21. kuṣṭhacikitsitam

Adhikarana atha kuShThacikitsitannAmaikaviMsho~adhyAyaH |adhyAyapratij~jA (1) · Śloka 1

ಅಥಾತಃ ಕುಷ್ಠಚಿಕಿತ್ಸಿತಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

ಕ್ರಮಪ್ರಾಪ್ತಸ್ಯ ಕುಷ್ಠಸ್ಯ ಚಿಕಿತ್ಸಾಂ ಪ್ರದರ್ಶಯಿತುಮಧ್ಯಾಯ ಆರಭ್ಯತೇ||೧||

Adhikarana tatrAdau snehapAnam (2) · Śloka 2

ಪುರ್ವರೂಪೇಷ್ವೇವ ಕುಷ್ಠಿನಂ ಸ್ನೇಹಪಾನೇನೋಪಕ್ರಮೇತ||೨||

ಕುಷ್ಠಿನಮಿತಿ ಸಾಮಾನ್ಯೇನ|| ೨||

Adhikarana vAtottare meShashRu~ggyAdighRutam (3) · Śloka 3

ತತ್ರ ವಾಮೋತ್ತರೇ ಮೇಷಶೃಙ್ಗೀಶಾರ್ಙ್ಗೇಷ್ಠೈರಣ್ಡಗುಡೂಚೀದ್ವಿಪಞ್ಚಮೂಲಸಿದ್ಧಂ ತೈಲಂ ಘೃತಂ ವಾ ಪಾನಾಭ್ಯಙ್ಗಯೋರ್ವಿದಧ್ಯಾತ್||೩||

ತತ್ರೇತಿ ವಿಶೇಷಃ| ವಾತೋತ್ತರೇ ಕುಷ್ಠೇ ಮೇಷಶೃಙ್ಗ್ಯಾದಿಭಿಃ ಸಿದ್ಧಂ ತೈಲಂ ವಾ ಘೃತಂ ವಾ ಪಾನೇಽಭ್ಯಙ್ಗೇ ಚ ಯೋಜಯೇತ್| ಮೇಷಶೃಙ್ಗೀ ಅಜಶೃಙ್ಗೀ| ದ್ವೇ ಪಞ್ಚಮೂಲೇ ಪೂರ್ವೇ| ಸರ್ವತ್ರ ಜಲಸ್ಯ ಸ್ಮರ್ತವ್ಯಮ್|| ೩||

Adhikarana pittottare dhavAdighRutam (4) · Śloka 4

ಪಿತ್ತೋತ್ತರೇ ಧವಾಶ್ವಕರ್ಣಕಕುಭವಚಾಪುನರ್ನವಪಲಾಶಪಿಚುಮನ್ದ ಮಧುಕಲೋಧ್ರಸಮಙ್ಗಾಸಿದ್ಧಂ ಸರ್ಪಿಃ||೪||

ಪಿತ್ತೋತ್ತರೇ ತು ಧವಾದಿಭಿಃ ಸಿದ್ಧಂ ಸರ್ಪಿರೇವ| ನ ತೈಲಮ್|| ೪||

Adhikarana tiktakaM ghRutam (5) · Śloka 5

ಅಥವಾ ಪಟೋಲಪಿಚುಮನ್ದದಾರ್ವೀದುರಾಲಭಾತಿಕ್ತರೋಹಿಣೀಪಾ ಠಾಪರ್ಪಟಕತ್ರಾಯಮಾಣಾನಾಂ ಪಾಲಿಕಾನ್ ಭಾಗಾನ್ ಜಲಾಢಕದ್ವಯೇ ಽಷ್ಟಭಾಗಶೇಷಂ ಕ್ವಾಥಯೇತ್| ತೇನ ಕಾರ್ಷಿಕೈಶ್ಚನ್ದನೋಪಕುಲ್ಯಾಮು ಸ್ತಾತ್ರಾಯನ್ತೀನ್ದ್ರಯವಬೂನಿಮ್ಬೈಃ ಕಲ್ಕಿತೈಃ ಸರ್ಪಿಷೋ ದ್ವಾದಶಪಲಂ ಸಾಧಯೇತ್| ಏತತಿಕ್ತಕಂ ಸರ್ಪಿಃ ಕುಷ್ಠವಿಸರ್ಪವಿಸ್ಫೋಟಗಣ್ಡ ಮಾಲಾಶ್ವಯಥುಪಿಟಿಕಾರಕ್ತಪಿತ್ತದುರ್ನಾಮವಾತಶೋಣಿತಕಾಮಿಲಾ ಪಾಣ್ಡ್ವಾಮಯೋನ್ಮಾದದಾಹತೃಡ್ಭ್ರಮಕಣ್ಡೂಕುಷ್ಠನಾಡೀಗುಲ್ಮಮದತಿ ಮಿರಶ್ವಿತ್ರಾಪಸ್ಮಾರಭಗನ್ದರೋದರಪ್ರದರಜ್ವಗರವಿದ್ರಧಿಗ್ರಹಣೀಹೃದ್ರೋಗಾ ನಪಹರತಿ||೫||

ಅಥವಾ ಪಿತ್ತಾಧಿಕೇ ಪಟೋಲಾದಿಭಿಸ್ತಿಕ್ತಕಂ ನಾಮ ಘೃತಂ ಭವತಿ| ತಚ್ಚ ಕುಷ್ಠಾದೀನ್ ಪಿತ್ತಾಧಿಕಾನಪಹರತಿ| ಪಿಟಕಾಃ ಶರಾವಿಕಾದ್ಯಾಃ| ಅಸೃಕ್ಪಿತ್ತಂ ರಕ್ತಪಿತ್ತಮ್| ತಿಕ್ತರೋಹಿಣೀ ಕಟುಕಾ| ಉಪಕುಲ್ಯಾ ಹಸ್ತಿಪಿಪ್ಪಲೀ| ಭೂನಿಮ್ಬಂ ಕಿರಾತತಿಕ್ತಕಮ್|| ೫||

Adhikarana mahAtiktakaM ghRutam (6) · Śloka 6

ಸಪ್ತಚ್ಛದಕಟುಕಾತಿವಿಷಾಶಮ್ಯಾಕಪಾಠಾಮುಸ್ತತ್ರಿಫಲೋಶೀರಪ ಟೋಲಪರ್ಪಟಕಪಿಪ್ಪಲೀದ್ವಯದ್ವಿರಜನೀದ್ವಿಸಾರಿವಾಚನ್ದನದುರಾಲಭಾಪದ್ಮ ಕವಚಾಶತಾವರೀವಿಶಾಲಾಕುಟಜಬೀಜವೃಷಮೂರ್ವಾಗುಡೂಚೀಭೂನಿ ಮ್ಬತ್ರಾಯಮಾಣಾಮಧುಕಗರ್ಭಂ ದ್ವಿಗುಣಾಮಲಕರಸಮಷ್ಸ್ಟಗುಣಾಮ್ಬು ಸರ್ಪಿರ್ವಿಪಕ್ವಂ ಮಹಾತಿಕ್ತಕಾಖ್ಯಂ ಘೃತಮಧಿಕಗುಣಂ ಪೂರ್ವಸ್ಮಾತ್| ಗುಗ್ಗುಲುಪಞ್ಚತಿಕ್ತಂ ವಾ ಪಿಬೇತ್||೬||

ಸಪ್ತಚ್ಛದಾದೀನಾಮೌಷಧಾನಾಮೇಕತ್ರಿಂಶತಂ ಗರ್ಭಂ ಸ್ನೇಹಾಚ್ಚತುರ್ಥಾಂಶೇನ| ಸ್ನೇಹಾದೇವ ದ್ವಿಗುಣಮಾಮಲಕರಸಮ್| ಘೃತಂ ಮಹಾತಿಕ್ತಕಂ ನಾಮ್ನಾ ತಿಕ್ತಾದಧಿಕಗುಣಮ್| ಸಪ್ತಚ್ಛದೋ ಗುಚ್ಛಪುಷ್ಪಃ ಪ್ರಸಿದ್ಧಃ| ಪಿಪ್ಪಲೀದ್ವಯಂ ಪಿಪ್ಪಲೀ ಹಸ್ತಿಪಿಪ್ಪಲೀ ಚ| ರಜೀನದ್ವಯಂ ಪಿಣ್ಡಹರಿದ್ರಾ ದಾರ್ವೀ ಚ| ದ್ವೇ ಸಾರಿವೇ ವಲ್ಲೀಸಾರಿವಾ ಕಾಷ್ಠಸಾರಿವಾ ಚ| ವಿಶಾಲಾ ಗವಾಕ್ಷೀ| ಕುಟಜಬೀಜಮಿನ್ದ್ರಯವಮ್| ಭೂನಿಮ್ಬಂ ಕಿರಾತತಿಕ್ತಕಮ್| ಗುಗ್ಗುಲುನಾ ನಿಮ್ಬಾದಿಭಿಶ್ಚ ಯತ್ಸಂಸಾಧ್ಯತೇ ತತ್ ಗುಗ್ಗುಲುಪಞ್ಚತಿಕ್ತಕಂ ವಾತವ್ಯಾಧೌ ವಕ್ಷ್ಯತೇ||೬||

Adhikarana kaphottare ghRutayogau (7) · Śloka 2

ಕಫೋತ್ತರೇ ಸಾಲಪ್ರಿಯಾಲಶಮ್ಯಾಕಾರಿಷ್ಟಸಪ್ತಪರ್ಣಚಿತ್ರಕ ಮರಿಚವಚಾಕುಷ್ಠೈಃ ಸಾಧಿತಮ್| ಅಥವಾ ಬೃಹತೀದ್ವಯಕಾಕ ಮಾಚೀಶುಕನಾಸಾಕ್ವಾಥೇ ಮರಿಚವಿಡಙ್ಗಶಿಗ್ರುಜಾತೀದೇವದಾರು ಕ್ಷವಕಹರಿದ್ರಾಭಯಾಕಲ್ಕೇನ ವಾಜಿಮೂತ್ರೇಣ ಚ ಸಿದ್ಧಂ ಸರ್ಪಿಃ||೨||

ಕಫೋತ್ತರೇ ಚ ಸಾಲಾದಿಭಿಃ ಸಾಧಿತಂ ಘೃತಂ ಸ್ನೇಹನಾಯ ಶಸ್ಯತೇ| ಅಥವಾ ಬೃಹತ್ಯಾದಿಕ್ವಾಥೇ ನ ಸ್ನೇಹಸಮೇನಾಶ್ವಮೂತ್ರೇಣ ಚ ಸ್ನೇಹಸಮೇನ ಸಾಧ್ಯತೇ ಮರಿಚಾದಿಗರ್ಭಮ್| ಬೃಹತೀದ್ವಯಂ ಸ್ಥೂಲಾ ಸೂಕ್ಷ್ಮಾ ಚ| ಶುಕನಾಸಾ ತು ಹರಿತಾ ಸರಲಸ್ನೇಹದಾರುಜಮ್| ಜಾತಿಪುಷ್ಪಮುದ್ವೇಗಜನನಮ್| ಮರಿಚಂ ತೀಕ್ಷ್ಣಮ್| ಕ್ಷವಕಃ ಕ್ಷುದ್ವಿಬೋಧನಮ್|| ೭||

Adhikarana sarveShu snehayogAH (8) · Śloka 8

ಸರ್ವೇಷು ಚ ಭಲ್ಲಾತಕತುವರಕಸಿದ್ಧಾರ್ಥಕಾನ್ಯತಮತೈಲಮ್| ಭಲ್ಲಾತಕಪಥ್ಯಾಕೃಮಿಘ್ನಸಿದ್ಧಂ ವಾ ಹವಿಃ||೮||

ಭಲ್ಲಾತಕಾದಿಫಲಾನಾಮನ್ಯತಮನಿಷ್ಪೀಡಿತಂ ತೈಲಂ ಸರ್ವೇಷು ಕುಷ್ಠೇಷು ಸಾಮಾನ್ಯೇನ| ಭಲ್ಲಾತಕಾದಿತ್ರಯಸಿದ್ಧಂ ವಾ ಹವಿರ್ಘೃತಂ ಸರ್ವೇಷು|| ೮||

Adhikarana snehapAnottaraH shodhanakramaH (9) · Śloka 9

ತತಃ ಸ್ನಿಗ್ಧಸ್ಯ ಯಥಾದೋಷಂ ಯಥಾಸನ್ನಂ ಚ ಸಂಶೋಧನಾನಿ ಪ್ರಯು ಞ್ಜೀತ| ಸಿರಾಂ ಚ ಬಲಾಪೇಕ್ಷೀ ವಿಧ್ಯೇದೇಕಾಂ ದ್ವೇ ತಿಸ್ರಶ್ಚತಸ್ರಃ ಪಞ್ಚ ವಾ| ಅನ್ತರಾನ್ತರಾ ಚ ಪುನಃ ಪುನಃ ಸ್ನೇಹಂ ಪಿಬೇತ್| ದುರ್ಬಲಂ ಹಿ ಶೂನ್ಯಕೋಷ್ಠಂ ಕುಷ್ಠಿನಂ ವಾಯುರಭಿಭವತಿ| ವಮನೇ ತ್ವಸ್ಯ ಮಧುಕಕುಟಜಬೀಜನಿಮ್ಬಪಟೋಲಪಲ್ಲವಾನಿ ವಿದಧ್ಯಾತ್| ಕುಮ್ಭನಿಕುಮ್ಭನ್ನಿಫಲಾವಿರೇಚನೇ ಮಣಿಭದ್ರವಟಕಾಶ್ಚ||೯||

ತತಃ ಸ್ನೇಹಪ್ರಯೋಜನಾನನ್ತರಮುತ್ಕೃಷ್ಟದೋಷ ಉತ್ಕೃಷ್ಟಾನಿ ಸಂಶೋಧನಾನಿ ಮಧ್ಯೇ ಮಧ್ಯಾನ್ಯಲ್ಪೇಽಲ್ಪಾನೀತಿ ಯಥಾದೋಷಾರ್ಥಃ| ಕಫಸ್ಥಾನಸ್ಥೇ ಪಿತ್ತವಾತೇ ವಮನಂ ವಾತಸ್ಥಾನಸ್ಥೇ ಪಿತ್ತೇ ಕಫೇ ವಾ ವಿರೇಚನಂ ಪಿತ್ತಸ್ಥಾನಸ್ಥಯೋರ್ವಾತಕಫಯೋರುಭಯಮಿತಿ ಯಥಾಸನ್ನಾರ್ಥಃ| ಅಥವಾ ಪೂರ್ವಂ ಕಾಯಸ್ಥೇ ದೋಷೇ ವಮನಮಧಃಕಾಯಸ್ಥೇ ವಿರೇಚನಂ ಶಿರೋಗತೇ ನಸ್ಯಮಪಿ| ಪಕ್ವಾಶಯಸ್ಥೇ ಬಸ್ತಿರಪಿ| ನಿಷಿದ್ಧಮಪಿ ನಿರ್ದಿಷ್ಟಂ ಬಸ್ತಿರರ್ಶಸಕುಷಿನೋರಿತಿ ಸೂತ್ರೋಕ್ತಮ್| ಸಿರಾಣಾಂ ವ್ಯಧೇ ದೋಷಬಲವ್ಯಾಧ್ಯಪೇಕ್ಷ್ಯಸಂಖ್ಯಾ ವಿಕಲ್ಪಃ| ದುರ್ಬಲಮಿತ್ಯಾದಿ ಕಮನ್ತರಾನ್ತರಾ ಸ್ನೇಹಪಾನೇ ಹೇತುಃ ಅಸ್ಯ ಕುಷ್ಠಿನೋ ಮಧುಕಾದೀನ್ಯೇವ ವಮನಾಯ ಯಥಾಯೋಗಂ ವಿದಧ್ಯಾತ್| ಕುಮ್ಭಾದೀನ್ಯೇವ ವಿರೇಚನೇ| ಮಣಿಭದ್ರವಟಕಾಶ್ಚಾತ್ರೈವ ವಕ್ಷ್ಯನ್ತೇ|| ೯||

Adhikarana paTolAdishodhanayogAH (10) · Śloka 10

ಪಟೋಲವಿಶಾಲಯೋರ್ಮೂಲಂ ತ್ರಿಫಲಾ ಚ ಪೃಥಕ್ ತ್ರಿಭಾಗೋನ ತ್ರಿಶಾಣಾಃ ಕಟುಕಾತ್ರಾಯಮಾಣೇ ಶಾಣಾಂಶೇ ಶುಣ್ಠ್ಯಾಸ್ತ್ರಿಭಾಗೋನಃ ಶಾಣಃ ತದೇತತತ್ ಪಲಮೈಕಧ್ಯಂ ಸಲಿಲೇ ವಿಪಾಚ್ಯ ಪಾಯಯೇತ್| ಊರ್ಧ್ವಾಧೋ ವಿರಿಕ್ತಶ್ಚ ಜೀರ್ಣೇ ಜಾಙ್ಗಲರಸೇನಾಶ್ನೀಯಾತ್| ಏವಮೇ ತತ್ ಷಡ್ರಾತ್ರಪ್ರಯೋಗಾತ್ಪರಂ ಪಿತ್ತಕಫಶೋಫಕುಷ್ಠದುಷ್ಟನಾಡೀವ್ರಣಾ ರ್ಶೋಭಗನ್ದರಗ್ರಹಣೀಪಾಣ್ಡುಹಲೀಮಕಕಾಮಿಲಾವಿಷಮಜ್ವರಹೃದ್ಬ ಸ್ತಿವೇದನಾಘ್ನಮ್||೧೦||

ಪಟೋಲಾದ್ಯೇ ಪಟೋಲಮೂಲಂ ವಿಶಾಲಾಮೂಲಂ ಹರೀತಕ್ಯಾಮಲಕವಿಭೀತಕಾನಾಂ ಚ ದಲಾನಿ ಭವನ್ತಿ| ಏಷಾಂ ಪಞ್ಚಾನಾಮಶೀತಿರ್ಧಾನಕಾಃ| ಕಟುಕಾತ್ರಾಯಮಾಣೇ ಶಾಣಾಂಶೇ ಇತಿ ದ್ವೌ ಶಾಣೌ ದ್ವಾದಶಧಾನಕಾಃ| ಏವಮೇಕೀಕೃತ್ಯ ದ್ವಿನವತಿಧಾನಕಾ ಭವನ್ತಿ| ಶುಣ್ಠ್ಯಾಸ್ತ್ರಿಭಾಗೋನಃ ಶಾಣ ಇತಿ ಚತ್ವಾರೋ ಧಾನಕಾಃ ಪೂರ್ವೈಃ ಸಹ ಷಷ್ಣವತಿರ್ಭವತೀತಿ ಲೌಕಿಕಮಪಿ ಪಲಂ ಭವತಿ| ಏತತ್ ಷಡ್ರಾತ್ರೋಪಯೋಗೇನ ಪರಂ ಪಿತ್ತಕಫೋತ್ಥಾನಾಂ ಶೋಫಾದೀನಾಂ ನಾಶನಮ್| ಮಾನಸ್ಯ ಚಾ ನಿಯಮಂ ಭೇಷಜಕಲ್ಪ ಏವ ವಕ್ಷ್ಯಾಮಃ| ನಾಡ್ಯಾ ಉಪಲಕ್ಷಿತೋ ವ್ರಣೋ ನಾಡೀವ್ರಣಃ| ವಿಷಮಜ್ವರಾಃ ಸತತಕಾದಯಃ| ಹೃದ್ವೇದನಾ ಬಸ್ತಿವೇದನಾ ಚ||೧೦||

Adhikarana UrdhvAdhaHshodhanam (11) · Śloka 11

ಉಭಯತೋನುಲೋಮನಂ ವಾ ಬ್ರಾಹ್ಮೀಸ್ವರಸಸಾಧಿತಂ ಸರ್ಪಿಃ ಪಿಬೇತ್| ಆವರ್ತಕೀತುಲಾಂ ಸಲಿಲಾರ್ಮಣೇಽಷ್ಟಾಂಶಶಿಷ್ಟಾಂ ವಿಪಾಚ್ಯ ತೇನ ನಿರ್ಯೂಹೇಣ ತನ್ಮೂಲೈಶ್ಚ ಘೃತಪ್ರಸ್ಥಂ ಸಾಧಯೇತ್| ತತೋ ಮಾತ್ರಾಮೇಕಾಹಾ ನ್ತರಂ ಪಿಬೇತ್| ಊರ್ಧ್ವಾಧೋ ವಿರಿಚ್ಯಮಾನಸ್ತೃಷಿತಃ| ಶೀತಲವ್ರಣಮಾರನಾಲಂ ಜೀರ್ಣಸ್ನೇಹಶ್ಚ ತೇನೈವ ಕೋದ್ರವೌದನಮಶ್ನೀಯಾತ್| ಅನೇನ ಕುಷ್ಠಶ್ವಿತ್ರಾಪಚೀಭಗನ್ದರನಾಡೀವ್ರಣಾಖುವಿಷಾಣಿ ಸಿಧ್ಯನ್ತಿ| ಮೇಧ್ಯಂ ಚೈತತ್ ಪುಂಸವನಂ ಚ||೧೧||

ಅಥವೋಭಯಾನುಲೋಮನಂ ವಮನಂ ವಿರೇಚನಂ ಚ ಸರ್ಪಿಃ ಪಿಬೇತ್| ಕಿಮಿತ್ಯಾಹ-ಬ್ರಾಹ್ಮೀಸ್ವರಸಸಾಧಿತಮ್| ಆವರ್ತಕೀಘೃತಂ ಸುಬೋಧಮ್| ಆವರ್ತಕೀ ರಕ್ತಪುಷ್ಪಾ| ಮಹಾಜಾಲಿನೀ ನಾಮ ಚ ವಮನದ್ರವ್ಯಮ್| ಅರ್ಮಣೋ ದ್ರೋಣಃ| ಪಲಶತಾನಿ ಪಞ್ಚದ್ವಾದಶಾಧಿಕಾನಿ| ಆವರ್ತಕ್ಯಾ ಏವ ಮೂಲಾನಿ ಕಲ್ಕಪರಿಭಾಷಯಾ| ಮಾತ್ರಾಮಿತ್ಯನಿಯಮೋ ದೋಷಾದಿವಶಾತ್| ಸುಬೋಧಮ್| ಪುಂಸವನಂ ಸ್ತ್ರೀಣಾಮ್|| ೧೧||

