5. rājayakṣmādinidānam

Adhikarana atha rAjayakShmAdinidAnaM nAma pa~jcamo~adhyAyaH | pratij~jA (1) · Śloka 1

অথাতো রাজযক্ষ্মাদিনিদানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

ধাতুক্ষযহেতুত্বসামান্যান্মহা-রোগত্বাদ্বিনাশবহত্বাচ্চ হিধ্মাশ্বাসানন্তরং রাজযক্ষ্মনির্ণযাযাঽধ্যাযারম্ভঃ|| ১||

Adhikarana rAjakShmasAmAnyasvarUpaM tatparyAyAshca (2) · Śloka 2

অনেকরোগানুগতো বহুরোগপুরোগমঃ| রাজযক্ষ্মা ক্ষযঃ শোষো রোগরাডিতি চ স্মৃতঃ||২||

রাজযক্ষ্মা রাজবদনেকরোগেণানুগতো ভবতি| তস্মিঁশ্চৈব কৃতসংশ্রযে বহূপদ্রবজন্ম ভবতীত্যর্থঃ| তথা বহবো রোগাঃ পুরোগমনশীলা যস্য স তথোক্তঃ| অনেনৈতদুক্তম্-উত্পিত্সো রাজযক্ষ্মণঃ প্রথমমেব পীনসশ্বাসাদিবহুরোগজন্ম ভবতি ইতি| এতেষাঞ্চ রোগাণাং স্বপরিবারসংযুতানামপ্যেতদঙ্গত্বং বিজ্ঞেযম্| রাজযক্ষ্মাদযশ্চত্বারঃ পর্য্যার্যাঃ|| ২||

Adhikarana rAjayakShmAdishabdAnAM nirvacanam (3) · Śloka 3

নক্ষত্রাণাং দ্বিজানাং চ রাজ্ঞোঽভূদযং পুরা| যচ্চ রাজা চ যক্ষ্মা চ রাজযক্ষ্মা ততো মতঃ| দেহৌষধক্ষযকৃতেঃ ক্ষযস্তত্সম্ভাবাচ্চ সঃ| রসাদিশোষণাচ্ছোষো রোগরাট্ তেষু রাজনাত্||৩||

তেচ নক্ষত্রাণমিত্যাদিনা নিরুচ্যন্তেঽর্থাববোধনায তেন রাযক্ষ্মেতি তত্পুরুষঃ কর্মধারযো বা| দেহৌষধক্ষযফলহেতুত্বাদ্বা ধাতুক্ষযহেতুত্বাদক্ষযঃ| ধাতুশোষণাচ্ছোষঃ| তেষু রোগেষু মধ্যে রাজনাদ্ রোগরাট্|| ৩||

Adhikarana rAjayakShmanidAnam (4) · Śloka 4

সাহসং বেগসংরোধঃ শুক্রোজঃ স্নেহসংক্ষযঃ| অন্নপানবিধিত্যাগশ্চত্বারস্তস্য হেতবঃ||৪||

তস্য রাজক্ষ্মণঃ সাহসাদযশ্চত্বারোঽতিসেবিতা হেতবঃ ( নিদানম্ )| সাহসমবিচার্য্যাত্মশক্তিসেবিতমতিমাত্রং যুদ্ধাদি বেগানাং বাতাদীনাং ধারণম্| শুক্রাদিক্ষযঃ স্বস্বহেতুভ্যঃ|| ৪||

Adhikarana rAjayakShmasamprAptiH (5) · Śloka 5

তৈরুদীর্ণোঽনিলঃ পিত্তং কফং চোদীর্য্য সর্বতঃ| শরীরসন্ধীনাবিশ্য তান্ সিরাশ্চ প্রপীডযন্| মুখানি স্ত্রোতসাং রুদ্ধ্বা তথৈবাতিবিবৃত্যা বা| সর্পন্নূর্ধ্বমধস্তির্য্যগ্যথাস্বং জনযেদ্ গদান্||৫||

তৈঃ সাহসাদিভিরনিলঃ উদীর্ণঃ পিত্তং কফং চোদীর্য্যত্যেবমাদের্যথাস্বং গদান্ পীনসাদীন্ জনযেদিতি সম্বন্ধঃ| তানিতি শরীরসন্ধীন্| সম্প্রাপ্তিবশাত্ স্ত্রোতোমুখানি রুদ্ধ্বাঽতিবিবৃত্য বা ঊর্ধ্বমধস্তির্য্যক্চ সর্পন্ প্রসরন্|| ৫||

