Adhikarana atha bastivyApatsiddhirnAma ShaShTho~adhyAyaH, pratij~jA (1) · Śloka 1
অথাতো বস্তিব্যাপত্সিদ্ধিং ব্যাখ্যাস্যামঃ| ইতি হ স্মাহুরাঽঽন্নেযাদযো মহর্ষযঃ||১||
अथातो बस्तिव्यापत्सिद्धिं व्याख्यास्यामः| इति ह स्माहुराऽऽन्नेयादयो महर्षयः||१||
🔊 Audio coming soon
বস্তীনাং কল্পনাং প্রদর্শযিত্বা তেষামেবোপযোগে ব্যাপদস্তত সাধনঞ্চ প্রদর্শযিতুমধ্যায আরভ্যতে|| ১||
Adhikarana bastervyApadaH (2) · Śloka 2
বিবন্ধগৌরবাঽঽধ্মানশিরোরুগ্বাহনোর্ধ্বগাঃ| কুক্ষিশূলাঽঙ্গরুঘিধ্মাহৃত্পীডাকর্ত্তনস্রবাঃ| অযোগাদতিযোগাচ্চ বস্তেঃ স্যুঃ ষডাপদঃ||২||
विबन्धगौरवाऽऽध्मानशिरोरुग्वाहनोर्ध्वगाः| कुक्षिशूलाऽङ्गरुघिध्माहृत्पीडाकर्त्तनस्रवाः| अयोगादतियोगाच्च बस्तेः स्युः षडापदः||२||
🔊 Audio coming soon
বস্তেরযোগাদ্বিবন্ধাদযঃ ষডাঽঽপদো ব্যাধযঃ স্যুঃ| তস্যৈবাঽতিযোগাত্ কুক্ষিশূলাদযঃ ষডাঽঽপদঃ স্যুঃ| এতাশ্চাপদঃ প্রধানাঃ কীর্ত্তিতাঃ| এতদনুযাযিনাং হি পৃথগত্রৈব বক্ষ্যমাণত্বাত্| বাহনং প্রবাহিকা| ঊর্ধ্বগাঽঽখ্যা ব্যাপদ্যত্র বস্তির্মুখনাসিকান্নিরেতীতি| কর্ত্তনং নাভ্যাদীনাং কর্ত্তনমিব| স্রবোঽসৃগাদিপরিস্রবঃ|| ২||
Adhikarana vibandhAkhyA vyApatsiddhishca (3) · Śloka 3
অস্নিগ্ধস্বিন্নদেহস্য গুরুকোষ্ঠস্য যোজিতঃ| শীতোঽল্পস্নেহলবণদ্রব্যমাত্রো ঘনোঽপি বা| বস্তিঃ সংক্ষোভ্য তং দোষং দুর্বলত্বাদনির্হরন্| করোতি বাতবিণ্মূত্রবিবন্ধমতিদারুণম্| নাভিবস্তিরুজাং দাহং হৃল্লেপং শ্বযথুং গুদে| কণ্ডূং গণ্ডানি বৈবর্ণ্যমরতিং বহ্নিমার্দবম্| ক্বাথদ্বযং প্রাগ্বিহিতং মধ্যে দোষেঽতিসারিণি| উষ্ণস্য তস্মাদেকস্য তত্র পানং প্রশস্যতে| ফলবর্ত্ত্যস্তথা স্বেদাঃ কালং জ্ঞাত্বা বিরেচনম্| বিল্বমূলত্রিবৃদ্দারুযবকোলকুলত্থবান্| সুরাবিণ্মূত্রবান্ বস্তিঃ সপ্রাক্যেষ্যস্তমানযেত্||৩||
अस्निग्धस्विन्नदेहस्य गुरुकोष्ठस्य योजितः| शीतोऽल्पस्नेहलवणद्रव्यमात्रो घनोऽपि वा| बस्तिः संक्षोभ्य तं दोषं दुर्बलत्वादनिर्हरन्| करोति वातविण्मूत्रविबन्धमतिदारुणम्| नाभिबस्तिरुजां दाहं हृल्लेपं श्वयथुं गुदे| कण्डूं गण्डानि वैवर्ण्यमरतिं वह्निमार्दवम्| क्वाथद्वयं प्राग्विहितं मध्ये दोषेऽतिसारिणि| उष्णस्य तस्मादेकस्य तत्र पानं प्रशस्यते| फलवर्त्त्यस्तथा स्वेदाः कालं ज्ञात्वा विरेचनम्| बिल्वमूलत्रिवृद्दारुयवकोलकुलत्थवान्| सुराविण्मूत्रवान् बस्तिः सप्राक्येष्यस्तमानयेत्||३||
🔊 Audio coming soon
অস্নিগ্ধেত্যাদিনা প্রচ্ছাদ্যং সর্ষপৈঃ শির ইত্যবমন্তেন গ্রন্থেন ষণ্ণামযোগাঽঽপদাং ক্রমেণ হেত্বাদিকমুচ্যতে| বস্তিরত্যুষ্ণেত্যাদি শ্রেষ্ঠং ভিষগ্জিতমিত্যেবমন্তেনাঽতিযোগাপদাম্| তত্রাঽস্নিগ্ধাদিগুণস্য পুংসঃ শীতাদিগুণো বস্তির্দোষং সংক্ষোভ্য দুর্বলত্বাচ্ছীতবীর্যত্বাত্তং ক্ষুব্ধদোষমনির্হরন্ বাতাদীনাং বিবন্ধমতিদারুণং করোতি নাভিদাহাদিকঞ্চ| অল্পদ্রব্যমাত্রঃ স্নেহাম্ল মূত্রাদিবর্জিতঃ| প্রক্চিকিত্সিতে মধ্যদোষেঽতিসারিণি ক্বাথদ্বযং বিহিতং প্রমথ্যাখ্যং মাগধিকাদীনাং জলজলদাদীনাঞ্চ| তস্মাত্ ক্বাথদ্বযাদ্দোষাদ্যপেক্ষযৈকস্য ক্বাথস্য তত্রাযোগস্য ষড্বিধত্বান্নাভিশূলাদিকে পানং প্রশস্যতে| ফলবর্ত্ত্যাদিকং চ প্রশস্যতে| কালং জ্ঞাত্বাং বিরেচনযোগ্যে বিরেচনং হিতম্| বিল্বমূলাদিমান্ বস্তিঃ প্রাক্যেষ্যৈর্বান্যাদিভির্বস্তিকল্পোক্তৈর্যুক্তস্তমযোগিনং বস্তিমানযেত্| বিট্ চ মূত্রঞ্চ প্রাণিনামেব| ইতি বিবন্ধ উক্তঃ|| ৩||
Adhikarana gauravAkhyA vyApatsiddhishca (4) · Śloka 4
সশেষামে নিরূহেণ মৃদুনা দোষ ঈরিতঃ| মূর্চ্ছযত্যনিলং মার্গং রুণদ্ধ্যগ্নিণ্ হিনস্তি চ| গৌরবক্লমহচ্ছুলদাহসম্মোহবেষ্টনম্| ততঃ কুর্যাদুপচরেত্তং রূক্ষস্বেদপাচনৈঃ| পিপ্পলীকত্তৃণোশীরদারমূর্বাশৃতং জলম্| পিবেত্সৌবর্চলোন্মিশ্রং দীপনং হৃদ্বিশোধনম্| বচানাগরশুণ্ঠ্যোর্বা দধিমণ্ডেন মূর্চ্ছিতাঃ| পেযাঃ প্রসন্নযা বা স্যুররিষ্টেনাঽসবেন বা| দারুত্রিকটুকং পথ্যাং পলাশং চিত্রকং শঠীম্| পিষ্ট্বা কুষ্ঠঞ্চ মূত্রেণ পিবেত্ক্ষারাংশ্চ দীপনান্| বস্তিমস্য বিদধ্যাচ্চ সমূত্রং দাশমূলিকম্||৪||
