Adhikarana atha vamanavirecanavyApatsiddhirnAma tRutIyo~adhyAyaH upodghAtaH · Śloka
🔊 Audio coming soon
vamanavirēcanānāṁ kalpanamuktvā tēṣāmēvā'samyagyōgēna yā vyāpadastāsāṁ siddhiṁ pratīkāraṁ pradarśayitumadhyāya ārabhyatē-
3. vamanavirēcanavyāpatsiddhiḥ
Adhikarana pratij~jA (1) · Śloka 1
athātō vamanavirēcanavyāpatsiddhināmā'dhyāyaṁ vyākhyāsyāmaḥ| iti ha smāhurā''trēyādayō maharṣayaḥ||1||
View original
अथातो वमनविरेचनव्यापत्सिद्धिनामाऽध्यायं व्याख्यास्यामः| इति ह स्माहुराऽऽत्रेयादयो महर्षयः||१||
🔊 Audio coming soon
adhyāyakramēṇa vamanaṁ pūrvamucyatē|| 1||
Adhikarana pratikUlA gatiH adhogaM vamanaM tatropacArAshca (2) · Śloka 2
atikṣudhitēnā'timr̥dukōṣṭhēnā'lpaślēṣmaṇā durvamēna hīna- mātramatimātraṁ tīkṣṇamatiśītamajīrṇē vā pītaṁ vamanamadhō- gacchati| tatrēpsitā'navāptirdōṣōtklēśaśca| taṁ punarāśu snēhayitvā yaugakairmātrākālādyapēkṣaṁ vāmayēt| vyāpa-tkarāṇi ca pūrvōktamatikramaṁ smaran pariharēt||2||
View original
अतिक्षुधितेनाऽतिमृदुकोष्ठेनाऽल्पश्लेष्मणा दुर्वमेन हीन- मात्रमतिमात्रं तीक्ष्णमतिशीतमजीर्णे वा पीतं वमनमधो- गच्छति| तत्रेप्सिताऽनवाप्तिर्दोषोत्क्लेशश्च| तं पुनराशु स्नेहयित्वा यौगकैर्मात्राकालाद्यपेक्षं वामयेत्| व्याप-त्कराणि च पूर्वोक्तमतिक्रमं स्मरन् परिहरेत्||२||
🔊 Audio coming soon
atikṣudhitatvādiyuktēna pītaṁ vamanamadhō gacchati| naiva vāmayatītyarthaḥ| yēnaiva vā hīnamātratvādiyuktaṁ pītamadhōgacchati| tatrā'dhōgatē vamana īpsitasya charditarōgōpaśamanasyā'navāptirdōṣōtklēśaśca| vyāpatkarāṇi ca pariharēt|| 2||
Adhikarana UrdhvagaM virecanam (3) · Śloka 3
ajīrṇinaḥ ślēṣmavatō'tyuṣṇatīkṣṇalavaṇamatimātramahr̥dyaṁ vā virēcanamanyadvā bhēṣajamūrdhvaṁ pravarttatē| tatra pūrvōktā vyāpat sādhanañca| tata ūrdhvamapyuttiṣṭhati hr̥dyalēhavaṭaka- varjyamauṣadhaṁ na tr̥tīyamavacārayēt||3||
View original
अजीर्णिनः श्लेष्मवतोऽत्युष्णतीक्ष्णलवणमतिमात्रमहृद्यं वा विरेचनमन्यद्वा भेषजमूर्ध्वं प्रवर्त्तते| तत्र पूर्वोक्ता व्यापत् साधनञ्च| तत ऊर्ध्वमप्युत्तिष्ठति हृद्यलेहवटक- वर्ज्यमौषधं न तृतीयमवचारयेत्||३||
🔊 Audio coming soon
ajīrṇanastathā bahuślēṣmaṇō virēcanamūrdhvaṁ vrajati| mukhēna gacchati| atitīkṣṇamatyūṣṇamatilavaṇamahadyamatiprabhūtaṁ ca pītamūrdhvaṁ gacchati| tatra tasminnnūrdhvaṁ vrajati| pūrvōditā vyāpattathaiva siddhiḥ| pūrvōditamēva sādhanam| punaḥ snigdhasya pūrvasyā'tikramasya smaratō vyāpatkaraṇaṁ pariharata auṣadhayōjanam| tataḥ iti| punaryuktē virēcanaṁ ūrdhvamuttiṣṭhati mukhēna gacchati tr̥tīyaṁ virēcanaṁ nā'vacārayēt| hr̥dyādiguṇamauṣadhaṁ varjayitvā| tathāvidhaṁ hi tr̥tīyamavacārayēdityarthaḥ||3||
Adhikarana bhaktavatpAkAkhyAvyApattatropacArAshca (4) · Śloka 4
krūrakōṣṭhasyā'titīkṣṇā'gnēralpamalpavīryaṁ vā bhēṣajamūrdhvabhāgikamadhōbhāgikaṁ vā bhaktavadupaiti pākam| tatra samudīrṇā dōṣā yathākālamanirhniyamāṇā vibhramaṁ kurvanti| taṁ snigdhakōṣṭhamanalpamamandaṁ cauṣadhaṁ pāyayēt||4||
View original
क्रूरकोष्ठस्याऽतितीक्ष्णाऽग्नेरल्पमल्पवीर्यं वा भेषजमूर्ध्वभागिकमधोभागिकं वा भक्तवदुपैति पाकम्| तत्र समुदीर्णा दोषा यथाकालमनिर्ह्नियमाणा विभ्रमं कुर्वन्ति| तं स्निग्धकोष्ठमनल्पममन्दं चौषधं पाययेत्||४||
🔊 Audio coming soon
krūrakōṣṭhatvādiyuktasyā'lpaśaktirvā vamanaṁ virēcanamapyakr̥tvaivēṣṭaṁ kāryaṁ bhaktavat pākamupaiti| pākēna cauṣadhasya sañcitā dōṣā anirhniyamāṇā vibhramaṁ kurvanti| yasmādapakvaṁ vamanaṁ dōṣān pacyamānaṁ virēcanaṁ narharēt, na tu tat pakvamiti| taṁ pakvauṣadhaṁ snigdhakōṣṭhaṁ kr̥tvā bahutīkṣṇaṁ cauṣadhaṁ pāyayēt|| 4||
Adhikarana grathitAkhyA vyApattanopacArAshca (5) · Śloka 5