Adhikarana rAjayakShmapUrvarUpam (6) · Śloka 6

রূপং ভবিষ্যতস্তস্য প্রতিশ্যাযো ভৃশং ক্ষবঃ| প্রসেকো মুখমাধুর্য্যং সদনং বহ্নিদেহযোঃ| স্থাল্যামত্রান্নপানাদৌ শুচাবপ্যশুচীক্ষণম্| মক্ষিকাতৃণকেশাদিপতঃ প্রাযোঽন্নপানযোঃ| হৃল্লাসশ্ছর্দিররুচিরশ্নতোঽপি বলক্ষযঃ| পাণ্যোরবেক্ষা পাদস্য শোফোঽক্ষ্ণোরতিশুক্লতা| বাহ্বোঃ প্রমাণজিজ্ঞাসা কাযে বৈভত্স্যদর্শনম্| স্ত্রীমদ্যমাংসপ্রিযতা ঘৃণিত্বং মূর্ধগুণ্ঠনম্| নখকেশাতিবৃদ্ধিশ্চ স্বপ্নে চাঽভিভবো ভবেত্| পতঙ্গকৃকলাসাহিকপিশ্বাপদপক্ষিভিঃ| কেশাস্থিতুষভস্মাদিরাশৌ সমধিরোহণম্| শূন্যানাং গ্রামদেশানাং দর্শনং শুষ্যতোঽম্ভসঃ| জ্যোতির্গিরীণাং পততাং জ্বলতাং মহীরুহাম্||৬||

ভবিষ্যতস্তস্য রাজযক্ষ্মণঃ প্রতিশ্যাযাদীনি পূর্বরূপাণি| স্থাল্যাদৌ শুচাবপ্যশুচির্বুদ্ধিঃ| পাণ্যোরবেক্ষা নির্হেতুকা| তথা কাযে বৈভত্স্যদর্শনাম্| মূর্ধ্নঃ শিরসো বস্ত্রাদিনা প্রচ্ছাদনম্| স্বপ্নে পতঙ্গাদ্যাভিভবো ভবেত্| কেশাদিরাশ্যধিরোহণম্| শূন্যগ্রামাদিদর্শনং চ| পতঙ্গোঽগ্নিঃ|| ৬||

Adhikarana rAjayakShmaNaH ekAdasharUpANi (7) · Śloka 7

পীনসশ্বাসকাসাংসমূর্ধস্বররুজোঽরুচিঃ| ঊর্ধ্ববিট্স্ত্রংসসংশোষাবধশ্ছর্দিস্তু কোষ্ঠগে| তির্য্যক্স্থে পার্শ্বরুগ্দোষে সন্ধিগে ভবতি জ্বরঃ| রূপাণ্যেকাদশৈতানি জাযন্তে রাজযক্ষ্মিণঃ||৭||

তস্য চ রাজযক্ষ্মিণ ঊর্ধ্বগতে দোষে পীনসাদযো ভবন্তি| অধোগতে পুরীষস্য স্ত্রংসঃ শোষো বা| কোষ্ঠগে দোষে ছর্দির্ভবতি| তির্য্যক্স্ত্রোতস্সু স্থিতে ( দোষে ) পার্শ্বরুগ্ভবতি| সন্ধিগে দোষে জ্বরো ভবতি| তেনৈতদুক্তম্-দোষকোপবিশেষপরাযত্তা শরীরে ব্যাপ্তিঃ| যথাব্যাপ্তি চ রোগসম্ভবঃ| সকলব্যাপ্যৌত্বেকাদশরোগসমূহঃ পরিপূর্ণোরাজযক্ষ্মা ভবতি| স্ত্রোতসাং রোধাদ্বিট্ছোষঃ| তেষাং বিবৃতত্বাত্স্ত্রংসঃ| তেন সঙ্খযাযামনযোরন্যতরস্য গ্রহণম্| যুগপদসম্ভবাত্| পীনসঃ, শ্বাসঃ, কাসঃ, অংসরুক্, মূর্ধরুক্, স্বররুক্, অরুচিঃ, বিশঃ, স্ত্রংসঃ শোষো বা, ছর্দিঃ, পার্শ্বরুক, জ্বরঃ-ইত্যেকাদশরোগসমূহঃ ক্ষযঃ|| ৭||

Adhikarana rAjayakShmaNi pInasAdInAmupadravAH (8) · Śloka 8

তেষামুপদ্রবান্ বিদ্যাত্ কণ্ঠোদ্ধ্বংসমুরোরুজম্| জৃম্ভাঙ্গমর্দনিষ্ঠীববহ্নিসাদাঽস্যপূতিতাঃ||৮||

তেষাং পীনসাদীনাং কণ্ঠোদ্ধ্বংসাদয উপদ্রবাঃ রোগস্য পশ্চাদুত্পন্নো দুঃখানুবন্ধী রোগ উপদ্রবঃ|| ৮||

Adhikarana vAtAdhikarAjayakShmali~ggAni (9) · Śloka 9

তত্র বাতাচ্ছিরঃ পার্শ্বশূলমংসাঙ্গমর্দনম্| কণ্ঠোদ্ধ্বংসঃ স্বরভ্রংশঃ.................||৯||

