Adhikarana atha BeShajakalpo nAmA~aShTamo~adhyAyaH adhyAyapratij~jA (1) · Śloka 1
অথাতো ভেষজকল্পং ব্যাখ্যাস্যামঃ| ইতি হ স্মাহুরাঽঽত্রেযাদযো মহর্ষযঃ||১||
अथातो भेषजकल्पं व्याख्यास्यामः| इति ह स्माहुराऽऽत्रेयादयो महर्षयः||१||
🔊 Audio coming soon
কল্পনাপ্রসঙ্গসামান্যেন ভেষজানাং কল্পনাং প্রদর্শযিতুমধ্যায আরভ্যতে||১||
Adhikarana sAmAnyato BUmiparIkShA (2) · Śloka 2
জাঙ্গলে সাধারণে বা দেশে যথাকালং শিশিরাতপপবন- সলিলসেবিতে সমে শুচৌ প্রদক্ষিণোদকে শ্মশানচৈত্য- দেবযজনাঽঽগারসভাশ্বভ্রাঽঽরামবল্মীকোষরবিরহিতে কুশরোহিষাস্তীর্ণে স্নিগ্ধকৃষ্ণসুবর্ণমধুরসুরভিমৃত্তিকে- মৃদাবফালকৃষ্টেঽনুপহতেঽন্যৈর্বলবত্তরৈর্দ্রুমৈর্ভেষজানি প্রশ- স্যন্ত ইতি সামান্যতো ভূমিপরীক্ষা||২||
जाङ्गले साधारणे वा देशे यथाकालं शिशिरातपपवन- सलिलसेविते समे शुचौ प्रदक्षिणोदके श्मशानचैत्य- देवयजनाऽऽगारसभाश्वभ्राऽऽरामवल्मीकोषरविरहिते कुशरोहिषास्तीर्णे स्निग्धकृष्णसुवर्णमधुरसुरभिमृत्तिके- मृदावफालकृष्टेऽनुपहतेऽन्यैर्बलवत्तरैर्द्रुमैर्भेषजानि प्रश- स्यन्त इति सामान्यतो भूमिपरीक्षा||२||
🔊 Audio coming soon
প্রথমমেব জাঙ্গল ইত্যাদিনা ভেষজানাং সামান্যেন আকরনির্ণযঃ| জাঙ্গলাদিকে জাতানি ভেষজানি প্রশস্যন্তে| যথাকালং কালানতি-ক্রমেণ শীতাতপাদিসেবিতে দেশে শ্মশানাদিবিরহিতে| চৈত্যং প্রসিদ্ধম্| গ্রামাদ্বহির্বা মহান্ বৃক্ষশ্চৈত্যঃ| দেবাগারং যজনাগারঞ্চ| সভা রাজনিবেশঃ| শ্বভ্রমবটঃ| আরামং ক্রীডাবনিঃ বল্মীকং পিপীলিকাস্থাণূঃ| ঊষরং দগ্ধমৃতপ্রদেশঃ| রোহিষঃ কুশবিশেষঃ| স্নিগ্ধাদি মৃত্তিকাবিশেষণম্| ফালঃ শস্ত্রমযো লাঙ্গলাঽগ্রঃ|| ২||
Adhikarana visheSheNa BUmiparIkShA (3) · Śloka 3
বিশেষতস্ত্বশ্মবতী স্থিরো গুর্বী শ্যামা কৃষ্ণা স্থূল- তৃণবৃক্ষসস্যপ্রাযা স্বগুণভূযিষ্ঠা| স্নিগ্ধাশীতলাঽঽ- সন্নোদকা স্নিগ্ধতৃণসস্যকোমলবৃক্ষপ্রাযা শুক্লা চা- ম্বুগুণভূযিষ্ঠা| নানাবর্ণলঘ্বল্পপুষ্পবতী প্রবিরলা পাণ্ডু- বৃক্ষপ্ররোহাগ্নিগুণভূযিষ্ঠা| রূক্ষা রাসভভস্মবর্ণা রূক্ষ- তনুকোটরবৃক্ষপ্রাযাঽল্পরসপ্ররোহাঽনিলগুণভূযিষ্ঠা| মৃদ্বী- সমা শ্বভ্রবত্যব্যক্তরসজলা মহাপর্বতবৃক্ষা শ্যামা চা- কাশগুণভূযিষ্ঠা| তত্রাঽম্বুপৃথিবীগুণভূযিষ্ঠাসু ভূমিষু জাতানি বিরেচনানি বৃংহণানি চ শস্যন্তে| অনলাঽ- নিলাঽঽকাশগুণভূযিষ্ঠাসু বমনানি| সর্বগুণযুক্তা- সূভযতোভাগানি| আকাশগুণভূযিষ্ঠাসু শমনানি| এবং বলবত্তমানি ভবন্তি||৩||
विशेषतस्त्वश्मवती स्थिरो गुर्वी श्यामा कृष्णा स्थूल- तृणवृक्षसस्यप्राया स्वगुणभूयिष्ठा| स्निग्धाशीतलाऽऽ- सन्नोदका स्निग्धतृणसस्यकोमलवृक्षप्राया शुक्ला चा- म्बुगुणभूयिष्ठा| नानावर्णलघ्वल्पपुष्पवती प्रविरला पाण्डु- वृक्षप्ररोहाग्निगुणभूयिष्ठा| रूक्षा रासभभस्मवर्णा रूक्ष- तनुकोटरवृक्षप्रायाऽल्परसप्ररोहाऽनिलगुणभूयिष्ठा| मृद्वी- समा श्वभ्रवत्यव्यक्तरसजला महापर्वतवृक्षा श्यामा चा- काशगुणभूयिष्ठा| तत्राऽम्बुपृथिवीगुणभूयिष्ठासु भूमिषु जातानि विरेचनानि बृंहणानि च शस्यन्ते| अनलाऽ- निलाऽऽकाशगुणभूयिष्ठासु वमनानि| सर्वगुणयुक्ता- सूभयतोभागानि| आकाशगुणभूयिष्ठासु शमनानि| एवं बलवत्तमानि भवन्ति||३||
🔊 Audio coming soon
অশ্মবতীত্যাদিনা পার্থিবাদিবিশেষণ ভূমিপরীক্ষা| সাঽশ্মত্বাদিগুণা ভূমিঃ| স্বগুণভূযিষ্ঠা পার্থিবগুণাঽধিকেত্যর্থঃ| তত্র হি যজ্জাযতে তত্ পার্থিবগুণাঽধিকং ভবতি| এবং সর্বত্র| স্নিগ্ধাদিগুণাঽবুভূযিষ্ঠা| নানাবর্ণাদিগুণাঽগ্নিগুণভূযিষ্ঠা| রূক্ষাদিকাঽনিলভূযিষ্ঠা| রাসভো গর্দভঃ| কোটরো বৃক্ষান্তর্গর্ত্তপ্রাযম্| অল্পরসঃ প্ররোহে যস্যাঃ| শ্বভ্রবত্যাদিকাঽঽকাশভূযিষ্ঠা| তত্রাঽম্ব্বিত্যাদি সুবোধম্| এবমিত্যুক্তেন প্রকারেণ ভূমিবিশেষৈঃ|| ৩||
Adhikarana RutvanusAraM bheShajasvarUpam (4) · Śloka 4
তত্র যানি কালজান্যুপগতসম্পূর্ণপ্রমাণরসবীর্যগন্ধ- নিকালাতপাগ্নিসলিলপবনশস্ত্রজন্তুভিরনুপহতগন্ধব- র্ণরসস্পর্শপ্রভাবান্যবগাঢমূলান্যুদীচ্যাং দিশি স্থিতানি| তেষাং শাখাপলাশমচিরপ্ররূঢং বর্ষাবসন্তযোর্গ্রহ্যম্| গ্রীষ্মে মূলানি শিশিরে বা শীর্ণপ্ররূঢপর্ণানাম্| শরদি ত্বক্ক- ন্দক্ষীরাণি| হেমন্তে সারাণি| যথর্তু পুষ্পফলম্| অন্যে পুনরাহুঃ সৌম্যান্যৌষধানি সৌম্যেষ্বৃতুষ্বাগ্নেযান্য- গ্নেযেষু| এবমব্যাপন্নান্যাপূর্ণতররসবীর্যাণি চ ভবন্তি||৪||
तत्र यानि कालजान्युपगतसम्पूर्णप्रमाणरसवीर्यगन्ध- निकालातपाग्निसलिलपवनशस्त्रजन्तुभिरनुपहतगन्धव- र्णरसस्पर्शप्रभावान्यवगाढमूलान्युदीच्यां दिशि स्थितानि| तेषां शाखापलाशमचिरप्ररूढं वर्षावसन्तयोर्ग्रह्यम्| ग्रीष्मे मूलानि शिशिरे वा शीर्णप्ररूढपर्णानाम्| शरदि त्वक्क- न्दक्षीराणि| हेमन्ते साराणि| यथर्तु पुष्पफलम्| अन्ये पुनराहुः सौम्यान्यौषधानि सौम्येष्वृतुष्वाग्नेयान्य- ग्नेयेषु| एवमव्यापन्नान्यापूर्णतररसवीर्याणि च भवन्ति||४||
🔊 Audio coming soon
তত্রেত্যাদিনা ভেষজস্বরূপম্| যানি স্বে কালে জাতানি| উপগতানি সম্পূর্ণানি প্রমাণাদীনি যেষাম্| কালাদিভিরনুপহতানি গন্ধাদীনি যেষাম্| অবগাঢং দূরপ্রবিষ্টং মূলং যেষাম্| ক্ষেত্রম্ উদীচ্যাং দিশি স্থিতানি| তেষাং কালজাদিগুণসম্পন্নানাং শাখাদিকমুপযোগি নবং বর্ষাসু বসন্তে বা গ্রাহ্যম্| গ্রীষ্মে শিশিরে বা মূলানি| তানি তু পূর্বেষু পর্ণেষু শীর্ণেষু নবেষু বা প্ররূঢেষু| ত্বগাদীনি শরদি| সারাণি হেমন্তে| পুষ্পফলন্তু যথাস্বমৃতুষু| অন্য ইত্যাদি সুবোধম্| মধুরতিক্তকষাযাণি সৌম্যানি| শেষাণ্যাগ্নেযানি| বর্ষাশরদ্ধেমন্তাঃ সৌম্যাঃ| শেষাস্রয আগ্নেয্যাঃ|
Adhikarana BeShajagrahaNavidhiH (5) · Śloka 5
অথ মঙ্গলাচারঃ কল্যাণবৃত্তঃ শুচিঃ শুক্লবাসাঃ সম্পূজ্য চ দেবতামশ্বিনৌ গোব্রাহ্মণাংশ্চ কৃতোপবাসঃ প্রাঙ্মুখ উদঙ্মুখো বা গৃহ্ণীযাত্| গৃহীত্বা চাঽনুরূপ- গুণবদ্ভাজনসংস্থান্যাগারেষু পূর্বোত্তরদ্বারেষু নিবাতপ্রবা- তৈকদেশেষু নিত্যপুষ্পোপহারবলিকর্মবত্স্বগ্নিসলিলোপ- স্বেদধূমরজোমূষিকচতুষ্পদামনভিগমনীযানি স্ববচ্ছ- ন্নানি শিক্যেষ্বাসজ্য স্থাপযেত্| তানি সক্ষীরাণ্যুপকল্পযেত্| তদসম্পত্তাবনতিক্রন্ত- বত্সরাণি| পুরাণানি তু পিপ্পলীবিডঙ্গগুডমধুঘৃতানি| অপি চ ক্ষীরং বাষ্কযণং গ্রাহ্যং বিণ্মূত্রং তচ্চ নীরুজাম্| বযোবলবতাং ধাতুপিচ্ছশৃঙ্গখুরাদিকম্||৫||