kaṣāyamalpamapratyagraṁ rūkṣaṁ vā bhēṣajamasnigdhasvinnēna vā pītaṁ śītōpacārēṇa vā stabdhaṁ dōṣavigrathitamayōgī bhavati| tatra vamanē bhūyō vāmayēt| virēcanē snigdhasvinnaṁ purarvirēca- yēt| utkliṣṭabhūridōṣaṁ vā tr̥tīyē'hani| ubhayōśca saṁśō- dhanayōrlavaṇatailābhyaktaṁ piṇḍaprastarābhyāṁ svēdayēt||5||
View original
कषायमल्पमप्रत्यग्रं रूक्षं वा भेषजमस्निग्धस्विन्नेन वा पीतं शीतोपचारेण वा स्तब्धं दोषविग्रथितमयोगी भवति| तत्र वमने भूयो वामयेत्| विरेचने स्निग्धस्विन्नं पुरर्विरेच- येत्| उत्क्लिष्टभूरिदोषं वा तृतीयेऽहनि| उभयोश्च संशो- धनयोर्लवणतैलाभ्यक्तं पिण्डप्रस्तराभ्यां स्वेदयेत्||५||
🔊 Audio coming soon
kaśāyādiguṇaṁ vā bhēṣajamasnigdhādikēna vā pītaṁ svayaṁ stabdhatvāt dōṣāvaṣṭabdhatvāccā'yōgāya sampadyatē| kaṣāyaṁ kaṣāyarasaprāyam| apratyagramasampannam| tatraivamayōgībhūtē vamanē punarvāmayēt virēcayēt| ubhayōrapi vamanavirēcanayōrēvamayōgībhūtayōstailābhyaktasya sūtrōditābhyāṁ piṇḍaprastarābhyāṁ svēdaṁ vidadhyāt|| 5||
Adhikarana gauravAkhyA vyApattanopacArAshca (6) · Śloka 6
snigdhasvinnasya ca vamanamakr̥tvā virēcanaṁ pītavataḥ sāma- sya vā mr̥du vā viriktasyādhōbhāgē'tyarthagurustabdhō- daratā śūlōvātamūtrapurīṣasaṅaśca bhavati| tamapyayōginaṁ samūtraistīkṣṇairāsthāpya jāṅgalarasaiśca bhōjayitvā phala- dārupippalīsiddhēna tailēnānuvāsya vātaharaiśca snēhairūpa- snēhya punastīkṣṇairvirēcayēt||6||
View original
स्निग्धस्विन्नस्य च वमनमकृत्वा विरेचनं पीतवतः साम- स्य वा मृदु वा विरिक्तस्याधोभागेऽत्यर्थगुरुस्तब्धो- दरता शूलोवातमूत्रपुरीषसङश्च भवति| तमप्ययोगिनं समूत्रैस्तीक्ष्णैरास्थाप्य जाङ्गलरसैश्च भोजयित्वा फल- दारुपिप्पलीसिद्धेन तैलेनानुवास्य वातहरैश्च स्नेहैरूप- स्नेह्य पुनस्तीक्ष्णैर्विरेचयेत्||६||
🔊 Audio coming soon
snigdhasvinnasya vamanamakr̥tvaiva virēcanē upayuktē sāmē vōpayuktē mr̥dvauṣadhē vōpayuktē tasya viriktasya satō'dhōbhāgē'tyarthaṁ gurutvādikaṁ bhavati| tasminnayōgini samūtraistīkṣṇairā''sthāpanādikā cikitsā| subōdham|| 6||
Adhikarana doShotkleshAkhyA vyApattatropacArAshca (7) · Śloka 7
kaphōlbaṇasyātisnigdhasya gurukōṣṭhasya mandāgnērvā mr̥du- praṇītamauṣadhaṁ bhr̥śamutklēśya dōṣān jāḍyatandrādaurba- lyāṅgasādān janayati| tacchīghramullikhēt| laṅghanēna ca sandhukṣitāgniṁ punaḥ snigdhaṁ tīkṣṇōṣṇairviśōdhayēt||7||
View original
कफोल्बणस्यातिस्निग्धस्य गुरुकोष्ठस्य मन्दाग्नेर्वा मृदु- प्रणीतमौषधं भृशमुत्क्लेश्य दोषान् जाड्यतन्द्रादौर्ब- ल्याङ्गसादान् जनयति| तच्छीघ्रमुल्लिखेत्| लङ्घनेन च सन्धुक्षिताग्निं पुनः स्निग्धं तीक्ष्णोष्णैर्विशोधयेत्||७||
🔊 Audio coming soon
kaphōlbaṇatvādiyuktasya mr̥du śōdhanamauṣadhaṁ dōṣānutklēśya jāḍyatandrādīn janayati| tatra ca pītamauṣadhamaṅgulyādibhiḥ kṣipramullikhēdudvamēt| tatō laṅghanēna sandhukṣitāgniṁ punaḥ snigdhaṁ tīkṣṇādibhiḥ śōdhayēt|| 7||
Adhikarana BRusha~a~adhmAnAKyA vyApattatropacArAshca (8) · Śloka 8
saśōṣānnāya vātaślēṣmavatē rūkṣāya sōdāvartāya mandāgnayē vā śītaṁ rūkṣaṁ vā dattamauṣadhaṁ bhr̥śamā''dhmānaṁ karōti| tatra malasaṅgāt samunnahyatyudaramantaḥ śūlaṁ dr̥tivat pārśva yōrā''pūrṇatā śiraḥ pr̥ṣṭharujā śvāsakāsau pāyubasti- nistōdaśca bhavati| tamudāvarttā''nāhahārā'bhyaṅgasvēdava- rtidīpanacūrṇabastikriyābhirupacarēt||8||
View original
सशोषान्नाय वातश्लेष्मवते रूक्षाय सोदावर्ताय मन्दाग्नये वा शीतं रूक्षं वा दत्तमौषधं भृशमाऽऽध्मानं करोति| तत्र मलसङ्गात् समुन्नह्यत्युदरमन्तः शूलं दृतिवत् पार्श्व योराऽऽपूर्णता शिरः पृष्ठरुजा श्वासकासौ पायुबस्ति- निस्तोदश्च भवति| तमुदावर्त्ताऽऽनाहहाराऽभ्यङ्गस्वेदव- र्तिदीपनचूर्णबस्तिक्रियाभिरुपचरेत्||८||