তত্র বাতাধিকে রাজযক্ষ্মণি শিরঃ শূলাদিকং লিঙ্গম্|| ৯||

Adhikarana pittAdhikarAjayakShmali~ggAni (10) · Śloka 10

..................পিত্তাত্ পাদাস্যপাণিষু| দাহোঽতিসারোঽসৃক্ছর্দির্মুখগন্ধো জ্বরো মদঃ||১০||

পিত্তাধিকে পাদদাহাদিকম্|| ১০||

Adhikarana kaphAdhikarAjayakShmali~ggAni (11) · Śloka 11

কফাদরোচকচ্ছর্দিঃ কাসো মূর্ধাঙ্গগৌরবম্| প্রসেকঃ পীনসঃ শ্বাসঃ স্বরসাদোঽল্পবহ্নিতা||১১||

কফাধিকে অরোচকাদিকম্|| ১১||

Adhikarana rAjayakShmaNi dhAtupoShaNAbhAve hetuH (12) · Śloka 12

দোষৈর্মন্দানলত্বেন সোপলেপৈঃ কফোল্বণৈঃ| স্ত্রোতোমুখেষু রুদ্ধেষু ধাতূষ্মস্বল্পকেষু চ| বিদহ্যমানঃ স্বস্যানে রসস্তাংস্তানুপদ্রবান্| কুর্য্যাদগচ্ছন্ মাংসাদীনসৃক্ চোর্ধ্বং প্রধাবতি| পচ্যতে কোষ্ঠ এবান্নমন্নং পক্ত্রৈব চাস্য যত্| প্রাযোঽস্মান্মলতাং যাতং নৈবালং ধাতুপুষ্টযে| রসোঽপ্যস্য ন রক্তায মাংসায কুত এব তু| অবষ্টব্ধঃ স শকৃতা কেবলং বর্ত্ততে ক্ষযী||১২||

রাজক্ষ্মবতো ধাতুপুষ্টিকরৈর্মাংসাদিভিরভ্যবহৃতৈর্ধাতুক্ষযো জাযত ইত্যত্র যুক্তিমাঽঽহ-দোষৈরিত্যাদি| তস্য রাজযক্ষ্মবতো রোস্বভাবেন মন্দানলত্বেন হেতুনা দোষৈঃ সাপলেপৈরপাকাদবিশদৈস্তথা কফোল্বণৈশ্চ স্ত্রোতোমুখেষু রুদ্ধেষু অতএব ধাতূষ্মস্বল্পকেষু সত্সু রসাখ্যো ধাতু স্বস্থান এব বিদধ্যমানো নাপি রক্তাদিধাতুষু বহন্ তাংস্তানুপদ্রবান্ স্বহেতুকান্ কুর্য্যাত্| অসৃক্চ মাংসাদীনগচ্ছন্ ঊর্ধ্বশরীরস্য ধাবতি| অস্য চান্নমন্ন পক্ত্রৈব পচ্যতে| নতু রসাদিক্রমেণ ত্বন্যপাচকঃ| কোষ্ঠ এব পচ্যতে ন ধাতুস্ত্রোতস্সু| অত এব হেতোর্বাহুল্যেন মলতামেব যাতমন্নং ধাতুপুষ্ট্যেনাঽলম্| ন পর্য্যাপ্তং ভবতীত্যর্থঃ| স্তোকেন সারেণাপ্যায্যন্তে ধাতব ইতি প্রাযোগ্রহণম্| সুবোধম্|| ১২||

Adhikarana rAjayakShmaNaH sAdhyAsAdhyAvasthAH (13) · Śloka 13

লিঙ্গেষ্বল্পেষ্বপি ক্ষীণং ব্যাধ্যৌষধবলাক্ষমম্| বর্জযেত্সাধযেদেব সর্বেষ্বপি ততোঽন্যথা||১৩||

এবম্ভূতং ক্ষীণমল্পেষ্বপি লিঙ্গেষু বর্জযেত্| কিম্ভূতমাঽঽহ ব্যাধীনামৌষধস্য চ বলং যো ন ক্ষমতে||১৩||

Adhikarana sAdhyakShayaH · Śloka

ততো ব্যাধ্যৌষধম্লাক্ষমত্বাদন্যযা বৈপরীত্যে ব্যাধ্যৌষধবলক্ষমত্বে সর্বেষ্বাপি লিঙ্গেষু সত্স্বক্ষীণং সাধযেদেব| চিকিত্সেদেব ন তু বর্জযেত্| ইতি নির্দিষ্টো রাজযক্ষ্মা||

Adhikarana svarabhedanidAnaM svarabhedasya sa~gkhyAsamprAptiH (14) · Śloka 14

দোষৈর্ব্যস্তৈঃ সমস্তৈশ্চ ক্ষযাত্ ষষ্ঠশ্চ মেদসা| স্বরসাদো ভবেত্.......................................||১৪||

অনন্তরং তদঙ্গভূতাঃ প্রধানত্বাত্ স্বরভেদাদযো নির্ণীযন্তে| তেষু চ বাতাদিভিঃ সন্নিপাতেন ক্ষযান্মেদসা চ ষট্ স্বরভেদাঃ|

