2. garbhāvakrāntiḥ

Adhikarana atha garbhAvakrAntirnAma dvitIyo~adhyAyaH atha garbhAvakrAntirnAma dvitIyo~adhyAyaH upodghAtaH · Śloka

পূর্বস্মিন্নধ্যাযে পুত্রকামমধিকৃত্যোক্তং, সম্প্রতি তু যস্যেব পুত্রস্য নিষেকাত্ প্রভৃতি যোগক্ষেমৌ যথা-যথা সম্ভবতঃ যথা চ মাতরি তিষ্ঠতি যথা চ ন ব্যাপদ্যতে, অব্যাপন্নং চ যথা সুখং সূত ইতি প্রদর্শনার্থমধ্যাযারম্ভঃ|

Adhikarana pratij~jA (1) · Śloka 1

অথাতো গর্ভাবক্রান্তিং শারীরং ব্যাখ্যাস্যামঃ| ইতি হ স্মাহুরাত্রেদযাদযো মহর্ষযঃ||১||

অথাত ইত্যাদি| অত্র গর্ভশব্দেন মনস্সংয্গাচ্চেতনেনাত্মনাধিষ্ঠিতানাং মহাভূতানাং বিকারবিশেষ উচ্যতে| তস্যাবক্রমণং প্রাপ্তিঃ স্বরূপলাভো যস্মিন্নধ্যাযে নির্ণীযতে সোঽপ্যুপচারাত্তচ্ছেব্দেনোচ্যতে|

Adhikarana garbhAvakrAntiprakAraH (2) · Śloka 2

গতে পুরাণে রজসি নবেঽবস্থিতে শুদ্ধে গর্ভস্যাশযে মার্গে চ বীজাত্মনা শুক্রমবিকৃতমবিকৃতেন বাযুনা প্রেরিতমন্যৈশ্চ মহাভূতৈরনুগতমার্ত্তবেনাভিমূর্চ্ছিতমন্বক্ষমেব রাগাদিক্লেশবশানুবর্তিনা স্বকর্মচোদিতেন মনোজবেন জীবেনাভিসংসৃষ্টং গর্ভাশযমুপযাতি||২||

সা চ গর্ভস্যাবক্রান্তিঃ গতে পুরাণ ইত্যাদিনা প্রস্তূযতে| পুরাণেঽতীতে কর্মতঃ সঞ্চিতে রজসি দুষ্টরক্তে গতে বাযুনা স্ত্রীদেহাদ্বহিঃ প্রেরিতে ঋতোরাদ্যদিনত্রযং পশ্চান্নবে সাম্প্রতিকমাসভবেঽবস্থিতে আর্ত্তবসংজ্ঞে লব্ধপ্রতিষ্ঠে সতি শুদ্ধে চ গর্ভস্যাশযে দোষানুপহতে মার্গে চ শুদ্ধে যেনানুপহতং শুক্রং ক্ষেত্রং প্রাপ্নোতি| শুদ্ধ রতি রজসা সম্বধ্যতে| গর্ভাশযমার্গাভ্যাং চ| শুদ্ধিশ্চ স্বাভাবিক্যৌপাধিকী চ| ঔপাধিকী দ্রব্যসংস্কারকৃতা| বীজাত্মনা গর্ভকারণমহাভূতস্বভাবেন অঙ্গাদঙ্গাত্ প্রেরিতমন্যৈশ্চ সূক্ষ্মস্বরূপৈর্মনঃ সহচারিভিস্তন্মাত্রাখ্যৈর্মহাভূতৈরনুগতং স্ত্রীক্ষেত্রপ্রাপ্ত্যা কর্মবশাদার্ত্তবেন মিশ্রীভূতমন্বক্ষং মিশ্রীভাবাহীনকালমেব রাগাদীনাং বশে যোঽনুবর্ত্ততে তথাবিধেন মনোজবেন জীবেনাভিসংসৃষ্টং প্রাপ্তসংযোগং গার্ভাশযং শুক্রমুপযাতি| রাগদ্বেষাবিদ্যাস্মিতাভিনিবেশাঃ ক্লেশাঃ| এতে পঞ্চ মিথ্যাজ্ঞানানি| ন প্রমাণং ন চাপ্রমাণং বিপর্যযমাত্রমিতি কৃত্বা অবিদ্যা মূলং ক্লেশানাং শেষাণাম্| সুখানুশাযী রাগঃ| তত্প্রভেদ এব দ্বেষঃ ক্রোধঃ| অস্মিতাঽভিনিবেশৌ মোহশব্দেনোক্তৌ| তত্র অবিদ্যা যা অনিত্যে পৃথিব্যাদৌ নিত্যবুদ্ধিঃ| বীজগর্ভবাসাদিনা অশুচৌ স্ত্রীশরীরাদৌ শুচিবুদ্ধিঃ| দুঃখে চ পরিণামতাপাদিভিরূপভোগসুখে সুখবুদ্ধিঃ| অনাত্মনি চ বাহ্যোপকরণভাবেষু শরীরে চাত্মবুদ্ধিরিতি| আত্মনো বুদ্ধেশ্চাভেদগ্রহ অস্মিতা| অনুভূতসুখস্য তত্স্মৃত্যা তত্কারণপ্রাপ্তৌ গৃদ্ধী রাগঃ| অনুভূতদুঃখস্য তদ্গ্রথনেষু তাত্কালিকী জিঘাংসা দ্বেষ ইতি ক্লেশাঃ| অবিদ্যা চাঽঽনাদিঃ| এষাং ক্লেশানাং বশমনুবর্ততে যো জীব আত্মা স তথোক্তঃ শুভাঽশুভানি কর্মাণি তানি চাঽঽত্মনঃ| ক্লেশমূলত্বাত্ কর্মণাম্| অমূনি চ কর্মাণি পচ্যমানানি বিপাকেন সুখাসুখলক্ষণেন পুনরবিদ্যামেব পুষ্ণন্তি, অতোঽবিচ্ছিন্নেন প্রবাহেণ কর্মফলানুরূপেষু যোন্যন্তরেষ্বাত্মনো মনঃপ্রভৃতিভিঃ সংযোগান্নিত্যস্যাপি জন্মশব্দেনোচ্যতে| মনোজবেনেত্যাত্মনো নিষ্ক্রিযত্বান্মনসা যুক্তস্য ক্রিযাবত্ত্বমিব দর্শযতি| এবম্ভূতং শুক্রং গর্ভাশযমুপযাতি|| ২||

Adhikarana kAryANA~gkAraNAnuvidhAyitvam (3) · Śloka 3

কার্যাণাং কারণানুবিধাযিত্বাত্ তত্স্বভাবতাং প্রতিপদ্যতে||৩||

তচ্চ শুক্রং কার্য্যাণাং কারণানুবিধাযিত্বাদ্ধেতোস্তত্স্বভাবতাং কারণসাদৃশ্যং প্রতিপদ্যতে| কার্যং হি কারণস্য স্বরূপানুগচ্ছতি| তথা চ তিলেভ্যস্তিলা এব জাযন্তে ন মাষাঃ| কারণং চ যদ্ গর্ভস্য মাতৃপিতৃমহাভূতদেশকালগর্ভাশযমাত্রাহারবিহারাদিকম্| তস্য কারণস্য স্বরূপানুগমনাদ্ গর্ভস্য তদাকৃত্যাদিমতশ্চ সম্ভবঃ| অত এব কারণবশাদাকৃত্যাদিবৈলক্ষণ্যম্|| ৩||

Adhikarana bhinnali~ggagarbhasambhave hetuH (4) · Śloka 4

তত এব চ শুক্রস্য বাহুল্যাত্ পুমান্ আর্ত্তবস্য বাহুল্যাত্ স্ত্রী, তযোঃ সাম্যে নপুংসকম্||৪||

অত এব চ কারণানুবিধাযিত্বাদেব পুংস্কারণস্য শুক্রস্য বাহুল্যাত্ পুমান্ জাযতে, রক্তস্য তু যোষিত্ | কারণযোঃ সাম্যে নপুংসকমিতি || ৪ ||

Adhikarana bahvapatyatAkAraNam (5) · Śloka 5

শুক্রার্ত্তবেঽনিলেন খণ্ডশো ভিন্নে যথাবিভাগমপত্যানামুত্পত্তিঃ||৫||

মিশ্রীভূতশ্চ শুক্রার্ত্তবং স্ববিশিষ্টহেতুকোঽনিলো যদা খণ্ডশঃ করোতি, তদা বহূনামপ্যপত্যানাং সম্ভবঃ || ৫ ||

Adhikarana viyoni-vikRutAkArApatyakAraNam (6) · Śloka 6

বিকৃতে বিযোন্যাকৃতীনাঞ্চ||৬||

যদা ত্বনিলো বাঽন্যো বা দোষঃ শুক্রার্ত্তবং কেনচিত্ প্রকারেণ বিকরোতি, তদা বিকৃতযোনীনাং বিকৃতাকৃতীনাঞ্চ গর্ভাণাং সম্ভবঃ | বিকৃতযোনযো যে যোষিতঃ পুংসা সংসৃষ্টাযাঃ মৃগমেষমার্জারাদযো জাযন্তেঽতো বিকৃতাকৃতযঃ কাণপঙ্গ্বাদযঃ || ৬ ||

Adhikarana sadyogRuhItagarbhAyA lakShaNAni (7) · Śloka 7

অথ নার্য্যাঃ সদ্যোগৃহীতগর্ভাযাশ্চ লিঙ্গং যোন্যা বীজগ্রহণং তৃপ্তির্গরিমা স্ফুরণং শুক্রার্ত্তবযোরনুবন্ধশ্চ তথা প্রহর্ষো হৃল্লাসস্তন্দ্রাঽঙ্গসাদঃ প্রসেকো হৃদযব্যথা গ্লানিঃ পিপাসা চ||৭||

