Adhikarana aShTA~ggasaMgrahaH-sharIrasthAne-tRutIyo~adhyAyaH ------ atha garBopacaraNIyo nAma tRutIyo~adhyAyaH----- pratij~jA (1) · Śloka 1
ఆథాతో గర్భోపచరణీయం శారీరమధ్యాయం వ్యాఖ్యాస్యామః|
ఇతి హ స్మాహురాత్రేయాదయో మహర్షయః||1||
View original
आथातो गर्भोपचरणीयं शारीरमध्यायं व्याख़्यास्यामः|
इति ह स्माहुरात्रेयादयो महर्षयः||१||
పూర్వయోరధ్యాయయోర్గర్భస్య సంభవస్థితిక్రముక్త్వ తస్యైవ చానుపఘాతాయ పరిపూర్ణత్వాయ సుఖప్రసవాయ చోపచార ఉచ్యతే| గర్భస్యాత్ర గర్భిణీపరాయత్తత్వాచ్చ తస్యా ఏవానుష్ఠేయం విధానం|| 1||
Adhikarana garbhiNyAH prathamamAsakRutyam (2) · Śloka 2
ప్రథమే మాసి గర్భిణి క్షీరమనుపసంస్కృతం మాత్రావచ్ఛీతం కాలేకాలే పిబేత్|
తస్మిన్నపి చాద్యం ద్వాదశరాత్రం క్షీరోద్భవం సర్పిః శాలిపర్ణీపలాశాభ్యాం శృతం కనకరజతక్వథితం శీతోదకానుపానం పిబేత్|
స్వాదు శీతం ద్రవప్రాయసాత్మ్యంచ సాయంప్రాతరాహారయేత్|
న చాభ్యంగోద్వర్తనాని సేవేత|
యథో- క్తాని చ దోషకరాణి పరిహరేద్ ఆపంచమాత్ మాసాద్ విశేషేణ||2||
View original
प्रथमे मासि गर्भिणि क्षीरमनुपसंस्कृतं मात्रावच्छीतं कालेकाले पिबेत्|
तस्मिन्नपि चाद्यं द्वादशरात्रं क्षीरोद्भवं सर्पिः शालिपर्णीपलाशाभ्यां शृतं कनकरजतक्वथितम् शीतोदकानुपानं पिबेत्|
स्वादु शीतं द्रवप्रायसात्म्यञ्च सायम्प्रातराहारयेत्|
न चाभ्यङ्गोद्वर्तनानि सेवेत|
यथो- क्तानि च दोषकराणि परिहरेद् आपञ्चमात् मासाद् विशेषेण||२||
తత్ర ప్రథమే మాసి గర్భిణ్యసంస్కృతం క్షీరం పిబేత్| మాత్రావద్యత్నేనాధిక్యరక్షయా కాలే కాలేఽన్నస్య ద్వయోరపి కాలయోః| అతఏవాజీర్ణాదిపరిహారాయ మాత్రావదితి| తస్మిన్నపి తత్రాపి ప్రథమం ద్వాదశరాత్రం క్షీరోద్భవం ఘృతం పిబేత్| క్షీరపానాపవాదత్వేన| కింభూతం క్షీరోద్భవమాహ-శాలిపర్ణిపలాశాభ్యాం స్నేహపాకపరిభాషయా శృతం| సౌవర్ణే రాజతే వా క్వథితం శీతోదకానుపానంచ| సా చ గర్భిణీ స్వాద్వాదిప్రాయమాహారం ప్రతిదినముభయకాలమాహారయేత్| నిషేకాత్ ప్రభృత్యభ్యంగాదీన్ పూర్వోక్తాంశ్చ గర్భోపఘాతకరాన్ వ్యవాయాదీన్ వర్జయేత్| యావత్ పంచమో మాసస్తావదేవం విశేషేణ కుర్యాత్| తదా హి గర్భస్యాఽస్థిరత్వాత్ ఝటితి బాధాభయం|| 2||
Adhikarana dvitIyamAse sevanIyam (3) · Śloka 3
ద్వితీయే మధురౌషధసిద్ధం పయః పిబేత్||3||
View original
द्वितीये मधुरौषधसिद्धं पयः पिबेत्||३||
ద్వితీయే మాసి మధురైర్ద్రాక్షామధుకాదిభి సిద్ధం పయః పిబేత్|| 3||
Adhikarana dvitIye mAsi madhurairdrAkShAmadhukAdibhi siddhaM payaH pibet|| 3|| (4) · Śloka 4
తృతీయే తదేవ సర్పిర్మధుభ్యాం||4||
View original
तृतीये तदेव सर्पिर्मधुभ्याम्||४||
తృతీయే తదేవ మధురౌషధసిద్ధం సర్పిర్మధుభ్యాం సంయుక్తం పిబేత్|| 4||
Adhikarana caturthamAse sevanIyam (5) · Śloka 5
చతుర్థేఽక్షమాత్రనవనీతయుక్తం||5||
View original
चतुर्थेऽक्षमात्रनवनीतयुक्तम्||५||
చతుర్థే తు తదేవ నవనీతస్యాక్షమాత్రేణ యుక్తం|| 5||
Adhikarana pa~jcamamAse sevanIyam (6) · Śloka 6
పంచమే క్షీరసర్పిః||6||
View original
पञ्चमे क्षीरसर्पिः||६||
పంచమే క్షీరోద్ధృతం సర్పిః||6||
Adhikarana ShaShThasaptamamAsayoH sevanIyam (7) · Śloka 7
షష్ఠే తదేవ మధురౌషధసిద్ధం సప్తమే చ||7||
View original
षष्ठे तदेव मधुरौषधसिद्धं सप्तमे च||७||
షష్ఠే మధురౌషధైః సిద్ధం తదేవ క్షీరసర్పిః చ|| 7||
Adhikarana ShaShThe madhurauShadhaiH siddhaM tadeva kShIrasarpiH ca|| 7|| (8) · Śloka 8
తస్మింస్తు గర్భస్య కేశోత్పత్త్యా మాతుర్విదాహో భవతీతి స్త్రి-యో భాషంతే|
నేతి భగవానాత్రేయః|
గర్భోత్పీడనాత్తు దోషా హృదయం ప్రాప్య విదహంతి తతః కండూర్జాయతే కండ్వా కి- క్కిసం||8||
View original
तस्मिंस्तु गर्भस्य केशोत्पत्त्या मातुर्विदाहो भवतीति स्त्रि-यो भाषन्ते|
नेति भगवानात्रेयः|
गर्भोत्पीडनात्तु दोषा हृदयं प्राप्य विदहन्ति ततः कण्डूर्जायते कण्ड्वा कि- क्किसम्||८||
తస్మిన్ సప్తమే మాసి మాతుర్విదాహో భవతి| స తు కేశోత్పత్తికార్య్యమితి స్త్రియో భాషంతే| తథా నేతి భగవానాత్రేయః| స చైవమాహ-గర్భోత్పీడనాద్దోషా వాతాదయో గర్భిణీహృదయం ప్రాప్తాః కండూః కుర్వంతి| కండ్వా అనంతరం కిక్కిసం| రేఖాస్వరూపస్త్వకసంకోచః కిక్కిసం|
Adhikarana saptamamAsikagarbhopadrave sevanIyAni (9) · Śloka 9
తత్ర కోలోదకేన నవనీతస్య మధురౌషధసిద్ధస్య పాణి- తలమాత్రమస్యై దద్యాత్|
చందనమృణాలకల్కైశ్చ స్తనోదరం మృద్నీయాత్|
శిరీషధాతకీసర్షపమధుకచూర్ణైర్వా|
కుటజార్జకబీజముస్తహరిద్రాకల్కైర్వా|
నింబకోలసురసమంజిష్ఠా- కల్కైర్వా|
శశహరిణపృషతరుధిరయుక్తయా వా త్రిఫలయా|
కరవీరకరంజపత్రకల్కసిద్ధేన చ తైలేనాభ్యంగః|
పరిషేకః పునర్మాలతీమధుకసిద్ధేనాంభస|
కండూయనం వర్జయేత్|
త్వగ్భేదవైరుప్యపరిహారార్థం స్నానోద్వర్తనం చ శీలయేత్|
