20. dōṣabhēdīyaḥ

Adhikarana atha doShaBedIyo nAma viMSo~adhyAyaH pratij~jA (1) · Śloka 1

অথাতো দোষভেদীযং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

পূর্বেণাধ্যাযেন দোষাদীনাং প্রাকৃতং বৈকৃতং চ স্বরূপমুক্তম্| অত্র তু তেষামেব স্থানক্রিযাবস্থাদিবিশেষভেদপরিজ্ঞানার্থমধ্যাযারম্ভঃ| অথাতো দোষভেদীযমধ্যাযং ব্যাখ্যাস্যামঃ| অত্র চ যদ্যপ্যন্যদপ্যুচ্যতে, যথাপি প্রাধান্যাদ্দোষৈরেব ব্যপদেশঃ|| ১||

Adhikarana mahABUteByaH doShANAM samBavaH (2) · Śloka 2

বায্বাকাশধাতুভ্যাং বাযুঃ| আগ্নেযং পিত্তম্| অম্ভঃপৃথিবীভ্যাং শ্লেষ্মা||২||

বাযুনা মহাভূতস্বরূপেণাকাশধাতুমিশ্রিতেন শরীরস্য বাযোঃ সম্ভবঃ| ধাতুগ্রহণং শক্তিস্বরূপপ্রদর্শনার্থম্| অন্যথা অমূর্তান্মূর্তসম্ভবো বিরুদ্ধঃ| পিত্তমাগ্নেযম্| অম্ভসা পৃথিবীমিশ্রিতেন শ্লেষ্মা নিষ্পদ্যতে|| ২||

Adhikarana doShasthAnAni (3) · Śloka 3

তত্র পক্বাশযঃ কটিঃ সক্থিনী পাদাবস্থি শ্রোত্রং স্পর্শনঞ্চ বাতস্থানানি| অত্র চ পক্বাশযো বিশেষেণ| নাভিরামাশযঃ স্বেদো লসিকা রুধিরং চক্ষুঃ স্পর্শনং চ পিত্তস্থানানি| অত্র নাভির্বিশেষেণ| উরঃ কণ্ঠঃ শিরঃ ক্লোম পর্বাণ্যামাশযো রসো মেদো ঘ্রাণং রসনং চ শ্লেষ্মস্থানানি| অত্রাপ্যুরোবিশেষেণ||৩||

তত্র পক্বাশযাদীনি বাতস্য স্থানানি| পক্বাশযং নাভেরধঃ| শেষং প্রসিদ্ধম্| শ্রোত্রং শ্রবণেন্দ্রিযাধিষ্ঠানম্| স্পর্শনং ত্বক্| এষু চ মধ্যে বিশেষেণ পক্বাশযঃ স্থানম্| নাভিপ্রভৃতীনি পিত্তস্থানানি| লসিকা জলসদৃশস্ত্বচিঃ স্নেহঃ| উরঃকণ্ঠাদীনি শ্লেষ্মস্থানানি| ক্লেম শারীরকে বক্ষ্যমাণম্|| ৩||

Adhikarana doShANAM sthUNABidhAnaM tatropapattiSca (4) · Śloka 4

ইত্থমধোমধ্যোর্ধ্বসন্নিবেশিনা দোষত্রযেণ শরীরমাগারমিব স্থূণাত্রিতযেন স্থিরীকৃতম্| অতশ্চ দোষা দেহস্য স্থিরীকরণাত্ স্থূণা ইত্যুচ্যন্তে||৪||

এবমনেন প্রকারেণেদং স্থানত্রযসন্নিবেশিনা দোষত্রযেণ স্থূণাসদৃশেন শরীরমগারসদৃশং ধার্যতে| অ এব দোষা আচার্যৈঃ স্থূণাশব্দেনোচ্যন্তে| স্থূণা অগারধারণস্তম্ভা উচ্যন্তে|| ৪||

Adhikarana dhAtu-mala-doSha-saMj~jAnAmupapattiH (5) · Śloka 5

ধারণাদ্ ধাতবঃ| মলিনীকরণাদাহারমলত্বাচ্চ মলাঃ| দূষণস্বভাবত্বাদূষণস্বভাবত্বাদ্দোষা ইতি||৫||

শেষমন্বর্থকথনং সুবোধম্|| ৫||

Adhikarana doShANAM pratyekaM pa~jcavidhatvaM vAyoH praBedasthAnakarmANi ca (6) · Śloka 6

ত এতে প্রত্যেকং পঞ্চধা ভিদ্যন্তে| তদ্যথা-প্রাণোদানব্যানসমানাপানভেদৈর্বাযুঃ| তত্র প্রাণো মূর্ধ্ন্যবস্থিতঃ কণ্ঠোরশ্চরো বুদ্ধীন্দ্রিযহৃদযমনোধমনীধারণষ্ঠীবনক্ষবথূদ্গারপ্রশ্বাসোচ্ছ্বাসান্নপ্রবেশাদিক্রিযঃ| উদান উরস্যবস্থিতঃ কণ্ঠনাসিকানাভিচরো বাক্প্রবৃত্তিপ্রযত্নোর্জাবলবর্ণ স্রোতঃপ্রীণনধীধৃতিস্মৃতিমনোবোধনাদিক্রিযঃ| ব্যানো হৃদ্যবস্থিতঃ কৃত্স্নদেহচরঃ শীঘ্রতরগতির্গতিপ্রসারণা কুঞ্চনোত্ক্ষেপাবক্ষেপনিমেষোন্মেষজৃম্ভণান্নাস্বাদনস্রোতো বিশোধনস্বেদাসৃক্স্রাবণাদিক্রিযো যোনৌ চ শুক্রপ্রতিপাদনো বিভজ্য চান্নস্য কিট্টাত্সারং তেন ক্রমাশো ধাতূংস্তর্পযতি| সমানোঽন্তরগ্নিসমীপস্থস্তত্সন্ধুক্ষণঃ পক্বা মাশযদোষমলশুক্রার্তবাম্বুবহঃ স্রোতোবিচারী তদবল ম্বনান্নধারণপাচনবিবেচন্কিট্টাঽধোনযনাদিক্রিযঃ| অপানস্ত্বপানস্থিতো বস্তিশ্রোণিমেঢ্রবৃষণবঙ্ক্ষণোরুচরো বিণ্মূত্রশুক্রার্তবগর্ভনিষ্ক্রমনাদিক্রিয ইতি||৬||