सशेषामे निरूहेण मृदुना दोष ईरितः| मूर्च्छयत्यनिलं मार्गं रुणद्ध्यग्निण् हिनस्ति च| गौरवक्लमहच्छुलदाहसम्मोहवेष्टनम्| ततः कुर्यादुपचरेत्तं रूक्षस्वेदपाचनैः| पिप्पलीकत्तृणोशीरदारमूर्वाशृतं जलम्| पिबेत्सौवर्चलोन्मिश्रं दीपनं हृद्विशोधनम्| वचानागरशुण्ठ्योर्वा दधिमण्डेन मूर्च्छिताः| पेयाः प्रसन्नया वा स्युररिष्टेनाऽसवेन वा| दारुत्रिकटुकं पथ्यां पलाशं चित्रकं शठीम्| पिष्ट्वा कुष्ठञ्च मूत्रेण पिबेत्क्षारांश्च दीपनान्| बस्तिमस्य विदध्याच्च समूत्रं दाशमूलिकम्||४||
🔊 Audio coming soon
সশেষামেত্যাদিনা গৌরবমুচ্যতে| সশেষামেঽনুত্পন্ননিরামকে পুরুষে মৃদুনা নিরূহেণ দোষ ঈরিতোঽনিলং বাযুং মূর্চ্ছযতি জ্বলযতি| মাড়্গঞ্চ রুণদ্ধি| অগ্নিঞ্চ হিনস্তি| ততোঽনন্তরং গৌরবাদিকং কুর্যাত্| তমাতুরং রূক্ষাদিভিরুপচরেত্| তত্র চ পিপ্পল্যাদিভিঃ শৃতং জলং সৌবর্চলোন্মিশ্রং পিবেত্| তদ্ধি দীপনং শোধনঞ্চ| অথবা বচাদযো দধিমণ্ডেন মস্তুনা মূর্চ্ছিতা আলোডিতাঃ প্রসন্নযা বা পেযাঃ স্যুঃ| আসবেন বাঽরিষ্টেন বা পেযাঃ স্যুঃ| দার্বাদিকং চ মুত্রেণ পিষ্টং পিবেত্| চিকিত্সিতোক্তাংশ্চ দীপনান্ ক্ষারান্ পিবেত্| অস্য চাঽযোগিনো দশমূলনির্বৃত্তং বস্তিং সমূত্রং বিদধ্যাত্| ইত্যুক্তং গৌরবম্|| ৪||
Adhikarana AdhmAnAkhyA vyApatsiddhishca (5) · Śloka 5
যুক্তোঽল্পবীর্য্যো দোষাঢ্যে রূক্ষে ক্রূরাঽঽশযেঽথবা| বস্তির্দোষাবৃতো রুদ্ধমার্গো রুন্ধ্যাত্ সমীরণম্| সবিমার্গোঽনিলঃ কুর্যাদাঽঽধ্মানং মর্মপীডনম্| বিদাহং গুদকোষ্ঠস্য মুষ্কবংক্ষণবেদনাম্| রুণদ্ধি হৃদযং শূলৈরিতশ্চেতশ্চ ধাবতি| স্বভ্যক্তস্বিন্নগাত্রস্য তত্র বর্ত্তি প্রযোজযেত্| বিল্বাদিশ্চ নিরূহঃ স্যাত্ পীলুসর্ষপমূন্নবান্| সরলাঽমরদারুভ্যাং সাধিতং চাঽনুবাসনম্||৫||
युक्तोऽल्पवीर्य्यो दोषाढ्ये रूक्षे क्रूराऽऽशयेऽथवा| बस्तिर्दोषावृतो रुद्धमार्गो रुन्ध्यात् समीरणम्| सविमार्गोऽनिलः कुर्यादाऽऽध्मानं मर्मपीडनम्| विदाहं गुदकोष्ठस्य मुष्कवंक्षणवेदनाम्| रुणद्धि हृदयं शूलैरितश्चेतश्च धावति| स्वभ्यक्तस्विन्नगात्रस्य तत्र वर्त्ति प्रयोजयेत्| बिल्वादिश्च निरूहः स्यात् पीलुसर्षपमून्नवान्| सरलाऽमरदारुभ्यां साधितं चाऽनुवासनम्||५||
🔊 Audio coming soon
যুক্ত ইত্যাদিনাঽঽধ্মানমুচ্যতে| দোষাঽঽঢ্যাদিকে পুরুষেঽল্পবীর্যো বস্তির্যুক্তো দোষৈরাবৃতত্বাদ্রুদ্ধমার্গঃ সন্ সমীরণং বাতং রুন্ধ্যাত্| সোঽনিলঃ সমীরণো রুদ্ধমার্গত্বাদ্ বিমার্গগ আধ্মনাদীন্ কুর্যাত্| ইতশ্চেতশ্চ কোষ্ঠেঽনিলে ধাবতি| তত্রাঽযোগে স্বভ্যক্তিস্বিন্নগাত্রস্য বর্তি প্রযোজযেত্| বস্তিকল্পোক্তশ্চ বিল্বাদিনিরূহঃ| পীল্বাদিমাংস্তত্র স্যাত্| সরলদেবদারুভ্যাং সাধিতমনুবাসনং স্যাত্| অর্থাত্তৈলম্| ইত্যুক্তমাধ্মানম্|| ৫||
Adhikarana shirorugA~a~akhyA vyApatsiddhishca (6) · Śloka 6
বহুদোষেঽবলে ক্রূরকোষ্ঠে বস্তিস্তনুর্মৃদুঃ| শীতোঽল্পশ্চাবৃতো দোষৈঃ প্রতিহন্তি সমীরণম্| ঊর্ধ্বং সোঽনুসরন্ দেহং কুর্যাদ্বাযুঃ শিরোরুজম্| গ্রীবাস্তম্ভং প্রতিশ্যাযং বাধির্যং দৃষ্টিবিভ্রমম্| তমুষ্ণতৈললবণপ্রদিগ্ধং স্বিন্নমর্দিতম্| তীক্ষ্ণৈর্ধূমৈঃ প্রধমনৈর্নস্যৈরাঽঽস্যবিরেচনৈঃ| বিরেকৈর্বস্তিভিশ্চাশু যোজযেদানুলোমিকৈঃ||৬||
बहुदोषेऽबले क्रूरकोष्ठे बस्तिस्तनुर्मृदुः| शीतोऽल्पश्चावृतो दोषैः प्रतिहन्ति समीरणम्| ऊर्ध्वं सोऽनुसरन् देहं कुर्याद्वायुः शिरोरुजम्| ग्रीवास्तम्भं प्रतिश्यायं बाधिर्यं दृष्टिविभ्रमम्| तमुष्णतैललवणप्रदिग्धं स्विन्नमर्दितम्| तीक्ष्णैर्धूमैः प्रधमनैर्नस्यैराऽऽस्यविरेचनैः| विरेकैर्बस्तिभिश्चाशु योजयेदानुलोमिकैः||६||
🔊 Audio coming soon
বহুদোষেত্যাদিনা শিরোরুগুচ্যতে| বহুদোষবলরহিতাদিকে তনুত্বাদিগুণে বস্তিযুক্তো দোষৈরাবৃত্বাত্ সমীরণস্য বেগপ্রতিঘাতং করোতি| স প্রতিহতো বাযুরূর্ধ্বং দেহমনুসরঞ্ছিরোরুগাদীন্ কুর্যাত্| দৃষ্টিবিভ্রমো দৃষ্টিবিকারঃ| তমাতুরমুষ্ণতৈললবণাভ্যাং প্রদিগ্ধং পশ্চাত্স্বিন্নং পশ্চাচ্চ মর্দিতং তীক্ষ্ণৈরানুলোমিকৈশ্চ ধূমাদিভির্যোজযেত্| ইত্যুক্তা শিরোরুক্|| ৬||
Adhikarana pravAhaNA~a~akhyA vyApatsiddhishca (7) · Śloka 7
স্নিগ্ধস্বিন্নে মহাদোষে বস্তির্মৃদ্বল্পভেষজঃ| উত্ক্লেশ্যাঽল্পং হরেদ্দোষং জনযেচ্চ প্রবাহিকাম্| শোফং বস্তাবপানে চ সদনং চোরুজঙ্হযোঃ| বিবন্দ্ধমারুতো জন্তুরভীক্ষ্ণং সঃ প্রবাহতে| স্বেদাভ্যঙ্গনিরূহাংশ্চ শোধনীযানুলোমিকান্| বিদধ্যাল্লঙ্ঘযিত্বা চ বৃত্তিং তস্য বিরিক্তবত্||৭||