Adhikarana AsthApanAdishodhanAni (12) · Śloka 12

ದಾಱ್ವೀಪಟೋಲಬೃಹತೀಸೇವ್ಯಮದನನಿಮ್ಬಕೃತಮಾಲಘನೇನ್ದ್ರಯವೈಃಸಸ್ನೇ ಹೈರಾಸ್ಥಾಪನಮ್| ಏಭಿರೇವ ಚ ವಿಪಕ್ವಃ ಸ್ನೇಹೋಽನುವಾಸನಾರ್ಹ ಸ್ಯಾನುವಾಸನಮ್| ದನ್ತೀಮರಿಚಫಣಿರ್ಜಕಾರ್ದಕಕರಞ್ಜಬೀಜ ಪಿಪ್ಪಲೀವಿಡಙ್ಗಸೈನ್ಧವೈರೂರ್ಧ್ವಜತ್ರುಗತೇ ಕುಷ್ಠೇ ಕೃಮಿಷು ಚ ಶಿರೋ ವಿರೇಕಃ| ಸೂತ್ರಸ್ಥಾನೋಕ್ತೋ ವೈರೇಚನಿಕಧೂಮಶ್ಚ||೧೨||

ದಾರ್ವ್ಯಾದಿಭಿಃ ಕ್ವಥಿತೈಶ್ಚ ಕಲ್ಕೀಕೃತೈಶ್ಚ ಸ್ನೇಹಯುಕ್ತೈರಾಸ್ಥಾಪನಮ್| ಏಭಿರೇವ ಚ ದಾರ್ವ್ಯಾದಿಭಿರ್ವಿಪಕ್ವಃ ಸ್ನೇಹಃ ಸೂತ್ರೋಕ್ತಪ್ರಕಾರೇಣಾನುವಾಸನಾರ್ಹಸ್ಯ ಸತೋಽನುವಾಸನಮ್| ಜತ್ರೋರೂರ್ಧ್ವಗತೇ ಕುಷ್ಠೇ| ಕ್ರಿಮಿಷು ಚ ಜತ್ರೋರೂರ್ಧ್ವಂ ಶಿರಸ್ಥಿತೇ ದನ್ತ್ಯಾದಿಭಿಃ ಕಲ್ಕಾದಿಯುಕ್ತೈಃ ಶಿರೋವಿರೇಕಃ| ತಥಾ ಸೂತ್ರಸ್ಥಾನೇ ಧೂಮವಿಧೌ ಯೋ ವೈರೇಚನಿಕೋ ಧೂಮೋಕ್ತಃ ಸೋಽಪಿ ಯೋಜ್ಯಃ| ತಸ್ಯ ಚ ದ್ರವ್ಯಾಣಿ ಶೋಧನಾದಿಗಣಸಂಗ್ರಹಣೇ ಶಿರೋವಿರೇಚನದ್ರವ್ಯಾಣಿ ಗನ್ಧದ್ರವ್ಯಾಣಿ ಚೇತ್ಯಾದಿ ಪಠಿತಾನಿ|| ೧೨||

Adhikarana shamanauShadhopayogAvasthAH (13) · Śloka 13

ತತಃ ಸರ್ವತೋ ವಿಶುದ್ಧಸ್ಯಾನ್ತರ್ಬಹಿಃಶಮನಾನಿ ಪ್ರಯುಞ್ಜೀತ||೧೩||

ತತಃ ಸರ್ವತ ಊರ್ಧ್ವಮಧಃ ಶಿರಸಿ ಚ ವಿಶುದ್ಧಸ್ಯ ಶಮನಾನ್ಯನ್ತರ್ಬಹಿಶ್ಚ ಪ್ರಯುಞ್ಜೀತ| ಬಹಿರಿತ್ಯಾಲೇಪಾದಿಭಿಃ|| ೧೩||

Adhikarana rasAyanAgryo yogarAjaH (14) · Śloka 14

ಖದಿರಕದರತಿನಿಶಾಸನಶಿರೀಷಶಿಂಶಪಾಶಾಕಸರ್ಜಾರ್ಜುನಜಮ್ಬೂ ಕರವೀರಧವಾಮಲಕೀಮುಷ್ಕಕಾಕ್ಷಿಕಬದರೀವಞ್ಜುಲನಿಮ್ಬಪಟೋ ಲಾಙ್ಕೋಲಬಲಾಬಿಲ್ವಕುಟಜಕಟಭೀಪಾರಿಭದ್ರಸಹಚರಗೃಧ್ರನಖೀ ವರಣವರ್ಧಮಾನಾರ್ಕಶೋಭಞ್ಜನಾಟರೂಷಕಶತಾವರೀಶ್ವದಂಷ್ಟ್ರಾಹಿಮಾ ರಾಶ್ವಕರ್ಣಶ್ರೀಪರ್ಣೀಸ್ವಯಙ್ಗುಪ್ತಾಗ್ನಿಮನ್ಥೇನ್ದ್ರವಾರುಣೀಕಾಕೋದುಮ್ಬ ರಿಕಾಮೇಷಶೃಙ್ಗೀಟುಣ್ಟುಕಗುಡೂಚೀವರ್ಷಾಭೂವಾಯಸೀಬೃಹತೀದ್ವಯರೋಹಿ ಣಿಮೂರ್ವಾಶಾರ್ಙ್ಗೀಷ್ಠಾಮುಲಾನಿ ಚ ಶಕಲಯಿತ್ವಾ ಪೃಥಕ್ ತ್ರಿಂಶತ್ಪ ಲಿಕಾನಿ ಸಂಕ್ಷುದ್ಯ ಮಹತಿ ಕಟಾಹೇಽಷ್ಟಗುಣೇನಾಮ್ಭಸಾ ಕ್ವಾಥಯೇತ್| ಅಷ್ಟಭಾಗಶೇಷಂ ನಿರ್ಯೂಹಮವತಾರ್ಯ ಪರಿಸ್ರಾವ್ಯ ಚ ತಸ್ಮಿನ್ ಸರ್ಪಿಷಃ ಪಲಶತತ್ರಯಂ ವಿಪಚೇದೀಷದವಶೇಷಕಷಾಯೇ ಚ ವಿದಲೀಕೃತಾ ರುಷ್ಕರಸಹಸ್ರತ್ರಯಮತ್ರಾವಾಪ್ಯ ಪುನಃ ಪಾಚಯೇದ್ವಿಗತಸ್ವರಸಾನ್ಯ ರುಷ್ಕರಾಣ್ಯಪಾಸ್ಯ ತಸ್ಮಿನ್ ಸ್ನೇಹೇ ಸುಚೂರ್ಣಿತಾನಿ ಪ್ರಕ್ಷಿಪೇತ್| ವ್ಯಾಧಿಘಾತವ್ಯೋಷನಾಕುಲೀಮಾರ್ಕವಾರ್ಕಕಾಕಾದನೀತಗರಕಟು ಕಾಕುಷ್ಠಬಿಲ್ವಹಿಙ್ಗಚಿತ್ರಕಾತಿವಿಷಾಮುಸ್ತೇನ್ದ್ರಯವೇನ್ದ್ರ ವಾರುಣೀರುಪ್ಯಮಲಲೋಹರಜೋಲೋಹಕಾನ್ತರಸಾಞ್ಜನಾಭ್ರಶುಕನಾ ಸಾದೇವದಾಲೀತ್ರಿಫಲಾಲಾಙ್ಗಲಿಕೀವಿಶಾಲಾಕುಮ್ಭನಿಕುಮ್ಭವ ಚಾವಾರಾಹೀಮಹಾದ್ರುಮಕೋಶಾತಕೀಪ್ರಪುನ್ನಾಟಸೋಮಪರ್ಣೀನಲಿಕಾ ದ್ವಯಪಟೋಲೀಜಾತೀಪಲ್ಲವತಾಪ್ಯಕಾರವೇಲ್ಲಕೂಲಿಕಾಕನ್ದಕ ಸಪ್ತಚ್ಛದಶಾರ್ಙ್ಗಾಷ್ಟೋತ್ಪಲಸಾರಿವಾಗುಗ್ಗುಲುಶಿಲಾಜತುಮೂರ್ವಾಕುಸ್ತು ಮ್ಬರೀಜೀವಕದ್ವಯಪಾಠೇನ್ದುರೇಖಾವಜ್ರಕನ್ದಹರಿದ್ರಾದ್ವಯಲವಣಪಞ್ಚ ಕಾನಿ ಪ್ರತ್ಯೇಕಂ ತ್ರಿಪಲಿಕಾನಿ ಶೃಙ್ಗೀವಿಷಪಲಂ ಚೈಕಂ ತತೋ ದರ್ವ್ಯಾ ಸಮಾನ್ತಾದಾಘಟ್ಯ ಸುಗುಪ್ತಂ ಭೂಮೌ ಧಾನ್ಯೇ ವಾ ಮಾಸಂ ನಿಖನೇತ್| ಅಥ ಕೃತಸಂಶುದ್ಧಿಸ್ವಸ್ತ್ಯಯನಃ ಕುಷ್ಠೀ ಪ್ರಾತಸ್ತತೋ ಮಾತ್ರಾ ಮುಪಯುಞ್ಜೀತ| ಜೀರ್ಣೇ ಚ ಯಥೇಷ್ಟಮಾಹಾರಂ ತೇನಾಸ್ಯ ಪೂರ್ವಮಙ್ಗಾನಿ ತುದ್ಯನ್ತೇ ಭಿದ್ಯನ್ತೇ ಶೂಯನ್ತೇ ಸ್ಫುರನ್ತಿ ಸ್ಫುಟನ್ತಿ ಚ| ತತಃ ಸಪ್ತ ರಾತ್ರಾತ್ಪುನಃ ಸ್ವಸ್ಥೀಭವತಿ| ಅಪಿ ಚ- ಯೋಗರಾಮಜವಲಿಹ್ಯ ಸಮಸ್ತಂ ಸಂಜ್ಞಯೈವ ಕಥಿತೋತ್ತಮಶಕ್ತಿಮ್| ಹನ್ತಿ ಕುಷ್ಠಮತಿಪಾತಿತಗಾತ್ರಂ ಸ್ನಾಯುಜಾಲಪರಿಶೇಷಮಶೇಷಮ್| ಶ್ವಾಸಾಗ್ನಿಸಾದಾರುಚಿಕಾಸಯಕ್ಷ್ಮಗುಲ್ಮಾಢ್ಯವಾತಗ್ರಹಣೀಪ್ರಮೇಹಾನ್| ಶೋಫಂ ಕೃಮೀನ್ ಪಾಣ್ಡುಗದಂ ಜ್ವರಾಂಶ್ಚ ನಿವರ್ತಯತ್ಯೇಷ ರಸಾಯನಾಗ್ರ್ಯಃ||೧೪||

ಖದಿರೇತ್ಯಾದಿನಾ ಶಮನಪ್ರಯೋಗಃ| ಖದಿರಾದಿಭಿರ್ಯೋಗರಾಜೋ ರಸಾಯನಾಗ್ರ್ಯಃ| ತತ್ರ ಖದಿರಾದೀನಾಂ ಮಧುಕಾನ್ತಾನಾಂ ಸಾದ್ರೋಽಶುಷ್ಕಃ ಸಾರಃ| ಕೃತಮಾಲಾದೀನಾಂ ಶಾರ್ಙ್ಗಾಷ್ಠಾನ್ತಾನಾಂ ಮೂಲಾನಿ ಪ್ರತ್ಯೇಕಂ ತ್ರಿಂಶತ್ಪಲಾನಿ| ಸರ್ವೇಭ್ಯೋಽಷ್ಟಗುಣಂ ಜಲಮ್| ತಸ್ಯಾಷ್ಸ್ಟಭಾಗಶೇಷಸ್ಯಾವತರಣಮ್| ತತ್ರ ಚ ಸರ್ಪಿಷಃ ಪಲಶತತ್ರಯಂ ಪ್ರಕ್ಷಿಪ್ಯ ಪಚೇತ್| ತತ್ರ ಚ ವಿಪಚ್ಯಮಾನೇ ಸರ್ಪಿಷಿ ಸರ್ವಂ ಕಷಾಯಂ ಯಾವನ್ನ ಪರಿಕ್ಷೀಯತೇ ತಾವದರುಷ್ಕರಾಣಾಂ ಸಹಸ್ರತ್ರಯಂ ವಿದಲೀಕೃತಮವಪಾಟಿತಮಾವಪ್ಯೈತತ್ ಸರ್ಪಿಃ ಪುನಃ ಪಕ್ತವ್ಯಮ್| ತೇನ ಚ ಸಾಧನೇನ ನೀರಸಾನ್ಯರುಷ್ಕರಾಣಿ ಭೃಷ್ಟ್ವಾ ತತಃ ಸ್ನೇಹಾದುದ್ಧೃತ್ಯ ತಾನಿ ವಿಗತಾಸ್ಥೀನಿ ಚ ಸಞ್ಚೂರ್ಣ್ಯ ಸ್ನೇಹ ಏವ ಪ್ರಕ್ಷಿಪೇತ್| ವ್ಯಾಧಿಘಾತಾದೀನಿ ಪ್ರತ್ಯೇಕಂ ತ್ರಿಪಲಾನಿ ಪ್ರಕ್ಷಿಪೇತ್| ಶೃಙ್ಗಿವಿಷಸ್ಯ ಪಲಮ್| ಖದಿರಂ ಖಾದಿರಮ್| ಕದರಃ ಶ್ವೇತಸಾರಃ| ತಿನಿಶಃ ಸ್ಪನ್ದನಮ್| ಅಸನಂ ಬೀಜಕಮ್| ಶಿರೀಷಃ ಪ್ರಸಿದ್ಧಃ| ಶಾಕಂ ಖರದಾರು ಖರಚ್ಛದಮ್| ಸರ್ಜಾಹ್ವಃ ಶ್ರೀಭರಃ| ಸಾಲರಸೋ ನಿರ್ಯಾಸ ಏವ| ಅರ್ಜುನಃ ಕಕುಭಃ| ಮುಷ್ಕೋ ಮೋಕ್ಷಕಃ| ಕಾಶ್ಮೀರೇಷು ಪುರುನ್ತುಕಃ| ಅಸಿಕಃ ರಜನಕಃ| ವಞ್ಜುಲಃ ವೇತಸಃ| ದೀರ್ಘಪತ್ರಃ ಪ್ರಸಿದ್ಧಃ| ಕೃತಮಾಲೋ ನಕ್ತಮಾಲಃ| ನಿಚುಲೋ ವೇತಸಭೇದಃ| (ನಿ) 'ಅಙ್ಕೋಟೋಙ್ಕೋಲಕೋ ರೇಚೀ ನಿರ್ದಿಷ್ಟೋ ದೀರ್ಘಕೀಲಕಃ|' ಕುಟಜೋ ವತ್ಸಕಃ| ಕಟಭಿರ್ಜ್ಯೋತಿಷ್ಮತೀ| ಪಾರಿಭದ್ರಕೋ ನಿಮ್ಬಃ| ಕಣ್ಟಕಕಿಂಶುಕಶ್ಚ| ಗೃಧ್ರನಖೀ ತಿನ್ದುಕೀ| ವರಣಸ್ತಮಾಲಃ ಶ್ವೇತಪುಷ್ಪಃ| ವರ್ಧಮಾನ ಏರಣ್ಡಃ| ಶ್ವದಂಷ್ಟ್ರಾ ಗೋಕ್ಷುರಕಃ| ಅಹಿಮಾರಃ ಅರಿಮೇದಃ| ಶ್ರೀಪರ್ಣೀ ಕಾಶ್ಮರೀ| ಸ್ವಯಙ್ಗುಪ್ತಾ ಕಣ್ಡೂಕರೀ| ಅಗ್ನಿಮನ್ಥಃ ತಕ್ಕಾರೀ| ಇನ್ದ್ರವಾರುಣೀ ಏನ್ದ್ರೀ ಪ್ರಸಿದ್ಧಾ| ಕಾಕೋದುಮ್ಬರಿಕಾ ಫಲ್ಗುಃ| ಮೇಷಶೃಙ್ಗೀ ಅಜಶೃಙ್ಗೀ| ಟುಣ್ಟುಕೋ ಮಯೂರಜಙ್ಘಃ| ವಾಯಸೀ ಕಾಕಮಾಚೀ| ರೋಹಿಣೀ ಕಟುಕಾ| ಮೂರ್ವಾ ಕಿರಾತತಿಕ್ತಾ| ಶಾರ್ಙ್ಗಾಷ್ಠಾ ಅಙ್ಗಾರವಲ್ಲಿಕಾ| ಅರುಷ್ಕರಾಣಿ ಭಲ್ಲಾತಕಾನಿ| ವ್ಯಾಧಿಘಾತಃ ಆರಗ್ವಧಃ| ನಾಕುಲೀ ಸರ್ಪಸುಗನ್ಧಾ| ಮಾರ್ಕವಃ ಭೃಙ್ಗರಾಜಃ| ಕಾಕಾದನೀ ಕಾಕಪೀಲುಕಾ| ಕರಣ್ಡಿಶ್ಚಿರಣ್ಡಿಕಾ ಚ| ತಗರಂ ನತಮ್| ರೂಪ್ಯಸ್ಯ ಮಲಂ ತಥೋಕ್ತಮ್ ಲೋಹರಜಃ ಶಸ್ತ್ರಚೂರ್ಣಮ್| ಲೋಹಕಾನ್ತಃ ಅಯಸ್ಕಾನ್ತಃ| ರಸಾಞ್ಜನಂ ತಾರ್ಕ್ಷ್ಯಶೈಲಮ್| ಅಭ್ರಂ ಅಭ್ರಕಮ್| ಶುಕನಾಸಾ ಸ್ಯೋನಾಕಃ| ದೇವದಾಲೀ ಜೀಮೂತಕಃ| ಗರಾಗರೀ ವಮನದ್ರವ್ಯಮ್| ಲಾಙ್ಗಲೀ ವಿಶಲ್ಯಾ ಗರ್ಭಪಾತನೀ| ವಿಶಾಲಾ ಗವಾಕ್ಷೀ| ಕುಮ್ಭೋ ದ್ರವನ್ತೀ ನಿಕುಮ್ಭೋ ದನ್ತೀ| ವಾರಾಹೀ (ನಿ) 'ಗೃಷ್ಟಿರ್ವಿಷ್ವಕ್ಸೇನಕಾನ್ತಾ ವಾರಾಹೀ ವರಮಾಲಿನೀ| ಮಾಧವೀ ಸೌಕರೀ ಕಾರ್ಷ್ಣಿ ಕಾಲನ್ದೀ ಗೃಷ್ಟಿಕಾಪರಾ||' ಮಹಾದ್ರುಮಃ ರಾಜಜಮ್ಬುಕಃ| ಕೋಶಾತಕೀ ಧಾಮರ್ಗವಃ| ಪ್ರಪುನ್ನಾಟಕಶ್ಚಕ್ರಮರ್ದಃ| ಸೋಮಪರ್ಣೀ (ನಿ) 'ಉಚ್ಚಟಾ ಸೋಮಪರ್ಣೀ ಚ ಪ್ರಚಲಾತಲತಾ ತಥಾ|' ನಲಿಕಾದ್ವಯಂ ಮಾಂಸೀದ್ವಯಮ್| ಜಾತಿಪಲ್ಲವಂ ಜಾತಿಪತ್ರಮ್| ತಾಪ್ಯಂ ವಟ್ಟಮಾಕ್ಷಿಕಮ್| ಕಾರವೇಲ್ಲೀ ಪ್ರಸಿದ್ಧಾ| ಕೂಲಿಕಾಕನ್ದಕಂ ಕರ್ಕೋಟಕಮ್| ಕುಸ್ತುಮ್ಬರೀ ಆದ್ರಿಕಾ| ಜೀವಕದ್ವಯಂ ಜೀವನ್ತೀ ಜೀವನೀಕಂ ಚ| ಇನ್ದುಲೇಖಾ ಸೋಮರಾಜೀ| ವಜ್ರಕನ್ದಂ ಸುಧಾ| ಅಥೇತ್ಯಾನನ್ತರ್ಯೇ| ಸಂಶುದ್ಧಿರ್ವಮನಾದಿನಾ ಸ್ವಸ್ತ್ಯಯನಂ ದೇವಪೂಜಾದೀರಿತಮ್| ಸಮಸ್ತಂ ಯೋಗರಾಜಮಾಹ-ಸಂಜ್ಞಯಾ ನಾಮ್ನಾ ಕಥಿತಾ ಉತ್ತಮಾಶಕ್ತಿರ್ಯಸ್ಯ ತಥಾವಿಧಮ್| ಆಶ್ಚರ್ಯಸಂಜ್ಞಮಿತ್ಯರ್ಥಃ| ಕುಷ್ಠಂ ಕಿಮ್ಭೂತಮಿತ್ಯಾಹ-ಅತಿಪಾತಿತಗಾತ್ರಮ್| ತಥಾ ಸ್ನಾಯುಜಾಲಮೇವ ಪರಿಶೇಷಮ್||೧೪||

Adhikarana triphalAdisaktucUrNam (15) · Śloka 15

ತ್ರಿಫಲಾದಶಮೂಲಮೂರ್ವಾಮುಸ್ತಸಪ್ತಚ್ಛದದಾರುನಿಮ್ಬತ್ವಗ್ಗವಾಕ್ಷೀಚಿತ್ರ ಕಮಞ್ಜಿಷ್ಠಾವ್ಯೋಷಚೂರ್ಣಂ ನವಗುಣೈಃ ಸಕ್ತುಭಿರ್ಯುಕ್ತಂ ಸಕ್ಷೌದ್ರಂ ಶೀಲಯೇತ್||೧೫||