🔊 Audio coming soon
saśōṣānnādimatē vā śōdhanārthaṁ śītaṁ rūkṣaṁ vā dattaṁ bhr̥śamādhmānaṁ karōti| tatra ca malasaṅgāddhētōrudarē samunnaddhatādikaṁ bhavati| saśēṣānnō'jīrṇī| udāvartta arśōnidāna uktaḥ| samunnāhaḥ sarvatōbandhaḥ| subōdham| nistōda iva nistōdaḥ| tathāvidhamudāvarttaharādibhirupacarēt|| 8||
Adhikarana parikarttikAkhyA vyApattatropacArAshca (9) · Śloka 9
kṣāmēṇālpabalēna mr̥dukōṣṭhāgninā rūkṣēṇā'snigdhēna vā| svinnēna sāmēna vā balavadauṣadhamupayuktaṁ sapittamanilaṁ pradūṣya parikarttikāmāpādayati| tatra nābhibastigudamēḍhrē sadāhaparikarttanamanilasaṅgō viṣṭambhaśca| taṁ kr̥ṣṇatilamadhukamadhuyuktaiḥ picchābastibhirā''- sthāpayēt| kṣīrivr̥kṣaśr̥takṣīrēṇa vā| śītāmbupariṣiktaṁ cainaṁ payasā bhuktavantaṁ ghr̥tamaṇḍēna yaṣṭīmadhukatailēna vā'nu- vāsayēt| kṣāmasya ca madhurō br̥ṁhaṇaśca sarvō vidhiriṣṭaḥ| sāmē laṅghanadīpanañca laghurūkṣōṣṇaṁ cā'nnapānam| nirāmī- bhūtē'nubandhē laghukṣārāmlam| savātē dadhisārāmlaṁ dāḍima- tvacā yuktaṁ bhōjanē pānē ca prayuñjīta| sadāḍimarasaṁ ca sarpiḥ pibēduṣṇāmbunā vā tiladēvadārukalkam||9||
View original
क्षामेणाल्पबलेन मृदुकोष्ठाग्निना रूक्षेणाऽस्निग्धेन वा| स्विन्नेन सामेन वा बलवदौषधमुपयुक्तं सपित्तमनिलं प्रदूष्य परिकर्त्तिकामापादयति| तत्र नाभिबस्तिगुदमेढ्रे सदाहपरिकर्त्तनमनिलसङ्गो विष्टम्भश्च| तं कृष्णतिलमधुकमधुयुक्तैः पिच्छाबस्तिभिराऽऽ- स्थापयेत्| क्षीरिवृक्षशृतक्षीरेण वा| शीताम्बुपरिषिक्तं चैनं पयसा भुक्तवन्तं घृतमण्डेन यष्टीमधुकतैलेन वाऽनु- वासयेत्| क्षामस्य च मधुरो बृंहणश्च सर्वो विधिरिष्टः| सामे लङ्घनदीपनञ्च लघुरूक्षोष्णं चाऽन्नपानम्| निरामी- भूतेऽनुबन्धे लघुक्षाराम्लम्| सवाते दधिसाराम्लं दाडिम- त्वचा युक्तं भोजने पाने च प्रयुञ्जीत| सदाडिमरसं च सर्पिः पिबेदुष्णाम्बुना वा तिलदेवदारुकल्कम्||९||
🔊 Audio coming soon
kṣāmatvādiyuktēna yattīkṣṇādiyuktamauṣadhamupayuktaṁ tat sapittamanilaṁ pradūṣya parikarttikāmāpādayati| samantācchēdanamiva jaṭharē parikarttikā| subōdham| tamiti parikarttikāvantaṁ kr̥ṣṇatilādiyuktairvakṣyamāṇaiḥ picchābastibhirāsthāpayēt| vaṭādibhiḥ kṣīrivr̥kṣaiḥ śr̥tēna kṣīrēṇa vā''sthā payēt| śītāmbupariṣēkādiyuktasyā'nuvāsanaṁ ghr̥tamaṇḍēna vā yaṣṭīmadhukatailēna vā| sarvaśca kṣāmasya madhubr̥ṁhaṇādikō vidhiriṣṭaḥ| sāmē śōdhanā'samyagyōgini laṅghanādikam| nirāmībhūtē puruṣē dōṣānubandhē laghvādikamāhāram| savātē'tiyōgini dadhyādikam| amlaṁ kāñjikādi| tiladēvadāruṇōḥ kalkēna sadāḍimarasaṁ sarpiḥ pibēt|| 9||
Adhikarana parisrAvAkhyA vyApattatropacArAshca (10) · Śloka 10
krūrakōṣṭhasya bahudōṣasyā'lpamalpaguṇaṁ mr̥du snigdhaṁ vā śōdhanamavacāritamuktlēśya dōṣān na nirharati| alpā- 'lpaṁ ca pittakaphasaṁsr̥ṣṭaṁ parisravati| viṣṭambhagauravaśō- phakaṇḍūpāṇḍutāṅgasādagulmaśūlāni cāpādayati| taṁ tiniśadhavā'śvatthakarṇapalāśabalāniryyūhairmadhuyu- ktairā''sthāpayēt| upaśāntaparisrāvaṁ ca punarupasnigdhaṁ tīkṣṇaiḥ śōdhayēt| śuddhē ca dīpanāṁścūrṇā''savāriṣṭādīn yōjayēt||10||
View original
क्रूरकोष्ठस्य बहुदोषस्याऽल्पमल्पगुणं मृदु स्निग्धं वा शोधनमवचारितमुक्त्लेश्य दोषान् न निर्हरति| अल्पा- ऽल्पं च पित्तकफसंसृष्टं परिस्रवति| विष्टम्भगौरवशो- फकण्डूपाण्डुताङ्गसादगुल्मशूलानि चापादयति| तं तिनिशधवाऽश्वत्थकर्णपलाशबलानिर्य्यूहैर्मधुयु- क्तैराऽऽस्थापयेत्| उपशान्तपरिस्रावं च पुनरुपस्निग्धं तीक्ष्णैः शोधयेत्| शुद्धे च दीपनांश्चूर्णाऽऽसवारिष्टादीन् योजयेत्||१०||
🔊 Audio coming soon
