Adhikarana atha dinacaryAnAma tRutIyo~adhyAyaH pratij~jA (1) · Śloka 1
অথাতো দিনচর্যানামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो दिनचर्यानामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
অস্মিংন্ত্রে আযুষঃ পালনং প্রকৃতং তচ্চ দ্বিবিধং স্বস্থবৃত্তমাতুরবৃত্তঞ্চ| মঙ্গল্যত্বাত্ স্বল্পবক্তব্যত্বাত্ আতুরোপযোগিত্বাচ্চ স্বস্থবৃত্তমেবাদাবুচ্যতে- অথাতো দিনচর্যামিত্যাদি| প্রতিদিনং কর্ত্তব্যা চর্যা দিনচর্যা|| ১||
Adhikarana brAhme muhUrta utthAnam (2) · Śloka 2
ব্রাহ্মে মুহূর্ত উত্তিষ্ঠেজ্জীর্ণাজীর্ণং নিরূপযন্| রক্ষার্থমাযুষঃ স্বস্থঃ....................||২||
ब्राह्मे मुहूर्त उत्तिष्ठेज्जीर्णाजीर्णं निरूपयन्| रक्षार्थमायुषः स्वस्थः....................||२||
🔊 Audio coming soon
কিং তদিত্যাহ- ব্রাহ্ম ইতি| স্বস্থো নীরোগঃ| আযুষো যথোপচিতস্য রক্ষার্থম্| ব্রাহ্মে মুহূর্তে উত্তিষ্ঠেত্| মুহূর্তো নাডিকাদ্বযম্| ব্রহ্মণোঽযং ব্রাহ্মঃ| ব্রহ্ম জ্ঞানন্তদর্থমধ্যযনাদ্যপি ব্রহ্ম তস্য যোগ্যো মুহূর্তো ব্রাহ্মঃ ব্রহ্মযোগ্যশ্চ কালো যোগশাস্ত্রেষু নিশাযাঃ পশ্চিমো যামো নিশ্চিতঃ| তেন নিশাক্ষযে নিদ্রানাশপ্রযুক্তত্বাদুত্থানস্যাপ্রাপ্তসন্ধ্যাসংসর্গো মুহূর্তোঽভিপ্রেতঃ| সন্ধ্যাযাং স্বপ্নপ্রতিষেধাত্| যদ্যপি চ জ্যোতিশ্শাস্ত্রেষু সূর্যোদযাত্প্রভৃতি ষড্বিংশো মুহূর্ত্তো নাডিকাষ্টকব্যবহিতদ্বিতীযসূর্যোদযো ব্রাহ্ম ইত্যুচ্যতে তথাপি নাসাবিহাভিপ্রেতঃ| অন্নস্য জরণকালে জাগরণপ্রসঙ্গাত্| তস্মাত্ সন্ধ্যাযাঃ পূর্বো মুহূর্ত্তো ব্রহ্মোপাসনযোগ্যত্বাত্ ব্রাহ্মঃ| অভ্যাসাদ্যপেক্ষং তত্পূর্বোঽপি বা| তস্মিন্ শয্যাত উত্তিষ্ঠেত্| কেচিত্তু জ্যোতিঃ শাস্ত্রবিদঃ বিরিঞ্চপ্রভবং মুহূর্ত্তং নিশান্তভবমাহুঃ| কিং কুর্বন্নুত্তিষ্ঠেত্ জীর্ণাজীর্ণং নিরূপযন্ হ্যস্তনমাহারং মযা ভুক্তং জীর্ণং ন বেতি বিকল্পযন্| এতাবতা হি কদাচিত্ স্বপ্যাদজীর্ণীতি নোত্তিষ্ঠেত্| অথবা ষড্বিংশ এব ব্রাহ্মো মুহূর্ত্তঃ অত্র গৃহ্যতে| জীর্ণাজীর্ণং নিরূপযন্নিত্যেতচ্চ দোষপরিহারায ভবিষ্যতি|| ২||
Adhikarana shaucavidhiH (3) · Śloka 3
...................জাতবেগঃ সমুত্সৃজেত্| উদঙ্মুখো মূত্রশকৃদ্দক্ষিণাভিমুখো নিশি| বাচং নিযম্য প্রযতঃ সংবীতাঙ্গোঽবগুণ্ঠিতঃ| প্রবর্তযেত্প্রচলিতং ন তু যত্নাদুদীরযেত্| নামেধ্যমার্গমৃদ্ভস্মগোস্থানাকীর্ণগোমযে| পুরান্তিকাগ্নিবল্মীকরম্যোত্কৃষ্টচিতিদ্রুমে| ন নারীপূজ্যগোঽর্কেন্দুবায্বন্নাগ্নিজলং প্রতি| ন চাতিরস্কৃত্য মহীং ভযাশক্ত্যোস্তু কামতঃ| ন বেগিতোঽন্যকার্যঃ স্যান্নাজিত্বা সাধ্যমামযম্| নিঃশল্যাদুষ্টমৃত্পিণ্ডীপরিমৃষ্টমলাযনঃ| অভ্যুদ্ধৃতাভিঃ শুচিভিরদ্ভির্মৃদ্ভিশ্চ যোজযেত্| লেপগন্ধাপহং শৌচমনুত্পতিতবিন্দুভিঃ||৩||
...................जातवेगः समुत्सृजेत्| उदङ्मुखो मूत्रशकृद्दक्षिणाभिमुखो निशि| वाचं नियम्य प्रयतः संवीताङ्गोऽवगुण्ठितः| प्रवर्तयेत्प्रचलितं न तु यत्नादुदीरयेत्| नामेध्यमार्गमृद्भस्मगोस्थानाकीर्णगोमये| पुरान्तिकाग्निवल्मीकरम्योत्कृष्टचितिद्रुमे| न नारीपूज्यगोऽर्केन्दुवाय्वन्नाग्निजलं प्रति| न चातिरस्कृत्य महीं भयाशक्त्योस्तु कामतः| न वेगितोऽन्यकार्यः स्यान्नाजित्वा साध्यमामयम्| निःशल्यादुष्टमृत्पिण्डीपरिमृष्टमलायनः| अभ्युद्धृताभिः शुचिभिरद्भिर्मृद्भिश्च योजयेत्| लेपगन्धापहं शौचमनुत्पतितबिन्दुभिः||३||
🔊 Audio coming soon
উত্থিতশ্চ কিং কুর্যাদিত্যাহ- জাতবেগ ইত্যাদি| মূত্রপুরীষমুদঙমুখ উত্তরাং দিশং প্রেক্ষমাণ উত্সৃজেত্ত্যজেত্| কিম্ভূতঃ? প্রাপ্তবেগঃ নোদীরিতবেগ ইতি| এতাবতা হি বাতাদিনাং কোপো ভবতি| নিশি রাত্রৌ দক্ষণদিগভিমুখঃ মূত্রশকৃদুত্সৃজেত্| কিং কৃত্বা মূত্রপুরীষমুত্সৃজেত্? বাচং নিযম্য কৃতমৌনঃ| প্রযতঃ অনন্যকার্যঃ| সংবীতাঙ্গঃ গৃহীতপরিধানঃ| অবগুণ্ঠিতঃ অনগ্নশিরাঃ| স্থানাত্ প্রচলিতং মূত্রশকৃত্স্তোকং স্তোকং প্রবর্তযেত্ প্রেরযেত্| ন ত্বতিযত্নেনাচলিতমেবোদীরযেত্| নামেধ্যে অত্যন্তাশুচৌ স্থানে| মার্গঃ রথ্যা| তত্রাপি নোত্সৃজেত্| ন মৃদি রাশীভূতাযামপি| ন ভস্মনি| ন গোস্থানে, ন আকীর্ণে জনসংসদি, ন গোমযস্যোপরি, ন পুরনিকটে, নাগ্নিনিকটে, ন বল্মীকোপরি| মৃদা পিপীলিকাদিকৃতং স্থাণ্বাকারং বল্মীকশব্দেনোচ্যতে| নাতিরমণীযে ভূমিভাগে, ন হললিখিতে, ন কৃতাধ্বরাগ্নিচযে, ন বৃক্ষস্যাধ উপরি বা| ন চ নার্যাভিমুখং, পূজ্যো গুর্বাদিঃ| গবাদযঃ প্রসিদ্ধাঃ| ন চ মহীং ভূমিমতিরস্কৃত্য তৃণাদিভিরনবচ্ছাদ্য| উত্সৃজেদিতি সর্বত্রানুবর্ততে| যদা তু স্বামিচোরাদিভযং, যদা বা শরীরাশক্ততা তদা কামতো যথেচ্ছম্| তথা বেগিতঃ প্রাপ্তমূত্রাদিবেগো নান্যকার্যো ভবেত্| অন্যকার্যপ্রতিষেধপ্রসঙ্গেন আহ- সাধ্যমপি রোগমজিত্বা নান্যকার্যো ভবেদিতি| উত্সৃষ্টবেগশ্চ শৌচং যোজযেত্কুর্যাত্| কিম্ভূতঃ কুর্যাদত আহ- নিঃশল্যযা কাষ্ঠাদিশল্যরহিতযা| অদুষ্টযা যোগ্যযা মৃত্পিণ্ডযা পরিমৃষ্টমলাযনঃ সম্মার্জিতগুদঃ| কেন শৌচং যোজযেদত আহ- অভ্যুদ্ধৃতাভিরদ্ভিঃ নদীতটাকাদিতঃ কলশপাণ্যাদিনা উদ্ধৃতাভিঃ| ন তু কটীমেব নদ্যামবগাহ্য শৌচযেত্| নাশুচিনা করেণ মৃত্সহিতাভিরদ্ভিঃ| কিম্ভূতং শৌচমিত্যাহ-লেপগন্ধাপহমিতি| লেপগন্ধাপহং মলাযনে লেপগন্ধৌ, লেপশ্চ গন্ধশ্চ যেন নশ্যতি| এতেন মৃদঃ অপাং শৌচস্য চ মানমুক্তং ভবতি| অনুত্পতিতবিন্দুভিরদ্ভিঃ যত উত্পতিতা বিন্দবোঽস্পৃশ্যাঃ|| ৩||
Adhikarana AcamanakAlAstadvidhiSca (4) · Śloka 4
স্পৃষ্ট্বা ধাতূন্ মলানশ্রুবসাকেশনখাংশ্চ্যুতান্| স্নাত্বা ভোক্তুমনা ভুক্ত্বা সুপ্ত্বা ক্ষুত্বা সুরার্চ্চনে| রথ্যামাক্রম্য চাঽচামেদুপবিষ্ট উদঙ্মুখঃ| প্রাঙ্মুখো বা বিবিক্তস্থো ন বহির্জানু নান্যদৃক্| অজল্পন্নুত্তরাসঙ্গী স্বচ্ছৈরঙ্গুষ্ঠমূলগৈঃ| নোদ্ধৃতৈর্নানতো নোর্ধ্বং নাগ্নিপক্বৈর্ন পূতিভিঃ| ন ফেনবুদ্বুদক্ষারৈর্নৈকহস্তার্পিতৈর্জলৈঃ| নার্দ্রৈকপাণির্ন্নামেধ্যহস্তপাদো ন শ্ব্দবত্||৪||
स्पृष्ट्वा धातून् मलानश्रुवसाकेशनखांश्च्युतान्| स्नात्वा भोक्तुमना भुक्त्वा सुप्त्वा क्षुत्वा सुरार्च्चने| रथ्यामाक्रम्य चाऽचामेदुपविष्ट उदङ्मुखः| प्राङ्मुखो वा विविक्तस्थो न बहिर्जानु नान्यदृक्| अजल्पन्नुत्तरासङ्गी स्वच्छैरङ्गुष्ठमूलगैः| नोद्धृतैर्नानतो नोर्ध्वं नाग्निपक्वैर्न पूतिभिः| न फेनबुद्बुदक्षारैर्नैकहस्तार्पितैर्जलैः| नार्द्रैकपाणिर्न्नामेध्यहस्तपादो न श्ब्दवत्||४||
🔊 Audio coming soon
অন্যচ্চেদং কুর্যাত্, আচামেত্ জলেনোপস্পৃশেত্| কিং কৃত্বাঽঽহ- ধাত্বাদিকান্ স্পৃষ্ট্বা| কিম্ভূতান্ শরীরাচ্চলিতান্| ধাতবঃ রক্তাদযঃ| মলাঃ মূত্রশকৃত্কর্ণমলাদযঃ| অশ্রু দৃশোর্জলম্| অপ্সদৃশো মেদসো ভাগো বসা| তথা চ `শুদ্ধমাংসস্য যঃ স্নেহঃ সা বসা পরিকীর্তিতা' ইতি চরকঃ| স্নাত্বা চ আচামেত্| ভোক্তুমনাঃ বুভুক্ষুঃ| ভুক্ত্বা চ, সুপ্ত্বা চ, ক্ষুত্ত্বা চ ক্ষবথুং কৃত্বা, সুরার্চনে দেবার্চনারম্ভে, রথ্যামাক্রম্য মার্গং পরিভ্রম্য, চকারাত্প্রকৃতং শৌচং কৃত্বা| কিম্ভূতঃ? পূর্বামুত্তরাং বা দিশমীক্ষমাণঃ উপবিষ্টঃ| ন বহির্জানু জানুভ্যাং বহিঃ পাণী অকৃত্বা| নান্যদৃক্ আচমনজলাদন্যত্র ন দৃষ্টিং কুর্বন্| অজল্পন্ কৃতমৌনঃ| উত্তরাসঙ্গী গৃহীতোপরিবসনঃ| কৈরাচমেত্? জলৈঃ| কিম্ভূতৈঃ? স্বচ্ছৈঃ নির্মলৈঃ, অঙ্গুষ্ঠমূলগৈঃ ব্রাহ্মতীর্থোপবেশিভিঃ| নোদ্ধৃতৈরাচামেত্| কিং তর্হি? অবিচ্ছিন্নধারযা দত্তৈঃ| নানতঃ ন নমিতাঙ্গঃ, নোর্ধ্বং উত্থিতো ন| নাগ্নিপক্বৈঃ, ন দুর্গন্ধিভিঃ, ন ফেনিলৈঃ, নবুদ্বুদ্ভিঃ, ন ক্ষারৈঃ বিরসৈঃ, নাপ্যেকহস্তদত্তৈঃ| আর্দ্রৈকপাণির্নাচামেত্| যাবদ্ দ্বাবপি পাণী ন প্রক্ষালিতৌ| নাশুচিহস্তপাদঃ| জলপানে শব্দং ন কুর্বন্|| ৪|