మధురం చాహారమల్పమల్పస్నేహలవణమల్పోదకానుపానం భుంజీత||9||
View original
तत्र कोलोदकेन नवनीतस्य मधुरौषधसिद्धस्य पाणि- तलमात्रमस्यै दद्यात्|
चन्दनमृणालकल्कैश्च स्तनोदरं मृद्नीयात्|
शिरीषधातकीसर्षपमधुकचूर्णैर्वा|
कुटजार्जकबीजमुस्तहरिद्राकल्कैर्वा|
निम्बकोलसुरसमञ्जिष्ठा- कल्कैर्वा|
शशहरिणपृषतरुधिरयुक्तया वा त्रिफलया|
करवीरकरञ्जपत्रकल्कसिद्धेन च तैलेनाभ्यङ्गः|
परिषेकः पुनर्मालतीमधुकसिद्धेनाम्भस|
कण्डूयनं वर्जयेत्|
त्वग्भेदवैरुप्यपरिहारार्थं स्नानोद्वर्तनं च शीलयेत्|
मधुरं चाहारमल्पमल्पस्नेहलवणमल्पोदकानुपानं भुञ्जीत||९||
తత్ర కండూకిక్కిసయోరత్రైవాస్యై గర్భిణ్యై బదరోదకేన సంయుక్తం పాణితలం నవనీతస్య దేయమభ్యవహారాయ| పాణితలం కర్షః| చందన్మృణాలకల్కేన స్తనోదరస్య మర్దనం| ప్రకృత్యాదివిశేషాపేక్షయా శిరీషాదిచూర్ణైర్వా| కుటజార్జకాదికల్కైర్వా| చూర్ణః శుష్కపిష్టః| కల్కో జలపిష్టః నింబాదికల్కైర్వా శశాద్యన్యతమరుధిరమిశ్రయా వా త్రిఫలయా| దోషాదివిశేషాపేక్షయా స్తనోదరం మృద్నీయాదితి సంబంధః| సుబోధం| పరిషేకః స్తనోదరస్య త్వగ్భేదస్య విరూపత్వస్య పరిహారార్థం చ స్తనోదరస్య చ కండూయనం వర్జయేత్| తత్పరిహారార్థమేవ చ స్నానముద్వర్తనం చ శీలయేత్| అల్పత్వాదియుక్తమాహారం భుంజీత|| 9||
Adhikarana garbhiNyAH aShTame mAse sevanIyAni (10) · Śloka 10
అష్టమే క్షీరయవాగూం సర్పిష్మతీం పిబేత్|
నేతి ఖండకాప్యఃగర్భస్య పైంగల్యా బాధభయాత్|
అస్తు పైంగల్యా బాధస్తథాప్యేవం కుర్వీత|
నీరుజం బలవర్ణసత్త్వసంహననసంపదుపేతం జ్ఞాతీనామగ్రగణ్యమపత్యం జనయతీతి భగవానాత్రేయః|
బదరోదకేన పలలపయోదధిమస్తుతైలలవణఫలఘృతయుక్తేనాస్థాపయేత్|
పురాణవిడ్విశుద్ధ్యర్థం మధుకాదిమధురౌషధసిద్ధేన చ తైలేనానువాసయేదనులోమనాయ వాయోః అనులోమే హి మారుతే సా సుఖమనుపద్రవా ప్రసూతే|
గర్భిణీం తు న్యుబ్జామాస్థాపయేదనువాసయేద్వా|
తథాఽస్యా వివృతమార్గతయా సమ్యగౌషధనమనుప్రవిశతి|
తత ఊర్ధ్వం స్నిగ్ధాభిర్యవాగూభి- ర్జాంగలరసైశ్చోపాచరేదాప్రసవకాలాదితి భగవాన్ ధన్వ- ంతరిః||10||
View original
अष्टमे क्षीरयवागूं सर्पिष्मतीं पिबेत्|
नेति खण्डकाप्यःगर्भस्य पैङ्गल्या बाधभयात्|
अस्तु पैङ्गल्या बाधस्तथाप्येवं कुर्वीत|
नीरुजं बलवर्णसत्त्वसंहननसम्पदुपेतं ज्ञातीनामग्रगण्यमपत्यं जनयतीति भगवानात्रेयः|
बदरोदकेन पललपयोदधिमस्तुतैललवणफलघृतयुक्तेनास्थापयेत्|
पुराणविड्विशुद्ध्यर्थं मधुकादिमधुरौषधसिद्धेन च तैलेनानुवासयेदनुलोमनाय वायोः अनुलोमे हि मारुते सा सुखमनुपद्रवा प्रसूते|
गर्भिणीं तु न्युब्जामास्थापयेदनुवासयेद्वा|
तथाऽस्या विवृतमार्गतया सम्यगौषधनमनुप्रविशति|
तत ऊर्ध्वं स्निग्धाभिर्यवागूभि- र्जाङ्गलरसैश्चोपाचरेदाप्रसवकालादिति भगवान् धन्व- न्तरिः||१०||
అష్టమే మాసే ఘృతమిశ్రాం క్షీరయవాగూం పిబేదిత్యాత్రేయః| తాం న పిబేత్ గర్భస్య పైంగల్యభయాదితి ఖండకాప్యః తత్ ప్రత్యాహాత్రేయః అంగీక్రియతాం పైంగల్యం| గర్భిణ్యా నీరుక్త్వలాభాద్గర్భస్య చ బలాదియుక్తస్య లాభాత్| సర్పిష్మత్యా క్షీరయవాగ్వా| సంహననమవయవనిబంధత్వం బదరోదకేనాస్థాపనపరిభాషయా పలలాదియుక్తేనాస్థాపయేత్| పురాణం సంచితం పురీషం శోధయిత్వా తదర్థమేవానువాసయేత్ మధుకాదిసిద్ధతైలేన| ఏవం పురాణాయా విశః శోధనాదనులోమో వాయుః ప్రసూతయే సుఖో భవతీతి| సర్వస్య చ వామపార్శ్వస్థస్యాస్థాపనానువాసన విధానే గర్భిణ్యా న్యుబ్జత్వపవాదః| న్యుబ్జా జానుభ్యామధోముఖీ భూమౌ స్థితా| తథా హి జఠరస్య లంబత్వాద్వస్తేర్మార్గో వివృతో భవతి| తతోఽష్టమాన్మాసాదూర్ధ్వమాప్రసవాత్ స్నిగ్ధాభిర్యవాగూభిరుపాచరేత్| జాంగలరసైశ్చోపచరేదితి ధన్వంతరిః| చరకస్య తు జాంగలరసానభిధానం|| 10||
Adhikarana navame mAse karaNIyAni garbhiNIkRutyAni (11) · Śloka 11
నవమే తు తత ఏవానువాసనతైలాత్ పిచుం యోనౌ ప్రణయేద్ గర్భమార్గాశయయోః స్నేహనార్థమితి||11||
View original
नवमे तु तत एवानुवासनतैलात् पिचुं योनौ प्रणयेद् गर्भमार्गाशययोः स्नेहनार्थमिति||११||
నవమే మాసే తత ఏవానంతరోక్తాన్మధురౌషధసిద్ధాదనువాసనతైలాత్ పిచుం యోనౌ ధారయేత్| తేన హి గర్భప్రసూతిమార్గే గర్భాశయే చ స్నేహః సంపద్యతే|| 11||
Adhikarana garbhiNIniyamAnusaraNaphalam (12) · Śloka 12
అనేన ప్రథమమాసాదారభ్య క్రమేణ గర్భిణ్యా ప్రసవకాలే గర్భధారిణీకుక్షికటీపార్శ్వపృష్ఠం మృదు భవతి|
వాయుశ్చానులోమః సంపద్యతే|
మూత్రపురీషం చ ప్రకృతిభూతం జరాయుశ్చ మార్గం ప్రతిపద్యతే|
పుత్రం చేష్టం కల్యమాయుష్వంతం సుఖినం సుఖేన కాలే బలవతీ ప్రసూతే||12||
View original
अनेन प्रथममासादारभ्य क्रमेण गर्भिण्या प्रसवकाले गर्भधारिणीकुक्षिकटीपार्श्वपृष्ठं मृदु भवति|
वायुश्चानुलोमः सम्पद्यते|
मूत्रपुरीषं च प्रकृतिभूतं जरायुश्च मार्गं प्रतिपद्यते|
पुत्रं चेष्टं कल्यमायुष्वन्तं सुखिनं सुखेन काले बलवती प्रसूते||१२||