তে চৈতে দোষাঃ প্রত্যেকং পঞ্চাভিঃ প্রকারৈর্ভিদ্যন্তে| বিশিষ্ট স্থানাশ্রযেণ ক্রিযাভেদাত্| যথৈকোঽপি দেবদত্তো যাং যাং ক্রিযাং করোতি তদনুরূপমেবানেকং পাচকলাবকাদিনাম লভতে| তদ্যথেত্যাদিনা তানেব পঞ্চ ভেদান্ দর্শযতি| তত্র প্রাণো মূর্ধ্নি শিরসি স্থিতঃ| প্রাদান্যেন কণ্ঠমুরশ্চরতি| বুদ্ধ্যাদ্যাধারভূতম্| ধমন্যঃ শরীরকে বক্ষ্যন্তে| ষ্ঠীবনং মুখস্রাবোত্সারণম্| প্রশ্বাসঃ শ্বাসপ্রেরণমুচ্ছ্বাসোঽন্তঃপ্রবেশনম্| অন্নস্য প্রবেশোঽন্নপ্রবেশঃ| উদানঃ প্রাধান্যেনোরসি স্থিতঃ নাসিকাদিত্রিতযং চরতি| বাক্প্রবৃত্ত্যাদিক্রিযঃ| প্রযত্নঃ কার্যেষু পদার্থগ্রহণাদিষূদ্যমঃ| স্রোতসাং প্রীণনং তর্পণং স্রোতঃপ্রীণনম্| ধীপ্রভৃতীনাং বিবোধনেন সম্বন্ধঃ| আদিগ্রহণেন সর্বং তেষামেব সংবাহনপরিপোষাদিকং গৃহ্যতে| ব্যানঃ প্রাধান্যেন হৃদ্যবস্থিতঃ কৃত্স্নং নিরবশেষং দেহং চরতি প্রাণাদ্যপেক্ষযা শীঘ্রতরগতিঃ| গত্যাদযশ্চ সর্বাঃ ক্রিযাস্তদাযত্তাঃ| গতির্দেশান্তরপ্রাপ্তিঃ| প্রসারণমঙ্গানাং দীর্ঘীকরণম্| আকুঞ্চনং তেষামেব সঙ্কোচঃ| উত্ক্ষেপোঽঙ্গস্য ঊর্ধ্বং নযনম্| অবক্ষেপোঽধঃ| নিমেষোঽক্ষ্ণঃ পুটাভ্যাং পিধানম্| উন্মেষস্তস্যৈব বিকাসঃ| জৃম্ভণং গাত্রবিনামঃ| অন্না স্বাদন্মিষ্টানিগ্রহঃ| স এব ব্যানো যোষিচ্ছরীরস্থঃ পুংসা সিক্তং শুক্রং যোনিং প্রতিপাদযতি| অন্তর্যোনিং নযতীত্যর্থঃ| স এব চ ব্যানোঽন্নস্য সম্বন্ধি সারং কিট্টাদ্বিভজ্য পৃথক্কৃত্য তেনান্নসারেণ ধাতূন্ রসাদীস্তপর্যতি| সমানঃ প্রাধান্যেনান্তরা গ্নিসমীপে তিষ্ঠতি| তস্য চান্তরাগ্নেঃ সন্ধুক্ষক উদ্দীপকঃ| অন্তরাগ্নেঃ স্থানমামাশযপক্বাশযযোর্মধ্যং নাভেরর্ধাঙ্গুলমাত্রেণ বামে পার্শ্বে| স চ সমানঃ পক্বাশযে দোষমলাদিবঃ| স্রোতস্সু চ বিচরতি| তদবলম্বনাদিক্রিযশ্চ| তেষামনন্তরোক্তানাং স্রোতসাম বলম্বনং ধারণং ক্রিযা যস্যেতি| অন্নস্যাপক্বস্যামাশযধারণ মন্নধারণম্| পাচনমন্নস্যৈব| বিবেচনং সংহতস্যান্নস্য পাকায বিভজনম্| অপানস্তু প্রাধান্যেনাপানে কটেরধস্তিষ্ঠতি| বস্ত্যা দিপ্রদেশচরঃ| বিণ্মূত্রাদিনিষ্ক্রমণক্রিযশ্চ| তন্নিষ্ক্রমণে ক্রিযা প্রেরণমাদিগ্রহণেন বিড্ধারণাদিপরিগ্রহঃ| ইতি বাযুভেদাঃ পঞ্চ|| ৬||

Adhikarana pittasya pa~jca BedAH sthAnakarmANi ca (7) · Śloka 7

পাচকরঞ্জকসাধকালোচকভ্রাজকত্বভেদৈঃ পিত্তম্| তত্র যদামাশযপক্বাশযমধ্যস্থং পঞ্চমহাভূতাত্মকত্বেঽপি তেজোগুণোত্কর্ষাত্ ক্ষপিতসোমগুণং ততশ্চ ত্যক্তদ্রবস্বভাবং সহকারিকারণৈর্বাযুক্লেদাদিভিরনুগ্রাহাদ্ দহনপচনা- দিক্রিযযা লব্ধাগ্নিশব্দং পিত্তমন্নং পচতি, সারকিত্তৌ বিভজতি শেষাণি চ পিত্তস্থানানি তত্রস্থমেবানুগৃহ্ণাতি তত্পাচকমিত্যুচ্যতে| আমাশযস্থন্তু রসস্য রঞ্জনাদ্র ঞ্জকম্| দৃষ্টিস্থং রূপালোচনাদালোচকম্| ত্বক্ স্থং ত্বচো ভ্রাজনাত্ ভ্রাজকম্| তদভ্যঙ্গপরিষেকালেপা দীন্ পাচযতি ছাযাশ্চ প্রকাশযতি||৭||

অতঃ পরং পাচকাদযঃ পঞ্চ পিত্তভেদা উচ্যতে| তত্র তেষু পঞ্চসু মধ্যে পিত্তস্য পঞ্চভূতাত্মকত্বেঽপ্যাগ্নেযগুণোত্কর্ষাত্ ক্ষপিত সোমগুণমামাশযপক্বাশযমধ্যস্থং ক্ষপিতসোমগুণত্বাচ্চ ত্যক্ত দ্রবস্বভাবং সহকারিকারণৈঃ পচনক্রিযাং প্রতি সব্যাপারৈর্বাযু ক্লেদাদিভিরনুগ্রহাদুপকারাদ্যা দহনপাচনাদিকা ক্রিযা তস্য, তযাপি লব্ধাগ্নিশব্দং যত্ পিত্তং তত্ পাচকমিত্যুচ্যতে| তদত্রং পচতি তত্সারত্বং কিট্টত্বং চান্নস্য সম্পাদযতি| শোষাণি পিত্ত স্থানানি ধাত্বাদীন্যনুগৃহ্ণাতি স্বস্থানস্থিতমেব তেষূপকরোতী ত্যর্থঃ| যত্তু পিত্তমামাশযস্থিতং তদ্রসাখ্যস্য ধাতো রক্তভাবোত্পত্তৌ রঞ্জনা-দ্রাগনিষ্পাদনাদ্রঞ্জকশব্দেনোচ্যতে| যত্তু হৃদযস্থং বুদ্ধ্যাদিভিঃ কারণভূতৈরভিপ্রেথমর্থং বাহ্যং গ্রহণস্মরণাদিরূপেণ সাধযতি তত্সা ধকম্| দৃষ্টিস্থমন্তস্তারকস্থিতং তু রূপস্যালোচনাত্ তদাযত্ত রূপগ্রহণশক্তিত্বাদালোচকশক্তিত্বেন আলোচকমুচ্যতে| ত্বক্স্থং চ ত্বচো ভ্রাজনাত্ দীপ্তিমত্তাকরণাদ্ ভ্রাজকশব্দেনোচ্যতে| তদ্ভ্রাজকমভ্যঙ্গাদীন্ পাচযতি| তেনৈতদুক্তং ভবতি-ন হ্যপক্বং দ্রব্যং স্বং কার্যং করোতি| দৃশ্যন্তে চ অভ্যঙ্গাদিপ্রযোক্তান্যৌষধাদীনি রাগকাঠিন্যাদীনি নাশযন্তি তানি ত্বক্স্থেন পিত্তেন পচ্যন্ত ইতি| তদেব ভ্রাজকং যাশ্চ্ছাযাঃ কান্তযো বক্ষ্যমাণাঃ পঞ্চ নাভসাদ্যাস্তাঃ প্রকাশযতি প্রকটযতীতি পঞ্চ পিত্তভেদাঃ|| ৭||

Adhikarana SleShmaNaH pa~jca BedAH sthAnakarmANi ca (8) · Śloka 8

অবলম্বকক্লেদকবোধকতর্পকশ্লেষকত্বভেদৈঃ শ্লেষ্মা| স তূরস্থঃ স্ববীর্যেনা ত্রিকস্যান্নবীর্যেণ চ সহ হৃদয স্যচ শেষাণাং চ শ্লেষ্মস্থানানাং তত্রস্থ এবোদককর্ম ণাবলম্বনাদবলম্বক ইত্যুচ্যতে| আমাশযস্ত্থিতোঽন্নসঙ্ঘাতস্য ক্লেদনাত্ক্লেদকঃ| রসনাস্থঃ সম্প্রগ্রসবোধনাত্ বোধকঃ| শিরস্থশ্চক্ষুরাদীন্দ্রিযতর্পণাত্তর্পকঃ| পর্বস্থোঽস্থিসন্ধিশ্লেষণাত্ শ্লেষক ইতি||৮||