Adhikarana dantakAShThAni dantadhAvanavidhiSca (5) · Śloka 5
বটাসনার্কখদিরকরঞ্জকরবীরজম্| সর্জারিমেদাপামার্গমালতীককুভোদ্ভবম্| কষাযতিক্তকতুকং মূলমন্যদপীদৃশম্| বিজ্ঞাতবৄক্ষং ক্ষুণ্ণাগ্রমৃজ্বগ্রন্থি সুভূমিজম্| কনীন্যগ্রসমস্থৌল্যংং সুকূর্চ্চং দ্বাদশাঙ্গুলম্| প্রাতর্ভুক্ত্বা চ যতবাগ্ভক্ষযেদ্দন্তধাবনম্| ব্যাপ্য ত্রিবর্গত্রিতযক্ষৌদ্রাক্তেন চ ঘর্ষযেত্| শনৈস্তেন ততো দন্তান্ দন্তমাংসান্যবাধযন্||৫||
वटासनार्कखदिरकरञ्जकरवीरजम्| सर्जारिमेदापामार्गमालतीककुभोद्भवम्| कषायतिक्तकतुकं मूलमन्यदपीदृशम्| विज्ञातवॄक्षं क्षुण्णाग्रमृज्वग्रन्थि सुभूमिजम्| कनीन्यग्रसमस्थौल्यंं सुकूर्च्चं द्वादशाङ्गुलम्| प्रातर्भुक्त्वा च यतवाग्भक्षयेद्दन्तधावनम्| व्याप्य त्रिवर्गत्रितयक्षौद्राक्तेन च घर्षयेत्| शनैस्तेन ततो दन्तान् दन्तमांसान्यबाधयन्||५||
🔊 Audio coming soon
অন্যচ্চ কিং কুর্যাত্? কৃতশৌচো দন্তধাবনকাষ্ঠং ভক্ষযেত্| কিং তত্? বটাদিবৃক্ষাণামন্যতমস্য মূলং যত্ কষাযাদিরসসংযুক্তং ন ত্বন্যরসং বটাদিজং মূলং বটাদিমূলাদন্যদপীদৃশং কষাযাদিরসসংযুক্তং মূলং বা কাষ্ঠং বা সর্বং ভক্ষযেত্| বিজ্ঞাতবৃক্ষং বৃক্ষা হি মোহনাদিনানাশক্তযো দৃশ্যন্তে| ক্ষুণ্ণাগ্রমাপোথিতাগ্রম্, ঋজুস্পষ্টম্,তথা গ্রন্থিরহিতম্, সুভূমিজং শ্মশানাদ্যজাতম্, স্থূলতযা চ কনীনিকাপ্রান্তসমম্, কনীনিকা কনিষ্ঠাঙ্গুলিঃ, সুকূর্চ্চং অপরুষকূর্চ্চম্, পরিমাণেন দ্বাদশাঙ্গুলম্| দ্বৌ কালৌ দন্তমাংসং রক্ষন্ দন্তপবনং ভক্ষযেত্| দিনারম্ভে ভোজনান্তে চ| যতবাঙ্মৌনী| ততো দন্তপবনং মলাপনুত্যর্থং ভক্ষযিত্বা অনন্তরং শনৈঃ ব্যাপ্যাদিক্ষৌদ্রান্বিতপ্রান্তেন দন্তকাষ্ঠেন দন্তান্ ঘর্ষযেত্| ব্যাপ্যং কুষ্ঠম্| ত্রিবর্গত্রিতযং ত্রিকটু ত্রিফলা ত্রিজাতকং চ|| ৫||
Adhikarana jihvAnirleKanavidhistadguNAshca (6) · Śloka 6
লিখেদনুসুখং জিহ্বাং জিহ্বানির্লেখনেন চ| তথাস্যমলবৈরস্যগন্ধা জিহ্বাস্যদন্তজাঃ| রুচিবৈশদ্যলঘুতা ন ভবন্তি ভবন্তি চ||৬||
लिखेदनुसुखं जिह्वां जिह्वानिर्लेखनेन च| तथास्यमलवैरस्यगन्धा जिह्वास्यदन्तजाः| रुचिवैशद्यलघुता न भवन्ति भवन्ति च||६||
🔊 Audio coming soon
অনু পশ্চাত্ তেনৈব লেখনযোগ্যকৃতেন দন্তপবনেন জিহ্বাং সুখং লিখেত্, জিহ্বানির্লেখনেন লোহাদিকৃতেন বা জিহ্বাং সুখং লিখেত্| স্বল্পমপি মাংসমবাধমানস্তাং লিখেত্| এবং হি দন্তপবনজিহ্বানির্লেখনাভ্যামস্য পুংসো মলাদযো জিহ্বাদিজা ন ভবন্তি| যথাসঙ্খ্যং বিবিক্ষিতা রুচ্যাদযো লঘুতান্তাশ্চ ভবন্তি|| ৬||
Adhikarana dantakAShThavarjyAH (7) · Śloka 7
নাদ্যাদজীর্ণবমথুশ্বাসকাসজ্বরার্দিতী| তৃষ্ণাস্যপাকহৃন্নেত্রশিরঃকর্ণামযী চ তত্||৭||
नाद्यादजीर्णवमथुश्वासकासज्वरार्दिती| तृष्णास्यपाकहृन्नेत्रशिरःकर्णामयी च तत्||७||
🔊 Audio coming soon
তচ্চ দন্তপবনমজীর্ণাদিযুতঃ পুরুষো নাদ্যাত্| বমথুঃ ছর্দিঃ, শ্বাসাদযো বক্ষ্যমাণলক্ষণাঃ| আমযশব্দেন রোগপর্যাযেণ হৃদাদীনাং সম্বন্ধঃ|| ৭||
Adhikarana dantadhAvane niShiddhakAShThAni (8) · Śloka 8
নৈব শ্লেষ্মাতকারিষ্টবিভীতধবধন্বজান্| বিল্ববঞ্জুলনির্গুণ্ডীশিগ্রুতিল্বকতিন্দুকান্| কোবিদারশমীপীলুপিপ্পলেঙ্গুদগুল্গুলূন্| পারিভদ্রকমম্লীকামোচক্যৌ শাল্মলীং শণম্| স্বাদ্বম্ললবণং শুষ্কং সুষিরং পূতি পিচ্ছিলম্||৮||
नैव श्लेष्मातकारिष्टबिभीतधवधन्वजान्| बिल्ववञ्जुलनिर्गुण्डीशिग्रुतिल्वकतिन्दुकान्| कोविदारशमीपीलुपिप्पलेङ्गुदगुल्गुलून्| पारिभद्रकमम्लीकामोचक्यौ शाल्मलीं शणम्| स्वाद्वम्ललवणं शुष्कं सुषिरं पूति पिच्छिलम्||८||
🔊 Audio coming soon
শ্লেষ্মাতকাদিকং দন্তপবনমবশ্যমেব নাদ্যাত্| তথা প্রথমরসত্রযযুক্তং, দুর্গন্ধিপিচ্ছিলঞ্চ, শুষ্কং নীরসং, সুষিরমন্তঃ শূন্যম্| শ্লেষ্মাতকাদীনাং শণান্তানাং পর্যাযাণি নোচ্যন্তে, বিশিষ্টদেশপ্রসিদ্ধত্বাত্| যা চাত্রাকাঙ্ক্ষা সা নিঘণ্টুজ্ঞানাদেব নশ্যতি|| ৮||
Adhikarana palAshAsanAdiShu niShedhaH (9) · Śloka 9
পালাশমাসনং দন্তধাবনং পাদুকে ত্যজেত্||৯||
पालाशमासनं दन्तधावनं पादुके त्यजेत्||९||
🔊 Audio coming soon
দন্তধাবনপ্রসঙ্গেনাহ- পালাশবৃক্ষজাতম্ আসনং, দন্তধাবনং, পাদুকে চ ত্যজেত্|| ৯||
Adhikarana dantadhAvanakramaH (10) · Śloka 10
দন্তান্ পূর্বমধো ঘর্ষেত্...................||১০||
दन्तान् पूर्वमधो घर्षेत्...................||१०||
🔊 Audio coming soon
দন্তপবনে চাধো দন্তান্ পূর্বং ঘর্ষেত্|| ১০||
Adhikarana akShisi~jcanam (11) · Śloka 11
......................প্রাতঃ সিঞ্চেচ্চ লোচনে| তোযপূর্ণমুখো গ্রীষ্মশরদোঃ শীতবারিণা||১১||
......................प्रातः सिञ्चेच्च लोचने| तोयपूर्णमुखो ग्रीष्मशरदोः शीतवारिणा||११||
🔊 Audio coming soon
প্রতিদিনং প্রাতর্দিনারম্ভে অক্ষিণী সিঞ্চেত্তোযপূর্ণমুখঃ সন্| কেন সিঞ্চেত্? শীতবারিণা| কিং নিত্যমেব শীতবারিণা? গ্রীষ্মশরদোরেব| অন্যস্মিন্ ঋতৌ কোষ্ণবারিণা ইত্যর্থাল্লভ্যতে|
Adhikarana ma~ggalakRutyam (12) · Śloka 12
প্রণম্য দেবান্ বৃদ্ধাংশ্চ মঙ্গলাষ্টশতং শুভম্| শ্রৃণ্বন্ কাঞ্চনবিন্যস্তং সর্পিঃ পশ্যেদনন্তরম্||১২||
प्रणम्य देवान् वृद्धांश्च मङ्गलाष्टशतं शुभम्| श्रृण्वन् काञ्चनविन्यस्तं सर्पिः पश्येदनन्तरम्||१२||
🔊 Audio coming soon
ইদঞ্চানন্তরং কুর্যাত্ দেবান্ বৃদ্ধাংশ্চ প্রণম্য মঙ্গলাষ্টশতং শুভং শ্রৃণ্বন্ সৌবর্ণভাণ্ডস্থং ঘৃতমবাঙ্মুখঃ পশ্যেত্, মঙ্গলাষ্টশতং দূতাদিবিজ্ঞানীযে (শা০অ০-১২) বক্ষ্যতে|| ১২||
Adhikarana sauvIrA~jjanavidhistadguNAshca (13) · Śloka 13
সৌবীরমঞ্জনং নিত্যং হিতমক্ষ্ণোস্ততো ভজেত্| লোচনে তেন ভবতো মনোজ্ঞে সূক্ষ্মদর্শনে| ব্যক্তত্রিবর্ণে বিমলে সুস্নিগ্ধঘনপক্ষ্মণী||১৩||
सौवीरमञ्जनं नित्यं हितमक्ष्णोस्ततो भजेत्| लोचने तेन भवतो मनोज्ञे सूक्ष्मदर्शने| व्यक्तत्रिवर्णे विमले सुस्निग्धघनपक्ष्मणी||१३||
🔊 Audio coming soon
ততঃ সৌবীরমঞ্জনমক্ষিভ্যাং হিতং নিত্যং ভজেত্| তেন চাঞ্জনেন লোচনে নেত্রে, মনোজ্ঞে দর্শনীযে ভবতঃ| সূক্ষ্মঞ্চ রূপং পশ্যতঃ| ব্যক্তত্রিবর্ণত্বাচ্চ নির্মলে, রক্তশুক্লকৃষ্ণং বর্ণত্রযম্| সুস্নিগ্ধানি সুঘনানি চ পক্ষ্মাণি যযোস্তে তথাবিধে|| ১৩||
Adhikarana rasA~jjanavidhiH (14) · Śloka 14
চক্ষুস্তেজোমযং তস্য বিশেষাচ্ছ্লেষ্মতো ভযম্| যোজযেত্সপ্তরাত্রেঽস্মাত্ স্রাবণার্থং রসাঞ্জনম্||১৪||
चक्षुस्तेजोमयं तस्य विशेषाच्छ्लेष्मतो भयम्| योजयेत्सप्तरात्रेऽस्मात् स्रावणार्थं रसाञ्जनम्||१४||
🔊 Audio coming soon