অথেতি প্রস্তাবে | যোন্যা বীজগ্রহণাদিকং সদ্যোগর্ভাযাস্তত্কালপ্রাপ্তগর্ভাযা নার্য্যা লক্ষণম্ | যোন্যা বীজস্য শুক্রস্য গ্রহণং প্রস্রবাভাবঃ | তৃপ্তিঃ প্রাপ্তগর্ভাপেক্ষযা রতাবনভিলাষিতা, শরীরপ্রীণনং বা | গুরুত্বমঙ্গস্য তস্যৈব স্ফুরণং চালনম্ | অননুবন্ধনম্ গর্ভবিদারণাদিনা প্রতিবন্ধঃ | হৃদুত্ক্লেশযুক্তঃ প্রসেক এব হৃল্লাসঃ || ৭ ||

Adhikarana vyaktagarbhAyA lakShaNAni (8) · Śloka 8

ক্রমেণ তু ব্যক্তগর্ভাযাঃ কুক্ষিমাত্রগৌরবং ক্ষামনেত্রস্বরতা যোনিরোমসংলুলনং নিদ্রা জৃম্ভণং মূর্চ্ছা ছর্দিররুচিঃ পাদশোফোঽম্লেঽভিলাষস্তেষু তেষু চ উচ্চাবচেষু ভাবেষ্বিতি||৮||

কালক্রমেণ ব্যক্তগর্ভাযাঃ ক্রমেণৈব কুক্ষিগাত্রাদিগৌরবাদিলক্ষণম্ | ক্রমেণেতি | যথা-যথা প্রবর্ধতে তথা-তথা কুক্ষিগৌরবাদযো ভবন্তি | ক্ষামশব্দো নেত্রস্বরাভ্যাং চ সম্বধ্যতে | যোনিরোম্ণীঞ্চ সংলুলনং চলনম্ | যোনিরোম্ণাং বা সংলুলনং ব্যালোলতা | তেষু তেষ্বনুক্তেষ্বপি স্বকল্পিতেষু নানাবিধেষূচ্চাবচেষ্বনিযতেষু ভাবেষ্বাহারবিহারাদ্যুপযোগিষ্বভিলাষ ইতি ব্যক্তগর্ভাযা লিঙ্গম্ | ব্যক্তঃ স্ফুটো নাতিসম্পূর্ণো গর্ভো যস্যাঃ || ৮ ||

Adhikarana garbhiNyA ArttavAdarshanaM, jarAyvAdisambhavashca (9) · Śloka 9

তস্যাশ্চ রজোবাহিনাং স্রোতসাং বর্ত্মান্যুপরুধ্যন্তে গর্ভেণ| তস্মাত্ ততঃ পরমার্ত্তবং ন দৃশ্যতে| ততস্তদধঃ প্রতিহতমপরমপরং চোপচীযমানমপরেত্যাহুঃ, জরাযুরিত্যন্যে| স্থিতে রক্তে রোমরাজিঃ প্রাদুর্ভবতি||৯||

তস্যাশ্চ ব্যক্তগর্ভাযা রজোবহানি স্রোতাংসি যৈঃ স্রোতোভির্মলভূতং রক্তমৃতুকালং বহির্বহতি তেষাং বর্ত্মানি মার্গাণি মুখানি গর্ভেণ নৈকাহাদাচ্ছাদ্যন্তে | তস্মাত্ কারণাত্ ততঃ গর্ভস্য ব্যক্তীভাবাত্ পরমার্ত্তবং ন প্রবর্ত্ততে | যত্তু কদাচিদ্ দৃশ্যতে তদ্বৈকৃতম্ | তদৈব চার্ত্তবমধো গমনে গর্ভেণ প্রতিহতমাহারপরিণামাচ্চ প্রতিদিনমুপচীযমানং গর্ভস্যাশয এবাপরা গর্ভশয্যাঽঽখ্যা সম্পদ্যত ইতি কেচিদাহুঃ | অন্যে পুনরাচার্য্যাস্তদার্ত্তবং জরাযুভাবেন পরিণমতীত্যাহুঃ | তস্মিন্নেব রক্তে স্থিতে কোষ্ঠ এতাবরুদ্ধে স্ত্রিযা নাভেরধো রোমরাজিঃ প্রদুর্ভবতি | তেন রোমরাজ্যাস্তদেব জরাযোঃ সম্বন্ধি কারণমুক্তম্ || ৯ ||

Adhikarana kapolAdau pInatAdarshanam (10) · Śloka 10

জরাযুশেষং চোর্ধ্বমসৃক্প্রতিপদ্যতে| তস্মাত্ পীনকপোলপযোধরতা কৃষ্ণৌষ্ঠচূচুকত্বঞ্চ||১০||

তদ্দ্যার্ত্তবং বহু জরাযুভাবেন প্রতিঘাতাদূর্ধ্বং প্রতিপন্নং কপোলযোঃ পযোধরযোশ্চ পীনত্বং স্থৌল্যং করোত্যোষ্ঠযোশ্চূচুকযোশ্চ স্তনমুখাখ্যযোরিতি | ততশ্চোর্ধ্বপ্রতিপন্নাদ্রততাদ্যত্ স্তনপ্রাপ্তং তত্তত্স্থানস্থিতেন শ্লেষ্মণা শ্বেতেন কৃতোপরাগং স্তন্যতাং যাতি || ১০ ||

Adhikarana stanyotpattau kAraNam (11) · Śloka 11

স্তনাশ্রযমেব চ কফোপরঞ্জিতং স্তন্যতামুপগতং প্রসূতাযাং পুনরাহাররসেনাপ্যাযতে||১১||

যত্তত্ স্তন্যতাং যাতং প্রসূতাযা আহাররসেনাপি অবিদগ্ধেন প্রভাবাদাপ্যাযতে আসংস্কারক্ষযাদ্যেন প্রসূতাযা ভাবি স্তন্যং নিযতকালং ভবতি || ১১ ||

Adhikarana tRutIyamAsAvadhi garbhasyopacayakramaH (12) · Śloka 12

তত্র প্রথমে মাসে কললং জাযতে| দ্বিতীযে ঘনঃ পেশ্যর্বুদং বা| তেভ্যঃ ক্রমাত্ পুংস্ত্রীনপুংসকানি| তৃতীযে পঞ্চধা প্ররোহতি| তদ্যথা-- সক্থিনী, বাহূ, শিরশ্চ| সক্থ্যাদি প্ররোহৈককালমেব চ সর্বমঙ্গাঽঽবযবোন্দ্রিযাণি যুগপত্ সম্ভবন্ত্যন্যত্র জন্মোত্তরকালজেভ্যো দন্তাদিভ্যঃ| ক্রমেণ তু স্ফুটীভবন্তি| এষা প্রকৃতিঃ| বিকৃতিরতোঽন্যথা||১২||

অতোঽনন্তরং গর্ভস্যাঽঽপ্রসবমবস্থাদিকং প্রদর্শ্যতে | তত্র প্রথমে মাসে কললং ক্রমেণ ভবতি | কললে গৃহীতকাঠিন্যম্ | দ্বিতীযে তু মাসে কাঠিন্যক্রমেণ যদা পুমান্ সম্পদ্যতে তদা ঘনো ভবতি | ঘনো নাতিদীর্ঘপরিবৃত্তো মাংসপ্রাযঃ | যদা তু স্ত্রী সম্পদ্যতে তদা পেশী চতুরস্রা ভবতি | যদা তু নপুংসকং তদার্বুদং পরিবৃত্তং ভবতি | তৃতীযে তু মাসে ঘনঃ পেশী বার্বুদং বা সামান্যেন গর্ভঃ পঞ্চধা প্ররোহতি | অধিকরণবিচালে চ ইতি 'ধা' প্রত্যযঃ | দ্বে সক্থিনী, দ্বৌ বাহূ, শিরশ্চ পঞ্চমঃ | সক্থ্যাদিপ্ররোহসমানকালমেব সর্বাঙ্গাঽঽবযবানামিন্দ্রিযাণাং চ সম্ভবঃ | অঙ্গং শরীরং তস্যাঽঽবযবা অঙ্গাবযবাঃ | সর্বে চ তেঽঙ্গাবযবাস্তথোক্তাঃ | এককালশব্দেন বাহ্বাদিসমানকালত্বমুচ্যতে | যুগপচ্ছব্দেন পরস্পরৈককালত্বম্ | জন্মোত্তরকালভাবিনাং রোমদন্তাদীনামঙ্গাবযবত্বেন তত্কালাসম্ভবত্রির্ধারণম্ | তে হি দন্তাদযো জাতস্য জাযন্ত ইতি | তানি চাঽঽবযবেন্দ্রিযাণি দশসু মাসেষু গর্ভস্য স্ফুটীভবন্তি | এষা প্রকৃতিরতোঽন্যথা বিকৃতির্জ্ঞেযা | তেনৈতদুক্তং ভবতি- উপঘাতকাদ্যভাব এষ সম্ভবক্রমঃ | যদা তু লক্ষ্যেণোপঘাতকারণপ্রাপ্তিস্তদা তদানুরূপ্যেণৈব বিলক্ষণা বিকৃতিঃ | যথোক্তক্রমবৈপরীত্যে বিকৃতিরুচ্যত ইত্যন্যথার্থঃ || ১২ ||

Adhikarana garbhali~ggAnurUpaM bhAvAnAM copasthitiH (13) · Śloka 13

যথাস্বং চ গর্ভস্য পুংস্ত্রীনপুংসকান্যতমলিঙ্গানুরূপা ভাবা মনসি শরীরে চ সন্তিষ্ঠন্তে| বৈশেষিকলিঙ্গসঙ্করে তু যতো ভূযস্ত্বং ততোঽন্তরা ভাবাঃ||১৩||

