7. marmavibhāgaḥ

Adhikarana atha marmavibhAgo nAma saptamo~adhyAyaH pratij~jA (1) · Śloka 1

অথাতো মর্মবিভাগং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

পূর্বমেবাধ্যাযারম্ভপ্রযোজনমুক্তম্|| ১||

Adhikarana marmaNAM sa~gkhyA (2) · Śloka 2

সপ্তোত্তরং মর্মশতম্||২||

সর্বস্মিঞ্ছরীরে সপ্তোত্তরং মর্মণাং শতম্|| ২||

Adhikarana marmaNAM sthAnAni (3) · Śloka 3

তত্র চতুশ্চত্বারিংশচ্ছাখাসু| ষড্বিংশতিরন্তরাধৌ| সপ্তত্রিংশদূর্ধ্বম্||৩||

তত্র শাখাচতুষ্টযে প্রত্যেকং শাখাযামেকাদশ মর্মাণি আগুদাদাঽচাক্ষকসন্ধেঃ ষড্বিংশতিঃ| গ্রীবাদৌ সপ্তত্রিংশত্| একস্মিন্ সক্থ্নি একাদশানাং মর্মণাং বিভাগাঃ প্রদর্শ্যন্তে| এতেন শাখাত্রযে তথৈবানুমন্তব্যম্|| ৩||

Adhikarana talahRudayaM nAmamarma tatra viddhe vyAghAtaH (4) · Śloka 4

অথৈকৈকস্মিন্ সক্থ্নি মধ্যমাঙ্গুলিমভিতো মধ্যে পাদ- তলস্য তলহৃদযং নাম মর্ম| তত্র বিদ্ধস্য রুজযা মর ণম্||৪||

পাদতলমধ্যে মধ্যমাঙ্গুল্যভিমুখেন তলহৃদযং নাম মর্ম| তত্র বিদ্ধস্য রুজযা মরণম্|| ৪||

Adhikarana kShipramarma, tatra viddhe maraNam (5) · Śloka 5

অঙ্গুষ্ঠাঙুল্যোর্মধ্যে ক্ষিপ্রং তত্রাঽঽক্ষেপকেন মরণম্||৫||

ক্ষিপ্রে বিদ্ধস্যাক্ষেপেণ মরণম্| আক্ষেপো বাতব্যাধিষু বক্ষ্যমাণলক্ষণঃ|| ৫||

Adhikarana kUrcamarma, tatra viddhe vyApacca (6) · Śloka 6

ক্ষিপ্রস্যোপরি দ্ব্যঙ্গুল উভযতঃ কূর্চঃ| তত্র পাদস্য ভ্রমণবেপনে ভবতঃ||৬||

কূর্চঃ ক্ষিপ্রস্যোপরি দ্ব্যঙ্গুলে| উভযত ইতি পাদপৃষ্ঠাত্ পাদতলং যাবত্| তত্র কূর্চে বিদ্ধস্য পাদভ্রমণবেপনে ভবতঃ| বেপনং কম্পনাম্|| ৬||

Adhikarana kUrcashiromarma, tatra viddhe vyApacca (7) · Śloka 7

গুল্ফসন্ধেরধঃ কূর্চশিরঃ| তত্র রুজাশোপৌ||৭||

গুল্ফসন্ধেরধঃ কূর্চশিরো নাম মর্ম| তত্র রুজাশোফৌ ভবতঃ তত্রেত্যত্র বিদ্ধস্যেত্যনুবর্ত্ততে|| ৭||

Adhikarana gulphamarma, tatra viddhe vyApacca (8) · Śloka 8

পাদজঙ্ঘযোঃ সন্ধানে গুল্ফঃ| তত্র রুক্ স্তব্ধসক্থিতা ষণ্ঢতা বা||৮||

পাদস্য জঙ্ঘাযাশ্চ সন্ধানে স্থিতো গুল্ফঃ রুগাদিকরঃ ষণ্ঢগা অযোষিদ্যোগ্যত্বম্|| ৮||

Adhikarana indrabastimarma, tatra viddhe vyApacca (9) · Śloka 9

পার্ষ্ণিপ্রভৃতি দ্বাদশভিরঙ্গুলৈর্জঙ্ঘামধ্যে ইন্দ্রবস্তিঃ| তত্র শোণিতক্ষযান্মরণম্||৯||

জঙ্ঘামধ্যে তু ইন্দ্রবস্তিঃ| তত্র রক্তক্ষযান্মরণং ভবতি|| ৯||

Adhikarana jAnumarma, tatra viddhe vyApacca (10) · Śloka 10

জঙ্গোর্বোঃ সন্ধানে জানুঃ| তত্র খঞ্জত||১০||

জঙ্ঘোর্বোঃ সঙ্গমে স্থিতং জানুঃ| তত্র খঞ্জতা ভবতি| খঞ্জো বিকৃতপাদঃ|| ১০||

Adhikarana ANimarma, tatra viddhe vyApacca (11) · Śloka 11

জানুনস্ত্র্যঙ্গুলাদূর্ধ্বমুভযত আণিঃ| তত্র শোফাভিবৃদ্ধিঃ স্তব্ধসক্থিতা চ||১১||

আণিঃ অপ্যুভযতঃ ঊরৌ জানুনস্ত্র্যঙ্গুলাদূর্ধ্বং দ্বৌ দিশৌ ব্যাপ্যবর্ত্তত ইত্যর্থঃ| রুগাদিকরঃ|| ১১||

Adhikarana UrvI marma, tatra viddhe vyApacca (12) · Śloka 12

ঊরুমধ্যে ঊর্বী| তত্র রক্তক্ষযাত্সক্থিশোষঃ||১২||

ঊরুমধ্যে স্থিতা ঊর্বী| তদ্বেধাদ্রক্তক্ষযাত্ সক্থিশোষঃ|| ১২||

Adhikarana lohitAkShamarma tatra viddhe vyApacca (13) · Śloka 13

ঊর্ব্যাস্তূর্ধ্বমধো বংক্ষণসন্ধেরূরুমূলে লোহিতাক্ষম্| তত্র রক্তক্ষযাত্ পক্ষাঘাতঃ||১৩||

ঊরোর্মূলে বংক্ষণসন্ধেরধস্তাত্ লোহিতাক্ষম্| তত্র রক্তক্ষযাত্ পক্ষাঘাতো ভবতি|| ১৩||