ತ್ರಿಫಲಾದೀನಾಂ ಚೂರ್ಣಂ ಸರ್ವತೋ ನವಗುಣೈಃ ಸಕ್ತುಭಿರ್ಯುಕ್ತಂ ಸಕ್ಷೌದ್ರಂ ಶೀಲಯೇತ್|| ೧೫||

Adhikarana yavasaktuvisheShaH (16) · Śloka 16

ಅಥವಾ ಕ್ಷುಣ್ಣಾನ್ ಯವನ್ ನಿಸ್ತುಷಾನ್ ರಾತ್ರೌ ಗೋಮೂತ್ರಪರ್ಯುಷಿತಾ ನಹ್ನಿ ಕಿಲಿಞ್ಜೇ ಶೋಷಯೇದೇವಂ ಸಪ್ತಾಹಂ ಭಾವಯೇಚ್ಛೋಷಯೇಚ್ಚ| ತತಸ್ತಾನ್ ಸಕ್ತೂನ್ ಕೃತ್ವಾ ಭಲ್ಲಾತಕಪ್ರಪುಪನ್ನಾಟಾವಲ್ಗುಜ ಚಿತ್ರಕವಿಡಙ್ಗಮುಸ್ತಚೂರ್ಣಂ ಚತುರ್ಭಾಗಯುಕ್ತಾನಸನಾದಿಕಷಾಯೇಣ ಪಾಯಯೇತ್||೧೬||

ಅಥವಾ ಮುಸಲೇನ ಕ್ಷುಣ್ಣಾನ್ ಯವಾನ್ ರಾತ್ರಿಮೇಕಾಂ ಗೋಮೂತ್ರೇಣ ವಾಸಯೇತ್| ತತೋಽಹ್ನಿ ಕಿಲಿಞ್ಜೇ ತು ಶೋಷಯೇತ್| ಪುನಾ ರಾತ್ರೌ ಗೋಮೂತ್ರೇ ವಾಸಯೇತ್| ಪುನರಹನಿ ಶೋಷಯೇದೇವಂ ಸಪ್ತರಾತ್ರಂ ಭಾವಯೇಚ್ಛೋಷಯೇಚ್ಚ| ತತಸ್ತೈರ್ಯವೈಃ ಸಕ್ತೂನ್ ಕೃತ್ವಾ ತಾನ್ ಸಕ್ತೂನ್ ಭಲ್ಲಾತಕಾದಿಚೂರ್ಣೇನ ಚತುರ್ಭಾಗೇನ ಯುಕ್ತಾಸನಾದಿಗಣಕಷಾಯೇಣ ಪಾಯಯೇತ್|| ೧೬||

Adhikarana manthayAvakAdikalpanA (17) · Śloka 17

ಏವಮಸನಾದಿಕ್ವಾಥಪೀತಾನಾಮಾರಗ್ವಧಾದಿಕಷಾಯಪೀತಾನಾಂ ವಾ ಗೋಜೀರ್ಣಕಾನಾಂ ವಾ ಯವಾನಾಂ ಸಕ್ತೂನರುಷ್ಕರಾಗ್ನಿಮನ್ಥಚೂರ್ಣಮಿ ಶ್ರಾನ್ ಖದಿರಾಸನಸಾರರೋಹಿತಕಗುಡೂಚೀನಾಮನ್ಯತಮಸ್ಯ ಕಷಾ ಯೇಣ ದಾಡಿಮಾಮ್ಲವೇತಸಾಮ್ಲೇನ ಸೈನ್ಧವಲವಣೇನ ಸಿತಾಮಧು ಮಧುರೇಣಾಲೋಡ್ಯ ಪಾಯಯೇತ್| ಏಷ ಸರ್ವಮನ್ಥಕಲ್ಪಃ| ಯಾವಕಾಂಶ್ಚ ಭಕ್ಷ್ಯಾನಪೂಪಪೂರ್ಣಕೋಶಶಷ್ಕುಲೀಪ್ರಭೃತೀನ್ ಕುರ್ಯಾತ್| ಯವವಚ್ಚ ಗೋಧೂಮೈಃ||೧೭||

ಏವಮಿತ್ಯನೇನ ಸಪ್ತಾಹವಾಸನಶೋಷಣಾದಸನಾದಿಕ್ವಾಥಪೀತಾನಾಂ ವಾ ಆರಗ್ವಧಾದಿಪೀತಾನಾಂ ವಾ ಯವಾನಾಂ ಸಕ್ತೂನರುಷ್ಕರಾಗ್ನಿಮನ್ಥಯೋಶ್ಚೂರ್ಣೇನ ಮಿಶ್ರಾನ್ ಖದಿರಸಾರಾದೀನಾಮನ್ಯತಮಸ್ಯ ದಾಡಿಮಾಮ್ಲವೇತಸಾಮ್ಲೇನ ಸೈನ್ಧವೇನ ಲವಣೇನ ಸಿತಾಮಧುಭ್ಯಾಂ ಮಧುರೇವ ಕಷಾಯೇಣಾಲೋಡ್ಯ ಪಾಯಯೇತ್| ಅಸನಾದೀನಾಂ ಕ್ವಾಥಃ ಪೀತೋ ಯೈರ್ಯವೈಸ್ತೇ ಯಥೋಕ್ತಾಃ| ಗೋಮುತ್ರವದಸನಾದಿನಾ ವಾರಗ್ವಧಾದಿನಾ ವಾ ಭಾವಿತಾ ಇತ್ಯರ್ಥಃ| ಗೋಜೀರ್ಣಕಾ ಯೇ ಯವಾ ಭುಕ್ತಾ ಗೋಮಯೇನ ಸಹ ನಿರ್ಗತಾಃ| (ನಿ) 'ಪಾರಿಜಾತಸ್ತು ರೋಹಿತಃ ಪ್ಲೀಹಘ್ನೋ ರಕ್ತಪುಷ್ಪಕಃ|' ಸರ್ವೇಷಾಂ ಚ ಮನ್ಥಾನಾಮಯಮೇವ ದಾಡಿಮಾದಿನಾಮ್ಲಾದಿಯೋಜನಾ ಕಲ್ಪಃ| ಸುಬೋಧಮ್| ಅನನ್ತರೋಕ್ತಯವವಿಧಾನವತ್ ಗೋಧೂಮೈರಪಿ|| ೧೭||

Adhikarana surAvisheShaH (18) · Śloka 18

ಸುರಾಂ ಕಲ್ಪಯೇತ್ ಪಲಾಶಕ್ಷಾರಭಾವಿತಶಾಲಿತಣ್ಡುಲಪಿಷ್ಟೇನ ಕ್ಷಾರೋದಕೇನೈವ ಸ್ವೇದಿತೇನ ಪ್ರಿಯಙ್ಗುಜಪಿಪ್ಪಲೀಚಿತ್ರಕಕೇಷುಕೈ ಲವಾಲುಕಪರಿಪೇಲವಲೋಧ್ರಮರಿಚವಿಡಙ್ಗಚೂರ್ಣಮಿಶ್ರೇಣ ನವೇ ಚೈನಾಂ ಭಾಜನೇ ಜತುಸೃತೇ ಕ್ಷೌದ್ರಪಿಪ್ಪಲೀಲಿಪ್ತೇ ಸ್ಥಾಪಯೇತ್| ತತೋ ಗನ್ಧ ರಸೋಪಪನ್ನಾಂ ಕುಷ್ಠಿನೇ ಪಾತುಂ ದದ್ಯಾತ್||೧೮||

ಸುರಾಂ ಕಲ್ಪಯೇತ್ ಕಥಮಿತ್ಯಾಹ-ಪಲಾಶೇತ್ಯಾದಿ| ಪಲಾಶವೃಕ್ಷಕ್ಷಾರೇಣ ಭಾವಿತಾನಾಂ ಶಾಲಿತಣ್ಡುಲಾನಾಂ ಪಿಷ್ಟೇನ ಕ್ಷಾರೋದಕಸ್ವೇದಿತೇನ ಪ್ರಿಯಙ್ವಾದಿಚೂರ್ಣಮಿಶ್ರೇಣೇತಿ| ಸುಬೋಧಮ್| ಏನಾಮಿತಿ ಸುರಾಮ್|| ೧೮||

Adhikarana khadirAdisurAkalpaH (19) · Śloka 19

ಖದಿರಶಿಂಶಪಾಸಾರಮುತ್ತಮಕಾರಣೀಂ ಬ್ರಾಹ್ಮೀಂ ಕೋಶವತೀಂ ಚ ಕಷಾಯಕಲ್ಪೇನ ವಿಪಚೇತ್| ತೇನ ಕ್ವಾಥೇನ ತಣ್ಡುಲಾನ್ ಭಾವ ಯೇತ್| ಅಭಿಷುಣುಯಾಚ್ಚ ಪೂರ್ವವತ್||೧೯||

ಖದಿರಾದೀನ್ ಕಷಾಯಕಲ್ಪೇನೇತಿ| ಷೋಡಶಗುಣೇನಾಮ್ಭಸಾ ಚತುರ್ಭಾಗಶೇಷೇಣ ಪಚೇತ್| ಸುಬೋಧಮ್| ಉತ್ತಮಕಾರಣೀ ಕರಮ್ಭಾ| ಕೋಶವತೀ ಘಣ್ಟೋಲೀ||೧೯||

Adhikarana trivRutAdyayaskRutiH (20) · Śloka 20

ತ್ರಿವೃಚ್ಛ್ಯಾಮಾಗ್ನಿಮನ್ಥಸಪ್ತಲಾಕೇಬುಕಶಙ್ಖಿನೀತಿಲ್ವಕತ್ರಿ ಫಲಾಪಲಾಶಶಿಂಶಪಾನಾಂ ರಸಮಾದಾಯ ಪಲಾಶದ್ರೋಣ್ಯಾಮಭ್ಯ ಸಿಚ್ಯ ಖದಿರಾಙ್ಗಾರತಪ್ತಮಯಃಪಿಣ್ಡಮೇಕವಿಂಶತಿವಾರಾನ್ನಿರ್ವಾಪ್ಯ ತತಸ್ತಂ ರಸಮಾಸಿಚ್ಯ ಸ್ಥಾಲ್ಯಾಂ ಗೋಮಯಾಗ್ನಿನಾ ಸಾಧಯೇತ್| ಸಿಧ್ಯತಿ ಚಾವಪೇತ್| ಪಿಪ್ಪಲೀಚೂರ್ಣಸ್ಯ ಭಾಗಂ ದ್ವೌ ಮಧುನಸ್ತಾ ವದುದ್ಧೃತಸ್ಯ ತತಶ್ಚತುರ್ಭಾಗಾವಶಿಷ್ಟೇಽವತೀರ್ಣೇ ಭೂಯೋಽಗ್ನಿತಪ್ತ ಮಯಃಪಿಣ್ಡಂ ತಸ್ಮಿನ್ ಪ್ರಕ್ಷಿಪೇತ್| ಪ್ರಶಾನ್ತಂ ಚ ಲೋಹಪಾತ್ರೇ ಸುಗುಪ್ತಂ ನಿದಧ್ಯಾತ್| ಸ್ಥೂಲಂ ಕರ್ಶಯತಿ| ಶೋಫಮುಪಹನ್ತಿ| ಸನ್ನಮಗ್ನಿ ಮುದ್ಧರತಿ| ವಿಶೇಷೇಣ ರಾಜಯಕ್ಷ್ಮಿಣಾಮುಪದಿಶ್ಯತೇ| ವರ್ಷಶತಾ ಯುಶ್ಚೈನಾಮುಪಯುಜ್ಯ ಪುರುಷೋ ಭವತಿ||೨೦||

ತ್ರಿವೃದಾದೀನಾಂ ರಸಂ ಕ್ವಾಥಂ ಗೃಹೀತ್ವಾ ಪಲಾಶಮಯ್ಯಾಂ ದ್ರೋಣ್ಯಾಮಾಸಿಞ್ಚೇತ್| ಆಸಿಚ್ಯ ಚಾಯಃಪಿಣ್ಡಂ ತಪ್ತಮೇಕವಿಂಶತಿವಾರಾನ್ ನಿರ್ವಾಪ್ಯ ತದವಗಾಹೇ ನಾಗ್ನಿರಹಿತಂ ಕೃತ್ವಾ ತಂ ಪಲಾಶದ್ರೋಣೀರಸ್ಮ್ ಸ್ಥಾಲ್ಯಾಂ ಸಾಧಯೇತ್ ಗೋಮಯಾಗ್ನಿನಾ| ಸಿಧ್ಯತಿ ಚ ರಸೇ ಪಿಪ್ಪಲ್ಯಾದಿಕಮಾವಪೇತ್| ಯಾವತಾ ಘನತ್ವಂ ಭವತಿ ತಾವದಿತಿ| ಮಧುಸಮೋ ಘೃತಸ್ಯ ಭಾಗಃ| ಸುಬೋಧಮ್| ಪ್ರಶಾನ್ತಂ ನಿರ್ವೃತಂ ತಪ್ತಲೋಹಪಿಣ್ಡಕ್ಷೋದಮ್| ಸುಬೋಧಮ್| ಏಷ ಯೋಗೋ ನಾಮ್ನಾಽಯಸ್ಕೃತಿಃ| ಅರುಣಂ ಮೂಲಂ ತ್ರಿವೃತ್| ಶಮಾರುಣಂ ಶ್ಯಾಮಾ| ಸಪ್ತಲಾ ಸಾತಲಾ| ಕೇಬುಕಂ ಪ್ರಸಿದ್ಧಂ ಮಧ್ಯದೇಶೇ| (ನಿ) 'ವಿತಿಕ್ತಾ ಸ್ಯಾಚ್ಛಙ್ಖಿನೀ ತು ದೃಢಪಾದಾ ವಿಸರ್ಪಿಣೀ| ತಿಕ್ತಲಾ ಚಾಕ್ಷಿಪೀಡಾಖ್ಯಾ ವಿಶ್ವಾ ವೇತ್ರಾ ಯಮೇಶ್ವರಾ|| ೨೦||

Adhikarana asanAdyayaskRutiH (21) · Śloka 21

ಅಸನಾದಿಕ್ವಾಥಮಾಸಿಚ್ಯ ಪಲಾಶದ್ರಾಣ್ಯಾಮಯೋಘನೈಸ್ತಪ್ತೈಃ ಸಂಯೋಜ್ಯ ನಿರ್ವಾಪ್ಯ ಚ ಕೃತಸಂಸ್ಕಾರೇ ಕಲಶೇ ಪ್ರಕ್ಷಿಪ್ಯ ವತ್ಸಕಾದಿಂ ಪ್ರತಿವಾಪ್ಯ ಕ್ಷೌದ್ರಂ ಚ ಸುಗುಪ್ತಂ ಮಾಸಂ ನಿಧಾಯೋಪಯುಞ್ಜೀತ||೨೧||

ಅಸನಾದೀತ್ಯಾದಿನಾ ಅಪರಾ ತ್ರಿವ್ರುದಾದಿವದಯಸ್ಕೃತಿಃ| ಕ್ಲಶೇ ದೋಷಾನುರೂಪೈರೌಷಧೈರ್ಲೇಪರೂಪಾದಿನಾ ಕೃತಸಂಸ್ಕಾರೇ ತಂ ಕ್ವಾಥಂ ಪ್ರಕ್ಷಿಪ್ಯ ತತ್ರ ಚ ವತ್ಸಕಾದಿಚೂರ್ಣಂ ಮಾಕ್ಷಿಕಂ ಚ ಪ್ರತಿವಾಪ್ಯ ಮಾಸಂ ನಿಧಾಪಯೇತ್| ಮಾಸಾದೂರ್ಧ್ವಮುಪಯುಞ್ಜೀತ|| ೨೧||

Adhikarana aparAH ayaskRutayaH (22) · Śloka 22

ಏವಂ ನ್ಯಗ್ರೋಧಾದಿಷ್ವಾರಗ್ವಧಾದಿಷು ಚಾಯಸ್ಕೃತಿಂ ವಿದಧ್ಯಾತ್| ಖದಿರಸುರದಾರುಸಾರಕ್ವಾಥಪ್ರಸ್ಥಂ ಕ್ಷೌದ್ರಪ್ರಸ್ಥಂ ಮತ್ಸ್ಯಣ್ಡಿಕಾಪ್ರಸ್ಥಂ ಲೋಹಚೂರ್ಣಾರ್ದ್ಧಪ್ರಸ್ಥಂ ತ್ರಿಫಲಾಚತುರ್ಜಾತಕಮರಿಚಾನಿ ಚ ಕಾರ್ಷಿಕಾಣಿ ಪ್ರಕ್ಷಿಪ್ಯಾಯಸೇ ಭಾಣ್ಡೇ ಮಾಸಸ್ಥಿತಂ ತದುಪಯೋಜಯೇತ್||೨೨||

ಏವಮಿತ್ಯಸನಾದಿವತ್ ನ್ಯಗ್ರೋಧಾದಿನಾರಗ್ವಧಾದಿನಾ ಚಾಯಸ್ಕೃತಿಂ ಕುರ್ಯಾತ್| ಸರ್ವತ್ರ ಚ ವತ್ಸಕಾದಿಕ್ಷೌದ್ರಂ ಚ ಪ್ರತಿವಾಪಃ| ಖದಿರಸಾರದಾರುಣೋಃ ಕ್ವಾಥಸ್ಯ ಮಾತ್ರಾ ಶೇಷದ್ರವ್ಯವ್ಯಾಪ್ತಿಯೋಗ್ಯಾ| ತ್ರಿಫಲಾಚತುರ್ಜಾತಯೋಃ ಪೃಥಗ್ದ್ರವ್ಯಮ್|| ೨೨||

Adhikarana rasAyanaprayogAH (23) · Śloka 23

ರಸಾಯನಪ್ರಯೋಗೇಣ ಚ ಲೋಹತುಲಾಂ ತುವರಕಾಸ್ಥೀನಿ ಭಲ್ಲಾ ತಕಾನ್ಯಲಮ್ಬುಸಾಮವಲ್ಗುಜಂ ಗುಗ್ಗುಲುಮರ್ಶೋವಿಹಿತವಿಧಾನೇನ ವಾ ಚಿತ್ರಕಮಿತಿ||೨೩||

ರಸಾಯನಪ್ರಯೋಗವಿಹಿತವಿಧಾನೇನ ಪೃಥಗ್ಲೋಹಚೂರ್ಣಾದೀನಿ ಯೋಜಯೇತ್| ಅರ್ಶಶ್ಚಿಕಿತ್ಸಿತವಿಧಾನೇನ ವಾ ಚಿತ್ರಕಮ್| ತುವರಾಣಾಂ ಪಶ್ಚಿಮೋದಧಿತಶ್ಚ ಪ್ರಸಿದ್ಧಾನಾಂ ಫಲವಿಶೇಷಾಣಾಮಸ್ಥೀನಿ ಮಜ್ಜಾನಃ| ಅಲಮ್ಬುಸಾ ಮದಯನ್ತಿಕಾ| ಅವಲ್ಗುಜಾ ಸೋಮರಾಜೀ|| ೨೩||

Adhikarana manthAdyupayogopadeshaH (24) · Śloka 24

ಭವತಿ ಚಾತ್ರ- ಕಿಲಾಸಕುಷ್ಠಗ್ರಹಣೀಪ್ರಮೇಹಸ್ಥೂಲತ್ವದುರ್ನಾಮಭಗನ್ದರೇಷು| ಪಾಣ್ಡುತ್ವಶೂನತ್ವಕಫಾಮಯೇಷು ಮನ್ಥಾದಿಯೋಗಾನ್ ವಿದಧೀತ ಧೀಮಾನ್||೨೪||

ಗತಾನುಗತಿಕಾ| ಧೀಮಾನ್ ಸುಬುದ್ಧಿಃ ಕಿಲಾಸಾದಿಷ್ವನನ್ತರೋಕ್ತಾಂಸ್ತರ್ಪಣಾದೀನ್ಯುಞ್ಜೀತ| ಕಿಲಾಸಂ ಶ್ವಿತ್ರಮ್| ಕಫಾಮಯಾಃ ಸರ್ವೇ ಶ್ಲೇಷ್ಮವ್ಯಾಧಯಃ||೨೪||

Adhikarana pathyApathyam (25) · Śloka 25

ಶಾಲಯೋ ಯವಗೋಧೂಮಕೋರದೂಷಾಃ ಪ್ರಿಯಙ್ಗವಃ| ಮುದ್ಗಾ ಮಸೂರಾಸ್ತುವರೀ ತಿಕ್ತಶಾಕಾನಿ ಜಾಙ್ಗಲಮ್| ತ್ರಿಫಲಾರುಷ್ಕರಾರಿಷ್ಕರಾರಿಷ್ಟಕ್ಷೌದ್ರಯೋಜಿತಭಾವಿತಮ್| ಧಾತ್ರೀಖದಿರನಿಮ್ಬಾಮ್ಬುರಸಂ ಮುದ್ಗಪಟೋಲಜಮ್| ಮದ್ಯಾನ್ಯೌಷಧಗರ್ಭಾಣಿ ಮಥಿತಂ ಚೇನ್ದುರಾಜಿಮತ್| ಅನ್ನಪಾನಂ ಹಿತಂ ಕುಷ್ಠೇ ನ ತ್ವಮ್ಲಲವಣೋಷಣಮ್| ದಧಿದುಗ್ಧಗುಡಾನೂಪತಿಲಮಾಷಾಂಸ್ಯಜೇತ್ತರಾಮ್||೨೫||

ಶಾಲಯ ಇತ್ಯಾದಿನಾ ಸರ್ವಕುಷ್ಠಹಿತಮನ್ನಪಾನಮುಚ್ಯತೇ| ಜಾಙ್ಗಲಂ ಮಾಂಸಮ್| ಸರ್ವಂ ಚ ತ್ರಿಫಲಾದಿಭಾವಿತಂ ತೈರೇವ ಸಂಯೋಜಿತಮ್| ಅರಿಷ್ಟೋ ನಿಮ್ಬಃ| ಪಾನಂ ಧಾನ್ಯಾದ್ಯಮ್ಬು| ಧಾತ್ರೀ ಆಮಲಕಮ್| ಮುದ್ಗೈಃ ಸಪಟೋಲೈ ರಸೋ ಯೂಷಃ| ತಾನಿ ಮದ್ಯಾನಿ ಯೇಷಾಂ ಕುಷ್ಠಹಿತಾನ್ಯೌಷಧಾನಿ ಗರ್ಭೇ| ಮಥಿತಂ ತಕ್ರಂ ಇನ್ದುರಾಜಿಮತ್ ಸೋಮರಾಜಿಯುಕ್ತಮ್| ಏವಂವಿಧಮನ್ನಪಾನಂ ಕುಷ್ಠೇ ಹಿತಮ್| ನ ತ್ವಮ್ಲಾದಿಗುಣಮನ್ನಪಾನಂ ಹಿತಮ್| ದಧ್ಯಾದಿಕಞ್ಚ ಕುಷ್ಠೀ ನಿತರಾಂ ತ್ಯಜೇತ್ಸುತರಾ ಜಹ್ಯಾತ್|| ೨೫||

