Adhikarana athodaracikitsitannAma saptadasho~adhyAyaH adhyAyapratij~jA (1) · Śloka 1
অথাত উদরিচিকিত্সিতং ব্যাখ্যাস্যামঃ| ইতি হ স্মাহুরাত্রৈযাদযো মহর্ষযঃ||১||
अथात उदरिचिकित्सितं व्याख़्यास्यामः| इति ह स्माहुरात्रैयादयो महर्षयः||१||
🔊 Audio coming soon
ক্রমপ্রাপ্তস্যোদরস্য চিকিত্সাং প্রদর্শযিতুমধ্যায আরভ্যতে||১||
Adhikarana sarvodareShu virecanantatra hetushca (2) · Śloka 2
সর্বমেবোদরমতিমাত্রদোষসঞ্চযানুবন্ধেন স্রোতোমুখনি রোধাদ্ব্যাকুলানিলতযা যত্প্রজাযতে তস্মাদভীক্ষ্ণমুদরী বিরেচনান্যুপযুঞ্জীত| মূত্রক্ষীরান্যতরযুক্তমেরণ্ডতৈলমহ রহর্মাসমেকং দ্বৌ বা| ক্ষীরহারো বা গব্যং বা মাহিষং বা মূত্রম্| উষ্ট্রীক্ষীরবৃত্তির্বা স্যাত্||২||
सर्वमेवोदरमतिमात्रदोषसञ्चयानुबन्धेन स्रोतोमुख़नि रोधाद्व्याकुलानिलतया यत्प्रजायते तस्मादभीक्ष्णमुदरी विरेचनान्युपयुञ्जीत| मूत्रक्षीरान्यतरयुक्तमेरण्डतैलमह रहर्मासमेकं द्वौ वा| क्षीरहारो वा गव्यं वा माहिषं वा मूत्रम्| उष्ट्रीक्षीरवृत्तिर्वा स्यात्||२||
🔊 Audio coming soon
সর্বমিত্যাদিনোদরিণোঽভীক্ষ্ণং বিরেচনোপযোগহেতুরতিমাত্রো যো দোষাণাং সঞ্চযস্তস্যানুবন্ধেন কর্ত্রা স্রোতোমুখনিরোধঃ| অনিলস্য ব্যাকুলত্বমনেকরূপমবস্থানম্| মূত্রেত্যাদিনা বিরেচনপ্রযোগঃ| গব্যাং মাহিষং বা মূত্রং ক্ষীরাহারঃ| অথবা সর্বাহারপানপরিত্যাগেনোষ্ট্রীক্ষীরবৃত্তিঃ স্যাত্|| ২||
Adhikarana shoPashUlAdisahite visheShaH (3) · Śloka 3
শোফশূলানাহতৃণ্মূর্ছাপরীতো বিশেষেণ পযোঽনুপানং গো মূত্রেণ প্রাণদাং পিবেত্| পিপ্পলীসহস্রং ব স্নুহীক্ষীরভাবিতং সেবেত| তদ্ভাবিতেন বা কৃষ্ণাভযাচূর্ণেন কাসরম্| সৈন্ধবাজমোদযুক্তং বা নৈম্বং তৈলম্| অথবাঽঽর্দ্রক রসানুবিদ্ধং সিদ্ধং বা||৩||
शोफशूलानाहतृण्मूर्छापरीतो विशेषेण पयोऽनुपानं गो मूत्रेण प्राणदां पिबेत्| पिप्पलीसहस्रं व स्नुहीक्षीरभावितं सेवेत| तद्भावितेन वा कृष्णाभयाचूर्णेन कासरम्| सैन्धवाजमोदयुक्तं वा नैम्बं तैलम्| अथवाऽऽर्द्रक रसानुविद्धं सिद्धं वा||३||
🔊 Audio coming soon
শোফাদিপরীত উদরী অনন্তরোক্তং কুর্যাদ্বিশেষেণ তু প্রাণদাং হরীতকীং গোমূত্রেণ সহ পিবেত্| পীতাযাং পশ্চাত্ ক্ষীরং পেযম্| পিপ্পলীসহস্রং ক্রমেণ সেবেত তদ্ভাবিতেন স্নুহীক্ষীরভাবিতেন পিপ্পলী হরীতকীচূর্ণেন সহ কাসরম্| তচ্চ গুগ্গুলুপর্যাযপ্রসিদ্ধম্| নিম্বস্রুতং তৈলং সৈন্ধবাজমোদাভ্যাং যুক্তম্| অথবাঽঽর্দ্রকস্য রসেনানুবিদ্ধং তেন স্তোকেন কৃতসংস্কারং তত্সিদ্ধং বা|| ৩||
Adhikarana harItakIGRutam (4) · Śloka 4
হরীতকীচূর্ণপ্রস্থযুক্তমাঢকং ঘৃতস্যাঙ্গারেষ্বভিবিলাপ্য খজেনাভিমথ্য সুগুপ্তং যবপল্লে মাসং স্থাপযেত্| তত শ্চোদ্ধৃত্য পরিস্রাব্য হরীতকীক্বাথাম্লবদধিপ্রতীবাপং বিপাচযেত্||৪||
हरीतकीचूर्णप्रस्थयुक्तमाढकं ग़ृतस्याङ्गारेष्वभिविलाप्य ख़जेनाभिमथ्य सुगुप्तं यवपल्ले मासं स्थापयेत्| तत श्चोद्धृत्य परिस्राव्य हरीतकीक्वाथाम्लवदधिप्रतीवापं विपाचयेत्||४||
🔊 Audio coming soon
হরীতকীচূর্ণপ্রস্থেন যুক্তং ঘৃতস্যাঢকমগ্নৌ বিলাপ্য খজেন মথিতং সদনু গুপ্তং যবপল্লে যবরাশৌ নিধাপযেত্| ততশ্চ যবপলান্মাসাদূর্ধ্বমুদ্ধৃতং বস্ত্রেণ চ পরিস্রাব্য স্নেহসমং হরীতকীক্বাথং তাবদেব চাম্লং দধি দত্বা পচেদিতি|| ৪||
Adhikarana sudhAkShIraGRutam (5) · Śloka 5
অথবা গব্যে পযসি মহাবৃক্ষক্ষীরমাবাপ্য বিপাচ্য শীতী ভূতমভিমথ্য তন্নবনীতং মহাবৃক্ষক্ষীরেণৈব সহ সাধ যেত্||৫||
अथवा गव्ये पयसि महावृक्षक्षीरमावाप्य विपाच्य शीती भूतमभिमथ्य तन्नवनीतं महावृक्षक्षीरेणैव सह साध येत्||५||
🔊 Audio coming soon
অথবা গব্যে পযসি সুধাক্ষীরং দত্বা বিপচেত্| ক্ষীরস্য ঘনত্বং যাবত্ততঃ শীতীভূতং ক্ষীরং দণ্ডেনাভিমথ্য নবনীতং গৃহ্ণীযাত্| তচ্চ নবনীতং সুধাক্ষীরেণ সমেন সহ বিপাচযেদিতি দ্বিতীযং ঘৃতম্||৫||
Adhikarana cavikAdiGRutam (6) · Śloka 6
অথবা চবিকাচিত্রকদন্ত্যতিবিষাকুষ্ঠসারিবাবিডঙ্গ- ত্রিফলাকটুরোহিণীদ্বিহরিদ্রাশঙ্খিনীত্রিবৃদ্দীপ্যকানর্ধকার্ষি- কান্ রাজবৃক্ষফলমজ্জাদ্বিপলং মহাবৃক্ষক্ষীরদ্বিপলং গোমূত্র- ক্ষীরঘৃতত্রিকুডবং চৈকধ্যং পাচযেত্| এতানি তিল্বক- চতুর্থানি সর্পীষি পীতান্যুদরগুল্মবিদ্রধ্যষ্ঠীলানাহকু- ষ্ঠোন্মাদাপস্মারান্নিঘ্নন্তি||৬||
अथवा चविकाचित्रकदन्त्यतिविषाकुष्ठसारिवाविडङ्ग- त्रिफलाकटुरोहिणीद्विहरिद्राशङ्ख़िनीत्रिवृद्दीप्यकानर्धकार्षि- कान् राजवृक्षफलमज्जाद्विपलं महावृक्षक्षीरद्विपलं गोमूत्र- क्षीरग़ृतत्रिकुडवं चैकध्यं पाचयेत्| एतानि तिल्वक- चतुर्थानि सर्पीषि पीतान्युदरगुल्मविद्रध्यष्ठीलानाहकु- ष्ठोन्मादापस्मारान्निग़्नन्ति||६||
🔊 Audio coming soon
অথবা চবিকেত্যাদিনা তৃতীযম্| এতানি ত্রীণি সর্পীষি যেষাং তিল্বকসর্পিশ্চতুর্থং তানি চত্বারি পীতান্যুদরাদীন্ ঘ্নন্তি| তিল্বকঘৃতম্ বাতব্যাধাবুক্তম্|| ৬||
Adhikarana dashamUlaShaTpalaM GRutam (7) · Śloka 7
যাবশূকপঞ্চকোলষট্পলেন বা মস্তুদশমূলক্বাথা ঢকদ্বযেন চ সিদ্ধণ্ সর্পিঃপ্রস্থং প্রযোজযেত্||৭||
यावशूकपञ्चकोलषट्पलेन वा मस्तुदशमूलक्वाथा ढकद्वयेन च सिद्धण् सर्पिःप्रस्थं प्रयोजयेत्||७||