krūrakōṣṭhatvādiyuktasya vā'lpādiguṇaṁ vā śōdhanamavacāritaṁ dōṣānutklēśyaṁ na nirharati| taccauṣadhaṁ pittakaphābhyāṁ saṁsr̥ṣṭamalpālaṁ kr̥tvā saṁsravati| viṣṭambhādīni cōtpādayati| taṁ parisrāviṇaṁ tiniśādīnāṁ niryyūhairmākṣikayuktairā''sthāpayēt| tiniśaḥ syandanaḥ| aśvakarṇaḥ sālaḥ| tairā''sthāpanaiḥ parisrāvē upaśāntē punaḥ kiñcit snigdhaṁ śōdhayēt| śuddhē ca dīpanāṁścūrṇādīn yōjayēt|| 10||
Adhikarana pravAhikAkhyA vyApattatropacArAshca (11) · Śloka 11
pītauṣadhō yadā vēgamudīrayati nigr̥hṇāti vā tadā pravā- hikāsya jāyatē| tasyāṁ sadāhaśūlaṁ sapicchaṁ śvētaṁ kr̥ṣṇaṁ raktaṁ vā bhr̥śaṁ pravāhamāṇaḥ kaphamupaviśati| taṁ parisrāvavidhinōpacarēt||11||
View original
पीतौषधो यदा वेगमुदीरयति निगृह्णाति वा तदा प्रवा- हिकास्य जायते| तस्यां सदाहशूलं सपिच्छं श्वेतं कृष्णं रक्तं वा भृशं प्रवाहमाणः कफमुपविशति| तं परिस्रावविधिनोपचरेत्||११||
🔊 Audio coming soon
pītavirēcanauṣadhasya vēgōdīraṇadhāraṇābhyām| asyēti puṁsaḥ pravāhikā jāyatē| tasyāṁ pravāhikāyāṁ sadāhādikaṁ pravāhamāṇō malamanulēpayēt kaphamēvōpaviśati| tamēvaṁvidhapravāhikāvantamanantarōktēnā''sthāpanādinā parisrāvavidhinōpacarēt|| 11||
Adhikarana hRudgrahAkhyA vyApattatropacArAshca (12) · Śloka 12
pītauṣadhasya bhēṣajōdgāracchardyādīnāṁ nigrahādvātādayaḥ kupitā hr̥dayamupasr̥tya hr̥dgrahaṁ ghōramāvahanti| tataḥ pradhānamarmōpatāpādvēdanābhiratyarthamā''turaḥ pīḍyatē| mōhahidhmākāsalālāpārśvaśūlayutō vēpathumān naṣṭasaṁjñō dantān kaṭakaṭāyatyuddr̥ttākṣō jihvāṁ khādati| taṁ hr̥dayōpasaraṇamā''huḥ| tasmai bhiṣak śīghramamuhyannabhyaṅgapūrvaṁ dhānyasvēdēna parisvēdya tīkṣṇamavapīḍaṁ dadyāt| yaṣṭīmadhukamiśrēṇa taṇḍulāmbunā vamanam| kaṭubhirvā kaphōttarāya| tatō dōṣaśēṣaṁ pācanīyaiḥ pācayēdyathādōṣōcchrayaṁ ca bastīn vitarēt||12||
View original
पीतौषधस्य भेषजोद्गारच्छर्द्यादीनां निग्रहाद्वातादयः कुपिता हृदयमुपसृत्य हृद्ग्रहं घोरमावहन्ति| ततः प्रधानमर्मोपतापाद्वेदनाभिरत्यर्थमाऽऽतुरः पीड्यते| मोहहिध्माकासलालापार्श्वशूलयुतो वेपथुमान् नष्टसंज्ञो दन्तान् कटकटायत्युद्दृत्ताक्षो जिह्वां खादति| तं हृदयोपसरणमाऽऽहुः| तस्मै भिषक् शीघ्रममुह्यन्नभ्यङ्गपूर्वं धान्यस्वेदेन परिस्वेद्य तीक्ष्णमवपीडं दद्यात्| यष्टीमधुकमिश्रेण तण्डुलाम्बुना वमनम्| कटुभिर्वा कफोत्तराय| ततो दोषशेषं पाचनीयैः पाचयेद्यथादोषोच्छ्रयं च बस्तीन् वितरेत्||१२||
🔊 Audio coming soon
pītauṣadhasya bhēṣajōdgārādinirōdhāt sarvē dōṣāḥ kupitā hr̥dayaṁ prāpya hr̥dgrahaṁ kurvanti| tataśca pradhānamarmaṇō hr̥dayasyōpatāpānnānāvidhābhirvēdanābhī rujābhiḥ pīḍyatē| mōhādimāṁśca naṣṭasaṁjñatvādiyuktō bhavati| taṁ hr̥dgrahamācāryā hr̥dayōpasaraṇamityāhuḥ| tasmai hr̥dayōpasaraṇinē bhiṣagamuhyan mōhamaprāpnuvannabhyaṅgapūrvaṁ dhānyasvēdēna saṁsvēdya tīkṣṇamavapīḍaṁ kalkanasyaṁ dadyāt| yaṣṭyādibhistaṇḍulāmbunā vamanam| ślēṣmādhikāya kaṭubhirvamanauṣadhairvamanam| tatō'sya dōṣaśēṣaṁ pācanīyauṣadhaiḥ pācayēt| pakvadōṣasya ca ya ēva dōṣō'dhikastadanuguṇānēva bastīn vitarēdā''svāsthyāt||12||
Adhikarana sarvA~ggagrahAkhyA vyApattanopacArAshca (13) · Śloka 13
asnigdhasvinnēnā'brahmacāriṇā vēgadhāriṇā mr̥dukōṣṭhēna sukumārēṇa vā rūkṣamauṣadhamatimātraṁ prayuktamativirēkādvāyuṁ kōpayati| tēna sarvāṅgapragrahō bhavati| tasya viśēṣātpārśva- pr̥ṣṭhaśrōṇimanyāmarmasu śūlamūrcchābhramakampastambhō nistōdō bhēda udvēṣṭanaṁ saṁjñānāśaśca syāt| tamabhyajya dhānyaiḥ svēda- yitvā yaṣṭīmadhukavipakvēna tailēnānuvāsayēt| vātaharaṁ cā'nnapānam||13||
View original
अस्निग्धस्विन्नेनाऽब्रह्मचारिणा वेगधारिणा मृदुकोष्ठेन सुकुमारेण वा रूक्षमौषधमतिमात्रं प्रयुक्तमतिविरेकाद्वायुं कोपयति| तेन सर्वाङ्गप्रग्रहो भवति| तस्य विशेषात्पार्श्व- पृष्ठश्रोणिमन्यामर्मसु शूलमूर्च्छाभ्रमकम्पस्तम्भो निस्तोदो भेद उद्वेष्टनं संज्ञानाशश्च स्यात्| तमभ्यज्य धान्यैः स्वेद- यित्वा यष्टीमधुकविपक्वेन तैलेनानुवासयेत्| वातहरं चाऽन्नपानम्||१३||
