21. kuṣṭhacikitsitam

Adhikarana atha kuShThacikitsitannAmaikaviMsho~adhyAyaH |adhyAyapratij~jA (1) · Śloka 1

ಅಥಾತಃ ಕುಷ್ಠಚಿಕಿತ್ಸಿತಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana tatrAdau snehapAnam (2) · Śloka 2

ಪುರ್ವರೂಪೇಷ್ವೇವ ಕುಷ್ಠಿನಂ ಸ್ನೇಹಪಾನೇನೋಪಕ್ರಮೇತ||೨||

Adhikarana vAtottare meShashRu~ggyAdighRutam (3) · Śloka 3

ತತ್ರ ವಾಮೋತ್ತರೇ ಮೇಷಶೃಙ್ಗೀಶಾರ್ಙ್ಗೇಷ್ಠೈರಣ್ಡಗುಡೂಚೀದ್ವಿಪಞ್ಚಮೂಲಸಿದ್ಧಂ ತೈಲಂ ಘೃತಂ ವಾ ಪಾನಾಭ್ಯಙ್ಗಯೋರ್ವಿದಧ್ಯಾತ್||೩||

Adhikarana pittottare dhavAdighRutam (4) · Śloka 4

ಪಿತ್ತೋತ್ತರೇ ಧವಾಶ್ವಕರ್ಣಕಕುಭವಚಾಪುನರ್ನವಪಲಾಶಪಿಚುಮನ್ದ ಮಧುಕಲೋಧ್ರಸಮಙ್ಗಾಸಿದ್ಧಂ ಸರ್ಪಿಃ||೪||

Adhikarana tiktakaM ghRutam (5) · Śloka 5

ಅಥವಾ ಪಟೋಲಪಿಚುಮನ್ದದಾರ್ವೀದುರಾಲಭಾತಿಕ್ತರೋಹಿಣೀಪಾ ಠಾಪರ್ಪಟಕತ್ರಾಯಮಾಣಾನಾಂ ಪಾಲಿಕಾನ್ ಭಾಗಾನ್ ಜಲಾಢಕದ್ವಯೇ ಽಷ್ಟಭಾಗಶೇಷಂ ಕ್ವಾಥಯೇತ್| ತೇನ ಕಾರ್ಷಿಕೈಶ್ಚನ್ದನೋಪಕುಲ್ಯಾಮು ಸ್ತಾತ್ರಾಯನ್ತೀನ್ದ್ರಯವಬೂನಿಮ್ಬೈಃ ಕಲ್ಕಿತೈಃ ಸರ್ಪಿಷೋ ದ್ವಾದಶಪಲಂ ಸಾಧಯೇತ್| ಏತತಿಕ್ತಕಂ ಸರ್ಪಿಃ ಕುಷ್ಠವಿಸರ್ಪವಿಸ್ಫೋಟಗಣ್ಡ ಮಾಲಾಶ್ವಯಥುಪಿಟಿಕಾರಕ್ತಪಿತ್ತದುರ್ನಾಮವಾತಶೋಣಿತಕಾಮಿಲಾ ಪಾಣ್ಡ್ವಾಮಯೋನ್ಮಾದದಾಹತೃಡ್ಭ್ರಮಕಣ್ಡೂಕುಷ್ಠನಾಡೀಗುಲ್ಮಮದತಿ ಮಿರಶ್ವಿತ್ರಾಪಸ್ಮಾರಭಗನ್ದರೋದರಪ್ರದರಜ್ವಗರವಿದ್ರಧಿಗ್ರಹಣೀಹೃದ್ರೋಗಾ ನಪಹರತಿ||೫||

Adhikarana mahAtiktakaM ghRutam (6) · Śloka 6

ಸಪ್ತಚ್ಛದಕಟುಕಾತಿವಿಷಾಶಮ್ಯಾಕಪಾಠಾಮುಸ್ತತ್ರಿಫಲೋಶೀರಪ ಟೋಲಪರ್ಪಟಕಪಿಪ್ಪಲೀದ್ವಯದ್ವಿರಜನೀದ್ವಿಸಾರಿವಾಚನ್ದನದುರಾಲಭಾಪದ್ಮ ಕವಚಾಶತಾವರೀವಿಶಾಲಾಕುಟಜಬೀಜವೃಷಮೂರ್ವಾಗುಡೂಚೀಭೂನಿ ಮ್ಬತ್ರಾಯಮಾಣಾಮಧುಕಗರ್ಭಂ ದ್ವಿಗುಣಾಮಲಕರಸಮಷ್ಸ್ಟಗುಣಾಮ್ಬು ಸರ್ಪಿರ್ವಿಪಕ್ವಂ ಮಹಾತಿಕ್ತಕಾಖ್ಯಂ ಘೃತಮಧಿಕಗುಣಂ ಪೂರ್ವಸ್ಮಾತ್| ಗುಗ್ಗುಲುಪಞ್ಚತಿಕ್ತಂ ವಾ ಪಿಬೇತ್||೬||

Adhikarana kaphottare ghRutayogau (7) · Śloka 2

ಕಫೋತ್ತರೇ ಸಾಲಪ್ರಿಯಾಲಶಮ್ಯಾಕಾರಿಷ್ಟಸಪ್ತಪರ್ಣಚಿತ್ರಕ ಮರಿಚವಚಾಕುಷ್ಠೈಃ ಸಾಧಿತಮ್| ಅಥವಾ ಬೃಹತೀದ್ವಯಕಾಕ ಮಾಚೀಶುಕನಾಸಾಕ್ವಾಥೇ ಮರಿಚವಿಡಙ್ಗಶಿಗ್ರುಜಾತೀದೇವದಾರು ಕ್ಷವಕಹರಿದ್ರಾಭಯಾಕಲ್ಕೇನ ವಾಜಿಮೂತ್ರೇಣ ಚ ಸಿದ್ಧಂ ಸರ್ಪಿಃ||೨||

Adhikarana sarveShu snehayogAH (8) · Śloka 8

ಸರ್ವೇಷು ಚ ಭಲ್ಲಾತಕತುವರಕಸಿದ್ಧಾರ್ಥಕಾನ್ಯತಮತೈಲಮ್| ಭಲ್ಲಾತಕಪಥ್ಯಾಕೃಮಿಘ್ನಸಿದ್ಧಂ ವಾ ಹವಿಃ||೮||

Adhikarana snehapAnottaraH shodhanakramaH (9) · Śloka 9

ತತಃ ಸ್ನಿಗ್ಧಸ್ಯ ಯಥಾದೋಷಂ ಯಥಾಸನ್ನಂ ಚ ಸಂಶೋಧನಾನಿ ಪ್ರಯು ಞ್ಜೀತ| ಸಿರಾಂ ಚ ಬಲಾಪೇಕ್ಷೀ ವಿಧ್ಯೇದೇಕಾಂ ದ್ವೇ ತಿಸ್ರಶ್ಚತಸ್ರಃ ಪಞ್ಚ ವಾ| ಅನ್ತರಾನ್ತರಾ ಚ ಪುನಃ ಪುನಃ ಸ್ನೇಹಂ ಪಿಬೇತ್| ದುರ್ಬಲಂ ಹಿ ಶೂನ್ಯಕೋಷ್ಠಂ ಕುಷ್ಠಿನಂ ವಾಯುರಭಿಭವತಿ| ವಮನೇ ತ್ವಸ್ಯ ಮಧುಕಕುಟಜಬೀಜನಿಮ್ಬಪಟೋಲಪಲ್ಲವಾನಿ ವಿದಧ್ಯಾತ್| ಕುಮ್ಭನಿಕುಮ್ಭನ್ನಿಫಲಾವಿರೇಚನೇ ಮಣಿಭದ್ರವಟಕಾಶ್ಚ||೯||

Adhikarana paTolAdishodhanayogAH (10) · Śloka 10

ಪಟೋಲವಿಶಾಲಯೋರ್ಮೂಲಂ ತ್ರಿಫಲಾ ಚ ಪೃಥಕ್ ತ್ರಿಭಾಗೋನ ತ್ರಿಶಾಣಾಃ ಕಟುಕಾತ್ರಾಯಮಾಣೇ ಶಾಣಾಂಶೇ ಶುಣ್ಠ್ಯಾಸ್ತ್ರಿಭಾಗೋನಃ ಶಾಣಃ ತದೇತತತ್ ಪಲಮೈಕಧ್ಯಂ ಸಲಿಲೇ ವಿಪಾಚ್ಯ ಪಾಯಯೇತ್| ಊರ್ಧ್ವಾಧೋ ವಿರಿಕ್ತಶ್ಚ ಜೀರ್ಣೇ ಜಾಙ್ಗಲರಸೇನಾಶ್ನೀಯಾತ್| ಏವಮೇ ತತ್ ಷಡ್ರಾತ್ರಪ್ರಯೋಗಾತ್ಪರಂ ಪಿತ್ತಕಫಶೋಫಕುಷ್ಠದುಷ್ಟನಾಡೀವ್ರಣಾ ರ್ಶೋಭಗನ್ದರಗ್ರಹಣೀಪಾಣ್ಡುಹಲೀಮಕಕಾಮಿಲಾವಿಷಮಜ್ವರಹೃದ್ಬ ಸ್ತಿವೇದನಾಘ್ನಮ್||೧೦||

Adhikarana UrdhvAdhaHshodhanam (11) · Śloka 11

ಉಭಯತೋನುಲೋಮನಂ ವಾ ಬ್ರಾಹ್ಮೀಸ್ವರಸಸಾಧಿತಂ ಸರ್ಪಿಃ ಪಿಬೇತ್| ಆವರ್ತಕೀತುಲಾಂ ಸಲಿಲಾರ್ಮಣೇಽಷ್ಟಾಂಶಶಿಷ್ಟಾಂ ವಿಪಾಚ್ಯ ತೇನ ನಿರ್ಯೂಹೇಣ ತನ್ಮೂಲೈಶ್ಚ ಘೃತಪ್ರಸ್ಥಂ ಸಾಧಯೇತ್| ತತೋ ಮಾತ್ರಾಮೇಕಾಹಾ ನ್ತರಂ ಪಿಬೇತ್| ಊರ್ಧ್ವಾಧೋ ವಿರಿಚ್ಯಮಾನಸ್ತೃಷಿತಃ| ಶೀತಲವ್ರಣಮಾರನಾಲಂ ಜೀರ್ಣಸ್ನೇಹಶ್ಚ ತೇನೈವ ಕೋದ್ರವೌದನಮಶ್ನೀಯಾತ್| ಅನೇನ ಕುಷ್ಠಶ್ವಿತ್ರಾಪಚೀಭಗನ್ದರನಾಡೀವ್ರಣಾಖುವಿಷಾಣಿ ಸಿಧ್ಯನ್ತಿ| ಮೇಧ್ಯಂ ಚೈತತ್ ಪುಂಸವನಂ ಚ||೧೧||