ননু দ্বিতীযে ঘনঃ পেশ্যর্বুদং বা পুংস্ত্রীনপুংসকাখ্যং জাযত ইতি তত্র হেতুর্ন জ্ঞাযতে | কেন হেতুনা সদৃশৈরপি করচরণাদিভিরঙ্গাবযবৈঃ স্ত্র্যাদিকৃতো গর্ভস্য বিশেষো ভবতীত্যত আহ- যথাস্বমিত্যাদি | যথাস্বং প্রত্যাত্ম | গর্ভস্যান্যতমলিঙ্গস্যানুরূপাভাবাঃ মনসি শরীরে চ সন্তিষ্ঠন্তে | তেনৈতদুক্তং ভবতি- গর্ভস্য সম্ভবমত এব স্বকর্মহেতুকা ভীরুত্বাদযো মনস্যধোগুরুত্বাদযশ্চ শরীরে সন্তিষ্ঠন্তে | যে স্ত্রীনপুংসকহেতবস্ত এব ক্লৈব্যাধোগুরুত্বাদযঃ স্ত্র্যাখ্যং বিশেষমারভন্তে | অক্লৈব্যাধোগুরুত্বাদযঃ পুমাখ্যমুভযসমত্বেন নপুংসকমিতি | অতস্তেষাং বৈশেষিকগুণত্বম্ | অতস্তেষাঞ্চ বৈশেষিকাণাং লিঙ্গানাং ক্লৈব্যভীরুত্বাদীনাং স্ত্রীপুংসকারণানাং সঙ্করে মিশ্রীভাবে যতো ভূযস্ত্বমেষামেব বৈশেষিকাণাং প্রভূতত্বং ততোঽন্যতরা ভাবাস্তৈরেব ভূযোভিরন্ততস্য স্ত্রিযা পুরুষস্য বা ভাবঃ | উভযেষামপি ভূযস্ত্বে নপুংসকস্যেতি || ১৩ ||

Adhikarana strIpuMnapuMsakakarAH bhAvAH (14) · Śloka 14

তদ্যথা- ক্লৈব্যং ভীরুত্বমবৈশারদ্যং মোহোঽনবস্থানমধোগুরুবমসংহানং শৈথিল্যং মার্দ্দবং গর্ভাশযবীজভাগস্তথাযুক্তাশ্চাপরে স্ত্রীকরা ভাবাঃ| ততো বিপরীতাঃ পুংস্করাঃ| সঙ্কীর্ণা নপুংসককরাঃ||১৪||

ননু কে তে ভাবাঃ স্ত্র্যাদ্যন্যতমলিঙ্গারূপা ইত্যাহ- তদ্যথেত্যাদি | ক্লৈব্যাদযো মনোধর্মাঃ | অধোগুরুত্বাদযশ্চ শরীরধর্মাঃ | স্ত্রীকরা ভাবাঃ কর্মহেতুকাঃ যে তে স্ত্র্যাখ্যং বিশেষমভিনির্বর্ত্তযন্তি | তুল্যেষ্বপি করণাদিষু ক্লৈব্যং নিস্তেজত্বাত্ | বুদ্ধেরবৈশারদ্যং মৌগ্ধ্যম্ | মোহোঽসম্যগ্জ্ঞানম্ | অনবস্থানং চলচিত্তত্বম্ | ইতি মনঃ সংশ্রযাঃ স্ত্রীকরা ভাবাঃ | অধোগুরুত্বং পশ্চিমকাযভাগগৌরবম্ | অসংহননং মাংসাস্থিসন্ধ্যাদীনামাস্থিতিনিবিষ্টত্বম্ | শৈথিল্যমনিবিডাবযবদেহত্বম্ | মার্দবং শিথিলস্যাপি বস্ত্রাদের্দৃশ্যতে | গর্ভাশযকারণো বীজভাগো মাতৃসংভবো যেনোত্পদ্যমানে স্ত্রীশরীরে গর্ভাশযাখ্যোঽন্তরবযবঃ সম্পদ্যতে | তথাযুক্তাঃ স্ত্রীসম্ভাবিনোঽপরে যোনিস্তনাদিবীজভাগাঃ | স্তনাদীনামুত্তরকালভবিত্বস্য সমর্থো বীজভাগো যোগ্যকালপ্রতীক্ষোঽদৃশ্যমানোঽপ্যসত্ত্বেন ন বিজ্ঞেয ইতি শারীরাঃ স্ত্রিযাঃ স্ত্রীকরাভাবাঃ | এত এব মনঃশরীরাশ্রযা ভাবা যথাক্রমং বৈপরীত্যে পুংস্ত্বেন ব্যাখ্যেযাঃ | সঙ্কীর্ণাঃ সাম্যেন্ মিশ্রীভূতা নপুংসককরা ইত্যাদি || ১৪ ||

Adhikarana tRutIyAmAsAtprabhRuti garbhe vedanAdisambhavaH (15) · Śloka 15

তদা চাস্য বেদনা প্রব্যক্তা ভবতি| ততশ্চ তত্প্রভৃতি স্পন্দতেঽভিলাষং পঞ্চেন্দ্রিযার্থেষু করোতি||১৫||

অস্য চ গর্ভস্য তদা তৃতীযে মাসে বেদনা চেতনা প্রব্যক্তা স্ফুটা ভবতি | ততোঽন্ন্তরমেব স্বেচ্ছযা স্পন্দতে | ইন্দ্রিযার্থেষু অভিলাষং করোতি || ১৫ ||

Adhikarana garbhiNyAH tRutIyamAse daurhRudasambhavaH (16) · Śloka 16

মাতৃজং হ্যস্য হৃদযং তদ্রসহারিণীভির্ধমনীভির্মাতৃহৃদযেনাভিসম্বদ্ধং ভবতি| তস্মাত্তযোস্তাভিঃ শ্রদ্ধা সম্পদ্যতে| তথা চ দ্বিহৃদযাং নারীং দৌর্হৃদিনীমিত্যাচক্ষতে||১৬||

অস্মিন্নেব চ কালে নারী দৌর্হৃদিনী ভবতি | দৌর্হৃদিনী দ্বিহৃদযা কথমিত্যাহ- মাতৃজমিত্যাদি | অস্য গর্ভস্য মাতৃজং হৃদযং ভবতি | মাতুর্বীজভাগেন মৃদুনা আর্ত্তবাখ্যেন জাযতে | তচ্চ গর্ভহৃদযং রসবাহীভির্নাডীভির্মাতৃহৃদযেন সম্বদ্ধং ভবতি | তেন গর্ভস্যেচ্ছযা মাতা ব্যাপ্যতে মাতুশ্চ গর্ভ ইতি | অতো মাতা দ্বিহৃদযা তৃতীযমাস্যুচ্যতে || ১৬ ||

Adhikarana matAntareNa daurhRudakAlaH (17) · Śloka 17

অন্যে তু পক্ষত্রযাত্ প্রভৃত্যাপঞ্চমাত্ মাসাত্ দৌর্হৃদকালমাহুঃ||১৭||

অন্যে পুনরাচার্য্যা গর্ভগ্রহণাদ্গতে পক্ষত্রযে যাবচ্চতুর্থো মাসো নিষ্পন্নস্তাবদ্দৌর্হৃদকালমাহুঃ || ১৭ ||

Adhikarana daurhRudamahitamapi deyameva (18) · Śloka 18

প্রার্থনাযাঞ্চ তীব্রাযাং কামমহিতমপ্যস্যৈ হিতোপসহিতং দদ্যাত্||১৮||

অস্মিংশ্চ দৌর্হৃদে গর্ভিণ্যাঃ প্রার্থনাযাং নানাবিধে আহারে পথ্যে যদি প্রার্থনা ভবতি তত্তদানীমেব দদ্যাত্ | অহিতে পুনর্যদি প্রার্থনা ভবতি ততোঽন্যেন হিতেনোপহিতং মিশ্রং তত্তস্যৈ প্রদদ্যাত্ || ১৮ ||

Adhikarana daurhRudavimAnanAddoShaH (19) · Śloka 19

দৌর্হৃদবিমাননাদ্ধি বাযুঃ প্রকুপিতোঽন্তঃশরীরমনুচরন্ গর্ভস্য বিনাশং বৈরূপ্যং বা কুর্য্যাত্||১৯||

অন্যথা দৌর্হৃদস্য বিমাননাত্ প্রার্থনাভঙ্গাদসৌম্যত্বাদ্বাযুঃ কুপিতোঽন্তঃশরীরং পরিভ্রমন্ গর্ভস্য বিনাশং করোতি বৈরূপ্যং বা করোতি || ১৯ ||

Adhikarana daurhRudAvAptiphalam (20) · Śloka 20

লব্ধদৌর্হৃদা তু বীর্য্যবন্তঞ্চিরাযুষঞ্চ পুত্রং প্রসূতে||২০||

যদা পুনর্দৌর্হৃদে প্রার্থিতং লভতে তদা সা লব্ধদৌর্হৃদা বীর্য্যবন্তং চিরাযুষং চ পুত্রং সূতে || ২০ ||

Adhikarana caturthe~a~ggapratya~ggavibhAgastatsthairyya~jca (21) · Śloka 21

চতুর্থেঽঙ্গপ্রত্যঙ্গবিভাগঃ প্রব্যক্তো গর্ভশ্চ স্থিরো ভবতি||২১||

চতুর্থে মাসি সর্বাবযবানাং স্ফুটতা, ব্যক্তিঃ স্থৈর্য্যঞ্চ গর্ভস্য ভবতি || ২১ ||

Adhikarana pa~jcame mAse manaHprabodho mAMsashoNitopacayashca (22) · Śloka 22

পঞ্চমে মনঃ প্রতিবুদ্ধতরং ভবতি মাংসশোণিতোপচযশ্চ||২২||

অন্যত্ সুবোধম্ || ২২ ||

Adhikarana ShaShThe mAse keSaromAdInAmabhivyaktiH balavarNopacayashca (23) · Śloka 23

ষষ্ঠে কেশরোমনখাস্থিস্নায্বাদীন্যভিব্যক্তানি বলবর্ণোপচযশ্চ| সপ্তমে সর্বাঙ্গসম্পূর্ণতা||২৩||

সুগমম্ || ২৩ ||

Adhikarana aShTame mAsi ojasaH mAtRugarbhayossa~jcAraH (24) · Śloka 24

অষ্টমে গর্ভশ্চ মাতৃতো গর্ভতশ্চ মাতা রসহারিণীভির্বাহিনীভির্মুহুরোজঃ পরস্পরমাদদাতে| তস্মাত্তদা গর্ভিণী মুহুর্মুদিতা ভবতি মুহুর্গ্লানা তথা গর্ভঃ||২৪||