🔊 Audio coming soon
asnigdhādikē rūkṣamatimātramauṣadhaṁ prayuktamatimātratvādativirēkaṇa vāyuṁ prakōpayati| tēna vāyukōpēna sarvāṅgagrahaṇādikaṁ syāt| tamā''turamabhyaṅgādibhiścikitsēt|| 13||
Adhikarana dhAtusrAvA~a~akhyA vyApattatropacArAshca (14) · Śloka 14
snighdasvinnasyā'timr̥dukōṣṭhasya kṣudhitasya vā tīkṣṇa- matibhūri vā prayuktamauṣadhaṁ sarvaśō nirhr̥tya malān dhātū- napi dravīkr̥tya visrāvayēdatiyōgēna| taṁ śatadhautaghr̥tēnā- bhyajya kaṣāyasvāduśītaiḥ pradēhapariṣēkā'vagāhā'nnapānaiḥ śarkarāmadhumadbhiśca lēhaiḥ stambhayēt| candanāñjanōśīra- cchāgā'sr̥kśītōdakairlājasaktūn pāyayēt| picchābastīṁ- ścāsmai dadyānmadhuravargasiddhaṁ ca kṣīrasarpiḥ sarpirmaṇḍō'nuvāsanam| raktapittavidhānaṁ ca kuryāt||14||
View original
स्निघ्दस्विन्नस्याऽतिमृदुकोष्ठस्य क्षुधितस्य वा तीक्ष्ण- मतिभूरि वा प्रयुक्तमौषधं सर्वशो निर्हृत्य मलान् धातू- नपि द्रवीकृत्य विस्रावयेदतियोगेन| तं शतधौतघृतेना- भ्यज्य कषायस्वादुशीतैः प्रदेहपरिषेकाऽवगाहाऽन्नपानैः शर्करामधुमद्भिश्च लेहैः स्तम्भयेत्| चन्दनाञ्जनोशीर- च्छागाऽसृक्शीतोदकैर्लाजसक्तून् पाययेत्| पिच्छाबस्तीं- श्चास्मै दद्यान्मधुरवर्गसिद्धं च क्षीरसर्पिः सर्पिर्मण्डोऽनुवासनम्| रक्तपित्तविधानं च कुर्यात्||१४||
🔊 Audio coming soon
snigdhatvādiyuktasya tīkṣṇā'timātratyōgēna dhātūnapi srāvayati| tamatiyōginaṁ śatadhautēnā'bhyajya kaṣāyādinā viśēṣataḥ stambhayēt| kaṣāyādikaṁ pradēhādiviśēṣaṇam| śarkarādikaṁ lēhānām| taṁ ca candanābhirlājasaktūn pāyayēt| asmai cā'titiyōginē picchābastīn dadyāt| kṣīrōdbhavaṁ ghr̥tādikaṁ madhuravargasiddhamanuvāsanam| tathā yatkiñcidraktapittaghnaṁ tadapi kuryāditi sāmānyēna sādhanānyatiyōgē|| 14||
Adhikarana vamanA~atiyoge visheShaH (15) · Śloka 15
viśēṣēṇa vamanā'tiyōgē saghr̥tasitākṣaudraṁ phalarasairmanthaṁ pibēt| kṣīrivr̥kṣaśr̥ṅgasiddhāṁ vā samākṣikāṁ pēyāṁ kṣīraṁ vā saṁgrāhidravyasiddhaṁ ca kṣīraṁ bhōjanē'vacārayēt| sōdgārāyāṁ ca chardyāṁ dhanikāmadhūkamadhurasamustā'ñjanāni madhunā lihyāt| vāksaṅgē hanusaṅgē'nilārttau ca ghr̥tamāṁsa- rasasiddhāmalpataṇḍulāṁ pēyāṁ pibēt| snēhasvēdau cā'va- cārayēt| jihvāpravēśē snigdhāmlalavaṇān kavalagaṇḍūṣān hr̥dyāṁścā- ''jamāṁsarasān| purataścā'sya phalānyamlāni khādayēt| nirgatāṁ tu jihvāṁ tiladrākṣākalkaliptāṁ vyōṣalavaṇa- cūrṇapraghr̥ṣṭāṁ vā pravēśayēt| akṣiṇī vyāvr̥ttē ghr̥tā'bhyaktē pīḍayēdvisaṁjñaṁ sāmavēṇugītaśabdān śrāvayēt||15||
View original
विशेषेण वमनाऽतियोगे सघृतसिताक्षौद्रं फलरसैर्मन्थं पिबेत्| क्षीरिवृक्षशृङ्गसिद्धां वा समाक्षिकां पेयां क्षीरं वा संग्राहिद्रव्यसिद्धं च क्षीरं भोजनेऽवचारयेत्| सोद्गारायां च छर्द्यां धनिकामधूकमधुरसमुस्ताऽञ्जनानि मधुना लिह्यात्| वाक्सङ्गे हनुसङ्गेऽनिलार्त्तौ च घृतमांस- रससिद्धामल्पतण्डुलां पेयां पिबेत्| स्नेहस्वेदौ चाऽव- चारयेत्| जिह्वाप्रवेशे स्निग्धाम्ललवणान् कवलगण्डूषान् हृद्यांश्चा- ऽऽजमांसरसान्| पुरतश्चाऽस्य फलान्यम्लानि खादयेत्| निर्गतां तु जिह्वां तिलद्राक्षाकल्कलिप्तां व्योषलवण- चूर्णप्रघृष्टां वा प्रवेशयेत्| अक्षिणी व्यावृत्ते घृताऽभ्यक्ते पीडयेद्विसंज्ञं सामवेणुगीतशब्दान् श्रावयेत्||१५||
🔊 Audio coming soon