Adhikarana viTapamarma, tatra viddhe vyApacca (14) · Śloka 14

বংক্ষণবৃষণযোর্মধ্যে বিটপম্| তত্র ষাণ্ঢ্যমল্পশুক্রতা বা||১৪||

বংক্ষণবৃষাণাযোর্মধ্যে বিটপং নাম| তত্র ষণ্ঢতা অথবা অল্পশুক্রতা ভবতি|| ১৪||

Adhikarana bAhumarmANi, tatra viddhe vyApacca (15) · Śloka 15

সক্থিবদ্ বাহ্বোঃ||১৫||

ইতি তলহৃদযক্ষিপ্রকুর্চকূর্চশিরোগুল্ফেন্দ্রবস্তিজান্বাণ্যুর্বীলোহিতাক্ষবিটপান্যেকাদশৈকস্যাং শাখাযাং মর্মাণি তদ্বদেব শাখাত্রযেঽপি বিজ্ঞেযম্|| ১৫||

Adhikarana bAhumarmaNi visheShaH (16) · Śloka 16

বিশেষস্তু-গুল্ফো মণিবন্ধস্তথা জানুকূর্পরম্| তযোর্ব্যধে কুণিতা||১৬||

কেবলং বাহ্বোঃ কেষাঞ্চিন্নাম্নি বিশেষঃ, তদেবোচ্যতে| যথা জঙ্ঘাচরণযোঃ সন্ধৌ গুল্ফঃ| তথা করপ্রপাণ্যোর্মণিবন্ধঃ| যথা জঙ্ঘোর্বোঃ সঙ্গমে জানু তথা প্রপাণিপ্রবাহুমধ্যে কূর্পরঃ| জানুনি বিদ্ধে যথা খঞ্জতা| কূর্পরে বিদ্ধে তথা কুণিতা| কুণির্বিকৃতকরঃ|| ১৬||

Adhikarana kakShAradharamarma, tatra viddhe vyApacca (17) · Śloka 17

বিটপবচ্চ কক্ষাক্ষমধ্যে কক্ষাধরঃ| তত্র কুণিত্বম্||১৭||

যথা বংক্ষণবৃষণযোর্মধ্যে বিটপং তথা কক্ষাক্ষমধ্যে কক্ষাধরঃ| তস্মিন্ বিদ্ধে কুণিত্বম্|| ১৭||

Adhikarana antarAdhimarmANi gudamarma, tatra viddhe sadyomaraNam (18) · Śloka 18

বাতবর্চোনিরসনঃ স্থূলান্ত্রবিবদ্ধো গুদঃ| তত্র সদ্যো মরণম্||১৮||

গুদঃ স্থূলান্ত্রে প্রতিবদ্ধো বাতাদিনিরসনকর্মা| তস্মিন্ বিদ্ধে সদ্যো মরণম্|| ১৮||

Adhikarana bastimarma, tatra viddhe vyApacca (19) · Śloka 19

অল্পমাংসশোণিতোঽভ্যন্তরতঃ কট্যা ধনুর্বক্র একদ্বারোঽধোমুখী বস্তিঃ| তত্রাপি সদ্যো মরণমশ্মরীব্রণা- দৃতে| তত্রাপ্যুভযতো বিদ্ধে ন জীবতি| একতো ভিন্নে মূত্রস্রাবীব্রণো ভবতি| স তু যত্নেনোপক্রান্তো রোহতি||১৯||

বস্তিরল্পমাংসশোণিতঃ কট্যা মধ্যে পৃষ্ঠতো বক্রো ধনুর্বত্| একতো দ্বারো মুখং স চাস্যৈকঃ অধোমুখশ্চ| তত্রাপি বস্তৌ বিদ্ধে মরণং ভবত্যশ্মরী ব্রণাদৃতে| তত্রাপ্যমশ্মরীব্রণে দ্বাভ্যাং মার্গাভ্যাং বিদ্ধে বস্তী মরণমেব| অশ্মরীব্রণেঽপ্যেকতো বিদ্ধে বস্তৌ মূত্রস্রাবী ব্রণো ভবতি| সুবোধম্|| ১৯||

Adhikarana nAbhimarma, tatra viddhe vyApacca (20) · Śloka 20

পক্বামাশযমধ্যে নাভিঃ তত্রাপি সদ্যোমরণম্||২০||

ন কেবলং বস্তিরেব বিদ্ধঃ সদ্যোঘ্নো যাবন্নাভিরপীত্যপিশব্দস্যার্থঃ|| ২০||

Adhikarana hRudayamarma, tatra viddhe vyApacca (21) · Śloka 21

কোষ্ঠবক্ষসোঃ স্তনযোশ্চ মধ্যে সত্ত্বরজস্তমোঽধিষ্ঠা নমামাশযদ্বারং হৃদযম্| তত্রাপি সদ্যো মরণম্||২১||

কোষ্ঠবক্ষসোঃ স্তনযোশ্চ মধ্যে স্থিতং সত্ত্বরজস্তমসামধিষ্ঠানমামাশযদ্বারং তু হৃদযম্| তত্রাপি বিদ্ধস্য সদ্যো মরণম্||২১||

Adhikarana stanamUlamarma, tatra viddhe vyApacca (22) · Śloka 22

স্তনযোরধস্তাদ্ দ্ব্যঙ্গুলমুভযতঃ স্তনমূলে তযোঃ কফপূর্ণকোষ্ঠস্য মরণম্||২২||

তযোরিতি| স্তনমূলযোর্বিদ্ধযোঃ|| ২২||

Adhikarana stanarohitamarma, tatra viddhe vyApacca (23) · Śloka 23

স্তনচূচুকযোরূর্ধ্বং দ্ব্যঙ্গুলমুভযতঃ স্তনরোহিতে| তযোঃ শোণিতপুর্ণকোষ্ঠস্য মরণম্||২৩||

চূচুকৌ স্তনমুখৌ শ্যামৌ|| ২৩||

Adhikarana apastambhau marmaNI tatra viddhe vyApacca (24) · Śloka 24

উভযত্রোরসো নাড্যৌ বাতবহে অপস্তম্ভৌ| তযোঃ শোণিতপূর্ণকোষ্ঠতযা কাসশ্বাসাভ্যাং চ মরণম্||২৪||

উরসি উভযতো দ্বে বাতবহে নাড্যৌ অপস্তম্ভৌ নাম্না মর্মণী||২৪||

Adhikarana apAlApamarmaNI tatra viddhe vyApacca (25) · Śloka 25

অংসকূটযোরধঃ পার্শ্বযোরুপরি ভাগযোরপালাপৌ| তযোঃ পূযত্বমাপন্নেন রক্তেন মরণম্||২৫||

অংসপার্শ্বান্তরযোর্মধ্যে কিঞ্চিত্ পার্শ্বভাগে অপালাপৌ| তযোর্মধ্যে বিদ্ধযোর্ন সদ্যো মরণম্| অপিতু পূযত্বমাপন্নে রক্তে|| ২৫||

