৃষ্ণাং শুণ্ঠীং চ সভার্ঙ্গী তদ্বদেব চ| পিবেত্কৃষ্ণাঞ্চ কোষ্ণেন সলিলেন সসৈন্ধবাম্| মস্তুনা সসিতাং শুণ্ঠীং দধ্না বা কণরেণুকাঃ| পিবেদ্বদরমজ্জ্ঞৌ বা মদিরাদধিমস্তুভিঃ| অথবা পিপ্পলীকল্কং ঘৃতভৃষ্টং সসৈন্ধবম্||১০||

Adhikarana dhUmapAnam (11) · Śloka 11

কাসী সপীনসো ধূমং স্নৈহিকং বিধিনা পিবেত্| হিধ্মাশ্বাসোক্তধূমাংশ্চ ক্ষীরমাংসরসাশনঃ||১১||

Adhikarana saMskRutAH rasAH (12) · Śloka 12

গ্রাম্যানূপৌদকৈঃ শালিযবগোধূমষষ্টিকান্| রসৈর্মাষাত্মগুপ্তানাং যূষৈর্বা ভোজযেদ্ধিতান্||১২||

Adhikarana saMskRutAH peyAH (13) · Śloka 13

যবানীপিপ্পলীবিল্বমধ্যনাগরচিত্রকৈঃ| রাস্নাজাজীপৃথক্পর্ণীপলাশশঠিপৌষ্করৈঃ| সিদ্ধাং স্নিগ্ধাম্ললবণাং পেযামনিলজে পিবেত্| কটীহৃত্পার্শ্বকোষ্ঠার্তিশ্বাসহিধ্মাপ্রণাশিনীম্| দশমূলরসে তদ্বত্ পঞ্চকোলগুডান্বিতাম্| পিবেত্সমতিলাং পেযাং ক্ষৈরেযীং বা সসৈন্ধবাম্| মাত্স্যকৌক্কুটবারাহৈর্মাংসৈর্বা সাজ্যসৈন্ধবাম্|১৩|

Adhikarana pathyam (13) · Śloka 13

বাস্তুকো বাযসীশাকং কাসঘ্নঃ সুনিষণ্ণকঃ| কণ্টকার্যাঃ ফলং পত্রং বালং শুষ্কং চ মুলকম্| স্নেহাস্তৈলাদযো ভক্ষ্যাঃ ক্ষীরেক্ষুরসগৌডিকাঃ| দধিমস্ত্বারনালাম্মফলাম্বুমদিরাঃ পিবেত্||১৩||

Adhikarana pittajakAsacikitsA vamanam (14) · Śloka 14

পিত্তকাসে তুসকফে ত্রিবৃতাং মধুরৈর্যুতাম্| যুঞ্জ্যাদ্বিরেকায যুতাং ঘনশ্লেষ্মণি তিক্তকৈঃ||১৪||

Adhikarana saMsarjanam (15) · Śloka 15

হতদোষো হিমং স্নিধং স্বাদু সংসর্জনং ভজেত্| ঘনে কফে তু শিশিরং রূক্ষং তিক্তোপসংহিতম্||১৫||

Adhikarana lehAH (16) · Śloka 16

পিপ্পলীমুস্তযষ্ট্যাহ্বদ্রাক্ষামূর্বামহৌষধম্| লাজামৃতাফলদ্রাক্ষাত্বক্ক্ষীরীপিপ্পলীসিতাঃ| দুঃস্পর্শাকর্কটীশুণ্ঠীশঠীদ্রাক্ষাসিতাবলাঃ| নিদিগ্ধকামূলফলং বটবীজং রসাঞ্জনম্| খর্জূরং পিপ্পলী বাংশী শ্বদংষ্ট্রা চেতি পঞ্চ তে| ঘৃতক্ষৌদ্রযুতা লেহাঃ শ্লোকার্ধৈঃ পিত্তকাসিনাম্| পযোঽনুপানাং শৃঙ্গীং বা লিহ্যাত্সাজ্যসিতামধুম্||১৬||