saghr̥tādimanthādikaṁ vamanā'tiyōgē viśēṣēṇa phalānāṁ drākṣādīnāṁ rasaiḥ| subōdham| kṣīrivr̥kṣā vaṭādayaḥ| tēṣāṁ śuṅgāḥ pravālāni| kṣīraṁ vāvaṭāśuṅgasiddham| bhōjanē ca saṁgrāhidravyasiddhaṁ kṣīram| sōdgārāyāṁ chardyā dhanikādīni madhunā lihyāt| dhanikā ārdrikā| madhurasā mūrvā añjanaṁ srōtō'jasauvī bhēdēna dvividham| atiyōgēna vāksaṅgādiṣu ghr̥tādisiddhāṁ pēyāṁ pibēt| snēhasvēdau ca yathāviṣayaṁ kuryāt| jihvāpravēśē snigdhādiguṇān kavalagaṇḍūṣān kuryāt| asañcāryauṣadhēna mukhē pūrṇē gaṇḍūṣaḥ| sañcāryō mukhaikadēśadhāryaḥ kavalaḥ| asyā'ntaḥ praviṣṭajihvasya puratō'gratō'nyaṁ puruṣamamlāni phalāni khādayēdvaidyaḥ taddarśanēna mukhē dravībhūtē jihvāsvarūpē bhavati| yadā punaratiyōgēna jihvā nirgatā bhavati tadā tāṁ tiladrākṣākalkēna liptāṁ vyōṣādicūrṇēna praghr̥ṣṭāṁ vā pravēśayēt| akṣiṇīti atiyōgēna vyāvr̥ttē abhyajya pīḍayēt| vigatacētanaṁ sāmādiśabdān śrāvayēditi vamanā'tiyōgē|| 15||
Adhikarana virecanA~atiyoge visheShaH (16) · Śloka 16
virēcanā'tiyōgē taṇḍulā'mbhasā madhumiśrēṇa vamēt| priyaṅgvādiñca taṇḍulōdakēna pibēd lōdhrarasāñjanadā- himatvacō vā| sōmavalkakaṭphalōtpalasamaṅgāpadmakēsa- rāṇi vā| kṣaudraśarkarāmadhukaudumbaratvacō vā| raktāti sārakriyāṁ ca kurvīta| gudaṁ niḥsr̥tamabhyajya svēdayitvā kaṣāyaiśca stambhayitvā pravēśayēt| pūrvavacca vāksaṅgādīn sādhayēt||16||
View original
विरेचनाऽतियोगे तण्डुलाऽम्भसा मधुमिश्रेण वमेत्| प्रियङ्ग्वादिञ्च तण्डुलोदकेन पिबेद् लोध्ररसाञ्जनदा- हिमत्वचो वा| सोमवल्ककट्फलोत्पलसमङ्गापद्मकेस- राणि वा| क्षौद्रशर्करामधुकौदुम्बरत्वचो वा| रक्ताति सारक्रियां च कुर्वीत| गुदं निःसृतमभ्यज्य स्वेदयित्वा कषायैश्च स्तम्भयित्वा प्रवेशयेत्| पूर्ववच्च वाक्सङ्गादीन् साधयेत्||१६||
🔊 Audio coming soon
virēcanā'tiyōgē punarmākṣikamiśraṁ taṇḍulā'mbu pītvā'ṅgulyādinā vamēt| tathāhi vāyuḥ sarvā'bhimukhō bhavati| priyaṅgvādigaṇaṁ taṇḍulōdakēna lōdhrādikaṁ vā taṇḍulōdakēna| kaṭphalādikaṁ vā taṇḍulōdakēna| kaṭphalaḥ sōmavalkaḥ| samaṅgā mañjiṣṭhā| kṣaudrādīni vā taṇḍulōdakēna| sarvañca yathāviṣayaṁ raktātisāracikitsitaṁ kurvīta| virēcanā'tiyōgē gudaṁ niḥsr̥taṁ snigdhasvinnaṁ kr̥tvā kaṣāyairdravyaiḥ stambhayitvā parityājitaśaithilyaṁ kr̥tvā yatnēna pravēśayēt| vāksaṅgādīn pūrvavadvamanā'tiyōgavat sādhayēccikitsēt|| 16||
Adhikarana vamanavirecanA~atiyoge sAmAnyam (17) · Śloka 17
ubhayatra ca jīvaraktapittayōrjñānārthaṁ raktē śuklaṁ picu plōtaṁ vā kṣipēt| tasminnāvānē kōṣṇāmbukṣālitaśuddhē jīvaraktam| vivarṇē tu raktapittaṁ vidyāt| annaṁ vā tadvimiśraṁ śunē kākāya vā dadyāt| tasmin bhuktē jīvaṁ vadēdabhuktē pittam| āmaraṇācca tasya tr̥ṇmūrchāmadārttasya kriyāṁ pittaghnī- matiyōgōktāṁ ca kuryāt| ēṇādirudhiraṁ vā'tisruta- raktōktavidhinā sakṣaudraṁ śīghramupayuñjīta| taddhi sadyō jīvamabhisandadhāti| śyāmākāśmaryamadhūkadūrvōśīrairvā śr̥taṁ payō ghr̥tamaṇḍāñjanayuktaṁ śītaṁ bastau niṣēcayēt||17||
View original
उभयत्र च जीवरक्तपित्तयोर्ज्ञानार्थं रक्ते शुक्लं पिचु प्लोतं वा क्षिपेत्| तस्मिन्नावाने कोष्णाम्बुक्षालितशुद्धे जीवरक्तम्| विवर्णे तु रक्तपित्तं विद्यात्| अन्नं वा तद्विमिश्रं शुने काकाय वा दद्यात्| तस्मिन् भुक्ते जीवं वदेदभुक्ते पित्तम्| आमरणाच्च तस्य तृण्मूर्छामदार्त्तस्य क्रियां पित्तघ्नी- मतियोगोक्तां च कुर्यात्| एणादिरुधिरं वाऽतिस्रुत- रक्तोक्तविधिना सक्षौद्रं शीघ्रमुपयुञ्जीत| तद्धि सद्यो जीवमभिसन्दधाति| श्यामाकाश्मर्यमधूकदूर्वोशीरैर्वा शृतं पयो घृतमण्डाञ्जनयुक्तं शीतं बस्तौ निषेचयेत्||१७||
🔊 Audio coming soon
ubhayatra vamanā'tiyōgē virēcanā'tiyōgē vā raktapravr̥ttau raktapittabhrāntinirāsāyēdaṁ kuryāt| pravr̥ttē raktē śuklaṁ picuṁ kārpāsatūlakaṁ plōtaṁ vā vastrakhaṇḍaṁ śuklaṁ kṣipēt| taṁ ca raktāduddr̥tyā''vānaṁ śuṣkaṁ kr̥tvā kōṣṇāmbunā prakṣālayēt| prakṣālitaṁ tadyadā pūrvavacchuklaṁ bhavati tadā jīvaraktamityadhyavasyēt| vivarṇē tu raktapittamiti| athavā tēna raktēna miśramannaṁ śunē dadyāt kākāya vā| tasmiṁstu bhuktē jīvaṁ vadēdabhuktē pittam| pravr̥ttajīvō'pi jīvati cēdavaśyaṁ tasya āmaraṇāt pittaghnyādikāṁ kriyāṁ kuryāt, na tūpēkṣēta| ēṇādīnāñca mr̥gāṇāṁ rudhiramatisrutaraktōvatavidhinā sirāvyadhōktēna śīghraṁ samākṣikamupayuñjīta| tadityēṇādiraktam| tatra ca śyāmādibhiḥ śr̥taṁ payō ghr̥tādiyuktaṁ śītaṁ bastāvāsthāpanēna niṣēcayēt|| 17||