अथ मङ्गलाचारः कल्याणवृत्तः शुचिः शुक्लवासाः सम्पूज्य च देवतामश्विनौ गोब्राह्मणांश्च कृतोपवासः प्राङ्मुख उदङ्मुखो वा गृह्णीयात्| गृहीत्वा चाऽनुरूप- गुणवद्भाजनसंस्थान्यागारेषु पूर्वोत्तरद्वारेषु निवातप्रवा- तैकदेशेषु नित्यपुष्पोपहारबलिकर्मवत्स्वग्निसलिलोप- स्वेदधूमरजोमूषिकचतुष्पदामनभिगमनीयानि स्ववच्छ- न्नानि शिक्येष्वासज्य स्थापयेत्| तानि सक्षीराण्युपकल्पयेत्| तदसम्पत्तावनतिक्रन्त- वत्सराणि| पुराणानि तु पिप्पलीविडङ्गगुडमधुघृतानि| अपि च क्षीरं बाष्कयणं ग्राह्यं विण्मूत्रं तच्च नीरुजाम्| वयोबलवतां धातुपिच्छशृङ्गखुरादिकम्||५||
🔊 Audio coming soon
অথেত্যাদিনা ভেষজগ্রহণে বিধিঃ| গৃহীত্বেত্যাদিনা স্থাপনবিধিঃ| অনুরূপং ভাজনং রসাদিভেদেন শুষ্কার্দ্রাদিবিশেষেণ চ যোগ্যং সকলম্| নিবাত একদেশঃ| প্রবাতো যেষু বেশ্মসু অগ্ন্যাদ্যনভিগমনীযানীতি ভেষজবিশেষণম্| শিক্যং লম্বরজ্বাঽঽধারঃ| তানীত্যাদি সুবোধম্| সক্ষীরাণামপ্রাপ্তাবনতিক্রান্তবত্সরাণি| পিপ্পল্যাদীনি পুরাণানি| বাষ্কযণী চিরপ্রসূতা| তস্যাঃ সম্বন্ধি ক্ষীরং গ্রাহ্যম্| বিণ্মূত্রং তচ্চেতি ক্ষীরং নীরুজাং প্রাণিনাং গ্রাহ্যম্| ধাত্বাদিকং বযস্বিনাং বলবতাং চ সম্বন্ধিগ্রাহ্যম্| ধাতবো মাংসাদযঃ পিচ্ছং বর্হসংহতিঃ| আদিগ্রহণেন কেশলোমচর্মনখাদিগ্রহণম্|| ৫||
Adhikarana BeShajAnAM pa~jcavidhaH kalpaH (6) · Śloka 6
পঞ্চবিধস্তু ভেষজানাং কষায কল্পঃ| নির্যাসঃ কল্কো নির্যূহঃ শীতঃ ফাণ্টশ্চ| তে যথাপূর্বং বলিনঃ||৬||
पञ्चविधस्तु भेषजानां कषाय कल्पः| निर्यासः कल्को निर्यूहः शीतः फाण्टश्च| ते यथापूर्वं बलिनः||६||
🔊 Audio coming soon
সর্বেষাঞ্চ ভেষজানাং নির্যাসাদিভেদেন পঞ্চবিধঃ কষাযকল্পো ভবতি| ত ইতি পাণ্টাচ্ছীতো বলবান্| শীতাচ্ছৃতঃ| শৃতাত্ কল্কঃ| কল্কান্নির্যাস ইতি|| ৬||
Adhikarana niryAsalakShaNam (7) · Śloka 7
তত্র সদ্যঃ সমুদ্ধতপ্রক্ষালিতক্ষুণ্ণস্য তান্তবনিষ্পীডি- তস্য স্বরসো নির্যাসঃ||৭||
तत्र सद्यः समुद्धतप्रक्षालितक्षुण्णस्य तान्तवनिष्पीडि- तस्य स्वरसो निर्यासः||७||
🔊 Audio coming soon
তত্রেত্যাদিনা নির্যাসাদীনাং ক্রমেণ লক্ষণমুচ্যতে| সদ্যঃসমুদ্ধতাদিগুণস্য যঃ স্বরসঃ স নির্যাসঃ|| ৭||
Adhikarana kalkalakShaNaM cUrNAdyaBede yuktishca (8) · Śloka 8
উপলদশনাদিপিষ্টস্তু কল্কঃ| শুষ্কপিষ্টঃ সূক্ষ্মতান্ত- বপটচ্যুতশ্চূর্ণঃ| তস্য সমস্তদ্রব্যাঽপরিত্যাগাদাঽঽপ্লু- তোপযোগাচ্চ কল্কাদভেদঃ||৮||
उपलदशनादिपिष्टस्तु कल्कः| शुष्कपिष्टः सूक्ष्मतान्त- वपटच्युतश्चूर्णः| तस्य समस्तद्रव्याऽपरित्यागादाऽऽप्लु- तोपयोगाच्च कल्कादभेदः||८||
🔊 Audio coming soon
উপলাদিপিষ্টঃ কল্ক ইত্যুচ্যতে| দশনগ্রহণেনাঽপিষ্টস্যাপি ভক্ষিতস্য কল্কেঽন্তর্ভাব উক্তঃ| শুষ্কপিষ্টঃ সূক্ষ্মচ্ছিদ্রাতান্তবাত্পটাত্ পটাচ্চ্যুতশ্চূর্ণ ইত্যুচ্যতে| স তু কল্ক এব| সমস্তদ্রব্যাঽপরিত্যাদিনা কল্কৈকরূপতা| তত্র শুষ্কোপযোগিনাং চূর্ণানং কল্কান্তর্ভাবে সমস্তদ্রব্যাঽপরিত্যাগে হেতুঃ| আলোডিতোপযোগাদুভযমপি|| ৮||
Adhikarana niryUhalakShaNaM vidhishca (9) · Śloka 9
ক্বাথো নির্যূহঃ| তত্র ভেদ্যান্যৌষধান্যণুশো ভেদযিত্বা ছেদ- যিত্বা ছেদ্যানি প্রক্ষাল্যোদকেন শুচৌ রূক্ষাযামধঃ প্রলি- প্তাযাং তাম্রাঽযোমৃন্মযান্যতমাযাং স্থাল্যাং সমাবাপ্য বহ্বল্পপানীযগ্রাহিতানামৌষধানামাকলয্য যাবতা মুক্ত রসতা স্যাত্ তাবদুদকমাসেচযেচ্ছোষযেচ্চ| অথাঽগ্না- বধিশ্রিত্য মহত্যাসনে সুখোপবিষ্টঃ সর্বতঃ সততমব- লোকযন্ দর্ব্যাবঘট্টযন্ মৃদুনা পরিতঃ সমুপগচ্ছতাঽনলেন সাধযেত্| অবতার্য চ পরিস্রুতং যথার্হস্পর্শং প্রযুঞ্জীত| ক্ষীরাদিসহিতঞ্চ দ্রব্যং ন সম্যঙ্মুক্তরসং ভবতীতি বারি- ক্বাথপূর্বকং ক্ষীরাদ্যৈস্তদুপদেশে অনুপদগ্ধং ক্বাথযেত্||৯||
क्वाथो निर्यूहः| तत्र भेद्यान्यौषधान्यणुशो भेदयित्वा छेद- यित्वा छेद्यानि प्रक्षाल्योदकेन शुचौ रूक्षायामधः प्रलि- प्तायां ताम्राऽयोमृन्मयान्यतमायां स्थाल्यां समावाप्य बह्वल्पपानीयग्राहितानामौषधानामाकलय्य यावता मुक्त रसता स्यात् तावदुदकमासेचयेच्छोषयेच्च| अथाऽग्ना- वधिश्रित्य महत्यासने सुखोपविष्टः सर्वतः सततमव- लोकयन् दर्व्यावघट्टयन् मृदुना परितः समुपगच्छताऽनलेन साधयेत्| अवतार्य च परिस्रुतं यथार्हस्पर्शं प्रयुञ्जीत| क्षीरादिसहितञ्च द्रव्यं न सम्यङ्मुक्तरसं भवतीति वारि- क्वाथपूर्वकं क्षीराद्यैस्तदुपदेशे अनुपदग्धं क्वाथयेत्||९||
🔊 Audio coming soon
ক্বাথো নির্যূহ ইত্যেকোঽর্থঃ| তত্রেত্যাদিনা নির্যূহস্য পাকবিধিঃ ভেদ্যানি তুম্বাদীনি| যানি চ্ছিন্নানি পাকং ন সহন্তে| ছেদ্যানি কঠিনানি শাখাদীনি| অণুরিতি সূক্ষ্মো ভাগঃ| তস্য বীপ্সাযাং শস্| কানিচিদৌষধানি বাসাকূষ্মাণ্ডসুবর্চলাপ্রভৃতানি স্বভাবাত্পানীযং গৃহ্ণন্তি| অন্যানি নেতি বিকল্প্যোদকস্যাঽবসেচনম্| এতদেব চ বিকল্প্য ক্বাথশেষগ্রহণম্| যাবতোদকেন দ্রব্যাণাং মুক্তরসতা আশঙ্ক্যতে তাবদাঽঽসেচনম্| অধিশ্রযণং চুল্ল্যামাঽঽরোপণম্| আসনবিশেষোঽন্যচিত্ততাপপরিহারায| পরিত ইত্যেকদেশ ঔষধস্য দাহভযাত্| অবতারণং চুল্লীতো ভূমৌ| যথার্হস্পর্থং দোষাদ্যপেক্ষযোষ্ণং বা শীতং বা| ক্ষীরাদীত্যাদি সুবোধম্| তদুপদেশ ইতি ক্ষীরদধিমস্তুমূত্রাদ্যুপদেশে তদৌষধং বারিক্বাথপূর্বকমনুপদগ্ধং ক্বাথযেত্| স্তোকেন তু বারিণা প্রথমং ক্বাথযেত্| ততস্তেনৈবোদকেন সহ ক্ষীরাদিভিঃ ক্বাথেযেদিত্যর্থঃ| এতচ্চ নির্যূহেষ্বেব সাধ্যেষু বিজ্ঞেযম্| ন তু স্নেহপাকেষ্বপি| তথা চ ষট্পলাদিষু যত্র ক্ষীরাদিকং দ্রবং পঠিতং তত্রোক্তস্যৈব দ্রবস্য প্রযোগমভিমন্যন্তে, ন তু জলদানমঙ্গীকুর্বন্তি| কেচিত্তু যত্র স্নেহাচ্চতুর্গুণং দ্বিগুণং বা ত্রিগুণং বা, তত্র চতুর্গুণত্বাপাদনায দ্রবং স্নেহাচ্চতুর্গুণমিত্যনযা পরিভাষযা পঠিতশেষং জলমেবেচ্ছন্তীতি|| ৯||
Adhikarana shItaphANTayorlakShaNam (10) · Śloka 10
শীতসলিলাপ্লুতস্তু নিশাপর্যুষিতপূতঃ শীতঃ| উষ্ণা- ম্ভসি ক্ষুণ্ণাভিষুতপূতঃ ফাণ্টঃ||১০||