Adhikarana kaTIkataruNe marmaNI tatra viddhe vyApacca (26) · Śloka 26

পৃষ্ঠবংশমুভযতঃ প্রতিশ্রোণীকর্ণাবস্থিনী কটীকতরুণে| তযোঃ শোণিতক্ষযাত্ পাণ্ডুর্বিবর্ণো হীনরুপো ম্রিযতে||২৬||

পৃষ্ঠবংশমুভযতঃ পৃষ্ঠবংশস্য দ্বযোঃ পার্শ্বযোর্যে প্রতিশ্রোণী কর্ণাবস্থিনী স্থিতাঃ তে কটীকতরুণে মর্মণী শ্রোণ্যাঃ কর্ণাকৃতিত্বাত্ শ্রোণীকর্ণৌ|| ২৬||

Adhikarana kukundaramarma, tatra viddhe vyApacca (27) · Śloka 27

পার্শ্বযোর্জঘনবহির্ভাগে পৃষ্ঠবংশমুভযতঃ কুকুন্দরৌ| তযোঃ স্পর্শাজ্ঞানমধঃ কাযে চেষ্টানাশশ্চ||২৭||

পৃষ্ঠবংশস্য পাড়্শ্বযোর্মর্মণী কুকুন্দরৌ তৌ চ জঘনাদ্বহিঃ| কট্যাঃ পশ্চিমো ভাগো জঘনম্|| ২৭||

Adhikarana nitambamarmaNI, tatra viddhe vyApacca (28) · Śloka 28

শোণীকর্ণযোরুপর্য্যাশযাচ্ছাদনৌ পার্শ্বান্তরপ্রতিবদ্ধৌ নিতম্বৌ| তযোরধঃ কাযে শোফো দৌর্বল্যং মরণঞ্চ||২৮||

পৃষ্ঠবংশস্য দ্বযোঃ পার্শ্বযোঃ শ্রোণীকর্ণযোরুপরি পার্শ্বান্তরমধ্যে প্রতিবদ্ধৌ পক্বাশযস্য ছাদনে নিতম্বমর্মণী|| ২৮||

Adhikarana pArshvasandhimarmaNI tatra viddhe vyApacca (29) · Śloka 29

অধঃ পার্শ্বান্তরপ্রতিবদ্ধৌ জঘনপার্শ্বমধ্যে তির্য্যগূর্ধ্বং চ পার্শ্বসন্ধী| তযোঃ শোণিতপূর্ণকোষ্ঠতযা মরণম্||২৯||

পার্শ্বান্তরপ্রতিবদ্ধৌ| সব্যপার্শ্বস্থঃ সব্যে প্রতিবদ্ধঃ| অপসব্যশ্চাপসব্যে| তত্র চাধ তির্য্যক্চ প্রতিবদ্ধৌ পাড়্শ্বসন্ধী| তে চ জঘনপার্শ্বযোর্মধ্যে ভবতঃ|| ২৯||

Adhikarana bRuhatyAkhyau marmaNI, tatra viddhe vyApacca (30) · Śloka 30

অধঃ পাড়্শ্বান্তরপ্রতিবদ্ধৌ জঘনপার্শ্বমধ্যে তির্য্যগূর্ধ্বং চ পার্শ্বসন্ধী| তযোঃ শোণিতপূর্ণকোষ্ঠতযা মরণম্||৩০||

পৃষ্ঠবংশস্য দ্বযোঃ পূর্বোক্তযোঃ স্তনমূলযোরার্জবেন তির্য্যক্ স্পষ্টদিগ্গ্রহণেন বৃহত্যৌ মর্মণী|| ৩০||

Adhikarana aMsaphalamarmaNI, tatra vyApacca (31) · Śloka 31

পৃষ্ঠবংশমুভযতো বাহুমূলসম্বদ্ধে অংসফলকে| তযোর্বাহুস্বাপশোষৌ||৩১||

অংসফলকে পৃষ্ঠবংশস্য দ্বযোঃ পার্শ্বযোর্বাহুমূলে চ প্রতিবদ্ধে| তযোর্ব্যধ ইতি সর্বত্র সম্বন্ধঃ|| ৩১||

Adhikarana aMsAkhye marmaNI, tatra viddhe vyApacca (32) · Śloka 32

গ্রীবাবাহুশিরোমধ্যেংঽসপীঠস্কন্ধবন্ধনাবংসৌ| তযোঃ স্তম্ব্ধবাহুতা||৩২||

অংসৌ গ্রীবাদিমধ্যগৌ স্কন্ধযোঃ অংসপী ঠযোশ্চ বন্ধার্থৌ| এবং গুদো বস্তির্নাভির্হৃদযং দ্বে স্তনমূলে দ্বে স্তনরোহিতে দ্বাবপস্তম্ভৌ দ্বাবপালাপৌ দ্বে কটীকতরুণে দ্বে কুকুন্দরে দ্বৌ নিতম্বে দ্বৌ পার্শ্বসন্ধী দ্বে বৃহত্যৌ দ্বে অংসফলকে দ্বাবংসাবিতি ষড্বিংশতির্মর্মাণ্যন্তরাধৌ|| ৩২||

Adhikarana UrdhvamarmANi dve nIle dve manye tatra viddhe vyApacca (33) · Śloka 33

কণ্ঠনাডীমুভযতশ্চতস্রো ধমন্যঃ| তাসাং দ্বে নীলে, দ্বে মন্যে| তাসু মূকতা, স্বরবৈকৃত্যং, রসাগ্রাহিতা বা ভবতি||৩৩||

ঊর্ধ্বমুচ্যতে| কণ্ঠনাড্যামেকস্মিন্| পার্শ্বে একা নীলা নাম সিরা| একা মন্যা| তথৈব দ্বিতীযে| তাসাং ব্যধে মূকত্বাদিকং ভবতি|| ৩৩||

Adhikarana mAtRukAmarmANi tatra viddhe vyApacca (34) · Śloka 34

গ্রীবাযামুভযতঃ পৃথক্ চতস্রঃ সিরা মাতৃকাস্তাসু সদ্যো মরণম্||৩৪||

গ্রীবাযাং দ্বযোঃ পার্শ্বযোরষ্টৌ সিরা মাতৃকাহ্বযাঃ|| ৩৪||

Adhikarana kRukATikAkhye marmANi tatra viddhe vyApacca (35) · Śloka 35

শিরোগ্রীবযোঃ সন্ধানে কৃকাটিকে| তযোশ্চলমূর্ধতা||৩৫||

উভযপার্শ্বে শিরসো গ্রীবাযাশ্চ সন্ধানে কৃকাটিকে মর্মণী| তত্র বিদ্ধস্য চলশীর্ষতা|| ৩৫||