অবলম্বকাদযঃ পঞ্চ শ্লেষ্মভেদাঃ| স তু শ্লেষ্মা উরস্থঃ সত্রিকস্য বাহুগ্রীবাংসযোগস্য হৃদযস্য চোদককর্মণা তর্পণপূর ণাদ্যাখ্যেনাবলম্বনাদবলম্বকশব্দেনোচ্যতে স ত্রিকস্য স্ববীর্যেণ প্রভাবেনৈবাবলম্বনং করোতি| হৃদযস্য পুনরন্নপ্রভাবসহিতেন স্বভাবেন| তেনৈতদুক্তং ভবতি-হৃদযস্যাবলম্বনেঽন্নবলমপেক্ষতে| স্বল্পযাঽপ্যন্নহান্যা হৃদযাবলম্বনং কর্তুং ন শ্ক্নোতীত্যর্থঃ| শেষাণাং কণ্ঠাদীনং শ্লেষ্মস্থানানামবলম্বনাদবলম্বকঃ| স এব শ্লেষ্মা আমাশযস্থোঽন্নসঙ্ঘাতস্য ক্লেদনাত্ ক্লেদসংজ্ঞঃ| রসনাস্থো জিহ্বাস্থঃ সম্যক্ স্ফুটং রসবোধনাদ্বোধকসংজ্ঞঃ| শিরস্থ ইন্দ্রিযাণাং তর্পণাত্তর্পকঃ| পর্বস্থোঽস্থিসন্ধিস্থঃ দ্বযোরস্থ্নোঃ সন্ধিশ্লে ষ্ণাশ্চছ্লেষকসংজ্ঞঃ||৮||

Adhikarana doShasthAnakathanopasaMhAraH (9) · Śloka 9

এবমমিষু স্থানেষু ভূযিষ্ঠমবিকৃতাঃ সকলশরীরব্যা পিনোঽপি বাতপিত্তশ্লেষ্মাণো বর্তন্তে||৯||

ইত্যেবমনেন প্রকারেণামীষু স্থানেষু অবিকৃতা বাতাদযো বর্তন্তে সকলশরীরব্যাপিনোঽপ্যত্র সাতিশযাঃ||৯||

Adhikarana teShAM vRuddhihetuH (10) · Śloka 10

তেষাং বৃদ্ধিহেতুর্বক্ষ্যতে নিদানেষু||১০||

তেষাং তু বাতাদীনাং রোগবিশেষকর্তৃত্বে যো বৃদ্ধিহেতুঃ স যথাযথং জ্বরনিদানাদিষু বক্ষ্যতে||১০||

Adhikarana teShAM vRuddhikShayalakShaNe (11) · Śloka 11

সামান্যতশ্চ বৃদ্ধিক্ষযলক্ষণমুক্তং পূর্বাধ্যাযে||১১||

অত এবাহ সামান্যতো রোগবিশেষানপেক্ষযা যদ্ বৃদ্ধিলক্ষণং তত্ পূর্বাধ্যাযে দোষাদিবিজ্ঞানীয উক্তম্||১১||

Adhikarana vRuddherdvaividhyaM doShANAM sa~jcayaprakopapraSamahetavaSca (12) · Śloka 12

বৃদ্ধির্হি দ্বেধা চযপ্রকোপভেদেন| তত্রোষ্ণগুণোপহিতা রূক্ষা দযো বাযোঃ সঞ্চযমাপাদযন্তি| শীতগুণোপহিতাঃ প্রকোপ মুষ্ণগোণোপহিতাঃ স্নিগ্ধাদযঃ প্রশমম্| শীতগুণোপ হিতাস্তীক্ষ্ণাদযঃ পিত্তস্য চযমুষ্ণগুণোপহিতাঃ কোপং শীতগুণোপহিতা মন্দাদযঃ প্রশমম্| শীতগুণোপহিতাঃ স্নিগ্ধাদযঃ কফস্য চযমুষ্ণগুণোপহিতাঃ কোপং তথা তু রূক্ষাদযঃ প্রশমম্||১২||

সা চ বৃদ্ধির্দ্বেধা দ্বাভ্যাং প্রকারাভ্যাং চযকোপভেদেন| তৌ চয কোপৌ বক্ষ্যমাণলক্ষণৌ| তেষাং বাতাদীনাং যদ্যপি বৃদ্ধিকারণমুক্তং, তথাপ্যস্মিন্নধ্যাযে তস্মা এব বৃদ্ধেরবস্থাবিশেষেণ কারণ প্রদর্শনার্থমাহ-তত্রোষ্ণ ইত্যাদি| তত্র রূক্ষাদযঃ প্রথমাধ্যা যানির্দিষ্টাঃ পঞ্চ বাতগুণাঃ উষ্ণেন গুণেন বিরুদ্ধেন যুক্তা বাযোশ্চযং কুর্বন্তি| উষ্ণস্য বিরুদ্ধত্বান্ন কোপম্| ত এব রূক্ষাদযঃ উষ্ণাভাবে শিতগুণসন্নিযোগে চ সতি সদৃশত্বাদ্বাযোঃ কোপং কুর্বন্তি| এতেষামেব চ রূক্ষাদীনাং ষণ্ণাং গুণানাং বিপরীতাঃ স্নিগ্ধাদযঃ তস্মৈব বাযোঃ প্রশমম্| অনযৈব দিশা পিত্তশ্লেষ্মণোরুত্তরগ্রন্থঃ স্বগুণান্বেযেনৈব ব্যাখ্যেযঃ| শ্লেষ্মণস্ত্বযং বিশেষঃ যচ্ছীতেন সদৃশেনাপি স্নিগ্ধাদিগুণযুক্তেন শ্লেষ্মণঃ স্ত্যানত্বাচ্চয এব ভবতি| বিপরীতেনাঽপ্যুষ্ণেন বিলযনাত্ কোপঃ| স এবোষ্ণো যদা রূক্ষাদিভিঃ সংযোক্তো ভবতি তদা তস্যৈব প্রশমং করোতি||১২||

Adhikarana doShacayaprakopapraSamAnAM lakShaNam (13) · Śloka 13

চযো বৃদ্ধিঃ স্বাধাম্ন্যেব প্রদ্বেষো বৃদ্ধিহেতুষু| বিপরীতগুণেচ্ছা চ কোপস্তূন্মার্গগামিতা| লিঙ্গানাং দর্শনং স্বেষামস্বাস্থ্যং রোগসম্ভবঃ| স্বস্থানস্থস্য সমতা বিকারাসম্ভবঃ শমঃ|১৩|

Adhikarana doShaprakopasthAnAnurodhena vikArasamBavaH (13) · Śloka 13

দেহেঽক্রুদ্ধোঽনিলবশাত্কৃত্স্নেঽর্দ্ধেঽবযবেঽপি বা| দোষা বিকারং কুরুতে খে বর্ষমিব তোযদঃ||১৩||

চযাদীনাং ত্রযাণাং লক্ষণমুচ্যতে-চযো বৃদ্ধিরিত্যাদিনা| স্বধামন্যাত্মীযে স্থানে দোষস্য যা বৃদ্ধিঃ সঞ্চযঃ| চীযমান- দোষবৃদ্ধিহেতুষু প্রদ্বেষঃ তদ্বিপরীতগুণৌষধাদিষ্বিচ্ছা চ চযলক্ষণম্| কোপস্তু বৃদ্ধেরেবাধিক্যাদ্দোষস্য স্বস্থানাত্ স্থানান্তরগমনম্| অত্র চ কোপো স্বেষাং কুপিতদোষস্যাত্মীযানাং লিঙ্গানাং দর্শনং তথাঽস্বস্থতা রোগসম্ভবশ্চঃ| প্রশমস্তু দোষস্য স্বস্থানস্থস্যৈব সাম্যং বিকারসম্ভবশ্চ| ননু দোষা বৃদ্ধাঃ ক্ব বিকারং কুর্বত ইত্যাহ-দেহ ইত্যাদি| সর্বো দোষো যত্রৈব কুপিতঃ কৃত্স্নে বা দেহেঽর্ধে বা অবযবে একদেশে বা দেহস্য তত্রৈব বিকারং কুরুতে| ননু কথং তে দোষাঃ ক্রুদ্ধাঃ কৃত্স্নং দেহং কদাচিদ্ ব্যাপ্নুবন্তি কদাচিন্নেত্যাহ-অনিলবশাদ্বাযোঃ প্রেরকস্য নানারূপত্বাদিত্যর্থঃ| বাযোশ্চ বায্বন্তরপ্রেরণং দৃষ্টমেব| দুষ্টান্তঃ খে বর্ষমিব তোযদ ইতি| যদা আকাশে তোযদো মেঘোঽনিলবশাদ্যত্রৈব তিষ্ঠতি তত্রৈব বর্ষং কুরুতে||১৩||