शीतसलिलाप्लुतस्तु निशापर्युषितपूतः शीतः| उष्णा- म्भसि क्षुण्णाभिषुतपूतः फाण्टः||१०||
🔊 Audio coming soon
শীতসলিলেত্যাদিনা শীতকষাযলক্ষণম্| উষ্ণাম্ভসীত্যাদি ফাণ্টলক্ষণম্|| ১০||
Adhikarana kaShAyeShvauShadhAnAM mAtrAvicAraH (11) · Śloka 11
তত্র সম্যগ্রসবীর্যাদীন্যৌষধস্য সমীক্ষ্য ব্যাধ্যাঽঽতু- রাদিবলতশ্চ নির্যাসাদীনাং কল্পনাং মাত্রাঞ্চ সংশ্রযেত্||১১||
तत्र सम्यग्रसवीर्यादीन्यौषधस्य समीक्ष्य व्याध्याऽऽतु- रादिबलतश्च निर्यासादीनां कल्पनां मात्राञ्च संश्रयेत्||११||
🔊 Audio coming soon
তত্রেত্যাদিনা পঞ্চানাং কল্পনানাং বিষযভেদো ভেষজস্য মাত্রা চোচ্যতে| তত্র কল্পনাস্বৌষধস্য রসাদীনি রসবীর্যবিপাকপ্রভাবগুণান্তরাণি সম্যগতিশযেন সমীক্ষ্য নির্যাসাদীনাং পঞ্চানাং কল্পনানাম্ যোজনাং মাত্রাঞ্চ ভিষক্ সংশ্রযেত্| ব্যাধ্যাতুরদোষদূষ্যাদীনাঞ্চ বলবত্ত্বে তেষাং বলাপেক্ষযা কল্পনাং মাত্র্ঞ্চ সংশ্রযেত্|| ১১||
Adhikarana tatra ekIyamatam (12) · Śloka 12
তথা চ কেচিদাহুঃ- মাত্রাযা ন ব্যবস্থাঽস্তি ব্যাধিং কোষ্ঠং বলং বযঃ| আলোচ্য দেশকালৌ চ যোজ্যা তদ্বচ্চ কল্পনা||১২||
तथा च केचिदाहुः- मात्राया न व्यवस्थाऽस्ति व्याधिं कोष्ठं बलं वयः| आलोच्य देशकालौ च योज्या तद्वच्च कल्पना||१२||
🔊 Audio coming soon
তথা চেত্যাদিনা পূর্বোক্তস্যৈবার্থস্য প্রমাণীকরণম্| মাত্রাযা ব্যবস্থা নাস্তীতি প্রতিজ্ঞা নিযমনিরাসাযোচ্যতে| ব্যাধ্যাদিকং নানাবিধৈর্বিশেষৈরালোচ্য সা মাত্রা যোজ্যা| ন কেবলং মাত্রা যাবত্ কল্পনাপি নির্যূহাদিকা তদ্বদেব বিজ্ঞেযা| তেনৈবং বিজ্ঞেযম্ | কল্পনাযা বিষযে ব্যবস্থা নাস্ত্যপি তু ব্যাধ্যাদিক-মালোচ্য সা যোজ্যা|| ১২||
Adhikarana niryAsAdInAM mAtrAnirdeshaH (13) · Śloka 13
ইত্যলমেতদুপদিষ্টং বুদ্ধিমতাং জ্ঞানপ্রবোধায| যথা তু সর্বে ভিষজো বিজ্ঞাস্যন্তি তথোপদেক্ষ্যতে| নির্যাসস্য মধ্যমা মাত্রা চতুষ্পলম্| কল্কচূর্ণযোঃ কর্ষঃ| পলত্রযং তদা- ঽঽলোডনে||১৩||
इत्यलमेतदुपदिष्टं बुद्धिमतां ज्ञानप्रबोधाय| यथा तु सर्वे भिषजो विज्ञास्यन्ति तथोपदेक्ष्यते| निर्यासस्य मध्यमा मात्रा चतुष्पलम्| कल्कचूर्णयोः कर्षः| पलत्रयं तदा- ऽऽलोडने||१३||
🔊 Audio coming soon
ইত্যুপসংহারে| এবং মাত্রযাঃ কল্পনাযাশ্চ যদুক্তং তদ্বুদ্ধিমতাং পটুধিযাং জ্ঞানপ্রবোধাযাঽলং পর্যাপ্তমুপদিষ্টম্| সর্বে ভিষজো মন্দমধ্যমপ্রজ্ঞা অপি যথা বিজ্ঞাস্যন্তি তথোপদেক্ষ্যতে-নির্যাসস্যেত্যাদি| নির্যাসস্য নির্যাসাধারদ্রব্যস্য| সুবোধম্| তদিতি সম্ভবাত্ কল্কস্য পরামর্শঃ| পলত্রযমাঽঽলোডনসম্ভাবিনো দ্রবস্য||১৩||
Adhikarana niryUhakalpanAparibhAShA (14) · Śloka 14
নির্যূহে ভেষজপলমুদকার্ধপ্রস্থেঽধিশ্রিত্য পাদশেষিতমব- তারযেত্||১৪||
निर्यूहे भेषजपलमुदकार्धप्रस्थेऽधिश्रित्य पादशेषितमव- तारयेत्||१४||
🔊 Audio coming soon
নির্যূহে ক্বাথে ভেষজস্য পলমুদকস্যার্ধপ্রস্থঃ ষোডশপলানি| পাদশেশশ্চত্বারি পলানি| তচ্চ নির্যূহে দ্রব্যজলক্বথিতশেষাণাং মানং কৃষ্ণাত্রেযমতানুসারিণাচার্যেণোক্তম্| তথা চ তত্র পঠ্যতে 'ক্বাথং দ্রব্য্যপলে কুর্যাত্ প্রস্থর্ধং পাদশেষিতমি'তি| চরকগ্রন্থে চৈবংবিধা পরিভাষা ন বিদ্যতে, যতঃ সোঽসমাপ্ত এব তন্ত্রে ব্রহ্মভূযং গতঃ| কৃষ্ণাত্রেযপরিভাষা প্রদর্শিতশ্চার্থশ্চরকস্যাপ্যনুমত এবেত্যনুমিমীমহে| যতঃ সর্বতন্ত্রকৃতাং চতুষ্পলা মধ্যমা মাত্রা পাতব্যা কষাযস্যেত্যভিমতম্| তথা চ সুশ্রুতে সূত্রস্থানে সংশোধন সংশমনীযেঽধ্যাযে পঠ্যতে -'ব্যাধ্যাদিষু তু মধ্যেষু ক্বাথস্যাঽঞ্জলিরিষ্যত' ইতি| এতচ্চ চরকমুনিনা ন প্রতিষিদ্ধম্| অপ্রতিষিদ্ধং চ পরমতমনুমতমেবেতি তন্ত্রন্যাযঃ| যা চ খরণাদসংহিতাভট্টারহরিশ্চন্দ্রকৃতা শ্রূযতে, সা চ চরকপ্রতিবিম্বরূপৈব লক্ষ্যতে| তত্রাঽপি পঠ্যতে-'কষাযাত্ ষট্পলং পিবেদি'তি| পুনশ্চ ন্যূনাং ন্যূনতরাং চ তামিতি পাঠাদ্যৈষা ষট্পলা মাত্রা সোত্তমৈবেতি মন্যতে| ততো ন্যূনা চতুষ্পলা মধ্যমেতি| তস্মাচ্চরকস্যাপি চতুষ্পলৈব মাত্রাঽভিমতেতি গম্যতে| ন চৈততন্ত্রন্যাযেনৈব ব্যবস্থাপ্যতে যাবত্তত্র চরকগ্রন্থ এব চতুর্ণামেব কষাযকল্পনানাং প্রযোগঃ পঠ্যতে| তথা চ পিত্তগুল্মে রোহিণ্যাদীনাং কষাযশ্চতুষ্পলো ঘৃতেন সমঃ পেয ইত্যুক্তঃ| ন চৈতদেব বচনমন্যেষু কষাযেষ্বপি তথাভাবানুমানায বোদ্ধব্যম্| সর্বত্রৈব তথাবিধাযাঃ প্রযোগঃ প্রসিদ্ধেরবাধিত্বাল্লক্ষ্যবত্তন্ত্রত্বাচ্চ| লক্ষণস্য তাত্স্থ্যাত্ সিদ্ধং সর্বত্র চতুষ্পলা কষাযস্যমাত্রা পাতব্যেতি| পাদশিষ্টং চ ক্বথিতং গ্রাহ্যমিত্যেতদপি সর্বতন্ত্রকৃতামপি বিহিতবিধানম্| তথা চ খরণাদসংহিতাযাং পাদেন পাদেন শেষযেদিতি| চাক্ষুষেণসংহিতাযাং পাদবশেষং ক্বথিতং চ বিদ্যাদিতি| তথা স্নেহেষু গ্রাহযেত্ পাদশেষিতমিতি| এতচ্চ পরমতমপ্রতিষিদ্ধং চরকস্যানুমতমেব| কেবলমত্রৈব বিপ্রতিপত্তিঃ| যদেকে দ্রব্যাচ্চতুর্গুণং ক্বাথ্যং জলমিচ্ছন্তি| কৃষ্ণাত্রেযস্তু ষোডশগুণম্| সুশ্রুতাধ্যাযিনস্তু কেচিচ্চতুর্গুণং পঠন্তি, কেচিদষ্টগুণম্| চতুর্গুণত্বমষ্টগুণত্বং ষোডশগুণত্বং চ কিং শুষ্কদ্রব্যমানেনাঽঽহোস্বিদাঽঽর্দ্রদ্রব্যমানেনেত্যস্য বিকল্পনস্য প্রসঙ্গ এব নাস্তি| শুষ্কদ্রব্যেষু বিশেষবুদ্ধেরভিন্নত্বাত্| এবং স্থিতে চতুর্গুণাঽষ্টগুণদর্শনে সাধুপ্রযোগে ন ভবতীত্যুপেক্ষাং কৃত্বা ষোদশগুণপক্ষ এব কৃষ্ণাত্রেযতো বাগ্ভটেনাঽঙ্গীকৃতো যতশ্চরকস্যৈষ এব পক্ষঃ| যেন চতুষ্পলাযাং পাতব্যমাত্রাযাং সিদ্ধাযামতীসারে পলং বত্সকবীজস্যেত্যাহ| কৌষ্ঠিকে চ পটোলাদ্যে পলমিতি| অন্যথা দ্রব্যপলাচ্চতুর্গুণেঽষ্টগুণে বা জলে ক্রিযমাণে চতুর্ভাগাবশেষস্য ক্বথিতস্য পলং পলদ্বযং বা প্রাপ্নোতি| তস্মাত্ ষোডশগুণপক্ষ এব শ্রেযান্| কৃষ্ণাত্রেযমতানুসারেণৈব দ্রব্যাণাং পলমিত্যুক্তম্| তদেব চরকস্যাঽভিমতমেবেত্যত্র পটোলমূলাদ্যং বত্সকবীজং চ জ্ঞাপকম্| তেন যত্র যাবন্তি দ্রব্যাণি পঠ্যন্তে তত্র তেষাং তাবন্তো ভাগা বিধেযাঃ যাবদ্ভির্ভাগৈঃ সমুদিতানাং দ্রব্যাণাং পলং ভবতি| যথা নাগরাদ্যে ত্রিকার্ষে ত্রিপলাদীনাং চেতি| তর্হি কথমন্যথা প্রযুজ্যতে| প্রসিদ্ধেরবিচ্ছেদাত্| তস্মাত্ প্রসিদ্ধ এব প্রযোগোন্যায্যঃ| তথা চ শাস্ত্রদৃষ্টা অপি