🔊 Audio coming soon
পলং যবক্ষারস্য পলপঞ্চকং পঞ্চকোলানাং মুস্তুন আঢকং দশমূলক্বাথস্যাঢকম্| ঘৃতস্য প্রস্থ ইতি দশমূলষট্পলম্|| ৭||
Adhikarana yavakolAdiGRutam (8) · Śloka 8
যবকোলকুলত্থপঞ্চমূলকষাযেণ বা সুরাসৌবীরক যুক্তং সর্পিঃ||৮||
यवकोलकुलत्थपञ्चमूलकषायेण वा सुरासौवीरक युक्तं सर्पिः||८||
🔊 Audio coming soon
যবাদীনাং ক্বাথো ঘৃতসমঃ সুরাসৌবীরকং মিশ্রীভূতং ঘৃতসমমিত্যুদরিণো ঘৃতানি|| ৮||
Adhikarana snehottaraM virecanam (9) · Śloka 9
সর্পিষ্পানস্রস্তে চ দোষে বলবান্ বিরেচনার্থং মূত্রাসবা রিষ্টসুরাঃ স্নুহীক্ষীরযুক্তাঃ শীলযেত্| বিরেচনদ্রব্য কষাযং নাগরদেবদারুপ্রগাঢম্| ত্রিলবণাদিচূর্ণং বা দ্বিত্রি গুণানুলোমনদ্রব্যম্||৯||
सर्पिष्पानस्रस्ते च दोषे बलवान् विरेचनार्थं मूत्रासवा रिष्टसुराः स्नुहीक्षीरयुक्ताः शीलयेत्| विरेचनद्रव्य कषायं नागरदेवदारुप्रगाढम्| त्रिलवणादिचूर्णं वा द्वित्रि गुणानुलोमनद्रव्यम्||९||
🔊 Audio coming soon
এবং সর্পিষ্পানেন দোষে স্রস্তে প্রাপ্তশৈথিল্যে বলবান্ পুরুষো বিরেচনার্থং মূত্রাদিকং স্নুহীক্ষীরযুক্তং শীলযেত্| অথবা শোধনাদিগণনির্দিষ্টানাং বিরেচনদ্রব্যাণাং কষাযং শুণ্ঠীদেবদারুচূর্ণপ্রগাঢং শীলযেত্| প্রগাঢং ঘনম্| গুল্মোক্তং বা ত্রিলবণাদিচূর্ণং দ্বিগুণৈরন্যভাগাপেক্ষযাঽনুলোমিকদ্রব্যৈঃ কুম্ভনিকুম্ভাদিভিঃ কৃতং শীলযেত্| অথবা ত্রিগুণানুলোমিকদ্রব্যং ত্রিলবণাদিকম্|| ৯||
Adhikarana paTolamUlAdiprayogaH (10) · Śloka 10
পটোলমূলরজনীবিডঙ্গত্রিফলাঃ কর্ষাংশাঃ| কম্পিল্ল কনীলিনীফলত্রিবৃত্তানাং ক্রমাদ্ দ্বিত্রিচতুর্ভিঃ কর্ষৈর্যুক্তা শ্চূর্ণযিত্বা মূত্রেণ পিবেত্| জীর্ণে চ পেযামণ্ডপো রসাশী বা স্যাত্| ততঃ ষড্রাত্রং সব্যোষেণ পযসাশ্নীযাত্| ততঃ সপ্তমেঽহনি পুনশ্চূর্ণং পিবেত্| অনেন বিধিনা চূর্ণ মিদমুদরাণি জাতোদকান্যপি নিবর্হযতি| গুল্মভেদনানি চ প্রযুঞ্জীত||১০||
पटोलमूलरजनीविडङ्गत्रिफलाः कर्षांशाः| कम्पिल्ल कनीलिनीफलत्रिवृत्तानां क्रमाद् द्वित्रिचतुर्भिः कर्षैर्युक्ता श्चूर्णयित्वा मूत्रेण पिबेत्| जीर्णे च पेयामण्डपो रसाशी वा स्यात्| ततः षड्रात्रं सव्योषेण पयसाश्नीयात्| ततः सप्तमेऽहनि पुनश्चूर्णं पिबेत्| अनेन विधिना चूर्ण मिदमुदराणि जातोदकान्यपि निबर्हयति| गुल्मभेदनानि च प्रयुञ्जीत||१०||
🔊 Audio coming soon
পটোলমূলাদিকং প্রত্যেকং কার্ষিকম্| কম্পিল্লকং কর্ষদ্বযম্| নীলিনীফলং কর্ষত্রযম্| ত্রিবৃতা কর্ষচতুষ্টযম্ চূর্ণযিত্বা গোমূত্রেণ পিবেত্| তস্মিন্ জীর্ণে পেযামণ্ডপো বা স্যাদ্রসোদনাশী বা ইত্যেকমহঃ কৃত্বা ষড্রাত্রমনৌষধ এব সব্যোষেণ পযসা ভোজনমশ্নীযাত্| ততঃ সপ্তমে দিবসে পূর্বপ্রস্থানেন পুনঃ পটোলাদিচূর্ণং পিবেত্| পুনঃ ষড্রাত্রবিধানেনাচূর্ণক্ষযম্| জাতোদকান্যপি চিরকালপ্ররূঢত্বাত্| সুবোধম্|| ১০||
Adhikarana mUtravarttiH (11) · Śloka 11
বমনবিরেচনশিরোবিরেচনবত্সকাদিবচাহরিদ্রাদিবর্গদ্রব্যা ণি পৃথক্পালিকানি সূক্ষ্মকল্কীকৃতানি লবণানি চ বজ্রবৃক্ষক্ষীরপ্রস্থং চ প্রক্ষিপ্য মূত্রগণে মৃদ্বগ্নিনা ঘট্টযন্ পাচযেত্| অবিদগ্ধকল্কং চ তত্সিদ্ধমবতার্য শীতী ভূতমঙ্গুষ্ঠমাত্রা গুলিকা বর্তযিত্বা যথা বলং ত্রিচতুরো মাসানুপযোজযেত্| এষা মূত্রবর্তির্মহারোগশ্বাসকাসপী নসপ্রসেকশ্বযথুগুল্মপাণ্ডুকৃমিকোষ্ঠারোচকাবিপাকো দাবর্তেষু পরমমগদম্||১১||
वमनविरेचनशिरोविरेचनवत्सकादिवचाहरिद्रादिवर्गद्रव्या णि पृथक्पालिकानि सूक्ष्मकल्कीकृतानि लवणानि च वज्रवृक्षक्षीरप्रस्थं च प्रक्षिप्य मूत्रगणे मृद्वग्निना ग़ट्टयन् पाचयेत्| अविदग्धकल्कं च तत्सिद्धमवतार्य शीती भूतमङ्गुष्ठमात्रा गुलिका वर्तयित्वा यथा बलं त्रिचतुरो मासानुपयोजयेत्| एषा मूत्रवर्तिर्महारोगश्वासकासपी नसप्रसेकश्वयथुगुल्मपाण्डुकृमिकोष्ठारोचकाविपाको दावर्तेषु परममगदम्||११||
🔊 Audio coming soon
বমনাদিদ্রব্যাণি সূত্রনির্দিষ্টানি পৃথক্পালিকানি| লবণানি চ পৃথক্পালিকানি| বজ্রবৃক্ষক্ষীরস্য প্রস্থমিত্যেতত্ সর্বমূত্রগণে প্রক্ষিপ্য ঘট্টযংশ্চালযন্মৃদ্বগ্নিনা| এষা মূত্রবর্তিরুদরে ত্রীংশ্চতুরো বা মাসান্ বলাপেক্ষযা প্রযোজ্যা| এষা চ মহারোগাদীনাং পরমৌষধম্| বাতব্যাধ্যশ্মরীকুষ্ঠমেহোদরভগন্দরাঃ| অর্শাংসি গ্রহণীত্যষ্টৌ মহারোগাঃ সুদুস্তরাঃ|| সুবোধম্|| ১১||
Adhikarana virecanottarA upacArAH (12) · Śloka 12
কৃতবিরেচনশ্চ ক্ষামদেহোঽন্তরান্তরা ক্ষীরমৌষ্ট্রকং গব্যমাজং বা ব্যোষযুক্তং শীলযেত্| দোষশেষবিজযায চ শীল যেচ্চবিকানাগরং ক্ষীরেণ পিষ্টম্| সুরদারুচিত্রকং বা সুরুঙ্গাং বা পুনর্নবং বা ত্রিফলাদন্তীরৌহীতকনির্যূহং বা ব্যোষক্ষারোপেতং তত্ স্নুহীক্ষীরঘৃতযুক্তম্||১২||
कृतविरेचनश्च क्षामदेहोऽन्तरान्तरा क्षीरमौष्ट्रकं गव्यमाजं वा व्योषयुक्तं शीलयेत्| दोषशेषविजयाय च शील येच्चविकानागरं क्षीरेण पिष्टम्| सुरदारुचित्रकं वा सुरुङ्गां वा पुनर्नवं वा त्रिफलादन्तीरौहीतकनिर्यूहं वा व्योषक्षारोपेतं तत् स्नुहीक्षीरग़ृतयुक्तम्||१२||
🔊 Audio coming soon