অষ্টমে মাসি তাভিরুভযলগ্নাভী রসবহাভির্নাডীভিরোজঃ প্রতিক্ষণং দ্বযোঃ শরীরযোঃ প্রভাবাদ্বাতবশাচ্চ সঞ্চরতি | যত্র চ তদোজস্তিষ্ঠতি তত্র শরীরে হর্ষো ভবত্যন্যত্র গ্লানিঃ || ২৪ ||

Adhikarana aShTame mAse jAtasya garbhasya vinAshe hetuH (25) · Śloka 25

এবং গর্ভস্য জন্ম ব্যাপত্তিমত্তদা ভবত্যোজসোঽনবস্থিতত্বাত্| তথা হ্যস্য নিষ্ক্রমণোন্মুখস্য পরিবর্ত্তনাদীন্যনুভবত এবৌজসা বিযোগঃ| যদ্যপি চ কিঞ্চিত্কালমস্যোচ্ছ্বসনং স্যাত্তচ্ছিন্নস্যেবাঙ্গস্যৌজঃ সংস্কারানুবৃত্তিকৃতম্| জনন্যাস্তু স্থিরৌজস্কতযৈকদেশেন রসে সংক্রান্তে গ্লানিরেবেতি||২৫||

তত্র মাতৃশরীরং গতে ওজসি যদি গর্ভং প্রসূতে তদা স জাতো বিনশ্যতি | যত্তু কিঞ্চিত্ স্বল্পমেবোজো ভবতি তন্নিষ্ক্রমণক্লেশেন ক্ষযং যাতি | যত্তু কিঞ্চিত্কালমুচ্ছ্বসনং ভবতি তদোজঃ সংস্কারাত্ | যথা ছিত্রস্যাঙ্গস্য চলনম্ | যদা গর্ভশরীরং প্রাপ্তে ওজসি গর্ভো নিষ্ক্রামতি তদা ওজসঃ সদ্ভাবাত্ জাতো জীবত্যত্র মাতা যতঃ স্থিরৌজস্কা ভবত্যতঃ সা কেবলং গ্লানা ভবতি, ন তু বিপদ্যতে | তস্যাস্তু সম্বন্ধিন ওজসস্তোকমাত্রং গর্ভশরীরং সংক্রামতি || ২৫ ||

Adhikarana aShTame prasavena garbhasya maraNamiti (26) · Śloka 26

অন্যে পুনরাহুঃ| নৈঋতভাগত্বাত্তত্র গর্ভস্য মরণম্||২৬||

অন্যে পুনরাচার্য্যাঃ সুশ্রুতাদযস্তত্রাষ্টমে মাসে নৈর্-ঋতভাগত্বাত্ ভূতাবসরত্বাত্ তস্য কালস্য গর্ভস্য মরণমাহুঃ | ন ত্বোজসোঽনবস্থানাত্ || ২৬ ||

Adhikarana aShTame mAsi garbhaprasavanirodhApAyAH (27) · Śloka 27

তস্মাত্ প্রসবপ্রতিষেধার্থং স্ত্রী স্নাতা, শুচির্ব্রহ্মচারিণী, দেবতারাধনমপরা স্যাত্| মাংসৌদনবলিং চাত্র নির্বপেত||২৭||

তস্মান্নৈর্-ঋতভাগত্বাত্তস্য কালস্য প্রতিষেধার্থং ভূযো মে প্রসবো ন ভূযাদিতি কৃত্বা গর্ভিণী স্ত্রী স্নানাদিযুক্তা সতী দেবারাধনপরা স্যাত্ | তেষাঞ্চ নৈর্-ঋতানাং মাংসোদনাদিকং বলিপললপিষ্টাদিকং নির্বপেত্ || ২৭ ||

Adhikarana garbhasya sUteH kAlaH (28) · Śloka 28

তস্মিন্নেকদিবসাতিক্রান্তেπ প্রসবকালমাহুরাসংবত্সরাত্| অতঃ পরং বিকারী ভবতি||২৮||

অস্মিংস্ত্বষ্টমে মাসে একদিবসাতিক্রান্তেπ প্রসবকালমাহুঃ | একদিবসমতিক্রান্তো যঃ স তথোক্তঃ | যাবদ্গর্ভগ্রহণাত্ সংবত্সরং তাবন্নবমান্মাসাত্ প্রভৃতি চতুর্মাসং প্রসবকালমাহুঃ | সংবত্সরাত্ পরে চ ত্রযোদশাদিষু মাসেষু অন্তঃস্থিতো গর্ভো বিকারিত্বং ভজতে || ২৮ ||

Adhikarana garbhakoShThe garbhasthitiprakAraH (29) · Śloka 29

গর্ভস্তু মাতুঃ পৃষ্ঠাভিমুখো ললাটে কৃতাঞ্জলিঃ সঙ্কুচিতাঙ্গো গর্ভকোষ্ঠে দক্ষিণপার্শ্বমাশ্রিত্যাবতিষ্ঠতে পুমান্, বামং স্ত্রী, মধ্যং নপুংসকম্||২৯||

স চ গর্ভো যাবত্ জঠরে তিষ্ঠতি তাবদেবং তিষ্ঠতি, এবঞ্চ নিষ্ক্রামতীতি প্রদর্শনার্থমাহ-- গর্ভস্ত্বিত্যাদি | সর্বো গর্ভো মাতৃ-পৃষ্ঠাভিমুখো ললাটে কৃতাঞ্জলিস্তিষ্ঠতি সঙ্কুচিতৈরঙ্গৈঃ | স চ যদা পুংব্যঞ্জনস্তদা গর্ভকোষ্ঠস্য দক্ষিণং পার্শ্বমাশ্রিত্য তিষ্ঠতি | স্ত্রীব্যঞ্জনো বামং মধ্যং নপুংসকমিতি | সুবোধমন্যত্ || ২৯ ||

Adhikarana garbhasya mAtRuparAyattavRuttitvAdi (30) · Śloka 30

তত্র স্থিতশ্চ গর্ভো মাতরি স্বপত্ন্যাং স্বপিতি প্রবুদ্ধাযাং প্রবুদ্ধ্যতে| পরতন্ত্রবৃত্তেশ্চ গর্ভস্য| নিষেকাত্ প্রভৃতি গর্ভাশযোপস্নেহোপস্বেদৌ বর্তনম্||৩০||

পরতন্ত্রবৃত্তৈর্মাতৃপরাযত্তবৃত্তিত্বাত্ | দ্বৌ তু গর্ভাশযসম্বন্ধিনাবুপস্নেহোপস্বেদৌ বর্তনম্ | উপস্নেহঃ স্নিগ্ধত্বম্ | উপস্বেদ উত্ক্লেদঃ | তৌ চাহারাযত্তৌ | সুবোধমন্যত্ || ৩০ ||

Adhikarana garbhasya poShaNam (31) · Śloka 31

ততো ব্যক্তীভবদঙ্গপ্রত্যঙ্গস্যাঽস্য নাভ্যাং প্রতিবদ্ধা নাডী নাড্যামপরা তস্যাং মাতৃহৃদযম্| ততো মাতৃহৃদযাদাহাররসো ধমনীভিঃ স্যন্দমানোঽপরামুপৈতি| ততঃ ক্রমান্নাভিম্| ততশ্চ সপুনর্গর্ভস্য পক্বাশযে স্বকাযাগ্নিনা পচ্যমানঃ প্রসাদবাহুল্যাদ্ধাত্বাদিপুষ্টিকরঃ সম্পদ্যতে| তথা রোমকূপৈরুপস্নেহো রস এব চ পযোভূতঃ||৩১||

তস্য চ গর্ভস্য ক্রমেণ ব্যক্তীভবদঙ্গপ্রত্যঙ্গস্য সতস্তন্মাতুরাহারসারো রসাখ্যো ধাতুঃ পুষ্টিকরঃ সম্পদ্যতে | কথমিত্যাহ-- নাভ্যামিতি | গর্ভস্য নাভ্যাং প্রতিসম্বদ্ধা নাডী ভবতি, তস্যাং নাড্যাং প্রতিবদ্ধা পূর্বোক্তাপরা তস্যাং প্রতিবদ্ধং মাতৃহৃদযম্ | তত্র মাতুঃ সম্বন্ধ্যাহাররসস্তদ্ধৃদযলগ্না ধমনীঃ প্রাপ্নোতি | তাভির্ধমনীভিঃ স্রুতোঽপরাং প্রাপ্নোতি | ততো নাভিপ্রতিবদ্ধনাডীক্রমেণ নাভিমনুপ্রাপ্তো গর্ভস্য কাযাগ্নিস্থানমনুপ্রাপ্তস্তেন কাযাগ্নিনা পচ্যমানঃ সসারঃ স্বল্পোπ প্রসাদবাহুল্যাদ্ধেতোর্ধাতুপুষ্টিকরঃ সম্পদ্যতে | অস্য হ্যাহারঃ সরো ভবতি | গর্ভশরীরং তু সর্ব এব সারঃ প্রাপ্নোতীতি প্রসাদবাহুল্যম্ | তথা গর্ভাশযস্যাপি স্নেহোগর্ভস্য রোমকূপৈঃ প্রবিষ্টো ধাতুঃ পুষ্টিকরঃ সম্পদ্যতে | তথা গর্ভস্য জাতস্যাপি স এব মাতুরাহাররসঃ পযোভূতো ধাতুপুষ্টিকরঃ সম্পদ্যতে || ৩১ ||

Adhikarana garbhasya sthUlamalAsambhave hetuH (32) · Śloka 32

অজাতস্য সাক্ষাদন্নপানানুপ্রবেশাদমলত্বাচ্চ রসস্য গর্ভস্য স্থূলমলাসম্ভবঃ||৩২||

গর্ভস্য তু জঠরস্থস্য স্থূলানাং মলানাং মূত্রপুরীষাদীনামসম্ভবঃ সাক্ষাদন্নপানাননুপ্রবেশাদ্ধেতোঃ | যশ্চ প্রবিশতি রসঃ সোঽমলঃ প্রসাদরূপত্বাদিত্যর্থঃ || ৩২ ||