स्निग्धस्विन्ने महादोषे बस्तिर्मृद्वल्पभेषजः| उत्क्लेश्याऽल्पं हरेद्दोषं जनयेच्च प्रवाहिकाम्| शोफं बस्तावपाने च सदनं चोरुजङ्हयोः| विबन्द्धमारुतो जन्तुरभीक्ष्णं सः प्रवाहते| स्वेदाभ्यङ्गनिरूहांश्च शोधनीयानुलोमिकान्| विदध्याल्लङ्घयित्वा च वृत्तिं तस्य विरिक्तवत्||७||
🔊 Audio coming soon
স্নিগ্ধস্বিন্নেত্যাদিনা প্রবাহণমুচ্যতে| মহাদোষেঽতিস্নিগ্ধেঽতিস্বিন্নে চ যো বস্তিরল্পশক্তিতরল্পমানশ্চ স দোষমুত্ক্লেশ্যাঽল্পং হরেত্| প্রবাহিকাং জনযেচ্চ| প্রবাহিকাযা লক্ষণমুক্তম্| বস্তিশোফাদিকং চ জাযেত| স চ জন্তুর্বিবদ্ধমারুতত্বাদত্যর্থং প্রবাহতে নিস্তনতি| তস্যাঽতিযোগিনঃ স্বেদাদীন্ বিদধ্যাত্| তস্য চ লঙ্হ্গযিত্বা বিরিক্তবত্ পেযাদিকেন বৃত্তিং বিদধ্যাত্| ইত্যুক্তং বাহনম্|| ৭||
Adhikarana UrdhvagA~a~akhyA vyApat (8) · Śloka 8
কুর্বতো বেগসংরোধং পীডিতো বাঽতিমাত্রযা| অস্নিগ্ধলবণোষ্ণ্পো বা বস্তিরল্পোঽল্পভেষজঃ| মৃদুর্বা মারুতেনোর্ধ্বং বিক্ষিপ্তো মুখনাসিকাত্| নিরেতি মূর্চ্ছাহৃল্লাসতৃড্দাহাদীন্ প্রবর্ত্তযন্||৮||
कुर्वतो वेगसंरोधं पीडितो वाऽतिमात्रया| अस्निग्धलवणोष्ण्पो वा बस्तिरल्पोऽल्पभेषजः| मृदुर्वा मारुतेनोर्ध्वं विक्षिप्तो मुखनासिकात्| निरेति मूर्च्छाहृल्लासतृड्दाहादीन् प्रवर्त्तयन्||८||
🔊 Audio coming soon
কুর্বত ইত্যাদিনোর্ধ্বগ উচ্যতে| বেগসংরোধং পুরুষস্যাঽস্নিঘ্ধত্বাদিগুণো বস্তির্মারুতেনোর্ধ্বং বিক্ষিপ্তো মুখনাসিকান্নিরেতি| মূর্চ্ছদীন্ প্রবর্ত্তযন্ অতিমাত্রযা বা প্রণীযমানঃ পীডিতঃ|| ৮||
Adhikarana mUrcCAvikAre karmavisheShaH (10) · Śloka 9
মূর্চ্ছাবিকারং দৃষ্ট্বাঽঽস্য সিঞ্চেচ্ছীতাম্বুনা মুখম্| বীজেদাক্লমনাশাচ্চ প্রাণাযামং চ কারযেত্||৯||
मूर्च्छाविकारं दृष्ट्वाऽऽस्य सिञ्चेच्छीताम्बुना मुखम्| वीजेदाक्लमनाशाच्च प्राणायामं च कारयेत्||९||
🔊 Audio coming soon
অস্য ত্বাঽঽতুরস্য মূর্চ্ছাবিকারং দৃষ্ট্বা ঝটিতি শীতাম্বুনা মুখং সিঞ্চেত্| এবং হি বস্তিরূর্ধ্বং ন যাতি| যাবচ্চক্লমনাশস্তাবদ্ব্যজনৈর্বীজেত্| ততশ্চ প্রাণাযামং শ্বাসরোধং কারযেত্|| ১০||
Adhikarana basteradhaHpravarttanArthamupAyAH (11) · Śloka 11
পৃষ্ঠপার্শ্বোদরং মৃদ্যাত্ করৈরুষ্ণৈরধোমুখম্| কেশেষূত্ক্ষিপ্য ধুন্বীত ভাযযেদ্ব্যালদংষ্ট্রিভিঃ| শস্ত্রোল্কারাজপুরুষৈর্বস্তিরেতি তথা হ্যধঃ||১১||
पृष्ठपार्श्वोदरं मृद्यात् करैरुष्णैरधोमुखम्| केशेषूत्क्षिप्य धुन्वीत भाययेद्व्यालदंष्ट्रिभिः| शस्त्रोल्काराजपुरुषैर्बस्तिरेति तथा ह्यधः||११||
🔊 Audio coming soon
উষ্ণৈশ্চ করৈরধোমুখমাতুরস্য পৃষ্ঠাদিকং মৃদ্যাত্| তঞ্চ কেশেষূত্ক্ষিপ্য ধুন্বীত| ব্যালাদিভিশ্চ ভাযযেত্| তথা হ্যূর্ধ্বং প্রবর্ত্তমানো বস্তিরধ এবৈতি|| ১১||
Adhikarana galapIDAdikarmANi (12) · Śloka 12
পাণিবস্ত্রৈর্গলাপীডং কুর্যান্ন ম্রিযতে যথা| প্রাণোদাননিরোধাদ্ধি সুপ্রসিদ্ধতরাযনঃ| অপানঃ পবনো বস্তিং তমাশ্বেবাপকর্ষতি||১২||
पाणिवस्त्रैर्गलापीडं कुर्यान्न म्रियते यथा| प्राणोदाननिरोधाद्धि सुप्रसिद्धतरायनः| अपानः पवनो बस्तिं तमाश्वेवापकर्षति||१२||
🔊 Audio coming soon
তস্য চ মরণং রক্ষন্ পাণ্যাদিভির্গলাপীডং কুর্যাত্| এবং হি প্রাণস্যোদানস্য চ নোরিধাদপানঃ সুপ্রসিদ্ধতরমার্গঃ সন্ তং বস্তিমাশ্বেবাঽপকর্ষতি|| ১২||
Adhikarana anulomanArthamauShadhaprayogaH (13) · Śloka 13
কুষ্ঠকমুককল্কং চ পাযযেদম্লসংযুতম্| ঔষ্ণ্যাত্তৈক্ষ্ণ্যাত্সরত্বাচ্চ বস্তিং সোঽস্যানুলোমযেত্| গোমূত্রেণ ত্রিবৃত্পথ্যাকল্কং বাঽধোঽনুলোমনম্||১৩||
कुष्ठकमुककल्कं च पाययेदम्लसंयुतम्| औष्ण्यात्तैक्ष्ण्यात्सरत्वाच्च बस्तिं सोऽस्यानुलोमयेत्| गोमूत्रेण त्रिवृत्पथ्याकल्कं वाऽधोऽनुलोमनम्||१३||
🔊 Audio coming soon
তঞ্চ কুষ্ঠক্রমুকযোঃ কল্কমম্লেন কাঞ্জিকাদিনা পাযযেত্| ক্রমুকং লোধ্রম্| স কল্কোঽস্যাঽঽতুরস্যৌষ্ণ্যাদিনা বস্তিমূর্ধ্বং প্রবর্ত্তমানমধোঽনুলোমযেত্| অথবা ত্রিবৃত্পথ্যাকল্কং গোমূত্রেণ পাযযেত্||১৩||
Adhikarana pakvAshayasthite bastivisheShaprayogaH (14) · Śloka 14