তথা সপ্তরাত্রান্তরেণ চক্ষুষঃ শ্লেষ্মস্রাবণার্থং রসাঞ্জনং যোজযেত্| কুতঃ? যতশ্চক্ষুস্তেজোমযং, চক্ষুষস্তেজোমযব্যপদেশো ভূযসা| যতঃ পঞ্চভূতাত্মকমিন্দ্রিযং তস্য চ বাতাদিতো বিশেষাচ্ছ্লেষ্মণো বিপরীতত্বাদ্ভযমিতি|| ১৪||
Adhikarana nasyagaNDUShadhAraNAdiguNAH (15) · Śloka 15
অণুতৈলং ততো নস্যন্ততো গণ্ডূষধারণম্| ঘনোন্নতপ্রসন্নত্বক্ স্কন্ধগ্রীবাস্যবক্ষসঃ| সুস্নিগ্ধবদনাঃ স্নিগ্ধনিঃস্বনা বিমলেন্দ্রিযাঃ| নির্বলীপলিতব্যঙ্গা ভবেযুর্নস্যশীলিনঃ| ওষ্ঠস্ফুটনপারুষ্যমুখশোষদ্বিজামযাঃ| ন স্যুঃ স্বরোপঘাতাশ্চ স্নেহগণ্ডূষধারণাত্| খদিরক্ষীরিবৃক্ষারিমেদাম্বুকবলগ্রহঃ| অরোচকাস্যবৈরস্যমলপূতিপ্রসেকজিত্| সুখোষ্ণোদকগণ্ডূষৈর্জাযতে বক্ত্রলাঘবম্||১৫||
अणुतैलं ततो नस्यन्ततो गण्डूषधारणम्| घनोन्नतप्रसन्नत्वक् स्कन्धग्रीवास्यवक्षसः| सुस्निग्धवदनाः स्निग्धनिःस्वना विमलेन्द्रियाः| निर्वलीपलितव्यङ्गा भवेयुर्नस्यशीलिनः| ओष्ठस्फुटनपारुष्यमुखशोषद्विजामयाः| न स्युः स्वरोपघाताश्च स्नेहगण्डूषधारणात्| खदिरक्षीरिवृक्षारिमेदाम्बुकवलग्रहः| अरोचकास्यवैरस्यमलपूतिप्रसेकजित्| सुखोष्णोदकगण्डूषैर्जायते वक्त्रलाघवम्||१५||
🔊 Audio coming soon
অনন্তরং বক্ষ্যমাণমণুতৈলং নস্যং যোজ্যম্| অনন্তরং গণ্ডূষধারণম্| নস্যশীলিন এব ভবন্তি ঘনোন্নতপ্রসন্নাঃ ত্বগাদযঃ যেষাং তে তথাবিধাঃ| ঘনত্বাদিভিস্ত্বগাদীনাং যথাসম্ভবং সম্বন্ধঃ| প্রসন্নত্বচঃ উন্নতস্কন্ধাঃ, ঘনগ্রীবাঃ, প্রসন্নমুখাঃ, ঘনবক্ষসঃ, সুগন্ধাস্যাঃ, মধুরস্বরাঃ, বলীপলিতব্যঙ্গরহিতাশ্চ| বল্যস্ত্বক্সঙ্কোচঃ, ব্যঙ্গানি মুখে শ্যাবানি মণ্ডলানি| স্নেহগণ্ডূষধারণাদোষ্ঠফুটনাদযো ন ভবন্তি| পারুষ্যমোষ্ঠযোরেব, তথা আস্যশোষঃ, দন্তরোগঃ, স্বরহানিশ্চ| তথা অরোচকাদিনাশকামেন খদিরাদ্যম্বুকবলগ্রহঃ কার্যঃ| তথা বক্ত্রলাঘবকামেন উষ্ণোদকগণ্ডূষঃ| কবলগণ্ডূষযোর্ভেদো গণ্ডূষাদিবিধৌ বক্ষ্যতে| প্রসেকঃ আস্যস্রাবঃ|| ১৫||
Adhikarana prAyogikadhUmapAnAdi (16) · Śloka 16
প্রাযোগিকং ততো ধূমং গন্ধমাল্যাদি চাচরেত্| ধূমাদস্যোর্ধ্বজত্রূত্থা ন স্যুর্বাতকফামযাঃ||১৬||
प्रायोगिकं ततो धूमं गन्धमाल्यादि चाचरेत्| धूमादस्योर्ध्वजत्रूत्था न स्युर्वातकफामयाः||१६||
🔊 Audio coming soon
অনন্তরং বক্ষ্যমাণলক্ষণং প্রাযোগিকং ধূমং গন্ধমাল্যাদি চাঽঽচরেত্| আদিশব্দেন বাসঃ প্রভৃতীনাং গ্রহণম্| ধূমপস্য কিং ভবতি? জত্রারক্ষকসন্ধ্যভিধানস্য, ঊর্ধ্বমুপরি শিরসি বাতকফজা রোগা ন ভবন্তি|| ১৬||
Adhikarana a~jjanAdikrame yuktiH (17) · Śloka 17
অঞ্জনোত্ক্লেশিতং নস্যৈঃ কবলৈর্নাবনেরিতম্| ধূমেন কবলোত্ক্লিষ্টং ক্রমাদ্বাতকফং জযেত্||১৭||
अञ्जनोत्क्लेशितं नस्यैः कवलैर्नावनेरितम्| धूमेन कवलोत्क्लिष्टं क्रमाद्वातकफं जयेत्||१७||
🔊 Audio coming soon
নন্বঞ্জনাদীনামেবম্ভূতঃ ক্রমঃ কিমর্থমাশ্রিত ইত্যাহ- অঞ্জনো-ত্ক্লেশিতমিত্যাদি|| ১৭||
Adhikarana gandhamAlyAdidhAraNaguNAH (18) · Śloka 18
গন্ধমাল্যাদিকং বৃষ্যমলক্ষ্মীঘ্নং প্রসাধনম্||১৮||
गन्धमाल्यादिकं वृष्यमलक्ष्मीघ्नं प्रसाधनम्||१८||
🔊 Audio coming soon
গন্ধমাল্যাদিকমুপযুজ্যমানং বৃষ্যমলক্ষ্মীঘ্নং কান্তিকরং চ ভবতি|| ১৮||
Adhikarana jIrNavastradhAraNAdiniShedhaH (19) · Śloka 19
বাসো ন ধারযেজ্জীর্ণং মলিনং রক্তমুল্বণম্| মাল্যং ন লম্বং ন বহির্ন রক্তং জলজাদৃতে| নৈব চান্যেন বিধৃতং বস্ত্রং পুষ্পমুপানহৌ||১৯||
वासो न धारयेज्जीर्णं मलिनं रक्तमुल्बणम्| माल्यं न लम्बं न बहिर्न रक्तं जलजादृते| नैव चान्येन विधृतं वस्त्रं पुष्पमुपानहौ||१९||
🔊 Audio coming soon
অন্যচ্চেদমিদং কুর্যাত্| জীর্ণং জীর্ণপ্রাযং বাসঃ পরিধানং ন ধারযেত্| মলিনং রক্তমুল্বণঞ্চ, উন্নদ্ধম্ (উল্বণম্) উদ্ভটং মাল্যং পুষ্পং, লম্বং স্রগ্দামাদি, ন ধারযেত্| ন বহিঃ রাজমার্গে দৃশ্যমানং বা| জলজং বর্জযিত্বা রক্তমন্যন্মাল্যং ন ধারযেত্| প্রসঙ্গেনাহ- অন্যেন বিধৃতং বস্ত্রং ন ধারযেত্ পুষ্পমুপানহৌ চর্মপাদুকে তথা|| ১৯||
Adhikarana tAmbUlasevanataddhAraNaguNAH (20) · Śloka 20
রুচিবৈশদ্যসৌগন্ধ্যমিচ্ছন্বক্ত্রেণ ধারযেত্| জাতীলবঙ্গকর্পূরকঙ্কোলকটুকৈঃ সহ| তাম্বূলীনাং কিসলযং হৃদ্যং পূগফলান্বিতম্| রক্তপিত্তক্ষতক্ষীণরূক্ষোত্কুপিতচক্ষুষাম্| বিষমূর্চ্ছামদার্ত্তানামপথ্যং শোষিণাং চ তত্| পথ্যং সুপ্তোত্থিতে ভুক্তে স্নাতে বান্তে চ মানবে| দ্বিপত্রমেকং পূগং চ সচূর্ণখদিরং চ তত্||২০||
रुचिवैशद्यसौगन्ध्यमिच्छन्वक्त्रेण धारयेत्| जातीलवङ्गकर्पूरकङ्कोलकटुकैः सह| ताम्बूलीनां किसलयं हृद्यं पूगफलान्वितम्| रक्तपित्तक्षतक्षीणरूक्षोत्कुपितचक्षुषाम्| विषमूर्च्छामदार्त्तानामपथ्यं शोषिणां च तत्| पथ्यं सुप्तोत्थिते भुक्ते स्नाते वान्ते च मानवे| द्विपत्रमेकं पूगं च सचूर्णखदिरं च तत्||२०||
🔊 Audio coming soon
রূচ্যাদিকমিচ্ছন্ বক্ত্রেণ জাত্যাদিভিঃ সহ পূগফলান্বিতং তাম্বূলীনাং নাগলতানাং কিসলযং পল্লবং ধারযেত্| রক্তপিত্তাদ্যুপহতস্য শোষিণশ্চ তত্সেবনমপথ্যম্| রূক্ষেণ হেতুনোত্কুপিতানি চক্ষূংষি যেষাং তে রূক্ষোত্কুপিতচক্ষুষঃ, তেষামথবা রূক্ষাণামুত্কুপিতচক্ষুষাঞ্চ সুবোধম্|| ২০||
Adhikarana dhanopArjanam (21) · Śloka 21
উত্তিষ্ঠেত ততোঽত্যর্থমর্থেষ্বর্থানুবন্ধিষু| নিন্দিতং দীর্ঘমপ্যাযুরসন্নিহিতসাধনম্| কৃষিং বণিজ্যাং গোরক্ষামুপাযৈর্গুণিনং নৃপম্| লোকদ্বযাবিরুদ্ধাঞ্চ ধনার্থী সংশ্রযেত্ক্রিযাম্||২১||
उत्तिष्ठेत ततोऽत्यर्थमर्थेष्वर्थानुबन्धिषु| निन्दितं दीर्घमप्यायुरसन्निहितसाधनम्| कृषिं वणिज्यां गोरक्षामुपायैर्गुणिनं नृपम्| लोकद्वयाविरुद्धाञ्च धनार्थी संश्रयेत्क्रियाम्||२१||
🔊 Audio coming soon
ততোঽনন্তরমর্থানুবন্ধিষু ধনহেতুষু কার্যেষ্বত্যর্থমুত্তিষ্ঠেত যত্নাচ্চেষ্টেত| যস্মাদ্দীর্ঘমপ্যাযুরসন্নিহিতসাধনং দারিদ্র্যযুক্তং নিন্দিতং গর্হিতম্| তথা ধনার্থী কৃষ্যাদিকমারভেত| অন্যাঞ্চ ক্রিযাং ধনলাভহেতুকীমুভযলোকাবিরুদ্ধাং সতীমাশ্রযেত্|| ২১||
Adhikarana niShkramaNavidhiH (22) · Śloka 22
মুক্তবেগশ্চ গমনস্বপ্নাহারসভাস্ত্রিযঃ| পাণিনালভ্য নিষ্ক্রামেদ্রত্নপূজ্যাজ্যমঙ্গলম্| সাতপত্রপদত্রাণো বিচরেদ্যুগমাত্রদৃক্| নিশি চাত্যযিকে কার্যে দণ্ডী মৌলী সহাযবান্| প্রাবৃত্য পর্যটেদ্রাত্রৌ ন প্রাবৃত্য শিরোঽহনি||২২||
मुक्तवेगश्च गमनस्वप्नाहारसभास्त्रियः| पाणिनालभ्य निष्क्रामेद्रत्नपूज्याज्यमङ्गलम्| सातपत्रपदत्राणो विचरेद्युगमात्रदृक्| निशि चात्ययिके कार्ये दण्डी मौली सहायवान्| प्रावृत्य पर्यटेद्रात्रौ न प्रावृत्य शिरोऽहनि||२२||
🔊 Audio coming soon
তথা মুক্তবেগ উত্সৃষ্টমূত্রপুরীষাদিবেগশ্চ অধ্বগমনাদিকম্| তথা রত্নাদিকমালভ্য সপূজং সংস্পৃশ্য, কার্যার্থং নিষ্ক্রামেত্| নির্গতশ্চ ছত্রপাদত্রাণসংযুক্তো যুগমাত্রদৃগ্বিচরেত্| যুগো হস্তদ্বযম্, অন্যে হস্তচতুষ্টযং যুগমাহুঃ, তন্মাত্রমগ্রতঃ পশ্যন্ কৃমিস্থাণ্বাদিভযাত্| নিশি রাত্রাবাত্যযিকে অতিপ্রযোজনবতি কার্যে, দণ্ডী মৌলী সহাযবাংশ্চ বিচরেত্| অর্থবলাদুক্তম্ অনাত্যযিকে কার্যে নৈব বিচরেন্নিশীতি| মৌলী বেষ্টিতশিরাঃ| তথা রাত্রৌ শিরঃ পিধায পর্যটেত্ পরিভ্রমেদিতি|| ২২||