Adhikarana AsthApanAdishodhanAni (12) · Śloka 12

ದಾಱ್ವೀಪಟೋಲಬೃಹತೀಸೇವ್ಯಮದನನಿಮ್ಬಕೃತಮಾಲಘನೇನ್ದ್ರಯವೈಃಸಸ್ನೇ ಹೈರಾಸ್ಥಾಪನಮ್| ಏಭಿರೇವ ಚ ವಿಪಕ್ವಃ ಸ್ನೇಹೋಽನುವಾಸನಾರ್ಹ ಸ್ಯಾನುವಾಸನಮ್| ದನ್ತೀಮರಿಚಫಣಿರ್ಜಕಾರ್ದಕಕರಞ್ಜಬೀಜ ಪಿಪ್ಪಲೀವಿಡಙ್ಗಸೈನ್ಧವೈರೂರ್ಧ್ವಜತ್ರುಗತೇ ಕುಷ್ಠೇ ಕೃಮಿಷು ಚ ಶಿರೋ ವಿರೇಕಃ| ಸೂತ್ರಸ್ಥಾನೋಕ್ತೋ ವೈರೇಚನಿಕಧೂಮಶ್ಚ||೧೨||

Adhikarana shamanauShadhopayogAvasthAH (13) · Śloka 13

ತತಃ ಸರ್ವತೋ ವಿಶುದ್ಧಸ್ಯಾನ್ತರ್ಬಹಿಃಶಮನಾನಿ ಪ್ರಯುಞ್ಜೀತ||೧೩||

Adhikarana rasAyanAgryo yogarAjaH (14) · Śloka 14

ಖದಿರಕದರತಿನಿಶಾಸನಶಿರೀಷಶಿಂಶಪಾಶಾಕಸರ್ಜಾರ್ಜುನಜಮ್ಬೂ ಕರವೀರಧವಾಮಲಕೀಮುಷ್ಕಕಾಕ್ಷಿಕಬದರೀವಞ್ಜುಲನಿಮ್ಬಪಟೋ ಲಾಙ್ಕೋಲಬಲಾಬಿಲ್ವಕುಟಜಕಟಭೀಪಾರಿಭದ್ರಸಹಚರಗೃಧ್ರನಖೀ ವರಣವರ್ಧಮಾನಾರ್ಕಶೋಭಞ್ಜನಾಟರೂಷಕಶತಾವರೀಶ್ವದಂಷ್ಟ್ರಾಹಿಮಾ ರಾಶ್ವಕರ್ಣಶ್ರೀಪರ್ಣೀಸ್ವಯಙ್ಗುಪ್ತಾಗ್ನಿಮನ್ಥೇನ್ದ್ರವಾರುಣೀಕಾಕೋದುಮ್ಬ ರಿಕಾಮೇಷಶೃಙ್ಗೀಟುಣ್ಟುಕಗುಡೂಚೀವರ್ಷಾಭೂವಾಯಸೀಬೃಹತೀದ್ವಯರೋಹಿ ಣಿಮೂರ್ವಾಶಾರ್ಙ್ಗೀಷ್ಠಾಮುಲಾನಿ ಚ ಶಕಲಯಿತ್ವಾ ಪೃಥಕ್ ತ್ರಿಂಶತ್ಪ ಲಿಕಾನಿ ಸಂಕ್ಷುದ್ಯ ಮಹತಿ ಕಟಾಹೇಽಷ್ಟಗುಣೇನಾಮ್ಭಸಾ ಕ್ವಾಥಯೇತ್| ಅಷ್ಟಭಾಗಶೇಷಂ ನಿರ್ಯೂಹಮವತಾರ್ಯ ಪರಿಸ್ರಾವ್ಯ ಚ ತಸ್ಮಿನ್ ಸರ್ಪಿಷಃ ಪಲಶತತ್ರಯಂ ವಿಪಚೇದೀಷದವಶೇಷಕಷಾಯೇ ಚ ವಿದಲೀಕೃತಾ ರುಷ್ಕರಸಹಸ್ರತ್ರಯಮತ್ರಾವಾಪ್ಯ ಪುನಃ ಪಾಚಯೇದ್ವಿಗತಸ್ವರಸಾನ್ಯ ರುಷ್ಕರಾಣ್ಯಪಾಸ್ಯ ತಸ್ಮಿನ್ ಸ್ನೇಹೇ ಸುಚೂರ್ಣಿತಾನಿ ಪ್ರಕ್ಷಿಪೇತ್| ವ್ಯಾಧಿಘಾತವ್ಯೋಷನಾಕುಲೀಮಾರ್ಕವಾರ್ಕಕಾಕಾದನೀತಗರಕಟು ಕಾಕುಷ್ಠಬಿಲ್ವಹಿಙ್ಗಚಿತ್ರಕಾತಿವಿಷಾಮುಸ್ತೇನ್ದ್ರಯವೇನ್ದ್ರ ವಾರುಣೀರುಪ್ಯಮಲಲೋಹರಜೋಲೋಹಕಾನ್ತರಸಾಞ್ಜನಾಭ್ರಶುಕನಾ ಸಾದೇವದಾಲೀತ್ರಿಫಲಾಲಾಙ್ಗಲಿಕೀವಿಶಾಲಾಕುಮ್ಭನಿಕುಮ್ಭವ ಚಾವಾರಾಹೀಮಹಾದ್ರುಮಕೋಶಾತಕೀಪ್ರಪುನ್ನಾಟಸೋಮಪರ್ಣೀನಲಿಕಾ ದ್ವಯಪಟೋಲೀಜಾತೀಪಲ್ಲವತಾಪ್ಯಕಾರವೇಲ್ಲಕೂಲಿಕಾಕನ್ದಕ ಸಪ್ತಚ್ಛದಶಾರ್ಙ್ಗಾಷ್ಟೋತ್ಪಲಸಾರಿವಾಗುಗ್ಗುಲುಶಿಲಾಜತುಮೂರ್ವಾಕುಸ್ತು ಮ್ಬರೀಜೀವಕದ್ವಯಪಾಠೇನ್ದುರೇಖಾವಜ್ರಕನ್ದಹರಿದ್ರಾದ್ವಯಲವಣಪಞ್ಚ ಕಾನಿ ಪ್ರತ್ಯೇಕಂ ತ್ರಿಪಲಿಕಾನಿ ಶೃಙ್ಗೀವಿಷಪಲಂ ಚೈಕಂ ತತೋ ದರ್ವ್ಯಾ ಸಮಾನ್ತಾದಾಘಟ್ಯ ಸುಗುಪ್ತಂ ಭೂಮೌ ಧಾನ್ಯೇ ವಾ ಮಾಸಂ ನಿಖನೇತ್| ಅಥ ಕೃತಸಂಶುದ್ಧಿಸ್ವಸ್ತ್ಯಯನಃ ಕುಷ್ಠೀ ಪ್ರಾತಸ್ತತೋ ಮಾತ್ರಾ ಮುಪಯುಞ್ಜೀತ| ಜೀರ್ಣೇ ಚ ಯಥೇಷ್ಟಮಾಹಾರಂ ತೇನಾಸ್ಯ ಪೂರ್ವಮಙ್ಗಾನಿ ತುದ್ಯನ್ತೇ ಭಿದ್ಯನ್ತೇ ಶೂಯನ್ತೇ ಸ್ಫುರನ್ತಿ ಸ್ಫುಟನ್ತಿ ಚ| ತತಃ ಸಪ್ತ ರಾತ್ರಾತ್ಪುನಃ ಸ್ವಸ್ಥೀಭವತಿ| ಅಪಿ ಚ- ಯೋಗರಾಮಜವಲಿಹ್ಯ ಸಮಸ್ತಂ ಸಂಜ್ಞಯೈವ ಕಥಿತೋತ್ತಮಶಕ್ತಿಮ್| ಹನ್ತಿ ಕುಷ್ಠಮತಿಪಾತಿತಗಾತ್ರಂ ಸ್ನಾಯುಜಾಲಪರಿಶೇಷಮಶೇಷಮ್| ಶ್ವಾಸಾಗ್ನಿಸಾದಾರುಚಿಕಾಸಯಕ್ಷ್ಮಗುಲ್ಮಾಢ್ಯವಾತಗ್ರಹಣೀಪ್ರಮೇಹಾನ್| ಶೋಫಂ ಕೃಮೀನ್ ಪಾಣ್ಡುಗದಂ ಜ್ವರಾಂಶ್ಚ ನಿವರ್ತಯತ್ಯೇಷ ರಸಾಯನಾಗ್ರ್ಯಃ||೧೪||

Adhikarana triphalAdisaktucUrNam (15) · Śloka 15

ತ್ರಿಫಲಾದಶಮೂಲಮೂರ್ವಾಮುಸ್ತಸಪ್ತಚ್ಛದದಾರುನಿಮ್ಬತ್ವಗ್ಗವಾಕ್ಷೀಚಿತ್ರ ಕಮಞ್ಜಿಷ್ಠಾವ್ಯೋಷಚೂರ್ಣಂ ನವಗುಣೈಃ ಸಕ್ತುಭಿರ್ಯುಕ್ತಂ ಸಕ್ಷೌದ್ರಂ ಶೀಲಯೇತ್||೧೫||

Adhikarana yavasaktuvisheShaH (16) · Śloka 16

ಅಥವಾ ಕ್ಷುಣ್ಣಾನ್ ಯವನ್ ನಿಸ್ತುಷಾನ್ ರಾತ್ರೌ ಗೋಮೂತ್ರಪರ್ಯುಷಿತಾ ನಹ್ನಿ ಕಿಲಿಞ್ಜೇ ಶೋಷಯೇದೇವಂ ಸಪ್ತಾಹಂ ಭಾವಯೇಚ್ಛೋಷಯೇಚ್ಚ| ತತಸ್ತಾನ್ ಸಕ್ತೂನ್ ಕೃತ್ವಾ ಭಲ್ಲಾತಕಪ್ರಪುಪನ್ನಾಟಾವಲ್ಗುಜ ಚಿತ್ರಕವಿಡಙ್ಗಮುಸ್ತಚೂರ್ಣಂ ಚತುರ್ಭಾಗಯುಕ್ತಾನಸನಾದಿಕಷಾಯೇಣ ಪಾಯಯೇತ್||೧೬||