Adhikarana shoShavyApatsu pratIkAradikam (18) · Śloka 18
śēṣēṣvapi cā'samyakprayuktavamanavirēcanōpadravēṣu yathā- ''mayaṁ dōṣādīnapēkṣya pratikuryādbastivyāpat siddhiṁ cēkṣēta||18||
View original
शेषेष्वपि चाऽसम्यक्प्रयुक्तवमनविरेचनोपद्रवेषु यथा- ऽऽमयं दोषादीनपेक्ष्य प्रतिकुर्याद्बस्तिव्यापत् सिद्धिं चेक्षेत||१८||
🔊 Audio coming soon
anyēṣvapi śōdhanasyāsamyagyōgēnōtpannēṣu vyādhiṣu dōṣadyapēkṣaṁ kuryāccikitsām| bastivyāpat siddhiṁ cēkṣēta| ētadaupayika cikitsāparijñānāyētyarthaḥ| adhōdōṣaharaṇaṁ prati tayōrbastivirēcanayōḥ sādr̥śyāt| subōdham|| 18||
Adhikarana vamanavirecanavyApadaH saMj~jAvisheShatvam (19) · Śloka 19
ēvamubhayatō bhāgē'pi śōdhanē yathāvasthamuttiṣṭhēta| yā tu virēcanē parikarttikā tadvamanē kaṇṭhakṣaṇanam| yadadhaḥ- parisravaḥ sa kaphaprasēkō yadadhaḥ pravāhaṇaṁ sa śuṣkōdgāra iti| bhavati cātra||19||
View original
एवमुभयतो भागेऽपि शोधने यथावस्थमुत्तिष्ठेत| या तु विरेचने परिकर्त्तिका तद्वमने कण्ठक्षणनम्| यदधः- परिस्रवः स कफप्रसेको यदधः प्रवाहणं स शुष्कोद्गार इति| भवति चात्र||१९||
🔊 Audio coming soon
ēvamanantarōktaprakārēṇōbhayatō bhāgē śōdhanē vamanē ca virēcanē cā'vasthāviśēṣamanatikrāmannuttiṣṭhēta prayatēta| yā tvityādinā'tiyōgē mārjanāt parikarttikākāṇṭhakṣaṇanayōḥ sādr̥ṣyaṁ hīnayōgēna cōtklēśāt parisravaprasēkayōrnistananaśuṣkōdgārayōśca|| 19||
Adhikarana uktArthasya shlokaiH saMgrahaH (20) · Śloka 20
asamyaksaṁskr̥taṁ jīrṇaṁ vyāpadyēttauṣadhaṁ dhruvam| chardanaṁ na tu duśchardaṁ durvirēcyaṁ na rēcanam| pāyayēdauṣadhaṁ bhūyastannihanti tathā hi tau| yasyōrdhvaṁ kaphasaṁsr̥ṣṭaṁ pītaṁ yātyānulōmikam| vamitaṁ kavalaiḥ śuddhaṁ laṅghitaṁ pāyayēttu tam| vibaddhē'lpē cirāddōṣē sravatyuṣṇaṁ pibējjalam| tēnādhmānaṁ vamistr̥ṣṇā vibandhaścā''śu śāmyati| bhēṣajaṁ dōṣaruddhaṁ cēnnōrdhvaṁ nā'dhaḥ pravarttatē| sōdgāraṁ sāṅgaśūlaṁ vā svēdaṁ tatrā'vacārayēt| samyagviriktasyōdgārē bhēṣajaṁ kṣipramullikhēt| ajīrṇamapravr̥ttau tu suśītaiḥ stambhayēd bhiṣak| kadācicchlēṣmaṇā ruddhaṁ tiṣṭhatyurasi bhēṣajam| kṣīṇē ślēṣmaṇi sāyāhnē rātrau vā tatpravarttatē| rūkṣā'nāhārayōrjīrṇē tiṣṭhatyūrdhvaṁ gatē'pi vā| vāyunā bhēṣajē tvanyat sasnēhalavaṇaṁ pibēt| tr̥ṇmōhabhramamūrcchādyāḥ syurjīryati ca bhēṣajē| pittaghnaṁ svādu śītaṁ ca bhēṣajaṁ tatra śasyatē| lālāhr̥llāsaviṣṭambharōmaharṣāḥ kaphāvr̥tē| bhēṣajaṁ tatra tīkṣṇōṣṇaṁ kaṭvādi kaphanuddhitam||20||
View original
असम्यक्संस्कृतं जीर्णं व्यापद्येत्तौषधं ध्रुवम्| छर्दनं न तु दुश्छर्दं दुर्विरेच्यं न रेचनम्| पाययेदौषधं भूयस्तन्निहन्ति तथा हि तौ| यस्योर्ध्वं कफसंसृष्टं पीतं यात्यानुलोमिकम्| वमितं कवलैः शुद्धं लङ्घितं पाययेत्तु तम्| विबद्धेऽल्पे चिराद्दोषे स्रवत्युष्णं पिबेज्जलम्| तेनाध्मानं वमिस्तृष्णा विबन्धश्चाऽऽशु शाम्यति| भेषजं दोषरुद्धं चेन्नोर्ध्वं नाऽधः प्रवर्त्तते| सोद्गारं साङ्गशूलं वा स्वेदं तत्राऽवचारयेत्| सम्यग्विरिक्तस्योद्गारे भेषजं क्षिप्रमुल्लिखेत्| अजीर्णमप्रवृत्तौ तु सुशीतैः स्तम्भयेद् भिषक्| कदाचिच्छ्लेष्मणा रुद्धं तिष्ठत्युरसि भेषजम्| क्षीणे श्लेष्मणि सायाह्ने रात्रौ वा तत्प्रवर्त्तते| रूक्षाऽनाहारयोर्जीर्णे तिष्ठत्यूर्ध्वं गतेऽपि वा| वायुना भेषजे त्वन्यत् सस्नेहलवणं पिबेत्| तृण्मोहभ्रममूर्च्छाद्याः स्युर्जीर्यति च भेषजे| पित्तघ्नं स्वादु शीतं च भेषजं तत्र शस्यते| लालाहृल्लासविष्टम्भरोमहर्षाः कफावृते| भेषजं तत्र तीक्ष्णोष्णं कट्वादि कफनुद्धितम्||२०||