Adhikarana caityAdisthAnAnatikramaH (23) · Śloka 23
চৈত্যপূজ্যধ্বজাশস্তচ্ছাযাভস্মতুষাশুচীন্| নাক্রামেচ্ছর্করালোষ্ঠবলিস্নানভুবো ন চ||২৩||
चैत्यपूज्यध्वजाशस्तच्छायाभस्मतुषाशुचीन्| नाक्रामेच्छर्करालोष्ठबलिस्नानभुवो न च||२३||
🔊 Audio coming soon
চৈত্যাদীনাং ছাযাং নাক্রামেত পাদাভ্যাং ন ল~ঘ্ঘযেত্| চৈত্যঃ প্রসিদ্ধঃ, পূজ্যো গুর্বাদিঃ, অশস্তমমঙ্গল্যং বস্তু, তথা ভস্মাদিকমপি| তথা শর্করাদিকমপি| শর্করা শিলাচূর্ণং বলির্ভূতোপহারঃ, স্নানভূঃ যত্র কশ্চিত্ স্নাতঃ|| ২৩||
Adhikarana madhyAhnAdau catuShpathAdi sevananiShedhaH (24) · Śloka 24
মধ্যাহ্নে সন্ধ্যযো রাত্রাবর্ধরাত্রে চতুষ্পথম্| ন সেবেত ন শর্বর্যাং বৃক্ষচৈত্যং ন চত্বরম্| সূনাটবীশূন্যগৃহশ্মশানানি দিবাঽপি ন||২৪||
मध्याह्ने सन्ध्ययो रात्रावर्धरात्रे चतुष्पथम्| न सेवेत न शर्वर्यां वृक्षचैत्यं न चत्वरम्| सूनाटवीशून्यगृहश्मशानानि दिवाऽपि न||२४||
🔊 Audio coming soon
তথা মধ্যাহ্নাদিষু কালেষু চতুষ্পথং ন সেবেত| তথা শর্বর্যাং সর্বস্যামপি রাত্রৌ, বৃক্ষাদিকং ন সেবেত| চত্বরং ত্রিপথমাহুঃ, গ্রামাদ্বহিরবতারাশ্রযমন্যে, গ্রামীণসমাজস্থানমিত্যন্যে, যস্তু লোকে চত্বর ইতি প্রসিদ্ধঃ| সূনাটব্যাদিকং দিবাঽপি ন সেবেত| সূনাটবী বধারণ্যম্|| ২৪||
Adhikarana shavahu~gkArAdInAM pratiShedhAdi (25) · Śloka 25
ন হুঙ্কুর্যাচ্ছবং পূজ্যং প্রশস্তান্মঙ্গলানি চ| নাপসব্যং পরিক্রামেন্নেতরাণ্যনুদক্ষিণম্| চতুষ্পথং নমস্কুর্যাত্প্রজ্ঞাতাংশ্চ বনস্পতীন্| ন ব্যালব্যাধিতাশস্তৈর্নাদান্তক্ষুত্পিপাসিতৈঃ| ন চ্ছিন্নপুচ্ছৈর্নৈকাক্ষৈর্গোপৃষ্ঠেন চ ন ব্রজেত্| নাতিপ্রগেঽতিসাযং বা ন নভোমধ্যগে রবৌ| নাসন্নিহিতপানীযো নাতিতূর্ণং ন সন্ততম্| ন শত্রুণা নাবিদিতৈর্নৈকো নাধার্মিকৈঃ সহ| দদ্যাদ্বর্ত্মার্তবৃদ্ধস্ত্রীভারিচক্রদ্বিজন্মনে| স্নানভোজনপানানি বাহেভ্যো নাচরেত্পুরঃ| নদীং তরেন্ন বাহুভ্যাং নাগ্নিস্কন্ধমভিব্রজেত্| নারোহেদ্বিষমং শৈলং নাবং সংশযিতাং তরুম্| নিপাতযেন্ন লোষ্টেন ন ফলেন ফলং দ্রুমাত্| ন বার্যমাণঃ প্রবিশেন্নাদ্বারেণ ন চাঽসনে| স্বযম্ তিষ্ঠেত্পরগৃহে যুক্তনিদ্রং ন বোধযেত্| নাঽচরেত্পাণিবাক্পাদদৃঙ্মেঢ্রোদরচাপলম্||২৫||
न हुङ्कुर्याच्छवं पूज्यं प्रशस्तान्मङ्गलानि च| नापसव्यं परिक्रामेन्नेतराण्यनुदक्षिणम्| चतुष्पथं नमस्कुर्यात्प्रज्ञातांश्च वनस्पतीन्| न व्यालव्याधिताशस्तैर्नादान्तक्षुत्पिपासितैः| न च्छिन्नपुच्छैर्नैकाक्षैर्गोपृष्ठेन च न व्रजेत्| नातिप्रगेऽतिसायं वा न नभोमध्यगे रवौ| नासन्निहितपानीयो नातितूर्णं न सन्ततम्| न शत्रुणा नाविदितैर्नैको नाधार्मिकैः सह| दद्याद्वर्त्मार्तवृद्धस्त्रीभारिचक्रद्विजन्मने| स्नानभोजनपानानि वाहेभ्यो नाचरेत्पुरः| नदीं तरेन्न बाहुभ्यां नाग्निस्कन्धमभिव्रजेत्| नारोहेद्विषमं शैलं नावं संशयितां तरुम्| निपातयेन्न लोष्टेन न फलेन फलं द्रुमात्| न वार्यमाणः प्रविशेन्नाद्वारेण न चाऽसने| स्वयम् तिष्ठेत्परगृहे युक्तनिद्रं न बोधयेत्| नाऽचरेत्पाणिवाक्पाददृङ्मेढ्रोदरचापलम्||२५||
🔊 Audio coming soon
শবং ন হুঙ্কুর্যাত্ মৃতশরীরং হুঙ্কারেণ ন তর্জযেত্| পূজ্যাদীনি চাপসব্যং বামং পরিত্যজ্য ন গচ্ছেত্| ইতরাণি তদ্বিপরীতানি দক্ষিণং ত্যক্ত্বা ন গচ্ছেত্| চতুষ্পথং প্রজ্ঞাতান্ প্রসিদ্ধাংশ্চ বনস্পতীন্ বৃক্ষান্ নমস্কুর্যাত্| ব্যালাদিভিশ্চ বাহৈর্ন ব্রজেত্| ব্যালঃ দুষ্টঃ, ক্ষুদ্রঃ, অতিপূর্বাহ্ণাদিকালে চ ন ব্রজেত্| অসন্নিহিতপানীযঃ অগৃহীতপানীযঃ, তূর্ণং বেগেন, ন সংততং বহুকালমপি তু বিশ্রম্যৈব গন্তব্যমিত্যভিপ্রাযঃ, শত্রুণা সহ ন ব্রজেত্, অবিদিতৈরবিজ্ঞাতস্বরূপৈঃ সহ ন ব্রজেত্, একাকী ন ব্রজেত্, অধার্মিকৈশ্চ সহ| তথা আর্তাদিভ্যো বর্ত্ম দদ্যাত্ মার্গং ত্যজেত্| ভারী ভারবাহকঃ, চক্রী গন্ত্র্যাদিঃ| বাহেভ্যঃ পুরা স্নানাদিকং নাঽঽচরেত্| পূর্বং স্ববাহানশ্বাদীন্ স্নাপযেত্ ভোজযেত্ পাযযেচ্চ পশ্চাত্স্বযম্ স্নাযাত্ ভুঞ্জীত চেত্যর্থঃ| বাহুভ্যাং চ নদীং ন তরেত্| অগ্নিস্কন্ধাভিমুখো ন গচ্ছেত্| অগ্নিস্কন্ধো মহানগ্নিরাশিঃ| বিষমমতিনিম্নোন্নতপ্রদেশং, শৈলং পর্বতং নাঽরোহেত্| সংশযিতামবিজ্ঞাতস্বরূপাং নাবং, বৃক্ষঞ্চ সর্বং নাঽঽরোহেত্| দ্রুমাদ্বৃক্ষাত্, লোষ্টেন, ফলেন বা ফলং ন পাতযেত্| পরগৃহে বার্যমাণঃ প্রতিষিধ্যমানপ্রবেশো ন প্রবিশেত্| অপ্রসিদ্ধেন মার্গেণ ন প্রবিশেত্| প্রবিষ্টশ্চ অদত্তে আসনে ন স্বযং তিষ্ঠেত্ নোপবিশেত্| যুক্তা অবিরুদ্ধা নিদ্রা যস্য তং ন বোধযেত্| পাণ্যাদিচাপলং চ নাঽঽচরেত্| হস্তচাপলং বাদ্যানুকরণাদি, পাদচাপলমপ্যেবংপ্রকারমেব, বাক্চাপলং যত্কিঞ্চনবাদিত্বং, দৃক্চাপলং পরযুবত্যাদিদর্শনং, মেঢ্রচাপলমপ্রাসঙ্গিকানুচিতযোষিদ্গমনাদি, উদরচাপলং ভোজনগৃঘ্নুতা|| ২৫||
Adhikarana keSAdivardhane niyamAH (26) · Śloka 26
ত্রিঃ পক্ষস্য কচশ্মশ্রুনখরোমাণি বর্ধযেত্| ন স্বহস্তেন দন্তৈর্বা স্নানং চানু সমাচরেত্||২৬||
त्रिः पक्षस्य कचश्मश्रुनखरोमाणि वर्धयेत्| न स्वहस्तेन दन्तैर्वा स्नानं चानु समाचरेत्||२६||
🔊 Audio coming soon
পক্ষস্য মধ্যে ত্রীন্ বারান্ কেশাদীন্ কর্তযেত্, স্বহস্তেন দন্তৈর্বা ন কর্তযেত্| কর্তযিত্বা চ স্নানমাচরেত্|| ২৬||
Adhikarana abhya~ggavidhiH (27) · Śloka 27
অথ জাতান্নপানেচ্ছো মারুতঘ্নৈঃ সুগন্ধিভিঃ| যথর্তুসংস্পর্শসুখৈস্তৈলৈরভ্যঙ্গমাচরেত্||২৭||
अथ जातान्नपानेच्छो मारुतघ्नैः सुगन्धिभिः| यथर्तुसंस्पर्शसुखैस्तैलैरभ्यङ्गमाचरेत्||२७||
🔊 Audio coming soon
অথানন্তরমনন্তরোক্তপ্রকারেণ কালমতিবাহ্য উত্পন্নান্নপানেচ্ছোঽভ্যঙ্গমাচরেত্| কেনেত্যাহ-তৈলৈঃ| কিম্ভূতৈঃ? বাতঘ্নৈঃ সুগন্ধিভিশ্চ ঋত্বনতিক্রমেণ সংস্পর্শসুখকরৈশ্চ উষ্ণকালে শীতৈঃ, শীতকালে চোষ্ণৈরিত্যর্থঃ|| ২৭||
Adhikarana abhya~ggaguNAH (28) · Śloka 28
অভ্যঙ্গো বাতহা পুষ্টিস্বপ্নদার্ঢ্যবৃহত্বকৃত্| দগ্ধভগ্নক্ষতরুজা ক্লমশ্রমজরাপহঃ| রথাক্ষচর্মঘটদ্ভবত্যভ্যঙ্গতো গুণাঃ| স্পর্শনেঽভ্যধিকো বাযুঃ স্পর্শনং চ ত্বগাশ্রযম্| ত্বচ্যশ্চ পরমভ্যঙ্গো যস্মাত্তং শীলযেদতঃ| শিরঃ শ্রবণপাদেষু তং বিশেষেণ শীলযেত্||২৮||
अभ्यङ्गो वातहा पुष्टिस्वप्नदार्ढ्यबृहत्वकृत्| दग्धभग्नक्षतरुजा क्लमश्रमजरापहः| रथाक्षचर्मघटद्भवत्यभ्यङ्गतो गुणाः| स्पर्शनेऽभ्यधिको वायुः स्पर्शनं च त्वगाश्रयम्| त्वच्यश्च परमभ्यङ्गो यस्मात्तं शीलयेदतः| शिरः श्रवणपादेषु तं विशेषेण शीलयेत्||२८||
🔊 Audio coming soon
অভ্যঙ্গগুণানাহ-অভ্যঙ্গেতি| দগ্ধাদিত্রযস্য ড়্রুজযা সম্বন্ধঃ| ক্ষতঃ শস্ত্রাদিনা| তথা রথাক্ষাদিবদভ্যঙ্গাদ্গুণা ভবন্তি, রথাক্ষং চক্রনাভিঃ, তস্য চর্মঘটযোশ্চ যথাঽভ্যঙ্গেন শ্লক্ষ্ণত্বং, যথা মার্দবং, যথা চ দার্ঢ্যং, তথা শরীরস্যাপি| যথা চ রথাক্ষস্য স্নেহস্পর্শনমাত্রেণ, চর্মনো মর্দনেন, ঘটস্য স্নেহসংস্কারেণেতি| যতশ্চ পরমত্যর্থং ত্বচ্যশ্চাভ্যঙ্গঃ, তস্মাদভ্যঙ্গমাচরেত্| কথমিত্যাহ-স্পর্শনমিতি| স্পর্শনং ত্বগাশ্রিতম্| স্পর্শনে চাবশ্যং বাযুনা ভবিতব্যম্| অতো বাতাঽঽবাধভযাদিত্যর্থঃ| শিরঃ প্রভ্রুতিষু তমভ্যঙ্গং বিশেষেণশীলযেত্|| ২৮||