Adhikarana manthayAvakAdikalpanA (17) · Śloka 17

ಏವಮಸನಾದಿಕ್ವಾಥಪೀತಾನಾಮಾರಗ್ವಧಾದಿಕಷಾಯಪೀತಾನಾಂ ವಾ ಗೋಜೀರ್ಣಕಾನಾಂ ವಾ ಯವಾನಾಂ ಸಕ್ತೂನರುಷ್ಕರಾಗ್ನಿಮನ್ಥಚೂರ್ಣಮಿ ಶ್ರಾನ್ ಖದಿರಾಸನಸಾರರೋಹಿತಕಗುಡೂಚೀನಾಮನ್ಯತಮಸ್ಯ ಕಷಾ ಯೇಣ ದಾಡಿಮಾಮ್ಲವೇತಸಾಮ್ಲೇನ ಸೈನ್ಧವಲವಣೇನ ಸಿತಾಮಧು ಮಧುರೇಣಾಲೋಡ್ಯ ಪಾಯಯೇತ್| ಏಷ ಸರ್ವಮನ್ಥಕಲ್ಪಃ| ಯಾವಕಾಂಶ್ಚ ಭಕ್ಷ್ಯಾನಪೂಪಪೂರ್ಣಕೋಶಶಷ್ಕುಲೀಪ್ರಭೃತೀನ್ ಕುರ್ಯಾತ್| ಯವವಚ್ಚ ಗೋಧೂಮೈಃ||೧೭||

Adhikarana surAvisheShaH (18) · Śloka 18

ಸುರಾಂ ಕಲ್ಪಯೇತ್ ಪಲಾಶಕ್ಷಾರಭಾವಿತಶಾಲಿತಣ್ಡುಲಪಿಷ್ಟೇನ ಕ್ಷಾರೋದಕೇನೈವ ಸ್ವೇದಿತೇನ ಪ್ರಿಯಙ್ಗುಜಪಿಪ್ಪಲೀಚಿತ್ರಕಕೇಷುಕೈ ಲವಾಲುಕಪರಿಪೇಲವಲೋಧ್ರಮರಿಚವಿಡಙ್ಗಚೂರ್ಣಮಿಶ್ರೇಣ ನವೇ ಚೈನಾಂ ಭಾಜನೇ ಜತುಸೃತೇ ಕ್ಷೌದ್ರಪಿಪ್ಪಲೀಲಿಪ್ತೇ ಸ್ಥಾಪಯೇತ್| ತತೋ ಗನ್ಧ ರಸೋಪಪನ್ನಾಂ ಕುಷ್ಠಿನೇ ಪಾತುಂ ದದ್ಯಾತ್||೧೮||

Adhikarana khadirAdisurAkalpaH (19) · Śloka 19

ಖದಿರಶಿಂಶಪಾಸಾರಮುತ್ತಮಕಾರಣೀಂ ಬ್ರಾಹ್ಮೀಂ ಕೋಶವತೀಂ ಚ ಕಷಾಯಕಲ್ಪೇನ ವಿಪಚೇತ್| ತೇನ ಕ್ವಾಥೇನ ತಣ್ಡುಲಾನ್ ಭಾವ ಯೇತ್| ಅಭಿಷುಣುಯಾಚ್ಚ ಪೂರ್ವವತ್||೧೯||

Adhikarana trivRutAdyayaskRutiH (20) · Śloka 20

ತ್ರಿವೃಚ್ಛ್ಯಾಮಾಗ್ನಿಮನ್ಥಸಪ್ತಲಾಕೇಬುಕಶಙ್ಖಿನೀತಿಲ್ವಕತ್ರಿ ಫಲಾಪಲಾಶಶಿಂಶಪಾನಾಂ ರಸಮಾದಾಯ ಪಲಾಶದ್ರೋಣ್ಯಾಮಭ್ಯ ಸಿಚ್ಯ ಖದಿರಾಙ್ಗಾರತಪ್ತಮಯಃಪಿಣ್ಡಮೇಕವಿಂಶತಿವಾರಾನ್ನಿರ್ವಾಪ್ಯ ತತಸ್ತಂ ರಸಮಾಸಿಚ್ಯ ಸ್ಥಾಲ್ಯಾಂ ಗೋಮಯಾಗ್ನಿನಾ ಸಾಧಯೇತ್| ಸಿಧ್ಯತಿ ಚಾವಪೇತ್| ಪಿಪ್ಪಲೀಚೂರ್ಣಸ್ಯ ಭಾಗಂ ದ್ವೌ ಮಧುನಸ್ತಾ ವದುದ್ಧೃತಸ್ಯ ತತಶ್ಚತುರ್ಭಾಗಾವಶಿಷ್ಟೇಽವತೀರ್ಣೇ ಭೂಯೋಽಗ್ನಿತಪ್ತ ಮಯಃಪಿಣ್ಡಂ ತಸ್ಮಿನ್ ಪ್ರಕ್ಷಿಪೇತ್| ಪ್ರಶಾನ್ತಂ ಚ ಲೋಹಪಾತ್ರೇ ಸುಗುಪ್ತಂ ನಿದಧ್ಯಾತ್| ಸ್ಥೂಲಂ ಕರ್ಶಯತಿ| ಶೋಫಮುಪಹನ್ತಿ| ಸನ್ನಮಗ್ನಿ ಮುದ್ಧರತಿ| ವಿಶೇಷೇಣ ರಾಜಯಕ್ಷ್ಮಿಣಾಮುಪದಿಶ್ಯತೇ| ವರ್ಷಶತಾ ಯುಶ್ಚೈನಾಮುಪಯುಜ್ಯ ಪುರುಷೋ ಭವತಿ||೨೦||

Adhikarana asanAdyayaskRutiH (21) · Śloka 21

ಅಸನಾದಿಕ್ವಾಥಮಾಸಿಚ್ಯ ಪಲಾಶದ್ರಾಣ್ಯಾಮಯೋಘನೈಸ್ತಪ್ತೈಃ ಸಂಯೋಜ್ಯ ನಿರ್ವಾಪ್ಯ ಚ ಕೃತಸಂಸ್ಕಾರೇ ಕಲಶೇ ಪ್ರಕ್ಷಿಪ್ಯ ವತ್ಸಕಾದಿಂ ಪ್ರತಿವಾಪ್ಯ ಕ್ಷೌದ್ರಂ ಚ ಸುಗುಪ್ತಂ ಮಾಸಂ ನಿಧಾಯೋಪಯುಞ್ಜೀತ||೨೧||

Adhikarana aparAH ayaskRutayaH (22) · Śloka 22

ಏವಂ ನ್ಯಗ್ರೋಧಾದಿಷ್ವಾರಗ್ವಧಾದಿಷು ಚಾಯಸ್ಕೃತಿಂ ವಿದಧ್ಯಾತ್| ಖದಿರಸುರದಾರುಸಾರಕ್ವಾಥಪ್ರಸ್ಥಂ ಕ್ಷೌದ್ರಪ್ರಸ್ಥಂ ಮತ್ಸ್ಯಣ್ಡಿಕಾಪ್ರಸ್ಥಂ ಲೋಹಚೂರ್ಣಾರ್ದ್ಧಪ್ರಸ್ಥಂ ತ್ರಿಫಲಾಚತುರ್ಜಾತಕಮರಿಚಾನಿ ಚ ಕಾರ್ಷಿಕಾಣಿ ಪ್ರಕ್ಷಿಪ್ಯಾಯಸೇ ಭಾಣ್ಡೇ ಮಾಸಸ್ಥಿತಂ ತದುಪಯೋಜಯೇತ್||೨೨||

Adhikarana rasAyanaprayogAH (23) · Śloka 23

ರಸಾಯನಪ್ರಯೋಗೇಣ ಚ ಲೋಹತುಲಾಂ ತುವರಕಾಸ್ಥೀನಿ ಭಲ್ಲಾ ತಕಾನ್ಯಲಮ್ಬುಸಾಮವಲ್ಗುಜಂ ಗುಗ್ಗುಲುಮರ್ಶೋವಿಹಿತವಿಧಾನೇನ ವಾ ಚಿತ್ರಕಮಿತಿ||೨೩||

Adhikarana manthAdyupayogopadeshaH (24) · Śloka 24

ಭವತಿ ಚಾತ್ರ- ಕಿಲಾಸಕುಷ್ಠಗ್ರಹಣೀಪ್ರಮೇಹಸ್ಥೂಲತ್ವದುರ್ನಾಮಭಗನ್ದರೇಷು| ಪಾಣ್ಡುತ್ವಶೂನತ್ವಕಫಾಮಯೇಷು ಮನ್ಥಾದಿಯೋಗಾನ್ ವಿದಧೀತ ಧೀಮಾನ್||೨೪||

Adhikarana pathyApathyam (25) · Śloka 25

ಶಾಲಯೋ ಯವಗೋಧೂಮಕೋರದೂಷಾಃ ಪ್ರಿಯಙ್ಗವಃ| ಮುದ್ಗಾ ಮಸೂರಾಸ್ತುವರೀ ತಿಕ್ತಶಾಕಾನಿ ಜಾಙ್ಗಲಮ್| ತ್ರಿಫಲಾರುಷ್ಕರಾರಿಷ್ಕರಾರಿಷ್ಟಕ್ಷೌದ್ರಯೋಜಿತಭಾವಿತಮ್| ಧಾತ್ರೀಖದಿರನಿಮ್ಬಾಮ್ಬುರಸಂ ಮುದ್ಗಪಟೋಲಜಮ್| ಮದ್ಯಾನ್ಯೌಷಧಗರ್ಭಾಣಿ ಮಥಿತಂ ಚೇನ್ದುರಾಜಿಮತ್| ಅನ್ನಪಾನಂ ಹಿತಂ ಕುಷ್ಠೇ ನ ತ್ವಮ್ಲಲವಣೋಷಣಮ್| ದಧಿದುಗ್ಧಗುಡಾನೂಪತಿಲಮಾಷಾಂಸ್ಯಜೇತ್ತರಾಮ್||೨೫||

Adhikarana nimbAriShTaH (26) · Śloka 26

ತುಲಾರ್ಧಂ ನಿಮ್ಬಪಞ್ಚಾಙ್ಗ್ಯಾಸ್ತಥಾ ಖದಿರಸಾರತಃ| ಹರೀತಕೀದಲತುಲಾಂ ಭಲ್ಲಾತಕತುಲಾಂ ದಶ| ಕೃಷ್ಣಾವಿಡಙ್ಗಕುಡವಾವೈಕಧ್ಯಂ ವಿಪಚೇಜ್ಜಲೇ| ಕಷಾಯಂ ತಂ ಪರಿಸ್ರಾವ್ಯ ನಿದಧ್ಯಾತ್ತಾಮ್ರಭಾಜನೇ| ಷಣ್ಮಾಸತಃ ಪಿಬೇತ್ಕುಷ್ಠಕೃಮಿಮೇಹೈರ್ವಿಮುಚ್ಯತೇ| ನಿಮ್ಬಾರಿಷ್ಟ ಇತಿ ಖ್ಯಾತೋ ವರುಣೇನೈಷ ನಿರ್ಮಿತಃ||೨೬||

Adhikarana mANibhadraguDaH (27) · Śloka 27

ವಿಡಙ್ಗಸಾರಾಮಲಕಾಭಯಾನಾಂ ಪಲಂ ಪಲಂ ತ್ರೀಣಿ ಪಲಾನಿ ಕುಮ್ಭಾತ್| ಗುಡಸ್ಯ ಚ ದ್ವಾದಶಮಾಸಮೇಷ ಜಿತಾತ್ಮನಾ ಹನ್ತ್ಯುಪಯುಜ್ಯಮಾನಃ| ಕುಷ್ಠಶ್ವಿತ್ರಶ್ವಾಸಕಾಸೋದರಾರ್ಶೋ ಮೇಹಪ್ಲೀಹಗ್ರನ್ಥಿರುಗ್ಜನ್ತುಗುಲ್ಮಾನ್| ಸಿದ್ಧಂ ಯೋಗಂ ಪ್ರಾಹ ಯಕ್ಷೋ ಮುಮುಕ್ಷೋ ರ್ಭಿಕ್ಷೋಃ ಪ್ರಾಣಾನ್ ಮಾಣಿಭದ್ರಃ ಕಿಲೇಮಮ್||೨೭||

Adhikarana kaTukAdinavakaShAyaH (28) · Śloka 18

ಕಟುಕಾಪಟೋಲಮೂಲೋತ್ತಮಾ ವಚಾನಿಮ್ಬರಾತ್ರಿಮಞ್ಜಿಷ್ಠಾನಾಮ್| ಸಂಶೀಲಿತಃ ಕಷಾಯ ಸ್ತ್ವಗಾಮಯಾನ್ ಶ್ಲೇಷ್ಮಪಿತ್ತಬಹುಲಾನ್ ಹನ್ತಿ||೧೮||

Adhikarana snehayogAH (29) · Śloka 29

ವಾತೋತ್ತರಾಂಸ್ತು ಸರ್ಪಿರ್ವಿಪಾಚಿತಂ ಕ್ವಥಿತಕಲ್ಕಿತೈಶ್ಚ ಕಟುಕಾದ್ಯೈಃ| ಖದಿರಾರಿಷ್ಟಗುಡೂಚೀಸುರತರು ದಾರ್ವೀಶ್ಚ ಕಲ್ಪಯೇತ್ ಪೃಥಗೇವಮ್||೨೯||

Adhikarana khadirasya shItakaShAyaH (30) · Śloka 30

ಶೀತಃ ಕಷಾಯಃ ಖದಿರಸ್ಯ ಪೀತಃ ಸಕ್ಷೌದ್ರತಾರ್ಕ್ಷ್ಯೋ ಹರತಿ ಪ್ರಸಹ್ಯ| ತ್ವಕ್ಕಣ್ಠರೋಗಾಪಚಿಗುಲ್ಮಮೇಹಾನ್ ಬಲಾಹಕಾನ್ ವಾಯುರಿವ ಪ್ರಚಣ್ಡಃ||೩೦||

Adhikarana khadirakaShAyaH (31) · Śloka 31

ಸರ್ಪಿರ್ಮಧುಭ್ಯಾಂ ತ್ರಿಫಲಾರಸೇನ ವಿಡಙ್ಗಕಲ್ಕೇನ ಚ ಸಮ್ಪ್ರಯುಕ್ತಃ| ಕುಷ್ಠಂ ಕಷಾಯಃ ಖದಿರಸ್ಯ ಹನ್ತಿ ತಿಷ್ಠನ್ ಕಷಾಯಂ ಮನಸೀವ ಧರ್ಮಃ||೩೧||

Adhikarana khadiravRukSharasaH (32) · Śloka 32

ಖದಿರಸ್ಯ ಲೂನಶಿರಸೋ ಮೂಲಖಾತಸ್ಯ ಮಧ್ಯಮಂ ಮೂಲಮ್| ಛಿತ್ವಾಧೋಽಯಃ ಕುಮ್ಭಂ ರಸಸಂಗ್ರಹಣಾಯ ನಿದಧೀತ| ಲಿಪ್ತಾತ್ಕೃಷ್ಣಮೃದೇನ್ಧನೈಶ್ಚ ನಿಚಿತಾದಾದೀಪಿತಾದ್ವಹ್ನಿನಾ| ತಸ್ಮಾದ್ಯಚ್ಯವತೇ ರಸಃ ಸ ಸಹಿತಃ ಕ್ಷೌದ್ರಾಜ್ಯಧಾತ್ರೀರಸೈಃ| ಪೀತಃ ಕುಷ್ಠಭಗನ್ದರಾರುರಪಚೀಮೇಹಾಸ್ರಪಾಣ್ಡೂನ್ ಜಯೇತ್| ಪ್ರಸ್ಥಸ್ತಸ್ಯ ಜರಾಞ್ಚ ಭೋಜ್ಯಮಿಹ ತು ತ್ಯಾಜ್ಯಞ್ಚ ಭಲ್ಲಾತವತ್||೩೨||

Adhikarana khadiravadanyavRukShANAM prayogaH, rohItakAdiprayogAH, dArvyAdiShaDdharaNaprayogaH (33) · Śloka 33

ಯೋಜ್ಯಂ ಖದಿರವಿನ್ನಿಮ್ಬಶಿಂಶಪಾರಗ್ವಧಾಸನಮ್| ರೋಹೀತಕಂ ಸುರಾಹ್ವಂ ಚ ಖದಿರೋದಕಪಾಯಿನಃ| ದಾರ್ವೀರಸಾಞ್ಜನಂ ವಾ ಗೋಮೂತ್ರೇಣ ಪ್ರಬಾಧತೇ ಕುಷ್ಠಮ್| ಅಭಯಾ ಪ್ರಯೋಜಿತಾ ವಾ ಮಾಸಂ ಸವ್ಯೋಷಗುಡತೈಲಾ| ದಾರ್ವೀಕಲಿಙ್ಗಕಟುಕಾತಿವಿಷಾಗ್ನಿಪಾಠಾ ಮೂತ್ರೇಣ ಸೂಕ್ಷ್ಮರಜಸೋ ಧರಣಪ್ರಮಾಣಾಃ| ಪೀತಾ ಜಯನ್ತಿ ಗುದಜೋದರಗುಲ್ಮಕುಷ್ಠ ಕೋಷ್ಠಾನಿಲಾಢ್ಯಪವನಗ್ರಹಣೀಪ್ರಮೇಹಾನ್||೩೩||

Adhikarana lAkShAdicUrNam (34) · Śloka 34

ಲಾಕ್ಷಾದನ್ತೀಮಧುರಸವರಾದ್ವೀಪಿಪಾಠಾವಿಡಙ್ಗ ಪ್ರತ್ಯಕ್ಪುಷ್ಪೀತ್ರಿಕಟುರಜನೀಸಪ್ತಪರ್ಣಾಟರೂಷಮ್| ರಕ್ತಾ ನಿಮ್ಬಂ ಸುರತರುಕೃತಂ ಪಞ್ಚಮೂಲ್ಯಾಂ ಚ ಚೂರ್ಣಂ ಪೀತ್ವಾ ಮಾಸಂ ಜಯತಿ ಹಿತಭುಗ್ಗವ್ಯಮೂತ್ರೇಣ ಕುಷ್ಠಮ್||೩೪||

Adhikarana ariShTapallavAdicUrNam (pa~jcanimbacUrNam) (35) · Śloka 35

ದಶಪಲಮರಿಷ್ಟಪಲ್ಲವಕುಸುಮಜಟಾತ್ವಕ್ಫಲಮ್ ಯಥಾಕಾಲಮ್| ಪ್ರತ್ಯಾಹರೇತ್ ಸಮಸ್ತಂ ಕೃತಮಾಲತರೋಶ್ಚ ತತ್ತದ್ವತ್| ಸಞ್ಚೂರ್ಣ್ಯಾಸನಖದಿರಕ್ವಾಥೇನಾಪ್ಲಾವ್ಯ ಶೋಷಯೇದನಿಲೇಲ್| ಚಿತ್ರಕಘನಭಲ್ಲಾತಕಗೋಕ್ಷುರಕಮಹೌಷಧತ್ರಿಫಲಾಃ| ಲೋಹವಿಡಙ್ಗಾವಲ್ಗುಜಸಿತೋಪಲಾಃ ಪಲಸಮಾ ರಜೀಕೃತ್ಯ| ಸಪ್ತಾಹಮೇಕತಸ್ತದ್ರಸೇನ ಭೃಙ್ಗಯಾಸ್ತತೋ ಭಾವ್ಯಮ್| ಅಥ ಪೀತಮಕ್ಷಮಾತ್ರಂ ಘೃತೇನ ದುಗ್ಧೇನ ಕೋಷ್ಣಸಲಿಲೈರ್ವಾ| ಅಚಿರಾತ್ಕರೋತಿ ವಹ್ನಿಂ ಮತಿಂ ಸ್ಮೃತಿಂ ಪಾಟವಂ ಮೇಧಾಮ್| ಕೃಮಿಕುಷ್ಠಗಣ್ಡಪಾಣ್ಡುಪ್ರಮೇಹವಕ್ತ್ರಾಮಯಾರುಚಿಚ್ಛರ್ದೀಃ| ಅಪಚೀಭಗನ್ದರಸ್ಥೌಲ್ಯದುಷ್ಟನಾಡೀವ್ರಣವ್ಯಙ್ಗಾನ್| ಕಫಪಿತ್ತಜಾನ್ವಿಕಾರಾನ್ವಿಶೇಷತಃ ಸುವಿಷಮಾನ್ನಿವರ್ತಯತಿ| ವರ್ಷಾದ್ವಿಷಗರಕೃತ್ಯಾ ನಿತ್ಯಾಭ್ಯಾಸೇನ ಖಲತಿಪಲಿತಾನಿ||೩೫||

Adhikarana saptasamA gulikA (36) · Śloka 36

ತ್ರಿಕಟೂತ್ತಮಾತಿಲಾರುಷ್ಕರಾಜ್ಯಮಾಕ್ಷಿಕಾಸಿತೋಪಲಾ ವಿಹಿತಾ| ಗುಲಿಕಾ ರಸಾಯನಂ ಸ್ಯಾತ್ಕುಷ್ಠಜಿಚ್ಚ ವೃಷ್ಯಾ ಚ ಸಪ್ತಸಮಾ||೩೬||