পক্বাশযস্থিতে স্বিন্নে নিরূহো দাশমূলিকঃ| যবকোলকুলত্থৈশ্চ বিধেযো মূত্রসাধিতৈঃ| বস্তির্গোমূত্রসিদ্ধৈর্বা সাঽমৃতাবংশপল্লবৈঃ| পূতাকরঞ্জত্বক্পত্রশঠীদেবাহ্বরোহিষৈঃ| সতৈলগুডসিন্ধূত্থো বিরেকৌষধকল্কবান্||১৪||
पक्वाशयस्थिते स्विन्ने निरूहो दाशमूलिकः| यवकोलकुलत्थैश्च विधेयो मूत्रसाधितैः| बस्तिर्गोमूत्रसिद्धैर्वा साऽमृतावंशपल्लवैः| पूताकरञ्जत्वक्पत्रशठीदेवाह्वरोहिषैः| सतैलगुडसिन्धूत्थो विरेकौषधकल्कवान्||१४||
🔊 Audio coming soon
পক্বাশযস্থে বস্থৌ স্বিন্নে পুরুষো দাশমূলিকো নিরূহো বিধেযঃ| যবাদিভিশ্চ মূত্রসাধিতৈর্বস্তির্বিধেযঃ| অথবা পূতীকরঞ্জাদিভিরমৃতাবংশপল্লবাভ্যাং যুক্তঃ সতৈলাদিকো বিরেচনদ্রব্যকল্কবান্ বস্তির্বিধেযঃ|| ১৪||
Adhikarana uraHshiraHsthitayoH kiryAvisheShaH (15) · Śloka 15
বিল্বাদিপঞ্চমূলেন সিদ্ধো বস্তিরুরঃস্থিতে| শিরস্থে নাবনং ধূমঃ প্রচ্ছাদ্যং সর্ষপৈঃ শিরঃ||১৫||
बिल्वादिपञ्चमूलेन सिद्धो बस्तिरुरःस्थिते| शिरस्थे नावनं धूमः प्रच्छाद्यं सर्षपैः शिरः||१५||
🔊 Audio coming soon
উরঃস্থিতে বস্তৌ বিল্বাদিপঞ্চমূলেন সিদ্ধো বস্তির্বিধেযঃ| শিরঃপ্রাপ্তে বস্তৌ নাবনাদিকম্| ইত্যুক্তাঃ ষড্যোগাপদঃ|| ১৫||
Adhikarana kukShishUlAkhyA vyApatsiddhishca (16) · Śloka 16
বস্তিরত্যুষ্ণতীক্ষ্ণাম্লঘনোঽতিস্বেদিতস্য বা| অল্পদোষে মৃদৌ কোষ্ঠে প্রযুক্তো বা পুনঃ পুনঃ| অতিযোগত্বমাপন্নঃ কুক্ষিশূলকরো ভবেত্| বিরেচনাতিযোগেন স তুল্যাকৃতিসাধনঃ| পৃশ্নিপর্ণী স্থিরাং পদ্মং কাশ্মর্যং মধুকোত্পলে| পিষ্ট্বা দ্রাক্ষাং মধূকং চ ক্ষীরে তণ্ডুলধাবনে| দ্রাক্ষাযঃ পক্বলোষ্টস্য প্রসাদে মধুকস্য বা| বিনীয সঘৃতং বস্তিং যুঞ্জ্যাদ্দাহেঽতিযোগজে||১৬||
बस्तिरत्युष्णतीक्ष्णाम्लघनोऽतिस्वेदितस्य वा| अल्पदोषे मृदौ कोष्ठे प्रयुक्तो वा पुनः पुनः| अतियोगत्वमापन्नः कुक्षिशूलकरो भवेत्| विरेचनातियोगेन स तुल्याकृतिसाधनः| पृश्निपर्णी स्थिरां पद्मं काश्मर्यं मधुकोत्पले| पिष्ट्वा द्राक्षां मधूकं च क्षीरे तण्डुलधावने| द्राक्षायः पक्वलोष्टस्य प्रसादे मधुकस्य वा| विनीय सघृतं बस्तिं युञ्ज्याद्दाहेऽतियोगजे||१६||
🔊 Audio coming soon
বস্তিরিত্যাদিনাঽতিযোগাপদ উচ্যন্তে| উষ্ণাদিগুণবান্ বস্তিঃ প্রযুক্তোঽরিস্বেদিতস্য বা প্রযুক্তঃ অল্পদোষাদিকে বা পুনঃ পুনঃ প্রযুক্তোঽতিযোগমাপন্নঃ সন্ কুক্ষিরুজাকরো ভবেত্| সোঽতিযোগো বিরেচনাঽতিযোগেন তুল্যলক্ষণস্তুল্যসাধনশ্চ| বস্ত্যতিযোগজদাহে পৃশ্নিপর্ণ্যাদিকং পিষ্ট্বা ক্ষীরাদীনামন্যতমং বিনীয নিক্ষিপ্য সঘৃতং বস্তিং যুঞ্জ্যাত্| ইত্যুক্রং কুক্ষিশূলম্|| ১৬||
Adhikarana a~ggarugA~a~akhyA vyApatsiddhashca (17) · Śloka 17
স্নেহস্বেদৈরসম্পাদ্য গুরুতীক্ষ্ণোঽতিমাত্রকঃ| দুঃস্থিতায প্রণিহিতো বস্তির্দুঃশোধিতায বা| অতিপ্রবৃত্তো মরুতং কোপযেত্ স বিমার্গগঃ| করোত্যঙ্গরুজাং জৃম্ভাং স্তম্ভং ভেদঞ্চ পর্বণাম্| তং তৈললবণাঽভ্যক্তং স্বেদিতং প্রস্তরাদিভিঃ| বিল্বকোলযবৈরণ্ডবর্ষাভূবৃহতীদ্বযৈঃ| সকুলত্থৈঃ শৃতং মস্তু ফলসৌবীরকান্বিতৈঃ| আস্থাপযেত্সসিন্ধূত্থৈর্জাঙ্গলৈরাঽঽশিতং রসৈঃ| তৈলেনাঽনিলজিদ্ দ্রব্যবিপক্বেনাঽনুবাসযেত্||১৭||
स्नेहस्वेदैरसम्पाद्य गुरुतीक्ष्णोऽतिमात्रकः| दुःस्थिताय प्रणिहितो बस्तिर्दुःशोधिताय वा| अतिप्रवृत्तो मरुतं कोपयेत् स विमार्गगः| करोत्यङ्गरुजां जृम्भां स्तम्भं भेदञ्च पर्वणाम्| तं तैललवणाऽभ्यक्तं स्वेदितं प्रस्तरादिभिः| बिल्वकोलयवैरण्डवर्षाभूबृहतीद्वयैः| सकुलत्थैः शृतं मस्तु फलसौवीरकान्वितैः| आस्थापयेत्ससिन्धूत्थैर्जाङ्गलैराऽऽशितं रसैः| तैलेनाऽनिलजिद् द्रव्यविपक्वेनाऽनुवासयेत्||१७||
🔊 Audio coming soon
স্নেহেত্যাদিনাঽঙ্গুরুগুচ্যতে| স্নেহস্বেদাভ্যাং অসম্পাদ্যাঽনিষ্পন্নং কৃত্বা গুর্বাদিকো বস্তিরতিযোগং প্রবৃত্তঃ সন্ মরুতং কোপযেত্| সকুপিতো মরুদ্বিমার্গগতঃ সন্নঙ্গরুজাদিকং করোতি| অন্যস্মৈ দুঃশোধিতায বা| তমতিযোগিনং তৈললবণাভ্যামভ্যক্তং প্রস্তরাদিভিশ্চ স্বেদবিধ্যুক্তৈঃ স্বেদিতং বিল্বাদিভির্মস্ত্বাদ্যন্বিতৈঃ শৃতৈঃ সসিন্ধূত্থৈশ্চাঽঽস্থাপযেত্| অনু চ জাঙ্গলৈ রসৈরশিতং ভোজিতং বাতহরদ্রব্য সিদ্ধেন তৈলেনাঽনুবাসযেত্| ইত্যুক্তাঽঙ্গরুক্|| ১৭ ||