Adhikarana apare lehAH (17) · Śloka 17

লেহঃ পৈত্তে সিতাধাত্রীক্ষৌদ্রদ্রাক্ষাহিমোত্পলৈঃ| সকফে সাব্দমরিচঃ সঘৃতঃ সানিলে হিতঃ| মৃদ্বীকার্ধশতং ত্রিংশত্ পিপ্পলীঃ শর্করাপলম্| লেহযেন্মধুনা গোর্বা ক্ষীরপস্য শকৃদ্রসম্| ত্বগেলাব্যোষমৃদ্বীকাপিপ্পলীমূলপৌষ্করৈঃ| লাজমুস্তশঠীরাস্নাধাত্রীফলবিভীতকৈঃ| শর্করাক্ষৌদ্রসর্পিভির্লেহো হৃদ্রোগকাসহা| পিপ্পল্যামলকদ্রাক্ষালাজলাক্ষাসিতোপলাঃ| সঞ্চূর্ণ্য পক্ত্বা পযসা লিহ্যাত্ক্ষৌদ্রাষ্টভাগিকাঃ||১৭||

Adhikarana vidAryAdInAM pAnam (18) · Śloka 18

বিদারীক্ষুমৃণালানাং রসান্ ক্ষীরং সিতোপলাম্| পিবেত্ ক্ষৌদ্রেণ সংযোজ্য পিত্তকাসমপোহতি||১৮||

Adhikarana pathyam (19) · Śloka 19

মধুরৈর্জাঙ্গলরসৈর্যবশ্যামাককোদ্রবাঃ| মুদ্গাদিযূষৈঃ শাকৈশ্চ তিক্তকৈর্মাত্রযা হিতাঃ||১৯||

Adhikarana tanukaPayorvisheShaH (20) · Śloka 20

ঘনশ্লেষ্মণি লেহাশ্চ তিক্তকা মধুসংযুতাঃ| শালযঃ স্যুস্তনুকফে ষষ্টিকাশ্চ রসাদিভিঃ| শর্করাম্ভোঽনুপানার্থং দ্রাক্ষেক্ষুস্বরসঃ পযঃ||২০||

Adhikarana siddharasayUShAdikam (21) · Śloka 21

কাকোলীবৃহতীমেদাদ্বযৈঃ সবৃষনাগরৈঃ| পিত্তকাসে রসক্ষীরপেযাযূষান্ প্রকল্পযেত্||২১||

Adhikarana drAkShAkShIrAdikam (22) · Śloka 22

দ্রাক্ষাং কণাং পঞ্চমূলং তৃণাখ্যং চ পচেজ্জলে| তেন ক্ষীরং শৃতং শীতং পিবেত্ সমধুশর্করম্| সাধিতাং তেন পেযাং বা সুশীতাং মধুনান্বিতাম্||২২||

Adhikarana saghRutaM siddhajalam (23) · Śloka 23

শঠী হ্নীবেরবৃহতীশর্করাবিশ্বভেষজম্| পিষ্ট্বা রসং পিবেত্পূতং বস্ত্রেণ ঘৃতমূর্চ্ছিতম্||২৩||

Adhikarana pa~jcasamaM sarpiH (24) · Śloka 24

মহিষ্যজাবীগোক্ষীরধাত্রীফলরসৈঃ সমৈঃ| সর্পিঃ সিদ্ধং পিবেত্ .......................||২৪||

Adhikarana madhuragaNasiddhaM sarpiH (25) · Śloka 25

.................................তদ্বন্মধুরেণ গণেন বা| ক্বাথীকৃতেনেক্ষুরসে ক্ষীরযুক্তেন সাধিতম্| সশর্করং পিবেত্প্রাতর্লিহ্যাদ্বা মাক্ষিকান্বিতম্||২৫||

Adhikarana kShIrivrukShA~gkuraghRutam (26) · Śloka 26

ক্ষীরিবৃক্ষাঙ্কুরক্বাথে পক্বং ক্ষীরসমং ঘৃতম্| পাযযেত্ পিত্তকাসার্তং মধুনা বাঽবলেহযেত্||২৬||

Adhikarana medAdisarpiH (27) · Śloka 27

মেদাং বিদারীং কাকোলীং স্বযংগুপ্তাফলং বলাম্| শর্করাং জীবকং মুদ্গমাষপর্ণ্যৌ দুরালভাম্| কল্কীকৃত্য পচেত্সর্পিঃ ক্ষীরেণাষ্টগুণেন তত্| পানভোজনলেহেশু প্রযুক্তং পিত্তকাসজিত্||২৭||