ক্ষামদেহশ্চ ক্ষামত্বনাশনায ব্যোষোপেতমৌষ্ট্রকাদিক্ষীরং শীলযেত্| বিরেচনাদ্দোষশেষস্য পাচনার্থং চবিকাদিপ্রযোগান্ শীলযেত্| পুনর্ন-বান্তং ক্ষীরেণ পিষ্টম্| সুরুঙ্গা মূর্বা| ব্যোষক্ষারোপেতং বা ত্রিফলাদি-নির্যূহম্| তদেব স্নুহীক্ষীরঘৃতযুক্তম্|| ১২||
Adhikarana purANAnnAdisevanam (13) · Śloka 13
পুরাণমন্নং তক্রমরিষ্টাংশ্চ তাংস্তান্ ক্ষীরঞ্চ দন্তীচিত্রকবি ডঙ্গচবিকাত্রিকটুকোপেতম্| তুল্যার্দ্রকরসং বা ক্ষীরং শীলযেত্| পিপ্পলীবর্ধমানং বা সেবেত| শিলাজতুং বা ক্ষীরাশীং গুগ্গুলুং বা| পুনঃ পুনশ্চ স্নেহযেদ্বিরেচযেচ্চ| আত্যযিকাংস্তু স্নেহবিরেকৈরেবোপক্রমেত| সলিলং তু বর্জ যেত্| আনাহোদাবর্তযোর্যথাস্বং প্রতিকুর্বীত||১৩||
पुराणमन्नं तक्रमरिष्टांश्च तांस्तान् क्षीरञ्च दन्तीचित्रकवि डङ्गचविकात्रिकटुकोपेतम्| तुल्यार्द्रकरसं वा क्षीरं शीलयेत्| पिप्पलीवर्धमानं वा सेवेत| शिलाजतुं वा क्षीराशीं गुग्गुलुं वा| पुनः पुनश्च स्नेहयेद्विरेचयेच्च| आत्ययिकांस्तु स्नेहविरेकैरेवोपक्रमेत| सलिलं तु वर्ज येत्| आनाहोदावर्तयोर्यथास्वं प्रतिकुर्वीत||१३||
🔊 Audio coming soon
পুরাণং চান্ন তক্রাদীংশ্চ তাংস্তানর্শশ্চিকিত্সিতাদ্যুক্তান্| দন্ত্যাদিচূর্ণোপেতং ক্ষীরং তুল্যার্দ্রকরসং বা ক্ষীরং পিপ্পলীবর্ধমানং বা রসাযনবিধানেন সেবেত| শিলাজতু বা ক্ষীরাশী সেবেত| গুগ্গুলুং বা| সুবোধম্| আত্যযিকাঃ সাবাধাঃ| সলিলমুদরী পানে বিবর্জযেত্| যথাস্বমিত্যাত্মীযচিকিত্সযা|| ১৩||
Adhikarana vAtaje visheShaH (14) · Śloka 14
বাতকৃতেষু পার্শ্বশূলোপস্তম্ভহৃদ্গ্রহেষু বিল্বক্ষারাম্ভসা তৈলং পাচযেত্| স্যোনাকাগ্নিমন্থতিলকুতলকদল্যপা মার্গাগ্ন্যতমক্ষারেণ বা বিপক্বং তৈলম্||১৪||
वातकृतेषु पार्श्वशूलोपस्तम्भहृद्ग्रहेषु बिल्वक्षाराम्भसा तैलं पाचयेत्| स्योनाकाग्निमन्थतिलकुतलकदल्यपा मार्गाग्न्यतमक्षारेण वा विपक्वं तैलम्||१४||
🔊 Audio coming soon
বাতকৃতেষূদরিণঃ পার্শ্বশূলাদিষু বিল্ববৃক্ষক্ষারস্রুতেনাম্ভসা তৈলং বিপাচযেত্| স্যোনাকাদীনামন্যতস্য বা ক্ষীরেণ বিপক্বং তৈলম্|| ১৪||
Adhikarana AvaraNe visheShaH (16) · Śloka 15
কফে পিত্তে বা বাতেনাবৃতে তাভ্যাং বা বাতে বলবান্ বাতগুল্মোক্তক্রমেণৈরণ্ডতৈলং পিবেত্||১৫||
कफे पित्ते वा वातेनावृते ताभ्यां वा वाते बलवान् वातगुल्मोक्तक्रमेणैरण्डतैलं पिबेत्||१५||
🔊 Audio coming soon
এরণ্ডতৈলং চ বাতগুল্মবিধানেন পিবেত্| কস্মিন্ বিষয ইত্যাহ-কফে বাতেনাবৃতে| তাভ্যামিতি কফপিত্তাভ্যাং বাত আবৃতে| বলবানিতি অবলস্যৈরণ্ডতৈলপ্রতিষেধঃ|| ১৬||
Adhikarana lepasekau (17) · Śloka 17
লিম্পেচ্চ জঠরমুদরিণাং শিগ্রুপলাশার্কাশ্বকর্ণগজ পিপ্লীদেবদারুভির্মূত্রপিষ্টৈঃ সুখোষ্ণৈঃ| বৃশ্চিকালীকুষ্ঠ ষড্গ্রন্থাদ্বিপুনর্নবধান্যনাগরপঞ্চমূলক্বাথৈর্মূত্রৈশ্চ পরিষেচ যেত্| প্রততমেব চ স্বেদযেত্||১৭||
लिम्पेच्च जठरमुदरिणां शिग्रुपलाशार्काश्वकर्णगज पिप्लीदेवदारुभिर्मूत्रपिष्टैः सुख़ोष्णैः| वृश्चिकालीकुष्ठ षड्ग्रन्थाद्विपुनर्नवधान्यनागरपञ्चमूलक्वाथैर्मूत्रैश्च परिषेच येत्| प्रततमेव च स्वेदयेत्||१७||
🔊 Audio coming soon
শিগ্র্বাদিভিশ্চ মূত্রপিষ্টৈঃ সুখোষ্ণৈরুদরিণো জঠরং লিম্পেত্| বৃশ্চিকাল্যাদিক্বাথৈর্মূত্রৈঃ পরিষেচযেত্|| ১৭||
Adhikarana AdhmAnAdrakShaNam (18) · Śloka 18
বিরিক্তস্য চাস্য সদাম্লানমুদরং সাল্বলাদিভিরুপনদ্ধং ঘনেন বাসসা বেষ্টযেত্| এবমেনমনবকাশো বাযুর্ন পুন রাধ্মাপযতি| তথাপি পুনঃ সবিরিত্কস্যাধ্মানেঽম্ল লবণান্ সুস্নিগ্ধান্ নিরূহান্ দদ্যাত্| সোপস্তম্ভে তু বাযৌ তীক্ষ্ণোষ্ণান্||১৮||
विरिक्तस्य चास्य सदाम्लानमुदरं साल्वलादिभिरुपनद्धं ग़नेन वाससा वेष्टयेत्| एवमेनमनवकाशो वायुर्न पुन राध्मापयति| तथापि पुनः सविरित्कस्याध्मानेऽम्ल लवणान् सुस्निग्धान् निरूहान् दद्यात्| सोपस्तम्भे तु वायौ तीक्ष्णोष्णान्||१८||
🔊 Audio coming soon
বিরিক্তস্যেত্যাদি সুবোধম্| ম্লানং বিরেকাত্ ত্যক্তকাঠিন্যম্| সাল্বল ইতি পদ্মকাদিস্বেদনাম| এবমিতি বেষ্টনেন| এতদিতি জাঠরম্| তথাপীত্যাদি সুবোধম্| তীক্ষ্ণোষ্ণানিতি নিরূহান্| স্তম্ভ এবোপস্তম্ভঃ ইতি সামান্যেনোদরিণাং চিকিত্সা|| ১৮||
Adhikarana vAtodare cikitsA (19) · Śloka 19
অথ বাতোদরিণং বিদার্যাদিসিদ্ধেন সর্পিষোপস্নেহ্য স্বেদি তাঙ্গতিল্বকঘৃতেন বহুশোঽনুলোমযেত্| কৃতাযাং চ সংসর্গ্যাং বলার্থং ক্ষীরমবচারযেত্| নিবর্তযেচ্চ প্রাগুত্ক্লেশাত্ ক্রমেণ| ততো যূষরসাদিভির্মন্দাম্ললবণৈঃ সমিদ্ধানল-মুদাবর্তিনং পুনঃ স্নিগ্ধস্বিন্নমাস্থাপযেদ্বিদার্যাদিক্বাথেন চিত্রাফলতৈলপ্রগাঢেন| তীক্ষ্ণোষ্ণাধো ভাগিকদ্রব্যযুক্তেন বা দাশমূলিকেন| দীপ্তাগ্নিং চ বদ্ধমলমস্থিসন্ধিত্রিকপার্শ্বাদিশূলস্ফুর- ণাক্ষেপযুক্তং রূক্ষমনুবাসযেদ্বাতহরাম্লসিদ্ধাভ্যাং তিলো- রুবূকতৈলাভ্যাং| ভোজযেচ্চৈনং জাঙ্গলরসেন বিদার্যাদি- শৃতেন বা পযসা| সরলমধুশিগ্রুমূলকবীজস্নেহাশ্চ পানাভ্যঞ্জনেন শূল- ঘ্নাঃ| স্বেদযেচ্চাভীক্ষ্ণং জঠরম্| অবিরেচ্যস্য তু পযঃ সর্পির্যূষরসবস্ত্যভ্যঙ্গসমভক্তৌ- ষধৈঃ সংশমযেত্||১৯||