Adhikarana nimbAriShTaH (26) · Śloka 26

ತುಲಾರ್ಧಂ ನಿಮ್ಬಪಞ್ಚಾಙ್ಗ್ಯಾಸ್ತಥಾ ಖದಿರಸಾರತಃ| ಹರೀತಕೀದಲತುಲಾಂ ಭಲ್ಲಾತಕತುಲಾಂ ದಶ| ಕೃಷ್ಣಾವಿಡಙ್ಗಕುಡವಾವೈಕಧ್ಯಂ ವಿಪಚೇಜ್ಜಲೇ| ಕಷಾಯಂ ತಂ ಪರಿಸ್ರಾವ್ಯ ನಿದಧ್ಯಾತ್ತಾಮ್ರಭಾಜನೇ| ಷಣ್ಮಾಸತಃ ಪಿಬೇತ್ಕುಷ್ಠಕೃಮಿಮೇಹೈರ್ವಿಮುಚ್ಯತೇ| ನಿಮ್ಬಾರಿಷ್ಟ ಇತಿ ಖ್ಯಾತೋ ವರುಣೇನೈಷ ನಿರ್ಮಿತಃ||೨೬||

ತುಲಾರ್ಧಮಿತ್ಯಾದಿನಾ ನಿಮ್ಬಾರಿಷ್ಟಃ| ನಿಮ್ಬಸ್ಯ ಪಞ್ಚಾಙ್ಗೀ ಪಞ್ಚಾನಾಮಙ್ಗಾನಾಂ ಸಮಾಹಾರಃ ಮೂಲಂ ಸಾರಂ ತ್ವಕ್ ಪತ್ರಂ ಫಲಂ ಚೇತಿ ದಶಪಲಾಂಶಾನಿ| ತಥೇತಿ ತುಲಾರ್ಧಮ್| ಏವಂ ವಿಡಙ್ಗುಕುಡವಾನ್ತಂ ಕ್ವಾಥಪರಿಭಾಷಯಾ ಜಲೇ ವಿಪಚೇತ್| ಸುಬೋಧಮ್|| ೨೬||

Adhikarana mANibhadraguDaH (27) · Śloka 27

ವಿಡಙ್ಗಸಾರಾಮಲಕಾಭಯಾನಾಂ ಪಲಂ ಪಲಂ ತ್ರೀಣಿ ಪಲಾನಿ ಕುಮ್ಭಾತ್| ಗುಡಸ್ಯ ಚ ದ್ವಾದಶಮಾಸಮೇಷ ಜಿತಾತ್ಮನಾ ಹನ್ತ್ಯುಪಯುಜ್ಯಮಾನಃ| ಕುಷ್ಠಶ್ವಿತ್ರಶ್ವಾಸಕಾಸೋದರಾರ್ಶೋ ಮೇಹಪ್ಲೀಹಗ್ರನ್ಥಿರುಗ್ಜನ್ತುಗುಲ್ಮಾನ್| ಸಿದ್ಧಂ ಯೋಗಂ ಪ್ರಾಹ ಯಕ್ಷೋ ಮುಮುಕ್ಷೋ ರ್ಭಿಕ್ಷೋಃ ಪ್ರಾಣಾನ್ ಮಾಣಿಭದ್ರಃ ಕಿಲೇಮಮ್||೨೭||

ವಿಡಙ್ಗಸಾರಾದೀನಾಂ ಪ್ರತ್ಯೇಕಂ ಪಲಮ್| ವಿಡಙ್ಗಸಾರೋ ವಿಡಙ್ಗಮಜ್ಜಾ| ಕುಮ್ಭಾತ್ ತ್ರಿವೃತಾಯಾಃ ತ್ರೀಣಿ ಪಲಾನಿ| ಗುಡಸ್ಯ ದ್ವಾದಶ ಪಲಾನಿ| ಮಾಸಶಬ್ದೋಪಾದಾನಾತ್ ಪ್ರತ್ಯಹಮಸ್ಯೋದ್ಯೋಗಾದ್ವರಾಟಿ ಕಾತ್ರಯೋಪಹಿತನವಧಾನಕಾನ್ವಿತಮರ್ಧಪಲಮಭ್ಯವಹರಣೀಯಮಿತಿ ಪ್ರಾಪ್ತಮ್| ವರಾಟಿಕಾ ಗುಞ್ಜಾ| ಜನ್ತವಃ ಕ್ರಿಮಯಃ| ಮಾಣಿಭದ್ರಾಖ್ಯೋ ಯಕ್ಷಃ ಭಿಕ್ಷೋಃ ಪ್ರಾಣಾನ್ ಮುಮುಕ್ಷೋಃ ಇಮಂ ಸಿದ್ಧಂ ಯೋಗಂ ಪ್ರಾಣಕರಂ ಪ್ರಾಹ ಜಗಾದೇತ್ಯರ್ಥಃ| ಅತ್ರ ಭೂತಕಾಲೇ ಪ್ರಾಹೇತಿ| ಕಿಲೇತ್ಯಾಗಮಿಕತ್ವಂ ಸೂಚಯತಿ| ಅನ್ಯೇ ತ್ವೇವಂ ವರ್ಣಯನ್ತಿಗುಡಸ್ಯ ಷಡ್ದ್ವಾದಶಪಲಾನೀತಿ ತಥಾ ಗೃಹೀತೇ ಚೂರ್ಣಾತ್ ತ್ರಿಗುಣಂ ಗುಡಂ ಸ್ಯಾತ್| ಏವಮೇವ ತಾಲೀಸವಟಕಾದಾವಪಿ ಪ್ರಸಿದ್ಧಮ್| ತಸ್ಮಾದ್ಯತ್ರ ಗುಡಸ್ಯ ಪ್ರಮಾಣಮನುಕ್ತಂ ತತ್ರ ಚೂರ್ಣಾತ್ ತ್ರಿಗುಣಂ ಗುಡಂ ಗ್ರಾಹ್ಯಮ್| ಏವಂ ಕೃತೇಽಪ್ಯಗ್ನಿಮಾನ್ದ್ಯಂ ನ ಸ್ಯಾತ್| ತದುಕ್ತಂ ಸೂತ್ರೇ-'ಗುಡಃ ಕರ್ತ್ತಾಗ್ನಿಸಾದಸ್ಯ ಸಹ ನ ತ್ವಭಯಾದಿರಿ'ತಿ|| ೨೭||

Adhikarana kaTukAdinavakaShAyaH (28) · Śloka 18

ಕಟುಕಾಪಟೋಲಮೂಲೋತ್ತಮಾ ವಚಾನಿಮ್ಬರಾತ್ರಿಮಞ್ಜಿಷ್ಠಾನಾಮ್| ಸಂಶೀಲಿತಃ ಕಷಾಯ ಸ್ತ್ವಗಾಮಯಾನ್ ಶ್ಲೇಷ್ಮಪಿತ್ತಬಹುಲಾನ್ ಹನ್ತಿ||೧೮||

ಕಟುಕಾದಿನವಕಷಾಯಃ ಸಂಶೀಲಿತಃ ಶ್ಲೇಷ್ಮಪಿತ್ತಭೂಯಿಷ್ಠಾಂಸ್ತ್ವಗಾಮಯಾನ್ ಹನ್ತಿ|| ೨೮||

Adhikarana snehayogAH (29) · Śloka 29

ವಾತೋತ್ತರಾಂಸ್ತು ಸರ್ಪಿರ್ವಿಪಾಚಿತಂ ಕ್ವಥಿತಕಲ್ಕಿತೈಶ್ಚ ಕಟುಕಾದ್ಯೈಃ| ಖದಿರಾರಿಷ್ಟಗುಡೂಚೀಸುರತರು ದಾರ್ವೀಶ್ಚ ಕಲ್ಪಯೇತ್ ಪೃಥಗೇವಮ್||೨೯||

ಏವಂ ಕಟುಕಾದಿಭಿಃ ಕ್ವಾಥಿತಕಲ್ಕಿತೈಶ್ಚ ಸ್ನೇಹಪಾಕಪರಿಭಾಷಯಾ ವಿಪಾಚಿತಂ ಸರ್ಪಿರ್ವಾತೋತ್ತರಾಂಸ್ತ್ವಗಾಮಯಾನ್ ಹನ್ತಿ| ಖಾದಿರಾದಿಭಿಃ ಪೃಥಕ್ ಪ್ರತ್ಯೇಕಂ ಸರ್ಪಿರ್ವಿಕಲ್ಪಯೇತ್| ಏವಮಿತಿ ಕ್ವಾಥಕಲ್ಕವಿಧಾನೇನ| ವಿಷಯಶ್ಚಾತ್ರ ಗುಣೈರ್ವಿಕಲ್ಪ್ಯಃ|| ೨೯||

Adhikarana khadirasya shItakaShAyaH (30) · Śloka 30

ಶೀತಃ ಕಷಾಯಃ ಖದಿರಸ್ಯ ಪೀತಃ ಸಕ್ಷೌದ್ರತಾರ್ಕ್ಷ್ಯೋ ಹರತಿ ಪ್ರಸಹ್ಯ| ತ್ವಕ್ಕಣ್ಠರೋಗಾಪಚಿಗುಲ್ಮಮೇಹಾನ್ ಬಲಾಹಕಾನ್ ವಾಯುರಿವ ಪ್ರಚಣ್ಡಃ||೩೦||

ಖದಿರಸ್ಯ ಶೀತಃ ಕಷಾಯಂ ಸಕ್ಷೌದ್ರತಾರ್ಕ್ಷ್ಯಃ ಪೀತಸ್ತ್ವಗ್ರೋಗಾದೀನ್ ಪ್ರಸಹ್ಯಾಪಾಕ್ರಮ್ಯ ಹರತಿ| ಯಥಾ ಪ್ರಚಣ್ಡೋ ವೇಗವಾನ್ ವಾಯುರ್ವಲಾಹಕಾನಭ್ರಾಣೀ ಪ್ರಸಹ್ಯ ಹರತಿ| ತಾಱ್ಕ್ಷ್ಯಂ ರಸಾಞ್ಜನಮ್|| ೩೦||

Adhikarana khadirakaShAyaH (31) · Śloka 31

ಸರ್ಪಿರ್ಮಧುಭ್ಯಾಂ ತ್ರಿಫಲಾರಸೇನ ವಿಡಙ್ಗಕಲ್ಕೇನ ಚ ಸಮ್ಪ್ರಯುಕ್ತಃ| ಕುಷ್ಠಂ ಕಷಾಯಃ ಖದಿರಸ್ಯ ಹನ್ತಿ ತಿಷ್ಠನ್ ಕಷಾಯಂ ಮನಸೀವ ಧರ್ಮಃ||೩೧||

ಸರ್ಪಿರ್ಮಧ್ವಾದ್ಯನ್ಯತಮೇನ ಯುಕ್ತಃ ಖದಿರಸ್ಯ ಕಷಾಯಃ ಕುಷ್ಠಂ ಹನ್ತಿ| ಯಥಾಧರ್ಮಃ ಸಮ್ಯಕ್ ಪ್ರಯುಕ್ತೋ ಮನಸಿ ತಿಷ್ಠನ್ ಕಷಾಯಂ ರಾಗಾದಿರೂಪಂ ಮಲಂ ಹನ್ತಿ|| ೩೧||

Adhikarana khadiravRukSharasaH (32) · Śloka 32

ಖದಿರಸ್ಯ ಲೂನಶಿರಸೋ ಮೂಲಖಾತಸ್ಯ ಮಧ್ಯಮಂ ಮೂಲಮ್| ಛಿತ್ವಾಧೋಽಯಃ ಕುಮ್ಭಂ ರಸಸಂಗ್ರಹಣಾಯ ನಿದಧೀತ| ಲಿಪ್ತಾತ್ಕೃಷ್ಣಮೃದೇನ್ಧನೈಶ್ಚ ನಿಚಿತಾದಾದೀಪಿತಾದ್ವಹ್ನಿನಾ| ತಸ್ಮಾದ್ಯಚ್ಯವತೇ ರಸಃ ಸ ಸಹಿತಃ ಕ್ಷೌದ್ರಾಜ್ಯಧಾತ್ರೀರಸೈಃ| ಪೀತಃ ಕುಷ್ಠಭಗನ್ದರಾರುರಪಚೀಮೇಹಾಸ್ರಪಾಣ್ಡೂನ್ ಜಯೇತ್| ಪ್ರಸ್ಥಸ್ತಸ್ಯ ಜರಾಞ್ಚ ಭೋಜ್ಯಮಿಹ ತು ತ್ಯಾಜ್ಯಞ್ಚ ಭಲ್ಲಾತವತ್||೩೨||

ಖದಿರಸ್ಯ ಲೂನಶಿರಸಃ ಛಿನ್ನಶಾಖಸ್ಯ ಮೂಲೇ ನಿಖಾತಸ್ಯ ಮಧ್ಯಮಂ ಪ್ರಧಾನಂ ಮೂಲಂ ಸ್ತೋಕಂ ಛಿತ್ವಾ ತಸ್ಯೈವಾಧೋಽಯಃ ಲೌಹಂ ಘಟ' ಸ್ಕನ್ಧಾದವತೀರ್ಣಸ್ಯ ರಸಸ್ಯ ಗ್ರಹಣಾಱ್ಥಂ ನಿದಧೀತ| ಅನನ್ತರಮೂರ್ಧ್ವಸ್ಥಿತಖದಿರಸ್ಕನ್ಧಂ ಕೃಷ್ಣಮೃದಾ ಆಲಿಪ್ಯತೇ| ತತೋಽನ್ಯೈಃ ಕಾಷ್ಠೈರ್ನಿಚಿತಂ ಸ್ಕನ್ಧಮಗ್ನಿನಾ ದೀಪಯೇತ್| ತತೋಽಗ್ನಿನಾ ದೀಪಿತಾತ್ ಸ್ಕನ್ಧಾದ್ಯೋ ರಸೋ ಲೋಹಘಟೇ ಚ್ಯವತೇ| ಸ ರಸಃ ಕ್ಷೌದ್ರಾದಿಸಹಿತಃ ಪೀತಃ ಕುಷ್ಠಾದೀನ್ ಜಯತಿ| ತಸ್ಯ ಚ ರಸಸ್ಯ ಪ್ರಸ್ಥಃ ಪೀತೋ ಜರಾಶ್ಚ ಜಯೇತ್| ಇಹ ರರಸಪ್ರಯೋಗ ಇದಂ ಭೋಜ್ಯಮಿದಂ ತ್ಯಾಜ್ಯಮಿತಿ ರಸಾಯನವಿಧ್ಯುಕ್ತಭಲ್ಲಾತಕವಿದ್ವಿಜ್ಞೇಯಮ್|| ೩೨||

Adhikarana khadiravadanyavRukShANAM prayogaH, rohItakAdiprayogAH, dArvyAdiShaDdharaNaprayogaH (33) · Śloka 33

ಯೋಜ್ಯಂ ಖದಿರವಿನ್ನಿಮ್ಬಶಿಂಶಪಾರಗ್ವಧಾಸನಮ್| ರೋಹೀತಕಂ ಸುರಾಹ್ವಂ ಚ ಖದಿರೋದಕಪಾಯಿನಃ| ದಾರ್ವೀರಸಾಞ್ಜನಂ ವಾ ಗೋಮೂತ್ರೇಣ ಪ್ರಬಾಧತೇ ಕುಷ್ಠಮ್| ಅಭಯಾ ಪ್ರಯೋಜಿತಾ ವಾ ಮಾಸಂ ಸವ್ಯೋಷಗುಡತೈಲಾ| ದಾರ್ವೀಕಲಿಙ್ಗಕಟುಕಾತಿವಿಷಾಗ್ನಿಪಾಠಾ ಮೂತ್ರೇಣ ಸೂಕ್ಷ್ಮರಜಸೋ ಧರಣಪ್ರಮಾಣಾಃ| ಪೀತಾ ಜಯನ್ತಿ ಗುದಜೋದರಗುಲ್ಮಕುಷ್ಠ ಕೋಷ್ಠಾನಿಲಾಢ್ಯಪವನಗ್ರಹಣೀಪ್ರಮೇಹಾನ್||೩೩||

ಅನೇನ ಚ ಖದಿರರಸಪ್ರಕಾರೇಣ ನಿಮ್ಬಾದ್ಯನ್ಯತಮಂ ಯೋಜ್ಯಮ್| ಅನ್ಯದಪಿ ಯೋಜ್ಯಮ್| ರೋಹೀತಕಮುಪಯುಜ್ಯಮಾನಂ ಖದಿರೋದಕಪಾಯಿನಃ ಪುಂಸಃ ಪ್ರಬಾಧತೇ ಕುಷ್ಠಮ್| ತದ್ವತ್ ಸುರಾಹ್ವಮ್| ತದ್ವದ್ದಾರ್ವೀರಸಾಞ್ಜನಮ್| (ನಿ) 'ಪಾರಿಜಾತಶ್ಚ ರೋಹೀತಃ ಪ್ಲೀಹಘ್ನೋ ರಕ್ತಪುಷ್ಪಕಃ|' ಸುರಾಹ್ವಂ ದೇವದಾರು| ಅಭಯಾ ವಾ ವ್ಯೋಷಾದಿಯುಕ್ತಾ ಮಾಸಂ ಗವ್ಯಮೂತ್ರೇಣ ಪೀತ್ವಾ ಹಿತಭುಕ್ ಪುರುಷಃ ಕುಷ್ಠಂ ಜಯತಿ| ದಾರ್ವ್ಯಾದಯಃ ಸೂಕ್ಷ್ಮರಜಸಃ ಶ್ಲಕ್ಷ್ಣಚೂರ್ಣಾನಿ ಮುತ್ರೇಣ ಪೀತಾಃ ಪ್ರತಿದಿನಂ ಗುದ-ಜಾದಿಕಂ ಜಯನ್ತಿ| ಧರಣಂ ಪಲಸ್ಯ ದಶಮಭಾಗಃ|| ೩೩||

Adhikarana lAkShAdicUrNam (34) · Śloka 34

ಲಾಕ್ಷಾದನ್ತೀಮಧುರಸವರಾದ್ವೀಪಿಪಾಠಾವಿಡಙ್ಗ ಪ್ರತ್ಯಕ್ಪುಷ್ಪೀತ್ರಿಕಟುರಜನೀಸಪ್ತಪರ್ಣಾಟರೂಷಮ್| ರಕ್ತಾ ನಿಮ್ಬಂ ಸುರತರುಕೃತಂ ಪಞ್ಚಮೂಲ್ಯಾಂ ಚ ಚೂರ್ಣಂ ಪೀತ್ವಾ ಮಾಸಂ ಜಯತಿ ಹಿತಭುಗ್ಗವ್ಯಮೂತ್ರೇಣ ಕುಷ್ಠಮ್||೩೪||

ಲಾಕ್ಷಾದಿಚೂರ್ಣಂ ಮಾಸಂ ಗವ್ಯಮೂತ್ರೇಣ ಪೀತ್ವಾ ಕುಷ್ಠಂ ಜಯತಿ| ಮಧುರಸಾ ಮೂರ್ವಾ| ವರಾ ತ್ರಿಫಲಾ| ದ್ವೀಪಿಶ್ಚಿತ್ರಕಃ| ಪ್ರತ್ಯಕ್ಪುಷ್ಪೀ ಅಪಾಮಾರ್ಗಃ| ಸಪ್ತಪರ್ಣಂ ಪ್ರಸಿದ್ಧಮ್| ಆಟರೂಷಕಂ ವಾಸಾ| ರಕ್ತಾ ಮಞ್ಜಿಷ್ಠಾ| ಪಞ್ಚಮೂಲ್ಯಾವಾದೀ ಅಕಾರಾನ್ತೋತ್ತರಪದೋ ದ್ವಿಗುಃ ಸ್ತ್ರಿಯಾಂ ಭಾಷ್ಯತೇ|| ೩೪||

Adhikarana ariShTapallavAdicUrNam (pa~jcanimbacUrNam) (35) · Śloka 35

ದಶಪಲಮರಿಷ್ಟಪಲ್ಲವಕುಸುಮಜಟಾತ್ವಕ್ಫಲಮ್ ಯಥಾಕಾಲಮ್| ಪ್ರತ್ಯಾಹರೇತ್ ಸಮಸ್ತಂ ಕೃತಮಾಲತರೋಶ್ಚ ತತ್ತದ್ವತ್| ಸಞ್ಚೂರ್ಣ್ಯಾಸನಖದಿರಕ್ವಾಥೇನಾಪ್ಲಾವ್ಯ ಶೋಷಯೇದನಿಲೇಲ್| ಚಿತ್ರಕಘನಭಲ್ಲಾತಕಗೋಕ್ಷುರಕಮಹೌಷಧತ್ರಿಫಲಾಃ| ಲೋಹವಿಡಙ್ಗಾವಲ್ಗುಜಸಿತೋಪಲಾಃ ಪಲಸಮಾ ರಜೀಕೃತ್ಯ| ಸಪ್ತಾಹಮೇಕತಸ್ತದ್ರಸೇನ ಭೃಙ್ಗಯಾಸ್ತತೋ ಭಾವ್ಯಮ್| ಅಥ ಪೀತಮಕ್ಷಮಾತ್ರಂ ಘೃತೇನ ದುಗ್ಧೇನ ಕೋಷ್ಣಸಲಿಲೈರ್ವಾ| ಅಚಿರಾತ್ಕರೋತಿ ವಹ್ನಿಂ ಮತಿಂ ಸ್ಮೃತಿಂ ಪಾಟವಂ ಮೇಧಾಮ್| ಕೃಮಿಕುಷ್ಠಗಣ್ಡಪಾಣ್ಡುಪ್ರಮೇಹವಕ್ತ್ರಾಮಯಾರುಚಿಚ್ಛರ್ದೀಃ| ಅಪಚೀಭಗನ್ದರಸ್ಥೌಲ್ಯದುಷ್ಟನಾಡೀವ್ರಣವ್ಯಙ್ಗಾನ್| ಕಫಪಿತ್ತಜಾನ್ವಿಕಾರಾನ್ವಿಶೇಷತಃ ಸುವಿಷಮಾನ್ನಿವರ್ತಯತಿ| ವರ್ಷಾದ್ವಿಷಗರಕೃತ್ಯಾ ನಿತ್ಯಾಭ್ಯಾಸೇನ ಖಲತಿಪಲಿತಾನಿ||೩೫||