Adhikarana AviShkRutatamAnAM vikArANAM sa~gKyAnirdeSaH (14) · Śloka 14

অথ প্রকুপিতা বাতাদযো নানাবিধৈর্বিকারৈঃ শরীরমুপতপন্তি| আবিষ্কৄততমাস্তু বাযোরশীতির্বিকারাশ্চত্বারিংশত্পিত্তস্য বিংশতিঃ শ্লেষ্মণঃ||১৪||

তে চ বাতাদযঃ প্রকুপিতা নানাবিধৈঃ প্রমাণলক্ষণক্রিযাস্থানাদিভেদেন বিকারৈঃ শরীরমুপতপন্তি সন্তাপযন্তি| তেষাং বিকারাণাং যে প্রধানা বিকারাস্ত উচ্যন্তে||১৪||

Adhikarana aSItiH vAtavikArAH (15) · Śloka 15

তত্র বাতবিকারাঃ| তদ্যথা-নখভেদো বিপাদিকা পাদশূলং পাদভ্রংশঃ সুপ্তপাদতা বাতখুড্ডতা গুল্ফগ্রহঃ পিণ্ডিকোদ্বেষ্টনং গৃধ্রসী জানুভেদো জানুবিশ্লেষঃ উরুসাদঃ উরুস্তম্ভঃ পঙ্গুত্বং গুদভ্রংশো গুদার্তির্বৃষণাক্ষেপো মেঢ্রস্তম্ভো বংক্ষণানাহঃ শ্রোণিভেদো বিড্ভেদ উদাবর্তঃ খঞ্জত্বং কুব্জত্বং বামনত্বং ত্রিকগ্রহঃ পৃষ্ঠগ্রহঃ পার্শ্বাবমর্দ উদরাবেষ্টো হৃন্মোহো হৃদ্দ্রবো বক্ষোদ্ঘর্ষস্তথা বক্ষোপরোধো বক্ষস্তোদো বাহুশোষস্তথা গ্রীবাস্তম্ভো মন্যাস্তম্ভঃ কণ্ঠোদ্ধ্বংসো হনুস্তম্ভস্তাল্বোষ্ঠভেদো দন্তভেদো দন্তশৈথিল্যং মূকত্বং বাক্সঙ্গঃ প্রলাপঃ কষাযাস্যতা মুখশোষো রসাজ্ঞত্বং ঘ্রাণনাশঃ কর্ণশূলমশব্দশ্রুতিরুচ্চৈঃ শ্রুতির্বাধির্যং বর্ত্মস্তম্ভো বর্ত্মসঙ্কোচস্তিমিরমক্ষিশূলমক্ষিব্যুদাসো ভ্রূব্যুদাসঃ শঙ্খভেদো ললাটভেদঃ শিরোরুক্কেশভূমিস্ফুটনমর্দিতমেকাঙ্গরোগঃ সর্বাঙ্গরোগ আক্ষোপকো দণ্ডকঃ শ্রমো ভ্রমো বেপথুর্জৃম্ভা গ্লানির্বিষাদো রৌক্ষ্যং পারুষ্যং শ্যাবারুণাভাসত্বমস্বপ্নোঽনবস্থিতচিত্ততা চ||১৫||

তত্র বাতবিকারাঃ| তদ্যথা-নখভেদো বিপাদিকা পাদশূলং পাদভ্রংশঃ সুপ্তপাদতা বাতখুড্ডতা গুল্ফগ্রহঃ পিণ্ডিকোদ্বেষ্টনং গৃধ্রসী জানুভেদো জানুবিশ্লেষঃ উরুসাদঃ উরুস্তম্ভঃ পঙ্গুত্বং গুদভ্রংশো গুদার্তির্বৃষণাক্ষেপো মেঢ্রস্তম্ভো বংক্ষণানাহঃ শ্রোণিভেদো বিড্ভেদ উদাবর্তঃ খঞ্জত্বং কুব্জত্বং বামনত্বং ত্রিকগ্রহঃ পৃষ্ঠগ্রহঃ পার্শ্বাবমর্দ উদরাবেষ্টো হৃন্মোহো হৃদ্দ্রবো বক্ষোদ্ঘর্ষস্তথা বক্ষোপরোধো বক্ষস্তোদো বাহুশোষস্তথা গ্রীবাস্তম্ভো মন্যাস্তম্ভঃ কণ্ঠোদ্ধ্বংসো হনুস্তম্ভস্তাল্বোষ্ঠভেদো দন্তভেদো দন্তশৈথিল্যং মূকত্বং বাক্সঙ্গঃ প্রলাপঃ কষাযাস্যতা মুখশোষো রসাজ্ঞত্বং ঘ্রাণনাশঃ কর্ণশূলমশব্দশ্রুতিরুচ্চৈঃ শ্রুতির্বাধির্যং বর্ত্মস্তম্ভো বর্ত্মসঙ্কোচস্তিমিরমক্ষিশূলমক্ষিব্যুদাসো ভ্রূব্যুদাসঃ শঙ্খভেদো ললাটভেদঃ শিরোরুক্কেশভূমিস্ফুটনমর্দিতমেকাঙ্গরোগঃ সর্বাঙ্গরোগ আক্ষোপকো দণ্ডকঃ শ্রমো ভ্রমো বেপথুর্জৃম্ভা গ্লানির্বিষাদো রৌক্ষ্যং পারুষ্যং শ্যাবারুণাভাসত্বমস্বপ্নোঽনবস্থিতচিত্ততা চ||১৫||

Adhikarana catvAriMSatpittavikArAH (16) · Śloka 16

পিত্তবিকারাঃ পুনঃ-ওষঃ প্লোষঃ দবো দবথুর্বিদাহো ঽন্তর্দাহস্ত্বগ্দাহোংঽসদাহো ধূমকোঽম্লক ঊষ্মাধিক্য মতিস্বেদোঽঙ্গগন্ধোঽবযবসদনং শোণিক্লেদো মাংসক্লেদ স্ত্বঙ্মাংসাবদরণং চর্মদরণং রক্তকোটো রক্তবিস্ফোটো রক্তমণ্ডলানি রক্তপিত্তং হরিতত্বং হারিদ্রত্বং নীলিকা কক্ষ্যা কামলা তিক্তাস্যতা লোহিতগন্ধাস্যতা পূতিমুখত্বং তৃষ্ণাধিক্যমতৃপ্তিরাস্যপাকো গলপাকোঽক্ষিপাকঃ পাযুপাকো মেঢ্রপাকো জীবাদানং তমঃপ্রবেশো হরি তহারিদ্রনেত্রমূত্রশকৃত্বঞ্চ||১৬||

ওষাদযঃ পীতশকৃত্ত্বান্তাশ্চত্বারিংশত্ পিত্তবিকারাঃ| অত্র প্রাধান্যেন পিত্তম্||১৬||

Adhikarana viMSatiH SleShmavikArAH (17) · Śloka 17

শ্লেষ্মবিকারাস্তু-তৃপ্তিস্তন্দ্রা নিদ্রাঽঽধিক্যং স্তৈমিত্যং গুরুগাত্রতাঽঽলস্যং মুখমাধুর্যং প্রসেকঃ শ্লেষ্মোদ্গিরণং মলাধিক্যং বলাসো হৃদযোপলেপঃ কণ্ঠোপলেপো ধমনী প্রতিচযো গলগন্ডোঽতিস্থৌল্যং শীতাগ্নিত্বমুদর্দঃ শ্বেতা বভাসতা শ্বেতনেত্রমূত্রশকৃত্ত্বং চ||১৭||