প্রযোগাঃ প্রসিদ্ধেরবিচ্ছেদপারম্পর্যেণ বৃদ্ধবৈদ্যৈঃ প্রযুজ্যন্ত এব| যথা বমনেষূষ্ণাস্য মধুনঃ প্রযোগেঽনুজ্ঞাতে শাস্ত্রকৃদ্ভির্বৃবৈদ্যাস্তন্ন কুর্বন্তি| এবং চ ব্রুবতে যদ্যুষ্ণস্য মধুনঃ প্রযোগে অপক্বপ্রত্যাগমনং হেতুরুদ্দিষ্টঃ, যত্র তু দোষাদিবশান্ন প্রত্যাগমনং ভবতি তত্র দোষাযৈবেতি| তস্মাদপ্রযোগ এব সাধুঃ| ইদঞ্চাহুঃ-'তস্মাত্ সত্যপি নির্দেশে কুর্যাদূহং স্বযং ধিযা| বিনাপি তর্কাদ্যা সিদ্ধির্যদৃচ্ছা সিদ্ধিরেব সা||' ইতি| তথা শ্লৈষ্মিগুল্মাদিবিষযেষ্বপি হিঙ্গ্বাদিষু শেষদ্রব্যসমৈরেব ভাগৈর্হিগ্বাদীনাং প্রযোগমিচ্ছন্তি| শাস্ত্রে তু 'যচ্চূর্ণং গুটিকা যা বা বিহিতা বাতগুল্মিনাম্| দ্বিগুণক্ষারহিঙ্বম্লবেতসাস্তাঃ কফে হিতাঃ|' ইতি পঠ্যন্তে| আনেকং চ প্রযোগং কল্পনান্তরেণ শস্ত্রে পঠিতম্| বৃদ্ধবৈদ্যাঃ কল্পনান্তরেণ প্রযুঞ্জত এব| তস্মা দেবংবিধে প্রসিদ্ধিরেব ন্যায্যা| ইতি নির্যূহবিধিঃ পাচনাদিষু| স্নেহাদিসাধনযাঽপি যত্র নির্যূহঃ সাধ্যতে তত্রাপ্যেষ এব বিধিরসতি বাচনিকে বিধৌ|| ১৪||
Adhikarana shItaphANTayoH kalpanAparibhAShA (15) · Śloka 15
শীতফাণ্টযোরৌষধপলং ষট্চতুর্ভিরম্বুপলৈরাসুতমিতি||১৫||
शीतफाण्टयोरौषधपलं षट्चतुर्भिरम्बुपलैरासुतमिति||१५||
🔊 Audio coming soon
শীতেত্যাদি| যথাসঙ্খ্যেন শীতে ষড্ভির্জলপলৈরাঽঽসুতমৌষধপলম্| ফাণ্টে চতুর্ভিরিতি কল্পনা|| ১৫||
Adhikarana snehapAkaparibhAShA (16) · Śloka 16
স্নেহপাকে ত্বনির্দিষ্টপ্রমাণে সমুদিতস্য দ্রবস্য পাদেন স্নেহো যোজ্যস্তত্ পাদেন কল্কঃ| অন্যে পুনঃ পঠন্তি- স্নেহপাকে ত্বমানোক্তৌচতুর্গুণবিবর্দ্ধিতম্| কল্কস্নেহদ্রবং যোজ্যমধীতে শৌনকঃ পুনঃ| স্নেহে সিধ্যতি শুদ্ধাম্বুনিষ্ক্বাথস্বরসৈঃ ক্রমাত্| কল্কস্য যোজযেদংশং চতুর্থং ষষ্ঠমষ্টমম্| পঞ্চপ্রভৃতি তু দ্রবং পৃথক্স্নেহসমমেবাবপেত্| অনিরুপিত- কল্পনং চ ভৈষজ্যং কল্কীকুর্যাত্| অথৈকধ্যং প্রতিসং- সৃজ্যা-ধিশ্রিত্য চ নির্যূহবত্ সাধযেত্| তত্র যদা বিরমতি শব্দঃ প্রসাদমাপদ্যতে স্নেহো যথাস্বং বর্ণগন্ধরসোত্পত্তির্ভৈষজ্যমঙ্গুলীভ্যাং মৃদ্যমানামনতিমৃদ্ব- নতিদারুণমনঙ্গুলিগ্রাহি চ স্যাত্| স কালস্তস্যাঽ- বতরণায| অপি চ- ঘৃতস্য ফেনোপশমস্তৈলস্য তু তদুদ্ভবঃ| লেহস্য তন্তুমত্তাপ্সু মজ্জনং সরণং ন চ| অথাঽবতার্য শীতীভূতমহতেন বাসসা পরিপূয শুচৌ দৃঢে কলশে সমাসিচ্য পিধানেন পিধায শুক্লেন বস্ত্র- পট্টেনাচ্ছাদ্য সূত্রেণ সুবদ্ধং স্বনুগুপ্তং শুচৌ দেশে সুস্থিতং স্থাপযেত্||১৬||
स्नेहपाके त्वनिर्दिष्टप्रमाणे समुदितस्य द्रवस्य पादेन स्नेहो योज्यस्तत् पादेन कल्कः| अन्ये पुनः पठन्ति- स्नेहपाके त्वमानोक्तौचतुर्गुणविवर्द्धितम्| कल्कस्नेहद्रवं योज्यमधीते शौनकः पुनः| स्नेहे सिध्यति शुद्धाम्बुनिष्क्वाथस्वरसैः क्रमात्| कल्कस्य योजयेदंशं चतुर्थं षष्ठमष्टमम्| पञ्चप्रभृति तु द्रवं पृथक्स्नेहसममेवावपेत्| अनिरुपित- कल्पनं च भैषज्यं कल्कीकुर्यात्| अथैकध्यं प्रतिसं- सृज्या-धिश्रित्य च निर्यूहवत् साधयेत्| तत्र यदा विरमति शब्दः प्रसादमापद्यते स्नेहो यथास्वं वर्णगन्धरसोत्पत्तिर्भैषज्यमङ्गुलीभ्यां मृद्यमानामनतिमृद्व- नतिदारुणमनङ्गुलिग्राहि च स्यात्| स कालस्तस्याऽ- वतरणाय| अपि च- घृतस्य फेनोपशमस्तैलस्य तु तदुद्भवः| लेहस्य तन्तुमत्ताप्सु मज्जनं सरणं न च| अथाऽवतार्य शीतीभूतमहतेन वाससा परिपूय शुचौ दृढे कलशे समासिच्य पिधानेन पिधाय शुक्लेन वस्त्र- पट्टेनाच्छाद्य सूत्रेण सुबद्धं स्वनुगुप्तं शुचौ देशे सुस्थितं स्थापयेत्||१६||
🔊 Audio coming soon
পাকপ্রসঙ্গেন স্নেহপাকানামনুক্তমানানাং নিযম উচ্যতে| যত্র সামান্যেনোক্তমেভির্দ্রব্যৈরযং স্নেহঃ পক্তব্যং ইতি| যত্র কস্যচিত্ ক্বাথাদেঃ পরিমাণমুক্তং কস্যচিন্নোক্তং তত্র চ স্নেহদ্রবৌষধানামিদং মানং বিজ্ঞেযম্| কিমিত্যাঽঽহ-সমুদিতস্যেত্যাদি| সমুদিতস্যেত্যনেনৈতদ্দর্শযতি| যত্র সর্বেষাং ক্বাথাদীনামনির্দিষ্টপরিমাণত্বং তত্র তেষামন্যোন্যসমানানাং মিশ্রীভূতানাং চতুর্থাংশেন স্নেহো যোজ্যঃ| তথা যত্র হি দ্রবোদ্দেশে কিঞ্চিদ্দ্রবং স্নেহসমং স্নেহাদ্ দ্বিগুণং ত্রিগুণং বা পঠ্যতে কিঞ্চিচ্ছাঽনির্দিষ্টপরিমাণং তত্র নির্দিষ্টপরিমাণং যথাশ্রুতমেব কৃত্বা নির্দিষ্টপ্রমাণেন তথা পূরযিতব্যং যথা সমুদিতং স্নেহচতুর্গুণং ভবতি| যত্র পুনঃ কিঞ্চিচ্চতুর্গুণমেব পঠিতং কিঞ্চিচ্চানির্দিষ্টং প্রমাণং তত্র শ্রুতাবনুষ্ঠিতাযামনির্দিষ্টমানং দ্রবং স্নেহসমমিত্যেষৈব পরিভাষা আপততি| এবং স্নেহাচ্চতুর্গুণং সমুদিতং দ্রবমিত্যর্থাদুক্তম্| স্নেহাচতুর্থাংশেন কল্কঃ| সমুদিতস্য দ্রবস্যেতি যদুক্তং তন্ন সর্বত্র বিজ্ঞেযম্| অপি ত্বেকদ্রব্যাদিকে যাবচ্চত্বারো দ্রবাস্তাবত্ সমুদিতস্যেতি বিজ্ঞেযম্| অন্যে পুনরাচার্যাঃ স্নেহপাক ইত্যাদিশ্লোকং মানপ্রদর্শনায পঠন্তি| যঃ স্নেহঃ শুদ্ধাম্বুনা সাধ্যতে তত্র কল্কস্য স্নেহাচ্চতুর্থমংশং যোজযেত্| যত্র তু নিষ্ক্বাথেন সাধ্যতে তত্র স্নেহাত্ ষষ্ঠমংশং কল্কস্য যোজযেত্| যত্র তু স্বরসেন তত্রাষ্টমাংশম্| কল্কস্যেত্যনেন কল্কোদ্দেশেনৈব মতান্তরমুক্তম্| স্নেহদ্রবযোস্তু পরমতমপ্রতিষিদ্ধং তেষামনুমতমেবেতি বিজ্ঞেযম্| পঞ্চপ্রভ্রুতি তু দ্রবং পৃথক্ প্রত্যেকং স্নেহসমমাবপেত্| অত্র বৃদ্ধবৈদ্যানুস্মরণাবিচ্ছেদ এবাচার্যেণাঽঽগমত্বেনোপনিবদ্ধঃ| ন চানিবদ্ধপূর্বমাগমমাচার্যস্য প্রদর্শযিতুং যুক্তমিত্যাশঙ্ক্যাচার্যেণ যস্মাদ্দৃদ্ধবৈদ্যানুস্মর্যমাণমার্চার্যচরকোক্তং লিঙ্গমনুমাপকং বিদ্যতে| তথা চ চরকে বাতশোণিতচিকিত্সিতে ত্রাযন্ত্যাদ্যে পরুষকাদ্যে চ ঘৃতে কষাযে চ পরুষকদ্রাক্ষাকাশ্মর্যেক্ষিবিদারীণাং রসাঃ পৃথক্স্নেহসমাঃ পঠিতাঃ| অতোঽনুমীযতেঽন্যত্রাঽপ্যেবমিতি পারম্পর্যবিচ্ছেদস্য চাগমত্বমপ্রতিহতমিতি সর্বশাস্ত্রেষু গৃহীতমেব| যস্মিংশ্চ ভৈষজ্যে বিশিষ্টা কল্পনা নির্যাসাদিকা নোক্তা তদ্ভৈষজ্যং কল্কীকুর্যাত্| যেষু কেষুচিত্ স্নেহাপাকেষ্ববিশেষেণৌষধানি পঠিতানি ন তু তেষাং কল্পনাবিশেষস্তত্র তেষাং কল্ক এব যোজ্য ইত্যর্থঃ| একধ্যং মিশ্রীভাবেন| নির্যূহবদিতি সুখোপবিষ্টঃ সর্বতঃ সকলমবলোকযন্ দর্ব্যাঽবঘট্টাযন্ মৃদুনা পরিতঃ সমুপগচ্ছতাঽনলেন