Adhikarana mUrdhni tailakAraNaguNAH (29) · Śloka 29
স কেশ্যঃ শীলিতো মূর্ধ্নি কপালেন্দ্রিযতর্পণঃ||২৯||
स केश्यः शीलितो मूर्ध्नि कपालेन्द्रियतर्पणः||२९||
🔊 Audio coming soon
কিমর্থমিত্যাহ-সোঽভ্যঙ্গঃ মূর্ধ্নি শিরসি, শীলিতঃ কেশ্যো কেশেভ্যো হিতঃ, কপালস্যেন্দ্রিযাণাঞ্চ তর্পণঃ তৃপ্তিকরঃ|| ২৯||
Adhikarana karNapUraNaguNAH (30) · Śloka 30
হনুমন্যাশিরঃ কর্ণশূলঘ্নং কর্ণপূরণম্||৩০||
हनुमन्याशिरः कर्णशूलघ्नं कर्णपूरणम्||३०||
🔊 Audio coming soon
স্নেহেন কর্ণপূরণং হনুমন্যাদিশূলঘ্নম্|| ৩০||
Adhikarana pAdAbhya~gge guNAH (31) · Śloka 31
পাদাভ্যঙ্গস্তু তত্স্থৈর্যনিদ্রাদৃষ্টিপ্রসাদকৃত্| পাদসুপ্তিশ্রমস্তম্ভসঙ্কোচস্ফুটনপ্রণুত্||৩১||
पादाभ्यङ्गस्तु तत्स्थैर्यनिद्रादृष्टिप्रसादकृत्| पादसुप्तिश्रमस्तम्भसङ्कोचस्फुटनप्रणुत्||३१||
🔊 Audio coming soon
পাদাদিষু তমভ্যঙ্গং বিশেষেণ শীলযেত্| পাদাভ্যঙ্গস্তু তত্স্থৈর্যাদিকৃত্ পাদসুপ্ত্যাদিঘ্নশ্চ| সুপ্তিরিব সুপ্তিঃ অভিঘাতাদ্যচৈতন্যম্|| ৩১||
Adhikarana aBya~ggavarjyAH (32) · Śloka 32
বর্জ্যোঽভ্যঙ্গঃ কফগ্রস্তকৃতসংশুদ্ধ্যজীর্ণিভিঃ||৩২||
वर्ज्योऽभ्यङ्गः कफग्रस्तकृतसंशुद्ध्यजीर्णिभिः||३२||
🔊 Audio coming soon
সর্বোঽভ্যঙ্গঃ কফগ্রস্তাদিভির্বর্জ্যঃ ন সেব্যঃ| কফগ্রস্তঃ শ্লেষ্মরোগার্ত্তঃ| গ্রস্তগ্রহণমতিশযোপলক্ষণার্থম্| কৃতসংশুদ্ধিঃ বমনবিরেচনাদিভিরচিরকালনিঃসৃতদোষঃ|| ৩২||
Adhikarana vyAyAmaH (33) · Śloka 33
শরীরাযাসজননং কর্ম ব্যাযাম উচ্যতে||৩৩||
शरीरायासजननं कर्म व्यायाम उच्यते||३३||
🔊 Audio coming soon
অনন্তরং ব্যাযামং শীলযেত্| ক উচ্যতে ব্যাযামঃ? আহ- শরীরেতি| যেন কর্মণা ক্রিযমাণেন শরীরমাযস্যতে তদ্ব্যাযামশব্দেন বাচ্যম্| তেনৈতদুক্তং ভবতি- কস্যচিচ্চংক্রমণমেব ব্যাযামঃ, কস্যচিদন্যদধিকমিতি|| ৩৩||
Adhikarana vyAyAmaguNAH (34) · Śloka 34
লাঘবং কর্মসামর্থ্যং দীপ্তোঽগ্নির্মেদসঃ ক্ষযঃ| বিভক্তঘনগাত্রত্ত্বং ব্যাযামাদুপজাযতে||৩৪||
लाघवं कर्मसामर्थ्यं दीप्तोऽग्निर्मेदसः क्षयः| विभक्तघनगात्रत्त्वं व्यायामादुपजायते||३४||
🔊 Audio coming soon
তেন কৃতেন কিং ভবতীত্যাহ- লাঘবমিত্যাদি| লাঘবং দেহস্য লঘুত্বম্| অন্যত্ সুবোধম্|| ৩৪||
Adhikarana vyAyAmavarjyAH (35) · Śloka 35
বাতপিত্তামযী বালো বৃদ্ধোঽজীর্ণী চ তং ত্যজেত্||৩৫||
वातपित्तामयी बालो वृद्धोऽजीर्णी च तं त्यजेत्||३५||
🔊 Audio coming soon
বাতপিত্তরোগার্তো বালো বৃদ্ধশ্চ ব্যাযামং ত্যজেত্|| ৩৫||
Adhikarana vyAyAmavidhiH (36) · Śloka 36
অর্দ্ধশক্ত্যা নিষেব্যস্তু বলিভিঃ স্নিগ্ধভোজিভিঃ| শীতকালে বসন্তে চ মন্দমেব ততোঽন্যদা| তং কৃত্বাঽনুসুখং দেহং মর্দযেচ্চ সমন্ততঃ||৩৬||
अर्द्धशक्त्या निषेव्यस्तु बलिभिः स्निग्धभोजिभिः| शीतकाले वसन्ते च मन्दमेव ततोऽन्यदा| तं कृत्वाऽनुसुखं देहं मर्दयेच्च समन्ततः||३६||
🔊 Audio coming soon
স চ ব্যাযামো বলবদ্ভিঃ পুরুষৈঃ শীতকালে হেমন্তশিশিরযোঃ বসন্তে চ স্নিগ্ধান্নভোজিভিঃ সদ্ভিরর্দ্ধশক্ত্যা (সু০চি০২৪/৪৭) নিষেবণীযঃ যাবচ্ছক্যং ততোঽর্দ্ধমিতি| অন্যস্মিন্পুনঃ ঋতৌ স্বল্পমেব| তঞ্চ ব্যাযামং কৃত্বা যথাসুখং দেহং মর্দযেত্সর্বম্|| ৩৬||
Adhikarana ativyAyAmadoShAH (37) · Śloka 37
তৃষ্ণা ক্ষযঃ প্রতমকো রক্তপিত্তং শ্রমঃ ক্লমঃ| অতিব্যাযামতঃ কাসো জ্বরশ্চ্ছর্দিশ্চ জাযতে||৩৭||
तृष्णा क्षयः प्रतमको रक्तपित्तं श्रमः क्लमः| अतिव्यायामतः कासो ज्वरश्च्छर्दिश्च जायते||३७||
🔊 Audio coming soon
যথোক্তপ্রমাণাতিক্রমাদতিব্যাযামেন কাসাদিরোগোত্পত্তিঃ|
Adhikarana vyAyAmajAgarAdInAmatisevananiShedhaH (38) · Śloka 38
গজং সিংহ ইবাকর্ষন্ ভজন্নতি বিনশ্যতি||৩৮||
गजं सिंह इवाकर्षन् भजन्नति विनश्यति||३८||
🔊 Audio coming soon
প্রসঙ্গেনাহ- ব্যাযামাদীনাং সাহসমতিসেবাং ভজন্ পুরুষো বিনশ্যতি| যথা সিংহো বিক্রমবানতিস্বল্পবলঃ মহাবলং দন্তিনমাকর্ষযন্ স্বযমেব বিনশ্যতি|| ৩৮||
Adhikarana udvarttanaguNAH (39) · Śloka 39
উদ্বর্ত্তনং কফহরং মেদসঃ প্রবিলাযনম্| স্থিরীকরণমঙ্গানাং ত্বক্প্রসাদকরং পরম্||৩৯||
उद्वर्त्तनं कफहरं मेदसः प्रविलायनम्| स्थिरीकरणमङ्गानां त्वक्प्रसादकरं परम्||३९||
🔊 Audio coming soon
অনন্তরং কষাযদ্রব্যৈরুদ্বর্তনং কুর্যাত্| তদ্গুণানাহ- কফহরমিত্যাদি|| ৩৯||
Adhikarana shItajalasnAnaguNAH (40) · Śloka 40
দীপনং বৃষ্যমাযুষ্যং স্নানমূর্জাবলপ্রদম্| কণ্ডূমলশ্রমস্বেদতন্দ্রাতৃড্দাহপাপ্মজিত্||৪০||
दीपनं वृष्यमायुष्यं स्नानमूर्जाबलप्रदम्| कण्डूमलश्रमस्वेदतन्द्रातृड्दाहपाप्मजित्||४०||
🔊 Audio coming soon
তদনু স্নানমাচরেত্| তচ্চাগ্ন্যুদীরণত্বাদিযুক্তং কণ্ড্বাদিঘ্নঞ্চ|| ৪০||
Adhikarana uShNAmbupariShekaguNAH (41) · Śloka 41
উষ্ণাম্বুনাঽধঃকাযস্য পরিষেকো বলাবহঃ| তেনৈব তূত্তমাঙ্গস্য বলহৃত্কেশচক্ষুষাম্||৪১||
उष्णाम्बुनाऽधःकायस्य परिषेको बलावहः| तेनैव तूत्तमाङ्गस्य बलहृत्केशचक्षुषाम्||४१||
🔊 Audio coming soon
উষ্ণাম্বুনেত্যাদি সুবোধম্|| ৪১||
Adhikarana snAnaniyamAH (42) · Śloka 42
নাঽনাপ্লুত্য শিরঃ স্নাযান্ন জলেঽল্পে ন শীতলে| স্নানোদকাবতরণস্বপ্নান্নগ্নো ন চাচারেত্| পঞ্চ পিণ্ডাননুদ্ধৃত্য ন স্নাযাত্পরবারিণি| নাত্মানমীক্ষেত জলে ন তটস্থো জলাশযম্| ন প্রতিস্ফালযেদম্বু পাণিনা চরণেন বা| স্নাত্বা ন মৃজ্যাদ্গাত্রাণি ধুনুযান্ন শিরোরুহান্||৪২||
नाऽनाप्लुत्य शिरः स्नायान्न जलेऽल्पे न शीतले| स्नानोदकावतरणस्वप्नान्नग्नो न चाचारेत्| पञ्च पिण्डाननुद्धृत्य न स्नायात्परवारिणि| नात्मानमीक्षेत जले न तटस्थो जलाशयम्| न प्रतिस्फालयेदम्बु पाणिना चरणेन वा| स्नात्वा न मृज्याद्गात्राणि धुनुयान्न शिरोरुहान्||४२||
🔊 Audio coming soon
শিরস্যনাপ্লুতে অসিক্তে ন স্নাযাত্| জলে নদ্যাদিস্থে স্বল্পে শীতলে চ ন স্নাযাত্| নগ্নঃ অগৃহীতপরিধানঃ, স্নানমুদকাবতরণং চ নাঽঽচরেত্| তথা স্বপ্নং চ নগ্নো নাচরেত্| পরবারিণি অন্যকৃতে তটাকাদৌ পঞ্চ পিণ্ডাননুদ্ধৃত্য ন স্নাযাত্| পঞ্চভিঃ পিণ্ডৈরুদ্ধৃতৈরাত্মনৈব স্নানার্থং জলাশযঃ কৃতো ভবতি| দর্পণবদাত্মানং জলে নেক্ষেত| তটস্থঃ কূলস্থো, জলাশযং কূপাদিকং নেক্ষেত| পাণিনা পাদেন বা জলং ন প্রতিস্ফালযেন্নাভিহন্যাত্| স্নাত্বা চ পাণ্যাদিনাঽঙ্গানি ন পরিমার্জযেত্| কেশাংশ্চ স্নাত্বা ন ধুনুযাত্|| ৪২||
Adhikarana snAnAntaravastradhAraNaniyamAH (43) · Śloka 43
নিবসীতার্দ্র এবাঽশু সোষ্ণীষে ধৌতবাসসী| ন ত্বম্বরং পূর্বধৃতং ন চ তৈলবসে স্পৃশেত্||৪৩||
निवसीतार्द्र एवाऽशु सोष्णीषे धौतवाससी| न त्वम्बरं पूर्वधृतं न च तैलवसे स्पृशेत्||४३||
🔊 Audio coming soon
আর্দ্র এব ধৌতোষ্ণীষং ধৌতবাসসী চ নিবসীত পরিদধ্যাত্| উষ্ণীষঃ শিরঃ পট্টকম্| স্নাত্বা চ স্নানকালধৃতং বাসো ন স্পৃশেত্| তৈলং বসাং চ স্নাত্বা ন স্পৃশেত্|| ৪৩||
Adhikarana punarvastradhAraNaniyamAH (44) · Śloka 44
বাসোঽন্যদন্যচ্ছযনে নির্গমে দেবতার্চনে||৪৪||