Adhikarana vAtajasvarabhedalakShaNam (15) · Śloka 15

........................তত্র ক্ষামো রূক্ষাশ্চলঃ স্বরঃ| শূকপূর্ণাভকণ্ঠত্বং স্নিগ্ধোষ্ণোপশযোঽনিলাত্||১৫||

তত্রাঽনিলাত্স্বরভেদে ক্ষামস্বরত্বদিকং লিঙ্গম্|| ১৫||

Adhikarana pittajasvarabhedalakShaNam (16) · Śloka 16

পিত্তাত্তালুগলে দাহঃ শোষ উক্তাবসূযনম্||১৬||

পিত্তাত্তালুদাহাদিকং উক্তাবসূযনমপরিপূর্ণবচনতা|| ১৬||

Adhikarana kaphajasvarabhedalakShaNam (17) · Śloka 17

লিম্পন্নিব কফাত্কণ্ঠং মন্দঃ খুরখুরাযতে||১৭||

লিম্পন্নিবেত্যাদিকফজস্বরলক্ষণম্|| ১৭||

Adhikarana sAnnipAtikasvarabhedalakShaNam (18) · Śloka 18

স্বরো বিগদ্ধ সর্বৈস্তু সর্বলিঙ্গঃ .............||১৮||

সন্নিপাতেন স্বরভেদে স্বরো বিবদ্ধো ভবতি| বাতাদিস্বরভেদলিঙ্গঞ্চ ভবতি|| ১৮||

Adhikarana kShayajasvarabhedalakShaNam (19) · Śloka 19

.............................ক্ষযাত্ কষেত্| ধূমাযতীব চাত্যর্থং.....................||১৯||

ক্ষযাত্তু স্বরভেদঃ স্বং স্থানং কণ্ঠাদিকং কষেত্| ধূমমিব কণ্ঠে করোতি|| ১৯||

Adhikarana medojasvarabhedalakShaNam (20) · Śloka 20

.......................... মেদসা শ্লেষ্মলক্ষণঃ| কৃচ্ছ্রলক্ষ্যাক্ষরশ্চ ...........................||২০||

মেদসা স্বরভেদঃ শ্লেষ্মস্বরভেদলিঙ্গো যস্তু কৃচ্ছ্রলক্ষ্যাধরঃ|| ২০||

Adhikarana asAdhyasvarabhedau (21) · Śloka 21

......................... অত্র সর্বৈরন্ত্যঞ্চ বর্জযেত্||২১||

এতেষু স্বরভেদেষু মধ্যে সর্বৈঃ সন্নিপাতপ্রভবো যশ্চান্ত্যো মেদস্য এতৌ স্বরভেদৌ বর্জযেত্| শেষাঃ সাধ্যা ইত্যর্থঃ| উক্তঃ স্বর ভেদঃ|| ২১||

Adhikarana arocakanidAnam, arocakasamprAptiH (22) · Śloka 22

অরোচকো ভবেদ্দোষৈর্জিহ্বাহৃদযসংশ্রযৈঃ| সন্নিপাতেন মনসঃসন্তাপেন চ পঞ্চমঃ||২২||

অরোচক উচ্যতে| দোষৈর্বাতাদিভির্জিহ্বাং হৃদযং চ সংশ্রিতৈঃ পৃথক্ ত্রিভিররোচকো ভবেত্| তেষাং কোপে কারণং সামান্যমুক্তম্ সম্প্রাপ্তিবশাত্তু রোগবিশেষ ইতি সর্বত্র বোদ্ধব্যম্| ত্রিভির্দোষৈঃ পৃথক্ত্রযোঽরোচকাঃ সন্নিপাতেন চতুর্থঃ| জিহ্বাহৃদয সংশ্রিতেনেত্যর্থাত্ লভ্যতে| মনসঃ সন্তাপেন নানাবিধেন শোক ক্রোধাদিনা কৃতেন| পঞ্চম আগন্তুঃ| তত্রাঽপি চাগন্তূনামা গন্তুকারণোপতাপমনু তত্পীডযাঽনুবন্ধো ভবত্যেবেতি পূর্বং ব্যাখ্যাতম্|| ২২||

Adhikarana vAtAdyarocakeShu li~ggAni (23) · Śloka 23

কষাযতিক্তমধুরং বাতাদিষু মুখং ক্রমাত্| সর্বোত্থে বিরসং শোকক্রোধাদিষু যথামলম্||২৩||

বাতাদ্যুদ্ভবেষ্বরোচকেষু লিঙ্গক্রমাদ্যথাসঙ্খ্যেন মুখে কষযাদীনা মুপলম্ভঃ| সন্নিপাতোত্থেঽরোচকে মুখং বিরসং দূরসং (দুষ্টরসং) ভবতি| শোকক্রোধাদিষু যথামলং য এব দোষোঽনুবন্ধং গৃহ্ণাতি তল্লক্ষণং ভবতীত্যর্থঃ| অথবা ভযশোকযোর্বাতিকাত্| ক্রোধে পিত্তাদিতি যথামলমুক্তোঽরোচকঃ|| ২৩||