Adhikarana garbhaniShkramaNakramaH (33) · Śloka 33

এবং জঠরস্থো গর্ভো জন্মকালে তু প্রসূতিমারুতযোগাত্ পরিবৃত্ত্যাঽবাক্শিরা নিষ্ক্রামত্যনু চাপরা চ্যুতা মাতৃহৃদযাত্| এষা প্রকৃতিঃ| বিকৃতিরতোঽন্থা||৩৩||

এবমনন্তরোক্তেন প্রকারেণ জঠরস্থো গর্ভঃ প্রসূতিবশাত্ পৃষ্ঠাভিমুখত্বাত্ পরিবৃত্য নাভ্যাভিমুখো ভূত্বাঽবাক্শিরা নিষ্ক্রামতি আবাক্শিরা অধোমুখঃ | অনু চ গর্ভে নিষ্ক্রান্তে অপরা নিষ্ক্রামতি | এষা অনন্তরোক্তা প্রকৃতিঃ অতো যথোক্তাদন্যথা বিকৃতিঃ তেনৈতদুক্তং ভবতি-- যথা গর্ভসম্ভবাদনন্তরমাপ্রসবং যথোক্তাকারত্বেন গর্ভস্য স্থানং প্রকৃতিরুচ্যতে | অতো বৈপরীত্যাদ্ বিকৃতিরতস্তত্র যদ্বিধেযং তদ্বক্ষ্যামঃ || ৩৩ ||

Adhikarana puMstrInapuMsakagarbhalakShaNam (34) · Śloka 34

তত্র যা দক্ষিণং পাদং পূর্বমভিসরতি দক্ষিণশ্চ বাহুর্বলবাংস্তেন চেষ্টতে তত্স্তনে চ প্রাক্ পযো দৃশ্যতেঽভ্যুন্নতদক্ষিণকুক্ষিঃ পরিমণ্ডলগর্ভা পুন্নামদর্শনস্পর্শাপ্রশ্নদৌর্হৃদাভিরতা পুন্নামধেযাংশ্চ স্বপ্নাত্ পশ্যতি প্রসন্নমুখবর্ণা তীক্ষ্ণক্ষুদূর্ধ্বরোমরাজিঃ পুরুষানভিলাষিণী চ সা পুত্রং প্রসূতে| তদ্বিপর্য্যযে কন্যাম্| সঙ্করে চ নপুংসকম্| প্রশ্নকালে নারী যল্লিঙ্গমঙ্গং বাহ্যদ্রব্যং বা পরামৃশতি তল্লিঙ্গমস্যা গর্ভমাদিশেত্||৩৪||

অনন্তরং পুংস্ত্রীনপুংসকানাং গর্ভস্থানাং পুংসবনাদিফলজ্ঞানায ভিষজশ্চ প্রতিপত্তযে ক্রমেণ লক্ষণমুচ্যতে- তত্র যা দক্ষিণমিত্যাদি | যা স্ত্রী দক্ষিণং পাদং পূর্বমভিসরত্যভিসরণকালে সা পুত্রং সূত ইতি সম্বন্ধঃ | তদিত্যনেন সর্বত্র দক্ষিণশব্দস্য পরামর্শঃ | পরিমণ্ডলঃ সর্বতঃ সমঃ | পুঁল্লিঙ্গনাম্নো ভাবাত্ ঝটিতি স্বপ্নে পশ্যতি | পুন্নামভিরেব যত্কিঞ্চিত্ পৃচ্ছতি | পুন্নাম্নি দৌর্হৃদেঽভিলাষং করোতি | মুখবর্ণযোঃ প্রসন্নত্বং বুভুক্ষাযাস্তীক্ষ্ণত্বম্ | রোমরাজ্যা নাভেরধোভবাযা ঊর্ধ্বত্বমূর্ধ্বাভিমুখত্বম্ | গর্ভিণী সতী পুরুষগমনায নাভিলষতীতি | এতদ্বৈপরীত্যে ন দুহিতরং প্রসূত ইতি ব্যাখ্যেযম্ | তত্র দক্ষিণশব্দস্থানে বামশব্দপ্রযোগঃ | পুন্নামস্থানে স্ত্রীশব্দপ্রযোগঃ | পরিমণ্ডলস্থানে দীর্ঘশব্দন্যাসঃ | তীক্ষ্ণে মন্দশব্দঃ | ঊর্ধ্বস্থানে অধঃশব্দঃ | পুরুষানভিলাষশব্দে হিতত্বমিত্যেবমাদি সর্বং যোজ্যম্ | উভযলিঙ্গসঙ্করে মিশ্রীভাবে নপুংসকো বিজ্ঞেযঃ | বিরুদ্ধযোর্মিশ্রীভাবেতূভযচ্ছাযাগ্রহণেন তযোশ্চ ক্রমযৌগপদ্যম্ | যথাসম্ভবং ব্যাখ্যেযম্ | প্রশ্নকালে যস্মিন্ কালে ভিষজো গর্ভপ্রসবায কশ্চিত্ পৃচ্ছতি কিংলিঙ্গো গর্ভঃ প্রসোষ্যত্ ইতি | সুবোধমন্যত্ || ৩৪ ||

Adhikarana garbhasya vAtarogitAdisambhave hetuH (35) · Śloka 35

যদা তূন্মার্গগো বাতোগর্ভস্য রসবাহীনী স্রোতাংসি শোষযতি তদা বাতরোগী হীনাঙ্গো বা জাযতে| বহূনি বা বর্ষাণ্যুদরে তিষ্ঠতি||৩৫||

যদা ত্বিত্যাদিনা বেগধারণেন বাতকোপাত্ পরিপোষকরসক্ষযাদ্দোষসম্ভবদর্শনং গর্ভশরীরে ভবতীত্যুচ্যতে | বাযুরুন্মার্গগঃ স্বমার্গং ত্যক্ত্বাঽন্যমার্গতো গর্ভস্য রসবাহিস্রোতাংসি শোষযতি তদা তৈঃ শুষ্যদ্ভিঃ শরীরে রসো ন বহত্যতো বাতরোগী হীনাঙ্গো বা জাযতে অপরিপূর্ণত্বাদ্ বহূন্ বর্ষানুদরে তিষ্ঠতি || ৩৫ ||

Adhikarana dviretAkhyanapuMsakotpattikAraNam (36) · Śloka 36

যদ স্ত্রীপুংসযোঃ সমমেবার্থো নিষ্পদ্যতে| বীজং বা তযোঃ সমাংশং সম্মুখং চ| যদা চ বীজং ভাগে দুষ্যতি তদা দ্বিপ্রকৃতিদ্বিরিতা নপুংসকং ভবতি||৩৬||

যদা তু রতিকালে স্ত্রীপুংসযোঃ সমমেককালমর্থো রতিসমাপ্তিলক্ষণো নিষ্পদ্যতে | অনযোঃ স্ত্রীপুংসযোঃ সম্বন্ধি বীজং বা সমভাগং ভবতি সম্মুখং চৈক্যরূপেণ | যদা চ তস্মিন্ স্ত্রীভূতং বীজং গর্ভস্য বীজারম্ভকে ভাগে দুষ্যতি যেনৈকরূপতা পুংবিশেষেণ যোষিদ্বিশেষেণ বা গর্ভবীজস্য ন সম্পদ্যতে তস্মিংস্ত্রীপুরুষবীজভাগে কেনাপি দোষকোপকারণেন দুষ্টে দ্বিঃ প্রকৃতিরেকোঽপ্যুভযস্বরূপো দ্বিরেতা নপুংসকো ভবতি | স্ত্রীকার্য্যমপি স্তোকং সাধযতি পুংস্কার্য্যমপি ন পুমানিত্যর্থঃ || ৩৬ ||

Adhikarana vAtendriyAkhyanapuMsakotpattikAraNam (37) · Śloka 37

যদা স্ত্রী প্রথমং কৃতার্থা ভবতি, ততঃ পুরুষেণ পশ্চাত্ শুক্রমুত্সৃষ্টং হর্ষানবস্থিতচেতসঃ স্ত্রিযা বাতো বিগুণীকরোতি| পুংস্ত্ববাহীনি স্রোতাংসি চোপহন্তি তদা বাতেন্দ্রিযং ভবতি| তন্মৈথুনে বাতমেবোত্সৃজতি||৩৭||

যদা তু স্ত্রী রতৌ পুংসঃ পূর্বং কৃতার্থা সম্প্রাপ্তরত্যবসানা ভবতি, ততোঽস্যাঃ স্ত্রিযাঃ পশ্চাত্ পুংসা শুক্রমুত্সৃষ্টং ভবতি | রতিকালভূতেন হর্ষেণানবস্থিতচেতসঃ সত্যা অত এব কারণাদ্বাতো দুষ্টঃ তচ্ছুক্রং পশ্চাদুত্সৃষ্টং বিগুণীকরোতি | গর্ভশুক্রবীজভাগে বিকৃতিমাপাদযত্যস্য গর্ভস্য চ স বাতঃ পুস্ত্ববহানি শুক্রবহানি স্রোতাংসি চোপহন্তি | তদা জাতো নপুংসকো বাতেন্দ্রিযো নাম্না ভবতি | স স্ত্রিযা সঙ্গতো শুক্রবন্মেঢ্রেণ বাতমেবোত্সৃজতি || ৩৭ ||

Adhikarana saMskAravAhyAkhyanapuMsakotpattikAraNam (38) · Śloka 38

যদা তু কার্ত্স্ন্যেন নোপহন্ত্যনুপঘ্নন্নেব বা স্রোতোমুখং পিধত্তে তদা সংস্কারবাহ্যং ভবতি| তত্র সংস্কারো বাজীকরা বস্তযোঽভ্যবহারশ্চেতোহর্ষণানি চ| তানি হি শুক্রে বলমাদধানানি স্রোতাংস্যস্যাপ্যাযযন্তীতি চ||৩৮||