সাধযেদিত্যুক্তম্| তত্র যদেত্যাদিনা পচ্যমানস্নেহস্যাঽবতরণকালঃ| বটকানাং তু লেহপূর্বত্বাত্ পৃথঙ্নোক্তম্| সুবোধম্| অপি চেত্যাদিনা ঘৃতাদিবিশেষেণ| সুবোধম্| তদুদ্ভবঃ ফেনোদ্ভবঃ| সরণমনেকশো গমনম্| তস্যাভাবঃ| পরিপূয পরিস্রাব্য| সুবোধম্| এবমাঽঽচার্যেণ কল্পনা উক্তাঃ| ইদন্তু বিচার্যম্| যদেতদৌষধসংস্কৃতং ষডঙ্গাদিজলমুক্তং তত্র তু দ্রব্যোদকক্বথিতশেষাণাং কিং মানমিতি| তৃডুপশমনায জলবত্ প্রযুজ্যতো তত্ ক্বাথপাকপরিভাষা ন সম্ভবতি| তথা চাত্র কেচিত্ পঠন্তি- অনুক্তে পরিমাণে তু দ্রব্যাণামুদকস্য চ| তৃষ্ণাশান্ত্যৈ কথন্তোযমৌষধঞ্চ পুনঃ কথম্|| চতুর্গুণং যদি দ্রব্যাদথবা ষোদশাংশকম্| চতুর্ভাগাঽবশেষে তু বহুদ্রব্যং প্রযুজ্যতে|| ক্রিযমাণবিধিশ্চৈষ ন প্রসিদ্ধিমুপাগতঃ| তস্মাদ্বিনা তু শাস্ত্রেণ প্রসিদ্ধিং সমুপাশ্রযেত্| যদেব তাবচ্ছাস্ত্রেণ সমাখ্যাতং পরিস্ফুটম্| প্রসিদ্ধিমাশ্রিতৈর্বৈদ্যৈস্তদপি ক্রিযতেঽন্যথা|| নির্দিষ্টং মধুশাস্ত্রেণ বমনে গুণদর্শনাত্| ন চ তত্ ক্রিযতে বৈদ্যৈঃ প্রত্যাগমনশঙ্কযা|| বারুণ্যামাঽঽসুতাঃ প্রোক্তা দেবদারুবচাদযঃ| জলেনোত্ক্বথিতাঃ প্রাযস্তে প্রসিদ্ধাশ্চ কর্মণি|| উক্তং চ শাস্ত্রকারেণ কুর্যাদূহং স্বযং ধিযা| ব্যাখ্যানমুপদেশশ্চ তন্ত্রযুক্তিশ্চ কীর্ত্তিতা|| তত্রোপদেশবচনং যত্ প্রোক্তং শাস্ত্র এব হি| বিশেষেণ যদাঽঽখ্যানং তদ্ব্যাখ্যানমিহেষ্যতে|| বিবিধং বা যদাখ্যানং প্রসিদ্ধমনিবন্ধনম্| বৃদ্ধবৈদ্যাগতং তদ্ধি ব্যাখ্যানমিতি সংজ্ঞিতম্|| আগমস্মর্যমাণোঽযং নৈব শাস্ত্রনিবন্ধনঃ| তস্মাত্ স্মরণমেবাঽত্র যথা বৈদ্যক্রমাগতম্|| তথৈব ভিষজা কার্যো দ্রব্যোদকপরিগ্রহঃ|| ইতি| এবং বৃদ্ধবৈদ্যাঽঽগতং প্রস্থাদিমানং নৈবাস্মাভিরুচ্যতে| সর্বেষ্বেবৌষধোককেষ্বৌষধানাং সঙ্খ্যাবিশেষনিরপেক্ষাস্তথাবিধা ভাগা বিধেযাঃ| যথা দ্রব্যসমুদাযস্য ব্যাধ্যাদ্যপেক্ষমর্ধপলং বা কর্ষত্রযং বা পলং বা ভবতি| ন চ পলমধিকমাত্রা ক্বাথসমা ভবতীত্যাঽঽশঙ্কা কার্যা| যতঃ ক্বাথ্যে দ্রব্যপলে ষোডশজলপলানি দত্বা ক্বথিতশেষস্য চত্বারি পলানি গৃহ্যন্তে| তৃড্শমনে তু জলে ঔষধপলেনোদকস্য প্রস্থদ্বযমাত্রদ্রবমানেন ততোঽপ্যধিকং বা স্থাল্যামধিশ্রীযতে| অর্ধশৃতং চেদমেব কল্প্যতে| তস্মাত্ দ্রব্যপলস্যাপি প্রযোগে ন বিরুধ্য ইতি| তথা যবাগূযূষপানকমাংসৌদনাঽঽসবাঽরিষ্টাদিষ্বপি দ্রব্যাদিমানং নোক্তকং তত্রাপি বৃদ্ধবৈদ্যাঽবিচ্ছেদপারম্পর্যেণ প্রতিপদোক্তং সজাতীযাঽনুমানেনৈবাঽবাঽবগন্তব্যম্| যস্মাদ্বহিরেব শাস্ত্রেণনুবদ্ধং প্রযোগে প্রতিষ্ঠিতম্| তথা চ পঠন্তি- অতশ্চ প্রকৃতং বুদ্ধ্বা দেশকালান্তরাণি চ| তন্ত্রকর্ত্তুরভিপ্রাযানুপাযাংশ্চার্থমাদিশেত্|| ইতি| অনেকং চৈবং প্রকারং প্রসিদ্ধ্যৈব জ্ঞাযত ইতি কৃত্ব শাস্ত্রে নিবদ্ধম্| তথা চ - কুক্কুটাশ্চ মযূরাশ্চ তিত্তিরিক্রৌঞ্চবর্তকাঃ| শালযো মদিরাঃ সর্পির্বাতগুল্মচিকিত্সিতম্|| ইত্যত্র যথার্হং সংস্কারো গম্যত এব| অন্যত্ সম্মোহভযান্ন প্রদর্শ্যতে| অন্যতন্ত্রেষু পুনরেবংবিধমপি পঠ্যতে- অনির্দিষ্টে ঘৃতক্ষীরবিশেষে গব্যমিষ্যতে| সৈন্ধবং লবণেভ্যশ্চ ক্ষারেভ্যো যবশূকজঃ| তৈলেভ্যস্তিলতৈলঞ্চ গোমূত্রং মূত্রকীর্ত্তনে|| ইত্যুক্তাঃ কল্পনাঃ|| ১৬||
Adhikarana patimANanirdeshaH (17) · Śloka 17
পরিমাণং পুনঃ ষড্বংশ্যো মরীচিঃ| তাঃ ষট্সর্ষপঃ| তেঽষ্টৌ তণ্ডুলঃ| তৌ ধান্যমাষঃ| তৌ যবঃ| অতঃ পরং চতুর্গুণবৃদ্ধ্যাঽণ্ডিকামাষকশাণকর্ষপলকুডবপ্রস্থা- ঽঽঢকদ্রোণবহাঃ কল্প্যন্তে| ধরণং তু পলস্য দশমো ভাগঃ| মাষকস্য পর্যাযো হেমো ধানকশ্চ| শাণদ্বযস্য পর্যাযো দ্রঙ্ক্ষণঃ কোলো বটকশ্চ| কর্ষস্য সুবর্ণমক্ষং পিচুর্বিডালপদকং পাণিতলং তিন্দুকং কবলগ্রহঃ ষোড- শিকা চ| কর্ষদ্বযস্য শুক্তিরষ্টমিকা চ| পলস্য মুষ্টিঃ প্রকুঞ্চশ্চতুর্থিকাবিল্বমাত্রঞ্চ| পলদ্বযস্য প্রসৃতো- ঽষ্টমানং চ| কুডবস্যাঽঞ্জলিঃ| কুডবদ্বযস্য মানিকা| আঢকস্য পাত্রং কংসশ্চ| দোণস্য নল্বণার্মণোন্মানঘট- কুম্ভকলশাঃ| দ্রোণদ্বযস্য শূর্পঃ| তুলা পুনঃ পল- শতম্| তানি বিংশতির্ভার ইতি| ভবতি চাত্র- শুষ্কমেযেষ্বিদং মানং দ্বিগুণং তু দ্রবাঽঽর্দ্রযোঃ||১৭||
परिमाणं पुनः षड्वंश्यो मरीचिः| ताः षट्सर्षपः| तेऽष्टौ तण्डुलः| तौ धान्यमाषः| तौ यवः| अतः परं चतुर्गुणवृद्ध्याऽण्डिकामाषकशाणकर्षपलकुडवप्रस्था- ऽऽढकद्रोणवहाः कल्प्यन्ते| धरणं तु पलस्य दशमो भागः| माषकस्य पर्यायो हेमो धानकश्च| शाणद्वयस्य पर्यायो द्रङ्क्षणः कोलो वटकश्च| कर्षस्य सुवर्णमक्षं पिचुर्बिडालपदकं पाणितलं तिन्दुकं कवलग्रहः षोड- शिका च| कर्षद्वयस्य शुक्तिरष्टमिका च| पलस्य मुष्टिः प्रकुञ्चश्चतुर्थिकाबिल्वमात्रञ्च| पलद्वयस्य प्रसृतो- ऽष्टमानं च| कुडवस्याऽञ्जलिः| कुडवद्वयस्य मानिका| आढकस्य पात्रं कंसश्च| दोणस्य नल्वणार्मणोन्मानघट- कुम्भकलशाः| द्रोणद्वयस्य शूर्पः| तुला पुनः पल- शतम्| तानि विंशतिर्भार इति| भवति चात्र- शुष्कमेयेष्विदं मानं द्विगुणं तु द्रवाऽऽर्द्रयोः||१७||
🔊 Audio coming soon
পরিমাণং পুনরিত্যাদি| পরিমাণং সামান্যেন মানম্| বংশী সুসূক্ষ্মরজসোঽশু অণুঃ| তা ইতি মরীচ্যঃ| ত ইতি সর্ষপাঃ| তাবিতি তণ্ডুলৌ| পুনস্তাবিতি ধান্যমাষৌ| অত ইতি যবাত্পরমুত্তরমুত্তরং পূর্বস্য চতুর্গুণবৃদ্ধ্যা বিজ্ঞেযম্| এবং সতি চত্বারো যবা অণ্ডিকা| চতস্রোঽণ্ডিকা মাষকঃ| চত্বারো মাষকাঃ শাণঃ| এবং চতুর্গুণবৃদ্ধ্যা কর্ষাদ্যপি বহান্তং বাচ্যম্| ধরণং পলস্য দশমো ভাগঃ| ষণ্মাষকা একাঽণ্ডিকা একো যবস্রযো ধান্যমাষা ইতি| পর্যাযা মাষকাদীনাং সুবোধাঃ| শাণদ্বযমর্ধকর্ষঃ| তানীতি| তানি পলশতানি বিংশতির্ভারঃ| যদেতদিহ মানমুক্তং তচ্ছুষ্কেষ্বেব মেযেষু বোদ্ধব্যম্| যদা তু দ্রবং জলক্ষীরঘৃতাদ্যাঽঽর্দ্রং বা গুডূচীপঞ্চমূলাদিমেযং তদৈতদেব মানং দ্বিগুণং জ্ঞেযম্| যদ্যপি চ সামান্যেন দ্রবার্দ্রযোর্দ্বিগুণমানস্যোক্তত্বাত্ বংশ্যাদিবহান্তং সর্বং দ্বিগুণং প্রাপ্তং তথাপি কুডবাদ্যেব বহান্তং দ্বিগুণং বিজ্ঞেযং ন তু বংশ্যাদিপলান্তম্| বংশ্যাদাবপি দ্বিগুণে দূষ্যমাণে অনেকমবিচ্ছেদেন প্রসিদ্ধমসংশযফলং চ প্রযোগপূগং পরিহীযতে| ততশ্চ্যবনপ্রাশাদিষু প্রসিদ্ধান্মানাত্ দ্বিগুণপলানি তৈলাদীনি প্রাপ্নুবন্তি| তথা নীলিনীঘৃতে