Adhikarana candrashakalAdivaTakaH (37) · Śloka 37

ಚನ್ದ್ರಶಕಲಾಗ್ನಿರಜನೀ ವಿಡಙ್ಗತುವರಾಸ್ಥ್ಯರುಷ್ಕರತ್ರಿಫಲಾಭಿಃ| ವಟಕಾ ಗುಡಾಂಶಕ್ಲೃಪ್ತಾಃ ಸಮಸ್ತ ಕುಷ್ಠಾನಿ ನಾಶಯನ್ತ್ಯಭ್ಯಸ್ತಾಃ||೩೭||

Adhikarana viDa~ggAdipiNDI (38) · Śloka 38

ವಿಡಙ್ಗಭಲ್ಲಾತಕಬಾಕುಚೀನಾಂ ಸದ್ವೀಪಿವಾರಾಹಿಹರೀತಕೀನಾಮ್| ಸಲಾಙ್ಗಲೀಕೃಷ್ಣತಿಲೋಪಕುಲ್ಯಾ ಗುಡೇನ ಪಿಣ್ಡೀ ವಿನಿಹನ್ತಿ ಕುಷ್ಠಮ್||೩೮||

Adhikarana pathyAdivaTakAH (39) · Śloka 39

ಪಥ್ಯಾಕಲಿಙ್ಗಕಪಲಾಶಫಲೇನ್ದುರಾಜೀ ಭಲ್ಲಾತಕಾಸ್ಥಿರಚತುರಙ್ಗುಲಚಿತ್ರಕಾರ್ಕೈಃ| ಸಾವರ್ತಕೀಕೃಮಿಹರೈಃ ಕ್ರಮವರ್ಧಿತಾಂಶೈಃ ಮೂತ್ರೇಣ ತುಲ್ಯತುವರೈರ್ವಟಕಾ ಗದಘ್ನಾಃ||೩೯||

Adhikarana shashA~gkalekhAdiyogaH (40) · Śloka 40

ಶಶಾಙ್ಕಲೇಖಾ ಸವಿಡಙ್ಗಸಾರಾ ಸಪಿಪ್ಪಲೀಕಾ ಸಹುತಾಶಮೂಲಾ| ಸಾಯೋಮಲಾ ಸಾಮಲಕಾ ಸತೈಲಾ ಕುಷ್ಠಾನಿ ಕೃಚ್ಛ್ರಾಣಿ ನಿಹನ್ತಿ ಲೀಢಾ||೪೦||

Adhikarana bhUnimbAdicUrNam (41) · Śloka 41

ಭೂನಿಮ್ಬನಿಮ್ಬತ್ರಿಫಲಾಪದ್ಮಕಾತಿವಿಷಾಕಣಾಃ| ಮೂರ್ವಾಪಟೋಲೀದ್ವಿನಿಶಾಪಾಠಾತಿಕ್ತೇನ್ದ್ರವಾರುಣೀಃ| ಸಕಲಿಙ್ಗವಚಾಸ್ತುಲ್ಯಾ ದ್ವಿಗುಣಾಶ್ಚ ಯಥೋತ್ತರಮ್| ಲಿಹ್ಯಾದ್ದನ್ತೀತ್ರಿವೃದ್ ಬ್ರಾಹ್ಮೀಶ್ಚೂರ್ಣಿತಾ ಮಧುಸರ್ಪಿಷಾ| ಕುಷ್ಠಮೇಹಪ್ರಸುಪ್ತೀನಾಂ ಪರಮಂ ಸ್ಯಾತ್ತದೌಷಧಮ್| ವರಾಕಣಾವಿಡಙ್ಗಾನ್ ವಾ ಲಿಹ್ಯಾತ್ತೈಲಾಜ್ಯಮಾಕ್ಷಿಕೈಃ||೪೧||

Adhikarana khadirashakalAdi cUrNam (42) · Śloka 42

ಖದಿರಕಲಚುರ್ಣಂ ಕ್ಷೌದ್ರಸರ್ಪಿರ್ವಿಮಿಶ್ರಂ ಸಗಿರಿಜತುವಿಡಂ ಮಾತ್ರಯಾ ಸೇವಮಾನಃ| ಲಘುಮಿತಹಿತಭೋಜೀ ಬ್ರಹ್ಮಚಾರೀ ಜಿತಾತ್ಮಾ ಶ್ವಯಥುಕಿಟಿಭಕೋಷ್ಠಶ್ವಿತ್ರಕುಷ್ಠಾನಿ ಹನ್ಯಾತ್||೪೨||

Adhikarana khadirAdivaTI (43) · Śloka 43

ಖದಿರಾಸನಸಾರಸ್ಯ ತುಲಾಂ ದ್ರೋಣೇಽಮ್ಭಸಃ ಕ್ಷಿಪೇತ್| ಅಷ್ಟಮೇಽಹನಿ ತತ್ತೋಯಂ ಪಚೇದಾದರ್ವಿಲೇಪನಾತ್| ತ್ರಿಫಲಾರ್ಧತುಲಾಚೂರ್ಣಂ ತತ್ಪಾದೇನ ತು ಬಾಕುಚೀಮ್| ತದರ್ಧಂ ದ್ವೀಪಿನೋ ಮೂಲಂ ತದ್ವದ್ ಬ್ರಾಹ್ಮೀಂ ಸಮಾರ್ಕವಮ್| ಲೋಹಕ್ರಿಮಿಘ್ನದ್ವಿಪ್ರಸ್ಥಂ ಕ್ಷಿಪ್ತ್ವಾ ತದ್ವಟಕೀಕೃತಮ್| ಕುಷ್ಠಮೇಹಗ್ರಹಣ್ಯರ್ಶೋಭಗನ್ದರಿಷು ಪೂಜಿತಮ್| ಲಾಙ್ಗಲೀತ್ರಿಫಲಾಲೋಹಚೂರ್ಣಂ ದಶಪಲಂ ಪೃಥಕ್| ಗುಲಿಕಾತ್ರಿಶತಂ ಷಷ್ಟಿಂ ಕುರ್ಯಾದ್ಭೃಙ್ಗರಸಾಪ್ಲುತಮ್| ಛಾಯಾಶುಷ್ಕಾಞ್ಚ ತತ್ರಾರ್ಧಗುಲಿಕಾಂ ಭಕ್ಷಯೇತ್ಪುರಃ| ಜೀರ್ಣೇ ರಸೇನ ರೂಕ್ಷೇಣ ಪೇಯಾಪೂರ್ವಂ ಚ ಭೋಜಯೇತ್| ಯನ್ತ್ರಿತೋ ಬ್ರಹ್ಮಚರ್ಯಾದ್ಯೈಃ ಕ್ರಮೇಣ ಗುಲಿಕಾಮಪಿ| ಖಾದೇತ್ಪರಸ್ತಾನ್ಮಾಸಸ್ಯ ಭವೇತ್ಕಾಮಚರಃ ಕ್ರಮಾತ್| ಏವಂ ಸರ್ವಾಣಿ ಕುಷ್ಠಾನಿ ಜಯತ್ಯತಿಬಲಾನ್ಯಪಿ| ಧೀಮೇಧಾಸ್ಮೃತಿಯುಕ್ತಶ್ಚ ನೀರುಗ್ಜೀವೇತ್ಸಮಾಃ ಶತಮ್||೪೩||

Adhikarana vajrakaM ghRutam (44) · Śloka 44

ವಾಸಾಮೃತಾನಿಮ್ಬವರಾಪಟೋಲವ್ಯಾಘ್ರೀಕರಞ್ಜೋದಕಕಲ್ಕಪಕ್ವಮ್| ಸರ್ಪಿರ್ವಿಸರ್ಪಜ್ವರಕಾಮಿಲಾಸ್ರಕುಷ್ಠಾಪಹಂ ವಜ್ರಕಮಾಮನನ್ತಿ||೪೪||

Adhikarana mahAvajrakaM ghRutam (45) · Śloka 45

ತ್ರಿಫಲಾತ್ರಿಕಟುದ್ವಿಕಣ್ಟಕಾರೀ ಕಟುಕಾಕುಮ್ಭನಿಕುಮ್ಭರಾಜವೃಕ್ಷೈಃ| ಸವಚಾತಿವಿಷಾಗ್ನಿಕೈಃ ಸಪಾಠೈಃ ಪಿಚುಭಗೈರ್ನವವಜ್ರದುಗ್ಧಮುಷ್ಟ್ಯಾ| ಪಿಷ್ಟೈಃ ಸಿದ್ಧಂ ಸರ್ಪಿಷಃ ಪ್ರಸ್ಥಮೇಭಿಃ ಕ್ರೂರೇ ಕೋಷ್ಠೇ ಸ್ನೇಹನಂ ರೇಚನಂ ಚ| ಕುಷ್ಠಶ್ವಿತ್ರಪ್ಲೀಹವರ್ಧ್ಮಾಶ್ಮಗುಲ್ಮಾನ್ ಹನ್ಯಾತ್ ಕೃಚ್ಛ್ರಾಂಸ್ತನ್ಮಹಾವಜ್ರವಖ್ಯಮ್||೪೫||

Adhikarana lelItakavasAprayogaH (46) · Śloka 46

ಯತೇರ್ಲೇಲೀತಕವಸಾ ಕ್ಷೌದ್ರಜಾತೀರಸಾನ್ವಿತಾ| ಕುಷ್ಠಘ್ನೀ ಸಮಸರ್ಪಿರ್ವಾ ಸಗಾಯತ್ರ್ಯಸನೋದಕಾ||೪೬||

Adhikarana haridrA (47) · Śloka 47

ಮೂತ್ರೇ ವಿನೀತಾ ತ್ರಿಫಲಾರಸೇ ವಾ ಸಿದ್ಧಾ ಘೃತೇ ವಾಮ್ಭಽಸಿ ಕೇವಲೇ ವಾ| ರಸಾಯನಂ ಪಥ್ಯಭುಜೋ ಹರಿದ್ರಾ ನಿಹನ್ತಿ ಪಾಣ್ಡ್ವಾಮಯಕುಷ್ಠಮೇಹಾನ್||೪೭||

Adhikarana guDUcIsvarasaH (48) · Śloka 48

ಪಿಬೇದಮೃತವಲ್ಯಾ ವಾ ಸ್ವರಸಂ ಯನ್ತ್ರಪೀಡಿತಮ್| ಮೇಧ್ಯಂ ತತ್ಕುಷ್ಠಮೇಹಾರ್ಶಶ್ಛರ್ದಿವಾತಸ್ರನಾಶನಮ್||೪೮||