ಅರಿಷ್ಟಸ್ಯ ಪಲ್ಲವಾದಿಕಂ ದಶಪಲಮ್| ಯಥಾಕಾಲಂ ಕಾಲಾನತಿಕ್ರಮೇಣ ಪ್ರತ್ಯಾಹರೇತ್ ಪ್ರತಿಗೃಹ್ಣೀಯಾತ್| ಪಲ್ಲವಯೋಗ್ಯೇ ಕಾಲೇ ಪಲ್ಲವಾನಿ ಕುಸುಮಕಾಲೇ ಕುಸುಮಾನಿ| ಏವಂ ಶೇಷೇಽಪಿ ಯೋಜ್ಯಮ್| ಕೃತಮಾಲವೃಕ್ಷಸ್ಯ ತದ್ವದೇವ ದಶಪಲಂ ಪಲ್ಲವಾದಿಕಂ ಯಥಾಕಾಲಮಾಹರೇತ್| ತದುಭಯಂ ಸಞ್ಚೂರ್ಣ್ಯ ಪ್ಲಾವನಯೋಗ್ಯೇನಾಸನಖದಿರಕ್ವಾಥೇನಾಪ್ಲಾವ್ಯ ಅನಿಲೇ ವಾಯೌ ಶೋಷಯೇತ್| ತತಶ್ಚಿತ್ರಕಾದೀನಾಂ ಪಲಸಮಾನಾಂ ಪಾಲಿಕಾನಾಂ ಚೂರ್ಣಮ್| ತಚ್ಚೈಕತಃ ಸಪ್ತಾಹಂ ಭೃಙ್ಗರಸೇನ ಭಾವ್ಯಮ್| ಅಥ ತಂ ಚೂರ್ಣಂ ಘೃತಾದ್ಯನ್ಯತಮೇನಾಕ್ಷಮಾತ್ರಂ ಪೀತಮಚಿರಾದಗ್ನ್ಯಾದೀನ್ ಕರೋತಿ| ಕೃಮ್ಯಾದೀಂಶ್ಚ ನಿವರ್ತಯತಿ ವಿಶೇಷೇಣ ಸುವಿಷಮಾನ್ ಕಫಪಿತ್ತಜಾನ್ ವಿಕಾರಾನ್ ನಿವರ್ತಯತಿ| ಸೇವ್ಯಮಾನಂ ಚ ವರ್ಷಾದ್ವಿಷಾದೀನ್ ಹನ್ತಿ| ನಿತ್ಯಮಭ್ಯಾಸೇನ ಖಲತ್ಯಾದೀನ್| ಹೀನಶಕ್ತೀನಿ ವಿಷಾಣಿ ಬಹುಕಾಲಂ ದೇಹೇ ತಿಷ್ಠನ್ತಿ| ಕೃತ್ಯಾ ಅಭಿಚಾರದೇವತಾ|| ೩೫||

Adhikarana saptasamA gulikA (36) · Śloka 36

ತ್ರಿಕಟೂತ್ತಮಾತಿಲಾರುಷ್ಕರಾಜ್ಯಮಾಕ್ಷಿಕಾಸಿತೋಪಲಾ ವಿಹಿತಾ| ಗುಲಿಕಾ ರಸಾಯನಂ ಸ್ಯಾತ್ಕುಷ್ಠಜಿಚ್ಚ ವೃಷ್ಯಾ ಚ ಸಪ್ತಸಮಾ||೩೬||

ತ್ರಿಕಟ್ವಾದಿಭಿಃ ಸಪ್ತಭಿಃ ಸಪ್ತಸಮಾ ನಾಮ ಗುಲಿಕಾ|| ೩೬||

Adhikarana candrashakalAdivaTakaH (37) · Śloka 37

ಚನ್ದ್ರಶಕಲಾಗ್ನಿರಜನೀ ವಿಡಙ್ಗತುವರಾಸ್ಥ್ಯರುಷ್ಕರತ್ರಿಫಲಾಭಿಃ| ವಟಕಾ ಗುಡಾಂಶಕ್ಲೃಪ್ತಾಃ ಸಮಸ್ತ ಕುಷ್ಠಾನಿ ನಾಶಯನ್ತ್ಯಭ್ಯಸ್ತಾಃ||೩೭||

ಚನ್ದ್ರಶಕಲಾದಿಭಿರ್ವಟಕಾ ಗುಡಸ್ಯ ಭಾಗೇನ ಕ್ಲೃಪ್ತಾ ಅಭ್ಯಸ್ತಾಃ ಸನ್ತಃ ಸಮಸ್ತಕುಷ್ಠಾನಿ ನಾಶಯನ್ತಿ| ಚನ್ದ್ರಶಕಲಃ ಸೋಮರಾಜಿಃ| ತುವರಕಫಲಸ್ಯಾಸ್ಥಿ ಮಜ್ಜಾಧಾರಮ್|| ೩೭||

Adhikarana viDa~ggAdipiNDI (38) · Śloka 38

ವಿಡಙ್ಗಭಲ್ಲಾತಕಬಾಕುಚೀನಾಂ ಸದ್ವೀಪಿವಾರಾಹಿಹರೀತಕೀನಾಮ್| ಸಲಾಙ್ಗಲೀಕೃಷ್ಣತಿಲೋಪಕುಲ್ಯಾ ಗುಡೇನ ಪಿಣ್ಡೀ ವಿನಿಹನ್ತಿ ಕುಷ್ಠಮ್||೩೮||

ವಿಡಙ್ಗಾದೀನಾಂ ಸಲಾಙ್ಗಲ್ಯಾದಿಕಾ ಗುಡೇನ ಕೃತಾ ಪಿಣ್ಡೀ ಕುಷ್ಠಂ ವಿನಿಹನ್ತಿ| ಬಾಕುಚಿಃ ಸೋಮರಾಜಿಃ| ದ್ವೀಪಿಶ್ಚಿಚತ್ರಕಃ| (ನಿ) 'ಗುಷ್ಟಿರ್ವಿಷ್ವಕ್ಸೇನಕಾನ್ತಾ ವಾರಾಹೀ ಗೃಷ್ಟಿಕಾವರಾ| ಮಾಧವೀ ಸೌಕರೀ ಚೈವ ಪ್ರೋಕ್ತಾ ಸಾ ವರಮಾಲಿನೀ|' ಲಾಙ್ಗಲೀ ವಿಶಲ್ಯಾ ಗರ್ಭಪಾತನೀ| ಉಪಕುಲ್ಯಾ ಪಿಪ್ಪಲೀ||೩೮||

Adhikarana pathyAdivaTakAH (39) · Śloka 39

ಪಥ್ಯಾಕಲಿಙ್ಗಕಪಲಾಶಫಲೇನ್ದುರಾಜೀ ಭಲ್ಲಾತಕಾಸ್ಥಿರಚತುರಙ್ಗುಲಚಿತ್ರಕಾರ್ಕೈಃ| ಸಾವರ್ತಕೀಕೃಮಿಹರೈಃ ಕ್ರಮವರ್ಧಿತಾಂಶೈಃ ಮೂತ್ರೇಣ ತುಲ್ಯತುವರೈರ್ವಟಕಾ ಗದಘ್ನಾಃ||೩೯||

ಪಥ್ಯಾದಿಭಿಃ ಕ್ರಮವಿವರ್ಧೈತಾಂಶೈರ್ಯಥೋತ್ತರಂ ಭಾಗವೃದ್ಧೈಃ ಸರ್ವೈಶ್ಚ ತುಲ್ಯತುವರೈರ್ಮೂತ್ರೇಣ ಕೃತ ವಟಕಾ ಗದಘ್ನಾಃ| ತೇನ ಹರೀತಕೀನಾಮಕೋ ಭಾಗೋ ದ್ವಾವಿನ್ದ್ರಯವಾನಾಂ ತ್ರಯಃ ಪಲಾಶಫಲಾನಾಮೇವಮೇವ ಯಾವದ್ವಿಡಙ್ಗಸ್ಯ ದಶೇತಿ ಕ್ರಮಾರ್ಥಃ| ಚತುರಙ್ಗುಲತ ಆರಗ್ವಧಃ| ಆವರ್ತಕೀ ಮಹಾಜಾಲಿನೀ ವಮನದ್ರವ್ಯಮ್| ಗರಶಬ್ದೇನ ಪ್ರಕರಣಾತ್ ಕುಷ್ಠ ಉಚ್ಯತೇ|| ೩೯||

Adhikarana shashA~gkalekhAdiyogaH (40) · Śloka 40

ಶಶಾಙ್ಕಲೇಖಾ ಸವಿಡಙ್ಗಸಾರಾ ಸಪಿಪ್ಪಲೀಕಾ ಸಹುತಾಶಮೂಲಾ| ಸಾಯೋಮಲಾ ಸಾಮಲಕಾ ಸತೈಲಾ ಕುಷ್ಠಾನಿ ಕೃಚ್ಛ್ರಾಣಿ ನಿಹನ್ತಿ ಲೀಢಾ||೪೦||

ಶಶಾಙ್ಕಲೇಖಾ ಸೋಮರಾಜಿಃ ವಿಡಙ್ಗಸಾರಾದಿಭಿರ್ಯುಗಪದ್ಯುಕ್ತಾ ಲೀಢಾ ಕುಷ್ಠಾನಿ ಕೃಚ್ಛ್ರಾಣಿ ನಿಹನ್ತಿ| ಹುತಾಶಮೂಲಂ ಚಿತ್ರಕಮೂಲಮ್| ಅಯೋಮಲಮ್ ಲೋಹಮಲಮ್|| ೪೦||

Adhikarana bhUnimbAdicUrNam (41) · Śloka 41

ಭೂನಿಮ್ಬನಿಮ್ಬತ್ರಿಫಲಾಪದ್ಮಕಾತಿವಿಷಾಕಣಾಃ| ಮೂರ್ವಾಪಟೋಲೀದ್ವಿನಿಶಾಪಾಠಾತಿಕ್ತೇನ್ದ್ರವಾರುಣೀಃ| ಸಕಲಿಙ್ಗವಚಾಸ್ತುಲ್ಯಾ ದ್ವಿಗುಣಾಶ್ಚ ಯಥೋತ್ತರಮ್| ಲಿಹ್ಯಾದ್ದನ್ತೀತ್ರಿವೃದ್ ಬ್ರಾಹ್ಮೀಶ್ಚೂರ್ಣಿತಾ ಮಧುಸರ್ಪಿಷಾ| ಕುಷ್ಠಮೇಹಪ್ರಸುಪ್ತೀನಾಂ ಪರಮಂ ಸ್ಯಾತ್ತದೌಷಧಮ್| ವರಾಕಣಾವಿಡಙ್ಗಾನ್ ವಾ ಲಿಹ್ಯಾತ್ತೈಲಾಜ್ಯಮಾಕ್ಷಿಕೈಃ||೪೧||

ಭೂನಿಮ್ಬಾದಯೋ ವಚಾನ್ತಾಸ್ತುಲ್ಯಭಾಗಾಶ್ಚೂರ್ಣಿತಾಸ್ತಥಾ ದನ್ತೀತ್ರಿವೃದ್ ಬ್ರಾಹ್ಮೇಶ್ಚ ಯಥೋತ್ತರದ್ವಿಗುಣಾಃ ಸಮ್ಮಿಶ್ರ್ಯ ಚೂರ್ಣಿತಾ ಮಧುಸರ್ಪಿಷಾ ಲಿಹ್ಯಾತ್| ಏತಮ್ದ್ಭೂನಿಮ್ಭದಿಕಂ ಬ್ರಾಹ್ಮಯನ್ತಂ ಕುಷ್ಠಾದೀನಾಂ ಪರಮಮೌಷಧಂ ಸ್ಯಾತ್| ಭೂನಿಮ್ಬಃ ಕಿರಾತತಿಕ್ತಕಮ್| ಕಣಾ ಪಿಪ್ಪಲೀ| ದ್ವೇ ನಿಶೇ ದ್ವಿಹರಿದ್ರೇ| ತಿಕ್ತಾ ಕಟುಕಾ| ಇನ್ದ್ರವಾರುಣೀ ಏನ್ದ್ರೀ ಪ್ರಸಿದ್ಧಾ| ಅಙ್ಗಾನಾಂ ಪ್ರಸುಪ್ತಿರಿವ ಪ್ರಸುಪ್ತಿರಚೈತನ್ಯಮ್| ಕುಷ್ಠೀ ವರಾದೀನ್ ವಾ ತೈಲಾದಿಭಿರ್ಲಿಹ್ಯಾತ್|| ೪೧||

Adhikarana khadirashakalAdi cUrNam (42) · Śloka 42

ಖದಿರಕಲಚುರ್ಣಂ ಕ್ಷೌದ್ರಸರ್ಪಿರ್ವಿಮಿಶ್ರಂ ಸಗಿರಿಜತುವಿಡಂ ಮಾತ್ರಯಾ ಸೇವಮಾನಃ| ಲಘುಮಿತಹಿತಭೋಜೀ ಬ್ರಹ್ಮಚಾರೀ ಜಿತಾತ್ಮಾ ಶ್ವಯಥುಕಿಟಿಭಕೋಷ್ಠಶ್ವಿತ್ರಕುಷ್ಠಾನಿ ಹನ್ಯಾತ್||೪೨||

ಖದಿರಶಕಲಾನಾಂ ಚೂರ್ಣಂ ಕ್ಷೌದ್ರಾದಿಯುಕ್ತಂ ಮಾತ್ರಯಾ ಸೇವಮಾನಃ ಪುರುಷೋ ಲಘುಭೋಜಿತ್ವಾದಿಯುಕ್ತಃ ಸನ್ ಶ್ವಯಥ್ವಾದೀನ್ ಹನ್ತಿ| ಜಿತಾತ್ಮಾ ಜಿತೇನ್ದ್ರಿಯಃ| ಜಿತಾನಿ ಕ್ರೋಧೋತ್ಸೇಕರಾಗಾದಿಮಣ್ಡಲಾನಿ ಯೇನ|| ೪೨||

Adhikarana khadirAdivaTI (43) · Śloka 43

ಖದಿರಾಸನಸಾರಸ್ಯ ತುಲಾಂ ದ್ರೋಣೇಽಮ್ಭಸಃ ಕ್ಷಿಪೇತ್| ಅಷ್ಟಮೇಽಹನಿ ತತ್ತೋಯಂ ಪಚೇದಾದರ್ವಿಲೇಪನಾತ್| ತ್ರಿಫಲಾರ್ಧತುಲಾಚೂರ್ಣಂ ತತ್ಪಾದೇನ ತು ಬಾಕುಚೀಮ್| ತದರ್ಧಂ ದ್ವೀಪಿನೋ ಮೂಲಂ ತದ್ವದ್ ಬ್ರಾಹ್ಮೀಂ ಸಮಾರ್ಕವಮ್| ಲೋಹಕ್ರಿಮಿಘ್ನದ್ವಿಪ್ರಸ್ಥಂ ಕ್ಷಿಪ್ತ್ವಾ ತದ್ವಟಕೀಕೃತಮ್| ಕುಷ್ಠಮೇಹಗ್ರಹಣ್ಯರ್ಶೋಭಗನ್ದರಿಷು ಪೂಜಿತಮ್| ಲಾಙ್ಗಲೀತ್ರಿಫಲಾಲೋಹಚೂರ್ಣಂ ದಶಪಲಂ ಪೃಥಕ್| ಗುಲಿಕಾತ್ರಿಶತಂ ಷಷ್ಟಿಂ ಕುರ್ಯಾದ್ಭೃಙ್ಗರಸಾಪ್ಲುತಮ್| ಛಾಯಾಶುಷ್ಕಾಞ್ಚ ತತ್ರಾರ್ಧಗುಲಿಕಾಂ ಭಕ್ಷಯೇತ್ಪುರಃ| ಜೀರ್ಣೇ ರಸೇನ ರೂಕ್ಷೇಣ ಪೇಯಾಪೂರ್ವಂ ಚ ಭೋಜಯೇತ್| ಯನ್ತ್ರಿತೋ ಬ್ರಹ್ಮಚರ್ಯಾದ್ಯೈಃ ಕ್ರಮೇಣ ಗುಲಿಕಾಮಪಿ| ಖಾದೇತ್ಪರಸ್ತಾನ್ಮಾಸಸ್ಯ ಭವೇತ್ಕಾಮಚರಃ ಕ್ರಮಾತ್| ಏವಂ ಸರ್ವಾಣಿ ಕುಷ್ಠಾನಿ ಜಯತ್ಯತಿಬಲಾನ್ಯಪಿ| ಧೀಮೇಧಾಸ್ಮೃತಿಯುಕ್ತಶ್ಚ ನೀರುಗ್ಜೀವೇತ್ಸಮಾಃ ಶತಮ್||೪೩||

ದ್ರೋಣೇ ಸದ್ವಾದಶಪಞ್ಚಪಲಶತಮಾನೇ ಜಲಸ್ಯ ಖದಿರಾಸನಸಾರಯೋಸ್ತುಲಾಂ ಕ್ಷಿಪೇತ್| ಖದಿರಸ್ಯ ಪಞ್ಚಾಶತಮಸನಸ್ಯ ಪಞ್ಚಾಶತಮ್| ತಸ್ಮಿಂಶ್ಚೂರ್ಣಿಕೃತ್ಯ ಕ್ಷಿಪ್ತೇ ಸತಿ ತಜ್ಜಲಂ ಸಪ್ತಾಹಮಧಿವಾಸ್ಯ ಅಷ್ಟಮೇಽಹನಿ ಪಚೇತ್| ದರ್ವೀಲೇಪಾನಿ ಚ ತಸ್ಮಿಂಸ್ತ್ರಿಫಲಾದಿಕಂ ಯಥೋಕ್ತಪ್ರಿಮಾಣಂ ಕ್ಷಿಪೇತ್| ತಸ್ಯಾಸ್ತ್ರಿಫಲಾಯಾಶ್ಚೂರ್ಣಸ್ಯ ಪಾದೇನ ಚತುರ್ಭಾಗೇನ ಸೋಮರಾಜಿಮ್| ತದರ್ಧಂ ಬಾಕುಚೀತೋಽರ್ಧಂದ್ವೀಪಿಮೂಲಂ ಚಿತ್ರಕಮೂಲಮ್| ತದ್ವದಿತಿ ಬಾಕುಚ್ಯಾ ದ್ವೀಪಿಮೂಲವದ್ ಬ್ರಾಹ್ಮೀಂ ಮಾರ್ಕವಂ ಚ| ಮಾರ್ಕವೋ ಭೃಙ್ಗರಾಜಃ| ಲೋಹಕ್ರಿಮಿಘ್ನಯೋರುಭಯೋರ್ದ್ವಿಪ್ರಸ್ಥಮ್| ಲೋಹಂ ಶಸ್ತ್ರಮ್| ಇತಿ ವಟಕೀಕೃತಂ ಕುಷ್ಠಾದಿಷು ಪೂಜಿತಮ್| ಲಾಙ್ಗಲ್ಯಾದಿತ್ರಿಂಶತ್ಪಲೇನ ಭೃಙ್ಗರಸಾಲೋಡಿತೇನ ಷಷ್ಟ್ಯಧಿಕಂ ಶತತ್ರಯಂ ಗುಲಿಕಾನಾಂ ಕುರ್ಯಾತ್| ತತಃ ಪುನಃ ಪ್ರಥಮಮಾಸಂ ಯಾವದರ್ಧಗುಲಿಕಾಂ ಭಕ್ಷಯೇತ್| ತತಃ ಸರ್ವಾಂ ಗುಲಿಕಾಮಪಿ ಖಾದೇದಾಗುಲಿಕಾಕ್ಷಯಾನ್ಮಾಸಮೇವಂ ಬ್ರಹ್ಮಚರ್ಯಪಥ್ಯಭೋಜ್ಯೈರ್ಯಾತಿ| ತತಃ ಕ್ರಮೇಣ ಕಾಮಚಾರೀ ನಿರ್ಯನ್ತ್ರಣಃ| ಏವಮಿತ್ಯಾದಿ ಸುಬೋಧಮ್|| ೪೩||

Adhikarana vajrakaM ghRutam (44) · Śloka 44

ವಾಸಾಮೃತಾನಿಮ್ಬವರಾಪಟೋಲವ್ಯಾಘ್ರೀಕರಞ್ಜೋದಕಕಲ್ಕಪಕ್ವಮ್| ಸರ್ಪಿರ್ವಿಸರ್ಪಜ್ವರಕಾಮಿಲಾಸ್ರಕುಷ್ಠಾಪಹಂ ವಜ್ರಕಮಾಮನನ್ತಿ||೪೪||

ವಾಸಾದೀನಾಮುದಕೇನ ಕ್ವಾಥೇನ ಕಲ್ಕೇನ ಚೈಷಾಮೇವ ಪಕ್ವಂ ಸರ್ಪಿರ್ವಿಸರ್ಪಾದಿಘ್ನಂ ನಾಮ್ನಾ ವಜ್ರಕಮಿತ್ಯಾಚಾರ್ಯಾ ಜಾನನ್ತಿ ಶಬ್ದಯನ್ತಿ|| ೪೪||