তৃপ্ত্যাদযঃ শ্বেতশকৃত্ত্বান্তা বিংশতিঃ শ্লেষ্মবিকারাঃ||১৭||

Adhikarana dAhAdInAM lakShaNam (18) · Śloka 18

তত্র সর্বাঙ্গীণস্তীব্রঃ সন্তাপো দাহঃ| স্বেদারতিমানোষঃ| প্রাদেশিকঃ স্বেদরহিতোঽগ্ন্যর্চিষেব দাহঃ প্লোষঃ| মুখো ষ্ঠতালুষু দাহো দবঃ| চক্ষুরাদীন্দ্রিযেষু দাহো দবথুঃ| পাণিপাদাংসমূলেষু বিবিধঃ সন্তাপো বিদাহঃ| কোষ্ঠে দাহোঽন্তর্দাহঃ| শিরোগ্রীবাকণ্ঠতালুষু ধূমাযনং ধূমকঃ| সান্তর্দাহহৃদযশূলোদ্গারোঽম্লকঃ| শোণিতস্য কৃষ্ণতা দৌর্গন্ধ্যতনুত্বানি ক্লেদঃ| মাংসস্য তু কৃষ্ণতা দৌর্গন্ধ্যঞ্চ| বাহ্যত্বক্সংহতিশ্চর্ম কোথঃ| কোষ্ঠগৌরবাদাহারস্পৃহা তৃপ্তিঃ| অন্যে পুনরাহুঃ-অন্নানভিনন্দতা তৃপ্তিরিব তৃপ্তিররোচকঃ| নিদ্রার্ত্তস্যেব বিষযাগ্রহণং তন্দ্রা| স্তৈমিত্যং তু প্রমীলক ইত্যন্যৈঃ পঠিতম্| উপলেপ ইবোপলেপঃ| তদতিশযঃ প্রতিচযোঽতিপূরণম্| অগ্নেরতি মন্দতা শৈত্যম্| উরসোঽভিষ্যন্দ উদর্দঃ| কেষাঞ্চিচ্ছীতবেপথুরুদর্দঃ| অন্যে পুনরাহুঃ- শীতপানীযসংস্পর্শাচ্ছীতকালে বিশেষতঃ| সরাগকণ্ডূঃ শোফ স্যাদুদর্দঃ স কফোদ্ভবঃ||১৮||

এষু চ বিকারেষু মধ্যে কেচিদ্ গ্লানিরৌক্ষ্যপারুষ্যাদযো লোকে প্রসিদ্ধাঃ| কেচিত্ পক্ষবধাক্ষেপকাদযঃ স্বতন্ত্রপ্রসিদ্ধাঃ| কেচিত্ বৃষণাক্ষেপনখভেদাদযোঽন্বর্থবন্তঃ| যে ত্বপ্রসিদ্ধা বিলক্ষণা অন্যর্থযুক্তাশ্চ তেষাং তন্ত্রকারঃ স্বযমেব লক্ষণং তন্ত্রে ব্যবহারার্থং সর্বাঙ্গীণ ইত্যাদিনা দর্শযতি| যঃ সর্বাঙ্গভবস্তীব্রশ্চ দাহঃ স সামান্যশব্দবাচ্যঃ, স এব স্বেদেনারত্যা চ যুক্ত ওষ ইত্যুচ্যতে| প্রাদেশিকো দাহো যঃ ক্বচিদেবাঙ্গাবযবে স্বেদরহিতস্তী ক্ষ্ণোঽগ্ন্যর্চিষেব জ্বলনজ্বালযেব দাহঃ প্লোষশব্দবাচ্যঃ| মুখে বা ওষ্ঠে বা তালুনি বা দাহো দবশব্দেনোচ্যতে| চক্ষুরাদিষ্বি ন্দ্রিযেষু দাহো দবথুঃ| এষ হি বিষযগ্রহণাবসানে ইন্দ্রিযাধিষ্ঠা নস্য ভবতি| অথবা ইন্দ্রিযাধারস্য নেত্রাদেরাধেযেন চক্ষুরাদীন্দ্রি যেণ ব্যপদেশঃ| পাণ্যাদিষু নানাস্বড়্রূপঃ সন্তাপো বিদাহশব্দবাচ্যঃ| কোষ্ঠেঽন্তঃশব্দেন শারীরকে অন্তঃকোষ্ঠো মহাস্রোত ইতি| তেনৈতদুক্তং ভবতি-অন্তর্দাহশব্দেন কোষ্ঠদাহ উচ্যতে| অন্তঃশিরঃপ্রভৃতিষু ধূমাবৃত্তমিব ধূমকঃ| হৃদযশূলঃ সান্তর্দাহঃ সকোষ্ঠদাহঃ সাম্লোদ্গারশ্চাম্লকশব্দবাচ্যঃ| শোণিতস্য রক্তস্য কৃষ্ণতাদীনি ক্লেদশব্দবাচ্যানি| তেনৈতদুক্তং ভবতি-রক্তস্য কার্ষ্ণ্যং দৌর্গন্ধ্যং তনুত্বং চ যদুত্পদ্যতে স শোণিতক্লেদঃ| মাংসস্য কার্ষ্ণ্যং দৌর্গন্ধ্যং চ মাংসক্লেদশব্দেনোচ্যতে| কক্ষ্যা নাম পিটকা ক্ষুদ্ররোগে বক্ষ্যতে| বাহ্যত্বচঃ সংহতিশ্চর্মকোথ শব্দেনোচ্যতে| অনেনৈতদুক্তং ভবতি- যা অন্তঃশরীরাস্ত্বচস্তা অপি| অন্যত্সুবোধম্| ইযং তৃপ্তিঃ শ্লেষ্মবিকারপঠিতা গৃহ্যতে| ন তু নঞাভিসম্বদ্ধা পিত্তভবা| তত্র বহ্বপি ভুঞ্জানোঽত্রে জীর্যমাণেঽজীর্যমাণে বা তৃপ্যতি| নিদ্রার্তস্য জাগ্রত এবেত্যর্থঃ| স্তৈমিত্যং ত্বন্যৈস্তন্ত্রকারৈঃ প্রমীণকমিতি পঠিতম্| অনেন স্তৈমিত্যপ্রমীলকযোঃ পর্যাযত্বং দর্শযিত্বা স্তৈমিত্যশব্দেন সুবোধত্বাদ্ ব্যবহারং করোতি| উপলেপ ইব কেনচিত্ পিষ্ঠেন কণ্ঠে হৃদযে চোপলেপঃ| ধমনীপ্রতিচযঃ পুনর্ধমনীষু শারীরকবক্ষ্য মাণাসু তস্যৈবোপলেপস্যাতিশযোঽতিপূরণমেব| অগ্নিশৈত্যমগ্নেরতিমাদ্যং নিরূষ্মত্বমিতি যাবত্| উদর্দ উরসোঽভিষ্যন্দোঽন্তর্বক্ষঃস্রোতসাং স্রাবঃ| কেষাঞ্চিদাচার্যাণাং মতম্, যথা শীতেন যো বেপথুঃ কম্পঃ স উদর্দশব্দবাচ্যঃ| অন্যে পুনরাচার্যাঃ শীতপানীযেত্যাদিনা লক্ষণেনোদর্দমাহুঃ| তন্ত্রকারোঽতস্তন্ত্রান্তরশ্লোকং স্বযং পঠতি| ইত্যাবিষ্কৃততমাঃ প্রাযোভবা বিকারাঃ||১৮||

Adhikarana mahAvikArakShudravikArayornAmakaraNavidhiH (19) · Śloka 19

মহাবিকারাস্তু যথাস্বমেবো দেক্ষ্যন্তে| ক্ষুদ্রবিকারাঃ পুনর্যদেবাঙ্গমাবিশন্তি তদুপপদমেব নাম লভন্তে| যথা নখশঙ্খললাটভেদাঃ সান্তর্দাহকণ্ঠহৃদযোপলেপাদযঃ| তেষাং হি তথৈব স্বরূপমুপদিষ্ঠং ভবতি||১৯||

মহাবিকারাঃ পুনর্গুল্মজ্বরাদযো যথাস্বমাত্মীযেষু নিদানে ষূপদেক্ষ্যন্তে| যে তু ক্ষুদ্রবিকারাঃ স্বল্পাস্তে যস্মিন্নেবাঙ্গ উত্পদ্যন্তে সংবিত্তিবিশেষেণ লব্ধব্যপদেশাস্তদাশ্রযাঙ্গনামৌপপদং নাম ব্যবহারায লভন্তে| যথা ভেদেনেব সংবিদ্যমানা পীডা নখাশ্রিতা তদুপপদমেব নখভেদ ইতি নাম লভতে| উপপদং সমীপপদম্| তেষাং হি ক্ষুদ্রবিকারাণাং তথৈব নাম্নৈব স্বরূপমর্থমুপদিষ্টমুক্তং ভবতি||১৯||