Adhikarana vidhurAkhye marmaNi tatra viddhe vyApacca (36) · Śloka 36

কর্ণপৃষ্ঠযোরধঃসংশ্রিতে বিধুরে| তযোর্বাধির্যম্||৩৬||

কর্ণযোরধো বিধুরে|| ৩৬||

Adhikarana phaNAkhye marmaNI, tatra viddhe vyApacca (37) · Śloka 37

ঘ্রাণমার্গমুভযতঃ শ্রোত্রমার্গপ্রতিবদ্ধাবভ্যন্তরতঃ ফণৌ| তযোর্গন্ধাজ্ঞানম্||৩৭||

ঘ্রাণস্রোতসোর্দ্বযোঃ পার্শ্বযোরন্তঃ শিরসি গলপ্রদেশে ফণৌ নাম্না মর্মণী| তৌ চ শ্রোত্রস্রোতঃ প্রতিবদ্ধৌ তযোর্ব্যধে গন্ধাজ্ঞানম্|| ৩৭||

Adhikarana apA~ggAkhye marmaNI tatra viddhe vyApacca (38) · Śloka 38

ভ্রুবোঃ পুচ্ছান্তযোরধোঽক্ষ্ণোর্বাহ্যতোঽপাঙ্গৌ| তযোরান্ধ্যম্||৩৮||

ভ্রুবোঃ সম্বন্ধিনোঃ পুচ্ছান্তযোর্বাহ্যান্তরযোরধ অক্ষ্ণোশ্চ বহিরপাঙ্গৌ মর্মণী|| ৩৮||

Adhikarana sha~gkhAkhye marmaNI, tatra viddhe vyApacca (39) · Śloka 39

ভ্রুবোঃ পুচ্ছান্তযোরুপর্যনুকর্ণং ললাটে শঙ্খৌ| তযোঃ সদ্যো মরণম্||৩৯||

ললাটে ভ্রুবোঃ পুচ্ছান্তযোরুপরি কর্ণমনু কর্ণং প্রতি শঙ্খৌ নাম মর্মণী| তযোর্ব্যধে সদ্যো মরণম্|| ৩৯||

Adhikarana AvarttAkhye marmaNI tatra viddhe vyApacca (40) · Śloka 40

ভ্রুবোরুপরি নিম্নযোরাবর্ত্তৌ তযোরান্ধ্যং দৃষ্ট্যুপঘাতো বা||৪০||

ভ্রুবোরুপরি নিম্নযোঃ প্রদেশযোরাবর্ত্তৌ নাম্না দ্বে মর্মণী| তযোর্ব্যধে আন্ধ্যম্| অদর্শনম্ অথবোপঘাতমাত্রং দৃষ্টের্বা|| ৪০||

Adhikarana utkShepAkhye marmaNI tatra viddhasya vyApacca (41) · Śloka 41

শঙ্খযোরুপরি কেশান্তে উত্ক্ষেপৌ| তযোঃ সশল্যঃ পাকাত্ পতিতশল্যো বা জীবেন্নোদ্ধৃতশল্যঃ||৪১||

শঙ্খযোরুপরি কেশাবসানমর্য্যাদে উত্ক্ষেপো মর্মণী| তযোর্বিদ্ধঃ সন্ সশল্যো জীবতি| পাকাদ্বা স্বযংপতিতে জীবতি| উদ্ধৃতশল্যো ন জীবেত্|| ৪১||

Adhikarana sthapanyakhye marmaNI tatra viddhasyAvasthA ca (42) · Śloka 42

ভ্রুবোর্মধ্যে স্থপনী| তত্রোত্ক্ষেপবত্||৪২||

ভ্রুবোর্মধ্যে নাম স্থপনী মর্ম| তত্রোত্ক্ষেপবত্ সশল্যী জীবেত্| পাকাত্ পতিতশল্যো বা| তত্র চ উদ্ধৃতশল্যো ন জীবেত্|| ৪২||

Adhikarana sImantAkhyAni marmANi tatra viddhasya vyApacca (43) · Śloka 43

পঞ্চ সন্ধযঃ শিরসি| তির্য্যগূর্ধ্বং চ সীমন্তানাম্| তেষূন্মাদভ্রমচিত্তনাশৈর্মরণম্||৪৩||

পঞ্চ শিরসি কপালানাং সন্ধযঃ পঞ্চ মর্মাণি| তত্র দাউ ললাটপর্শ্বযোঃ কেশান্তাবস্থিতৌ দ্বৌ কৃকাটিকাপার্শ্বযোরূর্ধ্বগৌ সন্ধী| তযোরুপরি তির্য্যগৃজুসন্ধিঃ সীমন্তাস্তেষু বিদ্ধেষূন্মাদাদিভির্মরণম্|| ৪৩||

Adhikarana shRu~ggATakAkhyAni marmANi tatra viddhe vyApacca (44) · Śloka 44

জিহ্বাঘ্রাণাক্ষিশ্রোত্রতর্পণীনাং সিরাণাং তালুনি সন্নিপাতঃ| তাসাং মুখানি চত্বারি শৃঙ্গাটকসংজ্ঞানি| তেষু সদ্যোমরণম্||৪৪||

জিহ্বাদিসন্তর্পণীনাং সিরাণাং তালুনি সন্নিপাতো ভবতি| তাসাং যানি বহ্বীনামপি চত্বারি মুখানি তানি শৃঙ্গাটকাখ্যানি মর্মাণি| তেষাং ব্যধে সদ্যোমরণম্|| ৪৪||

Adhikarana adhipratisaMj~jaM marma tatra viddhe vyApacca (45) · Śloka 45

মস্তকাভ্যন্তর উপরিষ্টাত্সিরাসন্ধিসন্নিপাতো রোমাবর্ত্তঃ সোঽধিপতির্নাম| তত্রাপি সদ্যোমরণং ভবতীতি||৪৫||

অন্তর্মস্তকং সর্বোর্ধ্বসিরাসন্ধীনাং সঙ্গমো নামাবর্ত্তো নাম মর্ম| স এবাধিপাখ্যঃ| এবং দ্বে নীলে দ্বে মন্যে অষ্টৌ মাতৃকাঃ দ্বে কৃকাটিকে দ্বে বিধুরে দ্বৌ ফণৌ দ্বাবপাঙ্গৌ দ্বৌ শঙ্খৌ দ্বাবাবর্ত্তৌ দ্বাবুত্ক্ষেপৌ একা স্থপনী পঞ্চ সীমন্তাশ্চত্বারি শৃঙ্গাটকান্যেকোঽধিপতিপর্য্যায আবর্ত্ত ইত্যেতানি সপ্তত্রিংশচ্ছিরসি মর্মাণি||৪৫||