Adhikarana mahAvajrakaM ghRutam (45) · Śloka 45

ತ್ರಿಫಲಾತ್ರಿಕಟುದ್ವಿಕಣ್ಟಕಾರೀ ಕಟುಕಾಕುಮ್ಭನಿಕುಮ್ಭರಾಜವೃಕ್ಷೈಃ| ಸವಚಾತಿವಿಷಾಗ್ನಿಕೈಃ ಸಪಾಠೈಃ ಪಿಚುಭಗೈರ್ನವವಜ್ರದುಗ್ಧಮುಷ್ಟ್ಯಾ| ಪಿಷ್ಟೈಃ ಸಿದ್ಧಂ ಸರ್ಪಿಷಃ ಪ್ರಸ್ಥಮೇಭಿಃ ಕ್ರೂರೇ ಕೋಷ್ಠೇ ಸ್ನೇಹನಂ ರೇಚನಂ ಚ| ಕುಷ್ಠಶ್ವಿತ್ರಪ್ಲೀಹವರ್ಧ್ಮಾಶ್ಮಗುಲ್ಮಾನ್ ಹನ್ಯಾತ್ ಕೃಚ್ಛ್ರಾಂಸ್ತನ್ಮಹಾವಜ್ರವಖ್ಯಮ್||೪೫||

ತ್ರಿಫಲಾದೀನಾಂ ಮಹಾವಜ್ರಕಂ ಸರ್ಪಿಃ ಪಿಚುಭಾಗೈಃ ಪ್ರತ್ಯೇಕಂ ಕರ್ಷಾಂಶೈಃ ನವಸ್ಯ ವಜ್ರದುಗ್ಧಸ್ಯ ಸುಧಾಕ್ಷೀರಸ್ಯ ಮುಷ್ಟ್ಯಾ ಪಲೇನ| ಸುಬೋಧಮ್|| ೪೫||

Adhikarana lelItakavasAprayogaH (46) · Śloka 46

ಯತೇರ್ಲೇಲೀತಕವಸಾ ಕ್ಷೌದ್ರಜಾತೀರಸಾನ್ವಿತಾ| ಕುಷ್ಠಘ್ನೀ ಸಮಸರ್ಪಿರ್ವಾ ಸಗಾಯತ್ರ್ಯಸನೋದಕಾ||೪೬||

ಯತೇರ್ಬ್ರಹ್ಮಚರ್ಯಾದಿಯುಕ್ತಸ್ಯ ಅರಣ್ಯವಾಸಿನಃ ಪುಂಸೋ ಲೇಲೀತಕವಸಾ ಕ್ಷೌದ್ರಜಾತೀರಸಾಭ್ಯಾಮನ್ವಿತಾ ಕುಷ್ಠಘ್ನೀ ಭವತಿ| ಸಂಯುಕ್ತಾ ಸತ್ಯುಪಯುಕ್ತಾ ಕುಷ್ಠಘ್ನೀ ಭವತಿ| ಲೇಲೀತಕವಸೋತ್ತರಾಪಥೇ ರಸರೂಪಾ ಪ್ರಸಿದ್ಧಾ| ಜಾತೀರಸೋ ಜಾತ್ಯಾಃ ಸ್ವರಸಃ| ಗಾಯತ್ರೀ ಖದಿರಃ|| ೪೬||

Adhikarana haridrA (47) · Śloka 47

ಮೂತ್ರೇ ವಿನೀತಾ ತ್ರಿಫಲಾರಸೇ ವಾ ಸಿದ್ಧಾ ಘೃತೇ ವಾಮ್ಭಽಸಿ ಕೇವಲೇ ವಾ| ರಸಾಯನಂ ಪಥ್ಯಭುಜೋ ಹರಿದ್ರಾ ನಿಹನ್ತಿ ಪಾಣ್ಡ್ವಾಮಯಕುಷ್ಠಮೇಹಾನ್||೪೭||

ಮೂತ್ರ ಇತ್ಯಾದಿನಾ ಹರಿದ್ರಾಯಾ ದಾರ್ವ್ಯಾ ಪ್ರಯೋಗಃ| ಏಭಿಃ ಪ್ರಕಾರೈರುಪಯುಕ್ತಾ ಹರಿದ್ರಾ ಪಥ್ಯಾಭುಜಾ ಪುಂಸೋ ರಸಾಯನಾ ಭವತಿ ಪಾಣ್ಡ್ವಾಮಯಾದೀಂಶ್ಚ ನಿಹನ್ತಿ| ವಿನೀತಾ ನಿಕ್ಷಿಪ್ತಾ|| ೪೭||

Adhikarana guDUcIsvarasaH (48) · Śloka 48

ಪಿಬೇದಮೃತವಲ್ಯಾ ವಾ ಸ್ವರಸಂ ಯನ್ತ್ರಪೀಡಿತಮ್| ಮೇಧ್ಯಂ ತತ್ಕುಷ್ಠಮೇಹಾರ್ಶಶ್ಛರ್ದಿವಾತಸ್ರನಾಶನಮ್||೪೮||

ಪಿಬೇತ್ಯಾದಿ ಸುಬೋಧಮ್| ಅಮೃತವಲ್ಲೀ ಗುಡೂಚೀ| ಯನ್ತ್ರಪೀಡಿತತಗ್ರಹಣಂ ಸ್ವರಶಬ್ದೇನ ಕ್ವಾಥಪರಿಹಾರಾರ್ಥಮ್|| ೪೮||

Adhikarana bAhyopacArAH, sthirakaThineShu visheShaH (49) · Śloka 49

ಸ್ಥಿರಕಠಿನಮಣ್ಡಲಾನಾಂ ಕುಷ್ಠಾನಾಂ ಪೋಟ್ಟಲೈರ್ಹಿತಃ ಸ್ವೇದಃ| ಸ್ವಿನ್ನೋತ್ಸನ್ನಂ ವಿಲಿಖೇತ್ ಕುಷ್ಠಂ ತೀಕ್ಷ್ಣೇನ ಶಸ್ತ್ರೇಣ| ರುಧಿರಾಗಮಾರ್ಥಮಥವಾ ಶೃಙ್ಗಾಲಾಬೂಭಿರಪಹರೇದ್ರಕ್ತಮ್| ಪ್ರಚ್ಛೇದಲ್ಪಂ ಕುಷ್ಠಂ ವಿರೇಚಯೇದ್ವಾ ಜಲೌಕೋಭಿಃ||೪೯||

ಸ್ಥಿರತ್ವಾದಿಯುಕ್ತಾನಂ ಕುಷ್ಠಾನಾಂ ಪೋಟ್ಟಲೈಃ ರೂಕ್ಷೈಷಧಮೂಟಕೈಃ ಸ್ವೇದೋ ಹಿತಃ| ಸ್ವಿನ್ನಂ ಚೋತ್ಸನ್ನಮುತ್ಸನ್ನಂ ಚ ಕುಷ್ಠಂ ತೀಕ್ಷ್ಣೇನ ಶಸ್ತ್ರೇಣ ರುಧಿರಾಗಮಾರ್ಥಂ ವಿಲಿಖೇತ್| ರುಧಿರೇಣಾಶಕ್ತಿರ್ವಿಲೇಖನಾಯ ಯದಿ ವಿರಮೇತ್| ಅಥವಾ ಸ್ವಿನ್ನೇ ಕುಷ್ಠೇ ಶೃಙ್ಗಾದಿಭೀ ರಕ್ತಮಪಹರೇತ್| ಅಲ್ಪಂ ತು ಕುಷ್ಠಂ ಪ್ರಚ್ಛೇದವಗಾಢೇ ಪಾಟನವಿಲೇಖನಮ್| ತ್ವಙ್ಮಾತ್ರೇ ಹರೇತ್| ತ್ವಙ್ಮಾತ್ರೇ ಪಾಟನಪ್ರಚ್ಛಾನಮ್| ಅಥವಾ ಸ್ವಲ್ಪಂ ಕುಷ್ಠಂ ಜಲೌಕಾಭಿರ್ವಿರೇಚಯೇತ್ ಶೋಧಯೇತ್|| ೪೯||

Adhikarana raktadoShaharaNayormahattvam (50) · Śloka 50

ಯೇ ಲೇಪಾಃ ಕುಷ್ಠಾನಾಂ ಯುಜ್ಯನ್ತೇ ನಿರ್ಹೃತಾಸ್ರದೋಷಾಣಾಮ್| ಸಂಶೋಧಿತಾಶಯಾನಾಂ ಸದ್ಯಃ ಸಿದ್ಧರ್ಭವತಿ ತೇಷಾಮ್||೫೦||

ಯೇ ಲೇಪಾ ಇತ್ಯಾದಿನಾ ವಕ್ಷ್ಯಮಾಣಾನಾಂ ಲೇಪಾನಾಂ ವಿಷಯಪ್ರತ್ಯವಕ್ಷೇಪಃ| ಉಕ್ತಸ್ಯ ರಕ್ತವಿಸ್ರಾವಿಣಾದಿಕಸ್ಯ ಚ ಪ್ರಯೋಜನಕಥನಮ್| ನಿರ್ಹೃತಾಸ್ರಾಣಾಂ ಸಂಶೋಧಿತಾಶಯಾನಾಂ ಚ ಕುಷ್ಠಾನಾಂ ಯೇ ಲೇಪಾ ಯುಜ್ಯನ್ತೇ ತೇಷಾಂ ಲೇಪಾನಾಂ ಸಿದ್ಧಿರ್ಭವತಿ| ನಿರ್ಹೃತದೋಷಾ ವಮನಾದಿನಾ| ಸಂಶೋಧಿತೋ ನಿಷ್ಕೃಮಿಕ್ಲೇದಾದಿಕೃತ ಆಶಯಃ ಸ್ಥಾನಂ ತ್ವಗಾದಿ|| ೫೦||

Adhikarana kShAraviShayaH (51) · Śloka 51

ಯೇಷು ನ ಶಸ್ತ್ರಂ ಕ್ರಮತೇ ಸ್ಪರ್ಶೇನ್ದ್ರಿಯನಾಶನೇಷು ಕುಷ್ಠೇಷು| ತೇಷು ನಿಪಾತ್ಯಃ ಕ್ಷಾರೋ ರಕ್ತಂ ದೋಷಂ ಚ ವಿಸ್ರಾವ್ಯ||೫೧||

ಯೇಷ್ವಿತ್ಯಾದಿನಾ ಕುಷ್ಠಸ್ಯ ಬಾಹ್ಯಸ್ಯ ಕ್ಷಾರಸ್ಯ ವಿಷಯಃ| ಸ್ಪರ್ಶೇನ್ದ್ರಿಯನಾಶನೇಷು ಸುಪ್ತ್ಯಾದಿಯುಕ್ತೇಷು ಯೇಷು ನಿಷ್ಫಲತ್ವಾತ್ ಶಸ್ತ್ರಂ ನ ಕ್ರಮತೇ ನ ಪ್ರಭವತಿ ತೇಶು ಬಹಿರನ್ತಶ್ಚ ವಿಸ್ರಾವ್ಯ ಕ್ಷಾರೋ ನಿಪಾತ್ಯಃ|| ೫೧||

Adhikarana mantrAgadaviShayaH (52) · Śloka 52

ಲೇಪೋಽತಿಕಠಿನಪರುಷೇ ಸುಪ್ತೇ ಕುಷ್ಠೇ ಸ್ಥಿರೇ ಪುರಾಣೇ ಚ| ಪೀತಾಗದಸ್ಯ ಕಾರ್ಯೋ ವಿಷೈಃ ಸಮನ್ತ್ರಾಗದೈಶ್ಚಾನು||೫೨||

ಅತಿಕಠಿನತ್ವಾದಿಯುಕ್ತೇ ತತ್ಕಾಲಪೀತಾಗದಸ್ಯ ಪುಂಸೋ ವಿಷೈರ್ಲೇಪಃ ಕಾರ್ಯಃ| ಅನು ಚ ವಿಷಲೇಪಸ್ಯ ಮನ್ತ್ರಯುಕ್ತೈರಗದೈರ್ಲೇಪಃ ಕಾರ್ಯಃ|| ೫೨||

Adhikarana stabdhAdiShu visheShaH (53) · Śloka 53

ಸ್ತಬ್ಧಾನಿ ಸುಪ್ತಸುಪ್ತಾನ್ಯಸ್ವೇದನಕಣ್ಡುಲಾನಿ ಕುಷ್ಠಾನಿ| ಕೂರ್ಚೈರ್ದನ್ತೀತ್ರಿವೃತಾಕರವೀರಕರಞ್ಜಕುಟಜಾನಾಮ್| ಜಾತ್ಯರ್ಕನಿಮ್ಬಜೈರ್ವಾ ಪತ್ರೈಃ ಶಸ್ತ್ರೈಃ ಸಮುದ್ರಫೇನೇನ| ಘೃಷ್ಟಾನಿ ಗೋಮಯೈರ್ವಾ ತತಃ ಪ್ರದೇಹೈಃ ಪ್ರದೇಹ್ಯಾನಿ||೫೩||

ಸ್ತಬ್ಧತ್ವಾದಿಯುಕ್ತಾನಿ ಕುಷ್ಠಾನಿ ಕೂರ್ಚಾದಿಭಿರ್ಘೃಷ್ಟಾನಿ ಪ್ರದೇಹೈರ್ವಕ್ಷ್ಯಮಾಣೈಃ ಪ್ರದೇಹ್ಯಾನಿ| ಜಾತ್ಯಾದಿಭಿಃ ಪತ್ರೈಃ|| ೫೩||

Adhikarana AragvadhAdiShaTpradehAH (54) · Śloka 54

ಆರಗ್ವಧಃ ಸೈಡಗಜಃ ಕರಞ್ಜೋ ವಾಸಾ ಗುಡೂಚೀ ಮದನಂ ಹರಿದ್ರೇ| ಶ್ರ್ಯಾಹ್ವಃ ಸುರಾಹ್ವಃ ಖದಿರೋ ಧವಶ್ಚ ನಿಮ್ಬೋ ವಿಡಙ್ಗಃ ಕರವೀರಕಶ್ಚ| ಗ್ರನ್ಥಿಶ್ಚ ಭೂರ್ಜೋ ಲಶುನಃ ಶಿರೀಷಃ ಸಲೋಮಶೋ ಗುಗ್ಗುಲುಕೃಷ್ಣಗನ್ಧೇ| ಫಣಿರ್ಜಕೋ ವತ್ಸಕಸಪ್ತಪರ್ಣಪೀಲೂನಿ ಕುಷ್ಠಂ ಸುಮನಃ ಪ್ರವಾಲಾಃ| ವಚಾಹರೇಣುಸ್ತ್ರಿವೃತಾ ನಿಕುಮ್ಭೋ ಭಲ್ಲಾತಕಂ ಗೈರಿಕಮಞ್ಜನಂ ಚ| ಮನಃಶಿಲಾಲೇ ಗೃಹಧೂಮ ಏಲಾ ಕಾಸೀಸ್ರಲೋಧ್ರಾರ್ಜುನಮುಸ್ತಸರ್ಜಾಃ| ಇತ್ಯರ್ಧರೂಪೈರ್ವಿಹಿತಾಃ ಷಡೇತೇ ಗೋಪಿತ್ತ ಪೀತಾಃ ಪುನರೇವ ಪಿಷ್ಟಾಃ| ಸಿದ್ಧಾಃ ಪರಂ ಸರ್ಷಪತೈಲಯುಕ್ತಾಶ್ಚೂರ್ಣಾಃ ಪ್ರದೇಹಾ ಬಹುಶಃ ಪ್ರಯೋಜ್ಯಾಃ| ಕುಷ್ಠಾನಿ ಕೃಚ್ಛ್ರಾಣಿ ನವಂ ಕಿಲಾಸಂ ಸುರೇನ್ದ್ರಲುಪ್ತಂ ಕಿಟಿಭಂ ಸದದ್ರುಮ್| ಭಗನ್ದರಾರ್ಶಾಂಸ್ಯಪಚೀಂ ಸಪಾಮಾಂ ಹನ್ಯುಃ ಪ್ರಯುಕ್ತನಚಿರಾನ್ನರಾಣಾಮ್||೫೪||

ಆರಗ್ವಧೇತ್ಯಾದಿನಾ ಷಡ್ಭಿರರ್ಧರೂಪೈರರ್ಧವೃತ್ತೈಃ ಷಟ್ಪ್ರದೇಹಾ ಬಹುಶಃ ಪ್ರಯೋಜ್ಯಾಃ| ಕಿಮ್ಭೂತಾಃ ಗೋಪಿತ್ತಂ ಪೀತಂ ಯೈಸ್ತೇ ತಥೋಕ್ತಾಃ| ಗೋಪಿತ್ತೇನ ಭಾವಿತಾ ಇತ್ಯರ್ಥಃ| ಪುನರೇವ ಪಿಷ್ಟಾಃ ಆದೌ ಭವಿತಾಃ ಪುನಃ ಪಿಷ್ಟಾಃ| ಸರ್ಷಪತೈಲೇನ ಯುಕ್ತಾಃ ಏತೇ ಯೋಗಾಃ ಪರಂ ಸಿದ್ಧಾಃ ಕಾರ್ಯಸಮ್ಪಾದನೇ| ಏತೇ ಚ ನರಾಣಾಮಚಿರಾತ್ ಕುಷ್ಠಾದೀನ್ ಹನ್ಯುಃ| ಕಿಲಾಸಂ ಶ್ವಿತ್ರಮ್| ಸುರೇನ್ದ್ರಲುಪ್ತಮಿನ್ದ್ರಲುಪ್ತಮ್| ತಚ್ಚ ಶಿರೋರೋಗೇಷು ವಕ್ಷ್ಯತೇ| ಕಿಟಿಭಾನಾಂ ಪುನಃ ಸದದ್ರುಗ್ರಹಣಮತಿಶಯಖ್ಯಾಪನಮ್| ಸಪಾಮಾಮಿತ್ಯಪಚ್ಯಾಗಣ್ಡಮಾಲಾಯಾ ವಿಶೇಷಣಮ್| ಶ್ರ್ಯಾಹ್ವಃ ಶ್ರೀವಾಸಃ ಸುರಾಹ್ವಂ ದೇವದಾರು| ಸಲೋಮಶೋ ಧಾತುಕಾಸೀಸಮ್| ಕೃಷ್ಣಗನ್ಧಾ ಸೌಭಾಞ್ಜನಃ| ಫರ್ಣಿರ್ಜಕೋ ಮಾರೀಚಕಃ| ಸುಮನಃಪ್ರವಾಲಾಃ ಮಾಲತೀಪಲ್ಲವಾನಿ| ಅಞ್ಜನಂ ಸೌವೀರಕಮ್| ಅಲಂ ಹರಿತಾಲಮ್| ಗೃಹಧೂಮೋ ಧೂಮಮಲಮ್| ಸರ್ಜಾಹ್ವಃ ಸರ್ಜರಸೋ ಶಾಲಃ ಸರ್ವರಸೋಽಪಿ ಚ|| ೫೪||

Adhikarana nimbAdyudvartanam (55) · Śloka 55

ನಿಮ್ಬಂ ಹರಿದ್ರೇ ಸುರಸಂ ಪಟೋಲಂ ಕುಷ್ಠಾಶ್ವಗನ್ಧೇ ಸುರದಾರುಶಿಗ್ರು| ಸಸರ್ಷಪಂ ತುಮ್ಬುರುಧಾನ್ಯವನ್ಯಂ ಚಣ್ಡಾಞ್ಚ ಚೂರ್ಣಾನಿ ಸಮಾನಿ ಕುರ್ಯಾತ್| ತೈಸ್ತಕ್ರಪಿಷ್ಟೈಃ ಪ್ರಥಮಂ ಶರೀರಂ ತೈಲಾಕ್ತಮುದ್ವರ್ತಯಿತುಂ ಯತೇತ| ತಥಾಸ್ಯ ಕಣ್ಡೂಃ ಪಿಟಕಾಃ ಸಕೋಠಾಃ ಕುಷ್ಠಾನಿ ಶೋಫಾಶ್ಚ ಶಮಂ ವ್ರಜನ್ತಿ||೫೫||

ತೈಲಾಭ್ಯಕ್ತಂ ಶರೀರಂ ನಿಮ್ಬಾದಿಭಿಃ ಸಮಭಾಗೈಃ ತಕ್ರಪಿಷ್ಟೈರುದ್ವರ್ತಯಿತುಂ ಯತೇತ| ತಥಾಕುರ್ವತಃ ಕುಷ್ಠಿನಃ ಕಣ್ಡ್ವಾದೀನಿ ಶಮಂ ವ್ರಜನ್ತಿ| ವನ್ಯಂ ಪರಿಪೇಲವಮ್| ಚಣ್ಡಾ ಚೋರಕಮ್| ಕೋಠಾಃ ಸಿಧ್ಮಾದಿಮಣ್ಡಲಾನಿ||೫೫||

Adhikarana mustAdyavacUrNAni (56) · Śloka 56

ಮುಸ್ತಾಮೃತಾಸಙ್ಗಕಟಙ್ಕಟೇರೀ ಕಾಸೀಸಕಮ್ಪಿಲ್ಲಕಕುಷ್ಠಲೋಧ್ರಾಃ| ಗನ್ಧೋಪಲಃ ಸರ್ಜರಸಂ ವಿಡಙ್ಗಂ ಮನಃಶಿಲಾಲೇ ಕರವೀರಕತ್ವಕ್| ತೈಲಾಕ್ತಗಾತ್ರಸ್ಯ ಕೃತಾನಿ ಚೂರ್ಣಾ ನ್ಯೇತಾನಿ ದದ್ಯಾದವಚೂರ್ಣನಾರ್ಥಮ್| ದದ್ರುಃ ಸಕಣ್ಡೂಃ ಕಿಟಿಭಾನಿ ಪಾಮಾ ವಿಚಿರ್ಚಿಕಾ ಚೇತಿ ತಥಾ ನ ಸನ್ತಿ||೫೬||