अथ वातोदरिणं विदार्यादिसिद्धेन सर्पिषोपस्नेह्य स्वेदि ताङ्गतिल्वकग़ृतेन बहुशोऽनुलोमयेत्| कृतायां च संसर्ग्यां बलार्थं क्षीरमवचारयेत्| निवर्तयेच्च प्रागुत्क्लेशात् क्रमेण| ततो यूषरसादिभिर्मन्दाम्ललवणैः समिद्धानल-मुदावर्तिनं पुनः स्निग्धस्विन्नमास्थापयेद्विदार्यादिक्वाथेन चित्राफलतैलप्रगाढेन| तीक्ष्णोष्णाधो भागिकद्रव्ययुक्तेन वा दाशमूलिकेन| दीप्ताग्निं च बद्धमलमस्थिसन्धित्रिकपार्श्वादिशूलस्फुर- णाक्षेपयुक्तं रूक्षमनुवासयेद्वातहराम्लसिद्धाभ्यां तिलो- रुबूकतैलाभ्यां| भोजयेच्चैनं जाङ्गलरसेन विदार्यादि- शृतेन वा पयसा| सरलमधुशिग्रुमूलकबीजस्नेहाश्च पानाभ्यञ्जनेन शूल- ग़्नाः| स्वेदयेच्चाभीक्ष्णं जठरम्| अविरेच्यस्य तु पयः सर्पिर्यूषरसबस्त्यभ्यङ्गसमभक्तौ- षधैः संशमयेत्||१९||
🔊 Audio coming soon
অথেত্যাদি সুবোধম্| সংসর্গী পেযাদিক্রমঃ| ক্ষীরেণ বলে লব্ধে দোষোত্ক্লেশাত্ পূর্বং ক্ষীরং নিবর্তযেত্| ন তু জটিত্যপি তু ক্রমেণ| মন্দং স্তোকমম্লং দাডিমাদি লবণং চ যেষাম্| বিদাড়্যাদিগণক্বাথশ্চিত্রাফলতৈলেন প্রগাঢো ঘনঃ| চিত্রাফলানি দ্রবন্তীফলানি তেষাং তৈলম্| অধোভাগিকদ্রব্যাণি চ বিরেচনদ্রব্যাণি| তানি তীক্ষ্ণানি দাশমূলিকে সম্মিশ্র্যাস্থাপযেত্| দীপ্তাগ্নিত্বাদিযুক্তং রূক্ষমনুবাসযেত্| কেনেত্যাহ-বাতহরাম্লদ্রব্যসিদ্ধতিলতৈলোরুবূকতৈলভ্যাম্| ঊরুবূক এরণ্ডঃ| এনং চানুবাসনার্হমুদরিণং জাঙ্গলানাং রসেন ভোজযেত্| বিদার্যাদিগণসিদ্ধেন বা ক্ষীরেণ| সরলাদিস্রুতাশ্চ স্নেহাঃ পানেন চাভ্যঞ্জনেন চ শূলঘ্নাঃ| সরলস্য দেবদারুসদৃশস্য পীডাখ্যস্য স্নেহঃ| শেষযোর্বীজম্| সুবোধম্| অবিরেচ্যস্যাল্পাগ্নিক্রূরকোষ্ঠাদেরুদরিণঃ পযঃপ্রভৃতিভির্দোষং সংশমযেত্| সমভক্তমৌষধং সান্নমিতি পূর্বং প্রদর্শিতম্| ইতি বাতোদরম্|| ১৯||
Adhikarana pittodare cikitsA (20) · Śloka 20
পিত্তোদরিণং মধুরবিপক্বেন সর্পিষোপস্নেহ্য শ্যামা ত্রিবৃত্ত্রিফলাবিপক্বেনানুলোম্যেন মধুঘৃতসিতাঢ্যেন ন্যগ্রো ধাদিনির্যূহেণাস্থাপযেদনুবাসযেচ্চ| দুর্বলং তু প্রাগেবানুবাস্য ক্ষীরবস্তিভিঃ শোধযেত্| সঞ্জা তবলাগ্নিং চ স্নিগ্ধং পুনঃ ক্ষীরেণ সত্রিবৃত্কল্কেনোরুপূগ শৃতেন বা| সাতলাত্রাযমাণাভ্যাং বাঽঽরগ্বধেন বা| সশ্লেষ্মণি পিত্তে সমূত্রেণ| সবাতে তিক্তঘৃতান্বিতেন পযসা পুনঃ পুনর্বিরেচযেত্| বস্তিকর্ম চাচরেত্| এভিরেব ক্ষীরৈর্বিদার্যাদিশৃতেন বা ভোজযেত্| পাযসেন চোপনাহযেদুদরম্||২০||
पित्तोदरिणं मधुरविपक्वेन सर्पिषोपस्नेह्य श्यामा त्रिवृत्त्रिफलाविपक्वेनानुलोम्येन मधुग़ृतसिताढ्येन न्यग्रो धादिनिर्यूहेणास्थापयेदनुवासयेच्च| दुर्बलं तु प्रागेवानुवास्य क्षीरबस्तिभिः शोधयेत्| सञ्जा तबलाग्निं च स्निग्धं पुनः क्षीरेण सत्रिवृत्कल्केनोरुपूग शृतेन वा| सातलात्रायमाणाभ्यां वाऽऽरग्वधेन वा| सश्लेष्मणि पित्ते समूत्रेण| सवाते तिक्तग़ृतान्वितेन पयसा पुनः पुनर्विरेचयेत्| बस्तिकर्म चाचरेत्| एभिरेव क्षीरैर्विदार्यादिशृतेन वा भोजयेत्| पायसेन चोपनाहयेदुदरम्||२०||
🔊 Audio coming soon
পিত্তোদরে প্রথমং মধুরদ্রব্যসিদ্ধেন ঘৃতেন স্নেহনং তদন্তে শ্যামাদিবিপক্বেন বিরেচনম্| এনমিতি পিত্তোদরিণং ন্যগ্রোধাদিগণক্বাথেন প্রভূতমাক্ষিকাদিনাস্থাপযেদনুবাসযেচ্চেতি প্রকরণানন্যগ্রোধাদিসিদ্ধেনৈব স্নেহেন| দুর্বলং তু পিত্তোদরিণং স্নেহবিরেচনাস্থাপনাদ্বিনৈব প্রাগেবানুবাস্য ক্ষীরবস্তিভিঃ কল্পে বক্ষ্যমাণৈঃ শোধযেত্| স্নেহাদিবিধানে চ সূত্রস্থানস্য স্মর্তব্যম্| সঞ্জাতবলাগ্নিমিত্যাদি সুবোধম্| পুনরিত্যস্য স্নিগ্ধমিত্যনেন সম্বন্ধঃ| সশ্লেষ্মণি পিত্তে সমূত্রেণ পুনঃ পুনর্বিরেচযেত্| এবমেরণ্ডশৃতং সত্রিবৃত্কল্কমেকং ক্ষীরম্| দ্বিতীযং সাতলাত্রাযমাণাভ্যাং শৃতম্| ত্রূতীযমারগ্বধশৃতম্| মূত্রেণ সহ চতুর্থম্| তিক্তঘৃতেন সহ পঞ্চমমিতি সুবোধম্| এষাং ক্ষীরাণামন্যতমেন বিদার্যাদিগণসিদ্ধেন বা ক্ষীরেণান্নং ভোজযেত্| অস্য চ পিত্তোদরিণঃ পাযসেন ক্ষীরসিদ্ধেনান্নেনোদরমুপনাহযেত্ বধ্নীযাদ্বাতাদিহরণাযেতি পিত্তোদরম্|| ২০||
Adhikarana shleShmodare cikitsA (21) · Śloka 21
শ্লেষ্মোদরিণং বত্সকাদিসিদ্ধেন সর্পিষোপস্নেহ্য স্নুহীক্ষীর বিপক্বেনানুলোম্য কটুক্ষারযুক্তৈঃ কফহরৈরাহারৈঃ সংসর্জ্য ত্রিকটুমূত্রতৈলপ্রগাঢেন মুষ্ককাদিক্বাথেনাস্থাপযেদনুবা সযেচ্চ| কুলত্থযূষেণ ব্যোষবতা ক্ষীরেণ বা ভোজযেত্| স্ত্যানকফোদরং ক্ষারমরিষ্টাংশ্চ তীক্ষ্ণান্ পাযযেত্| সততং চ স্বেদযেত্| কিণ্বসর্ষপমূলবীজকল্কৈর্জঠরমুপনাহ যেত্||২১||
श्लेष्मोदरिणं वत्सकादिसिद्धेन सर्पिषोपस्नेह्य स्नुहीक्षीर विपक्वेनानुलोम्य कटुक्षारयुक्तैः कफहरैराहारैः संसर्ज्य त्रिकटुमूत्रतैलप्रगाढेन मुष्ककादिक्वाथेनास्थापयेदनुवा सयेच्च| कुलत्थयूषेण व्योषवता क्षीरेण वा भोजयेत्| स्त्यानकफोदरं क्षारमरिष्टांश्च तीक्ष्णान् पाययेत्| सततं च स्वेदयेत्| किण्वसर्षपमूलबीजकल्कैर्जठरमुपनाह येत्||२१||
🔊 Audio coming soon
শ্লেষমোদরে বত্সকাদিগণশৃতেনাজ্যেন স্নেহঃ| ততঃ স্বেদঃ| তদনন্তরং সুধাক্ষীরসিদ্ধেনাজ্যেন বিরেচনম্| ততঃ কট্বাদিভিঃ সংসর্জ্য পেযাদিক্রমং কৃত্বা ত্রিকট্বাদিভূযিষ্ঠেন মুষ্ককাদিক্বাথেনাস্থাপযেত্| তত্সিদ্ধেন তৈলেন পশ্চাদনুবাসযেত্| সুবোধম্| স্ত্যানকফোদরং ঘনশ্লেষ্মজঠরম্| কিণ্বাদিকল্কৈর্জঠরমুপনাহযেত্ বধ্নীযাত্| কিণ্বং সুরাঘনম্| ইতি শ্লেষ্মোদরম্|| ২১||