Adhikarana marmaNAM sAmAnyalakShaNam (46) · Śloka 46

সামান্যলক্ষণং পুনর্মর্মণাং পীডিতে রুজোত্পত্তির্বিষমং চ স্পন্দনম্||৪৬||

মর্মণাং নাম স্থানঞ্চ জ্ঞাতম্| লক্ষণং তু ন জ্ঞাতম্| অতস্তদ্বিজ্ঞানার্থমুচ্যতেসামান্যেনেত্যাদি| সর্বমর্মণামিদং লক্ষণমিত্যর্থঃ| বিষমমনেকরূপম্|| ৪৬||

Adhikarana marmaviddhalakShaNam (47) · Śloka 47

সামান্যেনৈব চ - দেহপ্রসুপ্তির্গুরুতা সম্মোহঃ শীতকামিতা| স্বেদো মূর্চ্ছা বমিঃ শ্বাসো মর্মবিদ্ধস্য লক্ষণম্||৪৭||

সামান্যেননৈব চেতস্য দেহপ্রসুপ্তিরিত্যাদিনা সম্বন্ধঃ| প্র্সুপ্তিছেদাদ্যনবোধঃ| সম্মোহো মূর্চা||৪৭||

Adhikarana marmashabdanirvacanam (48) · Śloka 48

অপি চ-মরণকারিত্বান্মর্ম||৪৮||

অপি চেতি সমুচ্চযে| মরণকারিত্বান্মর্মেতি নির্বচনম্|| ৪৮||

Adhikarana mAMsAdibhedena marmaNAM pa~jcadhAtvam (49) · Śloka 49

তত্পুনর্মাংসসিরাস্নায্বস্থিসন্ধিসন্নিপাতঃ| তেন তস্মিন্ পীড্যমানে বিশেষতঃ প্রাণবাধঃ| বাহুল্যেন তু নির্দেশঃ| তস্মান্মাংসাদ্যাশ্রযতো মর্মাণি পঞ্চধা ভিদ্যন্তে||৪৯||

তত্ পুনর্মর্ম মাংসাদিসন্নিপাতস্তেষাং মিশ্রীভাবে নৈকত্রাবস্থানং তেন হেতুনা তস্মিন্ পীডিতেঽধিকং প্রাণানামাবাধো ভবতি| মাংসাদীনাং পঞ্চানাং যদ্যপি মিশ্রীভাবেন সর্ব মর্ম ভবতি| তথাপি যোঽযং মাংসমর্ম সিরামর্ম ইত্যাদি ব্যপদেশঃ স বাহুল্যকৃত এব| যত্র মাংসস্য বাহুল্যং তত্র মাংসেন ব্যপদেশঃ| যত্র সিরাণাং তত্র সিরাভিঃ| এবমন্যত্রাপি বাচ্যম্| এবং মাংসাদিভেদেন পঞ্চধা মর্মাণি|| ৪৯||

Adhikarana mAMsamarmANi (50) · Śloka 50

তদ্যথা তলহৃদযেন্দ্রবস্তিগুদস্তনরোহিতান্যেকাদশ মাংসমর্মাণি||৫০||

তত্রৈকাদশ মাংসমর্মাণি; তদ্যথা-চতুর্ষু করচরণেষু চত্বারি তলহৃদযানি| চত্বারীন্দ্রবস্তযঃ| একো গুদো দ্বে স্তনরোহিত ইতি|| ৫০||

Adhikarana sirAmarmANi (51) · Śloka 51

উর্বীলোহিতাখ্যনাভিহৃদযস্তনমূলাপস্তম্ভাপালাপপার্শ্বসন্ধিবৃহতীনীলামন্যামাতৃকাফণাপাঙ্গস্থপনীশৃঙ্গাটকান্যেকচত্বারিংশত্সিরামর্মাণি||৫১||

একচত্বারিংশত্ সিরামর্মাণি| তদ্যথা-চতস্র উর্ব্যশ্চত্বারি লোহিতাক্ষাণি| একা নাভিরেকং হৃদযম্| দ্বে স্তনমূলে| দ্বাবপস্তম্ভৌ| দ্বাবপালাপী| দ্বৌ পার্শ্বসন্ধী| দ্বে বৃহত্যৌ| দ্বে নীলে| দ্বে মন্যে| অষ্টৌ মাতৃকাঃ| দ্বৌ ফণৌ| দ্বৌ অপাঙ্গৌ| একা স্থপনী| চত্বারি শৃঙ্গাটকানি ইতি|| ৫১||

Adhikarana snAvamarmaNi (52) · Śloka 52

ক্ষিপ্রকূর্চকূর্চশিরোবিটপকক্ষাধরাণি বস্ত্যংসবিধুরোত্ক্ষেপাঃ সপ্তবিংশতিঃ স্নাবমর্মাণি||৫২||

সপ্তবিংশতিঃ স্নাবমর্মাণি| তদ্যথা-করচরণেষু চত্বারি ক্ষিপ্রাণি| চত্বারঃ কূর্চা| চত্বারি কূর্চশিরাংসি| দ্বে বিটপে| দ্বৌ কক্ষ্যাধরৌ| চত্বার্য্যাণযঃ| একো বস্তিঃ| দ্বাবংসৌ| দ্বে বিধুরে| দ্বাবুত্ক্ষেপাবিতি|| ৫২||

Adhikarana asthimarmANi (53) · Śloka 53

কটীকতরুণনিতম্বাংসফলকশঙ্খাস্ত্বষ্টাবস্থিমর্মাণি||৫৩||

অষ্টাবস্থি মর্মাণি| তদ্যথা-দ্বে কটীকতরুণে| দ্বৌ নিতম্বৌ| দ্বাবংসফলকৌ| দ্বৌ শঙ্খাবিতি|| ৫৩||

Adhikarana sandhimarmANi (54) · Śloka 54

গুল্ফমণিবন্ধজানুকূর্পরকুকুন্দরকৃকাটিকাবর্তসীমন্তাধিপতযো বিংশতিঃ সন্ধিমর্মাণি||৫৪||

বিংশতিঃ সন্ধিমর্মাণি| তদ্যথা-দ্বৌ গুল্ফৌ| দ্বৌ মণিবন্ধৌ| দ্বে জানুনী| দ্বে কূর্পরে| দ্বৌ কুকুন্দরৌ| দ্বে কৃকাটিকে| দ্বৌ আবর্তৌ| পঞ্চ সীমন্তাঃ| এক অধিপতিঃ|| ৫৪||

Adhikarana punaH prakArantareNa marmANAM pa~jcavidhatvam (55) · Śloka 55

পুনশ্চ পঞ্চধা||৫৫||

তানি চ মাংসাদিভেদেন পঞ্চধোক্তানি| পুনরন্যেন প্রকারেণ সদ্যঃ প্রাণহরত্বাদিনা পঞ্চধোচ্যন্তে ১. কানিচিত্ সদ্যঃ প্রাণহরাণি| ২. কানিচিত্ কালান্তরপ্রাণহরাণি| ৩. অন্যানি বিশল্যঘ্নানি| ৪. অন্যানি বৈকল্যকরাণি| ৫. অন্যানি রুজাকরাণি| ইতি পঞ্চপ্রকারাঃ|| ৫৫||