Adhikarana anuktavikAreShvapi cikitsopakramaH (20) · Śloka 20

সর্বেষু তেষু তেষ্বনুক্তেষু চান্যেষ্বসঙ্খ্যেযত্বাদ্বিকারেষু ইমান্যেব দোষাণামাত্মলিঙ্গানি সকলশরীরব্যাপীন্যব্য ভিচারীণি চ| তথা কর্মাণ্যুপক্রমশ্চ| তত্রাত্মলিঙ্গান্যাযুষ্কামীযে নির্দিষ্টানি||২০||

সর্বেষু তূক্তেষু দোষজেষু বিকারেষ্বানন্ত্যাদনুক্তেষু চ ইমান্যেবাগ্রে উদ্দিশ্যমানানি বিকারারম্ভকদোষাণামাত্মলিঙ্গানি স্বরূপলক্ষণানি| কিম্ভূতানি আহ-সকলশরীরব্যাপীনি| তেনৈতদুক্তং ভবতি| সর্বস্যৈব বকারস্যারম্ভকদোষস্বরূপলক্ষণেন বিনা সম্ভবো ন ভবতি| তথা ব্যভিচারীণি চ বিকারং ন ব্যভিচরন্তীত্যর্থঃ| অনেনৈতদুক্তং ভবতি যদ্ বাতাবিকারেষু বাতস্য স্বরূপলক্ষণান্যেব ভবন্তীত্যেবং পিত্তশ্লেষ্মবিকারেষ্বপি বাচ্যম্| নান্যদোষজেষু বিকারেষ্বন্যদোষজানি লক্ষণানি ভবন্তীত্যর্থঃ| ন কেবলমাত্মলক্ষণানি যাবত্ কর্মাণ্যপি দোষজানি সামান্যেন বিকারেষ্বেবানুস্যূতান্যুপক্রমশ্চ তথৈব| তেনৈতদুক্তং ভবতি| যত্র বিকারসামান্যে বাযুস্বরূপলক্ষণং বাযুকর্মাণি চ দৃশ্যন্তে স বিকারো বাতজো জ্ঞেযঃ| তত্র বাতোপক্রম এব কার্য ইত্যুক্ত্যাঽনুক্তবিকারো সামান্যেন| এবং পিত্তকফযোরপি বাচ্যম্| তত্র বাতাদীনামাত্মলিঙ্গানি আযুষ্কামীযাঽধ্যাযে তত্র রূক্ষেত্যাদিনা নির্দিষ্টানি| কর্মাণি দোষাণামসাধারণ্যেন স্রংসব্যাসেত্যাদিনা দর্শযতি||২০||

Adhikarana doShANAM karmANi (21) · Śloka 21

কর্মাণি তু বাযোঃ স্রংসব্যাসঙ্গসাদভেদতোদহর্ষতর্ষবর্ত্তা ঙ্গিমর্দকম্পব্যথবেষ্টভঙ্গশূলশোষস্বাপপারুষ্যসৌষির্যসঙ্কোচ স্পন্দনানি কষাযরসত্বং শ্যাবারুণবর্ণতা চ| পিত্তস্য দাহোষ্মপাকস্বেদক্লেদকোথস্রাবরাগাঃ কট্বম্লরসত্বং শুক্লারুণবর্জ্যবর্ণতা চ| শ্লেষ্মণঃ কণ্ডূস্থৈর্যগৌর বোপদেহস্নেহশৈত্যবন্ধনচিরকারিত্বানি মধুরলবণরসত্বং শ্বেতবর্ণতা চেতি||২১||

স্রংসঃ বাহ্বাদিসন্ধিভ্রংশঃ| ব্যাসঃ শারীরাণাং ভাবানাং ব্যাযতত্বম্| সঙ্গো নৈকত্রস্থিতানামেকত্র সঙ্ঘটনম্| বর্ত্তঃ কাঠিন্যাপাদনম্| অন্যত্র বর্ত্তো ব্যবহারঃ| স্পন্দঃ কিঞ্চিচ্চলনম্| কম্পস্ত্বতিশযেন| কষাযরসত্বং রসান্তরেঽপি কষাযগ্রহঃ| দাহাদীনি পিত্তকর্মাণি| কোথঃ কলেদস্যাতিশযেন বিচ্ছিন্নত্বং কট্বম্লরসত্বং পূর্ববদ্ব্যাখ্যেযম্| শুক্লারুণবর্ণযোঃ প্রতিষেধেন তচ্ছেষনানাবর্ণসম্ভবং দর্শযতি| কণ্ডূস্থৈর্যাদীনি শ্লেষ্মবিকারাঃ| ইতি দোষাণাং কর্মাণি| স্বরূপলক্ষণমস্মাভিঃ প্রথমাধ্যায আত্রেযমতানুসারিভিরুক্তম্||২১||

Adhikarana kapilabalamatena doShasvalakShaNAni suSrutamata~jca (22) · Śloka 22

কপিলবলস্ত্বেষাং স্বলক্ষণানি রসতো নির্দিদেশ কট্বম্ললবণং পিত্তং স্বাদ্বম্ললবণং কফঃ| কষাযতিক্তকটুকো বাযুর্দৃষ্টোঽনুমানতঃ| সুশ্রুতঃ পুনঃ পঠতি-পিত্তং বিদগ্ধমম্লতামুপৈতি, শ্লেষ্মা লবণতাম্||২২||

আচার্যকপিলবলস্ত্বেষাং রসস্বরূপেণৈব নির্দিদেশ| ন তু শীতাদিগুণান্তরস্বরূপেণেত্যর্থঃ| তচ্চ কপিলবলগ্রন্থং বাগ্ভটঃ কট্বম্লেত্যাদিনা স্বযং পঠতি| ননু বাযোরমূর্তত্বান্মূর্তধর্মানুগঃ কথং জ্ঞাযত ইত্যাহ-দৃষ্টোঽনুমানত ইতি| তত্রানুমানং তথাবিধৈ রাহারৌষধৈর্বৃদ্ধিঃ| তেন কার্যত্ কারণানুমানমুক্তম্| বৃদ্ধিশ্চ সমানেনেতি দৃষ্টমেতচ্চ শারীরস্য বাযোর্বিজ্ঞযেম্||২২||

Adhikarana prakaraNopasaMhAraH (23) · Śloka 23

তদেবমেতানি বায্বাদিরূপকর্মাণ্যবহিতঃ সম্যগুপলক্ষ যেদাগমপ্রত্যক্ষানুমানৈঃ| অনন্তরঞ্চ দেশকালমাত্রাদীন্ প্রমাণীকৃত্যাশ্বেবোপক্রমেতেতি||২৩||

ইতি কপিলবলমতং দর্শযিত্বা পিত্তং বিদগ্ধমিত্যাদিনা শ্লেষ্মা লবণতামিত্যন্তেন গ্রন্থেন সুশ্রুতমতং পঠতি| অনেনৈতত্ দর্শযতি| যাথা সুশ্রুতঃ কপিলবলমতমেব বেশেষযতি| যথা যেযং পিত্ত স্যাম্লতা শ্লেষ্মণশ্চ লবনতা বা সা বিদাহাবস্থাযামেব ন তু সততম্| তদেতদেবমেতানি বায্বাদীনাং রূপাণি কর্মাণি চাবহিতোঽবধানবানাগমাদিভিঃ সম্যগুপলক্ষযেত্| আগমঃ শাস্ত্রাদিষু সাধুপুরুষকথিতঃ| প্রত্যক্ষমিতীন্দ্রিযেণ বিষযগ্রহণং, তত্পূর্বকমেব হেত্বাদিভিঃ পদার্থবিশেষাবচ্ছেদনমনুমানম্| ইতি বায্বাদিস্বরূপকর্মাণ্যুপলক্ষ্য দেশাদীন্ প্রমাণীকৃত্যাবেক্ষ্যাশু শীঘ্রং তানুপক্রমেত চিকিত্সেত্| আদিগ্রহণেন বলাহারসাত্ম্যাসত্ত্বাদিপরিগ্রহঃ এতান্যপ্যবেক্ষ্যেত্যর্থঃ||২৩||