Adhikarana hidhmAkhyA vyApatsiddhishca (18) · Śloka 18
মৃদুকোষ্ঠেঽবলে বস্তিরতিতীক্ষ্ণোঽতিনির্হরন্| কুর্যাদ্ধিধ্মাং হিতং তত্র হিধ্মাঘ্নং বৃংহণঞ্চ যত্| বলাবৃহত্যাদিবরাকাশ্মর্যফলসৈন্ধবৈঃ| সপ্রসন্নারনালাম্লৈস্তৈলং পক্ত্বাঽনুবাসযেত্| উষ্ণাম্বুনাঽক্ষং পিপ্পল্যা দদ্যাল্লবণসংযুতম্| ধূমলেহরসক্ষীরস্বেদাংশ্চান্নং চ বাতজিত্||১৮||
मृदुकोष्ठेऽबले बस्तिरतितीक्ष्णोऽतिनिर्हरन्| कुर्याद्धिध्मां हितं तत्र हिध्माघ्नं बृंहणञ्च यत्| बलाबृहत्यादिवराकाश्मर्यफलसैन्धवैः| सप्रसन्नारनालाम्लैस्तैलं पक्त्वाऽनुवासयेत्| उष्णाम्बुनाऽक्षं पिप्पल्या दद्याल्लवणसंयुतम्| धूमलेहरसक्षीरस्वेदांश्चान्नं च वातजित्||१८||
🔊 Audio coming soon
মৃদুকোষ্ঠ ইত্যাদিনা হিধ্মোচ্যতে| মৃদুকোষ্ঠবলরহিতাদিকেঽতিতীক্ষ্ণো বস্তিরতিনির্হরন্ দোষং হিধ্মাং কুর্যাত্| তত্র হিধ্মাচিকিত্সিতমন্যদ্ বৃংহণং চ হিতম্| ততো বলাবৃহত্যাদিভিঃ প্রসন্নাদিভিশ্চ তৈলং পক্ত্বাঽনুবাসযেত্| বৃহত্যাদিলঘুপঞ্চমূলম্| আরনালাঽম্লমম্লাঽঽরনালম্| অক্ষং কর্ষং পিপ্পল্যাঃ| লবণেন যুক্তমুষ্ণাম্বুনা দদ্যাত্| ধূমাদিংশ্চ বাতনুদন্নং চ দদ্যাত্| ইত্যুক্তা হিধ্মা|| ১৮||
Adhikarana hRutpIDA~a~akhyA vyApatsiddhishca (19) · Śloka 19
অতিতীক্ষ্ণঃ সবাতো বা ন বা সম্যক্প্রপীডিতঃ| ঘট্টযোদ্দৃদযং বস্তিস্তত্র কাশকুশোত্কটৈঃ| স্যাত্ সাম্লবণস্কন্ধকরীরবদরীনলৈঃ| শৃতৈর্বস্তির্হিতঃ সিদ্ধো বাতঘ্নৈশ্চাঽনুবাসনম্||১৯||
अतितीक्ष्णः सवातो वा न वा सम्यक्प्रपीडितः| घट्टयोद्दृदयं बस्तिस्तत्र काशकुशोत्कटैः| स्यात् साम्लवणस्कन्धकरीरबदरीनलैः| शृतैर्बस्तिर्हितः सिद्धो वातघ्नैश्चाऽनुवासनम्||१९||
🔊 Audio coming soon
অতিতীক্ষ্ণ ইত্যাদিনা হৃত্পীডোচ্যতে| অতিতীক্ষ্ণাদিগুণো বস্তি-র্হৃদযং ঘট্টযেত্| সবাতো বা বস্তির্যো নিঃশেষপীডিতঃ স চ| তত্র হৃদযঘট্টনেঽম্লস্কন্ধলবণস্কন্ধাদিভিঃ কাসাদিভিশ্চ স্যাত্| ইত্যুক্তা হৃত্পীডা|| ১৯||
Adhikarana parikarttanAkhyA vyApatsiddhishca (20) · Śloka 20
মৃদুকোষ্ঠাল্পদোষস্য রূক্ষতীক্ষ্ণাঽতিমাত্রকঃ| হৃত্বা বস্তির্মলাঞ্ছীঘ্রং বাতপিত্তে প্রকোপযেত্| নাভিবস্তিগুদাংস্তে হি কৃন্ততোঽস্য মুহুর্মুহুঃ| বিবর্ণাঽল্পাঽল্পমুত্থানং বস্তির্নিলেখনাদ্ভবেত্| স্বাদুশীতৌষধৈস্তত্র পযস্যেক্ষ্বাদিভিঃ শৃতঃ| যষ্ট্যাহ্বতিলকল্কেন বস্তিঃ স্যাত্ক্ষীরভোজিনঃ| সসর্জরসযষ্ট্যাহ্বং জিঙ্গিণীকর্দমাঞ্জনম্| বিনীযঃ দুগ্ধে বস্তিঃ স্যাদ্বযক্তাম্লরসভোজিনঃ| পিচ্ছিলশ্চ হিতো বস্তিঃ স্নেহশ্চ মধুরৈঃ শৃতঃ||২০||
मृदुकोष्ठाल्पदोषस्य रूक्षतीक्ष्णाऽतिमात्रकः| हृत्वा बस्तिर्मलाञ्छीघ्रं वातपित्ते प्रकोपयेत्| नाभिबस्तिगुदांस्ते हि कृन्ततोऽस्य मुहुर्मुहुः| विवर्णाऽल्पाऽल्पमुत्थानं बस्तिर्निलेखनाद्भवेत्| स्वादुशीतौषधैस्तत्र पयस्येक्ष्वादिभिः शृतः| यष्ट्याह्वतिलकल्केन बस्तिः स्यात्क्षीरभोजिनः| ससर्जरसयष्ट्याह्वं जिङ्गिणीकर्दमाञ्जनम्| विनीयः दुग्धे बस्तिः स्याद्वयक्ताम्लरसभोजिनः| पिच्छिलश्च हितो बस्तिः स्नेहश्च मधुरैः शृतः||२०||
🔊 Audio coming soon
মৃদুকোষ্ঠ ইত্যাদিনা পরিকর্ত্তনমুচ্যতে| মৃদুকোষ্ঠত্বাদিযুক্তস্য রূক্ষাদিগুণো বস্তির্মলান্ হৃত্বা শীঘ্রং বাতপিত্তে প্রকোপযেত্| অস্য চাঽঽতুরস্য তে বাতপিত্তে নাভ্যাদীন্ মুহুর্মুহুঃ কৃন্ততঃ| বস্তেশ্চ মূত্রাধারস্য নির্লেখনাদ্ বিবর্ণাদিগুণমুত্থানং ভবেত্| তত্র পযস্যাদিভিঃ স্বাদুশীতৈঃ শৃতো যষ্ট্যাঽঽহ্বতিলযোঃ কল্কেন যুক্তো বস্তিঃ ক্ষীরভোজিনঃ পুরুষস্য স্যাত্| জিঙ্গিণ্যাদিকং সসর্জরসাদি দুগ্ধে বিনীয বস্তিঃ স্যাত্| আম্লোত্কটং মাংসরসং যো ভুংক্তো তস্য পিচ্ছিলো বস্তিকল্পোক্তো বস্তিশ্চ হিতঃ| মধুরৈশ্চ শৃতঃ স্নেহোঽনুবাসনে হিতঃ| ইত্যুক্তং কর্ত্তনম্|| ২০||
Adhikarana parisrAvA~a~akhyA vyApatsiddhishca (21) · Śloka 21