Adhikarana sadyaH prANaharANi marmANi (56) · Śloka 56

গুদবস্তিনাভিহৃদযমাতৃকাশঙ্খশৃঙ্গাটকাধিপতয একোনবিংশতিঃ সদ্যঃ প্রাণহরাণ্যাগ্নেযত্বাত্| তেষাং সপ্তরাত্রাভ্যন্তরং কলঃ||৫৬||

তত্র সদ্যঃ প্রাণহরাণি গুদবস্তিনাভিহৃদযানি চত্বারি| অষ্টৌ মাতৃকাঃ| দ্বৌ শঙ্খৌ| চত্বারি শৃঙ্গাটকানি| একোঽধিপতিঃ| ইত্যেকোনবিংশতিঃ| আঘ্নেযত্বমাশু মরণহেতুঃ| সপ্তরাত্রাভ্যন্তরং প্রথমদিবসাদিতি|| ৫৬||

Adhikarana kAlAntaraprANaharANi marmANi (57) · Śloka 57

তলহৃদযক্ষিপ্রেন্দ্রবস্তিবক্ষোমর্মকটীকতরুণনিতম্বপার্শ্বসন্ধিবৃহতীসীমন্তাস্ত্রযস্ত্রিশত্কালান্তরপ্রাণহরাণি| সৌম্যাগ্নেযত্বাত্তেষাং পক্ষাভ্যন্তরং কালঃ| তেষ্বপি তু ক্ষিপ্রাণি কদাচিদাশু||৫৭||

ত্রযস্ত্রিংশন্মর্মাণি সৌম্যাগ্নেযত্বাত্ কালান্তরেণ বিলম্বিতং প্রাণহরাণি| পক্ষাভ্যন্তরে বা প্রহরাদিবশাদনিযমঃ| তদ্যথা-চত্বারি তলহৃদযানি| চত্বারি ক্ষিপ্রাণি| চত্বারঃইন্দ্রবস্তযঃ| অষ্টৌ বক্ষোমর্মাণি স্তনমূলস্তনরোহিতাপস্তম্ভাপালাপাখ্যানি| দ্বে কটীকতরুণে| দ্বৌ নিতম্বৌ| দ্বৌ পার্শ্বসন্ধী| দ্বে বৃহত্যৌ| পঞ্চ সীমন্তাঃ| ইতি ত্রযস্ত্রিংশত্| তেষ্বপি মধ্যে ক্ষিপ্রাণি সদ্যঃ প্রাণহরাণ্যপি ভবন্তি|| ৫৭||

Adhikarana vishalyaghnAni marmANi (58) · Śloka 58

উত্ক্ষেপৌ স্থপনী চ ত্রীণি বিশল্যঘ্নানি বাযব্যত্বাত্| শল্যমুখাবরুদ্ধো হি যাবদত্র বাযুস্থিষ্ঠতি তাবজ্জীবতি||৫৮||

ত্রীণি বিশল্যঘ্নানি| তানি বাযব্যানি শল্যং আকৃষ্টে বাযোর্ব্রণেন নির্গমনান্ন জীবত্যত এব বিশল্যং ঘ্নন্তি, ন তু সশল্যম্| তত্র দ্বাবুত্ক্ষেপাবেকাস্থপনীতি ত্রীণি|| ৫৮||

Adhikarana vaikalyakarANi marmANi (59) · Śloka 59

কূর্চজানুকূর্পরাণ্যুর্বীলোহিতাখ্যবিটপকক্ষাধরকুকুন্দরাংসফলকনীলামন্যাকৃকাটিকাবিধুরফণাপাঙ্গাবর্ত্তাশ্চতুশ্চত্বারিংশদ্বৈকল্যকরাণি সৌম্যত্বাত্| সোমো হি স্থৈর্যশৈত্যাভ্যাং প্রাণান্ ধারযতি| তান্যপি চ কদাচিদভিহতানি মারযন্তি||৫৯||

চতুশ্চত্বারিংশদ্বিকলত্বং কুর্বন্তি| সৌম্যত্বান্ন মারযন্তি| তত্র চত্বারি কূর্চানি| দ্বে জানুনী| দ্বৌ কূর্পরৌ| চতস্রঃ আণযঃ| চতস্র উর্ব্যঃ| চত্বারি লোহিতাক্ষাণি| দ্বৌ বিটপৌ| দ্বৌ কক্ষাধরৌ| দ্বৌ কুকুন্দরৌ| দ্বাবংসৌ| দ্বাবংসফলকৌ| দ্বে নীলে| দ্বে মন্যে| দ্বে কৃকাটিকে| দ্বে বিধুরে| দ্বৌ ফণৌ| দ্বাবপাঙ্গৌ| দ্বাবাবর্ত্তাবিতি| এতানি চতুশ্চত্বারিংশত্ কদাচিন্মারযন্ত্যপ্যতিঘাতাত্|| ৫৯||

Adhikarana rujAkarANi marmANi (60) · Śloka 60

কূর্চশিরোগুল্ফমণিবন্ধাস্ত্বষ্টৌ রুজাকরাণ্যগ্নিবাযুসোমগুণবাহুল্যাত্| অগ্নিবাযূ হি বিশেষেণ রুজাকরৌ| সোমস্তু প্রাণানবলম্বত ইত্যুক্তম্||৬০||

অষ্টৌ মর্মাণি রুজাকরাণি সোমাগ্নিবায্বাত্মকত্বাত্| চত্বারি কূর্চশিরাংসি দ্বৌ গুল্ফৌ দ্বৌ মণিবন্ধাবিত্যষ্টৌ|| ৬০||

Adhikarana anyamatena sadyaHprANaharAdimarmavivaraNam (61) · Śloka 61

অন্যে ত্বাহুঃ-মাংসাদীনাং পঞ্চানামপি বিবৃদ্ধানাং সমবাযাত্ সদ্যঃপ্রাণহরাণি| একৈকহীনানামল্পানাং চ ক্রমাদিতরাণি স্বভাবত এব চ||৬১||