Adhikarana cUrNayogAH kaShAyayogAshca (28) · Śloka 28

লিহ্যাদ্বা চূর্ণমেতেষাং কশাযমথবা পিবেত্||২৮||

Adhikarana kaPajakAsacikitsA virecanam (29) · Śloka 29

কফকাসী পিবেদাদৌ সুরকাষ্ঠাত্প্রদীপিতাত্| স্নেহং পরিস্রুতং ব্যোষযবক্ষারাবচূর্ণিতম্| স্নিগ্ধং বিরেচযেদূর্ধ্বমধো মূর্ধ্নি চ যুক্তিতঃ| তীক্ষ্ণৈর্বিরেকৈর্বলিনম্..........................||২৯||

Adhikarana saMsargIkramaH (30) · Śloka 30

.............................সংসর্গী চাস্য যোজযেত্| যবমুদ্গকুলত্থান্নৈরুষ্ণরূক্ষৈঃ কটূত্কটৈঃ| কাসমর্দকবার্তাকব্যাঘ্ড়ীক্ষারকণান্বিতৈঃ| ধান্ববৈলরসৈঃ স্নেহৈস্তিলসর্ষপনিম্বজৈঃ||৩০||

Adhikarana pAnIyam (31) · Śloka 31

দশমূলাম্বু ধর্মাম্বু মদ্যং মধ্বম্বু বা পিবেত্| মূলৈঃ পৌষ্করশম্যাকপটোলৈরন্বিতং নিশাম্| পিবেদ্বাতি সহ ক্ষৌদ্রং কালেষ্বন্নস্য বা ত্রিষু||৩১||

Adhikarana kaphakAsaghnAH lehAH (32) · Śloka 32

পিপ্পলীপিপ্পলীমূলং শৃঙ্গিবেরং বিভীতকম্| দেবদার্বভযা মুস্তং পিপ্পলীবিশ্বভেষজম্| গুডূচী পিপ্পলীভার্ঙ্গীশৃর্ঙীকর্কটকস্য চ| ব্যোষদারুবিডঙ্গানি ত্রিফলাশর্করাবলাঃ| নিদিগ্ধিকাযা মূলত্বঙ্মরিচৈঃ সহ যোজিতা| শিখিকুক্কুটপিচ্ছানাং মষী ক্ষারো যবোদ্ভবঃ| বিশালাপিপ্পলীমূলং ত্রিবৃতা চ মধুদ্রবাঃ| কফকাসহরা লেহাঃ সপ্তশ্লোকার্ধযোজিতাঃ| মধুনা মরিচং লিহ্যান্মধুনৈব চ জোঙ্গকম্| পৃথগ্রসাম্শ্চ মধুনা ব্যাঘ্রীবার্তাকভৃঙ্গজান্| কাসঘ্নস্যাশ্বশকৃতঃ সুরসস্যাসিতস্য চ||৩২||

Adhikarana vAtAnuge kaPe lehau (33) · Śloka 33

দেবদারুশঠীরাস্নাকর্কটাখ্যাদুরালভাঃ| পিপ্পলী নাগরং মুস্তং পথ্যা ধাত্রী সিতোপলাঃ| মধুতৈলযুতাবেতৌ লেহৌ বাতনুগে কফে||৩৩||

Adhikarana viDa~ggAdicUrNalehaH (34) · Śloka 34

বিডঙ্গং সৈন্ধবং হিঙ্গু কুষ্ঠং ব্যোষং মনঃশিলাম্| কাসে শ্বাসে চ হিধ্মাযাম্ লিহ্যাত্ক্ষৌদ্রঘৃতাদ্যুতম্||৩৪||

Adhikarana guDAdicUrNam (35) · Śloka 35

গুডক্ষারোষণকণাদাডিমং শ্বাসকাসজিত্| ক্রমাত্পলদ্বযার্ধাক্ষকর্শার্ধাক্ষপলোন্মিতম্| দ্বে পলে দাডিমাদষ্টৌ গুডদ্ব্যোষাত্ পলত্রযম্| রোচনং দীপনং স্বর্যং পীনসশ্বাসকাসজিত্||৩৫||