Adhikarana sannipAtodare cikitsA (22) · Śloka 22
সান্নিপাতিকমুদরং প্রত্যাখ্যায চিকিত্সেত্| সর্বমে-বেত্যেকে সর্বস্য সর্বাত্মকত্বাত্ কৃচ্ছ্রতমত্বাচ্চ| দোষো-দ্রেকতস্তু প্রতিকুর্বীত| সপ্তলাশঙ্খিনীনির্যাসসিদ্ধেন চ সর্পিষা বিরেচযেন্মা সমর্ধমাসং বা| মহাবৃক্ষক্ষীরমূত্রসিদ্ধেন বা| অথবাজগন্ধাজশৃঙ্গীদন্তীদ্রবন্তীস্বাদুকণ্টকপুনর্নবাজর সীবৃশ্চিকালীমূষিকপর্ণীমহাসহাক্ষুদ্রসহাবৃক্ষাদিনী ভার্ঙ্গীকুষ্ঠকুটিলরাস্নাকল্কগোমূত্রসংসৃষ্টেন সৈন্ধবলব ণিতেন স্নিগ্ধেনাস্থাপযেত্||২২||
सान्निपातिकमुदरं प्रत्याख़्याय चिकित्सेत्| सर्वमे-वेत्येके सर्वस्य सर्वात्मकत्वात् कृच्छ्रतमत्वाच्च| दोषो-द्रेकतस्तु प्रतिकुर्वीत| सप्तलाशङ्ख़िनीनिर्याससिद्धेन च सर्पिषा विरेचयेन्मा समर्धमासं वा| महावृक्षक्षीरमूत्रसिद्धेन वा| अथवाजगन्धाजशृङ्गीदन्तीद्रवन्तीस्वादुकण्टकपुनर्नवाज़र सीवृश्चिकालीमूषिकपर्णीमहासहाक्षुद्रसहावृक्षादिनी भार्ङ्गीकुष्ठकुटिलरास्नाकल्कगोमूत्रसंसृष्टेन सैन्धवलव णितेन स्निग्धेनास्थापयेत्||२२||
🔊 Audio coming soon
সংসর্গজং তু যাবত্ সম্ভাব্যতে তাবদুক্তমেব| সন্নিপাতোদরমসাধ্যমিতি চিকিত্সাযাঃ প্রত্যাখ্যানং কৃত্ব চিকিত্সেত্| যেনাসিদ্ধাবযশসা যোগো ন ভবতি| চিকিত্সা চ প্রাণেষু কণ্ঠগতেষ্বপ্যবশ্যং কর্তব্যা| একে আচার্যা এবং মন্যন্তে যথা ন কেবলং সন্নিপাতোদরমেব প্রত্যাখ্যায চিকিত্সেত্ যাবত্সর্বমপ্যুদরং প্রত্যাখ্যায চিকিত্সেত্| কুত ইত্যাহ-সর্বস্যোদরস্য সর্বদোষাত্মকত্বাত্ স্বভাবেনাতিকৃচ্ছ্রতমত্বাচ্চেতি| যদা তু প্রতিক্রিযা ক্রিযতে তদা দোষোদ্রেকমপেক্ষ্যঃ| সুবোধম্| সপ্তলা সাতলা| (নি)শঙ্খিনী তিক্তকা চিত্রা যবতিক্তাক্ষিপীতকা| নির্যাসোঽত্র ক্বাথঃ| মাসমর্ধমাসং বেতি পূর্বাপরাভ্যাং সম্বধ্যতে| মহাবৃক্ষক্ষীরং সুধাক্ষীরম্| অথবাজগন্ধদিক্বাথেন মদনফলাদিকল্কগোমূত্রভ্যাং সংসৃষ্টেন সৈন্ধবেন চ স্নেহযোগাচ্চ স্নিগ্ধেনাস্থাপযেত্| স্বাদুকণ্টকোঽত্র গোক্ষুরকঃ| (নি) নক্রাহিদংষ্ট্রিকা কালী বৃশ্চিকাত্যুষ্ট্রধূমকঃ| মূষিকপর্ণী দ্রবন্তী| ক্ষুদ্রসহা মুদ্গপর্ণী| বৃক্ষাদিনী বটরুহা কামিন্যোরোহিণী চ সা| বৃক্ষাদিনীত্যন্বর্থনামা| গৃধ্রনখী তিন্দুকী| কুটিলং তগরম্|| ২২||
Adhikarana anupashAntau viShaprayogaH (23) · Śloka 23
তথা চানুপশাম্যতি নিচযাত্মকে সর্বত্র চ জঠরে জ্ঞাতীনা শ্রাব্য মদ্যেনাশ্বমারকগুঞ্জাকাকাদনীমূলকল্কং পায যেত্| পানভোজনেষু বা বিষং নিক্ষিপেত্| ইক্ষুগণ্ডিকাং বা ভক্ষযেত্ কৃষ্ণসর্পেণ দংশযিত্বা বল্লীফলানি বা মূলকং বা| এবং হ্যস্য দোষসঙ্ঘাতঃ স্থিরো লীন উন্মার্গগো বিষে ণাশু প্রমাথিনা বিভিন্নো বহিঃ প্রবর্ততে| তেনাগদতাং ব্রজতি| ভবান্তরং বা| হৃতদোষং চ শীতাম্বুপরিষিক্তং ক্ষীরযবাগূং পাযযেত্| ততস্ত্রিবৃদ্বাস্তুকমণ্ডূকপর্ণীকালশাকযবশাকানামন্যতমং স্বরসসাধিতমনম্ললবণস্নেহং স্বিন্নাস্বিন্নমনন্নভুঙ্ মাসমেকমশ্নীযাত্| তত্স্বরসমেব চ তৃষিতঃ পিবেত্| ততঃ শাকৈর্নিহৃতে দোষে পরতো দুর্বলায কারভং ক্ষীরং প্রযু ঞ্জীত||২৩||
तथा चानुपशाम्यति निचयात्मके सर्वत्र च जठरे ज्ञातीना श्राव्य मद्येनाश्वमारकगुञ्जाकाकादनीमूलकल्कं पाय येत्| पानभोजनेषु वा विषं निक्षिपेत्| इक्षुगण्डिकां वा भक्षयेत् कृष्णसर्पेण दंशयित्वा वल्लीफलानि वा मूलकं वा| एवं ह्यस्य दोषसङ्ग़ातः स्थिरो लीन उन्मार्गगो विषे णाशु प्रमाथिना विभिन्नो बहिः प्रवर्तते| तेनागदतां व्रजति| भवान्तरं वा| हृतदोषं च शीताम्बुपरिषिक्तं क्षीरयवागूं पाययेत्| ततस्त्रिवृद्वास्तुकमण्डूकपर्णीकालशाकयवशाकानामन्यतमं स्वरससाधितमनम्ललवणस्नेहं स्विन्नास्विन्नमनन्नभुङ् मासमेकमश्नीयात्| तत्स्वरसमेव च तृषितः पिबेत्| ततः शाकैर्निहृते दोषे परतो दुर्बलाय कारभं क्षीरं प्रयु ञ्जीत||२३||
🔊 Audio coming soon
এবমনন্তরোক্তেন চিকিত্সিতেন নিযযাত্মকে সন্নিপাতোদরে অশাম্যত্যাতুরস্য জ্ঞাতীনা শ্রাব্য শ্রাবযিত্বা মদ্যেনাশ্বমারাদিকল্কং পাযযেত্| সর্বত্র চ জঠরে অশাম্যতীদং সর্বং কুর্যাদিত্যর্থঃ| পানভোজনেষু বা স্থাবরং বিষং নিক্ষিপেদাতুরস্য| কৃষ্ণসর্পেণ দষ্টামিক্ষুগণ্ডিকাং বা ভক্ষযেদাতুরো বল্লীফলানি বা কূষ্মাণ্ডাদীনি কৃষ্ণসর্পেণ দংশযিত্বা ভক্ষযেত্| তথা বা মূলকম্| এবং কৃতেঽস্যাতুরস্য স্থিরত্বাদিযুক্তো দোষসঙ্ঘাতঃ প্রমাথিনা স্বভাবেন বিষেণাশ্বেব বহিঃ প্রবর্ততে| তেন প্রবৃত্তেন কদাচিদগদতাং নির্ব্যাধিতাং ব্রজতি| ক্ষীণত্বাদ্বা ভবান্তরং জন্মান্তরং বা ব্রজতি| পঞ্চতাং যাতীত্যর্থঃ| হৃতদোষমিতি বিষেণ ত্রিবৃতাদিশাকানামন্যতমম্| স্বরসেন সাধিতমিতি ত্রিবৃচ্ছাকং ত্রিবৃচ্ছাকস্য স্বরসেন সাধিতং বাস্তুকশাকং বাস্তুকস্বরসেনৈব সাধিতমিতি সর্বত্র যোজ্যম্| অম্লাদিবর্জিতং কিঞ্চিদেব স্বিন্নমদ্যাত্| কিঞ্চিদস্বিন্নমেব হরিতকপ্রকারেণ| অনন্নভুগিতি শাকবৃত্তিরেব মাসসেকং স্যাত্| তৃষিতস্তু ভুজ্যমানস্যৈব শাকস্য স্বরসং পিবেত্| সুবোধম্| কারভমৌষ্ট্রমিতি বাতাদ্যুদরাণি|| ২৩||
Adhikarana plIhodare cikitsA (24) · Śloka 24