অন্যে ত্বাচার্য্যা আগ্নেযত্বং হেতুং পরিত্যজ্য সদ্যঃপ্রাণহরত্বে পূর্বোক্তমাংসাদিপঞ্চকস্যানূনাধিকভাবেন বিবৃদ্ধস্য হেতুত্বং বদন্তি| যদা গুদাদীনামেকোনবিংশতের্মাংসাদীনাং সমানাধিকানাং সন্নিপাতস্তদা সদ্যঃ প্রাণহরত্বমিত্যর্থঃ| আদিশব্দেনাস্থিস্নাযুসিরাসন্ধীনাং গ্রহণম্| ইতরাণি কালান্তরপ্রাণহরাদীনি চত্বার্যেকৈকেন হীনানাং মাংসাদীনাং স্বল্পানাং চ সন্নিপাতাদ্ভবন্তীতি| তেন মাংসাদীনামন্যতমেনৈকেন হীনানাং কালান্তরপ্রাণহরাণি| দ্বিহীনানাং বিশল্যঘ্নানি| ত্রিহীনানাং বৈকল্যজননানি| একস্যৈব সদ্ভাবাদ্রুজাকরাণি| সুশ্রুতঃ পঠতি দ্বযোঃ সঙ্ঘাতাদীনি, তন্ন বুধ্যামহে|| ৬১||

Adhikarana aparamatam (62) · Śloka 62

অন্যে বদন্তি-প্রতিনিযতকর্মাণি চন্দ্রসূর্যাযস্কান্তোপলানামিবাম্বুবহ্নিকাললোহসংশ্লেষাস্তথা চ ছিন্নেষু বহুমর্মস্বপি পাণিপাদেষু স্বভাবত এব ন মৃত্যুঃ||৬২||

অন্যে ত্বাচার্য্যা ন সৌম্যাগ্নেযত্বাদিকং হেতুং বদন্তি| নাপি বিশিষ্টস্য মাংসাদেঃ সন্নিপাতম্| অপি তু স্বভাবমেব হেতুত্বেনোদ্দিশন্তি| তথা চন্দ্রকান্তাদীনামম্বুজন্মাদৌ তথা বহুমর্মাশ্রযে পাণিপাদে ছিন্নেঽপি মৃত্যুর্ন ভবতীত্যত্রাপি স্বভাব এব হেতুঃ||৬২||

Adhikarana aparamate~api hetupratipAdanam (63) · Śloka 63

অপরে পুনরত্রাপি হেতুমাহুঃ-পাণিপাদচ্ছেদে হি সিরাঃ সঙ্কোচমাযান্তি| ততোঽল্পাসৃক্প্রবৃত্তের্জীবিতম্| মর্মব্যধে ত্বতিরক্তস্রুতিতো বাযুবৈকৃতেন চ মরণম্| তস্মাত্ মর্মাভিহতস্য তদঙ্গমাশু সন্ধিদেশাচ্ছেদনীযম্| অতিহতানাং তু মর্মণাং যথাস্বং পূর্বং পূর্বং চ কর্ম ঈ ষদন্তে বা হতানামুত্তরোত্তরমেব||৬৩||

অপরে ইত্যাদি সুবোধম্| তস্মান্মর্মণ্যভিহতস্য তদঙ্গং তস্মিন্ মর্মাশ্রিতং তত্ সন্ধিদেশাচ্ছেদনীযম্| সন্ধৌ ছিন্নে সঙ্কুচিতাঃ সিরা রক্তং ন মুঞ্চন্ত্যো জীবিতং ন ত্যজেত্| তেষাং চ মর্মণাং সদ্যঃ প্রাণহরণাদিকং পঞ্চবিধং কর্মোক্তম্| তত্রাতিহতানাং মর্মণামাত্মীযং কর্ম পূর্বং-পূর্বং চ ভবতি| এতদুক্তং ভবতিগুদাদীনামভিহতানাং স্বকীযং সদ্যঃ প্রাণহরণমেব| তেষাং চ পূর্বাসম্ভবঃ| তলহৃদযাদীনামভিহতানাং স্বং কর্ম কালান্তরপ্রাণহরত্বম্| কদাচিত্তু পূর্বমপি সদ্যঃ প্রাণহরত্বং ভবতি| উত্ক্ষেপাদীনাং স্বং কর্ম বিশল্যঘ্নত্বম্| ন তু পূর্বং সম্ভবতি| অথবা কালান্তরপ্রাণহরণমপি| কূর্চাদীনামভিহতানাং স্বং কর্ম বৈকল্যকরণম্| কদাচিত্তু পূর্বমপি ভবতি কালান্তরপ্রাণহরত্বম্| বিশল্যহননং পূর্বমপি ন সম্ভবত্যসম্ভবাত্| কূর্চশিরঃপ্রভৃতীনাং চাভিহতানাং স্বং কর্ম রুজাকরণম্| কদাচিত্তু পূর্বমপি ভবতি| বৈকল্যকরণমিত্যুক্তমভিহতানাং যথাস্বং পূর্বং-পূর্বং চ কর্ম| যদা তু তানি মর্মাণি ঈষত্কোণে স্তোকেনাভিঘাতেনাভিহতানি ভবন্ত্যন্তে বা পর্য্যন্তে বাভিহতানি ভবন্তি তদা তেষামুত্তরমেব| তেন সদ্যঃ প্রাণহরাণামীষদন্তে বাভিহতানামুত্তরং কর্ম কালান্তরপ্রাণহরণম্| কালান্তরপ্রাণহরাণামীষদন্তে বাঽভিহতানামনন্তরমুত্তরং কর্ম বৈকল্যকরণম্| বিশল্যঘ্নত্বং ন সম্ভবত্যনন্তরমপি| বিশল্যঘ্নানামন্তে বেষদ্বাভিহতানামুত্তরং বৈকল্যকরণং কর্ম ভবতি| বৈকল্যকরাণামীষদন্তে চাভিহতানামুত্তরং কর্ম রুজাকরণমিত্যুক্তং যথোত্তরমেবেতি|| ৬৩||

Adhikarana marmaNAM mAnabhedena punaH pa~jcavidhatvam (64) · Śloka 64

পুনশ্চ পঞ্চধা ভিদ্যন্তে||৬৪||

তান্যেব মর্মাণ্যেবং মানভেদেন পঞ্চবিধানি|| ৬৪||

Adhikarana svA~ggulamAnAni marmANi (65) · Śloka 65

তদ্যথা-উর্ব্যঃ কূর্চশিরাংসিবিটপে কক্ষাধরে চ দ্বাদশ স্বাঙ্গুলোন্মিতানি||৬৫||

উর্ব্যাদীনি দ্বাদশ মর্মবতঃ স্বাঙ্গুলমানানি| চত্বারি চত্বারি দ্বে দ্বে ইতি দ্বাদশ|| ৬৫||