Adhikarana chardinidAnam, chardeH sa~gkhyAsamprAptiH (24) · Śloka 24

ছর্দিদোষৈঃ পৃথক্সর্বৈর্দ্বিষ্টৈরর্থৈশ্চ পঞ্চমী||২৪||

ছর্দিরুচ্যতে| বাতাদিভিঃ সন্নিপাতেন দ্বিষ্টার্থজা চেতি পঞ্চ চ্ছর্দযঃ|| ২৪||

Adhikarana chardyAH samprAptiH (25) · Śloka 25

উদানো বিকৃতো দোষান্ সর্বাস্বপ্যূর্ধ্বমস্যতি||২৫||

সর্বাসু চ্ছর্দিষূদানো নাম বাযুর্দোষান্ বাতাদ্বীর্ধ্বং মুখেন অস্যতিক্ষিপতীতি সাধারণা সম্প্রাপ্তিঃ|| ২৫||

Adhikarana chardyAH pUrvarUpam (26) · Śloka 26

তাসূত্ক্লেশাঽস্যলাবণ্যপ্রসেকারুচযোঽগ্রগাঃ||২৬||

চোত্ল্কেশাদীনি পূর্বরূপাণি|| ২৬||

Adhikarana vAtajachardilakShaNam (27) · Śloka 27

নাভিং পৃষ্ঠং রুজন্ বাযুঃ পার্শ্বে চাঽঽহারমুত্ক্ষিপেত্| ততো বিচ্ছিন্নমল্পাল্পং কষাযং ফেনিলং বমেত্| শব্দোদ্গারযুতং কৃষ্ণমচ্ছং কৃচ্ছ্রেণ বেগবত্| কাসাস্যশোষহৃন্মূর্ধস্বরপীডাক্লমান্বিতঃ||২৭||

নাভিমিত্যাদিনা বাতাদের্লক্ষণমুচ্যতে| বাযুর্নাভ্যাদিরুজন্ আহারমুত্ক্ষিপেত্ তদনন্তরঞ্চ বিচ্ছিন্নত্বাদিযুক্তং বমেত্| কাসাদ্যন্বিতঃ পুরুষঃ| ইতি বাতাত্ ছর্দিলক্ষণম্|| ২৭||

Adhikarana pittajachardilakShaNam (28) · Śloka 28

পিত্তাত্ ক্ষারোদকনিভং ধূম্রং হরিতপীতকম্| সাসৃগম্লং কটূষ্ণঞ্চ তৃণ্মূর্চ্ছাদাহতাপবান্||২৮||

পিত্তাচ্চ্ছার্দ্যা তৃডাদিমান্ ক্ষারোদকনিভত্বাদিযুক্তং বমেত্||২৮||

Adhikarana kaphajacchardilakShaNam (29) · Śloka 29

কফাত্স্নিগ্ধং ঘনং স্বেতং শ্লেষ্মতন্তুগবাক্ষিতম্| মধুরং লবণং ভূরি প্রসক্তং লোমহর্ষণম্| মুখশ্বযথুমাধুর্য্যতন্দ্রাহৃল্লাসকাসবান্||২৯||

কফাত্স্নিগ্ধং ঘনং স্বেতং শ্লেষ্মতন্তুগবাক্ষিতম্| মধুরং লবণং ভূরি প্রসক্তং লোমহর্ষণম্|| মুখশ্বযথুমাধুর্য্যতন্দ্রাহৃল্লাসকাসবান্|| ২৯||

Adhikarana sAnnipAtikI asAdhyachardiH (30) · Śloka 30

সর্বলিঙ্গামলৈঃ সর্বৈরিষ্টোক্তা যা চ তাং ত্যজেত্||৩০||

যা চ্ছর্দিঃ সর্বৈর্মলৈর্বাতাদিভিঃ সা সর্বলিঙ্গা| সর্বানন্তরোক্তবাতালিঙ্গসংযুক্তা| যা চ্ছর্দির্বেগবতী মূত্রশকৃদ্গন্ধিরিত্যাদিনা রিষ্টেষূক্তা ( অ. সাং. শা. - ৭০০ ) তে দ্বে অপি ত্যজেত্| অসর্বলিঙ্গা তু সান্নিপাতিকী চিকিত্স্যৈব|| ৩০||

Adhikarana dviShTArthayogajachardiH (31) · Śloka 31

পূত্যমেধ্যাশুচির্দ্বিষ্টদর্শনশ্রবণাদিভিঃ| তপ্তে চিত্তে হৃদি ক্লিষ্টে ছর্দির্দ্বিষ্টার্থযোগজা||৩১||