প্লীহোদরে যথাদোষমুপস্নিগ্ধস্বিন্নস্য দধ্না ভুক্তবতো বামবাহৌ সিরাং বিধ্যেত্| রুধিরস্যন্দনার্থঞ্চ পাণিনা প্লী হানং বিমর্দযেত্| পুনশ্চ স্নেহপীতং বিশুদ্ধদেহং সমুদ্রশুক্তি ক্ষারং পযসা পাযযেত্ হিঙ্গুং সুবর্চিকাং বা| পলাশক্ষা রোদকেন বা যবক্ষারম্| পারিজাতকেক্ষ্বাক্বপামার্গক্ষারং বা তৈলসংসৃষ্টম্| সৌভাঞ্জনকনির্যূহং বা পিপ্পলীচিত্রকসৈন্ধবচূর্ণযুক্তম্| অম্ল স্রুতং বা বিডমাগধিকাঢ্যং পূতিকরঞ্জক্ষারম্| অগ্নিসাদে তু ত্রিলবণাদিং ক্ষারানরিষ্টাংশ্চ পিবেত্| ঘৃতং ষট্পলং মহা ষট্পলং রোহীতকষট্পলং বা||২৪||
प्लीहोदरे यथादोषमुपस्निग्धस्विन्नस्य दध्ना भुक्तवतो वामबाहौ सिरां विध्येत्| रुधिरस्यन्दनार्थञ्च पाणिना प्ली हानं विमर्दयेत्| पुनश्च स्नेहपीतं विशुद्धदेहं समुद्रशुक्ति क्षारं पयसा पाययेत् हिङ्गुं सुवर्चिकां वा| पलाशक्षा रोदकेन वा यवक्षारम्| पारिजातकेक्ष्वाक्वपामार्गक्षारं वा तैलसंसृष्टम्| सौभाञ्जनकनिर्यूहं वा पिप्पलीचित्रकसैन्धवचूर्णयुक्तम्| अम्ल स्रुतं वा बिडमागधिकाढ्यं पूतिकरञ्जक्षारम्| अग्निसादे तु त्रिलवणादिं क्षारानरिष्टांश्च पिबेत्| ग़ृतं षट्पलं महा षट्पलं रोहीतकषट्पलं वा||२४||
🔊 Audio coming soon
প্লীহোদরে স্নেহস্বেদাবনুবন্ধদোষানুগুণ্যেনৈব| সিরাব্যধে সূত্রোক্তপ্রকারঃ সিরাযাশ্চাবগমঃ| রক্তস্যন্দনায প্লীহানং মর্দযেদ্যথা ততো রক্তং স্যন্দতি| নদ্যাদিশুক্তিপ্রতিষেধায সমুদ্রগ্রহণম্| হিঙ্গু পযসা পাযযেত্| সুবর্চিকাং বা| যবক্ষারং পলাশবৃক্ষক্ষারোদকেন পাযযেত্| পারিজাতকাদীনাং ক্ষারস্তৈলেন সংসৃষ্টঃ| পারিজাতকং রোহিত রোহিতকম্| (নি) ইক্ষ্বাকুঃ কটুকালাবুনী তুম্বা লম্বীক্ষ্বাকুশ্চ শব্দিতঃ| সৌভাঞ্জনকষাযং বা পিপ্পল্যাদিযুক্তম্| অথবা পূতিকরঞ্জস্য নক্তমালস্য ক্ষারমম্লেন কাঞ্জিকমদ্যাদিনা স্রুতং গালিতং বিডপিপ্পলীভ্যামালোডিতং পিবেত্| সুবোধম্| মহাষট্পলং দশমূলষট্পলম্| রোহীতকষট্পলমনন্তরমেব রোহীতকত্বগিত্যাদিনা পঠিতম্| সুবোধম্|| ২৪||
Adhikarana rohItakaShaTpalaM GRutam (25) · Śloka 25
রোহীতকত্বক্পলানি পঞ্চবিংশতিং কোলপ্রস্থদ্বযং চ তোযে ক্বাথযেত্| তেন ক্বাথেন তথা পালিকৈঃ পঞ্চকোলকৈস্তৈঃ সর্বৈশ্চ তুল্যযা রোহীতকত্বচা কল্কীকৃতৈর্ঘৃতপ্রস্থং সাধ যেত্| তত্পরং প্লীহহিতম্||২৫||
रोहीतकत्वक्पलानि पञ्चविंशतिं कोलप्रस्थद्वयं च तोये क्वाथयेत्| तेन क्वाथेन तथा पालिकैः पञ्चकोलकैस्तैः सर्वैश्च तुल्यया रोहीतकत्वचा कल्कीकृतैर्ग़ृतप्रस्थं साध येत्| तत्परं प्लीहहितम्||२५||
🔊 Audio coming soon
(নি)পারিজাতশ্চ রোহীতঃ প্লীহঘ্নো রক্তপুষ্পকঃ| কোলং বদরম্| পঞ্চকোলতুল্যত্বাদ্রোহীতকত্বগ্ভ্যো গর্ভে পঞ্চপলানি ভবন্তি||২৫||
Adhikarana rohItakarasaH (26) · Śloka 26
রোহীতকলতাঃ খণ্ডশঃ কল্পিতাঃ হরীতকীশ্চ তোযে গো মূত্রে ব সপ্তরাত্রমনুসুযাত্| স রসঃ প্লীহগুল্মোদরকৃমি মেহকামিলার্শাংসি সাধযতি||২৬||
रोहीतकलताः ख़ण्डशः कल्पिताः हरीतकीश्च तोये गो मूत्रे व सप्तरात्रमनुसुयात्| स रसः प्लीहगुल्मोदरकृमि मेहकामिलार्शांसि साधयति||२६||
🔊 Audio coming soon
দ্ব্যঙ্গুলমাত্রকল্পিতানাং রোহীতকলতানাং হরীতকীনাং চ রোহীতকসমানানাং সপ্তরাত্রং দোষাদ্যপেক্ষযা তোযে বা মূত্রে বাসুতানাং যো রসঃ স প্লীহোদরাদীন্ সাধযতি|| ২৬||
Adhikarana agnikarma (27) · Śloka 27
এবমনুপশাম্যত্যপ্রাপ্তপিচ্ছোদকে বাতকফোল্বণে গুল্ম বিধিনাঽগ্নিকর্ম কুর্যাত্||২৭||
एवमनुपशाम्यत्यप्राप्तपिच्छोदके वातकफोल्बणे गुल्म विधिनाऽग्निकर्म कुर्यात्||२७||
🔊 Audio coming soon
এবমিত্যাদিনা প্লীহোদরে অগ্নিকর্মপ্রদর্শনম্| পিচ্ছা মণ্ডপ্রাযং পূর্বং প্রদর্শিতমুদরে| উদকোঽস্বচ্ছম্| বাতকফোল্বণ এব ন বাতাদ্যুল্বণেঽগ্নিকর্ম| ইতি বাতপ্লীহোদরম্|| ২৭||
Adhikarana pittolbaNe plIhodare (28) · Śloka 28
পিত্তোল্বণে তু জীবনীযঘৃতক্ষীরবস্তিবিরেচনানি প্রযু ঞ্জীত| পুনঃ পুনশ্চ রুধিরমবসেচযেত্| যকৃদাখ্যেঽ প্যযমেব ক্রিযাবিভাগঃ||২৮||
पित्तोल्बणे तु जीवनीयग़ृतक्षीरबस्तिविरेचनानि प्रयु ञ्जीत| पुनः पुनश्च रुधिरमवसेचयेत्| यकृदाख़्येऽ प्ययमेव क्रियाविभागः||२८||
🔊 Audio coming soon
পিত্তোল্বণে প্লীহ্নি জীবনীযৈঃ সিদ্ধং ঘৃতং প্রযুঞ্জীত| ক্ষীরবস্তযশ্চ বিরেচনানি চ| যকৃদাখ্যোদরেঽপ্যযমেব প্লীহোক্তক্রিযাবিভাগো বিধেযঃ|| ২৮||
Adhikarana baddhodare karma (29) · Śloka 29
বদ্ধোদরে স্বিন্নায সতৈললবণমূত্রং তীক্ষ্ণং নিরূহমনু বাসনং চ দদ্যাত্| স্রংসনানি চান্নান্যুদাবর্তহরাণি চ তীক্ষ্ণং চ বিরেচনং যচ্চ কিঞ্চিদ্বাতঘ্নম্||২৯||
बद्धोदरे स्विन्नाय सतैललवणमूत्रं तीक्ष्णं निरूहमनु वासनं च दद्यात्| स्रंसनानि चान्नान्युदावर्तहराणि च तीक्ष्णं च विरेचनं यच्च किञ्चिद्वातग़्नम्||२९||
🔊 Audio coming soon
বদ্ধোদরে তু স্বিন্নায কৃতস্বেদাযাতুরায তৈলাদিযুক্তং তীক্ষ্ণং নিরূহং দদ্যাদনু চ তথাবিধমেবানুবাসনং স্রংসনান্যনুলোমনানি| সুবোধম্|| ২৯||
Adhikarana Cidrodare dakodare ca (30) · Śloka 30
ছিদ্রোদরে স্বেদবর্জ্যং কফোদরবদাচরেত্| দকোদরে তু পূর্ব মুদকদোষহরণার্থং রূক্ষতীক্ষ্ণৌষধান্ সমূত্রান্ নির্যূহ চূর্ণক্ষারান্ কফঘ্নানি দীপনীযানি চান্নপানানি যোজ যেত্||৩০||