যদা ত্বনন্তরোক্তং শুক্রং বাতো দুষ্টঃ কার্ত্স্ন্যেন নোপহন্তি | কিঞ্চিদুপহন্ত্যনুপঘ্নন্ বা স্রোতোমুখং পিধত্ত এব ন শোষযতি তদা সংস্কারবাহ্যো নাম্না নপুংসকো ভবতি | সংস্কারেণ বাজীকরণাদিনা স্ত্রীগমনায সংবাহ্যত ইত্যর্থঃ || ৩৮ ||

Adhikarana AsekyAkhyanapuMsakotpattikAraNam (39) · Śloka 39

যদাপবীজোঽপবলঃ পুমানুদ্বেগঃ স্ত্রীদ্বেষযুক্তোঽন্যকামো বা নার্য্যা ব্যবাযপ্রতিঘাতং করোতি তদ্বিধা বা নারী পুংসঃ| তদাঽঽসেক্যং নাম ভবতি| তচ্ছুক্রাস্বাদাদ্ ধ্বজোচ্ছ্রাযং লভতে||৩৯||

যদাঽল্পবীজত্বাদিযুক্তঃ পুমাংস্ত্রিযা ব্যবাযপ্রতিঘাতং রত্যবসানবিনাশং করোতি তদাঽঽসেক্যো নাম নপুংসকো ভবতি | স স্বমন্যভবং বা শুক্রং মুখে আসিচ্যাস্বাদনাদ্ ধ্বজস্য মেঢ্রস্যোচ্ছ্রাযং লভতে | যদি বাল্পবীজত্বাদিযুক্তা স্ত্রী পুংসো ব্যবাযপ্রতিঘাতং করোতি তদাঽপ্যাঽঽসেক্যো ভবতি || ৩৯ ||

Adhikarana vakradhvajAkhyanapuMsakotpattikAraNam (40) · Śloka 40

যদা পুনরুভাবপি ভবতঃ স্ত্রীপুংসৌ তদ্বিধৌ তদা বক্রধ্বজো ভবতি| তস্য নৈব ধ্বজঃ স্তভ্যতে||৪০||

যদা তূভাবপি স্ত্রীপুংসাবল্পবীজত্বাদিযুক্তৌ ভবতঃ পরস্পরঞ্চ ব্যবাযপ্রতিঘাতং কুরুতস্তদা বক্রধ্বজো নাম নপুংসকো ভবতি | যো বক্রেণৈব ধ্বজেন বর্ততে ন ত্বস্য মেহনং স্তভ্যতে ইতি || ৪০ ||

Adhikarana saugandhikAkhyanapuMsakotpattikAraNam (41) · Śloka 41

যদা পূতিযোন্যাঃ স্ত্রিযা গর্ভো ভবতি, তদা সৌগন্ধিকাখ্যং স যোনিধ্বজগন্ধেন বলং লভতে||৪১||

যদা পূতিযোন্যভিধানযোনিব্যাপত্সংযুক্তাযাঃ স্ত্রিযা গর্ভো ভবতি, তদা স গর্ভঃ সৌগন্ধিকাখ্যো নপুংসকো ভবতি | স স্বলব্ধেন ধ্বজগন্ধেন যোনিগন্ধেন বা স্ত্রীগমনে বলং লভতে || ৪১ ||

Adhikarana IrShyAratisaMj~jakanapuMsakotpattikAraNam (42) · Śloka 42

যদা ত্বীর্ষ্যাভিভূতৌ মন্দহর্ষৌ সংসৃজ্যেতে তদের্ষ্যা রতিসংজ্ঞম্| তস্য পরং মিথুনীভূতং দৃষ্ট্বা মৈথুনপ্রবৃত্তির্ভবতি||৪২||

যদা পুনর্দ্বাবপি স্ত্রীপুংসৌ পরস্পরমীর্ষ্যযা বলবত্যাভিভূতৌ সংসৃজ্যেতে তদের্ষ্যারতির্নাম্না নপুংসকো ভবতি | স পরস্য মৈথুনং দৃষ্ট্বা তদীর্ষ্যা মৈথুনে প্রবৃত্তিং লভতে || ৪২ ||

Adhikarana vAtaShaNDakAkhyanapuMsakotpattikAraNam (43) · Śloka 43

যদা পুরুষস্য গর্ভস্য বায্বাগ্নিদোষাদ্ বৃষণনাশস্তদা বাতষণ্ডকাখ্যং ভবতি| এতাঃ কর্মবৈচিত্র্যাদষ্টৌ ষণ্ডযোনযোঽসঙ্কীর্ণাঃ কথিতাঃ||৪৩||

যদা গর্ভস্য সম্ভবকালে বাযুনা ঊষ্মণা চ বৃষণনাশঃ ক্রিযতে তদা বাতষণ্ডকাখ্যং নপুংসকং ভবতি | বাতেন ষণ্ডকো বাতষণ্ডকঃ | এতা অষ্টৌ ষণ্ডানাং যোনযোঽসঙ্কীর্ণাঃ পৃথগ্ভূতাঃ ষণ্ডভূতা ইত্যর্থঃ | আসাং চ শুক্রাণাং কর্মণাং পূর্বজন্মকৃতা তাং বৈচিত্র্যাত্ সম্ভব ইতি || ৪৩ ||

Adhikarana strIbIjadoShAMshAdi strIgarbhAvayave vikRuti~jjanayet (44) · Śloka 44

যদা তু স্ত্রিযাঃ শোণিতগর্ভাশযৌ দোষাঃ কিঞ্চিত্ প্রদূষযন্তি তদা যো গর্ভো ভবতি, তস্য গর্ভস্য যস্য যস্য মাতৃজস্যাবযবস্য বীজে বীজাংশে বা দোষঃ প্রকোপমাপদ্যতে তং তমবযবং বিকৃতিরাবিশতি||৪৪||

অনন্তরং স্ত্রীপুরুষগর্ভাবস্থাযাং বীজদোষাদ্যে বিশেষা ভবন্তি তে যদা ত্বিত্যাদিনোচ্যন্তে | যদা তু স্ত্রিযা মাতুঃ শোণিতং বীজোপযোগি গর্ভাশযং বা দোষা বাতাদযঃ স্বকারণৈর্দুষ্টা দূষযন্তি তদা তে সাকল্যেন বা দূষযন্তি অংশেন বা | যদা তু সাকল্যেন দূষযন্তি তদা গর্ভস্য সম্ভব এব ন ভবতি | যদা পুনঃ কিঞ্চিদ্দূষযন্তি তদা শোণিতকারণস্য স্ত্রীগর্ভস্য বিশিষ্টেষ্ববযবেষু গর্ভাশযাদিষু যে কারণবীজভূতা বীজাংশাস্তেষামংশানাং কদাচিত্ সাকল্যেন দূষণং কুর্বন্তি ভাগেন বা | তেনোভযরূপেণ বীজাংশদূষণেন স্ত্রীগর্ভস্য বিকৃতিরুত্পদ্যতে | এবমুক্তমনেন | যথা শোণিতগর্ভাশযযোর্দুষ্টযোঃ স্ত্রীগর্ভস্য যো মাতৃজোঽবযবঃ শোণিতকারণো গর্ভাশযরক্তাদিস্তস্যাবযবস্য যো বীজাংশো মাতৃশোণিতভাগস্তস্য যস্মিন্ যস্মিন্নংশে বা দোষো বাতাদিঃ প্রকোপমাপদ্যতে তং তং শোণিতকারণমবযবং গর্ভাশযাদ্যং দূষণানুরূপেণ বিকৃতির্ভবিষ্যদ্গর্ভগ্রহণ আবিশতি | এতদেব যদা হীত্যাদিনা বিভাগেন দর্শযতি || ৪৪ ||

Adhikarana strIgarbhe vandhyotpattiH (45) · Śloka 45

যদা হ্যস্যাঃ শোণিতাখ্যে বীজে গর্ভাশযস্থে নির্বর্তকং বীজং প্রদুষ্যতি তদা বন্ধ্যাং জনযতি||৪৫||

স্ত্রীগর্ভে গর্ভাশযে নির্বর্তকে স্ত্রিযাঃ শোণিতাখ্যে বীজভাগে সাকল্যেন দুষ্টে বন্ধ্যা স্ত্রী জাযতে || ৪৫ ||

Adhikarana garbhAshayasthastrIbIje ki~jcitpraduShTe pUtiprajotpattiH (46) · Śloka 46

যদা তস্যাবযবস্তদা পূতিপ্রজাম্| তস্যা জাতং জাতং ম্রিযতে||৪৬||

যদা ত্বসাকল্যেন তদা পূতিপ্রজা জাযতে | তস্যা জাতং জাতং ম্রিযতে | লিঙ্গবিশেষেণ নপুংসকম্ | পূতিঃ ক্লিন্না ক্ষীণাপ্রজা যস্যাঃ সা তথোক্তা || ৪৬ ||

Adhikarana strIvyApadutpattikAraNam (47) · Śloka 47

যদা পুনঃ সোঽবযবঃ স্ত্রীকরাণাং চ শরীরসংশ্রযাণামধোগুরুত্বাদীনাং নির্বর্তকা যে বীজাংশাস্তেষামেকদেশঃ| তদা স্ত্র্যাকৃতিপ্রাযামস্ত্রিযং বার্তাং নাম জনযতি| তাং স্ত্রীব্যাপদমাচক্ষতে||৪৭||

যদা পুনঃ সোঽবযব অনন্তরোক্তবীজভাগাবযবঃ পূর্বোক্তানাং চাধোগুরুত্বাদীনাং ভাবানাং যে নির্বর্তকাভাবাস্তেষাং য একদেশস্তদুষ্ট্যা মাতা বার্তা নাম স্ত্রিযং জনযতি | যা স্ত্র্যাকৃতিবাহুল্যাত্ স্ত্রী, স্ত্রীকার্য্যাকরণাচ্চাস্ত্রী | তস্যাশ্চ স্ত্রীব্যাপদিতি নাম || ৪৭ ||

Adhikarana shukrAkhyabIjadoShAMshena puruShavandhyAdInAM sambhavaH (48) · Śloka 48