বস্তিঃ ক্ষারাম্লতীক্ষ্ণোষ্ণলবণঃ পৈত্তিকস্য বা| গুদং লিখন্ দহন্ ক্ষিণ্বন্ করোত্যস্রপরিস্রবম্| স বিদগ্ধং স্রবত্যস্রং বর্ণৈঃ পিত্তং চ ভূরিভিঃ| বহুশশ্চাঽতিযোগেন মোহং গচ্ছতি চাঽসকৃত্| তত্রাঽঽদ্রৈঃ শাল্মলীপত্রৈঃ ক্ষুণ্ণৈরাজং পযঃ শৃতম্| পূতং ঘৃতান্বিতং বস্তিং দদ্যাদন্যাংশ্চ পিচ্ছিলান্| বটাদিপল্লবেষ্বেবং কল্পো যবতিলেষু চ| সুবর্চলোপোদকযোঃ কচ্ছুদারে চ শস্যতে| গুদে চ শীতমধুরান্ কুর্যাত্ সেকপ্রলেপনান্| রক্তপিত্তাতিসারঘ্নী ক্রিযা চাঽত্র প্রশস্যতে| দাহাদিষু ত্রিবৃত্কল্কং মৃদ্বীকাবারিণা পিবেত্| তদ্ধি পিত্তশকৃদ্বাতান্ হত্বা দাহাদিকাঞ্জযেত্| বিশুদ্ধশ্চ পিবেচ্ছীতাং যবাগূং শর্করাযুতাম্| যুঞ্জ্যাদ্বাঽতিবিরিক্তস্য ক্ষীণবিট্কস্য ভোজনম্| মাষযূষেণ কুল্মষান্ পানং দধ্যথবা সুরাম্||২১||
बस्तिः क्षाराम्लतीक्ष्णोष्णलवणः पैत्तिकस्य वा| गुदं लिखन् दहन् क्षिण्वन् करोत्यस्रपरिस्रवम्| स विदग्धं स्रवत्यस्रं वर्णैः पित्तं च भूरिभिः| बहुशश्चाऽतियोगेन मोहं गच्छति चाऽसकृत्| तत्राऽऽद्रैः शाल्मलीपत्रैः क्षुण्णैराजं पयः शृतम्| पूतं घृतान्वितं बस्तिं दद्यादन्यांश्च पिच्छिलान्| वटादिपल्लवेष्वेवं कल्पो यवतिलेषु च| सुवर्चलोपोदकयोः कच्छुदारे च शस्यते| गुदे च शीतमधुरान् कुर्यात् सेकप्रलेपनान्| रक्तपित्तातिसारघ्नी क्रिया चाऽत्र प्रशस्यते| दाहादिषु त्रिवृत्कल्कं मृद्वीकावारिणा पिबेत्| तद्धि पित्तशकृद्वातान् हत्वा दाहादिकाञ्जयेत्| विशुद्धश्च पिबेच्छीतां यवागूं शर्करायुताम्| युञ्ज्याद्वाऽतिविरिक्तस्य क्षीणविट्कस्य भोजनम्| माषयूषेण कुल्मषान् पानं दध्यथवा सुराम्||२१||
🔊 Audio coming soon
বস্তিরিত্যাদিনা পরিস্রব উচ্যতে| অথবা পৈত্তিকস্য ক্ষারাদিগুণো বস্তির্গুদদাহাদিকং কুর্বন্নস্রপরিস্রবং করোতি| স পরিস্রববান্ বিদগ্ধমসৃগ্ বহুভির্বণৈঃ স্রবতি| পিত্তশ্চ তথাবিধমনেকবর্ণং স্রবত্য-তিযোগেন| অসকৃচ্চাঽসৌ মোহং গচ্ছতি| তত্রাঽঽদ্রৈঃ শাল্মলীপত্রৈঃ শৃতং পযঃ পূতং ঘৃতান্বিতং চ বস্তিং দদ্যাত্| অন্যাংশ্চ পূর্বোক্তান্ পিচ্ছিলান্ বস্তীন্ দদ্যাত্| এষ চ শাল্মলীপত্রকল্পো বটাদিপল্লবেষু যবতিলানাং পল্লবেষ্বপীষ্টঃ সুবর্চলাদীনাং চ শস্যতে| গুদে চ শীতাদিগুণান্ সেকান্ প্রলেপাংশ্চ কুর্যাত্| অত্র চ রক্তপিত্তঘ্নী ক্রিযা শস্যতে রক্তাঽতিসারঘ্নী চ| দাহাদিষু দ্রাক্ষমৃদিতবারিণা ত্রিবৃত্কল্কং পিবেত্| তত্ ত্রিবৃত্কল্কযুক্তং মৃদ্বীকাবারি পিত্তাদীন্ হত্বা দাহাদিকান্ জযেত্| তেন চ বিশুদ্ধো যবাগূং শর্করাযুতাং পিবেত্| অথবা যোঽতিবিরিক্ততযা ক্ষীণবিট্কস্তস্য মাষয়ূষেণ ভোজনং যুঞ্জ্যাত্| কুল্মাষান্ বা যুঞ্জ্যাত্| কুল্মাষঃ স্বিন্নসস্যম্| পানং তু দধি বা সুরাং বা যুঞ্জ্যাত্| ইত্যুক্তাঃ ষডতিযোগাঽঽপদঃ|| ২১||
Adhikarana atiyogAdiShu sAmAnyaM bheShajam (22) · Śloka 22
আমং যঃ কুণপং রুগ্বানুপবেশ্যেত সাঽরুচিঃ| স ঘনাঽতিবিষাকুষ্ঠনাতদারুবচাঃ পিবেত্| শকৃদ্বাতমসৃক্পিত্তং কফং বা যোঽতিসার্যাতে| পক্বং তত্র স্ববগীর্যো বস্তিঃ শ্রেষ্ঠং ভিষগ্জিতম্||২২||
आमं यः कुणपं रुग्वानुपवेश्येत साऽरुचिः| स घनाऽतिविषाकुष्ठनातदारुवचाः पिबेत्| शकृद्वातमसृक्पित्तं कफं वा योऽतिसार्याते| पक्वं तत्र स्ववगीर्यो बस्तिः श्रेष्ठं भिषग्जितम्||२२||
🔊 Audio coming soon
যস্তু পুরুষো রুগ্বানাঽঽমং কুণপং দুর্গন্ধমুপবেশ্যেতাঽরুচ্যা যুক্তঃ স ঘনাদিকং জলেন পিবেত্| অস্মিংশ্চাঽতিযোগে শকৃদাদিকং পক্বং যোঽতিসার্যতে তত্র স্ববর্গীয আত্মীযৌষধনির্বৃত্তো বস্তিঃ শ্রেষ্ঠং ভিষগ্জিতম্| শকৃদতিসারে সূত্রোক্তেন পুরীষসংগ্রহণেন বর্গেণ বস্তিঃ| এবং বাতাদীনামপি স্বশব্দার্থো ব্যাখ্যেযঃ|| ২২||
Adhikarana vyApadaH saMsargabhedAdvibhinnatvam (23) · Śloka 23
ষণ্ণামেষাং দ্বিসংসর্গাত্ত্রিংশদ্ভেদা ভবন্তি তু| কেবলৈঃ সহ ষট্ত্রিংশদ্বিদ্যাত্সোপদ্রবাংশ্চ তান্| শূলপ্রবাহিকাঽঽধ্মানপরিকর্ত্তাঽরুচিজ্বরান্| তৃণ্মোহদাহমূর্চ্ছাদীংশ্চৈষাং বিদ্যাদুপদ্রবান্||২৩||
षण्णामेषां द्विसंसर्गात्त्रिंशद्भेदा भवन्ति तु| केवलैः सह षट्त्रिंशद्विद्यात्सोपद्रवांश्च तान्| शूलप्रवाहिकाऽऽध्मानपरिकर्त्ताऽरुचिज्वरान्| तृण्मोहदाहमूर्च्छादींश्चैषां विद्यादुपद्रवान्||२३||
🔊 Audio coming soon