Adhikarana bAhyopacArAH, sthirakaThineShu visheShaH (49) · Śloka 49

ಸ್ಥಿರಕಠಿನಮಣ್ಡಲಾನಾಂ ಕುಷ್ಠಾನಾಂ ಪೋಟ್ಟಲೈರ್ಹಿತಃ ಸ್ವೇದಃ| ಸ್ವಿನ್ನೋತ್ಸನ್ನಂ ವಿಲಿಖೇತ್ ಕುಷ್ಠಂ ತೀಕ್ಷ್ಣೇನ ಶಸ್ತ್ರೇಣ| ರುಧಿರಾಗಮಾರ್ಥಮಥವಾ ಶೃಙ್ಗಾಲಾಬೂಭಿರಪಹರೇದ್ರಕ್ತಮ್| ಪ್ರಚ್ಛೇದಲ್ಪಂ ಕುಷ್ಠಂ ವಿರೇಚಯೇದ್ವಾ ಜಲೌಕೋಭಿಃ||೪೯||

Adhikarana raktadoShaharaNayormahattvam (50) · Śloka 50

ಯೇ ಲೇಪಾಃ ಕುಷ್ಠಾನಾಂ ಯುಜ್ಯನ್ತೇ ನಿರ್ಹೃತಾಸ್ರದೋಷಾಣಾಮ್| ಸಂಶೋಧಿತಾಶಯಾನಾಂ ಸದ್ಯಃ ಸಿದ್ಧರ್ಭವತಿ ತೇಷಾಮ್||೫೦||

Adhikarana kShAraviShayaH (51) · Śloka 51

ಯೇಷು ನ ಶಸ್ತ್ರಂ ಕ್ರಮತೇ ಸ್ಪರ್ಶೇನ್ದ್ರಿಯನಾಶನೇಷು ಕುಷ್ಠೇಷು| ತೇಷು ನಿಪಾತ್ಯಃ ಕ್ಷಾರೋ ರಕ್ತಂ ದೋಷಂ ಚ ವಿಸ್ರಾವ್ಯ||೫೧||

Adhikarana mantrAgadaviShayaH (52) · Śloka 52

ಲೇಪೋಽತಿಕಠಿನಪರುಷೇ ಸುಪ್ತೇ ಕುಷ್ಠೇ ಸ್ಥಿರೇ ಪುರಾಣೇ ಚ| ಪೀತಾಗದಸ್ಯ ಕಾರ್ಯೋ ವಿಷೈಃ ಸಮನ್ತ್ರಾಗದೈಶ್ಚಾನು||೫೨||

Adhikarana stabdhAdiShu visheShaH (53) · Śloka 53

ಸ್ತಬ್ಧಾನಿ ಸುಪ್ತಸುಪ್ತಾನ್ಯಸ್ವೇದನಕಣ್ಡುಲಾನಿ ಕುಷ್ಠಾನಿ| ಕೂರ್ಚೈರ್ದನ್ತೀತ್ರಿವೃತಾಕರವೀರಕರಞ್ಜಕುಟಜಾನಾಮ್| ಜಾತ್ಯರ್ಕನಿಮ್ಬಜೈರ್ವಾ ಪತ್ರೈಃ ಶಸ್ತ್ರೈಃ ಸಮುದ್ರಫೇನೇನ| ಘೃಷ್ಟಾನಿ ಗೋಮಯೈರ್ವಾ ತತಃ ಪ್ರದೇಹೈಃ ಪ್ರದೇಹ್ಯಾನಿ||೫೩||

Adhikarana AragvadhAdiShaTpradehAH (54) · Śloka 54

ಆರಗ್ವಧಃ ಸೈಡಗಜಃ ಕರಞ್ಜೋ ವಾಸಾ ಗುಡೂಚೀ ಮದನಂ ಹರಿದ್ರೇ| ಶ್ರ್ಯಾಹ್ವಃ ಸುರಾಹ್ವಃ ಖದಿರೋ ಧವಶ್ಚ ನಿಮ್ಬೋ ವಿಡಙ್ಗಃ ಕರವೀರಕಶ್ಚ| ಗ್ರನ್ಥಿಶ್ಚ ಭೂರ್ಜೋ ಲಶುನಃ ಶಿರೀಷಃ ಸಲೋಮಶೋ ಗುಗ್ಗುಲುಕೃಷ್ಣಗನ್ಧೇ| ಫಣಿರ್ಜಕೋ ವತ್ಸಕಸಪ್ತಪರ್ಣಪೀಲೂನಿ ಕುಷ್ಠಂ ಸುಮನಃ ಪ್ರವಾಲಾಃ| ವಚಾಹರೇಣುಸ್ತ್ರಿವೃತಾ ನಿಕುಮ್ಭೋ ಭಲ್ಲಾತಕಂ ಗೈರಿಕಮಞ್ಜನಂ ಚ| ಮನಃಶಿಲಾಲೇ ಗೃಹಧೂಮ ಏಲಾ ಕಾಸೀಸ್ರಲೋಧ್ರಾರ್ಜುನಮುಸ್ತಸರ್ಜಾಃ| ಇತ್ಯರ್ಧರೂಪೈರ್ವಿಹಿತಾಃ ಷಡೇತೇ ಗೋಪಿತ್ತ ಪೀತಾಃ ಪುನರೇವ ಪಿಷ್ಟಾಃ| ಸಿದ್ಧಾಃ ಪರಂ ಸರ್ಷಪತೈಲಯುಕ್ತಾಶ್ಚೂರ್ಣಾಃ ಪ್ರದೇಹಾ ಬಹುಶಃ ಪ್ರಯೋಜ್ಯಾಃ| ಕುಷ್ಠಾನಿ ಕೃಚ್ಛ್ರಾಣಿ ನವಂ ಕಿಲಾಸಂ ಸುರೇನ್ದ್ರಲುಪ್ತಂ ಕಿಟಿಭಂ ಸದದ್ರುಮ್| ಭಗನ್ದರಾರ್ಶಾಂಸ್ಯಪಚೀಂ ಸಪಾಮಾಂ ಹನ್ಯುಃ ಪ್ರಯುಕ್ತನಚಿರಾನ್ನರಾಣಾಮ್||೫೪||

Adhikarana nimbAdyudvartanam (55) · Śloka 55

ನಿಮ್ಬಂ ಹರಿದ್ರೇ ಸುರಸಂ ಪಟೋಲಂ ಕುಷ್ಠಾಶ್ವಗನ್ಧೇ ಸುರದಾರುಶಿಗ್ರು| ಸಸರ್ಷಪಂ ತುಮ್ಬುರುಧಾನ್ಯವನ್ಯಂ ಚಣ್ಡಾಞ್ಚ ಚೂರ್ಣಾನಿ ಸಮಾನಿ ಕುರ್ಯಾತ್| ತೈಸ್ತಕ್ರಪಿಷ್ಟೈಃ ಪ್ರಥಮಂ ಶರೀರಂ ತೈಲಾಕ್ತಮುದ್ವರ್ತಯಿತುಂ ಯತೇತ| ತಥಾಸ್ಯ ಕಣ್ಡೂಃ ಪಿಟಕಾಃ ಸಕೋಠಾಃ ಕುಷ್ಠಾನಿ ಶೋಫಾಶ್ಚ ಶಮಂ ವ್ರಜನ್ತಿ||೫೫||

Adhikarana mustAdyavacUrNAni (56) · Śloka 56

ಮುಸ್ತಾಮೃತಾಸಙ್ಗಕಟಙ್ಕಟೇರೀ ಕಾಸೀಸಕಮ್ಪಿಲ್ಲಕಕುಷ್ಠಲೋಧ್ರಾಃ| ಗನ್ಧೋಪಲಃ ಸರ್ಜರಸಂ ವಿಡಙ್ಗಂ ಮನಃಶಿಲಾಲೇ ಕರವೀರಕತ್ವಕ್| ತೈಲಾಕ್ತಗಾತ್ರಸ್ಯ ಕೃತಾನಿ ಚೂರ್ಣಾ ನ್ಯೇತಾನಿ ದದ್ಯಾದವಚೂರ್ಣನಾರ್ಥಮ್| ದದ್ರುಃ ಸಕಣ್ಡೂಃ ಕಿಟಿಭಾನಿ ಪಾಮಾ ವಿಚಿರ್ಚಿಕಾ ಚೇತಿ ತಥಾ ನ ಸನ್ತಿ||೫೬||

Adhikarana sarShapakalkalepaH (57) · Śloka 57

ಕಾಣ್ಡೇ ಮಹಾವೃಕ್ಷಭವೇ ನಿಲೀನಃ ಸ್ವಿನ್ನಃ ಕುಕೂಲೇ ಪುಟಪಾಕಯುಕ್ತ್ಯಾ| ವಿಚರ್ಚಿಕಾಂ ಸರ್ಷಪಕಲ್ಕಪಿಂಣ್ಡೋ ನಿಹನ್ತಿ ಲಜ್ಜಾಮಿವ ರಾಗವೇಗಃ||೫೭||

Adhikarana manaHshilAkara~jjAdipradehau (58) · Śloka 58

ಮನಶ್ಶಿಲಾಜೇ ಮರಿಚಾನಿ ತೈಲಮಾರ್ಕಂ ಪಯಃ ಕುಷ್ಠಹರಃ ಪ್ರದೇಹಃ| ತಥಾ ಕರಞ್ಜಪ್ರಪುನ್ನಾಟಬೀಜಂ ಕುಷ್ಠಾನ್ವಿತಂ ಗೋಸಲಿಲೇನ ಪಿಷ್ಟಮ್||೫೮||

Adhikarana guggululvAdisatailodgharShaNam (59) · Śloka 59

ಗುಗ್ಗುಲುಮರಿಚಿವಿಡಙ್ಗೈಃ ಸರ್ಷಪಕಾಸೀಸಸರ್ಜರಸಮುಸ್ತೈಃ| ಶ್ರೀವೇಷ್ಟಕಾಲಗನ್ಧೈರ್ಮನಶ್ಶಿಲಾಕುಷ್ಠಕಮ್ಪಿಲ್ಲೈಃ| ಉಭಯಹರಿದ್ರಾಸಹಿತೈಶ್ಚಾಕ್ರಿಕತೈಲೇನ ಮಿಶ್ರಿತೈರೇಭಿಃ| ದಿನಕರಕರಾಭಿತಪ್ತೈಃ ಕುಷ್ಠಂ ಘೃಷ್ಟಂ ಚ ನಷ್ಟಂ ಚ||೫೯||