छिद्रोदरे स्वेदवर्ज्यं कफोदरवदाचरेत्| दकोदरे तु पूर्व मुदकदोषहरणार्थं रूक्षतीक्ष्णौषधान् समूत्रान् निर्यूह चूर्णक्षारान् कफग़्नानि दीपनीयानि चान्नपानानि योज येत्||३०||
🔊 Audio coming soon
ছিদ্রোদরে স্বেদং বিনা সর্বং দকোদরচিকিত্সিতং বিধেযম্| উদকোদরে পূর্বমেব তীক্ষ্ণাদিগুণদ্রব্যনির্যূহাদীন্ দীপনং কফঘ্নং চান্নপানং যোজযেদুদককৃতানাং দোষাণাং বিকারাণামপহরণার্থম্| নির্যূহঃ ক্বাথঃ| ক্ষারো ভস্ম|| ৩০||
Adhikarana baddhodarAdau shastrakarma (31) · Śloka 31
এবমসিদ্ধৌ বদ্ধচ্ছিদ্রদকোদরেষু অশ্মর্যামিব সুহৃদাং প্রকা শ্য শস্ত্রমবচারযেত্| তত্র বদ্ধচ্ছিদ্রোদরযোঃ স্নিগ্ধ স্বিন্নস্যাধোনাভেশ্চতুরঙ্গুলানি বামতোঽপহাযোদরং পাট যিত্বা চতুরঙ্গুলপ্রমাণমান্ত্রাণি নিষ্কাস্য নিরীক্ষ্য বদ্ধ গুদোদরস্যান্ত্রপ্রতিরোধকরং বালং মলোপলেপমশ্মানং চাপ হরেত্| পরিস্রাবিণি শল্যমুদ্ধত্যান্ত্রপরিস্রাবং বিশোধ্য তচ্ছিদ্রং মর্কোটকৈর্দংশযেত্| লগ্নেষু চ শিরস্সু কাযমপন যেত্| ততো মধুঘৃতাভ্যামভ্যজ্যান্ত্রাণি যথাস্থানং স্থাপ যিত্বা বাহ্যং ব্রণমুদরস্য সীব্যেত্| যষ্টীমধুকমিশ্রযা চ কৃষ্ণমৃদা ব্রণমভিলিপ্য বধ্নীযাত্| অথ নিবাতমাগরং প্রবেশ্য ক্ষীরবৃত্তিং স্নেহদ্রোণ্যাং বাসযেত্||৩১||
एवमसिद्धौ बद्धच्छिद्रदकोदरेषु अश्मर्यामिव सुहृदां प्रका श्य शस्त्रमवचारयेत्| तत्र बद्धच्छिद्रोदरयोः स्निग्ध स्विन्नस्याधोनाभेश्चतुरङ्गुलानि वामतोऽपहायोदरं पाट यित्वा चतुरङ्गुलप्रमाणमान्त्राणि निष्कास्य निरीक्ष्य बद्ध गुदोदरस्यान्त्रप्रतिरोधकरं बालं मलोपलेपमश्मानं चाप हरेत्| परिस्राविणि शल्यमुद्धत्यान्त्रपरिस्रावं विशोध्य तच्छिद्रं मर्कोटकैर्दंशयेत्| लग्नेषु च शिरस्सु कायमपन येत्| ततो मधुग़ृताभ्यामभ्यज्यान्त्राणि यथास्थानं स्थाप यित्वा बाह्यं व्रणमुदरस्य सीव्येत्| यष्टीमधुकमिश्रया च कृष्णमृदा व्रणमभिलिप्य बध्नीयात्| अथ निवातमागरं प्रवेश्य क्षीरवृत्तिं स्नेहद्रोण्यां वासयेत्||३१||
🔊 Audio coming soon
এবমিত্যুক্তক্রিযযা সিদ্ধৌ ত্রিষু বদ্ধাদ্যুদরেষু পৃথগ্বিধক্রিযোপযোগায শস্ত্রমবচারযেত্ আতুরসুহৃত্প্রকাশনমশ্মরীবত্| নাভেদধোঽধরভাগে নাভিতশ্চত্বার্যঙ্গুলানি পরিত্যজ্য চতুরঙ্গুলমাত্রং পাটযেত্| তেন চান্ত্রাণি তথা পরীক্ষ্য়াণি যথা সন্নিবেশং ন ত্যজন্তি| গুদবন্ধহেতুমান্ত্রস্য প্রতিরোধকং বালাদিকমপহরেত্| পরিস্রাসবিণীতি ছিদ্রোদরে| তচ্ছিদ্রং মর্কোটৈর্বৈদ্যো দংশযেত্| সুবোধম্| ক্ষীরেণৈব বৃত্তির্যস্য তম্|| ৩১||
Adhikarana dakodare visheShaH (32) · Śloka 32
দকোদরে সর্বেষু চ জাতোদকেষু জঠরেষু বাতহরতৈলা ভ্যক্তস্যোষ্ণোদকস্বিন্নস্যাপ্তৈঃ পরিগৃহীতস্যাকক্ষ্যাতঃ পটবেষ্টিতোদরস্যাধো নাভের্বামতশ্চতুরঙ্গুলমপহায ব্রীহি মুখেনাঙ্গুষ্ঠোদরমাত্রমবগাঢং বিদ্ধ্বা নাডীম্ নিধায দোষো দকমর্ধমাত্রমবসিঞ্চেত্| ততো নাডীমুদ্ধৃত্য তৈললবণে নাভ্যজ্য ব্রণং বন্ধনেনোপচরেত্||৩২||
दकोदरे सर्वेषु च जातोदकेषु जठरेषु वातहरतैला भ्यक्तस्योष्णोदकस्विन्नस्याप्तैः परिगृहीतस्याकक्ष्यातः पटवेष्टितोदरस्याधो नाभेर्वामतश्चतुरङ्गुलमपहाय व्रीहि मुख़ेनाङ्गुष्ठोदरमात्रमवगाढं विद्ध्वा नाडीम् निधाय दोषो दकमर्धमात्रमवसिञ्चेत्| ततो नाडीमुद्धृत्य तैललवणे नाभ्यज्य व्रणं बन्धनेनोपचरेत्||३२||
🔊 Audio coming soon
দকোদরনাম্ন্যুদরে সর্বেষু চোদরেষু চিরকালপ্ররূঢত্বাজ্জাতোদকেষু বাতহর ইত্যাদিনোদকস্রাবণবিধিঃ| অবগাঢমন্তঃপ্রবিষ্টম্| অঙ্গু-ষ্ঠোদরমাত্রমিতি প্রমাণম্| ব্রীহিমুখং নাম শস্ত্রম্| তচ্চোদকং সর্বং ন স্রাবযেত্সকৃদপি ত্বর্ধমাত্রমবসিঞ্চেত্| অবসিঞ্চনমবস্রাবণম্| নাডীযন্ত্রবিধাবুক্তা|| ৩২||
Adhikarana ardhamAtrAvasecane hetuH (33) · Śloka 33
সহসা সর্বস্মিন্ বিস্রাবিতে তৃষ্ণাজ্বরোঽঙ্গমর্দোঽতী সারঃ শ্বাসঃ কাসঃ পাদদাহো ব জাযতে| পূর্যতে চ সুররাম্| অতস্তৃতীযচতুর্থপঞ্চমষষ্ঠাষ্টমদ্বাদশষোডশ রাত্রাণামন্যতমমন্তরং কৃত্বা দোষোদকমল্পশো বিস্রা বযেত্||৩৩||
सहसा सर्वस्मिन् विस्राविते तृष्णाज्वरोऽङ्गमर्दोऽती सारः श्वासः कासः पाददाहो व जायते| पूर्यते च सुरराम्| अतस्तृतीयचतुर्थपञ्चमषष्ठाष्टमद्वादशषोडश रात्राणामन्यतममन्तरं कृत्वा दोषोदकमल्पशो विस्रा वयेत्||३३||
🔊 Audio coming soon
সহসেত্যাদিনার্ধমাত্রাবসেচনে হেতুঃ| সুতরাঞ্চ পুনরুদকেন জঠরং পূর্যতে দুষ্টত্বাত্| তস্মাদ্দোষাদ্যপেক্ষযা ত্রিরাত্রান্তরিতং বা চতুরন্তরিতং বা এবং পঞ্চাদিকমপি| পূরণপ্রত্যযান্তানাং ত্রযাদীনামাচার্যেণ প্রযোগঃ কৃতঃ| তথাবিধানাং রাত্রিশব্দেন সামানাধিকরণ্যেন পূরণমাত্রেণ রাত্রেরেকত্বাত্ সমাহারো ন সিদ্ধ্যতি| ন চ বিবক্ষিতার্থপ্রতীতিস্তস্মাচ্চিন্ত্যমেতত্|| ৩৩||
Adhikarana srAvaNottaraM karma (34) · Śloka 34
নিস্রুতে চ দোষোদকে বিমৃদ্যোদরমাবিককৌশেযচর্মণামন্য তরেণ গাঢতরং বেষ্টযেত্| তথা নাধ্মাপযতি বাযুঃ| লঙ্ঘ যিত্বা চ যবাগূমল্পস্নেহলবণাং মাত্রযা পাযযেত্| ততঃ পরং ষণ্মাসান্ ক্ষীরবৃত্তির্ভবেত্| ততো মাসত্রযং ক্ষীর পেযাং পিবেত্| অন্যচ্চ মাসত্রযমল্পলবণমল্পক্ষীরং শ্যা মাকং কোরদূষং বা ভুঞ্জীতেতি| ভবতি চাত্র প্রযতো বত্সরেণৈবং বিজযেত জলোদরম্| বর্জ্যেষু যন্ত্রিতো দিষ্টে নাত্যদিষ্টে জিতেন্দ্রিযঃ||৩৪||