এষাং চাঽঽমাদীনাং ষণ্ণাং দ্বিসংসর্গাত্ দ্বিসংযোগেন ত্রিংশদ্ভেদা ভবন্তি| কেবলৈশ্চাঽঽমাদিভিঃ ষট্| এবং ষট্ত্রিংশদতীসারভেদানুপদ্রবৈঃ সহ ভিষগ্ বিদ্যাত্| তত্রাঽঽমাদিভির্মিশ্রিতাঃ| সামং শকৃত্ সামবাযুস্তথা সামং চ লোহিতম্| আমেন সংযুতং পিত্তং কফঃ সামস্তথৈব চ| শকৃদ্বাতঃ শকৃদসৃক্ শকৃত্কফঃ| বাতরক্তং বাতপিত্তং তথা বাতকফং বিদুঃ| অসৃক্পিত্তং রক্তকফং পিত্তং সকফমেব চ| ইত্যেকস্য প্রাধান্যেন পঞ্চদশ| তদ্যথা-শকৃদাঽঽমঃ সবাতাঽঽমঃ শোণিতাঽঽমস্তথাঽপরঃ| পিত্তামশ্চ বলাসামো বাতবিড্রক্তবিট্ তথা| পিত্তবিট্কফবিট্ চৈব রক্তবাতস্তথাঽপরঃ| পিত্তবাতঃ কফমরুত্পিত্তেনাঽসৃক্কফেন চ| কফপিত্তমিতি ত্রিংশদ্ভেদাঃ ষট্ কেবলৈস্তথা| অথ তেষামুপদ্রবানাহ-শূলেত্যাদি| যথাসম্ভবং যোজ্যম্| আদিশব্দ এবঞ্জাতীযগ্রহণার্থঃ||২৩||
Adhikarana saMsargajAnAM vyApadAM cikitsA (24) · Śloka 24
তত্রাঽঽমেঽন্তরপানং তু কট্বম্ললবণৈর্যুতম্| পাচনং শস্যতে বস্তিরাঽঽমে হি প্রতিষিধ্যতে| বাতঘ্নগ্রাহিবর্গীযো বস্তিঃ শকৃতি শস্যতে| স্বাদ্বম্লো ব্যক্তলবণঃ স্নেহবস্তিঃ সমীরণে| রক্তে রক্তেন পিত্তে তু কষাযস্বাদুতিক্তকঃ| সার্যমাণে কফে বস্তিঃ কষাযকটুতিক্তকঃ| শকৃতা বাযুনা বাঽঽমে তেন বর্চসি বাঽনিলে| সংসৃষ্টেঽন্তরপানং স্যাত্ কট্বম্ললবণৈর্যুতম্| পিত্তেনামেঽসৃজা তদ্বত্তযোরাঽঽমেন বা পুনঃ| সংসৃষ্টযোর্ভবেত্ পানং সকটুস্বাদুতিক্তকম্| তথাঽঽমে কফসংসৃষ্টে কষাযকটুতিক্তকম্| আমেন তু কফে যুক্তে কষাযলবণোষণম্| বাতেন বিশি পিত্তে বা বিট্পিত্তাঽস্রৈস্তথাঽনিলে| স্যাত্ কষাযাম্লমধুরঃ সংসৃষ্টে বস্তিরুত্তমঃ| বস্তির্বাতেন রক্তে তু কার্যঃ স্বাদ্বম্লতিক্তকঃ| শকৃচ্ছোণিতযোঃ পিত্তশকৃতোরস্রপিত্তযোঃ| বস্তিরন্যোন্যসংসর্গে কষাযস্বাদুতিক্তকঃ| কফেন্ বিশি পিত্তে বা কফে বিট্পিত্তশোণিতৈঃ| কটুতিক্তকষাযঃ স্যাত্ সংসৃষ্টে বস্তিরুত্তমঃ| মধুরোষণতিক্তস্তু রক্তে কফবিমূর্চ্ছিতে| মারুতে কফসংসৃষ্টে কট্বম্ললবণো ভবেত্| স্যাদ্বস্তিঃ কটুতিক্তাম্লঃ সংসৃষ্টে বাযুনা কফে||২৪||
तत्राऽऽमेऽन्तरपानं तु कट्वम्ललवणैर्युतम्| पाचनं शस्यते बस्तिराऽऽमे हि प्रतिषिध्यते| वातघ्नग्राहिवर्गीयो बस्तिः शकृति शस्यते| स्वाद्वम्लो व्यक्तलवणः स्नेहबस्तिः समीरणे| रक्ते रक्तेन पित्ते तु कषायस्वादुतिक्तकः| सार्यमाणे कफे बस्तिः कषायकटुतिक्तकः| शकृता वायुना वाऽऽमे तेन वर्चसि वाऽनिले| संसृष्टेऽन्तरपानं स्यात् कट्वम्ललवणैर्युतम्| पित्तेनामेऽसृजा तद्वत्तयोराऽऽमेन वा पुनः| संसृष्टयोर्भवेत् पानं सकटुस्वादुतिक्तकम्| तथाऽऽमे कफसंसृष्टे कषायकटुतिक्तकम्| आमेन तु कफे युक्ते कषायलवणोषणम्| वातेन विशि पित्ते वा विट्पित्ताऽस्रैस्तथाऽनिले| स्यात् कषायाम्लमधुरः संसृष्टे बस्तिरुत्तमः| बस्तिर्वातेन रक्ते तु कार्यः स्वाद्वम्लतिक्तकः| शकृच्छोणितयोः पित्तशकृतोरस्रपित्तयोः| बस्तिरन्योन्यसंसर्गे कषायस्वादुतिक्तकः| कफेन् विशि पित्ते वा कफे विट्पित्तशोणितैः| कटुतिक्तकषायः स्यात् संसृष्टे बस्तिरुत्तमः| मधुरोषणतिक्तस्तु रक्ते कफविमूर्च्छिते| मारुते कफसंसृष्टे कट्वम्ललवणो भवेत्| स्याद्वस्तिः कटुतिक्ताम्लः संसृष्टे वायुना कफे||२४||
🔊 Audio coming soon
তত্রেত্যাদিনা ষট্ত্রিংশতশ্চিকিত্সা| আমে কেবলে কট্বাদিগুণৈরৌষধৈর্যুক্তমন্তরপানকং মুখেন যোজ্যং শস্যতে| কিং তদাঽঽহ| পাচনম্| যত আমে বস্তিঃ প্রতিষিধ্যতে| কেবলে শকৃতি বাতঘ্ন-বর্গসিদ্ধো বা বস্তিঃ সংগ্রহণসিদ্ধো বা| কেবলে সমীরণে স্নেবস্তি-র্যঃ স্বাদ্বম্লঃ প্রভূতলবণশ্চ| কেবলে রক্তে কষাযাদিগুণো বস্তিঃ| তথাবিধ এব পিত্তপ্রধানে রক্তপিত্তে| কেবলে কফে সার্যমাণেঽতিসার্যতি কষাযকটুতিক্তকো বস্তিঃ| আমপ্রধানে শকৃতি শকৃদাঽঽমে অন্তরপানকং মুখযোজ্যং কট্বাদিগুণদ্রব্যযুক্তম্| বাযুনা বা যুক্তে প্রধানে আমে তদেব| তেন চাঽঽমেন যুক্তে প্রধানে বর্চসি তদেব| তেন বাঽঽমেন যুক্তে প্রধানেঽনিলে তদেব| পিত্তেন যুক্তে প্রধানে আমে তদ্বত্| তদ্বদিতি কট্বম্ললবণৈর্যুক্তমন্তরপানম্| অসৃজা যুক্তে প্রধানে আমে তদ্বদেব| তযোঃ পিত্তাঽসৃজোরামেন সংসৃষ্টযোঃ সকটুস্বাদুতিক্তকং পানং ভবেত্| তেন পিত্তপ্রধানমামপিত্তমুক্তম্| রক্তপ্রধানং চাঽঽমরক্তম্| কফসংসৃষ্টে প্রধানে আমে কষাযাদিগুণদ্রব্যযুক্তমন্তরপানম্| আমেন যুক্তে প্রধানে কফে কষাযলবণোষণমন্তরপানম্| বাতেন সংসৃষ্টে প্রধানে শকৃতি কষাযাদিগুণো বস্তিরুত্তমঃ স্যাত্| বাতেন সংসৃষ্টে প্রধানে পিত্তে স এব বস্তিঃ| বিডা চ সংসৃষ্টে প্রধানে স এব| পিত্তেন চ সংসৃষ্টে প্রধানেঽনিলে স এব| অস্রেণ চ সংসৃষ্টে প্রধানেঽনিলে স এব| বাতেন