Adhikarana dvya~ggulamAnAni marmANi (66) · Śloka 66

গুল্ফৌ মণিবন্ধৌ স্তনমূলে চ ষট্ দ্ব্যঙ্গুলানি||৬৬||

গুল্ফাদীনি ষড্ দ্ব্যঙ্গুলানি| দ্বে দ্বে দ্বে ইতি ষট্|| ৬৬||

Adhikarana trya~ggulAnAni marmANi (67) · Śloka 67

জানুনী কূর্পরে চ চত্বারি ত্র্যঙ্গুলানি||৬৭||

জানদ্বযং কূর্পরদ্বযং চেতি চত্বারি ত্র্যঙ্গুলানি|| ৬৭||

Adhikarana pANitalasammitAni marmANi (68) · Śloka 68

কূর্চা গুদো বস্তির্নাভির্হৃদযং নীলে মন্যে মাতৃকাঃ সীমন্তাঃ শৃঙ্গাটকানি চৈকোনত্রিংশত্ পাণিতলসম্মিতানি||৬৮||

কূর্চাদীন্যেকোনত্রিংশত্ স্বহস্তলপ্রমাণানি|| ৬৮||

Adhikarana ardhA~ggulamAnAni marmANi (69) · Śloka 69

শেষাণি ষট্ পঞ্চাশদঙ্গুলদলপ্রমাণানি||৬৯||

শেষাণি ষট্ পঞ্চাশদঙ্গুলদলপ্রমাণানি| অঙ্গুলদলমর্ধাঙ্গুলম্| তথা চ ধন্বন্তরিঃ পঠতি'শেষাণি চাঙ্গুলমিতার্ধসমানি দেহে' ইতি|| ৬৯||

Adhikarana matAntareNa marmamAnAni (70) · Śloka 70

অন্যে পুনরাহুঃ-ব্রীহিপ্রমাণানি ক্ষিপ্রাণি| কলাযপ্রমাণাঃ স্তনরোহিতোত্ক্ষেপাঃ তথাঽন্যে তিল- প্রমাণান্যপি মর্মাণীচ্ছন্তি||৭০||

কেচিন্মতেন তিলপ্রমাণানি মর্মাণীতি কথনম্| স্বধীগম্যং শেষম্|| ৭০||

Adhikarana AyurmarmANi rakShati (71) · Śloka 71

ভবন্তি চাত্র- মর্মব্যাপ্তেঽপি দেহেঽস্মিন্নাযুর্মর্মাণি রক্ষতি| আযুষ্যাণ্যেব সেবেত সদা তস্মাদ্বিচক্ষণঃ||৭১||

ভবন্তি চাত্রেতি শ্লোকা উচ্যন্তে| অস্মিন্ দেহে মর্মভিঃ স্পর্শমাত্রপ্রাণহরৈর্ব্যাপ্তেঽপি তানি মর্মাণ্যভিঘাতাদিভ্য আযূ রক্ষত্যক্ষীণাযুষাং হি মর্মোপতাপো নোত্পদ্যতে| তস্মাদ্ধেতোরাযুষ্যাণ্যেব বস্তুনি সেবেত বিচক্ষণঃ| তদেব বিদ্ধমর্মাবাধেভ্যো রক্ষতি||৭১||

Adhikarana marmANi yatnataH pAlanIyAni (72) · Śloka 72

মর্মাভিঘাতঃ স্বল্পোঽপি প্রাযশো বাধতেতরাম্| রোগা মর্মাশ্রযাস্তদ্বত্ প্রকান্তা যত্নতোঽপি চ||৭২||

যথা মর্মণ্যভিঘাতঃ স্বল্যোঽপি বাধতেতরামতিশযেন বাধতে| তথা যে মর্মাশ্রিতা রোগাস্তে প্রযত্নেন প্রক্রান্তাশ্চিকিত্সিতুমারব্ধাস্তদ্বত্ স্বল্পা অপি বাধন্তেতরামিত্যর্থঃ| তস্মাদ্যত্নেন পালযেদিতি তাত্পর্য্যার্থঃ|| ৭২||

Adhikarana marmopaghAtAnmumUrShorlakShaNAni (73) · Śloka 73

বিক্ষিপ্যতে ভৃশং সীদন্ শূন্যো ভ্রমতি বেপতে| ঊর্ধ্বং শ্বসিতি কৃচ্ছ্রেণ স্রস্তগাত্রো মুহুর্মুহুঃ| হৃদযং দহ্যতে চাস্য নৈকস্থানেঽবতিষ্ঠতে| মর্মোপঘাতান্মরণমেতৈর্লিঙ্গৈঃ সমশ্নুতে||৭৩||

মর্মণি ভগ্নস্য মুমূর্ষোর্মরণলক্ষণানি বিক্ষিপ্যতে ভৃশং সীদন্নিত্যাদিনোচ্যন্তে| মরণমশ্নুতে প্রাপ্নোতীতি সম্বন্ধঃ|| ৭৩||

Adhikarana raktAtisrutireva maraNahetuH (74) · Śloka 74

অমর্মবিদ্ধোঽপি নরশ্ছেদভেদাদিপীডিতঃ| অতিনিস্সৃতরক্তশ্চ সদ্যস্ত্যজতি জীবিতম্| অতোঽন্যথা জীবতি তু বিদ্ধঃ শরশতৈরপি||৭৪||

ন কেবলং তু মর্মবিদ্ধ এব জীবিতং ত্যজতি যাবদমর্মবিদ্ধোঽপি রক্তস্যাতিস্রুতেঃ সদ্য এব জীবিতং জহাতি| অতোঽন্যথা যথোক্তবৈপরীত্যে মর্মব্যধে রত্কাস্রুতৌ চ শরশতৈরপি বিদ্ধো জীবতি|| ৭৪||

Adhikarana marmaviddhaM pratyAkhyAya cikitset (75-7) · Śloka 7

পুণ্যবান্নিযতাযুশ্চ ন কথঞ্চিন্ন জীবতি| তস্মাদাচরমোচ্ছ্বাসাচ্চিকিত্সেদেব যত্নতঃ| তদ্বন্ধুমিত্রানুমতঃ প্রত্যাখ্যাযাতুরং ভিষক্||৭৫|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং শারীরস্থানে মর্মবিভাগোনাম সপ্তমোঽধ্যাযঃ||৭||

তথা যশ্চ পুণ্যবান্ সুকর্মা যশ্চ নিযতাযুঃ স ন কশ্চিন্ন জীবতি| সর্বথা জীবতীত্যর্থঃ| নিযতাযুর্যস্য বলবতা দৈবেন কর্মণা চ আযুর্নিযতকালং কৃতম্| তস্মাদ্যথা ক্ষীণাযুর্জীবত্যতো মর্মবিদ্ধমাতুরং প্রত্যাখ্যায আচরমোচ্ছ্বাসাচ্চিকিত্সেত্| তস্যাতুরস্য বন্ধ্বাদীনামনুমতঃ সন্| এতাবতা সিদ্ধ্যভাবেঽপ্যযশো ন লভত ইতি|| ৭৫|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং শারীরস্থানে সপ্তমোঽধ্যাযঃ