এবমেব পুংসো যদা শুক্রাখ্যে বীজে বীজং প্রদুষ্যতীত্যাদি যোজযেদ্বন্ধ্যং পূতিপ্রজং তথা পুরুষাকৃতিপ্রাযমপুরুষং তৃণমুখিনং নাম জনযতীত্যেন মাতৃজানাং পিতৃজানাং চাবযবানাং বিকৃতির্ব্যাখ্যাতা||৪৮||

এবমেব যথা স্ত্রিযাঃ শোণিতাখ্যে বীজে গর্ভাশযস্য নির্বর্তকং বীজমিত্যুক্তং তথৈব চ পুংসঃ শুক্রাশযনির্বর্তকং প্রদুষ্যতীত্যাদি যোজ্যম্ | তেন বন্ধ্যাবদ্বন্ধ্যো যো গর্ভস্তং জনযতি | পূতিপ্রজাবত্ পূতিপ্রজো যস্মাজ্জাতংজাতং প্রিযতে | বার্তাবত্তৃণমুখী | যঃ পুরুষাকৃতিপ্রাযত্বাত্ পুরুষকার্যাকরণাচ্চাপুরুষ ইতি | এতেন মাতৃপিতৃজাঽবযবদোষা ব্যাখ্যাতাঃ || ৪৮ ||

Adhikarana sasattvAdInAM duShTyA garbhasya vikArasambhavAdiphalam (49) · Śloka 49

অনেন সাত্ম্যজানাং রসজানাং সত্ত্বজানাং চাবযবানাং বিকৃতির্ব্যাখ্যাতা ভবতি| যস্য-যস্যাঙ্গাবযবস্য বীজে বীজাংশে বা উপতপ্তির্ভবতি তস্য-তস্যাঙ্গাবযবস্য বিকৃতিরুপজাযতে| নোপজাযতেঽনুতাপাত্||৪৯||

অনেন সাত্ম্যরসসত্ত্বজানামবযবানাং দোষবিকৃতির্ব্যখ্যাতা ভবতি | কারণসামান্যাত্ সাত্ম্যজানামাযুরারোগ্যাদীনামঙ্গবিভাগে বক্ষ্যমাণানাং রসজানাঞ্চ কৃত্স্নদেহসম্ভবাদীনাম্ | সত্ত্বজানাং শৌচাদীনামদ্রব্যাণামুপচর্য্যতে | তেনৈতদুক্তম্ ভবতি-- রসস্য নানাবিধযা দুষ্ট্যা তত্কার্য্যাণামপি গর্ভে তদনুগুণৈব বিকৃতির্ভবতি | এবং সাত্ম্যাসাত্ম্যযোরপি বাচ্যম্ | অপি চ বীজভাগোপতাপাদ্ গর্ভাবযবানাং বিকৃতির্ভবতি | এতদাহ- যস্য যস্যেত্যাদি | সুবোধম্ || ৪৯ ||

Adhikarana garbhiNyA satataM vAtalAnAM sevayA jAyamAnAH doShAH (50) · Śloka 50

যদা চ লব্ধগর্ভাঽন্বক্ষমেব বাতলান্যাসেবতে তদাঽস্যা বাযুঃ প্রকুপিতঃ শরীরমনুসর্পন্ গর্ভাশযেঽবতিষ্ঠমানো গর্ভস্য জড-বধির-মূক-মিন্মিণ-গদ্গদ্-খঞ্জ-কুব্জ-বামন-হীনাঙ্গাধিকাঙ্গত্বান্যন্যং বা বাতবিকারং করোতি||৫০||

লব্ধগর্ভা বাঽন্বক্ষং নিরন্তরং যদা বাতলান্যাঽঽসেবতে তদাঽস্যা বাযুঃ প্রকুপিতঃ শরীরোপসর্পণেন গর্ভাশযানুপ্রপ্তো গর্ভস্য জডবধিরত্বাদীনন্যাংশ্চ যথা হেতুবাতবিকারান্ করোত্যেবং পিত্তলান্যাসেবমানাযা পিত্তং খলত্যাদীনি শ্লেষ্মা কুষ্ঠাদীনি | ত্রিবর্গসন্নিপাতো মিশ্রাননন্তরোক্তান্ বাতপিত্তকফজান্ | জডঃ স্তোকশ্রুতিঃ বধিরোঽশ্রুতিঃ | মূকো বাগ্রহিতঃ | মিন্মিণোঽনুনাসিকভাষী | গদ্গদো ঘর্ঘরস্বরঃ | খঞ্জঃ একপাত্ | তথা হীনাঙ্গোঽধিকাঙ্গো বা || ৫০ ||

Adhikarana garbhiNyA satataM pittalAnAM sevayA jAyamAnAH doShAH (51) · Śloka 51

তথা বাযুবত্ পিত্তমপি খলিত-পলিত-শ্মশ্রু-হীনতা-ত্বঙ্-নখ-কেশ-পৈঙ্গল্যাদীনি||৫১||

খলিতনির্লোমশিরস্ত্বম্ | পলিতং শ্বেতলোমত্বম্ | শ্মশ্রুহীনতা নিঃশ্মশ্রুত্বম্ | ত্বগাদীনাং পৈঙ্গল্যেন সম্বন্ধঃ | আদিগ্রহণেন পিত্তবিকারাণাং সম্বন্ধঃ || ৫১ ||

Adhikarana garbhiNyAH sarvadA shleShmalAnAM sevayA jAyamAnA doShAH (52) · Śloka 52

শ্লেষ্মা তু কুষ্ঠকিলাসসদন্তত্ত্বাদীনি| ত্রিবর্গো মিশ্রান্ বিকারান্||৫২||

সদন্তত্বং গর্ভ এব দন্তজন্ম | আদিগ্রহণেন শ্লেষ্মবিকারাণাং গ্রহণম্ || ৫২ ||

Adhikarana jAtyandhAdInAM samuptattau kAraNam (53) · Śloka 53

অপি চ-- দৃষ্টিভাগমপ্রতিপন্নং তেজো জাত্যন্ধত্বম্| তদেব বাতানুগতং বিকৃতরূক্ষারুণাক্ষম্| পিত্তানুগতং পিঙ্গাক্ষম্| শ্লেষ্মানুগতং শুক্লাক্ষম্| রক্তানুগতং রক্তাক্ষম্ ইতি||৫৩||

অপি চেতি বিকৃতিপ্রসঙ্গসমুচ্চযে | গর্ভস্য দৃষ্টিভাগং যদি তেজো ন প্রতিপদ্যতে দৃষ্টাদৃষ্টাত্ কারণাত্তদা জাত্যন্ধো জাতযে | তদেব তেজো বাতানুগতং দৃষ্টিভাগং প্রতিপন্নং বিকৃতরূক্ষারুণাক্ষং জনযতি | পিত্তাদৌ তেজোঽনুবর্ততে | অন্যত্ সুবোধম্ || ৫৩ ||

Adhikarana garbhiNyAH garbhopaghAtakarebhyo rakShaNIyatvam (54) · Śloka 54

গর্ভসমানযোগক্ষেমা হি গর্ভিণী ভবতি| তস্মাদ্বিশেষতস্তাং প্রিযহিতাভ্যাং গর্ভোপঘাতকরেভ্যো রক্ষেত্||৫৪||

প্রস্তুতস্য গর্ভস্য বিকৃতির্যথা ন ভবতি তথোচ্যতে | গর্ভসমানযোগক্ষেমা হি যতো গর্ভিণী ভবতি ততস্তাং প্রিযহিতৈঃ করণভূতৈর্বক্ষ্যমাণেভ্যো গর্ভবিঘাতকরেভ্যো ভাবেভ্যো রক্ষেত্ || ৫৪ ||

Adhikarana garbhiNyA balakShayakAraNAni (55) · Śloka 55

যথা-যথা চ গর্ভো বৃদ্ধিমাপ্নোতি তথা-তথা ভারাহারানাদানাদাহাররসাপহারাচ্চ স্ত্রিযা বলক্ষযঃ||৫৫||

যথাক্রমং চ গর্ভিণ্যা গর্ভভারেণাঽঽহারানাদানাত্ গর্ভেণ চাহাররসাপহারাদ্ বলক্ষযো ভবত্যযো বলং পালযেদিতি তাত্পর্য্যার্থঃ | অন্যত্ সুবোধম্ || ৫৫ ||

Adhikarana garbhopaghAtakarA bhAvAH (56) · Śloka 56

তত্রেমে গর্ভোপঘাতকরাঃ| তদ্যথা-- ব্যবাযব্যাযামকর্শনাভিঘাতাতিমাত্রসংক্ষোভিযানযানরাত্রিজাগরণদিবাস্বপ্নবেগবিধারণাজীর্ণাতপাগ্নিক্রোধশোকভযোত্রাসোপ্রবাসোত্কটকবিষমকঠিনাসনশ্বভ্রকূপপাতাপ্রিযাবলোকনশ্রবণাদযঃ| সমাসতঃ সর্বমতিগুরূষ্ণতীক্ষ্ণরূক্ষমন্নপানং দারুণাশ্চ চেষ্টাঃ||৫৬||

যানশব্দেন বাহনাভিধেযেন সহ সংক্ষোভিশব্দস্য সমাসং কৃত্বা তেন সহ ক্রিযাবচনস্য যানশব্দস্য সমাসঃ | আসনশব্দ উত্কটকাদিভিঃ প্রপাতশব্দঃ শ্বভ্রকূপাভ্যাম্ | অপ্রিযশব্দোঽবলোকনশ্রবণাভ্যাম্ | আদিশব্দেন সর্বেষাং মিথ্যাযোগাদীনাং গ্রহণম্ | সমাসতঃ সংক্ষেপেণোচ্যতে | অতিগুরুতীক্ষ্ণত্বাদিযুক্তমন্নপানং দারুণাশ্চ দুঃখাশ্চেষ্টা গর্ভোপঘাতকরাঃ || ৫৬ ||