ಮುಸ್ತಾದಿಚೂರ್ಣಾನಿ ತೈಲಾಭ್ಯಕ್ತದೇಹಸ್ಯಾವಚೂರ್ಣನಾರ್ಥಂ ದದ್ಯಾತ್| ಏವಂ ಕೃತೇ ದದ್ರೂವಾದಿನೀ ನ ಭವನ್ತಿ| ಅಮೃತಾ ಗುಡೂಚೀ| ಆಸಙ್ಗಂ ರಸಾಞ್ಜನಮ್| ಕಟಙ್ಕಟೇರೀ ದಾರುಹರಿದ್ರಾ| 'ಕಮ್ಪಿಲ್ಲಕೋ ರಜನಕೋ ರೇವತೋ ರಕ್ತಚೂರ್ಣಕಃ|' ಗನ್ಧೋಪಲೋ ಗನ್ಧಾಪಾಷಾಣಃ|| ೫೬||

Adhikarana sarShapakalkalepaH (57) · Śloka 57

ಕಾಣ್ಡೇ ಮಹಾವೃಕ್ಷಭವೇ ನಿಲೀನಃ ಸ್ವಿನ್ನಃ ಕುಕೂಲೇ ಪುಟಪಾಕಯುಕ್ತ್ಯಾ| ವಿಚರ್ಚಿಕಾಂ ಸರ್ಷಪಕಲ್ಕಪಿಂಣ್ಡೋ ನಿಹನ್ತಿ ಲಜ್ಜಾಮಿವ ರಾಗವೇಗಃ||೫೭||

ಸರ್ಷಪಕಲ್ಕಸ್ಯ ಪಿಣ್ಡೋ ಸುಧಾಗಣ್ಡನ್ತರ್ಲೀನಃ ಪುಟಪಾಕಯುಕ್ತ್ಯಾ ಸ್ವಿನ್ನೋ ವಿಚರ್ಚಿಕಾಂ ನಿಹನ್ತಿ| ಯಥಾ ರಾಗವೇಗಃ ಪ್ರವೃದ್ಧೋ ಲಜ್ಜಾಂ ನಿಹನ್ತಿ||೫೭||

Adhikarana manaHshilAkara~jjAdipradehau (58) · Śloka 58

ಮನಶ್ಶಿಲಾಜೇ ಮರಿಚಾನಿ ತೈಲಮಾರ್ಕಂ ಪಯಃ ಕುಷ್ಠಹರಃ ಪ್ರದೇಹಃ| ತಥಾ ಕರಞ್ಜಪ್ರಪುನ್ನಾಟಬೀಜಂ ಕುಷ್ಠಾನ್ವಿತಂ ಗೋಸಲಿಲೇನ ಪಿಷ್ಟಮ್||೫೮||

ಮನಶ್ಶಿಲಾದಿಕಃ ಪ್ರದೇಹಃ ಕುಷ್ಠಹರೋ ಭವತಿ| ತಥೇತ್ಯಾದಿ ಸುಬೋಧಮ್| ಪ್ರಪುನ್ನಾಟಶ್ಚಕ್ರಬೀಜಮ್| ಗೋಸಲಿಲಂ ಗೋಮೂತ್ರಮ್|| ೫೮||

Adhikarana guggululvAdisatailodgharShaNam (59) · Śloka 59

ಗುಗ್ಗುಲುಮರಿಚಿವಿಡಙ್ಗೈಃ ಸರ್ಷಪಕಾಸೀಸಸರ್ಜರಸಮುಸ್ತೈಃ| ಶ್ರೀವೇಷ್ಟಕಾಲಗನ್ಧೈರ್ಮನಶ್ಶಿಲಾಕುಷ್ಠಕಮ್ಪಿಲ್ಲೈಃ| ಉಭಯಹರಿದ್ರಾಸಹಿತೈಶ್ಚಾಕ್ರಿಕತೈಲೇನ ಮಿಶ್ರಿತೈರೇಭಿಃ| ದಿನಕರಕರಾಭಿತಪ್ತೈಃ ಕುಷ್ಠಂ ಘೃಷ್ಟಂ ಚ ನಷ್ಟಂ ಚ||೫೯||

ಗುಗ್ಗುಲ್ವಾದಿಭಿಶ್ಚಾಕ್ರಿಕತೈಲೇನ ಮಿಶ್ರಿತೈರ್ದಿನಕರರಶ್ಮಿತಪ್ತೈಃ ಕುಷ್ಠಂ ಘೃಷ್ಟಂ ಚ ನಷ್ಟಂ ಚೇತ್ಯನೇನ ಘರ್ಷಣನಾಶನಯೋರೇಕಕಾಲತಾ ಪ್ರದರ್ಶಿತಾ| ಶ್ರೀವೇಷ್ಟಕಃ ವಾಯಸಕೋ ದಧಿಶ್ಚಾವಶ್ಚ ಶಬ್ದಿತಃ| ಕಾಲಗನ್ಧಃ ಸೌಭಾಞ್ಜನಕಮ್| ಚಾಕ್ರಿಕಂ ತೈಲಂ ಚಕ್ರಸ್ಥಂ ಸದ್ಯಃಪೀಡಿತಮ್|| ೫೯||

Adhikarana maricAdilepaH (60) · Śloka 60

ಮರಿಚಂ ತಮಾಲಪತ್ರಂ ಕುಷ್ಠಂ ಸಮನಶ್ಶಿಲಂ ಸಕಾಸೀಸಮ್| ತೈಲೇನ ಯುಕ್ತಮುಷಿತಂ ಸಪ್ತಾಹಂ ಭಾಜನೇ ತಾಮ್ರೇ| ತೇನಾಲಿಪ್ತಂ ಸಿಧ್ಮ ಸಪ್ತಾಹಾತ್ ಘರ್ಮಸೇವಿನೋಽಪೈತಿ| ಮಾಸಾನ್ನವಂ ಕಿಲಾಸಂ ಸ್ನಾನೇನ ವಿನಾ ವಿಶುದ್ಧಸ್ಯ||೬೦||

ಮರಿಚಾದಿಕಂ ತೈಲೇನ ಯುಕ್ತಂ ತಾಮ್ರೇ ಭಾಜನೇ ಸಪ್ತಾಹಮುಷಿತಂ ತೇನಾಲಿಪ್ತಂ ಸಿಧ್ಮ ಘರ್ಮಸೇವಿನಃ ಸೂರ್ಯರಶ್ಮಿಸೇವಿನಃ ಸಪ್ತಾಹಾದಪೈತ್ಯಪಗಚ್ಛತಿ| ನವಂ ಕಿಲಾಸಂ ಶ್ವಿತ್ರಮಾಲಿಪ್ತಂ ಮಾಸಾದಪೈತಿ| ಕಿಮ್ಭೂತಸ್ಯಾಹ ಸ್ನಾನವರ್ಜ್ಜ್ಯ ಕೃತಸಂಶುದ್ಧೇಃ|| ೬೦||

Adhikarana mayUrakakShAratailam (61) · Śloka 61

ಮಯೂರಕಂ ಜರ್ಜರಿತಂ ಸಮೂಲಂ ದಗ್ಧ್ವಾ ಪರಿಸ್ರಾವ್ಯ ಚ ಸಪ್ತಕೃತ್ವಃ| ತೇನಾಮ್ಭಸಾ ಕಙ್ಗುಣಿಕೋತ್ಥತೈಲಂ ಸಿದ್ಧಂ ಪರಂ ಸಿಧ್ಮನಿಬರ್ಹಣಾಯ||೬೧||

ಮಯೂರಕಕ್ಷಾರಾಮ್ಭಸಾ ಪ್ರಿಯಙ್ಗುತೈಲಂ ಸಿದ್ಧಂ ಕುಷ್ಠನಿಬರ್ಹಣಾಯ ಪರಮಂ ಶ್ರೇಷ್ಠಮ್| ಮಯೂರಕೋಽಪಮಾರ್ಗಃ|| ೬೧||

Adhikarana jIvantyAdighRutatailam (62) · Śloka 62

ಜೀವನ್ತೀ ಮಞ್ಜಿಷ್ಠಾ ದಾರ್ವೀ ಕಾಮ್ಪಿಲ್ಲಕಂ ಪಯಸ್ತುತ್ಥಮ್| ಏಷ ಘೃತತೈಲಪಾಕಃ ಸಿದ್ಧಃ ಸಿದ್ಧೇ ಚ ಸರ್ಜರಸಃ| ದೇಯಃ ಸಮಧೂಚ್ಛಿಷ್ಟೋ ವಿಪಾದಿಕಾ ತೇನ ನಶ್ಯತಿ ಹ್ಯಕ್ತಾ| ಚರ್ಮೈಕಕುಷ್ಠಕಿಟಿಭಂ ಕುಷ್ಠಂ ಶಾಮ್ಯತ್ಯಲಸಕಂ ಚ||೬೨||

ಜೀವನ್ತ್ಯಾದಿಭಿರ್ಘೃತತೈಲಮ್| ಮಧೂಚ್ಛಿಷ್ಟಂ ಮದನಮ್|| ೬೨||

Adhikarana vajrakaM tailam (63) · Śloka 63

ಸಪ್ತಪರ್ಣಕರಞ್ಜಾರ್ಕಮಾಲತೀಕರವೀರಜಮ್| ಮೂಲಂ ಸ್ನುಹೀಶಿರೀಷಾಭ್ಯಾಂ ಚಿತ್ರಕಾಸ್ಫೋತಯೋರಪಿ| ಕರಞ್ಜಬೀಜದ್ವಿನಿಶಾವ್ಯೋಷೈಲಕಜಸರ್ಷಪಾಃ| ವರಾವೇಲ್ಲಂ ಚ ತೈಸ್ತೈಲಂ ಸಗೋಮೂತ್ರೈರ್ವಿಪಾಚಿತಮ್| ಕುಷ್ಠದುಷ್ಟವ್ರಣಗ್ರನ್ಥಿಗಣ್ಡಮಾಲಾಭಗನ್ದರಾನ್| ವಿಶೇಷಾದ್ವಾತಕಫಜಾನ್ ಹನ್ತ್ಯಭ್ಯಙ್ಗೇನ ವಜ್ರಕಮ್||೬೩||

ಸಪ್ತಪರ್ಣಾದಿಭಿರ್ಗೋಮೂತ್ರೇಣ ಚ ತೈಲಂ ಸ್ನೇಹಪರಿಭಾಷಯಾ ಪಾಚಿತಮಭ್ಯಙ್ಗೇನ ಕುಷ್ಠಾದೀನ್ ಸರ್ವಾನ್ ನಿಹನ್ತಿ| ವಿಶೇಷಾದ್ವಾತಕಫಜಾನ್ ನಿಹನ್ತಿ| ನಾಮ್ನಾ ವಜ್ರಕಮ್| ಆಸ್ಫೋತಾನ್ತಾನಾಂ ಮೂಲಮ್| ಆಸ್ಫೋತಃ ಅರ್ಕಃ|| ೬೩||

Adhikarana mahAvajraM tailam (64) · Śloka 64

ಏರಣ್ಡತಾರ್ಕ್ಷ್ಯಘನನೀಪಕದಮ್ಬಭಾರ್ಙ್ಗೀ ಕಮ್ಪಿಲ್ಲವೇಲ್ಲಫಲಿನೀಸುರವಾರುಣೀಭಿಃ| ನಿರ್ಗುಣ್ಡ್ಯರುಷ್ಕರಸುರಾಹ್ವಸುವರ್ಣದುಗ್ಧಾ ಶ್ರೀವೇಷ್ಟಗುಗ್ಗುಲುಶಿಲಾಹರಿತಾಲವಿಶ್ವೈಃ| ತುಲ್ಯಸ್ನುಗರ್ಕದುಗ್ಧಂ ಸಿದ್ಧಂ ತೈಲಂ ಸ್ಮೃತಂ ಮಹಾವಜ್ರಮ್| ಅತಿಶಯಿತವಜ್ರಕಗುಣಂ ಶ್ವಿತ್ರಾರ್ಶೋಗ್ರನ್ಥಿಮಾಲಾಘ್ನಮ್||೬೪||

ಏರಣ್ಡಾದಿಭಿಃ ಸ್ನೇಹಾಚ್ಚತುರ್ಥಾಂಶೈಃ| ಸ್ನುಗರ್ಕಯೋರ್ಮಿಶ್ರೀಭೂತೇನ ಕ್ಷೀರೇಣ ತೈಲೇನ ಸಮೇನ| ತಾರ್ಕ್ಷ್ಯಂ ವಟ್ಟಮಾಕ್ಷಿಕಮ್| ನೀಪೋ ಧೂಲಿಕದಮ್ಬಃ| ಸುರವಾರುಣೀ ಇನ್ದ್ರವಾರುಣೀ| ನಿರ್ಗುಣ್ಡೀ ಸಿನ್ದುವಾರಕಃ| ಸುರಾಹ್ವಂ ದೇವದಾರು| ಸುವರ್ಣದುಗ್ಧಾ ಕಾಞ್ಜನೀ| ಶಿಲಾ ಮನಶ್ಶಿಲಾ| ವಿಶ್ವಂ ಶುಣ್ಠೀ|| ೬೪||

Adhikarana kanakakShIryAditailam (65) · Śloka 65

ಕನಕಕ್ಷೀರೀಶೈಲಾಭಾಙ್ಗೀದನ್ತ್ಯಾಃ ಫಲಾನಿ ಮೂಲಂ ಚ| ಜಾತಿಪ್ರವಾಲಸರ್ಷಪಲಶುನವಿಡಙ್ಗಂ ಕರಞ್ಜತ್ವಕ್| ಸಪ್ತಚ್ಛದಾರ್ಕಪಲ್ಲವಮೂಲತ್ವಙ್ನಿಮ್ಬಚಿತ್ರಕಾಸ್ಫೋತಮ್| ಗುಞ್ಜೈರಣ್ಡಕಬೃಹತೀಮೂಲತ್ವಕ್ಸುರಸಾರ್ಜಕಫಲಾನಿ| ಕುಷ್ಠಂ ಪಾಠಾ ಮುಸ್ತಾ ಷಡ್ಗ್ರನ್ಥಾತುಮ್ಬುರುತ್ವಚೋ ಮೂರ್ವಾ| ಏಡಗಜಕುಟಜಶಿಗ್ರುತ್ರ್ಯೂಷಣಭಲ್ಲಾತಕಕ್ಷವಕಾಃ| ಹರಿತಾಲಮವಾಕ್ಪುಷ್ಪೀ ತುತ್ಥಂ ಕಮ್ಪಿಲ್ಲಕೋಽಮೃತಾಸಙ್ಗಮ್| ಸೌರಾಷ್ಟ್ರೀ ಕಾಸೀಸಂ ದಾರ್ವೀತ್ವಕ್ ಸ್ವರ್ಜಿಕಾಲವಣಮ್| ಏತೈಸ್ತೈಲಂ ತೈಲಂ ಕಟುತೈಲಂ ವಾ ಚತುರ್ಗುಣೇ ಮೂತ್ರೇ| ಕರವೀರಮೂಲಪಲ್ಲವತೋಯೇ ಚ ವಿಪಾಚಿತಂ ಜಯತಿ| ಕಟುಕಾಲಾಬುನ್ಯಸ್ತಂ ನಿತ್ಯಾಭ್ಯಙ್ಗೇನ ವಾತಕಫಕುಷ್ಠಮ್| ಮಣ್ಡಲದದ್ರುಕೋಠಕೃಮಿಪಾಮಾವಿಚರ್ಚಿಕಾಃ ಸುತರಾಮ್||೬೫||

ಕನಕಕ್ಷೀರ್ಯಾದಿಭಿಸ್ತೈಲಂ ತಿಲೋದ್ಭವಂ ತೈಲಂ ಚತುರ್ಗುಣೇ ಮೂತ್ರೇ ವಿಪಾಚಿತಮ್| ಅಥವಾ ಕಟುತೈಲಂ ವಿಪಾಚಿತಂ ವಾತಕಫಕುಷ್ಠಂ ನಾಶಯತಿ| ಅಥವಾ ಕೇವಲಸ್ಯೈವ ಕರವೀರಸ್ಯ ಮೂಲಪಲ್ಲವಯೋಃ ಕ್ವಾಥೇನ ವಿಪಾಚಿತಮ್| ಕನಕಕ್ಷೀರ್ಯ್ಯಾದಿ ಚ| ಇದಂ ಕಟುಕಾಲಾಮ್ಬುನ್ಯಸ್ತಂ ನಿತ್ಯಾಭ್ಯಙ್ಗೇನ ವಾತಕಫಕುಷ್ಠಾದಿಕಂ ಜಯತಿ| ಮೂಲಂ ಫಲಾನಿ ಚ ದನ್ತ್ಯಾಃ| ಸಪ್ತಚ್ಛದಾರ್ಕಯೋಃ ಪಲ್ಲವಾದಿಕಮ್| ಆಸ್ಫೋತಾ ಗಿರಿಕರ್ಣೀ| ಗುಞ್ಜಾದೀನಾಂ ಫಲಮ್| ಗುಞ್ಜಾ ರಕ್ತಿಕಾ ಕಾಕನನ್ದಿಕಾ ಚ| ಷಡ್ಗ್ರನ್ಥಾ ವಚಾ| ಆರ್ಜಕಂ ಕುಠೇರಕಭೇದಃ| ಅವಾಕ್ಪುಷ್ಪೀ ಬ್ರಹ್ಮದಣ್ಡೀ ವಾರಾಹೀ ವರಮಾಲಿಕಾ| ಅಮೃತಾ ಗುಡೂಚೀ| ಆಸಙ್ಗಂ ರಸಾಞ್ಜನಮ್|| ೬೫||

Adhikarana sikthakAditailam (66) · Śloka 66

ಸಿಕ್ಥಕತುತ್ಥಕಗುಗ್ಗುಲುಸಿನ್ದೂರರಸಾಞ್ಜನೈಃ ಕಟುಕತೈಲಮ್| ಪಾಮಾಕಿಟಿಭವಿಚರ್ಚಿಷು ಸಾಧಿತಮಭ್ಯಞ್ಜನೇ ಶ್ರೇಷ್ಠಮ್||೬೬||

ಸಿಕ್ಥಕಾದಿಭಿಃ ಸಾಧಿತಂ ಕಟುತೈಲಂ ಪಾಮಾದಿಷ್ವಭ್ಯಞ್ಜನಂ ಶ್ರೇಷ್ಠಮ್| ಸಿಕ್ಥಕಂ ಮದನಮ್|| ೬೬||

Adhikarana shaileyakAdicUrNalepaH (67) · Śloka 67

ಶೈಲೇಯಕಮ್ಪಿಲ್ಲಕಪಟ್ಟಿಕಾಹ್ವಸುರಾಷ್ಟ್ರಜಾಸರ್ಜರಸೋಪಲಾನಿ| ಶಿಲಾ ಚ ಚೂರ್ಣೋ ನವನೀತಯುಕ್ತಃ ಕುಷ್ಠೇ ಸ್ರವತ್ಯಭ್ಯಧಿಕಂ ಪ್ರಶಸ್ತಃ||೬೭||

ಶೈಲೇಯಕಾದೀನಾಂ ಚೂರ್ಣೋ ನವನೀತಯುಕ್ತಃ ಸರ್ವಸ್ಮಿನ್ ಕುಷ್ಠೇ ಪ್ರಶಸ್ತಃ | ಸ್ರವತಿ ತು ಕುಷ್ಠೇಽಧಿಕಂ ಪ್ರಶಸ್ತಃ| ಪಟ್ಟಿಕಾಹ್ವಂ ಲೋಧ್ರಮ್| ಸುರಾಷ್ಟ್ರಜಾ ಸೌರಾಷ್ಟ್ರೀ| ಉಪಲೋ ಗನ್ಧಪಾಷಾಣಃ| ಶಿಲಾ ಮನಃಶಿಲಾ|| ೬೭||

Adhikarana eDagajAdilepaH (68) · Śloka 68

ಏಡಗಜಕುಷ್ಠಸೈನ್ಧವಸಿದ್ಧಾರ್ಥವಿಡಙ್ಗಕಾಞ್ಜಿಕೈರ್ಲಿಪ್ತಮ್| ಕೃಮಿಪಾಮಾಸಿಧ್ಮದದ್ರುಮಣ್ಡಲಕುಷ್ಠಂ ಶಮಂ ಯಾತಿ||೬೮||

ಏಡಗಜಾದಿಭಿರ್ಲಿಪ್ತಂ ಕೃಮ್ಯಾದಿಕಂ ಶಮಂ ಯಾತಿ|| ೬೮||

Adhikarana lAkShAdilepaH (69) · Śloka 69

ಲಾಕ್ಷಾವ್ಯೋಷಂ ಪ್ರಪುನ್ನಾಟಞ್ಚ ಬೀಜಂ ಶ್ರೀವೇಷ್ಟಾಃ ಕುಷ್ಠಸಿದ್ಧಾರ್ಥಕಾಶ್ಚ| ತಕ್ರೋನ್ಮಿಶ್ರಃ ಸ್ಯಾದ್ಧರಿದ್ರಾ ಚ ಲೇಪೋದದ್ರುಷೂಕ್ತೋ ಮೂಲಕೋತ್ಥಞ್ಚ ಬೀಜಮ್||೬೯||

ಲಾಕ್ಷಾದಿಭಿರ್ಹರಿದ್ರಾನ್ತೈರ್ದದ್ರುಷು ತಕ್ರೋನ್ಮಿಶ್ರೋ ಲೇಪಃ ಸ್ಯಾತ್| ಮೂಲಕೋತ್ಥಂ ಚ ಬೀಜಂ ಕೇವಲಂ ದದ್ರುಷು ಲೇಪೇ ಉಕ್ತಮ್| ಪ್ರಪುನ್ನಾಟಬೀಜಂ ಚಕ್ರಮರ್ದಃ| ಶ್ರೀವೇಷ್ಟಕೋ ವಾಯಸಕೋ ದಧಿಶ್ಯಾವಶ್ಚ ಶಬ್ದಿತಃ|| ೬೯||

Adhikarana dUrvAdilepaH (70) · Śloka 70

ದೂರ್ವಾಭಯಾಸೈನ್ಧವಚಕ್ರಮರ್ದಕುಠೇರಕಾಃ ಕಾಞ್ಜಿಕತಕ್ರಪಿಷ್ಟಾಃ| ತ್ರಿಭಿಃ ಪ್ರಲೇಪೈರಪಿ ಬದ್ಧಮೂಲಾಂ ದದ್ರುಞ್ಚ ಕಣ್ಡೂಞ್ಚ ವಿನಾಶಯನ್ತಿ||೭೦||