ఏతచ్చ సర్వం మాసవిధానం గర్భిణ్యాః గర్భధారిణీకుక్ష్యాదిమృదుత్వలాభాయ భవతీతి సుబోధం|| 12||
Adhikarana garbhiNyAH snAnodakam (13) · Śloka 13
బిల్వకార్పాసీపప్ఫణాపాతలీపిచుమర్దాగ్నిమంథమాంసీవర్ధమానకపత్రభంగక్వాథేన శీతేన సర్వగంధోదకేన వా గర్భిణ్యాః ప్రత్యహం స్నానముపదిశేత్||13||
View original
बिल्वकार्पासीपप्फणापातलीपिचुमर्दाग्निमन्थमांसीवर्धमानकपत्रभङ्गक्वाथेन शीतेन सर्वगन्धोदकेन वा गर्भिण्याः प्रत्यहं स्नानमुपदिशेत्||१३||
బిల్వాదీనాం క్వాథేన గర్భిణ్యాః ప్రత్యహం స్నానముపదిశేత్| సర్వగంధోదకేన వా| పత్రాద్భంగాని పత్రభంగాని|| 13||
Adhikarana sUtikAgAranirmitiH (14) · Śloka 14
ప్రాక్ చైవాస్యా నవమాన్మాసాదప్రహృతాస్థిశర్కరాకపాలే ప్రశస్తే దేశే వాస్తువిద్యాప్రశస్తం సర్వర్త్తుసుఖముఖహృతసర్వో- పకరణం సన్నిహితజ్వలనం ప్రాగ్ద్వారముదంద్వారం వా సూతికాగారం కారయేత్||14||
View original
प्राक् चैवास्या नवमान्मासादप्रहृतास्थिशर्कराकपाले प्रशस्ते देशे वास्तुविद्याप्रशस्तं सर्वर्त्तुसुखमुखहृतसर्वो- पकरणं सन्निहितज्वलनं प्राग्द्वारमुदङ्द्वारं वा सूतिकागारं कारयेत्||१४||
అస్యాశ్చ గర్భిణ్యాః నవమమాసాత్ ప్రభృత్యపహృతాస్థీత్యాదియుక్తం సూతికాగారం కారయేద్యత్ర సూతికా సతీ వసతి| శీతాతపాద్యభావేన సర్వర్త్తుసుఖం|| 14||
Adhikarana garbhiNyAH sUtikAgAre praveshaH viNmUtra- vibandhe phalavartidAna~jca (15) · Śloka 15
తత్రానుకూలేషు నక్షత్రాదిషు పుణ్యాహశబ్దేన గోబ్రాహ్మణవృద్ధా- నంత్వాఽఽవర్తమానా ప్రదక్షిణం ప్రవిశ్య బహుశః ప్రసూతాభిర- నురక్తాభిరవిషాదాభిః క్లేశక్షమాభిః పరివృతా స్వ- స్త్యయనపరానులోమనైరాహారవిహారైరనులోమితవాతమూత్రపురీషా ప్రసవకాలముదీక్షేత|
స్వల్పేఽపి చ విణ్మూత్రపురీషా ప్రసవ- కాలముదీక్షేత|
స్వల్పేఽపి చ విణ్మూత్రవిబంధే ఫలవర్తీః ప్రణిదద్యాత్||15||
View original
तत्रानुकूलेषु नक्षत्रादिषु पुण्याहशब्देन गोब्राह्मणवृद्धा- न्न्त्वाऽऽवर्तमाना प्रदक्षिणं प्रविश्य बहुशः प्रसूताभिर- नुरक्ताभिरविषादाभिः क्लेशक्षमाभिः परिवृता स्व- स्त्ययनपरानुलोमनैराहारविहारैरनुलोमितवातमूत्रपुरीषा प्रसवकालमुदीक्षेत|
स्वल्पेऽपि च विण्मूत्रपुरीषा प्रसव- कालमुदीक्षेत|
स्वल्पेऽपि च विण्मूत्रविबन्धे फलवर्तीः प्रणिदद्यात्||१५||
తత్రాఽఽగారేఽనుకూలనక్షత్రగ్రహతిథిముహూర్తాదిషు పుణ్యాహశబ్దేన గవాదీననువర్త్తమానా ప్రవిశ్యానేకవారప్రసూతాభిః పరివృతా సతీ స్వస్త్యయనపరత్వాదియుక్తా ప్రసవకాలముదీక్షేత ప్రతిపాలయేత| సుబోధం|| 15||
Adhikarana AsannaprasavAyA lakShaNAni (16) · Śloka 16
తత్రాసన్నప్రసవాయాః క్లమో గ్లానిర్ముక్తబంధనే ఇవా- క్షిణీ నిష్ఠీవికా మూత్రపురీషబాహుల్యం శిథిలకుక్షి- తాఽధోగురుత్వమన్నానభిలాషో వేదనోదరహృదయకటీబస్తి- వంక్షణేషు తోదభేదశూలస్ఫురణస్రవణాని చ యోన్యౌ భవంతి|
తదనంతరమావీనాం ప్రాదుర్భావో గర్భోదకప్రవాహశ్చ||16||
View original
तत्रासन्नप्रसवायाः क्लमो ग्लानिर्मुक्तबन्धने इवा- क्षिणी निष्ठीविका मूत्रपुरीषबाहुल्यं शिथिलकुक्षि- ताऽधोगुरुत्वमन्नानभिलाषो वेदनोदरहृदयकटीबस्ति- वङ्क्षणेषु तोदभेदशूलस्फुरणस्रवणानि च योन्यौ भवन्ति|
तदनन्तरमावीनां प्रादुर्भावो गर्भोदकप्रवाहश्च||१६||
క్లమాదికమాసన్నప్రసవకాలే లక్షణం| ఉదరాదీనాం వేదనయా సంబంధః| తోదాదీని యోన్యాం| అనంతరమావీనాం సూతివేదనాపర్య్యాయాణాం ప్రాదుర్భావః| అనంతరం గర్భోదకస్య|| 16||
Adhikarana upasthitagarbhAyA yavAgUpAnam (17) · Śloka 17
అథైనాముపస్థితగర్భాం కృతకౌతుకమంగలాం పున్నామఫలహస్తాం స్వభ్యక్తాముష్ణోదకపరిషిక్తాం సఘృతాం యవాగూం పాయయేత్||17||
View original
अथैनामुपस्थितगर्भां कृतकौतुकमङ्गलां पुन्नामफलहस्तां स्वभ्यक्तामुष्णोदकपरिषिक्तां सघृतां यवागूं पाययेत्||१७||
అథానంతరమేనాం గర్భిణీం నికటీభూతగర్భేత్యాదియుక్తాముష్ణోదకేన పరిషిక్తాం సతీం యవాగూం సఘృతాం పాయయేత్|| 17||
Adhikarana AvIprAdurbhAvottarakRutyam (18) · Śloka 18
తతః సురక్తార్షభచర్మప్రచ్ఛదే మృదుని భూమిశయనే శయానా- ముత్తానామాభుగ్నసక్థిపృష్ఠామహతవాససోఽశంకనీయాః ప్రియ- దర్శనాః పరిణతవయసః ప్రజననకుశలాః ప్రగల్భః కృత్త- నఖాః స్త్రియః సూతికాం సూనృతాభిర్వాణీభిరాశ్వాసయంత్యః పర్యుపాసీరన్||18||
View original
ततः सुरक्तार्षभचर्मप्रच्छदे मृदुनि भूमिशयने शयाना- मुत्तानामाभुग्नसक्थिपृष्ठामहतवाससोऽशङ्कनीयाः प्रिय- दर्शनाः परिणतवयसः प्रजननकुशलाः प्रगल्भः कृत्त- नखाः स्त्रियः सूतिकां सूनृताभिर्वाणीभिराश्वासयन्त्यः पर्युपासीरन्||१८||
తతః సురక్తేన ఋషభచర్మణా కృతప్రచ్ఛదే మృదుని కార్పాసాదికృతే శయనే శయానాముత్తానామహతవాసస్త్వాదియుక్తా యోషితః సునృతాభిరాశ్వాసయంత్యః పర్య్యుపాసీరన్నితి సంబంధః| ఆభుగ్నసక్థిం సంకుచితజానుం| ప్రజననే గర్భనిష్కాసనే కుశలాస్తథోక్తాః| సూనృతాః ప్రియవాచః|| 18||