Adhikarana maricAdilepaH (60) · Śloka 60

ಮರಿಚಂ ತಮಾಲಪತ್ರಂ ಕುಷ್ಠಂ ಸಮನಶ್ಶಿಲಂ ಸಕಾಸೀಸಮ್| ತೈಲೇನ ಯುಕ್ತಮುಷಿತಂ ಸಪ್ತಾಹಂ ಭಾಜನೇ ತಾಮ್ರೇ| ತೇನಾಲಿಪ್ತಂ ಸಿಧ್ಮ ಸಪ್ತಾಹಾತ್ ಘರ್ಮಸೇವಿನೋಽಪೈತಿ| ಮಾಸಾನ್ನವಂ ಕಿಲಾಸಂ ಸ್ನಾನೇನ ವಿನಾ ವಿಶುದ್ಧಸ್ಯ||೬೦||

Adhikarana mayUrakakShAratailam (61) · Śloka 61

ಮಯೂರಕಂ ಜರ್ಜರಿತಂ ಸಮೂಲಂ ದಗ್ಧ್ವಾ ಪರಿಸ್ರಾವ್ಯ ಚ ಸಪ್ತಕೃತ್ವಃ| ತೇನಾಮ್ಭಸಾ ಕಙ್ಗುಣಿಕೋತ್ಥತೈಲಂ ಸಿದ್ಧಂ ಪರಂ ಸಿಧ್ಮನಿಬರ್ಹಣಾಯ||೬೧||

Adhikarana jIvantyAdighRutatailam (62) · Śloka 62

ಜೀವನ್ತೀ ಮಞ್ಜಿಷ್ಠಾ ದಾರ್ವೀ ಕಾಮ್ಪಿಲ್ಲಕಂ ಪಯಸ್ತುತ್ಥಮ್| ಏಷ ಘೃತತೈಲಪಾಕಃ ಸಿದ್ಧಃ ಸಿದ್ಧೇ ಚ ಸರ್ಜರಸಃ| ದೇಯಃ ಸಮಧೂಚ್ಛಿಷ್ಟೋ ವಿಪಾದಿಕಾ ತೇನ ನಶ್ಯತಿ ಹ್ಯಕ್ತಾ| ಚರ್ಮೈಕಕುಷ್ಠಕಿಟಿಭಂ ಕುಷ್ಠಂ ಶಾಮ್ಯತ್ಯಲಸಕಂ ಚ||೬೨||

Adhikarana vajrakaM tailam (63) · Śloka 63

ಸಪ್ತಪರ್ಣಕರಞ್ಜಾರ್ಕಮಾಲತೀಕರವೀರಜಮ್| ಮೂಲಂ ಸ್ನುಹೀಶಿರೀಷಾಭ್ಯಾಂ ಚಿತ್ರಕಾಸ್ಫೋತಯೋರಪಿ| ಕರಞ್ಜಬೀಜದ್ವಿನಿಶಾವ್ಯೋಷೈಲಕಜಸರ್ಷಪಾಃ| ವರಾವೇಲ್ಲಂ ಚ ತೈಸ್ತೈಲಂ ಸಗೋಮೂತ್ರೈರ್ವಿಪಾಚಿತಮ್| ಕುಷ್ಠದುಷ್ಟವ್ರಣಗ್ರನ್ಥಿಗಣ್ಡಮಾಲಾಭಗನ್ದರಾನ್| ವಿಶೇಷಾದ್ವಾತಕಫಜಾನ್ ಹನ್ತ್ಯಭ್ಯಙ್ಗೇನ ವಜ್ರಕಮ್||೬೩||

Adhikarana mahAvajraM tailam (64) · Śloka 64

ಏರಣ್ಡತಾರ್ಕ್ಷ್ಯಘನನೀಪಕದಮ್ಬಭಾರ್ಙ್ಗೀ ಕಮ್ಪಿಲ್ಲವೇಲ್ಲಫಲಿನೀಸುರವಾರುಣೀಭಿಃ| ನಿರ್ಗುಣ್ಡ್ಯರುಷ್ಕರಸುರಾಹ್ವಸುವರ್ಣದುಗ್ಧಾ ಶ್ರೀವೇಷ್ಟಗುಗ್ಗುಲುಶಿಲಾಹರಿತಾಲವಿಶ್ವೈಃ| ತುಲ್ಯಸ್ನುಗರ್ಕದುಗ್ಧಂ ಸಿದ್ಧಂ ತೈಲಂ ಸ್ಮೃತಂ ಮಹಾವಜ್ರಮ್| ಅತಿಶಯಿತವಜ್ರಕಗುಣಂ ಶ್ವಿತ್ರಾರ್ಶೋಗ್ರನ್ಥಿಮಾಲಾಘ್ನಮ್||೬೪||

Adhikarana kanakakShIryAditailam (65) · Śloka 65

ಕನಕಕ್ಷೀರೀಶೈಲಾಭಾಙ್ಗೀದನ್ತ್ಯಾಃ ಫಲಾನಿ ಮೂಲಂ ಚ| ಜಾತಿಪ್ರವಾಲಸರ್ಷಪಲಶುನವಿಡಙ್ಗಂ ಕರಞ್ಜತ್ವಕ್| ಸಪ್ತಚ್ಛದಾರ್ಕಪಲ್ಲವಮೂಲತ್ವಙ್ನಿಮ್ಬಚಿತ್ರಕಾಸ್ಫೋತಮ್| ಗುಞ್ಜೈರಣ್ಡಕಬೃಹತೀಮೂಲತ್ವಕ್ಸುರಸಾರ್ಜಕಫಲಾನಿ| ಕುಷ್ಠಂ ಪಾಠಾ ಮುಸ್ತಾ ಷಡ್ಗ್ರನ್ಥಾತುಮ್ಬುರುತ್ವಚೋ ಮೂರ್ವಾ| ಏಡಗಜಕುಟಜಶಿಗ್ರುತ್ರ್ಯೂಷಣಭಲ್ಲಾತಕಕ್ಷವಕಾಃ| ಹರಿತಾಲಮವಾಕ್ಪುಷ್ಪೀ ತುತ್ಥಂ ಕಮ್ಪಿಲ್ಲಕೋಽಮೃತಾಸಙ್ಗಮ್| ಸೌರಾಷ್ಟ್ರೀ ಕಾಸೀಸಂ ದಾರ್ವೀತ್ವಕ್ ಸ್ವರ್ಜಿಕಾಲವಣಮ್| ಏತೈಸ್ತೈಲಂ ತೈಲಂ ಕಟುತೈಲಂ ವಾ ಚತುರ್ಗುಣೇ ಮೂತ್ರೇ| ಕರವೀರಮೂಲಪಲ್ಲವತೋಯೇ ಚ ವಿಪಾಚಿತಂ ಜಯತಿ| ಕಟುಕಾಲಾಬುನ್ಯಸ್ತಂ ನಿತ್ಯಾಭ್ಯಙ್ಗೇನ ವಾತಕಫಕುಷ್ಠಮ್| ಮಣ್ಡಲದದ್ರುಕೋಠಕೃಮಿಪಾಮಾವಿಚರ್ಚಿಕಾಃ ಸುತರಾಮ್||೬೫||

Adhikarana sikthakAditailam (66) · Śloka 66

ಸಿಕ್ಥಕತುತ್ಥಕಗುಗ್ಗುಲುಸಿನ್ದೂರರಸಾಞ್ಜನೈಃ ಕಟುಕತೈಲಮ್| ಪಾಮಾಕಿಟಿಭವಿಚರ್ಚಿಷು ಸಾಧಿತಮಭ್ಯಞ್ಜನೇ ಶ್ರೇಷ್ಠಮ್||೬೬||

Adhikarana shaileyakAdicUrNalepaH (67) · Śloka 67

ಶೈಲೇಯಕಮ್ಪಿಲ್ಲಕಪಟ್ಟಿಕಾಹ್ವಸುರಾಷ್ಟ್ರಜಾಸರ್ಜರಸೋಪಲಾನಿ| ಶಿಲಾ ಚ ಚೂರ್ಣೋ ನವನೀತಯುಕ್ತಃ ಕುಷ್ಠೇ ಸ್ರವತ್ಯಭ್ಯಧಿಕಂ ಪ್ರಶಸ್ತಃ||೬೭||

Adhikarana eDagajAdilepaH (68) · Śloka 68

ಏಡಗಜಕುಷ್ಠಸೈನ್ಧವಸಿದ್ಧಾರ್ಥವಿಡಙ್ಗಕಾಞ್ಜಿಕೈರ್ಲಿಪ್ತಮ್| ಕೃಮಿಪಾಮಾಸಿಧ್ಮದದ್ರುಮಣ್ಡಲಕುಷ್ಠಂ ಶಮಂ ಯಾತಿ||೬೮||

Adhikarana lAkShAdilepaH (69) · Śloka 69

ಲಾಕ್ಷಾವ್ಯೋಷಂ ಪ್ರಪುನ್ನಾಟಞ್ಚ ಬೀಜಂ ಶ್ರೀವೇಷ್ಟಾಃ ಕುಷ್ಠಸಿದ್ಧಾರ್ಥಕಾಶ್ಚ| ತಕ್ರೋನ್ಮಿಶ್ರಃ ಸ್ಯಾದ್ಧರಿದ್ರಾ ಚ ಲೇಪೋದದ್ರುಷೂಕ್ತೋ ಮೂಲಕೋತ್ಥಞ್ಚ ಬೀಜಮ್||೬೯||

Adhikarana dUrvAdilepaH (70) · Śloka 70

ದೂರ್ವಾಭಯಾಸೈನ್ಧವಚಕ್ರಮರ್ದಕುಠೇರಕಾಃ ಕಾಞ್ಜಿಕತಕ್ರಪಿಷ್ಟಾಃ| ತ್ರಿಭಿಃ ಪ್ರಲೇಪೈರಪಿ ಬದ್ಧಮೂಲಾಂ ದದ್ರುಞ್ಚ ಕಣ್ಡೂಞ್ಚ ವಿನಾಶಯನ್ತಿ||೭೦||