Adhikarana doShANAM triShaShTirBedAH (24) · Śloka 24

ভবন্তি চাত্র বক্ষ্যন্তেঽতঃ পরং দোষা বৃদ্ধিক্ষযবিভেদতঃ| পৃথক্ ত্রীন্ বিদ্ধি সংসর্গস্ত্রিধা তত্র তু তান্নব| ত্রীনেব সমযা বৃদ্ধ্যা ষডেকস্যাতিশাযনে| ত্রযোদশ সমস্তেষু ষড্দ্ব্যেকাতিশযেন তু| একং তুল্যাধিকৈঃ ষট্ চ তারতম্যবিকল্পনাত্| পঞ্চবিংশতিরিত্যেবং বৃদ্ধৈঃ ক্ষীণৈশ্চ তাবতঃ| একৈকবৃদ্ধিসমতাক্ষযৈঃ ষট্ তে পুনশ্চ ষট্| একক্ষযদ্বন্দ্ববৃদ্ধ্যা সবিপর্যযযাঽপি তে| ভেদা দ্বিষষ্টির্নির্দিষ্টাস্ত্রিষষ্টিঃ স্বাস্থ্যকারণম্||২৪||

ভবন্তি চাত্রেপি তন্ত্ররীতিঃ| অতঃ পরং দোষা বাতাদযো বৃদ্ধিক্ষযকৃতেন ভেদেন বক্ষ্যন্তে| তত্র বৃদ্ধেরেব প্রথমমুচ্যতে| পৃথগসংহতৈর্বৃদ্ধৈস্ত্রীন্ ভেদান্ বিদ্ধি জানীহি| তত্র বাযুর্বৃদ্ধঃ পিত্তং বৃদ্ধং কফো বৃদ্ধঃ| সংসর্গো দ্বিদোষসংযোলক্ষণস্ত্রিপ্রকারো বাতপিত্তং, বাতকফং, পিত্তকফমিতি| এতদ্ গণনাযাং ন প্রবিশতি ত্রযমনূদ্যমানত্বাত্| তত্র ত্রিপ্রকারেঽপি সংসর্গে তান্ ভেদান্ নব বিদ্ধীতি বিধীযতে| কথমিত্যাহ-ত্রীনেবেত্যাদি| সমযা পরস্পরাপেক্ষযা অন্যূনাধিকযা বৃদ্ধ্যা ত্রীন্ ভেদান্| তত্র বাতপিত্তে সমযা বৃদ্ধ্যা বৃদ্ধে| বাতকফৌ সমযা বৃদ্ধ্যা বৃদ্ধৌ| কফপিত্তে সমযা বৃদ্ধ্যা বৃদ্ধে| একস্যোভযোরন্যতরস্যাতিশযেন ষড্ ভেদান্ বিদ্ধি| তত্র বাযুরধিকযা বৃদ্ধ্যা বৃদ্ধঃ পিত্তম্| হীনযা| বাযুর্হীনযা বৃদ্ধঃ পিত্তমধিকযা| কফো হীনযা পিত্তমধিকতযা| পিত্তং হীনযা কফোঽধিকযা বাযুরধিকযা কফো হীনযা| বাযুর্হিনযা কফোঽধিকযা ইতি সংসর্গে নব| সমস্তেষু ত্রযোদশ ভেদান্ বিদ্ধীতি সম্বন্ধঃ| সমস্তেষু সন্নিপাতেষ্বিত্যর্থঃ| কথমিত্যাহ-ষড্দ্ব্যেকাতিশযেন| তত্র দ্বযোরেকস্য বা ত্রযাণাং মধ্যেঽন্যতমস্যাতিশযেন ষট্| তত্র দ্ব্যতিশযেন ত্রীনেকাতিশযেন ত্রীনিতি| অত্র বাতপিত্তেঽধিকযা বৃদ্ধ্যা বৃদ্ধে| কফো হীনযা| বাতকফাবধিকযা বৃদ্ধ্যা বৃদৌ| পিত্তং হীনযা| কফপিত্তেঽধিকযা বাযুর্হীনযা| ইতি দ্ব্যতিশযঃ| একাতিশযেন যথা বাযুরধিকযা কফপিত্তে হীনযা| পিত্তমধিকযা বাতকফৌ হীনযা| কফোঽধিকযা বাতপিত্তে হীনযা| ইতি ষট্| একং তুল্যাধিকৈঃ সমবৃদ্ধৈরিত্যর্থঃ| বাতপিত্তকফাঃ সমবৃদ্ধাঃ| তারতম্যবিকল্পনাত্ ষড্ ভেদাত্ বিদ্ধি| একোঽধিকোঽন্যোঽধিকতরোঽন্যোঽধিকতমঃ ইত্যর্থঃ| তত্র বাযুর্হীনযা পিত্তং মধ্যমা কফোঽধিকযা| পিত্তমূনযা, বাযুর্মধ্যযা, কফোঽধিকযা| কফো হীনযা, বাযুর্মধ্যযা, পিত্তমধিকযা| কফো হীনযা, পিত্তং মধ্যমা, বাতোঽধিকযা| বাযুর্হীনযা, কফো মধ্যযা, পিত্তমধিকযা| পিত্তং হীনযা, কফো মধ্যযা বাযুরধিকযা| ইতি সমস্তেষু ত্রযোদশ| ইত্যেবমনেন প্রকারেণ বৃদ্ধৈঃ পঞ্চবিংশতিঃ| তত্র পৃথক্ ত্রযঃ সংসর্গো নবধা| সমস্তেষু ত্রযোদশ চেতি| ক্ষীণৈশ্চৈতাবন্ত এব পঞ্চবিংশতিরেবেত্যর্থঃ| তত্র বৃদ্ধিস্থানোপক্ষেপেণ ক্ষযশব্দস্য গণনীযম্| ইতি সংসর্গসন্নিপাতভেদা উক্তাঃ| অনন্তরং পৃথগ্ভূতেন বিশেষেণ ভেদা উচ্যন্তে| তে চ ভেদা দোষেষ্বেকৈকস্য বৃদ্ধ্যা সমানযা ক্ষযেণ চ ষট্| একো বৃদ্ধোঽন্যঃ সমোঽন্যঃ ক্ষীণ ইত্যর্থঃ| তত্র বাযুর্বৃদ্ধঃ পিত্তং সমং কফঃ ক্ষীণঃ| বাযুর্বৃদ্ধঃ পিত্তং ক্ষীণং কফঃ সমঃ| বাযুঃ সমঃ পিত্তং বৃদ্ধং কফঃ ক্ষীণঃ| বাযুঃ সমঃ পিত্তং ক্ষীণং কফো বৃদ্ধঃ| বাযুঃ ক্ষীণঃ পিত্তং সমং কফো বৃদ্ধ ইতি ষট্| সবিপর্যযা একক্ষযদ্বন্দ্ববৃদ্ধ্যা পুনঃ ষডেব ভেদা ভবন্তীতি বাক্যশেষঃ| দ্বন্দ্বস্য বৃদ্ধির্দ্বন্দ্ববৃদ্ধিঃ| একস্য ক্ষযঃ একক্ষযঃ| তেন সহিতা দ্বন্দ্ববৃদ্ধিঃ সহ বিপর্যযেণ বর্তত ইতি সবিপর্যযযা| দ্বন্দ্বক্ষযৈকবৃদ্ধ্যা ইতি বিপর্যযার্থঃ| তত্রৈকক্ষযদ্বন্দ্ববৃদ্ধ্যা যথা বাযুঃ ক্ষীণঃ কফপিত্তে বৃদ্ধে| পিত্তং ক্ষীণং বাতকফৌ বৃদ্ধৌ| কফঃ ক্ষীণঃ বাতপিত্তে বৃদ্ধে| দ্বন্দ্বক্ষযৈকবৃদ্ধিরুচ্যতে| বাতপিত্তে ক্ষীণে কফো বৃদ্ধঃ| বাতকফৌ ক্ষীণং পিত্তং বৃদ্ধম্| কফপিত্তে ক্ষীণে বাযুর্বৃদ্ধ ইতি ষট্| ইতি দ্বিষষ্টিভেদা নির্দ্দিষ্টাঃ| তত্র বৃদ্ধ্যা পঞ্চবিংশতিঃ ক্ষযেণ পঞ্চবিংশতিঃ| একৈকবৃদ্ধিসমতাক্ষযৈঃ ষট্| পুনঃ ষট্| ত্রিষষ্টো ভেদঃ স্বাস্থ্যকারণম্| সমরূপ ইত্যর্থঃ||২৪||