वासोऽन्यदन्यच्छयने निर्गमे देवतार्चने||४४||
🔊 Audio coming soon
শযনাদ্যবসরে অন্যদন্যদ্বাসঃ পরিবর্তযেত্| নির্গমে দেবতার্চনে চান্যদন্যদ্বাসো নিবসীত|| ৪৪||
Adhikarana snAne varjyAH (45) · Śloka 45
স্নানমর্দিতনেত্রাস্যকর্ণরোগাতিসারিষু| আধ্মানপীনসাজীর্ণভুক্তবত্সু চ গর্হিতম্||৪৫||
स्नानमर्दितनेत्रास्यकर्णरोगातिसारिषु| आध्मानपीनसाजीर्णभुक्तवत्सु च गर्हितम्||४५||
🔊 Audio coming soon
অর্দিতাদ্যার্তানাং স্নানং গর্হিতং নিন্দ্যম্| আধ্মানং বাযুনা জঠরাপূরণং, পীনসো নাসাস্রাবঃ||৪৫||
Adhikarana bhojanavidhiH (46) · Śloka 46
অন্নপানবিধানেন ভুঞ্জীতান্নং বিনাঽত্যযাত্| অভিনন্দ্য প্রসন্নাত্মা হুত্বা দত্বা চ শক্তিতঃ| পাকং সজলমেকান্তে যথাসুখমিতি ব্রুবন্| প্রযচ্ছেত্সর্বমুদ্দিশ্য পাচযেন্নাঽন্নমাত্মনে||৪৬||
अन्नपानविधानेन भुञ्जीतान्नं विनाऽत्ययात्| अभिनन्द्य प्रसन्नात्मा हुत्वा दत्वा च शक्तितः| पाकं सजलमेकान्ते यथासुखमिति ब्रुवन्| प्रयच्छेत्सर्वमुद्दिश्य पाचयेन्नाऽन्नमात्मने||४६||
🔊 Audio coming soon
ততোঽনন্তরমন্নপানবিধানেনান্নং ভুঞ্জীত| অত্যযে তু যথেচ্ছমেব| প্রাপ্তমাহারমভিনন্দ্য প্রসন্নাত্মা প্রসন্নহৃদযঃ, হুত্বা চাগ্নিমুখে, শক্তিতশ্চ দত্বা কৃপণাদিভ্যো যথাশক্তি দত্ত্বা, সর্বং ভূতগ্রামমুদ্দিশ্য, একান্তে পাকং সর্বমাহার্যং সোদকং যথাসুখমিতি মন্ত্রপদমিব ব্রুবন্ দদ্যাত্| দানাদিব্যবচ্ছেদেনাত্মার্থমন্নং ন পাচযেত্|| ৪৬||
Adhikarana niShiddhAnnam (47) · Śloka 47
নাঽন্নমদ্যান্মুমূর্ষূণাং মৃতানাং দুঃখজীবিনাম্| স্ত্রীজিতক্লীবপতিতক্রূরদুষ্কৃতকারিণাম্| গণারিগণিকাসত্রধূর্তান্নাপণিকঞ্চ ন||৪৭||
नाऽन्नमद्यान्मुमूर्षूणां मृतानां दुःखजीविनाम्| स्त्रीजितक्लीबपतितक्रूरदुष्कृतकारिणाम्| गणारिगणिकासत्रधूर्तान्नापणिकञ्च न||४७||
🔊 Audio coming soon
মুমূর্ষুপ্রভৃতীনামন্নং নাদ্যাত্| গণান্নং বহ্বাযত্তমন্নং নাদ্যাত্| আপণিকো বণিক্|| ৪৭||
Adhikarana utsa~gge BakShaNaniShedhaH (48) · Śloka 48
নোত্সঙ্গে ভক্ষযেদ্ভক্ষ্যাঞ্জলং নাঞ্জলিনা পিবেত্| সর্বঞ্চ তিলসম্বদ্ধং নাঽদ্যাদস্তমিতে রবৌ| ন ভুক্তমাত্র আযস্যেন্ন নিষিদ্ধং ভজেত্সুখম্||৪৮||
नोत्सङ्गे भक्षयेद्भक्ष्याञ्जलं नाञ्जलिना पिबेत्| सर्वञ्च तिलसम्बद्धं नाऽद्यादस्तमिते रवौ| न भुक्तमात्र आयस्येन्न निषिद्धं भजेत्सुखम्||४८||
🔊 Audio coming soon
উত্সঙ্গে গৃহীত্বা ভক্ষ্যান্নং ন ভক্ষযেত্| অঞ্জলিনা পাণিসম্পুটেন জলং ন পিবেত্| রবৌ দিনকৃতি, অস্তমিতে তিলসম্বদ্ধং সর্বং ভক্ষ্যং নাদ্যাত্| ভোজনাদুত্থিতঃ শরীরাযাসং ন কুর্যাত্| স্মৃত্যাদিপ্রতিষিদ্ধং সুখং ন সেবেত|| ৪৮||
Adhikarana madhyAhnacaryA (49) · Śloka 49
ধর্মোত্তরাভিরর্থ্যাভিঃ কথাভিস্ত্রিগুণাত্মভিঃ| মধ্যং দিনস্য গমযেদিষ্টশিষ্টসহাযবান্||৪৯||
धर्मोत्तराभिरर्थ्याभिः कथाभिस्त्रिगुणात्मभिः| मध्यं दिनस्य गमयेदिष्टशिष्टसहायवान्||४९||
🔊 Audio coming soon
দিনস্য চ মধ্যমিষ্টৈঃ শিষ্টৈশ্চ সহাযৈর্যুতঃ কথাভির্গমযেত্| কিম্ভূতাভিঃ? ধর্মপ্রধানাভিঃ, মধ্যার্থাভিঃ, অর্থবলাত্ স্বল্পকাযাভিঃ| এবং ত্রিগুণাত্মভিঃ ত্রিগুণো ধর্মাদীনাং স্থানবৃদ্ধিক্ষযলক্ষণঃ|| ৪৯||
Adhikarana sadvRuttam (50) · Śloka 50
ন লোকভূপবিদ্বিষ্টৈর্ন সঙ্গচ্ছেত নাস্তিকৈঃ| কলিবৈররুচির্ন স্যাদ্ধীরঃ সম্পদ্বিপত্তিষু| শ্রুতাদন্যত্র সন্তুষ্টস্তত্রৈব চ কুতূহলী| ক্ষান্তিমান্দক্ষিণো দক্ষঃ সুসমীক্ষিতকার্যকৃত্| হ্রীমান্ধীমান্মহোত্সাহঃ সংবিভাগী প্রিযাতিথিঃ| অক্ষুদ্রবৃত্তির্গম্ভীরঃ সাধুরাশ্রিতবত্সলঃ| দাতা পিতৃভ্যঃ পিণ্ডস্য যষ্টা হোতা কৃপাত্মকঃ| অনুজ্ঞাতা সুবার্তানাং দীনানামনুকম্পকঃ| আশ্বাসকারী ভীতানাং ক্রুদ্ধানামনুনাযকঃ| পূর্বাভিভাষী সুমুখঃ সুশীলঃ পূজ্যপূজকঃ| বিত্তবন্ধুবযোবিদ্যাবৃত্তৈঃ পূজ্যা যথোত্তরম্| আত্মদ্রুহমমর্যাদং মূঢমুজ্ঝিতসত্পথম্| সুতরামনুকম্পেত নরকার্চিষ্মদিন্ধনম্| ধর্ম্যমর্থ্যং প্রিযং তথ্যং মিতং পথ্যং বদেদ্বচঃ| নাঽত্মানমবজানীযান্ন স্তূযান্ন চ পীডযেত্| ন হীনানবমন্যেত বৃত্তার্থাঙ্গবলশ্রুতৈঃ| নারুন্তুদঃ স্যান্ন ক্রূরো ন তীক্ষ্ণো নোপতাপবান্| হেতাবীর্ষ্যেন্ন তু ফলে পাপং পাপেঽপি নাচরেত্| পরস্য দণ্ডং নোদ্যচ্ছেত্ক্রুদ্ধো নৈনং নিপাতযেত্| অন্যত্র পুত্রাচ্ছিষ্যাদ্বা শাসনার্হাদ্ধিতাশযঃ| নৃত্যবাদিত্রগীতাদি নোল্বণামাচরেত্ক্রিযাম্| প্রসিদ্ধকেশবাগ্বেশশমসান্ত্বপরাযণঃ| ঊর্ধ্বে নাভেঃ শরীরস্য স্পৃশেন্নাঽধরবাসসা| ন কুর্যান্মিথুনীভূয শৌচং প্রতি বিলম্বনম্| নাঽসংবৃতমুখো হাস্যক্ষবোদ্গারবিজৃম্ভণম্| পাণিদ্বযেন যুগপত্কণ্ডূযেন্নাত্মনঃ শিরঃ| বহেন্ন ভারং শিরসা যুগপচ্চাগ্নিবারিণী| নাসিকাং ন বিকুষ্ণীযাদ্দশনান্ন বিঘট্টযেত্| কুর্যাদ্বিলেখনচ্ছেদভেদাস্ফোটনমর্দনম্| নাঽকার্যে ন চ কার্যেঽপি মুখাঙ্গনখবাদনম্| পাদং পাদেন নাক্রামেন্ন কণ্ডূযেন্ন শৌচযেত্| না কাংস্যভাজনে তৌ চ নোপবিষ্টঃ প্রসাধযেত্| অভীক্ষ্ণং নির্মলান্ দধ্যান্নখপাদমলাশযান্| নাঽসমিদ্ধমুপাসীত হুতাশং নৈব চাশুচিঃ| নাঽনুবাতং ন বিবৃতে ন ক্লান্তো নাঽন্যমানসঃ| ধমেন্নাস্যেন ন স্কন্দেন্নাঽধঃ কুর্যান্ন পাদতঃ| সততং ন নিরীক্ষেত চলসূক্ষ্মাপ্রিযাণি চ| নাপ্রশস্তং ন বিণ্মূত্রং ন দর্পণমমার্জিতম্| উদ্যন্তমস্তমাযান্তং তপন্তং প্রতিমাগতম্| উপরক্তং চ ভাস্বান্তং বাসসা বা তিরোহিতম্| নান্যদপ্যতিতেজস্বি ক্রুদ্ধস্য চ গুরোর্মুখম্| স্ত্রীং ন স্রবন্তীং নোদক্যাং ন নগ্নাং নান্যসঙ্গতাম্| ন পত্নীং ভোজনস্বপ্নক্ষুতজৃম্ভাদুরাসনে| শযীত নৈকশযনে ন চাশ্নীযাত্তযা সহ| তামনীর্ষ্যংশ্চ গোপাযেত্ স্বৈরিণীং নাধিবাসযেত্| নোচ্ছিষ্টস্তারকারাহুতুহিনাংশুদিবাকরান্| পশ্যেন্ন যাযান্ন পঠেন্ন স্বপ্যান্ন স্পৃশেচ্ছিরঃ| পাযযন্তীং চরন্তীং বা নান্যস্মৈ গাং নিবেদযেত্| অর্কেন্দুপরিবেষোল্কাশতক্রতুধনূংষি চ| নান্যদ্দেবার্চনে কর্ম কুর্যাদ্ধাবেন্ন বর্ষতি| তিথিং পক্ষস্য ন ব্রূযাত্ নক্ষত্রাণি ন নির্দিশেত্| নাত্মনো জন্মলগ্নর্ক্ষঘনসারং গৃহে মলম্| প্রকাশযেন্নাবমানং ন চ নিঃস্নেহতাং প্রভোঃ| পুরোবাতাতপরজস্তুষারপরুষানিলান্| অনৃজুঃ ক্ষবথূদ্গারকাসস্বপ্নান্নমৈথুনম্| সশব্দমলিনং হস্তভ্রূনেত্রোত্ক্ষেপবাদিতাম্| কূলচ্ছাযাং সুরাপানং ব্যালদংষ্ট্রিবিষাণিনঃ| হীনানার্যাতিনিপুণসেবাং বিগ্রহমুত্তমৈঃ| সন্ধ্যাস্বভ্যবহারস্ত্রীস্বপ্নাধ্যযনচিন্তনম্| আরোগ্যজীবিতৈশ্বর্যবিদ্যাসু স্থিরমানিতাম্| তোযাগ্নিপূজ্যমধ্যেন যানং ধূমং শবাশ্রযম্| মদ্যাতিসক্তিং বিশ্রম্ভস্বাতন্ত্র্যে স্ত্রীষু চ ত্যজেত্||৫০||