Adhikarana garbhasyAdhomukhatvasampAdanam (19) · Śloka 19
అథాస్యై దద్యాత్ కుష్ఠైలాలాంగలీవచాచవ్యచిత్రకచిరి- బిల్వచూర్ణముపాఘ్రాతుం ముహుర్ముహుః|
తథా భూర్జపత్రశింశపాసర్జరసాన్యతమధూమమంతరాంతరా చ|
పార్శ్వపృష్ఠకటీసక్థిదేశాన్ కోష్ణేన తైలేనాభ్యజ్యానుసుఖమస్యా మృద్నీయాత్|
ఏవమవాక్ పరివర్త్తతే గర్భః||19||
View original
अथास्यै दद्यात् कुष्ठैलालाङ्गलीवचाचव्यचित्रकचिरि- बिल्वचूर्णमुपाघ्रातुं मुहुर्मुहुः|
तथा भूर्जपत्रशिंशपासर्जरसान्यतमधूममन्तरान्तरा च|
पार्श्वपृष्ठकटीसक्थिदेशान् कोष्णेन तैलेनाभ्यज्यानुसुखमस्या मृद्नीयात्|
एवमवाक् परिवर्त्तते गर्भः||१९||
అనంతరమస్యై కుష్ఠాదిచర్ణముపాఘ్రాతుం దద్యాన్ముహుర్ముహుః| తథైవ భూర్జాద్యన్యతమధూమపుపాఘ్రాతుం దద్యాదితి సంబంధః| అంతరాంతరా చేత్యావీప్రాదుర్భావమనుధూమాదిప్రసంగే| పార్శ్వాదిదేశానీషదుష్ణేన తైలేనాభ్యజ్య యథాసుఖం మృద్నీయాదితి సంబంధః| ఏవమనేన యవాగూపానాదినాజఠరస్థో గర్భస్తస్మిన్ కాలే సుఖేనావాక్పరివర్త్తతే, అధోముఖతాం యాతీత్యర్థః|| 19||
Adhikarana adhomukhagarbhalakShaNam (20) · Śloka 20
తస్య లక్షణంవిముచ్య హృదయముదరమావిశతి|
బస్తిశిరోఽవగృహ్ణాతి త్వరయంత్యేనామావ్యః||20||
View original
तस्य लक्षणम्विमुच्य हृदयमुदरमाविशति|
बस्तिशिरोऽवगृह्णाति त्वरयन्त्येनामाव्यः||२०||
స చావాఙ్ముఖో గర్భో హృదయమోక్షణాదినా లక్షణేన జ్ఞాయతే| మాతుర్హృదయదేశం పరిత్యజ్య యదా తు జఠరమావిశతి గర్భో బస్తిశిరః ఆఖ్యం వక్ష్యమాణప్రదేశనాభేరధో గృహ్ణాతి| ఆవ్యశ్చైనాం గర్భిణీం నిరంతరప్రాదుర్భావేన త్వరయంతి తదా పరివృత్తమధ్యవస్యేత్|| 20||
Adhikarana garbhaparivartane upAyAntaram (21) · Śloka 21
న చేదేవం పరివర్త్తతే తతో ముహుర్ముహుర్జృంభణం చంక్రమణంచ కారయతివ్యాననంతరోక్తం విధిం||21||
View original
न चेदेवं परिवर्त्तते ततो मुहुर्मुहुर्जृम्भणं चङ्क्रमणञ्च कारयतिव्याननन्तरोक्तं विधिम्||२१||
ఏవం న పరివర్త్తతే చేజ్జృంభణాదికం చ వక్ష్యమాణం కారయితవ్యం| అనంతరోక్తంచ విధిం ధూమాఘ్రాణాదికం పునః పునశ్చ|| 21||
Adhikarana anyamatena garbhaparivarttanopAyaH (22) · Śloka 22
అన్యే తు ముసలేన ఉలూఖలం ధాన్యపూర్ణమాహననీయమిత్యాహుః||22||
View original
अन्ये तु मुसलेन उलूखलं धान्यपूर्णमाहननीयमित्याहुः||२२||
కేచిదాచాRయ్యా గర్భపరివర్త్తనార్థం ధాన్యపూర్ణములూఖలం గర్భిణ్యా ముసలేనావహననీయమితి|| 22||
Adhikarana tanniShedhashca (23) · Śloka 23
తత్తు న సమ్యక్|
దారుణవ్యాయామవర్జనం హి గర్భిణ్యాః సతతముదపదిశ్యతే|
విశేషతశ్చ ప్రసవకాలే|
ప్రచలితసర్వధాతుదోషాయాః సౌకుమార్య్యత్వాన్నార్య్యా ముసలవ్యాయామేనేరితో వాయురంతరం లబ్ధ్వా ప్రాణాన్ హింస్యాదితి||23||
View original
तत्तु न सम्यक्|
दारुणव्यायामवर्जनं हि गर्भिण्याः सततमुदपदिश्यते|
विशेषतश्च प्रसवकाले|
प्रचलितसर्वधातुदोषायाः सौकुमार्य्यत्वान्नार्य्या मुसलव्यायामेनेरितो वायुरन्तरं लब्ध्वा प्राणान् हिंस्यादिति||२३||
తదాత్రేయప్రముఖా నేచ్ఛంతి| యతస్తథావిధాయామతిసుకుమారాయామవస్థాయామేవంవిధేనోపచారేణావహననవ్యాయామేన ప్రబలీభూతో వాయురంతరం హృదయం లబ్ధ్వా ప్రాణాన్ హింస్యాదితి|| 23||
Adhikarana garbhaparivRuttyuttarakRutyam (24) · Śloka 24
అథ పరివృత్తగర్భాం పర్య్యంకమేనామారోప్య కుశలా స్త్రీ పాదతోఽస్యా నిషణ్ణాయా యోనిమనులోమమనుసుఖమభ్యజ్య స్ఫిజౌ పాదాభ్యాం పీడయేత్|
యోనించ పునః పునః ప్రసాధయేత్|
బ్రూయాచ్చ, సుభగే! శనైః శనైః ప్రవాహయస్వ|
సుప్రసన్నస్తేముఖవర్ణః పుత్రం జనయిష్యతీతి||24||
View original
अथ परिवृत्तगर्भां पर्य्यङ्कमेनामारोप्य कुशला स्त्री पादतोऽस्या निषण्णाया योनिमनुलोममनुसुखमभ्यज्य स्फिजौ पादाभ्यां पीडयेत्|
योनिञ्च पुनः पुनः प्रसाधयेत्|
ब्रूयाच्च, सुभगे! शनैः शनैः प्रवाहयस्व|
सुप्रसन्नस्तेमुखवर्णः पुत्रं जनयिष्यतीति||२४||
తతోఽనంతరోక్తేనార్వాక్పరివృత్తగర్భలక్షణేన పరివృత్తగర్భాం విదిత్వా పర్య్యంకమారోప్య పాదయో నిషణ్ణా స్త్రీ యోనిప్రసాధనాదికం గర్భిణ్యాశ్చ కుర్య్యాత్| ప్రసాధనం గర్భనిష్క్రమణయోగ్యతాకరణం||24||
Adhikarana garbhaprasavakaramantrajapaH (25) · Śloka 25
అన్యా తు వామకర్ణేఽస్యా మంత్రమిమం జపేత్క్షితిర్జలం వియత్తేజో వాయుర్విష్ణుః ప్రజాప్రతిః|
సగర్భాం త్వాం సదా పాతు వైశల్యం వా దధాత్వపి|
ప్రసూష్వ త్వమవిక్లిష్టమవిక్లిష్టా శుభాననే|
కార్తికేయద్యుతిం పుత్రం కార్తికేయాదిరక్షితం|
ఇతి|
తథా- ఇహామృతంచ సోమశ్చ చిత్రభానుశ్చ భామిని|
ఉచ్చైఃశ్రవాశ్చ తురగో మందిరే నివసంతు తే|
ఇదమమృతమపాం సముద్ధృతం వైతవలఘు గర్భమిమం ప్రముంచతు స్త్రీ|
తదనలపవనార్కవాసవాస్తే సహ లవణాంబుధరైర్దిశంతు శాంతిమితి||25||
View original