Adhikarana yugapadvRuddhisAmyakShayAnugadoShavikAravarNanam (25) · Śloka 25

রোগ্যবস্থাসু যুগপদ্ ব্রুদ্ধিসাম্যক্ষযানুগম্| ষট্কং হি দুর্বোধতরং বিকারৈরুপদেক্ষ্যতে| প্রকৃতিস্থং যদা পিত্তং বৃদ্ধো বাযুঃ কফক্ষযে| স্থানাদাদায গাত্রেষু যত্র যত্র বিসর্পতি| তদা ভেদশ্চ দাহশ্চ তত্র তত্রানবস্থিতৌ| গাত্রোদ্দেশে তথা স্যাতাং বলহানিপরিশ্রমৌ| প্রকৃতিস্থং কফং ক্ষীণে পিত্তে বাযুর্যদা বলী| কর্ষেত্কুর্যাত্তদা শূলং সশৈত্যস্তম্ভগৌরবম্| প্রকৃতিস্থং যদা বাতং পিত্তং বৃদ্ধং কপক্ষযে| সংরুণদ্ধি তদা দাহঃ শূলং চাস্যোপজাযতে| প্রকৃতিস্থং কফং বৃদ্ধং পিত্তং বাযুক্ষযে যদা| সন্নিরুন্ধ্যাত্তদা কুর্যাত্স তন্দ্রাগৌরবং জ্বরম্| প্রকৃতিস্থং যদা বাযুং বৃদ্ধঃ পিত্তক্ষযে কফঃ| সন্নিরুন্ধ্যাত্তদা কুর্যাচ্ছীতকং গৌরবং জ্বরম্| প্রকৃতিস্থং যদা পিত্তং বৃদ্ধঃ শ্লেষ্মানিলক্ষযে| সন্নিরুন্ধ্যাত্তদা কুর্যান্মন্দাগ্নিত্বং শিরোগ্রহম্| নিদ্রাতন্দ্রোপলেপাংশ্চ হৃদ্রোগং গাত্রগৌরবম্| ষ্ঠীবনং পিত্তকফযোর্নখাদীনাং চ পীততাম্||২৫||

এষু চ মধ্যে বৃদ্ধিসাম্যক্ষযানুগং যত্ ষট্কং তদ্বিকারৈরুপদেক্ষ্যতে| যতো রোগ্যবস্থাসু যুগপদ্ বৃদ্ধিসাম্যক্ষযানুরূপেণ যত্ ষট্কং তদ্ দুর্বোধতরম্| তচ্চোচ্যতে-প্রকৃতিস্থমিত্যাদিনা| বৃদ্ধো বাযুঃ কফো ক্ষীণে সতি পিত্তং প্রকৃতিস্থমাদায যত্র যত্র গাত্রেষু নানাবিধেষ্ববযবেষু বিসর্পতি প্রসরতি| তত্র গাত্রোদ্দেশে যত্র পিত্তমাদায বাযুর্গতস্তস্মিন্ননবস্থিতৌ ভেদদাহৌ স্যাতাম্| অনবস্থিতাবনিযতৌ বলহানিপরিশ্রমৌ চ স্যাতামিতি সম্বন্ধঃ| বাযুর্বলী পিত্তে ক্ষীণে সতি প্রাকৃতং কফং যদা স্বস্থানাদাকর্ষেত্, তদা তত্র সশৈত্যস্তম্ভগৌরবং শূলং কুর্যাত্| পিত্তং বৃদ্ধং কফে ক্ষীণে বাতং প্রকৃতিস্থং যদা সংরুণদ্ধি প্রতিবধ্নাতি তদা তস্য পুরুষস্য তত্র তত্র বৃদ্ধদোষস্থানে দাহঃ শূলং চ জাযতে| পিত্তং বৃদ্ধং বাযুক্ষযে সতি প্রকৃতিস্থমেব কফং যদা সন্নিরুন্ধ্যাত্তদা সতন্দ্রাগৌরবং জ্বরং কুর্যাত্| তন্দ্রা আলস্যাতিশযঃ| কফো বৃদ্ধঃ পিত্তে ক্ষীণে প্রকৃতিস্থমেব বাযুং যদা সন্নিরুন্ধ্যাত্তদা শীতকং শীতপূর্বকং জ্বরং কুর্যাত্| অঙ্গানাং গৌরবং রুজং চ| কফো বৃদ্ধো বাযৌ ক্ষীণে প্রকৃতিস্থমেব যদা পিত্তং সন্নিরুন্ধ্যাত্ তদা মন্দাগ্নিত্বাদীন্ পুরুষস্য কুর্যাত্ উপলেপ ইবোপলেপো গাত্রাণাম্| ইতি ষট্কে বৃদ্ধিসাম্যক্ষযানুগে বিকারাঃ কীর্তিতাঃ||২৫||

Adhikarana anuktalakShaNasamAveSaH (26) · Śloka 26

যে দোষবৃদ্ধিক্ষযযোর্বিকারাঃ কীর্তিতাঃ পৃথক্| শেষেষ্বপি তু তানেব কল্পযেত্তদ্যথাযথম্||২৬||

ননু চ শেষেষু ভেদেষু কো বিকারসমূহ ইত্যাহ- যে দোষেত্যাদি| পুড়্র্বেঽধ্যাযে দোষাণাং বাতাদীনাং বৃদ্ধানাং ক্ষীণানাং চ কার্শ্যকার্ষ্ণ্য কম্পস্ফুরণেত্যাদিনা গ্রন্থেন বিকারাঃ কীর্তিতাঃ তানেব বিকারান্ বৃদ্ধক্ষীণদোষানুগমনেন শেষদোষভেদেষ্বপি কল্পযেত্| যথাযথং বৃদ্ধক্ষীণদোষানুগমনেন শেষদোষভেদেষ্বপি কল্পযেত্| যথাযথং বৃদ্ধিক্ষযতারতম্যানুগুণ্যেন বিকারাণামপি তারতম্যং লক্ষযেদিত্যর্থঃ||২৬||

Adhikarana doShANAM saMsargAdiBirAnatyam (27-20) · Śloka 20

সংসর্গাদ্রসরুধিরাদিভিস্তথৈষাং দোষাণাং ক্ষযসমাবিবৃদ্ধভেদৈঃ| আনন্ত্যং তরতমযোগতশ্চ যাতান্ জানীযাদবহিতমানসো যথাস্বম্||২৭|| ইতি শ্রীবৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং সূত্রস্থানে দোষভেদীযো নাম বিংশোঽধ্যাযঃ||২০||

এতাংশ্চ বাতাদীন্ দোষানানন্ত্যং যাতানসঙ্খ্যত্বং প্রাপ্তান বহিতমানসো নিযতচিত্তো যথাস্বে রূপৈর্জানীযাদুপলক্ষযেদিত্যর্থঃ| কথমানন্ত্যমিত্যাহ-রসরুধিরাদিভিঃ সংসর্গাত্সংযোগাত্| তথা তেষাং রসাদীনাং ক্ষযাদিভেদৈস্তথা তারতম্যযোগৈশ্চ| তেনৈতদুক্তং ভবতি-বৃদ্ধিক্ষযতারতম্যস্যাবস্থারূপত্বাদবস্থানাঞ্চ বহুসংযোগাদিকৃতত্বাদানন্ত্যম্| রসরক্তাদিসংযোগেন একদ্বিত্র্যাদিতার তম্যাচ্চানন্ত্যমিতি||২৭|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযং সূত্রস্থান বিংশোঽধ্যাযঃ