যা ছর্দিঃ পূত্যাদীনাং দর্শনশ্রবণচিন্তনাদিভিশ্চিত্তে তপ্তে হৃদি চ ক্লিষ্টে ভবতি| এষা দ্বিষ্টার্থজা| ইতি পঞ্চ ছর্দযঃ|| ৩১||

Adhikarana kRumyAdihetuShu chardiShu li~ggaiH vAtAdInavagacchet (32) · Śloka 32

বাতাদীনেব বিমৃশেত্ কৃমিতৃষ্ণামদৌহৃদে| শূলবেপথুহৃল্লাসৈর্বিশেষাত্কৃমিজাং বদেত্| কৃমিহৃদ্রোগলিঙ্গৈশ্চ...................||৩২||

কৃম্যাদিষু যাশ্ছর্দযঃ তা নাঽতঃ পৃথগ্ভূতাস্তাসাং বাতাদিহেতুত্বাত্| অতস্তাসু চতসৃষু চ্ছর্দিষু বাতাদীনেববুদ্ধযা লক্ষণৈর্বিমৃশেত্| দৌহৃদং প্রথমগর্ভে মাতুর্নানাবিধাহারেচ্ছা| তস্যালাভাদ্যাছর্দিঃ সেত্যার্থঃ| কৃমিজাযাস্তু শূলাদীনি লক্ষণনি| বিশেষাত্ কৃমিহৃদ্রোগস্য লিঙ্গৈঃ শ্যাবনেত্রত্বাদিভিঃ ( অ. সং. নি. - ১৯২ ) কৃমিজাং ছর্দিং বদেদিতি সম্বন্ধঃ| ইত্যুক্তাশ্ছর্দযঃ|| ৩২||

Adhikarana hRudroganidAnam, hRudrogasya sa~gkhyAsamprAptirnidAna~jca (33) · Śloka 33

................... স্মৃতাঃ পঞ্চ তি হৃদ্গদাঃ| তেষাং গুল্মনিদানোক্তৈঃ সমুত্যানৈশ্চ সম্ভবঃ||৩৩||

হৃদ্রোগা উচ্যন্তে| বাতাদিভিঃ সন্নিপাতেন কৃমিভিশ্চেতি পঞ্চ হৃদ্রোগাঃ স্মৃতা আচার্য্যৈঃ| তেষাঞ্চ হৃদ্রোগাণাং গুল্মনিদানে বক্ষ্যমাণহেতুভিঃ সম্ভবঃ|| ৩৩||

Adhikarana vAtajahRudrogalakShaNam (34) · Śloka 34

বাতেন শূল্যতেঽত্যর্থং তুদ্যতে স্ফুটতীব চ| ভিদ্যতে শুষ্যতি স্তব্ধং হৃদযং শূন্যতা দ্রবঃ| অকস্মাদ্দীনতা শোকো ভযং শব্দাসহিষ্ণুতা| বেপথুর্বেষ্টনং মোহঃ শ্বাসরোধোঽল্পনিদ্রতা||৩৪||

অল্পনিদ্রান্তেন গ্রন্থেন বাতহৃদ্রোগলক্ষণম্| অত্যর্থশব্দেনৈতত্ গমযতি যদন্যেষ্বপি হৃদ্রোগেষু হৃদযং শূল্যতে| অতিশযেন তু বাতাজ ইতি| অকস্মাদহেতুকঃ|| ৩৪||

Adhikarana pittajahRudrogalakShaNAni (35) · Śloka 35

পিত্তাত্তৃষ্ণা ভ্রমো মূর্চ্ছা স্বেদো দাহোঽম্লকঃ ক্লমঃ| ছর্দনং চাম্লপিত্তস্য ধূমকঃ পীততা জ্বরঃ||৩৫||

জ্বরান্তেন পিত্তং হৃদ্রোগলিঙ্গম্| পীততাঽঙ্গেষু||৩৫||

Adhikarana kaphajahRudrogalakShaNAni (36) · Śloka 36

শ্লেষ্মণা হৃদযং স্তব্ধং ভারিকং সাঽশ্মগর্ভবত্| কাসাগ্নিসাদনিষ্ঠেব নিদ্রালস্যাঽরুচিজ্বরাঃ||৩৬||

হৃদযস্তম্ভাদিকং লিঙ্গং শ্লেষ্মণা হৃদ্রোগে ভবতি| হৃদযং ভারিগুরুকং সগর্ভবদশ্মগর্ভবচ্চ|| ৩৬||

Adhikarana sannipAtahRudrogalakShaNam (37) · Śloka 37

সর্বলিঙ্গৈস্ত্রিভির্দোষৈঃ....................||৩৭||

যস্তু ত্রিভির্দোষৈর্হৃদ্রোগঃ সঃ সর্বলিঙ্গো ভবতি|| ৩৭||

Adhikarana kRumijahRudrogalakShaNAni tasya shIghracikitsyatva~jca (38) · Śloka 38