अन्या तु वामकर्णेऽस्या मन्त्रमिमं जपेत्क्षितिर्जलं वियत्तेजो वायुर्विष्णुः प्रजाप्रतिः|
सगर्भां त्वां सदा पातु वैशल्यं वा दधात्वपि|
प्रसूष्व त्वमविक्लिष्टमविक्लिष्टा शुभानने|
कार्तिकेयद्युतिं पुत्रं कार्तिकेयादिरक्षितम्|
इति|
तथा- इहामृतञ्च सोमश्च चित्रभानुश्च भामिनि|
उच्चैःश्रवाश्च तुरगो मन्दिरे निवसन्तु ते|
इदममृतमपां समुद्धृतं वैतवलघु गर्भमिमं प्रमुञ्चतु स्त्री|
तदनलपवनार्कवासवास्ते सह लवणाम्बुधरैर्दिशन्तु शान्तिमिति||२५||
ద్వితీయా చ వామే కర్ణే మంత్రం వక్ష్యమాణం పఠేత్| సుబోధమన్యత్| క్షితిర్జలాదికం దిశంతు శాంతిమిత్యంతం శ్లోకచతుష్టయం మంత్రాః|
Adhikarana akAlapravAhaNe kAle~apravAhaNe ca doShaH (26) · Śloka 26
తథా పరాఽనుశిష్యాదనాగతాయాం వేదనాయాం మా ప్రవాహిష్ఠాః|
అకాలప్రవాహణం హి విణ్మూత్రాదివేగానామివోదీరణమనర్థ- కరమహితంచ గర్భస్య శ్వాసకాసశేషకుబ్జతాదికా- రిత్వాత్|
తథా తేషామేవ విధారణమివ వేదనాయామప్రవా- హణముపఘాతాయ|
తతో యథోక్తం కురుష్వ||26||
View original
तथा पराऽनुशिष्यादनागतायां वेदनायां मा प्रवाहिष्ठाः|
अकालप्रवाहणं हि विण्मूत्रादिवेगानामिवोदीरणमनर्थ- करमहितञ्च गर्भस्य श्वासकासशेषकुब्जतादिका- रित्वात्|
तथा तेषामेव विधारणमिव वेदनायामप्रवा- हणमुपघाताय|
ततो यथोक्तं कुरुष्व||२६||
తథాఽపరా స్త్రీ ఇదమనుశిష్యాత్-భద్రే! గర్భిణ్యనాగతాయాం గర్భవేదనాయాం గర్భవేదనాయాం గర్భం మా ప్రవాహిష్ఠాః| న ప్రేరయితవ్యస్త్వయా గర్భ ఇత్యర్థః| తథావిధం హ్యకాలప్రవాహణం వేగోదీరవణత్ గర్భిణ్యా అహితం| గర్భస్య చ తత్స్థాననిష్కాసార్త్తస్య శ్వాసాదికరం| తథా ప్రాప్తాయాం వేదనాయాం యదప్రవాహణం తద్వేగధారణవద్ గర్భిణ్యా అహితం సదుపఘాతాయ సంపద్యతే|| 26||
Adhikarana pravAhaNakramaH (27) · Śloka 27
శనైః శనైశ్చ పూర్వం ప్రవాహిష్ఠాః|
నిగర్భే బాఢం|
గర్భస్య యోనిముఖప్రతిపత్తౌ బాఢతరమాఽఽప్రసవాదితి||27||
View original
शनैः शनैश्च पूर्वं प्रवाहिष्ठाः|
निगर्भे बाढम्|
गर्भस्य योनिमुखप्रतिपत्तौ बाढतरमाऽऽप्रसवादिति||२७||
తథా భద్రే! త్వం ప్రథమమావిజన్మని శనైః శనైః స్తోకం-స్తోకం ప్రవాహయేథాః| అంతరం గర్భస్య నిర్గమనకాలే నిబిడం ప్రవాహయేథాః|తతోఽపి యోనిముఖప్రాప్తే గర్భే నిబిడతరమితి| ఆప్రసవాద్యావద్ గర్భో నిష్క్రాంతో భవతి| యదా పునర్గర్భో నిష్క్రామతి తదా తస్మిన్|
Adhikarana pravAhamAnAyAH garbhiNyAH harShaNam (28) · Śloka 28
తస్యాస్తు ప్రవాహమానాయాః స్త్రియః శబ్దం కుర్య్యుః ప్రజాతా, ప్రజాతాధన్యం ధన్యం పుత్రమితి|
తథాఽస్యా హర్షేణ ప్రాణా ఆప్యాయంతే||28||
View original
तस्यास्तु प्रवाहमानायाः स्त्रियः शब्दं कुर्य्युः प्रजाता, प्रजाताधन्यं धन्यं पुत्रमिति|
तथाऽस्या हर्षेण प्राणा आप्यायन्ते||२८||
సుబోధం|| 28||
Adhikarana garbhasa~gge cikitsA (29) · Śloka 29
గర్భసంగే తు యోనిం ధూపయేత్|
కృష్ణసర్పనిర్మోకేన పిండీతకేన వా|
బధ్నీయాచ్చ హిరణ్యపుష్పీమూలం హస్తపాదే|
ధారయేచ్చ సువర్చలాం విశల్యాం వా||29||
View original
गर्भसङ्गे तु योनिं धूपयेत्|
कृष्णसर्पनिर्मोकेन पिण्डीतकेन वा|
बध्नीयाच्च हिरण्यपुष्पीमूलं हस्तपादे|
धारयेच्च सुवर्चलां विशल्यां वा||२९||
గర్భసంగే కృష్ణాహికుంచుకేన పిండీతకేన వా యోనిధూపనం| పిండీతకో మదనః| తదా హస్తే పాదే చ హిరణ్యపుష్ప్యా మూలం బధ్నీయాత్| తథా సువర్చలాయా విశల్యా వా మణివచ్ఛరీరే ధారణం|
Adhikarana aparAsa~gge upacArAH (30) · Śloka 30
అథ ప్రసూతాయా న చేదపరా పతతి తతో దక్షిణేన పాణినా నాభేరుపరిష్టాద్బలవదుపపీడ్య అన్యేన పృష్ఠత ఉపసంగృహ్య విధు- నుయాత్|
పార్ష్ణ్యా వా శ్రోణీమాకోటయేత్|
స్ఫిజౌ వోపసంగృహ్యా సుపీడితం నిపీడయేత్|
వేణ్యాఽంగుల్యా వా కేశవేష్టితయా చ కంఠతాలూ పరామృశేత్|
భూర్జపత్రకాచమణిసర్పనిర్మోకైశ్చ యోనిం ధూపయేత్|
భూర్జగుగ్గులుభ్యాం వా|
శాలిమూలసిద్ధేన వ సర్పిషా యోనిమభ్యజ్య కటుకాలాబుజాలినీనింబసర్పనిర్మోకైర్ధూపయేత్|
గుడనాగరకల్కేన వా|
తదేవ వా భక్షయేత్|
లాంగలీమూలకల్కేన వా పాణిముదరం చాలింపేత్|
మహావృక్షక్షీరం వా మూర్ధన్యషేచయేత్|
కుష్ఠతాలీసకల్కం బిల్వబల్వజయూషమైరేయాసవసురామండాన్యతమేన వ్యోషతీక్ష్ణోష్ణేన వాఽమ్లేన కులత్థరసేన మధుకపిప్పలీసంపాకేన వ పాయయేత్|
పిప్పల్యేలాకోలవిడచవ్యచిత్రకోపకుబ్జికాకల్కం వా|
ఖరస్య వృషభస్య వా జీవతో దక్షిణం కర్ణముద్ధృత్య బిల్వకులత్థబల్వజయూషానీనాప్లావనానామన్యతమే ప్రక్షిప్య ముహూర్త్తస్థితముద్ధృత్య తదాప్లావనం పాయయేత్|
కుష్ఠైలాకల్కం వా సురయా|
అర్కాలర్కకషాయం వా ప్రజాతాంసురోన్మిశ్రం|
కుష్ఠలాంగలికీమూలకల్కం వా మద్యమూత్రాన్యతరేణ|
వత్సకాదిచూర్ణం వా మద్యేన|
శతపుష్పాకుష్ఠమదనహింగుసిద్ధస్య చ తైలస్య పిచుం గ్రాహయేత్|
తతశ్చైనామనువాసనకాలేఽనువాసయేత్|
బిల్వబల్వజయూషాద్యాప్లావనైశ్చ ఫలజీమూతకేక్ష్వాకు- ధామార్గవకుటజార్కకృతవేధనహస్తిపర్ణ్యభీరూపహితైరాస్థాపయేత్|