প্রসিদ্ধাত্ সুধাক্ষীরাদযৌগিকমতিযোগকর্ত্তৃদ্বিগুণং প্রাপ্নোত্যন্যান্যপি শাণাদিষু বিপরীতান্যাপতন্তি| তানি স্বযং বিকল্প্য যোজ্যানি| অত্র চ প্রমাণং চতুর্বিংশতিপলমানং বস্তেশ্চতুঃ সুবর্ণেন পলেন| নাঽষ্টসুবর্ণেন| অষ্টসুবর্ণেন হি বস্ত্যৌষধস্য পক্ত্বাঽঽশযেঽবকাশ এব ন বিদ্যতে| এবমণ্ডিকামাষকশাণাদিষ্বপি প্রমাণীকর্ত্তব্যম্| তস্মাত্ সামান্যোক্তাবপি কুডবাদিষ্বেব দ্বিগুণত্বং বিজ্ঞেযম্, ন বংশ্যাদিষু| অত এব চ তুলাযাঃ পলোক্তিনিযতত্বদ্ দ্বিগুণত্বাঽসম্ভবঃ| তথা চ পঠন্তি- নির্দেশস্যাবিশেষেঽপি বিশেষো রূঢিমাগতঃ| অবিচ্ছেদাত্ প্রবক্তৃণাং শ্রোতৃণাং চ ক্রিযাবিধৌ|| কর্মণ্যণুবিশেষেঽপি বিশেষে লক্ষণং স্থিতম্| আদিত্যং পশ্যতীত্যত্র নাঽবিশেষাত্ প্রযুজ্যতে|| ইতি| অত এব যদপি চাঽঽর্দ্রদ্রব্যাণাং দ্বিগুণং মানমুক্তং তন্নঃ সর্বেষামেব কূষ্মাণ্ডকাঽঽর্দ্রকেক্ষুগণ্ডিরকাদীনামিতি বোদ্ধব্যম্| যানি পুনঃ সহচরকণ্টকারিকাবাশাতাবরীকুটজত্বক্কূষ্মাণ্ডকাদীন্যাঽঽর্দ্রণ্যেব প্রসিদ্ধপ্রযোগাণি তেষাং দ্বিগুণত্বে যথাস্বমুক্তপ্রযোগাঽসম্ভবঃ| শুষ্কপ্রসিদ্ধানাং তু সদ্য উদ্ধৃতানাং তৈক্ষ্ণ্যাদ্যভাবাদুপপন্ন এব দ্বিগুণপ্রযোগ ইতি| অপি তু যেষাং শুষ্কাণামেব প্রযোগঃ প্রসিদ্ধঃ দ্বিগুণত্বসিদ্ধেঃ সম্ভবাত্তু সদ্য উদ্ধৃতান্যেব প্রযুজ্যন্তে তেষামেব যত্র তু কিঞ্চিদাদিশ্যতে নাঽন্যত্ সতং দ্বিগুণং বা ত্রিগুণাদি বোচ্যতে তত্র দ্রবশুষ্ককুডবাদিনিরপেক্ষমেব| ব্যবহারপ্রসিদ্ধযোন্মানমাত্রেণৈব সমত্বাদিকং বিজ্ঞেযম্| কুডবাদিস্মৃতৌ তু পূর্বম্| ইত্যুক্তা কল্পনা|| ১৭||
Adhikarana paribhAShAsaMgrahaH (18-19) · Śloka 19
পেষণাঽঽলোডনে বারি স্নেহপাকে চ নির্দ্রবে| কল্পযেত্সদৃশান্ ভাগান্ প্রমাণং যত্র নোদিতম্| অনির্দিষ্টাঽপ্রসিদ্ধেষু মূলং গ্রাহ্যং ত্বগাদিষু| স্নেহপাকস্ত্রিধা মন্ধশ্চিক্কণঃ খরচিক্কণঃ| মন্দঃ কল্কসমে কিট্টে চিক্কণো মদনোপমে| কিঞ্চিত্ সীদতি কৃষ্ণে চ বর্ত্তমানে তু পশ্চিমঃ| দগ্ধোঽত ঊর্ধ্বং নিষ্কার্যঃ স্যাদামস্ত্বগ্নিসাদকৃত্| মৃদুর্নস্যে খরোঽভ্যঙ্গে পানে বস্তৌ চ চিক্কণঃ| হিমবদ্বন্ধ্যশৈলাভ্যাং প্রাযো ব্যাপ্তা বসুন্ধরা| সৌম্যং পথ্যং চ তত্রাদ্যমাঽঽগ্নেযং বৈন্ধ্যমৌষধম্||১৮|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং কল্পস্থানে ভেষজকল্পো নাম অষ্টমোঽধ্যাযঃ||১৯||
पेषणाऽऽलोडने वारि स्नेहपाके च निर्द्रवे| कल्पयेत्सदृशान् भागान् प्रमाणं यत्र नोदितम्| अनिर्दिष्टाऽप्रसिद्धेषु मूलं ग्राह्यं त्वगादिषु| स्नेहपाकस्त्रिधा मन्धश्चिक्कणः खरचिक्कणः| मन्दः कल्कसमे किट्टे चिक्कणो मदनोपमे| किञ्चित् सीदति कृष्णे च वर्त्तमाने तु पश्चिमः| दग्धोऽत ऊर्ध्वं निष्कार्यः स्यादामस्त्वग्निसादकृत्| मृदुर्नस्ये खरोऽभ्यङ्गे पाने बस्तौ च चिक्कणः| हिमवद्वन्ध्यशैलाभ्यां प्रायो व्याप्ता वसुन्धरा| सौम्यं पथ्यं च तत्राद्यमाऽऽग्नेयं वैन्ध्यमौषधम्||१८|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां कल्पस्थाने भेषजकल्पो नाम अष्टमोऽध्यायः||१९||
🔊 Audio coming soon
যত্র পেষণাঽঽলোডনাদিসামান্যেনোক্তং তত্র বার্য্যৈ বেতি বিজ্ঞেযমিত্যাহ-পেষণেত্যাদি| যত্র তূ দ্রব্যতিরেকেণ পিষ্ট্বা পিবেদিত্যেবমাদ্যুক্তম্ | যত্র চ স্নেহমেভিরৌষধৈঃ পচেদিতি চ প্রোক্তম্| তত্র সর্বত্র সলিলমেবেষ্যতি ইতি ভাবঃ| যত্র তু দ্রব্যাণ্যেব পঠিতানি ন তু তেষাং পৃথক্প্রমাণং তত্র সদৃশাংস্তুল্যান্ ভাগান্ কল্পযেত্| এতত্ পৃথক্পঠিতানাং মানং বিজ্ঞেযম্| সমুদাযস্য চ মানং শব্দেনৈব বাচ্যম্| যথা দশমূলাঽঽঢক ইত্যত্র সমুদিতস্যৈবাঽঽঢক ইতি বিজ্ঞেযম্, ন তু পৃথগ্ভূতস্যেতি ভাবঃ| যত্র তু ত্র্যূষণত্রিফলাদীনামেকবচনান্তানাং প্রযোগস্তত্র সমুদাযস্যৈব ভাগো বিজ্ঞেযঃ| ক্বচিত্তু কার্যানুমানাত্ প্রত্যেকমিষ্যতে| প্রমাণং যত্র নোদিতমিতি মানবাচিনঃ শব্দস্যাপ্রযোগ উক্তঃ| তত্ প্রযোগে তু যথাপ্রাপ্তমবগন্তব্যম্| তেনাঽগস্ত্যাদিকে ঘৃতাদীনাং পিপ্পলীচূর্ণেনাঽসাম্যম্| ভেষজস্য কল্পনা উক্তা| কেবলমিদং ন জ্ঞাযতে যদ্যত্র ক্বচিত্ দ্রব্যমুক্তং তত্র তস্য বিংগৃহ্যতামিতি| যস্মাদ্ দ্রব্যাণাং ত্বক্সারপিচ্ছামূলফলকুসুমক্ষীরশাখাদিভেদেনাঽনেকধা প্রযোগে দৃষ্টঃ ইত্যত্রাঽঽহ-অনির্দিষ্টাঽপ্রসিদ্ধেষ্বিত্যাদি| যত্র ত্বগাদীনামন্যতমং শব্দেনোক্তং তত্রাঽবিবাদঃ| যত্র পুনর্বিশেষস্ত্বগাদিষু ন নির্দিষ্টোঽপ্রসিদ্ধত্বাদৌষধসংগ্রহকর্ত্তৃভ্যো ন প্রাপ্যতে তত্র মূলমেব গ্রাহ্যম্| তথা চ কশ্চিতন্ত্রকারঃ পঠতি - বচনাচ্চ সদা কার্যং ফলমূলাদি যত্স্মৃতম্| ভিষগ্ব্যঞ্জিতে দ্রব্যে মূলং দদ্যাদ্ বিশেষতঃ|| ব্যক্তেরনুপলব্ধৌ তু মূলমেব প্রদাপযেত্| মূলবীর্যা হি ভূযিষ্ঠমৌষধীঃ পরিচক্ষতে| মূলাঽলাভে তু দাতব্যং মূলতুল্যগুণঞ্চ যত্|| ইতি| মন্দাদিভেদেন ত্রিধা স্নেহপাক উক্তঃ| কল্কসমোঽতিমার্দবাত্| মদনং মাক্ষিকমলম্| সীদতি সঙ্ঘাতং ন গৃহ্ণাতি| অতঃ খরলক্ষণাদূর্ধ্বং যো দগ্ধো ভবতি স তু নিষ্কার্যঃ স্যাত্| মন্দলক্ষণাত্ পূর্বমামঃ সত্ত্বঽগ্নিসাদকৃত্| মৃদ্বিত্যাদিনা মন্দাদীনাং বিষযনির্দেশঃ| মৃদুর্মন্দঃ ইতি পর্যাযৌ| উপসংহরন্নাহ-হিমবদিত্যাদি| বসুন্ধরা ভুর্হিমবতা বিন্ধ্যেন চ প্রাযো ব্যাপ্তা| দক্ষিণো ভূভাগো বিন্ধ্য উত্তরো হিমবান্| তত্রৈবং স্থিত আদৌ ভবমাঽঽদ্যং হৈমবতং সৌম্যং দেহে চ পথ্যম্|| বৈন্ধ্যমাঽঽনেযম্| তস্য পথ্যাপথ্যত্বেনাঽনুক্তের্বিষযবিশেষেণ পথ্যত্বমুক্তমিতি| অত্র চ কেচিচ্চরকাচার্যমতনুসারেণ প্রমাণোপপন্নপ্রসিদ্ধাঽবিচ্ছিন্নব্যবহারপ্রদর্শনপরাঃ শ্লোকৈঃ পরিভাষাঃ পঠন্তি| তাঃ বিকল্প্য যোজ্যাঃ| চরকোক্তাঃ পরিভাষাঃ- পরিভাষাঃপ্রবক্ষ্যন্তে চিকিত্সাযাং সুসংশ্রিতাঃ| দ্রব্যাণি ষোডশগুণে সলিলে ক্বাথযেদ্ভিষক্|| চতুর্থশেষঃ পূতস্তু কষাযো গ্রাহ্য ইষ্যতে| অথ ক্বাথ্যেষু তেষূক্তং তোযাদন্যদ্ দ্রবং ভবেত্|| তচ্চাম্বুবত্ প্রযোক্তব্যং তত্ ষোডশগুণং ততঃ| দ্রবং যত্তত্র পঠিতং ক্ষীরং বা দধিমস্তু বা|| মূত্রং তক্রং সুরাগণ্ডং যদি বাঽপ্যম্লকাঞ্জিকম্| জলবত্ ষোডশগুণং তত্স্যাত্ পাদাঽবশেষিতম্|| অনির্দিষ্টে প্রমাণে তু ক্বাথ্যানাং চ দ্রবস্য চ| কষাযপাককল্পোঽযং কৃষ্ণাঽঽত্রেযেণ বর্ণিতঃ|| কর্ত্তব্যং সতি নির্দেশে যথানির্দেষ্টমেব হি| অস্যাস্তু পরিভাষাযাঃ ষডঙ্গাদাবসম্ভবাত্|| তত্র প্রসিদ্ধিমাশ্রিত্য ভেষজেষু জলেষু চ| তথা বিধেযা ভাগাঃ স্যুর্ব্যাধ্যাদিসদৃশা যথা|| তস্মাদর্ধপলং বাপি দ্বিপ্রস্থমুদকস্য তু| ততোঽধিকং বা কর্ত্তব্যমূহাপোহবিশারদৈঃ|| হীনং বাপি ততঃ কার্যমেবং যূষে চ পানকে| মাংসৌদনাসবারিষ্টপেযাসু চ বিতর্কযেত্|| স্নেহাদিসাধনাযোক্তো নির্যূহো যত্র যত্র হি| তত্রাঽপি ষোডশগুণঃ পক্ষোঽযং পরিগৃহ্যতে|| দ্রব্যং স্নেহসমং ক্বাথ্যমত্র পক্ষে প্রযুজ্যতে| কষায এব চেত্তত্র দ্রবার্থং কেবলো ভবেত্|| তথান্যদপি তত্রোক্তং দ্রবং ক্ষীরাদিকং ভবেত্| ততোঽনুরূপং সঙ্খ্যায দ্রব্যং তোযেন সাধযেত্|| দ্রব্যং স্নেহসমং ক্বাথ্যমন্যত্রাঽপি দ্রবে সতি| ন তত্র যুজ্যতে তস্মাদনুরূপেণ কল্পযেত্|| অন্যে তু ভিষজঃ প্রাহুঃ ক্বাথ্যান্যষ্টগুণোঽম্ভসি| ক্বাথ্যং তু ভবতি স্নেহাদত্র দ্বিগুণমৌষধম্| কষাযেণৈব চেত্সাধ্যঃ সত্যন্যস্মিন্ দ্রবে তথা| সাধযেদনুরূপেণ কেচিদেবং প্রচক্ষতে|| চতুর্গুণেন তোযেন ক্বাথযেদৌষধানি তু| ৠষীণাং সুশ্রুতাদীনাং সর্বেষাং মতমীদৃশম্|| এতাবাংস্তু বিশেষোঽত্র শেষমাত্রাঽপি পূর্ববত্| ক্বাথ্যং তু ভেষজং স্নেহাদত্র পক্ষে চতুর্গুণম্|| পলব্যপেক্ষযা দ্রব্যাদথ তোযং চতুর্গুণম্| প্রস্থব্যপেক্ষযা দ্রব্যাদ্যদা তোযং চতুর্গুণম্|| ক্রিযতে দ্বিগুণং ক্বাথ্যং ততঃ স্নেহাত্প্রযুজ্যতে| দ্রবাণাং দ্বিগুণং প্রস্থং শুষ্কাত্প্রস্থাদ্যতো মতঃ|| প্রসিদ্ধিস্তু চিকিত্সাযাং দ্বিধা হি ভিষজামিহ| পলব্যপেক্ষযাঽপ্যস্তি তথা প্রস্থব্যপেক্ষযা|| সুধ্রুতস্য তু যঃ পূর্বমুপন্যস্তশ্চিরন্তনঃ| পাঠঃ পলব্য্তপেক্ষাযাং জ্ঞাপকং তদুদাহৃতম্|| ইত্যেবং ত্রিবিধঃ প্রোক্তঃ কষাযগ্রহণং প্রতি| এবমন্যত্র সর্বেষাং কল্কাত্ স্নেহশ্চতুর্গুণঃ| চতুর্গুণং দ্রবং স্নেহাদ্যত্র যত্ পঠ্যতে দ্রবম্| অনুক্তে তু দ্রবে দেযং জলমেব চতুর্গুণম্|| কল্ককল্পস্তু চরকে কষাযাণাং ন কীর্তিতঃ| স্নেহপাকবিধিস্তূক এবং দৃঢবলেন তু|| চরকোঽর্ধকৃতে শাস্ত্রে ব্রহ্মভূযং গতো যতঃ| কষাযস্য তু পেযস্য যদি বা কল্কচূর্ণযোঃ| মাত্রা দৃঢবলেনাপি তত্রেতি পরিভাষিতা| চরকোক্তৈর্মযা বাক্যৈরনুমানাত্ প্রসাধিতা|| অনুক্তাপি যথা মাত্রা পশ্চাদ্বক্ষ্যাম্যহং তথা| এষাং কষাযকল্পানাং প্রবিভাগো বিধীযতে|| কষাযকল্পে ত্রিবিধে যশ্চতুর্গুণিতোদকঃ| কষাযকল্পঃ স্নেহেষু সাধ্যেষ্বেব সমাশ্রিতঃ|| বৈদ্যৈঃ প্রাযেণ ন তথা যঃ ষোডশগুণোদকঃ| চতুর্গুণোদকে পক্ষে স্নেহাদ্ দ্রব্যং চতুর্গুণম্|| অষ্টাবিংশং পলশতং ক্বাথ্যদ্রব্যস্য জাযতে| স্নেহপ্রস্থে বিপক্তব্যে শুষ্কং তচ্চ ভবেদ্যদি|| আর্দ্রে চেদুদ্ধৃতং সদ্যস্ততঃ পলশতদ্বযম্| স্নেহপ্রস্থে ভবেত্সাধ্যে ষট্পঞ্চাশত্পলাধিকম্|| এবং বহুত্বাদ্ দ্রব্যস্য যশ্চতুর্গুণিতোদকঃ| সকল্পোঽভিমতস্তত্র স্নেহঃ স্যাদ্বীর্যবত্তরঃ|| সহস্রপাকাঃ স্নেহাস্তু শতপাকাশ্চ কীর্ত্তিতাঃ| সুভাবিতং স্বল্পমপি দ্রব্যং তদ্বহুকর্মকৃত্|| তস্মাদ্বহুতরং দ্রব্যং যত্র পক্ষে প্রযুজ্যতে| স্নেহপাকেষু সঃ শ্রেযানিত্যেষ তু মযাশ্রিতঃ|| স্নেহপাকবিধাবেব প্রযোগস্তস্য যুজ্যতে| পাচনাঃ শমনীযাশ্চ যে কষাযা জ্বরাদিষু|| উদীরিতাঃ পুনস্তেষু কষাযেশূপকল্প্যতে| চতুর্গুণোদকে পেযং কষাযস্য ফলং ভবেত্|| তস্মাদ্ দ্রব্যপলং বৈদ্যাঃ পাচনেশু প্রযুঞ্জতে| মাত্রাং তু বৈদ্যাঃ ক্বাথস্য পাযযন্তি চতুষ্পলাম্|| ক্রিযমাণাঃ প্রসিদ্ধোঽযং পারম্পর্যাগতো বিধিঃ| বাধিতুং শক্যতে নৈব জ্ঞাপকং চাত্র বিদ্যতে|| পলং বত্সকবীজস্য শ্রপযিত্বা রসং পিবেত্| আচার্যচরকেণৈব মতিসারে তু ভাষিতম্|| পটোলাদ্যে কষাযে চ ক্বাথ্যদ্রব্যপলং কৃতম্| চতুর্গুণেন তোযেন পচেদ্ দ্রব্যপলে সতি|| চতুর্ভাগাবশেষং তু পেযং ক্বাথপলং ভবেত্| শাস্ত্রে কুষ্ঠে চ মাত্রা সা মহতী সম্প্রকাশিতা|| চতুষ্পলা কষাযস্য মাত্রা যা ভিষজাং মতা| পলে চতুর্গুণজলে সা মাত্রা ন প্রসিধ্যতি|| এবং সতি চ সাধ্যং স্যাদ্ভেষজানাং চতুষ্পলম্| চতুষ্পলস্য দ্রব্যস্য ক্বথিতস্য চতুর্গুণে|| তোযে চতুর্থশেষস্য পেযঃ ক্বাথশ্চতুষ্পলঃ| ভট্টারহরচিন্দ্রেণ খরণাদে প্রকীর্ত্তিতা|| পাতব্যা ষট্পলা মাত্রা তস্য দ্রব্যপলানি ষট্| ক্বাথ্যানি সম্প্রযুজ্যন্তে জলং দ্রব্যাচ্চতুর্গুণম্|| পটোলাদ্যে চ তেনাপি ক্বাথ্যদ্রব্যপলং কৃতম্| খরণাদকৃতা মাত্রা পেযা তেনৈব ষট্পলা|| পরস্পরবিরুদ্ধং তত্তস্যাপ্যেতত্ প্রযুজ্যতে| অপ্রসিদ্ধো বিধিশ্চাযং কষাযস্য জ্বরাদিষু|| ন ষট্পলানি ক্বাথ্যন্তে ন চ তোযং চতুর্গুণম্| চতুর্গুণোদকা তস্মাত্ পরিভাষা ন যুজ্যতে|| জ্বরাদীনাং কষাযেষু স্নেহেষ্বেব হি সা মতা| কৃষ্ণাত্রেযমুনিপ্রোক্তা যা ষোডশগুণোদকা|| জ্বরাদিষু কষাযাণাং গ্রহণং ক্রিযতে তযা| চতুর্গুণোদকা যাঽপি পরিভাষোপদিশ্যতে|| তত্রাপি হি বিশেষোঽযমন্যঃ কৈশ্চিদুপাশ্রিতঃ| স্নেহেষু পলনির্দেশো যেষু যেষু ন বিদ্যতে|| প্রস্থব্যপেক্ষযা চাঽত্র সঙ্খ্যেযমদুকৌষধম্| পলব্যপেক্ষযা চাঽপি সমাচারো দ্বিধা অপি|| পূর্বং প্রস্থব্যপেক্ষা যা প্রোক্ত বিজ্ঞাপকে সতি| দ্রব্যাণাং পলনির্দেশো যত্রোক্তো মিশ্রকে তথা || পলব্যপেক্ষযৈবাত্র তোযমেবং চতুর্গুণম্| প্রদেশান্তরনির্দেশাচ্চরকেঽপ্যনুমীযতে|| কষাযমাত্রা পাতব্যা মদ্যপ্যপরিভাষিত| স্বর্ণক্ষীর্যাদিকে যোগে পাণ্দুরোগচিকিত্সিতে|| পাতব্যা কথিতা মাত্র গোমূত্রেণ চতুষ্পলা| রোহিণী কটুকাদীনাং পিত্তগুল্মচিকিত্সিতে|| ঘৃতং মুক্ত্বা কষাযস্য প্রোক্তা মাত্রা চতুষ্পলা| অতোঽনুমানাচ্চরকে সিদ্ধা মাত্রা চতুষ্পলা|| দ্রব্যাণাং চ পলং ক্বাথ্যং পটোলাদ্যে প্রকীর্ত্তিতম্| পলং বত্সকবীজস্য নির্দিষ্টং চাঽতিসারিকে|| তত্ ষোডশগুণে তোযে যদি ন ক্বাথ্যতে ততঃ| চতুর্গুণোদকে তোযে পেযং ক্বাথপলং ভবেত্|| ইত্যেতত্ ষোদশগুণং তোযং যত্র প্রযুজ্যতে| এষৈব চরকস্যাপি পরিভাষাঽনুমীযতে|| পাতব্যেষু কষাযেষু মুস্তপর্পটকাদিষু| বিশেষঃ কথ্যতেঽন্যোঽপি মানে শুষ্কদ্রবাশ্রযে|| শুষ্কদ্রব্যাশ্রযং মানং নির্দিশ্য যদুদাহৃতম্| দ্রবেষু দ্বিগুণং মানং সদ্যশ্চৈবোদ্ধৃতেষু চ|| দ্বিগুণং মানমিত্যেতদাঽঽরভ্য কুডবাদিতি| শুষ্কাণাঞ্চ দ্রবাণাঞ্চ সমং তু কুডবাদধঃ|| তুলাযামপি নৈবেষ্টা দ্বিগুণা