🔊 Audio coming soon
atimātrādikamauṣadhaṁ dhruvamavaśyaṁ vyāpadē bhavati| subōdham| tathā duśchardanaṁ puruṣaṁ chardanamauṣadhaṁ bhūyaḥ prabhūtaṁ na pāyayēt| durvirēkaṁ ca puruṣaṁ bhūyō virēcanamauṣadhaṁ na pāyayēt| tathā hi yasmātpītaṁ tadvamanaṁ virēcanaṁ ca tau duśchardadurvirēkē karmaṇī hanti| ānulōmikamauṣadhaṁ virēcanaṁ yasya ślēṣmaṇā saha sukhēnā''gacchati taṁ puruṣaṁ vamitaṁ kavalaiḥ śuddhamukhaṁ laṅghitaṁ ca kr̥tvā tamā''nulōmikaṁ pāyayēt| tathā dōṣē vibaddhē sravatyalpaṁ ca sravati cirācca sravatyuṣṇaṁ jalaṁ pibēt| tēnōṣṇajalēnā''dhmānādikamāśu śāmyati| bhēṣajaṁ śōdhanaṁ dōṣasaṅghātēna rūddhatvādalasamēva yadyasyāsti udgārāṅgaśūlē ca karōti tadā'sya svēdamavacārayēt| samyagvirēkaliṅgēna viriktasyāpi yadauṣadhōdgārō na vivartatē tadā tamatiyōgabhayāt bhēṣajamajīrṇaṁ vāmayēt| vamanēna cā'pravartamānaṁ suśītaiḥ sēkādibhirbhiṣakstambhayēt| yathā nā'dhikaṁ virēcayati| kadācidupayōgakāla ēvauṣadhaṁ ślēṣmaṇā ruddhamurasi tiṣṭhan kōṣṭhaprāptyabhāvānna rēcayati| tataścauṣadhataikṣṇyācchlēṣmaṇi kṣīṇē kōṣṭhaṁ prāpya sāyāhnē rātrau vā rēcayati| rūkṣasyā'nāhārasya ca vātēnauṣadhē virēkaṁ vinaiva jīrṇē'nyadauṣadhaṁ tadaharēva sasnēhalavaṇaṁ pibēdathavā vāyunā pūrvakāyaṁ gatē bhēṣajē tiṣṭhatyanyat bhēṣajaṁ sasnēhalavaṇaṁ pibēt| tathāśōdhanē bhēṣajē jīryati yadā tr̥ḍādīni syuḥ tadā tatkālamēva pittaghnādikamanyadbhēṣajaṁ śasyatē| yadā tu kaphāvr̥tatvāt bhēṣajasya lālādikaṁ syāttadā tīkṣṇādiguṇaṁ kaphaghnaṁ bhēṣajaṁ hitam|| 20||
Adhikarana adhyAyArthasaMgrahaH (21) · Śloka 21
pratikūlā gatiḥ pākō prathitatvaṁ sagauravam| dōṣōtklēśō bhr̥śādhmānaṁ parikarttaḥ parisravaḥ| pravāhikā hr̥dgrahaṇaṁ sarvagātraparigrahaḥ| saha dhātusravēṇaitāḥ dvādaśōktāḥ sasādhanāḥ| vyāpadō vidhivibhraṁ śād dvividhē'pi virēcanē||21||
View original
प्रतिकूला गतिः पाको प्रथितत्वं सगौरवम्| दोषोत्क्लेशो भृशाध्मानं परिकर्त्तः परिस्रवः| प्रवाहिका हृद्ग्रहणं सर्वगात्रपरिग्रहः| सह धातुस्रवेणैताः द्वादशोक्ताः ससाधनाः| व्यापदो विधिविभ्रं शाद् द्विविधेऽपि विरेचने||२१||
🔊 Audio coming soon
adhyāyamupasaṁharati| asminnadhyāyē dvividhē'pi vamanavirēcanākhyē dōṣavirēcanē samyagyōga vibhraṁśaddhētōḥ sasādhanā sacikitsitā dvādaśavyāpada uktāḥ| kāstā ityāha-pratikūlatyādi| pratikūlā gatirvamanasyā'dhōgamanam| virēcanasyōrdhvagamanam| pākō'kr̥takāryasyaiva| śēṣa uktā ēva|| 21||
Adhikarana anuktavyApadAmavagamadik (22-23) · Śloka 23
utpadyamānāsu ca tāsu tāsu vyāpatsu saṁśōdhanavibhramēṇa| diśā'nayaivā''śu yatēta siddhau jyōtirhi śāstraṁ nayadurnayānām||22|| iti vaidyapatisiṁhaguptasya sūnōrvāgbhaṭasya kr̥tāvaṣṭāṅga- saṁgrahasaṁhitāyāṁ kalpasthānē vamanavirēcana- vyāpatsiddhirnāma tr̥tīyō'dhyāyaḥ||23||
View original
उत्पद्यमानासु च तासु तासु व्यापत्सु संशोधनविभ्रमेण| दिशाऽनयैवाऽऽशु यतेत सिद्धौ ज्योतिर्हि शास्त्रं नयदुर्नयानाम्||२२|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्ग- संग्रहसंहितायां कल्पस्थाने वमनविरेचन- व्यापत्सिद्धिर्नाम तृतीयोऽध्यायः||२३||
🔊 Audio coming soon
anyāsu cā'nuktāsu tāsu tāsu vyāpatsu saṁśōdhanasya vibhramēṇa dōṣādiviśēṣādutpadyamānāsvanēnaiva cikitsāmārgēṇa śēṣāḥ svōhārhēṇā''śu cikitsituṁ yatēta| yasmādayaṁ nayō'yaṁ durnaya ityasmin viśēṣē śāstraṁ jyōtiḥ prakāśakatvāditi|| 22|| iti śrīmanmahāmahōpādhyāyēnduviracitāyā maṣṭāṅgasaṁgrahavyākhyāyāṁ śaśilēkhāyāṁ kalpasthānē tr̥tīyō'dhyāyaḥ