సిద్ధార్థకకుష్ఠలాంగలికీమహావృక్షక్షీరామిశ్రేణ వా సురామండేన|
శాల్మలీవృంతాని వా స్విన్నాన్యాపోథ్య పంచమూలకషాయే విమర్ద్దయేత్|
తేన చ పూతేన స్నేహవతా ఫలాదియుక్తేనేతి|
యథోక్తాస్థాపనద్రవ్యసిద్ధేన కటుతైలేనోత్తరబస్తిం దద్యాత్|
శిగ్రుసుముఖమరిచాజాజీచిత్రకకల్కక్షీరగోమూత్రసిద్ధేన వా కటుతైలేనాఽనువాసయేత్|
ఉమాశాల్మలీపిచ్ఛయా వా సఘృతయా యోనిం పూరయిత్వ విధునుయాత్|
స్నిగ్ధేన వ కృతనఖేన పాణినా నాలానుసారతోఽపహరేత్||30||
View original
अथ प्रसूताया न चेदपरा पतति ततो दक्षिणेन पाणिना नाभेरुपरिष्टाद्बलवदुपपीड्य अन्येन पृष्ठत उपसंगृह्य विधु- नुयात्|
पार्ष्ण्या वा श्रोणीमाकोटयेत्|
स्फिजौ वोपसंगृह्या सुपीडितं निपीडयेत्|
वेण्याऽङ्गुल्या वा केशवेष्टितया च कण्ठतालू परामृशेत्|
भूर्जपत्रकाचमणिसर्पनिर्मोकैश्च योनिं धूपयेत्|
भूर्जगुग्गुलुभ्यां वा|
शालिमूलसिद्धेन व सर्पिषा योनिमभ्यज्य कटुकालाबुजालिनीनिम्बसर्पनिर्मोकैर्धूपयेत्|
गुडनागरकल्केन वा|
तदेव वा भक्षयेत्|
लाङ्गलीमूलकल्केन वा पाणिमुदरं चालिम्पेत्|
महावृक्षक्षीरं वा मूर्धन्यषेचयेत्|
कुष्ठतालीसकल्कं बिल्वबल्वजयूषमैरेयासवसुरामण्डान्यतमेन व्योषतीक्ष्णोष्णेन वाऽम्लेन कुलत्थरसेन मधुकपिप्पलीसम्पाकेन व पाययेत्|
पिप्पल्येलाकोलविडचव्यचित्रकोपकुब्जिकाकल्कं वा|
खरस्य वृषभस्य वा जीवतो दक्षिणं कर्णमुद्धृत्य बिल्वकुलत्थबल्वजयूषानीनाप्लावनानामन्यतमे प्रक्षिप्य मुहूर्त्तस्थितमुद्धृत्य तदाप्लावनं पाययेत्|
कुष्ठैलाकल्कं वा सुरया|
अर्कालर्ककषायं वा प्रजातांसुरोन्मिश्रम्|
कुष्ठलाङ्गलिकीमूलकल्कं वा मद्यमूत्रान्यतरेण|
वत्सकादिचूर्णं वा मद्येन|
शतपुष्पाकुष्ठमदनहिङ्गुसिद्धस्य च तैलस्य पिचुं ग्राहयेत्|
ततश्चैनामनुवासनकालेऽनुवासयेत्|
बिल्वबल्वजयूषाद्याप्लावनैश्च फलजीमूतकेक्ष्वाकु- धामार्गवकुटजार्ककृतवेधनहस्तिपर्ण्यभीरूपहितैरास्थापयेत्|
सिद्धार्थककुष्ठलाङ्गलिकीमहावृक्षक्षीरामिश्रेण वा सुरामण्डेन|
शाल्मलीवृन्तानि वा स्विन्नान्यापोथ्य पञ्चमूलकषाये विमर्द्दयेत्|
तेन च पूतेन स्नेहवता फलादियुक्तेनेति|
यथोक्तास्थापनद्रव्यसिद्धेन कटुतैलेनोत्तरबस्तिं दद्यात्|
शिग्रुसुमुखमरिचाजाजीचित्रककल्कक्षीरगोमूत्रसिद्धेन वा कटुतैलेनाऽनुवासयेत्|
उमाशाल्मलीपिच्छया वा सघृतया योनिं पूरयित्व विधुनुयात्|
स्निग्धेन व कृतनखेन पाणिना नालानुसारतोऽपहरेत्||३०||
అథానంతరం నిష్క్రాంతే గర్భే యదాఽపరా గర్భశయ్యాఖ్యా న నిష్క్రామతి తదా గర్భిణీధూపనాదికం వక్ష్యమాణం విధేయం| కాచిత్ స్త్రీ గర్భిణీం విధునుయాత్| కథమిత్యాహ-దక్షిణేన పాణినా నాభేరధో గర్భిణ్యాః పీడయిత్వా వామేన పృష్ఠం చోపగృహ్యేతి| తథా చాన్యా స్త్రీ స్వపాదపార్ష్ణ్యా గర్భిణ్యాః కటీమాకోటయేత్| ఆహన్యాదిత్యర్థః| తథా తస్యాః స్ఫిజౌ నిపీడయేత్| తథా వేణ్యా కేశవేణ్యా తాలుకంఠే స్పృశేత్ అంగుల్యా వా కేశవేష్టితయా| భూర్జపత్రాదిత్రితయేన యోనిధూపనం| కాచ ఏవ కాచమణిః| భూర్జగుగ్గులుభ్యాం వా యోనిధూపనం| అథవా శాలిమూలసిద్ధసర్పిరభ్యక్తాం యోనిం కటుకాలాబ్వాదిభిర్ధూపయేత్| అథవాఽనభ్యక్తామేవ కటుకాలాబ్వాదిభిస్తైలమిశ్రైర్యోనిం ధూపయేత్| తైరేవ వా కల్కీకృతాపక్తైర్యోనిం లింపేత్| గుడనాగరేణ వా జలపిష్టేన యోని లింపేత్| తదేవ వా గుడనాగరకల్కం భక్షయేత్| అన్యత్ సుబోధం| దోషాద్యపేక్షయా కుష్ఠతాలీసయోః కల్కం పాయయేత్| కేనేత్యుచ్యతే-కదాచిద్విల్వక్వాథేన| కదాచిద్బల్బజక్వాథేన| మైరేయేణ వాఽన్యేన వా యథాయోగ్యేనాసవేన సురామండేన, తథాఽమ్లేన కాంజికాదినా, వ్యోషతీక్ష్ణేన వా కులత్థరసోనామ్లేన వా, మధూకపిప్పలీసంపాకేన వా| మధూకశబ్దో మృలాగమేభ్యో నాఽధిగతః| ఏవం బిల్వయూషాదీనామన్యతమేన కుష్ఠతాలీసయోః కల్కం వ పాయయేద్యోషితం భిషక్| అథవా పిప్పల్యాదీనాం కల్కం బిల్వయూషాదీనామన్యతమేన పాయయేత్| సుబోధమన్యత్| కుష్ఠైలాకల్కం సురామండేన| అర్కాలర్కయోర్వ కషాయం క్వాథపరిభాషాపరిదర్శితమానేన క్వథితగృహీతం ప్రకృతిదేహాద్యపేక్షమాత్రాయాం సురోన్మిశ్రం పాయయేత్| అథవ లాంగలీమూలకుష్ఠయో: కల్కం మద్యానామన్యతమేన మూత్రాణాం వాఽన్యతమేన పాయయేత్| ఏతదుక్తం మద్యమూత్రయోరన్యతమేన| వత్సకాదేర్గణస్య వా చూర్ణం మద్యేన యథాయోగ్యం పాయయేత్| శతపుష్పాదిభిః సిద్ధస్య తైలస్య సంబంధినం పిచుం తస్యాయోనౌ ధారయేత్| తథాఽనువాసనకాలే అనువాసనయోగ్యతాం| తత ఏవ శతపుష్పాదితైలాత్| స్తోకేనానువాసయేద్యథోదితేఽనువాసనకాలే సామాన్యేన యోనౌ పాయౌ వ| అనంతరోక్తబిల్వాదియూషాద్యన్యతమేన ఫలజీమూతాదిచూర్ణమిశ్రేణతామేవాస్థాపయేదపి| సిద్ధార్థకాదిమిశ్రేణ వా సురామండేనాఽఽస్థాపయేత్| అథవా బిల్వాదిపంచమూలకప్రాయే మృదితానాం స్విన్నానాం శాల్మలీపత్రాణాం స్వరసేన పూతేన స్తోకస్నేహేనానంతరోక్తఫలాదియుక్తేనాస్థాపయేత్| యథోక్తైర్వా మదనకుష్ఠాదిభిరాస్థాపనద్రవ్యైః సిద్ధేన కటుతైలేనోత్తరబస్తిః| శిగ్ర్వాదిసిద్ధేన కటుతైలేనానువాసనం| క్షీరగోమూత్రయోర్మిశ్రీభూతయోర్ద్రవప్రమాణం| సఘృతోమాశాల్మలీపిచ్ఛాపూరితయోనిం వా స్త్రియం విధునుయాత్| అథవా వైద్యోపదేశేన కాచిత్ పాణినా స్నేహాభ్యక్తేన క్లృప్తనఖేన బహిః ప్రలంబమపరా నాలమనుసరంతీ కుశలా తామపరామంతరపహరేత్|| 30||