.................... কৃমিভিঃ শ্যাবনেত্রাতা| তমঃ প্রবেশো হৃল্লাসঃ শোষঃ কণ্ডূঃ কফস্ত্রুতিঃ| হৃদযং প্রততং চাত্র ক্রকচেনেব দার্য্যতে| চিকিত্সেদামযং ঘোরং তং শীঘ্রং শীঘ্রকারিণম্||৩৮||

কৃমিহৃদ্রোগে শ্যাবনেত্রত্বাদিলিঙ্গম্| অত্র কৃমিহৃদোগে কৃম্যূপঘাতবশাত্সততং হৃদযং ক্রকচেনেব দার্য্যতে| ক্রকচঃ করপত্রম্| তঞ্চ কৃমিহৃদ্রোগাখ্যমামযং ঘোরং শীঘ্রকারিণঞ্চ শীঘ্রং চিকিত্সেতি| মহামর্মহৃদযস্য কৃমিভির্ভক্ষণাত্| ইত্যুক্তা হৃদ্রোগাঃ|| ৩৮||

Adhikarana tRuShNAnidAnam, tRuShNAprabhedAH (39) · Śloka 39

বাতাত্পিত্তাত্কফাত্তৃষ্ণা সন্নিপাতাদ্রসক্ষযাত্| ষষ্ঠী স্যাদুপসর্গাচ্চ .....................||৩৯||

তৃষ্ণা উচ্যন্তে| বাতাদিবিশেষেণ ষট্ তৃষ্ণা ভবন্তি| উপসর্গোঽন্যরোগাভিষঙ্গঃ|| ৩৯||

Adhikarana tRuShNAnidAnam (40) · Śloka 40

...................বাতপিত্তে তু কারণম্| সর্বাসু.............................||৪০||

সর্বাসু তৃষ্ণাসু বাতপিত্তে প্রধানং কারণম্|| ৪০||

Adhikarana vAtapittaprakopakAraNaM lakShaNAni ca (41) · Śloka 41

........তত্প্রকোপ্রো হি সৌম্যধাতুপ্রশোষণাত্| সর্বদেহ ভ্রমোত্কম্পতাপতৃড্দাহমোকৃত্||৪১||

তযোশ্চ বাতাত্তযোঃ প্রকোপঃ সৌম্যস্য রসাখ্যধাতোঃ কারণবশেন প্রশোষণাত্ স চ তত্প্রকোপঃ সর্বদেহভ্রমোত্কম্পাদিকৃত্||৪১||

Adhikarana tRuShNAsamprAptiH (42) · Śloka 42

জিহ্বামূলগলক্লোমতালুতোযবহাঃ সিরাঃ| সংশোষ্য তৃষ্ণা জাযন্তে............||৪২||

সর্বাশ্চ তৃষ্ণা জিহ্বামূলাদিকং সংশোষ্য জাযন্তে|| ৪২||

Adhikarana tRuShNAsAmAnyalakShaNam (43) · Śloka 43

....................তাসাং সামান্যলক্ষণম্| মুখশোষো জলাতৃপ্তিরন্নদ্বেষঃ স্বরক্ষযঃ| কণ্ঠৌষ্ঠজিহ্বাকার্কশ্যং জিহ্বানিষ্ক্রমণং ক্লমঃ| প্রলাপশ্চিত্তবিভ্রংশস্তৃড্গ্রহোক্তাস্তথাঽ ঽমযাঃ||৪৩||

সর্বাসাং মুখশোষাদিতৃড্গ্রহোক্তামযান্তং সামান্যলক্ষণম্| তৃড্গ্রহোক্তা আমযাঃ শোষাদযো রোগানুত্পাদনীযোক্তাঃ ( অ. সং. সূ. - ১৫৬ )|| ৪৩||

Adhikarana vAtajatRUShNAlakShaNam (44) · Śloka 44

মারুতাত্ক্ষামতা দৈন্যং শঙ্খতোদঃ শিরোভ্রমঃ| গন্ধাজ্ঞানাস্যবৈরস্যশ্রুতিনিদ্রাবলক্ষযাঃ| শীতাম্বুপানাদ্বৃদ্ধিশ্চ .....................||৪৪||

ক্ষামতাদিকং মারুতাত্ তৃল্লক্ষণম্|| ৪৪||

Adhikarana pittajatRuShNAlakShaNam (45) · Śloka 45

.................... পিত্তান্মূর্চ্ছাস্যতিক্ততা| রক্তেক্ষণত্বং প্রততং শোষো দাহোঽতিধূমকঃ||৪৫||

মূর্চ্ছাদিকং পিত্তাত্|| ৪৫||

Adhikarana kaphajatRuShNAyAH samprArlakShaNa~jca (46) · Śloka 46

কফো রুণদ্ধি কুপিতস্তোযবাহিষু মারুতম্| স্ত্রোতস্তু সকফস্তেন পঙ্কবচ্ছোষ্যতে ততঃ| শূকৈরিবাচিতঃ কণ্ঠো নিদ্রা মধুরবক্ত্রতা| আধ্মানং শিরসো জাড্যং স্তৈমিত্যশ্ছর্দ্যরোচকাঃ| আলস্যমবিপাকশ্চ .............................||৪৬||