Adhikarana manaHshilAdilepaH (71) · Śloka 71

ಮನಶ್ಶಿಲಾತ್ವಕ್ಕುಟಜಂ ಸಕುಷ್ಠಂ ಸಲೋಮಶಃ ಸೈಡಗಜಃ ಕರಞ್ಜಃ| ಗ್ರನ್ಥಿಶ್ಚ ಭೌರ್ಜಃ ಕರವೀರಮೂಲಂ ಚೂರ್ಣಾನಿ ಸಾಧ್ಯಾನಿ ತುಷೋದಕೇನ| ಪಲಾಶನಿರ್ದಾಹರಸೇನ ವಾಽಪಿ ಕರ್ಷೋನ್ಮಿತಾನ್ಯಾಢಕಸಮ್ಮಿತೇನ| ದರ್ವೀಪ್ರಲೇಪಂ ಪ್ರವದನ್ತಿ ಲೇಪಮೇತತ್ ಪರಂ ಕುಷ್ಠನಿಷೂದನಾಯ||೭೧||

Adhikarana elAdiko lepaH, mAMsyAdiko lepaH (72) · Śloka 72

ಏಲಾಚಿತ್ರಕನಿಮ್ಬವೃಷಕಂ ಕುರುವಿನ್ದನಾಗರಾರ್ಕಞ್ಚ| ಚೂರ್ಣೀಕೃತಮಷ್ಟಾಹಂ ಭಾವಯಿತವ್ಯಂ ಪಲಾಶಸ್ಯ| ಕ್ಷಾರೇಣ ಗವಾಂ ಮೂತ್ರಸ್ರುತೇನ ತೇನಾಸ್ಯ ಮಣ್ಡಲಾನ್ಯಾಶು| ಭಿದ್ಯನ್ತೇ ದೀರ್ಯನ್ತಿ ಚ ಲಿಪ್ತಾನ್ಯರ್ಕಾಭಿತಪ್ತಾನಿ| ಮಾಂಸೀ ಮರಿಚಂ ಲವಣಂ ರಜನೀ ತಗರಂ ಸುಧಾ ಗೃಹಾದ್ಧೂಮಃ| ಮೂತ್ರಂ ಪಿತ್ತಂ ಕ್ಷಾರಃ ಪಾಲಾಶಃ ಕುಷ್ಠನುಲ್ಲೇಪಃ||೭೨||

Adhikarana siddhArthakaM snAnam (73) · Śloka 73

ಮುಸ್ತಂ ತ್ರಿಫಲಾ ಮದನಂ ಕರಞ್ಜ ಆರಗ್ವಧಃ ಕಲಿಙ್ಗಯವಾಃ| ಸಸಪ್ತಾಹ್ವಕುಷ್ಠಫಲಿನೀದಾರ್ವ್ಯಃ ಸಿದ್ಧಾರ್ಥಕಂ ಸ್ನಾನಮ್| ಏಷ ಕಷಾಯೋ ವಮನಂ ವಿರೇಚನಂ ವರ್ಣದಸ್ತಥೋದ್ಧರ್ಷಃ| ತ್ವಗ್ದೋಷಕುಷ್ಠಶೋಫಪ್ರಬಾಧನಃ ಪಾಣ್ಡುರೋಗಘ್ನಃ||೭೩||

Adhikarana vividhAH lepAH (74) · Śloka 74

ಕರವೀರನಿಮ್ಬಕುಟಜಾಚ್ಛಮ್ಯಾಕಾಚ್ಚಿತ್ರಕಾಚ್ಚ ಮೂಲಾನಾಮ್| ಮೂತ್ರೇ ದರ್ವೀಲೇಪಃ ಕ್ವಾಥೋ ಲೇಪೇನ ಕುಷ್ಠಘ್ನಃ| ಶ್ವೇತಕರವೀರಮೂಲಂ ಕುಟಜಕರಞಾತ್ಫಲಂ ತ್ವಚೋ ದಾರ್ವ್ಯಾಃ| ಸುಮನಃಪ್ರವಾಲಯುಕ್ತೋ ಲೇಪಃ ಕುಷ್ಠಾಪಹಃ ಸಿದ್ಧಃ| ಶೈರೀಷೀ ತ್ವಕ್ಪುಷ್ಪಂ ಕಾರ್ಪಾಸ್ಯಾ ರಾಜವೃಕ್ಷಪತ್ರಾಣಿ| ಪಿಷ್ಟಾ ಚ ಕಾಕಮಾಚೀ ಚತುರ್ವಿಧಃ ಕುಷ್ಠಹಾ ಲೇಪಃ||೭೪||

Adhikarana snAnAdyarthe aShTau kaShAyAH (76) · Śloka 75

ದಾರ್ವೀರಸಾಞ್ಜನಸ್ಯ ನಿಮ್ಬಪಟೋಲಸ್ಯ ಖದಿರಸಾರಸ್ಯ| ಆರಗ್ವಧವೃಕ್ಷಕಯೋಸ್ತ್ರಿಫಲಾಯಾಃ ಸಪ್ತಪರ್ಣಸ್ಯ| ಇತಿ ಷಟ್ಕಷಾಯಯೋಗಾಃ ಕುಷ್ಠಘ್ನಾಃ ಸಪ್ತಮಶ್ಚ ತಿನಿಶಸ್ಯ| ಸ್ನಾನೇ ಪಾನೇ ಚ ಹಿತಾಸ್ತಥಾಷ್ಟಮಶ್ಚಾಶ್ವಮಾರಸ್ಯ| ಆಲೇಪನಂ ಪ್ರಘರ್ಷಣಮವಚೂರ್ಣನಮೇತ ಏವ ಚ ಕಷಾಯಾಃ| ತೈಲಘೃತಪಾಕಯೋಗೈಶ್ಚೇಷ್ಯನ್ತೇ ಕುಷ್ಠಶಾನ್ತ್ಯರ್ಥಮ್||೭೫||

Adhikarana sarShapAditailAni (77) · Śloka 77

ಸರ್ಷಪಕರಞ್ಜಕೋಶಾತಕಾನಿ ತೈಲನ್ಯಥೇಙ್ಗುದೀನಾಂ ಚ| ಕುಷ್ಠೇಷು ಹಿತಾನ್ಯಾಹುಸ್ತೈಲಂ ಶ್ರೇಷ್ಠಂ ಚ ಖದಿರಸಾರಸ್ಯ||೭೭||

Adhikarana a~ggavisharaNAdau kramaH, pathyavisheShashca (78) · Śloka 78

ಶೀತಾಃ ಪ್ರದೇಹಸೇಕಾಸ್ತಿಕ್ತಂ ಸರ್ಪಿಃ ಸಿರಾವಿರೇಕಶ್ಚ| ವಿಶರಣದಾಹಕ್ಲೇದೇ ವಿಸ್ಫೋಟೇ ಚರ್ಮದಲನೇ ಚ| ಶೀರ್ಣನಖರೋಮಮಾಂಸಃ ಕೃಮಿಮಾನನ್ನಾಮ್ಭಸೀ ತ್ಯಜೇತ್ಕುಷ್ಠೀ| ಸದ್ಯೋ ದುಗ್ಧಂ ದುಗ್ಧಂ ಷಣ್ಮಾಸಾನ್ ಕಾರಭಂ ಭಜೇತ್ಸಮಧು||೭೮||

Adhikarana eDagajAdi vividhAH yogAH (79) · Śloka 79

ಏಡಗಜಃ ಸವಿಡಙ್ಗೋ ಮೂಲಾನ್ಯಾರಗ್ವಧಸ್ಯ ಕುಷ್ಠಾನಾಮ್| ಉದ್ದಾಲನಶ್ಚ ದನ್ತಾ ಗೋಽಶ್ವರಾಹೋಷ್ಟ್ರದನ್ತಾಶ್ಚ| ರಜನೀದ್ವಯಂ ಕೃಮಿಘ್ನಂ ಪ್ರಪುನ್ನಾಟಂ ರಾಜವೃಕ್ಷಮೂಲಂ ಚ| ಕುಷ್ಠೋತ್ಪಾಟನಮಗ್ರ್ಯಂ ಸಪಿಪ್ಪಲೀಪಾಕಲಂ ಯೋಜ್ಯಮ್| ಶ್ವಿತ್ರಾಣಾಂ ಸವಿಶೇಷಂ ಯೋಕ್ತವ್ಯಂ ಸರ್ವತೋ ವಿಶುದ್ಧಾನಾಮ್| ಉತ್ಸನ್ನೇಷು ಚ ಲೇಪಾಃ ಸವರ್ಣಕರಣಾಸ್ತಥಾಭ್ಯಙ್ಗಾಃ||೭೯||

Adhikarana kuShThe shodhanacikitsAprAdhAnyam (80) · Śloka 80

ಪಕ್ಷಾತ್ ಪಕ್ಷಾತ್ ಛರ್ದನಾನ್ಯಭ್ಯುಪೇಯಾನ್ ಮಾಸಾನ್ಮಾಸಾಚ್ಛೋಧನಂ ಚಾಪ್ಯಧಸ್ತಾತ್| ಶುದ್ಧಿರ್ಮೂರ್ಧ್ನಃ ಸ್ಯಾತ್ತ್ರಿರಾತ್ರಾತ್ ತ್ರಿರಾತ್ರಾತ್ ಷಷ್ಠೇ ಷಷ್ಠೇ ಮಾಸ್ಯಸೃಙ್ಮೋಕ್ಷಣಂ ಚ| ಯೋ ದುರ್ವಾನ್ತೋ ದುರ್ವಿರಿಕ್ತೋಽಥವಾ ಸ್ಯಾತ್ ಕುಷ್ಠೀ ದೋಷೈರುದ್ಧತೈರ್ವ್ಯಾಪ್ಯತೇಽಸೌ| ನಿಸ್ಸನ್ದೇಹಂ ಯಾತ್ಯಸಾಧ್ಯತ್ವಮೇವಂ ತಸ್ಮಾತ್ ಕೃತ್ಸ್ನಾತ್ರಿರ್ಹರೇದಸ್ಯ ದೋಷಾನ್||೮೦||

Adhikarana kuShThe vratAdisevA (81-19) · Śloka 19

ವ್ರತದಮಯಮಸೇವಾತ್ಯಾಗಶೀಲಾಭಿಯೋಗೋ ದ್ವಿಜಗುರುಸುರಪೂಜಾ ಸರ್ವಸತ್ತ್ವೇಷು ಮೈತ್ರೀ| ಜಿನಜಿನಸುತತಾರಾಭಾಸ್ಕರಾರಾಧನಾನಿ ಪ್ರಕಟಿತಮಲಪಾಪಂ ಕುಷ್ಠಮುನ್ಮೂಲಯನ್ತಿ||೮೧|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾವಷ್ಟಾಙ್ಗಸಂಗ್ರಹಸಂಹಿತಾಯಾಂ ಚಿಕಿತ್ಸಿತಸ್ಥಾನೇ ಕುಷ್ಠಚಿಕಿತ್ಸಿತನ್ನಾಮೈಕವಿಂಶೋಽಧ್ಯಾಯಃ||೧೯||