Adhikarana prasUtAyAH makkllashUle cikitsa (31) · Śloka 31
ప్రజాతాయాం చేద్బస్తిమూర్ధోదరేషు శూలం మక్కల్లాఖ్యం స్యాత్తత్ర యవక్షారచూర్ణం సర్పిషా సుఖోష్ణోదకేన వా పిబేత్|
వరణాదిం వా సపంచకోలమేలాప్రతీవాపం|
అథవా వీరతరాదిమూషరాదిప్రతీవాపం|
లవణచూర్ణం వా వత్సకాదినిర్యూహేణ|
వత్సకాదిం వా మదిరయా|
అంశుమతీద్వయక్వాథేన వా మరిచభద్రదారుకల్కం|
భారంగీనాగరదేవదారుకల్కం వోష్ణాంభసా|
పురాణగుడం వ త్రికటుత్రిజాతకధనికాచూర్ణసంసృష్టం భక్షయేత్||31||
View original
प्रजातायां चेद्बस्तिमूर्धोदरेषु शूलं मक्कल्लाख्यं स्यात्तत्र यवक्षारचूर्णं सर्पिषा सुखोष्णोदकेन वा पिबेत्|
वरणादिं वा सपञ्चकोलमेलाप्रतीवापम्|
अथवा वीरतरादिमूषरादिप्रतीवापम्|
लवणचूर्णं वा वत्सकादिनिर्यूहेण|
वत्सकादिं वा मदिरया|
अंशुमतीद्वयक्वाथेन वा मरिचभद्रदारुकल्कम्|
भार्ङ्गीनागरदेवदारुकल्कं वोष्णाम्भसा|
पुराणगुडं व त्रिकटुत्रिजातकधनिकाचूर्णसंसृष्टं भक्षयेत्||३१||
ప్రజాతాయాం ప్రసూతాయాం యది బస్తౌ మూర్ధ్ని ఉదరే చ కారణవిశేషాద్యుగపచ్ఛూలం భవతి, తతస్తస్మిన్ మక్కల్లనామ్ని శూలే ఘృతేన వోష్ణోదకేన వ యవక్షారపిబేత్| తయోరేవాన్యతరేణ వా పంచకోలసంయుక్తం వరణాదికం| క్వథితం సదేలాప్రతీవాపం పిబేత్| ప్రతీవాపోక్తరేవ క్వాథః సిద్ధః| తథా చ లవణచూర్ణమపి వత్సకాదేర్నియ్యూహేణ స్వయం వక్ష్యతి| ఏవమేవ వీరతరాదికమపి క్వథితమూషరాదిప్రతీవాపం| ప్రతీవాపశబ్దేనావచూర్ణ్య దేయం ద్రవ్యముచ్యతే| అథవా వత్సకాదిచూర్ణితం సురయా పిబేత్| సాలపర్ణీపృశ్నిపర్ణీభ్యాం క్వాథేన వ మరిచభద్రదార్వోః కల్కం పిబేత్| భాంగర్యాదిత్రయకల్కం కోష్ణాంభసా| అథవా త్రికటుకాదిసంయుక్తం పురాణగుడం యోగ్యయా మాత్రయా భక్షయేత్|| 31||
Adhikarana yonibhraMshe cikitsA (32) · Śloka 32
తస్యాశ్చేత్ స్వస్థానతో యోనిర్భ్రశ్యేత్ తతో యస్యకస్య- చిచ్ఛోణితేనాభ్యజ్య యోనిం యథాస్థానం కుశలా స్త్రీ నివేశయేత్|
నివిష్టాం చాఽశోకరోహిణీబర్హిషోశీరప్రియంగుదేవదారుకల్కవిపక్వేన తైలేన బహుశః స్వేదయేత్ పూరయేత్ బ్రూయాచ్చ 'గచ్ఛ సుభగే! స్వస్థానం' ఇతి|32|
View original
तस्याश्चेत् स्वस्थानतो योनिर्भ्रश्येत् ततो यस्यकस्य- चिच्छोणितेनाभ्यज्य योनिं यथास्थानं कुशला स्त्री निवेशयेत्|
निविष्टां चाऽशोकरोहिणीबर्हिषोशीरप्रियङ्गुदेवदारुकल्कविपक्वेन तैलेन बहुशः स्वेदयेत् पूरयेत् ब्रूयाच्च 'गच्छ सुभगे! स्वस्थानम्' इति|३२|
తస్మిన్ కాలే యోనిభ్రంశే రక్తాభ్యక్తాయా యోనేః ప్రవేశనం| ప్రవిష్టాయాం చోఽశోకరోహిణ్యాదిపక్వతైలేన స్వేదనం పూరణం చ బహుశః శశ్వత్| 'గచ్ఛ సుభగే! స్వస్థానం' ఇతి మంత్రం పదేనైవ తాం యోనిం బ్రూయాత్|| 32||
Adhikarana sadyo jAtasya bAlasyopacArAdeshaH (32) · Śloka 32
తస్యాశ్చేత్ స్వస్థానతో యోనిర్భ్రశ్యేత్ తతో యస్యకస్య- చిచ్ఛోణితేనాభ్యజ్య యోనిం యథాస్థానం కుశలా స్త్రీ నివేశయేత్|
నివిష్టాం చాఽశోకరోహిణీబర్హిషోశీరప్రియంగు- దేవదారుకల్కవిపక్వేన తైలేన బహుశః స్వేదయేత్ పూరయేత్ బ్రూయాచ్చ 'గచ్ఛ సుభగే! స్వస్థానం' ఇతి||32||
View original
तस्याश्चेत् स्वस्थानतो योनिर्भ्रश्येत् ततो यस्यकस्य- चिच्छोणितेनाभ्यज्य योनिं यथास्थानं कुशला स्त्री निवेशयेत्|
निविष्टां चाऽशोकरोहिणीबर्हिषोशीरप्रियङ्गु- देवदारुकल्कविपक्वेन तैलेन बहुशः स्वेदयेत् पूरयेत् ब्रूयाच्च 'गच्छ सुभगे! स्वस्थानम्' इति||३२||
తస్మిన్ కాలే యోనిభ్రంశే రక్తాభ్యక్తాయా యోనేః ప్రవేశనం| ప్రవిష్టాయాం చాశోకరోహిణ్యాదిపక్వతైలేన స్వేదనం పూరణం చ బహుశః శశ్వత్| 'గచ్ఛ సుభగే! స్వస్థానం' ఇతి మంత్రం పదేనైవ తాం యోనిం బ్రూయాత్|| 32||
Adhikarana sadyo jAtasya bAlasyopacArAdeshaH (33) · Śloka 33
తద్వచ్చాన్యతమా స్త్రీ జాతమాత్రమేవ బాలం బాలోపచరణీయేన విధినోపపాదయేత్|
తముపదేక్ష్యతే తూత్తరేషు||33||
View original
तद्वच्चान्यतमा स्त्री जातमात्रमेव बालं बालोपचरणीयेन विधिनोपपादयेत्|
तमुपदेक्ष्यते तूत्तरेषु||३३||
అన్యతమా చ కుశలా పరిచారకోత్తరం స్థానోక్తేన విధినా బాలముపపాదయేత్| సుబోధమన్యత్|| 33||
Adhikarana sUtikAyA upacArAH (34) · Śloka 34
అథ సూతికాం బలాతైలేనాభ్యజ్యాత్|
బుభుక్షితాంచ పంచకోలచూర్ణేన యవాన్యుపకుంచికాచవ్యచిత్రకవ్యోషసైంధవ- చూర్ణేన వ యుక్తామహః పరిణామినీం యథా సాత్మ్యం స్నేహమాత్రాం పాయయేత్|
స్నేహాయోగ్యాం వాతహరౌషధక్వాథం హ్రస్వపంచమూలక్వాథం వా|
పీతవత్యాశ్చ యమకేనాభ్యజ్య వేష్టయేదుదరం వస్త్రేణ|
తథా న వాయురుదరవికృతిముత్పాదయేదనవకాశత్వాత్|