न लोकभूपविद्विष्टैर्न सङ्गच्छेत नास्तिकैः| कलिवैररुचिर्न स्याद्धीरः सम्पद्विपत्तिषु| श्रुतादन्यत्र सन्तुष्टस्तत्रैव च कुतूहली| क्षान्तिमान्दक्षिणो दक्षः सुसमीक्षितकार्यकृत्| ह्रीमान्धीमान्महोत्साहः संविभागी प्रियातिथिः| अक्षुद्रवृत्तिर्गम्भीरः साधुराश्रितवत्सलः| दाता पितृभ्यः पिण्डस्य यष्टा होता कृपात्मकः| अनुज्ञाता सुवार्तानां दीनानामनुकम्पकः| आश्वासकारी भीतानां क्रुद्धानामनुनायकः| पूर्वाभिभाषी सुमुखः सुशीलः पूज्यपूजकः| वित्तबन्धुवयोविद्यावृत्तैः पूज्या यथोत्तरम्| आत्मद्रुहममर्यादं मूढमुज्झितसत्पथम्| सुतरामनुकम्पेत नरकार्चिष्मदिन्धनम्| धर्म्यमर्थ्यं प्रियं तथ्यं मितं पथ्यं वदेद्वचः| नाऽत्मानमवजानीयान्न स्तूयान्न च पीडयेत्| न हीनानवमन्येत वृत्तार्थाङ्गबलश्रुतैः| नारुन्तुदः स्यान्न क्रूरो न तीक्ष्णो नोपतापवान्| हेतावीर्ष्येन्न तु फले पापं पापेऽपि नाचरेत्| परस्य दण्डं नोद्यच्छेत्क्रुद्धो नैनं निपातयेत्| अन्यत्र पुत्राच्छिष्याद्वा शासनार्हाद्धिताशयः| नृत्यवादित्रगीतादि नोल्बणामाचरेत्क्रियाम्| प्रसिद्धकेशवाग्वेशशमसान्त्वपरायणः| ऊर्ध्वे नाभेः शरीरस्य स्पृशेन्नाऽधरवाससा| न कुर्यान्मिथुनीभूय शौचं प्रति विलम्बनम्| नाऽसंवृतमुखो हास्यक्षवोद्गारविजृम्भणम्| पाणिद्वयेन युगपत्कण्डूयेन्नात्मनः शिरः| वहेन्न भारं शिरसा युगपच्चाग्निवारिणी| नासिकां न विकुष्णीयाद्दशनान्न विघट्टयेत्| कुर्याद्विलेखनच्छेदभेदास्फोटनमर्दनम्| नाऽकार्ये न च कार्येऽपि मुखाङ्गनखवादनम्| पादं पादेन नाक्रामेन्न कण्डूयेन्न शौचयेत्| ना कांस्यभाजने तौ च नोपविष्टः प्रसाधयेत्| अभीक्ष्णं निर्मलान् दध्यान्नखपादमलाशयान्| नाऽसमिद्धमुपासीत हुताशं नैव चाशुचिः| नाऽनुवातं न विवृते न क्लान्तो नाऽन्यमानसः| धमेन्नास्येन न स्कन्देन्नाऽधः कुर्यान्न पादतः| सततं न निरीक्षेत चलसूक्ष्माप्रियाणि च| नाप्रशस्तं न विण्मूत्रं न दर्पणममार्जितम्| उद्यन्तमस्तमायान्तं तपन्तं प्रतिमागतम्| उपरक्तं च भास्वान्तं वाससा वा तिरोहितम्| नान्यदप्यतितेजस्वि क्रुद्धस्य च गुरोर्मुखम्| स्त्रीं न स्रवन्तीं नोदक्यां न नग्नां नान्यसङ्गताम्| न पत्नीं भोजनस्वप्नक्षुतजृम्भादुरासने| शयीत नैकशयने न चाश्नीयात्तया सह| तामनीर्ष्यंश्च गोपायेत् स्वैरिणीं नाधिवासयेत्| नोच्छिष्टस्तारकाराहुतुहिनांशुदिवाकरान्| पश्येन्न यायान्न पठेन्न स्वप्यान्न स्पृशेच्छिरः| पाययन्तीं चरन्तीं वा नान्यस्मै गां निवेदयेत्| अर्केन्दुपरिवेषोल्काशतक्रतुधनूंषि च| नान्यद्देवार्चने कर्म कुर्याद्धावेन्न वर्षति| तिथिं पक्षस्य न ब्रूयात् नक्षत्राणि न निर्दिशेत्| नात्मनो जन्मलग्नर्क्षघनसारं गृहे मलम्| प्रकाशयेन्नावमानं न च निःस्नेहतां प्रभोः| पुरोवातातपरजस्तुषारपरुषानिलान्| अनृजुः क्षवथूद्गारकासस्वप्नान्नमैथुनम्| सशब्दमलिनं हस्तभ्रूनेत्रोत्क्षेपवादिताम्| कूलच्छायां सुरापानं व्यालदंष्ट्रिविषाणिनः| हीनानार्यातिनिपुणसेवां विग्रहमुत्तमैः| सन्ध्यास्वभ्यवहारस्त्रीस्वप्नाध्ययनचिन्तनम्| आरोग्यजीवितैश्वर्यविद्यासु स्थिरमानिताम्| तोयाग्निपूज्यमध्येन यानं धूमं शवाश्रयम्| मद्यातिसक्तिं विश्रम्भस्वातन्त्र्ये स्त्रीषु च त्यजेत्||५०||
🔊 Audio coming soon
লোকদ্বিষ্টৈঃ রাজদ্বিষ্টৈঃ সহ সঙ্গতিং ন কুর্যাত্, নাস্তিকৈশ্চ| অদৃষ্টং নাস্তীতি বোদ্ধারো নাস্তিকাঃ| কলহং বৈরং ন রোচযেত্| সম্পত্স্বাপত্সু চ ধৈর্যবলম্বেত্| শাস্ত্রশ্রবণাদন্যত্রাশনাদিকে সন্তুষ্টঃ শ্রুতে ত্বসন্তুষ্টঃ| উপনতাদধিকেনাঽঽকাংক্ষা অসন্তোষঃ| তত্রৈব চ শ্রুতে শেষবিষযে কুতূহলবান্| সর্বভূতেষু ক্ষান্তিমত্বাদিযুক্তো ভবেত্| দক্ষিণঃ পক্ষপাতী| অন্যত্সুবোধম্| পূজ্যাংশ্চ পূজযেত্| অত আহ- বিত্তেত্যাদি| (১) ধনবান্ পূজ্যঃ, (২) অতোঽধিকং বন্ধুঃ, (৩) অতোঽধিকমধিকবযাঃ, (৪) ততোঽধিকং বিদ্যাবান্, (৫) ততোঽধিকং শীলবান্ পূজ্য ইতি যথোত্তরার্থঃ| যো যস্মাদুত্তরঃ স তস্মাত্পূজ্য ইতি| আত্মদ্রোহাদিযুক্তমত্যন্তং কৃপযা সত্পথযোজনাদিনা, পরমনুকম্পেত| সর্বস্য চ ধর্ম্যাদিকং বাক্যং বদেত্| ধর্মাদনপেতং ধর্ম্যমর্থাদনপেতমর্থ্যং, প্রিযং শ্রোতুঃ, তথ্যং সত্যং, মিতং স্বল্পং, পথ্যং হিতানুবন্ধি| আত্মনঃ শরীরস্যাবজ্ঞাং ন কুর্যাত্| ন চাত্মানং স্তূযাত্| ন চ পীডযেত্| বৃত্তাদিহীনানামবমানো ন বিধেযঃ| অরুন্তুদো মর্মস্পৃক্| উপতাপঃ পরনির্বন্ধঃ| হেতৌ সেবাদিকে ঈর্ষ্যেত্| ঈর্ষ্যা নাম যত্ পরস্য ভূতং তত্কথং মম নেতি বুদ্ধিঃ| ন তু তত্ফলে অর্থাদিকে, ফলার্থিনা হি তত্কারণে প্রযতিতব্যমিত্যর্থঃ| পাপশীলেঽপ্যভদ্রং নাঽঽচরেত্| পরস্য চ দণ্ডং নোদ্যচ্ছেত্| ক্রুদ্ধশ্চ সন্ পরস্য এনং দণ্ডং ন পাতযেত্| পুত্রং শাসনার্হং শিষ্যং চ অন্যত্র বর্জযিত্বা| অশাসনার্হযোস্তযোরপি ন নিপাতযেত্| হিতাশযঃ তদ্ধিতকামঃ| নৃত্যাদিক্রিযামুল্বণামতিমাত্রং নাঽঽচরেত্| দেশকালাদপ্রসিদ্ধান্ কেশাদীন্ ন ধারযেত্| নাভেরুপরি শরীরমধঃ কাযবাসসা ন স্পৃশেত্| কৃতব্যবাযশ্চ শীঘ্রং শৌচমাচরেত্| অস্থগিতাস্যো হাস্যাদিকং নাঽচরেত্| হস্তদ্বযেন যুগপচ্ছিরো ন কণ্ডূযেত্| অন্যত্সুবোধম্| নিষ্প্রযোজনং বিলেখনাদিকং নাচরেত্| আস্যাদিবাদনং সর্বথৈব ন কুর্যাত্| পাদেন পাদং নাঽক্রামেত্| ন চ শৌচযেত্| তৌ পাদৌ কাংস্যমযে ভাজনে কৃত্বা ন শৌচযেত্| নখাদীন্ নির্মলান্ দধ্যাদ্ধারযেত্| মুখেন হুতাশনমগ্নিং ন ধমেত্ মুখবাতেন নোদীরযেদিত্যর্থঃ| ন স্কন্দেত্ ন বিকিরেত্ শযনাসনাদিষ্বধো ন কুর্যাত্| উদ্যদাদ্যবস্থাস্থিতং সূর্যং নেক্ষেত| উপরক্তোরাহুরাচ্ছাদিতঃ| অন্যদপ্যতিতেজোযুক্তং নেক্ষেত| গুরোঃ ক্রুদ্ধস্য মুখং নেক্ষেত| স্রবন্তীং মূত্রাযমাণাং স্ত্রিযং নেক্ষেত| উদক্যাং রজস্বলামপি নেক্ষেত| অন্যপুরুষমিথুনীভূতাঞ্চ নেক্ষেত| ভোজনাদিকাং ক্রিযাং কুর্বন্তীং দুরাসনে চোপবিষ্টাং স্বপত্নীং নেক্ষেত| ন চ স্বভার্যযা সহৈকশযনে শযীত| তযা সহ নাশ্নীযাত্| ঈর্ষ্যাং চাকুর্বন্ স্বগৃহিণীং রক্ষেত্| স্বৈরিণীং চ স্ত্রিযং স্বগৃহে নাধিবাসযেত্, ভর্তারং জীবন্তং পরিত্যজ্য স্বেচ্ছযা গৃহান্নির্গতা স্বৈরিণী| উচ্ছিষ্টঃ অপ্রযতঃ, তারকাদীন্ন পশ্যেত্| যানাদিকঞ্চ ন কুর্যাত্| পাযযন্তীং বত্সং, চরন্তীং ভক্ষযন্তীং সস্যাদি, গামন্যস্মৈ ন দর্শযেত্| অর্কেংদুপরিবেষাদিকং চান্যস্মৈ ন দর্শযেত্| পরিবেষো মণ্ডলম্, দেবার্চন প্রসংগে অন্যত্কর্ম ন কুর্বীত| বর্ষতি পততি পানীযে, ন ধাবেত্| পক্ষস্য তিথিং ন ব্রূযাত্, অদ্যামাবাস্যেতি ন কস্মৈচিত্কথযেদিত্যর্থঃ| পক্ষস্য মধ্যে সর্বাং তিথিং ন ব্রূযাদিতি কেচিত্, তে পক্ষশব্দস্য প্রযোজনং প্রষ্টব্যাঃ| আত্মনশ্চ জন্মলগ্ননক্ষত্রাদিকং ন কথযেত্| গৃহে মলং গৃহদোষং, আত্মন্যবমানং প্রভোঃ নিঃস্নেহতাঞ্চ ন লোকে প্রকাশযেত্| পুরোবাতাদীনাং ত্যজেদিত্যুত্তরেণ সম্বন্ধঃ| হস্তাদ্যুত্ক্ষেপেণ প্রাযেণ জনো বদতি তত্প্রতিষিদ্ধম্| হীনাতিসেবাঞ্চ ত্যজেত্| আরোগ্যাদীনাং স্থিরজ্ঞানং বিশ্বাসঃ, তং `অহমরোগঃ' 'অহং গৃহীতবিদ্যঃ' ইত্যাদিকং ত্যজেদুপেক্ষযা নাশভযাত্||৫০||
Adhikarana vAsAyogyaM gRuham (51) · Śloka 51
নৈকাহমপ্যধিবসেদ্বাস্তুতচ্ছাস্ত্রগর্হিতম্||৫১||
नैकाहमप्यधिवसेद्वास्तुतच्छास्त्रगर्हितम्||५१||
🔊 Audio coming soon
একাহমপি বাস্তুবিদ্যাগর্হিতং গৃহং নাধিবসেত্||৫১||
Adhikarana vAsAyogyadeSaH (52) · Śloka 52
ন দেশ ব্যাধিবহুলং নাবৈদ্যং নাপ্যনাযকম্| নাধর্মিজনভূযিষ্ঠং নোপসৃষ্টং ন পর্বতম্||৫২||
न देश व्याधिबहुलं नावैद्यं नाप्यनायकम्| नाधर्मिजनभूयिष्ठं नोपसृष्टं न पर्वतम्||५२||
🔊 Audio coming soon
ব্যাধিবহুলাদিকং দেশঞ্চ| উপসৃষ্টং নোপসর্গং মারকাদিনা|
Adhikarana vAsayogyapuram (53) · Śloka 53