সংসৃষ্টে প্রধানে রক্তে স্বাদ্বাদিগুণো বস্তিঃ কার্যঃ| শকৃচ্ছোণিতযোরন্যোন্যসংসর্গে শকৃত্প্রাধান্যে বা কষাযাদিগুণো বস্তিঃ কার্যঃ| এবং পিত্তশকৃতোঽন্যোন্যসংসর্গে পিত্তপ্রাধান্যে শকৃত্ প্রাধান্যে চ কষাযাদিগুণঃ| রক্তপিত্তযোরপি রক্তপ্রাধান্যে পিত্তপ্রাধান্যে চ| কফেন যুক্তে প্রধানে শকৃতি কট্বাদিগুণো বস্তিরুত্তমঃ স্যাত্| কফেন সংসৃষ্টে পিত্তে স এব| বিশাপিত্তেন রক্তেন চ সংসৃষ্টে প্রধানে কফে স এব| কফেন বিমূর্চ্ছিতে সংসৃষ্টে প্রধানে রক্তে মধুরাদিগুণো বস্তিঃ| কফেন সংসৃষ্টে মারুতে কট্বাদিগুণো বস্তির্ভবেত্| বাযুনা সংসৃষ্টে প্রধানে কফে কট্বাদিগুণো বস্তিঃ স্যাত্| ইতি ষট্ত্রিংশতো ভেদানাং চিকিত্সোক্তা|| ২৪||
Adhikarana atideshena rogAntareShUpayuktaM cikitsAsUtram (25) · Śloka 25
ত্রিচতুঃ পঞ্চষড্যোগানেবমেব বিকল্পযেত্| যুক্তিশ্চৈষাঽতিসারোক্তা সর্বরোগেষ্বপি স্মৃতা||২৫||
त्रिचतुः पञ्चषड्योगानेवमेव विकल्पयेत्| युक्तिश्चैषाऽतिसारोक्ता सर्वरोगेष्वपि स्मृता||२५||
🔊 Audio coming soon
অন্যা দ্বিসংসর্গযুক্ত্যা ত্র্যাদিসঙ্খ্যাযোগন্ বিকল্পযেত্| ন কেবলমতিসারেষ্বেবৈতদ্যথা বিধিবিষযং রসযোজনং বোদ্ধব্যম্| যাবত্ সর্বরোগেষ্বপি আমাদিকৃতেষ্বেতদেব সংযোজনং যথাবিষযং বোদ্ধব্যম্||২৫||
Adhikarana sarvasaMsargeShu sAmAnyaM bheShajam (26) · Śloka 26
যুগপত্ ষড্রসং ষণ্ণাং সম্সর্গে পাচনং ভবেত্||২৬||
युगपत् षड्रसं षण्णां सम्सर्गे पाचनं भवेत्||२६||
🔊 Audio coming soon
সর্বেষু চাঽতিসারাদিষু রোগেষু ষণ্ণামামাদীনাং যুগপত্ ষট্ত্রিংশং যথোক্তং পাচনমিষ্যতে|| ২৬||
Adhikarana nirAmeShu bastivisheShaH (27) · Śloka 27
নিরামাণাং তু পঞ্চানাং বস্তিঃ ষড্রসিকো হিতঃ||২৭||
निरामाणां तु पञ्चानां बस्तिः षड्रसिको हितः||२७||
🔊 Audio coming soon
যদা ত্বামাদিনা জাতানং শকৃতীনাং পঞ্চানাং যুগপত্ সংসর্গস্তদা ষড্রসযুক্ত এব বস্তিঃ|| ২৭||
Adhikarana sarvaiShvatisAravyApatsu sAmAnyaM bheShajam (28) · Śloka 28
উদুম্বরশলাটূনি জম্ব্বাম্রোদুম্বরত্বচঃ| শঙ্খং সর্জরসং লাক্ষাং কত্তৃণঞ্চ পলাংশিকম্| পিষ্ট্বা তৈঃ সর্পিষঃ প্রস্থং ক্ষীরং দ্বিগুণিতং পচেত্| অতিসারেষু সর্বেষু পেযমেতদ্যথাবলম্| কচ্ছুরাধাতকিবিল্বসমঙ্গারক্তমূলিভিঃ| মসূরাশ্বত্থশুঙ্গৈশ্চ যবাগূঃ স্যাজ্জলে শৃতৈঃ| বালোদুম্বরকট্বঙ্গসমঙ্গাপ্লক্ষপল্লবৈঃ| মসূরধাতকীপুষ্পবলাভিশ্চ তথা ভবেত্||২৮||
उदुम्बरशलाटूनि जम्ब्वाम्रोदुम्बरत्वचः| शङ्खं सर्जरसं लाक्षां कत्तृणञ्च पलांशिकम्| पिष्ट्वा तैः सर्पिषः प्रस्थं क्षीरं द्विगुणितं पचेत्| अतिसारेषु सर्वेषु पेयमेतद्यथाबलम्| कच्छुराधातकिबिल्वसमङ्गारक्तमूलिभिः| मसूराश्वत्थशुङ्गैश्च यवागूः स्याज्जले शृतैः| बालोदुम्बरकट्वङ्गसमङ्गाप्लक्षपल्लवैः| मसूरधातकीपुष्पबलाभिश्च तथा भवेत्||२८||
🔊 Audio coming soon
উদুম্বরশলাট্বাদীনাং ক্ষীরদ্বিপ্রস্থেন যুক্তং সর্পিষঃ প্রস্থং বিপচযেত্| মাত্রযা যথাবলং পেযং সর্বেষ্বতিসারেষু| তদিতি সর্পিঃ| শলাটুরভিনবং ফলম্| ত্বক্শব্দেন জম্ব্বাদীনাং সম্বন্ধঃ| কত্তৃণং ভূতীকম্| কচ্ছুরাদিভির্জলে শৃতৈর্যবাগূঃ স্যাত্| কচ্ছুরা দুরালভা| সমঙ্গা মঞিষ্ঠা| রক্তমূলী শমীপত্রাখ্যা| সমঙ্গা বালাদুম্বরাদিভিশ্চ যবাগূর্ভবেত্| তথেতি জলে শৃতৈঃ| কট্বঙ্গঃ শ্যোনাকঃ|| ২৮||
Adhikarana vyApatsu yathAvasthaM cikitsopadeshaH (29-30) · Śloka 30
নানাপ্রকারা জাযন্তে ব্যাপদো বস্তিবিভ্রমাত্| যথাযথং যথাবস্থং তাসং কুর্বীত সাধনম্||২৯|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং কল্পস্থানে বস্তিব্যাপত্সিদ্ধির্নাম ষষ্ঠোঽধ্যাযঃ||৩০||
नानाप्रकारा जायन्ते व्यापदो बस्तिविभ्रमात्| यथायथं यथावस्थं तासं कुर्वीत साधनम्||२९|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां कल्पस्थाने बस्तिव्यापत्सिद्धिर्नाम षष्ठोऽध्यायः||३०||
🔊 Audio coming soon
বস্তিবিভ্রমাদসম্যগ্যোগাত্রানাপ্রকারা ব্যাপদো জাযন্তে| তাসাং ব্যাপদাং যথাযথং যথাস্বরূপং যথাবস্থং চ সাধনং চিকিত্সিতং কুর্বীত ইতি|| ২৯|| ইতি শ্রীমন্মহামহোপাধ্যায্ন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযাং কল্পস্থানে ষষ্ঠোঽধ্যাযঃ