జీర్ణే తు స్నేహే పూర్వౌషధైరేవ సిద్ధాం విదార్య్యాదిగణక్వాథేన క్షీరేణ వా యవాగూం సుస్విన్నాం ద్రవాం మాత్రయా పాయయేత్|
ప్రాక్స్నేహయవాగూపానాభ్యాం చోభయకాలముష్ణోదకేన పరిషేచయేత్|
ఏవం త్రిరాత్రం పంచరాత్రం సప్తరాత్రం వాఽనుపాల్య తతో యవకోలకులత్థయూషేణ లఘునా చాన్నపానేన|
ద్వాదశరాత్రాత్ పరం జాంగలరసాదిభిశ్చ క్రమాదాప్యాయయేదగ్నిబలాదీన్యపేక్ష్య|
క్వథితశీతం చ తోయం పాయయేత్|
తథా జీవనీయబృంహణీయమధురవాతహరసిద్ధైరభ్యంగోద్వర్తనపరిషేకావగాహైరన్న- పానైశ్చ హృద్యైరుపాచరేత్||34||
View original
अथ सूतिकां बलातैलेनाभ्यज्यात्|
बुभुक्षिताञ्च पञ्चकोलचूर्णेन यवान्युपकुञ्चिकाचव्यचित्रकव्योषसैन्धव- चूर्णेन व युक्तामहः परिणामिनीं यथा सात्म्यं स्नेहमात्रां पाययेत्|
स्नेहायोग्यां वातहरौषधक्वाथं ह्रस्वपञ्चमूलक्वाथं वा|
पीतवत्याश्च यमकेनाभ्यज्य वेष्टयेदुदरं वस्त्रेण|
तथा न वायुरुदरविकृतिमुत्पादयेदनवकाशत्वात्|
जीर्णे तु स्नेहे पूर्वौषधैरेव सिद्धां विदार्य्यादिगणक्वाथेन क्षीरेण वा यवागूं सुस्विन्नां द्रवां मात्रया पाययेत्|
प्राक्स्नेहयवागूपानाभ्यां चोभयकालमुष्णोदकेन परिषेचयेत्|
एवं त्रिरात्रं पञ्चरात्रं सप्तरात्रं वाऽनुपाल्य ततो यवकोलकुलत्थयूषेण लघुना चान्नपानेन|
द्वादशरात्रात् परं जाङ्गलरसादिभिश्च क्रमादाप्याययेदग्निबलादीन्यपेक्ष्य|
क्वथितशीतं च तोयं पाययेत्|
तथा जीवनीयबृंहणीयमधुरवातहरसिद्धैरभ्यङ्गोद्वर्तनपरिषेकावगाहैरन्न- पानैश्च हृद्यैरुपाचरेत्||३४||
యథాసాత్మ్యమన్యతరస్య స్నేహస్యాహః పరిణామినీమితి| నాత్ర స్నేహమాత్రాయా నియమః| కేవలం తథా విధేయం యథా తస్మిన్నేవాహని జీర్ణే స్నేహే యవాగ్వాః ప్రయోగో నోపరుధ్యతే| తథా చ ఆచార్య్య ఏవం హృదయే కేవలం మహత్యాః ప్రతిషేధం కరోతి| యతః సాఽహోరాత్రేణ జీర్య్యతే న తు మాత్రాంతరస్య విధానం| సూతికా క్షుద్వతీ తైలాద్ ఘృతాద్వ మహతీం పిబేదితి స్నేహే క్వాథే వా పీతేయమకాభ్యక్తదేహాయా వస్త్రేణోదరం వేష్టయేత్| వాతపూరణభయాత్తదవకాశపరిహారాయ| తత్ర యద స్నేహపానమారభ్యతే తదోష్ణోదకేన పరిషేకః సూతాయాః| పునశ్చ పరిషేకో యదా వా యవాగూపానమారభ్యతే| ఏతదుచ్యతే ప్రాక్స్నేహయవాగూపానాభ్యాం చోభయకాలముష్ణోదకేన పరిషేచయేదితి| పూర్వోక్తైరేవౌషధైరనంతరోక్తైః పంచకోలేన యవాగ్వాదిభిర్వా సిద్ధమేవం యథాయోగ్యం| ఏతదేవ స్నేహపానాదికం త్రిరాత్రం పంచరాత్రం సప్తరాత్రం వా| అనంతరం యావద్ ద్వాదశరాత్రం యవాద్యన్యతమయూషేణాన్నం లఘునా చ తత్ ప్రాయేణానుపానం తతః క్రమేణాగ్నిబలమవేక్ష్య జాంగలరసాదిభిర్బృంహణైర్బృంహయేత్|| 34||
Adhikarana sUtikopacArAnusaraNaphalam (35) · Śloka 35
ఏవం హి గర్భవృద్ధిక్షపితశిథిలసర్వశరీరధాతుప్రవాహణ- వేదనాక్లేదరక్తనిస్సృతివిశేషశూన్యశరీరాచ్చ పునర్నవీ- భవతి||35||
View original
एवं हि गर्भवृद्धिक्षपितशिथिलसर्वशरीरधातुप्रवाहण- वेदनाक्लेदरक्तनिस्सृतिविशेषशून्यशरीराच्च पुनर्नवी- भवति||३५||
సుబోధం| అనేన క్రమేణ సూతిక్లిష్టా పునర్నవీ భవతి|| 35||
Adhikarana sUtikAniyamAnusaraNAvashyakatA (36) · Śloka 36
అత ఏవ చ సూతికాయా వ్యాధిః కృచ్ఛ్రసాధ్యో భవత్యసాధ్యో వా|
తస్మాత్తాం యథోక్తేన విధినా ప్రయత్నేనోపచరేత్||36||
View original
अत एव च सूतिकाया व्याधिः कृच्छ्रसाध्यो भवत्यसाध्यो वा|
तस्मात्तां यथोक्तेन विधिना प्रयत्नेनोपचरेत्||३६||
అత ఏవ గర్భవృద్ధిక్షపితధాతుతయేత్యాది హేతుః| సూతికాయా వ్యాధేరసాధ్యత్వే భవతి|| 36||
Adhikarana sUtikAbhidhAnanivRuttisamayaH (37) · Śloka 37
ఏవం సాధ్యర్ధమాసముపసంస్కృతా క్రమేణ విముక్తాహారవిహారయంత్రణా విగతసూతికాభిధానా స్యాత్|
పునరార్త్తవదర్శనాదిత్యేకే||37||
View original
एवं साध्यर्धमासमुपसंस्कृता क्रमेण विमुक्ताहारविहारयन्त्रणा विगतसूतिकाभिधाना स्यात्|
पुनरार्त्तवदर्शनादित्येके||३७||
సార్ధన్మాసాదూర్ధ్వం సూతికాభిధాననివృత్తిః | అన్యే పునరాహుః-పునరార్త్తవదర్శనాదూర్ధ్వం సూతికాభిధాననివృత్తిః || 37 ||
Adhikarana adhyAyopasaMhAraH (38) · Śloka 38
ఇత్యాద్యం మాసమాదాయ యావద్గర్భక్షమా పునః|
స్త్రీ స్యాత్ తావద్ విధిః సర్వః సర్వథా సాధు దర్శితః||38||
ఇతి వైద్యపతిసింహగుప్తస్య సూనోర్వాగ్భటస్య కృతౌ అష్టాంగసంగ్రహసంహితాయాం శారీరస్థానే గర్భో- పచరణీయో నామ తృతీయోఽధ్యాయః||38||
View original
इत्याद्यं मासमादाय यावद्गर्भक्षमा पुनः|
स्त्री स्यात् तावद् विधिः सर्वः सर्वथा साधु दर्शितः||३८||
इति वैद्यपतिसिंहगुप्तस्य सूनोर्वाग्भटस्य कृतोउ अष्टाङ्गसंग्रहसंहितायां शारीरस्थाने गर्भो- पचरणीयो नाम तृतीयोऽध्यायः||३८||
ఇత్యేవమనంతరోక్తేన ప్రకారేణ ప్రథమాన్మాసాద్గర్భాధానాత్ ప్రభృతి పునరార్త్తవదర్శనేన గర్భయోగ్యతా తావదస్యా విధిరస్మిన్నధ్యాయే దర్శిత ఇతి||38|| ఇతి శ్రీమన్మహామహోపాధ్యాయేందువిరచితాయాం అష్టాంగసంగ్రహవ్యాఖ్యాయాం శశిలేఖాయాం శారీరస్థానే తృతీయోఽధ్యాయః