তৃষ্ণাসু শোষে বাতপিত্তং কারণমুক্তম্| তত্ কফে কদাচিত্ সৌম্যত্বান্ন সম্ভবত্যতঃ কফজাযাঃ সম্প্রাপ্তিরুচ্যতে| কফঃ কুপিতস্তোযবাহিষু স্ত্রোতস্সু যদা মারুতং রুণদ্ধি তদা তেন মারুতেন স কফঃ শোষ্যতে পঙ্কবত্| ততঃ কফে শুষ্কে অবিপাকান্তং তৃষ্ণাযা লিঙ্গং ভবতীতি কফতৄষ্ণা|| ৪৬||

Adhikarana sannipAtajatRuShNAlakShaNam (47) · Śloka 47

.................. সর্বেঃ স্যাত্সর্বলক্ষণা||৪৭||

সন্নিপাতেন তৃষ্ণা সর্বলক্ষণা ভবতি|| ৪৭||

Adhikarana AmodbhavatRuShNAyAH vAtapitajatvam (48) · Śloka 48

আমোদ্ভবা চ ভক্তস্য সংরোধাদ্বাতপিত্তজা||৪৮||

যা ত্বামোদ্ভবা সা বাতপিত্তজৈব বোদ্ধব্যা| যতঃ আমেনাবচ্ছেন্নেঽন্নস্যাপাকেন তর্পণাভাবদ্বৃদ্ধাভ্যাং বাতপিত্তাভ্যাং জন্যতে||৪৮ ||

Adhikarana anyanimamittAshca pittajatRuShNAH (49) · Śloka 49

উষ্ণক্লান্তস্য সহসা শীতাম্ভো ভজতস্তৃষম্| উষ্মা রুদ্ধো গতঃ কোষ্ঠং যাং কুর্য্যাত্পিত্তজৈব সা| যা চ পানাতিপানোত্থা তীক্ষ্ণাগ্নে স্নেহজা চ যা||৪৯||

উষ্ণেনাতপাদিনা ক্লান্তস্য সতস্সহসা শীতোদকসেবনাত্ যা তৃড্ দৃষ্টা সা পিত্তজৈব বোদ্ধব্যা| যা তূষ্মরূপং পিত্তং বৃদ্ধশরীরে ব্যাপ্য বর্ত্তমানং বহিঃ শীতাম্বুসেকাত্ প্রতিহতং কোষ্ঠে প্রবিষ্টং তৃষং করোতি| যা চ পানস্য মদ্যস্যাতিপানেন ভবতি সা চ পিত্তজৈব তথা তীক্ষ্ণাগ্নেঃ পুরুষস্য স্নেহেন যা তৃষ্ণা সা চ পিত্তজৈব| ন সর্পিঃ কেবলং পিত্তে পেযমিতি স্মর্তব্যম্|| ৪৯||

Adhikarana snigdhAdibhojanotthatRuShNAyAH kaphajatvam (50) · Śloka 50

স্নিগ্ধগুর্বম্ললবণভোজনেন কফোদ্ভবা||৫০||

স্নিগ্ধাদিভোজনেন যা তৄষ্ণা সা কফোদ্ভবেতি বিজ্ঞেযা|| ৫০||

Adhikarana kShayajatRuShNArasakShayatRuShNAlakShaNam (51) · Śloka 51

তৃষ্ণা রসক্ষযোক্তেন লক্ষণেন ক্ষযাত্মিকা||৫১||

রসক্ষযলক্ষণেন ক্ষযাত্মিকা তৃষ্ণা জ্ঞেযা| রসক্ষযলক্ষণং 'রসেরৌক্ষ্যম্' ( অ. হৃ. সূ. - ১১-১৭; অ. সং. সূ. ১৯ ) ইত্যাদিকং সূত্রোক্তম্| এষা পঞ্চমী তৃট্|| ৫১||

Adhikarana upasargajatRuShNAlakShaNam (52-53) · Śloka 53

শোষমেহজ্বরাদ্যন্যদীর্ঘরোগোপসর্গতঃ| যা তৃষ্ণা জাযতে তীব্রা সোপসর্গাত্মিকা স্মৃতা||৫২|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং রাজযক্ষ্মাদিনিদানং নাম পঞ্চমোঽধ্যাযঃ||৫৩||

শোষাদিদীর্ঘরোগোপর্সাদ্যা তীব্রা তৃট্ সোপসর্গাত্মিকা ষষ্ঠী| ইত্যুক্তাস্তৃষ্ণাঃ|| ৫২|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং নিদানস্থানে পঞ্চমোঽধ্যাযঃ