Adhikarana pAThAdikaM mustAdika~jca cUrNam (36) · Śloka 36

পাঠাশুণ্ঠীশঠীমুর্বাগবাক্ষীপিপ্পলীঘনম্| পিষ্ট্বা ঘর্মাম্বুনা হিঙ্গুসৈন্ধবাভ্যাং যুতং পিবেত্| তদ্বান্মুস্তাশঠীশুণ্ঠীনাগরাতিবিষযাঽভযাঃ||৩৬||

Adhikarana pAcanAntarANi (37) · Śloka 37

পিবেজ্জ্বরোক্তং পথ্যাদি সশৃঙ্গীকঞ্চ পাচনম্| অথবা দীপ্যকত্রিবৃদ্ধিশালাঘনপৌষ্করম্| সকণং ক্বথিতে মূত্রে কফকাসী জলেঽপি বা||৩৭||

Adhikarana vaidehIkalkaH (38) · Śloka 38

তৈলভৃষ্টঞ্চ বৈদেহীকল্কাক্ষং সসিতোপলাম্| পাযযেত্কফকাসঘ্নং কুলত্থসলিলাদ্যুতম্||৩৮||

Adhikarana sauvarcalAdicUrNam (39) · Śloka 39

সৌবর্চলাভযাধাত্রীপিপ্পলীক্ষারনাগরম্| চূর্ণিতং সর্পিষা বাতকফকাসহরং পিবেত্||৩৯||

Adhikarana dashamUlAdighRutam (40) · Śloka 40

দশমূলাঢকে প্রস্থং ঘৃতস্যাক্ষসমৈঃ পচেত্| পুষ্করাহ্বশঠীবিল্বসুরসব্যোষহিঙ্গুভিঃ| পেযানুপানং তত্সর্বং বাতশ্লেষ্মামযাপহম্||৪০||

Adhikarana nirguNDIghRutam (1) · Śloka 1

নির্গুণ্ডীপত্রনির্যাসসাধিতং কাসজিদ্ ঘৃতম্|১|

Adhikarana viDa~ggaghRutam (1) · Śloka 1

ঘৃতং রসে বিডঙ্গানাং ব্যোষগর্ভং চ সাধিতম্||১||

Adhikarana punarnavAghRutam (41) · Śloka 41

পুনর্নবশিবাটিকাসরলকাসমর্দামৃতা পটোলবৃহতীফণিজ্ঝকরসৈঃ পযঃসংযুতৈঃ| ঘৃতং ত্রিকটুনা চ সিদ্ধমুপযুজ্য সুজাযতে ন কাসবিষমজ্বরক্ষযগুদাঙ্কুরেভ্যো ভযম্||৪১||

Adhikarana kaNTakArighRutam (42) · Śloka 42

সমূলফলপত্রাযাঃ কণ্টকার্যা রসাঢকে| ঘৃতপ্রস্থং বলাব্যোষবিডঙ্গশঠিদাডিমৈঃ| সৌবর্চলযবক্ষারমূলামলকপৌষ্করৈঃ| বৃশ্চীববৃহতীপথ্যাযবানীচিত্রকর্ধিভিঃ| মৃদ্বীকাচব্যবর্ষাভূদুরালম্ভাম্লবেতসৈঃ| শৃঙ্গীতামলকীভার্ঙ্গীরাস্নাগোক্ষুরকৈঃ পচেত্| কল্কৈস্তত্সর্বকাসেষু শ্বাসহিধ্মাসু চেষ্যতে||৪২||

Adhikarana dvitIyaM kaNTakArIghRutam (43) · Śloka 43

কণ্টকার্যসিতুলাং ক্ষুণ্ণং পক্ত্বা দ্রোণেঽম্ভসঃ পচেত্| তেনাঢকেন ক্বাথস্য ঘৃতপ্রস্থং পিচূন্মিতৈঃ| রাস্নাদুঃস্পর্শষড্গ্রন্থাপিপ্পলীদ্বযচিত্রকৈঃ| সৌবর্চলযবক্ষারকৃষ্ণামূলৈশ্চ তজ্জযেত্| কাসশ্বাসকফষ্ঠীবহিধ্মারোচকপীনসান্||৪৩||