निस्रुते च दोषोदके विमृद्योदरमाविककौशेयचर्मणामन्य तरेण गाढतरं वेष्टयेत्| तथा नाध्मापयति वायुः| लङ्ग़ यित्वा च यवागूमल्पस्नेहलवणां मात्रया पाययेत्| ततः परं षण्मासान् क्षीरवृत्तिर्भवेत्| ततो मासत्रयं क्षीर पेयां पिबेत्| अन्यच्च मासत्रयमल्पलवणमल्पक्षीरं श्या माकं कोरदूषं वा भुञ्जीतेति| भवति चात्र प्रयतो वत्सरेणैवं विजयेत जलोदरम्| वर्ज्येषु यन्त्रितो दिष्टे नात्यदिष्टे जितेन्द्रियः||३४||
🔊 Audio coming soon
সুবোধম্| লঙ্ঘযিত্বা প্রাপ্তলঙ্ঘনেন তু সর্বত্র| গতানুগতিকা প্রযতোঽতিযত্নবান্ সংবত্সরেণোক্তপ্রকারেণ জলোদরং বিজযেত| কিম্ভূত ইত্যাহ-বর্জ্যেষ্বত্যর্থোষ্ণাম্লদিষু যন্ত্রিতস্তদপ্রাপ্তিলক্ষণযন্ত্রপরঃ সন্| দিষ্টে পথ্যত্বেনোদ্দিষ্টে ক্ষীরাদৌ নাতিযন্ত্রিতোঽর্থান্নাপ্যযন্ত্রিতঃ অদিষ্টেপীষ্টাপ্রতিষিদ্ধে জিতেন্দ্রিযো ন ত্বিন্দ্রিযবশ্যঃ|| ৩৪||
Adhikarana sAmAnyopadeshaH (35) · Śloka 35
সর্বমেবোদরং প্রাযো দোষসঙ্ঘাতজং যতঃ| অতো বাতাদিশমনী ক্রিযা সর্বত্র শস্যতে| বহ্নির্মন্দত্বমাযাতি দোষৈঃ কুক্ষৌ প্রপূরিতে| তস্মাদ্ভোজ্যানি যোজ্যানি দীপনানি লঘূনি চ| সপঞ্চমূলান্যল্পাম্লপটুস্নেহকটূনি চ| ভাবিতানাং গবাং মূত্রে ষষ্টিকানাং চ তণ্ডুলৈঃ| যবাগূং পযসা সিদ্ধাং প্রকামং ভোজযেন্নরম্| পিবেদিক্ষুরসং চানু জঠরাণাং নিবৃত্তযে| স্বং স্বং স্থানং ব্রজন্ত্যেষাং বাতপিত্তকফাস্তথা| অত্যর্থোষ্ণাম্ললবণং রূক্ষং গ্রাহি হিমং গুরু| গুডং তিলকৃতং শাকং বারি পানাবগাহযোঃ| আযাসাধ্বদিবাস্বপ্নযানযানানি চ ত্যজেত্||৩৫||
सर्वमेवोदरं प्रायो दोषसङ्ग़ातजं यतः| अतो वातादिशमनी क्रिया सर्वत्र शस्यते| वह्निर्मन्दत्वमायाति दोषैः कुक्षौ प्रपूरिते| तस्माद्भोज्यानि योज्यानि दीपनानि लग़ूनि च| सपञ्चमूलान्यल्पाम्लपटुस्नेहकटूनि च| भावितानां गवां मूत्रे षष्टिकानां च तण्डुलैः| यवागूं पयसा सिद्धां प्रकामं भोजयेन्नरम्| पिबेदिक्षुरसं चानु जठराणां निवृत्तये| स्वं स्वं स्थानं व्रजन्त्येषां वातपित्तकफास्तथा| अत्यर्थोष्णाम्ललवणं रूक्षं ग्राहि हिमं गुरु| गुडं तिलकृतं शाकं वारि पानावगाहयोः| आयासाध्वदिवास्वप्नयानयानानि च त्यजेत्||३५||
🔊 Audio coming soon
সর্বস্মিংশ্চোদরে বাতাদিশমনী ক্রিযা ইষ্যতে| যতঃ সর্বমেবোদরং প্রাযেণ সন্নিপাতজমেব| সুবোধম্| এষামিত্যুদরিণাম্| তথেত্যুক্তপ্রকারেণ| সর্বশ্চোদর্যত্যর্থোষ্ণাদিগুণং চ ত্যজেত্|| ৩৫||
Adhikarana pAne takraprashaMsA (36) · Śloka 36
নাত্যচ্ছসান্দ্রমধুরং পানে তক্রং প্রশস্যতে| সকণালবণং বাতে পিত্তে সোষণশর্করম্| যবানীসৈন্ধবাজাজীমধুব্যোষৈঃ কফোদরে| ত্র্যূষণক্ষারলবণৈঃ সংযুক্তং নিচযোদরে| মধুতৈলবচাশুণ্ঠীশতাহ্বাকুষ্ঠসৈন্ধবৈঃ| প্লীহ্নি বদ্ধে তু হপুষাযবানীপট্বজাজিভিঃ| সকৃষ্ণামাক্ষিকং ছিদ্রে ব্যোষবত্সলিলোদরে| গৌরবারোচকানাহমন্দবহ্ন্যতিসারিণাম্| তক্রং বাতকফর্তানামমৃতত্বায কল্পতে||৩৬||
नात्यच्छसान्द्रमधुरं पाने तक्रं प्रशस्यते| सकणालवणं वाते पित्ते सोषणशर्करम्| यवानीसैन्धवाजाजीमधुव्योषैः कफोदरे| त्र्यूषणक्षारलवणैः संयुक्तं निचयोदरे| मधुतैलवचाशुण्ठीशताह्वाकुष्ठसैन्धवैः| प्लीह्नि बद्धे तु हपुषायवानीपट्वजाजिभिः| सकृष्णामाक्षिकं छिद्रे व्योषवत्सलिलोदरे| गौरवारोचकानाहमन्दवह्न्यतिसारिणाम्| तक्रं वातकफर्तानाममृतत्वाय कल्पते||३६||
🔊 Audio coming soon
নাত্যচ্ছাদিগুণং চ তক্রং পানে প্রশস্যতে| তচ্চ তক্রং পিপ্পলীলবণযুক্তং বাতে| মরিচশর্করাভ্যাং পিত্তে| যবান্যাদিভির্যুক্তং তক্রং কফোদরে| সন্নিপাতোদরে ত্র্যূষণাদিভিস্তক্রম্| মধ্বাদিভিঃ প্লীহোদরে| হপুষাদিভির্বদ্ধোদরে| ছিদ্রোদরে পিপ্পলীমাক্ষিকযুক্তং তক্রম্| সলিলোদরে ব্যোষযুক্তম্| গৌরবাদিযুক্তানাং বাতশ্লেষ্মার্তানাং তক্রমমৃতত্বায কল্পতে সম্পদ্যত ইত্যর্থঃ|| ৩৬||
Adhikarana prayogAnte kShIrapAnam (37-17) · Śloka 17
প্রযোগাণাং চ সর্বেষামনু ক্ষীরং প্রযোজযেত্| স্থৈর্যকৃত্সর্বধাতূনাং বল্যং দোষানুবন্ধহৃত্| ভেষজাপচিতাঙ্গানাং ক্ষীরমেবামৃতাযতে||৩৭|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাব ষ্টাঙ্গসংগ্রহসংহিতাযাং চিকিত্সিতস্থান উদর চিকিত্সিতন্নাম সপ্তদশোঽধ্যাযঃ||১৭||
प्रयोगाणां च सर्वेषामनु क्षीरं प्रयोजयेत्| स्थैर्यकृत्सर्वधातूनां बल्यं दोषानुबन्धहृत्| भेषजापचिताङ्गानां क्षीरमेवामृतायते||३७|| इति वैद्यपतिसिंहगुप्तस्य सूनोर्वाग्भटस्य कृताव ष्टाङ्गसंग्रहसंहितायां चिकित्सितस्थान उदर चिकित्सितन्नाम सप्तदशोऽध्यायः||१७||
🔊 Audio coming soon
সর্বেষাং চ প্রযোগাণামনু ক্ষীরং পশ্চাত্ প্রযোগে নিষ্পন্নে শস্যতে যতস্তত্ ক্ষীরং স্থৈর্যকৃত্বাদিযুক্তং তথা তেন প্রযোগভেষজেন যেষামপচিতমঙ্গং শরীরং তেষাং ক্ষীরমমৃতাযতে| অমৃতমিবাচরতি জীবিতদানেনেতি|| ৩৭|| ইতি শ্রীমন্মহামহোপাধ্যাযেন্দুবিরচিতাযামষ্টাঙ্গসংগ্রহ ব্যাখ্যাযাং শশিলেখাযাং চিকিত্সিতস্থানে সপ্তদশোঽধ্যাযঃ