ದೂರ್ವಾದಯಃ ಕಾಞ್ಜಿಕತಕ್ರಪಿಷ್ಟಾಸ್ತ್ರಿಭಿರ್ಲೇಪೈಃ ಬದ್ಧಮೂಲಾಮಪಿ ದದ್ರುಂ ಕಣ್ಡೂಂ ಚ ನಾಶಯತಿ|| ೭೦||

Adhikarana manaHshilAdilepaH (71) · Śloka 71

ಮನಶ್ಶಿಲಾತ್ವಕ್ಕುಟಜಂ ಸಕುಷ್ಠಂ ಸಲೋಮಶಃ ಸೈಡಗಜಃ ಕರಞ್ಜಃ| ಗ್ರನ್ಥಿಶ್ಚ ಭೌರ್ಜಃ ಕರವೀರಮೂಲಂ ಚೂರ್ಣಾನಿ ಸಾಧ್ಯಾನಿ ತುಷೋದಕೇನ| ಪಲಾಶನಿರ್ದಾಹರಸೇನ ವಾಽಪಿ ಕರ್ಷೋನ್ಮಿತಾನ್ಯಾಢಕಸಮ್ಮಿತೇನ| ದರ್ವೀಪ್ರಲೇಪಂ ಪ್ರವದನ್ತಿ ಲೇಪಮೇತತ್ ಪರಂ ಕುಷ್ಠನಿಷೂದನಾಯ||೭೧||

ಮನಃಶಿಲಾದೀನಾಂ ಚೂರ್ಣಾನಿ ಕರ್ಷೋನ್ಮಿತಾನ್ಯಾಢಕಸಮ್ಮಿತೇನ ತುಷೋದಕೇನ ಪಲಾಶಕ್ಷಾರೋದಕೇನ ವಾ ಸಾಧ್ಯಾನ್ಯೇತದಪಿ ಪ್ರಲೇಪಂ ಕುಷ್ಠನಿಷೂದನಾಯ ಪರಂ ಶ್ರೇಷ್ಠಮಾಚಾರ್ಯಾ ವದನ್ತಿ| ಕುಟಜತ್ವಕ್ ವತ್ಸಕತ್ವಕ್| ಸಲೋಮಶಾ ಧಾತುಕಾಸೀಸಮ್| ಭೌರ್ಜೋ ಗ್ರನ್ಥಿಃ ಸುಜ್ಞೇಯಃ|| ೭೧||

Adhikarana elAdiko lepaH, mAMsyAdiko lepaH (72) · Śloka 72

ಏಲಾಚಿತ್ರಕನಿಮ್ಬವೃಷಕಂ ಕುರುವಿನ್ದನಾಗರಾರ್ಕಞ್ಚ| ಚೂರ್ಣೀಕೃತಮಷ್ಟಾಹಂ ಭಾವಯಿತವ್ಯಂ ಪಲಾಶಸ್ಯ| ಕ್ಷಾರೇಣ ಗವಾಂ ಮೂತ್ರಸ್ರುತೇನ ತೇನಾಸ್ಯ ಮಣ್ಡಲಾನ್ಯಾಶು| ಭಿದ್ಯನ್ತೇ ದೀರ್ಯನ್ತಿ ಚ ಲಿಪ್ತಾನ್ಯರ್ಕಾಭಿತಪ್ತಾನಿ| ಮಾಂಸೀ ಮರಿಚಂ ಲವಣಂ ರಜನೀ ತಗರಂ ಸುಧಾ ಗೃಹಾದ್ಧೂಮಃ| ಮೂತ್ರಂ ಪಿತ್ತಂ ಕ್ಷಾರಃ ಪಾಲಾಶಃ ಕುಷ್ಠನುಲ್ಲೇಪಃ||೭೨||

ಏಲಾದಿಕಂ ಚೂರ್ಣೀಕೃತಮಷ್ಟಾಹಂ ಪರಿಶೋಷ್ಯ ಗೋಮೂತ್ರಸ್ರುತೇನ ಪಲಾಶಕ್ಷಾರೇಣ ಭಾವಿಯಿತವ್ಯಮ್| ಅಸ್ಯ ಕುಷ್ಠಿನಸ್ತೇನ ಲಿಪ್ತಾನ್ಯರ್ಕೇನ ಚಾಭಿತಪ್ತಾನಿ ಕುಷ್ಠಮಣ್ಡಲಾನಿ ಭಿದ್ಯನ್ತೇ ಜೀರ್ಯನ್ತಿ ಚ| ಮಾಂಸ್ಯಾದಿಕೋ ಲೇಪಃ ಕುಷ್ಠನುತ್| ಪಿತ್ತಂ ಮೂತ್ರಂ ಪ್ರಾಣಿನಾಮೇವಾಷ್ಟಾನಾಮ್|| ೭೨||

Adhikarana siddhArthakaM snAnam (73) · Śloka 73

ಮುಸ್ತಂ ತ್ರಿಫಲಾ ಮದನಂ ಕರಞ್ಜ ಆರಗ್ವಧಃ ಕಲಿಙ್ಗಯವಾಃ| ಸಸಪ್ತಾಹ್ವಕುಷ್ಠಫಲಿನೀದಾರ್ವ್ಯಃ ಸಿದ್ಧಾರ್ಥಕಂ ಸ್ನಾನಮ್| ಏಷ ಕಷಾಯೋ ವಮನಂ ವಿರೇಚನಂ ವರ್ಣದಸ್ತಥೋದ್ಧರ್ಷಃ| ತ್ವಗ್ದೋಷಕುಷ್ಠಶೋಫಪ್ರಬಾಧನಃ ಪಾಣ್ಡುರೋಗಘ್ನಃ||೭೩||

ಮುಸ್ತಾದೀನಿ ಸಿದ್ಧಾರ್ಥಕಂ ನಾಮ ಸ್ನಾನಮ್| ಏಷ ಚ ಯೋಗಃ ವಮನಾಯ ಕಷಾಯೋ ಭವತಿ ವಿರೇಚನಂ ಚ ವರ್ಣಕರಾಙ್ಗೋದ್ಧರ್ಷಶ್ಚ| ಉದ್ಧೃಷ್ಯನ್ತೇಽನೇನಾಙ್ಗಾನೀತ್ಯುದ್ಧರ್ಷಃ| ಏಷ ಚ ಪ್ರಯೋಗಃ ತ್ವಗ್ದೋಷಾದೀನಾಂ ಪ್ರಬಾಧನಃ ಪಾಣ್ಡುರೋಗಘ್ನಶ್ಚ|| ೭೩||

Adhikarana vividhAH lepAH (74) · Śloka 74

ಕರವೀರನಿಮ್ಬಕುಟಜಾಚ್ಛಮ್ಯಾಕಾಚ್ಚಿತ್ರಕಾಚ್ಚ ಮೂಲಾನಾಮ್| ಮೂತ್ರೇ ದರ್ವೀಲೇಪಃ ಕ್ವಾಥೋ ಲೇಪೇನ ಕುಷ್ಠಘ್ನಃ| ಶ್ವೇತಕರವೀರಮೂಲಂ ಕುಟಜಕರಞಾತ್ಫಲಂ ತ್ವಚೋ ದಾರ್ವ್ಯಾಃ| ಸುಮನಃಪ್ರವಾಲಯುಕ್ತೋ ಲೇಪಃ ಕುಷ್ಠಾಪಹಃ ಸಿದ್ಧಃ| ಶೈರೀಷೀ ತ್ವಕ್ಪುಷ್ಪಂ ಕಾರ್ಪಾಸ್ಯಾ ರಾಜವೃಕ್ಷಪತ್ರಾಣಿ| ಪಿಷ್ಟಾ ಚ ಕಾಕಮಾಚೀ ಚತುರ್ವಿಧಃ ಕುಷ್ಠಹಾ ಲೇಪಃ||೭೪||

ಕರವೀರೇತ್ಯಾದಿ ಸುಬೋಧಮ್| ಶ್ವೇತಕರವೀರಾದಿಭಿರ್ಲೇಪಃ ಕುಷ್ಠಾಪಹಃ ಸಿದ್ಧಃ| ಶಿರೀಷತ್ವಗಾದಿಭಿಃ ಪೃಥಕ್ ಚತ್ವಾರೋ ಲೇಪಾಃ ಕುಷ್ಠಘ್ನಾಃ| ರಾಜವೃಕ್ಷಃ ಆರಗ್ವಧಃ|| ೭೪||

Adhikarana snAnAdyarthe aShTau kaShAyAH (76) · Śloka 75

ದಾರ್ವೀರಸಾಞ್ಜನಸ್ಯ ನಿಮ್ಬಪಟೋಲಸ್ಯ ಖದಿರಸಾರಸ್ಯ| ಆರಗ್ವಧವೃಕ್ಷಕಯೋಸ್ತ್ರಿಫಲಾಯಾಃ ಸಪ್ತಪರ್ಣಸ್ಯ| ಇತಿ ಷಟ್ಕಷಾಯಯೋಗಾಃ ಕುಷ್ಠಘ್ನಾಃ ಸಪ್ತಮಶ್ಚ ತಿನಿಶಸ್ಯ| ಸ್ನಾನೇ ಪಾನೇ ಚ ಹಿತಾಸ್ತಥಾಷ್ಟಮಶ್ಚಾಶ್ವಮಾರಸ್ಯ| ಆಲೇಪನಂ ಪ್ರಘರ್ಷಣಮವಚೂರ್ಣನಮೇತ ಏವ ಚ ಕಷಾಯಾಃ| ತೈಲಘೃತಪಾಕಯೋಗೈಶ್ಚೇಷ್ಯನ್ತೇ ಕುಷ್ಠಶಾನ್ತ್ಯರ್ಥಮ್||೭೫||

ದಾರ್ವೀರಸಾಞ್ಜನಾಭ್ಯಾಮೇಕಃ ಕಷಾಯಃ| ನಿಮ್ಬಪಟೋಲಾಭ್ಯಾಂ ದ್ವಿತೀಯಃ| ಖದಿರಸಾರೇಣ ತೃತೀಯಃ| ಆರಗ್ವಧವೃಕ್ಷಕಾಭ್ಯಾಂ ಚತುರ್ಥಃ| ತ್ರಿಫಲಯಾ ಪಞ್ಚಮಃ| ಸಪ್ತಪರ್ಣೇನ ಷಷ್ಠಃ| ತಿನಿಶೇನ ಸಪ್ತಮಃ| ಅಶ್ವಮಾರೇಣಾಷ್ಟಮಃ| ಏತೇ ಕಷಾಯಯೋಗಾಃ ಕುಷ್ಠಿನಾಂ ಸ್ನಾನೇ ಪಾನೇ ಚ ಹಿತಾಃ| ಏತ ಏವ ಚ ಕುಷ್ಠಿನಾಮಾಲೇಪನಾದಿಕಂ ಭವತಿ| ಏತ ಏವ ಚ ಕಷಾಯಃ ಪೃಥಕ್ ತೈಲಸ್ಯ ಪಾಕಯೋಗೇ ಘೃತಸ್ಯ ಚ ಪಾಕಯೋಗೇ ಕುಷ್ಠಶಾನ್ತ್ಯರ್ಥಂ ಶಸ್ಯನ್ತೇ|| ೭೬||

Adhikarana sarShapAditailAni (77) · Śloka 77

ಸರ್ಷಪಕರಞ್ಜಕೋಶಾತಕಾನಿ ತೈಲನ್ಯಥೇಙ್ಗುದೀನಾಂ ಚ| ಕುಷ್ಠೇಷು ಹಿತಾನ್ಯಾಹುಸ್ತೈಲಂ ಶ್ರೇಷ್ಠಂ ಚ ಖದಿರಸಾರಸ್ಯ||೭೭||

ಸರ್ಷಪಾದೀನಿ ಚ ತೈಲಾನಿ ಕುಷ್ಠೇಷು ಹಿತಾನ್ಯಾಚಾರ್ಯಾ ಆಹುಃ| ಪ್ರಕರಣಾದ್ಬಹಿಃಪ್ರಯೋಗೇ| ಕೋಶಾತಕಸ್ಯ ಫಲಮ್| ಇಙ್ಗುದೀ ವೃಕ್ಷವಿಶೇಷಃ|| ೭೭||

Adhikarana a~ggavisharaNAdau kramaH, pathyavisheShashca (78) · Śloka 78

ಶೀತಾಃ ಪ್ರದೇಹಸೇಕಾಸ್ತಿಕ್ತಂ ಸರ್ಪಿಃ ಸಿರಾವಿರೇಕಶ್ಚ| ವಿಶರಣದಾಹಕ್ಲೇದೇ ವಿಸ್ಫೋಟೇ ಚರ್ಮದಲನೇ ಚ| ಶೀರ್ಣನಖರೋಮಮಾಂಸಃ ಕೃಮಿಮಾನನ್ನಾಮ್ಭಸೀ ತ್ಯಜೇತ್ಕುಷ್ಠೀ| ಸದ್ಯೋ ದುಗ್ಧಂ ದುಗ್ಧಂ ಷಣ್ಮಾಸಾನ್ ಕಾರಭಂ ಭಜೇತ್ಸಮಧು||೭೮||

ಕುಷ್ಠೇಷು ಅಙ್ಗವಿಶರಣಾದೌ ಶೀತಪ್ರದೇಹಾದಿಕಂ ಹಿತಮ್| ವಿಶರಣಂ ತ್ವಙ್ಮಾಂಸಾವದರಣಮ್| ಚರ್ಮದಲನಂ ತ್ವಗುಚ್ಚಟನಮ್| ಶೀರ್ಣನಖತ್ವಾದಿಯುಕ್ತಃ ಕುಷ್ಠೀ ಅನ್ನಮಮ್ಭಶ್ಚ ತ್ಯಜೇತ್| ಕಿಮನ್ಯತ್ ಪ್ರಾಣಾನ್ ಜಹ್ಯಾಟ್ ನ| ಅಪಿ ತು ಕಾರಭಂ ದುಗ್ಧಮೌಷ್ಟ್ರಂ ಕ್ಷೀರಂ ಸದ್ಯೋ ದುಗ್ಧಂ ತತ್ಕಾಲವಿಸ್ರಾವಿತಂ ಸಮಾಕ್ಷಿಕಂ ಷಣ್ಮಾಸಾನ್ ಭಜೇತ್|| ೭೮||

Adhikarana eDagajAdi vividhAH yogAH (79) · Śloka 79

ಏಡಗಜಃ ಸವಿಡಙ್ಗೋ ಮೂಲಾನ್ಯಾರಗ್ವಧಸ್ಯ ಕುಷ್ಠಾನಾಮ್| ಉದ್ದಾಲನಶ್ಚ ದನ್ತಾ ಗೋಽಶ್ವರಾಹೋಷ್ಟ್ರದನ್ತಾಶ್ಚ| ರಜನೀದ್ವಯಂ ಕೃಮಿಘ್ನಂ ಪ್ರಪುನ್ನಾಟಂ ರಾಜವೃಕ್ಷಮೂಲಂ ಚ| ಕುಷ್ಠೋತ್ಪಾಟನಮಗ್ರ್ಯಂ ಸಪಿಪ್ಪಲೀಪಾಕಲಂ ಯೋಜ್ಯಮ್| ಶ್ವಿತ್ರಾಣಾಂ ಸವಿಶೇಷಂ ಯೋಕ್ತವ್ಯಂ ಸರ್ವತೋ ವಿಶುದ್ಧಾನಾಮ್| ಉತ್ಸನ್ನೇಷು ಚ ಲೇಪಾಃ ಸವರ್ಣಕರಣಾಸ್ತಥಾಭ್ಯಙ್ಗಾಃ||೭೯||

ಏಡಗಜಾದಿಕಂ ಬಹಿಃಪ್ರಯುಕ್ತಂ ಕುಷ್ಠಾನಾಮುದ್ದಾಲನಂ ನಿಬಿಡತ್ವತ್ಯಾಜನಮ್| ರಜನ್ಯಾದಿಕಂ ಸಪಿಪ್ಪಲೀಪಾಕಲಮಗ್ರ್ಯಂ ಶ್ರೇಷ್ಠಂ ಕುಷ್ಠೋತ್ಪಾಟನಂ ಯೋಜ್ಯಮ್| ಉತ್ಪಾಟನಂ ಮೋಕ್ಷಣಮ್| ಪಾಕಲಂ ಕುಷ್ಠಮ್| ಏತಚ್ಚ ರಜನ್ಯಾದಿಕಂ ಸರ್ವತ ಊರ್ಧ್ವಮಧಃ ಶಿರಸಿ ಚ ವಿಶುದ್ಧಾನಾಂ ಶ್ವಿತ್ರಾಣಾಂ ಸವಿಶೇಷಂ ಯೋಕ್ತವ್ಯಮ್||೭೯||

Adhikarana kuShThe shodhanacikitsAprAdhAnyam (80) · Śloka 80

ಪಕ್ಷಾತ್ ಪಕ್ಷಾತ್ ಛರ್ದನಾನ್ಯಭ್ಯುಪೇಯಾನ್ ಮಾಸಾನ್ಮಾಸಾಚ್ಛೋಧನಂ ಚಾಪ್ಯಧಸ್ತಾತ್| ಶುದ್ಧಿರ್ಮೂರ್ಧ್ನಃ ಸ್ಯಾತ್ತ್ರಿರಾತ್ರಾತ್ ತ್ರಿರಾತ್ರಾತ್ ಷಷ್ಠೇ ಷಷ್ಠೇ ಮಾಸ್ಯಸೃಙ್ಮೋಕ್ಷಣಂ ಚ| ಯೋ ದುರ್ವಾನ್ತೋ ದುರ್ವಿರಿಕ್ತೋಽಥವಾ ಸ್ಯಾತ್ ಕುಷ್ಠೀ ದೋಷೈರುದ್ಧತೈರ್ವ್ಯಾಪ್ಯತೇಽಸೌ| ನಿಸ್ಸನ್ದೇಹಂ ಯಾತ್ಯಸಾಧ್ಯತ್ವಮೇವಂ ತಸ್ಮಾತ್ ಕೃತ್ಸ್ನಾತ್ರಿರ್ಹರೇದಸ್ಯ ದೋಷಾನ್||೮೦||

ಪಕ್ಷಾತ್ ಪಕ್ಷಾದಿತಿ ಗ್ರಹಣಂ ವಮನಾದಿಕ್ರಿಯಾನ್ತರಪರಿಹಾರದಿವಸಜ್ಞಾಪನಾರ್ಥಮ್| ಶೋಧನಂ ವಿರೇಚನಮ್| ಮೂರ್ಧ್ನಃ ಶಿರಸಃ ಶುದ್ಧಿರ್ನಸ್ಯೇನ| ಸರ್ವಸ್ಯ ಚ ಕೃತ್ಸ್ನಾನಿರವಶೇಷಾನ್ ದೋಷಾನ್ ನಿರ್ಹರೇತ್ | ಅಸ್ಯೇತಿ ಕುಷ್ಠಿನಃ| ಕಿಂ ಪ್ರಯೋಜನಮಿತ್ಯಾಹ-ಯೋ ದುರ್ವಾನ್ತ ಇತ್ಯಾದಿ| ಅಸ್ಮಯಕ್ಶುದ್ಧ್ಯಾ ದೋಷೈರುದ್ಧತೈರ್ವ್ಯಾಪ್ತೈಃ ಕುಷ್ಠಂ ನಿಸ್ಸನ್ದೇಹಮಸಾಧ್ಯತ್ವಂ ಯಾತಿ|| ೮೦||

Adhikarana kuShThe vratAdisevA (81-19) · Śloka 19

ವ್ರತದಮಯಮಸೇವಾತ್ಯಾಗಶೀಲಾಭಿಯೋಗೋ ದ್ವಿಜಗುರುಸುರಪೂಜಾ ಸರ್ವಸತ್ತ್ವೇಷು ಮೈತ್ರೀ| ಜಿನಜಿನಸುತತಾರಾಭಾಸ್ಕರಾರಾಧನಾನಿ ಪ್ರಕಟಿತಮಲಪಾಪಂ ಕುಷ್ಠಮುನ್ಮೂಲಯನ್ತಿ||೮೧|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾವಷ್ಟಾಙ್ಗಸಂಗ್ರಹಸಂಹಿತಾಯಾಂ ಚಿಕಿತ್ಸಿತಸ್ಥಾನೇ ಕುಷ್ಠಚಿಕಿತ್ಸಿತನ್ನಾಮೈಕವಿಂಶೋಽಧ್ಯಾಯಃ||೧೯||

ವ್ರತಾದೀನಿ ಕುಷ್ಠಮುನ್ಮೂಲಯನ್ತಿ| ತಚ್ಚ ಕುಷ್ಠಂ ಪ್ರಕಟಿತಮಲಪಾಪಂ ದುಷ್ಟಂ ದುಷ್ಟಂ ಚಾದೃಷ್ಟಂ ಕರ್ಮ ಪ್ರಕಾಶ್ಯತೇ| ವ್ರತಃ ನಿಯಮಶ್ಚಾನ್ದ್ರಾಯಣಾದಿಃ| ದಮಃ ಅಕ್ರೋಧಾದಿತ್ವಮ್| ಯಮ ಇನ್ದ್ರಿಯಜಯಃ| ಜಿನೋ ಬುದ್ಧಃ| ಜಿನಸುತಾ ಅವಲೋಕಿತೇಶಾದಯಃ|| ೮೧|| ಇತಿ ಶ್ರೀಮನ್ಮಹಾಮಹೋಪಾಧ್ಯಾಯೇನ್ದು-ವಿರಚಿತಾಯಾಮಷ್ಟಾಙ್ಗಸಂಗ್ರಹವ್ಯಾಖ್ಯಾಯಾಂ ಶಶಿಲೇಖಾಯಾಂ ಚಿಕಿತ್ಸಿತಸ್ಥಾನ ಏಕವಿಂಶೋಽಧ್ಯಾಯಃ