Adhikarana kaNTakArIlehaH (44) · Śloka 44

পচেদ্ব্যাঘ্রীতুলাং ক্ষুণ্ণাং বহেঽপামাঢকস্থিতে| ক্ষিপেত্পূতে তু সঞ্চূর্ণ্য ব্যোবরাস্নামৃতাগ্নিকান্| শৃঙ্গীভার্ঙ্গীঘনগ্রন্থিধন্বযাসান্ পলার্ধকান্| সর্পিষঃ ষোডশপলং চত্বারিংশত্পলানি চ| মত্স্যণ্ডিকাযাঃ শুদ্ধাযাঃ পুনশ্চ তদধিশ্রযেত্| দর্বীংলেপিনি শীতে চ পৃথগ্দ্বিকুডবং ক্ষিপেত্| পিপ্পলীনাং তবক্ষীর্যা মাক্ষিকস্যানবস্য চ| লেহোঽযং গুল্মহৃদ্রোগদুর্নামশ্বাসকাসজিত্||৪৪||

Adhikarana triPalAdilehaH (45) · Śloka 45

ত্রিফলাপিপ্পলীপাঠাশারিবাবৃহতীদ্বযম্| মরিচং পদ্মকং মুস্তমুশীরং চাক্ষসম্মিতম্| পক্ত্বা জলাঢকে পাদশেষে ক্ষীরপলাষ্টকম্| দত্বা গুডস্য চ পলং পচেদাদর্বিলেপনাত্| লেহঃ কফোল্বণং কাসং সর্বমেব নিযচ্ছতি| সাধিতং ক্ষীরমেভির্বা তিলক্ষৌদ্রযুতং পিবেত্||৪৫||

Adhikarana dhUmapAnam (46) · Śloka 46

শমনং চ পিবেদ্ধূমং শোধনং বহলে কফে||৪৬||

Adhikarana manaHshilAdidhUmaH (47) · Śloka 47

মনঃশিলালমধুকমাংসীমুস্তেঽঙ্গুদীত্বচঃ| ধূমং কাসঘ্নবিধিনা পীত্বা ক্ষীরং পিবেদনু| নিষ্ঠ্যূতান্তে গুডযুতং কোষ্ণং ধূমো নিহন্তি সঃ| বাতশ্লেষ্মোত্তরন্ কাসনচিরেণ চিরন্তনান্||৪৭||

Adhikarana prapauNDarIkAdidhUmaH (48) · Śloka 48

প্রপৌণ্ডরীকং মধুকং শার্ঙ্গাষ্ঠালং মনঃশিলাম্| মরিচং পিপ্পলীং দ্রাক্ষামেলাং সুরসমঞ্জরীম্| কৃত্ব বর্তি পিবেদ্ধূমং ক্ষৌমচৈলানুবর্তিনীম্| ঘৃতাক্তামনু চ পিবেত্তদ্বদ্গুডাম্বু বা||৪৮||

Adhikarana nepAlyAdidhUmaH (49) · Śloka 49

নেপালীতলমরিচলাক্ষাঞ্জনকুটন্নটৈঃ| উশীররোহিষফলদ্রামিকীবংশলেখনৈঃ| পূর্বকল্পেন ধূমোঽযং সানুপানো বিধীযতে| কার্পাসাস্থ্যশ্বগন্ধা চ ধূমঃ কাসবিনাশনঃ| কোশাতকীফলান্মধ্যৈঃ পিবেদ্বা সমনঃশিলৈঃ||৪৯||

Adhikarana kAse~anubandhAnusAraM cikitsA (50-4) · Śloka 4

তমকঃ কফকাসে তু স্যাচ্চেত্পিত্তানুবন্ধজঃ| পিত্তকাসক্রিযাং তত্র যথাবস্থং প্রযোজযেত্| কফানুবন্ধে পবনে কুর্যাত্কফহরাং কির্যাম্| পিত্তানুবন্ধযোর্বাতকফযোঃ পিত্তনাশিনীম্| বাতশ্লেষ্মাত্মকে শুষ্কে স্নিগ্ধমার্দ্রে বিরুক্ষণম্| কাসে কর্ম সপিত্তে তু কফজে তিক্তসংযুতম্||৫০|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং চিকিত্সিতস্থানে কাসচিকিত্সিতন্নাম চতুর্থোঽধ্যাযঃ||৪||