মানকল্পনা| তুলাপলশতং চৈব তচ্ছুষ্কদ্রব্যযোর্মতম্|| পলং চতুর্গুণং চেষ্টং প্রসিদ্ধজ্ঞাপকাদিকম্| সহাচরতুলাযাস্তু রসে তৈলঢকং পচেত্|| যদুক্তং শতমেবাত্র পলানাং পরিগৃহ্যতে| চতুঃসুবর্ণমেতচ্চ পলং নাঽষ্টসুবর্ণকম্|| দ্রব্যস্য দ্বিগুণত্বে স্যাত্পলমষ্টসুবর্ণকম্| নৈবাঞ্জলৌ ন প্রসৃতে ন পলে ন পলাদধঃ| দ্রবাণামৌষধানং হি দ্বিগুণং মানমিষ্যতে| দ্বিগুণত্বে দ্রবেষু স্যাত্পলমষ্টসুবর্ণকম্|| তেনৈষাং দ্বিগুণত্বেন ক্রিযামার্গো বিরুদ্ধ্যতে| কুডবাদ্যাসু সংজ্ঞাসু দ্রবাণাং দ্বিগুণো বিধিঃ|| বিদ্যতে জ্ঞাপকং চাঽত্র চরকাচাড়্যদর্শিতম্| স্পষ্টার্থমেব পঠিতমিদং কুষ্ঠচিকিত্সিতে|| সলিলাঢকেঽষ্টভাগে শেষে পূতো রসো গ্রাহ্যাঃ| তে চ কষাযাষ্টপলে চতুষ্পলং সর্পিষশ্চ পক্তব্যম্|| যাবত্ স্যাদষ্টপলং শেষং পেযং ততঃ কোষ্ণমিতি| অষ্টভাগাবশেষে তু পলানামষ্টকদ্বযম্|| পলস্য দ্বিগুণে মানে ক্রিযমাণে ন যুজ্যতে| দ্বিগুণে হি পলে তত্স্যাদেকমেব পলাষ্টকম্|| চতুষ্পলং চ দাতব্যং যত্ প্রোক্তং সহ সর্পিষা| পলস্য দ্বিগুণে মানে তদপ্যষ্টপলং ভবেত্|| চতুঃসুবর্ণ হি পলং শুষ্কাণামিষ্যতে যতঃ| দ্বিগুণত্বাদ্ দ্রবাণাং হি তত্স্যাদষ্টসুবর্ণকম্|| নিরূহমাত্রানির্দেশ এবং সতি চ বাধ্যতে| প্রসৃতার্ধং সমারভ্য দ্বাদশ প্রসৃতাঃ পরম্|| এষা মাত্রা দ্বিগুণিতা দ্বিগুণে প্রসৃতে ভবেত্| নিরূহমাত্রা শাস্ত্রোক্তা দ্বাদশপ্রসৃতাস্তথা|| চত্বারিংশত্ পলানি স্যুরষ্টাভিরধিকানি চ| ব্যাধ্যাদিষু তু মধ্যেষু ক্বাথস্যাঞ্জলিরিষ্যতে|| অত্র সুশ্রুতনির্দেশে ক্বাথোঽযং দ্বিগুণো ভবেত্| স্বরসাত্ক্বাথিতাচ্ছীতাত্কষাযাত্ষট্পলং পিবেত্|| যদুক্তং খরণাদেন তদ্ দ্বাদশপলং ভবেত্| পৈত্তিকে পঠ্যতে গুল্মে সর্পিষশ্চ চতুষ্পলম্|| পিবেত্সম্মূর্চ্ছিতং তেন গুল্মঃ শাম্যতি পৈত্তিকঃ| চতুষ্পলং ঘৃতস্যেদং মাত্রাঽপ্যষ্টপলং ভবেত্|| স্বণক্ষীর্যাদিকে যোগে গোমূত্রাঞ্জলিরিষ্যতে| অঞ্জলের্দ্বিগুণত্বাদ্ধি মাত্রা সাষ্টপলা ভবেত্|| গৌল্মিকে ত্রাযমাণাদ্যে ঘৃতে চ পরিপঠ্যতে| রসস্যামলকেক্ষূণাং ক্ষীরস্য চ ঘৃতস্য চ|| পলানি পৃথগষ্টাষ্টৌ কৃত্বা সম্যগ্বিপাচযেত্| অষ্টৌ প্রত্যেকমেতানি স্যুঃ ষোডশপলানি তু|| তস্মাদেবং প্রকারেষু নির্দ্রেশেষু বিরুধ্যতে| দ্রবাণাং দ্বিগুণং মানং তত্কার্যং কুডবাদিষু|| আর্দ্রেষ্বপি ন সর্বেষু সদ্যস্তেষূদ্ধৃতেষু চ| দ্বিগুণং মানমিচ্ছন্তি বিশেষোঽত্র চ কল্প্যতে|| শুষ্কাণি বিনিযুজ্যন্তে দশমূলাদিকানি হি| তেষ্বেব দ্বিগুণং মানং ন সর্বেষূদ্ধৃতেষু হি|| আর্দ্রাণামেব যেষাং তু প্রসিদ্ধিমুপকল্পযেত্| বাসাঘৃতে বৃষঘৃতে তৈলে সাহচরে তথা|| আর্দ্রাণাং দ্বিগুণং মানমেবমাদিষু নেষ্যতে| আর্দ্রাণামেব তেষাং হি প্রযোগঃ শস্যতে যতঃ|| শতাবরীমূলতূলাশ্চতস্রো যাঃ প্রকীর্ত্তিতাঃ| ন তত্র দ্বিগুণং মানং ভিষগ্ভিঃ কৈশ্চিদাশ্রিতম্|| বৈদ্যবুদ্ধিবিকাসার্থমিদমন্যত্ প্রকাশ্যতে| ক্বাথ্যানামৌষধানাং হি তত্র কার্যশ্চতুর্গুণঃ|| উদাহরণমত্রেষ্টং মহাকল্যাণকং ঘৃতম্| এবমেবৌষধানাং হি প্রমাণং যত্র নোদিতম্|| দ্বিগুণং চাপি নির্দিষ্টমন্যত্ক্ষীরাদিকং দ্রবম্| কষাযোঽপ্যৌষধানাং হি তত্র কার্যশ্চতুর্গুণঃ|| উদাহরণমত্রেষ্টং মহাকল্যাণকং ঘৃতম্| এবমেবৌষধানাং হি প্রমাণং যত্র নোদিতম্|| দ্বিগুণঞ্চাপি নির্দিষ্টমন্যত্ ক্ষীরাদিকং দ্রবম্| কষাযোঽপ্যৌষধানাং হি দ্বিগুণস্তত্র যুজ্যতে|| বাদিকং জ্বরে প্রোক্তমত্রোদাহরণং স্মৃতম্| নির্দিষ্টং ক্ষীরমন্যদ্বা দ্রবং যত্র চতুর্গুণম্|| ক্বাথৌষধানাং মানঞ্চ প্রোক্তং নোক্তং জলস্য তু| তত্রৌষধিবশাদেব সঙ্খ্যা ক্বাথস্য গম্যতে|| চতুর্গুণোদকা তত্র পরিভাষা যদীষ্যতে| ততো দ্রব্যসমস্তত্র কষাযঃ পরিকল্প্যতে|| যদা তু পরিভাষেষ্টা যা ষোডশগুণোদকা| চতুর্থশেষঃ ক্বাথঃ স্যাত্ততো দ্রব্যাচ্চতুর্গুণঃ|| অত্র সহচরং তৈলমুদাহরণমিষ্যতে| যত্রৌষধং কষাযোঽপি দ্রবং ক্ষীরাদিকং ত্রযম্|| প্রমাণং তু তথা নোক্তং স্নেহস্যোক্তং ন বা ভবেত্| তুল্যং ক্বাথেন দাতব্যং তত্র ক্ষীরাদিকং দ্রবম্|| কর্ত্তব্যঞ্চ তথা তত্স্যাদ্যথা স্নেহাচ্চতুর্গুণম্| গৌল্মিকো মিশ্রকস্নেহ উদাহরণমত্র হি|| এবং বৈ দ্বিগুণে স্নেহাত্ত্রিগুণে চ প্রকীর্ত্তিতে| ক্ষীরাদিকে দ্রবে কার্যং কষাযগ্রহণং তথা|| যথা কষাযসহিতং দ্রবং স্যাত্তচ্চতুর্গুণম্| অত্রোদাহরণং তত্স্যাদ্যথা স্নেহাচ্চতুর্গুণঃ|| কষাযঃ পঠ্যতে যত্র প্রমাণং চাস্য নোদিতম্| চতুর্গুণং বাপ্যধিকং প্রোক্তং ক্ষীরাদিকং দ্রবম্|| তত্রাপি চ প্রযোক্তব্যং স্নেহাত্ক্বাথং চতুর্গুণম্| পঞ্চমূলকষাযেণ পিণ্যাকং বহুবার্ষিকম্|| পঠ্যতে বাতরোগে তদুদাহরণমত্র হি| বহূনি যত্র পঠ্যন্তে ক্বচিত্স্নেহে দ্রবাণি হি|| বহূনামপি তেষাং চ পরিমাণং ন পঠ্যতে| সর্বেষাং সমুদাযঃ স্যাত্তত্র স্নেহাচ্চতুর্গুণঃ|| স্নেহপাকবিধং কেচিদেবং সমনুচক্ষতে| বহুষ্বেকৈকমিচ্ছন্তি কেচিত্তত্র সমং দ্রবম্|| ইত্যেবং মতভেদাত্তু যথা ক্বাথবিধৌ তথা| চতুর্গুণোদকঃ পক্ষো যদা তত্র সমাশ্রিতঃ|| বহুদ্রব্যং কিল স্নেহো বীর্যাবাঞ্ছতপাকবত্| অনেনৈবোপপত্ত্যা তু সমুদাযং চতুর্গুণম্|| নেচ্ছন্তি কেচিত্প্রত্যেকমাহুঃ স্নেহসমং দ্রবম্| গ্রহণীরৌগিকে স্নেহে পঞ্চমূলাঽভযাদিকে|| শুক্তেন মাতুলুঙ্গস্য স্বরসেনৈবমাদিতঃ| উদাহরণমত্রাস্তি যো বাঽপ্যন্যো বহুদ্রবঃ|| শ্লোকৈরেষোঽণুতৈলস্য কথ্যতে পাকসংবিধিঃ| যস্য সাধযিতুং তৈলং যাবন্মাত্রমভীপ্সিতম্|| তত্রৌষধানি তাবন্তি দত্ত্বা তোযং চতুর্গুণম্| কষাযার্থং বিপচ্যন্তে যঃ কষাযশ্চতুর্গুণঃ|| যাবন্মাত্রস্য তৈলস্য দদ্যাত্ পাদাবশেষিতম্| যাবন্মাত্রমসৌ তৈলাত্ কষাযো নাঽবতার্যতে|| চতুর্গুণোঽত্র কিং তর্হি পাক্যাদ্দশগুণঃ কৃতঃ| চতুর্গুণেন তোযেন প্রাপ্তানি পরিভাষযা|| ক্বাথ্যানি যানি তান্যত্র পাক্যাঃ শতগুণে জলে| ক্বাথ্যন্তে পরিভাষা তু শাস্ত্রবাক্যেন বাধিতা|| ইত্যেবমণুতৈলস্য কর্ত্তব্যং সম্প্রসাধনম্| গদ্যোক্তো যঃ পুনঃ শ্লোকৈরর্থঃ সমনুগীযতে|| তদ্ব্যক্তিব্যবসাযার্থং দ্বিরুক্তিঃ সা ন গর্হ্যতে| প্রাগুক্তাঽপি মযার্থো যঃ শ্লোকৈস্তস্মাত্প্রকাশিতঃ|| ১৮|| ইতি শ্রীমন্মহামহোপাধ্যাযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযাং কল্পস্থানে অষ্টমোঽধ্যাযঃ