Adhikarana garbhiNIniyamAH tadvighAte~atyAhita~jca (57) · Śloka 57

তথা-- দেবতারক্ষোঽনুপচযপরিরক্ষণার্থং ন রক্তানি বাসাংসি ধারযেন্ন যানমধিরোহেন্ন মদ্যমাসমশ্নীযাত্| যচ্চান্যদপি বৃদ্ধস্ত্রিযো ব্রূযুঃ| প্রততোত্তানশযিন্যাঃ পুনর্গর্ভস্য নাভ্যাশ্রযা নাডী কণ্ঠমনুবেষ্ট্য ব্যাপত্তিং করোতি| বিবৃতশযা নক্তচারিণী চোন্মত্তং জনযতি| কলহশীলাপস্মরিণম্| ব্যবাযশীলাদুর্বপুষমহ্নীকং স্ত্রৈণং বা| শোকনিত্যা ভীরুমপচিতমল্পাযুষং বা| অভিধ্যযিনী পরোপতাপিনমীর্ষ্যালুং স্ত্রৈণং বা| স্তেনা ত্বাযাসবহুলমভিদ্রোহিণমকর্মশীলং বা| অমর্ষণা চণ্ডমৌপধিকং বা| স্বপ্নশীলা নিদ্রালুমবুধমল্পাগ্নিং বা| মদ্যনিত্যা তৃষ্ণালুমল্পস্মৃতিমনবস্থিতং বা| গোধামাংসনিত্যাশ্মরিণং শনৈর্মেহিনং বা| বরাহমাংসনিত্যা রক্তাক্ষং ক্রথনমতিপরুষরোমাণং বা| মত্স্যমাংসনিত্যা চিরনিমেষং স্তব্ধাক্ষং বা| মধুরনিত্যা প্রমেহিণং মূকমতিস্থূলং বা| অম্লনিত্যা রক্তপিত্তিনং ত্বগক্ষিরোগিণং বা| লবণনিত্যা শীঘ্রবলীপলিতং খলিতকং বা| তিক্তনিত্যা শোষিণমবলমপচিতং বা| কটুকনিত্যা দুর্বলমল্পশুক্রমনপত্যং বা| কষাযনিত্যা শ্যামমানাহিনমুদাবর্তিনং বা| যচ্চ যস্য ব্যাধের্নিদানং তত্তদাঽঽসেবমানান্তর্বত্নী স্ত্রী তদ্বিকারবহুলমপত্যং জনযতি| এতেন পিতৃজা অপি শুক্রদোষা ব্যাখ্যাতাঃ||৫৭||

তথা গর্ভোপঘাতরক্ষণার্থঞ্চ দেবতাদ্যনুপঘাতায চ লোহিতবাসোধারণাদীন্ন কুর্য্যাত্ | সুবোধম্ | বিবৃতাননা যা শেতে সা তথোক্তা | নক্তং যা বহিঃ পরিভ্রমতি সা তথা | দুর্বপুষমলসপ্রাযম্ | স্ত্রৈণং স্ত্রীপ্রিযম্ | ভীরুং ভযশীলম্ | অপচিতং স্বল্পভোগশরীরম্ | অভিধ্যাযিনী নানাচিন্তাশীলা | স্তেনা চৌর্য্যপরা | ঔপধিকঃ কপটজীবী | তৃষ্ণালুঃ পিপাসাস্বভাবঃ | অনবস্থিতো ব্যাক্ষিপ্তচিত্তঃ | ক্রথনো যঃ সুপ্তো নাসযা শব্দং করোতি | রক্তপিত্তী যস্য প্রাযেণ রক্তপিত্তমুত্পদ্যতে | সুবোধম্ | যদ্বিকারকারণানি গর্ভিণ্যাঽঽসেবতে সা তদ্বিকারমৈবাপত্যং প্রসূতে | যাবন্মাতৃদোষাদ্গর্ভবিকৃতিস্তাবত্ পিতৃদোষাচ্ছুক্রদোষাদ্গর্ভবিকৃতিঃ তাবত্ পিতৃদোষাত্ শুক্রদোষাদ্ গর্ভবিকৃতিরিত্যপি ব্যাখ্যাতং কারণসামান্যাত্ || ৫৭ ||

Adhikarana garbhiNIvikAre upakramavisheShaH (58) · Śloka 58

তস্মাত্ প্রজাসম্পদমিচ্ছন্তৌ সাধ্বাত্মানমুপাচরেতাম্| বিশেষেণ নারী| ব্যাধীংশ্চাস্যা মৃদুমধুরশিশিরসুখৈরৌষধাহারবিহারৈরুপাচরেত্| ন চাস্যা বমনাদীনি প্রযোজযেত্| ন রক্তাবসেচনম্| কেবলং ত্বষ্টমমাসমুপাদাযাস্থাপনমনুবাসনং বা| বমনাদিসাধ্যেষু পুনর্বিকারেষু মৃদুভিস্তদর্থকারিভির্বোপক্রমেত্ পূর্ণমিব তৈলপাত্রমসংক্ষোভযদ্গর্ভিণীমুপাচরেদিতি||৫৮||

উপসংহরন্নাহ-- তস্মাদিত্যাদি | প্রজাসম্পদমিচ্ছন্তৌ মাতাপিতরৌ সাধু কৃত্বা আত্মানমুপাচরেতাম্ | নারী তু বিশেষতঃ সাধ্বাত্মানমুপাচরেত্ | গর্ভস্য হি তত্র যস্মাত্ সম্বন্ধঃ | তস্মাচ্চ নার্য্যা গর্ভিণ্যা মৃদাদিগুণৈরাহারাদিভির্ব্যাধীনুপাচরেত্ | বমনাদীনি কর্মাণ্যস্যা ব্যাধিবশাত্ প্রসক্তান্যপি ন প্রযোজযেত্ | কেবলমষ্টমমাসপ্রথমদিবসাদারভ্যাপ্রসবাদ্দোষাদ্যপেক্ষযা আস্থাপনমনুবাসনং বা প্রযোজযেত্ | বমনাদিসাধ্যেষু গর্ভিণ্যা বিকারেষু কুষ্ঠাদিষু মৃদুভির্বমনাদিভির্গর্ভিণীমুপক্রমেত | বমনাদীনি কর্মণ্যস্যা ব্যাধিবশাত্ প্রসক্তান্যপি ন প্রযোজযেত্ | কেবলমষ্টমমাসপ্রথমদিবসাদারভ্যাপ্রসবাদ্দোষাদ্যপেক্ষযা আস্থাপনমনুবাসনং বা প্রযোজযেত্ | বমনাদিসাধ্যেষু গর্ভিণ্যা বিকারেষু কুষ্ঠাদিষু মৃদুভির্বমনাদিভির্গর্ভিণীমুপক্রমেত | ছর্দ্যতীসারাদিষু তদর্থকারিভিঃ | ব্যাধেঃ স্বরূপং কুর্বন্ ব্যাধ্যুপশমমর্থং যত্ করোতি তত্ তদর্থকারি | যথা পর্ণং তৈলেন পাত্রং চলনাদিক্রিযাস্বসংক্ষোভযংস্তদধ্যুপচারাস্তদ্বদ্গর্ভিণীমপি ভিষগ্ ব্যাধিষূত্পন্নেষু অসংক্ষোভযন্নুপচরেদিতি || ৫৮ || ভবন্তি চাত্রেতি তন্ত্ররীতিঃ |

Adhikarana garbhiNyAH Atyayike vikAre visheShavidhiH (59) · Śloka 59

ভবন্তি চাত্র-- ইত্যনাত্যযিকে ব্যাধৌ বিধিরাত্যযিকে পুনঃ| তীক্ষ্ণৈরপি ক্রিযাযোগৈঃ স্ত্রিযং যত্নেন পালযেত্||৫৯||

ভবন্তি চাত্রেতি তন্ত্ররীতিঃ | ইত্যনন্তরোক্তবিধিরনাত্যযিকে স্বল্পে ব্যাধাবুক্তঃ | আত্যযিকে পুনঃ শীঘ্রং মহাদোষকারিণি ব্যাধৌ তীক্ষ্ণৈরপি নানাবিধৈর্যথাযোগং ক্রিযাযোগৈঃ স্ত্রিযং যত্নেন পালযেত্ | গর্ভনিরপেক্ষমেবেত্যর্থঃ || ৫৯ ||

Adhikarana garbhiNIM yatnena pAlayet (60) · Śloka 60

স্ত্রী হি মূলমপত্যানাং স্ত্রী হি রক্ষতি রক্ষিতা| সর্বাশ্রমাণাং প্রথমং গৃহস্থত্বমনিন্দিতম্||৬০||

যস্মাদপত্যানাং মূলকারণং স্ত্রী তস্মাত্ পালযেত্ | অতশ্চ তাং যত্নেন পালযেদ্যতঃ সা রক্ষিতা সতী পুংসো গৃহস্থত্বং গৃহিত্বং রক্ষতি | কিম্ভূতমিত্যাহ-- সর্বাশ্রমাণামিত্যাদি | সর্বেষাং ব্রহ্মচর্য্যাদীনামাশ্রমাণাং প্রথমং প্রধানম্ || ৬০ ||

Adhikarana garbhasyArodane hetuH (61-62) · Śloka 62

জরাযুণা মুখে ছন্নে কণ্ঠে চ কফবেষ্টিতে| বাযোর্মার্গনিরোধাচ্চ ন গর্ভস্থঃ প্ররোদিতি||৬১|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহব্যাখ্যাযাং শারীরস্থানে গর্ভাবক্রান্তির্নাম দ্বিতীযোঽধ্যাযঃ||৬২||

জরাযুণা ইত্যাদিনা প্রতিরূপযোগবিপ্রতিপন্নবাদিনিগ্রহমাত্রযা গর্ভস্যারোদনে কারণমুপসংহৃত্যাধ্যাযমাচার্য্যঃ কথযতি | ইতি শ্রীমন্মহামহোপাধ্যাযেন্দুবিরচিতাযামষ্টাঙ্গসংগ্রহব্যাখ্যাযাং শশিলেখাযাং শারীরস্থানে দ্বিতীযোঽধ্যাযঃ