বসেত্প্রাজ্যাম্বুভৈষজ্যসমিত্পুষ্পতৃণেন্ধনে| সুভিক্ষক্ষেমরম্যান্তে পণ্ডিতৈর্মণ্ডিতে পুরে||৫৩||
वसेत्प्राज्याम्बुभैषज्यसमित्पुष्पतृणेन्धने| सुभिक्षक्षेमरम्यान्ते पण्डितैर्मण्डिते पुरे||५३||
🔊 Audio coming soon
প্রভূতাম্ব্বাদিকে পুরে বসেত্|| ৫৩||
Adhikarana punaH saddharmavRuttam (54) · Śloka 54
নরামরাণাং সিদ্ধানাং শাস্ত্রাণাঞ্চাজুগুপ্সকঃ| আধারকস্ত্রিবর্গস্য যথাযোগ্যং জনস্য চ| দশ কর্মপথান্ রক্ষঞ্জযন্নভ্যন্তরানরীন্| হিংসাস্তেযান্যথাকামং পৈশূন্যং পরুষানৃতম্| সম্ভিন্নালাপং ব্যাপাদমভিধ্যাং দৃগ্বিপর্যযম্| পাপং কর্মেতি দশধা কাযবাঙ্মানসৈস্ত্যজেত্| পরোপঘাতক্রিযযা বর্জযেদর্জনং শ্রিযঃ| অর্থানাং ধর্মলব্ধানামদাতাপি হ্যসম্ভবাত্| স্বর্গাপবর্গ বিভবানযত্নেনাধিতিষ্ঠতি||৫৪||
नरामराणां सिद्धानां शास्त्राणाञ्चाजुगुप्सकः| आधारकस्त्रिवर्गस्य यथायोग्यं जनस्य च| दश कर्मपथान् रक्षञ्जयन्नभ्यन्तरानरीन्| हिंसास्तेयान्यथाकामं पैशून्यं परुषानृतम्| सम्भिन्नालापं व्यापादमभिध्यां दृग्विपर्ययम्| पापं कर्मेति दशधा कायवाङ्मानसैस्त्यजेत्| परोपघातक्रियया वर्जयेदर्जनं श्रियः| अर्थानां धर्मलब्धानामदातापि ह्यसम्भवात्| स्वर्गापवर्ग विभवानयत्नेनाधितिष्ठति||५४||
🔊 Audio coming soon
গুণবন্নরাদীনাং চাজুগুপ্সকোঽদ্বেষ্টা| দশ কর্মপথান্ রক্ষন্নভ্যন্তরানরীন্ রাগাদীঞ্জযন্ ত্রিবর্গং সাধযেত্| দশ কর্মপথাঃ- কাযবাঙ্মানসাঃ| তত্র কাযিকাস্ত্রযঃ- (১) প্রাণাতিপাতঃ, (২) পরদ্রব্যাপহারঃ, (৩) অগম্যাগমনমিতি| বাচিকং চতুর্বিধং- (৪) অসত্যবচনম্, (৫) পরেষাং ভেদকৃদ্বচনম্, (৬) পরুষবচনম্, (৭) অসম্বদ্ধপ্রলাপশ্চ| মানসং ত্রিবিধং- (৮) অভিধ্যা, (৯) ব্যাপাদঃ (১০) মিথ্যাদৃষ্টিশ্চ| পরস্বস্যান্যাযেন স্পৃহা অভিধ্যা| ব্যাপাদঃ সত্ত্ববিদ্বেষঃ| দৃগ্বিপর্যযঃ শাস্ত্রদৃষ্টিবৈপরীত্যম্, নাস্তিকত্বমিতি যাবত্| পরোপঘাতেন শ্রিয অর্জনং বর্জযেত্| যো হ্যর্থো দানাদ্যর্থমুপযুজ্যতে সোঽধর্মেণার্জিতো যদি দত্তো নিষ্ফল এব| বরং ধর্মপরস্য সাধুধনাসম্ভবাদদানম্| এতদেবাহ- অর্থানামিত্যাদি| ধর্মলব্ধানামর্থামসম্ভবাদদাতাপি স্বর্গাদীনযত্নেনাধিতিষ্ঠতি|| ৫৪||
Adhikarana rAtriBojanAdi (55) · Śloka 55
সাযং ভুক্ত্বা লঘু হিতং সমাহিতমনাঃ শুচিঃ| শাস্তারমনুসংস্মৃত্য স্বচর্যাঞ্চাথ সংবিশেত্||৫৫||
सायं भुक्त्वा लघु हितं समाहितमनाः शुचिः| शास्तारमनुसंस्मृत्य स्वचर्याञ्चाथ संविशेत्||५५||
🔊 Audio coming soon
অথ সাযাহ্নে পুনর্ভোজনং কৃত্বা সমাহিতমনাঃ শাস্তারং মহেশ্বরাদিকং সংস্মৃত্য স্বচর্যাঞ্চ শরীরস্থিতিং বিকল্প্য শয্যাযাং সংবিশেত্| সংবেশনং নিষদনাধ্যাসনম্|| ৫৫||
Adhikarana shayanAsanavidhiH (56) · Śloka 56
দেশে শুচাবনাকীর্ণে দ্বিত্রাপ্তপরিচারকঃ| যুক্তোপধানং স্বাস্তীর্ণং বিস্তীর্ণাবিষমং সুখম্| জানুতুল্যং মৃদু শুভং সেবেত শযনাসনম্| প্রাগ্দক্ষিণশিরাঃ পাদাবকুর্বাণো গুরূন্ প্রতি| পূর্বাপরদিশোভাগে ধর্মমেবানুচিন্তযন্||৫৬||
देशे शुचावनाकीर्णे द्वित्राप्तपरिचारकः| युक्तोपधानं स्वास्तीर्णं विस्तीर्णाविषमं सुखम्| जानुतुल्यं मृदु शुभं सेवेत शयनासनम्| प्राग्दक्षिणशिराः पादावकुर्वाणो गुरून् प्रति| पूर्वापरदिशोभागे धर्ममेवानुचिन्तयन्||५६||
🔊 Audio coming soon
শুচ্যাদৌ দেশে শযনমাসনঞ্চ সেবেত| আকীর্ণং বহুজনাধ্যাসিতং, যুক্তোপধানং দর্শনীযশিরোগণ্ডিকং, জানুতুল্যমুচ্চতযা, প্রাচীং দক্ষিণাং বা দিশং প্রতি কৃতশিরাঃ| গুরূন্ প্রতি চ পাদাবকুর্বাণঃ| বেশ্মনঃ পূর্বে অপরে বা দিগ্ভাগে শযনাসনং সেবেত|| ৫৬||
Adhikarana puruShaH svasthavRuttaparo Bavet (57) · Śloka 57
আদদীত সদা দেহাদিত্থং সারমসারতঃ| বিভ্যত্প্রতিক্ষণং মৃত্যোরযথাতথচেষ্টিতাত্| আরোগ্যবিভবপ্রজ্ঞাবযোধর্মক্রিযাবতঃ| সুখমাযুর্হিতং চোক্তং বিপরীতং বিপর্যযে||৫৭||
आददीत सदा देहादित्थं सारमसारतः| बिभ्यत्प्रतिक्षणं मृत्योरयथातथचेष्टितात्| आरोग्यविभवप्रज्ञावयोधर्मक्रियावतः| सुखमायुर्हितं चोक्तं विपरीतं विपर्यये||५७||
🔊 Audio coming soon
ইত্থমনেনানন্তরোক্তপ্রকারেণ সারং গৃহ্ণীযাদসারাত্ দেহাত্| `এতদেব হি তত্সারং দেহে যত্সাধুশীলতা'| কিং কুর্বন্নাহ- অযথাতথচেষ্টিতাদনিযতাচারিণো মৃত্যোঃ প্রতিক্ষণং বিভ্যত্ ভযমাকলযন্ মম কদাচিন্মৃত্যুরাপতিষ্যতীতি| যচ্চাযুর্জীবিতং তদারোগ্যাদিযুক্তস্য হিতং সুখঞ্চ সাধুভিরুক্তম্| এতদ্বিপরীতে বিপরীতসুখমহিতঞ্চ|| ৫৭||
Adhikarana nRupasevAprakAraH (58) · Śloka 58
সর্বতেজোনিধানং হি নৃপ ইত্যুচ্যতে ভুবি| অদূষযন্মনস্তস্মাদ্ভক্তিমাংস্তদুপাচরেত্||৫৮||
सर्वतेजोनिधानं हि नृप इत्युच्यते भुवि| अदूषयन्मनस्तस्माद्भक्तिमांस्तदुपाचरेत्||५८||
🔊 Audio coming soon
তথা সকলতেজোনিধানং রাজশব্দবাচ্যম্| মনসা শুদ্ধেন ভক্ত্যা চোপচরেত্ সেবেত|| ৫৮||
Adhikarana nRupasannidhAne varjanIyam (59) · Śloka 59
পর্যস্তিকোপাশ্রযকোপহাস বিবাদনিষ্ঠীবনজৃম্ভণানি| সর্বাঃ প্রকৃত্যভ্যধিকাশ্চ চেষ্টা স্তত্সন্নিধানে পরিবর্জযেত্তু||৫৯||
पर्यस्तिकोपाश्रयकोपहास विवादनिष्ठीवनजृम्भणानि| सर्वाः प्रकृत्यभ्यधिकाश्च चेष्टा स्तत्सन्निधाने परिवर्जयेत्तु||५९||
🔊 Audio coming soon
তত্সন্নিধানে চ পর্যস্তিকাদীনি বর্জযেত্| পর্যস্তিকা বস্ত্রাদিনা স্বপৃষ্ঠজানুপরিবেষ্টনম্| উপবিষ্টস্য উপাশ্রযো ভিত্যাদিকে শরীরসংক্রমণম্|| ৫৯||
Adhikarana anyadapi hitaM seveta (60) · Śloka 60
সত্ত্বাদ্যবস্থা বিবিধাশ্চ তাস্তাঃ সম্যক্সমীক্ষ্যাত্মহিতং বিদধ্যাত্| অন্যোঽপি যঃ কশ্চিদিহাঽস্তি মার্গো হিতোপদেশেষু ভজেত তং চ||৬০||
सत्त्वाद्यवस्था विविधाश्च तास्ताः सम्यक्समीक्ष्यात्महितं विदध्यात्| अन्योऽपि यः कश्चिदिहाऽस्ति मार्गो हितोपदेशेषु भजेत तं च||६०||
🔊 Audio coming soon
সত্ত্বরজস্তমসাং নানাবিধানবস্থাবিশেষান্ পরীক্ষ্যাত্মহিতং করণীযম্| দুস্তরা হি ধর্মপ্রতিবন্ধকা রজস্তমোবিকারাঃ| তথা মনুবুদ্ধাদিপ্রণীতেষু হিতোপদেশশাস্ত্রেষু যঃ মার্গঃ অস্তি তমপি সেবেত|| ৬০||
Adhikarana svasthavRuttAnusaraNaPalam (3) · Śloka 3
ইতি চরিতমুপেতঃ সর্বজীবোপজীব্যং প্রথিতপৃথুগুণৌঘো রক্ষিতো দেবতাভিঃ| সমধিকশতজীবী নির্বৃতঃ পুণ্যকর্মা ব্রজতি সুগতিনিম্নো দেহভেদেঽপি তুষ্টিম্||৬১|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং সূত্রস্থানে দিনচর্যানাম তৃতীযোঽধ্যাযঃ||৩||
इति चरितमुपेतः सर्वजीवोपजीव्यं प्रथितपृथुगुणौघो रक्षितो देवताभिः| समधिकशतजीवी निर्वृतः पुण्यकर्मा व्रजति सुगतिनिम्नो देहभेदेऽपि तुष्टिम्||६१|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां सूत्रस्थाने दिनचर्यानाम तृतीयोऽध्यायः||३||
🔊 Audio coming soon
ইতি সর্বভূতোপজীব্যং চরিতং প্রাপ্তঃ পুরুষঃ তথা প্রখ্যাতবিস্তীর্ণগুণসমূহঃ দেবতাভী রক্ষিতঃ পরিপূর্ণসংবত্সরশতজীবী চ দেহনাশেঽপি তুষ্টিমপবর্গাখ্যাং ব্রজতি গচ্ছতি| কিম্ভূতঃ? সুগতৌ সুবর্ত্মনি, নিম্নঃ মগ্নঃ|| ৬১|| ইতি শ্রীমন্মহামহোপাধ্যাযেন্দুবিরচিতাযা-মষ্টাঙ্গসংগ্রহব্যাখ্যাযাং শশিলেখাযাং সূত্রস্থানে তৃতীযোঽধ্যাযঃ||৩||